ரிஷபம் சனிப்பெயர்ச்சி பலன்கள் ( 29.03.2025 முதல் 03.06.2027 )
குறிப்பு : சனிதிசை, சனிபுத்தி, சனிஅந்தரம் மற்றும் சனிசூட்டசமம் நடைபெறும் ரிஷபராசி அன்பர்களுக்கு மட்டும் இது பொருந்தும்.ரிஷப ராசிக்கு 29.03.2025 அன்று இரவு 07:25க்கு கும்ப ராசியில் இருந்து மீனராசிக்கு பெயர்ச்சி அடையும் "சனிபகவான்" 03.06.2027 அன்று நள்ளிரவு 01:54 வரை, கால புருஷ தத்துவ அமைப்பிற்க்கு பத்து மற்றும் பதினொன்றுக்கு அதிபதி என்ற நிலையில் ரிஷபராசியினருக்கு அதிர்ஷ்ட சனியாக தரும் பலன்கள் என்ன என்பதை இன்றைய பதிவில் சிந்தனைக்கு எடுத்துக்கொள்வோம் அன்பர்களே !
தனது வர்க்க கிரகமான சனி பகவான் ரிஷப ராசிக்கு 11ல் சஞ்சரிக்கு காலம் ஒரு அதிர்ஷ்டம் நிறைந்த யோக காலமாக அமையும் என்றால் அது மிகையாகாது, பொதுவாக நவகிரகங்கள் வீரிய ஸ்தானம் எனும் 3ம் வீட்டில் கோட்சார ரீதியாக சஞ்சரிக்கும் காலமும், லாப ஸ்தானமான 11ம் வீட்டில் கோட்சார ரீதியாக சஞ்சரிக்கும் காலமும் சம்பந்தப்பட்ட ராசியினருக்கு முழு அளவில் நன்மைகளை மட்டுமே தருவார்கள் என்பது மறுக்க இயலாத உண்மை, அந்த வகையில் ரிஷப ராசிக்கு 11ல் சஞ்சரிக்கும் யோகாதிபதி சனி பகவான் தங்கள் வாழ்க்கையில் அதிர்ஷ்டகரமான யோக வாழ்க்கையை தன்னிறைவாக வாரி வழங்குவார் என்பதில் சிறிதும் மாற்றம் இல்லை, தங்களது மூத்த சகோதர சகோதரிகள் வழியிலான பிணக்குகள் நீங்கி சந்தோஷமும் மகிழ்ச்சியும் உண்டாகும், நினைத்ததை சாதிக்கும் யோகம் உண்டு, நீடித்த அதிர்ஷ்டத்தை பன்மடங்கு வாரி வழங்கும், முயற்சிகள் யாவும் வெற்றிமேல் வெற்றிதரும், தொழில் வளர்ச்சி, வேலைவாய்ப்பில் யோகம், புதிய சந்தர்ப்பங்கள், வெளிநாடுகளில் வேலை அல்லது தொழில் புரியும் யோகம், திருப்தியான மனநிலை, முதலீடுகள் வழியிலான சுபயோகங்கள் வருமான வாய்ப்புகள் அதிகரிக்கும், வாழ்க்கை துணை நண்பர்கள், கூட்டாளிகள், பெரியமனிதர்கள் மற்றும் பொதுமக்கள் வழியில் இருந்து மிகபெரிய நன்மைகளும் லாபமும் வந்து சேரும்.
