அதிர்ஷ்டகரமான யோக வாழ்க்கையை அள்ளித்தரும் சுய ஜாதக பாவக வலிமை!

பிறந்த தேதி,நேரம் மற்றும் இடம் ஆகிய குறிப்புகளின் அடிப்படையில் நிர்ணயம் செய்யப்படும் நமது சுய ஜாதகம் வலிமை பெற்று அமைவது நமது வாழ்க்கையில் சிறப்பான நன்மைகளையும், தன்னிறைவான பொருளாதார வசதியுடன் கூடிய முன்னேற்றங்களை தங்குதடையின்றி வாரி வழங்கும் என்பதில் யாதொரு சந்தேகமும் இல்லை, சுய ஜாதக வழியில் இருந்து வரும் யோக வாழ்க்கையை சுவீகரிக்க அடிப்படையில் நமது ஜாதகத்தில் லக்கினம் வலிமையுடன் இருப்பது அவசியமாகிறது, மேலும்  நமது ஜாதகத்தில் சுபயோகங்களை எந்த எந்த பாவக வழியில் இருந்து சுவீகரிக்க இயலும் என்பதில் தெளிவு பெற்று இருப்பது மிக மிக அவசியமாகும், இதை ஓர்  உதாரண ஜாதகம் கொண்டு தெளிவு பெறுவோம் அன்பர்களே !

லக்கினம் : விருச்சிகம்
ராசி : சிம்மம்
 நட்ஷத்திரம் : பூரம் 2ம் பாதம்

மேற்கண்ட விருச்சிக லக்கின ஜாதகருக்கு லக்கினம் முதல் பனிரெண்டு பாவகங்களும் நல்ல வலிமையுடனே காணப்படுகிறது, பனிரெண்டு வீடுகளும் தாம் தொடர்பு பெரும் பாவக வழியில் இருந்து ஜாதகருக்கு சிறப்பான நன்மைகளையே தரும் அமைப்பில் இருப்பது கவனிக்கத்தக்கது, சுய ஜாதகத்தில் பாவக தொடர்புகள் வழியில் இருந்து ஜாதகர் பெரும் நன்மைகளை பாவக  வலிமையின் அடிப்படையில் ஆய்வு செய்வோம் அன்பர்களே !

1,4,7,9ம் வீடுகள் லாப  ஸ்தானமான 11ம் பாவகத்துடன் சம்பந்தம் பெறுவது ஜாதகருக்கு உயிர் உடலாகிய லக்கின பாவக வழியில் இருந்து பரிபூர்ண அதிர்ஷ்டம் நிறைந்தவர் என்பதை உறுதி செய்கிறது மேலும் ஜாதகர் முற்போக்கு சிந்தனையுடன் எதையும் எதிர்கொண்டு வெற்றிபெறும் யோகம் பெற்றவர் என்பதையும் தெளிவாக்குகிறது, தான் வளரும் சூழ்நிலையில் நல்ல ஆரோக்கியம், சிறந்த மனவலிமை கொண்டுள்ளவராகவும், திறன்மிக்க செயல்களை சிறப்பாக  செய்யும் ஆற்றல் பெற்றவராகவும் திகழ்வார், தெளிவான சிந்தனை, தெய்வீக அனுக்கிரகம் போன்றவற்றின் மூலம் வாழ்க்கையில் வியக்கத்தக்க நன்மைகளை அனுபவிக்கும் தன்மை பெற்றவர், நோய் எதிர்ப்புத்திறனுடன் வலிமை மிக்க உடல் அமைப்பை பெற்றவர் என்பதை உறுதி செய்வதுடன், ஜாதகருக்கு அறிவார்ந்த முயற்சிகள் வழியில் சகல சௌபாக்கியங்களையும் வாரி வழங்கும்  என்பது கவனிக்கத்தக்கது, ஜாதகரின் லக்கினம் லாப ஸ்தானத்துடன் சம்பந்தம் பெறுவது ஜாதகருக்கான அதிர்ஷ்ட வாய்ப்புகளை வாழ்நாள் முழுவதும் வாரி வழங்கும் என்பதுடன் நீடித்த அதிர்ஷ்டம் பெற்றவர் என்பது உறுதியாகிறது.

4ம் பாவக வழியில்  இருந்து ஜாதகருக்கு நிறைவான மனம், நல்ல குணம், நண்பர்கள் ஆதரவில் சுகபோக யோக வாழ்க்கையை சுவீகரிக்கும் தன்மையை தரும், ஜாதகரின் தாய் வழியில் இருந்து வரும் சுபயோகங்களை பரிபூர்ணமாக பெரும் தன்மையை தரும், தாய் வழி சொத்துக்கள் கிடைக்கும், அனைத்திலும் வெற்றியை தரும், மண் மனை வண்டி வாகன யோகம் உண்டாகும், தனது சுய உழைப்பில் மேற்கண்டவற்றை சுவீகரிக்கும் யோகத்தை தரும், அரசியல் அல்லது  அரசு சார்ந்த உதவிகள் உண்டு, பெரியமனிதர்களின் ஆதரவின் வழியில் குறுகியகால வெற்றிகளை பெறுவார், அந்நியர், வேற்று மதத்தினர் வழியில் இருந்து வரும் யோக வாழ்க்கை ஜாதகருக்கு தன்னிறைவான பொருளாதர முன்னேற்றத்தை வாரி வழங்கும், எளிதான வெற்றிகள், உடல்நலம் சார்ந்த இன்னல்களில் இருந்து விரைவில் குணம் பெரும் தன்மையை தரும், பொருத்தன்மையான நடவடிக்கை ஜாதகருக்கு மிகப்பெரிய  அந்தஸ்த்தை வாரி வழங்கும்.

7ம் பாவக வழியில் இருந்து ஜாதகருக்கு, யோகம் மற்றும்  அதிர்ஷ்டமிக்க வாழ்க்கை துணையை பெறுவார் என்பதுடன், திருமணத்திற்கு பிறகான வளர்ச்சி ஜாதகருக்கு மிகவும் அபரிவிதமானதாக அமையும், ஜாதகரின் லாப ஸ்தானம் பெரும் பகுதி கால புருஷ தத்துவ  அமைப்பிற்கு 7ம் வீடான துலாம் ராசியில் 21 பாகைகளை கொண்டு இருப்பது ஜாதகருக்கான வாழ்க்கை துணை வெளியூர் அல்லது வெளிநாட்டில் இருந்து வருவார் என்பதை குறிப்பதுடன் வாழ்க்கையில் சிறப்பான முன்னேற்றங்களை  வெளியூர் அல்லது வெளிநாடுகளில் இருந்து தனது சுய அறிவு திறன் கொண்டு சுவீகரிக்கும் வல்லமையை  தரும் என்பதை ஜாதகர் தனது கருத்தில் நிறுத்துவது அவசியமாகிறது, மேலும் ஜாதகர் திருமணம் செய்வதை தாமதம் செய்வது ஜாதகருக்கான வெற்றி வாய்ப்புகளை வெகுவாக குறைக்கும், சுய ஜாதகத்தில்  களத்திர ஸ்தானம் வலிமை பெறுவது ஜாதகருக்கான யோக வாழ்க்கையை  தனது  வாழ்க்கை துணை, நண்பர்கள், கூட்டாளிகள், கூட்டு தொழில் மற்றும் வெளியூர் வெளிநாடுகளில் இருந்து வாரி வழங்கும்.

9ம் பாவக வழியில் இருந்து ஜாதகர் தெய்வீக அனுக்கிரகமும், ஆன்மீக பெரியோர்களின் சந்திப்பின் வழியில் இருந்து யோக  வாழ்க்கையையும் பெறுவார், பல அறிய  புனித திருத்தலங்களுக்கு சென்று வரும் யோகத்தை தரும், எதிர்பாராத ஆன்மீக பெரியோர்களின் தரிசனம் ஜாதகரின் வாழ்க்கையில் சிற்பபு மிக்க வெற்றிகளை வாரி வழங்கும், தனது அறிவு திறன் மூலம் சகல இன்னல்களில் இருந்தும் மீண்டு வரும் யோகத்தை தரும், பயணங்களில் வெற்றியும், வெளிநாட்டில் கல்வி அதன் வழியில் இருந்து வரும் ராஜயோக வாழ்க்கை  என்ற விதத்தில் சுபயோகங்களை வாரி வழங்கும், ஜாதகரின் ஆன்ம பலமும், தெய்வீக  தன்மையும் ஜாதகருக்கு சிறப்பான நன்மைகளை வாரி வழங்கும், எளிதில் அனைத்தையும் பெரும் தன்மை உண்டு.

2ம் வீடு குடும்ப ஸ்தானமான 2ம் பாவகத்துடன் சம்பந்தம் பெறுவது ஜாதகருக்கு 2ம் பாவக வழியில் இருந்து அளவற்ற செல்வசேர்க்கை, இனிமையான  பேச்சு திறன், வாக்கு வன்மை, இனிமையான இல்லற வாழ்க்கை, சிறந்த உணவு மற்றும் விருந்து அனுபவிக்கும் யோகம், சேமிப்பு திறன், செல்லும் இடங்களில் இருந்துவரும் சிறப்பான வரவேற்பு, குடும்பத்தில் ஒற்றுமை , அனைவரையும் அனுசரித்து செல்லும் வல்லமை, விட்டுக்கொடுக்கும் மனப்பான்மை என்ற வகையில் சுபயோகங்களை வாரி வழங்கும்.

3ம் வீடு வீரிய ஸ்தானமான 3ம் பாவகத்துடன் சம்பந்தம் பெறுவது ஜாதகருக்கு 3ம் பாவக வழியில் இருந்து எடுக்கும் காரியங்களில் வெற்றி, லட்சியம் நிறைவேறும் தன்மை, செல்வசெழிப்பு, எதிரிகள் எதிர்ப்புகளை வெற்றிகொள்ளும் தன்மை,  நல்ல மனநிலை, எதிர்பார்ப்புகளை நிறைவேற்றும் வல்லமை, உண்மை பேசுதல், சத்தியத்தை மதித்தல்,  சாகச ஆர்வம், அதீத பயனவிருப்பம், கல்வியில் ஆர்வம், விளையாட்டில் ஆர்வம் கலைத்துறையில் வெற்றி, ஆய்வு  செய்வதில் வெற்றி, தன்னம்பிக்கை மனோதிடம்,  புதிய சூழ்நிலைகளில் விருப்பம், எஜென்சி துறையில் அபரிவித வளர்ச்சி மற்றும் தன சேர்க்கை என்ற வகையில் சிறப்புகளை தரும்.

5ம் வீடு பூர்வபுண்ணிய ஸ்தானமான 5ம் பாவகத்துடன் சம்பந்தம் பெறுவது ஜாதகருக்கு  கலைகளில் தேர்ச்சியை தரும், தெய்வீக அனுகிரகமும் உண்டாகும், மிகசிறந்த புத்திசாலித்தனமும், சமயோசித அறிவுத்திறனையும் தரும் , குல தெய்வ ஆசியின் மூலம் வாழ்க்கையில் சகல சௌபாக்கியங்களையும் பெற்று வாழும் யோகத்தை தரும், சிறந்த  தீர்வுகளை காணும் அறிவு திறனும், சரியான வழியை பரிந்துரைக்கும் வல்லமையை தரும், கல்வியில் ஆராய்ச்சியில் வெற்றியை தரும், அனைவராலும் நன்மைகளை பெறுவதுடன் நற்ப்பெயரும் உண்டாகும், தெளிவான சிந்தனை, சான்றோர் ஆதரவு ஜாதகரின் வாழ்க்கையில் சுபயோகங்களை வாரி வழங்கும், சிறந்த வாதத்திறமை உண்டாகும், குழந்தைகளுடன் இணக்கம், குடும்ப வாழ்க்கையில் மகிழ்ச்சி, தன்னிறைவான பொருளாதார முன்னேற்றங்களை பெரும் அமைப்பை தரும்.

8,11ம் வீடுகள் சுக ஸ்தானமான 4ம் பாவகத்துடன் சம்பந்தம் பெறுவது ஜாதகருக்கு 8ம் பாவக வழியில் இருந்து திடீர் விபத்து, பொருள் இழப்பு, உடல் நல பாதிப்பு, மருத்துவ செலவினங்கள், எதிர்பாராத முன்னேற்ற தடைகள், காதல் தோல்வி, எதிர்பாலின அமைப்பினரால் வரும் பாதிப்பு என்ற வகையில்  இன்னல்களை தரும், மனம் ஒருநிலை படுவது ஜாதகரின் வாழ்க்கையில் சகல நன்மைகளுக்கும் நல்ல ஆரம்பத்தை தரும்.

11ம் பாவக வழியில் இருந்து மண் மனை வண்டி வாகன யோகத்துடன் நவீன கருவிகளை பயன்படுத்தும் யோகம், அதீத வசதி வாய்ப்புகளை அனுபவிக்கும் தன்மை, புதிய வண்டி வாகனங்கள், அதிநவீன வசதி வாய்ப்புகள், சொகுசு வாழ்க்கை என்ற வகையில் சுபயோகங்களை வாரி வழங்கும், ஜாதகரின் நல்ல குணம் அனைவராலும் பாராட்டப்படும்.

10ம் வீடு ஜீவன ஸ்தானமான 10ம் பாவகத்துடன் சம்பந்தம் பெறுவது உத்யோகம், வியாபாரம் தொழில் முதலியவற்றில் அபரிவித வளர்ச்சியை வாரி  வழங்கும், கவுரவம் குறையாத யோக வாழ்க்கையை தரும், கம்பீரமான தொழில் வாய்ப்புகள், தீர்க்கமான முடிவுகளை மேற்கொள்ளும் தைரியம், சிறந்த நிர்வாக வல்லமை, திட்டமிட்டு செயலாற்றி வெற்றிபெறும் யோகம், குறுகிய காலத்தில் அபரிவித வளர்ச்சி என்ற வகையில் சிறப்புக்களை வாரி வழங்கும், கூட்டு தொழில் வழியிலான நன்மைகளை ஜாதகர் பரிபூர்ணமாக பெறுவதுடன், எதிர்பாராத நன்மைகளையும் பெறுவார்.

6,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெறுவது ஜாதகருக்கு 6ம் பாவக வழியில் இருந்து கடன் சார்ந்த இன்னல்கள் வெகுவான பாதிப்புகளை வாரி வழங்கும், கடன் மற்றும் வேலை ஆட்கள் மூலம் அதீத தொல்லைகளை  வாரி வழங்கும், உடல் நலம் கடுமையாக பாதிக்க கூடும், எதிரி தொல்லை ஜாதகருக்கு சற்று அதிக அளவிலேயே இருக்கும், உடல் நலம் மனநலம் சார்ந்த பாதிப்புகளை ஜாதகர் அனுபவிக்கும் தன்மையை தரும்.

12ம் பாவக வழியில் இருந்து ஜாதகருக்கு நிறைய செலவினங்களை தரும், பங்கு சந்தை லாட்டரியில் நஷ்டத்தை தரும், அதிக அளவிலான முதலீடுகள் ஜாதகரின் வாழ்க்கையில் பெரும் பாதிப்பை தந்து தொழில் முடக்கத்தை வழங்க கூடும், உறவுகள் வழியில் இருந்து ஜாதகர் சில நேரங்களில் அதீத மனஉளைசலுக்கும், போராட்டத்திற்கும் ஆளாகும் சூழ்நிலையை தரும்.

நடைபெறும் செவ்வாய் திசை தரும் பலன்கள் : ( 28/04/2016 முதல் 29/04/2023 வரை )

 நடைபெறும் செவ்வாய் திசை ஜாதகருக்கு 8,11ம் வீடுகள் சுக ஸ்தானமான 4ம் பாவகத்துடன்  சம்பந்தம் பெற்று யோக பலன்களை தருவது, ஜாதகருக்கு ஆயுள் ஸ்தான வழியில் இருந்து திடீர் இழப்பு, மருத்துவ செலவினங்கள், பொருளாதார  தடைகள், எடுக்கும் காரியங்கள் பின்னடைவை சந்தித்தல் எதிலும் திருப்தி இன்மை என்ற வகையில் இன்னல்களை தந்த போதிலும், லாப ஸ்தான வழியில் இருந்து சுபயோகங்களை வாரி வழங்கும், குறிப்பாக ஜாதகருக்கு எதிர்பாராத நல்ல வாய்ப்புகள் வந்து சேரும், தனது வாழ்க்கை முன்னேற்றத்திற்கான சரியான முடிவுகளை மேற்கொள்ளும் யோகம் உண்டாகும், புதிய சிந்தனை, புதிய யுக்திகளை கையாண்டு வாழ்க்கையில் முன்னேற்றம் பெரும் யோகம் உண்டு, வெளியூர் வெளிநாடுகளை சார்ந்த அன்பர்களின் ஆதரவில் சுகபோக யோக வாழ்க்கையை பெறுவதற்கான சந்தர்ப்பங்கள் தேடி வரும், எதிர்வரும் சனி புத்தி ஜாதகருக்கு எடுக்கும் காரியங்களில் நல்லதொரு வெற்றிகளை வாரி வழங்கும், திருமண முயற்சி, வேலைவாய்ப்பிற்க்கான முயற்சி, தொழில் வழியிலான செயல்பாடுகளில் பரிபூர்ண நன்மைகளையும் யோகங்களையும் வாரி வழங்கும் என்பது ஜாதகருக்கான சிறப்பு நினைவூட்டல் ஆகும்.

எதிர்வரும் ராகு திசை தரும் பலன்கள் ( 29/04/2023 முதல் 29/04/2041 வரை )

எதிர்வரும் ராகு திசை ஜாதகருக்கு 1,7,9ம் வீடுகள் லாப ஸ்தானமான 11ம் பாவக தொடர்பை பெற்றும், 11ம் வீடு சுக ஸ்தானமான 4ம் பாவகத்துடன் சம்பந்தம் பெற்று யோக பலன்களையும் வாரி வழங்குகிறது என்பது கவனிக்கத்தக்கது, இருப்பின் இதே ராகு திசையில் ஜாதகருக்கு 6,12ம் வீடுகள் விரைய ஸ்தானமான 12ம் பாவக தொடர்பை பெற்று அவயோக பலனையும், 8ம் வீடு சுக ஸ்தானமான 4ம் பாவக தொடர்பை பெற்று அவயோக பலனையும் தருவது 6,8,12ம் பாவக வழியிலான இன்னல்களை தவிர்க்க இயலாத சூழ்நிலையை தரும், ஜாதகர் வெளியூர் அல்லது வெளிநாட்டில் ஜீவனம் மேற்கொள்வது  மேற்கண்ட பாதிப்பில் இருந்து விடுபட நல்லதோர் வாய்ப்பை நல்கும் என்பது கவனிக்கத்தக்கது, ஜாதகர் வலிமை பெற்ற பாவக வழியில் இருந்து நன்மைகளையும், வலிமை அற்ற பாவக வழியில் இருந்து வரும் இன்னல்களை தவிர்க்கவும் தயார் நிலையில் இருப்பது நல்லது, ராகு திசை ஜாதகருக்கு பெரிய அளவிலான நன்மைகளையே தரும் என்பது வரவேற்கத்தக்க சிறப்பு அம்சமாகும்.

பரிகாரம் :

1) ஜாதகர் திருவக்கரை சென்று முறையாக குரு பகவானுக்கு வக்கிரக நிவர்த்தி செய்து நலம் பெறுவது அவசியமாகிறது, வக்கிரக நிவர்த்தி செய்வதன் மூலம் ஜாதகர் சுய ஜாதகத்தில் உள்ள யோகங்களை சுவீகரிக்கும் வல்லமையை பரிபூர்ணமாக தரும்.

