வியாழன், 27 டிசம்பர், 2012

சாய கிரகமான ராகு கேதுவுடன் மற்ற கிரகங்கள் சேர்க்கை பெற்று ஒரு பாவகத்தில் அமரும் பொழுது தரும் பலன்கள் !



கேள்வி :

 ஒருவருடைய சுய ஜாதகத்தில் சாயா கிரகமான ராகு கேதுவுடன் , சுப கிரகங்களோ , அசுப கிரகங்களோ சேர்க்கை பெற்று அமரும் பொழுது தரும் பலன்கள் என்ன ? ராகு கேதுவுடன் சேரும் கிரகங்கள் ஜாதகருக்கு அவ்வளவு நன்மையை செய்யவதில்லை என்றும் , குறிப்பாக சூரியன் , செவ்வாய் , சனி போன்ற அசுப கிரகங்கள் சேரும் பொழுது ஜாதகருக்கு அதிக தீமையே செய்கின்றது என்பது பொது கருத்தாக இருக்கிறது , உண்மை என்ன ? சற்றே தெளிவாக விளக்கவும்.  நன்றி !

பதில் :

கிரக சேர்க்கை வைத்தே ஒரு ஜாதகத்தில் ஒருவருக்கு யோக அவ யோக நிலையை பற்றி நிர்ணயம் செய்கின்றனர் , குறிப்பாக சுப கிரகங்கள் சேர்க்கை பெரும் பொழுது யோக பலன்களையும் , அசுப கிரகங்களின் சேர்க்கை ஜாதகருக்கு அவ யோக பலன்களை தரும் என்று பலன் நிர்ணயம் செய்கின்றனர் பெரும்பாலான ஜோதிடர்கள் , இதில் சுய ஜாதகத்தில் கிரக சேர்க்கை நிர்ணயம் செய்யும் பொழுது பல விதி விளக்குகள் உள்ளன , இதனால் ஒருவருடைய சுய ஜாதகத்தில் கிரக சேர்க்கை பெறாதா நிலையை கூட யோக நிலை என்றும் , கிரக சேர்க்கை பெற்ற நிலையை கிரக சேர்க்கை இல்லை என்றும் கணிதம் செய்து பலன் சொல்கின்றனர் .


எடுத்துகாட்டாக :

மேற்கண்ட இந்த சிம்ம இலக்கின ஜாதகருக்கு பெரும்பாலான ஜோதிடர்களின் கணிப்பு , ராகு கிரகத்துடன் செவ்வாய் குரு சேர்க்கை பெற்று இருக்கிறது என்றும் , சனி பகவானுடன் எந்த கிரகமும் சேர்க்கை பெறவில்லை என்பதாகவே இருக்கிறது , உண்மையில் இந்த சிம்ம இலக்கின ஜாதகருக்கு ராகு கிரகத்துடன் எந்த ஒரு கிரகமும் ஒரே பாவகத்தில் சேர்க்கை பெறவில்லை, கரணம் இந்த ஜாதகருக்கு லக்கினம் என்பது, சிம்மத்தில் 131.33.44 பாகையில் ஆரம்பித்து, கன்னியில் 162.12.33 பாகையில் முடிவடைகிறது .

இதில் ராகு  ஜாதகத்தில் 126.25.02 பாகையில் அமர்ந்து இருக்கிறார் எனும் பொழுது  , ராகு சிம்மத்தில் அமர்ந்து இருந்தாலும் சிம்மத்தில் உள்ள 12 ம் பாவகத்தில் அமர்ந்து இருப்பதாகவே நாம் எடுத்துகொள்ள வேண்டும் , அதுவே சரியான  ஜோதிட கணிதம் , இதில் சனி பகவான் கன்னியில் அமர்ந்து இருந்தாலும் , அவர் லக்கின பாவகத்திர்க்கு உற்பட்ட 152.39.12 பாகையில் அமர்ந்து  விடுவதால் சனி பகவான் குரு செவ்வாய் பகவானுடன் சேர்க்கை பெற்றதாகவே  நாம் எடுத்துகொள்ள வேண்டும் , இதுவே கிரக சேர்க்கை பற்றிய  துல்லியமான ஜோதிட கணிதம்.

 இங்கே ராகு பகவான் சிம்மத்தில் குரு செவ்வாயுடன்  சேர்க்கை பெற்று இருப்பதுபோல் தெரிந்தாலும் , உண்மையில் அவற்றுடன்  சேர்க்கை பெறவில்லை , சனி கன்னியில் தனித்து நிற்பது போல் தோற்றம் தந்தாலும் , லக்கினத்திற்கு உட்ப்பட்ட பாகைக்குள் அமர்ந்து  இருப்பதால் உண்மையில் குரு பகவானுடனும் செவ்வாய் பகவனுடனும்  சேர்க்கை பெற்று அமர்ந்து இருக்கிறார் என்பதே உண்மை , மேற்கண்ட  எடுத்து காட்டில் இருந்து நாம் தெரிந்து கொள்வது , லக்கினம் மற்றும் 12 பாவகங்களும் எந்த பாகையில்  ஆரம்பிக்கிறது எந்த பாகையில்  முடிவடைகிறது என்று தெரியாத பொழுது , சுய ஜாதகத்தில் கிரக சேர்க்கையை  பற்றிய ஒரு தெளிவான முடிவுக்கு வர இயலாது , மேலும் அந்த கிரக  சேர்க்கை தரும் நன்மை தீமையை பற்றி தெரிந்து கொள்ள முடியவே முடியாது .

ஒரு ஜாதகத்தில் கிரக சேர்க்கை பற்றி முடிவு செய்வதிலேயே இவ்வளவு குளறுபடிகள் ஜோதிடர்களுக்கு இடையே காணப்படும் பொழுது , பாவம் ஜோதிட பலன் காண வந்தவரின் நிலை பரிதாபத்திற்கு உரியது , இதனால் தான் பல  ஜோதிடர்கள் ஆக ஓகோ இது ராஜ யோக ஜாதகம் என்று சொன்ன ஜாதகர்  கூட எவ்வித யோக பலன்களையும் அனுபவிக்க இயலாமல் , விட்டத்தை பார்த்து  கனவு கண்டு கொண்டு இருக்கின்றனர் , ஆக ஜாதகத்தில் துல்லியமாக  பாகை வாரியாக கணிதம் செய்து பலன் காணும் பொழுதே சரியான  பலனை ஜாதகருக்கு சொல்ல இயலும் , அதுவே ஜாதகருக்கு நல்ல வாழ்க்கையை  அமைத்து தரும் .

சரி தாங்கள் கேட்ட கேள்விக்கு உண்டான பதிலுக்கு வருவோம் , சாயா கிரகத்துடன் சேரும்  கிரகங்கள் ஜாதகருக்கு எவ்வித பலனை தரும் ? 

ராகு அல்லது  கேதுவுடன் சேர்ந்து ஒரு பாவகத்தில் அமரும் கிரகங்கள் , அமர்ந்த  அந்த பாவகத்திர்க்கு எவ்வித நன்மை தீமையும் செய்ய இயலாது , அங்கு  அமர்ந்த ராகுவோ கேதுவோ முழு பலனையும் தானே ஏற்று நடத்தும் , மேற்கண்ட  சிம்ம இலக்கின ஜாதகத்தில் கேதுவுடன் சூரியன் , புதன் இரண்டு கிரகமும் சேர்க்கை பெற்று 6 ம் பாவகத்தில் அமர்ந்து இருக்கிறது , இங்கு கேதுவுடன்  சேர்ந்த சூரியன் , புதனுக்கு எவ்வித பலனும் 6 ம் பாவகத்திர்க்கு தர வாய்ப்பு  சிறிதும் இல்லை , கேது என்ற கிரகமே ஆறாம் பாவகத்திர்க்கு உண்டான  முழு பலனையும் செய்யும் அதுவும் 100 சதவிகிதம் நன்மையாக , ஆனால்  சூரியன் லக்கினத்திற்கும் , புதன் இரண்டு மற்றும் பதினொன்றாம் பாவகத்திர்க்கு  உண்டான நன்மை தீமை பலனை செய்வார்கள் .

பொதுவாக சாய கிரகமான ராகு கேதுவுடன்  எந்த கிரகமும் சேர்க்கை பெற்று ஒரே  பாவகத்தில் அமர்ந்தாலும் , அந்த பாவகதிர்க்கு எவ்வித நன்மை தீமையும்  செய்ய இயலாது , ஏனெனில் அந்த பாவகதிர்க்கு உண்டான நன்மை தீமை பலன்களை  ராகு கேதுவே 100 சதவிகிதம் நிர்ணயம் செய்யும் என்பதால், ராகு கேதுவுடன்  சேர்க்கை பெற்ற கிரகத்தை பற்றி நாம் எந்த கவலையும் கொள்ள தேவையில்லை, ராகு கேது ஜாதகருக்கும் அந்த பாவகதிர்க்கும் நன்மை  செய்கிறதா ? தீமை செய்கிறதா ? என்பதை மட்டும் பார்த்தால் போதும்,   அதுவே  ஜாதகருக்கு சரியான பலன் சொல்ல உதவும்.

 இல்லை எனில் குத்து மதிப்பாக 12 ராசிக்கும் நன்மைகள் மிக பெரிய அளவிலே, அதிக அளவிலே நன்மைகள் நடைபெறும் ஒரு நல்ல நாளாக விளங்குகிறது, என்று கதை விட்டுக்கொண்டு , காலத்தை கடத்த  வேண்டியதுதான். 

வாழ்க வளமுடன் 
ஜோதிடன் வர்ஷன்
9443306969


வெள்ளி, 21 டிசம்பர், 2012

சகல யோகமும், வாழ்க்கையில் மிக பெரிய வெற்றியை பெரும் ஜாதக நிலை !



ஜாதக பொது பலன்கள் 

லக்கினம் : கன்னி 
ராசி : ரிஷபம் 
நட்சத்திரம் : கிருத்திகை 4 ம் பாதம் 

ஜாதக அமைப்பில் நல்ல நிலையில் உள்ள பாவகங்கள் :

1,2,3,5,6,7,8,9,11,12 வீடுகள் லாபஸ்தானம் மற்றும் அதிர்ஷ்ட ஸ்தானம் எனும் பதினொன்றாம் பாவகத்துடன் சம்பந்தம் பெறுவது, தங்களது ஜாதகத்தில் மிகுந்த வலிமையை பெற்று காணப்படுகிறது , குறிப்பாக லாப ஸ்தானம் கடகமாக இருப்பது மிகுந்த அளவில்லா அதிர்ஷ்டத்தை தரும் .

1 ம் பாவக அமைப்பில் இருந்து அதிக லாபம் , செல்வா செழிப்பு , பரஸ்பர உதவி , நோய் குணமடயும் தன்மை , வருமுன் உணர்ந்து செயல்படும் தன்மை , நினைத்த எண்ணங்கள் பலிதமாகும் யோகம் , திருமணம் மூலம் யோக வாழ்க்கை , அதிக குழந்தைகள் , நல்ல வளரும் சூழ்நிலை , சிறந்த அறிவாற்றல் , வெற்றி மேல் வெற்றி பெரும் யோகம் , தன்னம்பிக்கை , சுய கட்டுபாடு , பொதுமக்கள் ஆதரவு என்ற அமைப்பில் லாப ஸ்தான பலனை தரும் .

ம் பாவக அமைப்பில் இருந்து அதிர்ஷ்டம் , நண்பர்கள் உதவி மூலம் வாழ்க்கையில் மேன்மை பெரும் யோகம் , செல்வ நிலையில் செழிப்பு , இனிமையான வாக்கு , அதிக வருமானம் பெரும்  யோகம் , ஜாதகரின் பேச்சுக்கு மக்களிடம் மதிப்பு மரியாதை ஏற்ப்படும் தன்மை , செல்லும் இடங்களிலெல்லாம் நல்ல செல்வாக்கும் , முன்னேற்றமும் உண்டாகும் , இருப்பினும் வாழ்க்கை துணை  வழியில் இருந்து சிறு சிறு இன்னல்கள் ஏற்ப்பட கூடும் , அதனால் பெரிய பாதிப்பு எதுவும் வர வாய்ப்பு இல்லை .

ம் பாவக அமைப்பில் இருந்து நினைத்த எண்ணங்கள் ஈடேறும் தன்மை , நல்ல வியாபாரம் , அதிக வாகன யோகம் , விவசாயத்தில் முன்னேற்றம் , சொகுசு  வண்டி வாகனம் , வீடு , மண் மனை  வாங்கும் யோகம் , எடுக்கும் காரியங்களை முடிக்கும் திறமை , முயற்ச்சி வெற்றி பெரும் அமைப்பு , நிறைய சொத்து சுக சேர்க்கை , தர்ம சிந்தனை , ஜோதிடம் மற்றும் கணிதத்தில் புலமை ஏற்படுதல் , திருமணத்திற்கு பின் அதிர்ஷ்ட வாழ்க்கையை தரும் .

ம் பாவக அமைப்பில் இருந்து லாட்டரியில் யோகம் , தனது சுய அறிவாற்றல் , புத்திசாலித்தனத்தால் ஆதாயம் , எப்பொழுதும் மகிழ்ச்சி , குழந்தை மனைவி குடும்பத்தாருடன் நல்லுறவு , தனது  குல தேவதையின் பரிபூரண ஆசிகள் ஜாதகருக்கு எப்பொழுதும் கிடைக்கும் யோகம் , ஆன்மீக வாழ்க்கையில் வெற்றி , நல்ல நினைவாற்றல் , சிறப்பான சிந்தனை மூலம் வாழ்க்கையில் அதிர்ஷ்ட  அமைப்பை பெரும் யோகம் என்ற அமைப்பில் லாப ஸ்தான பலனை தரும் .

ம் பாவக அமைப்பில் இருந்து சுலபத்தில் வெற்றி பெரும் தன்மை , புத்தி கூர்மை , பங்கு சந்தை , லாட்டரி மூலம் அதிர்ஷ்ட யோகம் , கூலி ஆட்கள், தொழிலாளர்கள் மூலம் லாபம் , நான்கு கால்  ஜீவன்கள் மூலம் லாபம் , விவசாயத்தில் வெற்றி , கடன் கொடுப்பது , வாங்குவதால் லாபம் என்ற அமைப்பில் லாப ஸ்தான பலனை தரும் .

ம் பாவக அமைப்பில் இருந்து நல்ல வாழ்க்கை துணை , நன்மை செய்யும் நண்பர்கள் , திருப்தியான கூட்டாளி கூட்டு தொழில் மெல்லாம் வாழ்க்கையில் மிகப்பெரிய வெற்றி பெரும் யோகம் , வாழ்க்கை துணை வழியில் இருந்து அறிவு வழியில் அல்லது பொருளாதார அமைப்பில் இருந்து ஆதரவு , பொதுமக்கள் செல்வாக்கு , அரசியலில் வெற்றி வாய்ப்பு , வெளிநாடுகளில்  இறந்து வரும் நல்ல வாய்ப்புகள் மற்றும் செல்வ விருத்தி , பல தொழில் செய்யும் யோகம் , மக்களை நம்பி செய்யும் தொழில்கள் யாவும் வெற்றி மேல் வெற்றி தன்மை என்ற  அமைப்பில் லாப ஸ்தான பலனை செய்யும் .

