ஜாதகத்தில் உள்ள சுபயோகங்களை சுவீகரிக்கவும், அவயோகங்களை தவிர்க்கவும் நாம் கடைபிடிக்க வேண்டியது என்ன ?

 ஜாதகத்தில் உள்ள சுபயோகங்களை சுவீகரிக்கவும், அவயோகங்களை தவிர்க்கவும் நாம் கடைபிடிக்க வேண்டியது என்ன ? குறிப்பாக பாதக ஸ்தான வழியில் இருந்து வரும் இன்னல்களில் இருந்து விடுபட முறையான நிவர்த்தி பரிகாரம் உண்டு எனில் தெளிவாக விளக்கம் தர வேண்டுகிறோம், எனது ஜாதகத்தில் லக்கினம் முதல் பனிரெண்டு பாவக வழியில் இருந்து பெரும் யோக அவயோக நிகழ்வுகள் பற்றி விளக்கம் தரவும் வேண்டுகிறோம்.

லக்கினம் : கன்னி
ராசி : மேஷம்
நட்சத்திரம் : பரணி 1ம் பாதம்

1,3ம் வீடுகள் பாதக ஸ்தானமான 7ம் பாவகத்துடன் சம்பந்தம் பெறுவது ஜாதகருக்கு லக்கின பாவக வழியில் இருந்து வளரும் சூழ்நிலையில் சிக்கல்கள், உடல் மனம் சார்ந்த இன்னல்கள், தெளிவில்லாத முடிவுகள், மனோ பயம், வீரியம் குறையும் தன்மை, தானாகவே இன்னல்களை தேடிக்கொள்ளும் நிலை, நோய் எதிர்ப்பு திறன் குறைவு, வீண் கற்பனைகள், திட்டமிடுதல்கள் யாவும் செயல் வடிவம் பெற இயலாத நிலை, கற்பனையில் ஜீவிக்கும் தன்மை, ஜாதகரால் மற்றவர்களும், மற்றவர்களால் ஜாதகருக்கும் இன்னல்கள் ஏற்படும் நிலை, மன உறுதி, தன்னம்பிக்கை குறையும் தன்மை, தனக்கு வரும் நன்மைகளை ஜாதகரே உதறித்தள்ளும் நிலை, நிலையற்ற மனம், அலைபாயும் சிந்தனைகள், நல்லோர் சேர்க்கையை தவிர்க்கும் நிலை, பெரியோர் ஆசியை பெற முடியாமல் தவிக்கும் நிலை, உறுதியற்ற மனநிலை, செய்யும் காரியங்களில் நேர்த்தியை கடைபிடிக்காத தன்மை, சுய கட்டுப்பாடு இழக்கும் நிலை, சிந்தனையும் செயலும் முழு வடிவம் பெற இயலாத சூழ்நிலை என்ற வகையில் இன்னல்களை தரும்.

3ம் பாவக வழியில் இருந்து ஜாதகருக்கு எடுக்கும் முயற்சிகள் யாவும் முழுமை பெற முடியாத சூழ்நிலை, மனதைரியம் இழந்து இன்னல்களை எதிர்கொள்ளும் சூழ்நிலை, முழு முயற்சி இன்றி பின்வாங்கும் குணம், எதிர்ப்பு திறன் குறைவு, வீரியமிக்க காரியங்களில் ஆர்வம் இன்மை, எதிர்பாராத வாய்ப்புகளை முறையாக பயன்படுத்த முடியாமல் வீண் விரையம் செய்யும் நிலை, எதையும் எதிர்கொள்ள வலிமை இன்றி தவிக்கும் நிலை, சுய ஜாதகத்தில் மற்ற பாவக வழியில் இருந்துவரும் நன்மைகளை முழு அளவில் சுவீகரிக்க இயலாமல் போராடும் தன்மை, எதிர்ப்புகளை கண்டு பின்வாங்கும் குணம், லாபம் அதிர்ஷ்டம் இரண்டையும் தவறவிடும் குணம்,சீரிய முயற்சி இன்மை, சுய கட்டுப்பாடு இழத்தல், சபல குணம், எதிலும் ஆர்வம் இன்றி தவிக்கும் நிலை, சரியானவற்றை தவிர்த்து, இன்னல்களை தேடி சென்று அனுபவிக்கும் நிலை என்ற வகையில் இன்னல்களை தரும், கமிஷன் மற்றும் சிறு தொழில் வழியிலான நஷ்டங்கள், வியாபார முடக்கம், சரியான தொழில் தேர்வை செய்வதில் குழப்பம் மற்றும் தாமதம் என்ற வகையில் பெரும் சிரமங்களை ஜாதகருக்கு தர கூடும்.

2,4,6,10,12ம் வீடுகள் ஜாதகருக்கு வீரிய ஸ்தானமான 3ம் பாவகத்துடன் சம்பந்தம் பெறுவது ஜாதகருக்கு 2ம் பாவக வழியில் படிப்பு எழுத்து, கல்வி மற்றும் புத்தக வெளியீடு மூலம் வருவாய் கிட்டும், பேச்சு திறன் மூலம் நல்ல தான்சேர்க்கை உண்டாகும், விளம்பர துறையில் கொடிகட்டி பறக்கும் யோகம் உண்டு, இலக்கியம் மற்றும் ஆய்வு சார்ந்த துறையில் சிறப்பான முன்னேற்றம் உண்டாகும், ஏஜென்சி துறையில் அதீத வருமானம், கமிஷன் மற்றும் ட்ராவலிங்க ஏஜென்ட் மூலம் அபரிவித லாபம் கிட்டும், தூதுவர், தரகு தொழில், சிறு பிரயாணங்கள் மூலம் லாபம், வாக்கு வன்மையின் மூலம் வருமானம் பெரும் வல்லமை ஜாதகருக்கு உண்டு, குடும்ப வாழ்க்கையில் மகிழ்ச்சி பொங்கும், தன்னிறைவான பொருளாதர வசதி வாய்ப்புகள் கிட்டும், சேமிக்கும் வழக்கம் ஜாதகருக்கு சிறப்பான எதிர்காலத்தை தரும்.

4ம் மனநிலை பாதிப்பு மற்றும் நியாபக சக்தி குறையும், வீடு  வாகனம் அடிக்கடி பழுது ஏற்பட வாய்ப்பு உண்டு, கால்நடை மற்றும் பயணங்கள் மூலம் பணவிரயம் உண்டாகும், காண்ட்ராக்ட் தொழிலில் தொல்லைகள், சுக போக வாழ்க்கைக்கு தடைகள், குணம் சார்ந்த பாதிப்பு, போட்டி மனப்பான்மை, குறுகிய எண்ணங்களால் பெரிய சாதனைகளை தவறவிடும் தன்மை, அமைதியின்மை, மனசஞ்சலம், மற்றவர்களுக்கு ஜாமீன் கொடுப்பதால் பெருத்த இன்னல்களை சந்திக்கும் சூழ்நிலை என்ற வகையில் இன்னல்களை தரும், ஜாதகர் தன்னை சுய பரிசோதனை செய்துகொள்வது சகல நலன்களையும் தரும், குணம் சார்ந்த நடவடிக்கைகளில் மிகுந்த நேர்மையை கடைபிடிப்பது ஜாதகருக்கு நன்மையை தரும்.

6ம் பாவக வழியில் இருந்து ஏஜென்சி காண்டராக்ட் தொழில் வழியில் திடீர் லாபம், குறுகிய காலத்தில் ஜீவன மேன்மையை பெரும் தன்மை, உடல் நலம் சார்ந்த இன்னல்கள், வயிறு மற்றும் நரம்பு சார்ந்த பாதிப்புகள், எதிரிகள் மூலம் லாபம் அடையும் தன்மை, எழுத்து மற்றும் சுய சிந்தனை மூலம் வாழ்க்கையில் மிகப்பெரிய வெற்றிகளை பெரும் யோகம் என்ற வகையில் சிறப்புகளை தரும், எவரிடமும் ஜாதகர் பகைமை பாராட்டாமல் இருப்பதே சகல சௌபாக்கியங்களையும் தரும், மற்றவர் பணம் ஜாதகருக்கு உதவி புரியும், கடன் கொடுப்பது மற்றும் வாங்குவதால் நன்மையையும், யோகமும் உண்டாகும், நிதி நிறுவனம் சார்ந்த தொழில்களில் சிறப்பான விருத்தி உண்டாகும்.

10ம் பாவக வழியில் இருந்து ஜாதகர் கமிஷன் அடிப்படையில் செய்யும் எந்த தொழிலும் அபரிவித வெற்றியை வாரி வழங்கும், ஏஜென்சி, கான்ராக்ட், மற்றும் தரகு தொழில் மூலம் ஜாதகர் மிகப்பெரிய தான சேர்க்கையை பெறுவார், அந்நிய நபரால் ஜாதகருக்கு அபரிவித தொழில் முன்னேற்றம் உண்டாகும், கவுரவம் குறையாத யோக வாழ்க்கை ஜாதகருக்கு தொழில் ஸ்தான அமைப்பில் இருந்து பரிபூர்ணமாக கிடைக்கும், எழுத்து மற்றும் பேச்சு திறன் மூலம் ஜாதகர் அபரிவித சுபயோகங்களை தன்னிறைவாக பெறுவார், ஜீவன ஸ்தானம் தொடர்பு பெறுவது கால புருஷ தத்துவ அமைப்பிற்கு ஸ்திர நீர் ராசியான விருச்சகம் என்பதால், உணவு பொருட்கள், பால் பொருட்கள், காய்கறி, நீர், மளிகை, அரிசி, தானியம், விவசாய விளைபொருட்கள், மீன், திரவ பொருட்கள், ஆயில், பெட்ரோல், எண்ணெய்வித்துக்கள், இறக்குமதி பொருட்கள், ஆயுள் காப்பீட்டு துறை, மருத்துவ உபகரணம், மருந்து பொருட்கள், வண்டிவாகனம், தானியம், கால்நடை தீவனம், மாவு பொருட்கள், மாவு மில், அரசி மில் என ஜாதகருக்கு விருப்பமான தொழிலை தேர்வு செய்து பரிபூர்ண வெற்றி காணலாம், சுய ஜாதகத்தில் ஜீவன ஸ்தானம் என்பது கால புருஷ தத்துவ அமைப்பிற்கு 3ம் வீடாகவும், உபய காற்று ராசியில் அமைவதால் ஜாதகர் சிறு வியாபாரம் மூலம் குறுகிய காலத்தில் பெரும் தனசேர்க்கையை பெறுவதற்கான வாய்ப்புகளை நல்கும், வியாபாரம் ஜாதகருக்கு பரிபூர்ண வெற்றியை தரும், நான்கு சக்கரம் மற்றும் இரண்டு சக்கர வாகன ஏஜென்சி எடுப்பது ஜாதகருக்கு பரிபூர்ண பொருளாதார முன்னேற்றத்தை நல்கும்.

