Monday, November 10, 2014

சனி பெயர்ச்சி, விருச்சிக ராசிக்கு செல்லும் சனிபகவான் லக்கின வாரியாக தரும் பலன்கள் - மிதுனம்



சனி பகவான்  திருக்கணித பஞ்சாங்க முறைப்படி 02-11-2014 ஞாயிறு கிழமை அன்று இரவு 08-54 மணிக்கு துலாம் ராசியிலிருந்து விருச்சிக ராசிக்கு பெயர்ச்சியாகியுள்ளார். விருச்சிக ராசியில் சனி சுமார் இரண்டரை ஆண்டு காலம் சஞ்சரிப்பார், இந்த காலகட்டத்தில் ஒவ்வொரு லக்கினத்தை சார்ந்தவர்களுக்கும் சனி பகவான் வழங்கும் யோக அவயோக பலன்களை பற்றி நாம் இந்த பதிவில் சிந்திப்போம் அன்பர்களே!   


ஜோதிடதீபம் ராசியை அடிப்படையாக வைத்து சனி பெயர்ச்சி பலன்களை வழங்காமல், ஏன் லக்கினத்தை அடிப்படையாக கொண்டு பலன் சொல்லுகிறது என்ற சந்தேகம் சிலருக்கு வரக்கூடும், லக்கினம் என்பதே ஜாதகத்திற்கு அடிப்படையானது, இந்த லக்கினம் எனும் முதல் பாவகத்தை வைத்தே ஒருவருக்கு சரியான ஜாதக பலன்களை சொல்ல இயலும், ராசியை வைத்து சொல்வது என்பது, பொது பலன்களாகவே இருக்குமே தவிர ஒரு ஜாதகருக்கு தெளிவான பதிலையும், பலன்களையும் தர வாய்ப்பில்லை என்பதால் ஒவ்வொரு லக்கினத்தருக்கும், இந்த சனி பெயர்ச்சி எவ்வித பலன்களை தருகிறது என்று தெளிவாக இனி வரும் பதிவுகளில் காண்போம்.

அடிப்படையில் ஒரு விஷயத்தில் தெளிவாக புரிந்து கொள்ளுங்கள் அன்பர்களே! சனி பகவான் தற்பொழுது விருச்சிக ராசிக்கு பெயர்ச்சி அடைந்துள்ளார், இனி வரும் 30 மாதங்கள் சனி பகவான் விருச்சிக ராசியில் சஞ்சாரம் செய்கிறார், விருச்சிகத்தில் அமர்ந்து  6ம் பார்வையாக மேஷ ராசியையும், 7ம் பார்வையாக ரிஷப ராசியையும், 10ம் பார்வையாக சிம்ம ராசியையும் பார்ப்பதால் இந்த ராசிகளுக்கு திருஷ்டி பலன் என்ற அமைப்பில் பலன் தருகிறார்.

இலக்கின ரீதியாக பலன்கான முனையும் அன்பர்கள் அனைவரது ஜாதகத்திலும் தற்பொழுது நடைபெறும் திசை,புத்தி,அந்தரம் மற்றும் சூட்சமம் ஆகியவை ஏற்று நடத்தும் பாவகம் கிழ்கண்ட ராசிகளில் அமைந்தால் மட்டுமே( அதாவது விருச்சிகம்,மேஷம்,ரிஷபம் மற்றும் சிம்மம் ஆகிய ராசிகள் எந்த எந்த பாவகமாக வருகிறதோ அந்த பாவக பலனை தற்பொழுது நடைமுறையில் உள்ள திசை,புத்தி,அந்தரம் மற்றும் சூட்சமம் ஆகியவை தொடர்பு பெறுதல் ) ஜாதகருக்கு தற்பொழுது பெயர்ச்சி பெற்று இருக்கும் சனிபகவான் நன்மையையோ, தீமையையோ செய்வார் என்பதை கருத்தில் கொள்க, எனவே தற்பொழுது நடைபெறும் திசை,புத்தி,அந்தரம் மற்றும் சூட்சமம் மேற்கண்ட ராசிகளுடன் தொடர்பு பெருகின்றத என்பதை கவனிப்பது மிக முக்கியமானதாக ஜோதிடதீபம் அறிவுறுத்துகிறது .

மிதுன லக்கினம் :

மிதுன லக்கினத்திற்கு 6ல் அமர்ந்த சனிபகவான் விபரீத ராஜ யோக பலன்களை வாரி வழங்க இருக்கிறார், உடல் ரீதியான சில பிரச்சனைகளால் பாதிக்க பட்டு இருந்த அன்பர்களுக்கு தற்பொழுது அதில் இருந்து குணம் பெரும் யோகத்தை தருகிறார், சிறு முதலீடுகளில் இருந்து எதிர்பாராத பெரிய தன வரவை பெரும் யோக காலமாக இந்த இரண்டரை வருட காலத்தை கருதலாம், மேலும் வெளிநாடுகளில் இருந்து திடீர் தனவரவை பெரும் யோகமும், புதிய பொருட்கள் வாங்கும் யோகமும், புதிய வண்டி வாகனம் வாங்கும் யோகம், எதிர்பாராத புதிய உறவுகளின் ஆதரவு, வாழ்க்கை துணை வழியில் இருந்து வரும்  மனமகிழ்வு மற்றும் பொருளாதார உதவிகள், புதிய தொழில் துவங்கும் யோகம், மக்கள் தொடர்புள்ள தொழில்களில் இருப்பவர்களுக்கு அபரிவிதமான தொழில் முன்னேற்றத்தை வாரி வழங்கும்  யோக காலமாக மிதுன  லக்கினத்தை சார்ந்தவர்கள் இந்த சனி பெயர்ச்சி இருக்கும்  என்பதை மறுப்பதற்கு இல்லை.