ம் பாவக அமைப்பில் இருந்து நீண்ட ஆயுள் , நல்ல உடல் ஆரோக்கியம் ,குறுகிய காலத்தில் திடீர் என அதிர்ஷ்ட வாழ்க்கையை பெரும் தன்மை , வழக்குகளில் வெற்றி பெரும் தன்மை , சேமிப்பின் மூலம்  முன்னேற்றம் பெரும் யோகம் , சுய தொழில் மூலம் அதிர்ஷ்ட வாய்ப்புகள் , பங்கு வர்த்தகத்தில் அதிர்ஷ்ட யோகம் , போதும் என்ற மன நிலை , மக்கள் செல்வாக்கு , திருப்தியான  வாழ்க்கை என்ற அமைப்பில் லாப ஸ்தான பலனை செய்யும் .

ம் பாவக அமைப்பில் இருந்து தெய்வீக அனுபவம் , தான் செய்த புண்ணியத்தின் பலனை முழுவதுமாக பெரும் யோகம் , இறை நிலையின் அருள் ஆற்றல் ஜாதகருக்கு பரிபூரணமாக வாழ்நாள் முழுவதும் கிடைக்கும் பேரு , சுற்று பயணம் செல்வதாலும் , பயனங்களினாலும் அதிக லாபம், அறிவாளி , நல்ல சிந்தனையாளர் , ஒழுக்கம் , சுய கட்டுப்பாடு , தன்னம்பிக்கை அதிகம் கொண்டுள்ள  ஜாதகர் , வெளிநாடுகளில் யோக வாழ்க்கை , ஆராய்ச்சி மூலம் அதிர்ஷ்ட வாழ்க்கை , எல்லா நன்மைகளும் எளிதில் கிடைக்கும் யோகம் என்ற அமைப்பில் லாப ஸ்தான  பலனை செய்யும் .

11 ம் பாவக அமைப்பில் இருந்து நீடித்த அதிர்ஷ்டம் வாழ்நாள் முழுவதும் கிடைக்கும் , அனைத்திலும் லாபம் , நல்ல குணம் , பல அறிய பொருட்கள் ஜாதகருக்கு கிடைக்கும் யோகம் , தன்னை விட  வயதில் மூத்தவர்களின் வழியில் இருந்து வரும் யோகம் மற்றும் நல்வாய்ப்புகள் , என்ற அமைப்பில் லாப ஸ்தான பலனை செய்யும் .

4,10 ம் வீடுகள் ஜீவன ஸ்தானம் எனும் 10 ம் வீட்டுடன் தொடர்பு பெறுவது நான்காம் பாவக அமைப்பில் இருந்து நல்ல தொழில் முன்னேற்றம் , பெயரும் புகழும் கிடைக்கும் யோகம் , மண் மனை வண்டி வாகன யோகம் , ஆள் வசதி , சிறந்த நிர்வாக திறமை , சரியான தீர்ப்பு சொல்லும் தன்மை , அரசு ஆதரவின் மூலம் வாழ்க்கையில் நன்மை பெரும் யோகம் , பெரிய சொத்து சுக சேர்க்கை , விளையாட்டு துறையில் ஆர்வம் , அரசு கௌரவம் , சமுக வாழ்க்கையில் வெற்றி , அரசியலில் மிகப்பெரிய வெற்றி என்ற அமைப்பிலும் , உத்தியோகம் , வியாபாரம் , தொழில் முதலியவற்றில்  மிகப்பெரிய வெற்றியை பெரும் யோகம் , கம்பீரமான வாழ்க்கை , தீர்க்கமான வாதம் , தனது பேச்சாற்றல் மூலம் அனைத்தையும் சாதிக்கும் யோகம் , வாழ்நாள் முழுவதும்  அதிர்ஷ்ட தொழில் வாய்ப்புகள் வந்துகொண்டே இருக்கும் தன்மை , சுய தொழில் மற்றும் கூட்டு தொழில் செய்வதால் வெற்றி மேல் வெற்றி பெரும் யோகம் , என்ற அமைப்பிலும்  ஜாதகருக்கு முன்னேற்றத்தை தரும் , ஜாதகர் சுய தொழில் செய்வதாலேயே முன்னேற்றம் என்பதை பெற முடியும் , வேலைக்கு செல்வதால் ஜாதகரின் யோக நிலைகள் வெகுவாக  பாதிக்க பட கூடும் .

ஜாதக அமைப்பில் பாதிக்க பட்ட பாவகங்கள் :

தங்களது ஜாதகத்தில் ஒரு பாவகமும் பாதிக்க படவில்லை .


பரிகாரம் :

1 தினமும் சூரிய நமஸ்காரம் அதிகாலை 5 மணிக்கே எழுந்து செய்து வருவது சகல யோகத்தையும் தரும் .
2 வருடம் ஒரு முறை வளர் பிறை திங்கள் அன்று திருப்பதி சென்று ஸ்ரீ வாரி பெருமானை தரிசித்து வருவது சகல நன்மைகளையும் தரும் .
3 தாங்கள் குடியிருக்கும் இடத்தில் இருந்து தெற்கு திசையில் இருக்கும் ஒரு அம்மன் கோவிலுக்கு பௌர்ணமி திதிகளில் சென்று வழிபடுவது அவசியம்.



வாழ்க வளமுடன் 
ஜோதிடன் வர்ஷன் 
9443306969

புதன், 19 டிசம்பர், 2012

அரசியலில் கொடிகட்டி பறக்கும் யோக ஜாதக நிலை !



மேற்கண்ட மேஷ இலக்கின ஜாதகருக்கு , லக்கினம் மற்றும் ஏழாம் வீடு எனும் இரண்டு பாவகங்களும் களத்திர பாவகமான ஏழாம் பாவகத்துடனே சம்பந்தம் பெறுவது , மிகுந்த யோக அமைப்பாக கருதலாம் , ஒருவர் பொது வாழ்க்கையிலும் , அரசியலிலும் சிறந்து விளங்க வேண்டும் எனில் ஏழாம் பாவகம் சுய ஜாதகத்தில் அதிக வலிமையுடன் இருப்பது அவசியம் , அப்படி வலிமை பெரும் பொழுது ஜாதகருக்கு மக்கள் ஆதரவு என்பது சிறப்பாக அமைந்து , தேர்தலில் நிற்கும் பொழுது வெற்றியை வாரி வழங்கிவிடும் , அந்த வெற்றி நிலையானதாக இருக்க வேண்டும் எனில் மேற்கண்ட அமைப்பில் லக்கினம் ஏழாம் பாவகத்துடன் சம்பந்தம் பெற வேண்டும் அப்பொழுது தான் ஜாதகர் வெற்றி பெற்றதின் பலனை முழுவதும் அனுபவிக்க இயலும் .

இதில் ஒருவருக்கு கால புருஷ தத்துவ அமைப்பிற்கு முதல் வீடான மேஷ  ராசியே, தனது சுய லக்கினமாக அமைந்து களத்திர பாவகமான துலாம் ராசியுடன் சம்பந்தம் பெறுவது ஜாதகருக்கு சகல வழிகளில் இருந்தும் மிகுந்த யோக பலனை வாரி வழங்கும் , துலாம் சர காற்று ராசி என்பதால் ஜாதகருக்கு விரைந்து நல்ல பலன்களை வழங்கும் , மக்கள் ஆதரவு என்பது வாழ்நாள் முழுவதும் நிலையாக அமைந்து விடும் , மேலும் ஜாதகரின் இனிமையான பேச்சு திறன் அரசியலில் தனக்கு என ஒரு இடத்தை பெற்று தரும் அமைப்பில் இருக்கும் , மேஷம் லக்கினமாக வருவதாலும் இது சர நெருப்பு ராசியாக இருப்பதாலும் நிறைவான  ஆளுமை திறனையும் , ஆட்சி பணிகளில் சிறப்பாக செயலாற்றும் தன்மையையும் வாரி வழங்கும் , குறிப்பாக தனக்கென ஒரு அரசியல் பாதையை வகுத்துக்கொண்டு , அதில் மிகப்பெரிய வெற்றியை பெரும் யோகத்தை தரும் .

மேலும் ஜாதகர் சுய கட்டுப்பாடு , மக்களுக்கு நன்மை செய்யும் மன நிலை , தான் நினைக்கும் செயல்களை நிறைவாக செய்து முடிக்கும் ஆற்றல் , தனது அதிகாரத்தை முறையாக பயன்படுத்தும் தன்மை , தனது கடமையில் இருந்து சிறிதும் பிசகாத தன்மை , முற்ப்போக்கு சிந்தனை , அந்த சிந்தனையால் சமுதாயத்தில் நல்ல மாற்றங்களை ஏற்ப்படுத்தும் தன்மை , சோர்வடையா மக்கள் சேவை , தனது சிறப்பான நிர்வாக திறமையின் காரணமாக எவ்வித பிரச்சனைகளுக்கும் சரியான நேரத்தில் சிறப்பான தீர்வை காணும் தன்மை , மக்கள் பிரச்சனைகளை தனது பிரச்சனையாக பாவித்து தீர்வு சொல்லும் மனபாங்கு  , தனது முடிவில் உறுதியாக இருக்கும் தன்மை , தீர்கமான வாத திறமை , பேச்சு திறனால் தான் நினைக்கும் காரியங்களை சாதிக்கும் யோகம்  என  ஜாதகருக்கு எடுக்கும் காரியங்களில் எல்லாம் வெற்றியை தரும் அமைப்பு  இது .

மேற்கண்ட ஜாதகர் இந்திய அரசியலில் மிக பெரிய மாற்றத்தை எதிர்வரும் காலத்தில்  நிச்சயம் செய்வார் என்பது மட்டும் உறுதி , இந்த மாற்றத்தை மக்கள் உணர அதிக காலங்கள்  இல்லை என்பது ஒரு சிறப்பு விஷயம், இறை அருள் அவருக்கு சகல நலன்களையும் வாரி வழங்கட்டும் .

வாழ்க வளமுடன் 
ஜோதிடன் வர்ஷன் 
9443355696
  


செவ்வாய், 11 டிசம்பர், 2012

காற்று தத்துவ ராசிகளின் தன்மையும், சுய ஜாதகத்தில் வலிமை பெரும் பொழுது தரும் நன்மைகள் !



கால புருஷ தத்துவ அமைப்பிற்கு மிதுனம் உபய காற்று தத்துவ ராசியாகவும், துலாம் சர காற்று தத்துவ ராசியாகவும், கும்பம் ஸ்திர காற்று தத்துவ ராசியாகவும் இயற்கையால் வகைபடுத்த படுகிறது , ஒருவருக்கு சுய ஜாதக அமைப்பில் மேற்கண்ட காற்று  தத்துவ ராசிகள் நல்ல நிலையில் இருந்தால் ஜாதகர் பெரும் நன்மைகளை பற்றி இந்த பதிவில் சற்றே சிந்தனைக்கு எடுத்துகொள்வோம் .

பொதுவாக சுய ஜாதகத்தில் மேற்கண்ட ராசிகள் ஜாதகருக்கு நல்ல நிலையில் இருந்தால் , ஜாதகரின் அறிவாற்றல் மிகவும் சிறப்பாக அமைந்து விடும் , தனது அறிவாற்றல் துணை கொண்டு சாதிக்காத விஷயங்களே இல்லை எனலாம் , சிறுவயதில் கல்வியில் சிறந்து விளங்கும் தன்மையை இயற்கையாக தந்துவிடும் , மேலும் விளைவு அறிந்து செயல்படும் நுணுக்கமான அறிவை பெற்றிருப்பது இவர்களின் தனி தன்மை , மேலும் கணிதம் , மற்றும் அறிவியல் , விண்வெளி ஆராய்ச்சி போன்ற துறைகளில் இவர்களின் பங்களிப்பை தவிர்க்க இயலாது , மேலும் மருத்துவ துறையில் தலை சிறந்த மருத்துவர்களின் ஜாதக அமைப்பில் இந்த காற்று தத்துவ ராசிகள் மிகவும் சிறப்பாக அமைந்திருக்கும் என்பதில் சந்தேகமே இல்லை .

தனது வாரிசுகள் எந்த துறையில் சிறந்து விளங்குவார்கள் என்பதை பற்றி தெளிவாக பெற்றோர்கள் தெரிந்து கொள்ள உதவும் ராசிகள் இந்த காற்று தத்துவ ராசிகள் என்றால் அது மிகையாகாது , இதன் மூலம் ஒவ்வொருவரும் தன்னை பற்றிய சுய மதிப்பீடு செய்ய இந்த காற்று தத்துவ ராசிகள் நிச்சயம் உதவி புரியும் .

மிதுனம் உபய காற்று ராசி ஜாதகத்தில் நல்ல நிலையில் இருந்தால் ஜாதகருக்கு  தரும் நன்மைகள் :

தனது அறிவாற்றல் மூலம் மக்களுக்கும் தன்னை சார்ந்தவர்களுக்கும் , மிகுந்த நன்மைகளை செய்யும் அமைப்பை தரும் , இருப்பினும் ஜாதகருக்கு  சுயநலம் அதிகமாக மேலோங்கி இருக்கும் மற்றவருக்கு உதவினாலும்  அதில் தனக்கு ஏதாவது நன்மை இருக்குமாறு பார்த்துகொள்ளும்  தன்மை பெற்றவர்கள் , அதிக சுதந்திர மன நிலை கொண்டவர்கள் , கணித துறையில் சிறந்து விளங்கும் தன்மையை தரும் , வாழ்க்கையில் முன்னேற்றம்  என்பது சிறிது தாமதமாகவே கிடைக்கும் இருப்பினும் நிலைத்து  நிற்கும் , சமுதயாத்தில் சில மாற்றங்களை செய்யும்  தன்மையை ஜாதகருக்கு உண்டு .

 இவர்களின் அறிவாற்றல் நிச்சயம் மற்றவருக்கு  நன்மையை மட்டுமே செய்யும் என்பது தனி சிறப்பாக கருதலாம் , தான் நினைப்பதை நடத்தி முடிக்கும் தன்மை பெற்றவர்கள் , இளம் வயதில் கல்வியில் சிறந்து விளங்கும் தன்மை உண்டாகும் , கலைகளில் சிறந்து விளங்கும் தன்மை உண்டாகும் , குறிப்பாக , ஓவியம் வரைதல் , இசை கோர்த்தல் , இசை கருவிகளை சிறப்பாக இயக்கும் ஆற்றல், மனதில் உள்ளதை கலை நயமாக மக்களுக்கு  விரும்பும் விதம் விருந்தளிக்கும் படைப்பற்றல் ஜாதகருக்கு சிறப்பாக  அமைந்து விடும், மிதுனம் ஒருவர் ஜாதகத்தில் நல்ல நிலையில் அமர்வது  ஜாதகருக்கு தனது அறிவாற்றல் மூலம் எவ்வித பிரச்சனைகள்  வந்தாலும் எளிதாக சாமாளிக்கும் ஆற்றலை வழங்கி விடும் .

