சனி, 8 நவம்பர், 2014

சனி பெயர்ச்சி, விருச்சிக ராசிக்கு செல்லும் சனிபகவான் லக்கின வாரியாக தரும் பலன்கள் - ரிஷபம்




சனி பகவான்  திருக்கணித பஞ்சாங்க முறைப்படி 02-11-2014 ஞாயிறு கிழமை அன்று இரவு 08-54 மணிக்கு துலாம் ராசியிலிருந்து விருச்சிக ராசிக்கு பெயர்ச்சியாகியுள்ளார். விருச்சிக ராசியில் சனி சுமார் இரண்டரை ஆண்டு காலம் சஞ்சரிப்பார், இந்த காலகட்டத்தில் ஒவ்வொரு லக்கினத்தை சார்ந்தவர்களுக்கும் சனி பகவான் வழங்கும் யோக அவயோக பலன்களை பற்றி நாம் இந்த பதிவில் சிந்திப்போம் அன்பர்களே!   

ஜோதிடதீபம் ராசியை அடிப்படையாக வைத்து சனி பெயர்ச்சி பலன்களை வழங்காமல், ஏன் லக்கினத்தை அடிப்படையாக கொண்டு பலன் சொல்லுகிறது என்ற சந்தேகம் சிலருக்கு வரக்கூடும், லக்கினம் என்பதே ஜாதகத்திற்கு அடிப்படையானது, இந்த லக்கினம் எனும் முதல் பாவகத்தை வைத்தே ஒருவருக்கு சரியான ஜாதக பலன்களை சொல்ல இயலும், ராசியை வைத்து சொல்வது என்பது, பொது பலன்களாகவே இருக்குமே தவிர ஒரு ஜாதகருக்கு தெளிவான பதிலையும், பலன்களையும் தர வாய்ப்பில்லை என்பதால் ஒவ்வொரு லக்கினத்தருக்கும், இந்த சனி பெயர்ச்சி எவ்வித பலன்களை தருகிறது என்று தெளிவாக இனி வரும் பதிவுகளில் காண்போம்.

அடிப்படையில் ஒரு விஷயத்தில் தெளிவாக புரிந்து கொள்ளுங்கள் அன்பர்களே! சனி பகவான் தற்பொழுது விருச்சிக ராசிக்கு பெயர்ச்சி அடைந்துள்ளார், இனி வரும் 30 மாதங்கள் சனி பகவான் விருச்சிக ராசியில் சஞ்சாரம் செய்கிறார், விருச்சிகத்தில் அமர்ந்து  6ம் பார்வையாக மேஷ ராசியையும், 7ம் பார்வையாக ரிஷப ராசியையும், 10ம் பார்வையாக சிம்ம ராசியையும் பார்ப்பதால் இந்த ராசிகளுக்கு திருஷ்டி பலன் என்ற அமைப்பில் பலன் தருகிறார்.

இலக்கின ரீதியாக பலன்கான முனையும் அன்பர்கள் அனைவரது ஜாதகத்திலும் தற்பொழுது நடைபெறும் திசை,புத்தி,அந்தரம் மற்றும் சூட்சமம் ஆகியவை ஏற்று நடத்தும் பாவகம் கிழ்கண்ட ராசிகளில் அமைந்தால் மட்டுமே( அதாவது விருச்சிகம்,மேஷம்,ரிஷபம் மற்றும் சிம்மம் ஆகிய ராசிகள் எந்த எந்த பாவகமாக வருகிறதோ அந்த பாவக பலனை தற்பொழுது நடைமுறையில் உள்ள திசை,புத்தி,அந்தரம் மற்றும் சூட்சமம் ஆகியவை தொடர்பு பெறுதல் ) ஜாதகருக்கு தற்பொழுது பெயர்ச்சி பெற்று இருக்கும் சனிபகவான் நன்மையையோ, தீமையையோ செய்வார் என்பதை கருத்தில் கொள்க, எனவே தற்பொழுது நடைபெறும் திசை,புத்தி,அந்தரம் மற்றும் சூட்சமம் மேற்கண்ட ராசிகளுடன் தொடர்பு பெருகின்றத என்பதை கவனிப்பது மிக முக்கியமானதாக ஜோதிடதீபம் அறிவுறுத்துகிறது .