2) தினமும் சூரிய நமஸ்காரம் செய்து வருவது ஜாதகரின் வாழ்க்கையில் சிறப்பு மிக்க முன்னேற்றங்களை வாரி வழங்கும், தொழில் வழியிலான நன்மைகள் அதிகரிக்கும்.

3) திருவெண்காடு சென்று முக்குணநீராடி  சகல சௌபாக்கியங்களையும் பெறுக , சிவபெருமான் தரிசனம் சகல யோகங்களையும் சுவீகரிக்கும் வல்லமையை தரும்.

4) 48 நாட்கள் ஜாதகர் வீட்டில் விளக்கேற்றுவது சகல நன்மைகளையும் தரும்.

வாழ்க வளமுடன்
ஜோதிடன் வர்ஷன்
9443355696

ஜாதக ஆலோசணை : தொழில் முயற்சிகள் யாவும் படுதோல்வியை சந்திக்க காரணம் என்ன ? சுய தொழில் செய்ய வாய்ப்பே இல்லையா ?

 

கேள்வி :

 தொழில் முயற்சிகள் யாவும் படுதோல்வியை சந்திக்க காரணம் என்ன ? சுய தொழில் செய்ய வாய்ப்பே இல்லையா ?

பதில் : 

சுய ஜாதகத்தில் கேந்திர கோணங்கள் வலிமை பெற்று, நடைபெறும் திசா புத்திகள், எதிர்வரும் திசாபுத்திகள் வலிமை பெற்ற பாவக பலனை ஏற்று நடத்துவதும், ஏற்று நடத்தும் பாவகங்களுக்கு கோட்சார கிரகங்கள் வலிமையை தருவதும் ஓர் ஜாதகருக்கு தொழில் ரீதியான வெற்றிகளை வாரி வழங்கும், ஜாதகர் செய்யும் சுய தொழில் சிறப்பு மிக்க வளர்ச்சியை பெற்று, தன்னிறைவான பொருளாதர முன்னேற்றத்தை தரும், மாறாக சுய ஜாதகம் வலிமை அற்ற, நடைபெறும் திசாபுத்திகள் வலிமை அற்ற பாவக பலனை ஏற்று நடத்தி, கோட்சார கிரகமும் ஏற்று ஏற்று நடத்தும் பாவகங்களுக்கு வலிமை சேர்க்கும் அமைப்பில் இல்லை எனில் ஜாதகரின் பாடு படுதிண்டாட்டம்தான், பொருள் நஷ்டம், நேரவிரையம், கடன் தொந்தரவு, பலவிதங்களில் இருந்துவரும் இன்னல்கள் என்ற விதத்தில் ஜாதகர் கடுமையான பின் விளைவுகளை சந்திக்கும் சூழ்நிலைக்கு ஆளாக்கும் என்பதில் சந்தேகமில்லை அன்பரே, இன்றைய பதிவில் தங்களது ஜாதகத்தை சிந்தனைக்கு எடுத்துக்கொள்வோம்.

லக்கினம் : கும்பம் 

ராசி : கும்பம் 

நட்ஷத்திரம் : சதயம் 2ம் பாதம் 

சுய தொழில் முயற்சியை மேற்கொள்ளும் ஒவ்வொருவரும் தனது சுய ஜாதகத்தில் லக்கினம் முதல் பனிரெண்டு பாவகங்களின் வலிமையை கருத்தில் கொண்டு செயல்படுவதும், நடைபெறும் எதிர்வரும் திசை ஏற்று நடத்தும் பாவக வலிமையை கருத்தில் கொண்டு செயல்படுவதும் வெற்றிகரமான தொழில் வாய்ப்புகளை நல்கி, தன்னிறைவான பொருளாதர வளர்ச்சியை வாரி வழங்கும், சுய ஜாதகத்தில் 1,4,7,10ம் வீடுகள் வலிமை பெறுவது ஜாதகரின் தொழில் முன்னேற்றத்தை உறுதி செய்யும், 5,9ம் வீடுகள் வலிமை பெறுவது ஜாதகருக்கு தொழில் சார்ந்த நல்லறிவையும், சமயோசித புத்திசாலித்தனத்தையும், தெளிவான திட்டமிடுதல்களையும் வழங்கும், 2,6,8,12ம் வீடுகள் வலிமை பெறுவது ஜாதகருக்கு தொழில் வழியிலான பொருளாதர தன்னிறைவை வழங்கும், சரளமான பண வசதியை வாரி வழங்கும், 3,11ம் வீடுகள் ஜாதகர் மேற்கொண்ட முயற்சிக்கான வெற்றிகளையும், சரியான தகவல் தொடர்புகளையும், வீரியமிக்க செயல்திறனையும், அளவில்லா அதிர்ஷ்ட வாய்ப்புகளையும், தன்னம்பிக்கை மிக்க மனநிலையுடன் கூடிய முற்போக்கு சிந்தனையையும் வாரி வழங்கும், ஜாதகர் செய்யும் தொழில் வழியிலான லாபங்களை பரிபூர்ணமாக அனுபவிக்க 3,11ம் வீடுகளின் வலிமை அவசியம் தேவைப்படுகிறது.

தங்களது ஜாதகத்தில் பெரும்பாலான வீடுகள்  மிக மிக வலிமையுடன் காணப்படுவது வரவேற்கத்தக்க சிறப்பு அம்சமாகும் அன்பரே, இருப்பினும் தங்களது தொழில் சார்ந்த முயற்சிகள் யாவும் படுதோல்வியை சந்திக்க அடிப்படை காரணம் ஒன்று உண்டு அது 5ம் பாவக வலிமையாகும், ஒருவரது சுய ஜாதகத்தில் பூர்வபுண்ணிய ஸ்தானம் எனும் 5ம் வீடு வலிமை பெற்று இருப்பின் தனது தொழில் சார்ந்த முயற்சிகள் யாவினையும் ஜாதகர் தந்தது பூர்வீகம் சார்ந்த இடங்களிலேயே அமைத்துக்கொள்வதை  உறுதி செய்யவேண்டும், ஏனெனில் சுய ஜாதகத்தில் பாவக வலிமையே ஜாதகருக்கான வெற்றிகளை நிர்ணயம் செய்கிறது, தங்களது ஜாதகத்தில் 5,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்று  மிகவும் வலிமையுடன் காணப்படுவது தங்களுக்கான தொழில் வெற்றிகளை பூர்வீகத்தில் ஜீவிப்பதால் மட்டுமே பெற இயலும், தாங்கள் இதுவரை முயற்சித்த தொழில் சார்ந்த விஷயங்கள் யாவும் தங்களது பூர்வீகத்தில் இருந்து வெகு தொலைவுக்கு அப்பால் ( 300 கிமீ ) அமைந்ததால் 5ம் பாவகம் வலுவிழந்து சமயோசித அறிவை வழங்கவில்லை, 11ம் பாவகம் தங்களுக்கான லாபம் மற்றும் அதிர்ஷ்டத்தையும் வழங்கவில்லை என்பதே உண்மை நிலை.

மேலும் தொழில் சார்ந்த முயற்சிக்கான  நேரத்தில் தங்களுக்கு சனி திசை நடைமுறையில் இருப்பதும், சனி தனது திசையில் 1,2ம் வீடுகள் குடும்ப ஸ்தானமான 2ம் பாவாக பலனை ஏற்று நடத்துவதும், 8,10ம் வீடுகள் வீரிய ஸ்தானமான 3ம் பாவக பலனை ஏற்று நடத்துவதும் வரவேற்கத்தக்க சிறப்பு அம்சம் என்ற போதிலும், மேற்கண்ட பாவகங்கள் குறிக்கும் தொழிலை தேர்வு செய்யாமல் முரண்பட்ட தொழிலை தேர்வு செய்தது தங்களுக்கான தொழில் வெற்றிகளை பரிபூர்ணமாக தரவில்லை என்பதே உண்மை, 2ம் பாவகம் குறிப்பது சிறு வியாபாரம் அல்லது வீட்டு உபயோக பொருட்கள் மற்றும் பொழுது  போக்கு அம்சங்களை குறிக்கின்றது, 3ம் வீடு தங்களுக்கு கமிஷன் , தரகு, ஏஜென்சி, தகவல் தொழில் நுட்பம், தொழில் நுட்பம் சார்ந்த விஷயங்கள், மின்சாரம், மின்சார உபகரண பொருட்கள் வழியிலான வியாபாரம், காண்ட்ராக்ட் தொழில், ஏற்றுமதி இறக்குமதி தொழில் போன்றவற்றில் பரிபூர்ண வெற்றிகளை தரும் பொழுது, அதுசாராத தொழில்களை சுவீகரித்தது  தங்களது ஜீவன மேன்மையை வெகுவாக பாதித்தது, மேலும் தொழில் நிர்ணயம் செய்த இடம் தங்களது பூர்வீகத்திற்க்கு கட்டுப்படாமல் போனது தங்களின் தொழில் சார்ந்த முயற்சிகள் யாவையும் படுதோல்வியடைய செய்திருப்பது கவனிக்கத்தக்கது.

தற்போழுது நடைபெறும் செவ்வாய் புத்தி தங்களுக்கு 4,7ம் வீடுகள் ஜீவன ஸ்தானமான 10ம் பாவக தொடர்பை பெற்று யோக வாழ்க்கையை நல்குவது சிறப்பானதே, 10ம் வீடு தங்களது ஜாதகத்தில் கால புருஷ தத்துவ அமைப்பிற்கு ஸ்திர நீர் ராசியில் அமைவதால் உணவு பொருட்கள் சார்ந்த தொழில், தானிய வியாபாரம், விவசாய விளைபொருட்கள், போன்றவற்றை ஜீவனமாக தங்களது பூர்வீகத்தில் ஜீவித்து இருந்து ஏற்று கொள்வது, தங்களுக்கான தொழில் வெற்றியை உறுதி செய்யும், 4ம் வீடு வண்டி வாகனம், இடம், பொருள், வீடு மற்றும் வீட்டு உபயோக பொருட்களை குறிக்கும், 7ம் வீடு பொதுமக்கள், வியாபாரம், கூட்டு முயற்சி, கூட்டு தொழில் போன்றவற்றை குறிக்கும், எனவே தாங்கள் எந்த தொழில் செய்தாலும் சரி தங்களது பூர்வீகத்தில் இருந்துகொண்டு செய்யுங்கள் அது பரிபூர்ண வெற்றிவாய்ப்பை வாரி வழங்குவதுடன், நிறைவான பொருளாதர வசதியையும் பெற்று தரும்.

எதிர்வரும் புதன் திசை 6ம் வீடு வீரிய ஸ்தானமான 3ம் பாவகத்துடன் சம்பந்தம் பெற்று யோக வாழ்க்கையை தருவது வரவேற்கத்தக்கது, இதில் ஏஜென்சி, காண்ட்ராக்ட் தொழில், தரகு தொழில், கமிஷன் வியாபாரம் போன்றவற்றை பூர்வீகத்தில் நிர்ணயம் செய்து பரிபூர்ண நன்மைகளை பெறுங்கள் , எதிர்வரும் புதன் திசை தங்களுக்கு குறுகிய காலத்தில் தொடர் லாபங்களை, அதிர்ஷ்டங்களை வாரி வழங்கும் என்பதால் அது சார்ந்த திட்டமிடுதல்களை மேற்கொண்டு நலம் பெறுங்கள் வாழ்த்துகள்.

குறிப்பு :

சனி திசையில் எதிர்வரும்  ராகு புத்தி 1,2ம் வீடுகள் குடும்ப ஸ்தானமான 2ம் பாவகத்துடன் சம்பந்தம் பெற்று நன்மையை தருவது பொருளாதர நன்மைகளை வாரி வழங்கும், சனி திசையில் குரு புத்தி 3ம் வீடு லாப  ஸ்தானமான 11ம் பாவகத்துடன் சம்பந்தம் பெற்று சிறப்பான அதிர்ஷ்டம் மற்றும் லாபத்தை தருவது புதுவிதமான தொழில் முயற்சிகளுக்கு உகந்த நேரமாகும் சனி திசை குரு புத்தியில் விழிப்புணர்வுடன் செயல்பட்டு நல்லதோர் ஜீவன வாழ்க்கையை தேடிக்கொண்டு, புதன் திசை தரும் யோக பலன்களை பரிபூர்ணமாக சுவீகரியுங்கள், வாழ்த்துக்கள்.

வாழ்க வளமுடன் 

ஜோதிடன் வர்ஷன் 

9443355696

சுய தொழில் அல்லது கூட்டு தொழில் செய்யலாமா ? திருமணம் அமைவது எப்பொழுது ?

கேள்வி : 

எனது ஜாதகப்படி நான் சுய தொழில் செய்யலாமா ? அல்லது கூட்டு தொழில் செய்யலாமா ? திருமணம் அமைவது எப்பொழுது? இல்லற வாழ்க்கை சிறப்பாக இருக்குமா ? 5ல் கேது புத்திர தோஷத்தை தருமா ? நடை பெரும் சூரியன் திசை, எதிர்வரும் சந்திரன் திசை தரும் பலாபலன்கள் என்ன ? எதிர்காலம் யோகமிக்கதாக அமையுமா ?

பதில் :

தங்களது ஜாதக வலிமை பற்றி சிந்தனைக்கு எடுத்துக்கொள்ளும் முன் நாம் சில விஷயங்களை கருத்தில் எடுத்துக்கொள்வது நல்லது, ஒருவரது சுய ஜாதக வலிமை என்பது லக்கினம் உற்பட பனிரெண்டு பாவகங்களின் வலிமையின் அடிப்படையில் நிர்ணயம் செய்யப்படுகிறது, மேலும் சுய ஜாதகம் மிகவும் வலிமையுடன் இருப்பது வலிமை பெற்ற பாவக வழியில் இருந்து ஜாதகருக்கு பரிபூர்ண நன்மைகளை வாரி வழங்கும், நடைபெறும் எதிர்வரும் திசை,புத்தி,அந்தரம் மற்றும் சூட்ஷமங்கள் ஏற்று நடத்தும் பாவக வலிமையின் அடிப்படையில், சம்பந்தப்பட்ட ஜாதகர் யோக அவயோக பலாபலன்களை சுவீகரிக்கும் வல்லமை பெற்றவராகிறார், இனி தங்களது ஜாதக வலிமை பற்றியும், தங்களின் கேள்விகளுக்கு உண்டான பதில்கள் பற்றியும் சற்று விரிவாக பார்ப்போம்.

லக்கினம் : மகரம்
ராசி : மேஷம்
நட்ஷத்திரம் : அஷ்வினி 3ம் பாதம்

எனது ஜாதகப்படி நான் சுய தொழில் செய்யலாமா ? அல்லது கூட்டு தொழில் செய்யலாமா ?

பொதுவாக சுய தொழில் செய்வது அல்லது கூட்டு தொழில் செய்வது இரண்டும் சுய ஜாதக வலிமையின் அடிப்படையில் அமைவதே சகல நிலைகளில் இருந்தும் சிறப்புகளையும் லாபங்களையும் வாரி வழங்கும், தொழில் நிர்ணயம் என்பது ஜீவன ஸ்தானம் எனும் ஒரு பாவகத்தை மட்டும் அடிப்படையாக கொண்டு இயங்குவதல்ல, லக்கினம் முதல் பனிரெண்டு பாவகங்களின் அடிப்படையிலேயே தொழில் மற்றும் அதுசார்ந்த வெற்றிகள்   ஒருவருக்கு சிறப்பாக அமையும், கேந்திர பாவகங்கள் வலிமை பெறுவது ஜாதகருக்கான கவுரவம் அந்தஸ்து சுயமரியாதையை உறுதிப்படுத்தும், கோண பாவகங்கள் வலிமை பெறுவது ஜாதகருக்கான அறிவார்ந்த செயல்கள், புத்திசாலித்தனம், தொழில் நுணுக்கம் மற்றும் இறை அருளின் கருணையை உறுதிப்படுத்தும், மறைவு ஸ்தானங்கள் ஜாதகருக்கான அளவில்லா பொருளாதர வெற்றியையும், நிம்மதி மற்றும் நிதான செயற்பாடுகளை உறுதிப்படுத்தும், தொழில் வெற்றிகளை 100% விகிதம் பெற ஓர் ஜாதகருக்கு லக்கினம் முதல் பனிரெண்டு பாவகங்களின் வலிமை நிலையும் அதி அவசியமானதாக உள்ளது, இந்த அமைப்பை பெரும் ஜாதகரே மிகசிறந்த தொழில் அதிபராக பிரகாசிக்கும் வல்லமையை பெறுகின்றார்.

 தங்களது ஜாதகத்தில் அப்படிப்பட்ட  ஓர் வலிமையான நிலை இருப்பது வரவேற்கத்தக்கது, தாங்களும் ஓர் தலைசிறந்த தொழில் அதிபராக விளங்குவதற்கான வாய்ப்புகள் நிச்சயம் உண்டு என்பதில் மாற்று கருத்து இல்லை அன்பரே ! மேலும் தங்களது சுய ஜாதகத்தில் பாவக வலிமை என்பது மிகவும் அபரிவிதமானதாக அமைந்து இருப்பது வரவேற்கத்தக்கது, அதுபற்றி இனி சிந்தனைக்கு எடுத்துக்கொள்வோம்.

சுய ஜாதகத்தில் வலிமையான பாவக தொடர்புகள் :

 1,7ம் வீடுகள் களத்திர ஸ்தானமான 7ம் பாவகத்துடன் சம்பந்தம் பெறுவது ஜாதகருக்கு லக்கின பாவக வழியில் இருந்து ஆரோக்கியமான உடல், தெளிவான மனம், கூட்டாளியால் யோகம், நன்பர்கள் வழியிலான நன்மைகள், வாழ்க்கை துணை வழியில் இருந்து பெரும் அதிர்ஷ்டம் மற்றும் லாபம், எதிர்பாலின சேர்க்கை பொதுமக்கள் ஆதரவு, அரசு பதவி, சிறந்த நிர்வாக திறமை, விரோதிகள் மறைந்து நன்மை உண்டாகுதல் என்ற வகையிலும், 7ம் பாவக  வழியில் இருந்து சக்தி நிறைந்த கூட்டு தொழில் அல்லது கூட்டாளி, யோகம் நிறைந்த வாழ்க்கை துணை, பொதுமக்கள் ஆதரவு, செய்தொழில் வழியில் பிரபல்ய யோகம், வியாபாரத்தில் அபரிவித வளர்ச்சி என்ற அமைப்பில் நன்மைகளை வாரி வழங்கும்.

2,3,8,12ம் வீடுகள் சுக ஸ்தானமான 4ம் பாவகத்துடன் சம்பந்தம் பெறுவது, ஜாதகருக்கு 2ம் பாவக வழியில் இருந்து மண் மனை வண்டி வாகன யோகம், கனிம பொருள் சார்ந்த வியாபாரத்தில் வெற்றி, தாய் வழியிலான சொத்துக்களை நிர்வகிக்கும் யோகம், இனிமையான பேச்சு திறன், வாக்கு வன்மை, உறுதிமிக்க செயல்பாடுகள் என்ற வகையிலும், 3ம் பாவக வழியில் இருந்து மண் மனை வண்டி வாகன யோகம், முதுமையில் செல்வாக்கு, பெண்கள் ஆதரவு, போட்டி பந்தயங்களில் வெற்றி, போக்குவரத்து தொழில் வழியில் லாபம், முயற்சி செய்யும் காரியங்கள் வெற்றி பெரும் தன்மை, விவசாயம் மூலம் வருமானம், அரசியல்வாதிகள் மூலம் லாபம் பெரும் தன்மை, தைரியம், தன்னம்பிக்கை, சுய ஆளுமை திறன், வெற்றி பெரும் வல்லமை என்ற வகையிலும், 8ம் பாவக வழியில் இருந்து விபத்து, எதிர்பாராத திடீர்இழப்பு, மருத்துவ செலவினங்கள், குழப்பம், வியாதி, மனஇறுக்கம் எல்லாவகையிலும், 12ம் பாவக வழியில் இருந்து மண் மனை வண்டி வாகனம் சார்ந்த விஷயங்களில்  முதலீடு செய்யும் யோகமும், அதன் வழியிலான முன்னேற்றங்களும், விவசாயம் அல்லது விவசாய உபகரணம் சார்ந்த பொருட்கள் வழியிலான அதிர்ஷ்டம் மற்றும்  லாபம் உண்டாகும்.