துலாம் சர காற்று ராசி ஜாதகத்தில் நல்ல நிலையில் இருந்தால் ஜாதகருக்கு  தரும்  நன்மைகள் :

ஒருவரின் ஜாதகத்தில் நல்ல நிலையில் அமர வேண்டிய ராசி இதுவே , குறிப்பாக  சூரியன் , சந்திரன் , சனி , புதன் இந்த ராசியில் நல்ல நிலையில் அமரும் பொழுது ஜாதகரின் புகழ்  எட்டு திக்கும் எங்கும் உலகம் முழுவது  பரவும் , மக்களுக்கு பயன்படும் பல புதிய கண்டு பிடிப்புகளுக்கு சொந்தகாரர்கள்  இவர்களே , சிறந்த வியாபார நுணுக்கங்களையும் , நிர்வாக  திறமையையும் வாரி வழங்கி விடும் , புதுமை விரும்பிகள் வாழ்க்கையில் புதிய சூழ்நிலை மற்றும்  பொழுது போக்கில் அதிக நாட்டம் கொண்டவர்கள் , கலை துறையில் நீங்க இடம் பிடிக்கும் அளவிற்கு  புதிய சிந்தனைகளை சமுதாயத்திற்கு கொடுக்கும் படைப்பாற்றல்  பெற்றவர்கள் , இவர்களின் உதவி இல்லாமல் கலை துறையில்  எவ்வித புதிய படைப்புகளும் வர வாய்ப்பில்லை .

 மற்றவர்கள் வியக்கும் வண்ணம் ஒன்றும் இல்ல விஷயத்தை  வைத்துக்கொண்டே அதில் பல புதுமைகளை கொடுக்கும் சிந்தனை மற்றும்  அறிவாற்றல் இவர்களுக்கு இறைவன் கொடுத்த வர பிரசாதமே அன்றி வேறேது ? இந்த துலாம்  ராசி நல்ல நிலையில் இருப்பவர்களின் வசீகர சக்தி என்பது சற்று அதிகமே , இவர்களை விரும்பாத பிடிக்காத நபர்கள் மிக குறைவே , தன்னம்பிக்கை  , சுய கட்டுபாடு , எல்லோருக்கும் பிரதி பலன் பாராமல் உதவும் தன்மை , பொது மக்கள் சேவையில் சிறந்து விளங்கும் கடமை தவறாத  அரசு உழியர்கள் , மருத்துவ சேவையில் புதுமை மற்றும் உயிர்க்காக்கும் சிறப்பு சிகிச்சையில் பல விஷயங்களை அறிமுகம்  செய்யும் சிறந்த மருத்துவரகள் என இவர்களின் பட்டியல் நீளம் மிக மிக அதிகம் ஒருவருடைய சுய ஜாதகத்தில் இந்த துலாம் ராசி வலிமையாக இருந்தால்  அந்த ஜாதகர் வாழ்க்கையில் மிக விரைவாக முன்னேற்றம் பெரும் தன்மையை நிச்சயம் தரும் .

கும்பம் ஸ்திர காற்று ராசி ஜாதகத்தில் நல்ல நிலையில் இருந்தால் ஜாதகருக்கு  தரும் நன்மைகள் :

அதிர்ஷ்டம் மற்றும் அளவில்லா அறிவாற்றல் இரண்டும் ஒருங்கே அமைந்தவர்கள்  , குறிப்பாக தொழில் நுட்ப அறிவு மற்றவர்களை காட்டிலும் இந்த ஜாதக அமைப்பை பெற்றவர்களுக்கு ரொம்ப அதிகம் , புதிய வண்டி வாகனம் , புதிய தொழில் நுட்பம் வாய்ந்த கருவிகள் , மக்களுக்கு பயன்படும்  வீட்டு உபகரண பொருட்கள் தாயாரிப்பு , மோட்டார் எஞ்சின் தயாரிப்பில் புதுமை செய்யும் தன்மை , பழமையான பொருட்களை  தனது அறிவாற்றல் மூலம் சிறந்த பொக்கிஷமாக மாறும் திறன்  , கட்டிட கலை , சிற்ப கலை , கற் சிலை வடிக்கும் சிற்ப கலை வல்லுனர்கள் , மக்களை சந்தோஷ படுத்தும் இசை , திரைப்படம் , நடாகம் , போன்ற துறைகளிலும் சிறப்பான முன்னேற்றத்தை தரும் .

 ஜாதகரின்   புத்திசாலித்தனம் பலரது வாழ்க்கையில் நிலையான நல்ல மாற்றங்களை தரும் , இதனால் ஜாதகருக்கும் ஜாதகரை சார்ந்தவருக்கும் பல முன்னேற்றங்கள் உண்டாகும் , புதை பொருள் ஆராய்ச்சி , பழமையான புராதன பொருட்கள் மீதான ஆய்வுகள் , சரித்திர சம்பந்தம் பட்ட ஆய்வுகளில் உண்மை விஷயங்களை உலகிற்கு எடுத்து சொல்லும் ஆற்றல் , உயிரியல் , மருத்துவ ஆய்வு , வேதியல் , புவியல் ஆய்வுகள் போன்ற விஷயங்களில்  சிறந்து விளங்கும் தன்மை என ஜாதகருக்கு சிறப்பான ஆய்வுகளில் சிறந்து விளங்கும் அறிவு ஆற்றலை இந்த கும்ப ராசி நல்ல நிலையில் இருந்தால் ஜாதகருக்கு எவ்வித தடையும் இல்லாமல் வாரி வழங்கும் .

ஒருவருடைய ஜாதகத்தில் காற்று தத்துவ ராசிகள் சிறப்பாக அமைய பெற்றால் அறிவாளியாகவும் , காற்று தத்துவ ராசிகள் கடுமையாக பாதிக்க பட்டால் அறிவிலியாகவும் ஜாதகர் காணப்படுவார் .

வாழ்க வளமுடன் 
ஜோதிடன் வர்ஷன் 
9443306969

காலதாமத திருமணம் ஜாதகத்தில் உள்ள சர்ப்ப தோஷம்,மற்றும் செவ்வாய் தோஷத்திற்கு பரிகாரம் ஆகுமா ?



அய்யா வணக்கம் 

எனது ஜாதகத்தை பார்க்கும் ஜோதிடர்கள் அனைவரும் தங்களது ஜாதகத்தில் நாக தோஷம் , சர்ப்ப தோஷம் , ராகு கேது தோஷமும்,  ( லக்கினம் மற்றும் களத்திரம் ஸ்தானங்களில் ) , செவ்வாய் தோஷமும் ( 8 ல் செவ்வாய் அமர்வு ) இருப்பதால் தங்களுக்கு திருமணம் 32 வயதுக்கு பிறகு தான் நடக்கும் , எனவே இப்பொழுது திருமணத்தை பற்றி நினைத்து கூட பார்க்க வேண்டாம் என்று சொல்கின்றனர், இது வரை வந்த நல்ல வரன்களை  எல்லாம் ( இரு வீட்டாருக்கும் பிடித்திருந்தும் கூட ) ஜோதிடர்கள் சொன்ன காரணத்திற்க்காக தட்டி கழித்து கொண்டு இருக்கின்றனர் எனது பெற்றோர்கள் , எனக்கும் வயது 24 ஆகி விட்டது ,உண்மையில் எனக்கு இளம் வயதில் திருமணம் ஆகாத ? எனது ஜாதக நிலையில் தாமத திருமணம் தான் நடக்குமா ? தயவு செய்து சரியான வழிகாட்டுங்கள் , வேலை பார்க்கும் இடத்தில் தனியாக இருக்க மிகவும் சிரமமாக இருக்கிறது குறிப்பாக வீட்டு சாப்பாடு சாப்பிட்டு வெகு நாட்கள் ஆகிவிட்டது , நீங்கள் சொல்லும் பதிலில்தான் எனது திருமண வாழ்க்கை அமைவதாக இருக்கிறது .


அன்பு நண்பருக்கு !

வணக்கம் , தங்களின் ஜாதக அமைப்பில் லக்கினம் கடகமாகவும் , கடகத்தில் அமர்ந்த கேது, மகரத்தில் அமர்ந்த ராகு என தான் அமர்ந்த பாவக முறையே லக்கினம் மற்றும் களத்திர பாவகங்களை 100 சதவிகிதம் நன்மையான பலன்களை தரும் அமைப்பில் சிறப்பாக அமர்ந்து இருக்கின்றனர் , மேலும் கும்பத்தில் ( 7ம் பாவகத்தில் ) அமர்ந்த செவ்வாய் லக்கினம் மற்றும் ஐந்தாம் பாவகம், ஜீவன ஸ்தானம் என்ற அமைப்பிலும் நல்ல பலன்களையே தந்துகொண்டு இருக்கின்றார் . 

எனவே தாங்கள் இளம் வயதில் திருமணம் செய்து கொள்வதில் எவ்வித தடையும் இல்லை , அப்படி இளம் வயதில் திருமணம் செய்து கொள்வதால் தங்களுக்கு  எவ்வித துன்பமும் வர வாய்ப்பு சிறிதும் இல்லை என்பதே உண்மை , எனவே உடனடியாக தங்கள் திருமணம் செய்துகொள்வதற்கு உண்டான வேலைகளை கவனியுங்கள்  , பெண்  ஜாதக ரீதியாக ஏதாவது சந்தேகம் மற்றும் குழப்பம் இருந்தால் மட்டுமே எம்மை தொடர்பு கொள்ளுங்கள் , சரியான ஜோதிட விளக்கங்களை நாங்கள் தருகிறோம் . 

மேலும் நாக தோஷம் , சர்ப்ப தோஷம் , செவ்வாய் தோஷம் என்பது எல்லாம் ஒரு மாய தோற்றம் , ஜோதிடத்தை பற்றிய  போதிய அறிவு அற்றவர்களும் , அரை குறை ஜோதிடர்களும் பரிகாரம் என்ற பெயரில் பொருள் ஈட்ட  சொல்லும் ஒரு வார்த்தையே அன்றி உண்மை இல்லை என்பதை  தங்களுக்கு உணர்த்த நான் கடமை பட்டுள்ளேன் .

பொதுவாக பல போலி ஜோதிடர்கள் நவ கிரக தத்துவங்களை பற்றிய போதிய அறிவு இல்லாத  காரணத்தாலும் , வாய் வலி செய்திகளாலும் , தனது கற்பனையில்  உதிக்கும் எண்ணங்களையும் ஜோதிடம் பார்க்க வரும் அன்பர்கள் மீது  திணிப்பது கலி காலத்தின் கொடுமையே , இதனால் சரியான வயதில்  திருமணம் மற்றும் சுப காரியங்கள் நடை பெறாமல் , இளம் பெண்களும், ஆண்களும் பலவாறு சிரம படுவதை பார்த்தவன் என்ற முறையில்  சொல்கிறேன் .

திருமணம் என்பது என்ன ? என்பதை பற்றிய புரிதல் மக்களுக்கு இந்த இடத்தில்  அதிகம் தேவை படுகிறது , சரியான வயதில் திருமணம் செய்யும் பொழுது  ( பருவத்தே பயிர் செய்தால் எப்படி பயிர் செழித்து வளர்கிறதோ அதுபோல் ) தம்பதியின் ஒற்றுமை சிறப்பாக விளங்கும் ஒருவரை ஒருவர் புரிந்து கொள்ளும்  தன்மையை கொடுக்கும் , குறிப்பாக நல்ல சந்ததிகள் அமையும் , அவர்களை சிறப்பாக வளர்க்கும் ஆற்றலும் , வயதும் நம்மிடம் இருக்கும் , அவர்களை நமது கட்டுப்பாட்டில் சிறப்பாக வளர்க்க முடியும் , நமது சொல்லிற்கு கட்டுப்பட்டு நடக்கும் மன நிலை அவர்களுக்கு இருக்கும் . 

மேலும் நமது உடல் மனம் இரண்டும் சிறப்பாக செயல் புரியும் இது இயற்க்கை நமக்கு கொடுத்த வரம் , இங்கே இது முரண் படும் பொழுது தான் வாழ்க்கையில்  அதிக சிக்கல்களை சந்திக்க வேண்டி வரும் , காலம் கடந்து திருமணம்  செய்யும் பொழுது வாழ்க்கையில் வழி தவறி செல்ல நிறைய சந்தர்ப்பங்களை நவ கிரகங்கள் தர வாய்ப்பு உண்டு , இதனால் அதிக இன்னல்களை சந்திப்பது,  திருமணம் ஆகாமல் தவிக்கும் ஆண்களும் பெண்களுமே , மேலும் தாமத திருமணத்தால் குழந்தை பிறப்பு முதல் அனைத்தும்  தாமத பட வாய்ப்பு உண்டு , அதிகம் அறுவை சிகிச்சையின் மூலம் குழந்தை பிறப்பு ஏற்ப்படுவதற்க்கு இதுவும் ஒரு காரணம் .

மேலும் இயற்க்கைக்கு மாறாக அறுவை சிகிச்சை மூலம் பிறக்கும் குழந்தைகளின் நடவடிக்கை மற்றும் செயல்பாடுகள் , அறிவாற்றல் ஆகியவை கடுமையாக பாதிக்க படுகிறது என்பது ஆராய்ச்சி முடிவு , நம்மால் ஒரு சிறந்த  சந்ததியை தர முடியவில்லை எனில் இந்த வாழ்க்கை வாழ்ந்து என  பயன் , இதற்க்கு எல்லாம் அடிப்படை  காரணம் என்ன ? சரியான வயதில் திருமணம் ஆகததே காரணம் .

பொதுவாக 100 ஜாதகம் வரும் பொழுது அதில் 8 ஜாதகம் மட்டுமே திருமண தாமதத்தை  தரும் அமைப்பில் இருக்கும் , மேலும் இரண்டு ஜாதக அமைப்பிற்கு திருமணத்திற்கு உண்டான வாய்ப்பே இல்லாமல் இருக்கும் , ஆனால்  தற்பொழுது நடப்பது என்ன ? ஜோதிடர்கள் பலர் வரும் ஜாதகம் அனைத்திலும் ஏதாவது ஒரு தோஷத்தை சொல்லி ( சனி ஏழில் , ராகு கேது தோஷம் , செவ்வாய் தோஷம் ) இயற்கையாக அமையவிருக்கும் திருமணத்தையும் தடுத்து விடுகின்றனர் , இதையே வேதவாக்காக எடுத்து கொண்டு பலர் தமக்கு சிறப்பாக அமைய இருக்கும் நல்ல வாழ்க்கையை கெடுத்து கொள்கின்றனர் .

ஒருவருக்கு களத்திர பாவகம் மற்றும் குடும்ப பாவக அமைப்பில் இருந்து இன்னல்களை அனுபவிக்க வேண்டும் என்று விதி இருந்தால் , அவர் எவ்வளவு காலம்  கடந்து திருமணம் செய்தாலும் அதை அனுபவித்தே தீர வேண்டும்  இதை தடுக்க எந்த ஜோதிடனாலும் முடியாது , ஏன் கடவுளாலும் முடியாது , அப்படி நடக்கும் தீமையான பலன்கள் இளம் வயதில் நடந்தால் ஜாதகர் அதை சமாளிக்கும் ஆற்றலாவது அதிகம் இருக்கும் , அல்லது ஏற்றுக்கொண்டு  வாழும் திறனாவது இருக்கும் நல்ல அனுபவம் கிடைக்கும் , காலம் கடந்து திருமணம் செய்து இந்த நிலை ஏற்ப்பட்டால் வயதும் அதை ஏற்று கொல்லாகொள்ளது மனதும் அதை ஏற்று கொள்ளது எனும் பொழுது அங்கு பிரிவே பிரதானமாக இருக்கும் , குழந்தைகள் இருந்தாலும் அதை பற்றிய கவலை இருக்காது தனது சுதந்திரம் மற்றும் பெரிதாக நினைக்க துண்டும்  .

