கால சர்ப்ப தோஷம், காலசர்ப்ப யோகம், சுய ஜாதகத்தில் சாயா கிரகங்களின் ஆளுமை திறன் !

 நவ கிரகங்களில் மிகவும் வலிமையானது கேது, அதற்க்கு மேலான வலிமையை பெற்றது ராகு, சுய ஜாதகத்தில் மேற்கண்ட சாயாகிரகங்களின் ஆளுமை என்பது விவரிக்க இயலாத ஒன்றாகவே "ஜோதிடதீபம்" கருதுகிறது, ஒருவரது ஜெனன ஜாதகத்தில் சாயா கிரகங்களான ராகுகேது தான் அமர்ந்த பாவகத்தை வலிமை சேர்க்கும் அமைப்பில் இருப்பின் சம்பந்தப்பட்ட ஜாதகர், ராகுகேது அமர்ந்த பாவக வழியிலான சுபயோகங்களை தங்கு தடையின்றி சுவீகாரம் செய்வார், அபரிவித நன்மைகளும் சுபயோகங்களும் ஜாதகரை தேடிவரும் வரும் இதில் சிறிதும் மாற்றம் இருக்காது, அதே சமயம் சுய ஜாதகத்தில் தான் அமர்ந்த பாவகத்திற்க்கு வலிமை சேர்க்கவில்லை எனில் ஜாதகரின் பாடு படு திண்டாட்டம் தான், எவ்விதத்திலும் ஜாதகர் சாயாகிரகங்கள் அமர்ந்த பாவக வழியிலான சிறு நன்மைகளையும் பெற இயலாது என்பது கவனிக்கத்தக்கது.

பெரும்பாலும் சுய ஜாதகத்தில் 1,2,5,7,8,12 பாவகங்களின் அமரும் ராகு கேது தோஷத்தை தரும் என்பதாகவும், சாயா கிரகங்களுக்குள் மற்ற கிரகங்கள் அமர்ந்து இருப்பின் கால சர்ப்ப தோஷத்தை தருவதாகவும் பொதுவான கருத்து உள்ளது, இது முற்றிலும் உண்மைக்கு புறம்பானது என்பதனை "ஜோதிடதீபம்" அறிவுறுத்த கடமைப்பட்டுள்ளது, மேலும் இதை ஓர் உதாரண ஜாதகம் கொண்டு தெளிவுபடுத்த உவகை கொள்கிறது, ராகு கேது தோஷம், சர்ப்ப தோஷம் என்று வர்ணிக்கப்பட்ட ஓர் ஜாதகத்தை இன்றை சிந்தனைக்கு எடுத்துக்கொள்வோம் அன்பர்களே !

லக்கினம் : கும்பம்
ராசி : மகரம்
நட்ஷத்திரம் : திருவோணம் 1ம் பாதம்

மேற்கண்ட கும்ப லக்கின ஜாதகருக்கு ராகு லக்கினம் எனும் முதல் பாவகத்திலும், கேது களத்திர ஸ்தானம் எனும் 7ம் பாவகத்திலும் அமர்ந்து இருப்பது ஜாதகருக்கு கடுமையான ராகுகேது தோஷத்தை ஏற்படுத்தும் என்றும், லக்கினம் மற்றும் களத்திர ஸ்தானத்தில் ராகு கேது அமர்வது மிகுந்த இன்னல்களை தரும் என்றும், திருமண வாழ்க்கை சிறப்பாக அமையாது மற்றும் இல்லற வாழ்க்கையில் பல இன்னல்களை அனுபவிக்க நேரும் என்றும் ஜாதகருக்கு அறிவுறுத்தப்பட்டுள்ளது, பொதுவாக சுய ஜாதகத்தில் 1,2,5,7,8,12 பாவகங்களின் ராகு கேது அமர்வது தோஷம் என்று கருதுவது முற்றிலும் உண்மைக்கு புறம்பானது, சுய ஜாதகத்தில் ராகு கேது எந்த பாவகத்தில் அமர்ந்தாலும் சரி, தான் அமர்ந்த பாவகத்திற்கு எவ்வித வலிமையை பெற்று தருகிறது என்று தெளிவு பெறுவது அவசியமாகிறது, இதை  தவிர்த்து 1,2,5,7,8,12 பாவகங்களின் ராகு கேது அமர்ந்து இருந்தாலே தோஷம் என்று கருதுவது முற்றிலும் ஜோதிட கணிதத்திற்கு புறம்பானது, தெளிவான ஜாதக பலாபலன்கள் காணவும் இது உதவாது.

மேற்கண்ட ஜாதகருக்கு லக்கினம் மற்றும் களத்திர பாவகத்தில் ராகு கேது அமர்ந்தாலும், லக்கினம் சம வீடு என்ற முறையில் அங்கு அமரும் ராகு ஜாதகருக்கு முழு வீச்சில் சுபயோக பலன்களை வழங்க அருகதை உடையவர் ஆகிறார், மேலும் களத்திர ஸ்தானம் எனும் 7ம் பாவகத்தில் ( கேந்திர ஸ்தானம் ) அமரும் கேது பகவானும் தான் அமர்ந்த பாவகத்திற்க்கு 100% விகித வலிமையை தருவதால், களத்திர ஸ்தான அமைப்பிற்கு முழு வீச்சில் சுபயோக பலன்களை வழங்க அருகதை உடையவர் ஆகிறார், எனவே மேற்கண்ட ஜாதகர் லக்கினம் மற்றும் களத்திரம் என இரண்டு பாவக வழியில் இருந்தும் சாயா கிரகங்களால் 100% விகித சுபயோக பலன்களை அனுபவிக்க வல்லமை உடையவராக திகழ்கிறார்.

மேற்கண்ட அமைப்பு ஜாதகருக்கு லக்கினத்தில் அமர்ந்த ராகு பகவான், லக்கினம்  கால புருஷ தத்துவ அமைப்பிற்கு லாப ஸ்தானமாக அமைவதாலும், ஸ்திர காற்று ராசியில்  10 பாகைகளும், உபய நீர் ராசியில் 24பாகைகளை கொண்டிருப்பதால் சிறந்த அறிவாளியாகவும், வளரும் சூழ்நிலையில் யோகத்தை பெற்றவராகவும், பரந்த மனப்பக்குவம், பெருந்தன்மையான குணத்தை பெற்றவராகவும் ஜாதகர் திகழ்கிறார், இது சுய ஜாதகத்தில் வலிமை பெற்ற ராகு பகவானால் வழங்கப்படும் சுபயோகம் ஆகும், மேலும் ஜாதகருக்கு களத்திர ஸ்தானத்தில் அமர்ந்த கேது பகவான், களத்திர ஸ்தானம் கால புருஷ தத்துவ அமைப்பிற்கு பூர்வபுண்ணிய ஸ்தானமாக அமைவதாலும், ஸ்திர நெருப்பு ராசியில் 10 பாகைகளும், உபய மண் ராசியில் 24பாகைகளை கொண்டிருப்பதால் சிறந்த சுறுசுறுப்பு, சுய கட்டுப்பாடு, தெவீக அனுக்கிரகம், சமயோசித புத்திசாலித்தனம், தனது வாழ்க்கை துணை வழியில் இருந்து சுபயோகங்களை பரிபூர்ணமாக பெரும் வல்லமை கொண்டவராக திகழ செய்யும்.

சுய ஜாதகத்தில் ராகு கேது 1,2,5,7,8,12 பாவகங்களின் ராகு கேது அமர்ந்து இருப்பின் தான் அமர்ந்த பாவகத்திற்கு அது தரும் பாலாபலன்கள் என்ன ? என்பதில் தெளிவு பெற்ற பிறகே ஜாதக பலன்களை விவரிக்க வேண்டும், மேற்கண்ட 1,2,5,7,8,12 பாவகங்களின் ராகு கேது அமர்ந்து இருந்தாலே தோஷம் என்று கருதுவது முற்றிலும் ஜோதிடகணிதத்திற்கு புறம்பானது என்பதை கருத்தில் கொள்வது சிறப்புகளை தரும்.

ஜாதகருக்கு திருமணம் தாமதமாக ராகு கேது தோஷம் காரணமல்ல, நடைபெறும் ராகு திசை 4ம் வீடு ஜீவன ஸ்தானமான 10ம் பாவகத்துடன் சம்பந்தம் பெற்று முழுவீச்சில் ஜீவன ஸ்தான பலனை மட்டும் ஏற்று நடத்துவதால் ஜாதகருக்கு தொழில் ரீதியான முன்னேற்றங்களை மட்டும் வழங்கிக்கொண்டு இருக்கின்றது, எதிர்வரும் சந்திரன் புத்தி ஜாதகருக்கு திருமண வாழ்க்கையில் இணைவதற்கான அதிர்ஷ்ட வாய்ப்பை நல்கும் என்பது கவனிக்கத்தக்கது, "வாழ்த்துக்கள்"

குறிப்பு :

சுய ஜாதகத்தில் சாயாகிரகங்களான ராகு கேது தான் அமர்ந்த பாவகத்திற்கு வலிமை சேர்க்கும் விதத்தில் இருப்பின் சம்பந்தப்பட்ட பாவக வழியில் இருந்து 100% விகித சுபயோகங்களை பெறுவார் இதில் மாற்றம் இல்லை,  சுய ஜாதகத்தில் சாயாகிரகங்களான ராகு கேது தான் அமர்ந்த பாவகத்திற்கு வலிமை இழக்கும் விதத்தில் இருப்பின் சம்பந்தப்பட்ட பாவக வழியில் இருந்து 100% விகித அவயோகங்களை பெறுவார் என்பதில் யாதொரு சந்தேகமும் இல்லை, எனவே சாயா கிரகங்கள் சுய ஜாதகத்தில் தான் அமர்ந்த  பாவக வழியில் இருந்து பெரும் வலிமை என்ன ? என்பதில் தெளிவு பெறுவதே மிக துல்லியமான ஜாதக பலாபலன்களை பெற உதவி புரியும்.

வாழ்க வளமுடன்
ஜோதிடன் வர்ஷன்
9443355696

திருமணம் தாமதம் ஆக காரணம் என்ன ? தோஷம் ஏதாவது உள்ளதா ?

" பருவத்தே பயிர் செய் " என்பது பழமொழி, சரியான பருவ வயதில் திருமணம் நடைபெறுவதே சிறப்பான இல்லற வாழ்க்கைக்கு வழிவகுக்கும், திருமணம் தாமதமாக ஒருவரது சுய ஜாதகத்தில் பல காரணங்கள் இருந்த போதிலும் அடிப்படை காரணமாக அமைவது இல்லற வாழ்க்கையை குறிக்கும் பாவகங்களின் வலிமை இன்மையும், திருமண வயதில் நடைபெறும் திசா புத்திகள் வலிமை அற்ற பாவக பலனை ஏற்று நடத்துவதுமே என்றால் அது மிகையாகாது, கீழ்கண்ட உதாரண ஜாதகருக்கு ஏன் திருமணம் நடைபெற தாமதம் ஆகிறது ? என்பதை இன்றைய பதிவில் சிந்தனைக்கு எடுத்துக்கொள்வோம் அன்பர்களே !

