சுய தொழில் அல்லது கூட்டு தொழில் செய்யலாமா ? திருமணம் அமைவது எப்பொழுது ?

கேள்வி : 

எனது ஜாதகப்படி நான் சுய தொழில் செய்யலாமா ? அல்லது கூட்டு தொழில் செய்யலாமா ? திருமணம் அமைவது எப்பொழுது? இல்லற வாழ்க்கை சிறப்பாக இருக்குமா ? 5ல் கேது புத்திர தோஷத்தை தருமா ? நடை பெரும் சூரியன் திசை, எதிர்வரும் சந்திரன் திசை தரும் பலாபலன்கள் என்ன ? எதிர்காலம் யோகமிக்கதாக அமையுமா ?

பதில் :

தங்களது ஜாதக வலிமை பற்றி சிந்தனைக்கு எடுத்துக்கொள்ளும் முன் நாம் சில விஷயங்களை கருத்தில் எடுத்துக்கொள்வது நல்லது, ஒருவரது சுய ஜாதக வலிமை என்பது லக்கினம் உற்பட பனிரெண்டு பாவகங்களின் வலிமையின் அடிப்படையில் நிர்ணயம் செய்யப்படுகிறது, மேலும் சுய ஜாதகம் மிகவும் வலிமையுடன் இருப்பது வலிமை பெற்ற பாவக வழியில் இருந்து ஜாதகருக்கு பரிபூர்ண நன்மைகளை வாரி வழங்கும், நடைபெறும் எதிர்வரும் திசை,புத்தி,அந்தரம் மற்றும் சூட்ஷமங்கள் ஏற்று நடத்தும் பாவக வலிமையின் அடிப்படையில், சம்பந்தப்பட்ட ஜாதகர் யோக அவயோக பலாபலன்களை சுவீகரிக்கும் வல்லமை பெற்றவராகிறார், இனி தங்களது ஜாதக வலிமை பற்றியும், தங்களின் கேள்விகளுக்கு உண்டான பதில்கள் பற்றியும் சற்று விரிவாக பார்ப்போம்.

லக்கினம் : மகரம்
ராசி : மேஷம்
நட்ஷத்திரம் : அஷ்வினி 3ம் பாதம்

எனது ஜாதகப்படி நான் சுய தொழில் செய்யலாமா ? அல்லது கூட்டு தொழில் செய்யலாமா ?

பொதுவாக சுய தொழில் செய்வது அல்லது கூட்டு தொழில் செய்வது இரண்டும் சுய ஜாதக வலிமையின் அடிப்படையில் அமைவதே சகல நிலைகளில் இருந்தும் சிறப்புகளையும் லாபங்களையும் வாரி வழங்கும், தொழில் நிர்ணயம் என்பது ஜீவன ஸ்தானம் எனும் ஒரு பாவகத்தை மட்டும் அடிப்படையாக கொண்டு இயங்குவதல்ல, லக்கினம் முதல் பனிரெண்டு பாவகங்களின் அடிப்படையிலேயே தொழில் மற்றும் அதுசார்ந்த வெற்றிகள்   ஒருவருக்கு சிறப்பாக அமையும், கேந்திர பாவகங்கள் வலிமை பெறுவது ஜாதகருக்கான கவுரவம் அந்தஸ்து சுயமரியாதையை உறுதிப்படுத்தும், கோண பாவகங்கள் வலிமை பெறுவது ஜாதகருக்கான அறிவார்ந்த செயல்கள், புத்திசாலித்தனம், தொழில் நுணுக்கம் மற்றும் இறை அருளின் கருணையை உறுதிப்படுத்தும், மறைவு ஸ்தானங்கள் ஜாதகருக்கான அளவில்லா பொருளாதர வெற்றியையும், நிம்மதி மற்றும் நிதான செயற்பாடுகளை உறுதிப்படுத்தும், தொழில் வெற்றிகளை 100% விகிதம் பெற ஓர் ஜாதகருக்கு லக்கினம் முதல் பனிரெண்டு பாவகங்களின் வலிமை நிலையும் அதி அவசியமானதாக உள்ளது, இந்த அமைப்பை பெரும் ஜாதகரே மிகசிறந்த தொழில் அதிபராக பிரகாசிக்கும் வல்லமையை பெறுகின்றார்.

 தங்களது ஜாதகத்தில் அப்படிப்பட்ட  ஓர் வலிமையான நிலை இருப்பது வரவேற்கத்தக்கது, தாங்களும் ஓர் தலைசிறந்த தொழில் அதிபராக விளங்குவதற்கான வாய்ப்புகள் நிச்சயம் உண்டு என்பதில் மாற்று கருத்து இல்லை அன்பரே ! மேலும் தங்களது சுய ஜாதகத்தில் பாவக வலிமை என்பது மிகவும் அபரிவிதமானதாக அமைந்து இருப்பது வரவேற்கத்தக்கது, அதுபற்றி இனி சிந்தனைக்கு எடுத்துக்கொள்வோம்.

சுய ஜாதகத்தில் வலிமையான பாவக தொடர்புகள் :

 1,7ம் வீடுகள் களத்திர ஸ்தானமான 7ம் பாவகத்துடன் சம்பந்தம் பெறுவது ஜாதகருக்கு லக்கின பாவக வழியில் இருந்து ஆரோக்கியமான உடல், தெளிவான மனம், கூட்டாளியால் யோகம், நன்பர்கள் வழியிலான நன்மைகள், வாழ்க்கை துணை வழியில் இருந்து பெரும் அதிர்ஷ்டம் மற்றும் லாபம், எதிர்பாலின சேர்க்கை பொதுமக்கள் ஆதரவு, அரசு பதவி, சிறந்த நிர்வாக திறமை, விரோதிகள் மறைந்து நன்மை உண்டாகுதல் என்ற வகையிலும், 7ம் பாவக  வழியில் இருந்து சக்தி நிறைந்த கூட்டு தொழில் அல்லது கூட்டாளி, யோகம் நிறைந்த வாழ்க்கை துணை, பொதுமக்கள் ஆதரவு, செய்தொழில் வழியில் பிரபல்ய யோகம், வியாபாரத்தில் அபரிவித வளர்ச்சி என்ற அமைப்பில் நன்மைகளை வாரி வழங்கும்.

2,3,8,12ம் வீடுகள் சுக ஸ்தானமான 4ம் பாவகத்துடன் சம்பந்தம் பெறுவது, ஜாதகருக்கு 2ம் பாவக வழியில் இருந்து மண் மனை வண்டி வாகன யோகம், கனிம பொருள் சார்ந்த வியாபாரத்தில் வெற்றி, தாய் வழியிலான சொத்துக்களை நிர்வகிக்கும் யோகம், இனிமையான பேச்சு திறன், வாக்கு வன்மை, உறுதிமிக்க செயல்பாடுகள் என்ற வகையிலும், 3ம் பாவக வழியில் இருந்து மண் மனை வண்டி வாகன யோகம், முதுமையில் செல்வாக்கு, பெண்கள் ஆதரவு, போட்டி பந்தயங்களில் வெற்றி, போக்குவரத்து தொழில் வழியில் லாபம், முயற்சி செய்யும் காரியங்கள் வெற்றி பெரும் தன்மை, விவசாயம் மூலம் வருமானம், அரசியல்வாதிகள் மூலம் லாபம் பெரும் தன்மை, தைரியம், தன்னம்பிக்கை, சுய ஆளுமை திறன், வெற்றி பெரும் வல்லமை என்ற வகையிலும், 8ம் பாவக வழியில் இருந்து விபத்து, எதிர்பாராத திடீர்இழப்பு, மருத்துவ செலவினங்கள், குழப்பம், வியாதி, மனஇறுக்கம் எல்லாவகையிலும், 12ம் பாவக வழியில் இருந்து மண் மனை வண்டி வாகனம் சார்ந்த விஷயங்களில்  முதலீடு செய்யும் யோகமும், அதன் வழியிலான முன்னேற்றங்களும், விவசாயம் அல்லது விவசாய உபகரணம் சார்ந்த பொருட்கள் வழியிலான அதிர்ஷ்டம் மற்றும்  லாபம் உண்டாகும்.

10,11ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெறுவது ஜாதகருக்கு 10ம் பாவக வழியில் இருந்து உத்தியோக வெற்றி, சுய தொழில் விருத்தி, வியாபாரம் மற்றும் தொழில் முதலியவற்றில் அபரிவித அதிர்ஷ்டம் மற்றும் வெற்றி, கம்பீரம் தீர்க்கமான வாத திறமை, சுய தொழில் செய்வதால் செல்வச்செழிப்பு என்றவகையிலும், 11ம் பாவக வழியில் இருந்து மிகப்பெரிய பதவிகளை அலங்கரிக்கும் யோகம், அரசு மற்றும் தனியார் துறை வழியிலான அதிஷ்டம், தகப்பனாருக்கு சொத்து சுக சேர்க்கை, சுய உழைப்பின் மூலம் வாழ்க்கையில் சாதனை படைக்கும் வல்லமை, முற்போக்கு சிந்தனை, நேர்மறை எண்ணம் மூலம் வாழ்க்கையில் சகல யோகங்களையும் பெரும் தன்மை என்ற வகையில் சிறப்புகளை தரும்.

5,6,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெறுவது ஜாதகருக்கு ஆரோக்கியமான உடல் நிலை, தெளிவான மனநிலை, சிறந்த மனவலிமை, அதிபுத்திசாலித்தனம், பல்துறை ஆய்வுத்திறன், அமைதியான சூழ்நிலையை விரும்புதல், எப்பொழுதும் மகிழ்ச்சி, சமாதான விருப்பம், சுய ஒழுக்கம் மற்றும் நற்பண்புகள் என்ற வகையிலும், 6ம் பாவக வழியில் இருந்து பயணம் மூலம் லாபம், சமாதான முறையில் வெற்றி, மதசம்பதமான யோக வாழ்க்கை, பட்டய கல்வியில் தேர்ச்சியை தரும், 9ம் பாவக வழியில் இருந்து ஜாதகருக்கு சிறந்த பண்புகள் அடிப்படையிலே அமைந்து இருக்கும், ஒழுக்கம் மற்றும் பண்பு நிறைந்த மனம், அனைவரையும் தம்மைப்போல் கருதும் சமதர்மத்தை போற்றும் தன்மையை பெற்றவராக திகழ்வார்.

4ம் வீடு விரைய ஸ்தானமான 12ம் பாவகத்துடன் சம்பந்தம் பெறுவது ஜாதகருக்கு விபத்து, மருத்துவ செலவினங்களை தரும், தனது பெயரில் உள்ள சொத்துக்களை இழக்கும் தன்மை, இளமையில் போராட்டம், நஷ்டம், வறுமை, துரதிர்ஷ்டம், மனக்குழப்பம், அதிக வேலைப்பளு என்றவகையில் இன்னல்களை தரும்.

தங்களது சுய ஜாதகத்தில் 4,8ம் வீடுகளை தவிர மற்ற அனைத்து பாவகங்களும் மிகவும் வலிமையுடன் இருப்பது வரவேற்கத்தக்கது, மேலும் பெரும்பாலான வீடுகள் தொடர்பு பெரும் 4,7,10ம் பாவகங்கள் அனைத்தும் சர இயக்க ராசிகளான மேஷம் கடகம் மற்றும் துலாம் ராசியில் வியாபித்து நிற்பது பரிபூர்ண நன்மைகளை தங்களுக்கு வாரி வழங்கும், மேலும் ஜீவன ஸ்தானம் கால  புருஷ தத்துவ அமைப்பிற்கு 7ம் ராசியாக அமைவது தங்களை மிகசிறந்த வியாபாரியாக பிரகாசிக்க செய்யும், துலாம் சர காற்று ராசி என்பதால் தங்களின் தொழில் சார்ந்த அறிவு திறன் மற்றும் நுண்ணறிவு மிகசிறந்த எதிர்காலத்தை வாரி வழங்கும்.

 சுய ஜாதகத்தில் பெரும்பாலான வீடுகள் வலிமையாக  உள்ளதால் சுய தொழில்  செய்வதே சிறப்பான நன்மைகளை தரும், பரிபூர்ண வெற்றியும் உண்டாகும், கூட்டு தொழில் வழியிலான வெற்றி மேலும் சிறப்பானதாகவே அமையும் என்பது கவனிக்கத்தக்கது, தங்களின் விருப்பம் சார்ந்த முடிவுகளை மேற்கொண்டு நலம் பெறுங்கள்.

திருமணம் தங்களுக்கு சூரியன் திசை புதன் புத்தி காலத்தில் நடைபெறும், சூரியன் திசையும், புதன் புத்தியும் ஏக காலத்தில் 1,7ம் வீடுகள் களத்திர ஸ்தானமான 7ம் பாவகத்துடன் சம்பந்தம் பெற்று இல்லற வாழ்க்கையை சிறப்பாக அமைத்துத்தரும், திருமணத்திற்க்கு பிறகான வாழ்க்கை யோகமிக்கதாக அமையும்.

5ல் அமர்ந்த கேது தாம் அமர்ந்த பாவகத்திற்க்கு வலிமை சேர்ப்பதால், 5ம் பாவகம் 100% விகித வலிமையுடன் இருக்கின்றது, எனவே தங்களுக்கு நல்ல புத்திர பாக்கியமும், ஆண் வாரிசும் அமையும்.

சூரியன் திசை தங்களுக்கு  1,7ம் வீடுகள் களத்திர ஸ்தானமான 7ம் பாவகத்துடன் சம்பந்தம் பெற்று முழு வீச்சில் சுபயோக பலாபலன்களையே வாரி வழங்குவது வரவேற்கத்தக்க சிறப்பு அம்சமாகும்.

எதிர்வரும் சந்திரன் திசை 11ம் வீடு ஜீவன ஸ்தானமான 10ம் பாவகத்துடன் சம்பந்தம் பெற்று தொழில் ரீதியான சுபயோகங்களை வாரி வழங்குவது வரவேற்கத்தக்கது.

குறிப்பு :

தங்களது சுய ஜாதக வலிமை மிகவும் அபரிவிதமானது, அதை கருத்தில் கொண்டு தங்களது வாழ்க்கையை வெகு சிறப்பாக அமைத்துக்கொண்டு வாழ்க்கையில் முன்னேற்றம் பெறுங்கள், மிகசிறந்த தொழில் அதிபராக பிரகாசிக்க " ஜோதிடதீபம் " தங்களுக்கு தனது சார்ப்பில் வாழ்த்துக்களை தெரிவித்துக்கொள்கிறது .

வாழ்க வளமுடன்
ஜோதிடன் வர்ஷன்
9443355696

தொழிலில் ஏற்படும் பேரிழப்பை உணர்ந்து எச்சரிக்கையுடன் செயல்படுவது எப்படி? இதை ஜாதக ரீதியாக அறிந்துகொள்ள இயலுமா ?

  இன்னும் நமது கிராமங்களில் " வல்லவனையும் தட்டுமாம் வழுக்குப்பாறை " என்று சிலேடையாக சொல்வதுடன், மிகுந்த தொழில் நுணுக்கம் கொண்டுள்ள ஒருவரை கூட மிகப்பெரிய இழப்பை ஏற்படுத்தி ஆரம்பித்த இடத்துக்கே கொண்டுவந்துவிடும் தன்மை பெற்றது "விதி" இதை மதியறிவு கொண்டு வெல்வது என்பது அவரவர் சுய ஜாதகத்தில் உள்ள 1,5,9ம் பாவகங்களின் வலிமை நிலையே என்றால் அது மிகையில்லை, ஒருவருக்கு வரும் யோக அவயோக நிலையை பற்றி வருமுன் தெளிவாக கட்டியம் கூற சுய ஜாதகத்தில் மேற்கண்ட 1,5,9ம் பாவகங்களின் வலிமை நிலை அவசியமாகிறது, மேற்கண்ட பாவகங்களின் வலிமை, ஜாதகருக்கு எதிர்வர இருக்கின்ற நன்மை தீமையை பற்றி சுய அறிவுபூர்வமாகவோ, குல தெய்வ ஆசியின் மூலமாகவோ, ஆன்மீக பெரியவர்களின் அறிவுறுத்தல் மூலமாகவோ தெள்ள தெளிவாக எடுத்துரைத்து காக்கும், ஜாதகருக்கு வரும் இழப்பில் இருந்து பாதுகாப்பும், யோக அமைப்பில் இருந்து விழிப்புணர்வும் தந்து அருள் புரியும், ஓர் உதாரண ஜாதகம் கொண்டு தெளிவு பெறுவோம் அன்பர்களே !