32 வயது எனும் பொழுது வாழ்க்கையில் பாதி நாள் சென்றுவிடும் இதன் பிறகு திருமணம் செய்து வாழ்க்கையை நல்ல முறையில் அமைத்து கொள்வது என்பது  மிக கடினம் , எனவே தங்களது வாழ்க்கையை சரியான வயதில் தாங்களே தேர்ந்தெடுங்கள் .

பொதுவாக ஆண்களுக்கு 24 முதல் 27 வயதிற்கு உட்ப்பட்ட காலகட்டத்தில் திருமணம் செய்வது சிறப்பு , இதற்க்கு மேல் சென்றால் திருமண வாழ்க்கை அமைய அதிக சிக்கலை தரும் .

பெண்களுக்கு 21 வயது முதல் 24 வயதிற்குள் திருமணம் செய்வது சிறப்பு , இதற்க்கு மேல் சென்றால் திருமண வாழ்க்கை அமைய அதிக சிக்கலை தரும் .

ஆணுக்கு 29 வயதிற்கு மேலும் , பெண்ணிற்கு 27 வயதிற்கு மேலும் திருமணம் நடக்க வில்லை எனில் , சுய ஜாதகத்தில் குடும்ப ஸ்தானம் அல்லது களத்திர ஸ்தானம் கடுமையாக பாதிக்க பட்டு இருக்கும் , 

ஆணுக்கு 35 வயதிற்கு மேலும் , பெண்ணிற்கு 33 வயதிற்கு மேலும் திருமணம் நடக்க வில்லை எனில் , அவர்களது சுய ஜாதகத்தில் குடும்பம் , மற்றும் களத்திரம் எனும் இரண்டு பாவகங்களும் கடுமையாக பாதிக்க பட்டு இருக்கும் .

 ஜோதிடம் தங்களுடைய வாழ்க்கையில் வரும் இன்னல்களை தீர்பதற்கு வழிகாட்ட வேண்டுமே  அன்றி , இன்னல்களை தருவதாக இருக்க கூடாது .

வாழ்க வளமுடன் 
ஜோதிடன் வர்ஷன் 
9443306969


பாதகஸ்தானம் தரும் பாதிப்பிலிருந்து தப்பிக்க என்ன செய்யலாம்?.




கேள்வி : 

அண்ணா,
          1.பாதக ஸ்தானத்துடன் பூர்வபுண்ணியம் எனும் 5ம் பாவம் தொடர்பு பெறுகிறது என்பது எவ்வளவு பெரிய கொடுமை. நாம் எப்படி வருந்தினாலும் அது மாறப்போவது இல்லை, இந்தப்பிறவியில் நமக்கு பரதேஷ ஜீவனம் தான் என்பது ஏற்கனவே இறை நிலையால் தீர்மானிக்கப்பட்டுவிட்டது.இது நமது முன் ஜென்மக்கர்மாவினால் இந்தப் பிறவியில் நமக்குக் கிடைத்திருக்கிறது.அதை மாற்றும் வித்தை,படைத்தவன் ஒருவனைத் தவிர யாருக்குமே தெரியாது.ஆனாலும் பாதகஸ்தானம் தரும் பாதிப்பிலிருந்து தப்பிக்க என்ன செய்யலாம்?.

பதில் : 

அன்பு தம்பிக்கு பாதக ஸ்தானம் தரும் பலனில் இருந்து தப்பிக்க நாம் என்ன செய்யலாம்?  நல்ல கேள்வி , தம்பி ஒருவர் பிறக்கும் பொழுது சுய ஜாதகத்தில் 12 பாவகங்களில் எந்த ஒரு பாவகமும் பாதக ஸ்தானத்துடன் சம்பந்தம் பெறுவது குறிப்பிட்ட பாவக வழியில் இருந்து அதிக இன்னல்களை தரும் , குறிப்பாக லக்கினம் என்றால் ஜாதகரின் எண்ணம் செயல் ஆகிய அமைப்பிலும் , இரண்டாம் பாவகம் எனில் வருமானம் ,குடும்பம்,வாக்கு என்ற அமைப்பிலும், மூன்றாம் பாவகம் எனில் சகோதரம்,எடுக்கும் முயற்ச்சி,தைரியம் என்ற அமைப்பிலும் , நான்காம் பாவகம் எனில் தனது தாய் ,சொத்து வீடு ,வண்டி வாகனம்,சுக வாழ்க்கை என்ற அமைப்பிலும் , ஐந்தாம் பாவகம் எனில் குல தேவதை,குழந்தைகள்,பூர்வ புண்ணிய அமைப்பிலும்.

 ஆறாம் பாவகம் எனில் எதிரிகள்,உடல் தொந்தரவு,கடன் என்ற அமைப்பிலும்,ஏழாம் பாவகம் எனில் வாழ்க்கை துணை , கூட்டாளி , வெளிநாடு , நண்பர்கள் வழியிலும், எட்டாம் பாவகம் எனில் திடீர் இழப்பு , விபத்து , அறுவை சிகிச்சை வாழ்க்கை துணை செய்யும் வீண் செலவுகள் என்ற அமைப்பிலும், ஒன்பதாம் பாவக அமைப்பில் தனது நர்ப்பெயருக்கு களங்கம் , செய்த நல்வினை பதிவுகளின் பலனை அனுபவிக்க முடியாத நிலையும், பத்தாம் பாவக அமைப்பில் இருந்து கௌரவம் திடீர் என இழக்கும் சூழ்நிலை , தனது தகப்பன் வழியிலும் , செய்யும் தொழில் அமைப்பில் இருந்தும் , பதினொன்றாம் பாவக அமைப்பில் இருந்து நீண்ட அதிர்ஷ்ட வாழ்க்கைக்கு தடைகளையும் , மூத்த சகோதர அமைப்பில் இருந்து அதிக இன்னல்களையும் , தன்னம்பிக்கை குறைவு,சூழ்நிலைக்கு ஏற்றார் போல் மனதை மாற்றி கொள்ளும் மன நிலை என்ற அமைப்பில் இருந்தும், பனிரெண்டாம் பாவக அமைப்பில் மன நிம்மதி இழப்பு, வீண் விரையம் , ஜாதகர் தனது கட்டுபாட்டை இழப்பது, தனக்கு வரும் இன்னல்களுக்கு மற்றவர்களே காரணம் என்று நினைத்து தன்னையும் கெடுத்து கொண்டு , மற்றவரையும் கெடுத்து கொள்ளும் அமைப்பு என்று பாதக ஸ்தான அமைப்பில் இருந்து 200 சதவிகித இன்னல்களை சந்திக்க வேண்டி வரும் .

மேற்கண்ட பலன்கள் ஒரு ஜாதகருக்கு 12 பாவகங்கள் பாதக ஸ்தானத்துடன் சம்பந்தம் பெறுவதாலேயே நடந்து விடாது , தற்பொழுது நடக்கும் திசை மற்றும் புத்தி பாதக ஸ்தானத்துடன் சம்பந்தம் பெற்று, பாவகத்தின் தொடர்பு மற்றும் அந்த பாவகத்தின் பலனை நடத்தினால் மட்டுமே பலன் நடை முறைக்கு வரும் . இல்லை எனில் ஜாதகத்தில் எந்த ஒரு பாவகமும் பாதக ஸ்தானத்துடன் சம்பந்தம் பெற்று இருந்தாலும் தீமையை தராது , ஜாதகர் இன்னல்களை அனுபவிக்க வேண்டி வர வாய்ப்பு என்பது சிறிது ஏற்ப்படாது .

கேள்வி :

வாழ்நாள் முழுவதும் தனது உறவுகள் மூலமாகவும்(சரம்),தனது அறிவும்,செயலும்(ஸ்திரம்),தனது மனைவி மற்றும் தனது கூட்டாளிகளுமே(உபயம்) நமக்கு ஆப்பு அடிப்பார்கள் எனில் கற்பனை செய்து பார்க்கவே கடினமாக இருக்கிறது(பாட வேண்டியது தான் யாரைத்தான் நம்புவதோ பேதை நெஞ்சம் என்று).உதவியில்லையென்றாலும் உபத்திரவம் இருக்கக்கூடாது இல்லையா?. இதற்கு ஜோதீட தீபம் தரும் ஆலோசனை என்ன?.
           
பதில் : 

மிக சுலபமான வழி ஒன்று இருக்கிறது அதாவது அந்த பாவக வழியில் இருந்து வரும் இன்னல்களை மனம் உவந்து ஏற்றுக்கொண்டு கர்ம வினை பதிவினை கழித்து கொள்ளும் மன பக்குவத்தை வளர்த்து கொள்வதால் , சம்பந்த பட்ட பாவக அமைப்பில் இருந்து சில காலங்கள் இன்னல்கள் வரும் அதன் பிறகு அந்த பாவக அமைப்பில் இருந்தே மிகுந்த யோகம் ஏற்ப்படும் என்பது இறை நிலை தரும் ஒரு சிறப்பான வழி தம்பி .

கேள்வி :

2.பாத‌க‌ஸ்தான‌த் தொட‌ர்பு பெற்ற‌ 5ம் வீட்டில் ந‌ன்மை செய்யும் வ‌கையில் ராகு,கேது அமைந்துவிட்டால் ப‌ல‌ன் எப்ப‌டியிருக்கும்?.எந்த பாவகமாயினும் ராகு,கேது நன்மை மட்டும்தான் செய்யுமா?. 
            
பதில் :

தம்பி 5 ம் பாவகத்தில் ராகு அல்லது கேது அமர்ந்து நன்மையை செய்யும் என்றால் , அந்த ஐந்தாம்  பாவகம் பாதக ஸ்தானத்துடன் சம்பந்தம் பெற வாய்ப்பே இல்லை , ஒரு வேலை இங்கு அமரும் ராகு கேது ஐந்தாம் பாவகத்தை , கடுமையாக பாதிக்கும் எனில் பாதக ஸ்தானத்துடன் சம்பந்தம் பெற வாய்ப்பு உண்டு என்பதே ஜாதக சூட்சமம் .

கேள்வி :

3.லக்கின‌த்தின் ஆர‌ம்ப‌ப்பாகையை ஜோதிட‌தீப‌ம் எவ்வாறு க‌ணிக்கிற‌து.சூரிய‌ உத‌ய‌த்திலிருந்தா?.இல்லை ஜ‌ன‌ன‌ நேர‌த்தின் நட்ச‌த்திர‌ பாத‌த்தை அனுச‌ரித்தா?.

பதில் : 

ஜனன நேரத்தில் நட்சத்திர பாதத்தில் உதிக்கும் பாகையின் அமைப்பை வைத்தே லக்கினம் , மற்றும் மற்ற  பாவகங்களின் ஆரம்ப பாகையை நிர்ணயம் செய்கிறோம், இதுவே ஒரு ஜாதகத்தில் ஜாதக ரீதியான பலன்களை நிர்ணயம் செய்ய உதவும் , பொதுவாக லக்கினம் எந்த ராசி என்று கணிதம்  செய்யும் பொழுதும் , சந்திர ராசியை வைத்து நிர்ணயம் செய்யும் பொழுதும் , பொது பலனை குத்து மதிப்பாக சொல்லவே உதவும் , நம்மை நம்பி வருபவரின் வாழ்க்கையில்  சரியான வழியை காட்ட உதவாது தம்பி .

வாழ்க வளமுடன் 
ஜோதிடன் வர்ஷன் 
9443306969


செவ்வாய், 4 டிசம்பர், 2012

பாதக ஸ்தானத்துடன் பூர்வ புண்ணியம் சம்பந்தம் பெரும்பொழுது ஜாதகர் பெரும் நன்மை தீமை பலன்கள் !




ஒருவருடைய சுய ஜாதகத்தில் நல்ல நிலையில் இருக்க வேண்டிய பாவகங்களில் ஒன்றான பூர்வ புண்ணியம் எனும் ஐந்தாம் பாவகம் பாதக ஸ்தானத்துடன் சம்பந்தம் பெரும் பொழுது ஜாதகர் அதிக அளவில் பாதிக்க படுவார் என்பதில் சந்தேகம் இல்லை இருப்பினும் , இதில் சர இலக்கின அமைப்பை சார்ந்தவருக்கும் , ஸ்திர இலக்கின அமைப்பை சார்ந்தவருக்கும் , உபய இலக்கின அமைப்பை சார்ந்தவருக்கும் பலன்கள் நடை முறை அமைப்பில் வேறுபடுவது இயற்கையே .

ஒரு சர இலக்கின அமைப்பை சார்ந்தவருக்கு லக்கினத்திற்கு ஐந்தாம் பாவகம் பாதக ஸ்தானத்துடன் சம்பந்தம் பெரும் பொழுது ஜாதகர் பாதக ஸ்தான அமைப்பில் இருந்து மற்றவர்களால்  அனுபவிக்கும் இன்னல்களின் தன்மை, அதாவது உறவுகள் , நண்பர்கள் , அண்டை அயலார், வாழ்க்கை துணை , தனது குழந்தைகள் மூலமாக வரும் தொந்தரவு அதிகமாக இருக்கும் , மேலும் ஜாதகர் யாருக்காவது உதவி செய்ய சென்றால் அதுவே ஜாதகருக்கு எதிராக திரும்பி தாங்க முடியாத அளவிற்கு இன்னல்களை தரும், ஆக சர இலக்கின அமைப்பை சார்ந்தவருக்கு பூர்வ புண்ணியம் பாதக ஸ்தானத்துடன் சம்பந்தம் பெரும்பொழுது மற்றவர்களால் ஜாதகருக்கு அதிக இன்னல்கள் ஏற்ப்படும் .

ஒரு ஸ்திர இலக்கின அமைப்பை சார்ந்தவருக்கு லக்கினத்திற்கு ஐந்தாம் பாவகம் பாதக ஸ்தானத்துடன் சம்பந்தம் பெரும் பொழுது ஜாதகர் தான் அவசர பட்டு எடுக்கும் திடீர் முடிவுகளால் , தனது வாழ்க்கையை தானே கெடுத்து கொள்ளும் அமைப்பை தரும் , அதாவது யானை தன் தலையில் தானே மண்ணை வாரி போட்டு கொள்வதற்கு இணையாக எடுத்துகொள்ளலாம் , உறவுகள் நண்பர்கள்  தனக்கு நன்மை செய்கிறார்களா ? தீமை செய்கிறார்களா? என்று தெரிந்துகொள்ளாமல் ஜாதகர் அவசரபட்டு எடுக்கும் திடீர் முடிவுகளால் ஜாதகரின் வாழ்க்கையில் சகல நலன்களையும் இழக்கும் தன்மை ஏற்ப்படும் .