லக்கினம் : கடகம்
ராசி : மேஷம்
நட்ஷத்திரம் : பரணி 2ம் பாதம்

  மேற்கண்ட கடக லக்கின ஜாதகருக்கு  அகவை 34 நடைபெற்று கொண்டு இருக்கின்றது, திருமண முயற்சிகள் யாவும் கைகூடி வரவில்லை, சுய ஜாதகத்தில் திருமண வாழ்க்கையை பற்றி தெளிவு படுத்தும் 2,5,7,8,12ம்  வீடுகளின் தொடர்பு மற்றும் வலிமையை பற்றி ஆய்வு செய்வோம், ஜாதகருக்கு குடும்ப ஸ்தானம் எனும் 2ம் வீடு ஜீவன ஸ்தானமான 10ம் பாவகத்துடன் சம்பந்தம் பெற்று மிகவும் வலிமையுடன் இருப்பது சிறப்பானது, பூர்வ புண்ணிய ஸ்தானமான 5ம் வீடு பாதக ஸ்தானமான 11ம் பாவகத்துடன் சம்பந்தம் பெறுவது ஜாதகருக்கு 5ம் பாவக வழியில் இருந்து 200% விகித இன்னல்களை தரும், களத்திர ஸ்தானமான 7ம் வீடு  ஜீவன ஸ்தானமான 10ம் பாவகத்துடன் சம்பந்தம் பெற்று மிகவும் வலிமையுடன் இருப்பது சிறப்பானது,  8ம் வீடு ஆயுள் ஸ்தானமான 8ம் பாவகத்துடன் சம்பந்தம் பெறுவது ஜாதகருக்கு ஆயுள் பாவக வழியில் இருந்து ஸ்திரமான இன்னல்களை தரும், அயன சயன ஸ்தானமான 12ம் வீடு விரைய ஸ்தானமான 12ம் பாவகத்துடன் சம்பந்தம் பெறுவது ஜாதகருக்கு தாம்பத்திய வாழ்க்கையில் வெகு தாமதத்தை தரும் அமைப்பாகும்.

மேற்கண்ட ஜாதகருக்கு திருமண வாழ்க்கையை குறிக்கும் பாவகங்களான 2,5,7,8,12 வீடுகளில் 2,7ம் வீடுகளை தவிர மற்ற வீடுகள் கடுமையாக பாதிக்கப்பட்டு இருப்பது கூர்ந்து கவனிக்க வேண்டிய அம்சமாகும், குறிப்பாக ஜாதகரின் 5ம் வீடு பாதக ஸ்தானத்துடன் சம்பந்தம் பெறுவது ஜாதகருக்கு நிகழவேண்டிய பல சுப நிகழ்வுகளை தடை செய்வது கண்கூடாக தெரிவதுடன் 5ம் வீடு தாம் தொடர்பு பெற்ற வழியில் இருந்து கடுமையாக பாதிக்கப்பட்டு இருப்பது மிகுந்த சிரமத்தை 5ம் பாவக வழியில் இருந்து தரும் அமைப்பாகும், 8ம் வீடு ஜாதகர் தனது வாழ்க்கை துணை வழியில் இருந்து பெரும் யோக அவயோக நிகழ்வுகளை குறிக்கும் அம்சமாகும், இது ஜாதகருக்கு கடுமையாக பாதிக்கப்பட்டு இருப்பது ஜாதகருக்கு நன்மையை தரும் விஷயமல்ல, தாம்பத்ய வாழ்க்கையில் அயன சயன போகத்தை தரும் 12ம் வீடு வெகுவாக பாதிப்பது ஜாதகருக்கு 12ம் பாவக வழியில் இருந்து பெறவேண்டிய யோக பலன்களை தடைசெய்கிறது.

நடைபெறும் ராகு திசை ஜாதகருக்கு 2,3,7,9ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று சுபயோகத்தை தந்த போதிலும், 5,11ம் வீடுகள் பாதக ஸ்தானத்துடன் சம்பந்தம் பெற்று கடுமையான இன்னல்களை 200% விகிதம் 5,11ம் பாவக வழியில் இருந்து தருவதும், 6ம் வீடு சத்ரு ஸ்தானமான 6ம் பாவகத்துடன் சம்பந்தம் பெறுவதும், 12ம் வீடு விரைய ஸ்தானமான 12ம் பாவகத்துடன் சம்பந்தம் பெறுவதும் ஜாதகருக்கு கடுமையான பாதிப்பதை தரும் விஷயமாகும், கடந்த செவ்வாய் திசை ஜாதகருக்கு 1,10ம் வீடுகள் சுக ஸ்தானமான 4ம் பாவகத்துடன் சம்பந்தம் பெற்று சுபயோக பலனை தந்த போதிலும், 2,7ம் பாவக பலனை நடைமுறைக்கு கொண்டு வரவில்லை, செவ்வாய் திசை முழுவதும் ஜாதகருக்கு தொழில் வழியில் இருந்தும் சுய வளர்ச்சி அமைப்பில் இருந்தும் முன்னேற்றங்களை மட்டுமே வழங்கி இருப்பது கவனிக்கத்தக்கது.

 தற்போழுது நடைமுறையில் உள்ள ராகு திசை ஜாதகருக்கு 2,7ம் பாவக பலனை ஏற்று நடத்துவது வரவேற்கத்தக்க சிறப்பு அம்சமாகும், ஜாதகரின் சீரிய முயற்சியும், சுய தேடுதலும் ஜாதகருக்கு நல்லதோர் வாழ்க்கை துணையை நிச்சயம் அமைத்து தரும் என்று மிக தெளிவாக கூறலாம், மேலும் ஜாதகருக்கு களத்திர ஸ்தான தொடர்பு ஜீவன ஸ்தான தொடர்பை பெறுவதால், ஜாதகர் தான் பணியாற்றும் துறையில் இருந்து நல்ல வாழ்க்கை துணையை இந்த ராகு புத்தியில் தேர்வு செய்வதற்கு அதிக வாய்ப்பு உண்டு, மேலும் சுய ஜாதகத்தில் 2,7ம் வீடுகள் வலிமை பெற்று இருப்பதால் நல்ல இல்லற வாழ்க்கை அமையும் என்பதை தெளிவாக கூறலாம்.

திருமண தாமதம் ஆக சுய ஜாதகத்தில் 5,8,12ம் வீடுகள் கடுமையாக பாதிக்கப்பட்டதும், நடைபெற்ற சந்திரன் மற்றும் செவ்வாய் திசைகள் ஜாதகருக்கு 1,10ம் வீடுகள் சுக ஸ்தானமான 4ம் பாவகத்துடன் சம்பந்தம் பெற்று தொழில் வழியில் இருந்தும் சுய வளர்ச்சி அமைப்பில் இருந்துமட்டுமே நன்மைகளை ஏற்று நடத்தியது மட்டுமே அடிப்படை காரணமாக அமைந்துவிட்டது என்பது கவனிக்கத்தக்கது, தற்போழுது ராகு திசை நடைபெற்றாலும் ராகு தனது திசா புத்தி காலத்தில் 2,7ம் பாவக பலனை ஏற்று நடத்துவது சிறப்பான இல்லற வாழ்க்கையை அமைத்துத்தரும் என்பதில் சந்தேகம் இல்லை, எனவே ஜாதகர் தனது வாழ்க்கை துணையை சற்று சீரிய முயற்சி மூலம் தேடி பெறமுடியும் என்பதால் தன்னம்பிக்கையும், தைரியமும் பெறலாம், தோஷம் என்பது ஜாதகத்தில் பாதிக்கப்பட்ட பாவக வழியிலிருந்து மட்டுமே வரும் என்பது கவனிக்கத்தக்கது.

குறிப்பு :

ஜாதகருக்கு 5,8,12ம் வீடுகள் கடுமையாக பாதிக்கப்பட்டு இருப்பதால், மேற்கண்ட பாவக வழியில் இருந்து வரும் இன்னல்களை ஏற்றுக்கொண்டு, முறையான பிரீத்தி பரிகாரங்களை மேற்கொண்டு தமது வாழ்க்கையில் சகல சௌபாக்கியங்களையும் பெறுவது அவசியமாகிறது.

வாழ்க வளமுடன்
ஜோதிடன் வர்ஷன்
9443355696

சர்ப்ப கிரகங்கள் ( ராகு கேது ) சுய ஜாதகத்தில் பெரும் வலிமையும், தனது திசா புத்திகளில் வழங்கும் பலாபலன்களும் !

 இறை அருளின் கருணையினால் நம்மை இயக்குவதும், இயங்க வைப்பதும் சுய ஜாதகத்தில் லக்கினம் முதல் பனிரெண்டு பாவகங்களின் வலிமையே என்றால் அது மிகையில்லை, இதில் மற்ற 7 கிரகங்களுக்கு இல்லாதா தனித்தன்மை சாயாகிரகங்களுக்கு உண்டு என்பது நிதர்சனமான உண்மை, சாயா கிரகங்கள் சுய ஜாதகத்தில் எந்த பாவகத்தில் அமர்கின்றார்களோ அந்த பாவகத்தை தனது முழு கட்டுப்பாட்டில் கொண்டுவரும் வல்லமை இவர்களுக்கு உண்டு என்பதுடன், ஒரே பாவகத்தில் தன்னுடன் சேர்ந்த கிரகங்களின் வல்லமையையும் தானே ஆளுமைக்கு கீழ் எடுத்துக்கொண்டு அவர்கள் தரும் பலாபலன்களை தனது பலாபலனாக வழங்கு தனித்தன்மையும் உண்டு, என்பதால் நமது சுய ஜாதகத்தில் சாயா கிரகங்களான ராகு கேது தான் அமர்ந்த பாவகத்தை வலிமை பெற செய்கிறாரா? அல்லது வலிமை இழக்க செய்கிறாரா ? என்பதில் தெளிவு பெறுவது சாய கிரகங்கள் நமக்கு யோகத்தை தருகின்றனரா ? அவயோகத்தை தருகின்றனரா ? என்பதை நிர்ணயம் செய்ய இயலும்.

அடுத்து சாயா கிரகங்கள் சுய ஜாதகத்தில் எப்படிப்பட்ட நிலையில் அமர்ந்து இருந்தாலும், தனது திசா, புத்தி, அந்தரம் மற்றும் சூட்சம காலங்களில் சுய ஜாதகத்தில் ஏற்று நடத்தும் பாவகங்களின் வலிமை என்ன? அவை நமக்கு யோக பலன்களை தருகின்றதா ? அவயோக பலன்களை தருகின்றதா ? என்பதில் தெளிவு பெறுவது சாயாகிரகங்களின் திசா புத்தி நமக்கு தரும் பலாபலன்கள் பற்றி ஓர் முடிவுக்கு வர இயலும், இதை ஓர் உதாரண ஜாதகம் கொண்டு தெளிவு பெறுவோம் அன்பர்களே !

