Friday, September 7, 2012

மண் தத்துவ ராசிகளின் தன்மை , சுய ஜாதகத்தில் வலிமை பெரும் பொழுது தரும் நன்மை !



கால புருஷ தத்துவ அமைப்பிற்கு, ரிஷபம் ஸ்திர மண் ராசியாகவும்  , கன்னி உபய மண் ராசியாகவும் , மகரம் சர மண் ராசியாகவும் இயற்கையால் வகை படுத்தபடுகிறது , ஒருவருக்கு சுய ஜாதக அமைப்பில் மேற்கண்ட மண் தத்துவ ராசிகள் நல்ல நிலையில் இருந்தால் ஜாதகர் பெரும் நன்மைகளை பற்றி இந்த பதிவில் சற்றே சிந்திப்போம் .

பொதுவாக சுய ஜாதகத்தில் மண் தத்துவ ராசிகள் நல்ல நிலையிருந்தால் , ஜாதகருக்கு தொழில் முறையில் மிகப்பெரிய வெற்றியை தரும் , உடல் ஆரோக்கியத்தில் எவ்வித தொந்தரவுகளையும் தராது , மேலும்  வண்டி வாகன யோகம் , வீடு , சொத்து சுகம் , விவசாய நிலங்களில் இருந்து வரும் வருமானம் , சொகுசு வாகன யோகம் , வண்டி வாகன தொழில்களில் மிகப்பெரிய வெற்றி , கட்டிட கட்டுமான துறையில் எதிர்பாராத முன்னேற்றம் , ரியல் எஸ்டேட் தொழில்களில் சிறப்பான வளர்ச்சி , மருத்துவ தொழில் செய்வோருக்கு மிகப்பெரிய முன்னேற்றம் , மிகசிறந்த மருத்துவ நிபுணர்கள் ஜாதக அமைப்பில் இந்த மண் தத்துவ ராசிகள் மிகவும் நல்ல நிலையில் இருக்கும் , மேலும் இந்த தத்துவ ராசிகள் நல்ல நிலையில் இருக்கும் மருத்துவர்களிடம் சிகிச்சை பெற்று கொள்ளும் நபர்களுக்கு விரைவில் நலம் பெரும் அமைப்பை தரும் . 

ரிஷபம் ஸ்திர மண் ராசி ஜாதகத்தில் நல்ல நிலையில் இருந்தால் ஜாதகர் அனுபவிக்கும் நன்மைகள் :

கை நிறைய வருமானம் கிடைக்கும் , நல்ல குடும்பம் அமையும் , உடல் நிலையில் பாதிப்பற்ற நிலையும் , உடல் நலம்  பேணும் தன்மையும் , ஜாதகர் சுய உழைப்பின் மூலம் முன்னேற்றம் பெறுவார் , சுய சம்பாத்தியத்தின் மூலம் சொத்து சுகங்களை பெரும் அமைப்பை தரும் , வட்டி தொழில் மற்றும் வாக்கின் மூலம் சிறப்பான வருமானம் கிடைக்க பெறுவார்கள் , ஆசிரிய பணிகளில் சிறந்து விளங்கும் தன்மையும், ஆய கலைகள் 64  தொழிலாக கொண்டு  நிறைவான வருமானத்தை பெரும் யோகம் உண்டாகும் , தனது எண்ணம் செயல்களால் மற்றவர்களின் துன்பத்தை போக்கும் தன்மை கொண்டவர்களாகவும் , உதவி செய்யும் மன பக்குவம் கொண்டவர்களாகவும் இருப்பார்கள் , சமுதாயத்தில் நல்ல மதிப்பு மரியாதையும் ஜாதகருக்கு நிச்சயம் உண்டாகும் , மேலும் சுய நலமற்ற, மக்கள் செல்வாக்கை பெற்ற  அரசியல் பிரமுகராக  செயலாற்றும் தன்மை கொண்டவர்கள் , எனவே சுய ஜாதகத்தில் ரிஷபம் நல்ல நிலையில் இருப்பது மிகப்பெரிய நன்மைகளையே வாரி வழங்கும் என்பதில் சந்தேகமே இல்லை .