லக்கினம் : துலாம் 

ராசி : கடகம் 

நட்ஷத்திரம் : ஆயில்யம் 

 மேற்கண்ட துலா லக்கின ஜாதகருக்கு லக்கினாதிபதி மற்றும் ஆயுள் ஸ்தான அதிபதியான சுக்கிரன் திசை 20/05/1998 முதல் 20/05/2018 தற்போழுது நடைமுறையில் உள்ளது, இந்த சுக்கிரன் திசை ஜாதகருக்கு 3,5,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று சிறப்பான யோக பலனை பாக்கிய ஸ்தான வழியில் இருந்து தந்து கொண்டு இருப்பது வரவேற்கத்தக்க தக்க நன்மைகளை தருவதாகும், குறிப்பாக சுக்கிரன் திசையில் சனி புத்தி 20/03/2011 முதல் 20/05/2014 வரை ஜாதகருக்கு 2,4,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று முழு வீச்சில் சிறப்பான ராஜ யோக பலனை 2,4,10 பாவக வழியில் இருந்து வாரி வழங்கி இருக்கிறது சுக்கிரன் திசை ஜாதகருக்கு 3ம் பாவக வழியில் இருந்து எதிலும் வெற்றி, புத்தி கூர்மை மூலம் ஆதாயம், சகல சௌபாக்கியம், போக்குவரத்து, ஏஜென்சி துறை லாபம், ஏற்றுமதி இறக்குமதி தொழில் வழியிலான நன்மைகள், வியாபார விருத்தி, நல்ல  சிந்தனைகள் தரும் வெற்றி, கனிம சுரங்க பொருட்கள் மூலம் லாபம், நுண்ணறிவு திறன்  மூலம் பெரும் அதிர்ஷ்டங்கள் என்ற வகையிலும், 5ம் பாவக வழியில் இருந்து மிகுந்த மனவலிமை, விரைவாக சிறந்த முடிவுகளை மேற்கொள்ளும் வல்லமை அதன் வழியிலான முன்னேற்றங்கள், சமயோசித புத்தி சாலித்தனம், ஆய்வு திறன், நல்ல பழக்கங்கள் மூலம் நன்மைகளை பெறுதல் என்ற வகையிலும், 9ம் பாவக வழியில் இருந்து நிறைவான அறிவு திறன், பயணங்கள் மூலம் லாபம், இடமாற்றம் சூழ்நிலை மாற்றத்தில் விருப்பம் மற்றும் சிறப்பான வளர்ச்சி பித்ருக்களின் ஆசி மூலம் வாழ்க்கையில் சுபயோகங்களை பெறுதல் என்ற வகையில் யோக பலனை வாரி வழங்கியது.

சுக்கிரன் திசையில் கடந்த சனி புத்தி சனி புத்தி 20/03/2011 முதல் 20/05/2014 வரை ஜாதகருக்கு 2,4,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று 2ம் பாவக வழியில் இருந்து தொழில் வழியிலான அபரிவித வருமானம், பேச்சு திறன் மூலம் வரும் வியாபர விருத்தி, லட்சியங்களை அடையும் வல்லமை, அதீத தனசேர்க்கையை சொந்த உழைப்பில் பெரும் வல்லமை, கவுரவம், அந்தஸ்து, புகழ், பரிசு அனைத்திலும் வெற்றி என்ற வகையிலும், 4ம் பாவக வழியில் இருந்து நல்ல தொழில் முன்னேற்றம், பெயரும் புகழும் உண்டாகும் தன்மை, மண் மணை வண்டி வாகன யோகம், ஆள் வசதி, பெரிய சொத்து சுக சேர்க்கை, அரசு மரியாதை மற்றும் கவுரவம், சமூக வாழ்க்கையில் வெற்றி, அரசியலில் ஆதாயம் என்ற வகையில் சிற்பபுகளை தரும், 10ம் பாவக வழியில் இருந்து தொழில் வழியிலான அபரிவித முன்னேற்றம், கம்பீரமான செயல்பாடுகள், தீர்க்கமான முடிவுகள் வழியில் பெரும் முன்னேற்றம் மற்றும் பொருளாதார வளர்ச்சி, செய்தொழில் வழியிலான ராஜ யோகம் என்ற வகையில் சிறப்புகளை வாரி வழங்கி இருக்கிறது.

சுக்கிரன் திசையில் சனி புத்திக்கு அடுத்து வந்த புதன் புத்தி ( 20/05/2014 முதல் 20/03/2017 வரை ) ஜாதகருக்கு மிகுந்த சோதனை காலமாக மாறியது விதி செய்த கொடுமையாகவே கருதலாம், புதன் புத்தி ஜாதகருக்கு 6,8ம் வீடுகள் ஆயுள் ஸ்தானமான 8ம் பாவகத்துடன் சம்பந்தம் பெற்று முழுவீச்சில் ஜாதகரை படு குழியில் தள்ளியது, 6ம் பாவக வழியில் இருந்து வரம்பு மீறிய கடன், மிதமிஞ்சிய செலவுகள், வேலையாட்கள் வழியிலான இழப்புகள், பொருளாதர பின்னடைவு, எதிரிகள் தொந்தரவு, அனைத்து இடங்களில் இருந்து வரும் எதிர்ப்புகள், எதிர்பாராத கடன்கள், ஜாமீன் கொடுப்பதால் வரும் இன்னல்கள், வாங்கும் கடன் அனைத்தும் திடீர் இழப்பை சந்திக்கும் நிலை, நிலையற்ற பொருளாதரம், எதிர்பார்ப்புகள் யாவும் பொய்த்து போகும் தன்மை, எதிர்பாலின சேர்க்கையின் மூலம் திடீர் இன்னல்கள், நிம்மதி இன்மை, அனைத்திலும் தோல்வி, வழக்குகளில் சிக்கல்கள், சட்ட சிக்கல்கள், பொருள் இழப்பு என்ற வகையில் ஜாதகருக்கு கடுமையான இன்னல்களை தர ஆரம்பித்தது.

8ம் பாவக வழியில் இருந்து நீண்ட ஆயுளை நல்கிய போதிலும், பேரிழப்பு, விபத்து, துயரம், மற்றவர்களால் வரும் துன்பங்கள், தீயநண்பர்கள் சகவாச தோஷம், திட்டமிட்டு செயல்பட முடியாத நிலை, எதிர்த்து போராட வலிமையற்ற சூழல், உதவி செய்ய யாருமற்ற தன்மை, வாழ்க்கை துணை வழியிலான இழப்புகள் மற்றும் துன்பங்கள், தெய்வீக அனுகிரகம் இன்மை, முரண்பட்ட செயல்பாடுகள், தாங்க இயலாத துன்பம், சொத்துக்களை இழக்கும் சூழ்நிலை, சொத்துக்கள் அனைத்தும் வீண் விரயமாகும் தன்மை, திருப்தி இல்லாத மனநிலை, ஆயுள் பாவகம் கால புருஷ தத்துவ அமைப்பிற்கு 2ம் வீடான ரிஷபத்தில் அமைவதால், ஜாதகருக்கு வரும் வருமானம் மற்றும் கடன் யாவும் திடீர் இழப்பை சந்திக்கும் சூழ்நிலை, எதிரியின் பிடியில் இழப்பை சந்திக்கும் சூழல், அனைத்தையும் இழந்து தவிக்கும் நிலைக்கு ஆளாகுதல் என்ற வகையில் ஜாதகருக்கு கடுமையான பாதிப்பை பாக்கியம் மற்றும் விரைய ஸ்தான அதிபதியான புதன் புத்தி தர ஆரம்பித்தது, மேலும் ஆயுள் பாவகம் ஸ்திர ராசி என்பதால் ஜாதகருக்கு வந்த இன்னல்கள் யாவும் வெகு காலம் ஆறாத ரணம், மறையாத சுவடை ஏற்படுத்தி ஜாதகருக்கு "நித்ய கண்டம் பூர்ண ஆயுசு" என்பதற்கு இணையான சூழலை உருவாக்கியது.

சுக்கிரன் திசை முடிவில் நடைபெற்ற கேது புத்தி ஜாதகருக்கு 3,5,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று நன்மைகளை தந்தது, ஏற்பட்ட பாதிப்பில் இருந்து சிறிய அளவில் மீண்டு வரும் வாய்ப்பை நல்கியது, சுய ஜாதகத்தில் மேற்கண்ட பாதிப்பை ஜாதகர் 5,9ம் பாவக வழியில் இருந்து உணர்ந்த போதிலும் லக்கினம் எனும் முதல் வீடு ஆயுள் பாவகமான 8ம் பாவகத்துடன் சம்பந்தம் பெறுவது போதிய நிதி மேலாண்மை திறன் அற்றவர் என்பதனையும், திட்டமிட்டு செயல்படும் தன்மை அற்றவர் என்பதனையும் தெளிவுபடுத்துகிறது, மேலும் நண்பர்கள் கூட்டாளிகள், வாழ்க்கை துணை வழியிலான பேரிழப்புகளை எதிர்கொள்ள வேண்டிய கட்டாயத்திற்க்கு ஆர்ப்பட்டவர் என்பதை தெளிவாக உணர்த்துகிறது.

தற்போழுது நடைமுறையில் உள்ள சூரியன் திசை ஜாதகருக்கு 3,5,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று யோக பலனை தருவது ஜாதகருக்கான புதிய அத்தியாயத்தை ஆரம்பித்து வைக்கும் வல்லமை கொண்டது, இருப்பினும் சூரியன் திசையில் எதிர் வரும் சந்திரன் புத்தி 1,7,11ம் பாவக வழியில் இருந்து கடும் நெருக்கடிகளை தரும், மீண்டும் ஆரம்பித்த இடத்துக்கே வந்துவிட்டதை போன்ற உணர்வை ஜாதகர் பெறுவார், சுக்கிரன் திசையில் நடைபெற்ற சுபயோக பலன்கள் சூரியன் திசையில் நடைமுறைக்கு வந்த போதிலும், யோக காலம் என்பது மிகவும் குறைவாகவே இருக்கும், ஜாதகர் சூரியன் திசையில் சந்திரன் புத்தியை எதிர்கொள்வது என்பது சற்று சவாலான விஷயமாகவே படுகிறது.

குறிப்பு :

சுய ஜாதகத்தில் யோக பலன்கள் பாவக வழியில் இருந்து வழங்கிய போதிலும், லக்கினம் வலிமையுடன் இருந்தால் மட்டுமே ஜாதகர் அதை முழுவதுமாக சுவீகரிக்க இயலும், லக்கினம் வலிமை இழப்பது அல்லது 6,8,12ம் பாவகத்துடன் சம்பந்தம் பெறுவது அல்லது பாதக ஸ்தானத்துடன் சம்பந்தம் பெறுவது அனைத்தும் ஜாதகருக்கு மற்ற பாவக வழியில் இருந்து வரும் யோக பலன்களை, கிரகிக்கும் வல்லமையை தாராது என்பதுடன் ஜாதகராலே அது விரயமாகும், மேற்கண்ட ஜாதகருக்கு 2,4,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெறுவது மிதமிஞ்சிய யோக பலனை தரும் என்ற போதிலும், 1,7,11ம் வீடுகள் திடீர் இழப்பை தரும் ஆயுள் பாவகமான 8ம் பாவகத்துடன் சம்பந்தம் பெறுவது ஜாதகர், அவரது வாழ்க்கை துணை, நண்பர்கள், கூட்டாளிகள் மற்றும் ஜாதகரின் அதிர்ஷ்டமின்மை ஆகியவை ஜாதகருக்கு வரும் யோக பலனை கபளீகரம் செய்யும் என்பது கவனிக்கத்தக்கது.

வாழ்க வளமுடன்
ஜோதிடன் வர்ஷன்
9443355696

தொழில் நிரந்தரமாக அமையாதது ஏன் ? சுய தொழில் & அடிமை தொழில் எது சிறந்தது ?

கேள்வி :

இதுவரை சரியான தொழில் அமையவில்லை, செய்யும் தொழில் வழியில் இருந்து யாதொரு முன்னேற்றமும் இல்லை, நான் சுயமாக சிறுதொழில் ஏதாவது செய்யலாமா? அல்லது ஓரிடத்தில் வேலைக்கு செல்வது நன்மையை தருமா ? இதுவரை மற்றவர்களிடம் அடிமை தொழில் ( வேலைக்கு ) மட்டுமே செய்து வருகிறேன், செய்யும் வேளையில் மனநிறைவு இல்லை, பொருளாதார முன்னேற்றமும் இல்லை, தயவு செய்து சரியான வழிக்காட்டுங்கள்.

பதில் :

 ஜீவன ஸ்தான வலிமை என்பது ஒவ்வொரு ஆண் மகனின் ஜாதகத்திலும் மிக மிக வலிமையுடன் இருப்பது அவசியமாகிறது, இது ஜாதகனின் சுய கவுரவத்தை செய்யும் தொழில் வழியில் இருந்து வாரி வழங்கும், அல்லது கால புருஷ தத்துவ அமைப்பிற்கு ஜீவன ஸ்தானமான மகரம் மிகவும் வலிமையுடன் இருப்பது, சுய ஜாதகத்தில் லக்கினத்திற்கு 10ம் பாவகம் வலிமை அற்று காணப்பட்டாலும், ஜாதகருக்கு ஜீவன வழியில் மறைமுகமான நன்மைகளை வாரி வழங்கும், சுய ஜாதகத்தில் ஜென்ம லக்கினத்திற்கு 10ம் வீடும், கால புருஷ தத்துவ அமைப்பிற்க்கு 10ம் வீடான மகரம் இரண்டும் கடுமையாக பாதிக்கப்படும் பொழுது ஜாதகரின் தனிப்பட்ட தொழில் ரீதியான முயற்சிகள் யாவும் மிகப்பெரிய தோல்வியையே வழங்கும் என்பதை கருத்தில் கொள்வது நல்லது, தங்களது சுய ஜாதகத்தில்  தொழில் அமைப்பிற்கான விஷயங்களை இன்றைய பதிவில் சிந்தனைக்கு எடுத்துக்கொள்ளலாம்  அன்பரே !

லக்கினம் : கும்பம் 

ராசி : கடகம் 

நட்ஷத்திரம் : ஆயில்யம் 2ம் பாதம்

கேள்வி :

இதுவரை சரியான தொழில் அமையவில்லை, செய்யும் தொழில் வழியில் இருந்து யாதொரு முன்னேற்றமும் இல்லை ஏன் ?

பதில் :

 தங்களின் கேள்விக்கு இரண்டு காரணங்கள் உண்டு 1 ) சுய ஜாதகத்தில் 4,10ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று ஜீவன ஸ்தானமான 10ம் வீடு கடுமையான பாதிப்பை பெற்று இருப்பது தங்களுக்கு சரியான தொழில் அமையாத நிலைக்கு அடிப்படை காரணமாக இருக்கின்றது, மேலும் தங்களின் ஜீவன ஸ்தானம் தொடர்பு பெரும் விரைய ஸ்தானம் கால புருஷ தத்துவ அமைப்பிற்கு ஜீவன ஸ்தானமான மகர ராசியில் 10 பாகைகளும், கால புருஷ தத்துவ அமைப்பிற்கு லாப ஸ்தானமான கும்ப ராசியில் 23 பாகைகளையும் கொண்டுஇருப்பது தங்களின் தொழில் வழியிலான சிரமங்களுக்கு அடிப்படை காரணமாக அமைகின்றது, எனவே சுய ஜாதகத்தில் ஜென்ம லக்கினத்திற்கு 10ம் பாவகமும் பாதிக்கப்பட்டு, காலபுருஷ தத்துவ அமைப்பிற்கு ஜீவன ஸ்தானமான மகரமும் 40% விகிதம் பாதிக்கப்படுவது, தங்களுக்கு தொழில் ரீதியாக சுபயோக பலாபலன்களை வழங்க மறுக்கின்றது என்பதே உண்மை நிலை.

2) தங்களுக்கு ( 09/09/2002 ல் ) ஆரம்பித்த சுக்கிரன் திசை சுய ஜாதகத்தில் 4,10ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று 4,10ம் பாவக வழியில் இருந்து முழு வீச்சில் விரைய ஸ்தான பலனையே தனது திசைமுழுவதும் ஏற்று நடத்துவது தங்களின் தொழில், வேலை போன்றவற்றில் மிகுந்த பின்னடைவையும், திருப்தி அற்ற நிலையையும், நிரந்தரம் அற்ற தொழில் என்ற நிலையையும் தற்போழுது வரை தந்து கொண்டு இருக்கின்றது, இருப்பினும் தற்போழுது நடைபெறும் சனி புத்தி தங்களுக்கு லாப ஸ்தான பலனை ஏற்று நடத்திக்கொண்டு இருப்பது வரவேற்க தக்க சிறப்பு அம்சமாகும்.