லக்கினம் : மிதுனம்
ராசி : தனுசு
நட்ஷத்திரம் : பூராடம் 3ம் பாதம்

ஜாதகருக்கு சுய ஜாதகத்தில் களத்திர ஸ்தானத்தில் ராகுவும், லக்கினத்தில் கேதுவும் ஜெனன ஜாதகத்தில் அமர்ந்திருக்கின்றனர், இதில் லக்கினத்தில் அமர்ந்த  கேது ஜாதகருக்கு சுபத்துவம் பெற்று லக்கின பாவகத்தை 100% விகிதம் வலிமை பெற செய்வது ஜாதகருக்கு ஜெனன காலத்தில் இருந்து சுபயோகங்களை வாரி வழங்கி இருப்பது கவனிக்கத்தக்கது, நல்ல உடல் நலம், சிறந்த கல்வி, சிறந்த அறிவு திறன், தனது சிந்தனை திறன் கொண்டு சுயமாக வாழ்க்கையில் முன்னேற்றம் பெரும் யோகம், தன்னம்பிக்கை குறையாத மன நிலை, எதிர்ப்புகளை மிக எளிதாக வெற்றிகொள்ளும் தன்மை, மிகுந்த சிந்தனை திறன் மற்றும் மதி நுட்பம் என ஜாதகரை லக்கினத்தில் அமர்ந்த கேது ஓர் பூரணத்துவம் பெற்ற மாமனிதராக உலகிற்கு அடையாளம் காட்டியது, மேலும் ஜாதகரின் ஒழுக்கம், நல்ல மனம், வெளிப்படையாக பழகும் தன்மை யாவும் ஜாதகரை குறுகிய காலத்தில் பிரபலமாக்கியது, ஜாதகருக்கு லக்கினத்தை முழுமையாக ஆளுமை செய்யும் கேது பகவான் நல்ல ஆன்மீக வெற்றியையும், சிறந்த ஆன்மீக பெரியோர்களின் ஆசியையும் மிக  இளம் வயதிலேயே பெற்று தந்தது, லக்கினம் உபய காற்று தத்துவ ராசியான மிதுனத்தில் 18 பாகைகளையும், சர நீர் தத்துவ ராசியான கடகத்தில் 8 பாகைகளையும் கொண்டு இருப்பது ஜாதகருக்கு சிறந்த அறிவு திறனுடன் கூடிய வீரியத்தையும், பரந்த மனபக்குவத்துடன் கூடிய ஆளுமை திறனையும் வாரி வழங்கியது கேது பகவானின் ஆளுமையினாலே என்றால் அது மிகையாகாது, ஜாதகருக்கு கேது பகவான் ஜெனன ஜாதகத்தில் லக்கினத்தில் அமர்ந்து முழு சுபயோகங்களையும் தருவது கவனித்தக்க சிறப்பு அம்சமாகும், இதற்க்கு நேரெதிராக களத்திர ஸ்தானத்தில் அமர்ந்த ராகு தரும் வலிமையை பற்றி இனி சிந்தனைக்கு எடுத்துக்கொள்வோம்.

ஜாதகரின் களத்திர ஸ்தானம் கால புருஷ தத்துவ அமைப்பிற்கு பாக்கிய ஸ்தானம் என்று அழைக்கப்படும் தனுசு ராசியில் 18 பாகைகளையும், கால புருஷ தத்துவ அமைப்பிற்கு ஜீவன ஸ்தானம் என்று அழைக்கப்படும் மகர ராசியில் 8 பாகைகளையும் கொண்டு இருப்பதும், தனுசு ராசிக்கு உற்ப்பட்ட களத்திர பாவகத்தில் அமர்ந்த ராகு, தான் அமர்ந்த பாவகத்தை 100% விகிதம் பாதிப்பிற்கு ஆளாக்குவதும், ஜாதகருக்கு நன்மையை தரவில்லை, ஜாதகருக்கு இளம் வயதிலேயே காதல் எனும் விஷயத்தில் மூழ்கடித்து, தனக்கு சற்றும் பொருந்தாத ஓர் வாழ்க்கை துணையை தேர்வு செய்து, அதன் வழியிலான கடுமையான இன்னல்களை அனுபவிக்க செய்தது, குறிப்பாக ஜாதகரின் முதல் திருமணம் ஜாதகருக்கு வீண் அவப்பெயரையும், எதிர்பாராத இழப்புகளையும் சந்திக்கும் சூழ்நிலையை தந்தது, ஜாதகர் இதன் பாதிப்பில் இருந்து விடுபடவே வெகுகாலம் ஆனாது என்பது கவனிக்கத்தக்கது, சுய ஜாதகத்தில் ராகு கேது எந்த பாவகத்தில் அமர்ந்து இருக்கின்றார்களோ அந்த பாவகத்தை வலிமை பெற செய்யயும் நிலையில் இருப்பின் ஜாதகருக்கு சம்பந்தப்பட்ட பாவக வழியில் இருந்து சுபயோகங்கள் நடைமுறைக்கு வரும் இதில் மாற்று கருத்து இல்லை, ஒரு வேலை தான் அமர்ந்த பாவகத்தை வலிமை இழக்க செய்கின்றனர் என்றால், ஜாதகர் சம்பந்தப்பட்ட பாவக வழியில் இருந்து வரும் இன்னல்களை மிக கவனமுடன் எதிர்கொள்ள வேண்டும் இல்லையெனில் சுய ஜாதகம் வலிமை பெற்று இருந்தாலும் சாயாகிரகங்கள் தரும் பாதிப்பு மறையாத வடுவாக நமது வாழ்க்கையில் நீடித்து நின்றுவிடும், சுய ஜாதகத்தில் களத்திர ஸ்தானத்தில் அமர்ந்த ராகு 100% விகித பாதிப்பை தருவது ஜாதகருக்கு சற்று கவலைதரும் விஷயம் என்ற போதிலும், ராகு கேது தனது திசா,புத்தி, அந்தரம் மற்றும் சூட்சம காலங்களில் சுய ஜாதகத்தில் ஏற்று நடத்தும் பாவக தொடர்புகள் என்ன ? என்பதனை இனி சிந்தனைக்கு எடுத்துக்கொள்வோம் அன்பர்களே !

ராகு தனது திசையில் தரும் பலாபலன்கள் : ( 28/10/2001 முதல் 28/10/2019 வரை )

சுய ஜாதகத்தில் களத்திர ஸ்தானத்தில் நின்ற ராகு பகவான் தான் நின்ற பாவகத்தை 100% விகித பாதிப்பிற்கு ஆளாக்கிய போதும், தனது திசா, புத்தி, அந்தரம் மற்றும் சூட்சம காலங்களில் 1,5ம் வீடுகள் பூர்வபுண்ணிய ஸ்தானமான 5ம் பாவகத்துடன் சம்பந்தம் பெற்று யோக பலன்களை வாரி வழங்கியது ராகு திசை காலத்திலேயே ஜாதகர் மறுமணம் செய்து நல்ல குழந்தை பேருடன் வெளிநாடுகளில் நல்ல ஜீவனத்துடன் ஜீவிக்க செய்தது, இதற்க்கு  காரணம் ஜாதகரின் 5ம் வீடு கால புருஷ தத்துவ அமைப்பிற்கு 7ம் வீடான துலாம் ராசியில் வியாபித்து வலிமை பெற்று நின்றதே அடிப்படை காரணமாக அமைந்தது, மேலும் ஜாதகர் தொடர்ந்து வெளிநாடுகளில் தனது அறிவு திறன் கொண்டு சுய சம்பாத்தியத்தையும், நல்ல வெளிவட்டார பழக்க வழக்கங்களையும் பெற்று பிரபல்ய யோகத்தை பெற்று தந்து இருப்பது கவனிக்கத்தக்க சிறப்பு அம்சமாகும், எனவே சுய ஜாதகத்தில் பாதிப்பிற்கு ஆளான ஓர் கிரகம் தனது திசையிலும் இன்னல்களை தரும் என்று கருதுவது முற்றிலும் உண்மைக்கு புறம்பான விஷயமாகும், சுய ஜாதகத்தில் பாவக வழியில் பாதிக்கப்பட்ட கிரகம் தனது திசையில் எந்த ? பாவக பலனை ஏற்று நடத்துகிறது என்பதில் தெளிவு பெறுவது அவசியமாகிறது, மேற்கண்ட ஜாதகருக்கு ஜெனன ஜாதகத்தில் களத்திர ஸ்தானத்தில் அமர்ந்த ராகு, தான் அமர்ந்த பாவகத்தை கடுமையான பாதிப்பிற்கு ஆளாக்கிய போதிலும், தனது திசையில் வலிமை பெற்ற பாவக பலனை ஏற்று நடத்தியது ஜாதகருக்கு ஏற்று நடத்திய  பாவக வழியில் இருந்து நன்மைகளையும் யோகங்களையும் வாரி வழங்கியது .

கேது தனது ( திசை ????? )  புத்திகளில் தரும் பலாபலன்கள் :

கேது பகவானும் தனது புத்தி,அந்தரம் மற்றும் சூட்சம காலங்களில்  1,5ம் வீடுகள் பூர்வபுண்ணிய ஸ்தானமான 5ம் பாவகத்துடன் சம்பந்தம் பெற்று யோக பலன்களை வாரி வழங்குவது ஜாதகருக்கு 1,5ம் பாவக வழியில் இருந்து சுபயோக பலாபலன்களையே தரும் என்பது கவனிக்கத்தக்க சிறப்பு அம்சமாகும், சுய ஜாதகத்தில் சாயா கிரகங்களான ராகு கேது எந்த பாவகத்தில் அமர்ந்து  இருந்தாலும் சரி தான் அமர்ந்த பாவகத்திற்கு தரும் வலிமை என்ன ?  என்பதை மட்டுமே நாம் கருத்தில் கொள்ளவேண்டும், தான் அமர்ந்த பாவகத்திற்கு வலிமை சேர்ப்பின் ஜாதகர் சம்பந்தப்பட்ட பாவக வழியில் இருந்து சுபயோகங்களையும், வலிமை இழக்க செய்யின் ஜாதகர் சம்பந்தப்பட்ட பாவக வழியில் இருந்து கடுமையான இன்னல்களையும் எதிர்கொள்ளும் சூழ்நிலையை தரும் என்பதை மட்டும் தெளிவாக தெரிந்து வைத்திருப்பது  மிக அவசியமாகிறது.

வாழ்க வளமுடன்
ஜோதிடன் வர்ஷன்
9443355696

ராகு கேது பெயர்ச்சி பலன்கள் 2017 - ( மிதுன லக்கினம் )

சுய ஜாதகத்தை ஆளுமை செய்வதில் உயிர் என்று வர்ணிக்கப்படும், இலக்கின பாவகாத்திற்க்கே முதல் உரிமை உண்டு, மேலும் லக்கினத்தை அடிப்படையாக கொண்டும் 12 பாவகங்களின் வலிமையை கருத்தில் கொண்டும் சுய ஜாதகத்திற்கு பலன் காணும் பொழுது துல்லியமான பலாபலன்களை சம்பந்தப்பட்ட ஜாதகருக்கு மிக தெளிவாக கூற இயலும், எனவே நவ கிரகங்களின் பெயர்ச்சியை சுய ஜாதக  பாவக வலிமையின் அடிப்படையில் கணிதம் செய்து பார்க்கும் பொழுது சம்பந்தம் பட்ட ஜாதகருக்கு நவ கிரகங்களின் பெயர்ச்சியினால் வரும் நன்மை தீமை பலாபலன்களை பற்றி துல்லியமாக கணிதம் செய்ய இயலும், திருக்கணிதப் பஞ்சாங்கத்தின்படி ஆவணி மாதம் 01ம் தேதி ஆகஸ்ட் 17ம் தேதி இரவு 18ம் தேதி இரவு 02-32க்கு ராகு பகவான் சிம்மம் ராசியிலிருந்து கடகம் ராசிக்கும் கேது பகவான் கும்பம் ராசியிலிருந்து மகரம் ராசிக்கும் பெயர்ச்சி ஆகிறார்கள். சாயா கிரகங்களான ராகுகேது  தனது சஞ்சார நிலையில் மேஷம் முதல் மீனம் வரையிலான 12 லக்கினங்களுக்கு தரும் யோக அவயோக நிகழ்வுகளை பற்றி இனி வரும் பதிவுகளில் சிந்தனைக்கு எடுத்துக்கொள்வோம்  அன்பர்களே!


