சுய ஜாதகத்தை இயக்குவது நவகிரகங்களின் வலிமையா? லக்கினம் முதல் பனிரெண்டு பாவகங்களின் வலிமையா?

கேள்வி :

சுய ஜாதகத்தை இயக்குவது நவகிரகங்களின் வலிமையா? லக்கினம் முதல் பனிரெண்டு பாவகங்களின் வலிமையா?

பதில் :

 நவ கிரகங்கள் பூமியில் ஜீவித்து இருக்கும் அனைத்து ஜீவா ராசிகளுக்கும் சரிசாம விகிதத்தில், தனது ஜீவகாந்த அலைகளை வாரி வழங்கிகொண்டு இருக்கின்றது. புவியில் பிறந்த மனிதர்கள் ஒவ்வொருவருக்கும் அவர் அவர் செய்த புண்ணிய பதிவிற்கு ஏற்ற வகையில் சுய ஜாதக பாவக வலிமை அமைகிறது, லக்கினம் முதல் பனிரெண்டு பாவகங்களின் வலிமை நவகிரகங்களின் ஜீவகாந்த அலையை பெற்று சம்பந்த பட்ட ஜாதகருக்கு, யோக பலன்களையோ அவயோக பலன்களையோ நடைமுறைக்கு கொண்டு வருக்கிறது, குறிப்பாக சுய ஜாதகத்தில் வலிமை பெற்ற பாவகங்கள் நவகிரகங்களின் ஜீவகாந்த அலைகளை பெற்று சுபயோக பலன்களையும், வலிமை அற்ற பாவகங்கள் நவகிரகங்களின் ஜீவகாந்த அலையை பெற இயலாமல் அவயோக பலன்களையும் தருகின்றது, இதில் ஒரு சுவாரஷ்யம் என்னவென்றால், சுய ஜாதக பாவக வலிமையை நிர்ணயம் செய்வதும் ஜெனன காலத்தில் லக்கினத்தை அடிப்படையாக கொண்டு அமரும் நவகிரகங்களின் நிலையே! 

உதாரணமாக சொல்ல வேண்டும் எனில் சுய ஜாதகத்தில் லக்கினம் முதல் பனிரெண்டு பாவகங்களையும் 12 பாத்திரங்களாக கற்பனை செய்து கொண்டால், அந்த பாத்திரங்களில் நிரப்பபடும் நீர்தான் நவகிரகங்களின் ஜீவா காந்த அலைகள், இதில் வலிமை பெற்ற பாவகம் என்பது நல்ல பாத்திரமாகவும், இதில் வலிமை அற்ற பாவகம் என்பது உடைந்த பாத்திரமாகவும் கற்பனை செய்து கொண்டால், வலிமை பெற்ற பாவகத்தில் நிரப்பபடும் ஜீவாகாந்த அலைகள் மூலம் ஜாதகர் யோக பலன்களையும், வலிமை அற்ற பாவகத்தில் நிரப்பபடும் ஜீவாகாந்த அலைகள் மூலம் ஜாதகர் அவயோக பலன்களையும், அனுபவிக்கு தன்மையை பெறுகிறார்.

அடுத்து நவகிரகங்கள் கால புருஷ தத்துவ அமைப்பிற்கு பெரும், ஆட்சி,உச்சம்,நட்பு,சமம்,பகை,நீசம் ஆகியவை சுய ஜாதகத்திற்கு யாதொரு நன்மை தீமையும் தருவதில்லை, குறிப்பாக சுய ஜாதகத்தில் கிரகங்கள் ஆட்சி,உச்சம்,நட்பு,சமம்,பகை,நீசம் ஆகிய நிலைகளில் இருப்பது சம்பந்தப்பட்ட ஜாதகருக்கு நன்மை தீமைகளை தரும் என்று கருதுவதும், தவறான அணுகுமுறையே, ஏனெனில் காலபுருஷ தத்துவ அமைப்பிற்கு நவகிரகங்கள் பெரும் வலிமையானது ( ஆட்சி,உச்சம்,நட்பு,சமம்,பகை,நீசம் ஆகியவை ) சுப,அவ யோகங்களை நிர்ணயம் செய்வதில்லை, லக்கினத்திற்கு நவகிரகங்கள் பெரும் வலிமை நிலையம், லக்கினம் முதல் பனிரெண்டு பாவகங்களுக்கு நவகிரகங்கள் பெரும் வலிமை நிலையுமே சுய ஜாதகத்திற்கு உண்டான நன்மை தீமை பலன்களையும், யோக அவயோக பலன்களையும் நிர்ணயம் செய்கிறது, இதன் அடிப்படையில் லக்கினம் முதல் பனிரெண்டு பாவகங்கள் பெரும் வலிமையையே, நவகிரகங்கள் தனது திசாபுத்திகளில் பலாபலன்களாக ஏற்று நடத்தும், எனவே சுய ஜாதகத்தில் லக்கினம் முதல் பனிரெண்டு பாவகங்கள் பெரும் வலிமையே சம்பந்த பட்ட ஜாதகருக்கு சுபயோகங்களையும், நன்மையான பலன்களையும் வாரி வழங்கும் என்பதில் தெளிவு பெறுவது அவசியமாகிறது.

சுய ஜாதகத்தை இயக்குவதில் ஜெனன நேரத்தில் அமையும், சுய ஜாதக பாவக வலிமையே ( பாவக வலிமையை நிர்ணயம் செய்வது ஜெனன நேரத்தில் உள்ள கிரக நிலை என்பது கவனிக்க தக்கது ) என்றால் அது மிகையில்லை. மேலும் சுய ஜாதக பாவக வலிமை என்பது அவரவர் பதிவிற்கு ஏற்ற வகையில் அமையும் என்பதும், ஒருவருக்கு இருக்கும் ஜாதக பாவக வலிமை போல், மற்றொருவருக்கு இருக்காது என்பது  ( இரட்டை குழந்தை என்ற போதிலும் ) கூடுதல் விஷயம் ஆகும்.

சுய ஜாதகத்தில் காலபுருஷ தத்துவ அமைப்பிற்கு நவ கிரகங்கள் பெரும் ( ஆட்சி,உச்சம்,நட்பு,சமம்,பகை,நீசம் ) வலிமையை கருத்தில் கொள்ளாமல், லக்கினத்திற்கும், லக்கினம் முதல் பனிரெண்டு பாவகங்களுக்கும் நவகிரகங்கள் தரும் வலிமையை கருத்தில் கொண்டும், பனிரெண்டு பாவகங்களின் வலிமை மற்றும் நவகிரகங்கள் தனது திசாபுத்திகளில் ஏற்று நடத்தும் பாவகங்கள் ஜாதகருக்கு தரும் நன்மை தீமை, யோக அவ யோகங்களை கருத்தில் கொண்டு சுய ஜாதக பலாபலன்கள் காண்பதே சரியான முறை, அதுவே சம்பந்தப்பட்ட ஜாதகருக்கு துள்ளியாமான ஜாதக பலன்களை கூற உதவும், இத்துடன் நவகிரகங்கள் ஏற்று நடத்தும் பாவகங்களுக்கு கோட்சார கிரகங்கள் தரும் பலாபலன்களையும் கருத்தில் கொள்வது நலம் தரும்.

வாழ்க வளமுடன்

ஜோதிடன் வர்ஷன் 

9443355696

சுய ஜாதக வலிமை பற்றி தெளிவு பெறுவது, சம்பந்தப்பட்ட ஜாதகரின் வாழ்க்கையில் முன்னேற்றத்தை பெற்று தருமா ?

கேள்வி :

 சுய ஜாதக வலிமை பற்றி தெளிவு பெறுவது, சம்பந்தப்பட்ட ஜாதகரின் வாழ்க்கையில் முன்னேற்றத்தை பெற்று தருமா ? அல்லது தன்னம்பிக்கையும், கடின உழைப்பும் வாழ்க்கையில் வெற்றியை பெற்று தருமா ?

பதில் :

 " அவன் இன்றி ஓர் அணுவும் அசைவதில்லை  " எனவே ஒருவரின் வாழ்க்கையில் வரும் நன்மை தீமை, யோக அவயோகங்கள் அனைத்தும், சுய ஜாதகங்களில் உள்ள பாவகங்களின் வலிமையின் அடிப்படையிலும், நவகிரகங்களின் திசை புத்தி ஏற்று நடத்தும் பாவகங்களின் வலிமையின் அடிப்படையிலும், கோட்சார கிரகங்கள் திசை புத்தி ஏற்று நடத்தும் பாவகங்களுக்கு வழங்கும் கோட்சர பலன்களுக்கு ஏற்பவும் நடைமுறைக்கு வருகிறது, மேலும் தங்களின் கடின உழைப்பின் தன்மையையும், தாங்கள் கொண்டுள்ள தன்னம்பிக்கையின் வலிமையை பற்றியும் நிர்ணயம் செய்வதே சுய ஜாதகத்தில் உள்ள பாவக வலிமையே என்பதை கருத்தில் கொள்வது நலம் தரும்,  "எண் சாண் உடம்பிற்கு சிரசே பிரதானம்" என்பதற்கு இணங்க தங்களின் அனைத்து நிகழ்வுகளையும் உடல் உயிராகிய லக்கினம் முதற்கொண்டு பனிரெண்டு பாவகங்களே ஆதாரமாக அமைகிறது, ஆக தங்களுக்கு நடக்கும் நன்மை தீமை, யோக அவயோகங்களுக்கு அடிப்படையாக விளங்குவது சுய ஜாதக வலிமையே எனும் பொழுது, தங்களின் தன்னம்பிக்கையை கொண்டும், கடின உழைப்பை கொண்டும் சுய ஜாதகத்தில் இல்லாத ஒரு யோக வாழ்க்கையை தாங்கள் பெற இயலாது என்பதை கருத்தில் கொள்வது தங்களுக்கு நன்மைகளை தரும்.

சுய ஜாதக பாவக வலிமையை உணர்வது தங்களுக்கு எவ்வித நன்மைகளை தரும் என்பதை விளக்கம் தர "ஜோதிடதீபம்" கடமை பட்டுள்ளது, ஏனெனில் சுய ஜாதக வலிமையே தங்களின் இயக்கங்களுக்கும், செயல்பாட்டிற்கும் முழுமுதற் காரணமாக அமைகிறது, சுய ஜாதக வலிமை இன்றி தங்களால் ஓர் சிறு துரும்பை கூட கிள்ளி போட முடியாது.

லக்கினம் எனும் முதல் பாவகம் வலிமை பெறுவது தங்களின் வாழ்க்கையில், நல்ல உடல் நலம், மனநலம், வளரும் சூழ்நிலை, நீண்ட ஆயுள், சுய தேடுதல் மூலம்  வெற்றி மற்றும் கீர்த்தியை பெறுதல், நல்ல குண நலம் ஆகியவற்றை பெற இயலும்.

குடும்ப ஸ்தான வலிமையின் மூலம் தங்களின் வாழ்க்கையில், நல்ல கை நிறைவான வருமானம், குடும்ப வாழ்க்கையில் மகிழ்ச்சி, இனிமையான பேச்சு திறன், தன்னிறைவான பொருளாதார வசதி வாய்ப்பு, வாழ்க்கை துணையுடனான சந்தோசம், அவர்கள் வழியிலான ஆதரவு ஆகியவற்றை பெற இயலும்.

வீர்ய ஸ்தான வழியில் இருந்து ஜாதகரின் வெற்றிகளையும், சுக ஸ்தான வழியில் இருந்து வண்டி வாகன யோகம், வீடு, வசதி வாய்ப்புகள், சுக போகம், சுபயோக வாழ்க்கையையும், பூர்வ புண்ணிய ஸ்தான வழியில் இருந்து, நல்ல அறிவு திறன் சமயோசித புத்திசாலித்தனம், குல தேவதையின் ஆசியையும், சத்ரு ஸ்தான வழியில் இருந்து போட்டி பந்தயம், வழக்குகளில் வெற்றி, எதிரிகளை வெற்றிகொள்ளும் திறன் மற்றும் நல்ல உடல் ஆரோக்கியத்தையும், களத்திர ஸ்தான வழியில் இருந்து நல்ல வாழ்க்கை துணை, நண்பர்கள், கூட்டாளிகள் மற்றும் மக்கள் ஆதரவு வியாபாரத்தில் வெற்றிகளையும், ஆயுள் ஸ்தான வழியில் இருந்து திடீர் புதையல் யோகத்தையும், நீண்ட ஆயுள் மற்றும் திடீர் செலவுகளை தவிர்க்கும் அமைப்பையும், பாக்கிய ஸ்தான வழியில் இருந்து முன்னோர்கள் ஆசி, சிறந்த அறிவாற்றல், கல்வியில் நல்ல ஞானம், இறை அருளின் கருணையையும்.

ஜீவன ஸ்தான வழியில் இருந்து தொழில் வாய்ப்புகளையும், சுய கவுரவம், சமூக அந்தஸ்து, செய்யும் தொழில் வழி முன்னேற்றம், பதவி, வேலை, அரசு கவுரவம் போன்றவற்றையும், லாப ஸ்தான வழியில் இருந்து வாழ்க்கையில் ஜாதகரின் யோகம், அதிர்ஷ்டம், தன்னம்பிக்கை, முற்போக்கு சிந்தனை, ஜாதகர்  பெரும் வெற்றிகள், நீடித்த அதிர்ஷ்டம் ஆகியவற்றையும், விரைய ஸ்தான வழியில் இருந்து ஜாதகர் நல்ல அயன சயன யோகம், தாம்பத்திய வாழ்க்கையில் இன்பம், நல்ல உறக்கம், மனநிம்மதி, முதலீடுகளில் வரும் பெரும் லாபம், பெரும் அதிர்ஷ்டம், சந்தோசம் ஆகியவற்றையும் சம்பந்தம் பட்ட  ஜாதகர் பெற இயலும்.

 லக்கினம் முதல் பனிரெண்டு பாவகங்களின் வலிமை ஜாதகருக்கு சம்பந்தப்பட்ட பாவக வழியில் இருந்து நன்மைகளையும், யோகங்களையும் வாரி வழங்கும், லக்கினம் முதல் பனிரெண்டு பாவகங்களின் வலிமையற்ற தன்மை, ஜாதகருக்கு சம்பந்தப்பட்ட பாவக வழியில் இருந்து தீமைகளையும் அவயோகங்களையும் வாரி வழங்கும். எனவே தங்களின் சுய ஜாதக பாவக வலிமையை பற்றி தெளிவு பெறுவது தங்களின் வாழ்க்கையில் வரும் நன்மை தீமைகளை பற்றியும், யோக அவயோகங்களை பற்றியும் மிக தெளிவாக உணர்ந்து கொள்ள முடியும், மேலும் நடைபெறும் திசாபுத்திகள் தரும் பலாபலன்கள் பற்றிய தெளிவு பெறுவது, தங்களுக்கு கடந்த காலம் பற்றிய அனுபவத்தையும், நிகழ்காலத்தில் தங்கள் மேற்கொள்ள வேண்டிய நடவடிக்கைகள் பற்றியும், எதிர்காலத்தில் தாங்கள் பெரும் முன்னேற்றம் மற்றும் முன்னெச்சரிக்கை நடவடிக்கைகள் பற்றியும் மிக துல்லியமாக அறிந்துகொள்ள முடியும், எனவே தங்களின் சுய ஜாதக வலிமையை பற்றி தெளிவு பெறுவது தங்களின் வாழ்க்கையில் சிறந்த திட்டமிடுதல்கள் மூலம் மிகப்பெரிய அறிய பல சாதனைகளையும், தன்னிறைவான யோக வாழ்க்கையையும் பெற உதவும் என்பதை கருத்தில் கொள்வது நலம் தரும்.

சுய ஜாதக வலிமை பற்றி தெளிவு பெறுவது தங்களை பற்றி ஒரு சுய தேடுதல் மற்றும் தனது வலிமை மற்றும் வல்லமையை பற்றி ஒரு சரியான முடிவுக்கு வர இயலும், நவகிரகங்களின் திசாபுத்திகள் தரும் ( ஏற்று நடத்தும் பாவக பலன்கள் ) பலாபலன்கள் பற்றி தெளிவு பெறுவது தங்களின் முன்னேற்றத்திற்கு உண்டான திட்டமிடுதல்களையும், முன்னெச்சரிக்கை நடவடிக்கைகள் பற்றியும் துல்லியமாக செயல்படுத்த சிறப்பாக உதவி புரியும்.

தங்களின் கடின உழைப்பு சரியான நேரத்தில் அமைந்தால் அது தங்களுக்கு முழு பலனை தரும், மாறாக சரியான நேரம் அறியாமல் தாங்கள் கடின உழைப்பை  போடுவது, கடின உழைப்பிற்க்கேற்ற பலன் பெற இயலாமல் வீண் விரையம் ஆக அதிக வாய்ப்பு உண்டு அல்லது தங்களின் கடின உழைப்பு மற்றவருக்கு பலன்தர வாய்ப்பு உண்டு, இதனால் தங்களின் உழைப்பும் வீணாகும், தன்னம்பிக்கையும் வெகுவாக குறையும், சுய ஜாதகத்தில் பாவகங்கள் வலிமை பெற்று இருக்கவில்லை எனில் தங்களின் தன்னம்பிக்கை, கடின உழைப்பு ஆகியவைகள் வெறும் திட்டமிடுதல்களுடன் நின்றுவிடும், நடைமுறைக்கும் செயல்பாட்டிற்கும் வரவே வாராது என்பதை கருத்தில் கொண்டு தங்களின் சுய ஜாதக வலிமை மற்றும் நவகிரகங்கள் திசாபுத்தி  ஏற்று நடத்தும் பாவக வலிமை அறிந்து தங்களின் வாழ்க்கையில் 100% விகித யோக வாழ்க்கையை பெறுக, "வாழ்த்துக்கள்"

குறிப்பு :

 சுய ஜாதக வலிமையின் அடிப்படையிலே ஒவ்வொருவரின் வாழ்க்கையிலும் நன்மைதீமை, யோக அவயோகங்கள் நடைமுறைக்கு வருகின்றது என்பதை அனைவரும் கருத்தில் கொள்வது நலம் தரும், சுய ஜாதக வலிமையை பற்றி தெளிவு பெறுவது தங்களின் வாழ்க்கையில் வரும் இன்னல்களையும் துன்பங்களையும் தவிர்த்து, நன்மைகளையும் யோக வாழ்க்கையையும் பெற உதவும்.

