சுய ஜாதகத்தில் கடக ராசி வலிமை இழப்பும், ஜாதகர் படும் துயரங்களும் !

பொதுவாக சுய ஜாதகத்தில் லக்கினம் முதல் பனிரெண்டு பாவகங்களும் மிக மிக வலிமையுடன் இருப்பது ஜாதகரின் சுபயோக வாழ்க்கைக்கும் முன்னேற்றம் நிறைந்த எதிர்கால வாழ்விற்கும் சிறந்த அடித்தளத்தை அமைத்து தரும், இது ஜாதகரின் வாழ்க்கையில் சிறப்பு மிக்க யோக வாழ்க்கையை நல்கும் என்பதுடன், நன்மையான பலாபலன்களை வாரி வழங்கும். கால புருஷ தத்துவ அமைப்பிற்கு மாத்ரு ஸ்தானமான கடகம்  சுய ஜாதகத்திலும் வலிமை பெற்ற பாவக தொடர்பை பெறுவது சம்பந்தப்பட்ட ஜாதகருக்கு தொடர்பு பெற்ற பாவக வழியில் இருந்து சுபயோகங்களை வாரி வழங்க தவறுவது இல்லை, அதே சமயம் வலிமை அற்ற பாவக தொடர்பை பெரும் பொழுது ஜாதகரின் வாழ்க்கையில் கடுமையான பாதிப்புக்களை வழங்குவதிலும் தவறுவது இல்லை, இதை ஓர் உதாரண ஜாதகம் கொண்டு தெளிவு பெறுவோம்.

லக்கினம் : தனுசு 

ராசி : கன்னி 

நட்ஷத்திரம் : அஸ்தம் 3ம் பாதம் 

இந்த தனுசு லக்கின ஜாதகருக்கு கடக ராசியில் களத்திர ஸ்தானம் எனும் 7ம் பாவகம்  14 பாகைகளையும், ஆயுள் ஸ்தானம் எனும் 8ம் வீடு 16 பாகைகளையும் கொண்டு இருப்பது வரவேற்க தக்கது, இதில் களத்திர ஸ்தானம் எனும் 7ம் பாவகம் ஜீவன ஸ்தானமான 10ம் பாவக தொடர்பை பெறுவது வரவேற்கத்தக்க சிறப்பு அம்சங்களை வாரி வழங்கும், அதே சமயம் 16 பாகைகளை கொண்டுள்ள ஆயுள் பாவகம் ஜாதகருக்கு கடுமையான திடீர் பாதிப்புகளை வாரி வழங்கும், சுய ஜாதகத்தில் கடக ராசியில்  பெரும் பகுதி 7ம் பாவக வழியில் இருந்து பெருவாரியான நன்மைகளை தருவது கவனிக்கத்தக்கது இது ஜாதகருக்கு, வியாபாரம், வெளியூர் அல்லது வெளிநாடுகளில் இருந்து வரும் நன்மைகளை அதிக அளவில் தரும், எதிர்பாலின சேர்க்கை மூலம் வாழ்க்கையில் சிறப்பான யோகங்களை பெறுவார், திருமணத்திற்கு பிறகான ஜீவன முன்னேற்றம் சிறப்பாக அமையும், வண்டி வாகனம் மற்றும் வீடு நிலம் சொத்து சுக சேர்க்கை சிறப்பாக அமையும், நல்ல நண்பர்கள் சேர்க்கை, சிறந்த வியாபர யுக்தி, பல தொழில் செய்யும் வல்லமை, மனதில் உள்ள எண்ணங்கள் மற்றும் ஆசைகள் யாவும் நிறைவேறும் தன்மையை தரும், சிறந்த வியாபாரி என்ற அந்தஸ்த்தை நல்கும், ஜாதகரின் முற்போக்கு சிந்தனை, நேர்மறை எண்ணங்கள் வாழ்க்கையில் எதிர்பாராத அதிர்ஷ்டங்களை வாரி வழங்கும்.

குறிப்பாக நடைபெறும் குரு திசை ஜாதகருக்கு 2,5,11ம் வீடுகள் லாப ஸ்தானமான 11ம் பாவக தொடர்பை பெறுவது 2,5,11ம் பாவக வழியில் இருந்து வருமானம், நல்ல குடும்ப வாழ்க்கை, வாக்கு வன்மை வழியில் இருந்து வரும் முன்னேற்றம், சிறந்த நல்லறிவு, சமயோசித புத்திசாலித்தனம், குழந்தைகள் வழியில் முன்னேற்றம், கற்ற கல்வி தரும் யோக வாழ்க்கை, கலைத்துறையில் பெரும் முன்னேற்றம், சாஸ்த்திர ஞானம், கலைகளில் தேர்ச்சி, தெய்வீக அனுக்கிரகம், குல தெய்வம் தரும் யோக வாழ்க்கை, சிறந்த புத்திசாலித்தனம், நுணுக்கமான அறிவு திறன் என்ற வகையிலும், நீடித்த அதிர்ஷ்டம், நிறைவான மனநிலை, நல்ல குணம், பெருந்தன்மையான மனநிலை, எதிர்ப்புகளை வென்று முன்னேற்றம் காணும் யோகம், புதிய வாய்ப்புகள் அல்லது புதிய சிந்தனை வழியில் வெற்றி பெரும் தன்மை என்ற வகையில் நன்மைகளை வாரி வழங்கும்.

குரு திசையில் தற்போழுது நடைபெறும் சுக்கிரன் புத்தி ( 25/05/2018 முதல் 23/01/2021 வரை ) ஜாதகருக்கு கடக ராசியில் வியாபித்து இருக்கும் 7ம் பாவக பலனை 7,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று, 10ம் பாவக பலனை ஏற்று நடத்துவது ஜாதகருக்கான முன்னேற்றத்தை எதிர்பாராத அளவில் வாரி வழங்கும், ஜாதகருக்கு 7ம் பாவகம் சர நீர் ராசியாகவும், 10ம் பாவகம் சர காற்று ராசியாகவும் அமைவது வரவேற்கத்தக்கது, இது ஜாதகருக்கு மனம் அறிவு வழியில் இருந்து சுபயோகங்களை பரிபூர்ணமாக வாரி  வழங்கும், மனதில் எண்ணிய எண்ணங்களை தனது அறிவார்ந்த முயற்சிகள் வழியில் மிகப்பெரிய வெற்றிகளாக மாற்றும் வல்லமையை தரும், குறிப்பாக ஜாதகர் தற்போழுது மேற்கொள்ளும் எவ்வித முயற்சிகளும் நல்ல பலனை தரும், மனம் அறிவு இரண்டும் சிறப்பாக ஒத்துழைப்பை நல்கி ஜாதகருக்கான யோக வாழ்க்கையை உறுதி செய்யும் என்பதில் சிறிதும் சந்தேகம் இல்லை, கடக ராசியில் வியாபித்து நிற்கும் ஆயுள் பாவகம் ஜாதகருக்கான இன்னல்களை வெகு குறைவாகவே தரும் என்பது கவனிக்கத்தக்கது, ஜாதகர் மேற்கொள்ளும் சில அவசர முடிவுகள் மட்டுமே பெருத்த பின்னடைவை தரக்கூடும் என்பதால் பொறுமையாக சிந்தித்து செயலாற்றுவது நல்லது வாழ்த்துக்கள்.

குறிப்பு :

சுய ஜாதகத்தில் ஜாதகருக்கு கடுமையாக பாதிக்கப்பட்ட பாவகம் ஆயுள் ஸ்தானம் எனும் 8ம் பாவகம் ஒன்று மட்டுமே, இது ஜாதகருக்கு கடக ராசியில் 16 பாகைகளையும், சிம்ம ராசியில் 17 பாகைகளையும் கொண்டு இருப்பது சற்று கவலை தரும் விஷயமாகவே உள்ளது என்ற போதிலும், நடைபெறும் திசாபுத்திகள் வலிமை அற்ற ஆயுள் பாவக பலனை ஏற்று நடத்த வில்லை என்பது ஆறுதல் தரும் விஷயமாகும், மேலும் ஜாதகர் ஆயுள் பாவக பலனை ஏற்று நடத்தும் சூரியன் மற்றும் ராகு திசா,புத்தி,அந்தரம் மற்றும் சூட்ஷம காலங்களில் மட்டும் மிகுந்த  பாதிப்பை தரும் என்பதால் கவனமுடன் செயல்பட்டு நலம் பெறுவது அவசியமாகிறது.

வாழ்க வளமுடன்
ஜோதிடன் வர்ஷன்
9443355696

குரு பெயர்ச்சி பலன்கள் ( லக்கினம் - மேஷம்)

 சுய வர்க்க கிரகமான செவ்வாய் பகவானின் வீட்டிற்கு பெயர்ச்சியாகும் முழு முதற்சுபகிரகமான குரு பகவான் 12 லக்கினங்களுக்கும் தனது சுப திருஷ்ட்டியினாலும், அமர்ந்த இடத்தில் இருந்தும் எதிர்வரும் ஒருவருட காலத்திற்கு வழங்கும் பலாபலன்கள் பற்றி விருச்சிகம் முதல் துலாம் வரை, ஜென்ம லக்கினத்தை அடிப்படையாக கொண்டு தெளிவு பெறுவோம் அன்பர்களே !

 ''எண் சாண் உடம்புக்கு சிரசே பிரதானம்'' என்பதற்கு இணங்க ஒருவரது வாழ்க்கையை நிர்ணயம் செய்வதில் சுய ஜாதகத்தில் அதிமுக்கிய பங்கு வகிப்பது உடல் உயிராகிய " ஜென்ம லக்கினமாகும் " ஒருவரது வாழ்க்கையில் நிகழும் யோக அவயோகம், நன்மை தீமை போன்றவற்றை ஜென்ம லக்கினமே நிர்ணயம் செய்கிறது, இதில் ஏதும் மாற்று கருத்து இல்லை, எனவே நவகிரகங்களின் பெயர்ச்சியை ஜென்ம லக்கினத்தை அடிப்படையாக கொண்டு பலன் காண முற்படுவதே மிக துல்லியமானதாக அமையும், இதுவே அவரவர் சுய தேடுதலுக்கும், முன்னேற்றமிகு யோக வாழ்க்கைக்கும் அடிப்படையாக அமையும் என்பது கவனிக்கத்தக்க சிறப்பு அம்சமாகும்.

மேலும் இயல்பாக கடந்த இரண்டு வருடங்களாக எதிர் வர்க்க ( கன்னி-புதன், துலாம்-சுக்கிரன் ) கிரகங்களின் வீடுகளில் சஞ்சாரம் செய்த குரு பகவான் தனது இயற்க்கை குணத்திற்கு மாறாக செயல் இழந்த நிலையில் சுபயோகங்களை வாரி வழங்கும் வல்லமை அற்று காணப்பட்டார் என்பது குறிப்பிடத்தக்கது, தனது வர்க்க கிரகமான செவ்வாய் பகவானின் வீட்டில் ( விருச்சிகம் ) சஞ்சாரம் செய்யும் குருபகவான் தரும் பலாபலன்களை இனி லக்கின வாரியாக சிந்தனைக்கு எடுத்துக்கொள்வோம் அன்பர்களே !

லக்கினம் : மேஷம்

கால புருஷ தத்துவ அமைப்பிற்கு 1ம் ராசியாகவும், சர நெருப்பு தத்துவ தன்மையை பெற்றதுமான மேஷ ராசியை ஜென்ம லக்கினமாக பெற்ற அன்பர்களுக்கு, தனது சுய வர்க்க வீட்டில் ( விருச்சிகம் )  பெயர்ச்சியாகும் குரு பகவான் மேஷ லக்கினத்திற்க்கு, அஷ்டமாதிபதி மற்றும் விரைய ஸ்தான அதிபதி என்ற நிலையை பெறுவது கவனிக்கத்தக்கது, மேலும் குருபகவான் அஷ்டம ஸ்தானமான 8ம் பாவகத்தில் சஞ்சாரம் செய்வது மேஷ லக்கின அன்பர்களுக்கு சிறப்பை தரும் விஷயமல்ல, மற்றவர்களை நம்பி செய்யும் முதலீடுகளில் அதீத எச்சரிக்கை தேவை, பயணங்களில் மிகுந்த பாதுகாப்பும், உடல் நலனில் அதிக அக்கறையும் கொள்வது நல்லது, தெய்வீக வழிபாடுகளில் ஈடுபாடு காட்டுவது சிறப்பை தரும், திடீரென எடுக்கும் முடிவுகள் யாவும் தங்களுக்கு மிகப்பெரிய தோல்வியை தரக்கூடும், தன்னம்பிக்கை குறையும், இருப்பினும் வெளிநாடுகளில் இருந்து வரும் வருமானம் மற்றும் இறக்குமதி பொருள் சார்ந்த விஷயங்களில் நல்ல லாபம் உண்டு, தனது வாழ்க்கை துணை வழியிலான ஆதரவு அதிகம் என்பதால் வரும் இன்னல்களை மிக சிறப்பாக கையாண்டு வெற்றிகொள்ளும் வாய்ப்பை நல்கும், வண்டி வாகனங்களில் மட்டும் மிகுந்த பாதுகாப்புடன் பயணம் மேற்கொள்வது அவசியமாகிறது, மேலும் முதலீடு செய்யுமுன் மிகுந்த கவனமுடன் இருப்பதும் மேஷ லக்கின அன்பர்களுக்கு நன்மை பயக்கும்.

குரு பகவான் தனது 5ம் பார்வையால் மேஷ லக்கின அன்பர்களுக்கு விரைய ஸ்தானமான 12ம் பாவகத்தை வசீகரிப்பது, நிம்மதியின்மையை உருவாக்கும், மனம் ஒரு நிலைப்படுவது என்பது சற்று கடினமான காரியமாக அமையும், தெளிவில்லாத நிலை, எடுக்கும் காரியங்களில் தொய்வு, மன உறுதியின்மை, துவங்கும் காரியங்களில் திருப்தி இன்மை, பொழுதுபோக்கு விஷயங்களில் அதீத ஆர்வம், தன்னம்பிக்கை வெகுவாக குறையும் தன்மை, எந்த ஓர் காரியத்தையும் ஆர்வத்துடன் செய்ய இயலாமை, கடமைக்கு செய்து இன்னலுறும் தன்மை, பணியில் நிம்மதியின்மை, தொழில் வழியில் பாதிப்பு, மனதிருப்திக்காக செய்யும் காரியங்கள் யாவும் கடும் தோல்வியை சந்திக்கும் நிலை, வீண் விரையங்கள், முன்பின் அறிமுகம் இல்லாத நபர்கள் வழியில்  இருந்து வரும் தொந்தரவுகள், மற்றவர்கள் விஷயங்களில் தலையீடு செய்வதால் வரும் பாதிப்பு என்ற வகையில் கடுமையான இன்னல்களை தரும், சிறிது கவனமின்றி செயல்பட்டால் கூட வாழ்க்கையில் வெகுவான பாதிப்புகளை சந்திக்கும் நிலையை தரும்.

குரு பகவான் தனது 7ம் பார்வையால் மேஷ லக்கின அன்பர்களுக்கு குடும்ப ஸ்தானம் எனும் இரண்டாம் பாவகத்தை வசீகரிப்பது, குடும்ப வாழ்க்கையில் சற்று இன்னல்களை தரக்கூடும், குறிப்பாக வருமானம் சார்ந்த இன்னல்கள் என்பது அதிக அளவில் இருக்கும் என்பது கவனிக்கத்தக்கது, வீண் வாக்குவாதம் குடும்பத்தில் நிம்மதியிழப்பை தரும், செலவினங்களை கட்டுப்படுத்துவது இயலாத காரியமாக அமையும், தனம் சார்ந்த விஷயங்களிலேயே அதீத இன்னல்கள் ஏற்பட வாய்ப்பு உண்டு, திட்டமிட்டு செயல்படுவதும், நிதி சார்ந்த விஷயங்களில் முறையான மேலாண்மையை கடைபிடிப்பது மட்டுமே சற்று நிம்மதியை தரக்கூடும், போதிய நிதி இன்மை காரணமாக மற்றவர்களிடம் கடன் பெரும் சூழ்நிலை உருவாகலாம், வக்கிரக காலங்களில் மட்டும் தங்களுக்கு எதிர்பாராத சுபயோகங்கள் தேடி வரக்கூடும், எதிர்பார்ப்புகள் யாவும் நிறைவேற வாய்ப்பு உண்டு என்பதால் சரியான நேரமறிந்து செயல்பட்டு வெற்றிகாணலாம்.

குரு பகவான் தனது 9ம் பார்வையால் மேஷ லக்கின அன்பர்களுக்கு சுக ஸ்தானம் எனும் 4ம் பாவகத்தை வசீகரிப்பதும், கடகம் சுய வர்க்க கிரகத்தின் ( சந்திரன் ) வீடாக இருப்பதும் தேய்பிறை காலங்களில் நன்மையை தரும், திடீர் வண்டிவாகன யோகம், வீடு நிலம் சொத்து சுக சேர்க்கை உருவாக கூடும், மற்றவர்கள் தனம் தனது கையிருப்பாக உயரும், மனதில் உள்ள ஆசைகள் யாவும் நிறைவேறும் நேரமிது, எதிர்பாராத அதிர்ஷ்ட வாழ்க்கையை சுவீகரிக்கும் யோகத்தை தரும், வண்டி வாகன தொழில் அல்லது கட்டுமான துறை சார்ந்த அன்பர்களுக்கு புதிய வாய்ப்புகளும், புதிய தொழில் முன்னேற்றமும் உண்டாகும், வீட்டு உபயோக பொருட்கள் வியாபாரம் செய்யும் அன்பர்களின் வாழ்க்கையில் புதுவித தொழில் விருத்தி உண்டாகும், கலைத்துறையில் உள்ள அன்பர்களுக்கு திடீரென முன்னேற்றமும், நிறைவான வாய்ப்புகளும், பிரபல்ய யோகமும் உண்டாகும், தங்களின் முயற்சிகளில் எதிர்பாராத வெற்றியை சுக ஸ்தான அமைப்பில் இருந்து இந்த  குரு பகவானின் வசீகர பார்வை வாரி வழங்கும்.

குறிப்பு :

மேஷ  லக்கின அன்பர்களுக்கு, தற்போழுது நடைமுறையில் உள்ள திசா,புத்தி,அந்தரம் மற்றும் சூட்ஷமம் சுய ஜாதகத்தில் 8,12,2,4ம் பாவக பலனை ஏற்று நடத்தினால் மட்டுமே மேற்கண்ட யோக அவயோக பலாபலன்கள் நடைமுறைக்கு வரும், ஒருவேளை நடைமுறையில் உள்ள திசா,புத்தி,அந்தரம் மற்றும் சூட்ஷமம் 8,12,2,4ம்  பாவக பலனை ஏற்று நடத்தவில்லை எனில் குரு பெயர்ச்சியினால் யாதொரு நன்மை தீமையும் நடைமுறைக்கு வாராது என்பதை கருத்தில் கொள்க.