மிதுனம் லக்கினம் :

காலபுருஷ தத்துவத்திற்க்கு 3ம் ராசியான மிதுனத்தை லக்கினமாக கொண்ட அன்பர்களுக்கு, குடும்ப ஸ்தானமான 2ம் பாவகத்தில் ராகு பகவானும், ஆயுள் ஸ்தானமான 8ம் பாவகத்தில் கேது பகவானும் தனது சஞ்சார காலம் வரை தரும் பலன்களை ஆய்வு செய்வோம் அன்பர்களே! ராகு பகவானின் குடும்ப ஸ்தான சஞ்சாரம் தேய்பிறை காலங்களில் மிதம் மிஞ்சிய சுப யோகங்களை 2ம் பாவக வழியில் இருந்து வாரி வழங்கும், மிதுன லக்கின அன்பர்களுக்கு சரளமான தனவரவை தரும், பேச்சு திறன் மூலம் வாழ்க்கையில் பல முன்னேற்றங்களை பெறுவதற்கு உண்டான வாய்ப்புகளை வாரி வழங்கும், குடும்பத்தில் மகிழ்ச்சி பொங்கும், தெய்வீக அனுகிரகம் மூலம் வாழ்க்கையில் சுப நிகழ்வுகள் நடைபெறும், திருமண தடைகளை சந்தித்து கொண்டு இருந்தவர்களுக்கு, தடைகள் நீங்கி நல்ல வாழ்க்கை துணையுடன் இல்லற வாழ்க்கையில் அடி எடுத்து வைக்கும் யோகம் உண்டாகும், புதிய தொழில் வழியில் இருந்து வருமானம் வரும், குறிப்பாக விவசாயம் மற்றும் உணவு பொருள் சார்ந்த தொழில் செய்து வரும் அன்பர்களுக்கு நல்ல வருமானமும் தனசேர்க்கையும் உண்டாகும் என்பதால் விழிப்புணர்வுடன் செயல்பட்டு நன்மைகளை பெறுக, மேலும் வண்டி வாகனம், போக்குவரத்து தொழில் சார்ந்து இருக்கும் அன்பர்களுக்கு இனிவரும் காலம் சிறப்பான வளர்ச்சியை வாரி வழங்கும், வரும் வருமானம் கடன்களை நிறைவு செய்து முழு உரிமையாளராக திகழும் யோகத்தை தரும், செழிப்பு மிக்க எதிர்காலத்தை தேய்பிறையில் ராகுவின் சஞ்சாரம், மிதுன லக்கின அன்பர்களுக்கு வாரி வழங்கும், வளர்பிறை காலத்தில் எதிர் மறையான இன்னல்களை மிதுன லக்கின அன்பர்கள் சந்திக்கும் சூழ்நிலையை தரும், வாக்கு வழியிலான தொல்லைகள் அதிகரிக்கும், முறையற்ற தெளிவற்ற வார்த்தைகள் கடுமையான இன்னல்களை தரும், வாக்குவாதம் கடுமையான நிம்மதியிழப்பை தரும், வளர்பிறை காலத்தில் மிகுந்த எச்சரிக்கை உணர்வுடன் செயல்படுவது மிதுன லக்கின அன்பர்களுக்கு சகல நலன்களையும் தரும், குறிப்பாக குடும்பத்தில் வாழ்க்கை துணை மற்றும் குடும்ப உறுப்பினர்களுடன் சுமூக போக்கை கடைபிடிப்பதே சாலசிறந்தது, மேலும் மற்றவர்கள் பிரச்சனைகளில் தலையீடு செய்யாமல், தான் உண்டு தனது வேலை உண்டு என்று இருப்பதே மிதுன லக்கின அன்பர்களுக்கு சகல சௌபாக்கியங்களையும் சுக போகங்களை வாரி வழங்கும்.

 கேது பகவானின் ஆயுள் பாவக சஞ்சாரம் வாழ்க்கை துணை வழியிலான பொருள் வரவை அதிக அளவில் வாரி வழங்கும், மேலும் திடீர் அதிர்ஷ்டம் மூலம் பொருளாதார வளர்ச்சியை மிதுன லக்கின அன்பர்கள் அனைவரும் தனது தொழில் வழியில் இருந்து அபரிவிதமாக பெறுவார்கள், நல்ல நண்பர்கள் மற்றும் கூட்டாளிகளின் வழியில் தன சேர்க்கை உண்டாகும், இதுவரை செய் தொழிலில் இன்னல்களை சந்தித்து கொண்டு இருந்த அன்பர்களுக்கு இனிவரும் காலம் வெகு வேகத்தில் தொழில் ரீதியான வெற்றிகளை வாரி வழங்கும், எதிர்பால் இனஅமைப்பினர் மூலம் சிறந்த செல்வாக்கை மிதுன லக்கின அன்பர்கள் பெறுவார்கள், புதையலுக்கு நிகரான சொத்து சுக சேர்க்கையை அவரவர் செய்யும் தொழில் வழியில் இருந்து பெறுவார்கள், மிதுன லக்கின அன்பர்களுக்கு புதிய தொழில் துவக்க இதுவே சரியான நேரமாக அமையும் என்பதில் மாற்று கருத்து இல்லை, புதிய முயற்சிகள் மற்றும் தொழில் சார்ந்த நடவடிக்கைகள் மிக அபரிவிதமான வளர்ச்சியை வாரி வழங்கும், கனவுகளும் நனவாகும் நேரமிது, எனவே மிதுன லக்கின அன்பர்கள் விழிப்புணர்வுடன் செயல்பட்டு வெற்றிகளை பெற இறைஅருள் கருணை புரியட்டும், திடீர் செல்வ சேர்க்கையை தரும் என்பதால் அதை முறைப்படுத்துதலும், பாதுகாப்பதும் மிதுன லக்கின அன்பர்களுக்கு முன்னால் நிற்கும் சவால்கள் என்பதை கருத்தில் கொள்க.

  குறிப்பு :

 மிதுன லக்கின அன்பர்களுக்கு தற்போழுது நடைபெறும், திசா,புத்தி,அந்தரம் மற்றும் சூட்சமங்கள் 2,8ம் பாவக பலனை ஏற்று நடத்தினால் மட்டுமே மேற்கண்ட நன்மை தீமை பலாபலன்கள் நடைமுறைக்கு வரும், நடைபெறும், திசா,புத்தி,அந்தரம் மற்றும் சூட்சமங்கள்  2,8ம் பாவக பலனை ஏற்று நடத்தவில்லை எனில் மிதுன லக்கின அன்பர்களுக்கு மேற்கண்ட நன்மை தீமை பலாபலன்கள் நடைமுறைக்கு வாராது என்பதை கவனத்தில் கொள்ளுங்கள்.

வாழ்க வளமுடன் 
ஜோதிடன் வர்ஷன் 

9443355696

5ல் நின்ற ராகு தரும் யோக வாழ்க்கை, 11ல் நின்ற கேது தரும் அதிர்ஷ்டங்கள் !

கேள்வி :

5ல் ராகு அமர்வது ஜாதகருக்கு பேர் சொல்ல பிள்ளை இல்லை ( ஆண்  வாரிசு இல்லை ) என்பது உண்மையா ?

பதில் :

 இது முற்றிலும் தவறான கருத்து மேலும் ஜோதிடகணிதம் பற்றிய தெளிவு இல்லாமல் கூறும் பலனாகவும் சுய ஜாதக வலிமையை பற்றிய ஓர் தெளிவு இல்லாமல் கூறும் பொது கருத்தாகவே உள்ளது, 5ல் அமரும் ராகு பூர்வபுண்ணிய ஸ்தானமான 5ம் பாவகத்திற்கு தரும் வலிமையை பற்றிய தெளிவில்லாமல் கூறப்படும் விஷயமாகவே கருத வேண்டியுள்ளது, 5ல் ராகு அமர்ந்து தான் அமர்ந்த பூர்வ புண்ணிய ஸ்தானத்தை கடுமையாக பாதிப்பை தரும் அமைப்பில் இருந்தால் மட்டுமே மேற்கண்ட தங்களின் கேள்விக்கு பொருத்தமானதாக அமையும், ஒருவேளை அப்படிப்பட்ட நிலை இருப்பின் அதற்க்கு சரியான தீர்வு உண்டு என்பதால் அதைபற்றிய கவலை தேவையில்லை, மேலும் சுய ஜாதகத்தில் 5ல் ராகு அமர்ந்தாலே ஜாதகருக்கு புத்திர பாக்கியம் இல்லை, ஆண் வாரிசு இல்லை என்று முடிவு செய்வது முற்றிலும் தவறான அணுகுமுறை என்பதில் மாற்று கருத்து இல்லை, சுய ஜாதகத்தில் வலிமை பெற்ற ராகு கேது ஜாதகருக்கு தரும் யோக வாழ்க்கை பற்றி இன்றைய பதிவில் சிந்தனைக்கு எடுத்துக்கொள்வோம் மேலும் ஓர் உதாரண ஜாதகம் கொண்டு தெளிவு பெறுவோம்.

லக்கினம் : விருச்சிகம்
ராசி : துலாம்
நட்ஷத்திரம் : சித்திரை 4ம் பாதம்

ஜாதகருக்கு சுய ஜாதகத்தில் புத்திர ஸ்தானம் மற்றும் பூர்வ புண்ணிய ஸ்தானம் என்று அழைக்கப்படும்  5ம் பாவகமான மீனத்தில் ராகு அமர்ந்து இருக்கின்றார், அதற்க்கு சம சப்தமாக லாபம் மற்றும் அதிர்ஷ்ட ஸ்தானம் என்று அழைக்கப்படும் 11ம் பாவகமான கன்னியில் கேது அமர்ந்து இருக்கின்றார், சாய கிரகங்களான ராகு கேது மேற்கண்ட ஜாதகருக்கு  தாம் அமர்ந்த பாவக வழியில் இருந்து வலிமை பெற்று யோகத்தை தருகின்றனரா ? அல்லது தாம் அமர்ந்த பாவக வழியில் இருந்து வலிமை அற்று
அவயோகத்தை தருகின்றனரா ? என்பதில் தெளிவு பெறுவது அவசியமாகிறது, இதை தெளிவர அறிந்துகொள்ள சம்பந்தப்பட்ட பாவகங்களின் அதிபதி ( பாரம்பரிய முறைபடி ) யார் என்பதை ஆய்வுக்கு எடுத்துகொள்ளும் பொழுது, 5 ம் பாவகத்திற்கு முழு முதற் சுப கிரகமாகவும் ( கோணஅதிபதி ) "பிரகஸ்பதி" என்று ஜோதிட சாஸ்திரத்தால் போற்றபடும் "குருபகவான்" பொறுப்பு ஏற்கிறார், 11ம் பாவகத்திற்க்கு ( கோண அதிபதி )  "வித்யாகாரகன்" என்று போற்றப்படும் புதபகவான் " பொறுப்பு ஏற்கிறார், இதில் பூர்வ புண்ணிய ஸ்தானம் கோண வீடாகவும், லாப ஸ்தானம் சம வீடாகவும் அமைவது  அங்கு அமரும் சாயா கிரகங்களான ராகு கேதுவுக்கு சுப துவத்தை தந்து, சம்பந்தப்பட்ட 5,11ம் பாவகங்களுக்கு 100% விகித வலிமையை பெற்று தருகின்றது.

