மேஷம் சனிப்பெயர்ச்சி பலன்கள் ( 29.03.2025 முதல் 03.06.2027 )
குறிப்பு : சனிதிசை, சனிபுத்தி, சனிஅந்தரம் மற்றும் சனிசூட்டசமம் நடைபெறும் மேஷராசி அன்பர்களுக்கு மட்டும் இது பொருந்தும்.
மேஷ ராசிக்கு 29.03.2025 அன்று இரவு 07:25க்கு ( கிட்டத்தட்ட "ஏழரை" மணிக்கு ) கும்ப ராசியில் இருந்து மீனராசிக்கு பெயர்ச்சி அடையும் "சனிபகவான்" 03.06.2027 அன்று நள்ளிரவு 01:54 வரை, கால புருஷ தத்துவ அமைப்பிற்க்கு பத்து மற்றும் பதினொன்றுக்கு அதிபதி என்ற நிலையில் மேஷராசியினரை ஏழரை சனியாக தரும் பலன்கள் என்ன என்பதை இன்றைய பதிவில் சிந்தனைக்கு எடுத்துக்கொள்வோம் அன்பர்களே !
மேஷராசிக்கு தொழில் மற்றும் லாப ஸ்தான அதிபதி என்ற நிலையில் தங்களுக்கு விரைய ஸ்தானத்தில் ( மீனம்12ம் இடம் ) ஏழரை சனியாக சஞ்சாரம் செய்யும் சனிபகவான் தங்களுடைய ராசிக்கு 12ல் சஞ்சரிப்பது தங்களின் மனநிம்மதியை கேள்விக்குறியாக்குவார், அமைதியின்மை, சஞ்சலம் கலந்த மனம், குழப்பமான சூழ்நிலை, வாழும் முறை அறியாமல் தடுமாறும் சூழ்நிலையை தரும், குறிப்பாக உறக்கம் என்பது தங்களுக்கு மிகுந்த சிரமத்தை தரும், அனைவராலும் அதீத தொல்லைகளை எதிர்கொள்ளும் சூழ்நிலையை தரும், குறிப்பாக தங்களது வாழ்க்கை துணை வழியில் இருந்துவரும் வீண் விரைய செலவினங்களை தவிர்க்க இயலாது, மருத்துவ காப்பீடு ஆயுள் காப்பீடு எடுத்து வைத்துக்கொள்வது சகல நிலைகளில் இருந்தும் நன்மைகளை தரும்.
புதிய முதலீடுகளை மேற்கொள்ளும் பொழுது சுய ஜாதகம் வலிமை பெற்று இருந்தால் மட்டுமே செய்யலாம், இல்லையெனி வேடிக்கை மட்டும் பார்த்துக்கொண்டு நகர்ந்து செல்வது சாலச்சிறந்தது, கையிருப்பு குறையும் காலம் என்பதால் அசையும் அல்லது அசையா சொத்துக்களில் முதலீடு செய்யலாம் கடன் வாங்காமல், திசா புத்தி சாதகமாக இருக்கும் மேஷராசியினருக்கு திருமணம் வீடு வண்டி வாகனம் சொத்து சுக சேர்க்கை, வெளிநாடு பயணம், வெளிநாடுகளில் இருந்து வரும் வருமானம், வெளிநாடு வேலைவாய்ப்பில் மிகப்பெரிய முன்னேற்றம், ஏற்றுமதி இறக்குமதி வியாபாரத்தில் தன்னிறைவான முன்னேற்றம், எதிர்பாலின சேர்க்கை வழியில் இருந்து வருமானம் மற்றும் தொழில் முன்னேற்றம் வந்த போதிலும் அவர்கள் வழியில் இருந்து மனநிம்மதி குறைவு ஏற்படும், பயணங்களில் பாதுகாப்பு என்பது மிக மிக அவசியம்.
வாழ்க்கை துணை, நண்பர்கள், கூட்டாளிகள், சமுதாயத்தில் உள்ள பெரிய மனிதர்கள், பொதுமக்கள் அனைவரிடமும் வார்த்தை பிரயோகம் மிக கவனமாக கையாள வேண்டும், குறிப்பாக அரசு அதிகாரிகள், அரசியல்வாதிகள், சட்டதுறை காவல்துறை சார்ந்த அமைப்புகளில் நேர்த்தியான நடவடிக்கைகளை மேற்கொள்ளும் பொழுது அதன் வழியில் இருந்தும் ஆதாயம் அடைய வாய்ப்பு உள்ளது, அரசுஒப்பந்த தொழில், உற்பத்தி தொழில், சேவை தொழில் புரிவோருக்கு லாபமும் அதிர்ஷ்டமும் உண்டு, ஆன்மீக வாழ்க்கையில் மிகப்பெரிய வெற்றியும், ஆன்மீக பெரியோர் வழியிலான சுபயோகங்களும் மேஷராசியினருக்கு 12ம் இடத்தில் சஞ்சாரம் செய்யும் சனிபகவான் தன்னிறைவாக வழங்குவார்.