12ம் பாவக வழியில் இருந்து ஜாதகர் வெளிநாடுகளில் இருந்துவரும் பொருட்கள் மூலம் அபரிவித லாபங்களை பெறுவார், முதலீடுகள் வழியிலான அதிர்ஷ்டம் ஜாதகருக்கு பரிபூர்ணமாக உண்டு, நீண்டகால முதலீடுகள் ஜாதகருக்கு பெருத்த லாபத்தை தரும், வேற்று மதத்தினர், வேற்று சமூகத்தினர் மூலம் ஜாதகருக்கு சிறப்பான எதிர்காலம் உண்டாகும், இல்லற வாழ்க்கையில் நிறைவும், தாம்பத்திய வாழ்க்கையில் சந்தோஷமும் கிட்டும், வாழ்க்கை துணையின் ஆதரவு ஜாதகருக்கு பெரும் சுபயோகங்களை தரும், நிம்மதியான உறக்கம் ஜாதகருக்கு சிறப்பான வழிமுறைகளை தரும், கனவுகளில் ஜாதகரின் பிரச்சனைகளுக்கு தீர்வு கிட்டும், பெரும் சொத்துக்கள், பெரும் பொருள் வரவுகளை ஜாதகர் முழு அளவில் பெறுவார் என்பது கவனிக்கத்தக்க சிறப்பு அம்சமாகும்.

5,7ம் வீடுகள் ஜாதகருக்கு லாப ஸ்தானமான 11ம் பாவகத்துடன் சம்பந்தம் பெறுவது சுய ஜாதகத்திலே மிகவும் வலிமை பெற்றுள்ள பாவக தொடர்புகள் ஆகும், மேற்கண்ட பாவக வழியில் இருந்து ஜாதகர் 100% விகித சுபயோகங்களை சுவீகரிக்கும் வல்லமை உண்டாகும் குறிப்பாக 5ம் பாவக வழியில் இருந்து ஜாதகர் லாட்டரியில் யோகம், புத்திசாலித்தனத்தால் ஆதாயம், எப்போதும் மகிழ்ச்சி சந்தோசம், குழந்தைகள் வழியிலான சுபயோகங்கள், எதிர்பாரத அதிர்ஷ்ட வாழ்க்கை, எந்த ஓர் சூழ்நிலையிலும் ஜாதகர் போராடி வெற்றி பெரும் அமைப்பு, குலதெய்வ அனுக்கிரகத்தால் அனைத்தையும் வெற்றி கொள்ளும் வல்லமை, பொது வாழ்க்கையில் அபரிவித வளர்ச்சி, குழந்தை, மனைவி குடும்பத்தாருடன் இணக்கமான சூழ்நிலையில் மகிழ்ச்சியுடன் வாழும் தன்மை, நிறைந்த அறிவாற்றல், சமயோசித புத்திசாலித்தனம், எதையும் ஏற்றுக்கொள்ளும் வல்லமை, ஜாதகருக்கு வரும் பிரச்சனைகளே, யோக வாழ்க்கைக்கு அடித்தளம் அமைத்து தரும் நிலை என ஜாதகர் மிகுந்த அதிர்ஷ்டங்களை பெறுவார், ஜாதகருக்கு நல்ல ஆண் வாரிசு அமையும், அதன் பிறகான வளர்ச்சி ஜாதகரே எதிர்பார்த்திராத வண்ணம் இருக்கும் என்பது கவனிக்கத்தக்க விஷயமாகும்.

7ம் பாவக வழியில் இருந்து ஜாதகர் யோகம் மிக்க வாழ்க்கை துணை, நல்ல நண்பர்கள், சிறந்த கூட்டாளிகள், சக்தி மிகுந்த கூட்டு தொழில் விருத்தி, வெளிநாடுகளில் இருந்து வரும் அபரிவித வளர்ச்சி, தெய்வீக அனுக்கிரகத்தால் கிடைக்கும் நல்ல நட்புறவுகள், எதையும் சமாளிக்கும் வல்லமை, வாழ்க்கை துணையுடனான இணக்கம் மற்றும் இணைபிரியாத யோக வாழ்க்கை, எதிர்பால் இன கவர்ச்சி, பொது வாழ்க்கையில் முன்னேற்றம், அரசியலில் வெற்றி, வியாபாரம் மற்றும் சுய தொழில் செய்வதால் வரும் அதீத லாபங்கள், பொதுமக்களிடம் நன்மதிப்பு, உயர்பதவிகளை அலங்கரிக்கும் யோகம், ஜாதகரின் கூட்டு முயற்சி யாவும் பலிதம் பெரும் அமைப்பு, திருமணத்திற்கு பிறகான அசுர வளர்ச்சி, வெளிநாடுகளுக்கு வியாபார நிமித்தமாக சென்று வரும் யோகம் என்ற வகையில் பரிபூர்ண நன்மைகளை வாரி வழங்கும்.

8,11ம் வீடுகள் ஆயுள் பாவகமான 8ம் பாவகத்துடன் சம்பந்தம் பெறுவது, ஜாதகருக்கு 8ம் பாவக வழியில் இருந்து பூர்ண ஆயுளை தரும் என்ற போதிலும், ஆரோக்கிய குறைவை உண்டாக்கும், அடிக்கடி மருத்துவ செலவினங்கள் ஏற்படும், விபத்து, சிகிச்சை என்ற வகையில் இன்னல்களை தரக்கூடும் வாழ்க்கை துணைக்காக நிறைய செலவினங்களை எதிர்கொள்ளும் சூழ்நிலையை தரும், வாழ்க்கையில் எதிர்பாராத ஏமாற்றங்கள், துயரம், வியாதியால் இன்னலுறும் தன்மை, திருப்தி இல்லாதா மனநிலை என்ற வகையில் சிரமங்களை தரக்கூடும்.

11ம் பாவக வழியில் இருந்து திருப்தி இல்லாத மனம், அதீத மனக்கவலைகள், வீண் மனபயம், பெரியவர்கள், அரசு, கூட்டாளிகள் மூலம் அதிக சிரமங்களை எதிர்கொள்ளும் நிலை, இறுதியில் கிடைக்க வேண்டிய லாபங்களை தவற விடுதல், தகப்பனார் வழியிலான சொத்துக்களை சுவீகரிக்கும் யோகம் என்றவகையில் பலாபலன்களை தரும், ஜாதகரின் தன்னம்பிக்கையும், மனஉறுதியும் வெகுவாக குறையும், சிறு ஏமாற்றத்தையும் தாங்க இயலாத மனநிலையை தரும், முற்போக்கு சிந்தனையில் நாட்டமின்றி, பிற்போக்குத்தனமான விஷயங்களில் அதீத ஈடுபாட்டை தரும், எதிர்மறை எண்ணங்களும், தோல்வி மனப்பான்மையும் ஜாதகரை வெகுவாக படுத்தி எடுக்கும் என்பது கவனிக்கத்தக்கது.

9ம் வீடு பாக்கிய ஸ்தானமான 9ம் பாவகத்துடன் சம்பந்தம் பெறுவது ஜாதகருக்கு 9ம் பாவக வழியில் இருந்து நிறைவான அறிவு திறனை வழங்கும், பயனவிருப்பம் மற்றும் அதன் வழியிலான லாபங்கள் உண்டாகும், சிறந்த ஆன்மீக பெரியோர்களின் ஆசியின் மூலம் வாழ்க்கையில் சகல சௌபாக்கியங்களையும் பெறுவதற்கான சந்தர்ப்பங்கள் உருவாகும், புனிதமிக்க திருத்தலங்களுக்கு சென்று வரும் யோகம் உண்டு, இடமாற்றம் மற்றும் சூழ்நிலை மாற்றத்தில் அதீத விருப்பத்தை தரும், ஜாதகருக்கு வரும் இன்னல்கள் யாவும், பித்ருக்கள் ஆசியினால் வெகுவாக குறையும், சுய ஜாதகத்தில் உள்ள சுப யோகங்களை சுவீகரிப்பதற்கான வாய்ப்புகள் உண்டாகும், சமூகத்தில் நல்ல அந்தஸ்துடன் வாழ்வதற்கான வழிமுறைகள் ஜாதகருக்கு தேடி வரும், அரசியல் லாபம், பெரியமனிதர்கள் ஆதரவு, கற்ற கல்வி வழியிலான முன்னேற்றம் போன்றவை ஜாதகருக்கு சுபயோக சுப வாழ்க்கையை வாரி வழங்கும்.

மேற்கண்ட ஜாதகருக்கு லக்கினம் முதல் 12 வீடுகளும் தாம் தொடர்பு பெரும் பாவக  வழியிலான நன்மை தீமைகளை பற்றிய தெளிவான விபரங்களை அறிந்தோம், இனி ஜாதகர் வலிமை பெற்ற பாவக வழியில் இருந்து சுபயோக பலன்களை சுவீகரித்து எப்படி? வலிமை அற்ற பாவக வழியில் இருந்து வரும் இன்னல்களை  தவிர்ப்பது எப்படி ? என்பதனை ஆய்வுக்கு எடுத்துக்கொள்வோம் அன்பர்களே !

ஜாதகருக்கு சுக்கிரன், செவ்வாய்,ராகு,சனி மற்றும் கேது திசை,புத்தி,அந்தரம் மற்றும் சூட்சம காலங்களில் சுய ஜாதகத்தில் வலிமை பெற்ற பாவக பலாபலன்கள் நடைமுறைக்கு வருவதால், மேற்கண்ட கிரகங்களின் திசை,புத்தி,அந்தரம் மற்றும் சூட்சம காலங்களில் ஜாதகர் மேற்கொள்ளும் காரியங்கள் யாவும் வெற்றிமேல் வெற்றி தரும், இதை சுய ஜாதக ரீதியாக உணர்ந்து ஜாதகர் நலம் பெறுவது அவசியமாகிறது.

ஜாதகருக்கு சூரியன்,புதன் மற்றும் குரு திசை,புத்தி,அந்தரம் மற்றும் சூட்சம காலங்களில் ஆயுள் ஸ்தானமான 8ம் பாவக பலன் நடைமுறைக்கு வருவதால், திடீர் இழப்பை தவிர்க்கும் விதமான முன்னெச்சரிக்கை நடவடிக்கையை மேற்கொண்டு நலம் பெறுவது அவசியமாகிறது, மேலும் ஆயுள் பாவகம் ஜாதகருக்கு சர நெருப்பு ராசி என்பதால், சுய கட்டுப்பாடு, ஒழுக்கம், சத்தியத்தை மதித்து நடப்பது, அனைவரிடமும் சுமூகமாக நடந்துகொள்ளுதல், அவசரப்பட்டு எந்த ஓர் காரியத்திலும் இறங்காமல், நன்கு சிந்தனை செய்து நலம் பெறுவது அவசியமாகிறது, பொறுமையும், திட்டமிடுதலும் ஜாதகரின் வாழ்க்கையில் சிறப்பை தரும்.

ஜாதகத்தில் பாதக ஸ்தான பலனை ஏற்று நடத்தும் ஒரே கிரகம் சந்திரன் மட்டுமே எனவே ஜாதகர் சந்திரன் திசை,புத்தி,அந்தரம் மற்றும் சூட்சம காலங்களில் லக்கினம் மற்றும் வீரிய ஸ்தான வழியிலான பலன்களை மிக சிறப்பாக கையாள்வது அவசியமாகிறது, குறிப்பாக சந்திரனின் அந்தர காலம் ஜாதகருக்கு சில கடுமையான சிரமங்களை தரக்கூடும் என்பதால், உடல் நலம் மனநலம் சார்ந்த விஷயங்களில் அதீத அக்கறை, ஆன்மீக பெரியோர் ஆசி, இறை வழிபாடு, முறையான பரிகாரங்களை மேற்கொண்டு வாழ்க்கையில் நலம் பெறுவது அவசியமாகிறது, ஜாதகர் தன்னைப்பற்றி ஓர் தெளிவான கண்ணோட்டத்தில் சந்திரன் திசையினை எதிர்கொள்வது சிறப்பான யோக வாழ்க்கையினை வாரி வழங்கும் என்பதில் சந்தேகமில்லை " வாழ்த்துக்கள் "

வாழ்க வளமுடன்
ஜோதிடன் வர்ஷன்
9443355696

ஜாதகத்தில் உள்ள யோகங்களும், யோகங்களை வழங்கும் திசா புத்திகளும் !