பொதுவாக சுய ஜாதகத்தில் மகரமும், பத்தாம் பாவகமும் வலிமை இழந்து காணப்பட்டால், சுய ஜாதகத்தில் வலிமை பெற்ற மற்ற பாவகம் எவை? எவை ? என்பதை சிந்தனைக்கு எடுத்துக்கொள்வது ஜீவனத்திற்க்கான மாற்று வழியை  நமக்கு தெளிவுபடுத்தும், இதை கருத்தில் கொண்டு பார்க்கும் பொழுது தங்களது சுய ஜாதகத்தில் வீர்ய ஸ்தானம் மிக வலிமையுடன் காணப்படுகிறது, தங்களது வீரிய ஸ்தானம் கால புருஷ தத்துவ அமைப்பிற்கு முதல் வீடான மேஷ ராசியில் 2 பாகையும், கால புருஷ தத்துவ அமைப்பிற்கு இரண்டாம்  வீடான ரிஷப ராசியில் 26 பாகைகளையும் கொண்டு இருப்பது ஜாதகத்தில் மிகவும் சிறப்பான விஷயமாகும், இந்த அமைப்பு தங்களுக்கு மக்கள் தொடர்பு வழியிலான சிறு வியாபாரம் மூலம் சகல சௌபாக்கியத்தை  நல்கும் அமைப்பாகும், எனவே தாங்கள் சிறு வியாபாரம் செய்வதன் மூலம் நல்ல வளர்ச்சியை பெறலாம், மேலும் சிறு எஜென்ஜி, தரகு தொழில் வழியிலான  நன்மைகள் பொருளாதார வளர்ச்சிகள் தங்களுக்கு எதிர்பாராத வண்ணம் வந்து சேரும் என்பதை கருத்தில் கொள்க, எனவே தாங்கள் வலிமை பெற்ற 3ம் பாவக வழியில் இருந்து ஜீவனத்தை தேடி நலம் பெறுவது தங்களின் வாழ்க்கையில் அபரிவிதமான யோக பலன்களை வாரி வழங்கும்.

 தங்களது ஜாதகத்தில் வலிமைபெற்ற பாவகம் என்ற நிலையில் 2ம் இடத்தில் இருப்பது லாப ஸ்தானம் எனும் 11ம் பாவகம் ஆகும், லாப ஸ்தானம் தங்களுக்கு காலபுருஷ தத்துவ அமைப்பிற்கு 9ம் வீடான தனுசு ராசியில் 8பாகைகளையும், காலபுருஷ தத்துவ அமைப்பிற்கு 10ம் வீடான மகர ராசியில் 20 பாகைகளையும் கொண்டிருப்பது சிறப்பான யோகத்தை தரும் அமைப்பாகும், இது தங்களுக்கு லாப ஸ்தான வழியில் இருந்து எதிர்பாராத அதிர்ஷ்டத்தை தரும், குறிப்பாக சர மண் தத்துவ சார்ந்த பொருட்கள் வழியில் இருந்து நல்ல லாபத்தை தரும் என்பதை கருத்தில் கொண்டு அது சார்ந்த ஏஜென்ஜி எடுப்பது அல்லது சிறு வியாபாரம் செய்வது தங்களுக்கு மேலும் அதிர்ஷ்டத்தை வாரி வழங்கும், இதனால் செய்யும் தொழில் வழியில் மனநிறைவும் பொருளாதார நன்மைகளும் தங்களுக்கு பரிபூர்ணமாக கிடைக்கும் என்பதில் மாற்று கருத்து இல்லை.

குறிப்பு :

  எதிர் வரும் புதன் கேது புத்திகள் தங்களுக்கு சிறப்பான வழியில் அதிர்ஷ்டங்களையும், சூரியன் திசை பாக்கிய ஸ்தான வழியில் இருந்து அதிர்ஷ்டங்களையும் தருவது, தாங்கள் புதிதாக ஆரம்பிக்கும் சிறு வியாபார வழியில் நற்ப்பெயருடன் கூடிய அதிர்ஷ்டத்தை வாரி வழங்கும் என்பதுடன், பொருளாதர தன்னிறைவை தரும் என்பதை கருத்தில் கொண்டு, விழிப்புணர்வுடன் வாழ்க்கையில் வெற்றிபெறுங்கள்.

வாழ்க வளமுடன் 

ஜோதிடன் வர்ஷன்

9443355696

தொழில் வெற்றிகளை வழங்கும் ஜீவன ஸ்தான வலிமை - 2

 சுய ஜாதகங்களில் 1,4,7,10ம் வீடுகள் வலிமை பெறுவது என்பது சம்பந்தப்பட்ட ஜாதகரின் வாழ்க்கையை உறுதியான நிலைத்தன்மையுடன் வாழும் யோகத்தை தரும், குறிப்பாக சுய தொழில் செய்ய விரும்பும் அனைவரது ஜாதகமும் மேற்கண்ட பாவகங்களின் வலிமை நிலையை தெளிவாக உணர்ந்து, ஜீவன ஸ்தானம் குறிப்பிடும் தொழில் வாய்ப்பினை தேடி நலம் பெறுவது அவசியமாகிறது, லக்கினம் வலிமை பெறுவது ஜாதகரின் சுய தேடுதல், உடல் நலம், மனதிடம், எண்ணத்தின் வலிமை, ஜாதகரின் செயல்திறன் ஆகியவற்றை ஸ்திரமாக மேம்படுத்தி தரும், சுக ஸ்தானம் வலிமை பெறுவது ஜாதகரின் குண இயல்பு, ஜாதகரின் பொருள் சொத்து சுக சேர்க்கை, வண்டி வாகன யோகம், இடம் நிலம் ஆகியவற்றின் தன்மையை பற்றியும் ஜாதகர் சுக ஸ்தான வழியில் இருந்து பெரும் யோகங்கள் பற்றியும் தெளிவு படுத்தும்.

 காலத்திர ஸ்தானம் வலிமை பெறுவது ஜாதகரின் கூட்டாளிகள், நண்பர்கள், வெளிவட்டரா பழக்க வழக்கங்கள், சமூகத்துடன் ஜாதகர் கொண்டுள்ள நல்லுறவு, மக்கள் தொடர்பு மூலம் ஜாதகர் பெரும் யோகங்கள் ஆகிவற்றை ஸ்திரமானதாகவும், ஜாதகருக்கு பொருத்தமானதாகவும் மேம்பட்ட தகுதி நிர்ணயத்துடன் அமைத்து தரும், ஜீவன ஸ்தானம் வலிமை பெறுவது என்பது ஜாதகரின் சுய கவுரவம், அந்தஸ்த்து, அரசு வழியில் ஆதாயம், தீர்க்கமான வாதத்திறன் மூலம் சரியான முடிவுகளை மேற்கொள்ளும் வல்லமை, செய்யும் தொழில் வழியிலான நுண்ணறிவு, சரியான திட்டமிடுதல்கள், செயல்பாடுகளில் தொய்வில்லாத நிலை, எந்த சூழ்நிலையையும் சிறப்பாக கையாண்டு வாழ்க்கையில் முன்னேற்றத்தை தொடர்ந்து பெரும் யோகம், செய்யும் தொழிலில் தன்னை நிலை நிறுத்திக்கொள்ளும் வல்லமை, பிரபல்ய யோகம், தனது நிறுவனம் சார்ந்த கட்டமைப்பில் சமரசம் செய்து கொள்ளாமல், தெளிவாக முடிவெடுக்கும் யோகம், இன்றைய சிந்தனையுடன் எதிர்கால திட்டமிடுதல் மூலம் நிறுவனத்தை தொடர்ந்து முன்னேற்ற பாதையில் அழைத்து செல்லும் வல்லமை என ஜாதகரின் நோக்கம் யாவும் 100% விகித வெற்றிகளை பெறுவதிலேயே குறியாக இருக்கும்.

சுய ஜாதகத்தில் 1,4,7,10ம் வீடுகள் வலிமை குன்றி இருப்பவர்கள் மேற்க்கண்ட விஷயங்களில் சிறிதும் ஞானம் இன்றி இருப்பார்கள் என்று சொல்லி  தெரிவதில்லை, மேற்கண்ட விஷயங்களை நாம் அவர்களுடன் பகிர்ந்து கொள்ளும் பொழுது  அதை பற்றிய சிறு தேடுதல்கள் கூட அவர்களுக்கு இருப்பதில்லை, மேற்கண்ட 1,4,7,10ம் வீடுகள் வலிமை பெற்று இருக்கும் ஜாதகர்கள் 1,4,7,10ம் பாவக வழியிலான யோகங்களை முழு அளவில் பெறுவதற்கு உண்டான ஞானத்தை இயற்கையிலேயே பெற்று இருப்பார்கள் என்பது கவனிக்கதக்க அம்சமாகும்.

சுய ஜாதகத்தில் மேற்கண்ட பாவகங்கள் வலிமை பெற்று ஜீவன ரீதியாக சகல யோகங்களையும் பெற்று கொண்டு இருக்கும் சில ஜாதகங்களை ஆய்வுக்கு எடுத்துகொள்வோம் அன்பர்களே!

லக்கினம் : தனுசு 

ராசி : கும்பம் 

நட்சத்திரம் : சதயம் 4ம் பாதம் 

சுய ஜாதகத்தில் ஜீவன ஸ்தானம் உபய ராசியில் வலிமை பெற்றும், லாப ஸ்தானம் சர ராசியில் வலிமை பெற்றும் அமைவது, ஜாதகருக்கு  10 ரூபாய் முதலீட்டில்  100 ரூபாய் வருமானம் பெரும் யோகத்தை தரும், மேற்கண்ட ஜாதகருக்கு குறிப்பிட்ட பாவக தொடர்பு ஜீவன ஸ்தானம் உபய ராசியில் வலிமை பெற்றும், லாப ஸ்தானம் சர ராசியில் வலிமை பெரும் அமர்ந்து இருப்பது ஜாதகருக்கு இறை அருள் கொடுத்த நற்கொடை எனலாம்.

மேலும் ஜாதகத்தில் பாவக தொடர்புகளின் வலிமை :

1,3ம் வீடுகள் வீர்ய ஸ்தானமான 3ம் பாவகத்துடன் சம்பந்தம் பெற்று வலிமை பெற்று  இருப்பது லக்கின பாவக வழியில் இருந்து ஜாதகர் நல்ல மனநிலை, பயணவிருப்பம், சகோதரம் மற்றும் உறவுகளுடன் நல்ல நட்பு, அவர்கள் உதவி என்ற வகையில் நன்மைகளையும், வீர்ய ஸ்தான வழியில் இருந்து ஜாதகர் செல்வசெழிப்பு, எதிரிகளை வெல்லுதல், நல்லமனநிலை, சிறந்த சிந்தனை ஆற்றல், உண்மை பேசுதல், தைரியம், சாகசம், பயண விருப்பம், கல்வியில் தேர்ச்சி, மாற்றம் மற்றும் புதிய சூழ்நிலைகளில் விருப்பம், ஏஜென்சி துறையில் வெற்றி வாய்ப்பு என்ற வகையில் யோகத்தை தரும்.

2,5ம் வீடுகள் பூர்வ புண்ணிய ஸ்தானமான 5ம் பாவகத்துடன் சம்பந்தம் பெறுவது, 2ம் பாவக வழியில் இருந்து  இசை ஞானம், திரைப்படம், நாடகம், விளையாட்டு, பொழுதுபோக்கு, குழந்தைகள் வழியில் சிறப்பான அதிர்ஷ்டத்தை தரும், 5ம் பாவக வழியில் இருந்து கலைகளில் தேர்ச்சி, புத்திசாலித்தனம், தீர்வு செய்யும் வல்லமை, வாத திறமை, செல்வ வளம், நல்ல குடும்பம், நல்ல குழந்தைகள், விளையாட்டில் ஆர்வம், காதல் வெற்றி, தர்ம சிந்தனை என்ற வகையில் யோகத்தை தரும்.

4,6,12ம் வீடுகள் பாக்கிய ஸ்தானமான 9ம் பாவகத்த்துடன் சம்பந்தம் பெறுவது ஜாதகருக்கு உயர் கல்வி ஞானம், வெளிநாடு யோகம், ஆராய்ச்சி மனப்பக்குவம், ரசாயனம், சுரங்கதுறை, ஸ்தல யாத்திரை, தர்ம சிந்தனை, ஏற்றுமதி இறக்குமதி  வியாபாரம் மூலம் சொத்து சுக சேர்க்கை உண்டாகும், 6ம் பாவக வழியில் பயணம் மூலம் லாபம், குறுகிய கால முதலீடுகளில் லாபம், எதிரிக்கு சிம்ம சொப்பனம், நுண்ணறிவு திறன், வருமுன் காக்கும்  வல்லமை, 12ம் பாவக வழியில் இருந்து ஜாதகர் முதலீடுகளில் அதிக லாபம், வெளிநாடுகளில் இருந்து வரும் யோகம், பயணம் மூலம் தொழில் விருத்தி, உல்லாச வாழ்ககை, தொழில் மற்றும் இருப்பிடத்தை மாற்றும் யோகம்என்ற வகையில் நன்மைகளை தரும்,

7,10ம் வீடுகள் ஜீவனஸ்தானமான 10ம் பாவகத்துடன் சம்பந்தம் பெறுவது, 7ம் பாவக வழியில் இருந்து, திருமணத்திற்கு பிறகு யோகம், நல்ல அந்தஸ்து உள்ள வாழ்க்கை துணை, அரசியல் வியாபாரத்தில் வெற்றி, சமூகத்தில் உயர் அந்தஸ்து என்ற வகையில் நன்மைகளை தரும், 10ம் பாவக வழியில் இருந்து உயர் தொழில் யோகம், வியாபாரத்தில் வெற்றி, செய்யும் தொழில் மூலம் யோக வாழ்க்கை, கம்பீரமான செயல்பாடுகள், தீர்க்கமான வாத திறமை மூலம் ஜீவன வெற்றிகளை பெரும் யோகத்தை தரும்.

11ம் வீடு லாப ஸ்தானமான 11ம் பாவகத்துடன் சம்பந்தம் பெறுவது மிகுந்த அதிர்ஷ்டசாலி, அனைத்திலும் லாபம், நல்ல குண நலன்கள் என்ற வகையில் யோகத்தை தரும்.

சுய ஜாதகத்தில் 8,9ம் பாவகங்கள்  மட்டும் பாதிக்கப்பட்டு இருக்கின்றது, மற்ற அணைத்தது  பாவகங்களும் மிகுந்த வலிமையுடன் இருக்கின்றது.

ஜாதகருக்கு ( 30/10/1996 முதல் 31/10/2013 வரை ) நடைபெற்ற புதன் திசை 11ம் வீடு லாப ஸ்தானமான 11ம் பாவகத்துடன் சம்பந்தம் பெற்று 100% விகித யோக பலாபலன்களை  வழங்கி இருப்பது ஜாதகரின் வாழ்க்கையில் அதிர்ஷ்டத்தின் தாக்கத்தை முழுமையாக வழங்கி இருக்கின்றது, மேலும் தற்போழுது நடைபெறும் கேது திசையும் ( 31/10/2013 முதல் 30/10/2020 வரை )  ஜாதகருக்கு 1,3ம் வீடுகள் வீர்ய ஸ்தானமான 3ம் பாவகத்துடன் சம்பந்தம் பெற்று யோக பலன்களை தருவது அபரிவிதமான செல்வாக்கை தரும், செல்வ செழிப்பு, புதிய  சொத்து சுக சேர்க்கை, வியாபார விருத்தி என்ற வகையில் சுப யோகங்களை வாரி வழங்குவது வரவேற்கத்தக்க விஷயம்.

சுய ஜாதகத்தில் ஜீவன ஸ்தானம் வலிமை பெறுவது ஜாதகருக்கு நல்ல ஜீவன  வாழ்க்கையை தரும், மற்ற பாவகங்கள் வலிமை பெறுவது ராஜயோக வாழ்க்கையையும், தன்னிறைவான பொருளாதார வசதியையும் தங்கு தடையின்றி வாரி வழங்கும், நடைபெறும் எதிர்வரும் திசாபுத்திகள் வலிமை  பெற்ற பாவக பலனை ஏற்று நடத்துவது ஜாதகரின் வாழ்க்கையில் தொய்வில்லாத தொழில் வெற்றிகளையும், முன்னேற்றங்களையும் வாரி  வழங்கும், மேற்கண்ட ஜாதகருக்கு 8ம் பாவக வழியில் இருந்து மட்டுமே சிறு சிறு இன்னல்கள் ஏற்படும், மற்றபடி ஜாதகருக்கு ஜீவன ரீதியாக மிகப்பெரிய அந்தஸ்தும், கவுரவம் குறையா யோக வாழ்க்கையையும் வாரி வழங்கும்.

வாழ்க வளமுடன்
ஜோதிடன் வர்ஷன்
9443355696

தொழில் ஸ்தானம் - ஜாதக ரீதியாக தமக்கு உகந்த தொழில் அல்லது வேலையை தேர்வு செய்வது எப்படி ?