அரசியலில் வெற்றி உயர்பதவி நிச்சயம் உண்டு என்பதால் சற்று விழிப்புணர்வுடன் செயல்பட்டு நன்மை அடையுங்கள், புதிய தொழில் செய்ய விருப்பம் உள்ளவர்கள் உடனடியாக முயற்சியில் இறங்குவது அவசியம், மற்றவர்களிடம் அடிமையாக வேலை செய்வதை விட்டு விட்டு சுயமாக சுய மரியாதையுடன் வாழ்க்கையில் முன்னேற்றம் காண இதுவே சரியான நேரம், மனதில் உள்ள தயக்கம் மற்றும் பயம் நீங்கி துணிச்சலாக சில முடிவுகளை மேற்கொள்ளும் நேரமிது அன்பர்களே, உங்களின் வாழ்க்கையை சீரமைத்து கொள்ள சனிபகவான் தொடர்ந்து உங்களுக்கு நல்ல நல்ல வாய்ப்புகளை வாரி வழங்கிக்கொண்டே இருப்பார் என்பது கவனிக்க தக்கது, நீங்கள் மேற்க்கொள்ளும் சிறு முயற்சியும் அபரிவிதமான சுபயோகத்தை தரும்.
தனது 6ம் பார்வையால் ரிஷபராசி அன்பர்களுக்கு சுகஸ்தானமான 4ம் பாவகத்தை வசீகரிக்கும் ( சிம்ம ராசியை ) சனிபகவான் தங்களுக்கு நல்ல குணநலன்களை மேம்படுத்துவார், தாயாருக்கு சிறு உடல் உபாதைகளை தந்த போதிலும், இடம் பொருள், வண்டி வாகனம், சொத்து சுக சேர்க்கை போன்ற சுபயோகங்களை அதிக அளவில் வாரி வழங்குவார், கல்வியில் வெற்றி கலைகளில் தேர்ச்சி, சிறந்த நிர்வாகதிறமை மூலம் உயர்பதவிகளை அடைவது, முற்போக்கு எண்ணங்கள், முயற்சிக்கான வெற்றிகள், தொழில் அபிவிருத்தி ஏற்றுமதி இறக்குமதி வியாபாரம் மூலம் லாபம், நவீன தொழில் கருவிகளை வாங்கும் யோகம், செய்யும் தொழில் வழியிலான முன்னேற்றம், பயணங்கள் மூலம் அதிர்ஷ்டம், புதிய சொகுசு வாகனங்கள் வாங்கும் அமைப்பு, தெளிவான சிந்தனை சிறப்பாக முடிவெடுக்கும் தன்மை, நிலையான செயல்பாடுகளை முன்னெடுப்பதால் வரும் சுபயோகங்கள், அரசு பதவி அல்லது அரசு வேலைவாய்ப்பை வெற்றிகொள்ளுதல், புதிய வீடு வாங்கும் யோகம் அல்லது கட்டுவதற்கான சந்தர்ப்பம், நீண்டகால லட்சியங்களை மிக சிறப்பாக வெற்றிகொள்ளுதல், ஆன்மீக பயணங்கள் அல்லது சுற்றுலா செல்லுதல், வீட்டிற்கு தேவையான அனைத்து ஆடம்பர பொருட்களையும் சுவீகரிக்கும் தன்மை, கலைத்துறையில் மிகப்பெரிய வெற்றி வாய்ப்புகள், தகுதி திறைமைக்கான அங்கீகாரம், இதுவரை இருந்து வந்த பொருளாதார சிக்கல்களை சமாளித்து கடன் இல்லாத வாழ்வை பெறுவது என ஓர் அற்புதமான நன்மைகளை சனி பகவான் தங்களுக்கு இந்த நேரத்தில் சிறப்பாக வாரி வழங்குகிறார்.