சுய ஜாதகத்தில் லக்கினம் முதல் பனிரெண்டு பாவகங்கள் பெரும் வலிமையின் அடிப்படையில், சம்பந்தப்பட்ட ஜாதகருக்கு சுபயோக பலாபலன்கள் நடைமுறைக்கு வருகின்றது, சுப யோகங்களை தரும் திசா புத்திகள் எதுவென்பதில் தெளிவு பெறுவது சம்பத்தப்பட்ட ஜாதகருக்கு உறுதியான வெற்றி வாய்ப்புகளை பெறுவதற்க்கு பேருதவியாக அமையும் என்பதில் மாற்று கருத்து என்பது இல்லை, பொதுவாக சுய ஜாதகத்தில் உள்ள பாவக வலிமையை பற்றிய தெளிவு இல்லாதா பொழுது நமது உழைப்பும் நேரமும் வெகு அளவில் விரையமாகும், கிராமங்களில் சொல்லும் செலவடையான " பாடும் பட்டது போல் வீடும் கெட்டது போல் " என்பதற்க்கு இணையான பலனை தந்து விடும், தனது பிறவிப்பயனை தெளிவாக உணர்ந்துகொள்ள சுய ஜாதகத்தில் லக்கின முதல் பனிரெண்டு பாவகங்களின் வலிமை நிலையை பற்றிய விழிப்புணர்வு நம் அனைவருக்கும் தேவை படுகிறது என்ற விஷயத்துடன் ஓர் உதாரண ஜாதகத்தை ஆய்வு செய்வோம் அன்பர்களே !

லக்கினம் : கடகம்
ராசி : ரிஷபம்
நட்ஷத்திரம் : கிருத்திகை 2ம் பாதம்

மேற்க்கண்ட ஜாதகருக்கு சுய ஜாதகத்தில் வலிமை பெற்ற பாவக தொடர்பு :

1,3,7,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெறுவது ஜாதகருக்கு லக்கின பாவக வழியில் இருந்து நீண்ட ஆயுள், சிறந்த உடல் ஆரோக்கியம், தெய்வீக அனுபவம், இறை அருளின் கருணையை பரிபூர்ணமாக பெரும் யோகம், பல திருத்தலங்களுக்கு சென்று வரும் யோகம், பெரிய மனிதர்கள் ஆதரவு, அரசு ஆதரவு, முக்கிய பதவிகள் கற்ற கல்வி வழியிலான யோக வாழ்க்கை, தமக்கு சாதகமாக வாழ்க்கையை மாற்றி அமைத்துக்கொள்ளும் அறிவு திறன், அதி புத்திசாலித்தனம், வருமுன் உணரும் உள்ளுணர்வு திறன், தெய்வீக நம்பிக்கை, சுய ஆளுமை திறன், பெருந்தன்மையான குணம், எதிர்ப்புகளை சமாளிக்கும் வல்லமை, சமூக அந்தஸ்து, நல்லோர் ஆதரவு, எங்கு சென்றாலும் ஜாதகருக்கு கிடைக்கும் நற்ப்பெயர், தன்னம்பிக்கை குறையாத மனநிலை, நிறைந்த நல்லறிவு என்ற வகையில் சுபயோக பலன்களை தரும் மேலும் ஜாதகரின் பாக்கிய ஸ்தானம் கால புருஷ தத்துவ அமைப்பிற்கு உபய மீன ராசியில் கடைசி பாகையில் ( 359.41.25 ) ஆரம்பித்து மேஷ ராசி முழுவதும் வியாபித்து இருப்பது, ஜாதகரின் சுய கட்டுப்பாடு, ஒழுக்கம், நேர்மை, மனஉறுதி, விரைந்து செயலாற்றும் திறன் , எதிர்ப்புகளை வெற்றிகொள்ளும் யோகம், புகழ் கீர்த்தி என முழு அளவிலான நன்மைகளை  வாரி வழங்கும், குறிப்பாக ஜாதகரின் கல்விஅறிவு உலக புகழை பெற்றுத்தரும்.

3ம் பாவக வழியில் இருந்து ஜாதகர் சகலவித சௌபாக்கியமும் பெரும் அருகதை உடையவர், ஆராய்ச்சி மனபக்குவம், எடுக்கும் காரியங்களில் வெற்றி, வீரியமிக்க செயல்பாடுகள், முற்போக்கு சிந்தனை மற்றும் நேர்மறை எண்ணங்கள் மூலம் சுபயோகங்களை பெரும் அமைப்பு, காரிய சிந்தி, நேர்மையான குணம், உதவி செய்ய ஓடிவரும் மக்கள் செல்வாக்கு, மிதமிஞ்சிய தைரியம், தன்னிலை உணரும் யோகம், சித்தர்கள் ஆசிர்வாதம், பரிபூர்ண லக்ஷ்மி கடாட்சம், அனைவரின் மன நிலையையும் அறியும் யோகம், பெண் தெய்வங்களின் ஆசியை குறுகிய காலத்தில் பெரும் யோகம், விளையாட்டுகளில் ஆர்வம், போட்டி பந்தையங்களில் வெற்றி, எதிர்பாராத அதிர்ஷ்டம் என்ற வகையில் நன்மைகளை தரும், குறிப்பாக ஜாதகரின் தைரியாமான சில முடிவுகள் எதிர்பாராத வெற்றிவாய்ப்புகளை வாரி வழங்கும் .

7ம் பாவக வழியில் இருந்து ஜாதகர் யோகம் மிக்க நல்ல வாழ்க்கை துணையை பெறுவதின் மூலம் இல்லற வாழ்க்கையில் சந்தோஷமும் மகிழ்ச்சியும் உண்டாகும், நல்ல நண்பர்கள், சிறந்த கூட்டாளிகள் அமைவார்கள், வெளிநாடு வெளியூரில் இருந்து வரும் சுபயோக வாய்ப்புகளை ஜாதகர் அனுபவிக்கும் யோகத்தை தரும், எந்த ஓர் சூழ்நிலையிலும் நண்பர்கள் மற்றும் கூட்டாளிகள் ஆதரவு பரிபூர்ணமாக அமையும், திடீர் செல்வாக்கின் மூலம் பொருளாதார வசதி வாய்ப்புகள் அதிகரிக்கும், எதிர்பால் இன சேர்க்கை மூலம் சுபயோகங்கள் உண்டாகும், சமூகத்தில் மிகப்பெரிய அந்தஸ்தில் உள்ள அன்பர்கள் ஆதரவு ஜாதகருக்கு தேடி வரும், அரசியல் பதவிகள், அரசு சார்ந்த உதவிகள் ஜாதகருக்கு பெருமளவில் கிடைக்கும், ஜாதாகர் களத்திர ஸ்தான வழியில் இருந்து பெரும் யோகங்களை முழு அளவில் பெறுவார், நல்ல வலிமை மிக்க கூட்டாளி அமைவார் அல்லது வெளியூர் வெளிநாடுகளில் ஜாதகருக்கு பிரபலத்துவம் எதிர்பாராமல் உண்டாகும்.

9ம் பாவக வழியில் இருந்து ஜாதகருக்கு நல்ல குணமும், நல்ல எண்ணமும் மனதில் உள்ள லட்சியங்களை வெற்றி பெற செய்யும், தனது வாழ்க்கையை சிறப்பாக வாழும் யோகம் பெற்றவர்கள், ஜாதகரின் முன்னோர்கள் மற்றும் ஜாதகர் செய்த புண்ணியத்தின் பலன்களை ஜாதகர் பாக்கிய ஸ்தான வழியில் இருந்து அனுபவிப்பர், தெய்வீக அனுகிரகம் ஜாதகரின் வாழ்க்கையில் பல புதுவித மாற்றங்களை  வாரி வழங்கும், கற்றோருக்கு சென்ற இடமெல்லாம் சிறப்பு என்ற பழமொழியின் பலாபலன்களை ஜாதகர் அனுபவிப்பார், ஜாதகர் வாக்கு பலிதம் பெரும், ஆசிர்வாதம் சகல துன்பங்களையும் நீக்கும், வாக்கு வன்மை அதிகரிக்கும் என்பதால் ஜாதகர் எவரை சபிக்காமல், ஆசிர்வதிப்பது சுபயோக வாழ்க்கையை தரும்.

4ம் வீடு சுக ஸ்தானமான நான்காம் பாவகத்துடன் சம்பந்தம் பெறுவது, ஜாதகரின் சுகபோக வாழ்க்கையின் தன்மையை நமக்கு சிறப்பாக எடுத்துறைக்கிறது, குறிப்பாக ஜாதகருக்கு நல்ல வீடு, வண்டி வாகனம், சொத்து சுக சேர்க்கை, தனது தாய் வழியில் இருந்து பெரும் யோக வாழ்வு, நல்ல குணம், தனது சுய உழைப்பின் மூலம் பொருளாதர முன்னேற்றத்தை பெரும் தனி தன்மை என்ற வகையில் நன்மைகளை தரும், மேலும் ஜாதகரின் சுக ஸ்தானம் கால புருஷ தத்துவ அமைப்பிற்கு ஆயுள் ஸ்தானமான விருச்சிக ராசியில் அமைவது, ஜாதகருக்கு இன்சூரன்ஸ், போனஸ், கிரசுவிடி அமைப்பில் இருந்து புதையலுக்கு நிகரான வருமான வாய்ப்பை தரும், மேலும் ஜாதகரின் மனோ வலிமை சகல சௌபாக்கியங்களையும் வாரி வழங்கும், வடக்கு திசை சார்ந்த மனைகளில் ஜாதகர் குடியிருப்பது, ஜாதகரின் சுக போக வாழ்க்கையை 100 % விகிதம் உறுதி செய்யும், மேலும் இடம் நிலம் வீடு, வண்டி வாகனம்  ஆகிய வழியில் இருந்து வருமான வாய்ப்புகளையும் ஜாதகருக்கு பரிபூர்ணமாக வாரி வழங்கும்.

5ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம் பெறுவது, ஜாதகரின் சமயோசித புத்திசாலித்தனத்தை கட்டியம் கூறும், நிறைந்த கல்வி அறிவு ஜாதகரின் வெற்றிகளுக்கு உறுதுணை புரியும், ஜாதகர் செய்யும் அனைத்து காரியங்களிலும் ஜாதகரின் புத்திசாலித்தனம் மிளிரும், எவரும் தீர்வு காணாத விஷயங்களுக்கு ஜாதகரின் தீர்வே இறுதியான நல்ல முடிவை தரும், ஜாதகரின் குல தேவதையின் ஆசி சகல யோகங்களை வாரி வழங்கும், பிரச்சனைகளுக்கான உடனடி தீர்வுகள் காண்பதில் வல்லமை உண்டாகும், சுய ஆளுமையின் மூலம் வாழ்க்கையில் தொடர் வெற்றிகளை ஜாதகர் பெற்றுகொண்டே இருப்பார், கலைத்துறையில் பிரகாசிக்கும் யோகமும், சாஸ்திர ஞானமும் ஜாதகருக்கு பரிபூர்ணதுவத்தை தரும், தெய்வீக அனுபவம் மூலம் விடையறிய கேள்விகளுக்கு பதில் தெரிய வரும், கணிதம் ஜோதிடம், வானவியலில் நல்ல தேர்ச்சி உண்டாகும், நுண்ணறிவு திறன் ஜாதகரின் வாழ்க்கையை சிறப்பிக்க செய்யும்.