" உத்தியோகம் புருஷ லட்சணம் " என்ற பழமொழிக்கு உதாரணமாக வாழும் மனிதர்களுக்கே இந்த சமுதாயமும், உறவுகளும் கௌரவம், அந்தஸ்து மற்றும் மரியாதைகளை நிச்சயம் வாரி வழங்குகிறது, கல்வி காலங்களுக்கு பிறகு சரியான ஜீவனத்தை தேடுவதில் அதிக ஆர்வம் இன்றைய இளைஞர்களுக்கு உண்டு என்பதை மறுப்பதற்கில்லை, இருப்பினும் சுய ஜாதக ரீதியாக தமக்கு உகந்த தொழில் அல்லது பணியை தேர்வு செய்யாத பொழுது, சம்பந்தப்பட்ட ஜாதகரின் வாழ்க்கை திசைமாறி செல்வதற்கு அதிக வாய்ப்புண்டு, எந்தவிதத்திலும் தமக்கு சம்பந்தம் இல்லாத துறையை தேர்வு செய்து, கடனுக்காக அந்த தொழிலை செய்வதை விட, தமக்கு உகந்த ஆர்வமுள்ள தொழில்களில் ஜாதகர் ஈடுபடும்  பொழுது, ஜாதகரின் முன்னேற்றமும் சிறப்பாக அமையும். 

மேலும் ஜாதகர் தனது வாழ்க்கையில் முழு ஈடுபாட்டுடன் செய்யும் தொழில் மற்றும் வேலை உலக புகழையும், தன்னிறைவான வசதி வாய்ப்புகளையும் வாரி வழங்கும், நல்ல ஜீவனம் அமைவது என்பது சுய ஜாதகத்தில் ஜீவன ஸ்தானம் என்று அழைக்கப்படும் 10ம் பாவக வலிமையின் அடிப்படையிலேயே அமைகிறது, மேலும் 10ம் பாவக வலிமை சம்பந்தப்பட்ட ஜாதகரின் வாழ்க்கையில், கௌரவம் மற்றும் அந்தஸ்த்தை தாம் செய்யும் தொழில் வழியில் இருந்தே நிர்ணயம் செய்வதால், ஜாதகர் சமூகத்துடன் கொண்டுள்ள தொடர்புகளையும், அதன் வழியில் இருந்து பெரும் யோக நிலையையும் ஜீவன ஸ்தானம் எனும் 10ம் பாவக வழியில் இருந்தே 100% விகிதம் பெறுகின்றார்.

எந்த ஒரு ஜாதகரும் தமது சுய ஜாதகத்தில் ஜீவன ஸ்தான வலிமைக்கு ஏற்ப ஜீவனத்தை அமைத்துகொள்வது ஜாதகரின் வாழ்க்கையில் தன்னிறைவான முன்னேற்றங்களை வாரி வழங்கும், கால புருஷ தத்துவ அமைப்பிற்கு சர ராசி, ஸ்திர ராசி மற்றும் உபய ராசி என்றும் நெருப்பு தத்துவம், நில தத்துவம், காற்று  தத்துவம் மற்றும் நீர் தத்துவம் என்றும் இயற்கையால்  வகைபடுத்தபட்டுள்ளது, எந்த ஒரு ஜாதகருக்கும் மேற்கண்ட ராசி மற்றும் தத்துவ அமைப்பிலேயே ஜீவன ஸ்தானம் அமையும், அப்படி அமையும் ஜீவன ஸ்தான வலிமையை முதலில் அறிந்துகொள்வது, சம்பந்தப்பட்ட ஜாதகருக்கு உகந்த வெற்றியை தரும்  தொழில் அல்லது வேலையை துல்லியமாக தேர்வு செய்ய உதவி  புரியும், சுய ஜாதகத்தில் ஜீவன ஸ்தானம் வலிமை பெற்று இருப்பின், ஜாதகர் ஜீவன ஸ்தானம் அமைந்த ராசி, ஜீவன ஸ்தானம் பெற்றுள்ள தத்துவம், ஜீவன ஸ்தானம் தொடர்பு பெற்றுள்ள பாவகம் ஆகியவற்றை கணிதம் செய்து மிக துல்லியமாக ஒருவரின் தொழில் அல்லது வேலையை நிச்சயம் நிர்ணயம் செய்ய இயலும், மேலும் நடைபெறும் திசா புத்திகள் ஜாதகருக்கு சாதகமாக அமைந்தால் ( வலிமை பெற்ற ஜீவன ஸ்தான பலனை ஏற்று நடத்தினால் ) தாம் தேர்வு செய்த தொழில் அல்லது பணியில் ஜாதகர் கொடிகட்டி பறக்கும் யோகத்தை தரும், நடைபெறும் திசா புத்திகள் சாதகமாக அமையவில்லை என்றாலும் ஜாதகருக்கு சிறப்பான ஜீவனத்தை வழங்குவதில் தவறுவது இல்லை, ஜீவன வெற்றி என்பது சாதகமான  திசா புத்திகள் நடைமுறைக்கு வரும்பொழுது மிக அபரிவிதமாக வாரி வழங்கிவிடும், இதில் சிறிதும் சந்தேகம் இல்லை.

ஜீவன பாவகம் தரும் பலனை ஓர் உதாரண ஜாதகம் கொண்டு தெளிவு பெறுவோம் அன்பர்களே!

லக்கினம் : தனுசு 

ராசி : கும்பம் 

நட்சத்திரம் : சதயம் 4ம் பாதம் 

ஜாதகருக்கு ஜீவன ஸ்தானம் எனும் பத்தாம் பாவக வலிமை  நிலையை ஆய்வு செய்வோம் அன்பர்களே! ஜாதகரின் ஜீவன ஸ்தானம் கால புருஷ தத்துவ அமைப்பிற்கு 6ம் ராசியாக அமைகிறது, மேலும் உபய ராசி நில தத்துவம், ஜாதகரின் ஜீவன ஸ்தானம் தொடர்பு பெறுவது தமது பாவகத்துடனே என்பது வரவேற்க தக்கது, மேலும் ஜீவன ஸ்தானத்துடன் தொடர்பு பெரும் மற்ற வீடுகள் 7,10 ஆகும், எனவே ஜாதகருக்கு ஜீவன ஸ்தானம் மிகவும் வலிமையாக இருப்பது உறுதியாகிறது. 7ம் வீடு ஜீவன ஸ்தானமான 10ம் பாவகத்துடன் தொடர்பு பெறுவது ஜாதகருக்கு வாழ்க்கை துணை, நண்பர்கள் மற்றும் தொழில் கூட்டாளிகள் வழியில் இருந்து நன்மைகளை வாரி வழங்கும், இந்த இடத்தில் வாழ்க்கை துணை பற்றி குறிப்பிடுவதற்கு  காரணம், பெண்கள் நினைத்தால் தமது வாழ்க்கை துணையை மிகசிறந்த இடத்திற்கு எடுத்துசெல்லும் வல்லமை பெற்றவர்கள் என்பதை தெரிவிப்பதற்கே, மேலும் ஜாதகர் தமது திருமணத்திற்கு பிறகே வாழ்க்கையில் சகல முன்னேற்றங்களையும் பெற்றார் என்பது கவனிக்க தக்கது, வீட்டில் நிம்மதி இருந்தால் மட்டுமே எந்த ஒரு ஆண்மகனும் தாம் செய்யும் தொழிலில் சிறந்து விளங்க முடியும்.

இயற்கையாகவே இந்த ஜாதகருக்கு 7ம் பாவகம் ஜீவன ஸ்தானத்துடன் சம்பந்தம் பெறுவது, வாழ்க்கை துணை வழியில் இருந்து ஜீவன  உதவிகளையும் ஆதரவையும் பெற்று தந்தது, மேலும் சுய ஜாதகத்தில் ஜீவன  ஸ்தானமான 10ம் பாவகத்துடன் தொடர்பு பெரும் வீடுகள் இரண்டு, 

1) களத்திரம் என்று அழைக்கப்படும் 7ம் வீடு. 2) ஜீவனம் ஸ்தானம் என்று அழைக்கப்படும் 10ம் வீடு, ஜாதகரின் களத்திர ஸ்தானம் காலபுருஷ தத்துவத்திற்கு வீர்ய ஸ்தானமாகவும், ஜீவன ஸ்தானம் காலபுருஷ தத்துவத்திற்கு சத்ரு ஸ்தானமாகவும் அமைந்து மிகவும் வலிமை பெற்றுள்ளது.

 மேலும் ஜாதகரின் களத்திர ஸ்தானம் உபய காற்று தத்துவத்திலும், சர நீர் தத்துவத்திலும் சம்பந்தம் பெறுகின்றது ( 7ம் பாவகம் மிதுன ராசியில் 072:16:00 பாகையில் ஆரம்பித்து, கடக ராசியில் 101:49:01 பாகையில் முடிவடைகிறது )  ஜாதகரின் ஜீவன ஸ்தானம் உபய நில தத்துவத்திலும், சர கற்று தத்துவத்திலும் சம்பந்தம் பெறுகின்றது ( 10ம் பாவகம் கன்னி ராசியில் 166:34:14 பாகையில் ஆரம்பித்து, துலாம் ராசியில் 197:34:04 பாகையில் முடிவடைகிறது ) எனவே ஜாதகருக்கு மேற்கண்ட தத்துவ அமைப்பில்தான் ஜீவனம் அமைய வாய்ப்புள்ளது, இயற்கையாகவே மிதுனம் உபய காற்று தத்துவம் என்பதால் ஜாதகரின் வியாபர அறிவை குறிக்கும், மிதுனம் ஜாதகருக்கு  7ம் பாவகமாக அமைவது வியாபாரம் மற்றும் வியாபாரத்தில் தமக்குள்ள அறிவு திறனை குறிக்கும், கன்னி உபய நில தத்துவம் என்பதால் பூமியில் விளையும் உணவு சார்ந்த பொருட்களை குறிக்கும், கன்னி ஜாதகருக்கு 10ம் பாவகமாக அமைவது, ஜாதகர் மண்ணில் விளைந்து மக்கள் உபயோகிக்கும் உணவு பொருட்களை வியாபாரமாக செய்வதை குறிக்கிறது, எனவே ஜாதகர் 7ம் பாவக வழியில் இருந்து அறிவார்ந்த வியாபாரத்தையும், 10ம் பாவக வழியில் இருந்து மண் தத்துவம் சார்ந்த உணவு பொருட்களை வைத்து வியாபாரம் செய்வதை தெளிவு படுத்துகிறது, மேலும்  மக்கள் பயன்படுத்தும் உணவு பொருட்கள் சார்ந்த வியாபாரத்தில், ஜீவன ஸ்தான வழியில் இருந்து தன்னிறைவான முன்னேற்றத்தை  பெறுவார் என்பதை அவரது சுய ஜாதகம் தெளிவு படுத்துகிறது.

1,3ம் வீடுகள் வீர்ய ஸ்தானமான 3ம் பாவகத்துடன் சம்பந்தம் பெறுவது ஜாதகர்  நல்ல வியாபர திறன் கொண்டவர் என்பதையும், 3ம் பாவக வழியில் இருந்து செய்கின்ற வியாபரத்தில் வெற்றிகளை தொடர்ந்து பெறுவார் என்பதையும் உறுதி செய்கிறது, இதற்க்கெல்லாம் சிகரம் வைத்தார் போல் ஜாதகரின் 11ம் வீடு லாப ஸ்தானமான 11ம் பாவகத்துடன் தொடர்பு பெறுவது  குறைந்த முதலீட்டில் பன்மடங்கு லாபத்தை பெறுவார் என்பதை சிறப்பாக சொல்லலாம், மேலும் கடந்த புதன் திசை ஜாதகருக்கு 11ம் வீடு லாப ஸ்தானமான 11ம் பாவகத்துடன் சம்பந்தம் பெற்று லாப ஸ்தான பலனை ஏற்று நடத்தியது தாம் செய்த வியாபாரத்தில் கொடிகட்டி பறக்கும் யோகத்தை தந்தது கவனிக்கத்தக்க அம்சமாகும்.

தற்பொழுது நடைபெறும் கேது திசை ஜாதகருக்கு 1,3ம் வீடுகள் வீர்ய ஸ்தானமான 3ம் பாவக பலனை ஏற்று நடத்துவது, ஜாதகர்  தாம் செய்து கொண்டு இருக்கும் வியாபாரத்தில் தன்னிறைவான வளர்ச்சி பெறுவதை தெளிவு படுத்துகிறது, மேலும் அடுத்து வரும் சுக்கிரன் திசையும் ஜாதகருக்கு 4,6,12ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று யோக பலனை தருவது மிகுந்த யோகத்தையே தரும் என்பதால் ஜாதகரின் வாழ்க்கை இனிவரும் காலங்களில் மிகவும் சிறப்பானதாக அமையும் என்பது மட்டும் உறுதி, இவரது ஜாதகத்தில் ஜீவன ஸ்தானம் மிகவும்  வலிமையுடன் அமைந்ததும், அதைவிட லாப ஸ்தானம் மிக மிக வலிமையுடன் அமைந்ததும், ஜாதகரின் வாழ்க்கையில் சகல யோகங்களையும் தந்தது.

 லக்கினம் வலிமை பெறுவது ஜாதகரின் உடல் மனம்  மற்றும் செயல்பாட்டினையும், 2ம் பாவகம் வலிமை பெறுவது கை நிறைவான வருமானத்தையும், வியாபாரத்தில் பேச்சு திறமையையும், 3ம் பாவகம் வலிமை பெறுவது தனிப்பட்ட வியாபர திறமைகளையும், 4ம் பாவகம் வலிமை பெறுவது சொத்து சுக சேர்க்கையையும், 5ம் பாவகம் வலிமை பெறுவது சமயோசித புத்திசாலிதனத்தையும், தொழிலில் ஜாதகர் கொண்டுள்ள நுண் அறிவையும், 6ம் பாவகம் வலிமை பெறுவது குறுகிய கால வெற்றிகளையும், 7ம் பாவகம் வலிமை பெறுவது பொதுமக்கள், வாழ்க்கை துணை மற்றும் கூட்டாளிகள் ஆதரவையும், 10ம் பாவகம் வலிமை பெறுவது தொழில் வழியில் கௌரவத்தையும், சுய மரியாதை மற்றும் அந்தஸ்தையும், 11ம் பாவகம் வலிமை பெறுவது சுய ஜாதகத்தில் வலிமை பெற்ற பாவக வழியில் இருந்து பெரும் யோக வாழ்க்கையையும், மிகுந்த அதிர்ஷ்ட சாலி என்ற நிலையையும், தன்னம்பிக்கையியும், முற்போக்கு சிந்தனையையும் ஒருங்கே அமையபெற்றவர் என்பதனையும், 12ம் பாவக வழியில் இருந்து போதும் என்ற மன நிறைவையும், நல்ல உறக்கத்தையும், மன நிம்மதியையும், வாரி வழங்கும்.

சுய ஜாதகத்தில் ஜீவன ஸ்தான வலிமையின் அடிப்படையில், தமக்கு உகந்த தொழிலை ஒரு ஜாதகர் தேர்ந்து எடுப்பராயின், சம்பந்தப்பட்ட ஜாதகர் தொழில் ரீதியாக தன்னிறைவு பெறுவதை எந்த சக்தியாலும் தடுக்க இயலாது என்று உறுதியாக இந்த கட்டுரையில்  "ஜோதிடதீபம்" பதிவு செய்கிறது.

வாழ்க வளமுடன் 

ஜோதிடன் வர்ஷன் 

9443355696

தொழில் வெற்றிகளை நிர்ணயம் செய்யும்களத்திர பாவகமும் லாப ஸ்தானமும் !

ஒருவரின் தொழில் வெற்றியை நிர்ணயம் செய்வது ஜீவன ஸ்தானம் தானே, எப்படிகளத்திர பாவகமும் லாப ஸ்தானமும் நிர்ணயம் செய்யும் என்ற கேள்வி அன்பர்களுக்கு ஏற்படுவது இயற்கையே! சுய ஜாதகத்தில் ஜீவன ஸ்தானம் வலிமை பெறுவது சம்பந்தபட்ட ஜாதகரை தொழில் ரீதியான தனிப்பட்ட திறமைகளுடன் இயங்க செய்யும் என்பதில் மாற்று கருத்து இல்லை, ஆனால் ஜாதகரின் திறமைகளை அனைத்தையும் வெளி உலகிற்கு கொண்டு வருவது களத்திர ஸ்தானம் எனும் 7ம் பாவகமே, 7ம் பாவகம் வலிமை பெற்று அமர்ந்தால் மட்டுமே ஜாதகரின் தனி தொழில் திறமைகள் வெளி உலகிற்கு தெரிய வரும், சிறந்த மக்கள் தொடர்பு கிட்டும் இதன் மூலம் வாழ்க்கையில் ஜாதகரின் வியாபாரம் விருத்தி பெரும், வியாபரம் விருத்தி செய்தால் மட்டும் போதுமா ?  ஜாதகருக்கு கிடைத்த வியாபர விருத்தியின் மூலம் நல்ல லாபமும் அதிர்ஷ்டமும் 11ம் பாவக வழியில் இருந்தே கிடைக்க பெறுவார்.

எந்த ஒரு தொழிலும் திடீர் முன்னேற்றத்தையும் நிரந்தரமான இடத்தையும் பெறுவதற்கு மக்கள் தொடர்பும், குறிப்பிட்ட தொழிலை செய்துவரும் தொழிலாளர்களின் உறவு நிலையையும் களத்திர பாவகமே நிர்ணயம் செய்யும், தொழிலாளர்களின் ஒருமித்த ஒத்துழைப்பும் சரியான உழைப்பும் ஜாதகருக்கு பரிபூர்ணமாக கிடைக்க வேண்டுமெனில் சுய ஜாதகத்தில் களத்திர பாவகம் வலிமை பெற்று இருந்தால் மட்டுமே சாத்தியம், களத்திர பாவகம் வலிமை பெரும் பொழுது ஜாதகரின் தொழில் விளம்பரமும், அறிமுகமும் வெகு விரைவில் பொதுமக்களிடம் சென்றடையும், இதன் மூலம் ஜாதகரின் வியாபாரம் என்பது பலமடங்கு உயரும், ஜாதகருக்கு தொழில் முன்னேற்றம் என்பது மிகவும் ஸ்திரமாக தங்குதடையின்றி அமையும், எந்த ஒரு தொழிலும் மக்கள் தொடர்பு இன்றி மிகப்பெரிய வெற்றிகளை பெறுவதில்லை என்பதை கவனத்தில் கொள்வது நல்லது, தமது வியாபரம் செழிப்படைய விளம்பர யுக்தியை சரியாக கடைபிடிக்கும் அன்பர்களின் சுய ஜாதகங்களில் அனைத்திலும் களத்திர பாவகம் மிக வலிமையுடன் இயங்கும் என்பது மறுக்க இயலாத உண்மை.

சுய ஜாதகத்தில் ஜீவன ஸ்தானம் வலிமை பெறுவது நல்ல தொழில் வல்லமையையும், களத்திர பாவகம் வலிமை பெறுவது தொழில் விளம்பரம் மற்றும் விருத்தியையும் தந்த போதிலும், தான் செய்யும் தொழில் நிச்சயம் வெற்றி பெரும் என்ற நம்பிக்கையையும், முற்போக்கு சிந்தனையும் தருவது லாப ஸ்தானமான 11ம் பாவக வலிமையே, ஜாதகரின் திட்டமிடுதல்களும், செயல்பாடுகளும் நடைமுறைக்கு வருவதும், மனதில் எண்ணிய எண்ணங்கள் யாவும் நிறைவேறுவது லாப ஸ்தான வலிமையின் அடிப்படையிலேயே, மேலும் தொழில் ரீதியாகவும் வியாபர ரீதியாகவும் ஜாதகருக்கு வரும் லாபங்களையும், அதிர்ஷ்டங்களையும் பரிபூர்ணமாக அனுபவிக்க வைப்பதில் முக்கிய பங்காற்றுவது லாப ஸ்தானமே என்றால் அது மிகையில்லை.

11ம் பாவகம் ஜாதகர் தனது வாழ்க்கையில் என்ன நிலையை அடைய விரும்புகிறாரோ? அந்த நிலைக்கு எடுத்து செல்லும் தன்மை உடையது, எனவே சுய ஜாதகத்தில் 11ம் பாவகம் மிகவும் வலிமையுடன் இருப்பது சிறந்த முன்னேற்றங்களையும் அதிர்ஷ்டங்களையும் ஜாதகருக்கு வாரி வழங்கும், திட்டமிடுதல்கள் அனைத்தையும் நடைமுறைக்கு கொண்டுவரும் வல்லமையை ஒவ்வொருவருக்கும் தருவது சுய ஜாதகத்தில் லாப ஸ்தான வலிமையே, எண்ணங்களின் வேகத்தையும் மனதின் சக்தியையும் நிர்ணயம் செய்வது 11ம் பாவகமே, சுய ஜாதகத்தில் லாப ஸ்தானம் வலிமை பெற்ற அன்பர்கள் ஏதாவது ஒரு வழியில் தனது லட்சியங்களை நிச்சயம் அடைந்துவிடுவார்கள் என்பது உறுதி.

சுய ஜாதகத்தில் 7ம் பாவகம் வலிமை பெறுவது பொதுமக்கள் ஆதரவையும், தொழிலாளர்களின் ஆதரவையும், விளம்பரங்கள் மூலம் விருத்தியையும் வாரி வழங்கும், வியாபர வெற்றியை நிர்ணயம் செய்வது 7ம் பாவக வலிமையே, ஜீவன ஸ்தானம் வலிமை பெறுவது ஜாதகரின் தொழில் திறமையையும் சிறந்த நிர்வாக திறமையையும் வாரி வழங்கும், தான் செய்ய வேண்டிய தொழிலை சரியான வயதில் சரியான நேரத்தில் சரியாக தேர்ந்தெடுக்கும் தன்மையை ஜாதகருக்கு இயற்கையாக வாரி வழங்கும், லாப ஸ்தான வலிமை என்பது ஜாதகர் அடைய வேண்டிய லட்சியங்களையும், லாபங்களையும் அதிர்ஷ்டத்துடன் யோகமாக வாரி வழங்கும், ஜாதகரின் எண்ணங்கள் யாவும் பலிதம் பெற செய்யும் தன்மை 11ம் பாவகத்திர்க்கே 100% உண்டு, எனவே சுய ஜாதகத்தில் 7,10,11ம் பாவகம் வலிமை பெறுவது ஜாதகரின் வாழ்க்கையில் தொழில் ரீதியான வெற்றிகளையும் யோகங்களையும் தங்குதடையின்றி வாரி வழங்கும்.

குறிப்பு :

சில அன்பர்கள் திருமணதிற்கு பிறகு தாம் செய்யும் தொழிலில் அபரிவிதமான வெற்றிகளை குவிப்பது களத்திர பாவக வலிமையே, திருமண வாழ்க்கை அமையும் பொழுது சுய ஜாதகத்தில் களத்திர பாவக வலிமை சிறப்பாக செயல்பட ஆரம்பிக்கும், அதிரடியான வியாபர வெற்றிகளை குவிக்க வைக்கும், இதுவரை சராசரி மனிதராக இருந்த அன்பர்களை, புகழ் பெற்ற மனிதர்களாக மாற்றும் வல்லமை களத்திர பாவகத்திர்க்கு 100% உண்டு.

வாழ்க வளமுடன் 

ஜோதிடன் வர்ஷன் 

9443355696

சுய தொழில் முன்னேற்றமும், அதிர்ஷ்டகரமான மித மிஞ்சிய யோக பலன்களும் !

 சுய ஜாதகத்தில் ஜீவன ஸ்தானம் எனும் 10ம் பாவகம் வலிமை பெறுவதும், வலிமை பெற்ற ஜீவன ஸ்தான பலனை நடைமுறையில் உள்ள திசை ஏற்று நடத்துவதும், ஜாதகருக்கு ஜீவன ரீதியான நன்மைகளை வாரி வழங்கும், பொதுவாக ஜீவன ஸ்தானம் வலிமை பெறுவது ஜாதகருக்கு மிகுந்த நன்மைகளை தரும், குறிப்பாக ஜீவன ஸ்தானம் எனும் 10ம் பாவகம் லாப ஸ்தானமான 11ம் பாவகத்துடன் சம்பந்தம் பெறுவது ( சர லக்கினத்தை தவிர்த்து ) ஜாதகரை தொழில் ரீதியான அதிர்ஷ்டங்களையும் மிதமிஞ்சிய லாபங்களையும் வாரி வழங்கி சிறந்த தொழில் அதிபர் என்ற நிலைக்கு விரைவில் உயர்த்தும், ஒரு சிறந்த தொழில் அதிபரின் ஜாதகம் எப்படி இருக்கும் என்பதற்கு உதாரணமாக, கிழ்கண்ட ஜாதகம் விளங்கும் என்பதில் மாற்று கருத்து இல்லை அன்பர்களே !

லக்கினம் : மீனம் 

ராசி : தனுசு 

நட்சத்திரம் : பூராடம் 4ம் பாதம் 

ஜாதகத்தில் பாவகங்களின் வலிமை :

1,6,7,12ம் வீடுகள் குடும்பம் ஸ்தானமான 2ம் பாவகத்துடன் சம்பந்தம்,

2ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம்,

3,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம்,

4,10,11ம் வீடுகள் லாப ஸ்தானமான 11ம் பாவகத்துடன் சம்பந்தம்,

5ம் வீடு ஜீவன ஸ்தானமான 10ம் பாவகத்துடன் சம்பந்தம்,

8ம் வீடு ஆயுள் ஸ்தானமான 8ம் பாவகத்துடன் சம்பந்தம்,

1,6,7,12ம் வீடுகள் குடும்பம் ஸ்தானமான 2ம் பாவகத்துடன் சம்பந்தம் பெறுவது இலக்கின வழியில் இருந்து ஜாதகர் மிகுந்த வருமான வாய்ப்புகளையும், இனிமையான பேச்சு திறனையும், வாத திறமையாலும் சரளமான பேச்சினாலும், செய்யும் தொழிலில் மிகுந்த லாபத்தையும் வெற்றிகளையும் குவிக்க வைக்கும், சிறந்த உடல் நலத்தையும், மன நலத்தையும் ஜாதகர் இயற்கையாகவே பெற்று இருப்பார், வங்கி பரிவர்த்தனைகள் மூலம் மிகுந்த லாபத்தையும், நிலையான கையிருப்பையும், வரவு செலவுகளில் தன்னிறைவையும், தொடர்ந்து தன சேர்க்கையையும் ஜாதகர் பெறுவார்.

6ம் பாவக வழியில் இருந்து ஜாதகர் வாங்கும் கடன்களும் ஜாதகருக்கு நல்ல வருமானத்தையே தரும், பொருளாதார தன்னிறைவையும், வங்களின் உதவிகளையும், கேட்ட உடன் வங்கி கடன் உதவி பெரும் யோகத்தையும் வாரி வழங்கும், சிறப்பான வெற்றிகரமான நிதி நிலையை ஜாதகருக்கு தொடர்ந்து கொடுத்தவண்ணம் இருக்கும், ஜாதகருக்கு அமையும் தொழிலாளர்கள் அனைவரும் நல்ல விசுவாசியாகவும், கடமை உணர்ச்சி கொண்டவர்களாகவும் திகழ்வார்கள்.

7ம் பாவக வழியில் இருந்து திருமணம் மூலம் அபரிவிதமான அதிர்ஷ்டத்தையும் வருமான வாய்ப்புகளையும், நிறைவான லாபத்தையும் ஜாதகருக்கு வாரி வழங்கும், வாழ்க்கை துணை,கூட்டாளிகள் மற்றும் நண்பர்கள் வழியில் இருந்து 100% விகித யோக வாழ்க்கையை அனுபவிக்க நிலையை தரும், கூட்டாளிகள், கூட்டு தொழில் மூலமும் அளவில்லா வருமானங்களை ஜாதகருக்கு வாரி வழங்கும்.

12ம் பாவக வழியில் இருந்து ஜாதகர் சிறந்த தான சேர்க்கையை தரும், செய்த முதலீடுகளில் இருந்து 100% விகித வருமானத்தை தரும், செல்வத்தை கையாளுவதில் சிறந்த நுட்பங்களை ஜாதகர் கடைபிடிப்பார், பணம் ஒன்றே குறிகோளாக செயல்பட வைக்கும், சரியான திட்டமிடுதல்களையும் அதன் வழியில் இருந்து நல்ல லாபங்களையும் தரும், புதையலுக்கு நிகரான சொத்து சுக சேர்க்கையை தரும் அமைப்பாக இதை கருதலாம்.

2ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம் பெறுவது, கலைத்துறையில் ஈடுபாட்டையும், வாக்கு பலிதத்தையும், இயல்,இசை, நாடக துறையில் சிறந்த ஆளுமையை தரும், பொழுதுபோக்கு அமசங்களில் இருந்து ஜாதகருக்கு எதிர்பாராத வருமானமும் லாபமும் உண்டாகும், தனது அறிவு திறனால் மிகப்பெரிய வெற்றிகளையும், தொழில் வாய்ப்புகளையும் ஜாதகர் உருவாக்கும் தன்மையை தரும், பூர்வீகத்தில் நல்ல வருமானமும், பெயரும் புகழும் உண்டாகும், குடும்ப வாழ்க்கையில் மகிழ்ச்சி உண்டாகும், குடும்பத்தில் குதூகுலமும் சந்தோஷமும் நிறைந்து நிற்கும், ஜாதகரின் வார்த்தைக்கு அனைத்து இடத்திலும் மதிப்பும் மரியாதையும் கிடைக்கும்.

3,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெறுவது, ஜாதகருக்கு 3ம் பாவக வழியில் இருந்து எடுக்கும் முயற்ச்சிகளில் அனைத்திலும் வெற்றியே உண்டாகும், ஏஜென்சி துறையில் கொடிகட்டி பறக்கும் வாய்ப்புகளை வாரி வழங்கும், வெளிநாடு மற்றும் வெளிநாட்டில் உள்ள மக்களின் ஆதரவும் ஜாதகருக்கு பரிபூரணமாக கிடைக்கும், புதியவர்கள் வெளிநாட்டினர்கள் மூலம் வியாபர விருத்தி உண்டாகும், ஆராய்ச்சி மூலம் புதிய யுக்திகளை கையாளும் தன்மையை தரும், அனைத்திலும் வெற்றி நினைக்கும் எண்ணங்களை நடைமுறைக்கு கொண்டு வந்து நன்மைகளை பெரும் யோகம், சாஸ்திர ஞானமும், தேர்ச்சியும் உண்டாகும், அனைவரின் மன நிலையையும் உணர்ந்துகொள்ளும் மனோசக்தி உண்டாகும்,  ஏற்றுமதி இறக்குமதி தொழில்களில் எதிர்பாராத லாபம் உண்டாகும், இசை துறையிலும் ஜோதிடத்திலும் மிதமிஞ்சிய புலமை உண்டாகும், தியானம் யோகங்களில் ஆர்வமும், விளையாட்டில் வெற்றியும், மண்ணிற்கு கிழ் கிடைக்கும் கனிம பொருட்கள், உலோகம் அலோகம் சார்ந்த பொருட்களில் மிகுந்த லாபம் உண்டாக்கும், அனைத்தும் ஜாதகருக்கு சாதகமாக அமையும்.

9ம் பாவக வழியில் இருந்து ஜாதகர் சிறந்த அறிவு திறனையும், தன்னிகரில்லாத சிந்தனை ஆற்றலையும் வாரி வழங்கும், பயணங்களில் விருப்பத்தையும், இடம் மற்றும் சூழ்நிலை மாற்றத்தில் ஆர்வத்தை அதிகரிக்கும், சமுதாயத்தில் அனைத்து தரப்பு மக்களிடமும் ஜாதகருக்கு நற்ப்பெயரும் ஆதரவும் தொடர்ந்து கிடைத்த வண்ணம் இருக்கும், தான் செய்யும் தொழிலில் கைராசியையும், நிலைத்து நிற்கும் வித்தையையும் ஜாதகர் தெளிவாக அறிந்து வைத்திருப்பார்.

4,10,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெறுவதே ஜாதகத்தில் உள்ள மித மிஞ்சிய யோக பலன்களை வாரி வழங்கும் அமைப்பாக கருதலாம், 4,10,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெறுவதும் 11ம் பாவகம் ஜாதகருக்கு காலபுருஷ தத்துவ அமைப்பிற்கு தொழில் ஸ்தானமாகவும், சர மண் தத்துவமாக அமைவது கவனிக்க தக்க அம்சமாகும், சர ராசிகளின் தன்மை பொதுவாக தான் தரவேண்டிய பலன்களை தங்குதடை இன்றி 100% விகிதம் மிக குறுகிய காலத்தில் வாரி வழங்கும், ஜாதகருக்கு நடைபெறும் அல்லது  எதிர்வரும் திசை,புத்தி,அந்தரம் மற்றும் சூட்சமம் 11ம் பாவக பலனை ஏற்று நடத்தினால், ஜாதகருக்கு எதிர்பாராத லாபங்களும் அதிர்ஷ்டங்களும் தொழில் ரீதியாகவும், வியாபர ரீதியாகவும் வாரி வழங்கிவிடும்.

4ம் பாவக வழியில் இருந்து ஜாதகர் நண்பர்கள் ஆதரவு நிரந்தரமாக கிடைக்கும் யோகத்தை தரும், போதும் என்ற மன நிறைவையும், சுக போக வாழ்க்கையில் தன்னிறைவையும் தரும், தனது பெயரில் உள்ள அசையும் அசையா சொத்துகள் வழியில் இருந்து நிறைவான லாபங்கள் வந்துகொண்டே இருக்கும், வண்டி வாகனம், புதிய சொத்துகள் வாங்கும் யோகம், கால்நடைகள் வழியில் மிதமிஞ்சிய லாபம், புதிய அனைத்து வசதிமிக்க வீடு கட்டும் அல்லது வாங்கும் யோகத்தை தரும், ஜாதகரின் நல்ல குணம் உலக புகழை பெற்று தரும், சமுதாயத்தில் உள்ள பெரிய மனிதர்களின் ஆதரவும் உதவியும் தேடிவரும், எடுக்கும் காரியங்களில் சுலப வெற்றியை பெற்று தரும்.

10ம் பாவக வழியில் சிறந்த கௌரவமான யோக வாழ்க்கை, அரசியலில் பெரிய பதவிகளை அலங்கரிக்கும் யோகம், அனைவருடன் அனுசரித்து செல்லும் யோகம், தொழில் ரீதியான வெற்றிகளையும் லாபங்களையும், ஜாதகர் முன்கூட்டியே திட்டமிட்டு பெரும் யோகத்தை தரும், ஜாதகரின் கணிப்பு தவறாமல் ஜாதகருக்கு நன்மைகளையும், யோகத்தையும் வாரி வழங்கும், வெற்றி மயமான எதிர்கால வாழ்க்கை, எந்த செயலையும் நம்பிக்கையுடன் செய்து 100% விகித வெற்றியை பெரும் யோகத்தை தரும்.

11ம் பாவக வழியில் இருந்து ஜாதகரின் தன்னம்பிக்கையும், மன உறுதியும் மிதமிஞ்சிய அளவில் செயல்படும், சிறந்த குணம் ஜாதகரின் வாழ்க்கையில் பல திருப்பு முனைகளை தரும், மிகுந்த அதிர்ஷ்டத்தின் பலனை ஜாதகர் தங்குதடையின்றி பெறுவார், பொருளாதரத்தில் தன்னிறைவான யோக வாழ்க்கையை ஜாதகர் மிக இளம் வயதிலேயே பெற்றுவிடுவார், ஜாதகரின் எண்ணங்களும் செயல்களும் மிகவும் நேர்மையானதாகவும், சத்தியத்திற்கும் சட்டத்திற்கும் கட்டுப்பட்டதாக அமைந்திருக்கும்.

5ம் வீடு ஜீவன ஸ்தானமான 10ம் பாவகத்துடன் சம்பந்தம் பெறுவது, ஜாதகரின் சுய முயற்ச்சியில் வெற்றிபெற்ற ஒரு சிறந்த வெற்றியாளனாக சமுதாயத்தில் அறிமுகம் செய்துவைக்கும், தனது சிந்தனை மற்றும் அறிவு புத்திசாலித்தனம் அனைத்தையும் தான் செய்யும் தொழிலில் பயன்படுத்தும் வல்லமையை தரும் என்ற போதிலும், தனது தந்தையுடன் மிகுந்த கருத்துவேறுபாடுகளை தொடர்ந்து கொடுத்தவண்ணம் இருக்கும், கலை துறையில் ஜாதகருக்கு தனிப்பட்ட அடையாளத்தையும், மிகப்பெரிய வெற்றிகளையும் வாரி வழங்கும், ஆய கலைகள் 64ல் ஜாதகர் தேர்ந்து எடுக்கும் கலையில் மிகுந்த தேர்ச்சியை தரும், ஜோதிடம் கணிதம் இசை சார்ந்த விஷயங்களில் தனிப்பட திறைமைகளை ஜாதகர் பயன்படுத்தும் யோகத்தை தரும், இறைஅருளின் கருணை  ஜாதகருக்கு பரிபூர்ணமாக அமைந்திருக்கும், முப்பெரும் தேவியரின் ஆசிகளுக்கும் அருளுக்கும் பாத்தியமாகும் யோகத்தை வழங்கும்.

தற்பொழுது நடைமுறையில் உள்ள செவ்வாய் திசை ஜாதகருக்கு 11ம் பாவக பலனை ஏற்று நடத்துவதும், அடுத்து வரும் ராகு திசையும் ஜாதகருக்கு 2ம் பாவக பலனை ஏற்று நடத்துவதும், ஜாதகரை தொழில் மற்றும் ஜீவன ரீதியான வெற்றிபடிகளில் தொடர்ந்து உயர்ந்து சென்றுகொண்டு இருக்கும் வாய்ப்பை தங்கு தடையின்றி வழங்கும், தொழில் ரீதியான மிகப்பெரிய சாம்ராஜ்யத்தை, ஜாதகர் உருவாக்குவதற்கு நல்ல வாய்ப்புகளை நிச்சயம் ஏற்ப்படுத்தும்.

குறிப்பு :

தற்பொழுது நடைபெறும் சனி புத்தி மட்டும் 8ம் வீடு ஆயுள் ஸ்தானமான 
8ம் பாவகத்துடன் சம்பந்தம் பெறுவது, சற்று அதிக சிரமங்களை தரக்கூடும், மனோ ரீதியான போராட்டங்களை அதிக அளவில் தர கூடும், திடீர் இழப்புகள் சில நேரங்களில் தவிர்க்க இயலாது.

வாழ்க வளமுடன் 

ஜோதிடன் வர்ஷன் 

9443355696

ஜீவன ஸ்தானம் எனும் பத்தாம் பாவகம் வழங்கும் தொழில் மேன்மை - மேஷ லக்கினம் பாகம் 4

கால புருஷ தத்துவ அமைப்பிற்கு முதல் ராசியான மேஷ ராசியை லக்கினமாக கொண்ட அன்பர்களுக்கு, ஜீவன ஸ்தானம் வலிமை பெற்று அமரும் பொழுது தரும் யோக பலன்களையும், வலிமை அற்று அமரும் பொழுது தரும் அவயோக பலன்களை பற்றியும் இந்த பதிவில் சிந்திப்போம் அன்பர்களே! மேஷ லக்கினத்தை சார்ந்த அன்பர்களுக்கு மகரம் ஜீவன ஸ்தானம் எனும் பத்தாம் பாவகமாக அமையும், இந்த மகரம் மேஷ லக்கினதிர்க்கும் சரி, கால புருஷ தத்துவ அமைப்பிற்கும் சரி 10ம் வீடாகவே அமைகிறது, மேலும் சர மண் தத்துவ அமைப்பில் இயங்குகிறது, இந்த மகரம் மேஷ லக்கினத்தை சார்ந்தவர்களுக்கு 6,8,11,12ம் பாவகங்களுடன் தொடர்பு பெறாமல் இருந்தால் ஜாதகரின் ஜீவன மேன்மை மிகவும் சிறப்பாக இருக்கும் குறிப்பாக பாதக ஸ்தானமான 11ம் பாவகத்துடன் சம்பந்தம் பெறாமல் இருப்பது மிகுந்த யோகத்தை தரும்.


 மேஷ லக்கினத்திற்கு ஜீவன ஸ்தானம் தொடர்பு பெரும் பாவகங்களும், ஜாதகர் பெரும் நன்மைகளும்:

ஜீவன ஸ்தானம் நான்காம் பாவகத்துடன் தொடர்பு பெரும் பொழுது :

ஜாதகர் மிகுந்த யோகசாலி மற்றும் அதிர்ஷ்டசாலி என்று தெளிவாக சொல்லலாம் ஏனெனில் ஜாதகர் துவங்கும் எந்த ஒரு தொழிலும் மிக சிறப்பான முன்னேற்றத்தை  வாரி வழங்கும் தங்கு தடையின்றிய வருமானத்தை தரும், குறிப்பாக ஜாதகர் வண்டி வாகனம் சார்ந்த தொழில்களிலும், நீர் தத்துவம் கொண்ட உணவு பொருட்கள் அமைப்பில் இருந்தும் மிகப்பெரிய வருமானத்தை பெறுவார், குறிப்பாக காய்கறி, விவசாய உற்பத்தி பொருட்கள், உணவகம் மற்றும் உணவகம் சார்ந்த தொழில்கள், மக்கள்  அன்றாடம் பயன்படுத்தும் பொருட்கள், அரிசி மற்றும் தானிய பொருட்கள், ஆடை மற்றும் அணிகலன்கள் சார்ந்த தொழில்கள் என ஜாதகரை மிகப்பெரிய வருமானத்தை தரும் தொழில்களில் ஈடுபடுத்தி, மிக பெரிய வெற்றிகளை வாரி வழங்கிவிடும், குறைந்த முதலீட்டில் அதிக லாபம் சம்பாதிக்கும் தொழில்கள் யாவும் இவர்களுக்கு ஏற்றது.

பொதுவாக மேற்கண்ட அமைப்பை தனது சுய ஜாதகத்தில் பெற்ற அன்பர்கள்! விவசாயம் சார்ந்த தொழில்களுக்கு முன்னுரிமை தருவது சிறப்பான நற்பலன்களை வாரி வழங்கும், ஏனெனில் இவர்களுக்கு போதிய அளவில் நிறைவான நிலபுலன்கள் இயற்கையிலேயே அமைந்திருக்கும், ஒருவேளை ஜாதகர் நிலபுலன்கள் இல்லாதவராக இருப்பின் தனது சுய முயற்சியால் சொத்து சுகங்களை குறுகிய காலத்தில் சம்பாதிக்கும் யோகத்தை தரும், இரண்டாவதாக இவர்களுக்கு ஏற்ற தொழில் நிச்சயம் மோட்டர் தொழில் எனப்படும் வண்டி வாகன துறையே, அதாவது ஜாதகர் சிறிதாக ஆரம்பிக்கும் மோட்டார் தொழில் அபரிவிதமான வெற்றியை தந்து, மிகப்பெரிய வண்டி வாகனங்களுக்கு சொந்தகாரராக வாழ்க்கையில் உயர்த்தி விடும், ஒரு காலத்தில் மிதி வண்டியில் கூட செல்ல இயலாத நிலையில் இருந்தவரை, மிக விலை உயர்ந்த சொகுசு வாகனங்களில் செல்லும் யோகத்தை தரும் அமைப்பாக கருதலாம், ஆக மேற்கண்ட அமைப்பை சார்ந்தவர்களுக்கு முதலில் விவசாய தொழிலையும், இரண்டாவதாக வண்டி வாகன தொழிலையும் செய்யலாம்.

குறிப்பு : ( சுயமாக பெரிய முதலீடுகளை செய்து மிகப்பெரிய தொழில்களை செய்யும் யோகம் பெற்றவர்கள் )

ஜீவன ஸ்தானம் ஐந்தாம் பாவகத்துடன் தொடர்பு பெரும் பொழுது :

பெரும்பாலான ஜாதகர்கள் இந்த அமைப்பை பெரும் பொழுது தனது முன்னோர்கள் என்ன தொழிலை மேற்கொண்டு இருந்தார்களோ, அந்த தொழிலே ஜாதகருக்கு அமைந்துவிடுகிறது, தலைமுறை தலைமுறையாக செய்துவரும் தொழில்கள் ஜாதகருக்கு இயற்கையாகவே அமைந்துவிடுகிறது, அதன்வழியிலேயே ஜாதகர் தனது ஜீவன வாழ்க்கை மேற்கொள்ளும் யோக அமைப்பை  பெற்று விடுகிறார், மேலும் குடும்ப அமைப்பில் அனைவரும் ஒன்று சேர்ந்து செய்யும் கூட்டு அமைப்பை தருகிறது, இவர்கள் செய்யும் தொழில்கள் ஸ்திரமான அமைப்பிலும், நீடித்து நெடுங்காலமாக தொடர்ந்து செய்துவரும் அமைப்பையே தருவதால் ஜாதகர் அனுபவமும், அறிமுகமும் தொழில் விருத்தியை அபரிவிதமாக வாரி வழங்கிவிடுகிறது.

மேற்கண்ட அமைப்பு சுய ஜாதகத்தில் அமையும் பொழுது சில ஜாதகர்கள் அரசு துறையில் பணியாற்றும் யோகத்தை பெற்று இருக்கின்றனர், குறிப்பாக மின்வாரியம், அரசு போக்குவரத்து கழகம், கிராம, நகர நிர்வாகம் சார்ந்த அரசு துறைகளில் பணியாற்றும் யோகத்தை தருகிறது, கிராம நிர்வாக அலுவலர் பணிகளில் சிறப்பாக செயல்படும் அன்பர்கள் இவர்களே! அரசு மருத்துவம் சார்ந்த துறைகளில் சிறப்பாக பணியாற்றும் யோகத்தை தருவது இந்த அமைப்பே , இதை தவிர ஜாதகர் பல சரக்கு கடை, மருந்து கடை, உணவகம், காய்கறி வியாபாரம் , பேக்கரி, துணிக்கடை, மின்சார உபகரணம் விற்கும் அங்காடி என ஜாதகர் ஸ்திரமானதாக செய்யும் நடுத்தர வியாப்ரங்களில் நல்ல முன்னேற்றமும், சிறப்பான பொருளாதார வளர்ச்சியையும் பெறுகின்றனர்.

குறிப்பு : ( சுயமாக ஸ்திரமான வியாபர  தொழில்களை செய்யும் யோகம் பெற்றவர்கள் ) 

ஜீவன ஸ்தானம் ஏழாம் பாவகத்துடன் தொடர்பு பெரும் பொழுது :

உலக புகழ் பெரும் தொழில் அதிபர்கள் இவர்களே என்றால் அது மிகையில்லை, காரணம் மேஷ லக்கினத்திற்கு ஜீவன ஸ்தானம் களத்திர ஸ்தானமான 7ம் பாவகத்துடன் சம்பந்தம் பெற்று, சர காற்று தத்துவமாக இருப்பதே, ஜாதகரின் அறிவு திறன் அபரிவிதமாக செயல்படும், பெரிய நிறுவனங்களை தலைமை ஏற்று நடத்தும் புகழ் மிக்க பொறுப்புகள் ஜாதகரை தேடி வரும், ஜாதகரின் தனிப்பட்ட புதுமையான அணுகுமுறை தான் ஏற்றுகொண்ட  பொறுப்புகளின் வெற்றியை 100% நிர்ணயம் செய்யும், ஜாதகரின் நடைமுறையை பலர் பின்பற்றுவார்கள், புதிய யுக்தியும் புதிய செயல்பாடுகளும் ஜாதகரி புகழின் உச்சிக்கே எடுத்து செல்லும், இதனால் செல்வாக்கும் வருமான வாய்ப்பும் அதிரடியாக உயரும், இவர்களின் அறிவு திறனின் செயல்பாடுகளை எவராலும் யூகிக்க இயலாது என்பது கவனிக்கப்பட வேண்டிய ஒரு விஷயமாக ஜோதிடதீபம் கருதுகிறது.

பெரும்பாலும் மேற்கண்ட அமைப்பை பெரும் ஜாதகர் அனைவரும் திருமணதிற்கு பிறகே அபரிவிதமான வளர்ச்சியை பெறுகிறார்கள் என்பது கண்கூடாக கண்ட உண்மை, ஜாதகர் தனது வாழ்க்கை துணை வழியில் இருந்து அபரிவிதமான மன ஆற்றலையும், உடல் வலிமையையும் பெறுவதால் ஜாதகரின் அறிவு திறன் மிதமிஞ்சிய அளவில் செயல்பட ஆரம்பிக்கிறது, இதன் காரணமாகவே ஜாதகர் அபரிவிதமான வளர்சியை பெறுகிறார், உலக அளவில் அனைவராலும் கவனிக்கப்படும் தன்மையை தருகிறது, பொதுமக்களின் ஆதரவை அபரிவிதமாக பெரும் யோகத்தை பெற முடிகிறது, விடா முயற்சியும் அளவில்லா அறிவு திறனும் ஜாதகரால் இயலாதது ஒன்றும் இல்லை என்ற நிலையை தருகிறது, ஜாதகரின் லட்சியத்தை நோக்கிய பயணத்தில் எவ்வித இடையுருகளையும் எதிர்கொள்ளும் வல்லமையை வாரி வழங்குகிறது, இவர்களின் தனிப்பட்ட தொழில் முயற்சிகளை விட பொதுமக்களை சார்ந்த தொழில்களில் பிரகாசிக்க வைக்கிறது, எனவே அது சார்ந்த தொழில்களை ஜாதகர் தேர்ந்தெடுப்பது சிறப்பான யோகத்தை தரும்.

குறிப்பு : ( சுயமாகவும், பொது துறையிலும், பல தொழிலாளர்களை கொண்டுள்ள மிகப்பெரிய நிறுவனங்களையும் நிர்வாகிக்கும் வல்லமை பெற்றவர்கள்.)

வாழ்க வளமுடன் 
ஜோதிடன் வர்ஷன் 
9443355696

ஜீவன ஸ்தானம் எனும் பத்தாம் பாவகம் வழங்கும் தொழில் மேன்மை - மேஷ லக்கினம் பாகம் 3

 கால புருஷ தத்துவ அமைப்பிற்கு முதல் ராசியான மேஷ ராசியை லக்கினமாக கொண்ட அன்பர்களுக்கு, ஜீவன ஸ்தானம் வலிமை பெற்று அமரும் பொழுது தரும் யோக பலன்களையும், வலிமை அற்று அமரும் பொழுது தரும் அவயோக பலன்களை பற்றியும் இந்த பதிவில் சிந்திப்போம் அன்பர்களே! மேஷ லக்கினத்தை சார்ந்த அன்பர்களுக்கு மகரம் ஜீவன ஸ்தானம் எனும் பத்தாம் பாவகமாக அமையும், இந்த மகரம் மேஷ லக்கினதிர்க்கும் சரி, கால புருஷ தத்துவ அமைப்பிற்கும் சரி 10ம் வீடாகவே அமைகிறது, மேலும் சர மண் தத்துவ அமைப்பில் இயங்குகிறது, இந்த மகரம் மேஷ லக்கினத்தை சார்ந்தவர்களுக்கு 6,8,11,12ம் பாவகங்களுடன் தொடர்பு பெறாமல் இருந்தால் ஜாதகரின் ஜீவன மேன்மை மிகவும் சிறப்பாக இருக்கும் குறிப்பாக பாதக ஸ்தானமான 11ம் பாவகத்துடன் சம்பந்தம் பெறாமல் இருப்பது மிகுந்த யோகத்தை தரும்.


 மேஷ லக்கினத்திற்கு ஜீவன ஸ்தானம் தொடர்பு பெரும் பாவகங்களும், ஜாதகர் பெரும் நன்மைகளும்:

 ஜீவன ஸ்தானம் லக்கினத்துடன் தொடர்பு பெரும் பொழுது :

 ஜாதகர் சிறந்த நிர்வாக திறமை கொண்டவராக காணப்படுவார், அரசு மற்றும் காவல் ராணுவ துறையில் கொடிகட்டி பறக்கும் யோகம் உண்டாகும், குறிப்பாக அரசு நிர்வாகம் சார்ந்த உயர் பதவிகளான IAS ,IPS தேர்வுகளில் சிறந்த தேர்ச்சியை பெரும் யோகத்தை தரும், அரசு துறை சார்ந்த நிர்வாக அமைப்புகளில் சிறப்பாக பணிபுரியும் தன்மையை தரும், தன்னம்பிக்கையும், சுய கட்டுபாடும் கொண்டவர்களாக இருப்பார்கள், நேர்மைக்கு பெயர்போனவர்கள், ஜீவன ஸ்தானமான மகரம் லக்கினத்துடன் தொடர்பு பெரும் பொழுது ஜாதகருக்கு அளவில்லா தைரியத்தையும், நேர்மையாக வாழும் யோகத்தையும் தந்துவிடும், இதற்க்கு முக்கிய காரணமாக இந்த மகர ராசிக்கு அதிபதியான சனியும், மேஷ ராசிக்கு அதிபதியான சனியும் காரணமாக இருக்கின்றனர், பொதுவாக செவ்வாய் சனி சேர்க்கை பெறுவதை, பாரம்பரிய ஜோதிடத்தில் தீய பல்னகளை தரும் என்று வர்ணிக்க படுவதுண்டு, இதில் யாருக்கு தீய பலன்களை வழங்கும் என்பதை கருத்தில் கொள்வது நலம், நேர்மைக்கும் உண்மைக்கும் புறம்பாக செயல்படும் அனைவருக்கும், மேற்கண்ட அமைப்பு தீய பலன்களையே வழங்கும், உண்மைக்கும் நேர்மைக்கும் பாடுபடும் அன்பர்களுக்கு மிகுந்த யோகத்தையே வாரி வழங்கும்.

 எனவே சுய ஜாதகத்தில் இந்த சனி செவ்வாய் சேர்க்கை பெற்ற அன்பர்கள் பலர் உண்மைக்கும் நேர்மைக்கும் புறம்பாக செயல் படாத காரணத்தால், மற்றவர்கள் இவர்களை புறக்கணிப்பதும், இவர்கள் வாழ தெரியாதவர்கள் என்று புகார்  சொல்வதும் இயற்கையான ஒன்றே, ஆக மேஷ லக்கினத்தை சார்ந்தவர்கள் ஜீவன ஸ்தானம் லக்கினத்துடன் தொடர்பு பெரும் பொழுது, மிகவும் நேர்மையாகவும், உண்மையாகவும் ஜீவன வாழ்க்கையை மேற்கொள்வார்கள், எனவேதான் இவர்களால் சட்டம் ஒழுங்கை காப்பாற்றும் அரசியல், காவல் துறை, ராணுவ துறையில் சிறந்த பதவிகளை பெற இயலுகிறது, மேலும் கட்டுமான துறையிலும், பொறியியல் துறையிலும், நிலம் சம்பந்தபட்ட  ரியல் எஸ்டேட் துறையிலும் தன்னிகரற்று விளங்கும் யோகத்தை தருகிறது. ஆக மேஷ லக்கினத்தை சார்ந்த அன்பர்களுக்கு ஜீவன ஸ்தானம் எனும் 10ம் வீடு இலக்கின பாவகத்துடன் தொடர்பு பெறுவது 100% யோக வாழ்க்கையை வாரி வழங்கும்.

 குறிப்பு : ( சுயமாக பெரிய முதலீடுகளை செய்து மிகப்பெரிய தொழில்களை செய்யும் யோகம் பெற்றவர்கள் ) 


 ஜீவன ஸ்தானம் இரண்டாம் பாவகத்துடன் தொடர்பு பெரும் பொழுது :

 ஜாதகர் சிறந்த கலை நுணுக்கமும், ஆய கலைகள் 64 ல் சிறந்து விளங்கும் தனித்தன்மை பெற்றவராக காணப்படுவார், குறிப்பாக கட்டிட கலையில் சிறந்து விளங்கும்  யோகத்தை தரும் மேலும், பணம் சார்ந்த துறைகளிலும், வணிகம் சார்ந்த துறைகளிலும் சிறந்து விளங்கும் அறிவாற்றலை தரும், ஒரு நாட்டின் பொருளாதரத்தை மிகவும் சிறப்பாக நடத்தி செல்லும் தனி திறன் பெற்றவர்கள் குறிப்பாக சொல்ல வேண்டும் எனில், வியாபாரம், வணிகம், ஏற்றுமதி இறக்குமதி, அந்நிய செலவாணி, வங்கி துறை போன்ற அமைப்புகளில் முக்கிய பங்காற்றும் அன்பர்கள் இவர்களே, மிகசிறந்த சொகுசு வாழ்க்கையை வாழும் யோகத்தை தரும், இதை சார்ந்த தொழில்களில் ஜாதகர் கொடிகட்டி பறக்கும் யோகத்தையும் வாரி வழங்கும், ஜாதக அமைப்பில் 66%  சதவிகித ஜீவன யோகத்தை அனுபவிக்கும் தன்மையை தரும் .

 மனிதன் சொகுசாக வாழும் வாழ்க்கைக்கு தேவையான பொருட்களை தாயரிக்கும் தொழில், விற்பனை தொழில் மற்றும் சேவை தொழில்களில் மிகப்பெரிய வெற்றிய பெரும் அன்பர்கள் அனைவரும் மேற்கண்ட அமைப்பை சார்ந்தவர்களே! ஜீவன ஸ்தானமான மகரம் இரண்டாம் பாவகமான ரிஷபத்துடன் சம்பந்தம் பெரும் பொழுது, ஸ்திரமான வெற்றியை வாரி வழங்கி விடுகிறது, மேலும் 2ம் பாவகமான ரிஷப ராசிக்கு அதிபதியாக சுக்கிரன் பொறுப்பேற்று கொள்வதால், ஜாதகரின் சொகுசு வாழ்க்கையை எவராலும் தடுத்து நிறுத்த இயலாத வண்ணம் அமைந்துவிடுகிறது, இந்த அமைப்பு மேஷ லக்கினத்தை சார்ந்தவரகளுக்கு வணிகம், வங்கி, வண்டி வாகனம், வீடு நில புலன்கள், வட்டி, வாடகை தொழில், ஏற்றுமதி இறக்குமதி தொழில்கள், அரசு துறையில் பணம் சார்ந்த விஷயங்களை நிர்வாகிக்கும் அமைப்புகளிலும், கட்டுமான துறையிலும் மிகசிறந்த முன்னேற்றத்தை வாரி வழங்கி விடும், வருமானம் என்பது மேற்கண்ட அமைப்பை சார்ந்தவரகளுக்கு ஒரு பிரச்சனையாகவே இருக்காது, தொடர்ந்து வருமான வாய்ப்புகள் வந்து குவிந்த வண்ணமே இருக்கும் என்பதால் இவர்களுக்கு தொழில் சார்ந்த பிரச்சனைகள் இருக்க வாய்ப்பில்லை, சேமிப்பு என்ற ஒரு விஷயத்தில் மட்டும் கவனம் செலுத்தினால் போதும், ஜாதகர் வாழ்க்கையில் ஸ்திரமான சொத்து சுகங்களை பெரும் யோகம் உண்டாகும்.

 குறிப்பு : ( சுயமாக நடுத்தர  முதலீடுகளை செய்து, ஏற்றுமதி இறக்குமதி  தொழில்களை செய்யும் யோகம் பெற்றவர்கள் ) 


ஜீவன ஸ்தானம் மூன்றாம் பாவகத்துடன் தொடர்பு பெரும் பொழுது :

 இவர்களின் அறிவு திறன் என்பது ஜாதகருக்கு பயன்படுவதை விட மற்றவர்களுக்கே  அதிகம் பயன்படும், மற்றவர்களுக்கு ஆலோசனை சொல்லும் தொழில்களில் மிகசிறந்த முன்னேற்றத்தை பெரும் யோகம் பெற்றவர்கள், குறிப்பாக மருத்துவம்,சட்டம்,ஜோதிடம் போன்ற துறைகளில் கொடிகட்டி பறக்கும் யோகத்தை தரும், இவர்களின் ஆலோசனை படி நடக்கும்  அன்பர்கள் அனைவரும் 100% நன்மையே பெறுவார்கள், தங்கு தடையின்றி வெற்றி வாய்ப்பை பெற்று தரும், ஜீவன ஸ்தானமான மகரம் உபய காற்று தத்துவமான மிதுனத்துடன் சம்பந்தம் பெறுவது ஜாதகருக்கு சிறந்த அறிவாற்றலை வாரி வழங்கி விடும், எவருக்கும் புரியாத விஷயங்களும், சூட்சும ரகசியங்களையும் தெளிவாக தெரிந்துகொள்ளும் அறிவு திறன் பெற்றவர்கள், இவர்களின் ஆலோசனை சமுதாயத்திற்கும், அரசு துறைகளுக்கும், குடும்ப வாழ்க்கைக்கும் மிகவும் பயனுள்ளதாக இருக்கும், ஏஜென்சி துறையில் இந்த அமைப்பை பெற்றவர்கள் மிகுந்த முன்னேற்றத்தை பெறுவார்கள், கமிஷன் தரகு தொழில்களில் மிகுந்த லாபத்தை பெரும் யோகத்தை தரும்.

 சிறந்த ஆசிரியர்கள், பேராசிரியர்கள் அனைவரும் மேற்கண்ட அமைப்பை பெற்று இருப்பது கவனிக்க தக்கது, சமுதாயத்திற்கு சிறந்த மாணவர்களையும், நல்ல மனிதர்களையும் தரும் வலிமையையும் திறமையும் பெற்றவர்கள், தான் எடுக்கும் முடிவுகளில் இருந்து சிறிதும் பின்வாங்கத மன வலிமையை கொண்டவர்கள், தகவல் மற்றும் தொழில் நுட்பம் சார்ந்த துறைகளில் மிகப்பெரிய வெற்றி வாய்ப்பை பெரும் அன்பர்கள் இவர்களே என்றால் அது மிகையில்லை, புதிய கண்டுபிடிப்புகள், புதிய உபகரணங்களை சரியாக பயன்படுத்தும் அறிவாற்றல் பெற்றவர்கள், புதிய சிந்தனைகள் மூலம் தான் செய்யும் பணியின் சிரமங்களை வெகுவாக குறைத்துகொள்ளும் மதிநுட்பம் நிறைந்தவர்கள், எடுக்கும் எந்த ஒரு முயர்ச்சியிலும் பின்வாங்காமல் வெற்றி வாய்ப்பை பெரும் யோக அமைப்பை பெற்றவர்கள், எந்த ஒரு நிறுவனத்தையும் தனது மதி நுட்பத்தால் குறுகிய காலத்தில் பொருளாதார ரீதியாக வெற்றி பெற வைக்கும் தனித்தன்மை இவர்களுக்கே இறையருள் வாரி வழங்கி இருப்பது கவனிக்க தக்கது, மேற்கண்ட அமைப்பு ஜீவன ரீதியாக 33% சதவிகிதம் யோகத்தை அனுபவிக்கும் தன்மையை தரும் .

 குறிப்பு : ( சுயமாக சிறிய முதலீடுகளை செய்து சிறு வியாபர தொழில்களை செய்யும் யோகம் பெற்றவர்கள் ) 

வாழ்க வளமுடன்
ஜோதிடன் வர்ஷன் 
9443355696

மிதுன லக்கினம் - லக்கினம் வலிமை பெரும் பொழுது ஜாதகர் பெரும் நன்மைகள் !

கால புருஷ தத்துவ அமைப்பிற்கு 3ம் வீடான மிதுன ராசியை லக்கினமாக கொண்ட ஜாதகருக்கு லக்கினம் வலிமை பெரும் பொழுது, ஜாதகர் இலக்கின வழியில் இருந்து ஜாதகர் பெரும் நன்மைகளை பற்றி இந்த பதிவில் சிந்தனைக்கு எடுத்து கொள்வோம் அன்பர்களே!

மிதுனம் கால புருஷ தத்துவத்திற்கு 3ம் ராசியாகவும் உபய காற்று தத்துவ ராசியாகவும் அமைவதால் ஜாதகரின் அறிவாற்றல் சிறந்து விளங்கும், ஜாதகர் தனது சகோதர வழியில் இருந்து 100 சதவிகித நன்மைகளை பெறுபவர் என்பது உறுதியாகிறது, எடுக்கும் முயற்சிகளில் எவ்வித இடையூறும் இன்றி பல வெற்றிகளை குவிப்பார்கள், தன்னம்பிக்கையான மன நிலை ஜாதகருக்கு பிறவியிலேயே அமைந்திருக்கும், எவ்வித சந்தர்ப்பத்தையும் மிகவும் சிறப்பாக கையாளும் வல்லமை பெற்றவர்கள்.

 மிதுன லக்கினத்தை சார்ந்த அன்பர்கள் சிறப்பாக விளங்கும் துறைகள் என்று எடுத்து கொண்டால், கல்வி துறை மற்றும் வியாபாரம் மற்றும் தொழில் துறை இது சார்ந்த தொழில்களில் ஜாதகர் பன்மடங்கு யோகங்களை அனுபவிக்கும் தன்மையை பெறுவார், ஜாதகர் செய்யும் சிறு வியாபாரமும் குறுகிய காலத்தில் வளர்ச்சி பெரும், ஜாதகர் அணுகும் வியாபார நுணக்கங்கள் எவராலும் கண்டுபிடிக்க இயலாது, தனிப்பட்ட விதத்தில் ஜாதகரின் தொழில் ரகசியங்கள் அமைந்திருக்கும்.

ஜாதகரின் உடல் நிலை மற்றும் மன நிலை மிகவும் சிறப்பாக வைத்திருக்கும் வித்தையை பிறவியிலேயே கற்று உணர்ந்திருப்பார், குறிப்பாக யோகம் , தியானம் போன்ற விஷயங்கள் ஜாதகருக்கு இயற்கையாகவே சித்திக்கும், எவ்வித சூழ்நிலையிலும் சுய கௌரவத்தை விட்டு கொடுக்காமல் வாழும் சிறந்த மனிதர்கள் என்றால் அது மிகையில்லை, தன்னை சார்ந்தவர்களின் வழ்க்கையிலூம் முன்னேற்றம் காண விரும்பும் மன நிலையை இயற்கையிலேயே பெற்றிருப்பர்கள், இதன் மூலம் இவர்களின் முன்னேற்றமும் அமைந்ந்திருக்கும் என்பது குறிப்பிடத்தக்கது.