வாழ்க வளமுடன்
ஜோதிடன் வர்ஷன்
9443355696

குரு பெயர்ச்சி பலன்கள் ( லக்கினம் - தனுசு )

 சுய வர்க்க கிரகமான செவ்வாய் பகவானின் வீட்டிற்கு பெயர்ச்சியாகும் முழு முதற்சுபகிரகமான குரு பகவான் 12 லக்கினங்களுக்கும் தனது சுப திருஷ்ட்டியினாலும், அமர்ந்த இடத்தில் இருந்தும் எதிர்வரும் ஒருவருட காலத்திற்கு வழங்கும் பலாபலன்கள் பற்றி விருச்சிகம் முதல் துலாம் வரை, ஜென்ம லக்கினத்தை அடிப்படையாக கொண்டு தெளிவு பெறுவோம் அன்பர்களே !

 ''எண் சாண் உடம்புக்கு சிரசே பிரதானம்'' என்பதற்கு இணங்க ஒருவரது வாழ்க்கையை நிர்ணயம் செய்வதில் சுய ஜாதகத்தில் அதிமுக்கிய பங்கு வகிப்பது உடல் உயிராகிய " ஜென்ம லக்கினமாகும் " ஒருவரது வாழ்க்கையில் நிகழும் யோக அவயோகம், நன்மை தீமை போன்றவற்றை ஜென்ம லக்கினமே நிர்ணயம் செய்கிறது, இதில் ஏதும் மாற்று கருத்து இல்லை, எனவே நவகிரகங்களின் பெயர்ச்சியை ஜென்ம லக்கினத்தை அடிப்படையாக கொண்டு பலன் காண முற்படுவதே மிக துல்லியமானதாக அமையும், இதுவே அவரவர் சுய தேடுதலுக்கும், முன்னேற்றமிகு யோக வாழ்க்கைக்கும் அடிப்படையாக அமையும் என்பது கவனிக்கத்தக்க சிறப்பு அம்சமாகும்.

மேலும் இயல்பாக கடந்த இரண்டு வருடங்களாக எதிர் வர்க்க ( கன்னி-புதன், துலாம்-சுக்கிரன் ) கிரகங்களின் வீடுகளில் சஞ்சாரம் செய்த குரு பகவான் தனது இயற்க்கை குணத்திற்கு மாறாக செயல் இழந்த நிலையில் சுபயோகங்களை வாரி வழங்கும் வல்லமை அற்று காணப்பட்டார் என்பது குறிப்பிடத்தக்கது, தனது வர்க்க கிரகமான செவ்வாய் பகவானின் வீட்டில் ( விருச்சிகம் ) சஞ்சாரம் செய்யும் குருபகவான் தரும் பலாபலன்களை இனி லக்கின வாரியாக சிந்தனைக்கு எடுத்துக்கொள்வோம் அன்பர்களே !

லக்கினம் : தனுசு

கால புருஷ தத்துவ அமைப்பிற்கு 9ம் ராசியாகவும், உபய நெருப்பு தத்துவ தன்மை பெற்றதுமான தனுசு லக்கின அமைப்பை பெற்ற அன்பர்களுக்கு, சுய வர்க்க கிரக ஆளுமையின் கீழ் ( செவ்வாய் ) இயக்கத்தை பெற்றிருக்கும் விருச்சிக ராசிக்கு பெயர்ச்சியாகும் குரு பகவான் ஒருவகையில் லக்கினாதிபதி என்ற அந்தஸ்த்தையும் பெறுகின்றார், சுக ஸ்தானமான 4ம் பாவகத்திற்கு அதிபதி என்ற அந்தஸ்த்தையும் பெறுகின்றார், எனவே லக்கினத்திற்கு 12ல் மறைவும், 4ம் பாவகத்திற்கு 9ல் கோண பலம் பெறுகின்றார், குரு பகவான் விருச்சிகத்தில் அமர்ந்த நிலையில் இருந்து தனுசு லக்கின அன்பர்களுக்கு சற்று வீண் விரயங்களை தரக்கூடும், மேலும் சுப விரையங்களாக மாறுவதற்கான சந்தர்ப்பங்களை தனசு லக்கின அன்பர்கள் உருவாக்கி கொள்வது அவசியமாகிறது, மேலும் எதிர்பாராத மனஉளைச்சல், மனப்போராட்டம், மனஅழுத்தம் போன்றவை மென்மேலும் துன்பங்களை தரக்கூடும், நினைப்பது ஒன்று நடப்பது ஒன்று என்ற நிலையும், அனைவராலும் துன்பம் என்ற நிலையும் தனுசு லக்கின அன்பர்களுக்கு மிகப்பெரிய சவால்களாக அமையும் என்பது கவனிக்கத்தக்கது, லக்கினாதிபதி மறைவு பெறுவதும், சுக ஸ்தான அதிபதி கோணபலம் பெறுவதும் தனுசு லக்கின அன்பர்களுக்கு உகந்தது அல்ல, வண்டி வாகனங்களில் பாதுகாப்பான பயணமும், தான் எடுக்கும் முடிவுகளில் தெளிவும் தேவை என்பதை உணர்வது அவசியமாகிறது, மேலும் அதிக முதலீடு செய்வதை தவிர்க்கவும்.

குரு பகவான் தனது 5ம் பார்வையால் தனுசு லக்கின அன்பர்களுக்கு சுக ஸ்தானம் எனும் நான்காம் பாவகத்தை வசீகரிப்பது, உகந்தது அல்ல வண்டி வாகனம், வீடு சொத்து சார்ந்த விஷயங்களில் மிகவும் கவனம் தேவை, சிறு கவனமின்மை கூட தனுசு லக்கின அன்பர்களுக்கு கடுமையான பாதிப்பையும் இழப்பையும் தரக்கூடும் என்பதால், பயணங்களில் கவனமும், சொத்து சார்ந்த விஷயங்களில் எச்சரிக்கையும் கொண்டிருப்பது அவசியமாகிறது, தனது பெற்றோரை கவனமுடன் பாதுகாப்பது ஜாதகருக்கு வரும் இன்னல்களில் இருந்து காத்தருளும், அனைவரிடமும் சுமுக போக்கை கையாள்வது ஜாதகருக்கான வெற்றிவாய்ப்பை அதிகரிக்கும், புதிய வீடு, வண்டி வாகனம் போன்றவற்றில் முதலீடு செய்யுமுன் சுய ஜாதக வலிமை நிலையை தெளிவாக உணர்ந்து செய்வதே சகல நலன்களையும் வாரி வழங்கும்.

குரு பகவான் தனது 7ம் பார்வையால் தனுசு லக்கின அன்பர்களுக்கு சத்ரு ஸ்தானம் எனும் ஆறாம் பாவகத்தை வசீகரிப்பதும், ரிஷபம் எதிர் வர்க்க கிரகம் என்பதும் சற்று கடுமையான இன்னல்களை தரும் அமைப்பாகும், குரு பார்வை பொதுவாக கோண வீடுகளை ( 1,5,9 ) சுவீகரிக்கும் பொழுதும், சம வீடுகளை ( 3,11 ) சுவீகரிக்கும் பொழுது மட்டுமே சுபயோகங்களை வாரி வழங்கும் , கேந்திர வீடுகளை பார்வை செய்யும் பொழுது இன்னல்களையே வாரி வழங்கும் என்பது கவனிக்கத்தக்கது, குருபகவானின் சமசப்த பார்வை சத்ரு ஸ்தானத்திற்கு விழுவது கடுமையான இன்னல்களையே தரும், குறிப்பாக ஜாதகரின் குறுகிய கால வருமானங்களில் தொய்வு ஏற்படும், உடல் நலம் பாதிக்கும் குறிப்பாக தலை மற்றும் வயிறு சார்ந்த இன்னல்கள் ஏற்பட்ட வாய்ப்பு உண்டு, மேலும் கடன், வரவு செலவுகள் வெகுவாக பாதிக்க வாய்ப்பு உண்டு என்பதால் நிதி சார்ந்த விஷயங்களில் யோசித்து முடிவெடுப்பது சகல நன்மைகளையும் தரும், மேலும் தனது வார்த்தைகள் மூலம் அதீத துன்பங்கள் உண்டாகவும், எதிர்ப்புகள் அதிகரிக்கவும் சந்தர்ப்பம் உண்டு என்பதால் நாவடக்கம் தனுசு லக்கின அன்பர்களுக்கு அவசியமாகிறது, குரு பார்வையால் ஏற்படும் ஒரே நன்மை மற்றவர்கள் பணம் தன் கையிருப்பாக மாறும், அதன் வழியிலான வருமானம் அதிகரிக்கும் என்பது வரவேற்கத்தக்க சிறப்பு அம்சமாகும்.

குரு பகவான் தனது 9ம் பார்வையால் தனுசு லக்கின அன்பர்களுக்கு ஆயுள் ஸ்தானம் எனும் எட்டாம் பாவகத்தை வசீகரிப்பதும், கடகம் சுய வர்க்க கிரகத்தின் ( சந்திரன் ) வீடாக அமைவதும் சிறப்பான நன்மைகளை தரும், திடீர் அதிர்ஷ்டம் என்பது தனுசு லக்கின அன்பர்களுக்கு தேய்பிறை காலங்களில் கைகொடுக்கும், வாழ்க்கை துணை வழியில் இருந்து வரும் ஆதரவும், பொருளாதார உதவிகளும் தனுசு லக்கின அன்பர்களுக்கு பேருதவியாக அமையும், ஆயுள் நீடிக்கும், உடல் நலம் மற்றும் இழப்புகளில் இருந்து மீண்டு வரும்  யோகம் உண்டாகும், பங்கு சந்தை லாட்டரியில் யோகம் உண்டு, புதையல் கனிம பொருட்கள் வழியில் இருந்தும், வெளிநாடுகளில் இருந்து இறக்குமதி செய்யும் பொருட்கள் வழியில் இருந்தும் ஜாதகருக்கு அபரிவிதமான தனசேர்க்கை உண்டாகும், தெய்வீக  அனுக்கிரகம் சுய ஜாதகத்தில் ஆளுமை செய்யும் என்பதால் ஆன்மீக வெற்றி உண்டாகும், புதிய மனிதர்கள், வேற்று மதத்தினர், வேற்று இனத்தினர் மூலம் வாழ்க்கையில் சகல சௌபாக்கியங்களையும் பெரும் யோகம் உண்டாகும் என்பது தனுசு லக்கின அன்பர்களுக்கு இந்த குரு பெயர்ச்சி வழங்கும் நன்மையாகும்.

குறிப்பு :

தனுசு லக்கின அன்பர்களுக்கு, தற்போழுது நடைமுறையில் உள்ள திசா,புத்தி,அந்தரம் மற்றும் சூட்ஷமம் சுய ஜாதகத்தில் 12,4,6,8ம் பாவக பலனை ஏற்று நடத்தினால் மட்டுமே மேற்கண்ட யோக அவயோக பலாபலன்கள் நடைமுறைக்கு வரும், ஒருவேளை நடைமுறையில் உள்ள திசா,புத்தி,அந்தரம் மற்றும் சூட்ஷமம் 12,4,6,8ம்  பாவக பலனை ஏற்று நடத்தவில்லை எனில் குரு பெயர்ச்சியினால் யாதொரு நன்மை தீமையும் நடைமுறைக்கு வாராது என்பதை கருத்தில் கொள்க.

வாழ்க வளமுடன்
ஜோதிடன் வர்ஷன்

9443355696

சுய ஜாதக ஆலோசணை : ராகு திசை மற்றும் ராகு புத்தியால் என்ன நடக்கும் ?

கேள்வி :

 பிறந்த தேதி : ( 12/07/2017 )  நேரம் இரவு : (11.10) இடம் : சென்னை

எனது மகனின் பெயர்  கோகுல், ராகு  திசை ராகு புத்தி பிறந்துள்ளான், தற்போழுது உடல் வலிமை இல்லாமல் இருக்கின்றான், இதற்கான காரணம் என்ன ? ராகு திசை மற்றும் ராகு புத்தியால்  என்ன நடக்கும் ? எனது மனம் மிகுந்த  குழப்பத்தில் உள்ளது, சரியான பதில் மற்றும் தீர்வை தர இயலுமா ?

பணிவுடன்
வேல்முருகன்
சென்னை

பதில் :

 பொதுவாக நாம் நமது சுய ஜாதக வலிமையை பற்றிய விழிப்புணர்வுடன் இருப்பது நமது ஜாதகத்தில் உள்ள சுபயோகங்களை சுவீகரிக்கவும், அவயோகங்களை தவிர்க்கவும் நமக்கு நல்லதோர் வழிகாட்டுதல்களை வாரி வழங்கும், தாங்கள் வினவியிருக்கும் தங்களது மகனின் ஜாதகத்திற்க்கான பதில்களை இன்றைய பதிவில் சிந்தனைக்கு எடுத்துக்கொள்வோம் அன்பரே! சுய ஜாதகத்தில் லக்கினம் எனும் முதல் பாவகம் வலிமை பெற்று இருப்பது சம்பந்தப்பட்ட ஜாதகருக்கு வளரும் சூழ்நிலையில் சிறப்பு, உடல் ஆரோக்கியம், மனநலம், தெய்வீக அனுக்கிரகம், தன்னம்பிக்கை மிக்க மனநிலை, நோய் எதிர்ப்பு சக்தி, புகழ், வெற்றி, எதிர்ப்புகள் அனைத்தையும் சமாளிக்கு வல்லமை, தெளிவான சிந்தனை, நீண்ட ஆயுள், சுய ஜாதகத்தில் உள்ள யோகங்களை சுவீகரிக்கும் வல்லமை என்ற வகையில் நன்மைகளை தரும் என்பது கவனிக்கத்தக்கது.

 ஆனால் தங்களது மகனின் ஜாதகத்தில் 1,2,7,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெறுவது லக்கினம் சற்று வலிமை இழந்து காணப்படுகிறது, மேலும் குடும்ப ஸ்தானமான 2ம் வீடு, களத்திர ஸ்தானமான 7ம் வீடு, அயன சயன ஸ்தானமான 12ம் வீடுகள் அனைத்தும் விரைய ஸ்தானமான 12ம் பாவகத்துடன் சம்பந்தம் பெறுவது ஜாதகருக்கான நெருக்கடிகளை அதிக அளவில் தரும் என்பது கவனிக்கத்தக்கது, தங்களுக்கு உண்டான நல்ல செய்தி என்னவென்றால் ஜாதகருக்கு விரைய ஸ்தானமான 12ம் பாவகம் கும்ப ராசியில் 22பாகைகளையும்,  மீன ராசியில் 13பாகைகளையும் கொண்டிருப்பது ஆறுதல் அளிக்கும் விஷயமாகும், காற்று தத்துவம் மற்றும் நீர் தத்துவ ராசிகள் விரைய ஸ்தான அமைப்பில் வியாபித்து நிற்பது உடல் தொந்தரவை தந்த போதிலும் அதில் இருந்து ஜாதகருக்கு நிவாரணத்தையும் தரும் என்பதுடன், பாதிப்பு கடுமையாக இருக்காது, எனேவ ஜாதகருக்கு ஏற்படும் உடல் நல குறைவிற்க்கான காரணத்தை அறிந்து மருத்துவம் மூலம் குணம் அடைய செய்யுங்கள்.

ராகு திசை, ராகு புத்தி

ஜாதகன் ராகு திசை ராகு புத்தியில் ஜெனனித்து இருந்தாலும், ராகு தனது திசையிலும் , புத்தியிலும் 2ம் வீடு விரைய ஸ்தானமான 12ம் பாவக பலனை மட்டும் ஏற்று நடத்துவது  வீண் விரையத்தை பொருளாதர ரீதியாக வாரி வழங்கும் என்பதில் சந்தேகம் இல்லை, தங்களது வருமானம் மருத்துவ செலவுகள் என்ற வகையில் விரையமாகலாம், எதிர்பாராத வீண் செலவுகளை தரலாம் எனவே ராகுதிசை, ராகு புத்தி தங்களது பொருளாதர முன்னேற்றத்தை சற்று கடுமையாக பாதிக்கும் என்பதுடன் , வீண் மனக்கவலை, மனப்போராட்டம் என்ற வகையில் இன்னல்களை  தரக்கூடும்.

மேலும் தங்களது மகனின் சுய ஜாதகரீதியாக பலாபலன்களை மின் அஞ்சல் அல்லது அலைபேசி மூலம் அறிந்து நலம் பெறுங்கள் " வாழ்த்துகள் "

வாழ்க வளமுடன்
ஜோதிடன் வர்ஷன்
9443355696

ஜாதக ஆலோசணை : திருமணம்,தொழில்,பொருளாதரம் எப்படி அமையும் ?

  

 சுபயோகம் மிக்க ஓர் ஜாதகத்தை ஆய்வு செய்வது என்பதே அலாதியான மகிழ்வை தரக்கூடிய நிகழ்வுதான் என்றால் அது மிகையில்லை, தங்களது ஜாதகமும் அதுபோன்று லக்கினம் முதல் பனிரெண்டு பாவகங்களும் மிகவும் வலிமை மிக்கதாக இருப்பது வரவேற்கத்தக்க சிறப்பு அம்சமாகும், தங்களது ஜாதகம் வெகுவாக வலிமை பெற்று இருந்த போதிலும் திருமணம், தொழில், போன்றவை சிறப்பாக அமையவில்லை என்பதற்கான காரணத்தை தங்களது ஜாதக ஆய்வு மூலம் மிக தெளிவாக அறிந்துகொள்ள முற்படுவோம் அன்பரே, தங்களது ஜாதகத்தில் வலிமை பெற்ற பாவக தொடர்புகள் வழியில் இருந்து பெரும் நன்மைகளை பற்றி தெளிவாக காண்போம், நடைமுறையில் உள்ள திசாபுத்திகள், எதிர்வரும் திசாபுத்திகள் தரும் பலாபலன்களையும், இன்றைய சிந்தனைக்கு எடுத்துக்கொள்வோம்.