மிதுன லக்கினத்திற்கு 6ம் பார்வையாக 11ம் பாவகத்தை பார்வை செய்யும் சனி பகவான் ஜாதகருக்கு மிகுந்த அதிர்ஷ்ட வாய்ப்புகளை வாரி வழங்குகிறார், குறிப்பாக ஜாதகரின் செயல்பாடுகளும் , முயற்சிகளும் எளிதில் வெற்றி பெரும் யோக காலம் இது, ஜாதகரின் உடல் நலம் மற்றும் மன நலம் மிகவும் சிறப்பாக இருக்கும், நீடித்த அதிர்ஷ்டத்தை தொடர்ந்து வழங்கிய வண்ணம் சனிபகவான் இருப்பார், ஜாதகரின் சுறுசுறுப்பான செயல்கள் யாவும் புதிய வாய்ப்புகளை  வாரி வழங்கும், மேஷம் சர நெருப்பு தத்துவ அமைப்பில் செயல்படுவதால், ஜாதகருக்கு தரவேண்டிய யோக பலன்கள் யாவும் வெகு விரைவாக  குறுகிய காலத்தில் கிடைக்கும், ஜாதகரின் நம்பிக்கைகள் யாவும் அபரிவிதமான வெற்றியை பெரும் யோக காலம் இது, ஜாதகர் எந்த ஒரு   காரியத்திலும் மன உறுதியாக செயல்பட்டு பல சாதனைகளையும், அதிர்ஷ்டங்களையும், பெரும் யோக காலம் இதுவென்றால் அது மிகையில்.

மிதுனலக்கினத்திற்கு 7ம் பார்வையாக 12ம் பாவகத்தை பார்வை செய்யும் சனிபகவான் திருமணம் ஆகாத  மிதுன லக்கினத்தை சார்ந்தவர்களுக்கு உடனடியாக திருமண வாழ்க்கையை அமைத்து தருவர், இதுவரை வருமான வாய்ப்புகள் இல்லாமல் இருந்த அன்பர்களுக்கு நிலையான நீடித்த வருமான வாய்ப்பை தொழில் மூலமாக வாரி வழங்குவார், ஜாதகரின் பேச்சு திறமையும், தீர்க்கமான வாதமும் மிகப்பெரிய அந்தஸ்தை பெற்று தரும், ஜாதகரின் குடும்ப வாழ்க்கையில்  மகிழ்ச்சி பொங்கும், முதலீடு செய்த அமைப்பில் இருந்து எதிர்பாராத  தன வரவை பெறுவார்கள், வட்டி தொழில் மிகுந்த லாபத்தை தரும், ஜாதகரின் பண தேவைகள் யாவும் இனி வரும் காலங்களில் பூர்த்தியாகும், சிலருக்கு புதியதாக வீடு கட்டும் யோகம் அல்லது வாங்கும் யோகம் உண்டாகும், பல தொழில் செய்யும் யோகமும் பல வகையான வருமான வாய்ப்புகளும் மிதுன லக்கினத்தை சார்ந்தவர்களுக்கு பொருளாதார ரீதியான தன்னிறைவையும், மன நிம்மதியான குடும்ப வாழ்க்கையையும் வாரி வழங்கும்.

மிதுன லக்கினத்திற்கு 10ம் பார்வையாக 3ம் பாவகத்தை பார்வை செய்யும் சனிபகவான் திருமணம் ஆனா தம்பதியருக்கு உடனடியாக புத்திர சந்தான பாக்கியத்தை வாரி வழங்குகிறார், தனது குலம் செழிக்க நல்ல வாரிசு அமையும், குழந்தை பிறந்த நேரம் அனைவருக்கும் யோக காலத்தை வாரி வழங்கும், தற்பொழுது நடைபெற்ற  சனிபெயர்ச்சி மிதுன லக்கினத்தாருக்கு ஏஜென்சி துறையில் புகழ்பெற்ற வெற்றி வாய்ப்ப்களை வாரி வழங்கும், தன்னம்பிக்கையுடன் உழைத்து வாழ்க்கையில் குறுகிய காலத்தில் நல்ல அந்தஸ்தை நிலையாக பெரும் யோகத்தை தரும், ஜாதகரின் அறிவாற்றலும் சிந்தனைகளும் நீடித்த நன்மைகளை வாரி வழங்கும், ஜாதகர் எங்கு சென்றாலும் நல்ல வரவேற்ப்பையும்,சமூக  கௌரவம் மரியாதையை பெரும் யோகத்தை தரும், புதிய பதவிகளை அலங்கரிக்கும் யோகத்தை தரும், அரசியல் ரீதியான வெற்றிகள், மக்கள் ஆதரவை பெற்று தரும் யோக காலமாக இதை  கருதலாம்.

மிதுன இலக்கின  அன்பர்களே ! தற்பொழுது தங்களுக்கு நடைபெறும் திசை மற்றும் புத்தி மேற்கண்ட3,6,11,12ம்  பாவக பலனை ஏற்று நடத்தினால் மட்டுமே தங்களுக்கு மேற்கண்ட  சனிபகவானின் கோட்சார நன்மைகள் நடைமுறைக்கு வரும், ஒருவேளை நடைபெறும் திசை 3,6,11,12ம்  பாவக பலனை ஏற்று நடத்தவில்லை எனில் எவ்வித நன்மையும் நடைபெறாது என்பதை கவனத்தில் கொள்க, வாழ்த்துகள் .

வாழ்க வளமுடன் 
ஜோதிடன் வர்ஷன் 
9443355696


No comments:

Post a Comment