ஒரு உபய இலக்கின அமைப்பை சார்ந்தவருக்கு லக்கினத்திற்கு ஐந்தாம் பாவகம் பாதக ஸ்தானத்துடன் சம்பந்தம் பெரும் பொழுது ஜாதகர் தனது செய்கை மற்றும் நடவடிக்கைகளாலும் பாதிக்க படுவார் , தனது உறவுகள் நண்பர்கள் பொது மக்களாலும் பாதிக்கப்படும் சூழ்நிலையை தரும் , மேலும் பூர்வ புண்ணிய அமைப்பில் இருந்து ஜாதாருக்கு நீடித்த தீமையான பலன்கள் தொடர்ந்து நடை பெரும் இதில் ஜாதகர் எதையும் தவிர்க்க இயலாது , பூர்வ புண்ணியம் பாதக ஸ்தானத்துடன் சம்பந்தம் பெரும் அமைப்பில் இருந்து  அதிக  இன்னல்களை எதிர்கொள்ளும் அன்பர்கள் உபய இலக்கின அமைப்பை சார்ந்தவர்களே .

பூர்வ புண்ணியம் பாதக ஸ்தானதுடன் சம்பந்தம் பெறுவதால் சர இலக்கின அமைப்பை சார்ந்தவர்கள் மற்றவர்களாலும் , ஸ்திர இலக்கின அமைப்பை சார்ந்தவர்கள் தனது செய்கையினாலும் , உபய இலக்கின அமைப்பை சார்ந்தவர்கள்  தன்னாலும் மற்றவர்களாலும் பாதக ஸ்தான பலன்களை அனுபவிக்க  வேண்டி வரும் , இது பாதக ஸ்தான அமைப்பில் இருந்து வரும் கெடுதல்கள் .

இந்த பாதக ஸ்தான அமைப்பில் இருந்து ஜாதகர் நன்மை பெரும் அமைப்பும் உண்டு  அதாவது ஜாதகரின் ரத்த உறவுகளான பாட்டனார் , தகப்பனார் சமுதாயத்தில் பெரிய அளவில் தனது அறிவாற்றல் கொண்டு நல்ல நிலையை பெற முடியாத அமைப்பை பெரும்பொழுது , ஜாதகர் தனது அறிவாற்றல் மூலம் சமுதாயத்தில் சிறப்பான இடத்தை பெரும் யோகம் உண்டாகும் , ஒரு வகையில் பூர்வ புண்ணியம் என்பது ஜாதகரின் தகப்பனார் வழியில் வரும் புத்தி கூர்மை மற்றும் அறிவாற்றலை  குறிக்கும் , எனவே ஒரு ஜாதகருக்கு பூர்வ புண்ணியம் பாதக ஸ்தானத்துடன் சம்பந்தம் பெறுகிறது எனும் பொழுது ஜாதகரின் தகப்பனார் புத்திசாலித்தனம் அற்றவராக கானப்படுவாறே ஆயின் , ஜாதகருக்கு அதி புத்திசாலிதனத்தை வாரி வழங்கி விடும் , இதனால் தனது தகப்பனார் மற்றும் அவரது  முன்னோர்கள் செய்யாத சாதனைகளை ஜாதகர் தனது அறிவாற்றல் மற்றும் சமயோசித புத்திசாலிதனத்தால் செய்து வாழ்க்கையில்  சிறப்பான முன்னேற்றத்தையும் , பொருளாதார தன்னிறைவையும் பெரும் யோகம் உண்டாகும் .

இந்த இடத்தில் ஜாதகருக்கு பூர்வ புண்ணியம் பாதக ஸ்தானத்துடன் சம்பந்தம் பெறுவது , ஜாதகரை மட்டும்  மிகப்பெரிய இடத்திற்கு எடுத்து செல்லும் அவரது அறிவு  வழியில்,  ஆனால் ஜாதகரை சார்ந்தவர்கள் அடையும் இன்னல்களுக்கு அளவிருக்காது , ஜாதகரை நம்பியவர்களின் கதி அதோ கதிதான் . ஜாதகர் பாதக ஸ்தான வழியில் இருந்து பெற வேண்டிய துன்பங்களை , ஜாதகரை சார்ந்தவர்கள் அனுபவிக்க வேண்டி வரும் அதாவது ஜாதகரின்  நண்பர்கள் , உறவுகள் , வாழ்க்கை துணை , ஜாதகரின் வாரிசுகள் என  அனைவரையும் பாதிக்கும் .

வாழ்க வளமுடன் 
ஜோதிடன் வர்ஷன் 
9443355696

வெள்ளி, 30 நவம்பர், 2012

சுய ஜாதகத்தில் ஒரு பாவகம் பாதிக்கபட்டு இருக்கும்பொழுது , அந்த பாவக அமைப்பில் இருந்து ஜாதகர் நன்மை பெறுவது எப்படி ?



பொதுவாக ஒரு சில ஜாதகங்களில் சில பாவகங்கள் சிறிய பாதிப்பை பெற்று இருக்கும் அல்லது பெரிய பாதிப்பை பெற்று இருக்கும் , மேலும் 100 சதவிகிதம் கடுமையாக பதிப்பையும் பெற்றிருக்கும் , அப்பொழுது அந்த ஜாதகர் குறிப்பிட்ட பாவக வழியில் இருந்து இழப்புகளையும் ,கடுமையான பாதிப்பையும் சந்திக்க வேண்டி வரும் , குறிப்பாக அந்த பாவக பலன்களை நடை முறையில் நடை பெரும் திசை மற்றும் புத்திகள் நடத்தினால் .

அப்படி பட்ட திசை மற்றும் புத்திகள் தீமையான பலன்களை தந்து கொண்டு இருக்கும் பொழுது ஜாதகர் என்ன செய்தாலும் குறிப்பிட்ட பாவக வழியில் இருந்து வரும் இன்னல்களை தவிர்க்க இயலாது எனும் பொழுது ஜாதகர் அந்த பாவக வழியில் இருந்து நன்மை அடைய என்ன வழி , இதற்க்கு ஜோதிட சாஸ்திரம் என்ன ? சொல்கிறது என்பதை பற்றி நாம் இந்த பதிவில் காண்போம்.




மேற்கண்ட ஜாதக அமைப்பில் 1 ம் வீடு எனும் லக்கினம் மற்றும் 9 ம் வீடு எனும் பாக்கிய ஸ்தானம் ஆகியவை பாதக ஸ்தானதுடன் சம்பந்தம் பெற்று 200 சதவிகிதம் பாதிப்படைந்து இருக்கிறது , 4,6,10,12 வீடுகள் முறையே விறைய ஸ்தானமான 12 ம் பாவகத்துடன் சம்பந்தம் பெற்று பாதிப்படைந்து இருக்கிறது.

தற்பொழுது நடக்கும் சந்திரன் திசை ஜாதகருக்கு 4,6,10,12 வீடுகள் முறையே விறைய ஸ்தானமான 12 ம் பாவகத்துடன் சம்பந்தம் பெற்றும் , 3,7 வீடுகள் களத்திர பாவகத்துடன் சம்பந்தம் பெறும் பலனை தந்து கொண்டு இருக்கிறது எனவே ஜாதகர்  3,7 வீடுகள் களத்திர பாவகத்துடன் சம்பந்தம் பெறும் அமைப்பில் இருந்து 100 சதவிகித நன்மைகளையும் , 4,6,10,12 வீடுகள் முறையே விறைய ஸ்தானமான 12 ம் பாவகத்துடன் சம்பந்தம் பெரும் அமைப்பில் இருந்து தீமையான பலன்களையும் அனுபவிக்க வேண்டி வரும்.

 எடுத்து காட்டாக :

ஜாதகருக்கு இருக்கும் நிலம் , இடம் , வண்டி வாகன அமைப்பில் இருந்தும் , கடன் கொடுத்தல் வாங்குதல் என்ற அமைப்பில் இருந்தும் , செய்யும் தொழில் அமைப்பில் இருந்தும் , அதிக முதலீடு செய்யும் அமைப்பில் இருந்து , விறைய பலன்களை எதிர்கொள்ள வேண்டி வரும் , ஆனால் இந்த ஜாதகத்தை சரியாக கணித்து உண்மையான பலன் சொல்லும் , புத்திசாலித்தனமான ஜோதிடன் நினைத்தால் ( இதற்க்கு ஜோதிடனின் ஜாதகத்தில் ராகு கேது அதிக வலிமையுடன் இருக்க வேண்டும் அப்பொழுதுதான் தன்னை நம்பி வருவோர்க்கு சரியான வழியை காட்ட இறை நிலை அருள் புரியும் )ஜாதகருக்கு சில அறிவுரை கூறுவதின் மூலமாகவும் ஜாதகரின் சில நடவடிக்கை எடுக்க வைப்பதின் மூலமாகவும்  மேற்க்கண்ட பாவக அமைப்பில் இருந்து ஜாதகரை நன்மை பெற செய்ய இயலும் .

எப்படி எனில் ஜாதகத்தில் தீமை தரும் பாவகமான 4,6,10,12 வீடுகள் வழியில் இருந்து நன்மை பெற , சுய ஜாதகத்திலும் , தற்பொழுது நடக்கும் திசை தரும் வீடுகள் அமைப்பிலும்  நல்ல நிலையில் இருக்கும் பாவகங்களை கவனிக்க வேண்டும்  , அப்படி கவனிக்கும் பொழுது சுய ஜாதகத்திலும் , தற்பொழுது நடக்கும் திசை அமைப்பிலும் 3,7 வீடுகள் களத்திர பாவகத்துடன் சம்பந்தம் பெற்று நன்மையை தருகிறது , 2,5,11 வீடுகள் லாப ஸ்தானதுடன் சம்பந்தம் பெற்று  நன்மையை தருகிறது இதில் அதிக வலிமையை 3,7 வீடுகள் களத்திர பாவகத்துடன் சம்பந்தம் பெறுவதாலும் களத்திர பாவகம் ஸ்திர ராசியாக இருப்பதாலும் , களத்திர பாவகமே பெறுகிறது .

எனவே ஜாதகர் 4,6,10,12 வீடுகள் வழியில் இருந்து நன்மை பெற தனது வாழ்க்கை  துணை , அல்லது கூட்டாளிகள் பெயரில் , வண்டி வாகனம் வாங்குவது , நிலம் வீடு , சொத்து வாங்குவது , கடன் பெறுவது , தான் நிர்வகிக்கும் தொழில்களை அவர்களை நிவகிக்க சொல்வதாலும் , அவர்கள் பெயரில்  முதலீடுகளை செய்வதாலும் மேற்கண்ட பாவக அமைப்பில் இருந்து 100 சதவிகித நன்மையை பெற முடியும் , இது நடை முறையில் கண்ட உண்மை , குறிப்பாக ஜாதகர் தனது வாழ்க்கை துணையின் பெயரில் மேற்கண்ட  விஷயங்களை செய்யும்பொழுது ஜாதகருக்கு களத்திர வழியில் இருந்து நன்மையையும் , அதன் வழியே மேற்கண்ட பாவக அமைப்பில் இருந்து 100 சதவிகித நன்மையையும் பெற முடியும் என்பது உறுதி .

ஆக ஜோதிட கலை ஜாதகரை எந்த ஒரு மோசமான நிலையில் இருந்தும் மீட்டு  எடுக்கும் , சரியான வழிகாட்டியாக அமையும் என்பது உறுதி , இதுவே ஜோதிட கலையின்  சிறப்பு .

வாழ்க வளமுடன் 
ஜோதிடன் வர்ஷன் 
9443355696


ஜோதிட ஆலோசனை : தொழில் விருத்தி பொருளாதார முன்னேற்றம் தரும் யோக ஜாதக நிலை !




ஜாதக பொது பலன்கள் 

ஜாதக அமைப்பில் நல்ல நிலையில் இருக்கும் பாவகங்கள் :

1,7 ம் வீடுகள் களத்திர ஸ்தானம் எனும் ஏழாம் பாவகத்துடன் சம்பந்தம் பெறுவது , ஜாதகருக்கு மிகுந்த யோக வாழ்க்கையை அளிக்கும் ஒரு சிறந்த அமைப்பாகும் , இதனால் ஜாதகருக்கு இருக்கும் எதிர்ப்புகள் அகலும் , நண்பர்கள் கூட்டாளிகள் மூலம் லாபம் ஏற்ப்படும் , தனது வாழ்க்கை துணையின் வழியில் இருந்து மிகுந்த யோக வாழ்க்கையை பெறுவார் , ஆண் பெண் நண்பர்களுடன் கலகலப்பாக பழகும் வாய்ப்பு உண்டாகும் , ஜாதகருக்கு மக்கள் ஆதரவு எப்பொழுதும் உண்டு , ஜாதகரின் தொழில் முறை கூட்டாளி மிகவும் சக்தி வாய்ந்தவராகவும் , பொருளாதரத்தில் தன்னிறைவு பெற்றவராகவும் திகழ்வார் , கூட்டு தொழில் செய்வதால் ஜாதகருக்கு மிகுந்த நன்மைகளே உண்டாகும் .

2 ம் வீடு குடும்ப ஸ்தானம் எனும் இரண்டாம் பாவகதுடன் சம்பந்தம் பெறுவது , வாழ்க்கையில் அளவற்ற செல்வத்தையும் , குடும்ப ஒற்றுமையும் , குடும்பத்தில் எப்பொழுதும் மகிழ்ச்சியும் , பொருளாதரத்தில் படிப்படியான முன்னேற்றத்தையும் தந்துகொண்டே இருக்கும் , ஜாதகருக்கு நல்ல உணவு எங்கு சென்றாலும் கிடைக்கும் , வருமானத்திற்கு எவ்வித பிரச்சனையும் வாழ்நாள்  முழுவதும் இருக்காது , வாழ்க்கை துணை வழியில் இருந்து அழகான குடும்ப வாழ்க்கை அமையும், நிம்மதியான குடும்ப வாழ்க்கை ஜாதகருக்கு நிச்சயம் உண்டு .

3,5,8 ம் வீடுகள் ஜீவன ஸ்தானம் எனும் பத்தாம் பாவகத்துடன் சம்பந்தம் பெறுவது , மூன்றாம் பாவக வழியில் இருந்து நிலையான முன்னேற்றம் , சுலப பொருள் வரவு , சகல சௌபாக்கியம் , இசையில் ஈடுபாடு , மின்துறை மற்றும் பொறியியல் துறைகளில் பணியாற்றும் யோகம் நினைத்ததை சாதிக்கும் பேராற்றல் , பெரியோரிடம் மதிப்பு மரியாதை , புத்தி கூர்மை , சாஸ்திர ஆராய்ச்சி , லாட்டரி யோகம் , வழக்கில்  வெற்றி , கோவில் தரிசனம் , வெளிநாடுகளில் செல்வ சேர்க்கை , புகழ் பணம் கிடைத்தல் , போன்ற நன்மைகளும் , ஐந்தாம் பாவக வழியில் கலைகளில் ஆர்வம் , சினிமா மற்றும் திரைப்பட துறையில் இருந்து மிகுந்த லாபம் , தனது குழந்தைகளால் யோக வாழ்க்கை , வியாபாரத்தில் மிகுந்த வெற்றி மற்றும் முன்னேற்றம் உண்டாகும்  தனது பூர்வீகத்தில் இருப்பதால் நன்மை உண்டாகும் , எட்டாம் பாவக வழியில் இருந்து , நல்ல அந்தஸ்தை வசதி வாய்ப்பினை விரைவில் அடைதல் , வசதியான  உத்தியோகம் , பதவி உயர்வு , தொழில் ரீதியான வெற்றிகள் , வெளிநாடுகளில் யோக வாழ்க்கை அமையும் .