லக்கினம் : தனுசு
ராசி : கன்னி
நட்ஷத்திரம் : அஸ்தம் 3ம் பாதம்

சுய ஜாதகத்தில் வலிமை பெற்ற பாவக தொடர்புகள் :

1,3,4ம் வீடுகள் சுக ஸ்தானமான 4ம் பாவகத்துடன் சம்பந்தம் பெறுவது ஜாதகருக்கு லக்கின பாவக வழியில் இருந்து சகல  சௌபாக்கியங்களையும் சுய உழைப்பின் மூலம் சுவீகரிக்கும் வல்லமையை தரும், அடிப்படையில் ஜாதகரின் நல்ல குணமும், வளரும் சூழ்நிலையில்  மற்றவர்கள் மூலம் பெரும் சிறப்புகளும் ஜாதகருக்கு பரிபூர்ணமாக அமைந்துஇருக்கும், வண்டிவாகன யோகம், சொத்து சுக சேர்க்கை, இடம் வீடு, நிலம் சார்ந்த வரவுகள் ஜாதகருக்கு தேடிவரும், உடல் ஆரோக்கியம் மற்றும் மனநலம் ஜாதகருக்கு சிறப்பாக அமையும், செய்யும் செய்யும் செயல்களில் வெற்றியும் புகழும் உண்டாகும், தெய்வீக அனுகிரகம் ஜாதகருக்கு புதுவித உத்வேகத்தையும், சரியான வாழ்க்கை பாதையையும் அமைத்துத்தரும், ஜாதகரின் எண்ணமும் செயலும் நேர்மை நிறைந்தததாகவும், ஒழுக்கத்தை கடைபிடிக்கும் விதமாகவும் அமைந்திருக்கும், ஜாதகரின் பரோஉபகார நடவடிக்கைகள் பொதுமக்கள் ஆதரவையும், அவர்கள் வழியிலான முன்னேற்றங்களையும் தன்னிறைவாக வாரி வழங்கும், ஜாதகர் எந்த சூழ்நிலையையும் சிறப்பாக எதிர்கொண்டு வாழ்க்கையில் வெற்றிகரமானமனிதராக திகழ்வார் என்பதுடன் சுக போகமிக்க யோக  வாழ்க்கையை அனுபவிக்கும் வல்லமை பெற்றவர் என்பது கவனிக்கத்தக்க சிறப்பு அம்சமாகும்.

3ம் பாவக வழியில் இருந்து வண்டி வாகன தொழில், வீடு நிலம் இடம் சார்ந்த தரகு வியாபாரத்தில்  பரிபூர்ண வெற்றிகளை தரும், சுய உழைப்பின் மூலம் வாழ்க்கையில் பெரிய சொத்துக்களை வாங்கும் யோகம் பெற்றவர், தைரியமும் தன்னம்பிக்கையும் ஜாதகரின் வாழ்க்கையில் பலவித சுபயோகங்களை வாரி வழங்கும், தைரியமிக்க முடிவுகளை வெகு விரைவாக மேற்கொண்டு அதன் வழியில் வரும் நன்மையை சுவீகரிக்கும் யோகம் உண்டாகும், கமிஷன், ஏஜென்சி, தரகு தொழில்கள் ஜாதகருக்கு அபரிவித வளர்ச்சியை தரும், குறிப்பாக ஏஜென்சி தொழிலில் ஜாதகருக்கு எதிர்பாராத லாபங்களும் அதிர்ஷ்டங்களும் தேடிவரும், எதையும் துணிந்து செய்து வெற்றியை பரிபூர்ணமாக சுவீகரிக்கும் யோகமிக்கவர், சாஸ்திர ஞானமும், தகவல் தொழில்நுட்பம் சார்ந்த விஷயங்களும் ஜாதகருக்கு பரிபூர்ண நன்மைகளை வாரி வழங்கும், பொது வாழ்க்கையில் புகழ் மிக்க பொறுப்புகள் தேடிவரும், தனது வாழ்க்கையை சிறப்பான வெற்றிப்பாதையில் நடைபோட செய்யும் சூட்ஷமம் தெரிந்தவர் என்பது ஜாதகருக்கான சிறப்பு இயல்புகள்.

4ம் பாவக வழியில் இருந்து சொத்து, இடம், வீடு வண்டி வாகனம் போன்றவற்றில் இருந்து ஜாதகருக்கு நல்ல முன்னேற்றம் உண்டாகும் , பெரிய சொத்துக்களை வாங்கும் யோகம் உண்டு, நல்ல குணமும், பரந்த மனப்பக்குவமும் ஜாதகருக்கு எதிர்பாராத நன்மைகளை வாரி வழங்கும், பெற்றோர் வழியிலான ஆசிர்வாதம் ஜாதகருக்கு  நல்ல முன்னேற்றத்தையும், சிறப்பு மிக்க பொறுப்புகளையும் தேடித்தரும், வலிமை மிக்க பதவிகள் ஜாதகரை தேடிவரும், எதிர்பார்ப்புகள் யாவும் ஜாதகருக்கு நிறைவேறும், மனதில் நினைத்த காரியங்கள் ஜாதகருக்கு நடைமுறைக்கு வரும், சுகபோகம் மிக்க யோக வாழ்க்கையை ஜாதகர் தன்னிறைவாக பெறுவதற்கான சந்தர்ப்பங்களும் வாய்ப்புகளும்  இளம் வயதிலேயே உண்டாகும், ஜாதகரின் மனவலிமை மற்றும் மனஉறுதி  சிறப்பான எதிர்காலத்தை அமைத்துத்தரும், தனது பெயரில் உள்ள சொத்துக்கள் மற்றும் வண்டிவாகனங்கள் ஜாதகருக்கு தொடர் வருமான வாய்ப்பை நல்குவதுடன், பொருளாதார தன்னிறைவை தரும், அனைவரிடமும் அனுசரித்து செல்லும் குணம் ஜாதகரின் வாழ்க்கையில் எதிர்பாராத நன்மைகளை வாரி வழங்கும், வடக்கு திசை வாயிற்படி கொண்ட வீடுகளில் ஜாதகர் ஜீவனம் செய்வது  ஜாதகத்தில் உள்ள சுபயோகங்களை முழுவதும் சுவீகரிக்கும் வல்லமையை தரும்.

2,5,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெறுவது ஜாதகத்திலே மிகவும் வலிமை பெற்ற பாவக தொடர்பாக கருதலாம், 2ம் பாவக வழியில் இருந்து வாக்கு வன்மையினால் அதிர்ஷ்டம் உண்டாகும், நல்ல நண்பர்கள் மாற்று கூட்டாளிகள் மூலம் வாழ்க்கையில் முன்னேற்றம் பெரும் யோகத்தை தரும், பேச்சு திறன் மூலம் வாழ்க்கையில் ஜீவன மேன்மை அடையும் தன்மையை தரும், பொருளாதர வசதி வாய்ப்புகள் பரிபூர்ணமாக  அமையும் செல்வச்செழிப்பு மூலம் வாழ்க்கையில் தன்னிறைவான யோக வாழ்க்கையை பெறுவார், ஏதாவது ஒருவழியில் இருந்து வருமானம் ஜாதகருக்கு வந்துகொண்டே இருக்கும், திருமணத்திற்கு பிறகான குடும்ப வாழ்க்கையில் ஜாதகருக்கு அதிர்ஷ்டம்  வெகுவாக அதிகரிக்கும், வாழ்க்கை துணை வழியிலான யோகங்களை இல்லற வாழ்க்கையில் ஜாதகர் பரிபூர்ணமாக பெறுவார், அபரிவித தனசேர்க்கையை பெறுவதற்கான வல்லமையை தரும்.

5ம் பாவக வழியில் இருந்து ஜாதகருக்கு பூர்வீகத்திலான வளர்ச்சி என்பது 100% விகிதம் அமையும், சமயோசித புத்திசாலித்தனமும், தெளிவான சிந்தனையும் ஜாதகரின் முன்னேற்றத்திற்கு பேருதவியாக அமையும், எடுக்கும் காரியங்கள் யாவிலும் வெற்றி மேல் வெற்றியை ஜாதகர் பரிபூர்ணமாக பெறுவார், லட்டரியோகம், புதிசாலிதனத்தல் ஆதாயம், எப்பொழுதும் மகிழ்சியுடன் வாழ்வதற்கான வாய்ப்பு, குழந்தைகள் மனைவி குடும்பத்துடன் சகல சௌபாக்கியங்களையும் பெற்று இனிமையாக வாழும் தன்மையை தரும், ஜாதகரின் நுண்ணறிவு பிரகாசிக்கும், குல தெய்வ ஆசியின் மூலம் ஜாதகர் மேற்கொள்ளும் சுபகாரியங்கள் யாவும் தடையின்றி நடைபெறும், புதிய சிந்தனை, புதிய வாய்ப்புகள் ஜாதகருக்கு தேடி வரும், வெளியூர் வெளிநாடுகளில் இருந்துவரும் பொருட்கள் மூலம் நல்ல லாபம்உண்டாகும், ஜாதகரின் அறிவு திறன் பூர்வீகத்தில் ஜீவித்து இருக்கும் வரை முழுவீச்சில் செயல்படும், அனைத்தையும் வெற்றிகரமாக பெரும் யோகத்தை தரும்.

11ம் பாவக வழியில் இருந்து ஜாதகர் நீடித்த அதிர்ஷ்டம் உள்ளவர் என்பதுடன், நல்ல மனமும் சிறந்த குணமும் கொண்டவர், தனது முற்போக்கு சிந்தனையின் மூலம் வாழ்க்கையில் வியக்கத்தகு சாதனைகளை சாதிக்கும் யோகம் பெற்றவர், மிகுந்த அதிர்ஷ்டம், அனைத்திலும் லாபம், நல்ல குணம் போன்றவை ஜாதகருக்கு விரைவான மக்கள் ஆதரவை தரும், ஜாதகரின் முன்னேற்றம் என்பது பொதுமக்கள் மற்றும் எதிர்பாலின அமைப்பினரிடம் இருந்து வரும் என்பது கவனிக்கத்தக்கது, பொதுமக்கள் தொடர்பு சார்ந்த ஜீவனத்தை மேற்கொள்வது ஜாதகருக்கான முன்னேற்றத்தை பன்மடங்கு அதிகரிக்கும், ஜாதகரின் மனதில் உள்ள லட்சியங்கள், ஆசைகள்  யாவும் பரிபூர்ணமாக நடைமுறைக்கு வரும், வாழ்க்கை துணை வழியிலான ஆதரவு ஜாதகருக்கு மிகப்பெரிய அந்தஸ்த்தை வாரி வழங்கும்.

6,9,12ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெறுவது ஜாதகருக்கு 6ம் பாவக வழியில் இருந்து பயணங்கள் மூலம் லாபம் உண்டாகும், சமாதான பிரியர், தெய்வீக அனுக்கிரகம் பெற்றவர், எதிரிகளையும் கட்டியாலும் வல்லமையை தரும், எதிர்ப்புகள் அனைத்தும் ஜாதகரின் முன்னேற்றத்திற்கு அடிப்படையாக விளங்கும், மதம் சம்பந்தமான விஷயங்களில் வெற்றியை தரும், உடல் நலம் மனநலம் சிறந்து விளங்கும், விரைவாக இன்னல்களில் இருந்து விடுபடும் தன்மையை தரும், வாழ்க்கை துணையை, குடும்பத்தை கவனமாக காக்கும் தன்மையை தரும், எதிர்ப்புகளை சமாளித்து வெற்றிகொள்ளும் தன்மையை தரும் அடிக்கடி ஆன்மீக பயணம் மேற்கொள்ளும் யோகத்தை தரும்.

9ம் பாவக வழியில் இருந்து ஜாதகரின் அறிவுத்திறன் வெகு பிரகாசமான எதிர்காலத்தை தரும், நல்ல ஆன்மீக பெரியோர்களின்  ஆசீர்வாதம் ஜாதகரின் யோக வாழ்க்கையை உறுதி செய்யும், சாஸ்திர ஞானம், கலைகளில் தேர்ச்சி, பெருந்தன்மையான குணம், பெரிய மனிதர்களின் ஆதரவு, உயரிய பதவிகள் என ஜாதகருக்கு பாக்கிய ஸ்தான வழியில் இருந்து சுபயோக பலன்களே நடைமுறைக்கு வரும், பொது வாழ்க்கையில் நற்பெயரும், சமூக அந்தஸ்தும் தேடி வரும், பயணங்களில் விருப்பம், அறிவாளி, தெய்வீக அனுபவம், இடமாற்றம் மற்றும் சூழ்நிலை மாற்றத்தில் ஆதித ஆர்வம், புதுவித முயற்சிகளில் வெற்றி, பல ஆன்மீக திருத்தலங்களுக்கு சென்றுவரும் யோகத்தை தரும், ஜாதகரின் அறிவு திறன் பல அன்பர்களுக்கு நல்லொதொரு வாழ்க்கையை அமைத்துத்தரும்.

12ம் பாவக வழியில் இருந்து ஜாதகர் வெளிநாடுகளில் இருந்து வரும் யோகத்தை முழுவதுமாக சுவீகரிக்கும் வல்லமையை தரும், பயணங்கள் மூலம் நல்ல லாபத்தையும், உல்லாசம் மிக்க யோக வாழ்க்கையையும் சுவீகரிக்கும் வலிமையை தரும், தொழில் மற்றும் இருப்பிடத்தை மாற்றுவதன் மூலம் அதீத நன்மைகளை ஜாதகர் பெறுவார், பிறவியற்ற நிலையை அடைவதற்கான சந்தர்ப்பங்கள் உண்டாகும், மனம் ஒருநிலைப்படும், ஆன்மீக பெரியோர்கள் ஆசிர்வாதம் ஜாதகருக்கு கிடைத்தற்கரிய பொக்கிஷங்களை பெறுவதற்கான வாய்ப்புகளை பெற்று தரும், இல்லற வாழ்க்கையில் திருப்தியும், போதுமென்ற மனமும் ஜாதகருக்கு பரிபூர்ண நன்மைகளை பெற்று தரும்.

7,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெறுவது ஜாதகருக்கு 7ம் பாவக வழியில் இருந்து தாமத திருமணத்தை தரும், இருப்பினும் நல்ல அந்தஸ்து உள்ள வாழ்க்கை துணையை தரும், நல்ல நண்பர்கள் கூட்டாளிகள் மூலம் வாழ்க்கையில் மிகப்பெரிய அந்தஸ்தை ஜாதகர் பரிபூர்ணமாக பெறுவார், அரசியலில் வெற்றியும் உயரிய பதவிகளை அலங்கரிக்கும் யோகமும் உண்டாகும், ஏற்றுமதி இறக்குமதி தொழில் வழியிலான முன்னேற்றங்களை தங்கு தடையின்றி பெறுவார், வியாபாரம் ஜாதகருக்கு பரிபூர்ண நன்மைகளை தரும், சமூகத்தில் மதிப்பு மிக்க மனிதராக ஜாதகர் விளங்குவார், பொது வாழ்க்கையில் வெற்றி உண்டாகும், திருமணத்திற்கு பிறகான அதிர்ஷ்ட வாழ்க்கை ஜாதகருக்கு மிகவும் அபரிவிதமாக அமையும், பொதுமக்கள் ஆதரவு ஜாதகருக்கு வாழ்நாள் முழுவதும் கிடைக்கும். மிகசிறந்த வியாபாரியாக ஜாதகர் திகழ்வார், எதிர்பார்ப்புகள் யாவும் ஜாதகருக்கு பரிபூரணமாக நிறைவேறும்.

10ம் பாவக வழியில் இருந்து சிறந்த உத்தியோகம், நல்ல தொழில் முன்னேற்றம், செய்யும் சுய தொழில் மூலம் அபரிவித லாபங்கள், புதிய வாய்ப்புகள் , தன்னிறைவான பொருளாதரா நன்மைகளை ஜாதகர் பரிபூரணமாக பெரும் யோகம், கவுரவம் மிக்க  பதவிகள், சுய அந்தஸ்து, பல தொழில் செய்யும் வாய்ப்பு என்ற வகையில் சிறப்புகளை தரும், ஜாதகரின் ஜீவன ஸ்தானம் கால புருஷ தத்துவ அமைப்பிற்கு 6ம் ராசியான கன்னியில் 10 பாகைகளையும், 7ம் ராசியான துலாமில் 20 பாகைகளையும் கொண்டு இருப்பது வரவேற்கத்தக்கது, ஜாதகருக்கு ஜீவனம் என்பது உபய மண் தத்துவ அமைப்பிலும் சர காற்று தத்துவம் சார்ந்த அமைப்பிலும் சிறப்பாக அமையும், உதாரணமாக உணவு பொருட்கள் சார்ந்த தொழில்கள், விவசாய விளைபொருட்கள், தானிய வியாபாரம், வண்டி வாகன உபகரண பொருட்கள், தொழில் நுட்பம் சார்ந்த உபகரண பொருட்கள் வழியில் இருந்தும், சர காற்று ராசியை  குறிக்கும், தரகு மற்றும் கமிஷன் வியாபாரம், ஏற்றுமதி இறக்குமதி தொழில்கள், தனது அறிவு திறன் கொண்டு முதலீடு இல்லாமல் செய்யும் அனைத்து தொழில்களும் ஜாதகருக்கு மிகவும் பொருத்தமாக அமையும், அல்லது வெகுஜன மக்கள் விரும்பு பொருட்களை வியாபாரமாக செய்வதன் மூலம் ஜாதகருக்கு சிறந்த தொழில் முன்னேற்றம் உண்டாகும், ஏஜென்சி தொழில் மூலம் நல்ல லாபம் கிட்டும், பிரபல்ய யோகம் உண்டு என்பதால் ஜாதகர் ஏதாவது வியாபாரம் செய்வது சகல சௌபாக்கியங்களையும் வாரி வழங்கும்.

ஜாதகத்தில் பாதிக்கப்பட்ட பாவக தொடர்புகள் :

8ம் வீடு ஆயுள் ஸ்தானமான 8ம் பாவகத்துடன் சம்பந்தம் பெறுவது ஜாதகருக்கு நீண்ட ஆயுளை தரும் என்ற போதிலும், திடீர் இழப்புகளை தவிர்க்க இயலாது, குறிப்பாக ஜாதகர் பாதுகாப்பான பயன்களை மேற்கொள்வது நல்லது, ஜாதகருக்கு வரும் திடீர் இழப்புகள் யாவும் ஜாதகரின் மனம்போன போக்கில் செல்வாதாலேயே ஏற்படும், மற்றவர்களை நம்பி செய்யும் முதலீடுகள் யாவும் திடீர் இழப்பை தருவதுடன், ஜாதகரின் முன்னேற்றத்தையும் வெகுவாக தடுக்கும், ஜாதகரின் ஆயுள் ஸ்தானம் கடக ராசியில் 15 பாகைகளையும் சிம்ம ராசியில் 17 பாகைகளையும் கொண்டு இருப்பது ஜாதகருக்கு மனக்குழப்பத்தையும், உறுதியற்ற தன்மையால் ஏற்படும் இழப்பையும் அதிகரிக்கும், தெளிவில்லாமல் செய்யும் காரியங்கள் யாவும் ஜாதகருக்கு கடுமையான நெருக்கடிகளை தரும், குறிப்பாக ஜாதகரின் சுகபோக வாழ்ககையை வெகுவாக பாதிக்கும், அவசரப்பட்டு எடுக்கும் முடிவுகள் யாவும் ஜாதகருக்கு பெரும் இன்னல்களையே ஏற்படுத்தும், சுய கட்டுப்பாடு இழப்பது, முரண் பட்ட வாழ்க்கையை தேர்வு செய்வது ஜாதகருக்கு சுய ஜாதகத்தில் உள்ள சுபயோகங்கள் யாவையும் " யோக பங்கம் " என்ற நிலைக்கு ஏற்படுத்தும் என்பதை கவனத்தில் கொள்க.

