பிரகஸ்பதி எனும் தேவ குரு கடகத்தில் இருந்து, குரு வட்டமான சிம்ம ராசிக்கு பெயர்ச்சி பெற்று இருப்பது, வரவேற்க்கதக்க அம்சமாகவே ஜோதிடதீபம் கருதுகிறது,ராசியை அடிப்படையாக கொண்டு இந்த குரு பெயர்ச்சி பலன்களை சிந்திப்பதை விட, சுய ஜாதகத்தை இயக்கும் லக்கினத்தை அடிப்படையாக கொண்டு, நடைபெறும் திசை புத்தி அந்தரம் மற்றும் சூட்சமம் ஏற்று நடத்தும் பாவகங்களுடன் குரு பகவானின் தொடர்புகளை ( அமர்வு மற்றும் பார்வை ) கொண்டு சுய ஜாதக பலனை கணிதம் செய்யும் பொழுது ஜாதக ரீதியான துல்லியமான பலன்களை காண இயலும், இனி மேஷம் முதல் மீனம் வரையிலான 12 லக்கினங்களுக்கு குரு பகவான் வழங்கும் பலன்களை ஆய்வுக்கும் சிந்தனைக்கும் எடுத்துகொள்வோம் அன்பர்களே!
தனுசு லக்கினம் :
கால புருஷ தத்துவ அமைப்பிற்கு 9ம் ராசியான தனுசு ராசியை லக்கினமாக கொண்ட அன்பர்களே! தங்களுக்கு தற்பொழுது நடைபெறும் திசை புத்தி அந்தரம் மற்றும் சூட்சமம் 9,1,3,5ம் பாவக பலனை ஏற்று நடத்தினால் கிழ்கண்ட பலன்கள் குரு பெயர்ச்சியின் காரணமாக குரு பகவான் தங்களுக்கு வாரி வழங்குவார், தனுசு லக்கினத்திற்கு 9ல் அமர்ந்த குரு பகவான் தங்களது வாழ்க்கை முன்னேற்றத்திற்கு பெரிய அளவிலான உதவிகளை இனிவரும் வருடத்தில் தங்களுக்கு வழங்குவார் குறிப்பாக ஆன்மீக தேடுதல்களுக்கு நல்ல விருத்தியை தருவார், பெரிய மனிதர்களின் ஆதரவும், ஆன்மீக பெரியோரின் ஆசிர்வாதமும் நிறைவாக பெரும் யோகத்தை தரும், தன்னம்பிக்கையும் அறிவுத்திறனும் மேம்படும், பயணங்களில் நல்ல லாபமும் அதிர்ஷ்டமும் உண்டாகும், பொது வாழ்க்கையில் உள்ள அன்பர்களுக்கு பெருவாரியான ஆதரவு கிடைக்கும், கல்வி துறை சார்ந்த அன்பர்களுக்கு எதிர்பாராத அதிர்ஷ்ட வாய்புகள் வந்து சேரும், சுய சிந்தனையும், செயல்திறனும் வாழ்க்கையில் அபரிவிதமான நன்மைகளை வாரி வழங்கும், தங்களது வாழ்க்கையில் சிறந்த முன்னேற்றங்களை பெறுவதற்கு உண்டான அடித்தளத்தை அமைக்க சரியான நேரமிது, ஆராய்ச்சி மற்றும் உயர்கல்விகளில் சிறந்த வெற்றிகளை பெரும் யோகத்தை தரும்.
9ல் அமர்ந்த குரு தனது 5ம் பார்வையாக உயிர் ஸ்தானமான 1ம் பாவகத்தை வசீகரிப்பது தனுசு லக்கினத்தை சார்ந்தவர்களுக்கு, உடல் மனம் இரண்டு வலிமை பெரும், சிந்தனையும் அறிவுத்திறனும் பல முன்னேற்றங்களை தரும், கல்வியில் வெற்றி, சாஸ்திரத்தில் தேர்ச்சி, கணித அறிவு, ஜோதிடத்தில் புலமை, வாதத்திறமை, பெரிய மனிதர்களின் ஆதரவு, எண்ணிய நினைவுகள் பலிதம் பெரும் யோகம், உடல் ஆரோக்கியம் மேம்படும் தன்மை, எதிர்பாராத உதவிகள், கற்ற கல்வியின் மூலம் பெரும் யோக வாழ்க்கை, திடீர் முன்னேற்றம், பொருளாதார ரீதியான முன்னேற்றத்திற்கு எடுக்கும் நடவடிக்கைகள் மூலம் கை நிறைவான வருமானம், என சுய முன்னேற்றத்திற்கு ஏதுவான நேரமிது, மேலும் பொதுமக்கள் ஆதரவின் மூலம் புதிய பொறுப்புகள் மற்றும் பதவிகளும் தேடிவரும் வாய்ப்பை தரும், ஆன்மீக திருத்தலங்களுக்கு சென்றுவரும் வாய்ப்பும், அதன் மூலம் வாழ்க்கையில் முன்னேற்றமும் உண்டாகும்.