4,9 ம் வீடு பாக்கிய ஸ்தானம் எனும் ஒன்பதாம் பாவகதுடன் சம்பந்தம் பெறுவது , ஜாதகரை உயர்கல்வி பயில்வதால் மிகப்பெரிய வெற்றிகளை தரும் , விஞ்ஞான ஆராய்ச்சி வெளிநாடுகளில் தொழில் செய்யும் யோகம் சமுதயத்தில் நல்ல மதிப்பு மரியாதை , ஏற்றுமதி இறக்குமதி தொழில்களில் வெற்றிமேல் வெற்றி , பொது வாழ்க்கையில் சாதிக்கும் யோகம் தன்னம்பிக்கை  , சுய கட்டுபாடு என ஜாதகருக்கு மிகுந்த நன்மைகளையே வாரி வழங்கும் .

10 ம் வீடு ஜீவன ஸ்தானம் எனும் பத்தாம் வீட்டுடன் தொடர்பு பெறுவது சுய தொழில் செய்வதால் மிக பெரிய வெற்றியை ஜாதகர் பெறுவார் காரணம் ஜீவன ஸ்தானம் கலபுருஷ தத்துவ அமைப்பிற்கும் , இலக்கின அமைப்பிற்கும் ஜீவன ஸ்தனமாகவே வருவதும் , ஜீவன ஸ்தானம் மகரத்தில் அமர்ந்து சர நில ராசியாக வருவது 200 சதவிகித வெற்றியை வாரி வழங்கும் , ஜாதகர்  செய்யும் தொழில்கள் யாவும் வெற்றி மேல் வெற்றி தரும் , பல தொழில் செய்யும் யோகம் உண்டாகும் , தங்களின் ஜாதக அமைப்பில் மேற்கண்ட பாவக அமைப்பில் இருந்து தாங்கள்  மிகுந்த நன்மைகளை பெறுவீர்கள் அன்பரே !

ஜாதக அமைப்பில் பாதிக்க பட்ட பாவகங்கள் :

6,11,12 ம் வீடுகள் ஆயுள் பாவகமான 8 ம் பாவகதுடன் சம்பந்தம் பெறுவது 6 ம் பாவக வழியில் இருந்து அதிக கோப உணர்வினையும் , மன உளைச்சலையும் ,தேவையில்ல விசயங்களை மனதில்  போட்டு குழப்பி கொண்டு மன நிம்மதியை கெடுத்து கொள்ளும் தன்மையை உருவாக்கும் , எதிரிகளால் சில நேரங்களில் அதிக இன்னல்களை சந்திக்க வேண்டி வரும் , உடல் நிலை கடுமையாக  பாதிக்க வாய்ப்பு உண்டு , குறிப்பாக வயிறு சம்பந்த பட்ட தொந்தரவுகள் ஏற்ப்பட வாய்ப்பு உண்டு , லாப ஸ்தான அமைப்பில் இருந்து ஜாதகர் கவனமாக இருக்க்க வில்லை  எனில் ஜாதகருக்கு வர வேண்டிய நன்மைகள் யாவும் மற்றவர்கள் தட்டி பறிக்க வாய்ப்பு உண்டு , அதிர்ஷ்ட வாய்ப்புகளை ஜாதகர் வீண் விரையம் செய்யும் தன்மை உண்டாகலாம் , வண்டி வாகனங்களில் செல்லும்பொழுது அதிக கவனமும் பாதுக்காப்பாகவும் பயணம் மேற்கொள்ளுவது அவசியம் , மேற்கண்ட பாவக அமைப்பில் இருந்து ஜாதகருக்கு தீமையான  பலன்கள் நடை பெற வாய்ப்பு உண்டு என்பதால் 8 ம் பாவக வழியில் ஜாதகர் அதிக கவனமாக இருப்பது நல்லது 8 ம் பாவகம் திடீர் இழப்பு , விபத்து , ஏமாற்றம் ,அதிக மன உளைச்சல்  , அதிக கோப உணர்வினை தரும் .

தற்பொழுது நடை பெரும் சுக்கிரன் திசை தரும் பலன்கள் : ( 03/10/2008 முதல் 03/10/2028 வரை )

1,7 ம் வீடுகள் களத்திர ஸ்தானம் எனும் ஏழாம் பாவகத்துடன் சம்பந்தம் பெற்றும் ,10 ம் வீடு ஜீவன ஸ்தானம் எனும் பத்தாம் வீட்டுடன் தொடர்பு பெற்றும் சுக்கிரன் திசை நன்மையான பலன்களையே  வாரி வழங்கி கொண்டு இருக்கிறது எனவே ஜாதகர் 7 ம் பாவக வழியிலும் 10 ம் பாவக வழியிலும் 100 சதவிகித நன்மையை பெரும் யோகம் உண்டாகும் , குறிப்பாக கூட்டு தொழில்  , சுய தொழில் , வெளிநாடுகளில் தொழில் அல்லது வேலை செய்வதால் வாழ்க்கையில் அளவில்லா முன்னேற்றம் , திருமணம் மூலம் யோக வாழ்க்கை , வாழ்க்கை துணையின்  வழியில் இருந்து  மிகுந்த நன்மைகளையும் , கூட்டு நண்பர்கள் வழியில் இருந்து அதிக நன்மைகளையும் பெரும் யோகம் உண்டாகும் , ஏற்றுமதி இறக்குமதி தொழில்களில் ஜாதகருக்கு அபரிவிதமான  வளர்சியும் முன்னேற்றமும் உண்டாகும்  ஆக சுக்கிரன் திசை யோக பலன்களையே வாரி வழங்கி கொண்டு இருக்கிறது என்பது ஜாதகருக்கு மகிழ்ச்சியான விஷயம் வாழ்த்துகள்  அன்பரே !

வாழ்க வளமுடன் 
ஜோதிடன் வர்ஷன் 
9443306969


வியாழன், 29 நவம்பர், 2012

கோட்சார ரீதியாக ராகு கேது பெயர்ச்சி பலன்களை எவ்வாறு அறிவது?




கேள்வி :

கோட்சார ரீதியாக ராகுகேது பெயர்ச்சி பலன்களை எவ்வாறு அறிவது? ஜெனன லக்கினத்தை அடிப்படையாக கொண்டு தான் கணிக்க வேண்டுமா? 

பதில் :

நிச்சயமாக , ராகு கேது பெயர்ச்சி பலன்களை , ராசியை வைத்து பலன் காண இயலாது மேலும் ராசியை வைத்து பலன் காணுவது ஜாதகத்தில் சரியான , துல்லியமான பலன்களை காண நிச்சயம் உதவாது . 

சுய ஜாதக அமைப்பில்  கிரகங்களின் கோட்சார ரீதியான பலன்களை தெளிவாக தெரிந்து கொள்ள வேண்டும் எனில் முதலில் நமது ஜாதகத்தில் லக்கினம் என்ன வென்று தெளிவாக தெரிந்து கொள்ள வேண்டும் , அதன் பிறகு , தற்பொழுது நடக்கும் திசை மற்றும் புத்தி என்ன வென்று தெரிந்து கொள்ள வேண்டும் , தற்பொழுது நடக்கும் திசை மற்றும் புத்தி எந்த பாவகத்தின்  பலனை நடத்துகிறது, அந்த பாவகத்துடன் கோட்சார கிரகங்களின்  தொடர்பு ஏற்ப்படுகிறத ? இல்லையா ? என்பதை தெரிந்து கொள்வது  சுய ஜாதக ரீதியான கோட்சார பலன்களை சரியாக காண உதவி புரியும் .

எடுத்துகாட்டாக :

ஒரு ரிஷப இலக்கின ஜாதகருக்கு தற்பொழுது குரு திசை நடை பெறுவதாக வைத்துகொண்டால் , நடை பெரும் குரு திசை ஜாதகருக்கு எந்த பாவகங்களின்  பலனை தருகிறது என்று தெரிந்து கொள்ள வேண்டும் , ரிஷப லக்கினத்திற்கு 6 மற்றும் 12 ம் பாவக பலனை தற்பொழுது நடத்துவதாக இருந்தால்  தற்பொழுது நடை பெற இருக்கும் ராகு கேது பெயர்ச்சி ஜாதகருக்கு  கோட்சார  ரீதியான பலன்களை தரும் , 12 ம் வீட்டுடன் தொடர்பு பெரும் கேது ஜாதகருக்கு  சர நெருப்பு தத்துவ அமைப்பில் இருந்து நன்மையான பலன்களை  வாரி வழங்கும் , ஏனெனில் 12 ம் பாவகம் ( இந்த இடத்தில் 12 ம் பாவகத்தை கேந்திர வீடாக  பாவிக்க  வேண்டும் ) கேந்திர அதிபதி செவ்வாய் பகவானின் வீடாக  வருவது அது கேந்திர பாவகமாக இருப்பதால் 12 ம் பாவக வழியில் இருந்து ஜாதகர்  100 சதவிகித யோக பலன்களை அனுபவிப்பார் , அதாவது ஜாதகர்  மூதலீடு செய்வதால் நிறைய வருமானம் பெற முடியும் , வெளிநாடுகளில் இருந்து  அபரிவிதமான செல்வாக்கு உண்டாகும் , திடீர் அதிர்ஷ்டத்தின்  மூலம் வாழ்க்கையில் ஜாதகர் செல்வந்தர் ஆகும் யோகம் உண்டாகும் .

அதே சமயம் ஜாதகருக்கு 6 ம் பாவகதுடன் சம்பந்தம் பெரும் ராகு மிகுந்த இன்னல்களை  தருவார் , ஏனெனில் 6 ம் பாவகம் கேந்திர பாவகம் இதன் அதிபதி கோண அதிபதியாக வருவதால் , 100 சதவிகித தீமையான பலன்களை தருவார் ராகு , ஒரு பக்கத்தில் கேது பகவானால் ஜாதகர் சுறு சுறுப்பாக பாடு பட்டு  சேர்த்த பொருளை , ராகு பகவான் 6 ம் பாவகதுடன் தொடர்பு பெரும் ராகு பகவானால்  இழந்து கொண்டு இருப்பார் , ஏனெனில் துலாம் ராசி சர காற்று ராசியாக வருவதால் , ஜாதகர் வீண் ஆடம்பரத்திலும் , கேளிக்கை , மற்றவரிடம்  ஏமாறும் சூழ்நிலையை தந்து விடும் , எனவே ஜாதகர் தான் ஈட்டும்  பொருள் வரவினை சேமித்து வைக்க வேண்டும் இல்லை எனில் இருக்கும் அனைத்தையும்  இழக்கும் சூழ்நிலையை தரும் , ஜாதகர் உடல் நிலையம் வெகுவாக  பாதிக்கும்.

ஒரு வேலை மேற்கண்ட ஜாதகருக்கு நடக்கும் குரு திசை 5 மற்றும் 11 ம் பாவக பலனை  செய்கிறது என்று வைத்துகொள்ளுங்கள் தற்பொழுது நடக்கும் ராகு  கேது பெயர்சி எவ்வித நன்மை தீமை பலனையும் செய்யாது , மேற்கண்ட 5,11 ம் பாவகத்துடன் சம்பந்தம் பெரும் கோட்சார கிரகங்களினால் வரும் நன்மை தீமை பலன்களை மட்டுமே  ஜாதகர் அனுபவிக்க நேரிடும் , எனவே ஒரு  திசை எந்த பாவகத்தின் பலனை தருகிறதோ அந்த பாவகதுடன் சம்பந்தம் பெரும்  கோட்சார கிரகங்கள் நன்மை தீமை பலனை செய்ய தகுதி உண்டு , அந்த பாவக்துடன் எவ்விதத்திலும் சம்பந்தம் பெறாத கிரகங்களினால் ஜாதகர் எவ்வித  நன்மை தீமை பலனையும் அனுபவிக்க மாட்டார் , எனவே நடை முறையில்  பலன் தந்து கொண்டு இருக்கும் பாவகதுடன் சம்பந்தம் பெறாதா கிரகங்களின் பெயர்ச்சியை பற்றி நாம் எவ்வித கவலையும் கொள்ள தேவை இல்லை  என்பதே உண்மை .

கிரகங்களின் பெயர்ச்சியை லக்கினத்தை அடிப்படையாக வைத்து பலன் காணும் பொழுது  பலன்கள் மிகவும் துல்லியமாக சரியாகவும் இருக்கும் , நன்மை நடக்கிறது என்றால் ஜாதகர் வரும் வாய்ப்புகளை சரியாக பயன்படுத்தி கொள்ளலாம் , தீமை நடக்கிறது என்றால் விழிப்புணர்வுடன் இருந்து கவனமாக வாழ்க்கையை நடத்தலாம் .


வாழ்க வளமுடன் 
ஜோதிடன் வர்ஷன் 
9443355696 

ஞாயிறு, 25 நவம்பர், 2012

ஜோதிட ஆலோசனை : சுக்கிரன் திசை வழங்கும் சுபயோக பலன்கள் !



மேற்க்கண்ட ஜாதகிக்கு நடந்து கொண்டு இருக்கும் சுக்கிரன் திசை , லக்கினம் , சகோதர ஸ்தானம் , பூர்வ புண்ணியம் , லாப ஸ்தானம் எனும் பாவகங்கள் அனைத்தும் ஜீவன ஸ்தானமான 10 ம் பாவகதுடன் சம்பந்தம் பெற்று தனது பலனை நடத்தி கொண்டு இருப்பது ஜாதகிக்கு மிகுந்த நன்மையை வாரி வழங்கி கொண்டு இருக்கிறது .

 மேலும் ஜாதகியின் ஜீவன ஸ்தானம் என்பது கடக ராசியாக வருவது 100 சதவிகித நன்மையை தரும் அமைப்பாக கருதலாம்  , கடந்த 1996 ல் ஆரம்பித்த சுக்கிர திசை ஜாதகிக்கு கல்வியில் சிறந்து விளங்கும் தன்மையையும் , சுயமாக யாருடைய உதவியும் இன்றி முன்னேற்றம் பெரும் யோகத்தையும் , பொருளாதார வாழ்க்கையில் தன்னிறைவான அமைப்பையும் , பட்ட படிப்பு முடிந்த உடன் ஒரு சிறந்த நிறுவனத்தில் நல்ல வருமானத்துடன் பணியாற்றும் யோகத்தையும் , எதிர்காலத்தில் தனது விருப்பபடி சிறந்த வாழ்க்கை துணையை திருமணம் செய்துகொள்ளும் வாய்ப்பினையும் ஜாதகிக்கு நடந்து கொண்டு இருக்கும் சுக்கிரன் திசை தடையில்லாமல் வழங்கிக்கொண்டு இருக்கிறது .