ரிஷப லக்கினம் :

ரிஷப லக்கினத்திற்கு 7ல் அமர்ந்த நிலையில் சனிபகவான் ஜாதகருக்கு திடீர் என திருமண வாழ்க்கையை அமைத்து தந்துவிடுவார், சிலருக்கு வெளிநாடு செல்லும் வாய்ப்பு சனி பெயர்ச்சி ஆனா சில நாட்களில் உடனடியாக கிடைக்கும், இதன் மூலம் ஜாதகருக்கு மிகுந்த யோக வாழ்க்கை அமையும், தொழில் ரீதியான வெற்றிகள் எதிர்பாரா வண்ணம் ஜாதகருக்கு வெளியூர் அல்லது வெளிநாட்டில் இருந்து கிடைக்க கூடும், ஜாதகர் தனது வாழ்க்கை துணை வழியில் இருந்து திடீர் அதிர்ஷ்டத்தை அனுபவிக்கும் யோகத்தை தரும், கூட்டு தொழில் செய்யும் அன்பர்களுக்கு இந்த சனி பெயர்ச்சி மிகுந்த யோகத்தை தரும், தொழில் விருத்தி மிகவும் அபரிவிதமாக இருக்கும், ஆண்கள் என்றால் பெண்கள் வழியில் இருந்தும், பெண்கள் என்றால் ஆண்கள் வழியில் இருந்தும், வருமான வாய்ப்புகள் அமையும் யோகம் உண்டாகும், ஜாதகரின் மன நிலையில் சிறந்த மாற்றங்களும், மன மகிழ்வுக்கு உண்டான புதிய சூழ்நிலைகளும் இந்த சனிபெயர்சி காலத்தில் நிச்சயம்  உருவாகும், ரிஷப லக்கினத்தை சார்ந்தவர்கள் 7ம் பாவக வழியில் இருந்து 100% யோக பலன்களை அனுபவிக்கும் நல்ல நேரம் வந்துவிட்டது என்று ஜோதிடதீபம் கட்டியம்  கூறுகிறது வாழ்த்துகள்.

ரிஷப லக்கினத்திற்கு 6ம் பார்வையாக 12ம் பாவகத்தை பார்க்கும் சனிபகவான் ஜாதகருக்கு முதலீடு செய்த அமைப்பில் இருந்து மிகப்பெரிய லாபத்தை ஈட்டிதருவார், குறிப்பாக கட்டுமான துறை அமைப்பில் இருந்தும், மருத்துவ துறை அமைப்பில் இருந்தும் மிகப்பெரிய லாபம் கிடைக்க பெரும், இந்த இரண்டு துறையை சார்ந்தவர்களுக்கு இனிவரும் இரண்டரை வரும் மிகவும் சிறப்பாக இருக்கும், பொதுவாக 12ம் பாவகம் முதலீடு மற்றும் ஆன்மீக வெற்றி என்ற அமைப்பில்  பலன் தரும் என்பதால் ரிஷப லக்கினத்தை சார்ந்தவர்களுக்கு இது ஒரு பொற்காலம், மேலும் இதுவரை நல்ல தூக்கம் இல்லாமல் தவித்து வந்த ரிஷப லக்கினத்தாருக்கு நல்ல உறக்கமும், நிம்மதியான வாழ்க்கையும் கிட்டும், இதன்மூலம் ஜாதகர் எவ்வித குழப்பமும் இல்லாத மன நிலையுடன் அனைத்தையும் எதிர்கொள்ளும் வாய்ப்பை தரும், நெடுநாள் கனவுகள் ரிஷப இலக்கின ஜாதகர்களுக்கு பலிதம் பெரும் காலம் இதுவென்பதால், இவர்களின் செயல்பாடுகள்  இனிவரும் காலங்களில் புதிய உத்வேகத்துடன் இருக்கும், சிறந்த வெற்றிகளை பெற ஜோதிடதீபம் வாழ்த்துகிறது.