வாழ்க வளமுடன் 
ஜோதிடன் வர்ஷன் 
9443355696

வாஸ்து சாஸ்த்திரமும் சுய ஜாதக பாவக வலிமையும் !

" எண் சாண் உடம்புக்கு சிரசே பிரதானம் " என்பதற்கு இணங்க சுய ஜாதகத்தில் லக்கினமே அடிப்படையாக விளங்குகிறது, மேலும் பனிரெண்டு பாவகங்களின் வலிமை சம்பந்தப்பட்ட ஜாதகருக்கு யோக வாழ்க்கையை நல்கிறது, இதில் ஒருவர் வசிக்கும் வீடு வாஸ்து சாஸ்த்திர முறைப்படி இருப்பின், சம்பந்தப்பட்ட ஜாதகருக்கு யாதொரு இன்னல்களும் வர வாய்ப்பில்லை என்பதும், ஜாதகர் சுய ஜாதக ரீதியாக வரும் இன்னல்களில் இருந்து விடுபடுவார் என்பதும் ஏற்றுக்கொள்ள இயலாத ஒன்றாகவே " ஜோதிடதீபம் " கருதுகிறது, " அவனின்றி ஓர் அணுவும் அசையாது " என்ற இறைஅருளின் கருணைக்கு இணங்க ஒருவரின் வாழ்க்கையில் நடைபெறும் சகல நிகழ்வுகளையும் சுய ஜாதக வலிமையே நிர்ணயம் செய்கின்றது, சுய ஜாதகத்தில் ஒருவருக்கு சுக ஸ்தானம் எனும் 4ம் பாவகமும், கால புருஷ தத்துவ அமைப்பிற்கு 4ம் ராசியான கடகமும் மிகவும் வலிமையுடன் இருப்பின், சம்பந்தப்பட்ட ஜாதகருக்கு குடியிருப்பதற்கு, நிறைவான வசதி மற்றும் சரியான வாஸ்து  கொண்ட வீடு இயற்கையாகவே அமைந்துவிடும்.

 எனவே ஒருவருக்கு நல்ல வாஸ்து அமைந்த வீடு கிடைப்பதற்கு, சுய ஜாதக பாவக வலிமையே அடிப்படையாக விளங்குகிறது, சுய ஜாதகத்தில் இல்லாத ஓர் விஷயத்தை வாஸ்து முறைப்படி அமைந்த வீடு கொடுத்துவிட வாய்ப்பு இல்லை, அனைத்திற்கும் மூலஆதரமாக அமைவது சுய ஜாதக வலிமையே என்றால் அது மிகையில்லை, மேலும் சுய ஜாதகத்தில் 4ம் பாவகம் பெரும் வலிமையின் அடிப்படையிலும், 4ம் வீடு தொடர்பு பெரும்  பாவகம் குறிப்பிடும் திசை சார்ந்த வாயிற்படி கொண்ட வீடுகளில் குடியிருப்பது, சம்பந்தப்பட்ட ஜாதகரின் வாழ்க்கையில் சகல நலன்களையும் வாரி வழங்கும், தனக்கு உகந்த திசை அற்ற வாயிற்படி கொண்ட வீடுகளில் குடியிருக்கும் அன்பர்களுக்கு ( சம்பந்தப்பட்ட வீடு வாஸ்து பிரகாரம் அமைந்து இருப்பினும் ) கடுமையான நெருக்கடிகளையும் அதிக அளவிலான இன்னல்களையும் வாரி வழங்கி விடும், ஜாதகர் தமது வாழ்க்கையில் சுய ஜாதகப்படி அனுபவிக்க வேண்டிய இன்னல்களில் இருந்து வாஸ்து நன்றாக அமைந்த வீடு நிச்சயம் காப்பாற்ற வழியில்லை, ஏனெனில் சுய ஜாதக வலிமையின் அடிப்படையிலேயே நாம் குடியிருக்கும் வீடுகளையும், நாம் புதிதாக கட்டும் வீடுகளையும் நிர்ணயம் செய்வது சாலச்சிறந்தது, இதை கருத்தில் கொண்டே நமது முன்னோர்கள் 2 தலைமுறைக்கு பிறகு வீடுகளை மாற்றி அமைத்துக்கொண்டு இருந்தனர் அல்லது புதிய வீடுகளை தமது சந்ததிகளுக்கு அவர் அவர்களுக்கு உகந்தபடி புதிதாக கட்டி கொடுத்தனர், இதனால் யாதொரு இன்னல்களும் இன்றி அவர்களது சந்ததிகளும், அவர்களும் சுகபோக வாழ்க்கையில் யாதொரு நெருக்கடியும் இன்றி சிறப்பாக வாழ்ந்தனர்.

 தகப்பனாருக்கு உகந்த கிழக்கு திசை வாயிற்படி மகனுக்கு ஏற்றதாக இல்லை எனில் சம்பந்தப்பட்ட குடும்பத்தில் மகனின் ஆதிக்கமும் வெற்றியும் தட்டி பறிக்கப்படும், மகனின் உழைப்பு திறமை யாவும் குடத்தில் இட்ட விளக்குபோல் பயனற்றதாக மாறிவிட அதிக வாய்ப்பு உண்டு, எனவே சுய ஜாதகத்தில் 4ம் பாவக வலிமையை அடிப்படையாக கொண்டு, அவரவருக்கு உகந்த திசை கொண்ட வீடுகளில் குடியிருப்பதே சகல நன்மைகளையும் தரும், ஜாதகரின் உழைப்பும் வீணாகாது, சகல விதங்களில் இருந்தும் நன்மைகளை பெறலாம், தனக்கு பொருத்தம் இல்லாத வீடுகளில் ( அது அரண்மனையாக இருந்தாலும் கூட ) குடியிருப்பது சம்பந்தப்பட்ட ஜாதகரின் வாழ்க்கையில் 100% சதவிகித இன்னல்களையே வாரி வழங்கும், வாஸ்து சாஸ்த்திரத்தை தனக்கு உகந்த வகையில் ( சுய ஜாதக வலிமைக்கு ஏற்ப )  பயன்படுத்திக்கொண்ட அன்பர்களே, வாழ்க்கையில் சகல யோகங்களையும் மிகசிறந்த  முன்னேற்றங்களையும் பெற்று உள்ளனர்.

உதாரணமாக ஒருவரது சுய ஜாதத்தில் லக்கினம் மற்றும் நான்காம் பாவகம் களத்திர  ஸ்தானமான 7ம் பாவகத்துடன் சம்பந்தம் பெரும் பொழுது ஜாதகர் மேற்கு திசை சார்ந்த வாயிற்படி கொண்ட வீட்டில் குடியிருப்பது சகல யோகங்களையும் வாரி வழங்கும், மேலும் தனது ஜீவனம் சார்ந்த விஷயங்களை மேற்கு திசை சார்ந்த வாயிற்படி கொண்ட அலுவலகமாக பார்த்துகொள்வது சிறப்பு மிக்க ஜீவன முன்னேற்றத்தை தரும், மேற்கண்ட விஷயம் சர லக்கினத்தாருக்கும், ஸ்திர லக்கினத்தாருக்கும் பொருந்தும் ஆனால் உபய லக்கினத்தாருக்கு முற்றிலும் பொருந்தாது, ஏனெனில் உபய லக்கினத்தாருக்கு 7ம் பாவகம் பாதக ஸ்தானமாக அமையும் என்பதால், சுய ஜாதகத்தில் உபய லக்கினம் பெற்றவர்களுக்கு 1,4ம் வீடுகள் பாதக ஸ்தானமான 7ம் பாவகத்துடன் சம்பந்தம் பெற்று இருப்பின் அவர்கள் மேற்கு திசை சாந்த வீடுகளில் குடியிருப்பது உகந்தது அல்ல ஏனெனில் 200% சதவிகித இன்னல்களையும் துன்பங்களையும் தரும்.

சுய ஜாதகத்தில் 4ம் பாவகம் தொடர்பு படுத்தும் திசை சார்ந்த வீடு மற்றும் அலுவலகங்களை பயன்படுத்தும் பொழுது சம்பந்தப்பட்ட ஜாதகரின் வாழ்க்கையில் சகல நன்மைகளும் தேடிவரும், இதில் யாதொரு மாற்றமும் இல்லை ஆனால் தொடர்பு பெரும் வீடு பாதக ஸ்தானமாக அமைந்து, பாதக ஸ்தானம் குறிக்கும் திசையில் குடியிருப்பது சம்பந்தப்பட்ட ஜாதகரின் வாழ்க்கையை கடுமையாக பாதிப்பிற்கு ஆளாக்கும்.

பொதுவாக சுய ஜாதகத்தில் சுக ஸ்தானம் என்கின்ற 4ம் பாவகமும், காலபுருஷ தத்துவத்திற்கு  4ம் ராசியான கடகமும் வலிமை பெற்று இருப்பின் சம்பந்தப்பட்ட ஜாதகர் வாஸ்து சார்ந்த கவலைகளை விட்டுவிடலாம், ஏனெனில் இயற்கையாகவே அவர்களுக்கு வசிப்பதற்கு சரியான வாஸ்து அமைந்துள்ள வீடு கிடைத்துவிடும், சுய ஜாதகத்தில் 4ம் பாவகம் பாதிக்கப்பட்டும் காலபுருஷ தத்துவத்திற்கு 4ம் ராசியான கடகமும் கடுமையாக பாதிக்கப்பட்டு இருப்பவர்கள் மட்டுமே மிகுந்த எச்சரிக்கையாக தான் குடியிருக்கும் வீட்டினை தேர்வு செய்ய வேண்டி வரும், சுய ஜாதகத்தில் வலிமை பெற்ற பாவகம் குறிப்பிடும் திசை சார்ந்த வீடுகளை தேர்வு செய்து வசிப்பது, பாதிக்கப்பட்ட 4ம் பாவாக கெடுதல்களை வெகுவாக குறைக்கும், யோக வாழ்க்கைக்கு சரியான வழிகாட்டும்.

குறிப்பு :

ஒருவருக்கு சரியான வாஸ்து அமைந்த வீடு கிடைப்பதும் சுய ஜாதகத்தில் உள்ள பாவக வலிமையே, எனவே சுய ஜாதக வலிமையை அடிப்படையாக கொண்டு தமக்கு உகந்த வீட்டை தேர்வு செய்வதே சாலச்சிறந்தது.

வாழ்க வளமுடன் 
ஜோதிடன் வர்ஷன் 
9443355696

பாதக ஸ்தான வழியில் இருந்து ஜாதகர் படும் அவஸ்தைகள் !

கேள்வி :

பாதக ஸ்தானம், பாதக ஸ்தான அதிபதி, பாதக ஸ்தான அதிபதி நின்ற பாவகம், பாதக ஸ்தான அதிபதியின் திசை,புத்தி, அந்தரம் மற்றும் சூட்சமம் ஆகியவை ஒரு ஜாதகருக்கு அதிக அளவில் இன்னல்களை மட்டுமே வழங்குமா?

பதில் :

இது ஒரு சிறந்த கேள்வியாக "ஜோதிடதீபம்" கருதுகிறது, பாதக ஸ்தானம், பாதக ஸ்தான அதிபதி, பாதக ஸ்தான அதிபதி நின்ற பாவகம், பாதக ஸ்தான அதிபதியின் திசை,புத்தி, அந்தரம் மற்றும் சூட்சமம் ஆகியவை ஒரு ஜாதகருக்கு அதிக அளவில் இன்னல்களை மட்டுமே தரும் என்பது முற்றிலும் சுய ஜாதக பாவக வலிமையை கருத்தில் கொள்ளாமல் கூறப்படும் வாதமாகவே கருதலாம், இதை பற்றி சற்று விளக்கமாக இந்த பதிவில் சிந்திப்போம் அன்பர்களே!

பாதக ஸ்தானம் :

சர லக்கினத்திற்கு 11ம் வீடும், ஸ்திர லக்கினத்திற்கு 9ம் வீடும், உபய லக்கினத்திற்கு 7ம் வீடும் பாதக ஸ்தானங்களாக அமையும், ஒருவரது சுய ஜாதகத்தில் லக்கினம் முதல் பனிரெண்டு பாவகங்கள், அந்த லக்கினத்திற்கு பாதக ஸ்தானத்துடன் எவ்விதத்திலும் சம்பந்தம் பெறவில்லை எனில் சம்பந்த பட்ட ஜாதகருக்கு பாதக ஸ்தானத்தால் எவ்வித இன்னல்களும் நடைமுறைக்கு வாராது, லக்கினம் முதல் பனிரெண்டு பாவகங்கள், அந்த லக்கினத்திற்கு பாதக ஸ்தானத்துடன் ஏதாவது ஒன்றோ அல்லது ஒன்றிற்கு மேற்ப்பட்ட வீடுகளோ தொடர்பு பெறுமாயின், தொடர்பு பெரும் வீடுகள் அமைப்பில் இருந்து பாதக ஸ்தான பலன்கள் நடைமுறைக்கு வரும்.

பாதக ஸ்தான அதிபதி :

ஒரு ஜாதகத்தில் பாதக ஸ்தான அதிபதியை நிர்ணயம் செய்ய சில விதி முறைகள் உண்டு, மேலும் பாதக ஸ்தான அதிபதி என்றாலே அவர் இன்னல்களை மட்டும் தருவார் என்று கருதுவது, சுய ஜாதக உண்மைக்கு முற்றிலும் புறம்பானதாக அமையும் என்பதை கருத்தில் கொள்க, சுய ஜாதகத்தில் பாதக ஸ்தான அதிபதி சுப தொடர்பு பெற்றால் அவரும் நன்மையை தரும் அருகதை உள்ளவராகிறார்.

பாதக ஸ்தான அதிபதி நின்ற வீடு :

பாதக ஸ்தான அதிபதி நின்ற பாவகம் அல்லது வீடு ஒருவருக்கு இன்னல்களை தரும் என்று கருதுவதும், ஜாதக உண்மைக்கு புறம்பானதாகவே கருத வேண்டி உள்ளது, பாதக ஸ்தான அதிபதி நின்ற வீடு சுப பாவக தொடர்பை பெற்றால் நிச்சயம் மிகுந்த நன்மைகளையே செய்யும் என்பதை கருத்தில் கொள்க.

பாதக ஸ்தான அதிபதியின் திசை,புத்தி, அந்தரம் மற்றும் சூட்சமம் :

பாதக ஸ்தான அதிபதியின் திசை,புத்தி, அந்தரம் மற்றும் சூட்சமம் ஆகியவை இன்னல்களை தரும் என்று கருதுவதும் முற்றிலும் தவறான கருத்தே, ஏனெனில் பாதக ஸ்தான அதிபதியின் திசா,புத்தி,அந்தரம் மற்றும் சூட்சமங்கள் வலிமை பெற்ற பாவக தொடர்பை பெற்று பலனை தந்தால் சம்பந்தப்பட்ட ஜாதகருக்கு பாதக ஸ்தானம் மற்றும்  வலிமை பெற்ற பாவக வழியில் இருந்து மிகுந்த யோக பலன்களே நடைமுறைக்கு வரும்.

மேற்கண்ட விஷயங்களை உதாரண ஜாதகம் கொண்டு ஆய்வு செய்வோம் அன்பர்களே !

பாதக ஸ்தானம் :

மேற்கண்ட ஜாதகருக்கு பாதக ஸ்தானம் 11ம்  பாவகம் ஆகும், இந்த பாதக ஸ்தானத்துடன் சம்பந்தம் பெறுவது 5,11 ம் வீடுகள் ஆகும், எனவே ஜாதகருக்கு 5,11ம் வீடுகள் பாதக ஸ்தானமான 11ம் பாவகத்துடன் சம்பந்தம், இதனால் ஜாதகர் 5,11ம் பாவக வழியில் இருந்து 2௦௦ சதவிகித இன்னல்களை சந்திக்கும் நிலையை தரும்.

பாதக ஸ்தான அதிபதி :

மேற்கண்ட ஜாதகருக்கு பாதக ஸ்தான அதிபதியாக பொறுப்பு வகிப்பவர் கேது பகவன் ஆவார், இவர் தனது திசையில் வலிமை பெற்ற லக்கினம் மற்றும் களத்திர பாவக பலனை ஏற்று நடத்துவது சிறப்பான நன்மைகளை வாரி வழங்கும் அமைப்பாகும்.

பாதக ஸ்தான அதிபதி நின்ற வீடு :

பாதக ஸ்தான அதிபதி நின்ற வீடு சுக ஸ்தானமான 4ம் பாவகமாகும், சுய ஜாதகத்தில் நான்காம் வீடு மாத்ரு ஸ்தானமான 4ம் பாவகத்துடன் சம்பந்தம் பெறுவது மிகுந்த நன்மையை தரும் அமைப்பாகும், எனவே பாதக ஸ்தான அதிபதி நின்ற வீடும் ஜாதகருக்கு மிகவும் வலிமையான சுக போகங்களை வாரி வழங்குகிறது.

பாதக ஸ்தான அதிபதியின் திசை,புத்தி, அந்தரம் மற்றும் சூட்சமம் :

பாதக ஸ்தான அதிபதியான கேது பகவானின் திசை,புத்தி, அந்தரம் மற்றும் சூட்சமம் அனைத்தும் 1,7ம் வீடுகள் களத்திர ஸ்தானமான 7ம் பாவக பலனையே ஏற்று நடத்துவது வரவேற்க தக்க அம்சமாகும் என்பதை கருத்தில் கொள்வது நல்லது, ஆனால் இந்த ஜாதகத்தில் முழு சுபர் என்று ஜோதிடர்களால் வருணிக்கப்படும் குரு பகவான் 5,11ம் வீடுகள் பாதக ஸ்தானமான 11ம் பாவகத்துடன் சம்பந்தம் பெற்று பாதக ஸ்தான பலனை ஏற்று நடத்துவது குரு  திசை,புத்தி, அந்தரம் மற்றும் சூட்சமம் அனைத்திலும் பாதக ஸ்தான பலனை முழு வீச்சில் வழங்கும் என்பதை கவனிக்கவும், பாரம்பரிய முறைபடி எடுத்து கொண்டாலும் பாதக ஸ்தான அதிபதியாக கருதும் சுக்கிரன் தனது  திசை,புத்தி, அந்தரம் மற்றும் சூட்சமம் காலத்தில் விறைய ஸ்தானமான 12ம் பாவக பலனையே நடத்துகிறார், அதுவும் 3௦ சதவிகித இன்னல்களை மட்டுமே தருகிறார் என்பது கவனிக்க தக்கது, எந்த விதத்திலும் பாதக ஸ்தான பலனை தரவில்லை என்பதை சற்று ஆய்வு செய்தால் தெளிவாக தெரிய வரும்.