மேற்கண்ட ஜாதகருக்கு ஆயுள் ஸ்தானத்தை தவிர மற்ற அனைத்து பாவகங்களும் மிக மிக வலிமையுடன் இருப்பது வரவேற்கத்தக்க சிறப்பு அம்சம் என்பதுடன் சுய ஜாதகம் வலிமை பெற்றுள்ளது என்பதை மிக துல்லியமாக கூறலாம் ஆனால் விதியின் தன்மை வேறுவிதமாக உள்ளது ஜாதகருக்கு  சுய ஜாதகத்தில் உள்ள யோக பலாபலன்களை சுவீகரிக்கும் வல்லமையை வெகுவாக பாதிக்கிறது, ஜாதகரின் இளமை காலத்தில் அதாவது ( 12/07/1992 முதல் 12/07/2010 வரை ) நடைபெற்ற ராகு திசை ஜாதகருக்கு  8ம் வீடு ஆயுள் ஸ்தானமான 8ம் பாவகத்துடன் சம்பந்தம் பெற்று முழு வீச்சில் வலிமை இழந்த ஆயுள் ஸ்தான பலனை தந்ததும், ஜாதகர் தனது பூர்வீகத்தில் இருந்து வெகு தொலைவு சென்று ஜீவனத்தை தேடியதும், ஜாதகத்தில் யோகம் இருந்தும் அதை சுவீகரிக்க இயலாத சூழ்நிலையை உருவாக்கியது.

 தற்போழுது நடைமுறையில் குரு திசை ( 12/07/2010 முதல் 12/07/2026 வரை ) ஜாதகருக்கு 2,5,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்று முழு வீச்சில் லாப ஸ்தான பலனை வாரி வழங்குவது வரவேற்கத்தக்கது, மேலும் ஜாதகர் தனது பூர்வீகத்தில் ஜீவனம் மேற்கொண்டு வாழ்க்கையில் சகல சௌபாக்கியங்களையும் பெற " ஜோதிடதீபம் " தனது அறிவுரைகளை வழங்குகிறது, குறிப்பாக ஜாதகரின் தொழில் பூர்வீகத்தில் அமைவது ஜாதகருக்கான முன்னேற்றத்தை பன்மடங்கு அதிகரிக்கும், பொருளாதர ரீதியான முன்னேற்றம் என்பது ஜாதகருக்கு வெகு அற்புதமாக அமையும், ஜாதகர் 2,5,11ம் பாவக வழியில் இருந்து நன்மைகளை சுவீகரிக்க  ஏதுவான சந்தர்ப்பங்களை உருவாக்கிக்கொள்வது நல்லது, மேலும் தற்போழுது நடைபெறும் சுக்கிரன் புத்தி ( 25/05/2018 முதல் 23/01/2021 வரை ) ஜாதகருக்கு ஏக காலத்தில் 7,10ம் வீடுகள் ஜீவன ஸ்தானமான 10ம் பாவக தொடர்பை பெற்று யோக பலன்களை தருவது, ஜாதகருக்கு திருமணத்திற்க்கான முயற்சியில் நல்ல வெற்றியையும், மனதிற்கு இசைந்த வாழ்க்கை துணையையும் தேடித்தரும் என்பதுடன், கூட்டு முயற்சியில் நல்லதோர் தொழில் வாய்ப்பையும் நல்கும், குரு திசை சுக்கிரன் புத்தி ஜாதகருக்கு மிகவும் சாதகமாக இருப்பதை சுவீகரிக்க, ஜாதகர் தனது பூர்வீகத்தில் ஜீவிப்பதை உறுதிசெய்துகொள்வது நல்லது வாழ்த்துகள் அன்பரே!

எதிர்வரும் சனி திசை தரும் பலாபலன்கள் : ( 12/07/2026 முதல் 12/07/2045 )

எதிர்வரும் சனி திசை ஜாதகருக்கு 10ம் வீடு ஜீவன ஸ்தானமான 10ம் பாவகத்துடன் சம்பந்தம் பெற்று முழு வீச்சில் சுபயோக பலாபலன்களை ஜீவன ஸ்தான வழியில் இருந்து தருவது வரவேற்கத்தக்க சிறப்பு அம்சமாகும் ஜாதகர் எதிர்வரும் சனி திசை காலத்தில் தொழில் ரீதியான விருத்தியை தன்னிறைவாக பெறுவார் என்பதுடன், ஜாதகருக்கான யோக வாழ்க்கையை தற்போழுது  நடைபெறும் குரு திசையும், எதிர்வரும் சனி திசையும் உறுதி செய்வது வரவேற்கத்தக்கது, வாழ்த்துக்கள் அன்பரே !

குறிப்பு :

சுய ஜாதகத்தில் பாதிக்கப்பட்ட ஆயுள் ஸ்தான வழியில் இருந்து வரும் இன்னல்களை தவிர்க்க ஜாதகர் முறையான பிரீதி பரிகாரங்களை மேற்கொண்டு நலம் பெறுக.

வாழ்க வளமுடன்
ஜோதிடன் வர்ஷன்
9443355696

" தத்து பரிகாரம் " செய்வது எங்களது குழந்தைக்கும், எங்களுக்கும் சுபயோகங்களை வழங்குமா ?

கேள்வி :

 எங்களது குழந்தையின் ஜாதகத்தில் கிரகங்கள் பாதிப்பில் உள்ளதாலும், பெற்றோரை குறிக்கும் 4,9ம் வீடுகள் கடுமையாக பாதிக்கப்பட்டு உள்ளதாலும் எங்களது குழந்தைக்கும், எங்களுக்கும் கடுமையான இன்னல்களை தரும் என்றும், குழந்தைக்கு தற்பொழுது நடைபெறும் சனி திசை பெற்றோரான எங்களிடம் இருந்து பிரிவினையை தரும், எனவே எங்களது பெற்றோரிடம் குழந்தை வளர்வதே தங்களுக்கு நல்லது என்கின்றனர், மேலும் குழந்தையை "தத்து" பரிகாரம் செய்து கொடுப்பதே அனைத்திற்க்கும் தீர்வாக அமையும் என்கின்றனர், இது உண்மையா? எங்களது குழந்தையை தத்து பரிகாரம் செய்து கொடுக்கலாமா ? தத்து பரிகாரம் முறையாக செய்வது எப்படி ? தெளிவான விளக்கம் தர வேண்டுகின்றேன்.

பதில் :

 மேற்கண்ட உதாரண ஜாதகமே "தத்து" பரிகாரம் செய்வதற்க்கான அனைத்து தகுதியும் உள்ள ஜாதகம் அன்பரே.

 தங்களது குழந்தையின் ஜாதகத்தில் தத்து பரிகாரம் செய்வதற்கான சிறு பாதிப்பு கூட இல்லை, அதற்க்கான அவசியமும் இல்லை என்பதே உண்மை நிலை, எனவே  தங்களது குழந்தையை தத்து பரிகாரம் செய்துதரவேண்டிய கட்டாயம் ஏதும் இல்லை என்பதை உணருங்கள், மேலும் தங்களது குழந்தையின் ஜாதகத்தில் 1,4,5,7,9,10 ம் வீடுகள் அனைத்தும் லாப ஸ்தானமான 11ம்  பாவகத்துடன் சம்பந்தம் பெறுவதுடன் 11ம் பாவகம் கால புருஷ தத்துவ அமைப்பிற்கு  சுக ஸ்தானமான கடக ராசியில் வியாபித்து நிற்பது தங்களுக்கும், தங்களது குழந்தைக்கும் சுபயோக பலாபலன்களையே வாரி வழங்கும், மேலும் நடைபெறும் சனி திசை குழந்தைக்கு 3,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று முழு வீச்சில் நன்மைகளை தருவது சிறப்பு மிக்க கல்வி காலத்தையும், கல்வியில் தேர்ச்சியையும், ஒழுக்கம், சுய கட்டுப்பாடு, தெளிவான சிந்தனை, தெளிந்த நல்லறிவு என்றவகையில் நன்மைகளை வாரி வழங்கும் என்பதால் தாங்கள்  யாதொரு மனவேதனையும் கொள்ளாமல், தங்களது குழந்தையை தாங்களே பாசமுடன் வளர்ப்பது நல்லது என்பதை கருத்தில் கொள்ளுங்கள், குழந்தையின் ஜாதகத்தில் பெற்றோரை குறிக்கும்  4,10ம் வீடுகள்  மிகுந்த வலிமையுடன் இருப்பது தங்களுக்கே சிறப்பான அதிர்ஷ்டத்தை தரும் என்பதை நினைவில் கொண்டு நலம் பெறுங்கள்.

மேற்கண்ட உதாரண ஜாதகரை ஏன்? தத்து பரிகாரம் செய்யவேண்டும் என்பதை சற்று விரிவாக இந்த பதிவில் சிந்தனைக்கு எடுத்துக்கொள்வோம் அன்பர்களே ! 

லக்கினம் : துலாம் 

ராசி : மீனம் 

நட்ஷத்திரம் : ரேவதி 3ம் பாதம் 

பொதுவாக சுய ஜாதகத்தில் தாய்,தந்தையை குறிக்கும் பாவகங்களான 4,10ம் வீடுகள் சம்பந்தப்பட்ட ஜாதகருக்கு கடுமையாக பாதிக்கப்பட்டால் மட்டுமே அவரை  தத்து பரிகாரம் செய்து தரவேண்டும், குறிப்பாக 4,10ம் வீடுகள் பாதக ஸ்தான தொடர்பை பெறுவது,  சத்ரு ஸ்தானமான 6ம் பாவக தொடர்பை பெறுவது, திடீர் இழப்பை தரும் ஆயுள் ஸ்தானமான 8ம் பாவக தொடர்பை பெறுவது, விரைய ஸ்தானமான 12ம் பாவக தொடர்பை பெறுவது, போன்றவை மட்டுமே குழந்தை மற்றும் பெற்றோருக்கு இடையிலான உறவில் பிரிவு, மிகுந்த இன்னல்கள், போராட்ட வாழ்க்கை, ஆயுள் பங்கம் என்றவகையில் சிரமங்களை தரக்கூடும், அதுவும் குழந்தைக்கு நடைமுறையில் உள்ள திசாபுத்திகள், மேற்கண்ட பாதிப்பை பெற்ற பாவக பலனை ஏற்று நடத்தினால் மட்டுமே தீய பலாபலன்கள் நடைமுறைக்கு வரும், என்பதை கருத்தில் கொள்க. 

உதாரண ஜாதகத்தில்  4,10ம் வீடுகள்  பாதக ஸ்தானமான 11ம் பாவகத்துடன் சம்பந்தம் பெறுவது அடிப்படையிலேயே பெற்றோருக்கு கடுமையான இன்னல்களை தரும் அமைப்பாகும், இது ஜாதகருக்கும் ஜாதகரின் பெற்றோருக்கும் 200% விகித இன்னல்களை வாரி வழங்கும், பெற்றோருடன் சேர்ந்து ஜீவிக்க இயலாத நிலை, பெற்றோருக்கு வரும் பொருளாதர இன்னல்கள், நிலையற்ற தன்மையிலான வாழ்க்கை,  ஜாதகருக்கு வரும் உடல் மன நலம் சார்ந்த பாதிப்பு, போராட்ட வாழ்க்கை, ஒவ்வொரு விஷயத்தையும் போராடி பெறவேண்டிய நிலை, என்ற வகையில் பாதிப்பை தரும், மேலும் லக்கினம் விரைய ஸ்தான தொடர்பை பெறுவது ஜாதகருக்கு  வளரும் சூழ்நிலையில் எதிர்பாராத பாதிப்புகளை சந்திக்கும் நிலையினை தரும், எடுக்கும் முயற்சிகள் தடைபெறும், அதிர்ஷ்டமின்மை ஜாதகருக்கு கடுமையான நெருக்கடிகளை தரும், மேலும் நடைமுறையில் உள்ள சுக்கிரன் திசை ஜாதகருக்கு 4,10ம் வீடுகள் பாதக ஸ்தானமான 11ம் பாவகத்துடன் சம்பந்தம் பெற்று 200% விகித இன்னல்களை தருவது, ஜாதகரே விருப்பப்பட்டாலும், தனது பெற்றோருடன் ஜீவிக்க இயலாது என்பது கவனிக்கத்தக்கது.

இதுபோன்ற நிலையை கொண்ட ஜாதகரை அவர்களது பெற்றோர், தமது குல தெய்வம் அல்லது இஷ்ட தெய்வத்திற்கு தத்து பரிகாரம் செய்து தருவது, சிறப்பான நன்மைகளை ஜாதகருக்கும், ஜாதகரின் பெற்றோருக்கும் வாரி வழங்கும், ( என்ன செய்வது ஜாதகருக்கு கொஞ்சம் வயது அதிகம் ) எனவே தத்து பரிகாரம் செய்யுமுன் சுய ஜாதகத்தில் பெற்றோரை குறிக்கும் பாவகங்கள், லக்கினம், பூர்வ புண்ணியம், பாக்கிய ஸ்தான வலிமையை கருத்தில் கொண்டு தத்து பரிகாரம் செய்வது சிறப்பை தரும்.

குறிப்பு :

கன்னி லக்கினம், மிதுன ராசி, திருவாதிரை நட்ஷத்திரம் கொண்ட  தங்களது குழந்தையின் ஜாதகத்தில், பெரும்பாலான பாவக தொடர்புகள் மிகவும் வலிமையுடன்  உள்ளது, மேலும் பெற்றோரை குறிக்கும் 4,10ம் வீடுகள் மிக வலிமையுடனும், லக்கினம், பூர்வ புண்ணியம், பாக்கிய ஸ்தானம் போன்றவை மிகுந்த வலிமையுடன் இருப்பது வரவேற்கத்தக்கது, தவறான அறிவுரையின் பேரில் தங்களது குழந்தையை தத்து பரிகாரம் செய்துவிடாதீர்கள், ஏனெனில் குழந்தை வழியிலாக வரும் சுபயோகங்கள் தங்களுக்கு கிடைக்காமல் விரையமாகிவிட அதிக வாய்ப்பு உள்ளது, எனேவ தங்களது குழந்தையுடன் சேர்ந்து வாழ்ந்து சகல சௌபாக்கியங்களையும் பரிபூர்ணமாக பெறுங்கள் என்பதே " ஜோதிடதீபம்" வழங்கும் துல்லியமான ஆலோசனை வாழ்த்துகள்

வாழ்க வளமுடன் 

ஜோதிடன் வர்ஷன் 

9443355696 

ஜாதக பலாபலன்களை துல்லியமாக அறிவது எப்படி ? சுக்கிரன் திசை என்ன செய்யும் ? எனது ஜாதகத்திற்கு பலன் கூற இயலுமா ?

 ஒருவரது சுய ஜாதகத்திற்கு துல்லியமான பலாபலன்கள் காண நமக்கு தேவையான அடிப்படை குறிப்புகள் 1) சரியான பிறந்த தேதி 2) சரியான பிறந்த நேரம் 3) சரியான பிறந்த இடம் ஆகிவை ஆகும், இதன் அடிப்படையில் கணிதம் செய்யும் ஜாதகத்தை கொண்டே நாம் துல்லியமான பலாபலன்கள் காண இயலும், மேலும் மேற்கண்ட குறிப்புகளை கொண்டு கணிதம் செய்யப்படும் ஜாதகத்தில் லக்கினம் முதல் பனிரெண்டு பாவகங்களின் வலிமை நிலையை தெளிவாக அறிந்துகொள்ள முடியும், தற்போழுது நடைமுறையில் உள்ள திசா புத்திகள் சுய ஜாதகத்தில் ஏற்று நடத்தும் பாவக தொடர்புகள் பற்றி அறிந்துகொள்ள முடியும், கோட்சார கிரகங்கள் திசாபுத்திகள் ஏற்று நடத்தும் பாவகங்களுக்கு தரும் நன்மை தீமை பற்றி துல்லியமாக அறிந்துகொண்டு, சுய ஜாதகத்திற்க்கான சரியான பலாபலன்களை மிக துல்லியமாக எடுத்துரைக்க இயலும்.

சுய ஜாதக பலாபலன்கள் பற்றி  தெரிந்துகொள்ள நாம் சம்பந்தப்பட்ட ஜாதகத்தில் லக்கினம் முதல் பனிரெண்டு பாவகங்களின் வலிமை பற்றி தெளிவாக கணிதம் செய்து அறிந்துகொள்வது நல்லது, அதன் பிறகு நடைபெறும் திசா புத்திகள் அல்லது எதிர்வரும் திசாபுத்திகள் லக்கினம் முதல் பனிரெண்டு பாவகங்களில் எந்த எந்த பாவக பலனை ஏற்று நடத்துகிறது என்பதில் தெளிவு பெறுவது அவசியமாகிறது, நடைபெறும், எதிர்வரும் திசா புத்திகள் ஏற்று நடத்தும் பாவக தொடர்புகளுக்கு கோட்சார கிரகங்கள் தரும் வலிமை வலிமை அற்ற தன்மையை பற்றி தெளிவாக உணர்ந்து, சம்பந்தப்பட்ட நபருக்கு ஜாதக பலன்களை கூறுவதே அவரது வாழ்க்கையில் சகல சௌபாக்கியங்களையும் வாரி வழங்கும், உதாரணமாக தங்களது ஜாதகத்தையே இன்று சிந்தனைக்கு எடுத்துக்கொள்வோம் அன்பரே !

லக்கினம் : மீனம் 

ராசி : மீனம் 

நட்ஷத்திரம் : ரேவதி 2ம் பாதம்.

தங்களது ஜாதகத்தில் லக்கினம் முதல் பனிரெண்டு பாவகங்களில் வலிமை பெற்றுள்ள பாவக தொடர்புகள் :

1,2,8,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெறுவது ஜாதகத்திலே மிகுந்த வலிமையுள்ள பாவக தொடர்புகள் ஆகும், அது தரும் யோக பலன்களை பிறகு ஆய்வு செய்வோம்.

3,9ம் வீடுகள் பூர்வ புண்ணிய ஸ்தானமான 5ம் பாவகத்துடன் சம்பந்தம் பெறுவது வரவேற்கத்தக்கது.