கன்னி உபய மண் ராசி ஜாதகத்தில் நல்ல நிலையில் இருந்தால் ஜாதகர் அனுபவிக்கும் நன்மைகள் :

நிதி நிறுவனம் நடத்துவதால் ஜாதகர் நல்ல வருமானம் கிடைக்கும் , வட்டி தொழில் செய்ய மிகசிறந்த ஜாதக அமைப்பு , விஷ வைத்தியம் பலிதமாகும், நகையின் பேரில் இடத்தின் பேரில் கடன் கொடுத்தால் சிறப்பான வருமானம் கிடைக்கும் , அரசியலில் ஈடுபடுவதால் குறுகிய காலத்தில் வெற்றி பெரும் அமைப்பை தரும் , மக்கள் செல்வாக்கு ஜாதகருக்கு பரிபூரணமாக அமைந்து விடும் , தொழில் துறையில் குறுகிய காலத்தில் வெற்றி பெரும் அமைப்பை நிச்சயம் தரும் , பெற்ற குழந்தைகள் மூலம் யோக வாழ்க்கையை  ஜாதகருக்கு வாரி வழங்கும் அமைப்பாக இதை கருதலாம் , சித்த மருத்துவம் , இயற்க்கை மருத்துவம் சார்ந்த தொழில்களில் ஜாதகருக்கு மிகப்பெரிய வெற்றிகளையும் , மூலிகை ஆராய்ச்சியில் சிறந்து விளங்கும் தன்மையும்  ஜாதகருக்கு ஏற்ப்படும் .

மகரம்  சர மண் ராசி ஜாதகத்தில் நல்ல நிலையில் இருந்தால் ஜாதகர் அனுபவிக்கும் நன்மைகள் :

நிச்சயம் ஜாதகர் மருத்துவ துறையில் கொடி கட்டி பறக்கும் அளவிற்கு பெயரும் புகழும் உண்டாகும் , ஜாதகர் செய்யும் சிகிச்சை அனைத்தும் வெற்றி பெரும் , நல்ல கை ராசியான  மருத்துவர் என்ற பெயர் ஆரம்பத்த்திலேயே கிடைக்கும் , உடல் நிலையை பற்றி ஆராய்ச்சி , மற்றவர்களை பார்த்த மாத்திரத்தில் அவர்களின்  உடல் நிலையை பற்றி சரியாக கணிக்கும் தனித்தன்மை ஜாதகருக்கு இயற்கையாக அமைந்து விடும் , ஜாதகரால்  சிகிச்சை பெரும்  நபர்களெல்லாம் குணம் பெறுவார்கள் , குறுகிய காலத்தில் மருத்துவ துறையில் பெயரும் புகழும் கிடைக்கும் , இதனால் ஜாதகருக்கு அனைத்து வசதி வாய்ப்புகளும் மிக பெரிய அளவில் கிடைக்கும் .

 இந்த அமைப்பு நல்ல நிலையில் இருந்து ,ஒருவேளை ஜாதகர்  அதிகம் படிக்கவில்லை எனில் , கணரக வண்டி வாகன தொழில்களில் மிகப்பெரிய வெற்றிகளை தந்து விடுகிறது , சிறிதாக துவங்கும் தொழில் கூட சில வருடங்களில் மிகப்பெரிய முன்னேற்றத்தை வாரி வழங்கி மிக பெரிய செல்வந்தனாக மாற்றி விடுகிறது , அதே போல் விவசாய தொழில்களில் கொடி கட்டி பரப்பவர்களும் இவர்களே , பண்ணை மற்றும் விவசாயத்தில் அளப்பறியா  செல்வ வளத்தை வாரி வழங்கி விடுகிறது .

எனவே ஒருவருடைய ஜாதக அமைப்பில் மண் தத்துவ ராசிகள் நல்ல நிலையில் இருப்பது , உடல் நிலை , சொத்து , வண்டி , வாகனம் , நிலபுலன்கள் , அரசு துறையில் ஆதரவு , மக்கள் ஆதரவு , உலகம் முழுவதும் வலம் வரும் வாய்ப்பு , எவருடைய உதவியும் இன்றி  சுயமாக வாழ்க்கையில் முன்னேற்றம் பெரும் அமைப்பு ஆகியவைகளை தந்து நலம் பெற செய்கிறது .

வாழ்க வளமுடன் 
ஜோதிடன் வர்ஷன்  
9443355696

No comments:

Post a Comment