மிதுன லக்கினத்தை சார்ந்தவர்களுக்கு லக்கினம் மிக வலிமையாக அமையும் பொழுது, சூது லாட்டரி, குதிரை பந்தையம், விளையாட்டில் வெற்றி, போட்டி பந்தையங்களில் வெற்றி என்ற அமைப்பில் மிகுந்த யோகத்தை தரும், எதிர்பாராத வகையில் லாபத்தை வாரி வழங்கும், வட்டி தொழில், கமிஷன் தொழில் ஆகியவற்றில் மிகவும் திறமையாக செயல்பட்டு வருமானம் காணும் அன்பர்கள் இவர்களே என்றால் அது மிகையில்லை, தன்னிடம் உள்ள செல்வத்தை பன்மடங்கு பெருக்கும் வித்தை அறிந்தவர்கள், பண விஷயத்தில் மிகவும் கண்டிப்பாக நடந்துகொள்ளும் மன நிலையை தரும்.

மிதுன லக்கினம் வலிமை பெற்று அமரும் பொழுது ஜாதகரின் கற்பனை ஆற்றலும், சிந்தனை ஆற்றலும் பன்மடங்கு வேலை செய்யும், சிறந்த கண்டுபிடிப்புகள் மற்றும் மனிதகுலம் சிறப்பாக வாழ தேவையான அறிய பொருட்களின் கண்டுபிடிப்புகளுக்கு சொந்தகாரர்கள் இவர்களே என்றால் அது மிகையில்லை, இவர்கள் கண்டுபிடித்த சில பொருட்கள் மனிதர்களின் உயிரை காக்கும் வல்லமை கொண்டவை, மேலும் பல சிரமமான வேலைகளை மிக எளிதாக செய்யும் பல கண்டுபிடிப்புகளை இந்த உலகத்திற்கு கொடுத்தவர்களும் மிதுன லக்கினத்தை சார்ந்தவர்களே.

  எந்த ஒரு சூழ்நிலையிலும் மிதுன லக்கினத்தை சார்ந்தவர்களை ஏமாற்ற இயலாது, மேலும் அது போன்ற சந்தர்பங்களை மிக எளிதாக கையாண்டு தவிர்த்துவிடும் தன்மை கொண்டவர்கள், இவர்கள் ஒருவரை ஏமாற்ற முடிவு செய்துவிட்டால் அதை தடுக்க கடவுள் வந்தாலும் இயலாது, இந்த அமைப்பு சுய ஜாதகத்தில் லக்கினம் வலிமை பெற்று 7ம் பாவகம் பாதக ஸ்தானதுடன் தொடர்பு பெரும் பொழுது மட்டுமே நடைமுறைக்கு வரும்.

கால புருஷ தத்துவ அமைப்பிற்கு 3ம் பாவகமாக வரும் மிதுனத்தை லக்கினமாக கொண்டவர்களுக்கு லக்கினம் வலிமை பெரும் பொழுது, ஜோதிடம் மற்றும் கணிதம் மிகவும் சிறப்பாக வரும், உடல் வலிமையை விட ஜாதகருக்கு மன வலிமையையும் அறிவாற்றலுமே சிறந்து விளங்கும், பல சதிவேலைகளின் மர்மங்களை இவர்கள் மிக எளிதில் கண்டுணர்ந்து தடுத்தது நிறுத்தும் வல்லமை பெற்றவர்கள், வியாபர துறையிலே கொடிகட்டி பறக்கும் பல அன்பர்கள் இந்த மிதுன லக்கினம் வலிமை பெற்றவர்களே என்றால் அது மிகையில்லை.

மிதுன ராசியை லக்கினமாக கொண்டு லக்கினம் வலிமை பெரும் அமைப்பை பற்றி  இனி பார்ப்போம் மிதுன  ராசியை லக்கினமாக பெற்றவர்களின் சுய ஜாதகத்தில் லக்கினம் எனும் முதல் வீடு 1,2,3,4,5,7,9,10 பாவகங்களுடன் தொடர்பு பெரும் பொழுது ஜாதகர், சம்பந்தபட்ட பாவக அமைப்பில் இருந்து யோக பலன்களை அனுபவிக்கும் தன்மை உண்டாகும், 6,8,12ம் பாவகங்களுடன் தொடர்பு பெரும் பொழுது ஜாதகர், சம்பந்தபட்ட பாவக வழியில் இருந்து தீய பலன்களை அனுபவிக்கும் நிலை உண்டாகும். பாதக ஸ்தானமான 7ம் பாவகத்துடன் சம்பந்தம் பெரும் பொழுது ஜாதகர் சம்பந்தபட்ட பாவக  வழியில் இருந்து 200 மடங்கு தீய பலன்களை அனுபவிக்க வேண்டிய சூழ்நிலைக்கு தள்ளபடுவார்.

ஆக மிதுன லக்கினமாக உள்ள ஜாதகருக்கு லக்கினம் 6,8,12 பாவகத்துடனும், பாதக ஸ்தானமான 7ம் பாவகத்துடனும் சம்பந்தம் பெறுவது மட்டுமே அதிக தீமைகளை செய்யும் இலக்கின வழியில் இருந்து, மற்ற பாவகங்களான 1,2,3,4,5,7,9,10 ம் பாவகங்களுடன் தொடர்பு பெறுவது மிகுந்த நன்மையே தரும் இலக்கின வழியில் இருந்து ஜாதகர் யோக வாழ்க்கையை அனுபவிக்கும் தன்மையை தரும்.

குறிப்பு : 

 லக்கினம் எந்த பாவகத்துடன் தொடர்பு பெறுகிறது என்பதை ஜாதகரின் சுய ஜாதகத்தை வைத்தே நிர்ணயம் செய்ய வேண்டும்.

வாழ்க வளமுடன் 
ஜோதிடன் வர்ஷன் 
9443355696

ஜீவன ஸ்தான அடிப்படையில் ஒரு ஜாதகருக்கு சரியான தொழில் நிர்ணயம் செய்வது எப்படி ?

சுய ஜாதகத்தில் வலிமையுடன் இருக்க வேண்டிய பாவகத்தில் முதன்மையாக கருதவேண்டிய பாவகம் ஜீவன ஸ்தானமே என்றால் அது மிகையில்லை, குறிப்பாக ஆண்களின் ஜாதகத்தில் ஜீவன ஸ்தானம் வலிமை பெறுவது அவசியம், மாறாக வலிமை இழக்கும் பொழுது ஜாதகரின் வேலை அல்லது தொழில் சிறப்பாக அமையாமல் ஜாதகரின் வாழ்க்கையில் நடை பெற வேண்டிய  சில நல்ல விஷயங்கள் கூட நடை பெறாமல் தாமதம் அல்லது தடையை ஏற்படுத்துகிறது , குறிப்பாக சொல்லவேண்டும் எனில் ஜாதகருக்கு நல்ல வேலை அல்லது தொழில் அமைந்தால் மட்டுமே நல்ல திருமண வாழ்க்கை சரியான வயதில் அமைகிறது, மேலும் தனது குடும்பத்தை சார்ந்தவர்களின் தேவைகளை பூர்த்தி செய்து அவர்களின் வாழ்க்கையை மகிழ்ச்சிகரமானதாக மாற்ற இயலும்.

முக்கியமாக  தனது பெற்றோர்களின் மனதை கஷ்டப்படுத்தாமல், அவர்களின் வயதான காலத்தில் ஜாதகரால் சந்தோஷமாக வைத்துகொள்ள முடிகிறது, ஜாதகருக்கு ஜீவன ஸ்தானம் நல்ல நிலையில் அமைந்தால் மட்டுமே ஜாதகர் சமுதாயத்தில் பொறுப்புள்ள மனிதராக இயங்க முடியும், இல்லை எனில் குடும்பம் மற்றும் சமுதாயத்தில் நல்ல பெயர் எடுப்பது என்பது குதிரை கொம்புதான், மேலும் தனது தேவைகளை நிறைவேற்றி கொள்ளவே ஜாதகர் மற்றவர்களின் கரங்களை எதிர்நோக்கியிருக்க வேண்டிய சூழ்நிலை தந்துவிடுகிறது .

ஜீவனம் நல்ல நிலையில் அமையாத பொழுதே ஜாதகர் தவறான வழியில் தனது வாழ்க்கை வாழும் சூழ்நிலைக்கு தள்ளப்படுகிறார் , தான் சுயமாக சிந்தித்து செயலாற்றும் தன்மையை தரும் ஜீவன ஸ்தானம் வலிமை இழக்கும் பொழுது ஜாதகரால் தனிப்பட்டு செயல்பட  இயலாமல் ஜீவன வழியில் இருந்து அதிக இன்னல்களை சந்திக்க வேண்டி வருகிறது, ஒருவேளை சுய ஜாதகத்தில் ஒருவருக்கு ஜீவன ஸ்தானம் பாதிக்கபட்டு இருந்தால் 10க்கு 10ம் பாவகமான களத்திர பாவகம் வலிமையுடன் இருப்பது அவசியம்.

10க்கு 10ம் பாவகமான களத்திர பாவகம் வலிமையுடன் இருக்கும் பொழுது ஜாதகரின் வாழ்க்கையில் திருமணம் நடை பெரும் காலம் வரையில் ஜாதகருக்கு நல்ல ஜீவனம் அமையாது , திருமணம் நடைபெற்ற குறுகிய காலத்திலேயே ஜாதகர் நல்ல ஜீவன முன்னேற்றத்தை பெரும் யோகத்தை தந்துவிடும், சில அன்பர்களின் வாழ்க்கையில் திருமணத்திற்கு பிறகு நல்ல முன்னேற்றம் காண்பது இதன் அடிப்படியிலேயே என்பது மட்டுமே முற்றிலும் உண்மை , இந்த அமைப்பை பெற்ற அன்பர்கள் திருமணத்திற்கு பிறகு தனது வாழ்க்கை துணையை மிகவும் அன்பாக நடத்துவது அவசியம் காரணம் ஜாதகரின் வாழ்க்கையில் நல்ல ஜீவன முன்னேற்றத்தை தந்ததும், சமுதாயத்தில் சிறந்த கௌரவத்தையும் தந்தது ஜாதகரின் வாழ்க்கை துணைதானே .

மேற்கண்ட  ஜீவனம் மற்றும் களத்திரம் இரண்டும் பாதிக்கப்படும் பொழுது ஜாதகர்  களத்திர ஸ்தானத்திற்கு 10ம் வீடான 4ம் பாவகம் நல்ல நிலையில் இருந்தால், ஜாதகருக்கு மாத்ரு ஸ்தானமான 4ம் பாவக வழியில் இருந்தும்  ஜீவனத்தை தரும் , ஜாதகர் 4ம் பாவக வழியில் இருந்து ஜீவன வாழ்க்கையை மேற்கொண்டு வாழ்க்கையில் முன்னேற்றம் பெறலாம் .

ஆக ஒரு ஜாதகர் வாழ்க்கையில் ஜீவன வழியில் இருந்து நல்ல முன்னேற்றம் பெற வேண்டும் எனில் அவரது சுய ஜாதகத்தில் தகப்பனாரை குறிக்கும் 10ம் பாவகம் நல்ல நிலையில் இருக்க வேண்டும் அல்லது தாயாரை குறிக்கும் 4ம் பாவகம் நல்ல நிலையில் இருக்க வேண்டும், இந்த இரண்டும் ஒருவேளை பாதிக்க படும் பொழுது  ஜாதகருக்கு களத்திர ஸ்தானமான 7ம் பாவகம் நல்ல நிலையில் இருக்க வேண்டும் மேற்கண்ட 3பாவகமும் பாதிக்க படும் பொழுதே ஜாதகர் ஜீவன வழியில் இருந்து அதிக இன்னல்களை சந்திக்க வேண்டி வருகிறது.

ஒருவருடைய சுய ஜாதகத்தில் ஜீவன ஸ்தானம் சார ராசிகளான மேஷம்,கடகம்,துலாம்,மகரம் என்ற ராசிகளுடன் தொடர்பு பெற்று இந்த ராசிகள் ஜாதகருக்கு பாதக ஸ்தானமாக அமையாமல் இருந்தால், ஜாதகர் தனது சுய முயற்ற்சியால் தனித்து செயல்பட்டு தொழில் அல்லது வேலை வாய்ப்பில் எளிமையான வெற்றிகளையும் , மிகப்பெரிய ஜீவன முன்னேற்றத்தை பெரும் தன்மையை தந்துவிடும். குறிப்பாக ஜாதகருக்கு அமையும் தொழில் அல்லது வேலை குறுகிய காலத்தில் மிகப்பெரிய வெற்றிகளை வாரி வழங்கி விடும் , வருமானம் என்பது மிக அதிக அளவில் கிடைக்கும், ஜாதகருக்கு பொருளாதார ரீதியான வளர்ச்சி என்பது எவராலும் நினைத்து பார்க்காத அளவில் இருக்கும்.

 ஒருவருடைய சுய ஜாதகத்தில் ஜீவன ஸ்தானம் ஸ்திர  ராசிகளான ரிஷபம்,சிம்மம்,விருச்சிகம்,கும்பம்  என்ற ராசிகளுடன் தொடர்பு பெற்று இந்த ராசிகள் ஜாதகருக்கு பாதக ஸ்தானமாக அமையாமல் இருந்தால், ஜாதகரின் தொழில் அல்லது வேலை வாய்ப்பில் ஸ்திரமான நிலையுடன் நிரந்தர  ஜீவனம் மேற்கொள்ளும் தன்மையை தரும் , மேலும் ஜாதகர் பல தொழில் செய்யும் யோகத்தையும், தொடர்ந்து நிலையான நல்ல வருமானத்தை பெரும் தன்மையையும் தந்துவிடும், ஜாதகர் ஆரம்பிக்கும் தொழில்கள் பல தலைமுறைக்கு தொடர்ந்து நிலையாக நடந்துகொண்டே இருக்கும் .

ஒருவருடைய சுய ஜாதகத்தில் ஜீவன ஸ்தானம் உபய  ராசிகளான மிதுனம்,கன்னி,தனுசு,மீனம்  என்ற ராசிகளுடன் தொடர்பு பெற்று இந்த ராசிகள் ஜாதகருக்கு பாதக ஸ்தானமாக அமையாமல் இருந்தால், ஜாதகர் கூட்டு தொழில் மூலம் சிறப்பான முன்னேற்றங்களை பெறுபவராக இருப்பார், பல பெரிய மனிதர்கள் செய்யும் தொழில்களில் ஜாதகருக்கும் கணிசமான பங்கு நிச்சயம் இருக்கும், ஜாதகரின் ஜீவன முன்னேற்றம் என்பது மற்றவர்களை சார்ந்தே இருக்கும் என்பது கவனிக்க தக்கது, இவர்கள் செய்யும் சிறு தொழில்கள் அல்லது கூட்டு தொழில்கள் நல்ல வெற்றியை தரும், ஆனால் ஜாதகர் பெரிய தொழில்களில் தனித்து இறங்குவது அவ்வளவு நல்லதல்ல, பெரிய வளர்சியையும் தருவதில்லை.

ஒருவருடைய சுய ஜாதகத்தின் அடிப்படையில் செய்யும் எந்த ஒரு தொழிலும் ஜாதகருக்கு நிச்சயம் தோல்வியை தருவதில்லை, இதை ஒரு சிறந்த  ஜோதிடரை கொண்டு தனது ஜாதகத்தில் ஜீவன ஸ்தானம் மற்றும் களத்திரம்,சுக ஸ்தானத்தின் வலிமை உணர்ந்து , செய்யும் தொழில் அல்லது வேலையை தேர்ந்தெடுத்து செய்து வாழ்க்கையில் வெற்றி காணுங்கள் அன்பர்களே !

அப்படி தாங்கள் தேர்ந்தெடுக்கும் தொழில் நிச்சயம் உங்களுக்கு மிகப்பெரிய வெற்றியை வாரி வழங்கும் என்பதில் சந்தேகம் இல்லை, தாங்கள் செய்யும் தொழில் 3 அல்லது 4 வருடங்களில் நல்ல பொருளாதார முன்னேற்றத்தையும் தன்னிறைவான வாழ்க்கையையும் தரும் , இதை தவிர்த்து 4 வருடங்களுக்கு மேலும் தங்களுக்கு முன்னேற்றம் இல்லாமல் அரைத்த மாவையே அரைத்துகொண்டு இருக்கின்றீர்கள் என்றால்,  தங்களுக்கு பொருந்தாத தொழிலை அல்லது வேலையை செய்து கொண்டு இருக்கின்றீர்கள் என்பதே முற்றிலும் உண்மை .

வாழ்க வளமுடன் 

ஜோதிடன் வர்ஷன் 

9443355696

jothidadeepam@gmail.com