4ம் சுக ஸ்தானமான 4ம் பாவகத்துடன் சம்பந்தம் பெறுவது சுகபோக வாழ்க்கையை 4ம் பாவக வழியில் இருந்து தரும் .

5,7ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெறுவது சிறப்பான யோகங்களை தரும்.

10ம் வீடு ஜீவன ஸ்தானமான 10ம் பாவகத்துடன் சம்பந்தம் பெறுவது ஜீவன ரீதியான மேன்மையை பரிபூர்ணமாக தரும்.

தங்களது ஜாதகத்தில் வலிமை அற்ற பாவக தொடர்புகள் :

6,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெறுவது விரைய ஸ்தான வழியில் இருந்து கடுமையான இன்னல்களை தரும்.

தங்களது ஜாதகத்தில் லக்கினம் முதல் பனிரெண்டு பாவகங்களில் 6,12ம் வீடுகளை தவிர மற்ற அனைத்து பாவகங்களும் வலிமையுடன் காணப்படுகிறது, குறிப்பாக 1,2,8,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெறுவது மிகுந்த நன்மைகளை தரும் அமைப்பாக எடுத்துக்கொள்ளலாம், மேலும் தங்களின் ஜாதகத்தில் 11ம்  பாவகம் மீன ராசியில் 259:51:54 பாகையில் ஆரம்பித்து மகர ராசியில் 298:57:55 பாகையில் நிறைவு பெறுவதும் லாப ஸ்தானம் பெரும் பகுதி சர ராசியான மகரத்திலே வியாபித்து நிற்பது தொடர்பு பெரும் வீடுகள் வழியில் இருந்து 100% விகித சுபயோகங்களை தன்னிறைவாக வாரி வழங்கும்.

மேற்கண்ட விஷயங்கள் தற்போழுது முக்கியமல்ல, தற்போழுது நடைபெறும் திசா புத்திகள், எதிர் வரும் திசா புத்திகள் தங்களுக்கு சுய ஜாதகத்தில் எந்த எந்த பாவக பலனை ஏற்று நடத்துகிறது, அந்த பாவகங்களுக்கு கோட்சார கிரகங்கள் தரும்  பலாபலன்கள் என்ன ? என்பதே தங்களின் நிகழ்கால வாழ்க்கை, எதிர்கால வாழ்க்கை பற்றி தெளிவாக உணர்ந்து, சரியான திட்டமிடுதல்களுடன் வாழ்க்கையை மிக இலகுவாக முன்னேற்ற பாதையில் எடுத்து செல்ல இயலும்.

தற்போழுது தங்களுக்கு சுக்கிரன் திசை( 13/02/2017 முதல் 13/02/2037 வரை )  நடைபெறுகிறது, நடைபெறும் சுக்கிரன் திசையில் சுய புத்தி ( 13/02/2017 முதல் 15/06/2020 வரை ) நடைமுறையில் உள்ளது இது தங்களுக்கு ஏக காலத்தில்  1,2,8,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்றும், 4ம் சுக ஸ்தானமான 4ம் பாவகத்துடன் சம்பந்தம் பெற்றும், 10ம் வீடு ஜீவன ஸ்தானமான 10ம் பாவகத்துடன் சம்பந்தம் பெற்றும் சுபயோக சுப வாழ்க்கையை சுக ஸ்தானம், ஜீவன ஸ்தானம் மற்றும் லாப ஸ்தான வழியில் இருந்து பரிபூர்ணமாக வாரி வழங்குவது மிகுந்த யோகத்தை நல்கும் அமைப்பாகும், எனவே சரியான பருவ வயதில் சுக்கிரன் திசை அமைப்பில் இருந்து முழு யோகங்களையும் சுவீகரிக்கும் வல்லமை கொண்டவராக திகழ்வது தங்களுக்கு சகல சௌபாக்கியங்களையும்  வாரி வழங்கும் அமைப்பாகும்.

சுய ஜாதகத்தில் யோகங்கள் இருப்பது முக்கியமல்ல ( பாவக வலிமை ) நடைமுறையில் எதிர்காலத்தில் உள்ள திசா புத்திகள் யோகம் பெற்ற பாவக தொடர்பை ஏற்று நடத்துவதே சம்பந்தப்பட்ட ஜாதகருக்கு யோகம் பெற்ற பாவக வழியிலான நன்மைகளை நடைமுறைக்கு கொண்டு வரும் என்பதற்கு இணங்க தங்களது ஜாதகத்தில் தற்போழுது நடைமுறையில் உள்ள சுக்கிரன் திசைசுக்கிரன் புத்தி வலிமை பெற்ற 4,10,11ம் பாவக பலனை ஏற்று நடத்துவது தங்களுக்கு அளவிலா நன்மைகளை வாரி வழங்கும் என்பதில் சிறிதும் சந்தேகம் இல்லை, எனவே சுக்கிரன் திசை தரும் யோக பலாபலன்களை 4,10,11ம் பாவக வழியில் இருந்து சுவீகரிக்கும் நடவடிக்கைகளை மேற்கொண்டு வாழ்க்கையை சிறப்பாக வாழ " ஜோதிடதீபம் " வாழ்த்துகிறது.

குறிப்பு :

 தங்களது சுய ஜாதகத்தில் 6,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெறுவதும் 12ம் வீடு சர ராசியான மகரத்தில் 1பாகையையும், மீனத்தில் 3பாகைகளையும் கொண்டிருப்பது, தங்களது வாழ்க்கையில் வரும் அதிர்ஷ்டங்களை வீணடிக்கும் தன்மை பெற்றவர் என்பதை அறிவுறுத்துகிறது, மேலும் தங்களது உடல் மனம் இரண்டையும் ஆரோக்கியமாக வைத்துக்கொள்ளவில்லை எனில் வரும் பேரிழப்புகளை தவிர்க்க இயலாது, குறிப்பாக தாங்கள் எதாவது தீய பழக்க வழக்கத்திற்கு ஆர்பட்டவராக இருப்பின் சுய ஜாதகத்தில் உள்ள சுபயோகங்கள் யாவும் யோக பங்கமாகி, வலிமை பெற்ற பாவக வழியில் இருந்து வரும் நன்மைகளை சுவீகரிக்க இயலாத சூழ்நிலையை உருவாக்கும் என்பதை கருத்தில் கொள்க என்று "ஜோதிடதீபம்" முன் எச்சரிக்கை செய்கிறது.

வாழ்க வளமுடன் 

ஜோதிடன் வர்ஷன் 

9443355696

வெளிநாடுகளில் யோக வாழ்க்கையை பெரும் ஜாதக நிலையும் ! புதன் திசை தரும் பொருளாதார தன்னிறைவும் !

  சுய ஜாதகத்தில் லக்கினத்தில் இருந்து 7ம் வீடாகிய களத்திர ஸ்தானமும், 10ம் வீடாகிய ஜீவன ஸ்தானமும், 11ம் வீடாகிய லாப ஸ்தானமும் வலிமை பெறுவது ஜாதகருக்கு சிறப்பான நன்மைகளை வெளியூர், வெளிநாடு மற்றும் வியாபாரம் சார்ந்த வெற்றிகளை வாரி வழங்கும், குறிப்பாக சுய ஜாதகத்தில் கால புருஷ தத்துவ அமைப்பிற்கு 7ம் ராசியான துலாம் மிகவும் வலிமை பெற்று இருப்பது ஜாதகருக்கு வெளிநாடு யோகம், வெளிநாடுகளில் இருந்து வரும் வருமானம் என்ற வகையில் சிறப்புகளை தரும், தன்னிறைவான சுபயோகங்களை ஜாதகர் தங்கு தடையின்றி அனுபவிக்கும் வல்லமை உண்டாகும், மேலும் லக்கினம் வலிமை பெற்று இருப்பது ஜாதகர் வெளிநாடுகளில் இருந்து வரும் யோக வாழ்க்கையை சுயமாக சுவீகரிக்கும் தன்மையை தரும், பிரபல்ய யோகம், சமூக அந்தஸ்து, மதிப்பு மரியாதை, வெளிவட்டார பழக்க வழக்கங்கள் மூலம் ஜாதகருக்கு கிடைக்கும் சுபயோக வாழ்க்கை என்ற வகையில் பரிபூர்ண நன்மைகளை தரும்.

 மேலும் சுய ஜாதகத்தில்  5,12ம் வீடுகள் வலிமை பெறுவது , 5ம் பாவக வழியில் இருந்து தனது அறிவு திறன் சமயோசித புத்திசாலித்தனம் மூலம் வெளிநாடுகளில் சிறப்பான யோக வாழ்க்கை பெறுவதற்கான சந்தர்ப்பங்களை உருவாக்கி தரும், ஜாதகரின் அறிவார்ந்த முயற்சிகள் மூலம் பொருளாதார ரீதியான வெற்றிகளை மிக எளிதாக பெறுவதற்கும், குடியுரிமை சார்ந்த நன்மைகளை பெறுவதற்கும் ஜாதகருக்கு ஓர் அங்கீகாரத்தை நல்கும், 12ம் பாவக வழியில் இருந்து ஜாதகர் வெளிநாடுகளில் பெரும் பொருளாதர தன்னிறைவை குறிப்பதுடன், திருப்தியுடன் கூடிய நிம்மதிகாரமான யோக வாழ்க்கையை நல்கும், தெளிவான சிந்தனை நல்ல உறக்கம், மற்ற நாடுகளில் உள்ள சீதோஷன நிலையை ஏற்றுக்கொள்ளும் திரேகம், வேற்று மதத்தினர், வேற்று இனத்தினருடன் இணக்கமான உறவை கையாளும் வல்லமையை தருவதும் அயன சயன ஸ்தானத்தின் வலிமையே என்றால் அது மிகையில்லை. 

லக்கினம் : விருச்சிகம்
ராசி : கும்பம்
நட்ஷத்திரம் : பூரட்டாதி 2 பாதம்

ஜாதகருக்கு வலிமை பெற்ற பாவக தொடர்புகள் :

1,7ம் வீடுகள் களத்திர ஸ்தானமான 7ம் பாவகத்துடன் சம்பந்தம் பெறுவது ஜாதகருக்கு லக்கின பாவக வழியில் இருந்து நீண்ட ஆயுள், சிறந்த உடல் மற்றும் மனநலம், வளரும் சூழ்நிலையில் சிறப்பு, கல்வியில் மேன்மை, பொதுமக்கள் தொடர்பில் யோகம், சிறந்த நிர்வாக திறமை, தனித்தன்மையான ஆளுமை திறன், எதிர்ப்புகளை சந்தித்து வெற்றிகொள்ளும் யோகம், அனைவரின் ஆதரவையும் பெரும் யோகம், வசீகரிக்கும் செயல்பாடுகள், எதிர்பாலின அமைப்பினரிடம் இருந்து பெரும் நன்மைகள் என்ற வகையில் ஜாதகருக்கு சிறப்பை தரும்.

7ம் பாவக வழியில் இருந்து வெளியூர் அல்லது வெளிநாடுகளில் இருந்து வரும் முன்னேற்றத்தை ஜாதகர் பரிபூர்ணமாக சுவீகரிக்கும் யோகம், பிரபல்ய யோகம், நல்ல நண்பர்கள், சிறந்த கூட்டாளிகள், வலிமை மிக்க கூட்டுத்தொழில், அதன் வழியிலான ஜீவன மேன்மை என்ற வகையில் சிறப்புகளை  தரும், ஜாதகருக்கு களத்திர ஸ்தானமான 7ம் பாவகம் ரிஷப ராசியில் 5 பாகைகளையும், மிதுன ராசியில் 23 பாகைகளையும் கொண்டு இருப்பது சிறப்பானது, ஜாதகரின் அறிவு திறன் வெளிநாடுகளில் சிறப்பான வரவேற்பை கொண்டுள்ளதாக அமைவதும், ஜாதகரின் சிறந்த மேலாண்மை திறன் வெளிநாடுகளிலேயே மிகவும் பிரகாசமாக அமைவதையும், ஜாதகர் தெளிவாக உணர்ந்துகொண்டு, அதன் வழியிலான வெற்றிநடை போடுவது வரவேற்கத்தக்கது,  ஜாதகரின் உழைப்பு மிக குறைவாக அமைந்த போதிலும் பெரும் நன்மைகள் அபரிவிதமானதாக இருப்பதற்கு காரணம் என்ன ? என்பதை அடுத்த வரிகளில் சிந்தனைக்கு எடுத்துக்கொள்வோம் அன்பர்களே!

ஜாதகரின் 10ம் வீடு ஜீவன ஸ்தானமான 10ம் பாவகத்துடன் சம்பந்தம் பெற்று மிகுந்த வலிமையுடன் இருப்பது வரவேற்கத்தக்கது மேலும் ஜாதகரின் ஜீவன ஸ்தானம் சிம்ம ராசியில் 3 பாகைகளையும், கன்னி ராசியில் 28 பாகைகளையும் கொண்டு இருப்பது சிறப்பான ஓர் விஷயமாக கருதலாம், இது ஜாதகருக்கு தொழில் நுட்பம் மற்றும் கைதேர்ந்த தொழில் மேலாண்மை திறனை வழங்கி இருப்பது கவனிக்கத்தக்கது, பெரும்பாலும் கைதேர்ந்த, திறமை வாய்ந்த, தொழில் நுட்பம் சார்ந்த அறிவுத்திறன் மிக்க அனைவரும் பெரிய அளவிலான வெற்றிகளை பெற்று விடுகின்றனரா ? என்றால் இல்லை என்பதே பதில், ஆனால் இவர் அபரிவிதமான வெற்றிகளை குவிக்க மேற்கண்ட விஷயங்கள் மட்டுமே கைகொடுக்கவில்லை, ஆம் அதிர்ஷ்டம் என்பதே ஜாதகருக்கு மிதந்தமிஞ்சிய யோக வாழ்க்கையை வாரி வழங்கிக்கொண்ட இருக்கின்றது என்பதே உண்மை, திறமை மட்டும் இருப்பது ஜாதகருக்கு வெற்றிகளை தருவதில்லை, அதிர்ஷ்டம் எனும் 11ம் பாவக வலிமையே திறமைக்கான அங்கீகாரத்தை உலகிற்கு எடுத்துரைத்து, திறைமைக்கான அதிர்ஷ்ட வாழ்க்கையை நிலைநிறுத்துகிறது என்பதை அடுத்த வரிகளில் தெளிவாக காண்போம்.

ஜாதகருக்கு மேற்கண்ட பாவகங்கள் வலிமை பெற்றது, 30 % விகித நன்மைகளை தந்த போதிலும் 2,4,5,8,11,12ம் வீடுகள் லாபம் மற்றும் அதிர்ஷ்டத்தை குறிக்கும் 11ம் பாவகத்துடன் சம்பந்தம் பெற்று முழுவீச்சில் 100% விகித நன்மைகளை தருவதே ஜாதகரின் வெற்றிக்கு அடிப்படை காரணமாக அமைகிறது, சுய ஜாதகத்தில் களத்திர ஸ்தானத்துடன் 1,7ம் வீடுகள் சம்பந்தம் பெறுவதும், கால புருஷ தத்துவ அமைப்பிற்கு 7ம் வீடான துலாம் ராசி வலிமை பெறுவதும் ஜாதகரின் வெளிநாடு சார்ந்த அமைப்பில் இருந்து அதிர்ஷ்டத்துடன் கூடிய யோக வாழ்க்கையை வாரி வழங்குகிறது, 2,4,5,8,11,12ம் வீடுகள் லாபம் மற்றும் அதிர்ஷ்டத்தை குறிக்கும் 11ம் பாவகத்துடன் சம்பந்தம் பெறுவதும் 11ம் பாவகம் ஜாதகருக்கு கன்னி ராசியில் 1 பாகையில் ஆரம்பித்து 28 பாகைகள் துலாம் ராசியில் வியாபித்து நிற்பது கவனிக்கத்தக்கது, மேலும் லாப ஸ்தானத்துடன் பொருளாதர மேன்மை மற்றும் சுகபோகத்தை குறிக்கும் வீடுகள் யாவும் ( 2,4,5,8,11,12ம் வீடுகள் ) சம்பந்தம் பெறுவது ஜாதகருக்கான யோக வாழ்க்கையை மிக பெரிய அளவில் வாரி வழங்குவது கவனிக்கத்தக்கது.

ஒரு ஜாதகருக்கு மிதம் மிஞ்சிய செல்வவளத்தை தாறுமாறாக வாரி  வழங்கும் வல்லமை பெற்றது மறைவு ஸ்தானம் என்று உணரப்பட்ட 6,8,12ம் வீடுகளே, ஜாதகருக்கு வரும் பொருளாதார வளர்ச்சி எப்படி வந்தது என்று மற்றவர்கள் கண்டுஅறிய இயலாவண்ணம், ஜாதகருக்கு தன்னிறைவான பொருளாதார முன்னேற்றத்தை வாரி வழங்கும் வல்லமை பெற்றது மேற்கண்ட 6,8,12ம் வீடுகள், அப்படிப்பட்ட வீடுகள் எல்லாம் ஜாதகருக்கு அதிர்ஷ்ட ஸ்தானத்துடன் சம்பந்தம் பெறுவது, ஜாதகருக்கான பொருளாதார வெற்றியை எதிர்பாரா அளவில் நிர்ணயம் செய்துள்ளது என்பதே உண்மை, இதற்குஎல்லாம் சிகரம் வைத்தார் போல் அமைவதுதான் அடுத்து வரும் பத்திகளில் நமக்கு ஆச்சரியங்களை வழங்க இருக்கின்றது.

ஆம் ஜாதகருக்கு கடந்த சனி திசை 19 வருடமும், 1,7ம் வீடுகள் களத்திர ஸ்தானமான  7ம் பாவகத்துடன் சம்பந்தம் பெற்றும் , 4,12ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்று சுபயோக சுப பலனை வாரி வழங்கியது இளமையில் சகல யோகத்தையும், திறமைக்கான வெற்றிகளையும் அங்கீகாரம் செய்தது, தற்போழுது நடைமுறையில் உள்ள புதன் திசை ஒருபடி மேலே சென்று 2,5,8,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்று அதிர்ஷ்டங்களை வாரி வழங்கிக்கொண்டு இருப்பது ஜாதகருக்கு நன்மையை தருகின்றது என்ற போதிலும், 3,9ம் வீடுகள் பாதக ஸ்தானமான 9ம் பாவகத்துடன் சம்பந்தம் பெற்று 200% விகித இன்னல்களை தருவது, செல்வம், சுகபோகம் உண்டு ஆனால் வாரிசு இல்லை என்ற நிலையை தந்துள்ளது, 9ம் பாவகம் ஜாதகருக்கு கடக ராசியில் ஆரம்பித்த போதிலும் அதில் 5 பாகைகளையே கொண்டுள்ளது, கால புருஷ தத்துவ அமைப்பிற்கு பூர்வ புண்ணியமான சிம்மராசியில் 27 பாகைகளை கொண்டு 9ம் பாவகம் பாதக ஸ்தானமாக அமைவது ஜாதகருக்கு புத்திர பாக்கிய தடைக்கு அடிப்படை காரணமாக அமைகிறது என்பது இது தெளிவுபடுத்துகிறது.