 இதன் காரணமாக சுய ஜாதகத்தில் ஜாதகருக்கு பூர்வ புண்ணிய ஸ்தானமான 5ம் பாவகமும், அதிர்ஷ்ட ஸ்தானமான 11ம் பாவகமும் முழு வலிமை பெற்று ஜாதகருக்கு வாழ்நாள் முழுவதும் சுபயோக பலாபலன்களை வாரி வழங்கும் அமைப்பை பெறுகின்றது. சுய ஜாதகத்தில் ராகு கேது முறையே புத்திர ஸ்தானம் மற்றும் லாப ஸ்தானத்தில் அமர்ந்த போதிலும், ஜாதகருக்கு புத்திர தடையை தாராமல் நல்ல யோகம் மிக்க புத்திர பாக்கியத்தை நல்கி இருக்கின்றது, யோகம் மிக்க ஓர் ஆண் வாரிசும், அதிர்ஷ்டமிக்க 2 பெண் குழந்தைகளும் ஜாதகருக்கு இறைஅருள் வாரி வழங்கி இருப்பது நடைமுறை உண்மை ஆகும், மேலும் இதுவே சுய ஜாதக வலிமை ஆகும், சுய ஜாதகத்தில் புத்திர ஸ்தானம் சாயா கிரகங்களால் வலிமை பெற்று இருப்பின் சம்பந்தப்பட்ட ஜாதகர் தனது குழந்தைகளால் அதிர்ஷ்டம் மற்றும் சுபயோகங்களை 100% விகிதம் பெறுவார் என்பதற்க்கு மேற்கண்ட ஜாதகமே நல்ல உதாரணம், ஜாதகருக்கு வாரிசு அமைந்தவுடன் ஜாதகர் பெற்ற முன்னேற்றம் என்பது மிகவும் அபரிவிதமானது, மேலும் ஜாதகருக்கு நடைபெற்ற திசாபுத்திகள் சாதகமாக அமைந்தது ஜாதகரின் சுபயோக வாழ்க்கையை உறுதி செய்தது.

 பொதுவாக சுய ஜாதகத்தில் சாயா கிரகங்கள் வலிமை பெற்று தான் அமர்ந்த பாவகத்தை முழு அளவில் வலிமை பெற செய்வது முன் ஜென்ம கர்மவிணை பதிவினை இறைஅருளின் துணையுடன் கழித்துகொள்ளவும், பிறப்பில்லா யோக வாழ்க்கையை பெற்று ஜீவன் முக்தி பெறவும் சிறந்த வழிகாட்டுதல்களை வாரி வழங்கும், சிலருக்கு இளமையில் இன்னல்களையும், மத்திம வயதில் மிகுந்த யோக வாழ்க்கையையும், இறுதியில் மோட்சத்தையும் நல்கும் வல்லமை பெற்றது, இது அவரவர் சுய ஜாதக பாவக வலிமைக்கு ஏற்ப மாறுபடும், மேலும் தாம் அமர்ந்த பாவக வலிமைக்கு ஏற்ப யோக பலாபலன்களை ஸ்திரமாக வாரி வழங்கும், எது எப்படி இருப்பினும் சுய ஜாதகத்தில் ராகு கேது வலிமை பெற்றவர்கள் "வாழ்ந்து கெட்டவர்கள் " அல்ல, கெட்டபின்பு வாழ்ந்து காட்டுபவர்கள் என்பதை மறுப்பதற்க்கு இல்லை.

குறிப்பு :

 சுய ஜாதகத்தில் ராகு கேது எந்த பாவகத்தில் அமர்ந்தாலும் சரி, அமர்ந்த பாவகத்திற்கு  தரும் வலிமை நிலையை கருத்தில் கொண்டு பலன் காண்பதே சால சிறந்தது, இதை தவிர்த்து 1,2,5,6,7,8,12ல் அமர்வது தோஷம் என்று முடிவு செய்வது சுய ஜாதக உண்மைக்கு முற்றிலும் புறம்பானது என்பதை மனதில்  நிறுத்துவது அனைத்திற்கும் நன்மை பயக்கும்.

வாழ்க வளமுடன்
ஜோதிடன் வர்ஷன்
9443355696

காலசர்ப்ப தோஷமும், சுய ஜாதகத்தில் ராகுகேது தரும் பாதிப்புகளும் !

ஒருவரது சுய ஜாதகத்தில் தான் அமரும் பாவகத்தை முழுமையாக ஆளுமை செய்வதில் தனித்துவம் மற்றும் வல்லமை பெற்ற கிரகங்கள் ராகுகேது என்றால் அது மிகையில்லை, தான் அமர்ந்த பாவகத்தை முழுவதும் தமது கட்டுப்பாட்டிலும், தன்னுடன் சேர்ந்த கிரகங்களின் வலிமையையும் தனதாக்கிக்கொண்டு பலாபலன்களை தனது பலனாக தருவதில் சாயா கிரகங்களுக்கு நிகர் வேறு எதுவுமில்லை என்று மிக தெளிவாக கூறிவிடலாம், ராகு கேதுவுடன் சேர்ந்த கிரகங்களும் ( ஒரே பாவகத்தில் சேர்க்கை பெறுதல் ) தனது வலிமையை சாயா கிரகங்களே சுவீகரித்து கொள்ளும் தன்மையை பெற்று இருப்பது கவனிக்கத்தக்க சிறப்பு அம்சமாகும்.

  ராகு கேது தான் அமரும் பாவகத்தை வலிமை  சேர்க்கும் அமைப்பில் இருப்பின் சம்பந்தப்பட்ட ஜாதகர் ராகு கேது அமர்ந்த பாவக வழியிலான நன்மைகளை முழு அளவில் பரிபூர்ணமாக பெறுவார், ஒருவேளை தான் அமர்ந்த பவகத்தை வலிமை அற்ற நிலைக்கு ராகு கேது ஆளாக்கினால், சம்பந்தப்பட்ட ஜாதகர் ராகு கேது அமர்ந்த பாவக வழியிலான இன்னல்களை நிச்சயம் தவிர்க்க இயலாது, உதாரணமாக சுய ஜாதகத்தில் ஒருவருக்கு குடும்பம் மற்றும் ஆயுள் பாவகத்தில் ராகு கேது அமர்ந்து வலிமை பெற்று இருப்பின் ஜாதகருக்கு, குடும்ப ஸ்தான வழியில் இருந்து நல்ல பேச்சு திறனும், நிறைவான வருமானம், நல்ல குடும்ப வாழ்க்கை, தன சேர்க்கை, பொருளாதார தன்னிறைவு, வாழ்க்கை துணையின் ஆதரவு, இனிமையான இல்லற வாழ்க்கை, போதுமான நிதி வசதி, தெளிந்த பேச்சு, கவரும் வார்த்தை பிரயோகம், மக்களை தனது வாக்கிற்கு கட்டுப்பட்டு நடக்கும் படியான வல்லமை, வாக்கு வன்மை, வாக்கு பலிதம், தெய்வீக பேச்சு திறன், வாக்கை தொழிலாக கொண்டு ஜீவிக்கும் யோகம், ஆன்மீக அனுபவம் என ஜாதகர் குடும்ப ஸ்தான வழியில் இருந்து பரிபூர்ண யோக பலன்களை அனுபவிக்கும் அமைப்பை தரும்.

ஆயுள் ஸ்தான வழியில் இருந்து ஜாதகருக்கு நீண்ட ஆயுள், வாழ்க்கை துணையின் வருமானம் மற்றும்  சொத்துக்கள் கிடைத்தல், எதிர்பாராத திடீர் அதிர்ஷ்டம் மூலம் தனவந்தன் ஆகும் யோகம், புதையல் யோகம் அல்லது அதற்க்கு நிகரான சொத்து சுக சேர்க்கை, மறைபொருள் வழியில் இருந்து வரும் ஜீவனம், ஆயுள் காப்பீடு, ஊக்க தொகை, மருத்துவ உபகரணம் மற்றும் ஆயுள் காக்கும் மருந்துகள் வழியிலான தன சேர்க்கை, மண்ணிற்கு அடியில் இருந்து கிடைக்கும் கனிம பொருட்கள் வழியிலான தன சேர்க்கை, புலனுக்கு அப்பாற்பட்ட அறிவு திறன் மூலம் பெரும் சுப யோகங்கள், தனது உயிர் அமைப்பின் பரிபூர்ணதுவத்தை உணரும் யோகம், பஞ்சபூதங்களின் ஆசியை பெரும் யோகம், தன்னிலை உணர்வு, உயிரின் ஓட்டத்தை கையாளும் வல்லமை என ஆயுள் பாவகத்தில் அமரும் சாயா கிரகங்கள் வலிமை பெற்ற நிலையில் இருந்து யோகங்களை வாரி வழங்கும்.

சுய ஜாதகத்தில் குடும்பம் மற்றும் ஆயுள் பாவகத்தில் அமரும் ராகுகேது தாம் அமர்ந்த பாவகத்திற்கு வலிமை சேர்க்கவில்லை எனில், ஜாதகரின் பாடு படு திண்டாட்டம் ஆகிவிடும், குறிப்பாக குடும்ப ஸ்தான வழியில் இருந்து திருமண தடை, நல்ல குடும்ப வாழ்க்கை அற்ற நிலை, வருமானம் அற்ற நிலை, சம்பாத்தியம் அனைத்தும் வீண் செலவு செய்யும் நிலை, வாக்கு வலிமை அற்ற நிலை, பேச்சிற்கு மதிப்பு அற்ற நிலை, பொருளாதார ரீதியான கடுமையான இன்னல்கள், எதிர்ப்புகள் மூலம் வாழ்க்கையில் கடுமையான இன்னல்களை சந்திக்கும் சூழ்நிலை, அனைத்தும் எதிராக மாறும்  நிலை, உதாசீனம்  செய்யும் மனநிலை, பொறுப்பற்ற தன்மை, கடுமையான வார்த்தைகள், மற்றவர்களை நிந்தித்தல், பொறாமை மற்றும் காழ்ப்புணர்ச்சி ஆற்றாமையால் மற்றவருக்கு இன்னல்களை ஏற்படும் தன்மை என ஜாதகரின் வாழ்க்கையை கடுமையாக பாதிக்கும்.

ஆயுள் ஸ்தான வழியில் இருந்து ஜாதகருக்கு திடீர் இழப்புகள், விபத்து, மருத்துவ செலவினங்கள், அடிகடி விபத்துகளை சந்தித்தால், எலும்பு முறிவு, உடல் ரீதியான பிரச்சனைகள், தெளிவில்லாத முடிவுகளால் வரும் திடீர் இழப்புகள், பாதுகாப்பு அற்ற சூழ்நிலை, மற்றவர்களின் ஆளுமைக்கு கிழ் வாழ்க்கையை வாழும் அமைப்பு, சுய மரியாதை இழக்கும் சூழ்நிலை, வாழ்க்கை துணை வழியில் இருந்து வரும் திடீர் இழப்புகள், தெய்வீக சிந்தனை அற்ற தன்மை, எதிர்ப்புகள் வழியில் இருந்து வரும் இழப்புகள், நண்பர்கள் மற்றும் கூட்டாளிகள் மூலம் ஜாதகர் பெரும் இழப்புகள் என ஜாதகரை கடுமையான பாதிப்பிற்கு ஆளாக்கும்.

அடிப்படையில் சுய ஜாதகத்தில் ராகு கேது எந்த பாவகத்தில் அமர்ந்தாலும் சரி சம்பந்தப்பட்ட பவகத்தை வலிமை பெற செய்கிறதா ? வலிமை இழக்க செய்கிறதா ? என்பதில் தெளிவு பெற்ற பிறகே ராகு கேது தரும் பலாபலன்களை நிர்ணயம் செய்வது சால சிறந்தது, தான் அமர்ந்த பாவகத்திற்கு ராகு கேது தரும் பலாபலன்களை பற்றிய தெளிவு இல்லாமல் தோஷம் என்று முடிவு செய்வது முற்றிலும் தவறான அணுகு முறையே, சுய ஜாதகத்தில் 1,2,5,6,7,8,12ம் பாவகங்களில் சாயா கிரகமான ராகு கேது அமர்வது தோஷத்தை தரும் என்று முடிவு செய்வது முற்றிலும் தவறான அணுகுமுறை, ராகு கேது மேற்கண்ட பாவகத்தில் அமர்ந்து இருந்தாலும், சம்பந்தப்பட்ட பாவகத்திற்கு வலிமையை தரும் அமைப்பில் இருப்பின், ஜாதகர் குறிப்பிட்ட பாவக வழியில் இருந்து 100% விகித யோக பலன்களை அனுபவிப்பார்கள் என்பது கவனிக்கத்தக்க சிறப்பு அம்சமாகும்.