10,11ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெறுவது ஜாதகருக்கு 10ம் பாவக வழியில் இருந்து உத்தியோக வெற்றி, சுய தொழில் விருத்தி, வியாபாரம் மற்றும் தொழில் முதலியவற்றில் அபரிவித அதிர்ஷ்டம் மற்றும் வெற்றி, கம்பீரம் தீர்க்கமான வாத திறமை, சுய தொழில் செய்வதால் செல்வச்செழிப்பு என்றவகையிலும், 11ம் பாவக வழியில் இருந்து மிகப்பெரிய பதவிகளை அலங்கரிக்கும் யோகம், அரசு மற்றும் தனியார் துறை வழியிலான அதிஷ்டம், தகப்பனாருக்கு சொத்து சுக சேர்க்கை, சுய உழைப்பின் மூலம் வாழ்க்கையில் சாதனை படைக்கும் வல்லமை, முற்போக்கு சிந்தனை, நேர்மறை எண்ணம் மூலம் வாழ்க்கையில் சகல யோகங்களையும் பெரும் தன்மை என்ற வகையில் சிறப்புகளை தரும்.

5,6,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெறுவது ஜாதகருக்கு ஆரோக்கியமான உடல் நிலை, தெளிவான மனநிலை, சிறந்த மனவலிமை, அதிபுத்திசாலித்தனம், பல்துறை ஆய்வுத்திறன், அமைதியான சூழ்நிலையை விரும்புதல், எப்பொழுதும் மகிழ்ச்சி, சமாதான விருப்பம், சுய ஒழுக்கம் மற்றும் நற்பண்புகள் என்ற வகையிலும், 6ம் பாவக வழியில் இருந்து பயணம் மூலம் லாபம், சமாதான முறையில் வெற்றி, மதசம்பதமான யோக வாழ்க்கை, பட்டய கல்வியில் தேர்ச்சியை தரும், 9ம் பாவக வழியில் இருந்து ஜாதகருக்கு சிறந்த பண்புகள் அடிப்படையிலே அமைந்து இருக்கும், ஒழுக்கம் மற்றும் பண்பு நிறைந்த மனம், அனைவரையும் தம்மைப்போல் கருதும் சமதர்மத்தை போற்றும் தன்மையை பெற்றவராக திகழ்வார்.

4ம் வீடு விரைய ஸ்தானமான 12ம் பாவகத்துடன் சம்பந்தம் பெறுவது ஜாதகருக்கு விபத்து, மருத்துவ செலவினங்களை தரும், தனது பெயரில் உள்ள சொத்துக்களை இழக்கும் தன்மை, இளமையில் போராட்டம், நஷ்டம், வறுமை, துரதிர்ஷ்டம், மனக்குழப்பம், அதிக வேலைப்பளு என்றவகையில் இன்னல்களை தரும்.

தங்களது சுய ஜாதகத்தில் 4,8ம் வீடுகளை தவிர மற்ற அனைத்து பாவகங்களும் மிகவும் வலிமையுடன் இருப்பது வரவேற்கத்தக்கது, மேலும் பெரும்பாலான வீடுகள் தொடர்பு பெரும் 4,7,10ம் பாவகங்கள் அனைத்தும் சர இயக்க ராசிகளான மேஷம் கடகம் மற்றும் துலாம் ராசியில் வியாபித்து நிற்பது பரிபூர்ண நன்மைகளை தங்களுக்கு வாரி வழங்கும், மேலும் ஜீவன ஸ்தானம் கால  புருஷ தத்துவ அமைப்பிற்கு 7ம் ராசியாக அமைவது தங்களை மிகசிறந்த வியாபாரியாக பிரகாசிக்க செய்யும், துலாம் சர காற்று ராசி என்பதால் தங்களின் தொழில் சார்ந்த அறிவு திறன் மற்றும் நுண்ணறிவு மிகசிறந்த எதிர்காலத்தை வாரி வழங்கும்.

 சுய ஜாதகத்தில் பெரும்பாலான வீடுகள் வலிமையாக  உள்ளதால் சுய தொழில்  செய்வதே சிறப்பான நன்மைகளை தரும், பரிபூர்ண வெற்றியும் உண்டாகும், கூட்டு தொழில் வழியிலான வெற்றி மேலும் சிறப்பானதாகவே அமையும் என்பது கவனிக்கத்தக்கது, தங்களின் விருப்பம் சார்ந்த முடிவுகளை மேற்கொண்டு நலம் பெறுங்கள்.

திருமணம் தங்களுக்கு சூரியன் திசை புதன் புத்தி காலத்தில் நடைபெறும், சூரியன் திசையும், புதன் புத்தியும் ஏக காலத்தில் 1,7ம் வீடுகள் களத்திர ஸ்தானமான 7ம் பாவகத்துடன் சம்பந்தம் பெற்று இல்லற வாழ்க்கையை சிறப்பாக அமைத்துத்தரும், திருமணத்திற்க்கு பிறகான வாழ்க்கை யோகமிக்கதாக அமையும்.

5ல் அமர்ந்த கேது தாம் அமர்ந்த பாவகத்திற்க்கு வலிமை சேர்ப்பதால், 5ம் பாவகம் 100% விகித வலிமையுடன் இருக்கின்றது, எனவே தங்களுக்கு நல்ல புத்திர பாக்கியமும், ஆண் வாரிசும் அமையும்.

சூரியன் திசை தங்களுக்கு  1,7ம் வீடுகள் களத்திர ஸ்தானமான 7ம் பாவகத்துடன் சம்பந்தம் பெற்று முழு வீச்சில் சுபயோக பலாபலன்களையே வாரி வழங்குவது வரவேற்கத்தக்க சிறப்பு அம்சமாகும்.

எதிர்வரும் சந்திரன் திசை 11ம் வீடு ஜீவன ஸ்தானமான 10ம் பாவகத்துடன் சம்பந்தம் பெற்று தொழில் ரீதியான சுபயோகங்களை வாரி வழங்குவது வரவேற்கத்தக்கது.

குறிப்பு :

தங்களது சுய ஜாதக வலிமை மிகவும் அபரிவிதமானது, அதை கருத்தில் கொண்டு தங்களது வாழ்க்கையை வெகு சிறப்பாக அமைத்துக்கொண்டு வாழ்க்கையில் முன்னேற்றம் பெறுங்கள், மிகசிறந்த தொழில் அதிபராக பிரகாசிக்க " ஜோதிடதீபம் " தங்களுக்கு தனது சார்ப்பில் வாழ்த்துக்களை தெரிவித்துக்கொள்கிறது .

வாழ்க வளமுடன்
ஜோதிடன் வர்ஷன்
9443355696

வெளிநாடுகளில் யோக வாழ்க்கையை பெரும் ஜாதக நிலையும் ! புதன் திசை தரும் பொருளாதார தன்னிறைவும் !

  சுய ஜாதகத்தில் லக்கினத்தில் இருந்து 7ம் வீடாகிய களத்திர ஸ்தானமும், 10ம் வீடாகிய ஜீவன ஸ்தானமும், 11ம் வீடாகிய லாப ஸ்தானமும் வலிமை பெறுவது ஜாதகருக்கு சிறப்பான நன்மைகளை வெளியூர், வெளிநாடு மற்றும் வியாபாரம் சார்ந்த வெற்றிகளை வாரி வழங்கும், குறிப்பாக சுய ஜாதகத்தில் கால புருஷ தத்துவ அமைப்பிற்கு 7ம் ராசியான துலாம் மிகவும் வலிமை பெற்று இருப்பது ஜாதகருக்கு வெளிநாடு யோகம், வெளிநாடுகளில் இருந்து வரும் வருமானம் என்ற வகையில் சிறப்புகளை தரும், தன்னிறைவான சுபயோகங்களை ஜாதகர் தங்கு தடையின்றி அனுபவிக்கும் வல்லமை உண்டாகும், மேலும் லக்கினம் வலிமை பெற்று இருப்பது ஜாதகர் வெளிநாடுகளில் இருந்து வரும் யோக வாழ்க்கையை சுயமாக சுவீகரிக்கும் தன்மையை தரும், பிரபல்ய யோகம், சமூக அந்தஸ்து, மதிப்பு மரியாதை, வெளிவட்டார பழக்க வழக்கங்கள் மூலம் ஜாதகருக்கு கிடைக்கும் சுபயோக வாழ்க்கை என்ற வகையில் பரிபூர்ண நன்மைகளை தரும்.

 மேலும் சுய ஜாதகத்தில்  5,12ம் வீடுகள் வலிமை பெறுவது , 5ம் பாவக வழியில் இருந்து தனது அறிவு திறன் சமயோசித புத்திசாலித்தனம் மூலம் வெளிநாடுகளில் சிறப்பான யோக வாழ்க்கை பெறுவதற்கான சந்தர்ப்பங்களை உருவாக்கி தரும், ஜாதகரின் அறிவார்ந்த முயற்சிகள் மூலம் பொருளாதார ரீதியான வெற்றிகளை மிக எளிதாக பெறுவதற்கும், குடியுரிமை சார்ந்த நன்மைகளை பெறுவதற்கும் ஜாதகருக்கு ஓர் அங்கீகாரத்தை நல்கும், 12ம் பாவக வழியில் இருந்து ஜாதகர் வெளிநாடுகளில் பெரும் பொருளாதர தன்னிறைவை குறிப்பதுடன், திருப்தியுடன் கூடிய நிம்மதிகாரமான யோக வாழ்க்கையை நல்கும், தெளிவான சிந்தனை நல்ல உறக்கம், மற்ற நாடுகளில் உள்ள சீதோஷன நிலையை ஏற்றுக்கொள்ளும் திரேகம், வேற்று மதத்தினர், வேற்று இனத்தினருடன் இணக்கமான உறவை கையாளும் வல்லமையை தருவதும் அயன சயன ஸ்தானத்தின் வலிமையே என்றால் அது மிகையில்லை. 

லக்கினம் : விருச்சிகம்
ராசி : கும்பம்
நட்ஷத்திரம் : பூரட்டாதி 2 பாதம்

ஜாதகருக்கு வலிமை பெற்ற பாவக தொடர்புகள் :

1,7ம் வீடுகள் களத்திர ஸ்தானமான 7ம் பாவகத்துடன் சம்பந்தம் பெறுவது ஜாதகருக்கு லக்கின பாவக வழியில் இருந்து நீண்ட ஆயுள், சிறந்த உடல் மற்றும் மனநலம், வளரும் சூழ்நிலையில் சிறப்பு, கல்வியில் மேன்மை, பொதுமக்கள் தொடர்பில் யோகம், சிறந்த நிர்வாக திறமை, தனித்தன்மையான ஆளுமை திறன், எதிர்ப்புகளை சந்தித்து வெற்றிகொள்ளும் யோகம், அனைவரின் ஆதரவையும் பெரும் யோகம், வசீகரிக்கும் செயல்பாடுகள், எதிர்பாலின அமைப்பினரிடம் இருந்து பெரும் நன்மைகள் என்ற வகையில் ஜாதகருக்கு சிறப்பை தரும்.

7ம் பாவக வழியில் இருந்து வெளியூர் அல்லது வெளிநாடுகளில் இருந்து வரும் முன்னேற்றத்தை ஜாதகர் பரிபூர்ணமாக சுவீகரிக்கும் யோகம், பிரபல்ய யோகம், நல்ல நண்பர்கள், சிறந்த கூட்டாளிகள், வலிமை மிக்க கூட்டுத்தொழில், அதன் வழியிலான ஜீவன மேன்மை என்ற வகையில் சிறப்புகளை  தரும், ஜாதகருக்கு களத்திர ஸ்தானமான 7ம் பாவகம் ரிஷப ராசியில் 5 பாகைகளையும், மிதுன ராசியில் 23 பாகைகளையும் கொண்டு இருப்பது சிறப்பானது, ஜாதகரின் அறிவு திறன் வெளிநாடுகளில் சிறப்பான வரவேற்பை கொண்டுள்ளதாக அமைவதும், ஜாதகரின் சிறந்த மேலாண்மை திறன் வெளிநாடுகளிலேயே மிகவும் பிரகாசமாக அமைவதையும், ஜாதகர் தெளிவாக உணர்ந்துகொண்டு, அதன் வழியிலான வெற்றிநடை போடுவது வரவேற்கத்தக்கது,  ஜாதகரின் உழைப்பு மிக குறைவாக அமைந்த போதிலும் பெரும் நன்மைகள் அபரிவிதமானதாக இருப்பதற்கு காரணம் என்ன ? என்பதை அடுத்த வரிகளில் சிந்தனைக்கு எடுத்துக்கொள்வோம் அன்பர்களே!

ஜாதகரின் 10ம் வீடு ஜீவன ஸ்தானமான 10ம் பாவகத்துடன் சம்பந்தம் பெற்று மிகுந்த வலிமையுடன் இருப்பது வரவேற்கத்தக்கது மேலும் ஜாதகரின் ஜீவன ஸ்தானம் சிம்ம ராசியில் 3 பாகைகளையும், கன்னி ராசியில் 28 பாகைகளையும் கொண்டு இருப்பது சிறப்பான ஓர் விஷயமாக கருதலாம், இது ஜாதகருக்கு தொழில் நுட்பம் மற்றும் கைதேர்ந்த தொழில் மேலாண்மை திறனை வழங்கி இருப்பது கவனிக்கத்தக்கது, பெரும்பாலும் கைதேர்ந்த, திறமை வாய்ந்த, தொழில் நுட்பம் சார்ந்த அறிவுத்திறன் மிக்க அனைவரும் பெரிய அளவிலான வெற்றிகளை பெற்று விடுகின்றனரா ? என்றால் இல்லை என்பதே பதில், ஆனால் இவர் அபரிவிதமான வெற்றிகளை குவிக்க மேற்கண்ட விஷயங்கள் மட்டுமே கைகொடுக்கவில்லை, ஆம் அதிர்ஷ்டம் என்பதே ஜாதகருக்கு மிதந்தமிஞ்சிய யோக வாழ்க்கையை வாரி வழங்கிக்கொண்ட இருக்கின்றது என்பதே உண்மை, திறமை மட்டும் இருப்பது ஜாதகருக்கு வெற்றிகளை தருவதில்லை, அதிர்ஷ்டம் எனும் 11ம் பாவக வலிமையே திறமைக்கான அங்கீகாரத்தை உலகிற்கு எடுத்துரைத்து, திறைமைக்கான அதிர்ஷ்ட வாழ்க்கையை நிலைநிறுத்துகிறது என்பதை அடுத்த வரிகளில் தெளிவாக காண்போம்.

ஜாதகருக்கு மேற்கண்ட பாவகங்கள் வலிமை பெற்றது, 30 % விகித நன்மைகளை தந்த போதிலும் 2,4,5,8,11,12ம் வீடுகள் லாபம் மற்றும் அதிர்ஷ்டத்தை குறிக்கும் 11ம் பாவகத்துடன் சம்பந்தம் பெற்று முழுவீச்சில் 100% விகித நன்மைகளை தருவதே ஜாதகரின் வெற்றிக்கு அடிப்படை காரணமாக அமைகிறது, சுய ஜாதகத்தில் களத்திர ஸ்தானத்துடன் 1,7ம் வீடுகள் சம்பந்தம் பெறுவதும், கால புருஷ தத்துவ அமைப்பிற்கு 7ம் வீடான துலாம் ராசி வலிமை பெறுவதும் ஜாதகரின் வெளிநாடு சார்ந்த அமைப்பில் இருந்து அதிர்ஷ்டத்துடன் கூடிய யோக வாழ்க்கையை வாரி வழங்குகிறது, 2,4,5,8,11,12ம் வீடுகள் லாபம் மற்றும் அதிர்ஷ்டத்தை குறிக்கும் 11ம் பாவகத்துடன் சம்பந்தம் பெறுவதும் 11ம் பாவகம் ஜாதகருக்கு கன்னி ராசியில் 1 பாகையில் ஆரம்பித்து 28 பாகைகள் துலாம் ராசியில் வியாபித்து நிற்பது கவனிக்கத்தக்கது, மேலும் லாப ஸ்தானத்துடன் பொருளாதர மேன்மை மற்றும் சுகபோகத்தை குறிக்கும் வீடுகள் யாவும் ( 2,4,5,8,11,12ம் வீடுகள் ) சம்பந்தம் பெறுவது ஜாதகருக்கான யோக வாழ்க்கையை மிக பெரிய அளவில் வாரி வழங்குவது கவனிக்கத்தக்கது.

ஒரு ஜாதகருக்கு மிதம் மிஞ்சிய செல்வவளத்தை தாறுமாறாக வாரி  வழங்கும் வல்லமை பெற்றது மறைவு ஸ்தானம் என்று உணரப்பட்ட 6,8,12ம் வீடுகளே, ஜாதகருக்கு வரும் பொருளாதார வளர்ச்சி எப்படி வந்தது என்று மற்றவர்கள் கண்டுஅறிய இயலாவண்ணம், ஜாதகருக்கு தன்னிறைவான பொருளாதார முன்னேற்றத்தை வாரி வழங்கும் வல்லமை பெற்றது மேற்கண்ட 6,8,12ம் வீடுகள், அப்படிப்பட்ட வீடுகள் எல்லாம் ஜாதகருக்கு அதிர்ஷ்ட ஸ்தானத்துடன் சம்பந்தம் பெறுவது, ஜாதகருக்கான பொருளாதார வெற்றியை எதிர்பாரா அளவில் நிர்ணயம் செய்துள்ளது என்பதே உண்மை, இதற்குஎல்லாம் சிகரம் வைத்தார் போல் அமைவதுதான் அடுத்து வரும் பத்திகளில் நமக்கு ஆச்சரியங்களை வழங்க இருக்கின்றது.

ஆம் ஜாதகருக்கு கடந்த சனி திசை 19 வருடமும், 1,7ம் வீடுகள் களத்திர ஸ்தானமான  7ம் பாவகத்துடன் சம்பந்தம் பெற்றும் , 4,12ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்று சுபயோக சுப பலனை வாரி வழங்கியது இளமையில் சகல யோகத்தையும், திறமைக்கான வெற்றிகளையும் அங்கீகாரம் செய்தது, தற்போழுது நடைமுறையில் உள்ள புதன் திசை ஒருபடி மேலே சென்று 2,5,8,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்று அதிர்ஷ்டங்களை வாரி வழங்கிக்கொண்டு இருப்பது ஜாதகருக்கு நன்மையை தருகின்றது என்ற போதிலும், 3,9ம் வீடுகள் பாதக ஸ்தானமான 9ம் பாவகத்துடன் சம்பந்தம் பெற்று 200% விகித இன்னல்களை தருவது, செல்வம், சுகபோகம் உண்டு ஆனால் வாரிசு இல்லை என்ற நிலையை தந்துள்ளது, 9ம் பாவகம் ஜாதகருக்கு கடக ராசியில் ஆரம்பித்த போதிலும் அதில் 5 பாகைகளையே கொண்டுள்ளது, கால புருஷ தத்துவ அமைப்பிற்கு பூர்வ புண்ணியமான சிம்மராசியில் 27 பாகைகளை கொண்டு 9ம் பாவகம் பாதக ஸ்தானமாக அமைவது ஜாதகருக்கு புத்திர பாக்கிய தடைக்கு அடிப்படை காரணமாக அமைகிறது என்பது இது தெளிவுபடுத்துகிறது.