6,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெறுவது ஜாதகருக்கு 6ம் பாவக வழியில் இருந்து குறுகிய கால வெற்றிகளை தொழில் ரீதியாக வாரி வழங்கும், ஜாதகரிடம் மற்றவர்களின் தனத்தை ஆளுமை செய்யும் யோகம் உண்டாகும், எதிரிகளுக்கு சிம்ம சொப்பனம் எனலாம், ஜாதகரை தொழில் ரீதியாக எதிர்பவர்களின் கதி மிக மோசமாக அமைந்துவிடும், கடன் வாங்குவது கொடுப்பது ஜாதகருக்கு தொழில் ரீதியாக நல்ல முன்னேற்றங்களை தரும், சுபயோக வாழ்க்கையை தன்னிறைவாக பெரும் யோகம் உண்டாகும், ஜாதகரின் சத்ரு ஸ்தான தொடர்பு ரிஷப ராசியுடன் என்பதால் ஜாதகரின் பேச்சு திறன் எதிரியையும் மயங்க செய்யும், எதிர்ப்பவர்களையும் மண்டியிட செய்யும், ஜாதகரின் ஜீவன ஸ்தான வெற்றி என்பது உறுதி செய்யப்பட்ட ஓர் விஷயமாகும்.

10ம் பாவக வழியில் இருந்து ஜாதகர் நல்ல தொழில் அமைப்பு, நல்ல பதவி, செய்யும் தொழில் வழியில் வரும் முன்னேற்றம், தீர்க்கமான வாத திறமை, உயர் பதவி தேடி வரும் யோகம், மேலும் மேலும் ஜீவன ரீதியான நன்மைகளை பெரும் அமைப்பு, லட்சியங்கள் அடைவதின் மூலம் மன திருப்தி, நிறைந்த செல்வாக்கு, சுய கௌரவம், நல்ல அந்தஸ்து என  ஜாதகர் ஜீவன ஸ்தான வழியில் இருந்து முழு நன்மைகளையும் பெறுவார், ஜாதகரின் ஜீவன ஸ்தானம் ரிஷபத்தில் அமைவது வாக்கின் வழியிலான தொழில் வாய்ப்புகளை வாரி வழங்கும், எதிர்பாராத வெற்றிகளை ஜாதகர் ஜீவன ரீதியாக தங்கு தடையின்றி பெறுவார், வாழ்நாள் முழுவதும் ஜாதகருக்கு தொழில் முன்னேற்றம் என்பது அபரிவிதமாக வந்து கொண்டே இருக்கும், சுய தொழில் செய்யும் எண்ணம் இருப்பின் ஜாதகருக்கு உகந்த தொழில்களாக ஆலோசனை வழங்குதல் ( தனம் சார்ந்த ) ( தொழில் ஆலோசகர் ) வட்டி தொழில், நிதி நிறுவனம் ( வண்டி வாகனம் மற்றும் சொத்துகள் அடிப்படையில் நிதி உதவி செய்தல் ) நல்ல தொழிலாக இருக்கும், அல்லது சேவை துறை சார்ந்த தொழில்கள் மூலம் நிறைவான வருமானத்தை பெறுவார்.

அடுத்த பதிவில் மேலும் ஆய்வு செய்வோம் ......

வாழ்க வளமுடன்
ஜோதிடன் வர்ஷன்
9443355696

எனது ஜாதகம் யோக ஜாதகமா? அவயோக ஜாதகமா? தெளிவுபடுத்துங்கள் !

 

சுய ஜாதக வலிமையை நிர்ணயம் செய்வதில் லக்கினம் முதல் பனிரெண்டு பாவகங்களுக்கும் உரிமை உள்ளது எனலாம், குறிப்பாக சுய ஜாதகத்தில் கோண வீடுகள் வலிமை பெறுவது ஜாதகரின் அறிவு திறனையும், கேந்திர வீடுகள் வலிமை பெறுவது வசதி வாய்ப்பு மற்றும் பொருளாதார யோகங்களையும், சமவீடுகள் வலிமை பெறுவது செயலாற்றும் காரியங்களில் வெற்றிவாய்ப்பையும், புகழையும் வாரி வழங்கும், இதன் அடிப்படையில் சுய ஜாதகத்தில் பனிரெண்டு பாவகங்களின் வலிமையை கருத்தில் கொண்டு ஆய்வு செய்தால், ஒருவரது ஜாதகம் யோக ஜாதகமா? அவயோக ஜாதகமா? என்பதில் தெளிவு பெறலாம், மேலும் சுய ஜாதகத்தில் லக்கினம் முதல் பனிரெண்டு வீடுகள் மறைவு ஸ்தானமான 6,8,12ம் பாவகத்துடன் சம்பந்தம் பெறுவதும், பாதக ஸ்தானத்துடன் சம்பந்தம் பெறுவதும் ஜாதகரின் வாழ்க்கையில் அவயோகங்களை வாரி வழங்கும், குறிப்பாக பாதக ஸ்தானத்துடன் சம்பந்தம் பெறுவது ( சர லக்கினத்திற்கு 11ம் வீடு பாதக ஸ்தானம், ஸ்திர லக்கினத்திற்கு 9ம் வீடு பாதக ஸ்தானம், உபய லக்கினத்திற்கு 7ம் வீடு பாதக ஸ்தானம் ) கடுமையான அவயோகங்களை வாரி வழங்கும், ஜாதகரால் தவிர்க்க இயலாத இன்னல்களுக்கு ஆளாக்கும், இதை ஓர் உதாரண ஜாதகம் கொண்டு தெளிவு பெறுவோம்.

லக்கினம் : கன்னி 

ராசி : கும்பம் 

நட்ஷத்திரம் : அவிட்டம் 4ம் பாதம் 

மேற்கண்ட ஜாதகரின் கேள்வி எனது ஜாதகம் யோக ஜாதகமா? அவயோக ஜாதகமா? 

ஒருவரின் ஜாதகத்தில் யோக அவயோகங்களை நிர்ணயம் செய்வதில் பனிரெண்டு பாவகங்களின் வலிமையே அடிப்படையாக அமைகிறது, இவரது ஜாதகத்தில்  லக்கினம் முதல் பனிரெண்டு பாவகங்களின் தொடர்புகளை பற்றி ஆய்வுக்கு எடுத்துக்கொள்வோம்.

ஜாதகத்தில் வலிமையுள்ள பாவக தொடர்புகள் :

3,5,7ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெறுவது 3,5,7ம் பாவக வழியில் இருந்து ஜாதகருக்கு யோக பலன்களை வழங்கும்.

11ம் வீடு அதிர்ஷ்டம் மற்றும் லாப ஸ்தானமான 11ம் பாவகத்துடனே சம்பந்தம் பெறுவது, ஜாதகருக்கு மீதம் மிஞ்சிய யோக பலன்களை 11ம் பாவக வழியில் இருந்து முழு வீச்சில் தரும்.

ஜாதகத்தில் வலிமை அற்ற பாவக தொடர்புகள் :

2,4,6,10,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெறுவது 2,4,6,10,12ம் பாவக வழியில் இருந்து ஸ்திரமான இன்னல்களையும் ( பொருளாதாரம்) வாரி வழங்கும்.

8ம் வீடு ஆயுள் ஸ்தானமான 8ம் பாவகத்துடன் சம்பந்தம் பெறுவது, 8ம் பாவக வழியில் இருந்து பூர்ண ஆயுளை தந்தபோதிலும், திடீர் இழப்புகளையும், மருத்துவ செலவுகளையும் வாரி வழங்கும்.

1,9ம் வீடுகள் பாதக ஸ்தானமான 7ம் பாவகத்துடன் சம்பந்தம் பெறுவது ஜாதகருக்கு 1,9ம் பாவக வழியில் இருந்து 200% விகித இன்னல்களை எவ்வித தாட்சண்ணியம் இன்றி வாரி வழங்கும், மேலும் சுய ஜாதகத்திலே கடுமையாக பாதிக்கப்பட்ட பாவக தொடர்பு இதுவே என்றால், அது மிகையல்ல.

எனவே மேற்கண்ட ஜாதகத்தில் 9,11ம் பாவாக வழியில் இருந்து ஜாதகருக்கு யோக  நிகழ்வுகள் நடைமுறைக்கு வந்த போதிலும், சுய ஜாதகத்தில் பாதக ஸ்தானம், ஆயுள் ஸ்தானம் மற்றும் விரைய ஸ்தான தொடர்புகள் பெரும் பாவக வழியில் இருந்து ஜாதகர் கடுமையான இன்னல்களுக்கு ஆளாகும் சூழ்நிலையை தரும், எனவே இவரது ஜாதகத்தில் பெரும்பாலான பாவக தொடர்புகள் பாதிக்கப்பட்டு இருப்பதால், சுய ஜாதகத்தில் யோகங்களை தரும் பாவக வழியிலான நன்மைகளையும் ஜாதகரால் பெற இயலாது என்பதே உண்மையான ஜாதக நிலை.

மேற்கண்ட ஜாதகத்தில் யோகங்களை தரும் பாவாக தொடர்பும் உண்டு, அவயோகங்களை தரும் பாவக தொடர்பு உண்டு என்பதால், மிதயோக ஜாதகம் என்று உறுதி செய்யலாம், மேலும் தற்போழுது நடைபெறும் குரு திசையும், எதிர்வரும் சனி திசையும் முறையே விரைய ஸ்தானம் மற்றும் பாதக ஸ்தான பலனையே ஏற்று நடத்துவதால், ஜாதகருக்கு வெகுவான அவயோக பலாபலன்களே நடைமுறைக்கு வரும், நடைபெறும் குரு திசை தரும் இன்னல்களை விட, எதிர்வரும் சனி திசையே ஜாதகருக்கு மிதமிஞ்சிய அவயோக பலன்களை வாரி வழங்கும், ஏனெனில் எதிர்வரும் சனி திசை ஜாதகருக்கு 1,9ம் வீடுகள் பாதக ஸ்தானமான 7ம் பாவகத்துடன் சம்பந்தம்   பெற்று கடுமையான அவயோக பலன்களை பாதக ஸ்தான வழியில் இருந்து  நடத்த ஆரம்பிக்கும் என்பது கவனிக்கத்தக்க விஷயமாகும்.

வாழ்க வளமுடன் 

 ஜோதிடன் வர்ஷன் 

9443355696

கிரக சேர்க்கை மற்றும் பார்வை மூலம் ஜாதகத்தில் சுபயோகங்களை நிர்ணயம் செய்வதும், அதன் வழியில் யோக பலன்களை எதிர்பார்ப்பதும் உகந்ததா ?

பெரும்பாலும் சுய ஜாதகங்களில், சுப கிரகங்கள் சேர்க்கை மற்றும் பார்வையை கருத்தில் கொண்டு, சம்பந்தப்பட்ட ஜாதகருக்கு சுபயோகங்கள் இருப்பின், யோகங்களை தரும் கிரகமும், அந்த கிரகங்களின் திசா புத்திகளும் ஜாதகருக்கு சிறப்பான நன்மைகளையும் யோகங்களையும் வாரி வழங்கும் என்று நிர்ணயம் செய்வது முற்றிலும் தவறான அணுகுமுறை என்றே "ஜோதிடதீபம்" கருதுகிறது, மேலும் சில பாவகங்களின் சுப கிரகங்கள் அமர்வதை கருத்தில் கொண்டு யோக பெற்ற ஜாதகம் என்றும், அசுப கிரகங்கள் அமர்வதை கருத்தில் கொண்டு அவயோகம் பெற்ற ஜாதகம் என்றும் நிர்ணயம் செய்வதில் உண்மை இல்லை என்பதை தெளிவு படுத்தவும் விருப்பம் கொள்கிறது.