குறிப்பு :

 சுய ஜாதகத்தில் அயல் தேச யோக வாழ்க்கையை குறிக்கும், 1,7,10,12ம் பாவகங்களுடன் அதிர்ஷ்டத்தை தரும் 11ம் பாவகமும் வலிமை பெற்று இருப்பது அவசியமாகிறது, மேலும் கால புருஷ தத்துவ அமைப்பிற்கு துலாம் ராசி  மற்றும் மீன ராசி வலிமையையும் நாம் கருத்தில் கொண்டு " திரைகடல் ஓடி திரவியம் தேடுவது " சகல சௌபாக்கியங்களையும் வாரி வழங்கும் என்பது கவனிக்கத்தக்க சிறப்பு அம்சமாகும்.

வாழ்க வளமுடன்
ஜோதிடன் வர்ஷன்
9443355696

ராகு மஹா திசை தரும் இன்னல்களும், திருமணம் தொழில் சார்ந்த தடைகளும் !

சுய ஜாதகத்தில் சாயா கிரகங்களான ராகு கேது வலிமை பெறுவது சம்பந்தப்பட்ட ஜாதகருக்கு சுபயோகங்களை நல்கும் அமைப்பாகும், மேலும் சாயா கிரகங்கள் தனது திசை,புத்தி,அந்தரம் மற்றும் சூட்ஷம காலங்களில் வலிமை பெற்ற பாவக பலனை ஏற்று நடத்துவது மிகுந்த சுபயோகங்களை வாரி வழங்கும், மாறாக சுய ஜாதகத்தில் சாயா கிரகங்கள் வலிமையற்று அமர்வதும், வலிமையற்ற பாவக பலனை ஏற்று நடத்துவதும் கடுமையான இன்னல்களை ஜாதகருக்கு பாரபட்சம் பார்க்காமல் வாரி வழங்கிவிடும், இதை ஓர் உதாரண ஜாதகம் கொண்டு தெளிவு பெறுவோம் அன்பர்களே !

லக்கினம் : மேஷம் 

ராசி : ரிஷபம் 

நட்ஷத்திரம் : கிருத்திகை 2ம் பாதம் 

ஜாதகருக்கு சுய ஜாதகத்தில் 4ல் அமர்ந்த ராகு வளர்பிறை சந்திரன் என்பதால் தான் அமர்ந்த பாவகத்தை கடுமையான பாதிப்பிற்கு ஆளாக்குகிறார், பாவக தொடர்பு வழியில் பாக்கிய ஸ்தானத்துடன் சம்பந்தம் பெற்ற போதிலும், தனது வீட்டிற்கு சத்ரு ஸ்தான தொடர்பை பெறுவது ஜாதகருக்கு கடுமையான இன்னல்களை தரும் அமைப்பாகும், சுக ஸ்தான வழியில் இருந்து ஜாதகர் யாதொரு நன்மையையும் பெற இயலாத சூழ்நிலையை தற்போழுது வரை பலாபலனாக வழங்கிக்கொண்டு இருக்கின்றது, கால புருஷ தத்துவ அமைப்பிற்கு நான்காம் ராசியான கடகத்திலேயே, ஜாதகருக்கு சுக ஸ்தானம் முழுவதும் வியாபித்து நிற்பது சிறப்பானது என்ற போதிலும், ராகு பகவானால் 100% விகித பாதிப்பிற்கு உள்ளாவது ஜாதகருக்கான சுபயோகங்களை 4ம் பாவக வழியில் இருந்து வெகுவாக தட்டிப்பறிக்கும்.

ஜாதகர் மேற்கொண்ட வண்டிவாகனம் சார்ந்த தொழில்கள் யாவும் கடும் நஷ்டத்தை ஏற்படுத்தியது சுக ஸ்தானமான 4ம் பாவக பாதிப்பே அன்றி வேறுஎதுவும் இல்லை, பொதுவாக சுய ஜாதகத்தில் 4ம் பாவகம் அல்லது கால புருஷ தத்துவ அமைப்பிற்கு 4ம் ராசியான கடகம்  கடுமையாக பாதிக்கப்படும் பொழுது ஜாதகர் தனது பெயரில் சொத்து சுகம், வண்டிவாகனம் மற்றும் வீடு நிலம் போன்றவற்றை வைத்திருப்பது நல்லதல்ல, மீறி வைத்திற்குக்கும் பொழுது ஜாதகருக்கு அது சார்ந்த நஷ்டங்களை தவிர்க்க இயலாது என்பது கவனிக்கத்தக்கது, இதை உணராமலும், நடைபெறும் ராகு திசை ஏற்று நடத்தும் பாவக வலிமையை பற்றி அறியாமலும், ஜாதகர் செய்த முதலீடுகள், ஆரம்பித்த தொழில், புதிதாக துவங்கிய காரியங்கள் யாவும் மிகுந்த நஷ்டத்தையே வழங்கியது, மேலும் ஜாதகருக்கு 37 வயது நிறைவடைந்ததும் திருமணம்  கைகூடி வரவில்லை என்பது வருந்தத்தக்கது.

ஜாதகருக்கு ராகு அமர்ந்த நிலையிலும் வலிமை பெறவில்லை, தனது திசையிலும் 2,8ம் வீடுகள் திடீர் இழப்பை தரும் 8ம் பாவகத்துடன் சம்பந்தம் பெற்று, சம்பாதிக்கும் வருமானம், வரும் பொருள் வரவுகள் அனைத்தும் திடீர் இழப்பை தந்தது, ஜாதகரின் நிதி நிலைமை மிகவும் மோசமான சூழ்நிலையை ஏற்படுத்தியது, ஜாதகருக்கு திடீர் மருத்துவ செலவினங்கள், எதிர்பாராத விபத்து , பொருளாதார சிக்கல்கள் யாவும் வாட்டி வதைத்தது, நிதி நிலையை சீர் செய்ய ஜாதகர் எடுத்த முடிவுகள், ஜாதகரின் பெற்றோர் சொத்துக்களுக்கும் இறையாயின , வீடு நிலம், தோட்டம் போன்றவை ஜாதகரின் கடன் பிரசனைகளுக்கு  ஈடாக அடமானம் வைக்கப்பட்டது, இவையெல்லாம் ராகு மகா திசை ஜாதகருக்கு 2,8ம் வீடுகள் திடீர் இழப்பை தரும் 8ம் பாவகத்துடன் சம்பந்தம் பெற்று முழு வீச்சில் ஆயுள் பாவக பலனை ஏற்று நடத்தியதே காரணமாக அமைந்தது என்றால் அது மிகையாகாது.

ஜாதகருக்கு தற்போழுது நடைபெறும் ராகு திசை சந்திரன் புத்தி 5,11ம் வீடுகள் பாக்கிய ஸ்தானத்துடன் சம்பந்தம் பெற்று நன்மைகளை செய்வது, மேற்கண்ட பிரச்சனைகளில் இருந்து ஓர் பெரிய மனிதரின் ஆதரவில் மீண்டு வருவதற்கான வாய்ப்பை வழங்கிக்கொண்டு இருப்பது வரவேற்கத்தக்கது, சுய ஜாதகத்தில் பூர்வ புண்ணியம் மற்றும் பாக்கிய ஸ்தானம் வலிமை பெறுவது ஜாதகருக்கு ஏற்பட்ட பாதிப்பில் இருந்து குல தெய்வ அருளாலும், பித்ருக்கள்  ஆசியாலும் மீண்டு வருவதற்கான சந்தர்ப்பங்களை நல்கிக்கொண்டு இருப்பது ஜாதகருக்கு கிடைத்த வரப்பிரசாதம், சுய ஜாதகத்தில் 5,9ம் பாவகங்கள் வலிமை பெறுவது ஜாதகரை ஏதாவது ஒரு வகையில் கஷ்டங்களில் இருந்து மீட்டுஎடுக்கும் என்பதற்கு மேற்கண்ட ஜாதகமே நல்ல உதாரணம், எதிர் வரும் செவ்வாய் புத்தி ஜாதகருக்கு 1,6,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெறுவதும், ஜீவன ஸ்தானம் கால புருஷ தத்துவ அமைப்பிற்கு மகர ராசியில் வியாபித்து நிற்பது ஜாதகருக்கான ஜீவன யோகத்தை பரிபூர்ணமாக தர தயார் நிலையில் இருப்பது கவனிக்கத்தக்கது, ஜாதகர் சர மண் தத்துவம் சார்ந்த தொழில்களை தேர்வு செய்து சிறப்பான நன்மைகளை பெற "ஜோதிடதீபம்" வாழ்த்துகிறது.

குறிப்பு :

 மேற்கண்ட ஜாதகருக்கு சாயா கிரகங்களில் ராகு மட்டும் பாதிப்பை அமர்ந்த நிலையிலும், தனது தசையிலும் கடுமையாக தரும் அமைப்பில் உள்ளது ஆனால் கேது அமர்ந்த நிலையில் மிகுந்த வலிமையுடனும், தனது திசையில்  6ம் வீடு ஜீவன ஸ்தானமான 10ம் பாவகத்துடன் சம்பந்தம் பெற்று  சர இயக்கத்தில் மகர ராசியில் இருந்து 100% விகித யோக பலன்களை வாரி வழங்குவது கவனிக்கத்தக்க சிறப்பு அம்சமாகும், எனவே ஜாதகருக்கு ராகு பாதிப்பை தந்த போதிலும், கேது அதற்க்கு நிகரான சுபயோகங்களை நல்குவது வரவேற்கத்தக்க விஷயமாகும், ஜாதகரின் முன்னேற்றம் கேது வின் மூலம் மிக  அபரிவிதமானதாக அமையும் என்பதில் சந்தேகம் இல்லை.

வாழ்க வளமுடன் 

ஜோதிடன் வர்ஷன்  

9443355696

கூட்டு திசை பாதிப்பை தருமா ? நட்சத்திர பொருத்தம் மட்டுமே திருமண வாழ்க்கையில் வெற்றியை தருமா ?

கேள்வி :

கிழ்கண்ட குறிப்பு திருமண பொருத்தம் பார்த்த பொழுது வழங்கியது, நட்சத்திர பொருத்தம் சிறப்பாக உள்ளதாலும், தோஷ நிர்ணயம் சிறப்பாக உள்ளதாலும் திருமணம் செய்யலாம் வாழ்க்கை சிறப்பாக அமையும் என்று கூறினார், இதைமட்டும் கருத்தில் கொண்டு திருமணம் செய்யலாமா, தம்பதியர் திருமணத்திற்கு பிறகு சிறப்பான இல்லற வாழ்க்கையை பெறுவார்களா ?  கூட்டு திசை பாதிப்பை தருமா ?  நட்சத்திர பொருத்தம் மட்டுமே திருமண வாழ்க்கையில் வெற்றியை தருமா ? சரியான பதில் எதிர்பார்க்கிறேன் .

பதில் :

 மேற்கண்ட திருமண பொறுத்த குறிப்பை வைத்துகொண்டு, திருமணம் செய்வதுதென்பது கல்லை கட்டிக்கொண்டு கடலில் குதிப்பதற்கு நிகரான பலாபலன்களை தந்துவிடும், மேலும் நட்சத்திர பொருத்தம் என்பது திருமண வாழ்க்கையை சிறப்பாக அமைத்து தருவதுதென்பது " காகம் அமர பனம்பழம் விழுந்த கதைதான் " திருமண வாழ்க்கையின் வெற்றியை நட்சத்திர பொருத்தமோ, கூட்டு திசையோ, கிரக தோஷ நிலையோ நிர்ணயம் செய்வதில்லை சுய ஜாதகத்தில் லக்கினம் முதல் பனிரெண்டு பாவகங்களின் வலிமையே நிர்ணயம் செய்கிறது என்பதனை உணருவது அவசியமாகிறது, தாங்கள் வழங்கியுள்ள பிறந்த குறிப்பை கொண்டு நமது உயர் கணித ஜோதிட முறைபடி பாவக வழிமையிலான பொருத்தத்தை தெளிவாக இன்றைய பதிவில் சிந்தனைக்கு எடுத்துகொள்வோம் அன்பரே !

பெண் ஜாதகம்

லக்கினம் : தனுசு
ராசி : விருச்சிகம்
நட்சத்திரம் : கேட்டை 2ம் பாதம்

ஆண் ஜாதகம்

லக்கினம் : தனசு
ராசி : கடகம்
நட்சத்திரம் : பூசம் 4ம் பாதம்

திருமண வாழ்க்கையை நிர்ணயம் செய்யும் பாவகங்கள் 2,5,7,8,12ம் வீடுகளாகும், மேற்கண்ட வது வரன் இருவரின் ஜாதகத்திலும் 2,5,7,8,12ம் வீடுகள் பெரும் தொடர்பு அது தரும் நன்மை தீமையை பற்றி சிந்திப்போம் அன்பர்களே !

பெண் ஜாதகத்தில்

2,5,8ம் வீடுகள் ஆயுள் ஸ்தானமான 8ம் பாவகத்துடன் சம்பந்தம் பெற்று வலிமை அற்று காணப்படுகிறது, இது ஜாதகிக்கு 2ம் பாவக வழியில் திருமண தாமதம், குடும்ப வாழ்க்கையில் இன்னல்கள், போதிய வருமானம் இன்மை, ஸ்திர தன்மையற்ற வார்த்தைகள் என்ற விதத்திலும், 5ம் பாவக வழியில் இருந்து புத்திர பாக்கிய தடை, சமயோசித அறிவு திறனில் பாதிப்பு, கற்ற கல்வி வழியிலான யோக பலனை அனுபவிக்க இயலாத தன்மை, குலதெய்வ சாபம் என்ற வகையிலும், 8ம் பாவக வழியில் இருந்து நீண்ட ஆயுள் என்ற போதிலும், திடீர் இழப்புகள், விபத்து, மருத்துவ செலவினங்கள், வாழ்க்கை துணை வழியில் இருந்து வரும் பொருளாதார இன்னல்கள் என்ற வகையில் பாதிப்பை தரும்.

 12ம் வீடு விரைய ஸ்தானமான 12ம் பாவகத்துடன் சம்பந்தம் பெற்று வலிமை அற்று காணப்படுகிறது இது ஜாதகிக்கு 12ம் பாவக வழியில் இருந்து கடுமையான மனஅழுத்தம், மன போராட்டம், அனைவராலும் தொல்லை, தாம்பத்திய வாழ்க்கையில் பாதிப்பு என்ற வகையில் இன்னல்களை தரும்

7ம் வீடு மட்டும் ஜீவன ஸ்தானமான 10ம் பாவகத்துடன் சம்பந்தம் பெற்று மிகுந்த வலிமையுடன் காணப்படுகிறது. இது ஜாதகிக்கு நல்ல வாழ்க்கை துணையை அமைத்து தரும், வாழ்க்கை துணை வழியிலான ஆதரவு மற்றும் யோக வாழ்க்கையை பெற்று தரும், வெளியூர் வெளிநாடுகளில் இருந்து சிறப்பான நன்மைகளை ஜாதகிக்கு பரிபூர்ணமாக வாரி வழங்கும்.

ஆண் ஜாதகத்தில் 

2,5ம் வீடுகள் பூர்வ புண்ணிய ஸ்தானமான 5ம் பாவகத்துடன் சம்பந்தம் பெற்று மிகுந்த வலிமையுடன் காணப்படுகிறது. இது ஜாதகருக்கு நன்மையை தரும் அமைப்பாகும், 2ம் பாவக வழியில் இருந்து சிறந்த குடும்ப வாழ்க்கை, நிறைவான வருமானம், இனிமையான பேச்சு திறன், பொருளாதார தன்னிறைவு என்ற வகையில் சிறப்புகளை தரும், 5ம் பாவக வழியில் இருந்து ஜாதகருக்கு சிறந்த புத்திர பாக்கியம், சமயோசித அறிவு திறன், தெய்வீக அனுக்கிரகம், கல்வி வழியிலான முன்னேற்றம் மற்றும் புத்திசாலித்தனத்தால் ஆதாயம் என்ற வகையில் சிறப்புகளை வாரி வழங்கும்.

8ம் வீடு லாப ஸ்தானமான 11ம் பாவகத்துடன் சம்பந்தம் பெற்று மிகுந்த வலிமையுடன் காணப்படுகிறது, வாழ்க்கை துணை வழியில் இருந்து வரும் பொருளாதார உதவிகள், வாழ்க்கை துணையின் சொத்துக்கள் கிடைத்தால், நீண்ட ஆயுள், திடீர் அதிர்ஷ்டம் மூலம் வாழ்க்கையில் மிகப்பெரிய வெற்றிகளை சுவீகரிக்கும் வல்லமையை தரும்.

 12ம் வீடு விரைய ஸ்தானமான 12ம் பாவகத்துடன் சம்பந்தம் பெற்று வலிமை அற்று காணப்படுகிறது. இது ஜாதகருக்கு 12ம் பாவக வழியில் இருந்து கடுமையான மனஅழுத்தம், மன போராட்டம், அனைவராலும் தொல்லை, தாம்பத்திய வாழ்க்கையில் பாதிப்பு என்ற வகையில் இன்னல்களை தரும், மேலும் இல்லற வாழ்க்கையில் அதிக அளவிலான மன உளைச்சலை தரும்.

7ம் வீடு பாதக ஸ்தானமான 7ம் பாவகத்துடன் சம்பந்தம் பெற்று 200% விகிதம் வலிமை அற்று காணப்படுகிறது, நல்ல வாழ்க்கை துணை அமைவது என்பது ஜாதகருக்கு குதிரை கொம்பாக அமையும், கூட்டாளிகள், நண்பர்கள், கூட்டு முயற்சி யாவும் ஜாதகருக்கு கடுமையான இழப்புகளையே ஏற்படுத்தும், வெளியூர் அல்லது வெளிவட்டார பழக்க வழக்கங்கள் ஜாதகருக்கு மிகப்பெரிய அளவில் நஷ்டத்தை தரும், வலிமை அற்ற ஜாதகியை வாழ்க்கை துணையாக ஜாதகர் தேர்வு செய்தால், ஜாதகரின் இல்லற வாழ்க்கையே கேள்விக்குறியாக மாறிவிடும் என்பது கவனிக்கத்தக்கது.