வாழ்க வளமுடன் 
ஜோதிடன் வர்ஷன் 
9443355696

நவகிரக திசாபுக்திகள் எனது ஜாதகத்திற்கு வழங்கும் யோக அவயோக நிலையை பற்றி விளக்கம் தர வேண்டுகிறேன் !

கேள்வி :

2க்கு உடைய சூரியன் திசை மிகுந்த சிரமங்களையே தந்துள்ளது, எதிர்வரும் லக்கினாதிபதி சந்திரன் திசை மற்றும் அதற்க்கு பிறகு வரும் மற்ற திசைகள் எனக்கும் நன்மையை தருமா? தீமைகளை தருமா ? எனக்கு நன்மைகளை தரும் திசாபுக்திகள் எவை? என்பதனையும், தீமைகளை தரும் திசாபுக்திகள் எவை? என்பதனையும் விளக்கம் தர வேண்டுகிறேன்.

பதில் :

சுய ஜாதகத்தில் நவகிரகங்கள் ஒருவருக்கு தனிப்பட்ட ஆளுமையின் கீழ் பலாபலன்களை வழங்க இயலாது, தங்களின் சுய ஜாதக பாவக வலிமையின் அடிப்படையிலேயே, யோக அவயோக பலாபலன்கள் நடைமுறைக்கு வரும், குறிப்பாக நவகிரகங்களில் சுப கிரகங்களின் திசா புக்திகள் நன்மையையும் யோகத்தையும் வழங்கும் என்பதும், அசுப கிரகங்களின் திசா புக்திகள் தீமையையும் அவயோகத்தையும் வழங்கும் என்பது முற்றிலும் உண்மைக்கு புறம்பானதே, நமது சுய ஜாதகத்தில்  உள்ள பாவகங்களின் வலிமையின் தன்மையையே நவகிரகங்கள் தனது திசா புத்தி காலங்களில் நடைமுறைக்கு கொண்டு வருகிறது, இதில் நமது சுய ஜாதகத்தில் வலிமை பெற்ற பாவகங்களின் பலனை ஏற்று நடத்தும் பொழுது ஜாதகருக்கு சம்பந்தப்பட்ட பாவக வழியில் இருந்து நன்மைகளும் யோகங்களும் சம்பந்தப்பட்ட பாவக வலிமைக்கு ஏற்ப நடைமுறைக்கு வருகின்றது, வலிமை அற்ற பாவகங்களின் பலனை ஏற்று நடத்தும் பொழுது ஜாதகருக்கு சம்பந்தப்பட்ட பாவக வழியில் இருந்து தீமைகளும் அவயோகங்களும்சம்பந்தப்பட்ட பாவக வலிமைக்கு ஏற்ப நடைமுறைக்கு வருகின்றது.

 எனவே சுய ஜாதகத்தில் 12 பாவகங்களின் வலிமை என்னவோ அதுவே திசாபுக்திகளில் நடைமுறைக்கு வரும் என்பதே  உண்மை, மாறாக நவகிரகங்களின் திசா புக்திகள் தனிப்பட்ட முறையில் பலாபலன்களை வழங்குவதில்லை, மேலும் ஒருவர் பிறக்கும் பொழுதே இவருக்கு இதுதான் என்று விதி வழியில் சுயஜாதகம் நிர்ணயம் செய்யப்படுகிறது, தங்களது கேள்விக்கு வருவோம் தங்களுக்கு சுய ஜாதக படி நவ கிரகங்களின் திசாபுக்திகள் வழங்கும் பலாபலன்கள் பற்றி விளக்கம் தேவை, அதைப்பற்றி இன்றைய பதிவில் சிந்தனைக்கு எடுத்துக்கொள்வோம், தங்களுக்கு நவ கிரகங்களின் திசாபுக்திகள் நன்மையையும் யோகத்தையும் தருவது எவை? தீமையையும் அவயோகத்தையும் தருவது எவை என்பதை இன்றைய பதிவில் சிந்தனைக்கு எடுத்துக்கொள்வோம் .

லக்கினம் : கடகம்
ராசி : சிம்மம்
நட்சத்திரம் : மகம் 2ம் பாதம்

தங்களது ஜாதகத்தில் வலிமை மிக்க பாவக  தொடர்புகள் :

1,3,4,9,12ம் வீடுகள் ஜீவன ஸ்தானமான 10ம் பாவகத்துடன் சம்பந்தம்.
5ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம்.
6,10ம் வீடுகள் பாக்கிய ஸ்தானமான 9ம் பாவகத்துடன் சம்பந்தம்.
7ம் வீடு களத்திர ஸ்தானமான 7ம் பாவகத்துடன் சம்பந்தம்.

தங்களது ஜாதகத்தில் வலிமை அற்ற பாவக தொடர்புகள் : 

2,8ம் வீடுகள் ஆயுள் ஸ்தானமான 8ம் பாவகத்துடன் சம்பந்தம்.
11ம் வீடு பாதக ஸ்தானமான 11ம் பாவகத்துடன் சம்பந்தம்.

நன்மைகளை தரும் பாவகங்கள் :

மேற்கண்டவற்றில் ஜீவன ஸ்தானத்துடன் தொடர்பு பெரும் வீடுகளான 1,3,4,9,12ம் வீடுகள் வழியில் இருந்து 100% விகித நன்மைகள் தங்களுக்கு நடைபெறும்.

5ம் பாவக வழியில் இருந்து 70% விகித நன்மைகளும் யோக பலன்களும் தங்களுக்கு நடைமுறைக்கும் வரும்.

6,10ம் பாவக வழியில் இருந்து 40% விகித நன்மைகளும் யோக பலன்களும் தங்களுக்கு நடைமுறைக்கும் வரும்.

7ம் பாவக வழியில் இருந்து 100% விகித நன்மைகளும் யோக பலன்களும் தங்களுக்கு நடைமுறைக்கும் வரும்.

தீமைகளை தரும் பாவகங்கள் :

2,8ம் வீடுகள் ஆயுள் ஸ்தானமான 8ம் பாவகத்துடன் சம்பந்தம் பெறுவது தங்களுக்கு 2,8ம் வீடுகள் வழியில் இருந்து 70% விகித தீமைகளும் அவயோக பலன்களும் நடைமுறைக்கு வரும்.

11ம் வீடு பாதக ஸ்தானமான 11ம் பாவகத்துடன் சம்பந்தம் பெறுவது தங்களுக்கு பாதக ஸ்தான வழியில் இருந்து 200% விகித தீமைகளும் அவயோக பலன்களும் நடைமுறைக்கு வரும்.

வலிமை பெற்ற பாவக வழியில் இருந்து தங்கள் எவ்வித யோகங்களை பெறுவீர்கள் என்பதை பற்றியும், வலிமையற்ற பாவக வழியில் இருந்து தங்கள் எவ்வித அவயோகங்களை பெறுவீர்கள் என்பதை பற்றியும் நேரில் " ஜாதக ஆலோசனை " பெரும் பொழுது தெளிவாக அறிந்து கொள்ளலாம்.

அடுத்து நவ கிரகங்கள் தனது திசாபுத்தி காலங்களில் எந்த? பாவக பலனை ஏற்று  நடத்துகிறது ? என்பதை பற்றி இனி ஆய்வுக்கு எடுத்து கொள்வோம்.

தங்களது ஜெனன காலத்தில் கேது திசை நடைமுறையில் இருந்திருக்கின்றது, இந்த கேது திசை தங்களுக்கு வலிமை பெற்ற களத்திர ஸ்தான பலனை ஏற்று நடத்தியது யோகம் தரும் அமைப்பாகும், இதனால் தங்களின் குழந்தை பருவம் சிறப்பாக இருந்திருக்கும், குறிப்பாக உடல்  ஆரோக்கியம் மற்றும் வளரும் சூழ்நிலை மிக மிக சிறப்பாக அமைந்திருக்கும்.

2வதாக நடைபெற்ற சுக்கிரன் திசை 20 வருட காலம் தங்களுக்கு வலிமை பெற்ற ( 6,10ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் )  பாக்கிய ஸ்தான பலனை ஏற்று நடத்தியிருக்கின்றது, எனவே தங்களின் கல்வி காலமும், இளமை பருவம் சிறப்பாக சென்று இருக்கும், மேலும் தங்கள் இந்த காலங்களில் கல்வியில் சிறந்து விளங்கும் தன்மையை தந்திருக்கும், ஆன்றோர் பெரியோர் ஆதரவு வெகுவாக தங்களுக்கு நன்மைகளை வழங்கி இருக்கும்.

3வதாக தற்போழுது நடைபெறும் சூரியன் திசை தங்களுக்கு வலிமை அற்ற ( 2,8ம் வீடுகள் ஆயுள் ஸ்தானமான 8ம் பாவகத்துடன் சம்பந்தம் ) ஆயுள் பாவக பலனை ஏற்று நடத்துவது, தங்களுக்கு நீண்ட ஆயுளை வழங்கிய பொழுதும், வீண் விரையங்களையும், திடீர் இழப்புகளையும், உடல் நல குறைவையும் தவிர்க்க இயலாது, மேலும் குடும்ப வாழ்க்கையிலும், வருமானம் சார்ந்த விஷயங்களிலும் இன்னல்கள் அதிக அளவில் வர வாய்ப்புண்டு.

ஆனால் 4வதாக நடைபெற இருக்கின்ற சந்திரன் திசை தங்களுக்கு வலிமை பெற்ற ஜீவன ஸ்தான பலனை ஏற்று நடத்திடுவது சிறப்பான எதிர்காலத்தையும், 5வதாக நடைபெற இருக்கின்ற செவ்வாய் திசை தங்களுக்கு களத்திர ஸ்தான பலனை ஏற்று நடத்துவது எதிர்பாராத யோகங்களையும், 6வதாக நடைபெற இருக்கின்ற ராகு திசை தங்களுக்கு வலிமை பெற்ற ஜீவன ஸ்தான பலனை ஏற்று நடத்துவது தொழில் ரீதியான வெற்றிகளையும், 7வதாக நடைபெற இருக்கின்ற குரு திசை தங்களுக்கு வலிமை பெற்ற பூர்வ புண்ணிய ஸ்தான வழியில் இருந்து யோக பலன்களையும், வாரி வழங்கும். இதில் மேற்கண்ட திசைகள் மட்டுமல்ல புத்தி,அந்தரம் மற்றும் சூட்சமங்களும் மேற்கண்ட பாவக தொடர்பு வழியில் இருந்து நன்மைகளையே செய்யும்.

ஆனால் 8வதாக வரும் சனி திசை தங்களுக்கு ( திசை,புத்தி,அந்தரம் மற்றும் சூட்சமம் ) வலிமை அற்ற பாதக ஸ்தான (11ம் வீடு பாதக ஸ்தானமான 11ம் பாவகத்துடன் சம்பந்தம்) பலனை  ஏற்று நடத்துவது தங்களுக்கு 11ம் பாவக வழியில் இருந்து கடுமையான 200% விகித இன்னல்களை வாரிவழங்கும், எனவே சனி திசை மற்றும் மற்ற திசைகளில் வரும் சனிபுத்தி,சனிஅந்தரம் மற்றும் சனிசூட்சமங்கள் தங்களுக்கு மிகுந்த இன்னல்களுக்கும், துன்பத்திற்கு ஆளாக்கும், பாதக ஸ்தான வழியில் இருந்து கடுமையான இன்னல்களை வாரி வழங்கும்.

9வதாக வரும் புதன் திசை தங்களுக்கு வலிமை பெற்ற ஜீவன ஸ்தான பலன்களையும், வலிமை அற்ற ஆயுள் பாவக பலனையும் ஏற்று நடத்துவது தங்களின் வாழ்க்கையில் ஜீவன ஸ்தான வழியில் இருந்து நன்மைகளையும் யோகங்களையும், ஆயுள் பாவக வழியில் இருந்து தீமைகளையும் அவயோகங்களையும் வாரி வழங்கும்.

நடைபெறும் திசாபுத்திகள் தங்களுக்கு வழங்கும் நன்மை தீமைகள் பற்றியும், யோக அவயோகங்கள் பற்றியும் துல்லியமாகவும், விளக்கமாகவும் தெரிந்து கொள்ள நேரில் ஆலோசனை பெற்றுக்கொள்ளுங்கள்.

குறிப்பு :

தங்களது சுய ஜாதகத்தில் லக்கினம் முதல் 12பாவகங்கள் மிகவும் வலிமையுடன் இருப்பின் தங்களுக்கு நடைபெறும் நவகிரகங்களின் திசாபுக்திகள் எதுவாயினும் நன்மைகளையும் யோகங்களையும் வாரி வழங்கும் என்பதில் சந்தேகம் இல்லை, மாறாக சுய ஜாதகத்தில் பாவகங்கள் வலு குறைவாக இருந்தாலோ, பாதக ஸ்தான தொடர்பை பெற்று இருந்து நடைபெறும் திசாபுக்திகள் பாதிக்கப்பட்ட பாவக பலனை ஏற்று நடத்தினால், ஜாதகருக்கு சம்பந்தப்பட்ட பாவக வழியில் இருந்து தீமைகளும் அவயோக பலன்களும் நடைமுறைக்கு வரும், நடைபெறும் திசை சுபக்கிரகத்தின் திசை என்றாலும் அதற்க்கு விதிவிலக்கு கிடையாது, தாம் ஏற்று நடத்தும் பாவக வழியில் இருந்து  நிச்சயம் அவயோக பலன்களையே வாரி வழங்கும்.

வாழ்க வளமுடன் 
ஜோதிடன் வர்ஷன் 
9443355696 

திருமண பொருத்தத்தில் ஏகதிசை சந்திப்பும், இனிமையான இல்லறவாழ்க்கையும் !

திருமண பொருத்தத்தில் வரன் மற்றும் வதுவின் ஜாதகங்களில் ஏககாலத்தில் இருவருக்கும், ஒரு கிரகத்தின் திசை நடைமுறையில் இருந்தாலோ, எதிர்காலத்தில் நடைமுறைக்கு வந்தாலோ, அது பொருத்தமற்ற ஜாதக அமைப்பாக கருதப்படுகிறது, இதனால் இல்லற வாழ்க்கையில் பிரிவு நிலை வர கூடும் என்று அறிவுறுத்தப்படுகிறது, மேலும் திருமண பொருத்தம் காணும் பொழுது ஏகதிசை நடைமுறையில் இருப்பின் எவ்வித இன்னல்களை தம்பதியர் அனுபவிக்க நேரும் என்பதை  கீழ்கண்டவாறு பட்டியல் இடுகின்றனர்.

1) வது வரன் ஜாதகத்தில், இருவருக்கும் ஒரே கிரகத்தின் திசை நடைமுறையில் இருப்பின், தம்பதியருக்கு ஒரே மாதிரியான பலன்கள் நடைபெறும், சுப கிரகத்தின் திசை எனில் இருவருக்கும் நன்மை நடைபெறும், அசுப கிரகத்தின் திசை எனில் இருவருக்கும் தீமையான பலனே நடைபெறும், மேலும் எதிர்காலத்தில் இதே நிலை தொடரும்.
2) தம்பதியரின் வாழ்க்கையில் ஒற்றுமை இருக்காது பிரிவை தரும், மனவாழ்க்கை சிரமத்தை தரும்.
3) திருமணத்திற்கு இது பொருத்தம் அற்ற நிலையை தரும்.
4) குழந்தை பாக்கியத்தில் தடையை தரும்.
5) தம்பதியரின் வாழ்க்கையில் பொருளாதார சிக்கல்கள் அதிக அளவில் வரும்.
6) உடல் மனம் மற்றும் பொருளாதார சிக்கல்களை தம்பதியர் இருவரும் சந்திக்கும் சூழ்நிலையை தரும்.
7) மறுமணம் செய்யும் சூழ்நிலைக்கு இருவரையும் ஆளாக்கும்.

வது வரன் ஜாதகத்தில் ஏக காலத்தில் ஒரு கிரகத்தின் திசை நடைபெறுமாயின், மேற்கண்ட காரணங்கள் தம்பதியரின் வாழ்க்கையில் பிரிவு வரும் என்பதால் திருமண பொருத்தம் இல்லை என நிராகிக்கின்றனர், இதைப்பற்றி இந்த பதிவில் சிந்தனைக்கு எடுத்துக்கொள்வோம் அன்பர்களே, கீழ்கண்ட உதாரண ஜாதகங்களை துணைகொண்டு.

வரன் ஜாதகம் 

லக்கினம் : விருச்சிகம் 
ராசி : துலாம் 
நட்ஷத்திரம் : சித்திரை 3ம் பாதம் 

தற்போழுது நடைபெறும் திசை  : குரு ( 10/07/2007 முதல் 10/07/2023 வரை )

வது ஜாதகம் 

லக்கினம் : மிதுனம் 
ராசி : மகரம் 
நட்ஷத்திரம் : திருவோணம் 4ம் பாதம் 

தற்போழுது நடைபெறும் திசை  : குரு ( 23/02/2014 முதல் 23/02/2030 வரை )

மேற்கண்ட ஜாதகங்களுக்கு பொருத்தம் பார்த்த பொழுது, ஜாதகரின் பெற்றோருக்கு அறிவுறுத்தப்பட்ட விஷயம் யாதெனில், ஜாதகத்தில் இருவருக்கும் தற்போழுது குரு திசை நடைபெறுகின்றது, எனவே ஏக திசை நடைபெறுவதால் திருமண பொருத்தம் இல்லை, மேலும் அடுத்து வரும் சனி திசை இருவருக்கும் அதிக துன்பத்தை தரும், மணமகனுக்கு  சனி திசை ஆரம்பித்தவுடன் ( 10/07/2023) திருமண வாழ்க்கையில் பிரிவை தரும் என்பதால் இருவருக்கும் பொருத்தம் இல்லை, எனவே திருமணம் செய்ய வேண்டாம் என்று அறிவுறுத்தப்பட்டு இருக்கின்றது.