தனது 7ம் பார்வையால் ரிஷபராசி அன்பர்களுக்கு பூர்வபுண்ணிய ஸ்தானமான 5ம் பாவகத்தை வசீகரிக்கும் ( கன்னி ராசியை ) சனிபகவான் தனது வர்க்க வீடு என்பதால் இதுவரை புத்திர பாக்கியம் இல்லாமல் தவித்த தம்பதியருக்கு யோக நிறைந்த நல்ல வாரிசை வழங்குவார், மற்றவர்கள் ஏச்சுக்கும் பேச்சுக்கும் ஆளாகிய இளம் தம்பதியருக்கு ஒரு சிறப்பான கவுரவமும் அந்தஸ்த்தும் குடும்பத்திலும் சமுதாயத்திலும் வந்து சேரும், நீங்கள் நினைத்த காரியங்கள் யாவும் வெற்றிமேல் வெற்றிதரும் நேரமிது, கலைத்துறையில் சாதனை புரியும் யோகம் உண்டு, இதுவரை சரியான வாய்ப்பு இல்லாமல் போராடிக்கொண்டு இருந்த ரிஷப ராசியினருக்கு இனிவரும் காலம் அற்புதம் நிறைந்ததாக அமையும், மாணவர்கள் கல்வியில் அபரிவிதமான வெற்றிகளை பெறுவார்கள், விரும்பிய கல்வியை தேர்வு செய்து கற்றுக்கொள்ளும் யோகம் உண்டு, மனதில் பயம் நீங்கும், இளம்வயதில் உள்ள ரிஷப ராசியினருக்கு காதல் கைகூடும், இதுவரை தடைபட்ட திருமணம் கைகூடும், எதிர்ப்புகள் நீங்கி தங்களை ஓர் சாதனையாளராக பரிணமிக்க வைக்கும் வல்லமையை சனிபகவான் தருவது கவனிக்கத்தக்கது, எதிரிகளுக்கு சிம்மசொப்பனமாகவும், வெற்றியை மட்டுமே சுவீகரிக்கும் யோகத்தையும் பின்வரும் காலங்களில் ரிஷப ராசியினர் நிச்சயம் உணர்வார்கள்.
தனது 10ம் பார்வையால் ரிஷபராசி அன்பர்களுக்கு ஆயுள் ஸ்தானமான 8ம் பாவகத்தை வசீகரிக்கும் ( தனுசு ராசியை ) சனிபகவான் ஆயுள் காப்பீடு அல்லது மருத்துவ காப்பீடு துறையில் பணியாற்றி கொண்டு இருக்கும் அன்பர்கள் வாழ்க்கையில் அளவில்லா திடீர் அதிர்ஷ்டத்தை தன்னிறைவாக வாரி வழங்குவார், காப்பீடு என்பதின் அவசியத்தையும் உணர வைப்பார், திடீரென வரும் செலவினங்களை தவிர்ப்பதற்க்கு ரிஷப ராசியினர் முன்னெச்சரிக்கை நடவடிக்கைகளை மேற்கொள்வது நலம் தரும், செய்யும் தொழில் வழியில் திடீர் இழப்புகளை தவிர்க்க சிறந்த நிர்வாக திறனையும், பராமரிக்கும் தன்மையையும் அதிக அளவில் முன்னெடுப்பது அவசியம், தொழில்முறை கூட்டாளிகள் அல்லது நண்பர்களுடன் இணக்கமான சூழலை கடைபிடிப்பது அவசியம், தொலைதூர பயணங்களை மேற்கொள்ளும்பொழுது பாதுகாப்பு என்பது அவசியம், வெளிநாடு அல்லது வெளியூர் செல்லும்பொழுது அனைத்து விதமான ஆவணங்களையும் பாதுகாப்பாக வைத்து இருப்பது நன்மை தரும், ஆன்மீக பெரியோர்களின் ஆசீர்வாதம் அல்லது குடும்பத்தில் உள்ள பெரியோர்களின் ஆசீர்வாதம் தங்களுக்கு மேம்பட்ட நன்மைகளையும், பாதுகாப்பையும் நல்கும், தொடர்ச்சியாக இறைவழிபாடு அல்லது தியானம் மூலம் மிகப்பெரிய யோக வாழ்க்கையை பெற இயலும் என்பதினால் தாங்கள் இனிவரும் காலங்களில் இது சார்ந்த முயற்சிகளை முன்னெடுப்பது அவசியம்.
ஜோதிடன் வர்ஷன்
9443355696
கருத்துகள் இல்லை:
கருத்துரையிடுக