கூட்டு திசை தரும் பலன்கள் :

 ஜாதகிக்கு நடக்கும் சுக்கிரன் திசை 11ம் வீடு லாப ஸ்தானமான 11ம் பாவகத்துடன் சம்பந்த பெற்று யோக பலனையும், 2ம் வீடு ஆயுள் ஸ்தானமான 8ம் பாவகத்துடன் சம்பந்தம் பெற்று அவயோக பலனையும் தருகின்றது.

 ஜாதகருக்கு நடக்கும் சுக்கிரன் திசை 5ம் வீடு பூர்வபுண்ணிய ஸ்தானமான 5ம் பாவகத்துடன் சம்பந்தம் பெற்று முழு வீச்சில் சுபயோக பலன்களை தருவது சிறப்பான நன்மைகளை தரும்.

கூட்டு திசை தோஷம் என்பது நடைபெறும் திசை ஏற்று நடத்தும் பாவக பலன் பற்றி தெரியாத நிலையில் குத்துமதிப்பாக சொல்லப்படுவதாகும், கூட்டு திசை தோஷம் என்பது முற்றிலும் தவறான கருத்து, இதுபோன்ற அமைப்பு எந்த ஓர் ஜோதிட மூல நூல்களிலும் குறிப்பிடப்படவில்லை என்பதே உண்மை.

குறிப்பு :

ஜாதகருக்கு வயது 32, ஜாதகிக்கு வயது 26 இருவருக்கும் திருமணம் தாமதமாக அடிப்படை காரணமே சுய ஜாதகத்தில் களத்திர ஸ்தானம் ( ஆண் ) குடும்ப ஸ்தானம் ( பெண் ) வலிமை அற்று இருப்பதே, மேலும் இருவரது ஜாதகமும் பாவக வழியில் பொருத்தம் இன்றி  முற்றிலும் முரண் பட்ட தன்மையில் இருப்பதால், இல்லற வாழ்க்கையில் கடுமையான நெருக்கடிகளை சந்தித்து, மன வாழ்க்கை முறிவு என்ற இறுதி நிலைக்கு கொண்டு செல்லும் எனவே திருமணத்தை தவிர்த்து, இருவரும் வலிமை பெற்ற வாழ்க்கை துணையை தேர்வு செய்வதே சரியான தீர்வாக அமையும், தாங்கள் அனுப்பிய திருமண பொருத்தம் சார்ந்த குறிப்பை வைத்துகொண்டு திருமண வாழ்க்கையில் நுழைவது தம்பதியருக்கு இல்லற வாழ்க்கையில் பிரிவு என்ற நிலைக்கே அழைத்து செல்லும் என்பதை கருத்தில் கொண்டு முடிவெடுக்கவும்.

வாழ்க வளமுடன்
ஜோதிடன் வர்ஷன்
9443355696

தொழிலில் ஏற்படும் பேரிழப்பை உணர்ந்து எச்சரிக்கையுடன் செயல்படுவது எப்படி? இதை ஜாதக ரீதியாக அறிந்துகொள்ள இயலுமா ?

  இன்னும் நமது கிராமங்களில் " வல்லவனையும் தட்டுமாம் வழுக்குப்பாறை " என்று சிலேடையாக சொல்வதுடன், மிகுந்த தொழில் நுணுக்கம் கொண்டுள்ள ஒருவரை கூட மிகப்பெரிய இழப்பை ஏற்படுத்தி ஆரம்பித்த இடத்துக்கே கொண்டுவந்துவிடும் தன்மை பெற்றது "விதி" இதை மதியறிவு கொண்டு வெல்வது என்பது அவரவர் சுய ஜாதகத்தில் உள்ள 1,5,9ம் பாவகங்களின் வலிமை நிலையே என்றால் அது மிகையில்லை, ஒருவருக்கு வரும் யோக அவயோக நிலையை பற்றி வருமுன் தெளிவாக கட்டியம் கூற சுய ஜாதகத்தில் மேற்கண்ட 1,5,9ம் பாவகங்களின் வலிமை நிலை அவசியமாகிறது, மேற்கண்ட பாவகங்களின் வலிமை, ஜாதகருக்கு எதிர்வர இருக்கின்ற நன்மை தீமையை பற்றி சுய அறிவுபூர்வமாகவோ, குல தெய்வ ஆசியின் மூலமாகவோ, ஆன்மீக பெரியவர்களின் அறிவுறுத்தல் மூலமாகவோ தெள்ள தெளிவாக எடுத்துரைத்து காக்கும், ஜாதகருக்கு வரும் இழப்பில் இருந்து பாதுகாப்பும், யோக அமைப்பில் இருந்து விழிப்புணர்வும் தந்து அருள் புரியும், ஓர் உதாரண ஜாதகம் கொண்டு தெளிவு பெறுவோம் அன்பர்களே !

லக்கினம் : துலாம் 

ராசி : கடகம் 

நட்ஷத்திரம் : ஆயில்யம் 

 மேற்கண்ட துலா லக்கின ஜாதகருக்கு லக்கினாதிபதி மற்றும் ஆயுள் ஸ்தான அதிபதியான சுக்கிரன் திசை 20/05/1998 முதல் 20/05/2018 தற்போழுது நடைமுறையில் உள்ளது, இந்த சுக்கிரன் திசை ஜாதகருக்கு 3,5,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று சிறப்பான யோக பலனை பாக்கிய ஸ்தான வழியில் இருந்து தந்து கொண்டு இருப்பது வரவேற்கத்தக்க தக்க நன்மைகளை தருவதாகும், குறிப்பாக சுக்கிரன் திசையில் சனி புத்தி 20/03/2011 முதல் 20/05/2014 வரை ஜாதகருக்கு 2,4,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று முழு வீச்சில் சிறப்பான ராஜ யோக பலனை 2,4,10 பாவக வழியில் இருந்து வாரி வழங்கி இருக்கிறது சுக்கிரன் திசை ஜாதகருக்கு 3ம் பாவக வழியில் இருந்து எதிலும் வெற்றி, புத்தி கூர்மை மூலம் ஆதாயம், சகல சௌபாக்கியம், போக்குவரத்து, ஏஜென்சி துறை லாபம், ஏற்றுமதி இறக்குமதி தொழில் வழியிலான நன்மைகள், வியாபார விருத்தி, நல்ல  சிந்தனைகள் தரும் வெற்றி, கனிம சுரங்க பொருட்கள் மூலம் லாபம், நுண்ணறிவு திறன்  மூலம் பெரும் அதிர்ஷ்டங்கள் என்ற வகையிலும், 5ம் பாவக வழியில் இருந்து மிகுந்த மனவலிமை, விரைவாக சிறந்த முடிவுகளை மேற்கொள்ளும் வல்லமை அதன் வழியிலான முன்னேற்றங்கள், சமயோசித புத்தி சாலித்தனம், ஆய்வு திறன், நல்ல பழக்கங்கள் மூலம் நன்மைகளை பெறுதல் என்ற வகையிலும், 9ம் பாவக வழியில் இருந்து நிறைவான அறிவு திறன், பயணங்கள் மூலம் லாபம், இடமாற்றம் சூழ்நிலை மாற்றத்தில் விருப்பம் மற்றும் சிறப்பான வளர்ச்சி பித்ருக்களின் ஆசி மூலம் வாழ்க்கையில் சுபயோகங்களை பெறுதல் என்ற வகையில் யோக பலனை வாரி வழங்கியது.

சுக்கிரன் திசையில் கடந்த சனி புத்தி சனி புத்தி 20/03/2011 முதல் 20/05/2014 வரை ஜாதகருக்கு 2,4,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று 2ம் பாவக வழியில் இருந்து தொழில் வழியிலான அபரிவித வருமானம், பேச்சு திறன் மூலம் வரும் வியாபர விருத்தி, லட்சியங்களை அடையும் வல்லமை, அதீத தனசேர்க்கையை சொந்த உழைப்பில் பெரும் வல்லமை, கவுரவம், அந்தஸ்து, புகழ், பரிசு அனைத்திலும் வெற்றி என்ற வகையிலும், 4ம் பாவக வழியில் இருந்து நல்ல தொழில் முன்னேற்றம், பெயரும் புகழும் உண்டாகும் தன்மை, மண் மணை வண்டி வாகன யோகம், ஆள் வசதி, பெரிய சொத்து சுக சேர்க்கை, அரசு மரியாதை மற்றும் கவுரவம், சமூக வாழ்க்கையில் வெற்றி, அரசியலில் ஆதாயம் என்ற வகையில் சிற்பபுகளை தரும், 10ம் பாவக வழியில் இருந்து தொழில் வழியிலான அபரிவித முன்னேற்றம், கம்பீரமான செயல்பாடுகள், தீர்க்கமான முடிவுகள் வழியில் பெரும் முன்னேற்றம் மற்றும் பொருளாதார வளர்ச்சி, செய்தொழில் வழியிலான ராஜ யோகம் என்ற வகையில் சிறப்புகளை வாரி வழங்கி இருக்கிறது.

சுக்கிரன் திசையில் சனி புத்திக்கு அடுத்து வந்த புதன் புத்தி ( 20/05/2014 முதல் 20/03/2017 வரை ) ஜாதகருக்கு மிகுந்த சோதனை காலமாக மாறியது விதி செய்த கொடுமையாகவே கருதலாம், புதன் புத்தி ஜாதகருக்கு 6,8ம் வீடுகள் ஆயுள் ஸ்தானமான 8ம் பாவகத்துடன் சம்பந்தம் பெற்று முழுவீச்சில் ஜாதகரை படு குழியில் தள்ளியது, 6ம் பாவக வழியில் இருந்து வரம்பு மீறிய கடன், மிதமிஞ்சிய செலவுகள், வேலையாட்கள் வழியிலான இழப்புகள், பொருளாதர பின்னடைவு, எதிரிகள் தொந்தரவு, அனைத்து இடங்களில் இருந்து வரும் எதிர்ப்புகள், எதிர்பாராத கடன்கள், ஜாமீன் கொடுப்பதால் வரும் இன்னல்கள், வாங்கும் கடன் அனைத்தும் திடீர் இழப்பை சந்திக்கும் நிலை, நிலையற்ற பொருளாதரம், எதிர்பார்ப்புகள் யாவும் பொய்த்து போகும் தன்மை, எதிர்பாலின சேர்க்கையின் மூலம் திடீர் இன்னல்கள், நிம்மதி இன்மை, அனைத்திலும் தோல்வி, வழக்குகளில் சிக்கல்கள், சட்ட சிக்கல்கள், பொருள் இழப்பு என்ற வகையில் ஜாதகருக்கு கடுமையான இன்னல்களை தர ஆரம்பித்தது.

8ம் பாவக வழியில் இருந்து நீண்ட ஆயுளை நல்கிய போதிலும், பேரிழப்பு, விபத்து, துயரம், மற்றவர்களால் வரும் துன்பங்கள், தீயநண்பர்கள் சகவாச தோஷம், திட்டமிட்டு செயல்பட முடியாத நிலை, எதிர்த்து போராட வலிமையற்ற சூழல், உதவி செய்ய யாருமற்ற தன்மை, வாழ்க்கை துணை வழியிலான இழப்புகள் மற்றும் துன்பங்கள், தெய்வீக அனுகிரகம் இன்மை, முரண்பட்ட செயல்பாடுகள், தாங்க இயலாத துன்பம், சொத்துக்களை இழக்கும் சூழ்நிலை, சொத்துக்கள் அனைத்தும் வீண் விரயமாகும் தன்மை, திருப்தி இல்லாத மனநிலை, ஆயுள் பாவகம் கால புருஷ தத்துவ அமைப்பிற்கு 2ம் வீடான ரிஷபத்தில் அமைவதால், ஜாதகருக்கு வரும் வருமானம் மற்றும் கடன் யாவும் திடீர் இழப்பை சந்திக்கும் சூழ்நிலை, எதிரியின் பிடியில் இழப்பை சந்திக்கும் சூழல், அனைத்தையும் இழந்து தவிக்கும் நிலைக்கு ஆளாகுதல் என்ற வகையில் ஜாதகருக்கு கடுமையான பாதிப்பை பாக்கியம் மற்றும் விரைய ஸ்தான அதிபதியான புதன் புத்தி தர ஆரம்பித்தது, மேலும் ஆயுள் பாவகம் ஸ்திர ராசி என்பதால் ஜாதகருக்கு வந்த இன்னல்கள் யாவும் வெகு காலம் ஆறாத ரணம், மறையாத சுவடை ஏற்படுத்தி ஜாதகருக்கு "நித்ய கண்டம் பூர்ண ஆயுசு" என்பதற்கு இணையான சூழலை உருவாக்கியது.

சுக்கிரன் திசை முடிவில் நடைபெற்ற கேது புத்தி ஜாதகருக்கு 3,5,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று நன்மைகளை தந்தது, ஏற்பட்ட பாதிப்பில் இருந்து சிறிய அளவில் மீண்டு வரும் வாய்ப்பை நல்கியது, சுய ஜாதகத்தில் மேற்கண்ட பாதிப்பை ஜாதகர் 5,9ம் பாவக வழியில் இருந்து உணர்ந்த போதிலும் லக்கினம் எனும் முதல் வீடு ஆயுள் பாவகமான 8ம் பாவகத்துடன் சம்பந்தம் பெறுவது போதிய நிதி மேலாண்மை திறன் அற்றவர் என்பதனையும், திட்டமிட்டு செயல்படும் தன்மை அற்றவர் என்பதனையும் தெளிவுபடுத்துகிறது, மேலும் நண்பர்கள் கூட்டாளிகள், வாழ்க்கை துணை வழியிலான பேரிழப்புகளை எதிர்கொள்ள வேண்டிய கட்டாயத்திற்க்கு ஆர்ப்பட்டவர் என்பதை தெளிவாக உணர்த்துகிறது.

தற்போழுது நடைமுறையில் உள்ள சூரியன் திசை ஜாதகருக்கு 3,5,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று யோக பலனை தருவது ஜாதகருக்கான புதிய அத்தியாயத்தை ஆரம்பித்து வைக்கும் வல்லமை கொண்டது, இருப்பினும் சூரியன் திசையில் எதிர் வரும் சந்திரன் புத்தி 1,7,11ம் பாவக வழியில் இருந்து கடும் நெருக்கடிகளை தரும், மீண்டும் ஆரம்பித்த இடத்துக்கே வந்துவிட்டதை போன்ற உணர்வை ஜாதகர் பெறுவார், சுக்கிரன் திசையில் நடைபெற்ற சுபயோக பலன்கள் சூரியன் திசையில் நடைமுறைக்கு வந்த போதிலும், யோக காலம் என்பது மிகவும் குறைவாகவே இருக்கும், ஜாதகர் சூரியன் திசையில் சந்திரன் புத்தியை எதிர்கொள்வது என்பது சற்று சவாலான விஷயமாகவே படுகிறது.

குறிப்பு :

சுய ஜாதகத்தில் யோக பலன்கள் பாவக வழியில் இருந்து வழங்கிய போதிலும், லக்கினம் வலிமையுடன் இருந்தால் மட்டுமே ஜாதகர் அதை முழுவதுமாக சுவீகரிக்க இயலும், லக்கினம் வலிமை இழப்பது அல்லது 6,8,12ம் பாவகத்துடன் சம்பந்தம் பெறுவது அல்லது பாதக ஸ்தானத்துடன் சம்பந்தம் பெறுவது அனைத்தும் ஜாதகருக்கு மற்ற பாவக வழியில் இருந்து வரும் யோக பலன்களை, கிரகிக்கும் வல்லமையை தாராது என்பதுடன் ஜாதகராலே அது விரயமாகும், மேற்கண்ட ஜாதகருக்கு 2,4,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெறுவது மிதமிஞ்சிய யோக பலனை தரும் என்ற போதிலும், 1,7,11ம் வீடுகள் திடீர் இழப்பை தரும் ஆயுள் பாவகமான 8ம் பாவகத்துடன் சம்பந்தம் பெறுவது ஜாதகர், அவரது வாழ்க்கை துணை, நண்பர்கள், கூட்டாளிகள் மற்றும் ஜாதகரின் அதிர்ஷ்டமின்மை ஆகியவை ஜாதகருக்கு வரும் யோக பலனை கபளீகரம் செய்யும் என்பது கவனிக்கத்தக்கது.

வாழ்க வளமுடன்
ஜோதிடன் வர்ஷன்
9443355696

ராகு திசை தரும் இன்னல்களும், சுய ஜாதகத்தில் அமர்ந்த நிலையில் தரும் பாதிப்புகளும் !

 சுய ஜாதகங்களில் சாயா கிரகங்களான ராகு கேது தான் அமர்ந்த பாவகத்திற்கு வலிமை அற்ற நிலையில் அமர்ந்து, தனது திசை,புத்தி,அந்தரம் மற்றும் சூட்ஷம காலங்களில் பாதிக்கப்பட்ட பாவக பலனை ஏற்று நடத்துவது சம்பந்தம்பட்ட ஜாதகருக்கு வெகுவான சிரமங்களை தரக்கூடும், குறிப்பாக பாதக ஸ்தான தொடர்பை பெற்ற வீடுகளின் பலனை தனது திசையில் தருவது ஜாதகரின் வாழ்க்கையையே கேள்விக்குறியாக மாற்றிவிடும் தன்மை கொண்டது, கீழ்கண்ட ஜாதகருக்கு, சாயா கிரகங்கள் தான் அமர்ந்த பாவக வழியில் இருந்து தரும் பலன்கள் பற்றியும், நடைமுறையில் உள்ள ராகு திசை தரும் பலன்கள் பற்றியும் இன்றை பதிவில் சிந்தனைக்கு எடுத்துக்கொள்வோம் அன்பர்களே! மேலும் ஜாதகருக்கு லக்கினம் முதல் பனிரெண்டு பாவகங்களின் வலிமை நிலையை பற்றியும், எதிர்வரும் குரு திசை தரும் பலாபலன்கள் பற்றியும் இன்றை பதிவில் ஆய்வுக்கு எடுத்துக்கொள்வோம்.