பொதுவாக திருமண பொருத்தம் காணும் பொழுது மேற்கண்ட கூற்று  ( ஏகதிசை பொருத்தம் ) கடந்த சில வருட காலமாக பிரபல்யம் அடைந்து வருகிறது, தம்பதியர் இருவருக்கும் தற்ப்பொழுதோ, எதிர்காலத்திலோ ஒரு கிரகத்தின் திசை ஏக காலத்தில் நடைமுறைக்கு வந்தால் இல்லற  வாழ்க்கைக்கு உகந்ததல்ல, நிச்சயம் பிரிவை தரும் என்ற கருத்து ஜோதிட உண்மைக்கு புறம்பானதாகவே "ஜோதிடதீபம்" கருதுகிறது, மேலும் மேற்சொன்ன  7 காரணங்களையும் தவறான கருத்தாகவே உள்ளது என்பதை தெளிவு படுத்த விரும்புகிறது.

மேற்கண்ட இருவரது ஜாதகத்திலும் உள்ள உண்மை நிலையை பற்றி சிந்தனைக்கு  எடுத்துக்கொள்வோம் அன்பர்களே !

வரனின் ஜாதகத்தில் நடைபெறும் குரு திசை தரும் பலன்கள் :

ஜாதகருக்கு தற்போழுது நடைபெறும் குரு திசை 5ம் வீடு அதிர்ஷ்டம் மற்றும் லாப ஸ்தானமான 11ம் பாவகத்துடன் தொடர்பு பெற்று மிகுந்த நன்மைகளை  தான் கற்ற கல்வி வழியில் இருந்து வாரி வழங்கிக்கொண்டு இருக்கின்றது, மேலும் ஜாதகரின் லாப ஸ்தானம், கால புருஷ தத்துவ அமைப்பிற்கு 6ம் ராசியாகவும், உபய மண் தத்துவ அமைப்பிலும் உள்ளது, ஜாதகரின் வெற்றிகரமான யோக வாழ்க்கையை தெளிவுபடுத்துகிறது, ஒரு  நல்ல நிறுவனத்தில்  கை நிறைவான வருமானத்துடன் ஜாதகர் சிறப்பாக இயங்கிக்கொண்டு இருக்கின்றார் என்பதை தெளிவு படுத்துகிறது, எனவே ஜாதகருக்கு தற்போழுது நடைபெறும் குரு திசை லாபஸ்தான பலன்களை வழங்கிக்கொண்டு இருக்கின்றது.

வதுவின் ஜாதகத்தில் நடைபெறும் குரு திசை தரும் பலன்கள் :

ஜாதகிக்கு தற்போழுது நடைபெறும் குரு திசை 6,9ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்று அபரிவிதமான யோக பலன்களை தந்து கொண்டு இருக்கின்றது, எனவே ஜாதகி 6ம் பாவக வழியில்  இருந்து குறுகிய கால வெற்றிகளையும், திடீர் அதிர்ஷ்டங்களை, பெறுபவர் என்பதையும், 9ம் பாவக வழியில் இருந்து தமது சுய அறிவு கொண்டு கற்ற கல்வி வழியில் இருந்து மிகுந்த நன்மைகளையும் யோகங்களையும் பெறுவதை குறிக்கிறது, மேலும் ஜாதகியின் லாப ஸ்தானம் கால புருஷ தத்துவ அமைப்பிற்கு முதல் ராசியாகவும், சர நெருப்பு தத்துவ  ராசியில் இயங்குவதால் தொழில் நுட்பம் சார்ந்த துறைகளில் ஜாதகியை பிரகாசிக்க செய்யும் அதன் வழியில் இருந்து நன்மைகளும் யோகங்களும் ஜாதகிக்கு நடைமுறைக்கு வரும் என்பது கவனிக்க தக்கது, மேலும் முன்னோர்கள் ஆசிர்வாதமும் ஆன்மீக பெரியோர்களின் ஆசியும் ஜாதகிக்கு மிகப்பெரிய புகழையும், பெருமைகளையும் கொண்டு வந்து சேர்க்கும்

வரனின் ஜாதகத்தில் அடுத்து வரும் சனி திசை தரும் பலன்கள் :

2,8ம் வீடுகள் ஆயுள் ஸ்தானமான 8ம் பாவகத்துடன் சம்பந்தம் பெற்று சனி திசை பலனை தருவது, ஜாதகருக்கு வாக்குவாத தன்மையை அதிகரிக்கும், வருமானம் மேலோங்கும், வீண் செலவுகளை தவிர்க இயலாது, 8ம் பாவாக  வழியில் இருந்து பூரண ஆயுளை தரும், மேலும் ஆயுள் பாவகம் கால புருஷ தத்துவ அமைப்பிற்கு 3ம் ராசியாக, உபய காற்று தத்துவத்தில் அமைவது ஜாதகருக்கு எடுக்கும் முயற்சசிகளில் வெற்றிகளையும், திடீர் அந்தஸ்த்தையும் தரும், எனவே சனி திசை ஜாதகருக்கு 30% விகித  இன்னல்களையும், 70% விகித நன்மையையும் தரும் என்பதால் மன வாழ்க்கையில் நிச்சயம் பிரிவு வாராது. ஆயுள் பாவகம் உபய ராசி என்பதால் இன்னல்கள் பெரிய பாதிப்பை தாராது.

வதுவின் ஜாதகத்தில் அடுத்து வரும் சனி திசை தரும் பலன்கள் :

1,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்றும், 7,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்றும், யோக பலனை தருவது, ஜாதகிக்கு 1ம் பாவக வழியில் இருந்து அதிர்ஷ்டமும்,லாபமும், 11ம் பாவக வழியில் இருந்து நீடித்த அதிர்ஷ்டமும், தன்னம்பிக்கை மிக்க மன ஆற்றலையும், முற்போக்கு சிந்தனையையும், 7ம் பாவக வழியில் இருந்து வாழ்க்கை துணை மூலம் மிகுந்த நன்மைகளையும், வாழ்க்கை துணையுடன் சந்தோஷமான யோக வாழ்க்கையையும், 10ம் பாவக வழியில் இருந்து கவுரவம் மிக்க வாழ்க்கையையும், தேடிவரும் அந்தஸ்த்தையும் ஒருங்கே பெரும் யோகத்தை தரும், மேலும் ஜீவன வழியில் இருந்து மிகப்பெரிய முன்னேற்றங்களையும் வாரி வழங்கும் என்பதால் இந்த ஜாதகங்களை திருமணத்தில் இணைக்கும் பொழுது இல்லற வாழ்க்கை நிச்சயம் இனிக்கும் என்பதில் மாற்றம் இல்லை, இதுவே மேற்கண்ட இருவரது ஜாதகத்திலும் உள்ள உண்மை நிலை.

பட்டியல் இட்ட 7  கருத்துக்களுக்கு உண்மை விளக்கங்கள் :

1) வது வரனின் ஜாதகத்தில் இருவருக்கும் ஒரே திசை நடைமுறையில் இருந்தால், இருவருக்கும் நடக்கும் சம்பந்தப்பட்ட கிரகத்தின் திசை எந்த பாவக பலனை ஏற்று நடத்துகிறது என்பதில் தெளிவு பெறுவது அவசியமாகிறது, ஏனெனில் எந்த பாவகத்தின் பலனை ஏற்று நடத்துகிறது  என்ற அடிப்படை விஷயம் தெரிந்தால் மட்டுமே அது நன்மையை செய்கிறதா? தீமையை செய்கிறதா என்பதில் தெளிவு பெற இயலும், சுப கிரகத்தின் திசை நன்மையை செய்யும் என்று கருதுவதும், அசுப கிரகத்தின் திசை தீமையை செய்யும் என்று கருதுவதும் ஜோதிட உண்மைக்கு புறம்பான கருத்தாக அமையும், மேலும் ஒரு கிரகத்தின் திசை இருவருக்கும் நடைபெற்றால் இருவருக்கும் ஒரே மாதிரியான பலன்கள் நடைபெறும் என்று நினைப்பதும் ஜோதிட உண்மைக்கு புறம்பானதே.

2) தம்பதியரின் வாழ்க்கையில் பிரிவை தரும் என்பது முற்றிலும் தவறான கருத்து, தம்பதியரின் இருவரின் சுய ஜாதகத்தில் 2,7ம் வீடுகள் கடுமையாக பாதிக்கப்பட்டால் மட்டுமே இல்லற வாழ்க்கையில் பிரிவு வரும், அதுவும் நடைபெறும் திசாபுத்திகள் பாதிக்கப்பட்ட 2,7ம் பாவக பலனை ஏற்று நடத்தினால் மட்டுமே இது சாத்தியம். சுய ஜாதகத்தில் இருவருக்கும் 2,7ம் வீடுகள்  வலிமை பெற்று இருப்பின் பிரிவு என்ற நிலை வர வாய்ப்பே இல்லை என்பது கவனிக்கத்தக்க அமசமாகும்.

3) தம்பதியர் இருவருக்கும் நடைபெறும் ஒரே கிரகத்தின் திசை வலிமை பெற்ற பாவக பலனை ஏற்று நடத்தினால் நிச்சயம் பொருத்தம் உண்டு, 

4) குழந்தை பாக்கியத்திற்கும் திசாபுத்திக்கும் யாதொரு சம்பந்தமும் இல்லை, சுய ஜாதகத்தில் புத்திர பாக்கியத்தை தரும் 5ம் பாவகம் வலிமை பெற்று இருந்தால், நடைபெறும் திசை வலிமை அற்ற பலனை நடத்தினாலும் தம்பதியருக்கு நல்ல குழந்தை பேறு அமையும், மேற்கண்ட இருவரது சுய ஜாதகத்திலும் 5ம் பாவகம் மிகவும் வலிமையுடன் காணப்படுகிறது.

5) பொருளாதார சிக்கல்களுக்கும் நடைபெறும் ஏக திசை பலாபலன்களுக்கும் எந்த ஒரு சம்பந்தமும் இல்லை, ஏனெனில் சுய ஜாதகத்தில் பொருளாதார நன்மை தீமைகளை தருவதற்கு பாவக வலிமையே காரணமாக அமையும்.

6) சுய ஜாதகத்தில் 1,4,7,10ம் வீடுகள் கடுமையாக பாதிக்கப்பட்டால் மட்டுமே மேற்கண்ட இன்னல்கள் வரக்கூடும், மேற்கண்ட ஜாதகங்களில் இந்த பாவகங்கள் நல்ல வலிமையை பெற்று இருக்கின்றது.

7) சுய ஜாதகத்தில் 1,2,5,7,8ம் பாவகங்கள் கடுமையாக பாதிக்கப்பட்டால் மட்டுமே மறுமணம் அமையும், அதற்கும் 11ம் பாவகம் வழிகாட்ட வேண்டும்.

குறிப்பு :

திருமண பொருத்தம் காணும் பொழுது வரன்வதுவின் ஜாதகங்களில், ஏகதிசை நடைமுறையில் இருந்தால், நடைபெறும் திசை, எதிர்வரும் திசை வலிமை பெற்ற பாவக பலனை ஏற்று நடத்துகிறதா ? வலிமை அற்ற பாவக பலனை ஏற்று நடத்துகிறதா? என்பதில் தெளிவு பெற்று பொருத்தம் நிர்ணயம் செய்வதே சாலச்சிறந்தது, மேலும் இருவருக்கும் ஏகதிசை நடைமுறையில் இருந்தால் பொருத்தம் இல்லை என நிர்ணயம் செய்வது, வது வரனின் ஜாதகத்தில் நடைபெறும் திசாபுத்திகள் ஏற்றுநடத்தும் பாவக வலிமையை பற்றியும், அவை தரும் நன்மை தீமையை பற்றியும் சிறிதும் அறியாமல் செய்யும் முடிவே அன்றி வேறு எதுவும் உண்மை இல்லை அன்பர்களே !

வாழ்க வளமுடன் 
ஜோதிடன் வர்ஷன் 
9443355696 

சுய ஜாதகத்தில் ஆட்சி உச்சம் பெற்ற கிரகங்களின் திசா புத்திகள் யோகபலன்களை வாரி வழங்குமா?

தங்களின் கேள்விக்கு ஜோதிட அன்பர்களின் கருத்து பெரும்பாலும் யோக பலன்களை வாரி வழங்கும் என்பதாகேவே இருக்கும், இந்த கேள்வி தங்களின் ஜாதகத்தை அடிப்படையாக வைத்தே கேட்கபட்டதாக "ஜோதிடதீபம்" கருதுகிறது, எனவே தங்களின் ஜாதகத்தையே உதாரணமாக கொண்டு விளக்கம் தருகிறோம் அன்பரே !

பொதுவாக ஒருவரின் சுய ஜாதகத்தில் நவகிரகங்கள் ஆட்சி,உச்சம் பெற்று ( ராசி அல்லது அம்சம் ) அமர்ந்து இருந்தால் ஆட்சி,உச்சம் பெற்ற கிரகத்தின் திசா புத்திகள் யோக பலன்களை வாரி வழங்கும் என்று முடிவு செய்வது மிகவும் தவறு என்றே கருதுகிறோம், பொதுவாக ஒரு ஜாதகர் யோக பலன்களை அனுபவிப்பதும், அவயோக பலன்களை அனுபவிப்பதும் சுய ஜாதகத்தில் 12 பாவகங்களின் வலிமை நிலையும், வலிமை பெற்ற பாவகத்தின் பலனை ஏற்று நடத்தும் திசா புத்திகளுமே என்றால் அது மிகை இல்லை, உதாரணமாக தங்களது ஜாதகத்தையே ஆய்வு செய்வோம் அன்பரே!

லக்கினம் : துலாம் 
ராசி : கடகம் 
நட்சத்திரம் : ஆயில்யம் 4ம் பாதம் 

தங்களது ஜாதகத்தில் நவ கிரகங்கள் ராசி அமைப்பில், சந்திரன் சனி  ஆட்சி பெற்றும், சுக்கிரன் ராகு  உச்சம் பெற்றும், சூரியன் செவ்வாய் பகை பெற்றும், குரு நட்பு நிலையிலும், புதன் சம நிலையிலும், கேது நீசம் பெற்றும் அமர்ந்து இருக்கின்றனர்.

தங்களது ஜாதகத்தில் நவ கிரகங்கள் நவாம்ச நிலையில், புதன் ஆட்சி பெற்றும், சூரியன் சனி உச்சம் பெற்றும், குரு ராகு கேது பகை பெற்றும், சந்திரன் சம நிலையிலும், செவ்வாய் சுக்கிரன் நட்பு நிலையிலும் அமர்ந்து இருக்கின்றனர்.

தாங்கள் பிறந்த பொழுது நடந்தது புதன் திசை, இந்த புதன் தங்களது சுய ஜாதகத்தில் ராசியில் சம நிலையிலும், நவாம்சத்தில் ஆட்சி பெற்றும் இருக்கின்றது எனவே தங்களுக்கு யோக பலன்களை தந்திருக்கும் என்று கணிப்பது சரியாக இருக்குமா ? நிச்சயம் இல்லை அன்பரே ஏனெனில் தங்களது லக்கினத்தை அடிப்படையாக கொண்டு 12 பாவகங்களின் வலிமை நிலையை தெளிவாக உணர்ந்தால் மட்டுமே தங்களுக்கு புதன் திசை எந்த பாவக பலனை ஏற்று நடத்தியது என்பது தெரிய வரும்.

எனவே தங்களது ஜாதகத்தில் பாவகன்களின் தொடர்புகளை அறிவது அவசியமாகிறது, அதன் அடிப்படையில் கிழ்கண்டவாரு தங்களது சுய ஜாதகத்தில் 12 பாவகங்களின் தொடர்பு நிலையும் அமைகிறது.

1,2,5,6,7,10,11,12 ம் வீடுகள் பாதக ஸ்தானமான ( சர லக்கினத்திற்கு பாதக ஸ்தானம் 11ம் பாவகம் ஆகும் ) 11ம் பாவகத்துடன் தொடர்பு.
3,9ம் வீடுகள் பாக்கிய ஸ்தானமான 9ம் பாவகத்துடன் தொடர்பு.
4,8ம் வீடுகள் ஆயுள் ஸ்தானமான 8ம் பாவகத்துடன் தொடர்பு.

பிறப்பில் தங்களுக்கு நடந்த புதன் திசை ( ராசியில் சமம், நவாம்சத்தில் ஆட்சி ) 2,6,10,12ம் வீடுகள் பாதக ஸ்தானமான 11ம் பாவக பலனை ஏற்று நடத்தியிருக்கிறது,

அடுத்து வந்த கேது திசை ( ராசியில் நீசம்,நவாம்சத்தில் பகை ) தங்களுக்கு 4,8ம் வீடுகள் ஆயுள் ஸ்தானமான 8ம் பாவகத்துடன் தொடர்பு பெற்று 8ம் பாவக பலனை ஏற்று நடத்தியிருக்கிறது.

தற்பொழுது நடைமுறையில் உள்ள ( 23/07/2002 முதல் 23/07/2022 வரை ) சுக்கிரன் திசை ( ராசியில் உச்சம், நவாம்சத்தில் நட்பு ) தங்களுக்கு 1,5,7,11ம் வீடுகள் பாதக ஸ்தானமான 11ம் பாவக பலனை ஏற்று  நடத்தி கொண்டு இருக்கிறது, எனவே தற்பொழுது நடைமுறையில் உள்ள சுக்கிரன் திசை தங்களுக்கு எவ்வித பலனை தருகிறது என்பதை ஆய்வு செய்வோம் அன்பரே! மேலோட்டமாக தங்களது ஜாதகத்தை காணும் அன்பர்கள் சுக்கிரன் உச்சம் பெற்று தனது திசை நடத்துவதால் தங்களுக்கு மிகுந்த யோகமும் நன்மையையும் உண்டாகும் என்பதாக கருதக்கூடும், ஆனால் தங்களது சுய ஜாதக அமைப்பின் படி, சுக்கிரன் தனது திசையை 1,5,7,11ம் வீடுகள் பாதக ஸ்தானமான 11ம் பாவகத்துடன் தொடர்பு படுத்தி நடத்துவது வருந்தத்தக்கதே.

சுய ஜாதகத்தில் எந்த ஒரு வீடுகளும் பாதக ஸ்தானத்துடன் தொடர்பு பெறுவது நல்லதல்ல, அப்படி தொடர்பு பெற்றாலும், நவ கிரகங்கள் தனது திசையில் பாதக ஸ்தான பலனை ஏற்று நடத்தாமல் இருந்தால் ஜாதகருக்கு நல்லது, ஆனால் தங்களது சுய ஜாதகத்தில் பிறப்பில் வந்த புதன் திசையும், தற்பொழுது நடைமுறையில் உள்ள சுக்கிரன் திசையும் தங்களுக்கு பாதக ஸ்தான பலனையே ஏற்று நடத்துகிறது.

 எனவே தாங்கள் 1,5,7,11ம் பாவக வழியில் இருந்து அதிக அளவில் சுக்கிரன் திசையில் அவயோக பலன்களை அனுபவிக்கும் சூழ்நிலை உருவாக கூடும், குறிப்பாக இலக்கின வழியில் இருந்து உடல் மனம் பாதிக்கும், 5ம் பாவக வழியில் இருந்து கற்ற கல்வியும், சிந்தனையும் அறிவு திறனும் பாதிக்கும், தனது பூர்வீகத்தை விட்டு பரதேச ஜீவனம் மேற்கொள்ளும் தன்மையை தரும், 7ம் பாவக வழியில் இருந்து நண்பர்கள் மற்றும் வெளிவட்டார பழக்க வழக்கங்களில் இன்னல்களையும், எதிர்பால் அமைப்பில் இருந்து துன்பங்களையும், 11ம் பாவக வழியில் இருந்து தன்னம்பிக்கை குறைவையும், வீண் அலைச்சல் மற்றும் அதிக போராட்டங்களையும் சந்திக்கும் சூழ்நிலையை தரக்கூடும்.

பாதக ஸ்தானம் என்பது ஒருவருக்கு 200% சதவிகித இன்னல்களை தங்குதடையின்றி வாரி வழங்கும் என்பதை கவனத்தில் கொள்வது அவசியமாகிறது, எனவே சுக்கிரன் திசை முழுவதும் தாங்கள் 1ம் பாவக வழியில் இருந்து சுய கட்டுபாடு நல்ல ஒழுக்கம் மற்றும் பழக்க வழக்கங்களை கையாள்வதும், 5ம் பாவக வழியில் இருந்து குல தேவதை வழிபாடும், எந்த ஒரு காரியத்தையும் பொறுமையாக கையாளும் தன்மையையும், 7ம் பாவக வழியில் இருந்து நண்பர்கள்,பெண்கள் மற்றும் பொதுமக்கள் என்ற அமைப்பில் எச்சரிக்கையுடனும், 11ம் பாவக வழியில் இருந்து மூடநம்பிக்கைகளை விட்டுவிட்டு தன்னம்பிக்கையை வளர்த்துக்கொண்டும், அதிர்ஷ்டத்தை நம்பாமல், தீவிர உழைப்பை நம்பி செயல்படுவதும் தங்களுக்கு சுக்கிர திசை பாதக ஸ்தான பலன்களில் இருந்து காப்பாற்றும், குறிப்பாக தனது பூர்வீகத்தை விட்டு வெகு தொலைவு சென்று ஜீவனம் செய்தாலே 90% சதவிகித இன்னல்கள் குறைந்துவிடும்.

தங்களது ஜாதகத்தில் சுக்கிரன் உச்சம் பெற்று திசையை நடத்துகிறது, எனவே இனி மிகுந்த யோகத்தை தரும் என்று யாரவது சொல்வதை கேட்டுக்கொண்டு தங்களது பூர்வீகத்திலேயே ஜீவனம் செய்தீர்களா என்றால், அன்றாட வாழ்க்கைக்கே திண்டாடும் சூழ்நிலையை தந்துவிடும் என்பதால், தங்களது பூர்வீகத்தை விட்டு வெளியேறி, சிறப்பாக திட்டமிட்டு வாழ்க்கையில் முன்னேற்றம் காண்பதே புத்திசாலித்தனம்.

வாழ்க வளமுடன் 
ஜோதிடன் வர்ஷன் 
9443355696

ஜாதகத்தில் கால சர்ப்ப தோஷம் இருக்கிறது என கூறுகிறார்கள் . அது தோசமா அல்லது யோகமா ஐயா விளக்கம் தேவை ?

கேள்வி : 

ஐயா வணக்கம் ,

எனது பெயர் பெருமாள்,
எனது பிறந்த தேதி :26/12/1986
நேரம் :00:30 ( 25/12/1986 இரவு 12.30மனி) 
பிறந்த இடம் :சேலம் மாவட்டம், 

எனது ஜாதகத்தில் கால சர்ப்ப தோஷம் இருக்கிறது என கூறுகிறார்கள் . அது தோசமா அல்லது யோகமா ஐயா விளக்கம் தேவை .
தங்களின் பதிலை எதிர்நோக்கி இருக்கிறேன் 
நன்றி.

பதில் :

கால சர்ப்ப தோஷம் அல்லது யோகம் என்று ஜோதிடர்களால் பெருவாரியாக வர்ணிக்கப்படும் நிலை தங்களது ஜாதகத்தில் அமைந்துள்ளது கவனிக்க தக்க அம்சமே, சாயா கிரகங்களான ராகு கேது ஒருவரது சுய ஜாதகத்தில் லக்கினம் மற்றும் 7ம் பாவகங்களில் அமரும் பொழுதும், ராகு கேது க்கு மத்தியில் மற்ற அனைத்து கிரகங்களும் அடைபடும் நிலைக்கு கால சர்ப்ப தோஷம் என்று வர்ணிக்க படுகிறது, இது முற்றிலும் உண்மைக்கு புறம்பான விஷயமாகவே ஜோதிடதீபம் கருதுகிறது, காரணம் மேற்கண்ட நிலையை வைத்து தோஷம் அல்லது யோகம் என்று நிர்ணயம் செய்வது சுய ஜாதகத்தில் உண்மையான பலாபலன்களை தெளிவாக கூறுவதற்கு நிச்சயம் உதவாது என்பதே உண்மை அன்பரே!

இதற்க்கு ஒரு படி மேலே சென்று கால சர்ப்ப தோஷம் உள்ள ஜாதகருக்கு கால சர்ப்ப தோஷம் உள்ள வாழ்க்கை துணையையே மணம்முடிப்பது சரியானதாக அமையும் என்று நிர்ணயம் செய்பவர்களும் உண்டு, இதை காரணமாக வைத்து  கொண்டு பல திருமணங்கள் நடைபெறாமல் உள்ளதும்  வருந்தத்தக்க விஷயமே, சுய ஜாதகத்தில் நவ கிரகங்களில் மிகவும் சக்தி வாய்ந்ததும், தான் அமர்ந்த பாவகத்தின் தன்மையையும், தன்னுடன் சேர்ந்த கிரகங்களின் தன்மையையும் தானே பொறுப்பேற்று யோக அவயோக பலன்களை வாரி வழங்கும் தன்மை சாயா கிரகங்கள் என்று அழைக்கப்படும் ராகு கேதுவுக்கு உள்ள  தனித்தன்மை, எனவே சுய ஜாதகத்தில் ராகு கேது தான் அமர்ந்த பாவகத்தின் தன்மையையும், வலிமை நிலையையும் உணர்ந்து சுய ஜாதகத்தில் பலன் காண முற்படுவதே சுய ஜாதகத்தில் துல்லியமான பலன்களை  கூறுவதற்கு வழிவகுக்கும்.

உதாரணமாக தங்களது ஜாதகத்தில் சாயா கிரகங்கள் முறையே ராகு 7ம் பாவகத்திலும், கேது லக்கினத்திலும் அமர்ந்துள்ளனர், ஆனால் ராகு கேதுவுக்கு  இடையிலே எந்த ஒரு கிரகமும் அகப்படவில்லை எனவே இது கால சர்ப்ப தோஷ ஜாதக நிலை அல்ல ( மற்ற ஜோதிடர்களின் கூற்றுப்படி ) மேலும் தங்களது சுய ஜாதக அமைப்பின் படி இலக்கின பாவகத்தை கேது பகவானும், களத்திர பாவகத்தை ராகு பகவானும் முழுமையாக ஆளுமை செய்கின்றனர் என்பது மட்டும் உண்மை நிலை.

தங்களது ஜாதகத்தில் லக்கினத்தில் அமர்ந்த கேது பகவான் தங்களுக்கு சம வீடு என்ற அமைப்பில் 100% விகித நன்மைகளை தங்கு தடையின்றி வாரி வழங்குகிறார், லக்கினத்தில் அமர்ந்துள்ள மற்றொரு கிரகமான சந்திரனின் தன்மையையும் தானே பெற்று, தங்களுக்கு லக்கினத்தை 100% வலிமையையும், இலக்கின வழியில் இருந்து பல நன்மைகளையும் யோகங்களையும் பெறுவதற்கு காரணமாக அமைகிறார், இதனால் தாங்கள் நல்ல உடல் அமைப்பு, சிறந்த மன நலம், சிறந்த ஞானம், ஆரோக்கியம், புகழ் மற்றும் கீர்த்திகளை பெறுவதற்கு உண்டான சந்தர்பங்கள் கூடி வரும் தன்மை என யோக பலன்களை கேது பகவான 100% வழங்குகின்றார்.

தங்களது ஜாதகத்தில் களத்திர பாவகத்தில் அமர்ந்துள்ள ராகு பகவான், கேந்திர பாவகத்திற்க்கு அதிபதியாக கோண அதிபதி வருவதால், 100% சதவிகித அவயோக பலன்களை களத்திர பாவக வழியில் இருந்து வாரி வழங்குகின்றார், எனவே தாங்கள் வாழ்க்கை துணை வழியில் இருந்தும், நண்பர்கள் மற்றும் கூட்டாளிகள் அமைப்பில் இருந்தும் மிகுந்த இன்னல்களுக்கும் துன்பங்களுக்கும் ஆளாகும் சூழ்நிலையை தரும், களத்திர ஸ்தானத்தில் அமர்ந்திருப்பது ராகு பகவான் என்பதாலும், உபய நீர் தத்துவம் கொண்ட பெண் ராசி என்பதாலும், தாங்கள் அதிக அளவில் எதிபால் இன அமைப்பில் இருந்து மன போராட்டங்களையும், மன கவலைகளையும் எதிர்கொள்ளும் தன்மையை தரும், குறிப்பாக வீண் விரையன்களை தவிர்க்க இயலாது என்பது கவனிக்க தக்கது.

தங்களது சுய ஜாதக அமைப்பின் படி லக்கினத்தில் அமர்ந்த கேது 100% சதவிகித நன்மை மற்றும் யோகத்தையும், 7ம் பாவகத்தில் அமர்ந்த ராகு 100% சதவிகித  தீமை மற்றும் அவயோகத்தையும் வாரி வழங்குகின்றனர் என்பது தெள்ள தெளிவாக உறுதியாகிறது, இனி 1ம் பாவக பலனை எந்த எந்த கிரகங்களின் திசை புத்தி ஏற்று நடத்துகிறது, 7ம் பாவக பலனை எந்த எந்த கிரகங்களின் திசை புத்தி ஏற்று நடத்துகிறது, என்ற விஷயம் தெரிந்தால் போதும் தங்களின் வாழ்க்கை மிகவும் சிறப்பாக அமைத்துக்கொண்டு மிகப்பெரிய முன்னேற்றங்களை பெறலாம், மேலும் 1,7ம் பாவக வலிமையை தெரிந்து கொண்டது போலவே, மற்ற பாவகங்களின் நிலையையும் தெரிந்துகொண்டால் வாழ்க்கையில் சிறப்பான எதிர்காலத்தை அமைத்துக்கொள்ள இயலும், மேலும் விபரங்களுக்கு நேரில் அணுகவும் அல்லது மின் அஞ்சல் மூலம் தொடர்பு கொள்ளவும்.

வாழ்க வளமுடன் 
ஜோதிடன் வர்ஷன் 
9443355696

சுய ஜாதகத்தில் நிகழ்கால எதிர்கால பலன்கள் காணும் பொழுது கவனிக்க வேண்டிய அம்சங்கள்!

 சுய ஜாதக ரீதியாக ஒருவரது ஜாதகத்தில் தற்பொழுது நடைமுறையில் உள்ள திசை மற்றும் புத்திகளும், எதிர்வரும் திசா புத்திகளும் தரும் பலன்கள் எவ்விதம் அமையும் என்பதை கருத்தில் கொண்டு ஜாதகர் செயல்படும் பொழுது, ஜாதகருக்கு வரும் நன்மை தீமை பலன்களை உணர்ந்து தனது வாழ்க்கையை மிகவும் சிறப்பாக அமைத்துக்கொள்ள இயலும், நன்மை நடைபெறும் பொழுது ஜாதகர் தனக்கு வரும் வாய்ப்புகளை சரியாக பயன்படுத்திக்கொண்டு வாழ்க்கையில் முன்னேற்றம் காண இயலும், தீமையான பலன்கள் நடைமுறைக்கு வரும் பொழுது ஜாதகர் மிகவும் எச்சரிக்கையாகவும், விளைவு அறிந்து செயலாற்றும் வல்லமையை பெற இயலும், விதியின் பலனை அனுபவித்தே ஆகவேண்டு என்றாலும் கூட, ஜாதகர் தனது சமயோசித புத்திசாலிதன அமைப்பில் இருந்தும்,அறிவு திறன் வழியில் இருந்தும், மாற்று சிந்தனை மூலம் தனது வாழ்க்கையை சீரும் சிறப்புமாக அமைத்துக்கொள்ள இயலும்.

1) ஒருவரது சுய ஜாதகத்தில் தற்பொழுது நடைமுறையில் உள்ள திசை புத்தி மற்றும் எதிர் வரும் திசை புத்தி எந்த பாவக பலனை ஏற்று நடத்துகிறது.
2) நடைமுறையில் உள்ள திசை புத்தி மற்றும் எதிர் வரும் திசை புத்தி ஏற்று நடத்தும் பாவகங்கள் ஜாதகருக்கு எவ்வித பலன்களை வழங்குகிறது.
3) நடைமுறையில் உள்ள திசை புத்தி மற்றும் எதிர் வரும் திசை புத்தி ஏற்று நடத்தும் பாவகங்களுடன் கோட்சார கிரகங்களின் சம்பந்தம் என்ன ? கோட்சார கிரகங்கள் குறிப்பிட்ட பாவகங்களுக்கு தரும் நன்மை தீமை பலன்கள் என்ன ? என்பதை ஜோதிட கணிதம் கொண்டு தெளிவு பட தெரிந்துகொண்டால், ஜாதகர் தனது வாழ்க்கையை மிகவும் சிறப்பாக அமைத்துக்கொள்ள இயலும்.

இதை ஊர் உதாரண ஜாதகம் கொண்டு காண்போம் :

லக்கினம் : மேஷம் 
ராசி : மிதுனம் 
நட்சத்திரம் : திருவாதிரை 1ம் பாதம் 

தற்பொழுது நடைமுறையில் உள்ள திசை புத்தி புதன் திசை ஆகும் ( 04/01/2015 முதல் 04/01/2032 வரை ) இந்த புதன் திசை ஜாதகருக்கு எந்த பாவக பலனை ஏற்று நடத்துகிறது என்ற விஷயம் தெரிந்தால் மட்டுமே,  ஜாதகருக்கு புதன் திசை தரும் பலாபலன்களின் தன்மையை சொல்ல இயலும், ஜாதகருக்கு புதன்  8ம் பாவகத்தில் அமர்ந்து இருக்கின்றார் எனவே ஜாதகருக்கு 8ம் பாவக பலனை  தருவாரா ? அல்லது ஜாதகருக்கு 3,மற்றும் 6ம் பாவகங்களுக்கு  அதிபதியாக வருகின்றார் ( பாரம்பரிய முறைப்படி ) எனவே 3,6ம் பாவக பலனை தருவாரா? அல்லது 4ம் பாவகத்தை பார்வை செய்வதால் 4ம் பாவக பலனை தருவாரா ? இந்த கேள்விகள் அனைத்தும் பாரம்பரிய முறைபடியாலான ஜாதக பலனை காணும் பொழுது ஏற்ப்படும், ஆனால் நமது ஜோதிட முறைப்படி ஜாதகருக்கு புதன் திசை லக்கினம் எனும் 1ம் வீடும், தொழில் ஸ்தானம் எனும் 10ம் வீடும், ஜீவன ஸ்தானமான 10ம் பாவகத்துடன் சம்பந்தம் பெற்று ஜீவன ஸ்தான பலனையே 100% யோக பலனாக வாரி வழங்குகிறது, இது எப்படி? என்ற கேள்விக்கு முறையான ஜோதிட கணிதம்  தெரியும் பொழுது தெளிவாகும்.

தற்பொழுது நடைபெறும் புதன் திசை ஜாதகருக்கு ஜீவன 1,10ம் வீடுகள் ஸ்தான பலனை  தருவது ஜாதகருக்கு  மிகுந்த நன்மையை வாரி வழங்கும் என்ற போதிலும், ஜாதகர் எந்த வகையில் யோக பலன்களை அனுபவிப்பார், ஜாதகர் பெரும் நன்மைகள் எப்படி பட்ட அமைப்பில்  இருக்கும் என்ற கேள்விகளுக்கு பதில் கிழ்கண்டவாறு அமையும்.