குறிப்பு :

 சுய ஜாதகத்தில் அயல் தேச யோக வாழ்க்கையை குறிக்கும், 1,7,10,12ம் பாவகங்களுடன் அதிர்ஷ்டத்தை தரும் 11ம் பாவகமும் வலிமை பெற்று இருப்பது அவசியமாகிறது, மேலும் கால புருஷ தத்துவ அமைப்பிற்கு துலாம் ராசி  மற்றும் மீன ராசி வலிமையையும் நாம் கருத்தில் கொண்டு " திரைகடல் ஓடி திரவியம் தேடுவது " சகல சௌபாக்கியங்களையும் வாரி வழங்கும் என்பது கவனிக்கத்தக்க சிறப்பு அம்சமாகும்.

வாழ்க வளமுடன்
ஜோதிடன் வர்ஷன்
9443355696

சுபயோக ஜாதகத்தில் பாவக தொடர்புகள் வழியில் இருந்து ஜாதகர் பெரும் நன்மைகள் !

 

 சுய ஜாதகம் வலிமை பெறுவது ஒவ்வொருவருக்கும் வலிமை பெற்ற பாவக வழியில் இருந்து சுபயோகங்களையும், நன்மைகளையும் வாரி வழங்கும், இறை அருளின் கருணையினால் வெகு சில ஜாதகங்களே லக்கினம் முதல் பனிரெண்டு பாவகமும் வலிமை பெற்று அமைகிறது, சுய ஜாதகம் வலிமை பெற்ற ஓர் ஜாதகத்தை இன்றை பதிவில் சிந்தனைக்கு எடுத்துக்கொள்வோம் அன்பர்களே ! ஜாதகர் சுய ஜாதக வலிமையின் அடிப்படையில் பெரும் நன்மைகளையும் யோக வாழ்க்கையையும் இக்கட்டுரையில் ஆய்வுக்கு எடுத்துக்கொள்வோம்.

லக்கினம் : ரிஷபம்
ராசி : மகரம்
நட்ஷத்திரம் : திருவோணம் 1ம் பாதம்

 ஜாதகருக்கு ரிஷப லக்கினம், லக்கினம் மற்றும் சில வீடுகளும் சுபத்துவம் பெற்ற பாவகங்களுடனே சம்பந்தம் பெற்று இருப்பது வரவேற்கத்தக்க சிறப்பு அம்சமாகும், மேலும் தற்போழுது நடைபெறும் திசா புத்தி, எதிர்வரும் திசாபுத்திகள் தரும் சுபயோகங்கள் பற்றி விரிவாக பார்ப்போம்,

ஜாதகருக்கு பாவக தொடர்புகள் :

1,2,6,8ம் வீடுகள் உயிர் உடலாகிய லக்கின பாவகத்துடன் சம்பந்தம் பெறுவது ஜாதகருக்கு 1ம் பாவக வழியில் இருந்து வளரும் சூழ்நிலையில் சிறப்பு, ஒழுக்கம் சுய கட்டுப்பாடு மற்றும் தன்னம்பிக்கை அதிகம் உள்ளவர், நோய் எதிர்ப்பு சக்தி அதிகம், சிறந்த மனப்பக்குவம், அனைத்தையும் அனுசரித்து செல்லும் குணம், எடுக்கும் காரியங்களில் வெற்றி, சுய உழைப்பின் மூலம் வாழ்க்கையில் வெற்றி பெரும் யோகம், பல்துறை நுண்ணறிவு, பொறுமை சகிப்பு தன்மை, திட்டமிட்டு செயல்படும் யோகம், நீண்ட ஆயுள், மனதில் தெளிவு, எதிரிகளை வெல்லும் வல்லமை, இனிமையான பேச்சு திறன், கடவுள் ஈடுபாடு ஆன்மீக வெற்றி மனமும் உடலும் ஒருங்கே சிறப்பாக செயல்படும் தன்மை, வெற்றி, புகழ், கீர்த்தி மற்றும் சுய அந்தஸ்துடன் வாழ்க்கையில் சகல யோகங்களையும் பெரும் தன்மையை தரும்.

2ம் பாவக வழியில் இருந்து இனிமையான வாக்குவன்மை, பேச்சின் மூலம் காரியம் சாதிக்கும் யோகம், வார்த்தைகளில் வெளிப்படும் கம்பீரம் மற்றும் தைரியம், உறுதியான நிலைப்பாடு, குடும்ப வாழ்க்கையில் மகிழ்ச்சி, குடும்பத்தாருடன் நல்லுறவு, பொருளாதார ரீதியான வெற்றி வாய்ப்புகள், தன்னிறைவான வசதி வாய்ப்புகள், கைநிறைவான வருமானம், தேவைகள் அனைத்தையும் பூர்த்தி செய்யும் வல்லமை, சுய தொழில் வழியிலான வருமானம், வியாபாரம் மூலம் வரும் அபரிவித தனசேர்க்கை, பேச்சில் உறுதி, அனைவரையும் மதிக்கும் குணம், வலிமை மிக்க பதவிகள், வாழ்க்கை துணை வழியிலான பொருள் வரவு மற்றும் தன சேர்க்கை, வாக்கு வன்மையை தொழில் முதலீடாக பெரும் யோகம், எதிர்ப்புகளை சமாளித்து வெற்றிபெறும் வல்லமை என்ற வகையில் சிறப்புகளை தரும்.

6ம் பாவக வழியில் இருந்து ஜாதகருக்கு சிறு சிறு உடல் உபாதைகள் ஏற்படும், வயிறு சார்ந்த தொந்தரவுகள் சற்று பாதிப்பை தரக்கூடும், செய்யும் தொழில் மற்றும் பணியில் நேர்மையை தரும், எடுத்த காரியங்களில் அபரிவிதமான வெற்றியை பெறுவார், அதிகார பதவிகளை அலங்கரிக்கும் யோகம் உண்டாகும், புதிய சிந்தனை ஜாதகருக்கு நல்ல வெற்றிகளை வழங்கும், கடன் சார்ந்த இன்னல்கள் ஜாதகருக்கு சற்று சிரமங்களை தரக்கூடும், பொது காரியங்களில் ஈடுபாடு, சமூக அக்கறை அதிகரிக்கும், எதிர்ப்புகளை வெற்றிகொள்ளும் வல்லமை தரும்.

8ம் பாவக வழியில் இருந்து நீண்ட ஆயுள் உண்டு, தொல்லைகள் யாவும் ஜாதகருக்கு புது உத்வேகத்தை தரும், நினைத்ததை சாதிக்கும் வல்லமை, மிக எளிதாக அனைத்தையும்  சாதிக்கும் வல்லமை, இன்சூரன்ஸ் துறையில் அபரிவித லாபத்தை வாரி வழங்கும், விபத்து மருத்துவ சிகிசையை தவிர்க்க இயலாது, அறுவை சிகிக்சை மூலம் உடல் நலம் பெரும் வாய்ப்பு உண்டு, மற்றவர்களை நம்பி செய்யும் முதலீடுகளில் அதீத கவனம் ஜாதகருக்கு தேவை என்பதை மனதில் கொள்வது அவசியமாகிறது.

3,5,9,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெறுவது ஜாதகருக்கு 3ம் பாவக வழியில் இருந்து ஜாதகரின் அபிலாசைகள் அனைத்தும் நிறைவேறும், லட்சியம் மற்றும் கனவுகள் ஜாதகருக்கு குறுகிய காலத்தில் நடைமுறைக்கு வரும், வியாபாரத்தில் நல்ல விருத்தியும், அதிகப்படியான வண்டி வாகன யோகமும் ஜாதகருக்கு சிறப்பான நன்மைகளை வாரி வழங்கும், விவசாயம் மற்றும் விவசாய உபகரணம் மூலம் பெருத்த லாபம் உண்டாகும், நிறைய சொத்து சுக சேர்க்கை, வீடு நிலம் சார்ந்த லாபம், தர்மத்தை நம்புதல் கடைபிடித்தல், கணிதம் மற்றும் சாஸ்திரத்தில் தேர்ச்சி, திருமணத்திற்கு பிறகான அபரிவித வளர்ச்சி, தெய்வீக அனுக்கிரகம் என்ற வகையில் ஜாதகர் பரிபூர்ண நன்மைகளை பெறுவார்.

5ம் பவாக வழியில் இருந்து ஜாதகருக்கு லாட்டரியில் யோகம் உண்டாகும், முதலீடுகள் மற்றும் வியாபாரம் சார்ந்த லாபங்கள் அதிக அளவில் கிடைக்கும், தனது சமயோசித புத்திசாலித்தனத்தால் ஜாதகர் பன்மடங்கு வளர்ச்சியை குறுகிய காலத்தில் பெறுவார், எந்த சூழ்நிலையையும் சமாளிக்கும் வல்லமையை தரும், எப்பொழுதும் மகிழ்ச்சி, மனைவி மற்றும் குடும்பத்துடன் சுமுக போக்கு, குழந்தைகள் வழியிலான அதிர்ஷ்டம், கற்ற கல்வி  வழியிலான யோகம், வருமுன் காக்கும் வல்லமை, தெய்வீக அனுக்கிரகம்  மற்றும் குலதெய்வ ஆசிர்வாதம் மூலம் வாழ்க்கையில் சகல  சௌபாக்கியங்களையும் அனுபவிக்கும் வல்லமை என்ற வகையில் சிறப்புகளை  தரும், நல்ல ஆண் வாரிசு அமையும்.

9ம் பாவக வழியில் இருந்து ஜாதகர் தெய்வீக அனுக்கிரகம் பெற்ற திருத்தலங்களுக்கு சென்று வரும் யோகம் உண்டாகும், ஆன்மீக பெரியோர்களின் ஆசியை பெற்று வாழ்க்கையை மிக  யோகமிக்கதாக மாற்றிக்கொள்ளும் வல்லமை உண்டாகும், தெளிந்த நல்லறிவு ஜாதகருக்கு சிறப்பான வெற்றிகளை வாரி வழங்கும், முன்னோர்களின் புண்ணிய பதிவுகள் வழியில் இருந்து ஜாதகர் சிறப்பான சுபயோகங்களை பெறுவார், யோகமிக்க புத்திரபேறுகளை அடையும் நிலையம், அவர்கள் வழியிலான யோக பலன்களையும் ஜாதகர் தங்கு தடையின்றி  பெறுவார், எதிர்பார்ப்புகள் யாவும் ஜாதகருக்கு நிறைவேறும், வருமுன் உணர்ந்து செயல்படும் தன்மையை தரும், எவ்வளவு பெரிய சிரமங்கள் ஏற்பட்டாலும் அதில் இருந்து குறுகிய காலத்தில் வெளிப்படும் தன்மையை தரும், ஜாதகரின் அறிவாற்றல் பெருமைப்படத்தக்க விஷயங்களில் ஈடுபட்டு அதன்வழியிலான நன்மைகளை  பரிபூர்ணமாக அனுபவிக்க வைக்கும், ஆன்மீகத்தில் வெற்றி உண்டாகும்.

11ம் பாவக வழியில் இருந்து ஜாதகர் மிகுந்த அதிர்ஷ்டத்தை சுவீகரிக்கும் வல்லமை பெற்றவராக திகழ்வார், ஜாதகரின் மேன்மையான நல்ல குணம் அனைவரிடத்திலும் நற்ப்பெயரை பெற்று தரும், யோகமிக்க எதிர்காலம் ஜாதகருக்கு சிறப்பு மிக்க நன்மைகளை தரும், மனநிம்மதியும், ஒருமைப்பாடும் ஜாதகருக்கு வியக்கத்தக்க வெற்றி வாய்ப்புகளை நல்கும், பல தொழில் புரிவதற்கான சந்தர்ப்பங்கள் வந்து  சேரும், ஜாதகரின் தன்னம்பிக்கையும், முற்போக்கு சிந்தனையும் எதிர்பாராத அதிர்ஷ்ட வாய்ப்புகளை நல்கும், புதிய முயற்சிகள் ஜாதகருக்கு நல்ல முன்னேற்றத்தை தரும், நம்பிக்கை மிகுந்த மனவலிமை ஜாதகரின் வெற்றிகளுக்கு அடிப்படை காரணமாக அமையும்.

4ம் வீடு சுக ஸ்தானமான 4ம் பாவகத்துடன் சம்பந்தம் பெறுவது ஜாதகருக்கு மண் மனை வண்டி வாகனம், சொத்து சுகம், இடம் நிலம் சார்ந்த அமைப்புகளில் இருந்து சிறப்பான நன்மைகளை வாரி வழங்கும், தனது சுய உழைப்பின் மூலம் வாழ்க்கையில் மிக பெரிய சொத்துக்களை வாங்கும் வல்லமையை தரும், ஜாதகரின் நல்ல குணம் செல்லும் இடங்களில் எல்லாம் சிறப்பை தரும், போதிய வசதி வாய்ப்புகளை ஜாதகர் குறுகிய காலத்தில் பெறுவதற்கான சந்தர்ப்பங்கள் அதிக அளவில் ஏற்படும், வடக்கு திசை வாயிற்படி கொண்ட வீடுகளில் ஜாதகர் ஜீவனம் மேற்கொள்வது சகல சௌபாக்கியத்தையும், பெரும் செல்வ சேர்க்கையையும் வாரி வழங்கும், குறிப்பாக ஜாதகரின் வளர்ச்சி வடக்கு திசை வாயிற்படி கொண்ட வீடுகளில் மிகவும் அபரிவிதமானதாக அமையும், சொத்துக்களை நிர்வகிக்கும் வல்லமையை ஜாதகர் பெறுவது அவசியமாகிறது.

7ம் வீடு களத்திர ஸ்தானமான 7ம் பாவகத்துடன் சம்பந்தம் பெறுவது ஜாதகருக்கு வாழ்க்கை துணை வழியிலான முழு ஆதரவை தரும்,  திருமணத்திற்கு பிறகான வளர்ச்சி மிகவும் சிறப்பாக அமையும், இணக்கமான சூழ்நிலையை வாழ்க்கை துணையுடன் பெறுவது ஜாதகருக்கு மென்மேலும் யோக வாழ்க்கையை நல்கும், தாம்பத்திய வாழ்க்கையில் வெற்றி, அன்னியோனிய இல்லற வாழ்க்கை, குடும்பத்தில் மகிழ்ச்சி என்ற வகையில் சிறப்புகளை வாரி வழங்கும், மேலும் ஜாதகருக்கு  நல்ல நண்பர்கள், சிறந்த கூட்டாளிகள், வலிமை மிக்க கூட்டு தொழில் வழியிலான முன்னேற்றம், வெளிநாடுகளில் யோகம், குடியுரிமை பெரும் வாய்ப்பு, பிரபல்ய யோகம், பொது வாழ்க்கையில் வெற்றி, மக்கள் ஆதரவு, வியாபாரம் சுய தொழில் செய்வதன் மூலம் அதீத லாபம் என்ற வகையில் சிறப்புகளை தரும், கலைத்துறையில் ஈடுபாடு, கலைகளில் தேர்ச்சியும் உண்டாகும்.

10,12ம்  வீடுகள் ஜீவன ஸ்தானமான 10ம் பாவகத்துடன் சம்பந்தம் பெறுவது ஜாதகருக்கு, தொழில், வணிகம், வியாபாரம் போன்றவற்றில் சிறப்பான வளர்ச்சியை தரும், சுய தொழில் செய்வதன் மூலம் அபரிவித முன்னேற்றம் உண்டாகும், கவுரவம் மிக்க பதவிகள் தேடி வரும், சுய முன்னேற்றம் சார்ந்த  நடவடிக்கைகள் ஜாதகருக்கு தொடர் வெற்றிகளை வாரி வழங்கும்,  ஜீவன ஸ்தானம் ஜாதகருக்கு கால புருஷ தத்துவ அமைப்பிற்கு 11ம் வீடான கும்ப ராசியில் அமைவது வரவேற்கத்தக்கது, ஜாதகரின் அறிவு திறன் சார்ந்த ஜீவன அமைப்புகளில் மிக பெரிய வெற்றிகளை வாரி வழங்கும், தொழில் வழியில் எதிர்பாராத லாபங்களும் அதிர்ஷ்டமும் உண்டாகும், சுய தொழில் செய்வதே ஜாதகருக்கு சிறப்பான நன்மைகளை தரும்.

12ம் பாவக வழியில் இருந்து ஜாதகருக்கு நீண்ட கால தொழில் முதலீடுகள் அபரிவித வளர்ச்சியை தரும், குறுகிய காலத்தில் அசுர வளர்ச்சியை ஜாதகர் முதலீடுகள் வழியில் இருந்தும், தொழில் வழியில் இருந்தும் பெறுவார், ஆன்மீகத்தில் நல்ல வெற்றி உண்டாகும், போதும் என்ற மனமும், திருப்தியான மனநிறைவும் ஜாதகருக்கு அயன சயன ஸ்தான வழியில் இருந்து முழுமையாக கிடைக்கும், மனதில் உள்ள ஆசைகள் மற்றும் விருப்பங்கள் யாவும் நிறைவேறும், திடீர் மாற்றங்கள் ஜாதகருக்கு திகைப்பை தந்தபோதிலும், அதுவே ஜாதகருக்கு சிறப்பான நன்மைகளை வாரி வழங்கும், எதையும் ஏற்றுக்கொள்ளும் மனப்பக்குவத்தை பெற்று இருப்பது அவசியமாகிறது.

எதிர் வரும் குரு திசை தரும் பலன்கள் ( 19/07/2018 முதல் 19/07/2034 )

3,5,9,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்று எதிர்வரும் குரு திசை ஜாதகருக்கு லாப ஸ்தான வழியில் தொடர்பு பெரும் வீடுகள் அமைப்பில் இருந்து மிகுந்த நன்மைகளை வாரி வழங்க தயார் நிலையில் இருப்பது ஜாதகருக்கு மிகுந்த யோக வாழ்க்கையை நல்கும், நடைமுறையில் உள்ள ராகு திசை ஜாதகருக்கு 6ம் வீடு லக்கினத்துடன் சம்பந்தம் பெற்று சற்று சிரமங்களை தந்துகொண்டு இருப்பது போராட்ட வாழ்க்கை தரும், ஆனால் எதிர்வரும் குரு திசை வலிமை பெற்ற பாவக பலனை ஏற்று நடத்திடுவது ஜாதகருக்கு மிகுந்த நன்மைகளை தரும் என்பதில் சந்தேகமில்லை, ஜாதகர் 3,5,9,11ம் பாவக வழியிலான பலன்களை சுவீகரிக்க ஆயத்தமாக இருப்பது அவசியமாகிறது, வாழ்த்துக்கள்.

வாழ்க வளமுடன்
ஜோதிடன் வர்ஷன்
9443355696

சனிமஹா திசை தரும் பலன்களும், சுய ஜாதகத்தில் பாவக வலிமையும் !

சுய ஜாதக பலன்கள்

நடைமுறையில் உள்ள சனி திசை ஏற்று நடத்தும் பாவக தொடர்பு எது ? சுய ஜாதகத்தில் லக்கினம் முதல் பனிரெண்டு பாவகங்களின் வலிமை நிலை எப்படி உள்ளது, எதிர்வரும் புதன் திசை தரும் பலாபலன்கள் மற்றும் எதிர்கால வாழ்க்கை எப்படி அமையும் ?