 ரிஷப லக்கினத்திற்கு 7ம் பார்வையாக லக்கினத்தை பார்க்கும் சனிபகவான், நேற்று வரை வருமானத்திற்காக போராடி கொண்டிருந்த நபர்களுக்கு, இன்றுமுதல்  ஸ்திரமான வருமானத்தை பெரும் யோகத்தை தருவார், ஏதாவது ஒரு வகையில் ஜாதகர்களுக்கு  வருமானம் தொடர்ந்து வந்துகொண்டே இருக்கும், செய்யும் தொழில் ஸ்திர தன்மையுடன் செயல்பட ஆரம்பிக்கும், அதன் வழியில் இருந்து நல்ல வருமானம் கிடைக்க ஆராம்பிக்கும், ஜாதகரின் பேச்சு திறமை பலர் மெச்சும் வண்ணம் அமையும், செய்யும் தொழில் மேன்மை தீர்க்கமான வாதத்திறமை ஆகியவை ஜாதகருக்கு நிலையான வாழ்க்கையை அமைத்து தரும், இதுவரை திருமணம் ஆகாத  அன்பர்களுக்கு இனிவரும் காலங்களில் சிறப்பாக திருமணம் நடக்கும், மகிழ்ச்சியான குடும்ப வாழ்க்கை நிச்சயம் அமையும் என்பதால் உடனடியாக ரிஷப இலக்கின அன்பர்கள் திருமணதிற்கு உண்டான முயற்சிகளில் இறங்கலாம், இனி வரும் காலம் சனிபகவான் ரிஷப லக்கினத்தாருக்கு சனிபெருக்கமாக  யோகங்களை வாரி வழங்குவார், வாழ்த்துகள் .

ரிஷப லக்கினத்திற்கு 10ம் பார்வையாக 4ம் பாவகத்தை பார்க்கும் சனிபகவான் இறை அருளின் அனுகிரகத்தல் சகல விதமான சுக வாழ்க்கையையும் அனுபவிக்கும் வல்லமையை தருகிறார், ஜாதகரின் குல தெய்வத்தின் அருளால் தனது  அறிவாற்றலின் தன்மையினாலும், சமயோசிதான புத்திசாலிதனத்தால் சாதிக்க முடியாது என்று நினைத்த நிகழ்வுகளை மிக எளிதாக வெற்றிகொள்ளும் வாய்ப்பை தரும், புதியதாக வீடு வாங்கும் யோகம் அல்லது கட்டும் யோகத்தை தரும், புதிய வண்டி வாகனம், சொத்து, புதிய தொழில் துவங்கும் வாய்ப்பு என ஜாதகருக்கு யோக பலன்களை சனிபகவான் தொடர்ந்து வழங்கி வண்ணமே இருப்பார் என்பதால் ரிஷப லக்கினத்தை சார்ந்தவர்கள், இனிவரும் நல்ல வாய்ப்புகளை  சரியாக பயன்படுத்தி கொண்டு வாழ்க்கையில் முன்னேற்றம் பெறுவது அவசியமாகிறது, மேலும் ஜாதகருக்கு உதவி செய்ய பலர் காத்து கொண்டு இருப்பார்கள் என்பது ஒரு நல்ல விஷயம், உதவி என்று எங்கு சென்றாலும்  ஜாதகருக்கு நிச்சயம் நினைத்தததை விட மிக அதிகமாகவே உதவிகள் கிடைக்கும், இங்கே சனிபகவான் ஜாதகர்களுக்கு சோம்பேறி தனத்தை தருவதால் சற்றே விழிப்புணர்வுடன் இருப்பது அவசியமாகிறது.

ரிஷப இலக்கின அன்பர்களே ! தற்பொழுது தங்களுக்கு நடைபெறும் திசை மற்றும் புத்தி மேற்கண்ட 1,4,7,12ம் பாவக பலனை ஏற்று நடத்தினால் மட்டுமே தங்களுக்கு மேற்கண்ட  சனிபகவானின் கோட்சார நன்மைகள் நடைமுறைக்கு வரும், ஒருவேளை நடைபெறும் திசை 1,4,7,12ம் பாவக பலனை ஏற்று நடத்தவில்லை எனில் எவ்வித நன்மையும் நடைபெறாது என்பதை கவனத்தில் கொள்க, வாழ்த்துகள் .

வாழ்க வளமுடன் 
ஜோதிடன் வர்ஷன் 
9443355696

1 கருத்து: