தொழில் வழியிலான பெரும் நஷ்டங்களும், திடீர் இழப்புகளும் ஏற்பட காரணமாக இருப்பது எது ?

சுய தொழில் அல்லது கூட்டு தொழில் செய்யும் அன்பர்கள் சிலரது வாழ்க்கையில் எதிர்பாராத திடீர் இழப்புகளும், பெருத்த நஷ்டங்களும் நடைமுறைக்கு வருவதற்கு என்ன காரணம், இதை சுய ஜாதக ரீதியாக அறிந்துகொண்டு தவிர்க்க இயலாதா ? இதை போன்ற இழப்புகள் வருவதை நாம் வரும்முன்னரே அறிந்து சுதாரிப்புடன் செயல்பட இயலாதா ? தெளிவான விளக்கம் தர வேண்டுகிறோம்..

லக்கினம் : சிம்மம்
ராசி : கும்பம்
நட்ஷத்திரம் : சதயம் 3ம் பாதம்

மேற்கண்ட கேள்விகளுக்கு உதாரண ஜாதகம் கொண்டு தெளிவு பெறுவோம், ஒருவரது  சுய ஜாதகத்தில் காலபுருஷ தத்துவ அமைப்பிற்கு ஜீவன ஸ்தானமான மகரம் வலிமை அற்று காணப்பட்டாலோ அல்லது லக்கினத்திற்க்கு ஜீவன ஸ்தானமாக அமையும் பாவகம் வலிமை இன்றி காணப்பட்டாலோ ஜாதகர் தாம் செய்யும் தொழில் வழியிலான திடீர் இழப்பு மற்றும் பெருத்த நஷ்டங்களை எதிர்கொள்ளும் சூழ்நிலையை தரும், அல்லது சுய ஜாதகத்தில் 6,8,12ம் வீடுகள் வலிமை அற்று காணப்பட்டால் ஜாதகர் தாம் செய்யும் தொழில் வழியில் இருந்து மீள முடியாத கடன், திடீர் இழப்பு, முதலீடுகளால் ஏற்படும் பெருத்த நஷ்டங்களை அனுபவிக்கும் நிலையை தரும், உதாரணமாக மேற்கண்ட ஜாதகருக்கு சுய ஜாதகத்தில் 6,12ம் வீடுகளை தவிர மற்ற அனைத்து பாவகங்களும் மிகவும் வலிமையுடன் இருப்பது வரவேற்கத்தக்க சிறப்பு அம்சமாகும், இருப்பினும் ஜாதகர் கடந்த சில வருடங்களாக கடுமையான தொழில் வழியிலான பெரும் நஷ்டங்களை சந்தித்து, தொழில் முடக்கம் ஏற்பட்டதற்க்கு காரணம் என்ன ? என்பதனை சிந்தனைக்கு எடுத்துக்கொள்வோம் அன்பர்களே !

  ஜாதகருக்கு லக்கினம் முதல் பெரும்பாலான பாவகங்கள் வலிமையுடன் அமைந்தபோதிலும், கால புருஷ தத்துவ அமைப்பிற்கு 1ம் வீடான மேஷ ராசி பாதக ஸ்தான தொடர்பை பெற்று கடுமையான பாதிப்பையும், 4ம் வீடான கடக ராசி, 10ம் வீடான மகர ராசிகள்,  ஜாதகரின் சிம்ம லக்கினத்திற்க்கு விரையம்  மற்றும் சத்ரு ஸ்தானமாக அமைந்து கடுமையான பாதிப்பை பெற்று இருப்பது ஜாதகரின் வாழ்க்கையில் தாங்க இயலாத தொழில் பின்னடைவை தந்தது, இதன் காரணமாக ஜாதகருக்கு 6ம் பாவக வழியில் இருந்து  கடன் சுமை, தொழில் முடக்கம், எதிரிகள் தொந்தரவு, போட்டியாளர்கள் வழியில் இருந்து வரும் எதிர்ப்புகள் என ஏககாலத்தில் இன்னல்களை தந்து தொழில் முடக்கம் என்ற நிலைக்கு ஜாதகரை அழைத்து சென்றது, மேலும் 12ம் பாவக வழியில் இருந்து ஜாதகர் செய்த அதீத முதலீடுகள் அனைத்தும் கடுமையான நஷ்டத்தை சந்தித்தது, எதிர்பாராத பேரிழப்பை ஜாதகர் அயன சயன ஸ்தான வழியில் இருந்து சந்திக்கும் நிலையை தந்தது, ஜாதகருக்கு சுய ஜாதகத்தில் கடகம் வலிமையாக பாதிக்கப்பட்டு இருக்கும் பொழுது சிறிதும் சிந்திக்காமல் அழிவு நிலையில் உள்ள பொருட்களில் ஜாதகர் முதலீடு செய்தது, ஜாதகரின் தொழில் முடக்கத்திற்கு அடிப்படை காரணமாக அமைந்தது, சுய ஜாதகத்தில் பாதிக்கப்பட்ட பாவகம் சார்ந்த தொழில்களை ஜாதகர் மேற்கொள்வது என்பது " மண் குதிரையை " நம்பி ஆற்றில் இறங்குவதற்கு நிகரான இன்னல்களை வாரி  வழங்கிவிடும், மேலும் மகரமும், கடகமும் சர இயக்கத்தில் நிற்பது  ஜாதகருக்கு ஓர் இரவில் அனைத்தையும் இழந்து தவிக்கும் சூழ்நிலையை தந்து இருக்கின்றது.

மேற்கண்ட ஜாதகத்தில் 6,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று கடுமையாக பாதிக்கப்பட்டாலும், 6,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று விரைய ஸ்தான பலனை  ஏற்று நடத்திய ( சனி திசை ) கேது,சுக்கிரன் மற்றும் சந்திரன் புத்திகள் ( 28/03/2009 முதல் 17/01/2016 ) முழுவீச்சில் அனுபவிக்க வேண்டிய சூழ்நிலையை ஜாதகர் எதிர்கொண்டார் என்பதே இதில் கவனிக்கத்தக்க விஷயமாகும், சுய ஜாதகத்தில் பாவகங்கள் கடுமையாக பாதிக்கப்பட்டு இருந்தாலும் நடைபெறும் திசை அல்லது புத்தி பாதிக்கப்பட்ட பாவக பலனை ஏற்று நடத்தாமல் இருப்பின், பாதிக்கப்பட்ட பாவக வழியில் இருந்து வரும் இன்னல்கள் எதுவும் ஜாதகரை பாதிக்காது, நடைபெறும் திசா புத்திகள் பாதிக்கப்பட்ட பாவக பலனை ஏற்று நடத்தினால் மட்டுமே ஜாதகர் சம்பந்தப்பட்ட பாவக வழியில் இருந்து வரும் இன்னல்களை சந்திக்கவேண்டி வரும் என்பது கவனிக்கத்தக்க மிக முக்கியமான விஷயமாகும்.

ஜாதகருக்கு சனி திசை 3ம் வீடு பூர்வபுண்ணிய ஸ்தானமான 5ம் பாவகத்துடன் சம்பந்தம் பெற்று  சுபயோக பலாபலன்களை வழங்கிக்கொண்டு இருக்கின்ற போதிலும், சனி திசையில்  கேது,சுக்கிரன் மற்றும் சந்திரன் புத்திகள் 6,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று கடுமையான இன்னல்களை தந்தது ஜாதகரின் தொழில் வாழ்க்கைக்கே மூடுவிழா நடத்திவிட்டது, ஜாதகரின் திருப்தியற்ற மன நிலையும், தெளிவற்ற முடிவுகளும் 12ம் பாவாக வழியில் இருந்து நடைமுறைக்கு வந்ததே ஜாதகருக்கு மேற்கண்ட கடுமையான பாதிப்பை வழங்க அடிப்படை காரணமாக அமைந்தது, சனி திசையில் மேற்கண்ட புத்திகள் விரைய ஸ்தான பலனை ஏற்று நடத்திய போதிலும், சனி திசை புதன் புத்தி பாதக ஸ்தான பலனை ஏற்று நடத்தியது ஜாதகரின் வாழ்க்கையில் வரும் இன்னல்களுக்கு புள்ளையார் சுழி போட்டது என்பதை மறுப்பதற்கு வழியில்லை.

சுய ஜாதகம் எவ்வளவு வலிமையுடன் இருப்பினும் நடைபெறும் திசை, புத்தி ( நவகிரகங்களின்  எந்த கிரகத்தின் திசை புத்தி என்றாலும் ) வலிமை பெற்ற பாவக பலனை ஏற்று நடத்தினால் மட்டுமே  ஜாதகர் சம்பந்தப்பட்ட பாவக வழியில் இருந்து சுபயோக பலாபலன்களை அனுபவிக்க இயலும், மேற்கண்ட ஜாதகம் போல் வலிமை அற்ற பாவாக வழியிலான பலாபலன்களை ஏற்று நடத்தினால் ஜாதகரின் கதி அதோகதிதான்  என்பதில் சந்தேகம் இல்லை. எனவே ஓவொருவரின் சுய ஜாதகத்திலும் நடைமுறையில் உள்ள திசா புத்திகள் ஏற்று நடத்தும் பாவாக தொடர்பு நிலையை கருத்தில் கொண்டு வாழ்க்கையை சிறப்பாக அமைத்துக்கொள்வதே சாலச்சிறந்தது.

குறிப்பு :

ஜாதகருக்கு தற்போழுது நடைபெறும் ராகு புத்தி எதிர்வரும் குரு புத்திகள் முறையே  வலிமை பெற்ற 1,3,5ம் பாவக பலனையும், 7,11ம் பாவக பலனையும் ஏற்று நடத்துவது ஜாதகருக்கு பரிபூர்ண அதிர்ஷ்டத்தை தரும் என்பதால் விழிப்புணர்வுடன் செயல்பட்டு சுபயோக வாழ்க்கையை சுவீகரிக்க " ஜோதிடதீபம் " அறிவுறுத்துகிறது.

வாழ்க வளமுடன்
ஜோதிடன் வர்ஷன்
9443355696

திருமண வாழ்க்கையில் சுபயோகங்களை நல்கும் 2,7ம் வீடுகளின் வலிமை !

 திருமண வாழ்க்கையில் பொருத்தமான கணவன் அமைவதும், மனைவி அமைவதும் இறைவன் கொடுத்த வரம் என்றால் அது மிகையில்லை, பொதுவாக இல்லற வாழ்க்கையில் இன்னல்களை சந்திக்கும் ஆணோ அல்லது பெண்ணோ தனது சுய ஜாதக வலிமை நிலையை பற்றியும், தனது வாழ்க்கை துணையின் சுய ஜாதக வலிமை நிலையை பற்றியும் தெளிவாக தெரிந்து இருப்பது இனிமையான இல்லற வாழ்க்கையை நடத்தி செல்ல உறுதுணை புரியும், தமது ஜாதக வலிமையை உணர்ந்து, தனது வாழ்க்கை துணையின் ஜாதக வலிமையை பற்றியும் தெளிவாக உணர்ந்து இல்லற வாழ்க்கையை சிறப்பாக நடத்துவதில் கணவன் மனைவி இருவருக்கும் சமமான பங்கு உண்டு என்பதை மறுக்க இயலாது, பெரும்பாலும் தமது சுய ஜாதக வலிமையை பற்றிய தெளிவு இல்லாமல் தனது வாழ்க்கை துணையுடன் மோதல் போக்கையும், எதிர்ப்பு மனநிலையையும் கொண்டு இருப்பது என்பது, தாம்பத்திய வாழ்க்கையில் மனக்கசப்பையும், திருப்தி இல்லாத இல்லற வாழ்க்கையையும் தந்துவிடும், உதாரணமாக கீழ்கண்ட தம்பதியரின் சுய ஜாதக நிலையை இன்றைய சிந்தனைக்கு எடுத்துக்கொள்வோம் அன்பர்களே !

மனைவி ஜாதகம் :

லக்கினம் : துலாம்
ராசி : தனுசு
நட்ஷத்திரம் : மூலம் 1ம் பாதம்

திருமணத்திற்கு பிறகு வாழ்க்கை கணவனுடன் இணைபிரியாமல் வாழ்வதே பெண்களுக்கு பாதுகாப்பானது, இதை ஆணாதிக்கம் என்று விமர்ச்சிக்கும் அன்பர்கள் ஜோதிடதீபத்தின் மீதி விமர்சனங்களை முன்வைத்தாலும் அதை ஏற்றுக்கொள்கிறது, ஏனெனில் இந்த கலியுகத்தில் குடும்பம் எனும் கட்டுப்பாட்டில் இருந்து விலகி தனியாக இயங்கும் பெண்கள் எதிர்கொள்ளும் பிரச்சனைகளை அவர்களது இடத்தில் இருந்து உற்று நோக்கினால் நம் அனைவருக்கும் மிக தெளிவாக புரிய வரும், உதாரணமாக மேற்கண்ட ஜாதகிக்கு தனது நெருங்கிய உறவு வழியில் இருந்து நல்ல மனம் கொண்ட ஓர் அன்பர் தனது வாழ்க்கை துணையாக ஏற்றுக்கொண்டார் ( இந்த பெண்ணின் சுய ஜாதக வலிமையை பற்றி தெளிவாக கூறியும் ) அவரின் பெருந்தன்மையை உணராத இந்த பெண் செய்யும் காரியங்கள் மிகவும் வருத்தத்திற்கு உரியது,  பெண்ணின் ஜாதகத்தில் பாவக தொடர்புகள் மிகவும் வலிமை அற்று காணப்படுகிறது, குறிப்பாக ஜாதகிக்கு நல்ல யோகம் மிக்க வாழ்க்கை துணை கிடைத்த போதிலும்,  தனது ஜாதக வலிமை பற்றிய விபரம் அறியாமல் தான் செய்யும் காரியங்கள் சரியென பிடிவாதம் செய்துகொண்டு இருக்கிறார்.

சுய ஜாதகத்தில் வலிமை அற்ற பாவக தொடர்புகள் :

 2,6,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெறுவது, ஜாதகிக்கு 2ம் பாவக வழியில் இருந்து குடும்பத்தில் இன்னல்கள், இனிமையான பேச்சு திறன் இன்மை, வாக்குவாதம், தனது வாக்கின் வழியில் இருந்து அனைவரின் நிம்மதியையும் கெடுக்கும் தன்மை, வருமானம் இன்மை, அதீத விரைய செலவுகள், தேவையற்ற செலவினங்கள், பெரியவர்களை மதித்து நடக்காத தன்மை, உதாசீனப்படுத்தும் குணம், நிதி மேலாண்மை அற்ற தன்மை என கடும் சிக்கல்களை சந்திக்கும் நிலையை தரும், ஜாதகியின் குடும்ப ஸ்தானம் கால புருஷ தத்துவ அமைப்பிற்கு 8ம் ராசியாக வருவது தனது கணவனுக்கு தேவையற்ற வீண் செலவினங்களை தரும் அமைப்பையும், அதிக மனஉளைச்சலையும் தரும்.

6ம் பாவக வழியில் இருந்து கடுமையான உடல் தொந்தரவுகளை எதிர்கொள்ளும் நிலையை தரும், எதிரிகளின் சூழ்ச்சிக்கு இரையாகி மனநிம்மதியை இழந்து போராட்ட வாழ்க்கையை எதிர்கொள்ளும் நிலையை தரும் , வயிறு சார்ந்த தொந்தரவுகள் ஜாதகிக்கு கடுமையான பாதிப்பை தரும், எதிர்வாதம்  செய்யும் குணம் ஜாதகியின் இல்லற வாழ்க்கையை வெகுவாக பாதிக்கும், சத்ரு ஸ்தானம் கால புருஷ தத்துவ அமைப்பிற்கு 12ம் ராசியாக அமைவது தனது மனநிம்மதியை ஜாதகியே கெடுத்துக்கொண்டு இன்னலுறும் தன்மையை காட்டுகிறது, மேலும் ஜாதகியின் செயல்பாடுகள் அனைத்தும் முரண்பட்ட தன்மையுடன் காணப்படும் என்பது வருந்தத்தக்க விஷயமாகும்.

12ம் பாவக வழியில் இருந்து நல்ல அயன சயன யோகம் அற்றவர், தாம்பத்திய வாழ்க்கையில் மனஅழுத்தத்தை சந்திக்கும் நிலையை தரும், ஜாதகியின் மனம் ஓர் நிலையில் இல்லாமல் அலைபாயும் தன்மையுடன் காணப்படும், தெளிவில்லாத முடிவுகளால், ஜாதகியின் எதிர்காலத்தை ஜாதகியே பாதிப்பிற்கு ஆளாக்கும் நிலைக்கு தள்ளப்படுவர், கணவன் மனைவி உறவில் விரிசலை ஏற்படுத்துவார், பொறுமையை கையாளும் வல்லமை இராது, சுய அறிவும் ஜாதகிக்கு  பலன் தர வாய்ப்பில்லை, அனைவராலும் தொல்லை தொந்தரவு, உடல் நல பாதிப்பு, மருத்துவ சிகிச்சை என ஜாதகியின் வாழ்க்கையில் தாங்க இயலாத துன்பங்களை தரும், கணவன் மனைவி அன்னியோனிய  வாழ்க்கை வெகுவாக பாதிக்கும்.

9ம் வீடு ஆயுள் ஸ்தானமான 8ம் பாவகத்துடன் சம்பந்தம் பெறுவது கல்வியில் தடை, மூர்க்கத்தனமான செயல்பாடுகள், பெரியோரை அவமதிக்கும் குணம், கீழ்த்தரமான செயல்பாடுகள், மனநிம்மதி இன்மை, வாழ்க்கை துணைக்கு கடுமையான இன்னல்களை தரும் தன்மை, விபத்துகளில் கடுமையான பாதிப்பு  என்ற வகையில் இன்னல்களை தரும், ஜாதகி நற்ப்பெயர் எடுப்பது வெகு சிரமம், சிறிதும் இறைஅருள் கிடைக்காது, பித்ரு சாபம் ஜாதகியின் வாழ்க்கையை கடுமையாக பாதிக்கும்.

4,10ம் வீடுகள் பாதக ஸ்தானமான 11ம் பாவகத்துடன் சம்பந்தம் பெறுவது, ஜாதகியின் பெற்றோருக்கும் ஜாதகிக்கும் கடுமையான பாதிப்புகளை தரும், ஜாதகியின் குணம் மற்றவர்கள் போற்றும் வண்ணம் இருக்காது, பொறாமை, காழ்ப்புணர்ச்சி, புறம்பேசுதல் என ஜாதகியின் குணம் அடிப்படையிலே சிறப்பாக அமையாது, மேலும் ஜாதகியினால் தந்தைக்கும், தந்தையால் ஜாதகிக்கு துரதிர்ஷ்டங்கள் உண்டாகும், ஜாதகியின் சுகபோக வாழ்க்கைக்கு தடையாக அவரது  தந்தையே அமைவார், ஜாதகியினால் அவரது தந்தைக்கு கடும் பொருளாதார  நெருக்கடிகள் உண்டாகும், ஜாதகியினால் அவரது தந்தை பரதேஷ ஜீவனத்தை மேற்கொண்டு கவுரவம் இழப்பார், சுக ஸ்தானம் வலுவிழப்பது ஜாதகிக்கு அடிப்படை குணாதிசயமே சிறப்பாக அமையாது, அனைவருடன் எதிர்ப்பு மனநிலையையும், மோதல் போக்கையும் கடைபிடிக்கும் சூழ்நிலையை தரும்.

10ம் பாவக வழியில் இருந்து ஜாதகிக்கு ஜீவனம் என்பதே சரியாக அமையாது என்பதுடன் மிக கடுமையான கவுரவ குறைவை தரும், ஸ்திரமான மனநிலை இல்லாத  காரணத்தால் மனநிம்மதி கெடும், தனது தாயார் வழியில் இருந்து யாதொரு சுப பலன்களையும் ஜாதகியால் அனுபவிக்க இயலாது, வீண் பகட்டும், வெட்டி கவ்ரவமும் ஜாதகிக்கு பெருத்த அவமானங்களை தரும், ஜாதகியின் இல்லற வாழ்க்கை பாதிப்பிற்கு ஜாதகியின் தாயாரே அடிப்படை காரணமாக இருப்பர் என்பதை சொல்லித்தெரிய வேண்டியதில்லை, தனது ஜாதகம் ஓர் வலிமையற்ற ஜாதகம் என்பதை புரிந்துகொள்ளும் அறிவுத்திறன் கூட ஜாதகிக்கு இருக்காது என்பது வேதனைக்குரியது.

மேற்கண்ட ஜாதகிக்கு சுய ஜாதகத்தில் கடுமையாக பாதிக்கப்பட்ட பாவகம் தொடர்புகள் எதுவெனில் 4,10ம் வீடுகள் பாதக ஸ்தானமான 11ம் பாவகத்துடன் சம்பந்தம் பெறுவதேயாகும், எனவே ஜாதகியின் வாழ்க்கையில் நடைபெறும் இன்னல்களுக்கு அடிப்படை காரணமாக அவர்களது பெற்றோரே இருப்பார்கள் என்பது கவனிக்கத்தக்க விஷயமாகும், மேலும் ஜாதகியாலும் அவர்களது பெற்றோர்கள் கடுமையான இன்னல்களை எதிர்கொள்ளும் சூழ்நிலையை தரும் என்பது வருத்தத்திற்கு உரிய விஷயமாகும்.

தற்போழுது நடைபெறும் சுக்கிரன் திசை ஜாதகிக்கு 9ம் வீடு ஆயுள் ஸ்தானமான 8ம் பாவகத்துடன் சம்பந்தம் பெற்று அவயோக பலனை தருவது உகந்ததல்ல, மேலும் சுக்கிரன் திசையில் கேது புத்தியும் 2,6,12ம் வீடுகள் விரைய ஸ்தானமான 12ம் பாவகத்துடன் சம்பந்தம்  9ம் வீடு ஆயுள் ஸ்தானமான 8ம் பாவகத்துடன் சம்பந்தம் பெற்று அவயோக பலனை தருவது ஜாதகியின் இல்லற வாழ்க்கையில் கடுமையான நெருக்கடிகளை தரும், எனவே ஜாதகி தனது சுய ஜாதகத்தில் உள்ள பாவக வலிமை குறைவை கருத்தில் கொண்டு தனக்கு அமைந்த வாழ்க்கை துணையுடன் அனுசரித்து செல்வதே சிறப்பான எதிர்கால வாழ்க்கைக்கு உகந்ததாக அமையும், மேலும் ஜாதகி தனது சுய ஜாதகத்தில் 1,7ம் வீடுகள் களத்திர ஸ்தானமான 7ம் பாவகத்துடன் சம்பந்தம் பெறுவதால் தனது கணவர் வழியில் இருந்து சகல சௌபாக்கியங்களையும் அனுபவிக்கும் யோகத்தைத்தரும், மேலும் தனது  கணவருடன் சேர்ந்து இல்லற வாழ்க்கை மிக சிறப்பாக நடத்தி செல்ல இயலும், 5ம் வீடு ஜீவன ஸ்தானமான 10ம் பாவகத்துடன் சம்பந்தம் பெறுவது தனது குழந்தை வழியில் இருந்து கவுரவம் அந்தஸ்து, யோக வாழ்க்கை என சிறப்பான நன்மைகளை பெற முடியும், ஜாதகிக்கு சுய ஜாதக வலிமையின் அடிப்படையில் 5,7ம் பாவக ஆதிபத்தியம் பெற்ற தனது குழந்தை மற்றும் கணவன் வழியில் இருந்து மட்டுமே சுபயோக வாழ்க்கையை பெற இயலும் என்பதை  கருத்தில் கொள்வது நலம் தரும்.

மேற்கண்ட ஜாதகிக்கு சுய ஜாதகத்தில் பல பாவகங்கள் கடுமையாக பாதிக்கப்பட்ட போதிலும், ஜாதகியின் கணவர் ஜாதகம் மிகவும் யோக நிலையில் இருப்பது ஜாதகியின் களத்திர ஸ்தான வலிமை வழங்கும் ஓர் நல்ல  வாய்ப்பு என்பதை உணர்வது அவசியமாகிறது, ஜாதகியின் கணவர் ஜாதக  வலிமையை இனி சிந்தனைக்கு எடுத்துக்கொள்வோம் அன்பர்களே !

லக்கினம் : கன்னி
ராசி : கடகம்
நட்ஷத்திரம் : ஆயில்யம் 2ம் பாதம்

ஓர் வலிமை பெற்ற யோக ஜாதகம் எதுவென்றால் மேற்கண்ட ஜாதகத்தை நாம் உதாரணமாக எடுத்துக்கொள்ளலாம், ஏனெனில் சுய ஜாதகத்தில் 8ம் பாவகத்தை  தவிர ( இருப்பினும் பூரண ஆயுள் உண்டு ) மற்ற அனைத்து பாவகங்களும் மிகவும் வலிமையுடன் காணப்படுகிறது, கலியுகத்தில் ஒருவர் யோக பலன்களை பரிபூர்ணமாக அனுபவிக்க வலிமை பெற வேண்டிய ராசி எதுவென்றால்  அது கடக ராசியென்று உறுதியாக சொல்லலாம் ( கடக ராசி ஜாதகருக்கு  எந்த பாவகமாக வேண்டுமானாலும் அமையலாம் ) மேற்கண்ட ஜாதகருக்கு கடகம் லாப ஸ்தானமாக அமைந்து 100% விகித வலிமையை பெறுவது ஜாதகரின் சுபயோக அமைப்பை மிக தெளிவாக கூறுகிறது, ஜாதகரின்  1,5,7,11ம் வீடுகள் அனைத்தும் லாப ஸ்தானமான 11ம் பாவகத்துடன் சம்பந்தம் பெறுவது ஜாதகருக்கு மேற்கண்ட பாவக வழியில் இருந்து ராஜயோக பலாபலன்களை வாரி வழங்கும் என்பதில் சிறிதும் ஐயமில்லை, மேலும் 2,3,6,9,10,12ம் வீடுகள் அனைத்தும் பாக்கிய ஸ்தானமான 9ம் பாவகத்துடன் சம்பந்தம் பெறுவது இறையருளின் பரிபூர்ண கருணையை பெற்ற சிறந்த மனிதர் என்பதை தெளிவு படுத்துகிறது, 4ம் வீடு சுக ஸ்தானமான 4ம் பாவகத்துடன் சம்பந்தம் பெறுவது ஜாதகரின் பெருந்தன்மையான குணத்தையும், ஒழுக்கம் நிறைந்த நன்னடத்தையும் பெற்றவர் என்பதையும் மிக தெளிவாக கூறுகிறது, எனவே இதை போன்ற ஓர் யோக ஜாதகம் அமைவதே அரிதிலும் அரிது, இதை உணராமல் ஜாதகி தனது செயலே சரியென்று வாதம் செய்தால் இழப்புகள் அனைத்தும் ஜாதகிக்கே என்பதை நினைவில் கொள்வது அவசியமாகிறது.

பெரும்பாலும் நிறைய தம்பதியர் மேற்கண்ட ஜாதகி போல் தவறான அணுகுமுறையை பின்பற்றி தனது இல்லற வாழ்க்கைக்கு தானே தீமையை தேடிக்கொண்டு  இன்னலுறுகின்றனர், நமது ஜாதகம் வலுவின்றி காணப்பட்டால் நம்மை சார்ந்தவர்களின் ஜாதகம் எது வலிமையுடன் உள்ளதோ அவர்களுடன் இணக்கமுடன் இருந்து நன்மைகளை பெறுவதே புத்திசாலித்தனம் ஆகும், குறிப்பாக கணவன் மனைவி உறவுகளில் உள்ளவர்கள், இதை தெளிவாக புரிந்துகொள்வது அவசியமாகிறது, வலிமை பெற்ற ஜாதகத்தை பெற்ற கணவனையோ, மனைவியையோ பெற்றவர்கள் அவர்களின்  அரவணைப்பில் யோக வாழ்க்கை சுவீகரிப்பதே சிறப்பான இல்லற வாழ்க்கையை தரும் என்பதை நினைவில் நிறுத்துவது அவசியமாகிறது .

குறிப்பு :

திருமணத்திற்கு முன்பே தனது சுய ஜாதக வலிமையை பற்றியும், தனது வாழ்க்கை துணையின் ஜாதக வலிமையை பற்றியும் தெளிவாக தெரிந்து கொண்ட பிறகே இல்லற வாழ்க்கையில் இணைவது சகல நலன்களையும் தரும், திருமணத்திற்கு பிறகு சரி செய்வது என்பது இயலாத காரியம் என்பதை கருத்தில் கொள்வது அவசியமாகிறது.

வாழ்க வளமுடன்
ஜோதிடன் வர்ஷன்
9443355696

ராகு திசை தரும் பலன்களும், பாதக ஸ்தானத்துடன் தொடர்பு பெரும் லக்கினமும் !

 

 சுய ஜாதகத்தில் லக்கினம் பாதக ஸ்தானத்துடன் சம்பந்தம் பெறுவது என்பது சம்பந்தப்பட்ட ஜாதகருக்கு சிறப்புகளை தரும் விஷயம் அல்ல, உடல் உயிராகிய லக்கினம் பாதக ஸ்தானத்துடன் சம்பந்தம் பெறுவதால் ஜாதகரின் உடல் நலம் மற்றும் மனநலம் இரண்டும் கடுமையாக பாதிக்கப்படும், பாதக ஸ்தானத்துடன் சம்பந்தம் பெற்ற லக்கினத்தின் பலனை நடைபெறும் எதிர்வரும் திசா புத்திகள் ஏற்று நடத்தினால் ஜாதகரின் கதி அதோ கதிதான், கீழ்கண்ட ஜாதகத்தை சிந்தனைக்கு எடுத்துக்கொள்வோம் அன்பர்களே, ஜாதகருக்கு தற்போழுது ராகு திசை நடைமுறையில் உள்ளது, நடைபெறும் ராகு திசை ஜாதகருக்கு தரும் பலாபலன்கள் என்ன ? என்பதனை பற்றியும் தெளிவு பெறுவோம்.

லக்கினம் : விருச்சிகம் 

ராசி : மகரம் 

நட்ஷத்திரம் : திருவோணம் 3ம் பாதம் 

கால புருஷ தத்துவ அமைப்பிற்கு ஆயுள் பாவகமும், ஸ்திர நீர் ராசியான விருச்சிகத்தை லக்கினமாக பெற்ற மேற்கண்ட ஜாதகருக்கு பாதக ஸ்தானம் என்பது 9ம் வீடு ஆகும், 9ம் வீடு கால புருஷ தத்துவ அமைப்பிற்கு சுக ஸ்தானமான கடக ராசியில் அமைவது கவனிக்கத்தக்கது, ஜாதகருக்கு லக்கினம் மற்றும் 9ம் வீடுகள் பாதக ஸ்தானமான 9ம் பாவகத்துடன் சம்பந்தம் பெறுகிறது எனவே ஜாதகருக்கு அடிப்படையே கடுமையான பாதிப்பை பெறுகின்றது, ஜாதகருக்கு வளரும் சூழ்நிலை சிறப்பில்லை , உடல் நலம் மற்றும்  மன நலம் சார்ந்த இன்னல்களை கடுமையாக அனுபவித்துக்கொண்டு இருக்கின்றார், தனது பெற்றோரின் அரவணைப்பில் வளர இயலாமல் தனது தாயின் பெற்றோரின் ஆதரவில் ஜீவிக்கும் தன்மையை சிறு வயதுமுதலே தந்து  இருக்கின்றது, ஜெனன காலம் முதல் நான்கு வயது வரை நடைபெற்ற சந்திரன் திசை ஜாதகருக்கு சுபயோகங்களை வழங்கிய போதிலும், அடுத்து நடைபெற்ற செவ்வாய் திசை விரைய ஸ்தான பலனை ஏற்று நடத்தி ஜாதகருக்கும் ஜாதகரை சார்ந்தவர்களுக்கும் கடுமையான இன்னல்களை தந்து மீள இயலாத சிரமங்களை உருவாக்கியது, ஜாதகரின் விரைய ஸ்தானம் கால புருஷ தத்துவ அமைப்பிற்கு  7ம் வீடாக அமைவது ஜாதகருக்கு மற்றவர்கள் வழியில் இருந்து கடுமையான இன்னல்களையே தொடர்ந்து தந்து கொண்டு இருப்பது விதியின் விளையாட்டு என்பதை தவிர வேறு என்ன சொல்வது.

தற்போழுது நடைபெறும் ராகு திசை ( 24/10/2010 முதல் 24/10/2028 வரை ) ஜாதகருக்கு 4,6,10,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று முழு வீச்சில் விறைய ஸ்தான பலனை தருவது ஜாதகருக்கு மேற்கண்ட பாவக வழியில் இருந்து கடுமையான நெருக்கடிகளை தந்து கொண்டு இருக்கின்றது, குறிப்பாக 4,10ம் பாவக வழியில் இருந்து பெற்றோர் ஆதரவு இன்மையையும், 6ம் பாவக வழியில் இருந்து உடல் நலம் சார்ந்த தொந்தரவுகளையும், 12ம் பாவக வழியில் இருந்து அனைவராலும் தொல்லை, மற்றும் அதிக மன உளைச்சல், மன போராட்டம், மன நலம் சார்ந்த பாதிப்பு மற்றும்  திடீர் இழப்புகள் என இந்த சிறு வயதிலேயே கடுமையான நெருக்கடிகளை ஜாதகர் சந்தித்துக்கொண்டு இருக்கின்றார், இதனால் வரும் இன்னல்களை  எதிர்கொள்ள ஜாதகருக்கு சுய ஜாதகத்தில் லக்கினமும் வலிமை பெறவில்லை, பாக்கியமும் கைகொடுக்கவில்லை 4,6,10,12ம் வீடுகள் வழியில் விரைய ஸ்தான பலனை ஜாதகர் அனுபவித்தே ஆகவேண்டிய கட்டாயத்தில் இருப்பது சுய ஜாதக வலிமை இன்மையை தெளிவுபடுத்துகிறது .

ஜாதகத்தில் சில பாவகங்கள் வலிமையுடன் இருந்த போதிலும் அதனால் வரும் யோக பலாபலன்களை ஜாதகர் அனுபவிக்க யாதொரு முகாந்திரமும் இருப்பதாக தெரியவில்லை, ஏனெனில் அடுத்து வரும் குரு மகா திசையும் ஜாதகருக்கு 12ம் வீடு விரைய ஸ்தானமான 12ம் பாவகத்துடன் சம்பந்தம் பெற்று விரைய ஸ்தான பலனையே ஏற்று நடத்துவதால், ஜாதகரின் வாழ்க்கை மிக பெரிய சவால்களை எதிர்கொள்ளும் தன்மையில் இருப்பதை கட்டியம் கூறுகிறது, குறிப்பாக சுய ஜாதகத்தில் லக்கினம் பாதிக்கப்படுவது ஜாதகரின் செயல்பாடுகள் மற்றும் செயல்திறனை கடுமையாக பாதிக்கும், தனக்கு வரும் இன்னல்களை எப்படி எதிர்கொள்வது என்ற ஓர் விஷயத்தை அறிந்துகொள்வே ஜாதகர் கடும் பிராயத்தனம் செய்யவேண்டி வரும், அறிவார்ந்த செயல்பாடுகள் முடங்குவதாலும், இறையருளின் கருணை ஜாதகருக்கு தக்க சமயத்தில் பலன்தாராமல் தடைகளை தருவதாலும், ஜாதகரின் முன்னேற்றம் என்பது குதிரை கொம்பாகவே இருக்கின்றது.

மேற்கண்ட ஜாதகருக்கு உள்ள ஒரே வாய்ப்பு ஜாதகருக்கு அமையவிருக்கும் வாழ்க்கை துணை, அதை சரியாக தேர்வு செய்துவிட்டால் ஜாதகரின் இன்னல்களுக்கு நல்லொதொரு தீர்வுகளை தர ஆரம்பித்து விடும், மாறாக தனது விருப்பம் போல் அவயோக ஜாதகத்தை ஜாதகர் தேர்வு செய்வாராயின் வாழ்க்கையில் நிம்மதி என்பதே இல்லை என்ற நிலையை தரும், சுய ஜாதகத்தில் 2,5,8,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்றும் 3,7ம் வீடுகள் களத்திர ஸ்தானமான 7ம் பாவகத்துடன் சம்பந்தம் பெற்று சம்பந்தப்பட்ட பாவக வழியில் இருந்து சுபயோகங்களை தந்த போதிலும், தற்போழுது நடைபெறும் திசை வலிமை பெற்ற பாவக பலனை ஏற்று நடத்தாதது, சுய ஜாதகத்தில் யோகம் இருந்தும் பலன் அற்ற நிலையை தரும், ஜாதகருக்கு இறை நிலையும் குல தேவதையின் ஆசியும் நன்மைகளை வாரி  வழங்கட்டும்.

வாழ்க வளமுடன் 

ஜோதிடன் வர்ஷன் 

9443355696

சுய ஜாதக வலிமை நிலையும், ஜாதகரின் மனபயமும் !

 

 

 "ஜோதிடம்" என்பது நமது வாழ்க்கையில் முன்னேற்றங்களையும், விழிப்புணர்வுடன் கூடிய தெளிந்த நல்லறிவையும் தரவேண்டும், மாறாக மூடநம்பிக்கைகளையும், நம்பிக்கையை குலைக்கும் விதமான பயமுறுத்தல்களையும் கொண்டதாக இருக்க கூடாது, பொதுவாக ஓர் ஜாதகர் சமுதாயத்தில் சுய வாழ்க்கையில் தன்னிறைவான முன்னேற்றங்களை பெற்று சுபயோக வாழ்க்கையை பெறுவதற்கு மூன்று அன்பர்களின் வழிகாட்டுதல்கள் மிக முக்கியமாக தேவை, அந்த மூன்று நபர்களின்  சரியான வழிகாட்டுதல்கள் கிடைக்குமாயின் சம்பந்தப்பட்ட ஜாதகர் தனது வாழ்க்கையில் சிறப்பு மிக்க யோக வாழ்க்கையினை பெறுவதற்கு தடையேதும் இருக்காது, முதலில் நல்ல மருத்துவர் ஆலோசனையை பெறுவது ஜாதகரின் உடல் நிலையில் சிறப்பான ஆரோக்கியத்தை தரும், நல்ல வழக்கறிஞர் ஆலோசனையை பெறுவது ஜாதகரின் வாழ்க்கையில் சிறப்பான வாழ்க்கை பாதையினை அமைத்து தரும், நல்ல ஜோதிடரின் ஆலோசனையை பெறுவது ஜாதகரின் வாழ்க்கையில் சகல நிலைகளில் இருந்தும் முன்னேற்றங்களையும், சுபயோகங்களையும் வாரி வழங்கும்.

 ஒரு ஜாதகத்தில் இல்லாத விஷயத்தை நவகிரகங்கள் தருவதாக மிகைபடுத்தி கூறுவது உண்மைக்கு புறம்பானது, பொதுவாக சுய ஜாதகத்தில் லக்கினம் வலிமை பெறுவது சம்பந்தப்பட்ட ஜாதகரை மிக சிறப்பாக செயல்பட வைக்கும், மேலும் பூரண ஆயுளை தரும், தான் தொடர்பு பெரும் பாவக வழியில் இருந்து ஜாதகரை ஏதாவது ஓர் வழியில் ஜீவிக்க வைக்கும், இதை போன்றே லக்கினம் முதல் பனிரெண்டு பாவகங்களும் தான் தொடர்பு பெரும் பாவக வழியில் இருந்து ஜாதகரை தனது வலிமைக்கு ஏற்றார் போல் இயக்கும், கிழ்கண்ட ஜாதகரின் கேள்விக்கு சுய ஜாதகத்தில் உள்ள பாவக வலிமைக்கு உற்பட்ட உண்மையான பலாபலன்களை சிந்தனைக்கு எடுத்துகொள்வோம் அன்பர்களே, ஜாதகர் இதற்க்கு முன் ஜாதக ஆலோசனை பெற்ற இடத்தில் கூறப்பட்ட கருத்துக்களை முதலில் பார்ப்போம்.

( 1. ஜாதகருக்கு . .கேது கொடி பிடிக்க **கால ஸர்ப்ப தோஷம் ** இது கடைசி வரை தொடர்வது .!! ) 

ஜோதிடதீபத்தின் கருத்து :

கால சர்ப்ப தோஷத்திற்கு இலக்கணம் ராகுகேது க்குள் அணைத்தது கிரகங்களும் அடக்கம் பெறுவது, மேற்கண்ட ஜாதகத்தில் ராகு 260:43:58 பாகையில் அமர்ந்திருக்கிறது, அதற்க்கு முன் சந்திரன் 251:56:46 பாக்கையிலும், செவ்வாய் 257:15:38 பாக்கையிலும் அமர்ந்து இருக்கின்றனர் எனவே கால சர்ப்ப தோஷம் என்பது இல்லை என்பதால் ராகு கேது கொடி பிடித்தால் நமக்கு என்ன?  குத்தூசி பிடித்தால் நமக்கு என்ன ? மேலும் இதற்கும் சுய ஜாதக வலிமைக்கும் சம்பந்தம் இல்லை.

( 2.லக்கினாதிபதி புதன் நீசமாகி தன வீட்டை பார்க்கிறான் ..அதனால் ஓரளவு உயிர் வாழ்வு .10% )

ஜோதிடதீபத்தின் கருத்து :

லக்கினாதிபதி நீசம் பெறுவது கால புருஷ தத்துவ அமைப்பிற்க்கான நிலை இதை சுய ஜாதகத்துடன் தொடர்பு படுத்துவது அபத்தமான செயல், மேலும் சுய ஜாதகத்தில் ஜாதகரின் லக்கின அதிபதி குரு பகவான் ஆவர் இதை நன்கு ஜோதிட கணிதம் அறிந்தவர்கள் மிக எளிதாக தெரிந்துகொள்ள இயலும். லக்கினம் எனும் முதல் வீடு ஜாதகருக்கு பூர்வ புண்ணிய ஸ்தானமான 5ம் பாவகத்துடன் சம்பந்தம் பெறுவது ஜாதகரின் லக்கினம் 100% விகிதம் வலிமை பெறுவதை கட்டியம் கூறுகிறது, எனவே ஜாதகர் பூர்ண ஆயுளுடன் ஜீவித்து நிற்பார் என்பதை தெளிவு படுத்துகிறது.

( 3. கல்வி 5ம் வீட்டில் குரு [நீசமானாலும் ஒரு 40 சதவீதம் வேலை செய்வார் குரு மட்டும் ]இருப்பதால் கொஞ்சம் நுண்ணறிவுடன் செயல்பட்டு பூர்வ புண்ணியமும் சேர்ந்து தகவல் தொழில் நுட்பம் பயின்றார் .... வெளி நாட்டில் வேலை .உபய ராசி என்பதால் ...அம்சத்தில் 10 ல் ராஹு வெளி நாடு கடத்தியது ..!! ) 

ஜோதிடதீபத்தின் கருத்து :

ஜாதகரின் லக்கினம் மற்றும் 5ம் வீடு பூர்வ புண்ணிய ஸ்தானம் எனும் 5ம் பாவகத்துடன் சம்பந்தம் பெறுவதாலும் 5ம் பாவகம் கால புருஷ தத்துவ அமைப்பிற்கு ஜீவன ஸ்தானமான மகர ராசியில் வியாபித்து நிற்பது, ஜாதகருக்கு சிறப்பு மிக்க ஜீவன முன்னேற்றத்தை தனது சுய அறிவு மற்றும் புத்திசாலித்தனம் கொண்டு வாழ்க்கையில் பெற வேண்டிய சுபயோகங்களை பரிபூர்ணமாக பெறு வைக்கிறது, என்பதே உண்மை நிலை. 5ம் வீடு சர ராசி என்பதனால் அயல் தேசம் சென்று ஜீவனம் செய்யும் யோகத்தை தருகிறது.

( 4.. கர்மகாரகனான சனி தனது 10 ம் பார்வையாக தன வீடு கும்பத்தை பார்ப்பது .அது லக்கினத்திற்கு 6ம் வீடு ருணம் .???அது ஒரு கஷ்டம் ...)

ஜோதிடதீபத்தின் கருத்து :

சனி பகவான் தனது வர்க்க கிரகமான சுக்கிரனின் வீட்டில் ( ரிஷபத்தில் ) அமர்ந்து தனது வீட்டை தானே பார்ப்பது ( கேந்திர பலம் பெற்று ) மேலும் வலு சேர்க்கும் அமைப்பாகும், மேலும் 6ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம் பெறுவது, ஜாதகருக்கு வரும் உடல் நிலை பாதிப்புகளை ஜாதகரின் குலதெய்வ ஆசியின் மூலம் தனது சமயோசித புத்திசாலித்தனம் கொண்டு வெற்றிகாண்பார், சனி பார்வையினால் யாதொரு கஷ்டமும் ஜாதகருக்கு இல்லை, இதை சொன்னவருக்கு வேண்டுமாயின் ஏதாவது ஓர் கஷ்டம் சனியின் மூலம் வரலாம்.

( 5.. 6ம் வீட்டில் சூரியன் தலை பாகத்திற்கு அதிபதி ஆதாலால் ***மூளையில் கட்டி** ஏற்பட்டு ஜாதகர் **.மூளை புற்று ** நோயால் அவதி படுகிறார்...கீமோ தெரபி தொடர்ர்ந்தால்???? ..மொத்த உடலும் ஊனம் ஏற்பாடும் .மருத்துவ நிபுணர்கள் கருத்து படுத்தய படுக்கை ..)

ஜோதிடதீபத்தின் கருத்து :

சத்ரு ஸ்தானத்தில் நிற்கும் சூரியன் ஜாதகருக்கு ஸ்திர காற்று தத்துவ ராசி மூலம் நிறைவான அறிவு மற்றும் தன்னம்பிக்கையை வழங்கி தனது வாழ்க்கையில் எதிர்த்து போராடி வெற்றி பெரும் தன்மையை தருகின்றார், ஜாதகருக்கு வரும் நோய், எதிர்ப்பு, கடன் போன்ற இன்னல்களில் இருந்து மீட்டு எடுக்கும் வல்லமையை தருகின்றார், எனவே ஜாதகரின் நம்பிக்கை மற்றும் முயற்சி வீண் போக வாய்ப்பில்லை, 6ல் சூரியன் மருத்துவ சிகிச்சையின் மூலம் விரைவாக குணம் பெறுதலை குறிக்கும்.

( 6.,அஷ்ட வர்க்க பரல் ..ஜாதகருக்கு 8 மிடம் 16//28 பரல்களே .இது மிக குறைவானது  ஆயுள் ..???? ) 

ஜோதிடதீபத்தின் கருத்து :

இயற்கை நியதிகளை நிர்ணயம் செய்ய இறை நிலையால் மட்டுமே முடியும் எனும் பொழுது, ஒருவரின் ஆயுளை நிர்ணயம் செய்ய மருத்துவராலும் முடியாது, ஜோதிடராலும் முடியாது, மேலும் பரல்கள் ஒருவரின் ஆயுளை நிர்ணயம் செய்கின்றது என்பது கேலிக்கூத்து.

( 7.,உபய ராசி உபய லக்கினம் ஆதலால் வெளி நாட்டில் வேலை ...)

ஜோதிடதீபத்தின் கருத்து :

உபய ராசி உபய லக்கினத்தில் உள்ளார்கள் அனைவரும் இனி வெளிநாடு ஜீவனத்தை தேடுவதே உகந்தது, உள்நாட்டில் வேலையில்லை, சுய ஜாதகத்தில் ஜாதகருக்கு 1,5ம் வீடுகள் வலிமை பெற்று இருப்பது சிறப்பான தகுதி மற்றும் திறமைகளை வழங்கியிருக்கிறது, ஜாதகரின்  சுய உழைப்பின் மூலம் வெளிநாட்டில் பணியாற்றும் யோகத்தை பெற்று இருக்கின்றார்.

( 8..திருமணம் நடந்தது கொஞ்சம் உறவு பெண் மிக அருமையான பெண்மணி ..1 ஆண் 1 பெண் குழைந்தை ...குழைந்தைகளுக்கு தந்தையின் நிலைமை தெரியும் குறுகிய ஆயுள் என!! )

ஜோதிடதீபத்தின் கருத்து :

சுய ஜாதகத்தில் 5ம் பாவகம் மிகவும் வலிமை பெற்று இருப்பது ஜாதகருக்கு நல்ல புத்திர பாக்கியத்தை தந்து இருக்கின்றது, மேலும் வாழ்க்கையில் அவர்கள் வழியிலான சுபயோகங்களை பெறுவதற்கு வழிகாட்டுதல்களையும் தொடர்ந்து வாங்கிக்கொண்டு இருக்கின்றது.

( 9.,...8 மிடத்திற்கு 12 மிடமான மீனம் .அதிபதி குரு 5ம் வீட்டில் நீசமாகி போனான் உத்தேசமாக அடுத்துவரக்கூடிய ராஹு திசையின் குரு புக்தி இவருக்கு கடுமையான கண்டம் ..!!!!! தனுசு ராசிக்கு 12ல்விருச்சிகத்தில் குரு வரும்நேரம் கண்டம் 2018..ஜூலை .)

ஜோதிடதீபத்தின் கருத்து :

ஜாதகருக்கு ராகு திசை மற்றும் குரு புத்தி ஏற்று நடத்தும் பாவக பலன் பற்றி ஏதும் அறியாத நிலையில் கூறப்படும் கருத்து இது என்றே சொல்ல தோன்றுகிறது, ஜாதகருக்கு கடந்த செவ்வாய் திசை 2,4,8,10,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று கடுமையான மன பயத்தையும் இழப்புகளையும் வாரி வழங்கி இருக்கின்றது, ஆனால் தற்போழுது நடைபெறும் ராகு திசை ஜாதகருக்கு 6ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம் பெற்று சுபயோக பலன்களை தருவது ஜாதகரின் ஆரோக்கியத்தை மேம்படுத்தும், உடல் மனம் சார்ந்த இன்னல்களில் இருந்து விடுபட சரியான மருத்துவரை காணும் யோகத்தை தரும், மன பயம் நீங்கும், ராகு திசையில் எதிர் வரும் குரு புத்தியும் 6ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம் பெற்று சுபயோக பலன்களை தருவது ஜாதகரின் வாழ்க்கையில் ஓர் நம்பிக்கையை பெற்று தரும், வீண் மரண பயத்தை போக்கி தனது உடல் நலத்தை தானே தேற்றும் தன்மையை தரும், ராகு தசை குரு புத்தி ஜாதகருக்கு மரணத்தை தாராது என்பதே உண்மை நிலை.

( .10.,ஏழரை சனி ஜென்ம ராசிக்கு வருவது ஒரு பாதிப்பு ..கர்மகாரகனான இவரின் 3ம் பார்வை 6 மிடத்தை பார்ப்பது கண்டத்தை ஏற்படுத்தும் )

 ஜோதிடதீபத்தின் கருத்து :

இன்னும் எத்தனை நாட்களுக்குத்தான் ஏழரை சனியை வைத்துக்கொண்டு ஜோதிடர்கள் காலத்தை ஓட்டுவார்கள் என்று தெரியவில்லை, சுய ஜாதகத்தில் பாவகங்களின் வலிமை நிலை, தற்போழுது நடைபெறும் திசாபுத்தி ஏற்று நடத்தும் பாவக தொடர்பு, அந்த பாவகங்களுக்கு கோட்சார கிரகங்கள் தரும் வலிமை வலிமை இன்மை ஆகிவை கொண்டு சுய ஜாதக பலாபலன்கள் காண இயலாத பொழுது, ஏழரை சனி, அஷ்டம சனி, கால சர்ப்ப தோஷம் என பல காரணங்களை சொல்லி தானும் குழம்பி ஜோதிடம் பார்க்க வந்தவரையும் குழப்பி வினைப்பதிவின் தாக்கத்தை அதிகரித்துக்கொண்டே செல்வது ஜோதிடர்களின் விதியை வெகுவாக பாதிக்கும் என்பது மட்டும் சத்தியம்.

( 11.,அம்சத்தை கவனிக்கும் போது சற்று பரவாயில்லை என தோன்றும் லக்கினாதிபதி சனி தன வீட்டை பார்ப்பது .. . .)

ஜோதிடதீபத்தின் கருத்து :

பாவக தொடர்புகளிலேயே அனைத்தையும் அறிந்துகொள்ளும் பொழுது,  அம்ச நிலையை பற்றி சிந்திப்பது வீண் வேலை.

( 12., அஷ்ட வர்க பரல் லக்கினம் [1] 27.,33.,33.,36.,28.,28.,24.,**16.**27.,26.,32.,27..!!!!!...8மிடத்தில் பரல் 16 ஆயுள் குறைவு .25 வரை பரல்கள் சரி பரவாயில்லை என கொள்ளலாம் ..அதற்கும் கீழ் என் வரும்போது அந்த வீடு பாதிப்பு ..!!!.)

ஜோதிடதீபத்தின் கருத்து :

அஷ்டவர்க்க பரல்கள் கொண்டு எந்தவித பலாபலன்களை ஜோதிடரால் நிர்ணயம் செய்ய இயலாது என்பதே உண்மை.

( 13.,சுய வர்க்கபரலும் லக்கினம் .4.,5.,4.,5.,5.,5.,4.,4.,..ஆக இதில் சராசரியா 4 பரல்கள் சுயவர்கத்தில்4 பரல் இருந்தாலே போதும் என கொள்ளலாம் . )

ஜோதிடதீபத்தின் கருத்து :

அஷ்டவர்க்க பரல்கள் கொண்டு எந்தவித பலாபலன்களை ஜோதிடரால் நிர்ணயம் செய்ய இயலாது என்பதே உண்மை.

( 14..,ஜாதகர் வெளி நாட்டில் இருப்பதா..???உள்நாட்டில் வந்துஉறவுகளுடன் இருப்பதா ???.மில்லியன் டாலர் கேள்வி.???? )

ஜோதிடதீபத்தின் கருத்து :

சுய ஜாதகத்தில் பாவக வலிமை நிலை தெரியவில்லை எனில் உடனே மில்லியன் டாலர் கேள்வி என்பதா ? என்ன கொடுமை இது ? ஜாதகருக்கு சுய ஜாதகத்தில் பூர்வ புண்ணிய ஸ்தானம் எனும் 5ம் வீடு மிகவும் வலிமை பெற்று இருக்கின்றது, எனவே சந்தேகம் இன்றி தெளிவாக சொல்லலாம் ஜாதகர் தனது பூர்வீகத்தில் ஜீவித்து இருப்பதே சகல நலன்களையும் வாரி வழங்கும், குலதெய்வ ஆசியுடன் குழந்தைகளின் பாசத்துடன் பூர்வீக ஜீவனமே ஜாதகருக்கு உகந்தது.

( 15..,எனது யோசனை இந்திய வந்து உறவுகளுடன் இருப்பது ..!!!)

ஜோதிடதீபத்தின் கருத்து :

யோசனை தேவையில்லை சுய ஜாதகம் சொல்வது என்ன என்பதே முக்கியம்.