லக்கினம் : கடகம்
ராசி : கன்னி
நட்ஷத்திரம் : உத்திரம்3ம் பாதம்

ஜாதகத்தில் பாவக தொடர்புகள் :

1,3ம் வீடுகள் வீரிய ஸ்தானமான 3ம் பாவகத்துடன் சம்பந்தம் பெறுவது, ஜாதகருக்கு லக்கின பாவக வழியில் இருந்து நல்ல மனநிலையை தரும், பயணங்களில்ஆர்வம், சகோதரர் மற்றும் உறவுகளுடன் சுமூக நிலை, நல்ல நடப்புறவு, அவர்கள் வழியிலான ஆதரவு மற்றும் உதவிகளை பெரும் வாய்ப்பு என்ற அமைப்பில் நன்மைகளை தரும், மேலும் வளரும் சூழ்நிலையில் ஜாதகருக்கு தெளிவான திட்டமிடுதல்களை மேற்கொள்ளும் வல்லமையை தரும், மனதில் உள்ள எண்ணங்கள் யாவும் ஜாதகருக்கு பூர்ண விருத்தியை தரும், வாக்கில் தெளிவு, உண்மையை மதித்தல், முற்போக்கு சிந்தனை, விடா முயற்சி, எதிர்ப்புகளை புறம்தள்ளி வெற்றியை ஈட்டும் யோகம் என்ற வகையில் சிறப்புகளை தரும், நோய் எதிர்ப்பு திறன் அதிகரிக்கும், உடல் நலம் சார்ந்த விஷயங்களுக்கு நல்ல தீர்வு கிட்டும், தேடுதல் மட்டுமே ஜாதகருக்கு அபரிவிதமான யோக வாழ்க்கையை வழங்கும், நீண்ட ஆயுள் உண்டு என்ற போதிலும் உடல் நலம் சார்ந்த இன்னல்கள் வருவதற்கு வாய்ப்பு உள்ளது, சிறந்த எழுத்தாளர் மற்றும் இலக்கிய ஆளுமையை ஜாதகருக்கு பிறவியிலேயே வழங்கிவிடும், தகவல் தொழில் நுட்பம் மற்றும் அது சார்ந்த துறைகளில் ஜாதகரை முழு வேகத்தில் முன்னேற்ற பாதையில் பயணிக்க வைக்கும், மின்னணு உபகரணங்கள் ஜாதகருக்கு சிறப்பான தொழில்  வாய்ப்பை நல்கும்.

3ம் பாவக வழியில் இருந்து ஜாதகர் மிகுந்த செல்வ செழிப்புடன் வாழ்வதற்கான வாய்ப்புகளை வாரி வழங்கும், எதிரிகளுக்கு சிம்மசொப்பனமாகவும், எதிரிகளை வெல்லும் யோகம் பெற்றவராகவும் ஜாதகர் விளங்குவார், ஜாதகருக்கு வரும் எதிர்ப்புகள் யாவும் நல்ல வெற்றிகளையும் சிறப்பான முன்னேற்றங்களையும் வாரி வழங்கும், எந்த சூழ்நிலையையும் சிறப்பாக கையாளும் அறிவு திறன் உண்டாகும், உடல் வலிமையை விட மனவலிமையை  அதிக அளவில் பெற்றவராக ஜாதகர் திகழ்வார் என்பது கவனிக்கத்தக்கது, தெய்வீக அனுக்கிரகம் மூலம் ஜாதகர்  மேற்கொள்ளும் முயற்சிகள் யாவும் நல்ல வெற்றிகளை வாரி வழங்கும், சத்தியத்தை மதித்தலும், உண்மையை ஆதரிப்பதும் ஜாதகருக்கான சிறப்பு குணாதிசயம், உயர் கல்வி வழியிலான முன்னேற்றம் மிகவும் அபரிவிதமாக அமையும், மாற்றங்களை கிரகித்துக்கொள்ளும் வல்லமை, புதிய சூழ்நிலைகளை விரும்பும் மனம், ஏஜென்சி எடுத்து செய்யும் அனைத்து தொழில்களிலும் நல்ல வருமான வாய்ப்பு என்ற வகையில் ஜாதகருக்கு வீரிய ஸ்தான வழியில் இருந்து சுபயோகங்களை பரிபூர்ணமாக வாரி வழங்கும்.

2,4ம் வீடுகள் ஜாதகருக்கு சுக ஸ்தானமான 4ம் பாவகத்துடன் சம்பந்தம் பெறுவது ஜாதகருக்கு 2ம் பாவக வழியில் இருந்து மண் மனை வண்டி வாகன யோகத்தை பரிபூர்ணமாக நல்கும், கனிம பொருட்கள் மூலம் ஜாதகருக்கு சிறப்பான தொழில் முன்னேற்றம் உண்டாகும், சொந்த ஊரில் சிறப்பும், தனது தாய் வழியிலான சுபயோகங்களையும் ஜாதகர் முழு அளவில் பெறுவார், பொதுமக்கள் சேவையாக வண்டி வாகன போக்குவரத்து மற்றும் சரக்கு போக்குவரத்து தொழில்களில் அபரிவித வளர்ச்சியினை ஜாதகர் பெறுவது இயற்கையாக நிகழும், தனது பெயரில் உள்ள சொத்துக்கள் மற்றும் வண்டிவாகனங்கள் ஜாதகருக்கு நிலையான வருமான வாய்ப்பை நல்கும், வீடடிற்கு தேவையான உபகரண பொருட்கள் விற்பனை செய்வதன் மூலம் ஜாதகருக்கு சிறப்பான தொழில் விருத்தி உண்டாகும், பொதுமக்கள்  ஆதரவுடன்  செய்யும் தொழில்கள் யாவிலும் ஜாதகருக்கு  நிறைவான  வருமானம் வந்து சேரும், மேலும் ஜாதகரின் வாக்கு வன்மை  அதிகரிப்பதால் ஜோதிடம், கணிதம், தரகு தொழில்கள் மூலமும் சிறப்பான முன்னேற்றம் உண்டாகும்.

4ம் பாவக வழியில் இருந்து சுய உழைப்பின் மூலம் மண் மனை வண்டி வாகனம், சொந்த ஊரில் செல்வாக்கு, கல்வி துறையில் சிறப்பான எதிர்காலம்,  உயர் கல்வியில் வெற்றி, நெறியுடைய நன்னடத்தை, ஒழுக்கம், நல்ல குணம் என்ற  வகையில் சிறப்பை தரும், முறையான மக்கள் ஆதரவு ஜாதகருக்கு சிறப்பான அரசியல் பதவிகளை தரக்கூடும், வீடு கட்ட தேவையான பொருட்கள் சார்ந்த வணிகம் ஜாதகருக்கு அபரிவித வளர்ச்சியை தரும், தெளிவான சிந்தனை மற்றும் திட்டமிட்டு காரியமாற்றும் வல்லமை இரண்டும் ஜாதகருக்கு பரிபூர்ண நன்மைகளை வாரி வழங்கும், சொந்த வியாபாரம் ஜாதகருக்கு அபரிவித வளர்ச்சியை தரும், ட்ராவலிங் ஏஜென்சி மூலம் நல்ல லாபம் உண்டாகும், கமிஷன் சார்ந்த வண்டி வாகன விற்பனையும் ஜாதகருக்கு சிறப்பான பொருளாதர வளர்ச்சியை தரும்.

5,7,11ம் வீடுகள் பாதக ஸ்தானமான 11ம் பாவகத்துடன் சம்பந்தம் பெறுவது, 5ம் பாவக வழியில் இருந்து கல்வியில் தடை, சுபகாரியங்களில் தடை, தெய்வீக  அனுக்கிரகம் இன்மை, குலதெய்வ சாபம், குழந்தைகள் வழியிலான இன்னல்கள், கற்ற கல்வி வழியிலான வளர்ச்சியை பெற இயலாமல் தவிக்கும் நிலை, உதவி செய்ய வருபவர்களுக்கு நேரும் இன்னல்கள், சோர்வு, முயற்சி தடைபடும் தன்மை, உதவி செய்ய யாருமற்ற சூழ்நிலை, எதிர்பாராத துன்பங்கள், நீண்ட போராட்டம், போதிய வசதி வாய்ப்பு இன்மை என்ற வகையில் சிரமங்களை தரும்.

7ம் பாவக வழியில் இருந்து ஜாதகர் கூட்டு தொழில் வழியிலான முன்னேற்றம் இன்மை, திருமண தாமதம், எதிர்பாலினர் வழியிலான இன்னல்கள், பொது காரியங்களில் தொய்வு, வாழ்க்கையை சிரமத்துடன் எதிகொள்ளும் தன்மை, பொறுப்புகளை இறுதி நேரத்தில் தவறவிடும் தன்மை, வாழ்க்கை துணைக்கு வரும் இன்னல்கள், கூலியாட்கள் மூலம் வரும் இன்னல்கள், எதிர்ப்புகளை அதிக அளவில் சமாளிக்க வேண்டிய கட்டாயம், என்ற வகையில் ஜாதகருக்கு மிகுந்த நெருக்கடிகளை தரும், வாழ்க்கை துணையின் ஜாதகம் வலிமையின்றி தேர்வு செய்துவிட்டால், இல்லற வாழ்க்கையில் மிகுந்த இன்னல்களை ஜாதகர் எதிர்கொள்ள வேண்டிய காட்டயத்தை தந்து விடும், எந்த காரணத்தை கொண்டும் ஜாதகர் கூட்டு தொழில் செய்வது சரியான நன்மைகளை தாராது.

11ம் பாவக வழியில் இருந்து ஜாதகர் அதிர்ஷ்டமின்மையான  வாழ்க்கையை எதிர்கொள்ளும் சூழ்நிலையை தரும், தன்னம்பிக்கை முற்போக்கு சிந்தனை போன்ற விஷயங்கள் ஜாதகருக்கு வெகுவாக பாதிக்கப்படும், மெய்பொருள் காண்பது அறிவு என்ற வாக்கிற்க்கு புறம்பான செயல்பாடுகளை தரும், புதிய முயற்சி  மேற்கொள்ள வெகுவான தடைகளையும் தாமதங்களும் ஜாதகர் சந்திக்கும் நிலையை தரும், அதிர்ஷ்டம் என்பது ஜாதகருக்கு வெகு தூரம் நிற்கும் என்ற போதிலும், கடின உழைப்பின் வழியில் சகல சௌபாக்கியங்களையும் ஜாதகர் தன்னிறைவாக பெறுவார் என்பது கவனிக்கத்தக்கது, முரண்பட்ட கருத்துக்களை விட்டுவிட்டு முற்போக்கு சிந்தனையுடன் வாழ்க்கையை எதிர்கொள்வது ஜாதகருக்கு சிறப்புகளை தரும்.

 6,8,10,12ம் வீடுகள் ஜாதகருக்கு விரைய ஸ்தானமான 12ம் பாவகத்துடன் சம்பந்தம் பெறுவது 6ம் பாவக வழியில் இருந்து கடன் கொடுத்தவர்களால் மிகுந்த  இன்னல்கள், கடன் பெற்றவர்களால் நிதி நிலை பாதிப்பு என்ற வகையில் கடும் இன்னல்களை தரும், நல்ல வேலையாட்கள் அமைவது சிரமம், வேலை நிறுத்தத்தால் பொருளாதர இழப்புகளை சந்திக்கும் சூழ்நிலை, தேவையற்ற வீண் செலவுகள், எதிர்பாராத மருத்துவ செலவினங்கள் என்ற வகையில் இன்னல்களை தரும், எவரிடமும் பகைமை பாராட்டாமல் சுமுக போக்கை கடைபிடிப்பது ஜாதகருக்கான வெற்றி வாய்ப்பை அதிகரிக்கும்.

8ம் பாவக வழியில் இருந்து ஜாதகருக்கு விபத்து, மருத்துவ செலவுகள், அனைத்திலும் ஏமாற்றம், மனகுழப்பம் மற்றும் போராட்டம், அறுவை சிகிசை மேற்கொள்ளும் சூழ்நிலை, வீண் கற்பனைகள், மரண பயம், போதிய விழிப்புணர்வு இன்மை, தேவையற்ற காரியங்களில் ஈடுபட்டு இன்னலுறும் தன்மை, மருத்துவத்தால் அனைத்து பிரச்சனைக்கும் தீர்வு காணும் அமைப்பு என்ற போதிலும், ஜாதகருக்கு மன அழுத்தம் அதிகமாகும்.

10ம் பாவக வழியில் இருந்து வெளியூர் வெளிநாடு சார்ந்த தொழில்களில் நல்ல முன்னேற்றம், திடீர் தொழில் முடக்கம், வரவைவிட செலவு அதிகரிக்கும் தன்மை, கவுரவம் மற்றும் சுய மரியாதை பாதிக்கும் தன்மை, எதிர்பாராத தொழில் வழியிலான பொருளாதர சிக்கல்கள் என்ற வகையில் இன்னல்களை தரும், உகந்த காலநேரம் அறிந்து நலம் பெறுவது அவசியமாகிறது .

12ம் பாவக வழியில் இருந்து ஜாதகருக்கு நிறைய செலவினங்கள் வரும், எதிர்பாராத  பொருளாதர சிக்கல்கள் மனநிம்மதியை பாதிக்கும், உறக்கம் கெடும், பங்கு சந்தை மற்றும் லாட்டரியில் இழப்பை தரும், திருப்தியில்லை என்ற  சூழ்நிலையை உருவாக்கும், அனைவராலும் அதிக இன்னல்களை சந்திக்கும் சூழ்நிலை, எதிர்ப்புகள் வழியிலான முன்னேற்றத்தடை, வீண் மனபயம் அதீத கற்பனை, மனசஞ்சலம், கிலேசம் போன்றவை ஜாதகரை வெகுவாக பாதிக்கும், அயன சயன சுகம் கெடும்.

9ம் வீடு பாக்கிய ஸ்தானமான 9 ம் பாவகத்துடன் சம்பந்த பெறுவது ஜாதகருக்கு பாக்கிய ஸ்தான வழியில் இருந்து உயர் கல்வி ஆய்வு கல்வி மூலம் அபரிவித செல்வாக்கையும், சிறந்த வேலை வாய்ப்பையும் நல்கும், பெரிய மனிதர்கள் ஆதரவும், ஆன்மீக பெரியோர்களின் ஆசியும் ஜாதகருக்கு சிறப்பான எதிர்காலத்தை அமைத்து தரும், அனைவரிடமும் நற்பெயர் உண்டாகும், பரந்த மனப்பக்குவம் ஜாதகருக்கு சிறப்பான எதிர்காலத்தை வாரி வழங்கும், பித்ருக்கள் ஆசி ஜாதகருக்கு நல்லதொரு இல்லறவாழ்க்கையை நல்கும், சிறந்த அறிவு திறன் உள்ளதால் ஜாதகருக்கு வரும் இன்னல்களை மிக  எளிதாக கையாளும் வல்லமை உண்டாகும், சூழ்நிலைகளையும், சந்தர்ப்பங்களையும் தனக்கு சாதகமாக மாற்றிக்கொள்ள இறை அருள் ஜாதகருக்கு சிறப்பான வாய்ப்புகளை நல்கும்.

 நடைபெறும் ராகு திசையும், எதிர்வரும் குரு திசையும் ஜாதகருக்கு  5,7,11ம் வீடுகள் பாதக ஸ்தானமான 11ம் பாவகத்துடன் சம்பந்தம் பெற்று கடந்த 10/08/2006 முதல் கடுமையான இன்னல்களை  வழங்கி கொண்டு இருப்பது ஜாதகருக்கு வாழ்க்கையில் பெரிய பின்னடைவுகளை தந்துகொண்டு இருப்பது கவலைப்படத்தக்கது என்ற போதிலும் தற்போழுது நடைமுறையில் உள்ள ராகு திசை சுக்கிரன் புத்திக்கு அடுத்து  வரும் சூரியன் புத்தி ( 1,3-3 ), சந்திரன் புத்தி ( 4-4 ), செவ்வாய் புத்தி ( 9-9) ஆகியவை வலிமை பெற்ற பாவக பலனையே ஏற்று நடத்துவதால் ஜாதகர் சிறப்பான யோக வாழ்க்கையை மேற்கண்ட பாவக தொடர்புகள் வழியில் இருந்து  பரிபூர்ணமாக பெறுவார்.

ஜாதகருக்கு  சுய ஜாதகத்தில் பாவக வழியில் 2ல் அமர்ந்த கேது தான் அமர்ந்த பாவத்திற்கு வலிமை சேர்க்கும் அமைப்பில்  இருப்பதும், பாவக தொடர்பு வழியில் சுக ஸ்தான தொடர்பை பெறுவதும் ஜாதகருக்கு பரிபூர்ண நன்மைகளை தரும், சிறப்பான குடும்ப வாழ்க்கை, கைநிறைவான வருமானம், தொடர் முன்னேற்றம், பொருளாதர வசதி வாய்ப்புகள் என்ற வகையில் சுபயோகங்களை நல்கும்.

சுய ஜாதகத்தில் பாவக வழியில் 8ல் அமர்ந்த ராகு தான் அமர்ந்த பாவத்திற்கு வலிமை அற்ற அமைப்பில்  இருப்பது பெருவாரியான இன்னல்களை தரும், மனம்  சார்ந்த போராட்டம், திடீர் இழப்பு மருத்துவ செலவினங்கள், மனபயம் என்ற  வகையில் சிரமங்களை தருவது வருந்தத்தக்கது, மேலும் ராகு தனது திசையில் 5,7,11ம் வீடுகள் பாதக ஸ்தானமான 11ம் பாவக தொடர்பை பெற்று பலாபலன்களை  தருவது, மிகுந்த இன்னல்களை தரும், மேற்கண்ட ஜாதகருக்கு ராகு சுய ஜாதகத்தில் வலிமை அற்றும், தனது திசையில் இன்னல்களையும் தருவது வருந்தத்தக்கது.

குறிப்பு :

மேற்கண்ட ஜாதகருக்கு சுய ஜாதகத்தில் பெரும்பாலான வீடுகள் பாதிக்கப்பட்டு இருப்பினும், பாதிக்கப்பட்ட பாதக ஸ்தான பலனை ராகு,குரு பகவான்கள் மட்டுமே ஏற்று நடத்துவது ஜாதகருக்கு கிடைத்த கொடையாக கருதலாம், எனவே ஜாதகர் ராகு,குரு திசை,புத்தி,அந்தரம் மற்றும் சூட்ஷம காலங்களில் மட்டும் மேற்கண்ட பாவக வழியில் ( 5,7,11) மிகுந்த எச்சரிக்கையுடன்  இருந்து நலம் பெறுவது அவசியமாகிறது, மற்ற கிரகங்களின் திசா,புத்தி,அந்தரம் மற்றும் சூட்சமங்கள் ஜாதகருக்கு சிறப்பான வலிமை  பெற்ற பாவக பலனையே ஏற்று நடத்துவதால், சம்பந்தப்பட்ட பாவக வழியில் இருந்து மிகுந்த நன்மைகளே நடைமுறைக்கு வரும், மேற்க்கண்ட அமைப்பு ஜாதகருக்கு கடுமையான பாவக பாதிப்பை பெற்ற போதிலும், அதனால் வரும் இன்னல்கள் வெகுவாக குறையும் என்பது வரவேற்கத்தக்க சிறப்பு அம்சமாகும்.

வாழ்க வளமுடன்
ஜோதிடன் வர்ஷன்
9443355696