வாழ்க  வளமுடன்
ஜோதிடன் வர்ஷன்
9443355696

திருமணம் தாமதம் ஆக காரணம் சர்ப்பதோஷமா ? நல்ல கணவர் கிடைப்பாரா ?

கேள்வி :

 அய்யா எனக்கு தற்போழுது வயது 29 ஆகிறது, திருமணம் தாமதமாக சர்ப்ப தோஷம் என்பதை காரணமாக சொல்கின்றனர், எனது திருமணம் தாமதம் ஆக உண்மையான காரணம் என்ன? நல்ல அன்பான, பொருத்தமான கணவர் கிடைப்பாரா? திருமணம் எப்பொழுது நடைபெறும்? 

பதில் :

லக்கினம் : கும்பம்
ராசி : துலாம்
நட்ஷத்திரம் : விசாகம் 2ம் பாதம்.

தங்களது சுய ஜாதகத்தில் சாயாகிரகங்கள் எனும் ராகு கேது முறையே 2,8ம் பாவகங்களில் அமர்ந்து சம்பந்தப்பட்ட பாவகத்தை கடுமையான பாதிப்பிற்கு உள்ளாக்குகின்றனர், மேலும் களத்திர ஸ்தானம் எனும் ஏழாம் பாவகமும் கடுமையான பாதிப்பை பெற்று உள்ளது தங்களது ஜாதகத்தில், களத்திர வாழ்க்கை மற்றும் குடும்பம் சார்ந்த இன்னல்களை தரும் அமைப்பாகும், இதனால் தங்களுக்கு திருமண தடைகளும், திருமணம் சார்ந்து எடுக்கும் முயற்சிகள் யாவும் படுதோல்வியையும் தருகின்றது, ஒருவரது சுய ஜாதகத்தில் குடும்பம் அல்லது களத்திர ஸ்தானம் இரண்டில் ஒன்று பாதிக்கப்படுமாயின் சிறிது காலதாமதத்திற்க்கு பிறகு இல்லற வாழ்க்கை அமையும், இருப்பினும் தாம்பத்திய வாழ்க்கையில் சிறு சிறு இன்னல்களை தரக்கூடும், குடும்பம் மற்றும் களத்திர ஸ்தானம் இரண்டும் பாதிக்கப்படுவது சம்பந்தப்பட்ட ஜாதகருக்கு உக்காந்ததல்ல, ஏனெனில் திருமண வாழ்க்கை வெகு தாமதமாக, காலம் தாழ்ந்தே நடைபெறும், நடைபெற்றாலும் திருமண வாழ்க்கை சிறப்பாக அமையும் என்று சொல்வதற்கு இல்லை.

தங்களின் ஜாதகத்தில் சாயா கிரகங்கள் என்று அழைக்கப்படும் ராகுகேது, தாம் அமர்ந்த பாவக வழியில் இருந்து கடுமையான இன்னல்களும், களத்திர ஸ்தானம் வலிமை இன்மை, தடைபட்ட திருமண வாழ்க்கையும் தரும் என்பதே உண்மை, திருமணம் தாமதமாக உண்மையான காரணம் மேற்கண்ட ஜாதகத்தில் 2,7,8ம் வீடுகள் கடுமையாக பாதிக்கப்படுவதும், சாயா கிரகங்களின் வலிமை இன்மையும் காரணமாக அமைகிறது, மேலும் சுய ஜாதகத்தில் கால புருஷ  தத்துவ அமைப்பிற்கு குடும்பம் மற்றும் களத்திர வீடு என்று அழைக்கப்படும், ரிஷபம் மற்றும் துலாம் ராசிகள் தங்களுக்கு முறையே சுக ஸ்தானம் மற்றும் பாக்கிய ஸ்தானமாக அமைந்து இரண்டும் கடுமையாக பாதிக்கப்பட்டு இருக்கின்றது, இதனால் தங்களது சுய ஜாதகத்தில் லக்கினத்திற்கு  2,7 ம் பாவகங்களும் பாதிக்கப்பட்டு, கால புருஷ தத்துவ அமைப்பிற்கு குடும்பம் மற்றும் களத்திரம் என்று அழைக்கப்படும் ரிஷபம் மற்றும் துலாம் ராசியும் கடுமையாக பாதிக்கப்பட்டு இருப்பதால், தங்களுக்கு திருமணம் ஆக இவ்வளவு தடைகளும், தாமதங்களும் ஏற்படுகிறது.

தற்போழுது நடைமுறையில் உள்ள புதன் திசை ( 19/09/2015 முதல் 18/09/2032 வரை ) தங்களுக்கு 1,4,7,8ம் வீடுகள் திடீர் இழப்பை தரும் ஆயுள் பாவகத்துடன் சம்பந்தம் பெற்று இன்னல்களையும், 5,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்று நன்மைகளையும் தந்து கொண்டு இருப்பது தெளிவாகிறது, புதன் திசை வலிமை அற்ற 7ம் பாவக பலனை ஏற்று நடத்துவது தங்களது திருமண வாழ்க்கையில் வரும் தடைகளுக்கு மிக முக்கிய காரணமாக அமைகிறது, சுய ஜாதகத்தில் திருமண வாழ்க்கைக்கு உண்டான பாவகங்கள் வலிமை அற்று, நடைபெறும் திசையும் தங்களுக்கு சாதகமாக இல்லை என்பதால், தங்களின் திருமண வாழ்க்கை கேள்விக்குறியாக உள்ளது, தற்போழுது நடைபெறும் புதன் திசை புதன்   புத்தியில் திருமண வாழ்க்கை அமைய சற்று வாய்ப்பு குறைவு, அடுத்து வரும் கேது புத்தியிலும் வாய்ப்பு குறைவு, அதற்க்கு அடுத்து வரும் சுக்கிரன் புத்தியில் 2ம் பாவாக பலன் நடைமுறைக்கு வருவதால், சுக்கிரன் புத்தியில் திருமணம் நடைபெற அதிக வாய்ப்பு உண்டு, தற்போழுது நடைபெறும் புதன் புத்தியில் சனியின் அந்தரத்தில் நடைபெறவும் சிறிது வாய்ப்பு உண்டு, எனவே காலம் அறிந்து செயல்படவும்.

குறிப்பு :

 தங்களது சுய ஜாதகத்தில் பெரும்பாலான  பாவகங்கள் கடுமையான பாதிப்பில் உள்ளதால், தங்களுக்கு வரும் வாழ்க்கை துணையின் ஜாதகத்தில் 2,5,7,8,12ம் பாவகங்கள்  மிக மிக வலிமை உள்ளதாக தேர்வு செய்வது அவசியமாகிறது, சர்ப்ப கிரகங்களின் தாக்குதல்களில் இருந்து விடுபட, ஈரோடு மாவட்டம், கவுந்தப்பாடி அருகில் உள்ள தங்கமேடு "தம்பிக்களை அய்யன்" கோவிலுக்கு சென்று சர்ப்ப சாந்தி பரிகாரம் மேற்கொண்டு நலம் பெறுக.

வாழ்க வளமுடன் 
ஜோதிடன் வர்ஷன் 
9443355696

காலசர்ப்ப தோஷம் மற்றும் ராகு கேது தோஷ பரிகாரம் !

சாய கிரகங்களான ராகுகேது ஒருவரது சுய ஜாதகத்தில் பாதிக்கப்படுவது, சம்பந்தப்பட்ட ஜாதகருக்கு சிறு வயது முதல், வாழ்வின் இறுதிவரையிலான காலகட்டம் வரை அதிக அளவில் இன்னல்களை தரும் அமைப்பாகும், குறிப்பாக ஒரு ஜாதகரின் வாழ்க்கையில் யோகப்பலன்களையும், அவயோகபலன்களையும் நடைமுறைக்கு கொண்டுவரும் அன்பர்களின் சந்திப்பை நிகழ்த்துவது சாய கிரகங்களான ராகுகேது என்றால் அது மிகையில், சுய ஜாதகத்தில் சாய கிரகங்கள் வலிமையுடன் இருப்பின் அவருடன்  சேர்க்கை பெரும் நண்பர்கள், கூட்டாளிகள், அறிமுகம் இல்லாத புதிய நபர்கள், வாழ்க்கை துணை, பொதுமக்கள், வேலையாட்கள், வெளியூர் அல்லது வெளிநாடு சார்ந்த அன்பர்கள் அனைவரும் ஜாதகருக்கு சிறப்பான நன்மைகளையும் வாழ்க்கையில் சிறப்பான நல்ல திருப்பத்தையும் வாரி வழங்கும் நபர்களாக திகழ்வார்கள், சுய ஜாதகத்தில் சாய கிரகங்கள் வலிமை அற்று இருப்பின் மேற்கண்ட பலாபலன்களுக்கு நேர் எதிராக அமைந்துவிடும்.

ஜாதகர் தமது வாழ்க்கையில் சந்திக்கும் அன்பர்கள் அனைவராலும் இன்னல்களையும் துன்பங்களையும் சந்திக்கும் சூழ்நிலைக்கு ஆளாக்கும், உறவுகளுடனும் சுமூக போக்கை ஜாதகர் கையாள முடியாது, நல்ல நண்பர்கள் ஜாதகருக்கு கிடைப்பது அரிது, ஜாதகருக்கு அறிமுகமாகும் அன்பர்கள் அனைவரின் வழியில் இருந்தும் துன்பங்களையும் இன்னல்களையும் சந்திக்கும் நிலைக்கு தள்ளப்படுவர், இதனால் ஜாதகரின் முன்னேற்றம் வெகுவாக பாதிக்கப்படும், குறிப்பாக ராகு கேது வலிமை அற்று குடும்பம் மற்றும் களத்திர ஸ்தானங்களில் இருப்பின் ஜாதகரின் வாழ்க்கையில் இல்லற துணை ஜாதகரை வெகுவான பாதிப்புகளுக்கு ஆளாக்கும் சூழ்நிலையை தரும், குடும்ப ஸ்தானம் சாய கிரங்கங்களால் பாதிக்கப்படும் பொழுது ஜாதகரின் வாழ்க்கை துணை, ஜாதகருக்கு தனது வாக்கு மற்றும் குடும்ப வாழ்க்கையில் இருந்து இன்னல்களை தரகூடும், வருமானம் வெகுவாக பாதிக்கும், களத்திர ஸ்தானம் சாய கிரங்கங்களால் பாதிக்கப்படும் பொழுது ஜாதகரின் வாழ்க்கை துணை ஜாதகருக்கு பொருத்தமற்று அமைவதால், அவர் வழியில் இருந்து ஜாதகர் வெகுவான இன்னல்களை சந்திக்கும் நிலைக்கு ஆளாக்கும், மேலும் களத்திர ஸ்தானம் ஜாதகருடன் சேரும் நண்பர்கள் மற்றும் கூட்டாளிகளை குறிப்பதால், நல்ல நண்பர்கள் மற்றும் கூட்டாளிகள் அமைவது சிரமம், மேலும் மேற்கண்ட நபர்களால் ஜாதகர் பெரும் இன்னல்களுக்கு ஓர் அளவு என்பதே இருக்காது, ஜாதகரின் முன்னேற்றம் வெகுவாக பாதிக்கப்படும்.