ஜாதகருக்கு புதன் திசை தொடர்பு படுத்தும் வீடுகளும் பாவக பலன்களும் :

1) 1ம் வீடு ஜாதகருக்கு ஜீவன ஸ்தானமான 10ம் பாவகத்துடன் சம்பந்தம் பெற்று , 1ம் வீடு மேஷம் ராசி, சர நெருப்பு தத்துவம், கால புருஷ தத்துவ அமைப்பிற்கும், ஜாதகருக்கும் லக்கினமாக அமைவதால், ஜாதகரின் உடல் நிலையம் மனநிலையும்  மிகவும் சிறப்பாக இயங்கும், நெருப்பு தத்துவம் என்பதால் ஜாதகர் தனது நடவடிக்கைகளில், நேர்மையாகவும், சுய கட்டுபாடுடன்  கூடிய  சுறுசுறுப்புடன்  திகழ்வார், தான் மேற்கொள்ளும் காரியங்கள் யாவிலும்  விரைவாகவும், அதே சமயம் சரியாகவும் செயல்படுவார், தன்னம்பிக்கையும், மன உறுதியும் ஜாதகருக்கு மிகுந்து காணப்படும், நெருப்பு தத்துவமான தொழில் நுட்ப துறைகளில் ஜாதகருக்கு வருமான வாய்ப்புகளையும், தொழில் முன்னேற்றத்தையும் வாரி வழங்கும், மேலும் சர  ராசியாக அமைவதால் ஜாதகருக்கு தரவேண்டிய யோக பலன்களை 100% விகிதம் விரைவாக வாரி வழங்கும் என்பது கவனிக்க தக்கது.

2) 10ம் வீடு ஜாதகருக்கு ஜீவன ஸ்தானமான 10ம் பாவகத்துடன் சம்பந்தம் பெற்று, 10ம் வீடு மகர ராசி, சர மண் தத்துவம்,  காலபுருஷ தத்துவ அமைப்பிற்கும், ஜாதகருக்கும் ஜீவன ஸ்தானமாக வருவதால், ஜாதகரின் கெளரவம் மற்றும் அந்தஸ்து மேலோங்கும், தான் செய்து வரும் தொழில் மற்றும் ஜீவன வழியில் இருந்து அபரிவிதமான முன்னேற்றங்களை வாரி வழங்கும், ஜாதகருக்கு கௌரவ பதவிகள், மற்றும் அந்தஸ்து அதிகரிக்கும், எடுக்கும் காரியங்கள் யாவும் வெற்றிமேல் வெற்றி தரும், அரசியல் ரீதியான பதவிகள் மற்றும் தொழில் ரீதியான அங்கீகாரங்கள் ஜாதகருக்கு தேடிவரும், சர  மண் தத்துவம் சார்ந்த இயக்க நிலையில் உள்ள உபகரணங்கள், பொறியியல் கருவிகள் மூலம் ஜாதகருக்கு நல்ல வருமானம் அமையும், பூமிக்கு கீழ் கிடைக்கும் விலை உயர்ந்த உலோக அலோக பொருட்கள் மூலம் ஜாதகருக்கு நல்ல லாபம் கிடைக்கும்.

 குறிப்பாக தற்பொழுது நடைபெறும் புதன் திசை ஜாதகருக்கு 1,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று யோக பலனை தருவதால் ஜாதகர் தனது தொழில் மற்றும் ஜீவன வழியில் வரும் நல்ல வாய்ப்புகளையும், சந்தர்ப்பங்களையும் சரியாக பயன்படுத்திக்கொண்டு, வாழ்க்கையில் சிறப்பான முன்னேற்றத்தை பெறுவது அவசியமாகிறது, மேலும் 1,10ம் வீடுகள் சர ராசியாக அமைவதால், ஜாதகருக்கு தரவேண்டிய யோக பலன்களை 100% சதவிகிதம் விரைந்து தரும் என்பதால், தனது வேளைகளில் கண்ணும் கருத்துமாக இருந்து வெற்றிகளை குவிப்பது சிறப்பானதாக அமையும் என்று "ஜோதிடதீபம்" கருதுகிறது.

வாழ்க வளமுடன் 
ஜோதிடன் வர்ஷன் 
9443355696

யோக காலமும் நல்ல நேரமும் வரும் சமயம் எப்பொழுது ? சுய ஜாதக ரீதியாக தெரிந்துகொள்வது எப்படி ?

சுய ஜாதக ரீதியாக ஒருவருக்கு நல்ல யோக காலம் வரும் தருணம் எப்பொழுது? என்பதை தெளிவாக தெரிந்துகொள்வது அவசியமானதாகவும், அவயோக காலம் வரும் தருணம் எப்பொழுது ? என்பதை தெளிவாக தெரிந்து கொள்வது மிக மிக அவசியமானதாகவும்  ஜோதிடதீபம்  கருதுகிறது, ஒருவருக்கு யோக காலம் எப்படி மிகசிறந்த நன்மைகளை குறிப்பிட்ட பாவக வழியில் இருந்து தருகிறதோ ?  அதை போன்றே அவயோக காலமும் குறிப்பிட்ட பாவக வழியில் இருந்து கெடு பலன்களை தர தவறுவதில்லை, பொதுவாக பாரம்பரிய ஜோதிட முறையில் பலன்கானும் பொழுது ஒருவரது சுய ஜாதக பலன்களை கணிதம் செய்வதில் பல முரண்பாடுகளும், தவறுகளும் ஏற்ப்பட வாய்ப்பு அதிகம் உண்டு, நமது ஜோதிட முறையில் இந்த தவறுகள் நடை பெற வாய்ப்புகள் மிக மிக குறைவு என்பது ஒரு சந்தோஷமான விஷயமாகவே ஜோதிடதீபம் கருதுகிறது.

பாரம்பரிய முறையில் பலன் காணும் பொழுது பொதுவாக ஒருவரின் ஜாதகத்தில் லக்கினம் முதற்கொண்டு 12 வீடுகளில் கிரகங்கள் அமர்ந்த நிலையை வைத்தும், தற்பொழுது நடைபெறும் திசை சுபர அசுபர என்ற நிலையை வைத்தும், தற்காலத்தில் உள்ள கோட்சார கிரகங்களின் இயக்க நிலையை சந்திரனை அடிப்படையாக கொண்ட ராசியை வைத்தும் பலன் காணுவது இயற்கையாக நிகழ்வது, இருப்பினும் ஒருவருக்கு சுய ஜாதகத்தில் சுப கிரகங்கள் என்று அழைக்கப்படும் குரு,சுக்கிரன்,வளர் பிறை சந்திரன்,புதன் ஆகிய கிரகங்களின் திசை,புத்தி,அந்தரம் மற்றும் சூட்சமங்கள் ஒருவருக்கு யோக பலன்களை வாரி வழங்கி விடுவதுமில்லை, அசுப கிரகங்கள் என்று அழைக்கப்படும் சூரியன்,தேய்பிறை சந்திரன், செவ்வாய்,சனி,ராகுகேது ஆகிய கிரகங்கள் அவயோக பலன்களையும் வாரி வழங்கி விடுவதுமில்லை, மேலும் கோட்சார கிரகங்களின் பலன்கள் ஜாதகரை வெகுவாக பாதிக்க படுவதுமில்லை, ஏனெனில் தற்பொழுது நடை பெரும் திசை மற்றும் புத்திகள்  ஏற்று நடத்தும் பாவகங்களின் தொடர்பை கோட்சார கிரகங்கள் தொடர்பு பெற்றால் மட்டுமே நன்மை தீமை பலன்களை வழங்குகிறது, சந்திரனை அடிப்படையாக கொண்டு பலன் காண முற்படுவது பொது பலனே அன்றி, சுய ஜாதகத்திற்கு எவ்விதத்திலும் அது பொருந்துவதில்லை என்ற உண்மையை இந்த இடத்தில் அனைவரும் உணர்வது அவசியமாக ஜோதிடதீபம் கருதுகிறது அன்பர்களே !

ஒரு உதாரண ஜாதகம் கொண்டு பலன் காண்போம் :

ஜாதகர் லக்கினம் : கன்னி 
ராசி :  மகரம் 
நட்சத்திரம் : திருவோணம் 3ம் பாதம் 

ஒருவரின் ஜாதக பலன் காணும் முன்பு அவரது ஜாதகத்தில் 12 பாவகங்களின் வலிமை என்ன ? என்பதை தெளிவாக உணர்ந்தால்  மட்டுமே குறிப்பிட்ட ஜாதகருக்கு சரியான ஜாதக பலனை ஜோதிடர்களால் சொல்ல இயலும், மாறாக கிரகங்கள்  வலிமை வைத்து பலன் சொல்வது நிச்சயம் சரியான பலன் காண வாய்ப்பை தாராது ஏனெனில், பாவகம் ஒன்று மட்டுமே வினாடிக்கு வினாடி மாற்றம் பெற்றுகொண்டு இருக்கும், இதன் மூலமே ஜாதகரின் பாவக வலிமையை  நிர்ணயம் செய்ய இயலும், ஒரே நேரத்தில் பிறந்த குழந்தைகளின் சுய ஜாதகத்தில் பாவக வலிமை வித்தியாசம் பெறுவது இதன் அடிப்படையிலேயே, ஆக ஒருவரின் சுய ஜாதகத்தில் சரியான பலன் காண அடிப்படையில் கணிதம்  செய்து காண வேண்டிய விஷயங்கள் பின்வருமாறு:

1) ஜாதகத்தில் 12 பாவகங்களின் வலிமை என்ன ?
2) 12 பாவகங்களும் தொடர்பு படுத்தும் வீடுகள் என்ன ?
3) தற்பொழுது நடைபெறும் திசை,புத்தி,அந்தரம் மற்றும் சூட்சமம் 12 பாவகங்களில் எந்த பாவகத்தின் பலனை ஏற்று நடத்துகிறது.
4) தற்பொழுது உள்ள கோட்சார கிரகங்கள் நடைபெறும் திசை,புத்தி,அந்தரம் மற்றும் சூட்சம தொடர்பு படுத்தும் பாவகங்களுக்கு எவ்வித பலன்களை தருகிறது என்பதை தெளிவாக தெரிந்தால் மட்டுமே, ஒரு ஜாதகருக்கு சரியான ஜாதக பலன்களை நாம் சொல்ல இயலும்.

மேற்கண்ட ஜாதகத்தில் நவ கிரகங்களின் திசை,புத்தி,அந்தரம் மற்றும் சூட்சமம் 12 பாவகங்களுடன் எவ்வித தொடர்பை பெறுகிறது என்பதை வரிசைகிரமமாக பார்ப்போம் அன்பர்களே !

ஜாதகருக்கு ஜெனன நிலையில் நின்ற திசை சந்திரன்:

சந்திரன் திசை ஜாதகருக்கு 1,3,7,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று யோக பலன்களையும், 4ம் வீடு சுக ஸ்தானமான 4ம் பாவகத்துடன் தொடர்பு பெற்று யோக பலன்களையும், 8,12ம் வீடுகள் விரைய ஸ்தானமான 12ம் பாவகத்துடன் தொடர்பு பெற்று அவயோக பலன்களையும் தந்தது, இதில் ஜாதகர் 1,3,4,7,9ம் பாவக வழிகளில் இருந்து நன்மையான பலன்களையும், 8,12ம் பாவக வழியில் இருந்து அவயோக பலன்களையும் சந்திரன் திசையில் அனுபவித்தார்.

2வதாக வந்த திசை செவ்வாய் :

 செவ்வாய் திசை ஜாதகருக்கு 1,3,7,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று யோக பலன்களை மட்டும் செய்ததால் ஜாதகர் செவ்வாய் திசையில் 1,3,4,7,9ம் பாவக வழிகளில் இருந்து நன்மையான பலன்களை மட்டும் அனுபவித்தார்,

3வதாக வந்த திசை ராகு :

 ராகு திசை ஜாதகருக்கு 2,6ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று மிகுந்த யோக பலனையே வழங்கியதால், ஜாதகருக்கு ராகு திசை 2,6ம் பாவக வழியில் இருந்து யோக பலன்களையே அனுபவிக்கும் தன்மைய தந்தது.

4வதாக தற்பொழுது  நடைமுறையில் உள்ள திசை குரு :

 தற்பொழுது நடைபெறும் குரு திசை ஜாதகருக்கு 10ம் வீடு பாக்கிய ஸ்தானமான 9ம் பாவகத்துடன் தொடர்பு பெறுவது நல்ல பலன் என்ற போதிலும் 10ம் வீட்டிற்கு 9ம் பாவகம் 12ம் வீடாக வருவதால் ஜாதகர் தனது தகப்பனார் வழியில் இருந்து எவ்வித யோக பலன்களையும் அனுபவிக்க இயலாத சூழ்நிலையை உருவாக்கி விட்டது.

5வதாக வரும் திசை சனி :

இனி வர இருக்கும் சனி திசை ஜாதகருக்கு 5,11ம் வீடுகள் லாப ஸ்தானமான 11ம் பாவகத்துடன் தொடர்பு பெற்று யோக பலன்களையும், 10ம் வீடு பாக்கிய ஸ்தானமான 9ம் பாவகத்துடன் தொடர்பு பெற்று அவயோக பலன்களையும் வழங்குகிறது எனவே ஜாதகர் சனி திசையில் 5,11ம் பாவக வழியில் இருந்து நன்மையையும், 10ம் பாவக வழியில் இருந்து தீமையையும் பெரும் நிலையை தரும்.

6வதாக வரும் திசை புதன் :

சனிக்கு அடுத்து வரும் புதன் திசை ஜாதகருக்கு 4ம் வீடு சுக ஸ்தானமான 4ம் பாவகத்துடன் சம்பந்தம் பெற்று யோக பலன்களையே தருவதால், ஜாதகருக்கு புதன் திசை மிகுந்த நன்மையையே வாரி வழங்கும்.

7வதாக வரும் திசை கேது :

புதன் திசைக்கு அடுத்ததாக வரும் கேது திசை ஜாதகருக்கு 2,6ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று மிகுந்த யோக பலனையே வழங்குவதால் ஜாதகருக்கு கேது திசை 2,6ம் பாவக வழியில் இருந்து யோக பலன்களையே வாரி வழங்கும்.

8வதாக வரும் திசை சுக்கிரன் :

கேது திசைக்கு அடுத்ததாக வரும் சுக்கிரன் திசை ஜாதகருக்கு 5,11ம் வீடுகள் லாப ஸ்தானமான 11ம் பாவகத்துடன் தொடர்பு பெற்று யோக பலன்களை வாரி வழங்குவதால் ஜாதகருக்கு சுக்கிரன் திசை மிகுந்த யோகத்தையும் நன்மையையும் வாரி வழங்கும் என்பது உறுதி.

9வதாக வரும் திசை சூரியன் :

சுக்கிர திசைக்கு அடுத்ததாக வரும் சூரியன் திசை ஜாதகருக்கு 8,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று அவயோக பலன்களையே தருவதால், ஜாதகருக்கு சூரியன் திசை மிகுந்த துன்பத்தையே தரும் என்பது குறிப்பிட தக்கது.

மேற்கண்ட ஜாதகருக்கு அதிக நன்மையை தரும் திசை,புத்தி,அந்தரம் மற்றும் சூட்சமங்களாக  சனி மற்றும் சுக்கிரன் ஜாதகத்தில் அமர்கின்றனர்.

மேற்கண்ட ஜாதகருக்கு அதிக இன்னல்களை தரும் திசை,புத்தி,அந்தரம் மற்றும் சூட்சமங்களாக சூரியன் மற்றும் சந்திரன் ஜாதகத்தில் அமர்கின்றனர்.

மேலும் மேற்கண்ட திசை,புத்தி,அந்தரம் மற்றும் சூட்சமம் நடைபெறும் பொழுது இவர்கள் தொடர்பு படுத்தும் பாவகங்களுடன் கோட்சார கிரகங்கள் தொடர்பு பெரும் பொழுது வழங்கும் யோக, அவயோக பலன்களையும் கருத்தில் கொண்டு பலன் காணும் பொழுது குறிப்பிட்ட ஜாதகருக்கு  நிச்சயம் தெளிவான ஜாதக பலனை தர இயலும்.

மேலும் ஜாதகர் யோக பலன்கள் நடைபெறும் திசை,புத்தி,அந்தரம் மற்றும் சூட்சம காலங்களில் விழிப்புணர்வுடன் செயல்பட்டு வெற்றிகளையும், அவயோக பலன்கள் நடைபெறும் திசை,புத்தி,அந்தரம் மற்றும் சூட்சமாக காலங்களில் பொறுமையையும் எச்சரிக்கை உணர்வுடன் செயல்பட்டு சம்பந்த  பட்ட பாவக வழியில் இருந்து நன்மை தீமை பலன்களை அனுபவிக்கலாம், ஆக ஒரு ஜாதகருக்கு நடைபெறும் திசை மற்றும் புத்திகள் வழங்கும் பலன்களின் தன்மையை உணர்ந்து அவருக்கு சரியான ஜாதக பலனை சொல்லும் பொழுது, ஜாதகரின் வாழ்க்கையில் சுபிட்சம் ஓங்கும்.

வாழ்க வளமுடன் 
ஜோதிடன் வர்ஷன் 
9443355696

ஏக திசை சந்திப்பும் திருமண வாழ்க்கையில் வரும் இன்னல்களும் !

  திருமண பொருத்தம் பார்ப்பதில் தற்பொழுது மிக பிரபலம் ஆகிக்கொண்டு இருக்கும் ஒரு வார்த்தை " ஏக திசை சந்திப்பு " அதாவது திருமண பொருத்தம் காண வரும் வது வரன் இருவரின் ஜாதகத்தை ஆய்வு செய்யும் ஜோதிடர்கள், வது வரனின் ஜாதகத்தில் நட்சத்திர பொருத்தம் 10 க்கு எத்தனை இருக்கின்றது என்பதை உறுதி செய்துகொண்டு, இருவருக்கு தற்பொழுது நடைபெறும் திசை ஒரே கிரகத்தின் திசையாக இருப்பின், இந்த ஜாதகங்கள் பொருந்தாது என்று கூறி தவிர்க்க சொல்கின்றனர், இதை கேட்ட உடன் ஜாதகம் காண வந்தவர்களும் பொருத்தம் இல்லை என்று நினைத்து, திருமண பேச்சை அத்துடன் விட்டு விடுகின்றனர், இதன் உண்மை நிலையை இன்றைய பதிவில் ஆய்வுக்கு எடுத்துகொள்வோம் அன்பர்களே !