லக்கினம் : மேஷம்
ராசி : துலாம்
நட்ஷத்திரம் : ஸ்வாதி 3ம் பாதம்



சுய ஜாதகத்தில் பாவக தொடர்புகள்

1ம் வீடு உயிர் உடலாகி லக்கின பாவகத்துடன் சம்பந்தம் பெறுவது ஜாதகிக்கு, சிறப்பான வளரும் சூழ்நிலையையும், நீண்ட ஆயுளையும், நல்ல மனம், சிறந்த குணம், ஆரோக்கியம், உடல் நலம், யோகம் நிறைந்த வாழ்க்கை வளம் என மிகுந்த நன்மைகளை தரும், ஜாதகி மேற்கொள்ளும் காரியங்களில் பரிபூர்ண வெற்றியையும், கீர்த்தியையும் தரும், லக்கினம் மேஷம் என்பதாலும் சர நெருப்பு ராசியின் இயக்கம் என்பதாலும், சுய கட்டுப்பாடு, தெய்வீக அனுக்கிரகம், லட்சியங்களை அடைதல், ஒழுக்கம் நிறைந்த வாழ்க்கை, நினைத்ததை அடையும் யோகம் என பரிபூர்ண நன்மைகளை வாரி வழங்கும், வாழ்நாள் முழுவது, சிறப்பான சுபயோகங்களை நல்கும் அமைப்பாக கருதலாம்.

2,4,5,7,8,11ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெறுவது, ஜாதகிக்கு 2ம் பாவக வழியில் இருந்து நல்ல வாழ்க்கைத்துணை, நிறைவான வருமானம், கல்வியில் வெற்றி, நல்ல உத்தியோகம், வியாபார மூலம் நல்ல முன்னேற்றம், கவுரவம் அந்தஸ்து, இனிமையான வாக்குவன்மை, புகழ், அரசு கவுரவம், அனைத்திலும் வெற்றி, செய்தொழில் வழியிலான அபரிவித வருமானங்கள், குடும்ப வாழ்க்கையில் மகிழ்ச்சி, எதிர்காலத்திற்க்கான சேமிப்பு என சிறப்பான நன்மைகளை வாரி வழங்கும்.

4ம் பாவக வழியில் இருந்து நல்ல தொழில் முன்னேற்றம், கைநிறைவான வருமானம், பெயரும் புகழும் தேடிவரும் யோகம், மண் மனை, வண்டி வாகன யோகம், திடீர் சொத்து சுக சேர்க்கை, வேலையாட்கள் மூலம் லாபம், சிறந்த நிர்வாக திறமை, பெரிய சொத்து சுக சேர்க்கையை பெறுதல், விளையாட்டில் ஆர்வம், அரசு கவுரவம், அரசியல் சார்ந்த உதவிகள், எதிர்பாராத அதிர்ஷ்டம் என்ற வகையில் சிறப்புகளை தரும், நல்ல குணம் ஜாதகிக்கு சிறந்த யோக வாழ்க்கையை  வாரி வழங்கும்.

5ம் பாவக வழியில் இருந்து ஜாதகிக்கு நல்ல புத்திர  பாக்கியம், நிறைந்த அறிவு, கல்வியில் வெற்றி, செல்லும் இடங்களில் இருந்து வரும் ஆதரவு, அருங்கலைகளில் தேர்ச்சி மற்றும் புகழ், நாடகம், சினிமா துறையில் லாபம் , குழந்தைகளால் லாபம் மற்றும் அதிர்ஷ்டம், விளையாட்டில் அதீத ஆர்வம், வாழ்க்கையில் சிறப்பான மேன்மைகளை பெறுதல், புத்திசாலித்தனம் மிக்க செயல்பாடுகள், குல தெய்வத்தின் ஆசி மூலம் வாழ்க்கையில் சகல  சௌபாக்கியங்களையும் பெரும் அமைப்பு, புதிய சிந்தனை மற்றும் புதிய கண்டுபிடிப்புகள் மூலம், அபரிவித்த வளர்ச்சி என ஜாதகிக்கு பரிபூர்ண சுபயோகங்களை வாரி வழங்கும்.

7ம் பாவக வழியில் இருந்து ஜாதகிக்கு நல்ல வாழ்க்கை துணை, வெளிநாடுகளில் இருந்து வரும் செல்வாக்கு, வெளிநாடுகளில் தொழில் முன்னேற்றம், அரசியல் மற்றும் வியாபாரத்தில் வெற்றி, சமூக வாழ்க்கையில் எதிர்பார்த்த அந்தஸ்து கிடைத்தல், பொதுவாழ்க்கையில் முன்னேற்றம், திடீர் செல்வாக்கு, பல தொழில் செய்யும் யோகம், கூட்டு தொழில், நண்பர்கள் மற்றும் கூட்டாளிகள் மூலம் அபரிவித வளர்ச்சி, செய்யும் காரியங்கள் யாவிலும் தனித்தன்மையான செயல்பாடுகள், வெளியூர் அல்லது வெளிநாடு சென்ற பிறகு வரும் பொருளாதார தன்னிறைவு என ஜாதகிக்கு களத்திர ஸ்தான  வழியில் இருந்து சுபயோகங்களை அதிக அளவில் வந்து சேரும்.

8ம் பாவக வழியில் இருந்து ஜாதகிக்கு  நல்ல அந்தஸ்தை விரைவாக பெரும் யோகம், வசதிமிக்க வேலைவாய்ப்பு அல்லது தொழில் வாய்ப்பு, பதவியில்  திடீர் உயர்வு, நீண்ட ஆயுள், எதிர்ப்புகள் அனைத்தையும் எதிர்கொண்டு திடீரென அபரிவித வளர்ச்சியை பெரும் தன்மை, தனது வாழ்க்கை துணை வழியில் இருந்து வரும் ஆதரவு மற்றும் பொருளாதர உதவிகள், நல்ல நண்பர்கள் உதவி, பொது மக்கள் செல்வாக்கு மூலம் கவுரவ பதவிகளை பெரும் யோகம், மருத்துவ உபகரணம்,மற்றும் மருந்துகள் மூலம் நல்ல லாபம், இன்சூரன்ஸ் துறையில் பெரும் அபரிவித லாபம் மற்றும் தொழில் வாய்ப்புகள் என ஜாதகிக்கு ஆயுள் பாவக வழியில் இருந்து சுபயோகங்களை வாரி வழங்கும்.

11ம் பாவக வழியில் இருந்து ஜாதகி செய்யும் தொழில் அனைத்தும் மிகப்பெரிய வெற்றியை தரும், மிகப்பெரிய பதவிகளை வகிக்கும் யோகம் உண்டு, அரசு ஆதரவு, தனியார் துறையில் இருந்து வரும் சிறப்பான தொழில் வாய்ப்புகள், தன்னம்பிக்கை மாறா மனநிலை, தொழில் வழியிலான சொத்து சுக சேர்க்கை வண்டி வாகன யோகம், மனதில் எண்ணிய எண்ணங்கள் யாவும் பலிதம் பெரும் தன்மை, தெய்வீக அனுக்கிரகம், அதிர்ஷ்டத்தின் முழு வலிமையை ஜாதகி அனுபவிக்கு வல்லமை, தொழில் மூலம் மிகப்பெரிய வளர்ச்சியை பெரும் யோகம் உண்டாகும்.

3,6,9,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெறுவது ஜாதகிக்கு 3ம் பாவக வழியில் இருந்து மருந்துகள் மூலம் அபரிவித லாபம் உண்டாகும், அறிய கலைகள் மூலம் செல்வாக்கும் தனசேர்க்கையும் உண்டாகும், விட்டுக்கொடுக்கும் மனப்பக்குவம் ஜாதகியின் வளர்ச்சிக்கு பேருதவியாக அமையும், வேற்று மதத்தினர் அல்லது அயலார் மூலம் நன்மையையும் லாபத்தையும் பெற ஜாதகிக்கு வாய்ப்பு அதிகம், பயணங்கள் மூலம் நல்ல வாய்ப்புகளையும், புதிய கண்டுபிடிப்புகள் மூலம் அபரிவித லாபங்களை, தர்ம சிந்தனை மற்றும் சத்தியத்தை மதித்து நடக்கும் வல்லமையும் ஜாதகிக்கு உண்டாகும்.

6ம் பாவக வழியில் இருந்து ஜாதகிக்கு கடன் சார்ந்த பிரச்சனைகள் பெரும் சிரமங்களை தரக்கூடும், வேலையாட்கள் சிலநேரங்களில் இன்னல்களை ஏற்படுத்த கூடும், உடல் நல பாதிப்பு வயிறு சார்ந்து தருவதற்கு அதிக வாய்ப்பு உண்டு, தேவையற்ற செலவுகள், எதிரிகள் தொந்தரவு, மறைமுக எதிர்ப்பு, எதிர்பாராத திடீர் செலவு, மறுத்துவ செலவினங்கள் என்று ஜாதகிக்கு சற்று பாதிப்பை அதிக அளவில் தரக்கூடும், எவரிடமும் பகைமை பாராட்டாமல் தனது வெற்றியில் குறிக்கோளாக இருப்பது ஜாதகிக்கு சகல நலன்களையும் தரும்.

9 ம் பாவக வழியில் இருந்து ஜாதகிக்கு வெளிநாடுகளில் இருந்து பரிபூர்ண யோகத்தை வாரி வழங்கும், சொந்த இடத்தைவிட்டு வெகு தொலைவு சென்ற பிறகு பரிபூர்ண  சுபயோகங்களை வாரி வழங்கும், மற்றவர்கள் விஷயங்களில் தலையீடு செய்வது ஜாதகிக்கு மிகப்பெரிய இன்னல்களையும், வீண் அவப்பெயரையும் பெற்றுத்தரும் என்பதால் மிகுந்த கவனமுடன் இருப்பது சகல சௌபாக்கியங்களையும் தரும்.

12ம் பாவக வழியில் இருந்து ஜாதகிக்கு நிறைய வீண் செலவுகள், பங்கு சந்தை மற்றும் லாட்டரி மூலம் பெரும் நஷ்டத்தை தரும், திருப்தி இல்லாத வாழ்க்கை பெரும் சிரமங்களை தரக்கூடும், அனைவராலும் அதிக தொல்லைகளையும் துன்பங்களையும் எதிர்கொள்ளும் சூழ்நிலையை தரும், மனநிம்மதி இழப்பும், மனஅழுத்தமும் ஜாதகியின் அதிர்ஷ்டத்தை வெகுவாக பாதிக்கும், முதலீடுகளில் கவனமில்லை எனில் ஜாதகி பெரும் துன்பத்தை எதிர்கொள்ளும் சூழ்நிலையை உருவாக்க கூடும்.

10ம் வீடு பாக்கிய ஸ்தானமான 9ம் பாவகத்துடன் சம்பந்தம் பெறுவது வியாபாரம் சார்ந்த முன்னேற்றங்கள் வெகு அற்புதமாக அமையும், ஆலோசனை மற்றும் நிர்வாகம் சார்ந்த விஷயங்களில் அபரிவித்த தனித்தன்மையை வாரி வழங்கும், நிதி ஆலோசனை, நிதி மேலாண்மை இரண்டிலும் சிறந்து விளங்கும் தன்மையை தரும், பொது வாழ்க்கையில் எதிர்பாரா வெற்றிகள் உண்டு, இடம் மற்றும் சூழ்நிலை மாற்றத்தில் அதீத விருப்பம் உண்டாகும், பொருளாதரா வளர்ச்சி எதிர்பார்த்த வாறே அமையும்.

தற்போழுது நடைமுறையில் உள்ள சனி திசை தரும் பலன்கள் : ( 26/11/2008 முதல்  27/11/2027 வரை )

சனி பகவான் தனது திசையில் 10ம் வீடு பாக்கிய ஸ்தானமான 9ம் பாவகத்துடன் சம்பந்தம் பெற்று யோக பலனை தருவது மிகுந்த நன்மைகளை தரும் அமைப்பாகும், தொழில் ரீதியான வெற்றிகளையும், சமூக அந்தஸ்த்தையும் பரிபூர்ணமாக தரும், எதிர்பார்த்த நன்மைகள் ஜாதகிக்கு நடைமுறைக்கு வரும் உடல் ஆரோக்கிய பாதித்த போதிலும் ஜாதகியின் முயற்சிகள் நல்ல விருத்தியை தரும், பொருளாதர முன்னேற்றம் என்பது வியக்கத்தக்க வகையில் அமையும் என்பது கவனிக்கத்தக்கது.

சனி திசை சுக்கிரன் புத்தி ஜாதகிக்கு 4ம் வீடு ஜீவன ஸ்தானமான 10ம் பாவகத்துடன்  சம்பந்தம் பெற்று யோக பலனை தருவது வரவேற்கத்தக்க சிறப்பு அம்சமாகும், ஜாதகி தொழில் ரீதியாக மேற்கொள்ளும் முயற்சிகள் நல்ல வெற்றிகளை நல்கும், வண்டி வாகனம், வீடு சொத்து சுக சேர்க்கை பெற நிறைய வாய்ப்புகள் வந்து சேரும், சூரியன் புத்தி 6,12ம் பாவக வழியில் இருந்து இன்னல்களையும், சந்திரன் புத்தி களத்திர பாவக வழியில் இருந்து சுபயோகங்களையும், செவ்வாய் புத்தி 4,7ம் பாவக வழியில் இருந்து சுபயோகங்களையும், ராகுபுத்தி லக்கின வழியில் இருந்து சுபயோகங்களையும், குரு புத்தி 7ம் பாவக வழியில் இருந்து சுபயோகங்களையும், வாரி வழங்க காத்துகொண்டு இருப்பது ஜாதகி மிகுந்த நன்மைகளை தரும் அமைப்பாகும்.

எதிர்வரும் புதன் திசை தரும் பலன்கள் : ( 27/11/2027 முதல் 26/11/2044 வரை )

புதன் தனது திசையில் 3ம் வீடு விரைய ஸ்தானமான 12ம் பாவகத்துடன் சம்பந்தம் பெற்று ஓரளவிற்கான சுபயோகங்களை நல்குவது ஜாதகிக்கு நன்மை என்ற போதிலும், சிறு சிறு விரயங்களை தவிர்க்க இயலாது, இருப்பினும் வியாபார முன்னேற்றம் என்பது மிகவும் சிறப்பாக அமையும், செய்யும்  தொழில் வழியிலான லாபம் நிச்சயம் உண்டு.

பரிகாரம் :

1) ஜாதகி திருவெண்காடு சென்று முக்குண நீராடி நலம் பெறுவது அவசியமாகிறது.
2) தினமும் சூர்ய நமஸ்காரம் செய்து வருவது சகல சௌபாக்கியங்களையும் வாரி  வழங்கும்.
3) குல தெய்வ வழிபாடு, பித்ரு வழிபாடு எதிர்வரும் ஆடி அமாவாசை தினத்தில் அண்ணதானம் செய்து வழிபடுவது அவசியமாகிறது.
4) வருடம் ஒருமுறை பழனி சென்று முருக பெருமானை ராஜ அலங்கார தரிசனம் செய்து வழிபடுவது அவசியமாகிறது.
5) சர்ப்ப சாந்தி பரிகாரம், ஜாதகிக்கு மென்மேலும் பரிபூர்ண ராஜயோகத்தை வாரி வழங்கும்.

வாழ்க வளமுடன்
ஜோதிடன் வர்ஷன்
9443355696

குழந்தையின் ஜாதகத்தில் 9க்கு உடையவன் 8ல் மறைந்தால் தகப்பன் உயிருக்கு ஆபத்தை ஏற்படுத்துமா ?

கேள்வி :

 வணக்கம் அய்யா ,

எனது குழந்தையின் ஜாதகத்தில் ( ஆண் ) 9பதுக்கு உடைய கிரகம் புதன் ( மகர லக்கினம் ) 8ல் மறைவு பெற்றுள்ளது ( சிம்மத்தில் ) எனவே எனக்கு ஆயுள் பங்கம் ஏற்படும் என்றும், குழந்தையின் வாழ்க்கையும் சீரழியும் என்று ஜாதகம் பார்க்க சென்ற இடத்தில் ஜோதிடர்கள் கூறியுள்ளனர், இது உண்மையா ? மேலும் எனது குழந்தையின் ஜாதகத்தில் 2ல் கேது 8ல் ராகுவுடன் புதன்,சந்திரன் மற்றும் சுக்கிரன் சேர்க்கை, கடுமையான ராகுகேது தோஷத்தையும், 7ல் சூரியன் குழந்தைக்கு கடுமையான களத்திர தோஷத்தையும் தரும் என்கின்றனர் இது உண்மையா? எனது குடும்பத்தினர் மிகுந்த கலக்கத்தில் உள்ளனர் தெளிவுபடுத்த வேண்டுகிறேன்.

லக்கினம் : மகரம்
ராசி : சிம்மம்
நட்ஷத்திரம் : மகம் 3ம் பாதம்

எனது குழந்தையின் ஜாதகத்தில் ( ஆண் ) 9பதுக்கு உடைய கிரகம் புதன் ( மகர லக்கினம் ) 8ல் மறைவு பெற்றுள்ளது ( சிம்மத்தில் ) எனவே எனக்கு ஆயுள் பங்கம் ஏற்படுமா ?

பதில் :

சுய ஜாதக வலிமையை உணராமல், நவகிரகங்கள் ராசிகளில் அமர்ந்திருக்கும் நிலையை மட்டும்  கருத்தில் கொண்டு, பிதற்றும் வாய்ஜாலமாகவே இதை "ஜோதிடதீபம்" கருதுகிறது, தங்களது கேள்வியில் 9பதுக்கு உடைய கிரகம் 8ல் மறைவு என்பதாக உள்ளது, இதை ஆய்வுக்கு எடுத்துக்கொள்வோம், தங்களது குழந்தையின் ஜாதகத்தில் 9ம் வீட்டிற்கு அதிபதி புதன் என்று வைத்துக்கொண்டாலும், அவர் லக்கினத்திற்க்கு 7ம் பாவகத்தில் அமர்ந்து இருக்கிறார் என்பதே உண்மை, ஏனெனில் ஜாதகருக்கு ஆயுள் ஸ்தானம் எனும் 8ம் பாவகம் சிம்ம ராசியில் 144:53:10 பாகையில் ஆரம்பித்து கன்னி ராசியில் 178:39:51 பாகை வரை வியாபித்து நிற்கிறது, ஆயுள் பாவகத்திற்கு உற்பட்ட பாகையில் புதன் அமராமல், சிம்ம ராசியில் 7ம் பாவகத்திற்கு உற்பட்ட ( 7ம் பாவகம் கடக ராசியில் 110:29:54 பாகையில் ஆரம்பித்து சிம்ம ராசியில்  144:53:10 பாகை வரை வியாபித்து நிற்கிறது ) 132:59:33 பாகையில் அமர்ந்திருப்பதால் 9 பதுக்கு உடைய கிரகம் களத்திர ஸ்தானமான 7ம் பாவகத்தில் அமர்ந்திருப்பதே உண்மை நிலை மேலும் தனது பாவகத்திற்கு ( 9ம் பாவகத்திற்கு ) 11ல் அமர்ந்திருப்பது மிகுந்த சுபயோகங்களை 9ம் பாவக வழியில் இருந்து தரும் என்பதே உண்மை, 9ம் பாவகம் என்பது தகப்பனை குறிக்காது, தகப்பன் வழியிலான பாக்கியத்தை ( முன்னோர்கள் செய்த நற்பதிவுகள் ) குறிக்கும் என்பதால் தாங்களும் தங்களது குடும்பமும் யாதொரு கலக்கமும், பயமும் கொள்ளத்தேவையில்லை, தங்களின் உயிருக்கு தங்களின் குழந்தையின் ஜாதகத்தால் சிறு இடையூறும் ஏற்படாது என்பதை உறுதியுடன் கூற கடமைப்பட்டுள்ளது.