9ல் அமர்ந்த குரு தனது 7ம் பார்வையாக வீர்ய ஸ்தானமான 3ம் பாவகத்தை வசீகரிப்பது தனுசு லக்கினத்தை சார்ந்தவர்களுக்கு, எடுக்கும் காரியங்களில் அபரிவிதமான வெற்றி வாய்ப்பை வாரி வழங்கும், அதிர்ஷ்டத்தின் தன்மையை 100% விகிதம் அனுபவிக்கும் யோகத்தை தரும், மனதில் நினைக்கும் எண்ணங்கள் யாவும் பலிதம் பெரும், கமிஷன் மற்றும் தரகு தொழில் செய்துவரும் அன்பர்களுக்கு அளவில்லா லாபமும் முன்னேறமும் உண்டாகும், விளையாட்டு வீரர்களுக்கு புதிய வாய்ப்புகளும், எதிர்பாராத வெற்றிகளும் வந்து குவியும், சுய தொழில் புரிவோருக்கு படிப்படியான ஸ்திரமான முன்னேற்றமும், மக்களிடம் அபரிவிதமான வரவேற்ப்பும் உண்டாகும், புதிய முயற்ச்சிகளில் ஈடுபடும் அன்பர்களுக்கு எதிர்பாராத முன்னேற்றமும் லாபமும் உண்டாகும், கல்வி கேள்விகளில் புலமையும் தேர்ச்சியும் உண்டாகும், மனதில் உறுதியுடன் மேற்கொள்ளும் காரியங்களில் முழு வெற்றி கிட்டும், சுய மரியாதை, கௌரவம், அந்தஸ்து உயரும், புதிய வாய்ப்புகள் தங்களின் வாழ்க்கையில் பலவிதமான வசதி வாய்ப்புகளை பெற்றுத்தரும்.
9ல் அமர்ந்த குரு தனது 9ம் பார்வையாக பூர்வபுண்ணிய ஸ்தானமான 5ம் பாவகத்தை வசீகரிப்பது தனுசு லக்கினத்தை சார்ந்தவர்களுக்கு, குல தெய்வ அருளாசியின் மூலம் தன்னிறைவான முன்னேற்றத்தை பெரும் யோகத்தை தரும், இது வரை இருந்த தடைகள் யாவும் நீங்கி வாழ்க்கையில் சுபிட்சம் ஓங்கும், தனது சந்ததிக்கு புத்திர சந்தானம் பாக்கியம் கிடைக்கும், இதுவரை திருமண வாழ்க்கை அமையாத அன்பர்களுக்கு சிறப்பான வாழ்க்கை துணை அமைந்து திருமணம் விரைவில் நடைபெறும், குடும்பத்தில் மகிழ்ச்சியும் சந்தோசம் ஓங்கி நிற்கும், எதிர்பாராத சொத்துகள் கிடைக்க பெறுவீர்கள், உறவுகள் ஆதரவும் உதவியும் கிடைக்கும், சமூகத்தில் இதுவரை இருந்துவந்த இடையூறுகள் யாவும் நீங்கி மதிப்பு மரியாதை கிடைக்க பெறுவீர்கள், வெளிநாடுகளில் இருந்து அபரிவிதமான வருமான வாய்ப்பும், மாற்று மதத்தினர் மூலம் மிகுந்த லாபமும் முன்னேற்றமும் உண்டாகும் யோக காலமாக இந்த வருடம் தனுசு இலக்கின அன்பர்களுக்கு அமையும் என்பது கவனிக்க தக்கது, வாழ்த்துகள்
குறிப்பு :
தனுசு லக்கின அன்பர்களே ! தற்பொழுது தங்களுக்கு நடைபெறும் திசை,புத்தி,அந்தரம் மற்றும் சூட்சமம் மேற்கண்ட9,1,3,5ம் பாவக பலனை ஏற்று நடத்தினால் மட்டுமே, தங்களுக்கு மேற்கண்ட குரு பகவானின், கோட்சார நன்மைகள் அல்லது தீமைகள் நடைமுறைக்கு வரும், ஒருவேளை நடைபெறும் திசை,புத்தி,அந்தரம் மற்றும் சூட்சமம் 9,1,3,5ம் பாவக பலனை ஏற்று நடத்தவில்லை எனில் எவ்வித நன்மையும், தீமையும் நடைபெறாது என்பதை கவனத்தில் கொள்க.
இந்த குரு மாற்றத்தின் மூலாம் 100% யோக பலன்களை அனுபவிக்கும் லக்கினத்தை சார்ந்தவர்கள் என்ற முறையில் தங்களது தனுசு லக்கினமே இரண்டாவது இடத்தை பெறுகிறது, வாழ்த்துகள் .
வாழ்க வளமுடன்
ஜோதிடன் வர்ஷன்
கருத்துகள் இல்லை:
கருத்துரையிடுக