உதாரணமாக ஒரு நிமிட வித்தியாசத்தில் பிறக்கும் இரட்டையர் ஜாதகங்களில் ஒரேமாதிரியான கிரக அமர்வு இருப்பினும், இருவரின் வாழ்க்கை முறை ஒரேமாதிரியான அமைப்பில் இருப்பதில்லை, இருவருக்கும் அவரவர் ஜாதகங்களில் ஒரே மாதிரியான கிரக சேர்க்கை, கிரகங்களின் பார்வை, கிரகங்களின் யோக அமைப்புகள் இருப்பினும், நடைமுறையில் அவரவர் வாழ்க்கையில் முற்றிலும் வித்தியாசனமான பலாபலன்களே நடைமுறைக்கு வருகிறது, எனவே சுய ஜாதகங்களில் உள்ள கிரக சேர்க்கையையும், பார்வையும் வைத்து இது யோக ஜாதகம் என்று முடிவு செய்வதும், அவயோக ஜாதகம் என்று முடிவு செய்வதும் முற்றிலும் ஜோதிட கணிதத்திற்கு முரணான தவறான அணுகுமுறை என்பதில் சிறிதும் ஐயம் இல்லை அன்பர்களே!

அடிப்படையில் மண்ணில் பிறக்கும் ஒவ்வொரு மனிதர்களுக்கு தனிப்பட்ட சுய ஜாதகம் உண்டு என்பதனையும், அந்த ஜாதகம் ஒருவருக்கு இருப்பதுபோல் மற்றவருக்கு இருக்காது என்பதும் மாற்ற இயலாத விதி மேலும் இதை ஒவ்வொருவரின் கைரேகைக்கு ஒப்பிடலாம், ஒருவருக்கு உள்ளதுபோல் மற்றவர்க்கு கைரேகை அமைய வாய்ப்பில்லை என்பதுபோல், ஒருவரது ஜாதகம் போல் மற்றோருவருக்கு இருக்க வாய்ப்பே இல்லை எனலாம், மேலோட்ட்மாக கிரகங்களின் அமர்வு நிலை மற்றும் பார்வையை வைத்து காணும் பொழுது இந்த விஷயங்கள் பிடிபட வாய்ப்பு இல்லை, சுய ஜாதக பாவக வலிமைக்கு முக்கியத்துவம் தந்து ஜாதகத்தை ஆய்வு செய்யும் பொழுது நிச்சயம் நம்மால் உணர இயலும்.

கிரக அமர்வு நிலை, கிரக சேர்க்கை நிலை, கிரகங்களின் பார்வை நிலை, மற்றும் நவ கிரகங்கள் கால புருஷ தத்துவ அமைப்பிற்கு பெரும் ஆட்சி,உச்சம்,நட்பு,சமம்,பகை,நீசம் ஆகியவைகளை கொண்டு சுய ஜாதகத்திற்கு பலன் நிர்ணயம் செய்வது மண் குதிரையை நம்பி நடு ஆற்றில் இறங்குவதற்கு பொருத்தமானது, மேலும் சுய ஜாதகத்தில் பாவகங்களின் வலிமையை பற்றியும், நவகிரகங்கள் தனது திசையில் ஏற்று நடத்தும் பாவகங்களின் வலிமை பற்றியும், அது தரும் பலாபலன்கள் பற்றியும் கருத்தில் கொள்ளாமல் பலன் கூறுவது என்பதும் முற்றிலும் தவறான அணுகுமுறையே, இதனால் நிச்சயம் தவறான பலாபலன்களை கூற அதிக வாய்ப்பு உண்டு, சுய ஜாதக வலிமையை கருத்தில் கொண்டு பலன்காண முற்படுவதே வாழ்க்கையின் முன்னேற்றத்திற்கு சிறப்பான நல்வழியை காட்டும், அதுவே நமது வாழ்க்கையில் விழிப்புணர்வை தந்து வெற்றிகரமான யோக வாழ்க்கையை நல்கும்.

சுய ஜாதகத்தில் பாவக வலிமையையும், நவகிரகங்கள் தனது திசையில் ஏற்று நடத்தும் பாவகங்களின் தன்மையையும், அது தரும் பலன்கள் பற்றியும், தெளிவான விளக்கம் ஒரு ஜாதகருக்கு கிடைக்குமெனில், அந்த ஜாதகர் நிச்சயம் தமது வாழ்க்கையை சிறப்பாக முன்னேற்ற பாதையில் அமைத்துக்கொள்ள இயலும் உதாரணமாக, ஒருவருக்கு எதிர்வரும் திசை ஏற்று நடத்தும் பாவக பலனை பற்றி தெளிவாக தெரிந்து இருப்பின் நன்மை நடைபெறும்  பொழுது ஜாதகர் அதை பரிபூர்ணமாக ஏற்றுக்கொள்ளவும், தீமை நடைபெறும் பொழுது ஜாதகர் விழிப்புணர்வுடன் செயல்பட்டு திட்டமிட்ட வாழ்க்கையை பெறுவதற்கும் உதவும் என்பது கவனிக்கத்தக்க விஷயமாகும், இதற்க்கு ஓர் உதாரண ஜாதகத்தை ஆய்வுக்கு எடுத்துக்கொள்வோம் அன்பர்களே !

ஜாதகருக்கு லக்கினம் : மீனம்
ராசி : மகரம்
நட்ஷத்திரம் : திருவோணம் 3ம் பாதம்

ஜாதகரின் கேள்வி :

1) நடைபெறும் ராகு திசையில் சந்திரன் புத்தி தரும் பலன்கள் யாது? அடுத்து வரும் குரு திசை தரும் பலன்கள் என்ன?

நடைபெறும் ராகு திசையில் சந்திரன் புத்தி 7,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று பலனை தருவது தங்களுக்கு உகந்தது அல்ல, எனவே சந்திரன் புத்தி நடைபெறும் காலத்தில் தங்கள் களத்திர ஸ்தான வழியில் இருந்து தாமத திருமணம், எதிர்ப்பால் அமைப்பினரிடம் இருந்து இன்னல்கள், நண்பர்கள் வழியில் இருந்து துன்பங்கள் என மனநிம்மதி இழப்பையும், மனபோராட்டத்தையும் வாரி வழங்கும், மேலும் மேற்கண்ட பாவக வழியில் இருந்து வீண் விரையங்களும், துன்பங்களும், மருத்துவ செலவினங்களும் ஏற்பட்ட வாய்ப்பு உண்டாகும் என்பதால் சந்திரன் புத்தியில் தங்கள் 7,12ம் பாவக வழியில் இருந்து எச்சரிக்கை உடன் நடந்து கொள்வது நல்லது.

எதிர் வரும் குரு திசை தங்களுக்கு உடல் உயிராகிய 1ம் வீடு லக்கினத்துடன் சம்பந்தம் பெற்று முதல் பாவக பலனையே ஏற்று நடத்துவது வரவேற்க தக்கது, குரு திசை 16 வருடங்களும் தங்களுக்கு லக்கின வழியில் இருந்து புகழ்,வெற்றி,கீர்த்தி என அனைத்து நன்மைகளும் நடைமுறைக்கு வரும், தங்களது லக்கினம் மீனத்தில் 340:45:13 பாகையில் ஆரம்பித்தது மேஷத்தில் 014:16:57 பாகையில் முடிவு பெறுவதால் உபய நீர் தத்துவத்திற்கு உண்டான பரந்த மனபக்குவத்தையும், மனதில் நினைக்கும் காரியங்களில் வெற்றிகளையும், சர நெருப்பு தத்துவத்திற்க்கான வீரியம் மிக்க செயல்பாடுகளையும், சுய கட்டுப்பாட்டுடன் கூடிய ஒழுக்க நெறியையும் பேணும் வல்லமையை வாரி வழங்கும், மேலும் சுறு சுறுப்புடன் செயல்பட்டு நினைத்த  காரியத்தை வெற்றி கொள்ளும் வல்லமையை வாரி வழங்கும், லட்சியங்கள் யாவும் நிறைவேறும், எதிர்பார்ப்புகள் நிறைவேறும், திருப்தியையும் போதும் என்ற மன நிறைவையும் நல்கும், எனவே குரு திசை தங்களுக்கு யோகம் மிகுந்த நல்வாழ்க்கையை லக்கின வழியில் இருந்து வாரி வழங்கும்.

மேற்கண்ட ஜாதகருக்கு உண்டான பலன்கள் பாவக வலிமையை அடிப்படையாக கொண்டும், திசை,புத்தி ஏற்று நடத்தும் பாவகங்களின் வலிமை அடிப்படையாக கொண்டு தெளிவாக விளக்கம் தர சுய ஜாதக கணிதம் நமக்கு மிகவும் உதவியாக அமைந்தது, இதன் அடிப்படையில் ஜாதகர் துல்லியமாக தமது வாழ்க்கையை வெற்றிகரமாக அமைத்துக்கொள்ள இயலும்,

வாழ்க வளமுடன்
ஜோதிடன் வர்ஷன்
9443355696

சுய ஜாதகத்தில் உள்ள யோகங்கள் ( அவயோகங்கள் ) ஜாதகருக்கு பலன் தராமல் போவதற்கு காரணம் என்ன?

சில அன்பர்களுக்கு சுய ஜாதகத்தில் ராஜ யோகங்கள் ( பாவக வலிமை ) இருந்த போதிலும், ஜாதகர் அதனால் பலன் ஏதும் பெற இயலாமல், வாழ்க்கையில் இன்னல்களை சந்தித்து கொண்டு இருப்பர், சில அன்பர்களுக்கு சுய ஜாதகத்தில் அவயோகங்கள் ( பாவக வலிமை அற்ற நிலை ) இருந்த போதிலு, அதனால் ஜாதகர் எவ்வித இன்னல்களையும் அனுபவிக்காமல் சுக போக வாழ்க்கையை நடத்திக்கொண்டு இருப்பர், இது எப்படி சாத்தியம் என்ற கேள்வி வருவது இயற்கையே, இதன் உண்மை நிலையை பற்றி இந்த பதிவில் சிந்தனைக்கு எடுத்துக்கொள்வோம் அன்பர்களே ! 

ஒருவரது சுய ஜாதகத்தில் சுபயோகங்கள் இருப்பது மட்டும் சம்பந்த ஜாதகருக்கு, நன்மைகளையும், வெற்றிகளையும் வழங்கி விடாது, சுபயோகங்கள் வழங்கும் பாவக தொடர்பை, ( நடைமுறையில் உள்ள திசாபுத்திகளோ அல்லது எதிர்வரும் திசாபுத்திகளோ ) ஏற்று நடத்தினால் மட்டுமே ஜாதகருக்கு  சம்பந்தப்பட்ட பாவக வழியில் இருந்து சுபயோக பலாபலன்கள் நடைமுறைக்கு வரும், இது சுபயோகங்களுக்கு உண்டான சிறப்பு அம்சம்.