எனவே எந்த ஒரு ஜாதகத்திலும் சாயகிரகங்கள் என்று அழைக்கப்படும் ராகு கேது வலிமை அற்று இருப்பது ஜாதகருக்கு உகந்தது அல்ல, மேலும் 2,5,7 ம் பாவகங்களின் அமர்ந்து வலிமை அற்று ஜாதகருக்கு இன்னல்கள் தரும் அமைப்பில் இருப்பது ஜாதகரின் வாழ்க்கையில் கடுமையான பாதிப்புகளை வாரி வழங்கிவிடும், மேலும் அந்த பாதிப்பில் இருந்து ஜாதகர் விடுபடுவது சற்று கடினமான விஷயமாகும், 2,5,7ம் வீடுகள் வழியில் இருந்து ஜாதகர் தனது வாழ்க்கையில் நல்ல வருமானம், குடும்பம், இனிமையான பேச்சு திறன், சேமிப்பு மற்றும் இல்லற வாழ்க்கையில் இன்பம் என்ற அமைப்பிலும், தான் கற்ற கல்வி, கல்வி வழியில் இருந்து ஜாதகர் பெற்ற அறிவு, நல்ல பூர்வீகம், நிறைந்த அறிவு திறன், மற்றவர்களின் உதவி, நல்ல குழந்தைகள், தமக்கு வரும் இன்னல்களில் இருந்து விடுதலை பெரும் யோகம், அனைத்தையும் சாதிக்கும் வல்லமை என்ற அமைப்பிலும், நல்ல நண்பர்கள், பொருத்தமான  வாழ்க்கை துணை, சிறந்த கூட்டாளிகள் என்ற அமைப்பில் யோக பலன்களை வாரி வழங்கும் எனவே மேற்கண்ட பாவகங்கள் மிக வலிமையுடன் இருப்பது ஜாதகருக்கு மிகுந்த யோகங்களை வழங்கும், மேற்கண்ட பாவகங்கள் பாதிக்கப்படும் பொழுது ஜாதகர் இன்னல்களையும், மேற்கண்ட  பாவகங்கள் ராகுகேது எனும் சாயகிரகங்களால் பாதிக்கப்படும் பொழுது கடுமையான பாதிப்புகளையும் இன்னல்களையும் சந்திக்கும் சூழ்நிலையை ஜாதகருக்கு வழங்கும்.

மேற்கண்ட சாயகிரகங்களின் பாதிப்புகளில் இருந்து விடுபட ஜாதகர் தனது பெற்றோர்களின் பெற்றோர்களுக்கு ( தாய் வழி தாய்தந்தையர், தகப்பன் வழி தாய் தந்தையர் ) தம்மால் இயன்ற உதவிகளை செய்வதே ( வஸ்த்திர தானம், பொருள் தானம், அவர்களின் ஆசிர்வாதம் பெறுவதற்கு உண்டான வாய்ப்புகளை ஜாதகரே முன் வந்து ஏற்று கொண்டு செயல்படுதல்) சாலச்சிறந்தது, மேலும் அவர்களுக்கு உண்டான  உணவு,ஆடை,இருப்பிடம் ஆகியவற்றை சிறப்பாக செய்து கொடுப்பது பாதிக்கப்பட்ட சாயாகிரகங்களின் தாக்கத்தில் இருந்து ஜாதகரை மீட்டு எடுக்கும், மேற்கண்ட வாய்ப்பை இழந்தவர்கள், தம்மால் இயன்ற அளவு முதியோர் ஆதரவற்ற  அன்பர்களுக்கு தங்களால் இயன்ற உதவிகளை பிரதிபலன்  பார்க்காமல் செய்யலாம், சாய கிரகங்களின் ஜீவகாந்த அலைகள் அதிக அளவில் வெளிப்படும் திருத்தலங்களான, திரு காலகஸ்த்தி, திருநாகேஷ்வரம், கீழப்பெரும்பள்ளம், தம்பிக்கலை அய்யன் கோவில் போன்ற இடங்களுக்கு சென்று பச்சை கற்ப்பூர அபிஷேகம் செய்து  வழிபடலாம், மேற்கண்ட கோவில் வழிபாடு செய்வதே தனது பாட்டன் பாட்டி, அப்பிச்சி அம்மாயி ஆகியோருடன் ஜாதகர் நெருக்கமான பாசத்தை பகிர்ந்து  கொண்டு, சாய கிரகங்களின் வழியில் இருந்து வரும் இன்னல்களில் இருந்து விடுபடவே அன்றி,  பரிகாரம் மட்டுமே ஜாதகருக்கு நன்மையை வழங்கி விடும் என்ற தவறான கருத்தை விதைக்க அல்ல என்பதை அனைவரும் கருத்தில்  கொள்ளவும் அன்பர்களே!

மேலும் சுய ஜாதகத்தில் சாயகிரகங்கள் பாதிக்கப்பட்ட பாவக வழியிலான உறவுகளுக்கு உதவிகளை செய்து ஜாதகர், சாய கிரகங்களின் பாதிப்பில் இருந்து விடுபடலாம், உதாரணமாக சாயாகிரகங்கள் சுக ஸ்தானமான 4ம் பாவகத்தை பாதிக்க செய்யும் பொழுது பெற்ற தாய்க்கு சேவைகளை செய்து சுப யோகங்களை பெறலாம், ஜீவன ஸ்தானமான 10ம் பாவத்தை பாதிக்க செய்யும் பொழுது பெற்ற தந்தைக்கு சேவைகளை செய்து சுபயோகங்களை பெறலாம், பூர்வபுண்ணிய ஸ்தானமான 5ம் பாவத்தை பாதிக்க செய்யும் பொழுது தனது குழந்தைகளுக்கும், குல தேவதைக்கும் சேவைகள் செய்து நன்மைகளையும் யோகங்களையும் பெறலாம், ஒருவர் சுய ஜாதகத்தில் சாய கிரகங்கள் பாதிக்கப்படும் பொழுது, பாதிக்கப்பட்ட பாவக வழியிலான உறவுகள் வழியில் துண்டிப்பையும், தொடர்பு இனிமையையும் தரும், இதை தெளிவாக உணர்ந்து ஜாதகர் மேற்கண்ட கோவில்களுக்கு ஜாதகர் சென்று சர்ப்பசாந்தி பரிகாரம் மேற்கொள்ளும் பொழுது  பாதிக்கப்பட்ட பாவக வழியிலான உறவுகள் தொடர்பையும், அவர்களின் மூலம் நன்மையையும் பெரும் நிலையை தரும், எனவே சுய ஜாதகத்தில் சாய கிரகங்களின் வலிமையை தெளிவாக உணர்ந்து நலம் பெறுவது அவசியமாகிறது.

சுய ஜாதகத்தில் சாய கிரகங்கள் வலிமையுடன் இருப்பின், தான் வலிமை பெற்ற பாவக வழியில் இருந்து ஜாதகருக்கு யோகங்களையும் நன்மைகளையும் வாரி வழங்கும், இந்த அமைப்பை பெற்ற ஜாதகர்கள் யாதொரு பரிகாரமும் செய்ய தேவையில்லை, அதாவது சாய கிரகங்கள் 1,2.5,6,7,8,12ம் பாவகங்களில் அமர்ந்து இருப்பினும், அமர்ந்த பாவகத்திற்கு வலிமை சேர்க்கும் விதத்தில் இருப்பின் மேற்கண்ட பாவக வழியில் இருந்து நன்மைகளும் யோகங்களுமே நடைமுறைக்கு வரும் என்பதை கருத்தில் கொள்க, சாய கிரகங்கள் 1,2.5,6,7,8,12ம் பாவகங்களில் அமர்ந்து அந்த பாவகத்தை பாதிக்க செய்யும் பொழுதே மேற்கண்ட பாவக வழியில் இருந்து ஜாதகருக்கு  இன்னல்களும் அவயோகங்களும் நடைமுறைக்கு வரும், அப்படி பட்ட ஜாதக அமைப்பை பெற்றவர்கள் மட்டுமே மேற்கண்ட பரிகாரங்களை மேற்கொண்டு வாழ்க்கையில் சகல நலன்களும் பெறுக.

வாழ்க வளமுடன் 

ஜோதிடன் வர்ஷன் 

9443355696

கால சர்ப்ப யோகமா அல்லது கால சர்ப்ப தோஷமா? காலத்துக்கும் சர்ப்ப தோஷமா ?

நடிகர் திலகம் சிவாஜி நடித்த "கௌரவம்" திரைப்படத்தில், நகை சுவை மன்னர் நாகேஷுக்கு சிறந்த வசனம் ஒன்று வரும் அதாவது,

" ஒய் நீ 50 வயது வரைக்கும் தான் படாத பாடு படுவாய், 
ஜீவனத்துக்கே கஷ்ட படுவாய் "

"அதற்க்கு பிறகு "

அதுவே "பழகி விடும்" என்பார், 

இந்த நகை சுவைக்கு நிகராக இருக்கின்றது இந்த கால சர்ப்ப தோஷம் பற்றி அன்பர்கள் சொல்லும் கருத்துக்கள், குறிப்பாக ஒரு ஜாதகருக்கு (1,7) (2,8) (5,11) (6,12) ம் வீடுகளில் சாய கிரகங்களான ராகு கேது அமர்ந்து இருப்பின் ஜாதகருக்கு ராகுகேது தோஷ ஜாதகம் என்கின்றனர், மேலும் ராகு கேது கிரகங்களுக்குள் மற்ற கிரகங்கள் அடைபடுவது சர்ப்ப தோஷம் என்கின்றனர், மேற்கண்ட கிரக நிலை அமைப்பை பெற்ற ஜாதகருக்கு நடைபெறும் அனைத்து இன்னல்களுக்கும், சாய கிரகங்களான ராகுகேதுவே காரணம் என்று குற்றம் சாற்றுவது என்பது சகசமான நிலை என்றாகிவிட்டது.

மேலும் திருமண தடை, குழந்தை பாக்கியமின்மை, தொழில் விருத்தி இன்மை, பெயருக்கும் புகழுக்கும் வரும் களங்கம், விருப்ப திருமணம், விபத்து, திடீர் இழப்பு, தீயவர் சேர்க்கை, மனஅழுத்தம், தீய பழக்க வழக்கங்களுக்கு அடிமை ஆகும் தன்மை என, வரும் இன்னல் அனைத்திற்கும் கால சர்ப்ப தோஷமும், ராகுகேது தோஷமும் காரணமாக அமைந்து விடுவதாக ஒரு சாரர் கருதுவது உண்டு, இது முற்றிலும் தவறான கருத்தாகவே "ஜோதிடதீபம்" கருதுகிறது.