கிழ்கண்ட ஜாதகங்கள் இதற்க்கு முன் 3 ஜோதிடர்கள் ஆய்வு செய்து இருவருக்கும் ஒரே திசை நடைபெறுவதால் ( சுக்கிரன் திசை ) பொருத்தம் வராது என்று, வரனின் ஜாதகத்தில் 5ல் ராகு  இருப்பதால் புத்திர பாக்கியம் இருக்காது என்று காரணம் சொல்லி ஜாதகம் காண வந்தவர்களின் வயிற்றில் புளியைகரைத்து அனுப்பி விட்டனர், உண்மையில் இரு தரப்பினருக்கும் ஜாதக பொருத்தம் பார்க்கும் முன்பு வரை மிகுந்த எதிர்பார்ப்புடன் இருந்துள்ளனர் வதுவுக்கும் வரணுக்கும் பிடித்து விட்டதால் திருமணத்தை நடத்திவிடலாம் என்று, ஜாதகம் பார்க்க போன இரு தரப்பினருக்கும் இந்த பதிலால் கிலியடித்து, திருமணத்தையே நிறுத்தி விடலாம் என்ற முடிவுக்கு வந்துவிட்டனர், இவர்களை எமது நண்பர் விபரம் சொல்லி நம்மிடம் அழைத்து வந்தார், வது வரனின் ஜாதகத்தை தெளிவாக ஆய்வு செய்து இரு தரப்பினருக்கும் விளக்கத்தை எடுத்து உரைத்து, ஜாதகத்தில் உள்ள உண்மை நிலையை தெளிவு படுத்தி திருமணம் நடத்தி வைத்தோம் அன்பர்களே !

ஜாதக ஆய்வு 

வரனின் ஜாதக நிலை :

வதுவின் ஜாதக நிலை :

மேற்கண்ட இரண்டு ஜாதகத்திலும் சுக்கிர திசை நடைமுறையில் இருக்கிறது, ஜோதிடர்கள் காரணமாக கூறியது இருவருக்கு ஒரே திசை நடைபெறுகிறது எனவே திருமணம் செய்ய கூடாது என்பது, இதற்க்கு ஜோதிடதீபம் கிழ்கண்ட வாறு  விளக்கம் தந்தது.

வரனின் ஜாதகத்தில் நடைபெறும் சுக்கிரன் திசை ( 30/03/2013 முதல் 30/03/2033 வரை )

 ஜாதகனுக்கு சுக்கிர திசை களத்திர ஸ்தானமான 7ம் வீடு , சுக ஸ்தானமான 4ம் பாவகத்துடன் சம்பந்தம் பெற்று மிகுந்த யோகத்தை தந்துகொண்டு இருக்கிறது, ஜாதகருக்கு 7ம் வீடு தொடர்பு பெரும் நான்காம் பாவகம், கால புருஷ தத்துவ அமைப்பிற்கு முதல் வீடாக அமைந்து சர நெருப்பு தத்துவ அமைப்பில் செயல்படுவதால், ஜாதகர் சுய கட்டுப்பாடு, தன்னம்பிக்கை, ஒழுக்கம், நேர்மையான குணம், செய்யும் தொழில் தனது செயல்பாடுகள் மூலம் வெற்றி பெற்று சுய உழைப்பின் மூலம் வண்டி வாகனம், சொத்து சுக சேர்க்கை, நினைத்ததை சாதிக்கும் வல்லமை, நல்ல உடல் நிலை மற்றும் மன நிலையை பெரும் யோகம், மற்றவர் போற்றும் அருங்குணங்கள், சமுதாய அந்தஸ்து மற்றும் ஏற்றமிகு பெருவாழ்வை குறுகிய காலத்தில் ( சரம் ) பெரும் யோகத்தை தரும்.

வதுவின் ஜாதகத்தில் நடைபெறும் சுக்கிரன் திசை ( 16/12/2002 முதல் 16/12/2022 வரை )

 ஜாதகிக்கு சுக்கிரன் திசை 1,7ம் வீடுகள் களத்திர ஸ்தானமான 7ம் பாவகத்துடன் சம்பந்தம் பெற்று மிகுந்த யோகத்தையே தந்துகொண்டு இருக்கிறது, ஜாதகிக்கு 7ம் பாவகம் கால புருஷ தத்துவ அமைப்பிற்கு 10ம் வீடாக அமைந்து சர மண் தத்துவ அமைப்பில் நடைபெறுவதால், ஜாதகி பொறுமையான குணமும், சிறந்த உடல் நலமும், மற்றவர் போற்றும் பெருந்தன்மையையும் கொண்டிருப்பார், தனது நிதானமான செய்கையினாலும், பெரியோர்களின் ஆசிர்வாதமும் பாராட்டுகளையும் பெறுவார், இதில் கவனிக்க தக்க விஷயம் எதுவெனில் ஜாதகியின் களத்திர ஸ்தானம் கால புருஷ தத்துவத்திற்கு 10ம் வீடாகி ஜீவன ஸ்தானமான வருவது ஜாதகியை திருமணம் செய்துகொள்ளும் அன்பருக்கு! அளவில்லா ( சரம் ) தொழில் விருத்தியை வாரி வழங்கும், இதுவரை ஜீவனத்திர்க்கே சிரம பட்ட நபராக இருந்தாலும் சரி, இந்த வதுவை திருமணம் செய்த சில நாட்களிலேயே தொழில் ரீதியான அபிவிருத்தியை எதிர்பாரா வண்ணம் பெறுவார், அவரின் கௌரவமும் அந்தஸ்தும் சமுதாயத்தில் மேலோங்கும்.

மேற்கண்ட இருவரின் சுய ஜாதக ரீதியாக நடைபெறும் சுக்கிரன் திசை வரனின் ஜாதகத்தில் 4ம் பாவக வழியில் இருந்து யோக பலன்களையும், வதுவின் ஜாதகத்தில் 7ம் பாவக வழியில் இருந்து யோக பலன்களையும் வாரி வழங்குவது ஏக திசா சந்திப்பால் எவ்வித துன்பமும் நடைபெற வாய்ப்பில்லை, மேலும் இவர்கள் திருமணம் செய்துகொள்வதால் திருமண வாழ்க்கையில் சிறப்பான முன்னேற்றங்களை வாரி வழங்கும் என்பது உறுதி, எனவே திருமண வாழ்க்கை மிகவும்  சிறப்பாக நடைபெற்று தம்பதியர் யோக வாழ்க்கையையே பெற்றார்கள் என்பது உறுதி செய்யபட்ட விஷயமாக இருக்கிறது அன்பர்களே !

இருவருக்கும் நடைபெறும் சுக்கிரன் திசை யோக பலன்களையே வழங்குவதால், ஏக திசை சந்திப்பு எப்படி தீமையை செய்யும் என்று ஜோதிடர்கள் நிர்ணயம் செய்தனர் என்பது எமக்கு புரியவில்லை, ஆக வதுவின் ஜாதகத்திலும், வரனின் ஜாதகத்திலும் நடைபெறும் சுக்கிரன் திசை எந்த பாவக பலனை தருகிறது என்று தெரியாத பொழுதே ஜோதிடர்களுக்கு இந்த குழப்பம் ஏற்ப்பட்டு இருக்கும், இருவருக்கும் நடைபெறும் சுக்கிரன் திசை வரனின் ஜாதகத்தில் 4ம் பாவக வழியில் இருந்து யோக பலன்களையும், வதுவின் ஜாதகத்தில் 7ம் பாவக வழியில் இருந்து யோக பலன்களை, தருகிறது என்று தெரிந்து இருந்தால் இவர்கள் ஜாதக பொருத்தம் இல்லை என்று ஏக திசை சந்திப்பை காரணம் காட்டி இருக்க வாய்ப்பில்லை அன்பர்களே ! இந்த மாதிரி குத்து மதிப்பாக தவறாக ஜாதக பலன் சொன்னால், இதற்க்கு உண்டான வினை பதிவு, ஜோதிடர்களின் சந்ததியை பாதிக்கும் என்பதும் ஜோதிடர்களையும் பாதிக்கும் என்பதும் ஏன் இவர்களுக்கு புரியாமல் போய்விடுகிறது, நாம் காணும் ஜாதக கணிதம் குறைந்த பட்சம் நம்மை நம்பி வருபவர்களுக்கு நன்மை செய்யாவிட்டலும் பரவாயில்லை, தீமை நடைபெறாமல் இருப்பது முக்கியமல்லவா அன்பர்களே !

பொதுவாக திருமண பொருத்தம் காண்பதில் வது வரன் ஜாதகத்தில் அடிப்படையாக கவனிக்கப்பட வேண்டிய விஷயமாக இருப்பது குடும்ப ஸ்தானம் எனும் 2ம் பாவகமும், களத்திர ஸ்தானம் எனும் 7ம் பாவகமுமே, இந்த இரண்டு பாவகமும் மிக வலிமையாக இருந்து நடைபெறும் திசை, எதிர்வரும் திசைகள் வலிமை பெற்ற பாவகங்களின் பலனை ஏற்று நடத்தினால் நிச்சயம் திருமண வாழ்க்கை மிகவும் சிறப்பாகவே அமையும், இத்துடன் 5ம் பாவகமும் இருவரின் ஜாதகத்தில் வலிமை பெற்று அமையும் பொழுது, நிச்சயம் சிறந்த புத்திர பாக்கிய யோகத்தை வாரி வழங்கிவிடும்.

பொருத்தம் இல்லை என்பதற்கு ஜோதிடர்கள் சொன்ன மற்றொரு காரணாம், " 5ல் ராகு புத்திர பாக்கியம் இல்லை " ஒருவரது ஜாதகத்தில் ராகு நல்ல நிலையில் இருக்கிறாரா?  பாதிக்கபட்டு இருக்கிறாரா ? என்று ஆய்வு செயாமல், ராகு 5ல் அமர்ந்தால் புத்திர பாக்கியம் இல்லை என்று முடிவு செய்வது உண்மைக்கு புறம்பான ஒரு விஷயம் அல்லவா ? பொதுவாக ராகு 5ல் அமர்ந்து அந்த பாவகத்திர்க்கு அதிபதி சுக்கிரன்,குரு,வளர்பிறை சந்திரன், சூரியனுடன் சேராத புதன் ( சூரியனுக்கு 14 பாகைக்கு மேல் அமர்ந்த நிலை) ஆகியோர் பொறுப் ஏற்றால் புத்திர ஸ்தானமான 5ம் பாவகம் 100% வலிமை பெற்று விடும் ஜாதகருக்கு பிறக்கும் குழந்தைகள் யாவும் ஆண் குழந்தைகளாகவே இருக்கும், ( ஜாதகர் தனது பூர்வீகத்தில் ஜீவனம் செய்து வந்தால் ) ஆக மேற்கண்ட வரனின் ஜாதகத்தில் சுக்கிரன் வீடான ரிஷபத்தில் அமரும் ராகு பகவான் ஜாதகருக்கு சிறந்த ஆண்வாரிசை வழங்குகிறார் என்பது உறுதியாகிறது, ஜாதகத்தில் உண்மையான விஷயங்கள் இப்படி இருக்க, இப்படி உண்மைக்கு புறம்பான ஜாதக பலன்களை சொல்லும் ஜோதிடர்களை என்ன செய்வது ? நாம் தான் தலையில் அடித்துக்கொள்ளவேண்டும்.

மேற்கண்ட சரியான உண்மையான விளக்கத்தை இரு தரப்பிற்கும் தெளிவாக சொன்ன பின்னரே இருவருக்கும் திருமணம் செய்து வைத்தனர், தற்பொழுது தம்பதியருக்கு சந்தான பாக்கியம் கிட்டியாதாக நம்முடன் மகிழ்ச்சியை பகிர்ந்துகொண்டனர், வாழையடி வாழையாக அவர்களது குடும்பம் 16 வகை செல்வமும் பெற்று செழித்து ஓங்கட்டும், இந்த பெருமை எல்லாம் எனது குருவையே சாரும்.

வாழ்க வளமுடன் 

ஜோதிடன் வர்ஷன் 

9443355696

சுய ஜாதகத்தில் பனிரெண்டு பாவகங்களின் வலிமையையும், நடைபெறும் திசை ஏற்று நடத்தும் பாவக பலன்களும்!

ஜாதக பொது பலன்கள் 

இன்றைய பதிவில் நமது வாசகரின் சுய ஜாதக ரீதியாக 12 பாவகங்களின் வலிமையை பற்றியும், தற்பொழுது நடைபெறும் திசை மற்றும் புத்தி ஏற்று நடத்தும் பாவக வழி பலன்களை பற்றியும், அந்த பாவகங்களுக்கு கேட்சார கிரகங்கள் தரும், யோக அவயோக பலன்களை பற்றியும் இந்த பதிவில், நாம் மிக தெளிவாக இந்த பதிவில் காண்போம் அன்பர்களே !

நமது வாசகரின் ஜாதக நிலை :

ஜாதகரின் லக்கினம் : தனுசு 

ராசி : கன்னி 

நட்சத்திரம் : அஸ்தம் 3ம் பாதம் 

( தனுசு  ராசியில் 254:28:19 பாகையில் ஆரம்பித்து  மகர ராசியில் 284:37:29 பாகையில் முடிவடைகிறது )

லக்கினம் ஆரம்பிக்கு பாகையையும், முடிவடையும் பாகையையும் இங்கு ஏன் ஜோதிடதீபம் குறிப்பிடுகிறது என்றால், நவ கிரகங்கள் இவரது ஜாதகத்தில் எந்த பாவகத்தில் அமர்ந்து  இருக்கின்றனர் என்ற தெளிவு பெறவே, நவ கிரகங்கள் எந்த பாவகத்தில் அமர்ந்து இருக்கின்றனர் என்ற விஷயம் தெரிந்தால் மட்டுமே ஜாதகருக்கு 12 பாவகங்களின் வலிமை நிலையை தெளிவாக தெரிந்துகொள்ள இயலும், இல்லை எனில் குத்து மதிப்பாக ராசி கட்டத்தை பார்த்து நவகிரகங்கள் இந்த பாவகத்தில் தான் உள்ளது என்று தவறாக நிர்ணயம் செய்து, ஜாதகருக்கு முரண்பட்ட பலன்களை தெரிவிக்க வேண்டி வரும், உதாரணமாக இவரது ஜாதகத்தில் ராகு கேது எனும் சாய கிரகங்கள் மேலோட்டமாக காணும் பொழுது லக்கினம் மற்றும் 7ம் பாவகத்தில் இருப்பதை போல் தோன்றும், இதை பார்க்கும் பல ஜோதிடர்கள் உடனடியாக ஜாதகருக்கு கால சர்ப்ப தோஷம் எனவும், ( ராகு கேது கிரகங்களுக்குள் அனைத்து கிரகமும் அடக்கம் என்பதால்),  ராகு கேது ஜாதகம் எனவும் முடிவு செய்து விடுவார்கள்.

ஆனால் ஜாதகரின் லக்கினம் ஆரம்பிக்கும் பாகையை அடிப்படையாக கொண்டு காணும் பொழுது ராகு மிதுன ராசியில் உள்ள 6ம் பாவகத்திலும், கேது தனுசு ராசியில் உள்ள 12ம் பாவகத்திலும் அமர்ந்து இருப்பது புலனாகும், அப்படி அமரும் ராகு 6ம் பாவகத்திர்க்கு 30% தீமையையும், கேது 12ம் பாவகத்திர்க்கு 30% தீமையையும் தருகிறார்கள் என்பது உறுதியாகிறது, மேலும் பாவக அமைப்பில் மற்ற கிரகங்கள் 7ம் எந்த எந்த பாவகங்களில் அமர்ந்து இருக்கின்றனர் என்பதை இனி ஆய்வுக்கு எடுத்துகொள்வோம் அன்பர்களே !

சந்திரனும் புதனும் கன்னி ராசியில் உள்ள 9ம் பாவகத்திலும், சூரியன்,சுக்கிரன், கிரகங்கள் கன்னி ராசியில் உள்ள 10ம் பாவகத்திலும், சனி துலாம் ராசியில் உள்ள பத்தாம் பாவகத்திலும், லக்கினாதிபதி ஆனா குரு துலாம் ராசியில் 11ம் பாவகத்திலும், செவ்வாய் விருச்சிக ராசியில்  12ம் பாவகத்திலும், பாவக முறையே அமர்ந்து இருப்பது 12 பாவகங்களும் ஆரம்பிக்கும் பாகையை அடிப்படையாக வைத்து காணும் பொழுது மிக தெளிவாக தெரிந்துகொள்ள இயலும் அன்பர்களே !

இனி ஜாதகத்தில் 12 பாவகங்களின் வலிமை நிலையை ஆய்வுக்கு எடுத்துகொள்வோம் அன்பர்களே !

ஜாதகத்தில் வலிமை பெற்று நல்ல நிலையில் இருக்கும் பாவகங்கள் :

1,3,4ம் வீடுகள் சுக ஸ்தானம் எனும் 4ம் பாவகத்துடன் சம்பந்தம் பெற்று 65% வலிமையுடனும்,

2,5,11ம் வீடுகள் லாப ஸ்தானம் எனும் 11ம் பாவகத்துடன் சம்பந்தம் பெற்று 85% வலிமையுடனும்,

6,9,12ம் வீடுகள் பாக்கிய ஸ்தானம் எனும் 9ம் பாவகத்துடன் சம்பந்தம் பெற்று 50% வலிமையுடனும்,

7,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று 70% வலிமையுடனும், மிகவும் சிறப்பாக அமைந்திருக்கின்றது.

ஜாதகத்தில் வலிமை அற்று பாதிக்கபட்டு இருக்கும் பாவகங்கள் :

இவரது ஜாதகத்தில் 8ம் வீடு ஆயுள் பாவகமான 8ம் பாவகத்துடன் சம்பந்தம் பெற்று 50% வலிமையற்று இருப்பது மட்டுமே குறையாக காணப்படுகிறது, இருப்பினும் ஜாதகருக்கு பூரண ஆயுளை தந்துவிடும்.

இனி 12 பாவக வழியில் இருந்து ஜாதகர் பெரும் பலன்களை பற்றி பார்ப்போம் அன்பர்களே !