தனது 6ம் பார்வையால் மேஷராசி அன்பர்களுக்கு பூர்வ புண்ணிய ஸ்தானமான 5ம் பாவகத்தை வசீகரிக்கும் ( சிம்ம ராசியை ) சனிபகவான் பூர்வீக சொத்துக்கள் வழியில் இருந்து சில இன்னல்களை தரக்கூடும், சட்ட சிக்கல், போட்டி பகை போன்றவற்றால் எதிர்பாராத எதிர்ப்புகளை சந்திக்கும் சூழ்நிலையையும், உடல் ஆரோக்கியம் சம்பந்தப்பட்ட பிரச்சனைகளையும், உள்ளுறுப்புகள் சம்பந்தப்பட்ட சிறு சிறு பாதிப்புகளையும் எதிர்கொள்ளும் சூழ்நிலையை தர கூடும், பெற்ற பிள்ளைகள் வழியிலான துன்பங்களும், வீண் விரைய செலவினங்களை தவிர்க்க இயலாது, தங்களுடைய நுண்ணறிவு திறன் தங்களுக்கு சாதகமற்ற நிலையையே ஏற்படுத்தும், பொருளாதர சிக்கல்கள், கடன் சம்பந்தப்பட்ட பிரச்சனைகள், தொழில் முடக்கம், சுபகாரியங்களில் வரும் தடை தாமதம் என அதிக அளவில் இன்னல்களை ஏற்படுத்த கூடும், திடீர் பணவரவு தங்களுக்கு குறுகிய கால சந்தோஷத்தை வழங்கும், பூர்வீகத்தை விட்டு வெளியில் சென்று வாழும் சூழ்நிலை ஏற்படும் என்பது கவனிக்க தக்கது, பூர்வீக சொத்துக்கள் வீண் விரையம் ஆகாமல் காப்பாற்றிக்கொள்வது தங்களது எதிர்காலத்துக்கு சிறப்பை தரும்.
தனது 7ம் பார்வையால் மேஷராசி அன்பர்களுக்கு சத்ரு ஸ்தானமான 6ம் பாவகத்தை வசீகரிக்கும் ( கன்னி ராசியை ) சனிபகவான் கடின உழைப்பின் மூலம் வாழ்க்கையில் வெற்றியும், தனது தனி திறமை மூலம் சாதனைகளையும் நிகழ்த்தும் யோகத்தை தரும், வாழ்க்கை துணை, நண்பர்கள் மற்றும் பொதுமக்கள் வழியில் இருந்து எதிர்பாராத முன்னேற்றத்தையும், பொருளாதார உதவிகளையும், அரசியல் ரீதியான பதவி உயர்வுகளையும் மிக சிறப்பாக வெற்றிகொள்ளும் காலமாக இது அமையும், வெளிநாடு பயணங்கள் வழியில் தான்சேர்க்கையும், வெளிநாடுகளில் ஏற்றுமதி இறக்குமதி தொழில் வாய்ப்புகளையும், புதிய ஒப்பந்தங்கள் வழியில் தொழில் வளர்ச்சியினையும் தன்னிறைவாக பெரும் யோகம் உண்டு, கூட்டு முயற்சிகள் வெற்றி தரும், சங்கங்கள் மூலம் லாபமும், கூட்டு தொழில் வழியில் எதிர்பாராத சுபயோகங்களையும் சிறப்பாக பெறுவீர்கள், திருமணம் ஆகாத மேஷ ராசி அன்பர்களுக்கு திருமணயோகம் கைகூடி வரும், காதல் கைகூடும் இருப்பினும் இல்லற வாழ்க்கையில் அதீத சிக்கல்களை ஏற்படுத்தும், பிரிந்து இருந்த கணவன் மனைவி ஒன்று சேரும் யோகம் உண்டு என்ற போதிலும் உடல் ஆரோக்கியம் பாதிக்கும், குழப்பங்கள் சரியான முடிவுகளை மேற்கொள்ள இயலாத சூழ்நிலை தரும்.
தனது 10ம் பார்வையால் மேஷராசி அன்பர்களுக்கு பாக்கிய ஸ்தானமான 9ம் பாவகத்தை வசீகரிக்கும் ( தனுசு ராசியை ) சனிபகவான் பித்ருக்கள் மூலம் வரும் இன்னல்களை அதிகரிக்கும், சுய அறிவுத்திறன் பலன் தாராமல் தடை தாமதங்களை தரும், உயர்கல்வி சார்ந்த விஷயங்கள், பட்டைய படிப்பில் தடை, எதிர்பார்த்த கல்வியை கற்றுக்கொள்ள இயலாமல் சிரமப்படும் தன்மை உண்டாகும், தொலைதூர பயணங்கள் வழியிலான நன்மைகள் தடைபடும், முரட்டுத்தனமாக செய்யும் காரியங்கள் மிகப்பெரிய பின்விளைவுகளை தரும், குறிப்பாக பெண்கள் விஷயத்தில் அசட்டையாக இருப்பின் வீண் அவப்பெயர் உண்டாகும், சமுதாயத்தில் மதிப்பு மரியாதை கவுரவம் போன்றவை வெகுவாக பாதிக்கும் , குழப்பமான சூழ்நிலை காரணமாக குடும்பத்தில் சண்டை சச்சரவும், பொருளாதர சிக்கல்களும் எதிர்கொள்ளும் சூழ்நிலையை தரும், எதிர்ப்புகள் அதிக அளவில் வருவதால் சமாளிக்க இயலாத சூழ்நிலையை தரும், பொதுவெளியில் நாகரிகமாக நடந்துகொள்ள வேண்டும், தனது கையிருப்பில் கவனம் தேவை, சுய தொழில் புரிவோர் கவனமாக இல்லையெனில் வாழ்க்கையில் பின்னடைவை சந்திக்க வேண்டி வரும்.
ஜோதிடன் வர்ஷன்
9443355696
கருத்துகள் இல்லை:
கருத்துரையிடுக