 மேலும் குழந்தையின் ஜாதகத்தில் தாய் தகப்பனை குறிக்கும் 4,10ம் வீடுகள் முறையே 4,10ம் பாவகங்களுடனே சம்பந்தம் பெறுவதால் பெற்றோருக்கு மிகுந்த சுபயோகங்களை நல்கும் யோக ஜாதகமாகவே காணப்படுகிறது என்பதால் தங்களுக்கும் தங்களது குழந்தைக்கும் மிகுந்த நன்மையையும், யோக வாழ்க்கையுமே  வாரி வழங்கும், இதுபோன்ற மூடநம்பிக்கைகளை சிறிதும் தாங்களும், தங்களது குடும்பமும் நம்பாமல் இருப்பது தங்களது வாழ்க்கையில் சிறப்புகளை சேர்க்கும்.

2ல் கேது 8ல் ராகுவுடன் புதன்,சந்திரன் மற்றும் சுக்கிரன் சேர்க்கை, கடுமையான ராகுகேது தோஷத்தையும், 7ல் சூரியன் குழந்தைக்கு கடுமையான களத்திர தோஷத்தையும் தரும் என்கின்றனர்  இதனால் குழந்தையின் வாழ்க்கையும் சீரழியுமா ?

பதில் :

 சுய ஜாதகத்தில் ராகு கேது வலிமை பெற்று இருப்பது மிகுந்த நமைகளை தரும் குறிப்பாக, தங்களது குழந்தையின் ஜாதகத்தில் பாவக கணிதத்தின் அடிப்படையில் 2ல் கேதுவும், 8ல் ராகுவும் அமரவில்லை, லக்கினம் ( கும்பம் ) மற்றும் களத்திர ( சிம்மம்) ஸ்தானமான 1,7ம் பாவகத்தில் அமர்ந்திருப்பதே உண்மை நிலை, மேலும் லக்கினம் மற்றும் களத்திர ஸ்தானத்தில் அமர்ந்துள்ள கேது மற்றும் ராகு பகவான்  தாம் அமர்ந்த பாவகத்திற்கு  100 % விகித வலிமை சேர்க்கும் விதத்தில் அமைந்து இருப்பது குழந்தைக்கு 1,7ம் பாவக வழியில் இருந்து பரிபூர்ண சுபயோகங்களை வாரி வழங்கும், மேலும் ராகு பகவானுடன் சேர்ந்த சந்திரன்,புதன் மற்றும் சுக்கிரன் போன்ற கிரகங்கள் தரும் சுபயோகங்களை தனது பலனாக சுவீகரித்து ராகு பகவானே தருகிறார் என்பது ஜாதகத்தில் உள்ள சிறப்பு அம்சமாகும்.

சூரியன் கடகத்தில் உள்ள சத்துரு ஸ்தானத்தில் அமர்ந்து இருப்பதால், களத்திர ஸ்தானம் சார்ந்த கவலைகளை தவிர்த்துவிடுவது நல்லது, சுய களத்திர ஸ்தானம் ராகு பகவானால் 100% விகித வலிமையுடன் திகழ்வதால், களத்திர பாவக வழியில் இருந்து பரிபூர்ண நன்மைகளையும் சுபயோகங்களை  தங்கு தடையின்றி பெறுவார் என்பதனையும், ஜாதகருக்கு யாதொரு களத்திர தோஷமும் இல்லை என்பதையும்  தெளிவுபடுத்த "ஜோதிடதீபம்" கடமைப்பட்டுள்ளது நண்பரே !

குறிப்பு :

சுய ஜாதக வலிமை என்பது அவரவர் சுய ஜாதகத்தில் பிறந்த தேதி,நேரம் மற்றும் இடம் ஆகிவற்றை அடிப்படையாக கொண்டு, லக்கினம் முதல் 12 பாவகங்கள் பெரும் வலிமையின் அடிப்படையில் நிர்ணயம் செய்யப்படுவதாகும், மேலும் இதுவே சம்பந்தப்பட்ட ஜாதகருக்கு  துல்லியமான பலாபலன்களை காண வழிவகுக்கும், நவகிரகங்களின் ஆதிக்கம்  என்பது பொதுவானது, இது அனைவருக்கும்  சரிநிகர் ஜீவகாந்த சக்தியை வழங்கும் தன்மை கொண்டதாகும், சுய ஜாதகத்தில் வலிமை பெற்ற பாவகங்கள் நவகிரகங்களின் ஜீவகாந்த சக்தியை சுவீகரித்து ஜாதகருக்கு யோகங்களையும், சுய ஜாதகத்தில் வலிமை அற்ற பாவகங்கள்  நவகிரகங்களின் ஜீவகாந்த சக்தியை  சுவீகரிக்க வலிமை அற்று அவயோக பலன்களை நடைமுறைப்படுத்தும் என்பதால், நமது சுய ஜாதகத்தில் பாவகங்களின் வலிமை பற்றி ஓர் தெளிவான விளக்கம் பெற்று இருப்பது நமது வாழ்க்கையை சிறப்பாக அமைத்துக்கொள்ள உதவும்.

வாழ்க வளமுடன் 
ஜோதிடன் வர்ஷன் 
9443355696

ராகு மஹா திசை வழங்கும் ராஜயோக பலன்களும் ! பாத ஸ்தான பாதிப்புகளும் !

சுய ஜாதக பலாபலன்கள்

லக்கினம் : மீனம் 

ராசி : மேஷம் 

நட்ஷத்திரம் : பரணி 3ம் பாதம்

ஜாதகத்தில் பாவக தொடர்புகள் :

1,7,10ம் வீடுகள் சுக ஸ்தானமான 4ம் பாவகத்துடன் சம்பந்தம் பெறுவது ஜாதகருக்கு லக்கின பாவகத்தில் இருந்து பெரும் புகழ் மிக்க பொறுப்புகளை வாரி வழங்கும், மிதம் மிஞ்சிய ஜீவன மேன்மையையும், தொழில் ரீதியான சிறந்த ஞானத்தையும் வாரி வழங்கும், தெய்வீக அனுக்கிரகம் மூலம் நல்ல வேலை வாய்ப்பில் சிறப்பான பொருளாதார முன்னேற்றங்களை நல்கும், நீண்ட ஆயுள், நல்ல ஆரோக்கியம், சிறந்த மனவலிமை ஆகியவை ஜாதகருக்கு வாழ்நாள் முழுவதும் சிறப்பாக அமைந்து இருக்கும், ஜாதகருக்கு வரும் எதிர்ப்புகள் அனைத்தையும் களைந்து வெற்றிநடை போடும் யோகம் உண்டாகும், வளரும் சூழ்நிலையில் சிறப்புகளையும், கவுரவம் குறையாத யோக வாழ்க்கையையும் ஜாதகருக்கு லக்கின பாவகம் வாரி வழங்கும், வருமுன் உணர்ந்து செயலாற்றும் யோகம் ஜாதகருக்கு உண்டு.

7ம் பாவக வழியில் இருந்து ஜாதகருக்கு நல்ல வாழ்க்கை துணை அமையும், மனைவி வழியிலான யோகங்களை பரிபூர்ணமாக அனுபவிக்கும் வல்லமை கொண்டவர் என்பதில் மாற்று கருத்து இல்லை, நல்ல நண்பர்கள் மற்றும் கூட்டாளிகள் வழியிலான யோகங்களை ஜாதகர் பரிபூர்ணமாக பெறுவார் என்பதில் மாற்று கருத்து இல்லை, குறிப்பாக ஜாதகருக்கு வெளியூர் அல்லது வெளிநாடுகளில் இருந்துவரும் வருமான வாய்ப்புகள் மிகவும் அபரிவிதமானதா அமைந்து இருக்கும் என்பது கவனிக்கத்தக்க சிறப்பு அம்சமாகும், ஜாதகரின் உழைப்பிற்கு மேலான வருமானம் தேடிவரும், வேற்று மதத்தினர், வேற்று இனத்தினர் மூலம் ஜாதகர் பெரும் நன்மைகளை அளவிட இயலாது என்பது வரவேற்கத்தக்க சிறப்பு அமசமாகும், ஜாதகர் செய்யும் கூட்டு முயற்சிகள் அல்லது வியாபாரம் பெரும் லாபங்களை வாரி வழங்கும், மனதிற்கு இனிய வாழ்க்கை துணையுடன், எதிர்காலத்தை ஜாதகர் நம்பிக்கையுடன்  எதிர்கொண்டு வெற்றிகரமாக வாழாலாம், திருமணத்திற்கு  பிறகான முன்னேற்றம் என்பது ஜாதகருக்கு பரிபூர்ணமாக அமையும், சிறந்த தொழில் மற்றும் பொருளாதார முன்னேற்றம் பரிபூர்ணமாக அமையும்.

10ம் பாவக வழியில் சிறந்த தொழில் வாய்ப்புகளையும், சிறந்த வேலை வாய்ப்புகளையும் ஜாதகர் தன்னிறைவாக பெறுவார், எதிர்பாராத வருமான உயர்வையும், கவுரவம் மிக்க பதவிகளையும் ஜாதகர் குறுக்கியகாலத்தில்  பெறுவார், வெளிநாடுகளில் பணியாற்றும் யோகமும் அதன் வழியிலான பொருளாதர தன்னிறைவு ஜாதகருக்கு பரிபூர்ணமாக அமையும், ஏற்றுமதி இறக்குமதி  தொழில்களில் சிறந்து விளங்கும் தன்மையை தரும், தனது சுய உழைப்பின் மூலம் வாழ்க்கையில் முன்னேற்றம் பெரும் நபராக ஜாதகர் விளங்குவார், தடைகளை தகர்த்து வெற்றிநடை போடும் யோகம் உண்டு என்பதுடன், ஜாதகர் முயற்சிக்கும் எந்த ஒரு காரியங்களும் நல்ல  வெற்றிகளை தரும், ஜீவன ஸ்தானம் உபய நெருப்பு ராசி என்பதால், தொழில் நுட்பம் மற்றும் நுண்ணறிவு சார்ந்த விஷயங்களில் அபரிவித முன்னேற்றங்களை நல்கும், பரிபூர்ண தொழில் வெற்றிகளை ஜாதகருக்கு தொடர்ந்து வாரி வழங்கும்  என்பதால் ஜாதகர் ஜீவன ஸ்தான வழியில் இருந்து 100% விகித நன்மைகளை பெறுவார்.

2,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெறுவது ஜாதகருக்கு மேற்கண்ட பாவக வழியில் இருந்து 100% விகித நன்மைகளை வாரி வழங்கும், சுய ஜாதகத்திலே மிகவும் வலிமையுள்ள பாவக தொடர்பாக இதனை கருதலாம், 2ம் பாவக வழியில் இருந்து ஜாதகர் அளவுக்கு அதிகமான வருமானம் வந்து சேரும், குறைந்த முதலீடுகளில் அதிக லாபத்தை தரும், இனிமையான  பேச்சு திறன் ஜாதகருக்கு மீதம் மிஞ்சிய நன்மைகளை வாரிவழங்கும், கை நிறைவான வருமானம் ஜாதகருக்கு திடீரென தேடிவரும் வாய்ப்பு அதிகம் உள்ளது, ஜாதகர் முறையான நிதி மேலாண்மை கொண்டவராக திகழ்வது, ஜாதகரின் பொருளாதர தன்னிறைவை பெற குறுகிய காலத்தில்  வழிவகை செய்யும், தனக்கு வரும் எதிர்ப்புகள் அனைத்தையும் தனது பேச்சு திறனால் தனக்கு சாதகமாக மாற்றும் வல்லமையை தரும், வாழ்நாள் முழுவதுமான வருமானம் ஜாதகர் தொடர்ந்து வரும் என்பது கவனிக்கத்தக்க சிறப்பு அம்சமாகும் மேலும் ஜாதகருக்கு திருமணத்திற்கு பிறகான வளர்ச்சி மிகவும் அபரிவிதமானதாக அமையும்.

11ம் பாவக வழியில் இருந்து ஜாதகருக்கு நல்ல குணமும், ஒழுக்கம் நிறைந்த நடவடிக்கையும் பெரும் அதிர்ஷ்டங்களை வாரி வழங்கும், நல்ல நண்பர்கள் அவர்கள் வழியிலான முன்னேற்றம், தன்னம்பிக்கை மற்றும் மனதைரியம், தெளிவான சிந்தனை, எடுக்கும் முயற்சிகளில் இருந்து வரும் வெற்றி வாய்ப்பு, உண்மையை மதித்தல், தேடிய விஷயங்கள் ஜாதகருக்கு பரிபூர்ணமாக அமையும் தன்மை, லட்சியங்களை அடையும் யோகம், முற்போக்கு சிந்தனை, அதிர்ஷ்டம் நிறைந்த யோக வாழ்க்கை என ஜாதகருக்கு லாப ஸ்தானம் தொடந்து நன்மைகளை வாரி வழங்கி கொண்டே இருக்கும், திட்டமிட்டு செயல்படும் வல்லமை ஜாதகருக்கு அதிகம் உண்டு, எதையும் ஏற்றுக்கொள்ளும் மனநிலையை ஜாதகருக்கு அடிப்படையிலேயே 11ம் பாவகம் வாரி வழங்கி இருக்கும் என்பது  கவனிக்கத்தக்கது, எதிர்பார்த்த எதிர்பாராத யோகங்களை ஜாதகர் பெறுவார் என்பது கவனிக்கத்தக்கது, தனது வாழ்க்கையை மிக சிறப்பாக திட்டமிட்டு நடத்தி செல்லும் வல்லமை ஜாதகருக்கு நிச்சயம் உண்டு.

3,4ம் வீடுகள் பாதக ஸ்தானமான 7ம் பாவகத்துடன் சம்பந்தம் பெறுவது ஜாதகருக்கு 3ம் பாவக வழியில் இருந்து மிகுந்த பயத்தையும், முயற்சியின்மையையும் அதிகரிக்கும், ஜாதகரின் உறுதியில்லாத தன்மை வரும் யோக பலன்கள் யாவையும் தடுத்து நிறுத்தும், வீண் மன பயம் ஜாதகரை வெகுவான காரிய வெற்றிகளுக்கு பெரும் தடையாக விளங்கும், மெய் பொருள் காணாது வாழ்க்கையில் மற்றவர்கள் கூறும் கருத்தை கேட்டு பெரும் தோல்விகளை ஜாதகர் சந்திக்க கூடும், தன்னுள்  உள்ள சுய  வலிமையை உணராமல் பல காலம் ஜீவிக்கும் தன்மையை தரும், ஜாதகரை மற்றவர்கள் வெகுவாக பயன்படுத்திக்கொள்ள கூடும் என்பதால், மிகுந்த விழிப்புணர்வுடன் இருப்பது நல்லது, விடாமுயற்சியுடன் போராடுவதே ஜாதகருக்கு பரிபூர்ண நன்மைகளை வாரி வழங்கும், கவன சிதறல்களும், ஞாபகம் இன்மையும் ஜாதகரின் தோல்விகளுக்கு காரணமாக அமையும், எனினும் முறையான பயிற்சியும், பரிகாரமும் ஜாதகருக்கு தெளிவான யோக வாழ்க்கையை வாரி வழக்கும், சகோதர வழி ஆதரவு ஜாதகருக்கு அமைவது மிக மிக அரிதானதாக அமையும், சீரிய நல்ல நோக்கங்கள் ஜாதகரின் மனஉறுதி இன்மையால் வெகுவாக பாதிக்கப்படும், வீரியமிக்க செயல்திறன் ஜாதகருக்கு மிக அரிதாகவே அமையும் என்பதால், சரியான தீர்வுகளை ஜாதகர் தேடுவது சகல சௌபாக்கியத்தையும் நல்கும்.

4ம் பாவக வழியில் இருந்து ஜாதகருக்கு வரும் நல்ல சுகபோகங்கள் யாவும் மற்றவர்களால் தட்டிப்பறிக்கப்படும், குறிப்பாக ஜாதகர் தனது பெயரில் உள்ள சொத்து சுகம், வண்டி வாகனம் மற்றும் இடம் பொருள்கள் யாவற்றையும் காப்பாற்றிக்கொள்ள வெகுபாடு படவேண்டி இருக்கும் என்பதால், தனது பெயரில் எந்த சொத்துக்களையும் வைத்துக்கொள்ளாமல் இருப்பதே மிகுந்த நன்மைகளை தரும், மற்றவர்களுக்கு கொடுக்கும் பொருட்கள் யாவும் திரும்பி வருவது மிக அரிதானதாக அமையும், வண்டி வாகனங்களில் ஜாதகர் மிகவும் கவனமாகவும், பாதுகாப்பாகவும் பயணம் மேற்கொள்வது சகல நன்மைகளையும் தரும், மற்றவர்கள் விஷயங்களில் ஜாதகர் தலையீடு செய்யாமல் இருப்பதே மிகுந்த நன்மைகளை தரும், குடியிருக்க நல்ல இருப்பிடம் அமையாது என்பதால், சுய ஜாதகத்தில் வலிமை மிக்க பாவக தொடர்பிலான திசை குறிக்கும் வாயிற்படி கொண்ட வீடுகளில் ஜாதகர் ஜீவனம் செய்வது சகல சௌபாக்கியங்களையும் நல்கும்.

5,8ம் வீடுகள் பூர்வ புண்ணிய ஸ்தானமான 5ம் பாவகத்துடன் சம்பந்தம் பெறுவது ஜாதகருக்கு  5ம் பாவக வழியில் இருந்து நல்ல அறிவு திறனை வாரி வழங்கும், சமயோசித புத்திசாலித்தனமும், சிறந்த அறிவு திறனும்ஜாதகரின்  வாழ்க்கையில் கணிக்க இயலாத சுகபோகங்களை வாரி வழங்கும், தனது தொழில் வழியிலான முன்னேற்றங்களை ஜாதகர் பரிபூர்ணமாக பெறுவார் என்பதுடன், தனது புத்திகூர்மை கொண்டு செய்யும் தொழிலில் குறுகிய காலத்தில் பெரும் முன்னேற்றத்தை அடைவார், குலா தெய்வத்தின் ஆசியும், இறை அருளின் கருணையும் ஜாதகருக்கு சிறப்பான நன்மைகளை வாரி வழங்கும், ஜாதகருக்கு நல்ல வாரிசுகள் அமையும், என்பதுடன் அவர்கள் வழியிலான முன்னேற்றம் மிகவும் அபரிவிதமானதா அமையும், ஜாதகர் கற்ற கல்வி எப்பொழுதும் ஜாதகருக்கு மிகுந்த உறுதுணையாக அமைவதுடன் ஆராய்ச்சி புதிய கண்டு பிடிப்புகள் மூலம் பெரும் செல்வந்தன் ஆவதற்கான வாய்ப்புகளை வாரி வழங்கும், எந்த சூழ்நிலையையும் ஜாதகர் சமாளித்து முன்னுக்கு  வருவார், சுய ஜாதகத்தில் பூர்வபுண்ணியம் வலிமை பெற்று இருப்பது ஜாதகருக்கு சிறந்த யோக வாழ்க்கையை வாரி வழங்கும்.

8ம் பாவக வழியில் இருந்து குழந்தைகளால் லாபமும் அதிர்ஷ்டமும் உண்டாகும், திடீர் அதிர்ஷ்டம் மூலம் ஜாதகர் பெரும் சொத்து சுக சேர்க்கையை பெறுவார், நீண்ட ஆயுள் உண்டாகும், ஜாதகர் ஆயுள் காப்பீடு, இன்சூரன்ஜ் போனஸ், கிராஜுவிட்டி மூலம் அபரிவிதமான பொருளாதார முன்னேற்றங்கள் உண்டாகும், மருத்துவ உபகரணம் மற்றும் மருந்து பொருட்கள் மூலம் ஜாதகர் நிறைவான வருமான வாய்ப்புகளை பெறுவார், ஏமாற்றங்கள் அனைத்தும் ஜாதகருக்கு பரிபூர்ண நன்மைகளையும் யோகத்தையும் வாரி வழங்கும், தனது வாழ்க்கை துணையின் அறிவும் பொருளாதர உதவிகளும் ஜாதகரின் வாழ்க்கையில் வியக்கத்தக்க மாற்றங்களை வாரி வழங்கும்.