1,3,4ம் வீடுகள் சுக ஸ்தானம் எனும் 4ம் பாவகத்துடன் சம்பந்தம் பெறுவது, ஜாதகருக்கு இலக்கின வழியில் இருந்து கல்வியில் வெற்றி, மண் மனை வண்டி வாகன யோகம், தாய் வழியில் இருந்து சொத்து கிடைத்தல், ஜாதகரின் நுண்ணறிவு மூலம் தனது வாழ்க்கையை சிறப்பாக அமைத்து கொள்ளும் வாய்ப்பு, அறிய கலைகளில் அதிக ஆர்வத்தை தரும், 3ம் பாவக வழியில் இருந்து ஜாதகர் சுய முயற்சியால், மண் மனை, வண்டி வாகனம் வாங்கும் யோகம், பின் யோகம், மகிழ்சியான வாழ்க்கை, பொதுமக்கள் பெண்கள் ஆதரவு, போட்டி பந்தையங்களில் வெற்றி, பேப்பர், எழுத்து புத்தகம் மூலம் அபரிவிதமான வருமானம், கால் நடைகள் வீட்டு மிருகங்கள் மூலம் நல்ல லாபம், போக்குவரத்து ஏஜென்சி மூலம் சிறப்பான வருமானம், விவசாயத்தில் நல்ல லாபம், அரசியல் மற்றும் அரசியல்வாதிகள் மூலம் நல்ல லாபம், என்ற வகையில் நன்மையை தரும்.

4ம் பாவக வழியில் இருந்து ஜாதகருக்கு மண் மனை வண்டிவாகன யோகம் எளிதில் கிட்டும் அமைப்பு, சொந்த ஊரில் இருப்பதால் நல்ல வெற்றி வாய்ப்பு, வீடு நிலம் சார்ந்த வியாபாரங்கள் செய்வதால் நல்ல யோகம், அதிக வருமானம் கிடைக்கும் வாய்ப்பு, கட்டுமான துறை சார்ந்த பொருட்களை வாங்கி விற்பனை செய்வதால் குறுகிய கால முன்னேற்றத்தை தரும், வடக்கு திசை வாயிற்படி கொண்ட வீடுகளில் குடியிருப்பதால் ஜாதகருக்கு அபரிவிதமான வெற்றி வாய்ப்பு உண்டாகும், பொருளாதார ரீதியான தன்னிறைவு ஏற்ப்படும்.

2,5,11ம் வீடுகள் லாப ஸ்தானம் எனும் 11ம் பாவகத்துடன் சம்பந்தம் பெறுவது ஜாதகருக்கு 2ம் பாவக வழியில் இருந்து அதிர்ஷ்டம் , நண்பர்கள் உதவி, செல்வ செழிப்பு மற்றும் மருத்துவ உபகரணம், மருந்து, ரசாயன உரம், இயற்க்கை உரம் போன்ற விவசாய பொருட்களை வியாபாரம் செய்வதால் அபரிவிதமான வருமானம் கிட்டும், மேலும் உணவு உணவு சார்ந்த பொருட்களை விற்பனை செய்வதால் நல்ல லாபம் கிட்டும், 5ம் பாவக வழியில் இருந்து லாட்டரியில் யோகம், பங்கு வர்த்தகத்தில் நல்ல லாபம், தனது புத்திசாலிதனத்தால் ஆதாயம், எப்போதும் மகிழ்ச்சி, குழந்தை மனைவி குடும்பத்தாருடன் நல்லுறவு, தனது பூர்வீகத்தில் இருப்பதால் மட்டுமே யோக வாழ்க்கையை பெரும் தன்மையை தரும், 11ம் பாவக வழியில் இருந்து ஜாதகருக்கு நீடித்த அதிர்ஷ்டம், அனைத்திலும் லாபம், நல்ல குணம் என்ற வகையில் ஜாதகருக்கு நன்மையை தரும்.

6,9,12ம் வீடுகள் பாக்கிய ஸ்தானம் எனும் 9ம் பாவகத்துடன் சம்பந்தம் பெறுவது ஜாதகருக்கு 6ம் பாவக வழியில் இருந்து பயணங்களால் நல்ல லாபம், சமாதான முறையில் வெற்றி, எதிர்பாராத சொத்து சுக சேர்க்கை, உடல் ஆரோக்கியம், புகழ் பரிசு பெரும் யோகத்தை தரும்,9ம் பாவக வழியில் இருந்து ஜாதகருக்கு நல்ல அறிவாற்றல், பயணங்களில் விருப்பம், பெரிய மனிதர்கள், ஆன்மீகத்தில் அதிக ஈடுபாடு, திடீரென சூழ்நிலை மாறும் அமைப்பு என யோக பலன்களையும், 12ம் பாவக வழியில் இருந்து, வெளிநாடு யோகம், வெளிநாடுகளில் இருந்து வரும் வருமானம், உல்லாசமான வாழ்க்கை முறை, தொழில் மற்றும் இருப்பிடத்தை அடிக்கடி மற்றும் அமைப்பை தரும்.

7,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெறுவது ஜாதகருக்கு 7ம் பாவக வழியில் இருந்து தாமத திருமணம், திருமணதிற்கு பிறகு வரும் அபரிவிதமான வெற்றி வாய்ப்புகள், நல்ல அந்தஸ்து உள்ள வாழ்க்கை துணை, அரசியலிலும், வியாபாரத்திலும் எதிர்பாராத வெற்றி வாய்ப்புகள், கூட்டு தொழில் செய்வதால் வரும் அபரிவிதமான யோக வாழ்க்கை, சொந்த முயற்ச்சியில் முன்னேற்றம் பெரும் அமைப்பு, சமூகத்தில் மதிப்பு மரியாதை, கௌரவம் அந்தஸ்து என்ற வகையில் மிக பெரிய யோகத்தை தரும், 10ம் பாவக வழியில் இருந்து உத்தியோகம், வியாபாரம், தொழில் முதலியவற்றில் மிகப்பெரிய வெற்றி கிட்டும், கம்பீரமான வாழ்க்கை, தீர்க்கமான முடிவுகளை எடுக்கும் மன அமைப்பு, வேலைக்கு செல்வதை விட ஜாதகர் தொழில் செய்வதாலேயே மிகப்பெரிய முன்னேற்றத்தை பெரும் யோகத்தை தரும்.

8ம் வீடு ஆயுள் பாவகமான 8ம் பாவகத்துடன் சம்பந்தம் பெறுவது ஜாதகருக்கு பூரண ஆயுளை தரும், இருப்பினும் ஜாதகருக்கு வாழ்க்கையில் பல ஏமாற்றங்களை தரும், துயரம், விபத்து, வியாதி எதிர்க்கும் வல்லமை இல்லாத தன்மை, திருப்தி இல்லாமல் வாழும் சூழ்நிலையை தரக்கூடும்.

12 பாவக வழியில் இருந்து ஜாதகர் மேற்கண்ட வகையில் பலன்களை அனுபவிக்கும் தன்மையை தரும்.

இனி ஜாதகருக்கு இதற்க்கு முன் நடந்த திசைகள், தற்பொழுது நடைபெறும் திசை, இனி வரும் திசைகள் மேற்கண்ட 12 பாவகங்களில், எந்த எந்த பாவக பலனை ஏற்று நடத்தியது? நடத்துகிறது ? நடத்தும் ? என்பதை தெளிவாக காண்போம் அன்பர்களே! ஜாதக அமைப்பிலேயே, நவ கிரகங்களின் திசைகள் எந்த பாவகங்களின் பலனை ஏற்று நடத்துகிறது என்பதே ஒருவரின் வாழ்க்கையில் வரும் யோக அவயோக பலன்களை நிர்ணயம் செய்கிறது என்பதால், இந்த பதிவில் " எண்ஜான் உடம்பிற்கு சிரசே பிரதானம் " என்பதற்கு ஒப்பாக விளங்குகின்றது, ஏனெனில் நடைபெறும் திசை ஒரு ஜாதகருக்கு எந்த பாவகத்தின் பலனை தருகிறது என்று தெரிய வில்லை எனில், அந்த ஜாதகருக்கு நாம் ஜோதிட கணிதம் செய்து சொல்லும் பலன்கள் யாவும், பொதுவானதாக அமைந்துவிடும், ஜாதகருக்கு எந்த பாவகத்தின் பலனை தருகிறது என்பது தெளிவாக தெரியும் பொழுது ஜாதகர் அந்த குறிப்பிட்ட பாவக வழியில் இருந்து எவ்வித பலன்களை ( யோக அவயோக ) வழங்குகிறது என்பதை துல்லியமாக எடுத்து கூற முடியம், ஜாதகர் அதன் வழியில் வாழ்க்கையை செம்மையாக நடத்த வழிகோல இயலும்.

ஜாதகருக்கு பிறப்பில் நடைபெற்ற திசை சந்திரன் திசை 12/07/1985 வரை நடைபெற்றது, இந்த சந்திரன் திசை ஜாதகருக்கு 6,9,12ம் வீடுகள் பாக்கிய ஸ்தானம் எனும் 9ம் பாவகத்துடன் சம்பந்தம் பெற்று யோக பலன்களை தந்து.

2வதாக நடைபெற்ற செவ்வாய் திசை ( 12/07/1985 முதல் 12/07/1992 வரை ) ஜாதகருக்கு 1,3,4ம் வீடுகள் சுக ஸ்தானம் எனும் 4ம் பாவகத்துடன் சம்பந்தம் பெற்று யோக பலன்களை தந்தது.

3வதாக நடைபெற்ற ராகு திசை ( 12/07/1992 முதல் 12/07/2010 வரை ) 8ம் வீடு ஆயுள் பாவகமான 8ம் பாவகத்துடன் சம்பந்தம் பெற்று தீமையான பலன்களை ராகு திசை முழுவதும் தந்தது, ஜாதகருக்கு 8ம் பாவகம் காலபுருஷ தத்துவ அமைப்பிற்கு 4ம் பாவகமாக, சர நீர் தத்துவ அமைப்பில் பலனை தந்தது, ராகு திசை 18 வருடங்களும் ஜாதகருக்கு அளவில்லா துன்பத்திற்கு ஆளாக்கியது, குறிப்பாக ஜாதகரின் கல்வி காலத்தில் ராகு திசை திடீர் இழப்பை தரும் 8ம் பாவக பலனை தந்ததால், ஜாதகரின் கல்வி கேள்விக்குறியானது ? கல்வி பாதியிலேயே தடை பெற்றது, அடுத்ததாக ஜாதகரின் தொழில் முயற்ச்சிகள் யாவும் தோல்வியை தந்தது, நிலையான தொழில் அமையாமல் ஜாதகரின் போராட்டம் ஆரம்பம் ஆனது, நிலையான வருமானம் அமையாமல் ஜாதகர் அதிக அளவில் சிரமப்பட வேண்டிய சூழ்நிலையை தந்தது, " கொடிது கொடிது வறுமை கொடிது அதனினும் கொடிது இளமையில் வறுமை " என்ற ஒவ்வையின் வாக்கிற்கு இணங்க ஜாதகருக்கு இளமையில் வறுமையை ( 12/07/1992 முதல் 12/07/2010 வரை ) நடைபெற்ற ராகு திசை ஆயுள் ஸ்தானமான 8ம் பாவக வழியில் இருந்தும் கால புருஷ தத்துவ அமைப்பிற்கு சுக ஸ்தானமான 4ம் பாவக அமைப்பில் சர நீர் தத்துவ அமைப்பில் தந்தது , ஜாதகரை விரக்தியின் விளிம்பில் கொண்டு போய் நிறுத்தியது, சர ராசி என்பது தான் கொடுக்க வேண்டிய நன்மையையோ ? தீமையையோ ? 100% தங்கு தடையின்றி தரும் என்பதால் ஜாதகரால் ராகு திசையில் அதிக சிரமத்திற்கும் துன்பத்திற்கு ஆளாகும் சூழ்நிலையை தந்தது.

3வதாக நடைபெற்ற ராகு திசை ஜாதகரை போட்டு வாட்டி வதைத்தது என்றே சொல்லாம், இளமையில் ஒருவர் எவ்வித கஷ்டங்களை அனுபவிக்க கூடாதோ ? அந்தனை கஷ்டங்களையும் ஜாதகர் அனுபவித்தார், 8ம் பாவகம் சர நீர் ராசி என்பதாலும், கால புருஷ தத்துவ அமைப்பிற்கு சுக ஸ்தானம் என்பதாலும், ஜாதகரின் வசதி வாய்ப்புகளை இழக்க வைத்து மனதளவில் அதிக போராட்டத்தையும், மன உளைச்சலுக்கும் ஆளாக்கியது என்பதால் ஜாதகருக்கு ராகு திசை மிகுந்த அவயோக பலன்களையே தங்கு தடையின்றி கொடுத்தது வருத்தத்திற்கு உரிய ஒரு விஷயமே.

4வதாக நடைபெற்று வரும் குரு திசை ( 12/07/2010 முதல் 12/07/2026 வரை )  2,5,11ம் வீடுகள் லாப ஸ்தானம் எனும் 11ம் பாவகத்துடன் சம்பந்தம் பெறுவது ஜாதகருக்கு மிகுந்த யோக அமைப்பை தரும் மேற்கண்ட பாவக வழியில் இருந்து, அதாவது 2ம் பாவக வழியில் இருந்து ஜாதகருக்கு அளவில்லா வருமானத்தை பொதுமக்கள் வழியில் இருந்து பெற்று தரும் ஏனெனில் 2ம் வீடு தொடர்பு பெறுவது லாப ஸ்தானமான 11ம் பாவகத்துடன், இந்த 11ம் பாவகம் ஜாதகருக்கு துலாம் ராசியில் அமைகிறது, துலாம் ராசி கால புருஷ தத்துவ அமைப்பிற்கு களத்திர ஸ்தானமான 7ம் பாவகமாக வருவதால் ( 7ம் பாவக வழியில் இருந்து ஜாதகர் பொதுமக்கள்,கூட்டாளி,வாழ்க்கை துணை, வெளிநாடு, வெளிநாட்டில் இருந்து வரும் வருமானம் போன்றவற்றை குறிக்கும், மேலும் துலாம் ராசி சர காற்று தத்துவ அமைப்பை பெறுவதால் தனது அமைப்பில் இருந்து 100% யோகத்தை தரும் என்பதை இங்கே ஜோதிடதீபம் குறிப்பிட விரும்புகிறது ) ஜாதகரின் அறிவாற்றல் மிகசிறப்பாக செயல்படும், இனி வரும் காலங்களிலேயே ஜாதகருக்கு சிறப்பான வாழ்க்கை துணை கிடைக்கும், நல்ல தொழில் முறை கூட்டாளிகளை தரும், சிறந்த நண்பர்களை அறிமுகம் செய்து வைக்கும், ஜாதகர் ராகு திசையில் அனுபவித்த இன்னல்களுக்கு , இரட்டிப்பான நன்மைகளையும், யோக அமைப்புகளையும் குறுகிய காலத்தில் அனுபவிக்கும் தன்மையை தரும்.

5ம் பாவக வழியில் இருந்து ஜாதகருக்கு நல்ல குழந்தைகள், சிறந்த ஆண் வாரிசு அமையும், ஜாதகரின் புத்திசாலிதனமும் அறிவு திறனும் வியாபாரத்தில் பன்மடங்கு லாபத்தை பெற்றுத்தரும், எங்கு சென்றாலும் ஜாதகருக்கு நல்ல வரவேற்ப்பு கிட்டும், சர காற்று தத்துவமான துலாம்  ராசியுடன் சம்பந்தம் பெறுவதால் ஜாதகருக்கு அதிர்ஷ்ட வாய்ப்புகள் தேடிவரும், மேற்கண்ட யோக பலன்கள் யாவும் நடைமுறைக்கு வரவேண்டும் என்றால் ஜாதகர் தனது பூர்விகத்திர்க்கு உற்பட்ட பகுதிகளில் ஜீவனம் மேற்கொண்டால் மட்டுமே யோக பலன்கள் 100% கிடைக்கும் என்பதை ஜாதகர் நினைவில் நிறுத்துக, ஒரு வேலை ஜாதகர் தனது பூர்வீகத்தை விட்டு வெளியில் ஜீவனம் மேற்கொண்டால் , 11ம் பாவக வழியில் இருந்து வரும் யோக பலன்களின் தன்மை வெகுவாக குறையும்.

11ம் பாவக வழியில் இருந்து ஜாதகருக்கு குரு திசை முழுவதும் நீடித்த அதிர்ஷ்டத்தை தரும், முற்போக்கு சிந்தனையும், நேர்மறையான எண்ணங்களும் ஜாதகரை குறுகிய காலத்தில் மிகப்பெரிய வெற்றியை தேடி தரும், ஜாதகர் வியாபாரம் செய்வதால் அளவில்லா லாபம் வந்து குவியும், சுயமாகவோ ? கூட்டாகவோ ? ஜாதகர் தொழில் செய்வது சால சிறந்தது, மற்றவரிடம் பணியாற்றினால் ஜாதகரின் யோக பலன்கள் யாவும், தடைபட கூடும் என்பதால், ஜாதகர் தனது முன்னேற்றத்தை மட்டும் கவனத்தில் கொண்டு செயல்படுவது அவசியம் ஆகிறது .

கோட்சார கிரகங்களின் தொடர்பு அவை தரும் பலன்கள் :

குரு திசை முழுவதும் ஜாதகருக்கு 11ம் பாவக பலனையே நடத்துவதால், இந்த 11ம் பாவகத்துடன்  நீண்ட நாள் சஞ்சாரம் செய்யும் சனி பகவான் மற்றும் குருபகவானின் தொடர்புகள்  தற்பொழுது இல்லாத காரணத்தால், மேற்கண்ட கிரகங்கள் அமைப்பில் இருந்து ஜாதகர் எவ்வித யோக அவயோக பலன்களையும் பெறவில்லை, ஒருவேளை இனி வரும் காலங்களில் நவகிரகங்கள் சம வீடான 11ம் பாவகத்துடன் தொடர்பு பெற்றால் அந்த பாவகத்திர்க்கு 100% கோட்சார நன்மையை செய்வதால் ஜாதகர் கோட்சார கிரகங்கள் பற்றிய பயம் கொள்ள தேவையில்லை என்பதே ஜோதிடதீபத்தின் கருத்து , வாழ்த்துகள் .

ஒருவரின் சுய ஜாதகத்தில் மேற்கண்ட அமைப்பில் முறையாக ஜாதக கணிதம் செய்து பலன்களை தெளிவாக கூறும் பொழுது, ஜாதகர் நிச்சயம் தமது வாழ்க்கையை மிக சிறப்பாக அமைத்து கொள்வார் என்பது உறுதி என்று, ஜோதிடதீபம் 100% திடமாக நம்புகிறது.

வாழ்க வளமுடன் 

ஜோதிடன் வர்ஷன் 

9443355696