( 16.,ஜோதிட ஜாம்பவான்கள் என்ன சொல்கிறீர்கள் .

எதிர்கால பலன் என்றில்லை ..???இது வித்தியாசமான ஜாதகம் என்பதால் பதிந்துள்ளேன். 

இதே போல் ஒரு எனக்கு நெருங்கிய உறவினர். மூளை டூமர் ஆபரேஷன் செய்தார். ஆனால் 6 மாதம் டூமர் மீண்டும் வளர்ச்சி ..தற்போது ஜாதகர் இல்லை ..!!!.. ) 

ஜோதிடதீபத்தின் கருத்து :

ஒரு ஜாதகத்தை போல் மற்றோரு ஜாதகம் இருக்காது என்ற அடிப்படை விஷயம் எப்பொழுது புரிய வருகிறதோ அப்பொழுதுதான் சுய ஜாதக பலாபலன்கள் பற்றிய தெளிவு கிடைக்கும். மேலும் எந்த ஒரு ஜோதிட ஜாம்பவான்களாலும் ஒருவரின் ஆயுளை நிர்ணயம் செய்ய இயலாது, ஜாதகருக்கு தற்போழுது நடைபெறும் ராகு திசை வலிமை பெற்ற பலாபலன்களை ஏற்று நடத்துவது ஜாதகரின் வாழ்க்கையில் சுபயோகங்களை தரும் என்பதால் வீண் பயமின்றி எதிர்காலத்தை ஜாதகர் எதிர்கொள்வதே சால சிறந்தது.

குறிப்பு :

 கிராமங்களில் ஓர் செலவேந்திரம் ஒன்று உண்டு அதாவது " அரண்டவன் கண்ணுக்கு இருண்டதெல்லாம் பேய் " என்று அதை போன்று உள்ளது மேற்கண்ட ஜாதகரின் நிலை, ஜாதகர் எம்மிடம் ஆலோசனை பெற வந்தது கடந்த இரண்டு வருடங்களுக்கு முன் அப்பொழுதே ஜாதகர் தனக்கு மருத்துவர்கள் 6 மாதம் தான் கெடு வைத்திருக்கின்றனர் என்றார், இப்பொழுது இரண்டு வருடங்களுக்கு மேல் ஆகியும், ஜாதகர் மின் அஞ்சல் மூலம் ஆலோசனை பெறுகிறார் எனும் பொழுது, ஜாதகரின் உயிருக்கும் உடலுக்கும் பாதிப்பு இல்லை, ஜாதகரின் மனம் மட்டுமே கடுமையாக பாதிக்கப்பட்டு இருக்கின்றது இதற்க்கு அவரது சுய ஜாதகத்தில் 2,3,4,7,8,10,11,12ம் வீடுகள் அனைத்தும் விரைய ஸ்தானமான 12ம் பாவகத்த்துடன் சம்பந்தம் பெற்று இருப்பதே காரணமாக அமைகிறது, சுய ஜாதகத்தில் 12ம் வீடு மனம் சார்ந்த கற்பனைகளை அதிகரிக்கும், மேற்கண்ட ஜாதகருக்கு 2,3,4,7,8,10,11,12ம் பாவக வழியில் இருந்து வரும் மிதம் மிஞ்சிய கற்பனைகள் ஜாதகரின் வாழ்க்கையை வெகுவாக பாதித்து கொண்டு இருக்கின்றது, கடந்த செவ்வாய் திசையில் ஜாதகர் 2,4,8,10,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று விரைய ஸ்தான பலனை முழு வீச்சில் நடத்தியது பெரிய அளவிலான மன பயத்தை ஏற்படுத்தி தனக்கு வந்த உடல் தொந்தரவு தீர்க்க இயலாத பிரச்சனை என்று ஜாதகரையே மிக ஆழமாக ஆள் மனதில் நம்ப வைத்தது, இதன் தாக்கத்தையே ஜாதகர் தற்போழுது ராகு திசையிலும் அனுபவித்து கொண்டு இருக்கின்றார், ராகு திசை வலிமை பெற்ற பாவக பலனை தருவதால், ஜாதகர் இந்த வீண் மனபயத்தில் இருந்து விரைந்து மீட்டு எடுக்கும், தனது பூர்வீகத்தில் ஜீவிக்கும் பொழுது வாழ்க்கையில் சிறப்பு மிக்க யோகங்கள் நடைமுறைக்கு வரும்.

வாழ்க வளமுடன் 

ஜோதிடன் வர்ஷன் 

9443355696

ஜாதக ஆலோசனை : சுய ஜாதகத்தில் உள்ள யோகம் தரும் நன்மைகள் மற்றும் முன்னேற்றம் !

 சுய ஜாதகப்படி ஒருவரது சுய ஜாதகத்தில் உள்ள பாவகங்களின் வலிமை மற்றும் வலிமை அற்ற நிலை, தற்போழுது நடைபெறும் திசாபுத்திகள் தரும் பலாபலன்கள் மற்றும் எதிர்வரும் திசை தரும் பலாபலன்கள் பற்றி ஓர் உதாரண ஜாதகம் கொண்டு தெளிவு பெறுவோம்.

லக்கினம் : கன்னி
ராசி : துலாம்
நட்ஷத்திரம் : சித்திரை 3ம் பாதம்

ஜாதகத்தில் பாவக தொடர்புகள் :

1ம் வீடு முதல் பாவகமான லக்கினத்துடன் சம்பந்தம்.
2,4,8,11,12ம் வீடுகள் லாப ஸ்தானமான 11ம் பாவகத்துடன் சம்பந்தம்.
3,5,7ம் வீடுகள் களத்திர ஸ்தானமான 7ம் பாவகத்துடன் சம்பந்தம்.
6ம் வீடு சத்ரு ஸ்தானமான 6ம் பாவகத்துடன் சம்பந்தம்.
9ம் வீடு பாக்கிய ஸ்தானமான 9ம் பாவகத்துடன் சம்பந்தம்.
10ம் வீடு ஜீவன ஸ்தானமான 10ம் பாவகத்துடன் சம்பந்தம்.

1ம் வீடு முதல் பாவகமான லக்கினத்துடன் சம்பந்தம் பெறுவது ஜாதகிக்கு நோய் எதிர்ப்பு சக்தி, சிறந்த உடல்நலம், வருமுன் காக்கும் வல்லமை, வளரும் சூழ்நிலையில் யோக வாழ்க்கை, சிறந்த கல்வி, நல்ல தொழில் வாய்ப்பு, எடுக்கும் காரியங்களில் வெற்றி என்ற வகையில் சிறப்புகளை தரும் லக்கினம் கன்னி என்பதால் உபய மண் தத்துவ அமைப்பில்  இருந்து ஜாதகி சிறப்புகளை வெகுவாக பெரும் யோகத்தை தரும், போதும் என்ற மனம், எதிர்ப்புகளை மிக எளிதாக கடந்து செல்லும் யோகம், வாழ்க்கையை மற்றவர்களுக்கு பயனுள்ளதாக வாழும் யோகத்தை தரும், இருப்பினும் தான் எடுக்கும் முடிவில் இருந்து பின்வாங்கும் தன்மையை தராமல் துணிந்து வெற்றிகாணும் யோகத்தை நல்கும்.

2,4,8,11,12ம் வீடுகள் லாப ஸ்தானமான 11ம் பாவகத்துடன் சம்பந்தம் பெறுவது சுய ஜாதகத்தில்  மிகவும் வலிமை பெற்றுள்ள பாவக தொடர்பாக கருதலாம், ஜாதகி 2ம் பாவக வழியில் இருந்து நல்ல இல்லற வாழ்க்கை, கைநிறைவான வருமான வாய்ப்புகள், தன்னிறைவான பொருளாதார வசதி வாய்ப்புகள், இனிமையான பேச்சு திறன், தெய்வீக அனுபவம், தனது பேச்சில் புத்திசாலித்தனம் மிளிரும் யோகம், அதிர்ஷ்டம் மற்றும் நண்பர்கள் உதவி மூலம் வெற்றிகரமான யோக வாழ்க்கை, செல்வச்செழிப்பு மிக்க யோக வாழ்க்கையை தரும்.

4ம் பாவக வழியில் இருந்து சுகபோக யோக வாழ்க்கை, தனது தகப்பனாருக்கு யோகம் தரும் தன்மை, போதும் என்ற மனநிலை, நல்ல குணம், அனைவரையும் அனுசரித்து ஆளுமை செய்யும் யோகம், மண் மனை வண்டி வாகன யோகம், நிறைய சொத்துக்கள், அரசியலில் வெற்றி, வெளிநாடுகளில் ஜீவிக்கும் யோகம், பெரிய மனிதர்கள் ஆசீர்வாதம் மற்றும் ஆதரவு,வியாதியில் இருந்து விரைவில் குணமடையும் யோகம், சுலபத்தில் வெற்றி, சுகபோகங்களை, சொத்து ஆபரணம் மற்றும் சிறந்த வசிப்பிடம் ஆகியவைகளை பரிபூர்ணமாக தனது தகப்பனாரின் ஆசி மூலம் பெரும் யோகத்தை தரும்.

8ம் பாவக வழியில் இருந்து ஜாதகி தனது எண்ணம் மற்றும் லட்சியங்களில் வெற்றிகாணும் யோகத்தை தரும், நீண்ட ஆயுள், நீடித்த அதிர்ஷ்ட்த்தை பிறவியில் இருந்தே பெற்றிருக்கும் தன்மையை தரும், தனது வாழ்க்கை துணை வழியில் இருந்து பரிபூர்ண சுபயோகங்களை தரும், எதிர்பார்ப்புகள் அனைத்தையும் நிறைவேற்றும் வாழ்க்கை துணையை ஜாதகி பெற்று வாழ்க்கையில் நலம் பெரும் தன்மையை 8ம் பாவக வலிமை உறுதி செய்கிறது, ஜாதகியின் நண்பர்கள் வழியில் இருந்தும் பொருளாதார நன்மைகளை பெறுவதற்கு வாய்ப்புகளை வழங்கும், வெளிநாடுகள் அல்லது வெளியூரில் சிறப்பான பொருளாதார வளர்ச்சியை தரும்.

11ம் பாவக வழியில் இருந்து ஜாதகி மிகுந்த அதிர்ஷ்டசாலியாக திகழ்வார், அனைத்திலும் நல்ல லாபம், மெய்பொருள் காண்பது அறிவு என்ற குறளுக்கு இலக்கணமாக திகழ்வார், முற்போக்கு சிந்தனை, புதுமை விரும்பியாக இருப்பது ஜாதகியின் வாழ்க்கையை சுவாரஷ்யம் மிக்கதாக மாற்றும், ஜாதகியின் குணாதிசயம் அனைவராலும் போற்றுதலுக்கு உரியதாக இருக்கும், தெய்வீக அனுக்கிரகம் இயற்கையிலேயே அமைந்து இருப்பதால் வாழ்க்கை ஜாதகிக்கு முழு அதிர்ஷ்டம் நிறைந்ததாகவே காணப்படும், நல்ல மனமும், நல்ல எண்ணமும் ஜாதகியின் வாழ்க்கையை பிரகாசம் மிக்கதாக மாற்றும், சுய ஜாதகத்தில் கடகம் லாப ஸ்தானமாக அமைவது வாழ்க்கையில் அளவில்லா சுபயோகங்களை வாரி வழங்கும்.

12ம் பாவக வழியில் இருந்து நிறைவான லாபங்கள், முதலீடுகளில் இருந்து வரும் வருமானம், நல்ல உறக்கம், ஆன்மீகத்தில் வெற்றி, முக்தி நிலை, தெய்வீக அனுக்கிரகம், நல்ல மன நிம்மதி, தாம்பத்திய வாழ்க்கையில் வெற்றி, வாழ்க்கை துணையுடனான அன்னியோன்யம், தனது வழியில் இருந்து மற்றவர்களுக்கு தரும் உதவிகள் என ஜாதகி சிறப்பு மிக்க நல்வாழ்க்கையை வாழும் யோகத்தை தரும்.

9ம் வீடு பாக்கிய ஸ்தானமான 9ம் பாவகத்துடன் சம்பந்தம் பெறுவது ஜாதகியின் அறிவு திறன் வாழ்க்கையில் வரும் இன்னல்களை மிக சிறப்பாக எதிர்கொள்ளும் யோகம் உண்டாகும், தனது பித்ருக்கள் வழியிலான ஆசியின் மூலம் வாழ்நாளில் யாதொரு இன்னல்களையும் அனுபவிக்காமல் சுபயோகங்களையே தரும், தான் கற்ற கல்வி வழியிலான நன்மைகளையும் முன்னேற்றங்களையும் ஜாதகி தங்குதடையின்றி பெறுவார், இடம்மாற்றம் சூழ்நிலை மாற்றத்தில் விருப்பத்தை தரும், தெய்வீக அனுக்கிரகம் ஜாதகிக்கு எப்பொழுதும் அமைந்திருக்கும்.

10ம் வீடு ஜீவன ஸ்தானமான 10ம் பாவகத்துடன் சம்பந்தம் பெறுவது, சிறந்த உத்தியோகம், வியாபாரம் மற்றும் தொழில் வழியிலான நன்மைகளை பரிபூர்ணமாக வாரி வழங்கும், கம்பீரம் மிக்கவாழ்க்கை கவுரவம் குறையாத யோக வாழ்க்கை தரும், தீர்க்கமான வாதத்திறமையை தரும், ஜீவனத்திற்க்கு எந்த காலத்திலும் குறைவு இருக்காது, தனது தாய் வழியில் இருந்து ஜாதகி சுய கவுரவம், அந்தஸ்து, சுய மரியாதையுடன் வாழ்வதற்கான யோகத்தை நல்கும், உண்மை சத்தியம் ஆகியவற்றை மதித்து நடக்கும் வல்லமை பெற்றவர் என்பதுடன் மற்றவர்களையும் பின்பற்ற செய்யும் மதிநுட்பத்தை தரும், ஜாதகியின் ஜீவன ஸ்தானம் கால புருஷ தத்துவ அமைப்பிற்கு வீர்ய ஸ்தானமாக அமைவது ஜாதகி கல்வி கேள்விகளில்  சிறந்து விளங்கும் தன்மையையும், கணிதத்தில் நிர்வாகத்தில் சிறந்து விளங்கும் தன்மையை தரும்.

6ம் வீடு சத்ரு ஸ்தானமான 6ம் பாவகத்துடன் சம்பந்தம் பெறுவது தேர்வில் வெற்றி, தேர்தலில் வெற்றி, வழக்குகளில் வெற்றி என்றவகையில் நன்மைகளையும், வயிறு சார்ந்த தொந்தரவுகளையும், கடன் சார்ந்த இன்னல்களையும் தரும், மற்றவர்கள் வழியில் இருந்து வரும் எதிர்ப்புகளை அனுசரித்து செல்லும் தன்மையை வளர்த்துக்கொள்வதே நல்லது, யாரிடமும் பகைமை பாராட்டாமல் சுமுக போக்கை கடைபிடிப்பதே சால சிறந்தது, பிறர் வழியில் இருந்து வரும் இன்னல்களை எதிர்கொண்டு வெற்றி பெறுவது ஜாதகிக்கு மிகுந்த சவால்களை தரும்.

3,5,7ம் வீடுகள் களத்திர ஸ்தானமான 7ம் பாவகத்துடன் சம்பந்தம் பெறுவது ( பாதக ஸ்தான தொடர்பு ) ஜாதகிக்கு 3ம் பாவக வழியில் இருந்து எடுக்கும்  சில முயற்சிகளை தடை செய்யும், சகோதர வழி ஆதரவை உதறித்தள்ளும் நிலையை தரும், 5ம் பாவக வழியில் இருந்து பூர்வீக ஜீவனத்தை தடை செய்யும், 7ம் பாவக வழியில் இருந்து வாழ்க்கை துணையுடனான சிறு சிறு கருத்து வேறுபாடுகளை தரும், வாழ்க்கை துணையுடனான புரிதல் குறையும்.

சனி திசை குரு புத்தி தரும் பலன்கள் : ( 26/08/2017 முதல் 08/03/2020 )

சனி திசை ஜாதகிக்கு 1ம் வீடு முதல் பாவகமான லக்கினத்துடன் சம்பந்தம் பெற்றும், 9ம் வீடு பாக்கிய ஸ்தானமான 9ம் பாவகத்துடன் சம்பந்தம் பெற்றும் சுபயோக பலன்களை வழங்கிக்கொண்டு இருப்பது சிறப்பான நன்மைகளை தரும், சனி  திசையில் குரு புத்தி ஜாதகிக்கு 3,5,7ம் வீடுகள் பாதக ஸ்தானமான 7ம் பாவகத்துடன் சம்பந்தம் பெற்றும், 10ம் வீடு ஜீவன ஸ்தானமான 10ம் பாவகத்துடன் சம்பந்தம் பெற்றும் பாதக ஸ்தான வழியில் இருந்து இன்னல்களையும், ஜீவன ஸ்தான வழியில் இருந்து சுபயோகங்களையும் வாரி வழங்குகிறது.

அடுத்து வரும் புதன் திசை தரும் பலன்கள் ( 08/03/2020 முதல் 08/03/2037 வரை )

 எதிர் வரும் புதன் திசை ஜாதகிக்கு 1ம் வீடு முதல் பாவகமான லக்கினத்துடன் சம்பந்தம் பெற்று சுபயோக பலாபலன்களை வழங்குவது ஜாதகிக்கு சிறப்பான எதிர்கால வாழ்க்கையை தரும், லக்கின பாவக வழியில் இருந்து ஜாதகிக்கு நல்ல உடல் நலம், மனநலம், சுபயோகங்கள் நிறைந்த வாழ்க்கை என ஜாதகிக்கு பல சிறப்புகளை வாரி வழங்க தயார் நிலையில் இருப்பது கவனிக்கத்தக்கது .

வாழ்க வளமுடன்
ஜோதிடன் வர்ஷன்
9443355696

ராகு திசை தரும் பலனும், சுய ஜாதகத்தில் பாதக ஸ்தான தொடர்பும் !

 ஒருவரின் வாழ்க்கையில் அதிக அளவிலான இன்னல்களையும் துன்பங்களையும் பாரபட்சம் பார்க்காமல் வாரி வழங்கும் வல்லமை பாதக ஸ்தானத்திற்கு உண்டு, ஒருவரின் ஜாதகத்தில் நடைபெறும் திசை எந்த கிரகத்தின் திசை என்றாலும் சரி எக்காரணத்தை கொண்டும் பாதக ஸ்தானத்துடன் சம்பந்தம் பெற்ற பாவக பலனை ஏற்று நடத்த கூடாது, அப்படி பாதக ஸ்தான பலனை ஏற்று நடத்தினால் ஜாதகரின் வாழ்க்கை நித்திய கண்டம் பூர்ண ஆயுசு என்ற முதுமொழிக்கு பொருத்தமான பலாபலன்களை தர ஆரம்பித்துவிடும், ஜாதகர் செய்யும் செயல்கள் யாவும் பெரும் பின்னடைவையும், படுதோல்விகளையும் வாரி வழங்கும், சுய ஜாதகத்தில் சுப யோகங்கள் இருப்பினும் அவையாவும் பாதக ஸ்தான பலன் நடைமுறையில் உள்ள பொழுது சுபயோக பலன்கள் அனைத்தையும் தடை செய்யும், வாழ்க்கையில் ஜாதகரின் ஆசை, கனவுகள் யாவும் கானல் நீராக போக அதிக வாய்ப்பு உள்ளது, மேலும் ஜாதகர் பல திறமைகளை தன்னகத்தே கொண்டவர் என்ற போதிலும், குடத்தில் இட்ட விளக்கு போல், பிரகாசம் குறைந்து பலனேதும் அற்ற வாழ்க்கையை ஜாதகர் எதிர்கொள்ள வேண்டிவரும், பாதக ஸ்தானம் தரும் பலாபலன்கள் பற்றி ஓர் சுய ஜாதகம் கொண்டு தெளிவு பெறுவோம் அன்பர்களே !

லக்கினம் : மேஷம் 

ராசி : தனுசு 

நட்ஷத்திரம் : பூராடம் 3ம் பாதம் 

 நடைபெறும் ராகு திசை தரும் பலன்கள் : ( 10/12/2003 முதல் 10/12/2021 வரை )

 ஜாதகருக்கு தற்போழுது நடைபெறும் ராகு திசை 2ம் வீடு பாதக ஸ்தானமான 11ம் பாவகத்துடன் சம்பந்தம் பெற்று அவயோக பலாபலன்களை வழங்கி கொண்டு இருப்பது ஜாதகரின் வாழ்க்கையை வெகுவாக பாதிப்பை வழங்கி கொண்டு இருக்கின்றது, ஜாதகரின் குடும்ப ஸ்தானம் கால புருஷ தத்துவ அமைப்பிற்கு ரிஷப ராசியில் பாதியும், மிதுன ராசியில் பாதியும் வியாபித்து நின்று பாதக ஸ்தானத்துடன் சம்பந்தம் பெற்று இருப்பது, ஜாதகரின் குடும்ப வாழ்க்கை சார்ந்த இன்னல்களையும், வருமானம் சார்ந்த இன்னல்களையும் கடுமையாக தருவதுடன், எடுக்கும் முயற்சிகள் யாவும் ஜாதகருக்கு பெரிய அளவிலான தொடர் தோல்விகளை வாரி வழங்கி கொண்டு இருப்பது, ஜாதகருக்கு மனம் உடல் சார்ந்த தொந்தரவுகளையும், மனசோர்வையும் தந்து கொண்டு இருக்கின்றது, ஜாதகரின் வருமானம் முழுவதும் மற்றவர்களுக்கே சென்றுகொண்டு இருக்கின்றது, ஜாதகரின் உழைப்பும், அறிவு திறனும் வீண் விரயமாகிறது, எந்த ஓர் விதத்திலும் ஜாதகர் அதிர்ஷ்டத்தை அனுபவிக்க இயலாமல் தனது வாழ்க்கையை தானே போராட்ட நிலைக்கு ஆர்படுத்தி இருப்பது பாதக ஸ்தான வலிமையின் தாக்கத்தை காட்டுகிறது.

ஜாதகருக்கு கடந்த 15 வருடங்களாக ராகு திசை பாதக ஸ்தான பலனை ஏற்று நடத்துவது என்பது சொல்ல இயலாத துன்பங்களையும் துயரங்களையும், எதிர்பாராத நஷ்டங்களையும், திடீர் இழப்புகளையும், மருத்துவ செலவினங்களையும் பாரபட்சம் பார்க்காமல் வழங்கி கொண்டு இருக்கின்றது, ஜாதகரின் திட்டமிடுதல்கள் யாவும் மிக பெரிய தோல்விகளையும், நஷ்டங்களையும் மட்டுமே இதுவரை வழங்கி உள்ளது, ஜாதகரின் பாதக ஸ்தானம் கால புருஷ தத்துவ அமைப்பிற்கு கும்பம் மற்றும் மீனா ராசியில் வியாபித்து நிற்பது ஜாதகரின் அதிர்ஷ்டமின்மையும், தன்னம்பிக்கை குலையும் விதமான நிகழ்வுகளையும் இதுவரை தந்துகொண்டு இருப்பது, ஜாதகரை  மனவிரக்கத்தியின் உச்சத்துக்கே அழைத்து சென்று கொண்டு இருக்கின்றது, ஒவ்வொரு நாளும் ஜாதகர், பொருளாதார நெருக்கடிகளை கடுமையாக அனுபவித்து கொண்டு இருப்பதும், வெளியில் சொல்ல இயலாத துன்பங்களை அனுபவித்து கொண்டு இருப்பதும் சுய ஜாதகத்தில் தற்போழுது நடைபெறும் ராகு திசை ஏற்று நடத்தும் பாதக ஸ்தான பலாபலன்கள் என்றால் அது மிகையில்லை, எனவே ஒருவர் சுய ஜாதகத்தில் நடைபெறும் திசை பாதக ஸ்தான பலனை ஏற்று  நடத்தினால் ஜாதகர் படும் பாடு சொல்ல இயலாத துன்பங்களை தரும் என்பதற்கு மேற்கண்ட  ஜாதகமே நல்ல உதாரணம்.

இருப்பினும் ராகு திசையில் தற்போழுது நடைபெறும் சுக்கிரன் புத்தி, அதற்க்கு அடுத்து வரும் சூரியன் புத்தி இரண்டும் ஜாதகருக்கு வலிமை பெற்ற பாவக பலனை முறையே ஜீவனம் மற்றும் களத்திர ஸ்தான பலனை ஏற்று நடத்துவது, ஜாதகருக்கு பாதக ஸ்தான இன்னல்களுக்கு இடையே சிறிதளவு நன்மைகளை தரும், அதற்க்கு பிறகு வரும் சந்திரன் மற்றும் செவ்வாய் புத்திகள் ஜாதகருக்கு சாதகமாக இல்லை என்பது மிகுந்த இன்னல்களை ஏற்படுத்தும், ராகு திசைக்கு பிறகு வரும் குரு திசை ஜாதகருக்கு 3,8,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று சுபயோக பலன்களை தருவது ஜாதகருக்கு பாதக ஸ்தான இன்னல்களில் இருந்து விடுதலையை தரும்.

சுய ஜாதகத்தில் 5ம் பாவகம் வலிமை  பெற்று இருப்பது ஜாதகரின் சொந்த புத்தியை குறிக்கும் மேற்கண்ட ஜாதகருக்கு 5ம் வீடு விரைய ஸ்தானத்துடன் சம்பந்தம் பெறுவதால் ஜாதகரின் சொந்த புத்தியில் செய்யும் காரியங்கள் யாவும் வீண் விரயத்தையும் பெரும் நஷ்டங்களையும் தரும், சுய ஜாதகத்தில் 9ம் பாவகம் வலிமை பெற்று இருப்பது ஜாதகருக்கு பெரியோர் வழங்கும் சொல்புத்தியை குறிக்கும், மேற்கண்ட ஜாதகருக்கு 9ம் வீடு பாக்கிய ஸ்தானத்துடன்  சம்பந்தம் பெறுவதால் ஜாதகர் பெரியோர், நல்ல நண்பர்கள் மாற்றும் ஆன்மீக குரு மார்கள் வழங்கும் அறிவுரையை ஏற்று நடந்து வாழ்க்கையில் சுப யோகங்களை அனுபவிக்கலாம், எதிர்வரும் குரு திசையும் அதையே " கட்டியம் " கூறுகிறது என்பது ஜாதகருக்கு இறைஅருள் வழங்கும் நல்ல வாய்ப்பாகவும், ஜாதகரின் முன்னோர்கள் செய்த பாக்கியம் என்பதை சொல்லி தெரிய வேண்டியதில்லை அன்பர்களே !

குறிப்பு :

 சுய ஜாதகத்தில் நடைபெறும் திசை  ஏற்று நடத்தும் பாவக பலன் என்ன? என்பதில் தெளிவு இல்லாத பொழுது, ஜாதகர் செய்யும் காரியங்கள் யாவும் கண்ணை கட்டிக்கொண்டு வழிதேடுவதற்கு இணையான பலாபலன்களை  வழங்கி விடும் என்பதை அனைவரும் கருத்தில் கொள்வது நலம் தரும்.

வாழ்க வளமுடன்
ஜோதிடன் வர்ஷன்
9443355696

நவகிரக திசாபுத்திகள் தரும் பலாபலன்களும், சுய ஜாதகத்தில் 12 பாவகங்களின் வலிமையும் !

 " கொடிது கொடிது வறுமை கொடிது " 

 " அதனினும் கொடிது இளமையில் வறுமை " 

என்ற வாக்கிற்கு இணங்க சுய ஜாதகத்தில் இளமையில் வறுமை என்பது சம்பந்தப்பட்ட ஜாதகரை வெகுவாக படுத்தி எடுத்து விடும் குறிப்பாக, பெண்களின் ஜாதகமாக இருப்பின் அவர்களது வாழ்க்கையில் மிகுந்த போராட்டங்களை சந்திக்கும் சூழ்நிலையை தரும், தன்னம்பிக்கை வெகுவாக குறையும், மனம் உடல் சார்ந்த தொந்தரவுகள், எதிர்ப்புகள் என கடுமையான இன்னல்களை சந்திக்கும் சூழ்நிலை தரும், எந்த ஒரு சிறு விஷயத்திற்கும் கடுமையான போராட்டங்களை சந்தித்து பெரும் நிலையை ஏற்படுத்தும், குறிப்பாக எவருக்கும் 14 வயது முதல் 30 வயது வரை நடைபெறும் திசா புத்திகள் பாதிக்கப்பட்ட பாவக பலனை ஏற்று நடத்துவது நல்லதல்ல, குறிப்பாக பாதக ஸ்தான தொடர்பை பெற்ற பாவக பலனை ஏற்று நடத்துவது கடுமையான இன்னல்களை சம்பந்த பட்ட ஜாதகருக்கு தந்து விடும், நெருப்பில் இட்ட புழு போல துடிக்கும் நிலைக்கு ஆளாக்கும்.

சுய ஜாதகத்தில் லக்கினம் முதல் பனிரெண்டு பாவகங்கள் பெரும் வலிமையின் அடிப்படையிலே ஓர் ஜாதகரின் வாழ்க்கை பல சிறப்புகளை பெறுகின்றது, வலிமை பெரும் பாவக வழியில் இருந்து ஜாதகர் சகல யோகங்களையும் பெரும் வல்லமையை பெறுகின்றார், எனவே சுய ஜாதகத்தில் இல்லாத ஓர் அமைப்பை நவகிரகங்களின் திசாபுத்திகள் ஓர் ஜாதகருக்கு வாரி வழங்கிவிடாது ( நடைபெறுவது சுப கிரகங்களின் திசைகளான குரு,சுக்கிரன்,சந்திரன்,புதன் என்றாலும் சரி, அசுப கிரகங்களின் திசைகளான சூரியன், செவ்வாய், சனி, ராகு, கேது என்றாலும் சரி )  சுய ஜாதக வலிமை என்பது ஓர் ஜாதகரின் வாழ்க்கையில் சிறப்பு மிக்க நன்மைகளையும், சுபயோகங்களையும் வாரி வழங்கும்,.

 சுய ஜாதகத்தில் லக்கினம் முதல் பனிரெண்டு பாவகங்களும் வலிமை பெற்று நடைபெறும் திசா புத்திகள், எதிர்வரும் திசா புத்திகள் வலிமை பெற்ற பாவக பலனை ஏற்று நடத்தினால், ஏற்று நடத்தும் பாவக வழியில் இருந்து ஜாதகர் சுபயோக பலாபலன்களை அனுபவிக்கும் யோகத்தை தரும், ஜாதகரின் வாழ்க்கையில் சிறப்பான நன்மைகள் நடைமுறைக்கு வரும் மாறாக, சுய ஜாதகத்தில் பல பாவகங்கள் வலிமை பெற்று இருந்து, சில பாவகங்கள் மட்டும் வலிமை அற்று காணப்பட்டால், வலிமை அற்ற சில பாவக வழியில் இருந்து ஜாதகருக்கு இன்னல்கள் நடைமுறைக்கு வரும், குறிப்பாக நடைபெறும் அல்லது எதிர்வரும் திசா புத்திகள் பாதிக்கப்பட்ட பாவக பலனை ஏற்று நடத்தினால் ஜாதகருக்கு வலிமை பெற்ற பாவக வழியிலான நன்மைகள் ஏதும் நடைமுறைக்கு வாராது, சுய ஜாதகத்தில் பாவகங்கள் வலிமை பெற்று இருப்பினும் அதனால் ஜாதகருக்கு எவ்வித நன்மையும் இல்லை என்ற சூழ்நிலையை தரும், இதை ஓர் உதாரண ஜாதகம் கொண்டு தெளிவு பெறுவோம் அன்பர்களே ! 

லக்கினம் : கடகம் 

ராசி : மீனம் 

ராசி : உத்திரட்டாதி 1ம் பாதம் 

  மேற்கண்ட ஜாதகிக்கு சுய ஜாதகத்தில் 4,8,12 பாவகங்களை தவிர மற்ற அனைத்து பாவகங்களும் மிகவும் வலிமையுடன் இருப்பது சுய ஜாதகத்தில் யோகங்களை தரும் அமைப்பாகும், இருப்பினும் ஜாதகிக்கு தற்போழுது நடைபெறும் திசையான புதன் திசை ( 14/01/2001 முதல் 15/01/2018 வரை  ஜாதகியின் 15 வயது முதல் தற்போழுது வரை ) சுக ஸ்தானமான ( பெண்கள் ஜாதகத்தில் தகப்பனாரை குறிக்கும் ) 4ம் வீடு பாதக ஸ்தானமான 11ம் பாவகத்துடன் சம்பந்தம் பெற்று பலனை தருவது, சுய ஜாதகத்தில் மற்ற பாவக வழியில் யோகம் இருப்பினும், புதன் திசையில் அவயோகத்தை வாரி வழங்கும் அமைப்பாகும், தற்போழுது நடைபெறும் புதன் திசை ஜாதகியின் வாழ்க்கையை வெகுவாக பாதிப்படைய செய்திருக்கிறது 4ம் வீடு பாதக ஸ்தானமான 11ம் பாவகத்துடன் தொடர்பு பெற்று பலனை தருவதால்.

 புதன் திசைக்கு முன்பு நடைபெற்ற ஜெனன கால சனி திசை ஜாதகிக்கு ஜீவன ஸ்தான வழியில் இருந்து மட்டும் நன்மைகளை தந்து, 8,12ம் பாவக வழியில் இருந்து கடுமையான இன்னல்களை வாரி வழங்கி இருக்கின்றது, அதன் பிறகு தற்போழுது நடைபெறும் புதன் திசையும் ஜாதகிக்கு 4ம் வீடு பாதக ஸ்தானமான 11ம் பாவகத்துடன் சம்பந்தம் பெற்று பலனை தருவது ஜாதகிக்கு மேற்கண்ட பாவக வழியில் இருந்து 200% விகித இன்னல்களை தந்து கொண்டு இருக்கிறது, புதன் திசையை ஜாதகிக்கு கால புருஷ தத்துவ அமைப்பிற்கு களத்திர ஸ்தானமான துலாம் ராசியின் ( 4ம் பாவகம் ) பலனையும், காலபுருஷ தத்துவ அமைப்பிற்கு குடும்ப ஸ்தானமான ரிஷப ராசியின் ( 11ம் பாவகம் ) பலனையும், ஏற்று நடத்துவது ஜாதகிக்கு மேற்கண்ட பாவக வழியிலான கடுமையான இன்னல்களை வாரி வழங்கி உள்ளது, அடிப்படையில் ஜாதகிக்கு 4ம் வீடு பாதக ஸ்தானமான 11ம் பாவகத்துடன் சம்பந்தம் பெறுவது தனது தகப்பனார் வழியில் இருந்து எவ்வித நன்மையையும் பெற இயலாத சூழ்நிலையையும், தனது தகப்பனாரை சிறு வயதிலேயே இழந்து தவிக்கும் துர்பாக்கிய நிலைக்கு ஆளாக்கி இருக்கின்றது, மேலும் கல்வியில் தடை, வேலை வாய்ப்பில் இன்னல்கள், திருமண தடை தற்போழுது வரை உள்ளது ( சுய ஜாதகத்தில் 2,7ம் வீடுகள் வலிமை பெற்று இருந்த போதிலும் ) மேலும் ஜாதகி ஒவ்வொரு விஷயத்தையும் பெறுவதற்கு கடுமையான போராட்டங்களை சந்திக்கும் சூழ்நிலையை தந்து இருப்பது பாதக ஸ்தான வலிமையின் தன்மையை நமக்கு எடுத்துக்காட்டுகிறது.

இதுவரை ஜாதகிக்கு இன்னல்கள் இனி வரும் கேது மற்றும் சுக்கிரன் திசை தரும் பலாபலன்களை சிந்தனைக்கு எடுத்துக்கொள்வோம் அன்பர்களே! அடுத்து வரும் கேது திசை ( 15/01/2018 முதல் 14/01/2025 வரை ) ஜாதகிக்கு 3ம் வீடு வீரிய ஸ்தானமான 3ம் பாவகத்துடன் சம்பந்தம் பெற்று வீரிய ஸ்தான பலனை ஏற்று நடத்துவது முழு அளவில் சகல சௌபாக்கியத்தை தரும் அமைப்பாகும், அடுத்து வரும் சுக்கிரன் திசை ( 14/01/2025 முதல் 14/01/2045 வரை ) ஜாதகிக்கு 1,2,5,7,11ம் வீடுகள் குடும்ப ஸ்தானமான 2ம் பாவகத்துடன் சம்பந்தம் பெற்று முழு அளவில் யோக பலனை தருவது ஜாதகிக்கு 1,2,5,7,11ம் பாவக  வழியில் இருந்து சுப யோகங்களை வாரி வழங்கும், ஜாதகிக்கு இனிவரும் எதிர்காலம் கேது மற்றும் சுக்கிரன் திசை அமைப்பில் இருந்து நன்மைகளை வாரி வழங்கும் என்பது உறுதியாக தெரிகிறது, எனவே ஜாதகி பின்யோகம் கொண்டவர் என்பது உறுதியாகிறது, எனவே இனிவரும் காலம் ஜாதகிக்கு யோக காலமாக அமையும் என்பது தெளிவாகிறது.

 கேது மற்றும் சுக்கிரன் திசை ஜாதகிக்கு வலிமை பெற்ற பாவக பலனை ஏற்று நடத்திடுவது ஜாதகி நன்மைகளையும் சுபயோகங்களை வாரி வழங்கும், எனவே சுய ஜாதகத்தில் பாவகங்கள் வலிமை பெறுவதைவிட, வலிமை பெற்ற பாவக பலனை நடைபெரும் திசா புத்திகள் ஏற்று நடத்துவதே சிறப்பானது என்பதனை மேற்கண்ட உதாரண ஜாதகம் மூலம் தெளிவு பெறலாம்.

வாழ்க வளமுடன் 

ஜோதிடன் வர்ஷன் 

9443355696

சத்ரு ( 6ம் வீட்டில் ) ஸ்தானத்தில் அமரும் லக்கினாதிபதி ஜாதகருக்கு மிகுந்த பாதிப்பை தருவாரா ?

சுய ஜாதகத்தில் லக்கினம் வலிமை பெறுவது என்பது சம்பந்தப்பட்ட ஜாதகருக்கு சுய ஜாதகத்தில் உள்ள யோக பலாபலன்களை முழுவதும் பெறுவதற்கு உண்டான வாய்ப்புகளை சிறப்பாக அமைத்துத்தரும், குறிப்பாக சுபயோகங்களை ஜாதகர் பெறுவதற்கு யாதொரு தடைகளும் இருக்காது, சரியான நேரம் காலம் கூடி வரும்பொழுது யாருடைய உதவியும் இன்றி ஜாதகரே தன்னிறைவாக பெறுவார், எதிர்ப்புகள் இல்லாமல் சுப நிகழ்வுகள் யாவும் ஜாதகருக்கு தொய்வின்றி நடைபெறும், ஜாதகரின் நடவடிக்கையும் செயல்பாடுகளும் அனைவரும் மெச்சும்வண்ணம் இருக்கும், ஜாதகரும் வாழ்க்கையில் ஒழுக்கம், நேர்மை, சுய கட்டுப்பாடு மற்றும் பண்பாடு கொண்டவராக திகழ்வார், வாழ்வியல் நெறிமுறைகளை கடைபிடித்து வெற்றிகரமான யோக வாழ்க்கையை பெறுவார்.

சுய ஜாதகத்தில் லக்கினம் அல்லது லக்கினாதிபதி பாதிக்கப்படுவது சம்பந்தப்பட்ட ஜாதகருக்கு கடுமையான நெருக்கடிகளை தரும், குறிப்பாக ஜாதகரே தனது  வாழ்க்கை முன்னேற்றமின்மைக்கு காரணகர்த்தாவாக விளங்குவார், ஜாதகரின் மனம் எப்பொழுதும் எதிர்மறை எண்ணங்களால் நிரப்பப்பட்டு இருக்கும், சிந்தனையும் செயல்திறனும் அற்று வீண் கற்பனையும் மனபயமும் கொண்டவராக காணப்படுவார், வரும் எதிர்ப்புகளை சந்திக்க திறன் இன்றி மற்றவர் ஆளுமையின் கீழ் வாழ்க்கையை எதிர்கொள்ளும் தன்மையை தரும், பொறுப்புகளை தட்டிக்கழிப்பதும், மற்றவர்கள் மீது காரணம் காட்டி தப்பித்துக்கொள்வதும், ஜாதகரின் வாழ்க்கையில் பல தோல்விகளை பெறுவதற்கு காரணமாக அமைந்துவிடும், வாழ்க்கையில் நேர் வழியை கடைபிடிக்காமல், மாற்றுவழியில் சென்று தனது வாழ்க்கைக்கு பொருத்தமில்லா செயல்களை செய்து இன்னலுறும் தன்மையை தரும், சுய ஜாதகத்தில் மற்ற பாவக வழியில் இருந்து வரும் யோகங்களையும் ஜாதகர் பெற இயலாமல் வீண் விரயங்களை சந்திக்கும் நிலைக்கு தள்ளப்படுவார் என்பதில் இருந்தே லக்கினம் என்ற முதல் பாவகத்தின் வலிமை மற்றும் லக்கினாதிபதி பெரும் வலிமையின் அவசியம் நமக்கு  புரிய வரும்.

லக்கினம் என்பது மனிதனின் இதயம் போன்றது, இதயம் செயல் இழந்தால் எப்படி உயிர் இயக்கம் பெறாதோ ? அதைப்போன்றே லக்கினம் வலிமை குறைவது ஜாதகரின் இயக்கத்தை பாதிக்கும், சுய ஜாதகத்தில் பலவித யோகங்கள் இருப்பினும் அதனால் யாதொரு பயனும் ஜாதகருக்கு கிடைக்காது, யோகங்கள் தரும் பாவக வழியிலான உறவுகள் ஜாதகரை பயன்படுத்திக்கொண்டு நன்மைகளை பெறுவார்கள், ஜாதகரின் ஆசைகள் யாவும் நிராசையாக மாற அதிக வாய்ப்புகள் உண்டு, கீழ்கண்ட ஜாதகத்தை இன்றைய பதிவில் சிந்தனைக்கு எடுத்துக்கொள்வோம் அன்பர்களே!

லக்கினம் : மீனம்
ராசி : ரிஷபம்
நட்ஷத்திரம் : கிருத்திகை 4ம் பாதம்

ஜாதகருக்கு லக்கினாதிபதி குரு, கன்னி ராசியில் உள்ள 6ம் பாவகத்தில் உள்ளார், லக்கினாதிபதி 6ல் மறைவு, லக்கினம் தொடர்பு பெறுவது விரைய ஸ்தானமான 12ம் பாவகத்துடன் எனவே ஜாதகருக்கு லக்கினாதிபதியும் பாதிக்கப்பட்டு, லக்கினமும் கடுமையாக பாதிக்கப்படுகிறது, ஜாதகர் மனதளவில் எப்பொழுதும் கவலையும் போராட்டத்தையும் எதிர்கொள்ளும் சூழ்நிலையில் ஜீவித்துக்கொண்டு இருக்கின்றார், சிந்தனையும் செயல்பாடுகளும் நம்பிக்கை அற்ற தன்மையுடன் இருப்பதால் ஜாதகர் செய்யும் காரியங்கள் யாவும் தோல்வியை தருகின்றது, மற்றவர்களின் கடுமையான விமர்சனத்திற்கும் ஆளாகிறது, ஜாதகரின் வளரும் சூழ்நிலை சிறப்பாக அமையவில்லை, கல்வியில் தடை, வேலை வாய்ப்பில் தடங்கல், தனக்கு வரும் நல்ல வாய்ப்புகளை தவிர்த்து, இன்னல்களை தரும் காரியங்களில் ஆர்வம் செலுத்தியதால், இன்று வரை ஜாதகர் ஓர் தன்னிறைவான பொருளாதார மேம்பாட்டை பெற இயலவில்லை, திருமண வாழ்க்கையிலும் தடை, ஜாதகருக்கு லக்கினாதிபதி குரு என்றாலும் அவர் சத்ரு ஸ்தானத்தில் வலிமை அற்று அமர்வதால் நல்ல ஞானத்தை வழங்கவில்லை, சாஸ்திர ஞானம் அற்ற நிலையையும், தனது உடல் நிலையில் அக்கறை கொள்ளாத தன்மையையும் தருவது வருத்தத்திற்கு உரிய விஷயமாகும்.

மேலும் தற்போழுது நடைமுறையில் உள்ள ராகு திசை ஜாதகருக்கு வலிமை அற்ற  5,8ம் வீடுகள் ஆயுள் ஸ்தானமான 8ம் பாவகத்துடன் சம்பந்தம் பெற்று 5,8ம் பாவக வழியில் இருந்து கடுமையான இன்னல்களை தருவதும், ராகு திசை ஜாதகருக்கு பருவ வயதில் வருவதும் ஜாதகரின் வாழ்க்கையை வெகுவாக பாதித்துகொண்டு இருக்கின்றது, குல தேவதையின் அருளாசி இன்மையும், ஜாதகருக்கு ஏற்படும் திடீர் இழப்புகளும் ஜாதகருக்கு கடுமையான நெருக்கடிகளை தருவது கவனிக்கத்தக்கது, மேலும் ஜாதகரின் 8ம்  பாவகம் கால புருஷ தத்துவ அமைப்பிற்கு 7ம் ராசியாக அமைவது ஜாதகரின் கூட்டாளி, நண்பர்கள் மற்றும் எதிர்பால் இன அமைப்பினரால் பெரிய அளவிலான பொருளாதார நெருக்கடிகளை சந்தித்துக்கொண்டு இருக்கின்றார், தேவையற்ற தீய பழக்க வழக்கங்களுக்கு ஆளாகி உடல் நிலையும் கடுமையாக பாதித்துக்கொண்டு இருக்கின்றது, இந்த நிலை இப்படியே நீடித்தால் ஜாதகர் ராகு திசை இறுதியில் கடுமையான நெருக்கடிகளை  சந்திக்க வேண்டி வரும்.

ஜாதகருக்கு வாழ்க்கையில் நல்ல மாற்றம் ஏற்பட ஒரே ஒரு வாய்ப்பு மட்டுமே உள்ளது, அதாவது ஜாதகரை திருமணம் செய்துகொள்ளும் ஜாதகியின் சுய ஜாதகத்தில் அனைத்து பாவகங்களும் வலிமை பெற்று இருந்தால், ஜாதகரின் வாழ்க்கையிலும் சுபயோகங்கள் நடைபெற வாய்ப்பு உள்ளது, அதற்க்கான சாத்தியக்கூறுகள் சிறிது உள்ளது என்று சொல்லலாம் ஏனெனில் சுய ஜாதகத்தில் ஜாதகர் 2ம் பாவக வழியில் ( குடும்பம் ) இருந்து மட்டும் நன்மைகளை பெரிய அளவில் பெற இயலும், இறுதி வரை குடும்ப வாழ்க்கையை ஜாதகர் சிதைக்காமல் வாழ்வது அவர் முன் உள்ள சவாலாக இருக்கும், மேற்கண்ட ஜாதகத்தில் லக்கினாதிபதி சத்ரு ஸ்தானத்தில் அமர்வது ஜாதகருக்கு பாதிப்படைந்து, ஜாதகருடன் சேர்பவரையும் பாதிப்படைய செய்யும் என்பது கவனிக்கத்தக்க விஷயமாகும்.

வாழ்க வளமுடன்
ஜோதிடன் வர்ஷன்
9443355696

சனி திசை தரும் பலாபலன்கள், சனி தனது திசையில் ஏற்று நடத்தும் பாவக வழியில் இருந்து தரும் நன்மை தீமை.

 கால புருஷ தத்துவ அமைப்பிற்கு ஜீவனம் மற்றும் லாப ஸ்தான அதிபதியான சனி, தனது திசையில் இன்னல்களை மட்டுமே தரும் என்று கருதுவது முற்றிலும் உண்மைக்கு புறம்பானதாகவே "ஜோதிடதீபம்" கருதுகிறது, சுய ஜாதகத்தில் நடைபெறும் சனி திசை தரும் பலன் ( சனி தனது திசையில் ஏற்று நடத்தும் பாவக தொடர்பு ) பற்றி ஓர் தெளிவில்லாமல் கூறப்படும் கருத்தாகவே இருக்கும், ஒருவருக்கு சனி திசை நடைபெறும் பொழுது சுய ஜாதகத்தில் வலிமை பெற்ற பாவக பலனை ஏற்று நடத்தினால் சம்பந்தப்பட்ட ஜாதகர் ஏற்று நடத்தும் பாவக வழியிலான நன்மைகளையும், வலிமை அற்ற பாவாக பலனை ஏற்று நடத்தினால் சம்பந்தப்பட்ட பாவக வழியிலான இன்னல்களையும், பாதக ஸ்தான பலனை ஏற்று நடத்தினால், பாதக ஸ்தான வழியிலான கடுமையான நெருக்கடிகளையும் ஜாதகர் அனுபவிக்கும் நிலையை தரும், மேற்கண்டவற்றை கருத்தில் கொள்ளாமல் சனி திசை என்றாலே இன்னல்களை மட்டுமே தரும் என்று கருதுவது, சுய ஜாதக கணித உண்மைக்கு புறம்பானது என்பத உறுதியாக கூற இயலும், சனி திசை தரும் யோக அவயோகம் பற்றி ஓர் உதாரண ஜாதகம் கொண்டு தெளிவு பெறுவோம் அன்பர்களே !

லக்கினம் : சிம்மம்
ராசி : கும்பம்
நட்ஷத்திரம் : சதயம் 4ம் பாதம்

மேற்கண்ட ஜாதகம் உண்மையிலேயே வியப்புக்கு உரிய ஒன்றாகவே கருதலாம், ஏனெனில் சுய ஜாதகத்தில் லக்கினம் உற்பட ஒன்பது பாவகங்கள் பாதிக்கப்பட்டுள்ளது, குறிப்பாக 2,4,8,10ம் வீடுகள் பாதக ஸ்தானத்துடனும், 1,5,7,9,11ம் வீடுகள் விரைய ஸ்தானமான 12ம் பாவகத்துடனும் சம்பந்தம் பெற்று மிகுந்த பாதிப்பிற்கு ஆளாகி இருந்த போதிலும், கடந்த குரு திசை, தற்போழுது நடைபெறும் சனி திசை, எதிர்வரும் புதன் திசை, கேதுதிசை, சுக்கிரன் திசை வரை ஜாதகருக்கு வலிமை பெற்ற பாவக பலனை மட்டுமே ஏற்று நடத்துகிறது என்பது கவனிக்கத்தக்க சிறப்பு அம்சமாகும், சுய ஜாதகத்தில் பெரும்பான்மையான பாவகங்கள் பாதிக்கப்பட்டு இருந்த போதிலும், சூரியன்,சந்திரன் மற்றும் ராகு திசாபுத்தியை தவிர மற்ற அனைத்து திசா புத்திகளும் ஜாதகருக்கு வலிமை பெற்ற பாவக பலனையே ஏற்று நடத்துகிறது என்பது அதிசயமான விஷயம் என்பது ஜோதிடம் உணர்ந்தவர்களுக்கு நிச்சயம் புரியும் என்பதுடன் வியப்பை தரக்கூடும்.

இன்றைய சிந்தனைக்கு வருவோம் தற்போழுது நடைமுறையில் உள்ள சனி திசை ஜாதகருக்கு வழங்கும் பலாபலன்கள் என்ன ? ஜாதகர் சிம்ம லக்கினம் சனி சத்ரு மற்றும் களத்திர ஸ்தான அதிபதி என்ற நிலையை பெற்ற போதிலும், தனது திசையில் வலிமை பெற்ற 3ம் வீடு லாப ஸ்தானமான 11ம் பாவகத்துடன் சம்பந்தம் பெற்று யோக வாழ்க்கையை தந்துகொண்டு இருக்கின்றது, மேலும் ஜாதகரின் லாப ஸ்தானம் கால புருஷ தத்துவ 3ம் ராசியான மிதுனத்தில் ஆரம்பித்த போதிலும், கால புருஷ தத்துவ அமைப்பிற்கு சுக ஸ்தானம் என்று அழைக்கப்படும் கடக ராசியில் முழுமையாக வியாபித்து, ஜாதகரின் அதிர்ஷ்ட வாழ்க்கையை பன்மடங்கு அதிகரித்து தருகின்றது, ஜாதகரின் லாப ஸ்தானம் பெரும்பான்மையான பாகைகள் ( 26 பாகைகள் ) கடக ராசியிலே வியாபித்து நிற்பது, ஜாதகருக்கு லாப ஸ்தான வழியிலான யோகங்களை முழு வீச்சில் செய்யும், அதுவும் தற்போழுது நடைபெறும் சனி திசை வலிமை பெற்ற லாப ஸ்தான பலனை ஏற்று நடத்துவது, ஜாதகரின் வாழ்க்கையில் மிக சிறப்பான நன்மைகளையும், யோகங்களையும் வாரி வழங்குவது கவனிக்கத்தக்க சிறப்பு அம்சமாகும்.

பொதுவாக சிம்ம லக்கினத்திற்கு சனி திசை நடைபெற்றால், ஜாதகரின் நிலை மிகவும் மோசமாகும் என்று பொது கருத்தாக கூறுவது உண்டு, மேற்க்கண்ட ஜாதகருக்கு சனி திசையே வலிமை பெற்ற லாப ஸ்தான பலனை ஏற்று நடத்துவது  பொது பலன் காணும் அன்பர்களுக்கு மிகப்பெரிய  அதிர்ச்சியை தர கூடும், ஆகவே சுய ஜாதகத்தில் நடைபெறும் திசாபுத்தி எதுவென்றாலும் சரி சம்பந்தப்பட்ட திசாபுத்தி ஏற்று நடத்தும் பாவக வலிமையை கருத்தில் கொண்டு பலாபலன்கள் காண்பதே துல்லியமான சுய ஜாதக பலாபலன்கள் காண உதவும்.

மேற்கண்ட ஜாதகருக்கு மேலும் சில சிறப்புகள் உண்டு அது சனி திசைக்கு அடுத்து வரும் புதன்,கேது ,சுக்கிரன் திசைகளும் ஜாதகருக்கு வலிமை பெற்ற பாவக பலனையே ஏற்று நடத்துகிறது என்பது ஜாதகரின் வாழ்க்கையில் சிறப்பான யோக வாழ்க்கையை தரும், சுய ஜாதகத்தில் ஒன்பது பாவகங்கள் பாதிக்கப்பட்ட போதிலும், நடைபெறும் திசையும், எதிர்வரும் திசைகளும் ஜாதகருக்கு ஜாதகமாக இருப்பது வரவேற்கத்தக்க அம்சமாகும்.

ஜாதகர் எந்த தொழிலை தேர்வு செய்வது என்ற கேள்வியை முன் வைக்கிறார், அவருக்கு " ஜோதிடதீபம் "  வழங்கும் ஆலோசணையாவது சுய ஜாதகத்தில் வலிமை பெற்ற பாவகம் குறிக்கும் தொழில்களை தேர்வு செய்து செய்யும் பொழுது ஜாதகரின் ஜீவன வாழ்க்கை மிகப்பெரிய முன்னேற்றங்களை சந்திக்கும், அதன் அடிப்படையில் ஜாதகர் அழிவை சந்திக்கும் நீர்த்துவ பொருட்களான பால்,காய்கறி, மளிகை, உணவு தொழில், தேநீர் நிலையம், பால் பொருட்கள் சார்ந்த தொழில்கள், விவசாய பொருட்கள், அரிசி வியாபாரம் போன்ற தொழில்களை, தனக்கு உகந்ததை தேர்வு செய்து சிறு வியாபாரமாக ஆரம்பித்து வாழ்க்கையில் வெற்றி காணலாம், மேலும் அதன் வழியிலான அதிர்ஷ்டங்களையும் ஜாதகர் தன்னிறைவாக பெறலாம் என்பதே " ஜோதிடதீபம் " ஜீவன ரீதியாக ஜாதகர் வெற்றி பெற வழங்கும் சிறப்பு ஆலோசனை.

வாழ்க வளமுடன்
ஜோதிடன் வர்ஷன்
9443355696

கேது திசையில் பாதிப்புகள் மிக அதிகம், எதிர்வரும் சுக்கிரன் திசை சுபயோகங்களை தருமா ?

கேது திசை தரும் பலன்கள் 

ஜாதகத்தில் வலிமை பெற்ற பாவக பலனை ஏற்று நடத்தும் திசாபுத்தி ஜாதகருக்கு ஏற்று நடத்தும் பாவக வழியில் இருந்து யோக பலன்களையும், வலிமை அற்ற பாவக பலனை ஏற்று நடத்தும் திசாபுத்தி ஜாதாருக்கு ஏற்று நடத்தும் பாவக வழியில் இருந்து அவயோக பலன்களையும் தரும், தங்களுக்கு தற்போழுது நடைபெறும் கேது திசை தங்களுக்கு சுய ஜாதகத்தில் கடுமையாக பாதிக்கப்பட்ட பாதக ஸ்தான பலாபலனை ஏற்று நடத்துவது கடுமையான இன்னல்களை தரும் அமைப்பாகும், அதாவது தற்போழுது நடைபெறும் கேது திசை தங்களுக்கு 5,11ம் வீடுகள் பாதக ஸ்தானமான 11ம் பாவகத்துடன் சம்பந்தம் பெற்று, பாதக ஸ்தான பலனை ஏற்று நடத்துவது தங்களுக்கு 5,11ம் பாவக வழியில் இருந்து மிக கடுமையான இன்னல்களை தருகின்றது, மேலும் கேது திசை தங்களுக்கு 22/12/2017 வரை நடைபெறுவதால், அதுவரை தங்கள் கடுமையான இன்னல்களை சந்திக்கும் சூழ்நிலையையே தரும், இருப்பினும் தற்போழுது கேது திசையில் புதன் புத்தி நடைபெறுவது வரவேற்க தக்க அம்சமாகும், ஏனெனில் புதன் புத்தி தங்களுக்கு 4,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று யோக பலன்களையே தருவது தங்களுக்கு ஜீவன ரீதியான சுப யோகங்களை வாரி வழங்கும், புதன் புத்தி தங்களுக்கு சுபயோக பலன்களை தொழில் அமைப்பில் இருந்து சிறப்பாக வாரி வழங்கும்.

லக்கினம் : கடகம்

ராசி : மீனம் 

நட்ஷத்திரம் : பூரட்டாதி 4ம் பாதம்

எதிர்வரும் சுக்கிரன் திசை தரும் பலன்கள் 

தங்களது சுய ஜாதகத்தில் எதிர்வர இருக்கின்ற சுக்கிரன் திசை உண்மையில் மிகுந்த நன்மைகளை தார இருக்கின்றது, 1,7ம் வீடுகள் களத்திர ஸ்தானமான 7ம் பாவகத்துடனே சம்பந்தம் பெற்று யோக பலன்களை தருவது வரவேற்க தக்க விஷயமாகும், மேலும் தங்களுக்கு களத்திர ஸ்தானம் கால புருஷ தத்துவ அமைப்பிற்கு 10ம் ராசியாக வருவது தங்களுக்கு, கூட்டு தொழில் நண்பர்கள் உதவி, வாழ்க்கை துணை வழியிலான சுபயோகங்கள் என சுக்கிரன் திசை முழுவதும் லக்கினம் மற்றும் களத்திர ஸ்தான வழியில் இருந்து தன்னிறைவான யோக வாழ்க்கையை நல்கும்.

லக்கின வழியில் இருந்து உடல் நலம், மன நலம், தீர்க்க ஆயுள், செயல்களில் வெற்றி வாய்ப்பு, தன்னம்பிக்கை மிக்க செயல்களால் வாழ்க்கையில் எதிர்பாராத மிகுந்த நன்மைகளை தரும், களத்திர பாவக வழியில் இருந்து வாழ்க்கை துணை ஆதரவு தங்களுக்கு மிகுந்த தைரியத்தை வழங்கும், நண்பர்கள் மற்றும் கூட்டாளிகள் உதவி மூலம் வாழ்க்கையில் எதிர்பாராத முன்னேற்றங்களை சந்திப்பீர்கள், தொழில் வளர்ச்சி மிக அபரிவிதமாக அமையும், கடந்த காலங்களில் கேது திசையின் பாதிப்பில் இருந்து மிக விரைவாக மீண்டு வரும் யோகத்தை தரும், சுக்கிரன் திசை 20 வருடமும் தங்களுக்கு 1,7ம் பாவக வழியில் இருந்து எதிர்பாராத முன்னேற்றங்களை சரளமாக வாரி வழங்கும், சுக்கிரன் திசை தங்களுக்கு அதிர்ஷ்டத்தின் வழியில் இருந்து முன்னேற்றத்தை தராமல், உழைப்பின் மூலம் எதிர்பாராத சுபயோகங்களை தன்னிறைவாக வாரி வழங்குகின்றது என்பதால், கடினமான உழைப்பை முன்னிறுத்துங்கள், வாழ்க்கையில் சகல யோகங்களையும் அனுபவியுங்கள் " வாழ்த்துக்கள் "

வாழ்க வளமுடன் 

ஜோதிடன் வர்ஷன் 

9443355696

தொழில் வெற்றிகளை வழங்கும் ஜீவன ஸ்தான வலிமை - 2

 சுய ஜாதகங்களில் 1,4,7,10ம் வீடுகள் வலிமை பெறுவது என்பது சம்பந்தப்பட்ட ஜாதகரின் வாழ்க்கையை உறுதியான நிலைத்தன்மையுடன் வாழும் யோகத்தை தரும், குறிப்பாக சுய தொழில் செய்ய விரும்பும் அனைவரது ஜாதகமும் மேற்கண்ட பாவகங்களின் வலிமை நிலையை தெளிவாக உணர்ந்து, ஜீவன ஸ்தானம் குறிப்பிடும் தொழில் வாய்ப்பினை தேடி நலம் பெறுவது அவசியமாகிறது, லக்கினம் வலிமை பெறுவது ஜாதகரின் சுய தேடுதல், உடல் நலம், மனதிடம், எண்ணத்தின் வலிமை, ஜாதகரின் செயல்திறன் ஆகியவற்றை ஸ்திரமாக மேம்படுத்தி தரும், சுக ஸ்தானம் வலிமை பெறுவது ஜாதகரின் குண இயல்பு, ஜாதகரின் பொருள் சொத்து சுக சேர்க்கை, வண்டி வாகன யோகம், இடம் நிலம் ஆகியவற்றின் தன்மையை பற்றியும் ஜாதகர் சுக ஸ்தான வழியில் இருந்து பெரும் யோகங்கள் பற்றியும் தெளிவு படுத்தும்.

 காலத்திர ஸ்தானம் வலிமை பெறுவது ஜாதகரின் கூட்டாளிகள், நண்பர்கள், வெளிவட்டரா பழக்க வழக்கங்கள், சமூகத்துடன் ஜாதகர் கொண்டுள்ள நல்லுறவு, மக்கள் தொடர்பு மூலம் ஜாதகர் பெரும் யோகங்கள் ஆகிவற்றை ஸ்திரமானதாகவும், ஜாதகருக்கு பொருத்தமானதாகவும் மேம்பட்ட தகுதி நிர்ணயத்துடன் அமைத்து தரும், ஜீவன ஸ்தானம் வலிமை பெறுவது என்பது ஜாதகரின் சுய கவுரவம், அந்தஸ்த்து, அரசு வழியில் ஆதாயம், தீர்க்கமான வாதத்திறன் மூலம் சரியான முடிவுகளை மேற்கொள்ளும் வல்லமை, செய்யும் தொழில் வழியிலான நுண்ணறிவு, சரியான திட்டமிடுதல்கள், செயல்பாடுகளில் தொய்வில்லாத நிலை, எந்த சூழ்நிலையையும் சிறப்பாக கையாண்டு வாழ்க்கையில் முன்னேற்றத்தை தொடர்ந்து பெரும் யோகம், செய்யும் தொழிலில் தன்னை நிலை நிறுத்திக்கொள்ளும் வல்லமை, பிரபல்ய யோகம், தனது நிறுவனம் சார்ந்த கட்டமைப்பில் சமரசம் செய்து கொள்ளாமல், தெளிவாக முடிவெடுக்கும் யோகம், இன்றைய சிந்தனையுடன் எதிர்கால திட்டமிடுதல் மூலம் நிறுவனத்தை தொடர்ந்து முன்னேற்ற பாதையில் அழைத்து செல்லும் வல்லமை என ஜாதகரின் நோக்கம் யாவும் 100% விகித வெற்றிகளை பெறுவதிலேயே குறியாக இருக்கும்.

சுய ஜாதகத்தில் 1,4,7,10ம் வீடுகள் வலிமை குன்றி இருப்பவர்கள் மேற்க்கண்ட விஷயங்களில் சிறிதும் ஞானம் இன்றி இருப்பார்கள் என்று சொல்லி  தெரிவதில்லை, மேற்கண்ட விஷயங்களை நாம் அவர்களுடன் பகிர்ந்து கொள்ளும் பொழுது  அதை பற்றிய சிறு தேடுதல்கள் கூட அவர்களுக்கு இருப்பதில்லை, மேற்கண்ட 1,4,7,10ம் வீடுகள் வலிமை பெற்று இருக்கும் ஜாதகர்கள் 1,4,7,10ம் பாவக வழியிலான யோகங்களை முழு அளவில் பெறுவதற்கு உண்டான ஞானத்தை இயற்கையிலேயே பெற்று இருப்பார்கள் என்பது கவனிக்கதக்க அம்சமாகும்.

சுய ஜாதகத்தில் மேற்கண்ட பாவகங்கள் வலிமை பெற்று ஜீவன ரீதியாக சகல யோகங்களையும் பெற்று கொண்டு இருக்கும் சில ஜாதகங்களை ஆய்வுக்கு எடுத்துகொள்வோம் அன்பர்களே!

லக்கினம் : தனுசு 

ராசி : கும்பம் 

நட்சத்திரம் : சதயம் 4ம் பாதம் 

சுய ஜாதகத்தில் ஜீவன ஸ்தானம் உபய ராசியில் வலிமை பெற்றும், லாப ஸ்தானம் சர ராசியில் வலிமை பெற்றும் அமைவது, ஜாதகருக்கு  10 ரூபாய் முதலீட்டில்  100 ரூபாய் வருமானம் பெரும் யோகத்தை தரும், மேற்கண்ட ஜாதகருக்கு குறிப்பிட்ட பாவக தொடர்பு ஜீவன ஸ்தானம் உபய ராசியில் வலிமை பெற்றும், லாப ஸ்தானம் சர ராசியில் வலிமை பெரும் அமர்ந்து இருப்பது ஜாதகருக்கு இறை அருள் கொடுத்த நற்கொடை எனலாம்.

மேலும் ஜாதகத்தில் பாவக தொடர்புகளின் வலிமை :

1,3ம் வீடுகள் வீர்ய ஸ்தானமான 3ம் பாவகத்துடன் சம்பந்தம் பெற்று வலிமை பெற்று  இருப்பது லக்கின பாவக வழியில் இருந்து ஜாதகர் நல்ல மனநிலை, பயணவிருப்பம், சகோதரம் மற்றும் உறவுகளுடன் நல்ல நட்பு, அவர்கள் உதவி என்ற வகையில் நன்மைகளையும், வீர்ய ஸ்தான வழியில் இருந்து ஜாதகர் செல்வசெழிப்பு, எதிரிகளை வெல்லுதல், நல்லமனநிலை, சிறந்த சிந்தனை ஆற்றல், உண்மை பேசுதல், தைரியம், சாகசம், பயண விருப்பம், கல்வியில் தேர்ச்சி, மாற்றம் மற்றும் புதிய சூழ்நிலைகளில் விருப்பம், ஏஜென்சி துறையில் வெற்றி வாய்ப்பு என்ற வகையில் யோகத்தை தரும்.

2,5ம் வீடுகள் பூர்வ புண்ணிய ஸ்தானமான 5ம் பாவகத்துடன் சம்பந்தம் பெறுவது, 2ம் பாவக வழியில் இருந்து  இசை ஞானம், திரைப்படம், நாடகம், விளையாட்டு, பொழுதுபோக்கு, குழந்தைகள் வழியில் சிறப்பான அதிர்ஷ்டத்தை தரும், 5ம் பாவக வழியில் இருந்து கலைகளில் தேர்ச்சி, புத்திசாலித்தனம், தீர்வு செய்யும் வல்லமை, வாத திறமை, செல்வ வளம், நல்ல குடும்பம், நல்ல குழந்தைகள், விளையாட்டில் ஆர்வம், காதல் வெற்றி, தர்ம சிந்தனை என்ற வகையில் யோகத்தை தரும்.

4,6,12ம் வீடுகள் பாக்கிய ஸ்தானமான 9ம் பாவகத்த்துடன் சம்பந்தம் பெறுவது ஜாதகருக்கு உயர் கல்வி ஞானம், வெளிநாடு யோகம், ஆராய்ச்சி மனப்பக்குவம், ரசாயனம், சுரங்கதுறை, ஸ்தல யாத்திரை, தர்ம சிந்தனை, ஏற்றுமதி இறக்குமதி  வியாபாரம் மூலம் சொத்து சுக சேர்க்கை உண்டாகும், 6ம் பாவக வழியில் பயணம் மூலம் லாபம், குறுகிய கால முதலீடுகளில் லாபம், எதிரிக்கு சிம்ம சொப்பனம், நுண்ணறிவு திறன், வருமுன் காக்கும்  வல்லமை, 12ம் பாவக வழியில் இருந்து ஜாதகர் முதலீடுகளில் அதிக லாபம், வெளிநாடுகளில் இருந்து வரும் யோகம், பயணம் மூலம் தொழில் விருத்தி, உல்லாச வாழ்ககை, தொழில் மற்றும் இருப்பிடத்தை மாற்றும் யோகம்என்ற வகையில் நன்மைகளை தரும்,

7,10ம் வீடுகள் ஜீவனஸ்தானமான 10ம் பாவகத்துடன் சம்பந்தம் பெறுவது, 7ம் பாவக வழியில் இருந்து, திருமணத்திற்கு பிறகு யோகம், நல்ல அந்தஸ்து உள்ள வாழ்க்கை துணை, அரசியல் வியாபாரத்தில் வெற்றி, சமூகத்தில் உயர் அந்தஸ்து என்ற வகையில் நன்மைகளை தரும், 10ம் பாவக வழியில் இருந்து உயர் தொழில் யோகம், வியாபாரத்தில் வெற்றி, செய்யும் தொழில் மூலம் யோக வாழ்க்கை, கம்பீரமான செயல்பாடுகள், தீர்க்கமான வாத திறமை மூலம் ஜீவன வெற்றிகளை பெரும் யோகத்தை தரும்.

11ம் வீடு லாப ஸ்தானமான 11ம் பாவகத்துடன் சம்பந்தம் பெறுவது மிகுந்த அதிர்ஷ்டசாலி, அனைத்திலும் லாபம், நல்ல குண நலன்கள் என்ற வகையில் யோகத்தை தரும்.

சுய ஜாதகத்தில் 8,9ம் பாவகங்கள்  மட்டும் பாதிக்கப்பட்டு இருக்கின்றது, மற்ற அணைத்தது  பாவகங்களும் மிகுந்த வலிமையுடன் இருக்கின்றது.

ஜாதகருக்கு ( 30/10/1996 முதல் 31/10/2013 வரை ) நடைபெற்ற புதன் திசை 11ம் வீடு லாப ஸ்தானமான 11ம் பாவகத்துடன் சம்பந்தம் பெற்று 100% விகித யோக பலாபலன்களை  வழங்கி இருப்பது ஜாதகரின் வாழ்க்கையில் அதிர்ஷ்டத்தின் தாக்கத்தை முழுமையாக வழங்கி இருக்கின்றது, மேலும் தற்போழுது நடைபெறும் கேது திசையும் ( 31/10/2013 முதல் 30/10/2020 வரை )  ஜாதகருக்கு 1,3ம் வீடுகள் வீர்ய ஸ்தானமான 3ம் பாவகத்துடன் சம்பந்தம் பெற்று யோக பலன்களை தருவது அபரிவிதமான செல்வாக்கை தரும், செல்வ செழிப்பு, புதிய  சொத்து சுக சேர்க்கை, வியாபார விருத்தி என்ற வகையில் சுப யோகங்களை வாரி வழங்குவது வரவேற்கத்தக்க விஷயம்.

சுய ஜாதகத்தில் ஜீவன ஸ்தானம் வலிமை பெறுவது ஜாதகருக்கு நல்ல ஜீவன  வாழ்க்கையை தரும், மற்ற பாவகங்கள் வலிமை பெறுவது ராஜயோக வாழ்க்கையையும், தன்னிறைவான பொருளாதார வசதியையும் தங்கு தடையின்றி வாரி வழங்கும், நடைபெறும் எதிர்வரும் திசாபுத்திகள் வலிமை  பெற்ற பாவக பலனை ஏற்று நடத்துவது ஜாதகரின் வாழ்க்கையில் தொய்வில்லாத தொழில் வெற்றிகளையும், முன்னேற்றங்களையும் வாரி  வழங்கும், மேற்கண்ட ஜாதகருக்கு 8ம் பாவக வழியில் இருந்து மட்டுமே சிறு சிறு இன்னல்கள் ஏற்படும், மற்றபடி ஜாதகருக்கு ஜீவன ரீதியாக மிகப்பெரிய அந்தஸ்தும், கவுரவம் குறையா யோக வாழ்க்கையையும் வாரி வழங்கும்.

வாழ்க வளமுடன்
ஜோதிடன் வர்ஷன்
9443355696

காலதாமதமாக திருமணம் செய்துகொள்வது யோக வாழ்க்கையை வழங்குமா ?

பொதுவாக சுய ஜாதகத்தில் காலதாமத திருமணம் பரிந்துரை செய்யும் சூழல் லட்சத்தில் ஒன்று அல்லது இரண்டு வரக்கூடும் அதற்க்கு காரணம் ஜாதகருக்கோ, ஜாதகிக்கோ சுய ஜாதகத்தில் 2,5,7,8,12ம் பாவகங்கள் அனைத்தும் கடுமையாக பாதிக்கப்பட்டு, நடைபெறும் திசாபுத்திகள் பாதிக்கப்பட்ட பாவக பலனை ஏற்று நடத்திக்கொண்டு இருக்கும் பொழுது, சம்பந்தப்பட்ட ஜாதகரோ, ஜாதகியோ திருமணத்திற்கு உண்டான முயற்சிகளை மேற்கொள்ளும் பொழுது, திருமணம் அமையாது, வீண் விரையம் மற்றும் மனஉளைச்சல்தான் அதிகரிக்கும், ஆனால் சுய ஜாதகத்தில் மேற்கண்ட பாவகங்கள் நல்ல வலிமையுடன் இருந்து, ஜாதகரை தாமத திருமணத்திற்கு பரிந்துரை செய்வது என்பது முற்றிலும் தவறான அணுகுமுறை, ஏனெனில் சுய ஜாதகத்தில் மேற்கண்ட பாவகங்கள் வலிமை பெற்று இருக்கும் பொழுதும், தற்போழுது நடைமுறையில் உள்ள திசை புத்தி வலிமை பெற்ற பாவக பலனை ஏற்று நடத்தும் பொழுதும், ஜாதகருக்கு சரியான பருவ வயதில் திருமணம் கூடி வரும், இதை உணர்ந்து சம்பந்தப்பட்ட ஜாதகருக்கு திருமணம் செய்து வைப்பதே உகந்த நடைமுறையாகும், ஒருவேளை சில விஷயங்களை காரணம் கூறி திருமண வாழ்க்கையை தள்ளிப்போடுவது, விரும்பத்தகாத உறவுகளை உருவாக்கி விடும், ஏனெனில் காலமும் நேரமும் எவருக்கும்  காத்து இருக்காது.

( பொதுவாக தொழில்,வீடு,வசதி,வாய்ப்புகள், வண்டி வாகனம், சொத்து, நிலம், பொருளாதார விஷயங்களை நாம் எந்த வயதிலும் சம்பாதித்து கொள்ள இயலும், ஆனால் திருமணம் என்பது பருவ வயதில் செய்துகொள்வதே உகந்தது, இந்த விஷயத்தில் தாமதம் செய்ய செய்ய நிச்சயமாக சுய ஜாதகத்தில் உள்ள அனைத்து யோகங்களும் பாழ்படும். )

சுய ஜாதகத்தில் 2,5,7,8,12ம் பாவகங்கள் அனைத்தும் கடுமையாக பாதிக்கப்பட்டு இருந்தால் மட்டுமே சம்பந்தப்பட்ட ஜாதகருக்கு கால தாமதத்தை பரிந்துரை செய்ய வேண்டும், மேற்கண்ட பாவகங்கள் பாதிக்கப்பட்டு இருந்தாலும், திருமணத்திற்கு உகந்த வயதில் நடைபெறும் திசாபுத்திகள் வலிமை பெற்ற பாவாக பலனை ஏற்று நடத்தினால், சம்பந்தப்பட்ட ஜாதகருக்கு காலதாமதம் செய்யாமல் திருமண வாழ்க்கையை அமைத்து தந்துவிடுவது, சிறந்த யோகம் நிறைந்த வாழ்க்கை துணையை பெறுவதற்கு வழிவகுக்கும், நடைபெறும் திசாபுத்தி ஜாதகருக்கு அந்த வாய்ப்பை நல்கிவிடும், சுய ஜாதகத்தில் மேற்கண்ட பாவகங்கள் யாவும் பாதிக்கப்பட்டு, நடைபெறும் திசாபுத்திகள் வலிமை பெற்ற பாவக பலனை தரவில்லை என்ற சூழ்நிலையில் மட்டுமே தாமத திருமணத்தை பரிந்துரை செய்ய வேண்டும், அதுவும் பாதிக்கப்பட்ட பாவக பலன்கள் நடைமுறையில் உள்ள காலம் வரையில் மட்டுமே இந்த விஷயம் பொருந்தும், இதை ஓர் உதாரண ஜாதகம் கொண்டு தெளிவு பெறுவோம்.

லக்கினம் : விருச்சகம்
ராசி : கடகம்
நட்ஷத்திரம் : பூசம் 3ம் பாதம்

ஜாதகருக்கு சுய ஜாதகத்தில்   2,5,7,8,12ம் பாவகங்களில் 8,12ம் பாவகத்தை தவிர மற்ற பாவகங்கள் மிகவும் வலிமையுடன் இருப்பது வரவேற்க தக்க அம்சமாகும், மேலும் 8ம் பாவகம் உபய ராசி தொடர்பை பெறுவதால் அதனால் யாதொரு இன்னல்களும் வாராது, 12ம் பாவகம் பாதிக்கப்படுவது மட்டுமே சற்று இன்னல்களை தர கூடும், ஜாதகர் தேர்வு செய்யும் வாழ்க்கை துணையின் ஜாதகத்தில் 12ம் பாவகம் பாதிக்கப்படாமல் இருப்பதுடன், 2,5,7,8ம் பாவகங்கள் வலிமையுடன் இருக்கும் ஓர் வதுவை தேர்வு செய்தால் போதும், ஜாதகரின்  திருமண வாழ்க்கை மிகவும் சிறப்பாக அமையும், குறிப்பாக வதுவின் ஜாதகத்தில் 2,5,7,8,12ம் பாவகங்கள் வலிமை பெற்று இருப்பதுடன், தற்போழுது நடைபெறும் திசா புத்தி, எடுத்துவரும் திசா புத்தி வலிமை பெற்ற பாவக பலனை  ஏற்று நடத்தும் அமைப்பில், பொருத்தமான வரனை தேர்வு செய்து  கொடுப்பது மட்டுமே ஜோதிடரின் கடமை.

மேற்கண்ட ஜாதகருக்கு தற்போழுது  நடைபெறும் திசை கேது என்பதால், அது இன்னல்களை  தரும் என்ற குருட்டு நம்பிக்கையில் ஜாதகருக்கு 31 வயதுக்கு மேல் திருமணம் செய்வது உகந்தது என்று பரிந்துரை செய்து இருக்க  கூடும் என்று  நம்புகிறேன், நடைபெறும் திசாபுத்திகள் எதுவென்ற போதிலும், சமபந்தப்பட்ட ஜாதகருக்கு சுய ஜாதகத்தில் எந்த பாவக பலனை ஏற்று நடத்துகிறது என்ற விஷயம் தெரியாத நிலையிலேயே மேற்கண்ட குழப்பங்கள்  ஏற்படுகிறது, ஜாதருக்கு தற்போழுது நடைபெறுவது  கேது  திசை ( 02/01/2014 முதல் 02/01/2021 வரை ) என்ற  போதிலும் அவர் ஏற்று நடத்தும் பாவக  தொடர்பு என்பது, 5,10,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்று முழு வீச்சில் லாப ஸ்தான பலனை ஏற்று நடத்துவது வரவேற்கத்தக்க அம்சமாகும், மேலும் கேது திசை ஜாதகருக்கு 5,10,11ம் பாவக வழியில் இருந்து  யோகங்களையே வாரி வழங்குகிறது.

தற்போழுது கேது திசையில் நடைபெறும் ராகு புத்தியும்  ( 02/12/2016 முதல் 21/12/2017 வரை ) ஜாதகருக்கு 10ம் வீடு லாப ஸ்தானமான 11ம் பாவகத்துடன் சம்பந்தம் பெற்று முழு வீச்சில் லாப ஸ்தான பலனை ஏற்று நடத்துகிறது என்பதால் ஜாதகர் திருமண வாழ்க்கையை தள்ளிப்போடாமல், உடனடியாக திருமணத்திற்கு உண்டான முயற்சிகளை மேற்கொண்டு வாழ்க்கையில் நலம்  பெறுவது அவசியமாகிறது,

குறிப்பு :

வாழ்க்கை துணையை தேர்வு செய்யும் பொழுது வதுவின் ஜாதகத்தில் 2,5,7,8,12ம் பாவகங்கள் மிகவும் வலிமை பெற்று இருப்பது, ஜாதகருக்கு யோகம் மிகுந்த வாழ்க்கையை வாரி வழங்கும்.

வாழ்க வளமுடன்
ஜோதிடன் வர்ஷன்
9443355696

தம்பதியர் ஜாதகத்தில் பூர்வபுண்ணிய ஸ்தான வலிமையையும், வாரிசு ( ஆண் ) யோகமும் !

 

 

தம்பதியரின் சுய ஜாதகத்தில் பூர்வபுண்ணிய ஸ்தானமான 5ம் வீடு பெரும் வலிமையின் அடிப்படையிலும், திருமணத்திற்கு பிறகு தம்பதியருக்கு நடைபெறும் திசா புத்திகள் ஏற்று நடத்து பாவக வலிமையின் அடிப்படையிலும், குழந்தைபாக்கியம் சிறப்பாக அமைகிறது, தம்பதியரின் சுய ஜாதகத்தில் பூர்வபுண்ணிய ஸ்தானம் வலிமை பெறுவதும், நடைமுறையில் உள்ள திசாபுத்திகள் வலிமை பெற்ற பாவக பலனை ஏற்று நடத்தும் பொழுது, குறுகிய காலத்தில் புத்திரபாக்கியமும், தனது சந்ததி விருத்தி பெற நல்ல ஆண் வாரிசும் அமைகிறது.

 மாறாக தம்பதியர் ஜாதகத்தில் புத்திர ஸ்தானம் எனும் 5ம் பாவகம் வலிமை அற்று இருப்பதோ, பாதக ஸ்தானத்துடன் தொடர்பு பெறுவதோ, நடைபெறும் திசா புத்திகள் வலிமை அற்ற பாவக பலனை ஏற்று நடத்துவதோ, புத்திர பாக்கியத்தில் தடைகளையும், ஆண் வாரிசு அற்ற தன்மையையும் ஏற்ப்படுத்துகிறது, குறிப்பாக தம்பதியர் ஜாதகத்தில் பூர்வ புண்ணிய ஸ்தானம் எனும் 5ம் வீடு பாதக ஸ்தானத்துடன் தொடர்பு பெறுவது என்பது, புத்திர பாக்கியத்தில் கடுமையான தடைகளையும், தாமதங்களையும் வாரி வழங்குகிறது, தனது சந்ததி விருத்தி பெற தம்பதியர், பல வேண்டுதல்கள் வழிபாடுகள் மற்றும் மருத்துவ சிகிச்சைகளை மேற்கொண்டு அவதியுற நேருகிறது, இத்தனை இன்னல்களை கடந்து ஓர் குழந்தை கிடைத்தாலும், அந்த குழந்தை வழியிலான இன்னல்களை தம்பதியர்கள் அதிக அளவில் சந்திக்கும் சூழ்நிலையை தருகிறது.

தம்பதியர் ஜாதகத்தில் பூர்வபுண்ணியம் எனும் 5ம் வீடு வலிமை பெற்று இருப்பின், நிச்சயம் அவர்களுக்கு தனது குலம் தழைக்க, நல்ல ஆண்வாரிசு அமையும், குழந்தை பிறந்த பிறகு அந்த குழந்தை வழியில் இருந்து சிறப்பான யோகங்களை தம்பதியர் நிச்சயம் பெறுவார்கள், தம்பதியர் ஜாதகத்தில் புத்திர ஸ்தானம் வலிமை பெற்றும், சந்தானபாக்கியம் அமையவில்லை எனில், நடைபெறும் திசை அல்லது புத்தி தம்பதியருக்கு பாதிக்கப்பட்ட பாவக பலனை ஏற்று நடத்திக்கொண்டு இருக்க கூடும், காலதாமதம் ஆனாலும் நிச்சயம் அவர்களுக்கு நல்ல ஆண்வாரிசு உண்டு என்பதால், பாதிக்கப்பட்ட பாவக பலன்கள் முடிவுக்கு வரும்வரை தம்பதியர் அவசரபடாமல் பொறுமையை கடைபிடிப்பதே சால சிறந்தது, இயற்கைக்கு  முரணாக மருத்துவ சிகிச்சை மேற்கொள்வது குழந்தை பிறப்பில் சிக்கல்களையும், தம்பதியருக்கு இன்னல்களையும் தர வாய்ப்பு உள்ளது, சுய ஜாதகத்தில் பாவகங்கள் வலிமையாக இருப்பின் எந்த ஒரு பயமும் இல்லமால், சற்று பொறுமை காப்பதே சரியான வழி, இதை ஓர் தம்பதியர் சுய ஜாதகம் கொண்டு தெளிவு பெறுவோம்..

கணவர் :

லக்கினம் : ரிஷபம்

ராசி : விருச்சகம் 

நட்ஷத்திரம் : கேட்டை 1ம் பாதம் 

மனைவி :

லக்கினம் : கடகம் 

ராசி : கடகம் 

நட்ஷத்திரம் : பூசம் 1ம் பாதம் 

தம்பதியர் இருவரது சுய ஜாதகத்திலும் புத்திர பாக்கியத்தை குறிக்கும் 5ம் பாவக வலிமை நிலை :

ஜாதகருக்கு 5ம் வீடு அதிர்ஷ்டம், லாபம் எனும் 11ம் பாவகத்துடன் சம்பந்தம் பெற்று மிக வலிமையுடன் இருப்பது ஜாதகருக்கு நல்ல புத்திர பாக்கியத்தை நல்கும் என்பது தெளிவாகிறது, மேலும் கால புருஷ தத்துவ அமைப்பிற்கு 5ம் வீடான சிம்மம் ஜீவன ஸ்தானத்துடன் சம்பந்தம் பெற்று மிக மிக வலிமையுடன் இருப்பது வரவேற்க தக்க அம்சமாகும், ஜாதகருக்கு பிறக்கும் குழந்தை  வழியில் இருந்து ஜாதகர் ஜீவன முன்னற்றம் மற்றும் அதிர்ஷ்டகரமான யோக வாழ்க்கையை பெறுவார் என்பது 100% விகிதம் உறுதியாகிறது.

ஜாதகிக்கு 5ம் வீடு பாக்கிய ஸ்தானமான 9ம் பாவகத்துடன் சம்பந்தம் பெறுவது இறை அருளின் கருணை மூலம் நல்ல வாரிசை பெறுவார் என்பது உறுதியாகிறது, மேலும் கால புருஷ தத்துவ அமைப்பிற்கு 5ம் வீடான சிம்மம் குடும்பம் ஸ்தானமான 2ம் பாவகத்துடன் சம்பந்தம் பெறுவது பிறக்கும் குழந்தைகள் வழியில் இருந்து நார்ப்பெயரும், சமுதாய அந்தஸ்த்தையும் நல்ல அறிவு திறனையும் பெறுவார், பிறக்கும் குழந்தையும் மேற்கண்ட யோக பலன்களை அனுபவிக்கும், மேலும் ஆன்மீகத்தில் அதிக ஈடுபாடு கொண்ட குழந்தையாக திகழும்.

தம்பதியர் இருவரது சுய ஜாதகத்திலும் பூர்வபுண்ணிய ஸ்தானம் வலிமை பெறுவதுடன், கால புருஷ தத்துவ அமைப்பிற்கு 5ம் வீடான சிம்மம் மிகவும் வலிமை பெற்று இருப்பது வரவேற்கத்தக்க அம்சமாகும்.

தம்பதியர் இருவருக்கும் தற்போழுது நடைபெறும் திசைபுத்தி தரும் பலன்கள் :

ஜாதகருக்கு நடைபெறும் சுக்கிரன் திசை 6,8,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று 6,8,12ம் பாவக வழியில் இன்னல்களை தருகிறது, சுக்கிரன் திசையில் தற்போழுது நடைபெரும் ராகு புத்தி வலிமை பெற்ற 2,10ம் பாவக பலனை தருவது சிறப்பான அம்சமாகும்.

ஜாதகிக்கு நடைபெறும் புதன் திசை 5ம் வீடு பாக்கிய ஸ்தானமான 9ம் பாவகத்துடன் சம்பந்தம் பெற்று புத்திர ஸ்தான பலனை ஏற்று நடத்துவது, நல்ல ஆண் வாரிசை புதன் திசையில் தரும், புதன் திசையில் தற்போழுது நடைபெறும்  ராகு புத்தி ஜாதகிக்கு 8,11ம் வீடுகள் பாதக ஸ்தானத்துடன் சம்பந்தம் பெற்று பாதக ஸ்தான பலனை தருவது இன்னல்களை தரும் என்ற போதிலும், 6,10ம் வீடுகள் புத்திர ஸ்தானமான 5ம் பாவகத்துடன் சம்பந்தம் பெறுவது ராகு புத்தி காலத்திலேயே நல்ல ஆண் வாரிசு உருவாகும் என்று உறுதியாக சொல்லலாம். 

கணவரின் ஜாதகத்தில் 6,8,12ம் பாவகம் பாதிப்பதும், மனைவியின் ஜாதகத்தில் 8,11ம் பாவகங்கள் பாதிப்பது மட்டும் இன்னல்களை  தரும் அமைப்பாகும், எனவே மேற்கண்ட பாவக வழியில் இருந்து வரும் இன்னல்களை தவிர்க்க முறையான பிரீதி பரிகாரங்களை தம்பதியர் இருவரும் மேற்கொள்வது  சாலச்சிறந்தது, மேற்கண்ட பாவக வழியில் இருந்து வரும் இன்னல்களை வெகுவாக குறைக்கும், தம்பதியரின் வாழ்க்கையில் யோகங்களை வாரி வழங்கும்.

வாழ்க வளமுடன் 

ஜோதிடன் வர்ஷன் 

9443355696