6,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெறுவது ஜாதகருக்கு 6ம் பாவக வழியில் இருந்து எதிர்ப்புகள் வழியில் இருந்து நன்மைகளை பெரும் யோகத்தை தரும், எதிரிகளும் நண்பர்கள் ஆவார்கள் தெளிவான செயல்பாடுகள் மூலம் வாழ்க்கையில் அனைவரிடமும் நற்பெயர் எடுக்கும் வல்லமையை தரும் மற்றவர்கள் தனம் ஜாதகருக்கு பயனுள்ளதாக விளங்கும் வருமானம் ஜாதகருக்கு தொடர்ந்து வந்துகொண்டே இருக்கும் என்பதுடன் குறுகியகால அதிர்ஷ்டங்கள் ஜாதகருக்கு நிதி பற்றாக்குறையை நிவர்த்தி செய்யும், அனைவரிடமும் பகைமை பாராட்டாமல் இருப்பது ஜாதகருக்கு பெருத்த நன்மைகளை வாரி வழங்கும், நோய் எதிர்ப்பு சக்தி அதிகரிப்பதால் உடல் துன்பங்கள் வெகுவாக குறையும், பெரியோர் ஆசி ஜாதகருக்கு வரும் இன்னல்களை தவிர்க்க உதவும்.

9ம் பாவக வழியில் இருந்து ஜாதகருக்கு சமூகத்தில் பெரிய மனிதர்கள் உதவிகளை பெற்று தரும், ஆன்மீக பெரியோர்களின் ஆசி ஜாதகரின்  வளர்ச்சியை வெகுவாக அதிகரிக்கும், நற்பெயரும் பாராட்டுகளும் ஜாதகருக்கு தேடி வரும், பழமை மிக்க புராதான பொருட்கள் அதிக அளவில் தேடிவரும்  வாய்ப்பு உள்ளது, சந்தர்ப்பங்களும் சூழ்நிலைகளும் ஜாதகரனுக்கு பேருதவிகளை வாரி வழங்கும், சிறந்த அறிவாளிகவும், ஒழுக்கம் நிறைந்த பண்பாளராகவும் ஜாதகர் வாழ்நாள் முழுவது இயங்குவார், பித்ருக்கள் ஆசி  ஜாதகருக்கு எதிர்பாராத நன்மைகளை வாரி வழங்கும், தெய்வீக அனுகூலம் உண்டாகும், இடமாற்றம் மற்றும் சூழ்நிலை மாற்றத்தில் அதீத ஆர்வம் உண்டாகும், சிறந்த அறிவாளியாக திகழ்வார்.

12ம் வீடு ஜீவன ஸ்தானமான 10ம் பாவகத்துடன் சம்பந்தம் பெறுவது ஜாதகருக்கு எதிரிகளின் சூழ்ச்சியே சாதகமாக மாறும், சூழ்ச்சிகள் அனைத்தும் ஜாதகருக்கு மிகுந்த நன்மைகளையும், சுபயோகங்களையும் வாரி வழங்கும், திடீர் பதவி உயர்வு ஜாதகரின் வாழ்க்கையில் வியக்கத்தக்க நல்ல மாற்றங்களை வாரி வழங்கும், தொழில் துறையில் எதிர்பாராத அதிர்ஷ்டம், செய்த முதலீடுகள் வழியிலான அதீத லாபம், எதிர்ப்புகளை களைந்து மிகப்பெரிய அதிர்ஷ்ட வாய்ப்புகளை ஜாதகர் தன்வசம் சுவீகரிக்க செய்யும், இல்லற வாழ்க்கையில் மகிழ்ச்சி பொங்கும், போதும் என்ற மனம் ஜாதகருக்கு பரிபூர்ணமாக சுபயோகங்களை நல்கும், தெய்வீக அனுபவமும், ஆன்மீக வெற்றியும் ஜாதகருக்கு பரிபூரண நன்மைகளை வாரி வழங்கும், சிறப்பு மிக்க எதிர்காலத்தை ஜாதகர் நிர்ணயம் செய்யும் வல்லமை உண்டாகும்.

நடைபெறும் செவ்வாய் திசை தரும் பலாபலன்கள் : ( 21/06/2012 முதல் 22/06/2019 வரை )

 5,8ம் வீடுகள் பூர்வபுண்ணிய ஸ்தானமான 5ம் பாவகத்துடன் சம்பந்தம் பெற்று 5,8ம் பாவக வழியில் இருந்து ஜாதகருக்கு பரிபூர்ண நன்மைகளை வழங்குவது வரவேற்கத்தக்க விஷயமாகும், குறிப்பாக ஜாதகரின் கல்வி ஞானம், இறை வழிபாட்டின் மூலம் சுபயோகம் பெரும் அமைப்பு, கற்ற கல்வி வழியிலான தொழில் வாய்ப்புகளை பெறுதல், தெய்வீக அனுக்கிரகம், தன்னம்பிக்கை மற்றும் மனோதைரியம் அதிகரிக்கும் தன்மை, மனதில் உள்ள எண்ணங்கள் யாவும் நிறைவேறும் தன்மை புதிய சிந்தனை, புதிய மாற்றங்களை நோக்கி ஜாதகர் பயணிக்கும் வல்லமை என சிறப்பான நன்மைகளை வாரி வழங்கும், 8ம் பாவக வழியில் இருந்து எதிர்பார்த்த வாய்ப்புகள் ஜாதகருக்கு பரிபூர்ணமாக கிடைக்கும், வெளியூர் அல்லது வெளிநாடுகளில் இருந்து வரும் செல்வாக்கு அதிகரிக்கும், நிறைவான தானசேர்க்கை ஜாதகருக்கு தேடிவரும், தன்னம்பிக்கையும் மனோ தைரியமும் அதிகரிக்க நிறைய வாய்ப்புகள் உண்டு, நீண்ட ஆயுள், நல்ல ஆரோக்கியம் ஜாதகருக்கு சீரிய முன்னேற்றங்களை வாரி வழங்கும், கல்வி, வேலை, திருமணம் மற்றும் குழந்தை பாக்கியம் யாவும்  ஜாதகருக்கு படிப்படியாக அமையவரும் என்பது வரவேற்கத்தக்க சிறப்பு அம்சமாகும், தற்போழுது செவ்வாய் திசையில் சூரியன் புத்தி ஜாதகருக்கு களத்திர பாவக வழியில் இருந்து வெளிநாடுகளில் யோக வாழ்க்கையும், நண்பர்கள், கூட்டாளிகள் மூலம் அபரிவித வளர்ச்சியும், வாழ்க்கை துணை வழியிலான சுபயோகங்களையும் பெறுவார், எதிர்வரும் சந்திரன் புத்தி ஜாதகருக்கு தொழில் வழியிலான திடீர் அதிர்ஷ்டங்களையும், பெரும் பதவிகளையும் தரக்கூடும், செய்தொழில் வழியிலான முன்னேற்றம் ஜாதகருக்கு அபரிவித யோகங்களை வாரி வழங்கும் என்பது கவனிக்கத்தக்கது.

எதிர் வரும் ராகு திசை தரும் பலாபலன்கள் : ( 22/06/2019 முதல் 22/06/2037 வரை )

 2,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்று சுபயோக பலாபலன்களை, முழுவீச்சில் வாரி வழங்கும் யோக காலமாக ராகு மஹா திசையை கருதலாம், ராகு தனது திசையில் மிதம்மிஞ்சிய அதிர்ஷ்டத்தையும், அளவில்லா பொருளாதர வளர்ச்சியையும் தரும் என்பதனை " ஜோதிடதீபம் " கட்டியம் கூறுவதுடன், எதிர்கால வாழ்க்கையை சிறப்பாக எதிர்கொள்ள ஆலோசனையும் வழங்குகிறது, ஜாதகரின் லாப ஸ்தானம் என்பது கால புருஷ தத்துவ அமைப்பிற்கு 10ம் வீடாகவும், சர மண் தத்துவ அமைப்பிலும் இயங்குவதால் ஜாதகருக்கு 100% விகித யோகங்களை வாரி வழங்கும், நிறைவான வருமானம், செல்வ செழிப்பு, இனிமையான குடும்ப வாழ்க்கை, தன்னிறைவான பொருளாதார வசதி வாய்ப்புகள், பொது வாழ்க்கையில் வெற்றி என மிகுந்த நன்மைகளையும், லாப ஸ்தான வழியில் இருந்து நீடித்த அதிர்ஷ்டங்களையும், நல்ல குணம் மூலம் மக்கள் செல்வாக்கினையும், தெளிவான சிந்தனை மூலம் புதிய வாய்ப்புகள் மற்றும் புதுவித கண்டுபிடிப்புகள் மூலம் பெரும் செல்வ சேர்க்கையையும் தொடர்ந்து பெரும் யோகத்தை நல்கும், தோல்விகள் அற்ற வெற்றிகரமான யோக வாழ்க்கையை "ராகு மகா திசை" ஜாதகருக்கு வாரி வழங்க காத்துகொண்டு இருப்பது வரவேற்கத்தக்க சிறப்பு அம்சமாகும்.

எனவே ஜாதகர் தனது வாழ்க்கையில் ராகு திசை காலத்தில் சுபயோகங்களை அனுபவிக்க தடையேதும் இல்லை என்பதனை ஜோதிடதீபம் வாழ்த்துக்களுடன் உறுதிகூறுகிறது.

பரிகாரம் :

1) சனி மற்றும் சுக்கிர பகவானுக்கு பீரிதி பரிகாரங்களை மேற்கொண்டு நலம் பெறுவது அவசியமாகிறது.
2) தாய் மற்றும் சகோதர வழியிலான பாதிப்புகளை ஜாதகர் சுவீகரித்து, தனது வாழ்க்கையில் தைரியம்,வண்டி வாகன யோகங்களை பெறுவது சிறப்புகளை நல்கும்.
3) திருவெண்காடு சென்று முக்குண நீராடி நலம் பெறுக.
4) பழனி வருடம் ஒருமுறை சென்று " ராஜஅலங்கார " தரிசனம் செய்வது சகல சௌபாக்கியங்களையும் வாரி வழங்கும்.
5) சூரிய நமஸ்காரம் மற்றும் தீட்சை பெறுவது ஜாதகரின் வாழ்க்கையில் சகல சுகபோகங்களையும் நல்கும்.

வாழ்க வளமுடன்
ஜோதிடன் வர்ஷன்
9443355696

தொழில், திருமணம் அமைவது எப்பொழுது ? சுய ஜாதகத்தில் உள்ள யோக அவயோகங்கள் பற்றி விளக்கம் தருக ?

தொழில் ( வேலை ) இதுவரை சரியாக அமையவில்லை, திருமணமும் நடைபெறவில்லை, எதிர்காலம் எப்படி இருக்கும், எனது ஜாதகம் பற்றிய ( லக்கினம் முதல் 12 வீடுகள் பற்றி ) முழு விபரமும் தெளிவாக விளக்கம் தர வேண்டுகிறேன், எதிர்கால வாழ்க்கையை சிறப்பாக அமைத்துக்கொள்ள, தங்களின் அறிவுரையையும் எதிர்பார்க்கிறேன், " நன்றி "

ஒருவரது சுய ஜாதக பலாபலன் பற்றி தெளிவு பெற 3 வழிமுறையை பின்பற்றினால் ஜாதகருக்கான துல்லியமான பலாபலன்களை மிக சரியாக தெளிவு படுத்த இயலும், அதுபற்றி இன்றை பதிவில் சிந்தனைக்கு எடுத்துக்கொள்வோம் அன்பர்களே !

1) ஜாதகரின் பிறந்த தேதி,நேரம் மற்றும் இடம் ஆகிவற்றை அடிப்படையாக கொண்டு கணிதம் செய்யப்படும் சுய ஜாதகத்தில் லக்கினம் முதல் பனிரெண்டு பாவகங்களின் வலிமையை பற்றி தெளிவு பெறுவது மிக அவசியமானது.

2) ஜாதகரின் சுய ஜாதகத்தில் லக்கினம் முதல் பனிரெண்டு பாவகங்களின் வலிமை பெற்ற பாவகங்கள் எது? வலிமை அற்ற பாவகங்கள் எது ? அதன் வழியில் இருந்து ஜாதகர் பெரும் நன்மை தீமை பற்றி தெளிவு பெறுவது மிக அவசியமானது.

3) ஜாதகருக்கு தற்போழுது, எதிர்வரும் திசாபுத்திகள் ஏற்று நடத்தும் பாவக தொடர்புகள் என்ன ? அவை வலிமை பெற்ற பாவக தொடர்பை பெற்று யோக பலன்களை தருகின்றதா? வலிமை அற்ற பாவக தொடர்பை பெற்று அவயோக பலன்களை தருகின்றதா ? என்பது பற்றி தெளிவு பெறுவது மிக அவசியமானது, மேலும் திசா புத்திகள் பாவக தொடர்புகளுக்கு, கோட்சார கிரகங்கள் தரும் வலிமை, வலிமை அற்ற தன்மை பற்றி தெளிவு பெறுவதும்  மிக மிக அவசியமானது.

மேற்கண்ட மூன்று விதிகளை கையாள்வதன் மூலமே, நாம் சுய ஜாதக பலாபலன்களை பற்றி 100% விகிதம் தெளிவு பெற உதவி புரியும்.

ஜாதக பலாபலன்கள் 

லக்கினம் : கடகம் 

ராசி : கடகம் 

நட்ஷத்திரம் : ஆயில்யம் 1ம் பாதம் 

ஜாதகத்தில் வலிமை பெற்றுள்ள பாவக தொடர்புகள் :

1,5,7,11ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெறுவது ஜாதகருக்கு லக்கின பாவக வழியில் இருந்து தந்தையின் ஆதரவு மற்றும் நேசம் கிட்டும், நீண்ட தூர பயணங்கள் மூலம் லாபம் உண்டாகும், மனோ தத்துவம் மற்றும் தெய்வீக அனுபவம் உண்டாகும், மதம் ஞானம் போன்ற விஷயங்களில் தேர்ச்சி உண்டு, நல்ல தெளிந்த அறிவு திறன் மூலம் சகல சௌபாக்கியங்களையும் பெரும் யோகம் உண்டாகும், தனது வாழ்க்கை துணையின் சகோதரர் வழியிலான நன்மைகளை ஜாதகர் பரிபூர்ணமாக பெரும் வல்லமையை தரும்.

5ம் பாவக வழியில் இருந்து ஜாதகரின் ஆரோக்கியம் மேம்படும், ஸ்திரமான மனவலிமை மூலம் சகல காரியங்களிலும் வெற்றி பெரும் யோகம் உண்டு, எடுக்கும் முடிவுகள் விரைவானதாகவும், சரியானதாகவும் அமையும், அதிபுத்திசாலித்தனம் ஜாதகருக்கு பல நேரங்களில் கைகொடுக்கும், ஆராய்ச்சி மனப்பான்மை ஜாதகரின் வெற்றியை அதிகரிக்கும், நல்ல பழக்க வழக்கங்கள் மூலம் ஜாதகர் அனைவரிடமும் நற்பெயர் எடுக்கும் யோகம் உண்டு, அமைதியும் மகிழ்ச்சியும் ஜாதகரின் வெற்றிக்கு உறுதுணையாக அமையும், சமாதானம் மற்றும் பெருந்தன்மை ஜாதகரின் வாழ்க்கையில் சகல சௌபாக்கியங்களையும் வாரி வழங்கும்.

7ம் பாவாக வழியில் இருந்து ஜாதகர் மனைவியுடன் நல்ல இணக்கமான சூழ்நிலையை பெறுவதற்கான வாய்ப்பை தரும், வாழ்க்கை துணையின் கல்வி அறிவு ஜாதகரின் முன்னேற்றத்திற்கு பேருதவியாக அமையும், கூட்டு தொழில் வழியில் இருந்து சகல சௌபாக்கியங்களும் கிட்டும், கூட்டாளிகளுக்கு நல்ல லாபத்தை தரும், பலதிருத்தலங்களுக்கு கூட்டாக சென்று வரும் யோகம் உண்டு, வணிகம் மற்றும் வியாபர துறையில் நல்ல அறிவும், பல புதிய யுக்தியை கடைபிடிக்கும் யோகமும் உண்டு, வெளியூர் வெளிநாடுகளில் இருந்து சிறப்பான முன்னேற்றம் உண்டாகும்.

11ம் பாவக வழியில் இருந்து ஜாதகருக்கு சிறந்த நல்லறிவை இயற்கையாகவே பெறுவதற்கான வாய்ப்புகள் வந்து சேரும், தனது பேச்சு எழுத்து மூலம் மிகப்பெரிய நன்மைகளை ஜாதகர் பெறுவதற்கான வாய்ப்பு உண்டு , தன்னம்பிக்கையும், மனோதைரியமும் மிதமிஞ்சிய அளவில் ஜாதகருக்கு கைகொடுக்கும், அதிர்ஷ்ட வாய்ப்புகளை ஜாதகர் தவறவிடாமல் கைப்பற்றி நலம் பெறுவது அவசியமாகிறது, வியாபரத்துறையில் நல்ல லாபம் சம்பாதிப்பதற்கான வாய்ப்புகள் உண்டு, பெற்றோர் மற்றும் பாரம்பரிய தொழில்கள் வழியில் இருந்து சிறப்பான முன்னேற்றங்கள் உண்டாகும், ஜாதகரின்  புதிய முயற்சிகள் யாவும் மிகப்பெரிய வெற்றியை தரும்.

2ம் வீடு குடும்ப ஸ்தானமான 2ம் பாவகத்துடன் சம்பந்தம் பெறுவது ஜாதகருக்கு அளவற்ற வருமானத்தை வாரி வழங்கும், மிதம்மிஞ்சிய செல்வாக்கு, தன்னிறைவான பொருளாதார வசதி வாய்ப்பு, குடும்ப ஒற்றுமை, குடும்பத்தி மகிழ்ச்சி, அறுசுவை உணவு, இனிமையான பேச்சு திறன், வருமானம் சார்ந்த உதவிகள், கடின உழைப்பிற்கான ஊதியம் உடனே கிடைத்தால், குடும்ப வாழ்க்கையில் சுபயோகம், வாழ்க்கை துணை வழியிலான வருமான உதவி மற்றும் பரிபூர்ண ஆதரவு, பேச்சை முதலீடாக கொண்டு செய்யும் தொழில் வழியிலான அதீத வருமானம் என ஜாதகருக்கு 2ம் பாவக வழியில் இருந்து சகல சௌபாக்கியங்களும் உண்டாகும்.

3ம் வீடு வீரிய ஸ்தானமான 3ம் பாவகத்துடன் சம்பந்தம் பெறுவது ஜாதகருக்கு  மிகுந்த செல்வ செழிப்பை தரும், ஜாதகரின் எதிரிகளை மிக எளிதாக எதிர்கொண்டு வெற்றிபெறும் யோகம் உண்டு, ஸ்திரமான நல்ல மனநிலையை தரும், சிறந்த சிந்தனை மூலம் வாழ்க்கையில் ஜாதகர் சகல சௌபாக்கியங்களையும் பெரும் யோகம் உண்டு, உண்மை மற்றும் சத்தியத்தை மதிக்கும் யோகம் உண்டு, விளையாட்டு வீர சாகச நிகழ்வுகளில் அதீத ஆர்வம் உண்டாகும், மன தைரியம் சிறப்பான வெற்றிகளை நல்கும், பயணம் மூலம் லாபமும் முன்னேற்றமும் உண்டாகும், கற்ற கல்வியின் மூலம் சிறப்பு உண்டு, புதிய மாற்றங்கள் ஜாதகருக்கு சகல சௌபாக்கியத்தை தரும், ஏஜென்சி எடுத்து செய்யும் வியாபாரங்கள் யாவும் ஜாதகருக்கு வெற்றி மேல் வெற்றியை தரும் வருமானம் என்பது அளவில்லாமல் கிடைக்கும், சகல எதிர்ப்புகளையும் சமாளித்து பரிபூர்ண வெற்றியை பெறுவதற்கான வாய்ப்புகளை வாரி வழங்கும்.