இதற்க்கு காரணம் சுக்கிரன் திசை 1,3,5,11 ம் வீடுகள் ஜீவன ஸ்தானமான 10 ம் வீட்டுடன் தொடர்பு பெறுவதே மேலும் அந்த ஜீவன ஸ்தானம் சர நீர் தத்துவ ராசியாக இருப்பது ஜாதகிக்கு அதிர்ஷ்டங்களை வாரி வழங்கி கொண்டு இருக்கிறது , லக்கினம் ஜீவன ஸ்தானதுடன் சம்பந்தம் பெறுவது , ஜாதகியின் உடல்நிலை மன நிலை ஆகியவற்றையும் , ஜாதகியின் நல்ல குணத்தையும் , திறமை மிக்க அறிவாற்றலையும் தருகிறது வாழ்க்கையில் நல்ல அந்தஸ்தையும் கௌரவமான தொழில் முன்னேற்றத்தையும் தருகிறது , ஜாதகி நினைப்பதை அடையும் யோகத்தை தருகிறது .

 மூன்றாம் பாவகம் ஜீவன ஸ்தானதுடன் சம்பந்தம் பெறுவது , ஜாதகி எடுக்கும் முயற்ச்சிகள் , எண்ணங்கள் யாவும் வெற்றி பெற வழி வகுக்கிறது , நினைத்ததை சாதிக்கும் யோகத்தை தருகிறது , மேலும் பொருளாதாரத்தில் தன்னிறைவையும் , பெரியவர்களை மதிக்கும் பண்பினையும் , சிறந்த புத்தி கூர்மையையும் , உறவு நண்பர்கள் ஆதரவையும் வழங்குகிறது ,.

பூர்வ புண்ணியம் ஜீவன ஸ்தானதுடன் சம்பந்தம் பெறுவது கலைகளில் சிறந்து விளங்கும் ஆற்றலை  தருகிறது , சிறப்பாக பாடும் வல்லமையும் , இனிய  குரல் வளத்தையும் தந்து இருக்கிறது , வாழ்க்கையில் படிப்படியான முன்னேற்றத்தை  இந்த பாவகம் தொடர்ந்து வழங்கி கொண்டே இருக்கிறது , தான்  பெற போகும் குழந்தைகளாலும் ஜாதகி யோக அமைப்பினையே பெறுவார் , ஜாதகிக்கு குல தேவதை மற்றும் இறைநிலையின் அருள் எப்பொழுதும் நிறைந்து  நிற்கிறது .

லாப ஸ்தானம் ஜீவன ஸ்தானதுடன் சம்பந்தம் பெறுவது ஜாதகிக்கு தொழில் ரீதியாக  படித்து முடித்த உடன் சிறப்பான நல்ல வேலை வாய்ப்பினை பெற்று தந்தது , மேலும் எதிர்காலத்தில் அரசு துறையில் பணியாற்றும் யோகத்தையும் தரும் , தனது பெற்றோருக்கு மிகுந்த யோகத்தை இதுவரை ஜாதகி தந்து கொண்டு இருப்பது  ஒரு சிறப்பான விஷயம் , குறிப்பாக தந்து தாயிக்கு மிகுந்த  யோகத்தை  தரும் அமைப்பு இது .

இந்த பெண்ணிற்கு மூல நட்சத்திரம் என்றாலும் ஜாதக அமைப்பு மிகுந்த  யோக நிலையில் இருப்பதால் இந்த பெண்ணை மணந்து கொள்ளும் நபருக்கு  யோகமான வாழ்க்கையே காத்துகொண்டு இருக்கிறது என்பதே உண்மை .

பொதுவாக பெண்ணின் ஜாதகம் இதை போன்று இருப்பது ஜாதகி மற்றும் ஜாதகியை சார்ந்தவர்களுக்கு  மிகுந்த யோக பலன்களை வாரி வழங்கும் , மேலும் நட்சத்திரத்தால்  எவ்வித துன்பமும் வருவதிற்கு வாய்ப்பில்லை , மேலும் பிறந்த  நட்சத்திரம் ஒன்றை மட்டும் வைத்து பலன் காணுவது ஜாதக பலன்களை  சரியாக சொல்ல உதவாது .

மேற்கண்ட ஜாதகத்தில் யோக பலன்களை வாரி வழங்குவதில் முக்கிய பங்காற்றும் கிரகங்கள்  ராகு கேது என்றால் அது மிகையாகாது , காரணம் நான்காம்  பாவகத்தில் அமர்ந்த ராகுவும் , ஜீவன ஸ்தானத்தில் அமர்ந்த கேதுவும்  ஜாதகத்தில் தான் அமர்ந்த பாவக பலனை 100 சதவிகிதம் விருத்தி செய்வதே  இதற்க்கு காரணம், ஆக இந்த ஜாதக அமைப்பில் ராகு கேது இரண்டு கிரகமும்  மிகுந்த யோக பலன்களையே வழங்கிக்கொண்டு இருக்கிறது , இதன் காரணமாகவே   ஜாதகிக்கு நல்லவர்களின் அறிமுகமும் நடப்பும் வாழ்க்கையில்  கிடைக்கிறது , வாழ்க்கையில் பல முன்னேற்றங்களும் உண்டாகிறது  .

ஒருவருக்கு வாழ்க்கையில்  நல்ல நண்பர்கள் , நல்ல உறவினர்கள் , நல்ல மனிதர்களை இணைத்து வைப்பதில் ராகு கேது கிரகங்களுக்கு முக்கிய பங்கு உண்டு  , இந்த ஜாதகத்தில் அந்த அமைப்பு சுக ஸ்தானமான நான்காம் பாவகத்துடனும் , ஜீவன ஸ்தானமான பத்தாம் பாவக்துடனும் தொடர்பு அந்த பாவக வழியில் இருந்து  நல்லவர்கள் சேர்க்கையும் , முன்னேற்றத்தையும் தரும்  என்பதில் ஆச்சரியம் இல்லை .

வாழ்க வளமுடன் 
ஜோதிடன் வர்ஷன் 
9443355696

யோக அதிபதியான சனி தன் திசையில் தரும் அவயோக பலன்களும் , ஜாதகர் படும் துன்பமும் !




மேற்கண்ட துலாம் இலக்கின ஜாதகருக்கு லக்கினத்திற்கு 1 ) நான்காம் பாவகதிர்க்கும் , 2 ) ஐந்தாம் பாவகதிர்க்கும் அதிபதியான சனி பகவான் தனது திசையில் ஜாதகரை படுத்தி எடுத்து இருக்கிறார் , யோக அதிபதியான சனி தனது திசையில் ஜாதகருக்கு அவயோக பலனை தந்ததிற்கு என்ன காரணம் ? என்பதை பற்றி இந்த பதிவில் காண்போம் .

நடந்த சனி திசை ஜாதகருக்கு பூர்வ புண்ணியம் எனும் ஐந்தாம் பாவகமும் , லாபம் அதிர்ஷ்டம் எனும் பதினொன்றாம் பாவகமும் , லக்கினத்திற்கு பாதக ஸ்தானமான 11 ம் வீட்டுடன் தொடர்பு பெற்று பலனை தந்ததே இதற்க்கு காரணம் , மேலும் சனி திசை நடந்த காலகட்டத்தில் ஜாதகர் தனது பூர்வீகத்தில் குடியிருந்தது 200 சதவிகித தீமையான பலனை வாரி வழங்கியது ,  குறிப்பாக பெற்றோர் திடீர் இழப்பு ,சொத்து இழப்பு , பொருளாதார இழப்பு , காரிய தடைகள் என ஜாதகரை பல கோணங்களில் பாதித்திருப்பது கவலைக்குரிய விஷயமே , மேலும் தான் கற்ற கல்விக்கு உண்டான சரியான வேலை வாய்பை பெற முடியாமல் போனது ஜாதகரின் வாழ்க்கையில், பெரிய திருப்பு முனையாக அமைந்து விட்டது , ஜாதகர் எடுக்கும் முயற்ச்சிகள் அனைத்தும் தோல்வி மேல் தோல்வி தர ஆரம்பித்து ஜாதகரின் மன நிலையை விரக்த்தியின் உச்ச நிலைக்கே கொண்டு சென்றது தான் , யோக அதிபதியான சனி திசை தந்த யோக பலன் .

ஒரு ஜாதகருக்கு நடப்பு திசை பாதக ஸ்தான பலனை தரும் பொழுது ஜாதகர் எந்த வழியிலும் முன்னேற்றம் பெற முடியாது , இழப்புகளை தவிர்க்க இயலாது , எந்த வழிபாடுகளும் , பரிகாரங்களும் ஜாதகருக்கு பலனை தர வாய்ப்பு சிறிதும் இல்லை , மேலும் இந்த ஜாதகருக்கு பூர்வ புண்ணியம் எனும் ஐந்தாம் பாவகம்  பாதக ஸ்தானதுடன் சம்பந்தம் பெற்றது மிகுந்த துன்பத்தை தரும் அமைப்பு , ஜாதகருக்கு உதவி செய்ய யாரும் முன் வர மாட்டார்கள் , நண்பர்கள் உறவினர்கள் அனைவரும் பகைவர்களாக மாற்றிவிடும் தன்மை உண்டாகும் , திசை தரும் பாதக ஸ்தான பலனை ஜாதகர் நிச்சயம் அனுபவித்தே தீர வேண்டும் , ஒரு வேலை ஜாதகர் தனது பூர்வீகத்தை விட்டு எல்லை தாண்டி தனியாக ஜீவனம் செய்தால் மட்டுமே சிறிது முன்னேற்றம் உண்டாகும் , அதுவும் சுய ஜாதகத்தில் சில பாவகங்கள் நல்ல நிலையில் இருந்தால் மட்டுமே  , மேலும் ஜாதகர் தனது குல தேவதை வழிபாடும் , பித்ரு கர்மங்களையும்  முறையாக செய்து வந்தால் மட்டுமே , ஜாதகர் நல்ல நிலையில்  வாழ்வதற்கு வழிகாட்டும் , இல்லை எனில் ஜாதகரின் நிலை மிகவும்  பரிதாபமான நிலைக்கு ஆளாகும் சூழ்நிலையை ஏற்ப்படுத்தும் .

மேற்கண்ட சனி திசை பாதக ஸ்தான பலனை தந்ததால் ஜாதகர் அனுபவித்த இன்னல்கள் பின் வருமாறு , 1 கல்வியில் தடை , 2 தொழில் தடை , 3 பூர்வீக சொத்து  இழப்பு , 4 விபத்து , 5 ஜாதகர் தனது பெற்றோரை திடீர் என இழந்தது , 6 ஜாதகர் அனைத்ததையும் இழந்து தனது  பூர்வீகத்தை விட்டு வெளியேறியது , 7 மன குழப்பம்  விரக்தி ஆகியவற்றால் ஜாதகரின் முன்னேற்றம் தடை பெற்றது , 8 உதவி செய்ய யாரும் இல்லாமல் போனது , 9 திருமணம் செய்ய பல முயற்ச்சிகள்  செய்தும் பலன் தரமால் போனது , 10 நிலையான வருமானம் இல்லாமல் அதிக சிரமங்களை அனுபவித்தது என ஜாதகரை நடந்த யோக அதிபதி  திசை படுத்தி எடுத்து விட்டது .

எனவே ஒரு ஜாதகருக்கு நடப்பது எந்த கிரகத்தின் திசை என்றாலும் சரி , நல்ல  நிலையில் இருக்கும் பாவகங்களின் தொடர்பை பெற்று பலனை தர வேண்டும் அப்பொழுது தான்  ஜாதகர் வாழ்க்கையில் சகல நலன்களையும் பெற முடியும் இல்லையேல் அவர் லக்கினத்திற்கு அதிபதி என்றாலும் சரி , கேந்திர கோண அதிபதி  என்றாலும் சரி ஜாதகருக்கு சிறிதும் நன்மை செய்ய வாய்ப்பு இல்லை என்பதே  உண்மை குறிப்பாக நடப்பு திசை பாதக ஸ்தான பலனை செய்வது முற்றிலும்  அவயோக பலன்களையே வாரி வழங்கும் .

வாழ்க வளமுடன் 
ஜோதிடன் வர்ஷன்   
9443355696

வியாழன், 22 நவம்பர், 2012

ஜீவன ஸ்தானம் எனும் பத்தாம் பாவகம் வழங்கும் யோக வாழ்க்கை : பகுதி 1



ஜீவனம்  எனும் தொழில் ஸ்தானம் ஒரு மனிதனுக்கு வாழ்க்கையில் பல நெளிவு சுளிவுகளை கற்றுகொடுக்கும் இடம் , அடிப்படையில் கல்வி காலங்களில் இருந்து வரும் ஆண் மற்றும் பெண் அன்பர்கள் தனது வாழ்க்கையில் மனிதர்களை பற்றி அதிகம் தெரிந்து கொள்ள உதவும் ஒரு இடம் , போட்டிகள் நிறைந்த இந்த உலகில் ஒரு மனிதன் பொருளாதார ரீதியாக வெற்றி பெற இந்த தொழில் ஸ்தானமே உதவி செய்கிறது , குறிப்பாக கல்வி காலங்களில் எதை பற்றியும் அதிக கவலைகள் இல்லாமல் சுற்றி திரிந்த அன்பர்களுக்கு , வேலை நிமித்தமாக ஒரு இடத்திற்கு சென்று பணியாற்றும் பொழுது சம்பந்த பட்ட நபரின் வாழ்க்கையில் சூழ்நிலையே வேறு விதமாக அமைந்து விடுகிறது .

 அந்த இடத்தில் தான் ஒரு பணியாளன் என்ற எண்ணமும் , தனக்கு மேல் தன்னை கட்டுபடுத்த ஒரு நபர் இருக்கிறார் என்ற எண்ணமும் சம்பந்தபட்டவரின் சுதந்திரத்தை கட்டுக்குள் கொண்டு வந்து விடுகிறது , ஜாதகர் பொருளுக்காக ( வருமானம் ) சில சிரமங்களை எதிர்கொள்ள வேண்டி வருகிறது , அதிலும் தனது நேரத்தை பணத்திற்காக மற்றவருக்கு தாரை வார்க்க வேண்டி வருகிறது , அவர் எவ்வளவு பெரிய வருமானத்தை பெற்றாலும் சரி , எவ்வளவு பெரிய நிறுவனத்தில் பணியாற்றினாலும் சரி இந்த நிலையே, மேலும் ஜாதக அமைப்பில் ஜீவன ஸ்தானம் நல்ல நிலையில் இருக்கும் ஒரு நபர் மற்றவருக்காக பணியாற்றுகிறார் என்றால் அங்கே நடப்பது என்ன ? சம்பந்த பட்ட நபரின் ஜீவன ஸ்தானம் வலிமையாக வேலை செய்யும் அந்த நிறுவனத்தின் முதலாளிக்காக ( முதலாளியின் ஜாதக அமைப்பில் ஜீவன ஸ்தானம் மிகவும் சிறப்பாக இருக்கும் என்பது வேறு விஷயம் ), ஆனால் சம்பந்த பட்ட நபருக்கோ சிறு தொகை மட்டுமே கிடைக்கும், அதுவும் தனது உழைப்பிற்கு ஏற்ற அமைப்பில் இருக்கும் என்று சொல்ல இயலாது .