 ஒருவரது சுய ஜாதகத்தில் அவயோகங்கள் இருந்து அந்த அவயோகங்களை வழங்கும் பாவக பலனை ( வலிமை அற்ற பாவகம் ) நடைபெறும் திசா புத்திகள் ஏற்று நடத்தவில்லை எனில், சுய ஜாதகத்தில் உள்ள அவயோக பலாபலன்கள் ஜாதகருக்கு நிச்சயம் நடைமுறைக்கு வாராது, மேலும் பாதிக்கப்பட்ட பாவக வழியிலான உறவுகளுடன் உள்ள நல்லுறவு பாதிக்கப்படும் அவ்வளவே, எனவே சுய ஜாதகத்தில் உள்ள அவயோக பலாபலன்களை திசாபுத்திகள் ஏற்று நடத்ததே, சம்பந்தப்பட்ட ஜாதகருக்கு " மிகுந்த நன்மையாக " கருதலாம்.

இதை பற்றி இரண்டு உதாரண ஜாதகம் கொண்டு தெளிவு பெறுவோம் அன்பர்களே!

சுய ஜாதகம் வலிமை பெற்று இருந்தும், அவயோக பலனை அனுபவிக்கும் ஜாதக நிலை :

லக்கினம் : சிம்மம் 

ராசி : கன்னி 

நட்ஷத்திரம் : உத்திரம் 4ம் பாதம் 

இந்த சிம்ம லக்கின ஜாதகருக்கு 1,5ம் வீடுகள் பூர்வ புண்ணிய ஸ்தானமான 5ம் பாவகத்துடன் சம்பந்தம் பெறுவது லக்கினம் மற்றும் பூர்வ புண்ணிய ஸ்தான வழியில் இருந்து பரிபூர்ண யோகங்களை அனுபவிக்கும் தன்மையை  தரும், 2,8,10,12ம் வீடுகள் வீர்ய ஸ்தானமான 3ம் பாவகத்த்துடன் சம்பந்தம் பெறுவது ஜாதகருக்கு 2,8,10,12ம் பாவக வழியில் இருந்து நன்மைகளையும், யோகங்களையும் வாரி வழங்கும், மேலும் 3ம் வீடு லாப ஸ்தானத்துடன் சம்பந்தம் பெறுவதும், 4ம் வீடு சுக ஸ்தானத்துடன் சம்பந்தம் பெறுவதும், 11ம் வீடு களத்திர ஸ்தானத்துடன் சம்பந்தம் பெறுவதும் ஜாதகருக்கு 3,4,11ம் பாவக வழியில் இருந்து யோகங்களை வாரி வழங்கும் அமைப்பாகும்.

ஜாதகருக்கு 6ம் வீடு சத்ரு ஸ்தானமான 6ம் பாவகத்துடன் சம்பந்தம் பெறுவதும், 7ம் வீடு விரைய ஸ்தானமான 12ம் பாவகத்துடன் சம்பந்தம் பெறுவதும் ஜாதகருக்கு மேற்கண்ட பாவக வழியில் இருந்து அதிக அளவில் இன்னல்களையும், 9ம் வீடு பாதக ஸ்தானமான 9ம் பாவகத்துடனே சம்பந்தம் பெறுவது 200% மடங்கு கடுமையான இன்னல்களை வாரி வழங்கும் என்பது  இவரது ஜாதகத்தில் பாதிக்கப்பட்ட நிலை ஆகும்.

இவரது ஜாதகத்தில் சுபயோக பலன்களை 1,2,3,4,5,8,10,11,12 வீடுகள் ஆகிய 9பாவகங்கள் வழங்குகின்றது.

இவரது ஜாதகத்தில் அவயோக பலன்களை 6,7,9 வீடுகள் ஆகிய 3பாவகங்கள் மட்டுமே  வழங்குகின்றது.

இருப்பினும் தற்போழுது நடைபெறும் ராகு திசை ஜாதகருக்கு ( 18/01/2013 முதல் 18/01/2031 வரை ) பாதக ஸ்தானமான 9ம் பாவக பலனையே ஏற்று நடத்துகிறது, இது ஜாதகருக்கு பாதக ஸ்தான வழியில் இருந்து 200%  சதவிகித இன்னல்களையும்  துன்பங்களையும் வாரி வழங்கும் அமைப்பாகும், மேலும் இதனால் ஜாதகர் ராகு திசை முழுவதும், வீண் அவப்பெயர், கல்வியில் தடை, தீய செய்கையின் மூலம் தமது ஆரோக்கியத்தை தாமே கெடுத்து கொள்ளுதல், வீண் அலைச்சல், முன்னேற்ற தடை, ஜீவன மேன்மை இன்றி சிரமம் அனுபவிக்கும் தன்மை என்ற வகையில் இன்னல்களை எதிர்கொள்ளும் சூழ்நிலையை தரும்.

அடுத்து வரும் குரு திசை ஜாதகருக்கு ( 18/01/2031 முதல் 18/01/2047 வரை ) சத்ரு ஸ்தானமான  6ம் பாவக பலனையே ஏற்று நடத்துகிறது, இது ஜாதகருக்கு 6ம் பாவக வழியில் இருந்து 100% விகித இன்னல்களை தரும் அமைப்பாகும், இதனால் ஜாதகரின் உடல் நலம் கடுமையாக பாதிக்கப்படும், கடன் தொந்தரவுகள், மறைமுக எதிரி தொல்லை அதிகரிக்கும், தொழில் முடக்கம் மற்றும் பணியில் எதிர்ப்பு நிரந்தரம் இல்லாத நிலை என்ற வகையில் இன்னல்களை வாரி வழங்கும், ஜாதகர் கற்றுக்கொண்ட தீய பழக்கங்களினால் ஏற்படும் உடல் தொந்தரவுகளை, குரு திசை காலகட்டத்தில் எதிர்கொள்ளும் நிலையை தரும்.

அதற்க்கு அடுத்து வரும் சனி திசை ஜாதகருக்கு ( 18/01/2047 முதல் 18/01/2066 வரை ) 7ம் வீடு களத்திர ஸ்தானமான 12ம் பாவகத்துடன் சம்பந்தம் பெற்று  12ம் பாவக பலனை ஏற்று நடத்துவது ஜாதகருக்கு மிகுந்த மன உளைச்சலையும், மனப்போராட்டத்தையும் வாரி வழங்கும், நிம்மதியற்ற நிலை, வீண் மனபயம் என்ற வகையில் இன்னல்களை தரும், ஏற்படும் விரயத்தை ஜாதகரால் தடுத்து நிறுத்த இயலாது என்பதுடன், அனைவராலும் தொல்லைகளை எதிர்கொள்ளும் சூழ்நிலையை தரும்.

எனவே மேற்கண்ட ஜாதகருக்கு சுய ஜாதகம் வலிமை பெற்று இருந்த போதிலும், நடைபெறும் திசாபுத்தி, எதிர்வரும் திசாபுத்தி ஜாதகருக்கு வலிமை பெற்ற ( சுபயோகம் ) பாவக பலனை ஏற்று நடத்தாத காரணத்தால், சுய ஜாதகத்தில் யோகங்கள் இருந்த போதிலும் யாதொரு நன்மையையும் ஜாதகருக்கு நடைமுறைக்கு வாராது.

சுய ஜாதகம் வலிமை அற்று இருந்தும், யோக பலனை அனுபவிக்கும் ஜாதக நிலை :

லக்கினம் : துலாம் 

ராசி : ரிஷபம் 

நட்ஷத்திரம் : மிருகசீரிடம் 2ம் பாதம் 

மேற்கண்ட துலாம் லக்கின ஜாதகருக்கு 1,3,5,9,11ம் வீடுகள் பாதக ஸ்தானமான 11ம் பாவகத்துடன் சம்பந்தம் பெறுவது மேற்கண்ட பாவக வழியில் இருந்து 200% விகித இன்னல்களையும், 2,4,8ம் வீடுகள் ஆயுள் ஸ்தானமான 8ம் பாவகத்துடன் சம்பந்தம் பெறுவது மேற்கண்ட பாவக வழியில் இருந்து ஸ்த்திரமான இன்னல்களையும், 6,12ம் வீடுகள் முறையே சத்ரு ஸ்தானத்துடனும், விரைய ஸ்தானத்துடனும் சம்பந்தம் பெறுவது மேற்கண்ட பாவக வழியில் இருந்து மிகுந்த துன்பங்களை, இன்னல்களையும் தரும்.

மேலும் 7ம் வீடு களத்திர ஸ்தானமான 7ம் பாவகத்துடன் சம்பந்தம் பெறுவது 7ம் பாவக வழியில் 100% விகித யோகத்தையும்,

10ம் வீடு ஜீவன ஸ்தானமான 10ம் பாவகத்துடன் சம்பந்தம் பெறுவது 10ம் பாவக வழியில் 100% விகித யோகத்தையும் வாரி வழங்கும்.

 இவரது ஜாதகத்தில் 1,2,3,4,5,6,8,9,11,12 வீடுகள் ஆகிய 10 பாவகங்கள் அவயோக பலன்களை வழங்குகிறது.

இவரது ஜாதகத்தில் 7,10 வீடுகள் ஆகிய 2 பாவகங்கள் மட்டுமே யோக பலன்களை வாரி வழங்குகிறது.

இருப்பினும் தற்போழுது நடைபெறும் ராகு திசை ( 07/09/2009 முதல் 07/09/2027 வரை  ) ஜாதகருக்கு வலிமை பெற்ற 7,10ம் பாவக பலனையே ஏற்று நடத்துகிறது, எனவே ஜாதகருக்கு நல்ல நண்பர்கள், கூட்டாளிகள், பொதுமக்கள் ஆதரவு, பிரபல்ய யோகம், வெளியூர் மற்றும் வெளிநாடுகளில் இருந்து வரும் நல்ல வாய்ப்புகள், கூட்டு முயற்ச்சியால் பெரும் வெற்றி வாய்ப்புகள், புகழ் மற்றும் அரசு கவுரவம், சமூகத்தில் அனைவரும் மதிக்கும் வண்ணம் அமையும் ஜாதகரின் செயல்பாடுகள், நல்ல ஜீவனம், செய்யும் தொழில் வழியில் இருந்து நல்ல முன்னேற்றம் என்ற வகையில் ராகு திசை முழுவதும் 7,10ம் பாவக வழியில் இருந்து யோக பலன்களையே ஜாதகருக்கு வாரி வழங்கும்.

அடுத்தது வரும் குரு திசையும் ( 07/09/2027 முதல் 07/09/2043 வரை ) ஜாதகருக்கு வலிமை பெற்ற 7ம் பாவக பலனையே ஏற்று நடத்துவது, வரவேற்க தக்க அம்சமாகும், இந்த காலத்தில் ஜாதகர் தமது வாழ்க்கை துணை வழியில் இருந்து யோகங்களையும், நண்பர்கள்,கூட்டாளிகள் மற்றும் பொதுமக்கள் வழியில் இருந்து அதிக ஆதாயம் மற்றும் பொருளாதார முன்னேற்றத்தையும், வெளியூர் மற்றும் வெளிநாடுகளில் இருந்து அதிக செல்வ சேர்க்கையையும் தங்கு தடையின்றி பெறுவார், மேலும் குரு திசை முழுவதும் 7ம் பாவக வழியில் இருந்து யோக பலன்களையே ஜாதகருக்கு வாரி வழங்கும்.

மேற்கண்ட இரண்டு ஜாதகங்களில் யோகம் மற்றும் அவயோகங்கள் இருந்த போதிலும் நடைமுறை மற்றும் எதிர்வரும் திசாபுத்திகள் முதல் ஜாதகருக்கு பாதகமாகவும், இரண்டாம் ஜாதகருக்கு சாதகமாகவும் அமைவது, " விதி வலியது "  என்பதை தெளிவாக விளங்க செய்கிறது.