குறிப்பு :

 ஜாதகருக்கு சுய ஜாதகத்தில் மேற்கண்ட 6 பாவகங்கள் மிக மிக வலிமையுடன் இருந்த போதிலும், தொழில் மற்றும்  திருமணம் இதுவரை ஏன்? கைகூடி வரவில்லை என்பதனை அடுத்த பதிவில் சிந்திப்போம் அன்பர்களே ! ஜாதகருக்கு 23/07/2001 தேதி முதல் தற்போழுது வரை சுகம் மற்றும் பாக்கிய ஸ்தான  அதிபதி சுக்கிரன் திசை நடைமுறையில் இருந்தும், தொழில் திருமணம் ஏன் தாமதம் ஆகிறது என்பதனையும் அடுத்த பதிவில் விளக்கமாக பார்ப்போம் .

வாழ்க வளமுடன்
ஜோதிடன் வர்ஷன்
9443355696

தொழில் ஸ்தானம் பெரும் வலிமை, ஜாதகர் பெரும் ராஜயோக பலாபலன்கள் !

  தனக்கு உகந்த தொழில் அமைப்பினை சுய ஜாதக வலிமையின் அடிப்படையில் அமைத்துக்கொள்ளும் பொழுது, ஜாதகரின் முன்னேற்றம் என்பது மிகவும் அபரிவிதமானதாக அமையும் என்பது உறுதி செய்யப்பட்ட விஷயமாகும், பரபரப்பான இந்த உலகத்தில் நேர விரையம் என்பது நமது வாழ்க்கையில் நமக்கு வரும் அதிர்ஷ்டங்களை தவறவிட செய்யும் தன்மையை பெற்றது, எனவே நமது சுய ஜாதக வலிமையை பற்றிய ஓர் தெளிவுடன் நமது வாழ்க்கையை எதிர்கொள்வோம் எனில், நமக்கு வரும் வாய்ப்புகளையும், அதிர்ஷ்டங்களையும், நாமே சுவீகரிக்கும் வல்லமையை தந்து விடும்.

 தனது வாழ்க்கையில் சுய ஜாதக வலிமையின் அடிப்படையில் பெறக்கூடிய விஷயங்களை அறிந்திறாத பொழுது நமது நோக்கமும் லட்சியமும் வெகுவாக உடையும், உதாரணமாக நமக்கு பொருத்தமான தொழில் எதுவென்று நிர்ணயம் செய்வதில் குழப்பம் ஏற்படுமாயின், நாம் வெகுவாக நேர விரையத்தை சந்திக்கும் நிலையை தருவதுடன் சுய முன்னேற்றம் என்பதும் கடுமையாக பாதிக்கப்படும், சுய ஜாதகத்தில் உள்ள ஜீவன ஸ்தான வலிமை மற்ற பாவகங்கள் பெரும் வலிமையின் அடிப்படையில் ஓர் தொழிலை நாம் தேர்வு செய்தொம் எனில், செய்யும் தொழில் வழியிலான வெற்றி வாய்ப்புகளை எவராலும் தட்டிப்பறிக்க இயலாது, மேலும் தன்னிறைவான ஜீவன முன்னேற்றம் என்பது மிகவும் சிறப்பாக அமையும், இதை கீழ்கண்ட உதாரண ஜாதகம் கொண்டு தெளிவு பெறுவோம்.

லக்கினம் : கன்னி
ராசி : மீனம்
நட்ஷத்திரம் : உத்திரட்டாதி 2ம் பாதம்

மேற்கண்ட ஜாதகர் ஓர் இளம் கோடீஸ்வரர் என்றால் நம்ப முடிகிறதா ? உங்களுக்கு , ஜாதகர் கேட்க வந்ததென்னவோ திருமணத்தை பற்றித்தான், ஆனால் அவரது ஜாதகத்தில் உள்ள பாவக வலிமையின் தன்மை இந்த பதிவினை எழுத தூண்டியது, ஜாதகர் ஓர் பட்டதாரி, கடந்த 3 வருடங்களுக்கு முன் ஓர் தொழிலை சிறு முதலீட்டில் துவங்குகிறார், துவங்கி குறிகிய காலத்தில் ஜாதகருக்கு வெற்றி மேல் வெற்றி, தொடர்ந்து தன்னிறைவான பொருளாதார வசதி வாய்ப்பை பெற ஆரம்பிக்கிறார், ஜாதகரின் தன்னம்பிக்கையுடனான கடின உழைப்பும், சுய ஜாதகத்தில் உள்ள பாவக வலிமையும் ஜாதகரை தொழில் ரீதியாக மிகவும் மதிப்பு மிக்க இடத்தில் அமரவைக்கிறது என்பது கவனிக்கத்தக்க சிறப்பு அம்சமாகும்.

 ஜாதகருக்கு 1,2,3,4,5,6,7,8,9,10,11,12 ஆகி அனைத்து வீடுகளும் லாப ஸ்தானமான 11ம் பாவகத்துடனே சம்பந்தம் பெறுவது ஜாதகர் பரிபூர்ண யோக ஜாதகம் பெற்றவர் என்பதை தெளிவுபடுத்துகிறது, சுய ஜாதகத்தில் வலிமை பெற்ற 5,9ம் வீடுகள் ஜாதகருக்கு  சிறந்த கல்வி அறிவையும், சமயோசித புத்திசாலித்தனத்துடன் கூடிய அறிவு திறனையும் வாரி வழங்கி இருப்பது கவனிக்கத்தக்க சிறப்பு அம்சமாகும், இது ஜாதகருக்கு சரியான கல்வி மற்றும் சரியான தொழில் அறிமுகத்தை உகந்த காலத்தில் வழங்கி இருக்கிறது, 1,4,7,10ம் வீடுகள் லாப ஸ்தானமான 11ம் பாவகத்துடனே சம்பந்தம் பெறுவது ஜாதகருக்கு  லக்கின வழியில் இருந்து நல்ல கல்வி வளரும் சூழ்நிலையில் சிறப்பு, சிறந்த உடல் மற்றும் மன நலம், புகழ் வெற்றி கீர்த்தி போன்ற யோகங்களையும், 4ம் பாவக வழியில் இருந்து தன்னிறைவான சுகபோக யோகம், சொகுசு வீடு வண்டி வாகனம், சொத்து சுக சேர்க்கை, நல்ல குணத்தை வழங்கி இருக்கிறது, 7ம் பாவக வழியில் இருந்து நல்ல நண்பர்கள், கூட்டாளிகள் மற்றும் மக்கள் ஆதரவு, கூட்டு தொழில் வழியில் இருந்து பெரும் சுபயோகம், வெளியூர் மற்றும் வெளிநாடுகளில் இருந்து வரும் தன்னிறைவான வருமான வாய்ப்புகள், சிறந்த வியாபர திறமை என மிகுந்த சுபயோகங்களை வாரி வழங்கி இருக்கிறது, 10ம் பாவக வழியில் இருந்து நல்ல தொழில் திறமை, தீர்க்கமான வாத திறமை, தன்னிறைவான பொருளாதார வசதி வாய்ப்புகள், செய்யும் தொழில் வழியில் இருந்து வரும் வெற்றிகள், சுய முன்னேற்றம், வியாபாரம் மூலம் விருத்தி என ஜாதகர் ஜீவன ஸ்தான வழியில் இருந்து 100% விகித நன்மைகளை பரிபூர்ணமாக அனுபவித்துக்கொண்டு இருப்பது கவனிக்கத்தக்கது.

6,8,12ம் வீடுகள் லாப ஸ்தானமான 11ம் பாவகத்துடனே சம்பந்தம் பெறுவது 6ம் பாவக  வழியில் இருந்து நினைத்த எண்ணம் நிறைவேறும் தன்மை, மிக எளிதான வெற்றி வாய்ப்புகள், அதீத புத்திகூர்மை மூலம் அதிர்ஷ்ட வாய்ப்புகளை பெரும் யோகம், கூலியாட்கள், வேலையாட்கள் மூலம் அபரிவித வளர்ச்சியுடன் கூடிய பொருளாதார முன்னேற்றம் என்ற வகையில் நன்மைகளை தந்துகொண்டு இருக்கின்றது, 8ம் பாவக வழியில் இருந்து லட்சியம் நிறைவேறும் தன்மை, போட்டி வழக்குகளில் வெற்றி, கூட்டு தொழில் மூலம் லாபம், நிறைவான மன நிலை, திடீர் அதிர்ஷ்டம் என்றவகையில் சிறப்புகளை வழங்கி உள்ளது, 12ம் பாவக வழியில் இருந்து நிறைய லாபம், முதலீடுகளில் இருந்து வரும் பெரும் செல்வம், வியாபாரத்தில் அதிரடி முன்னேற்றம், அதிர்ஷ்டத்துடன் கூடிய சுப விரையம் என்ற வகையில் நன்மைகளை வாரி வழங்கி உள்ளது.

2,3,11ம் வீடுகள் லாப ஸ்தானமான 11ம் பாவகத்துடனே சம்பந்தம் பெறுவது 2ம் பாவக வழியில் இருந்து தனது பேச்சு திறன் மூலம் சகல சௌபாக்கியங்களையும் பெரும் யோகத்தை தருவதுடன், சிறந்த வருமான வாய்ப்பையும் நல்கியுள்ளது, குடும்பத்தில் மகிழ்ச்சி, தெளிவான பேச்சு திறன் என ஜாதகருக்கு மேலும் நன்மைகளை தருவது கவனிக்கத்தக்கது, 3ம் பாவக வழியில் இருந்து ஜாதகர் மேற்கொள்ளும் விஷயங்கள் அனைத்திலும் வெற்றி மேல் வெற்றி, வீரியமிக்க செயல்பாடுகள், எண்ணத்தின் வலிமை, சிறந்த வியாபார யுக்தி, அதிக வாகன வசதி, விவசாயம் மற்றும் பண்ணை சார்ந்த தொழில் முன்னேற்றம், நிறைய சொத்து சுக சேர்க்கை, தர்ம சிந்தனை, ஜோதிடம் மற்றும் கணிதத்தில் விழிப்புணர்வு என்ற வகையில் சிறப்புகளை தருவதுடன், எதிர்வரும் திருமணத்திற்கு பிறகான அதீத அதிர்ஷ்டங்களை வாரி  வழங்கும், 11ம் பாவக வழியில் இருந்து ஜாதகர் மிகுந்த அதிர்ஷ்டசாலி, மேற்கொள்ளும் விஷயங்கள் அனைத்திலும் லாபத்தை தரும், மேலும் ஜாதகரின் நல்ல குணம் வாழ்க்கையில் சகல சம்பத்துக்களையும் வாரி வழங்கும்.

நடைபெறும் புதன் திசை ஜாதகருக்கு 10ம் வீடு லாப ஸ்தானமான 11ம் பாவகத்துடனே சம்பந்தம் பெற்று தனது திசையை தொழில் ஸ்தான வழியில் இருந்து சுபயோகங்களை நல்குவதுடன், எதிர்வரும் கேது திசை 9ம் வீடு லாப ஸ்தானமான 11ம் பாவகத்துடனே சம்பந்தம் பெற்று தொழில் வழியிலான நற்ப்பெயரை பெற்று  தரும், கேது திசைக்கு பிறகு வரும் சுக்கிரன் திசை ஜாதகருக்கு 1,3,5,7,9,11ம் வீடுகள் லாப ஸ்தானமான 11ம் பாவகத்துடனே சம்பந்தம் பெற்று சுக்கிரன் திசை முழுவதும் நன்மைகளை தருவது ஜாதகருக்கு மிகுந்த நன்மைகளை தரும்.

குறிப்பு :

 மேற்கண்ட ஜாதகருக்கு சுய ஜாதகத்தில் லக்கினம் முதல் பனிரெண்டு பாவகங்களும் வலிமை பெற்று இருப்பதால், முழு சுபயோகம் பெற்றவர் என்பதுடன் கிரகங்களினால் வரும் நன்மைகளை மட்டுமே ஜாதகர் எதிர்கொள்வார் என்பது கவனிக்கத்தக்கது, இவருக்கு பாதிப்பான பலாபலன்கள் ஏதும் நடைமுறைக்கு வாராது என்பது கவனிக்கத்தக்க சிறப்பு அம்சமாகும் வாழ்த்துக்கள் அன்பரே !

வாழ்க வளமுடன்
ஜோதிடன் வர்ஷன்
9443355696

சனி திசை ( எதிர் வரும் ) தரும் பலாபலன்களும், சுய ஜாதக வலிமையின்மையும்!

 

 சுய ஜாதகத்தில் லக்கினம் முதல் பனிரெண்டு பாவகங்கள் வலிமை பெறுவது சம்பந்தப்பட்ட ஜாதகரின் வாழ்க்கையில் சிறப்புகளை தரும்,  ஒருவேளை சுய ஜாதகத்தில் சில பாவகங்கள் பாதிக்கப்பட்டு இருப்பின், நடைமுறையில் அல்லது எதிர்வரும் திசா புத்திகள் பாதிக்கப்பட்ட பாவக பலனை ஏற்று நடத்தாமல் இருப்பது ஜாதகருக்கு சிறப்புகளை தரும், சுய ஜாதகத்தில் பாவகங்கள் பாதிக்கப்பட்டு இருந்தாலும் அதனால் வரும் இன்னல்களை ஜாதகர் சந்திக்காமல், திசாபுத்திகள் ஏற்று நடத்தும் வலிமை பெற்ற பாவக வழியிலான நன்மைகளை மட்டுமே ஜாதகர் பெறுவார் என்பது கவனிக்கத்தக்க சிறப்பு அம்சமாகும், கீழ்கண்ட ஜாதகருக்கு தற்போழுது நடைபெறும் குரு திசை ராகு புத்தி தரும் பலாபலன்கள் பற்றியும், எதிர்வரும் சனி திசை தரும் பலாபலன்கள் பற்றியும் இன்றை சிந்தனைக்கு எடுத்துக்கொள்வோம் அன்பர்களே !

லக்கினம் : மீனம் 

ராசி : ரிஷபம் 

நட்ஷத்திரம் : ரோகிணி 4ம் பாதம் 

ஜாதகருக்கு சுய ஜாதகத்தில் லக்கினம் உற்பட பல பாவகங்கள் வலிமையற்று காணப்பட்ட போதிலும், வலிமை பெற்ற பாவக பலனையே கடந்த ராகு திசை ஏற்று நடத்தியிருப்பது ஜாதகருக்கு சுபயோக பலன்களை வழங்கியதுடன், அதற்க்கு அடுத்து தற்போழுது நடைமுறையில் உள்ள குரு திசையை 2,5,8ம் வீடுகள் ஆயுள் ஸ்தானமான 8ம் பாவகத்துடன் சம்பந்தம் பெற்று இன்னல்களையும், 6,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று யோக பலன்களையும் வழங்கிக்கொண்டு இருக்கின்றது, ஜாதகர் குரு திசையில் 2,5,8ம் பாவக வழியில் இன்னல்களையும், 6,10ம் பாவக வழியில் சுபயோகங்களையும் பெற்றுக்கொண்டு இருப்பது கவனிக்கத்தக்க விஷயமாகும், மேலும் ஜாதகருக்கு தற்போழுது நடைபெறும் குரு திசை ராகு  புத்தி வழங்கும் பலன்களை சிந்திப்போம், தற்போழுது நடைபெறும் ராகு புத்தி ஜாதகருக்கு 4ம் வீடு சுக ஸ்தானமான 4ம் பாவகத்துடன் சம்பந்தம் பெற்று சுக ஸ்தான வழியில் இருந்து நன்மைகளை தருவது ஜாதகருக்கு மிகுந்த நன்மைகளை தரும் அமைப்பாகும், எனவே ஜாதகர் தற்போழுது 4ம் பாவக வழியிலான நன்மைகளை பரிபூர்ணமாக அனுபவிக்கும் வல்லமையை தந்துகொண்டு இருக்கின்றது என்பது வரவேற்கத்தக்க சிறப்புஅம்சமாகும்.

 இனி ஜாதகருக்கு அடுத்துவரும் சனி திசை தரும் பலாபலன்கள் என்ன ? என்பதே அதிமுக்கியமான கேள்வி, ஜாதகருக்கு எதிர்வரும் சனி திசை 11ம் வீடு லாப ஸ்தானமான 11ம் பாவகத்துடன் சம்பந்தம் பெற்று முழு வீச்சில் அதிர்ஷ்டத்தை வாரி வழங்க காத்துகொண்டு இருப்பது கவனிக்கத்தக்க சிறப்பு அம்சமாகும், மேலும் ஜாதகரின் லாப ஸ்தானம் கால புருஷ தத்துவ அமைப்பிற்கு 10ம் வீடான மகர ராசியில் 13 பாகைகளையும், கால புருஷ தத்துவ அமைப்பிற்கு 11ம் வீடான கும்ப ராசியில் 18 பாகைகளையும் கொண்டிருப்பது மிகுந்த நன்மைகளை குறுகியகாலத்தில் வாரி வழங்கும் அமைப்பாகும், ஜாதகரின் தொழில் சர மண் தத்துவம் சார்ந்து அமைந்திருப்பது மேலும்  வலுசேர்க்கும் அமைப்பாகும், ஜாதகர் சனி திசை காலத்தில் 11ம் பாவக வழியில் இருந்து நல்ல அதிர்ஷ்டத்தையும், சுபயோகங்களையும் சர மண் மற்றும்  ஸ்திர காற்று தத்துவ அமைப்பில் இருந்து தன்னிறைவாக பெறுவார் என்பது வரவேற்கத்தக்க சிறப்பு அம்சமாகும்.

ஜாதகருக்கு சுய ஜாதகத்தில் 1,2,3,5,7,8,9,12 என 8 வீடுகள் பாதிக்கப்பட்டு இருந்த போதிலும் எதிர்வரும் சனி திசை வலிமை பெற்ற லாப ஸ்தான பலனை ஏற்று நடத்துவது ஜாதகருக்கு லாப ஸ்தான வழியில் இருந்து சுபயோகங்களை பரிபூர்ணமாக அனுபவிக்கும் வல்லமையை தரும், ஜாதகர் தனது தொழில்  அமைப்புகளில் இருந்தும், தனது அறிவுத்திறன் மூலமும் நல்ல அதிர்ஷ்ட  வாய்ப்புகளை தன்னிறைவாக பெறுவார், எனவே சுய ஜாதகத்தில் பாவகங்கள் பாதிக்கப்பட்டு இருந்த போதிலும், நடைபெறும் எதிர்வரும் திசா புத்திகள் வலிமை பெற்ற பாவக பலனை ஏற்று நடத்தினால் ஜாதகருக்கு சுபயோக பலாபலன்களே நடைமுறைக்கு வரும் என்பது மேற்கண்ட ஜாதகத்தின் மூலம் நாம் அறிந்துகொள்ளும் விஷயமாகும், நடைபெறுவது சுப கிரகத்தின் திசையா ? அசுப கிரகத்தின் திசையா? என்று ஆய்வு செய்வதைவிட, நடைபெறும் திசை சுய ஜாதகத்தில் வலிமை பெற்ற பாவக பலனை ஏற்று நடத்துகிறதா? வலிமையற்ற பாவக பலனை ஏற்று நடத்துகிறதா ? என்பதில் தெளிவு பெறுவதே மிக துல்லியமான ஜாதக பலாபலன்களை கண்டுணர வாய்ப்பளிக்கும் வாழ்த்துகள்.

வாழ்க வளமுடன்
ஜோதிடன் வர்ஷன்
9443355696