நமது நாட்டை பொறுத்தவரை ஒருவர் படிப்பு பின்பு ஒரு நல்ல வேலை என்ற முறையிலேயே  சிந்தனை ஓட்டம் செல்கிறது , தமக்கு நல்ல வருமானம் கிடைக்கிறது  என்றால் மற்றவரிடம் அடிமையாக இருப்பதில் தமக்கு எவ்வித அவமானமும்  இல்லை என்ற மனபக்குவத்தை தந்தது நமது நாட்டின் கல்வி முறையில்  இருக்கும் குறைபாடே , இது ஒரு சிறந்த எதிர்காலத்தை நமது இளைஞர்களுக்கு நிச்சயம் வழங்குவதற்கு உண்டான வாய்ப்பு சற்றே குறைவு, ஆக  நமது பெற்றோர்கள் தமது குழந்தைகளை சுயமாக சிந்திக்க என்று சுதந்திரம்  தருகிறார்களோ அன்றே இந்த சூழ்நிலை மாறும் .

இருப்பினும் ஒருவர் தனது ஜாதக ரீதியாக ஜீவன வாழ்க்கையை எப்படி அமைத்துக்கொள்ளலாம்  ? என்பதை பற்றி இலக்கின வாரியாக இனி நாம் பார்ப்போம் , ஒருவருக்கு சரியான வயதில் நல்ல ஜீவனம் அமைகிறது என்றால்  நிச்சயம் ஜாதகரும் ஜாதகரின் தகப்பனாருமே காரணமாக எடுத்துகொள்ள  இயலும் , ஏனெனில் ஒருவருக்கு தனது தகப்பனாருடன் நல்ல உறவு முறை இருக்கிறது என்றால் , அந்த ஜாதகருக்கு ஜீவனம் சிறப்பாக அமையும்  என்பதில் எவ்வித சந்தேகமும் இல்லை , எனவே ஒருவருக்கு சுய ஜாதக  ரீதியாக ஜீவன ஸ்தானம் நல்ல வலிமையுடன் இருப்பது அவசியம் , இனி இலக்கின வாரியாக ஜீவன ஸ்தானம் மூலம் பெரும் நன்மை தீமைகளை பார்ப்போம் .

மேஷ லக்கினம் :

மேஷ லக்கினம் கால புருஷ தத்துவ அமைப்பிற்கு , முதல் வீடாக வருவதால் லக்கினத்திற்கு  ஜீவன ஸ்தான அதிபதியாக சனி பகவான் வருகிறார் , மேலும் இந்த லக்கினத்திற்கு  சனி பகவான் எந்த எந்த ராசிகளில் அமர்ந்தால் ஜீவன வாழ்க்கையில்  மேன்மையும் , யோகத்தையும் தருவார் என்பதை பற்றி இனி பார்ப்போம் .

விதி விலக்கு :

மேஷ லக்கினத்திற்கு பத்தாம் பாவகமான மகரத்தில் ராகுவோ , அல்லது  கேதுவோ அமர்ந்தால் ஜீவன ஸ்தானம் 100 சதவிகிதம் வலிமை பெற்றுவிடும் , மேலும் ஜீவன ஸ்தானத்திற்கு அதிபதியான சனி பகவான் எந்த பாவகத்தில்  அமர்ந்திருந்தாலும் ஜீவன ஸ்தானத்திற்கு நன்மை தீமை பலனை தருவதற்கு தகுதி அற்றவர் ஆகிவிடுவார் , ஜீவன ஸ்தானம் மகரத்தில் அமரும்  ராகு அல்லது கேதுவே ஜீவன ஸ்தானத்திற்கு உண்டான முழு பலனையும் செய்வார்கள்  அதுவும் 100 சதவிகிதம் நன்மையாக, ஆக இங்கு மேஷ லக்கினத்திற்கு  ஜீவன ஸ்தானத்தில் அமரும் ராகு கேது கிரகத்தால் ஜாதகர் ஜீவன வழியில் யோக பலன்களையே அனுபவிப்பார் என்பதில் எவ்வித ஐயமும்  இல்லை .

மேஷத்தில் அமரும் சனி பகவானால் (லக்கினத்திலும் , ஜீவன ஸ்தானத்திற்கு நான்கிலும் அமரும் சனி ) ஜாதகர் மிகுந்த நன்மைகளையே பெறுவார் குறிப்பாக ஜாதகர் நெருப்பு சார்ந்த தொழில்கள் , கட்டுமான தொழில் , அரசு நிர்வாக தொழில்கள் , மின்னணு  உபகரண தொழில்கள் , கனரக வண்டி வாகன தொழில்கள் செய்தால்  சிறப்பான வெற்றிகளை தரும் .

ரிஷபத்தில் அமரும் சனி பகவானால் ( லக்கினத்திற்கு இரண்டிலும் ,ஜீவன ஸ்தானத்திற்கு ஐந்திலும்  அமரும் சனி ) ஜாதகருக்கு தொழில் ரீதியாக சில இன்னல்களை அனுபவிக்க வேண்டி வரும் , ஒருவேளை ரிஷபத்தில் நான்காம் பாவகத்தில் அமரும் சனிபகவானால்  யோகமே உண்டாகும் , இதனால் ஜாதகர் ஜீவன வழியில் நன்மை  பெரும் யோகம் உண்டு ஆனால் சனி ஐந்தில் அமருவது ஜீவன வழியில் அதிக  தீமையே செய்யும் .

மிதுனத்தில் அமரும் சனி பகவானால் ( லக்கினத்திற்கு மூன்றிலும் ஜீவன ஸ்தானத்திற்கு ஆறிலும் அமரும் சனி ) ஜாதகருக்கு அதிக நன்மைகள் தர சிறிதும் வாய்ப்பு இல்லை , மேலும் கடன் பட்டு செய்யும் தொழில்களில் ஜாதகர் வாழ்க்கையில்  அதிக இன்னல்களை சந்திக்க வேண்டி வரும் , இங்கு அமரும் சனி ஜாதகருக்கு ஜீவன வழியில் தீமையே செய்யும் ஜாதகரின் சிந்தனை ஜீவன அமைப்பில் படு குழியில் தள்ளிவிட வாய்ப்பு அதிகம் .

கடகத்தில் அமரும் சனி பகவானால் ( லக்கினத்திற்கு நான்கு, ஜீவன ஸ்தானத்திற்கு ஏழாம் வீட்டி அமரும் சனி கடகத்தில் பகை பெற்றாலும் கூட ) ஜாதகருக்கு  ஜீவன வழியில் கொடிகட்டி பறக்க வைத்துவிடுவார் , குறிப்பாக மக்களை  வாடிக்கையாளராக கொண்டு செய்யும் தொழில்களில் எல்லாம் வெற்றி மேல் வெற்றியே கிடைக்கும், வண்டி வாகனம் , நிலம் வீடு , உணவு பொருட்கள் விற்பனை , நீர்ம பொருட்கள் , மண்ணிற்கு கீழே கிடைக்கும் திரவ பொருட்கள்  போன்ற தொழில்களில் அபரிவிதமான முன்னேற்றம் உண்டாகும் .

சிம்மத்தில் அமரும் சனி பகவானால் ( லக்கினத்திற்கு ஐந்தில் , ஜீவன ஸ்தானத்திற்கு எட்டில் ) ஜாதகருக்கு ஜீவன வழியில் திடீர் இழப்பை தரும் , சுய  தொழில் அல்லது வேளையில் அதிக இன்னல்களை தரும், ஒருவேளை சிம்மத்தில்  ஏழாம் பாவகத்தில் சனி அமர்ந்தால் யோகமே ஏற்ப்படும் கடகத்தை  போன்றே அதிக நன்மைகளை தரும் , இருப்பினும் செய்யும் தொழில்களில்  மற்றம் உண்டாகும் அதாவது மருத்துவம் , மருந்து , உயிர்காக்கும்  தொழில்கள் என செய்யும் தொழில்களில் மாற்றத்தை தரும் இருப்பினும்  மக்கள் தொடர்பை ஏற்ப்படுத்தும் .

கன்னியில் அமரும் சனி பகவானால் ( லக்கினத்திற்கு ஆறில், ஜீவன ஸ்தான அமைப்பிற்கு  ஒன்பதில் ) ஜாதகருக்கு ஜீவன வழியில் பெரிய நன்மைகளை பெறுவதற்கு உண்டான வாய்ப்பு மிக மிக குறைவே , ஆனால் சிறப்பான அடிமை  தொழிலை தருவதற்கு உண்டான வாய்ப்பை ஏற்ப்படுத்தி தரும் , நல்ல  வேலை அமையும் ( அடிமை தொழில் ).

துலாம் ராசியில் அமரும் சனி ( லக்கினத்திற்கு ஏழாம் வீட்டிலும், ஜீவன ஸ்தானத்திற்கு  பத்திலும் அமரும் சனி ) ஜாதகருக்கு ஜீவன வழியில் வெற்றி மேல்  வெற்றியை தரும் சுய தொழில் செய்வதின் மூலம் ஜாதகர் மிகப்பெரிய வெற்றியை  பெரும் யோகம் உண்டாகும் , தனது அறிவாற்றலால் செய்யும் தொழில்களில்  எல்லாம் கோடி கட்டி பறக்கும் யோகம் உண்டாகும் , புதுமையான விஷயங்களை உலகிற்கு அறிமுகம் செய்யும் ஆற்றல் பெற்றவர்கள், ஜீவன அமைப்பில் மக்களுடன் நெருங்கிய தொடர்புகளை கொண்டு இருப்பவர்கள்  , தன்னம்பிக்கை மற்றும் அறிவாற்றலை மட்டுமே முதலீடாக  கொண்டு தொழில் செய்யும் வல்லமை பெற்றவர்களா , எந்த ஒரு சூழ்நிலையிலும்  மனம் தளராமல் ஜீவன வழியில் மேன்மை பெரும் தன்மை பெற்றவர்கள் , இந்த அமைப்பை பெற்றவர்கள் செய்யாத தொழில்களே கிடையாது  என்று சொல்லலாம் ,குறிப்பாக ஆடை அலங்கார பொருட்கள் , சொகுசு  வண்டி வாகனங்கள் , தங்க நகை வியாபாரம் உலோகம் அலோகம் சார்ந்த தொழில்களில் வெற்றி மேல் வெற்றியே கிடைக்கும் , இது ஜீவன ஸ்தான  அமைப்பிற்கு மிகசிறப்பான இடம் மேஷ லக்கினத்திற்கு இங்கு அமரும் சனி தொழில் வெற்றியை வாரி வழங்கி விடுவார் .

விருச்சகத்தில் அமரும் சனி ( லக்கினத்திற்கு எட்டில் , ஜீவன ஸ்தானத்திற்கு பதினொன்றில்  அமரும் சனி ) ஜாதகருக்கு தொழில் ரீதியாக வெற்றிகளை வாரி வழங்கினாலும்  திருமண வாழ்க்கைக்கு பிறகே பெரிய அளவில் முன்னேற்றம்  உண்டாகும் , இருப்பினும் திடீர் இழப்புகளை தவிர்க்க இயலாது, இந்த அமைப்பை பெற்றவர்கள் தனது மனதை ஒருநிலை படுத்துவது  அவசியம் , மனம் போன போக்கில் சென்றால் சரிவுகளை தவிர்க்க இயலாது , இருப்பினும் ஜீவன வழியில் 100 சதவிகித நன்மைகளை வாரி வழங்கும் , குறிப்பாக ஆயுள் காப்பீடு , வெளிநாடுகளில் இருந்து அதிக வருமானம் , திடீர் அதிர்ஷ்டம் , புதையல் யோகம் , பண்ணை மற்றும் விவசாயம்  செய்வதால் நிறைய வருமானம் பெரும் யோகம் உண்டாகும் .

தனுசு ராசியில் அமரும் சனி ( லக்கினத்திற்கு ஒன்பதில் ஜீவன ஸ்தானத்திற்கு பனிரெண்டில் அமரும் சனி ) ஜாதகருக்கு அடிமை தொழிலை மட்டுமே சிறப்பாக அமைத்து  தரும் , மேலும் ஆசிரிய பணி , அரசு துறையில் பணியாற்றும்  யோகத்தை தர கூடும் , சுய தொழில் செய்ய ஏற்ற அமைப்பு இதுவல்ல  ஆனால் களத்திர பாவகம் நல்ல நிலையில் இருந்தால் கூட்டு தொழில் செய்யலாம் , சனி இங்கு அமர்வது பெரிய யோக பலனை தராது ஜீவன  அமைப்பிற்கு .

மகரத்தில் அமரும் சனி ( லக்கினத்திற்கு பத்திலும், ஜீவன ஸ்தான அமைப்பிற்கு  ஒன்றிலும் அமரும் சனி ) ஜீவன ஸ்தானத்தை 100 சதவிகிதம் கெடுத்து விடும்  இங்கே சனி ஆட்சி பெற்றாலும் யோக பலன் இல்லை தனது பாவகத்தை  கெடுக்க இவரே காரணமாக அமைந்துவிடுவார் , ஒரு வேலை சூரியனுடன் சேர்ந்த புதன் இங்கு அமர்ந்தால் ஜீவன ஸ்தானம் வலிமை பெரும் இதன் வழி நன்மைகள் கிடைக்க வாய்ப்பு அதிகம், ஆக சனி இங்கு அமருவது 200 சதவிகித தீமையை தரும் ஜீவன அமைப்பிற்கு .

கும்பத்தில் அமரும் சனி ( லக்கினத்திற்கு பதினொன்றிலும் , ஜீவன ஸ்தான அமைப்பிற்கு இரண்டிலும் அமரும் சனி ) ஜாதகருக்கு ஜீவன வழியில் சிரமம் தரும் அமைப்பாகவே இதையும் கருத வேண்டி வருகிறது தனது வீட்டிற்கு இரண்டில் மறையும் சனியால் ஜீவன அமைப்பிற்கு எவ்வித நன்மையையும் தர  இயலாது ஒரு வேலை சூரியனுடன் சேர்ந்த புதன் இங்கு அமர்ந்தால் ஜீவன ஸ்தானம் வலிமை பெரும் இதன் வழி நன்மைகள் கிடைக்க வாய்ப்பு அதிகம்.

மீனத்தில் அமரும் சனி ( லக்கினத்திற்கு பனிரெண்டிலும் , ஜீவன  ஸ்தானத்திற்கு மூன்றிலும் அமரும் சனி ) ஜாதகருக்கு ஜீவன வழியில் எளிதான  வெற்றிகளை வாரி வழங்கி விடுவார் , தொழில் ரீதியாக எவ்வித சிரமும்  இன்றி முன்னேற்றம் பெரும் யோகம் உண்டாகும் , குறிப்பாக பங்கு வர்த்தக தொழில்களில் சிறப்பான முன்னேற்றம் உண்டாகும் , மேஷ லக்கினத்திற்கு  சனி இங்கு அமர்வது ஜாதகரை சுகபோகியாக மாற்றிவிடும் தன்மை பெற்றது , பணம் என்பது ஜாதகருக்கு ஒரு பெரிய விஷயமாகவே இருக்காது , ஏதாவது ஒரு வழியில் செல்வம் வந்துகொண்டே இருக்கும் .

மேற்க்கண்டவை பொது பலன்கள் என்றாலும் , சுய ஜாதகத்தை வைத்தே ஜீவன  பாவக வலிமையை நிர்ணயம் செய்ய வேண்டும் என்பது ஜோதிட தீபத்தின் கருத்து .

வாழ்க வளமுடன் 
ஜோதிடன் வர்ஷன் 
9443306969