முதல் ஜாதகருக்கு சுபயோகங்கள் இருந்தும் அவை நடைமுறைக்கு வாராதது ஜாதகரின் துர்பாக்கிய நிலையையும், இரண்டாம் ஜாதகருக்கு அவயோகங்கள்  இருந்தும் அவை நடைமுறைக்கு வாராதது ஜாதகரின்  அதிர்ஷ்டத்தையும் கட்டியம் கூறுகிறது.

இதைத்தான் பெரியோர்கள் முதல் ஜாதகருக்கு  "கைக்கு எட்டியது வாய்க்கு எட்டவில்லை" என்றும்.

இரண்டாம் ஜாதகருக்கு " தலைக்கு வந்தது தலை பாதுகையுடன் சென்றது " என்றும்  சிலேடையாக சொல்லியிருக்க கூடும்.

வாழ்க வளமுடன் 

ஜோதிடன் வர்ஷன் 

9443355696

யோக காலமும் நல்ல நேரமும் வரும் சமயம் எப்பொழுது ? சுய ஜாதக ரீதியாக தெரிந்துகொள்வது எப்படி ?

சுய ஜாதக ரீதியாக ஒருவருக்கு நல்ல யோக காலம் வரும் தருணம் எப்பொழுது? என்பதை தெளிவாக தெரிந்துகொள்வது அவசியமானதாகவும், அவயோக காலம் வரும் தருணம் எப்பொழுது ? என்பதை தெளிவாக தெரிந்து கொள்வது மிக மிக அவசியமானதாகவும்  ஜோதிடதீபம்  கருதுகிறது, ஒருவருக்கு யோக காலம் எப்படி மிகசிறந்த நன்மைகளை குறிப்பிட்ட பாவக வழியில் இருந்து தருகிறதோ ?  அதை போன்றே அவயோக காலமும் குறிப்பிட்ட பாவக வழியில் இருந்து கெடு பலன்களை தர தவறுவதில்லை, பொதுவாக பாரம்பரிய ஜோதிட முறையில் பலன்கானும் பொழுது ஒருவரது சுய ஜாதக பலன்களை கணிதம் செய்வதில் பல முரண்பாடுகளும், தவறுகளும் ஏற்ப்பட வாய்ப்பு அதிகம் உண்டு, நமது ஜோதிட முறையில் இந்த தவறுகள் நடை பெற வாய்ப்புகள் மிக மிக குறைவு என்பது ஒரு சந்தோஷமான விஷயமாகவே ஜோதிடதீபம் கருதுகிறது.

பாரம்பரிய முறையில் பலன் காணும் பொழுது பொதுவாக ஒருவரின் ஜாதகத்தில் லக்கினம் முதற்கொண்டு 12 வீடுகளில் கிரகங்கள் அமர்ந்த நிலையை வைத்தும், தற்பொழுது நடைபெறும் திசை சுபர அசுபர என்ற நிலையை வைத்தும், தற்காலத்தில் உள்ள கோட்சார கிரகங்களின் இயக்க நிலையை சந்திரனை அடிப்படையாக கொண்ட ராசியை வைத்தும் பலன் காணுவது இயற்கையாக நிகழ்வது, இருப்பினும் ஒருவருக்கு சுய ஜாதகத்தில் சுப கிரகங்கள் என்று அழைக்கப்படும் குரு,சுக்கிரன்,வளர் பிறை சந்திரன்,புதன் ஆகிய கிரகங்களின் திசை,புத்தி,அந்தரம் மற்றும் சூட்சமங்கள் ஒருவருக்கு யோக பலன்களை வாரி வழங்கி விடுவதுமில்லை, அசுப கிரகங்கள் என்று அழைக்கப்படும் சூரியன்,தேய்பிறை சந்திரன், செவ்வாய்,சனி,ராகுகேது ஆகிய கிரகங்கள் அவயோக பலன்களையும் வாரி வழங்கி விடுவதுமில்லை, மேலும் கோட்சார கிரகங்களின் பலன்கள் ஜாதகரை வெகுவாக பாதிக்க படுவதுமில்லை, ஏனெனில் தற்பொழுது நடை பெரும் திசை மற்றும் புத்திகள்  ஏற்று நடத்தும் பாவகங்களின் தொடர்பை கோட்சார கிரகங்கள் தொடர்பு பெற்றால் மட்டுமே நன்மை தீமை பலன்களை வழங்குகிறது, சந்திரனை அடிப்படையாக கொண்டு பலன் காண முற்படுவது பொது பலனே அன்றி, சுய ஜாதகத்திற்கு எவ்விதத்திலும் அது பொருந்துவதில்லை என்ற உண்மையை இந்த இடத்தில் அனைவரும் உணர்வது அவசியமாக ஜோதிடதீபம் கருதுகிறது அன்பர்களே !

ஒரு உதாரண ஜாதகம் கொண்டு பலன் காண்போம் :

ஜாதகர் லக்கினம் : கன்னி 
ராசி :  மகரம் 
நட்சத்திரம் : திருவோணம் 3ம் பாதம் 

ஒருவரின் ஜாதக பலன் காணும் முன்பு அவரது ஜாதகத்தில் 12 பாவகங்களின் வலிமை என்ன ? என்பதை தெளிவாக உணர்ந்தால்  மட்டுமே குறிப்பிட்ட ஜாதகருக்கு சரியான ஜாதக பலனை ஜோதிடர்களால் சொல்ல இயலும், மாறாக கிரகங்கள்  வலிமை வைத்து பலன் சொல்வது நிச்சயம் சரியான பலன் காண வாய்ப்பை தாராது ஏனெனில், பாவகம் ஒன்று மட்டுமே வினாடிக்கு வினாடி மாற்றம் பெற்றுகொண்டு இருக்கும், இதன் மூலமே ஜாதகரின் பாவக வலிமையை  நிர்ணயம் செய்ய இயலும், ஒரே நேரத்தில் பிறந்த குழந்தைகளின் சுய ஜாதகத்தில் பாவக வலிமை வித்தியாசம் பெறுவது இதன் அடிப்படையிலேயே, ஆக ஒருவரின் சுய ஜாதகத்தில் சரியான பலன் காண அடிப்படையில் கணிதம்  செய்து காண வேண்டிய விஷயங்கள் பின்வருமாறு:

1) ஜாதகத்தில் 12 பாவகங்களின் வலிமை என்ன ?
2) 12 பாவகங்களும் தொடர்பு படுத்தும் வீடுகள் என்ன ?
3) தற்பொழுது நடைபெறும் திசை,புத்தி,அந்தரம் மற்றும் சூட்சமம் 12 பாவகங்களில் எந்த பாவகத்தின் பலனை ஏற்று நடத்துகிறது.
4) தற்பொழுது உள்ள கோட்சார கிரகங்கள் நடைபெறும் திசை,புத்தி,அந்தரம் மற்றும் சூட்சம தொடர்பு படுத்தும் பாவகங்களுக்கு எவ்வித பலன்களை தருகிறது என்பதை தெளிவாக தெரிந்தால் மட்டுமே, ஒரு ஜாதகருக்கு சரியான ஜாதக பலன்களை நாம் சொல்ல இயலும்.

மேற்கண்ட ஜாதகத்தில் நவ கிரகங்களின் திசை,புத்தி,அந்தரம் மற்றும் சூட்சமம் 12 பாவகங்களுடன் எவ்வித தொடர்பை பெறுகிறது என்பதை வரிசைகிரமமாக பார்ப்போம் அன்பர்களே !

ஜாதகருக்கு ஜெனன நிலையில் நின்ற திசை சந்திரன்:

சந்திரன் திசை ஜாதகருக்கு 1,3,7,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று யோக பலன்களையும், 4ம் வீடு சுக ஸ்தானமான 4ம் பாவகத்துடன் தொடர்பு பெற்று யோக பலன்களையும், 8,12ம் வீடுகள் விரைய ஸ்தானமான 12ம் பாவகத்துடன் தொடர்பு பெற்று அவயோக பலன்களையும் தந்தது, இதில் ஜாதகர் 1,3,4,7,9ம் பாவக வழிகளில் இருந்து நன்மையான பலன்களையும், 8,12ம் பாவக வழியில் இருந்து அவயோக பலன்களையும் சந்திரன் திசையில் அனுபவித்தார்.

2வதாக வந்த திசை செவ்வாய் :

 செவ்வாய் திசை ஜாதகருக்கு 1,3,7,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று யோக பலன்களை மட்டும் செய்ததால் ஜாதகர் செவ்வாய் திசையில் 1,3,4,7,9ம் பாவக வழிகளில் இருந்து நன்மையான பலன்களை மட்டும் அனுபவித்தார்,

3வதாக வந்த திசை ராகு :

 ராகு திசை ஜாதகருக்கு 2,6ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று மிகுந்த யோக பலனையே வழங்கியதால், ஜாதகருக்கு ராகு திசை 2,6ம் பாவக வழியில் இருந்து யோக பலன்களையே அனுபவிக்கும் தன்மைய தந்தது.

4வதாக தற்பொழுது  நடைமுறையில் உள்ள திசை குரு :

 தற்பொழுது நடைபெறும் குரு திசை ஜாதகருக்கு 10ம் வீடு பாக்கிய ஸ்தானமான 9ம் பாவகத்துடன் தொடர்பு பெறுவது நல்ல பலன் என்ற போதிலும் 10ம் வீட்டிற்கு 9ம் பாவகம் 12ம் வீடாக வருவதால் ஜாதகர் தனது தகப்பனார் வழியில் இருந்து எவ்வித யோக பலன்களையும் அனுபவிக்க இயலாத சூழ்நிலையை உருவாக்கி விட்டது.

5வதாக வரும் திசை சனி :

இனி வர இருக்கும் சனி திசை ஜாதகருக்கு 5,11ம் வீடுகள் லாப ஸ்தானமான 11ம் பாவகத்துடன் தொடர்பு பெற்று யோக பலன்களையும், 10ம் வீடு பாக்கிய ஸ்தானமான 9ம் பாவகத்துடன் தொடர்பு பெற்று அவயோக பலன்களையும் வழங்குகிறது எனவே ஜாதகர் சனி திசையில் 5,11ம் பாவக வழியில் இருந்து நன்மையையும், 10ம் பாவக வழியில் இருந்து தீமையையும் பெரும் நிலையை தரும்.

6வதாக வரும் திசை புதன் :

சனிக்கு அடுத்து வரும் புதன் திசை ஜாதகருக்கு 4ம் வீடு சுக ஸ்தானமான 4ம் பாவகத்துடன் சம்பந்தம் பெற்று யோக பலன்களையே தருவதால், ஜாதகருக்கு புதன் திசை மிகுந்த நன்மையையே வாரி வழங்கும்.

7வதாக வரும் திசை கேது :

புதன் திசைக்கு அடுத்ததாக வரும் கேது திசை ஜாதகருக்கு 2,6ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று மிகுந்த யோக பலனையே வழங்குவதால் ஜாதகருக்கு கேது திசை 2,6ம் பாவக வழியில் இருந்து யோக பலன்களையே வாரி வழங்கும்.

8வதாக வரும் திசை சுக்கிரன் :

கேது திசைக்கு அடுத்ததாக வரும் சுக்கிரன் திசை ஜாதகருக்கு 5,11ம் வீடுகள் லாப ஸ்தானமான 11ம் பாவகத்துடன் தொடர்பு பெற்று யோக பலன்களை வாரி வழங்குவதால் ஜாதகருக்கு சுக்கிரன் திசை மிகுந்த யோகத்தையும் நன்மையையும் வாரி வழங்கும் என்பது உறுதி.

9வதாக வரும் திசை சூரியன் :

சுக்கிர திசைக்கு அடுத்ததாக வரும் சூரியன் திசை ஜாதகருக்கு 8,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று அவயோக பலன்களையே தருவதால், ஜாதகருக்கு சூரியன் திசை மிகுந்த துன்பத்தையே தரும் என்பது குறிப்பிட தக்கது.

மேற்கண்ட ஜாதகருக்கு அதிக நன்மையை தரும் திசை,புத்தி,அந்தரம் மற்றும் சூட்சமங்களாக  சனி மற்றும் சுக்கிரன் ஜாதகத்தில் அமர்கின்றனர்.

மேற்கண்ட ஜாதகருக்கு அதிக இன்னல்களை தரும் திசை,புத்தி,அந்தரம் மற்றும் சூட்சமங்களாக சூரியன் மற்றும் சந்திரன் ஜாதகத்தில் அமர்கின்றனர்.

மேலும் மேற்கண்ட திசை,புத்தி,அந்தரம் மற்றும் சூட்சமம் நடைபெறும் பொழுது இவர்கள் தொடர்பு படுத்தும் பாவகங்களுடன் கோட்சார கிரகங்கள் தொடர்பு பெரும் பொழுது வழங்கும் யோக, அவயோக பலன்களையும் கருத்தில் கொண்டு பலன் காணும் பொழுது குறிப்பிட்ட ஜாதகருக்கு  நிச்சயம் தெளிவான ஜாதக பலனை தர இயலும்.

மேலும் ஜாதகர் யோக பலன்கள் நடைபெறும் திசை,புத்தி,அந்தரம் மற்றும் சூட்சம காலங்களில் விழிப்புணர்வுடன் செயல்பட்டு வெற்றிகளையும், அவயோக பலன்கள் நடைபெறும் திசை,புத்தி,அந்தரம் மற்றும் சூட்சமாக காலங்களில் பொறுமையையும் எச்சரிக்கை உணர்வுடன் செயல்பட்டு சம்பந்த  பட்ட பாவக வழியில் இருந்து நன்மை தீமை பலன்களை அனுபவிக்கலாம், ஆக ஒரு ஜாதகருக்கு நடைபெறும் திசை மற்றும் புத்திகள் வழங்கும் பலன்களின் தன்மையை உணர்ந்து அவருக்கு சரியான ஜாதக பலனை சொல்லும் பொழுது, ஜாதகரின் வாழ்க்கையில் சுபிட்சம் ஓங்கும்.

வாழ்க வளமுடன் 
ஜோதிடன் வர்ஷன் 
9443355696

கைக்கு எட்டியது வாய்க்கு எட்டவில்லை என்பதை போன்று, சுய ஜாதகத்தில் யோகம் இருந்தும் அனுபவிக்க முடியாத ஜாதக நிலை !

மேற்கண்ட ஜாதகத்தில் லக்கினம் , சுகம் , களத்திரம் , ஜீவனம் எனும் நான்கு வீடுகளும் ஜீவன ஸ்தானம் எனும் பத்தாம் பாவகத்துடன் சம்பந்தம் பெறுவது , ஜாதகத்தில் ஒரு சிறப்பான யோக நிலை , மேலும் இந்த நான்கு வீடுகளும் ஜீவன ஸ்தானமான சர மகர ராசியுடன் சம்பந்தம் பெறுவது மிகுந்த யோக பலனை தங்கு தடையின்றி வாரி வழங்கும் என்பதில் சந்தேகம் இல்லை , குறிப்பாக லக்கினம் ஜீவன ஸ்தானதுடன் சம்பந்தம் பெறுவது , ஜாதகரின் உடல் மனம் இரண்டு அமைப்பிலும் நன்மைகளை வாரி வழங்கும், நீண்ட ஆயுள் , நல்ல வளரும் சூழ்நிலை , நேர்மையான குணம் , பெரியோர்களின் வார்த்தைகளுக்கு கட்டுப்படும் தன்மை , சுய கட்டுபாடு , ஒழுக்கம் போன்ற விஷயங்களில் சிறப்பான பலன்களை வழங்கும் .

சுக ஸ்தானம் எனும் நான்காம் பாவகம் ஜீவன ஸ்தானதுடன் சம்பந்தம் பெற்று வலிமை பெறுவது , ஜாதகருக்கு தாயின் வழியில் ஆதரவும் , தனது அம்மாவிற்கு நன்மைகளையும் , தாய் பாசமுடன் வளரும் தன்மையும் , நல்ல வண்டி வாகன யோகமும் , வசதி மிக்க வீடு , சிறப்பான கல்வி , உயர் கல்வி , பட்டபடிப்பு , கல்விகாலங்களில் சிறந்து விளங்கும் தன்மை , தனது சுய உழைப்பால் வண்டி வாகனம் , சொத்து சுகம் , போன்றவைகளை வாங்கும் யோகம் என நான்காம் பாவக அமைப்பில் இறுதி நன்மைகளை வாரி வழங்கும் .

களத்திர ஸ்தானம் ஜீவன ஸ்தானதுடன் சம்பந்தம் பெறுவது , ஜாதகருக்கு நல்ல நண்பர்கள் சேர்க்கையும் , சமுதாயத்தில் சிறப்பான நற்பெயரும் , பொது மக்கள் செல்வாக்கும் , பெண் நண்பர்கள் மூலம் அளவில்லா நன்மைகளும் , வெளிநாடுகளில் இருந்து அளவில்லா செல்வ வளமும் , வாழ்க்கையில் படிப்படியான முன்னேற்றமும்  உண்டாகும் . மேலும் ஜாதகரின் கூட்டாளிகள் மூலம் சிறப்பான எதிர்காலம் கிடைக்கும் , வாழ்க்கை துணை வழியில் இருந்து சகல யோகமும் நிச்சயம் உண்டாகும் , தன்னம்பிக்கை அதிகரிக்கும் , விரைவான சுறுசுறுப்பான செயல் திறன் கொண்டவராக இருப்பார் .

பத்தாம் வீடு ஜீவன ஸ்தானதுடன் சம்பந்தம் பெறுவது , செய்யும் தொழில்களில் எல்லாம் வெற்றிமேல் வெற்றி உண்டாகும் , தனது தகப்பனாருக்கு சொத்து சுக சேர்க்கையும் , ஜீவன மேன்மையும் வாரி வழங்கும் , குறிப்பாக ஜாதகர் செய்யும் தொழில்கள் எல்லாம் 100 சதவிகிதம் வெற்றி பெரும் மருத்துவம் சார்ந்த தொழில்களில் கொடி கட்டி பறக்கும் அளவிற்கு முன்னேற்றம் உண்டாகும் , நல்ல கைராசி , மக்கள் செல்வாக்கு , கூட்டு தொழில் செய்வதால் முன்னேற்றம் மற்றும் அளவில்லா வருமானம் , சுயமாக சிந்தனை செய்து வாழ்க்கையில் வெற்றி பெரும் யோகம் என ஜீவன வழியில் வெற்றியை தரும் .

மேற்கண்ட  நன்மையான பலன்கள் எல்லாம் ஜாதகருக்கு சூரியன் மற்றும் செவ்வாய் திசையில்,சூரியன் மற்றும் செவ்வாய் புத்தி , சூரியன் மற்றும் செவ்வாய் அந்தரம்,சூரியன் மற்றும் செவ்வாய் சூட்சமம் போன்ற அமைப்பில் மட்டுமே நடை பெறுகிறது , தற்பொழுது நடக்கும் சூரியன் திசை மேற்கண்ட வீடுகளின் பலனை நடத்துவது நன்மையை தரும் , அடுத்து வரும் சந்திரன் திசை பாதக ஸ்தான பலனை செய்கிறது , அதற்க்கு அடுத்து வரும் செவ்வாய் திசை மேற்கண்ட வீடுகளின் பலனை நடத்துவது நன்மையை தரும் , ஆனால் இதற்க்கு பிறகு வரும் அனைத்து திசைகளும் முறையே ராகு திசை விரைய ஸ்தான பலனையும் , குரு திசை பாதக ஸ்தான பலனையும் ,சனி திசை எட்டாம் வீட்டு பலனை செய்வதும் ஜாதகருக்கு 200 சதவிகிதம் மிகுந்த பாதிப்பையே வாரி வழங்கும் , நன்மையான பலன்கள் இந்த திசைகளில் நடப்பது என்பது மிகவும் குறைவே .

எனவே மேற்கண்ட ஜாதக அமைப்பில் சூரியன் திசையும் , செவ்வாய் திசையும் சிறு வயதிலேயே ஜாதகத்தில் நடைமுறைக்கு வந்துவிடுவதால் , ஜாதகர் அதிக நன்மைகளை பெற  முடியாது , ஏனெனில் அது ஜாதகரின் குழந்தை பருவம் மற்றும் கல்வி காலம் என்பதால் , உடல் நிலை , வளரும் சூழ்நிலை ,கல்வியில் மட்டுமே யோக நிலை நன்மையை செய்யும் , தொழில் , திருமணம் , வாழ்க்கையில் முன்னேற்றம் போன்றவைகள் நடை பெரும் காலமான 23 வயது முதல் 60 வயது வரை நடக்கும் திசையாவும் தீமையான பலனையே வாரி வழங்குவதால் , ஜாதகத்தில் வலிமை பெரும் பாவக அமைப்பில் இருந்து ஜாதகர் எவ்வித நன்மையையும் பெற முடியாது என்பதால் , ஜாதகத்தில் யோக அமைப்பு இருந்தும் , பலன் அனுபவிக்க முடியாத படி ஜாதகருக்கு தடைகளை தரும் என்பதில் சந்தேகமே இல்லை .

ஆக ஜாதகத்தில் யோகம் இருப்பது பெரிய விஷயமல்ல , அந்த யோக பலன்கள்  நடைமுறையில் திசை, புத்தி, அந்தரம், மற்றும்  சூட்சமத்தில் நடந்து பலன் தர வேண்டும் , அப்பொழுதுதான் ஜாதகர்  யோக வாழ்க்கையை பெற முடியும் , இல்லை எனில் ஜாதகர் நிலை இலவுகாத்த கிளி கதைக்கு ஒப்பாக இருக்கும் , யோக வாழ்க்கையை நினைத்து வெறும் கனவு மட்டுமே காண  முடியும் நடை முறையில் , சிரமத்தை மட்டுமே அனுபவிக்க வேண்டி வரும் , இதனால் யோக நிலைகள் பற்றி சில விஷயங்களை தெரிந்து கொண்ட  சில அரை குறை  ஜோதிடர்கள் உங்களது ஜாதகத்தில் அந்த யோகம் இருக்கிறது , இந்த யோகம் இருக்கிறது என்று உசுப்பேத்தி உசுபேத்தி உங்களை ரணகளமாக்க கூடும் , தங்களது ஜாதக அமைப்பின் படி உள்ள உண்மை நிலையை தெளிவாக தெரிந்து கொண்டு வாழ்க்கையில் முன்னேற்றம் பெறுங்கள் , வாழ்த்துகள் .

வாழ்க வளமுடன் 

ஜோதிடன் வர்ஷன் 

9443355696

jothidadeepam@gmail.com