சுய ஜாதகத்தில் ராகுகேது தான் அமர்ந்த பாவகத்திர்க்கு வழங்கும் வலிமையை பற்றிய தெளிவு இல்லாமல் சொல்லப்படும் கருத்தாகவே கருதுகிறது, ராகு கேது சுய ஜாதகத்தில் தாம் அமர்ந்த பாவகத்திர்க்கு வலிமையை தரும் அமைப்பில் இருப்பின் சம்பந்த பட்ட ஜாதகருக்கு தாம் அமர்ந்த பாவக வழியில் இருந்து மிகுந்த நன்மைகளையும் யோகத்தையுமே செய்யும், ராகு கேது சுய ஜாதகத்தில் தாம் அமர்ந்த பாவகத்திர்க்கு வலிமை இல்லாத நிலையில் இருப்பின் சம்பந்த பட்ட ஜாதகருக்கு தாம் அமர்ந்த பாவக வழியில் இருந்து மிகுந்த இன்னல்களையும் அவயோகத்தையும் தரும், மேலும் சுய ஜாதகத்தில் சாய கிரகங்களான ராகு கேது லக்கினத்தில் ( லக்கினத்தை மட்டும் கருத்தில் கொள்க ) அமர்ந்தால் நிச்சயம் இலக்கின பாவகத்திர்க்கு 100% விகித நன்மைகளையே செய்யும், இது மறுக்க  இயலாத உண்மை, இலக்கின வழியில் இருந்து ஜாதகர் 100 % விகித யோக பலன்களையே அனுபவிப்பர் இதில் எவ்வித சந்தேகமும், மாற்றமும் இல்லை.

ராகுகேது வலிமையை ஓர் உதாரண ஜாதகம் கொண்டு காண்போம்!

லக்கினம் : ரிஷபம் 
ராசி : மகரம் 
நட்சத்திரம் : திருவோணம் 1ம் பாதம் 

 ஜாதகருக்கு லக்கினத்தில் ராகு நீச்ச நிலையிலும், 7ம் பாவகத்தில் கேது உச்ச நிலையிலும் அமர்ந்துள்ளது, இந்த நீச்ச உச்ச நிலை என்பது கால புருஷ தத்துவ அமைப்பிற்கு உண்டானது, சுய ஜாதகதிர்க்கும் நீச்ச உச்ச நிலைக்கும் யாதொரு சம்பந்தமும் இல்லை என்பதே உண்மை, மேலும் சுய ஜாதகத்திற்கு சாய கிரகங்களான ராகு கேது தரும் பலாபலன்கள் பற்றி ஆய்வு செய்வோம், லக்கினத்தில் அமரும் ராகுகேது ஜாதகருக்கு 100% விகத நன்மையை தரும் என்பதற்கு இணங்க ஜாதகர், நல்ல உடல் ஆரோக்கியத்துடனும், சிறந்த மன நிலையுடன் திகழ்கிறார், ஜாதகருக்கு எவ்வித தீய பழக்க வழக்கங்களும் இல்லை, எதையும் பரந்த மன பக்குவத்துடன் அணுகும் மன வலிமை கொண்டவராகவும், நல்ல குணமும், நல்ல அறிவும் கொண்டவராக காணப்படுவதும், புலனுக்கு அப்பாற்பட்ட அறிவு திறனை பெற்று இருப்பதற்கும் ராகு பகவான் லக்கினத்திற்கு வழங்கும் வலிமையே காரணமாக அமைகிறது.

மேலும் ஜோதிடம்,கணிதம்,கலைகள்,தான் எடுத்துக்கொண்ட துறையில் நல்ல புலமையை தருவதும் ராகு பகவானின் ஆசிர்வாதமே, ஜாதகரின் தன்னம்பிக்கை, உறுதியான நிலைப்பாடு, கம்பீரமான செயல்பாடுகள்,  தீர்கமான வாத திறமை அனைத்திற்கும் ராகு பகவான் லக்கினத்திற்கு வழங்கும் வலிமையே காரணமாக அமைகிறது, ஜாதகருக்கு லக்கினம் கால புருஷ தத்துவ அமைப்பிற்கு 2ம் ராசியாக வருவதும், அதுவே ஜாதகருக்கு லக்கினமாக அமைவதும், ஜாதகருக்கு நல்ல பேச்சு திறனையும், தன்னிறைவான வருமான வாய்ப்புகளையும், நல்ல ஆரோக்கியமான உடல்  நிலையையும், நீண்ட ஆயுளையும் வாரி வழங்குவதற்கு ராகு பகவான் லக்கினத்திற்கு வழங்கும் வலிமையே காரணமாக அமைகிறது, மேலும் ஜாதகர் வாழ்நாள் முழுவதும் வருமானத்திற்கு குறைவில்லை என்ற நிலையை தருவதும் லக்கினத்தில் அமர்ந்த ராகு பகவானின் ஆசிவாதமே காரணமாக  அமைகிறது.

அடுத்து 7ல் அமர்ந்த கேது பகவான் ஜாதகருக்கு வெளிநாடுகளில் ஜீவனம் செய்யும் வாய்ப்பையும், நிரந்தமாக குடிஉரிமை பெரும் யோகத்தையும் தந்திருப்பது கவனிக்க தக்கது, ஜாதகரின் வாழ்க்கையில் புதையலுக்கு நிகரான வருமானங்களையும், எடுக்கும் காரியங்களில் சுலப வெற்றி வாய்ப்புகளையும், எதிர்பாராத அதிர்ஷ்டங்களையும் வெளிநாடுகளில் இருந்து பெறுவதை 7ல் அமர்ந்த கேது பகவான், களத்திர பாவகத்திர்க்கு வழங்கும் வலிமையே காரணமாக அமைகிறது, ஜாதகரின் நண்பர்கள்  மற்றும் உறவினர்கள் மூலம் வாழ்க்கையில் முன்னேற்றங்களை பெறுவதை உக்க படுத்துவது கேது பகவானே, மேலும் கால புருஷ தத்துவ அமைப்பிற்கு ஜாதகரின் களத்திர பாவகம், ஆயுளை குறிக்கும் 8ம் ராசியாக வருவது, ஜாதகருக்கு  பூர்ண ஆயுளை வாரி வழங்குகிறது, தனது வாழ்க்கை துணை வழியில் இருந்து நீடித்த திடீர் அதிர்ஷ்டங்களையும், எதிர்பாராத திடீர்  முன்னேற்றங்களையும் பெறுவதை கேது பகவானின் வலிமையே நிர்ணயம் செய்கின்றது, தனது வாழ்க்கை துணை வழியில் இருந்தும், நண்பர்கள் வழியில் இருந்தும், பொதுமக்கள் வழியில் இருந்தும் ஜாதகர் திடீர் அதிர்ஷ்ட வாய்ப்புகளை பெறுவதற்கு முழு காரணமாக கேது பகவான் 7ம் பாவகத்திர்க்கு வழங்கும் வலிமையே காரணமாக அமைகின்றது.

 எனவே மேற்கண்ட ஜாதகருக்கு, லக்கினத்தில் அமர்ந்த ராகு லக்கினத்திற்கு 100% விகித யோக பலன்களையும், களத்திர ஸ்தானத்தில் அமர்ந்த கேது பகவான் 7ம் பாவக வழியில் இருந்து 100% விகித யோக பலன்களையும், வாரி வழங்குவது தெளிவாகிறது. ஆக சுய ஜாதகத்தில் சாய கிரகங்களான ராகு கேது வலிமை பெற்று அமர்ந்தால், சம்பந்த பட்ட ஜாதகருக்கு 100% விகித யோக பலன்களே நடைபெறும் என்பதே உண்மை, இந்த நிலைக்கே "காலசர்ப்ப யோகம்" என்று சொல்லாம், எனவே சுய ஜாதகத்தில் சாய கிரகங்கள் தாம் அமர்ந்த பாவகத்திர்க்கு எவ்வித பலன்களை வழங்குகின்றனர் என்பதில் தெளிவு பெறுவது அவசியமாகிறது, மேற்கண்ட ஜாதகத்தில் ராகுகேது லக்கினம் மற்றும் களத்திர ஸ்தானத்தில் அமர்வதை "சர்ப்ப தோஷம்" என்று நிர்ணயம் செய்வது முற்றிலும் ஜோதிட கணித உண்மைக்கு புறம்பானதாகவே கருத வேண்டியுள்ளது.

குறிப்பு :

 ஒரு ஜாதகருக்கு (1,7) (2,8) (5,11) (6,12) ம் வீடுகளில் சாய கிரகங்களான ராகு கேது அமர்ந்து வலிமை பெற்று இருப்பின், சம்பந்த பட்ட ஜாதகருக்கு, தாம் அமர்ந்த பாவக வழியில் இருந்து 100% விகித யோக பலன்களையே நடைமுறை படுத்தும், ஒரு ஜாதகருக்கு (1,7) (2,8) (5,11) (6,12) ம் வீடுகளில் சாய கிரகங்களான ராகு கேது அமர்ந்து வலிமை அற்று இருப்பின், சம்பந்த பட்ட ஜாதகருக்கு, தாம் அமர்ந்த பாவக வழியில் இருந்து 100% விகித அவயோக பலன்களையே நடைமுறை படுத்தும், என்னவே சுய ஜாதகத்தில் சாயகிரகங்களின் வலிமை உணர்ந்து பலன்கான முற்படுவதே, துல்லியமான பலாபலன்களை கூற இயலும் அன்பர்களே!

 (1,7) (2,8) (5,11) (6,12) ம் வீடுகளில் சாய கிரகங்களான ராகு கேது அமர்ந்து இருப்பது ஜாதகருக்கு 33 வயது திருமணம், தொழில், குடும்பம், வருமானம், ஆரோக்கியம் ஆகியவற்றில் இன்னல்களை தரும், அதற்க்கு காரணமாக ராகு கேது அமையும் என்பதெல்லாம் முற்றிலும் ஜாதக உண்மைக்கு புறம்பான கற்பனையே.
  
வாழ்க வளமுடன் 
ஜோதிடன் வர்ஷன் 
9443355696

ஜாதகத்தில் கால சர்ப்ப தோஷம் இருக்கிறது என கூறுகிறார்கள் . அது தோசமா அல்லது யோகமா ஐயா விளக்கம் தேவை ?

கேள்வி : 

ஐயா வணக்கம் ,

எனது பெயர் பெருமாள்,
எனது பிறந்த தேதி :26/12/1986
நேரம் :00:30 ( 25/12/1986 இரவு 12.30மனி) 
பிறந்த இடம் :சேலம் மாவட்டம், 

எனது ஜாதகத்தில் கால சர்ப்ப தோஷம் இருக்கிறது என கூறுகிறார்கள் . அது தோசமா அல்லது யோகமா ஐயா விளக்கம் தேவை .
தங்களின் பதிலை எதிர்நோக்கி இருக்கிறேன் 
நன்றி.

பதில் :

கால சர்ப்ப தோஷம் அல்லது யோகம் என்று ஜோதிடர்களால் பெருவாரியாக வர்ணிக்கப்படும் நிலை தங்களது ஜாதகத்தில் அமைந்துள்ளது கவனிக்க தக்க அம்சமே, சாயா கிரகங்களான ராகு கேது ஒருவரது சுய ஜாதகத்தில் லக்கினம் மற்றும் 7ம் பாவகங்களில் அமரும் பொழுதும், ராகு கேது க்கு மத்தியில் மற்ற அனைத்து கிரகங்களும் அடைபடும் நிலைக்கு கால சர்ப்ப தோஷம் என்று வர்ணிக்க படுகிறது, இது முற்றிலும் உண்மைக்கு புறம்பான விஷயமாகவே ஜோதிடதீபம் கருதுகிறது, காரணம் மேற்கண்ட நிலையை வைத்து தோஷம் அல்லது யோகம் என்று நிர்ணயம் செய்வது சுய ஜாதகத்தில் உண்மையான பலாபலன்களை தெளிவாக கூறுவதற்கு நிச்சயம் உதவாது என்பதே உண்மை அன்பரே!

இதற்க்கு ஒரு படி மேலே சென்று கால சர்ப்ப தோஷம் உள்ள ஜாதகருக்கு கால சர்ப்ப தோஷம் உள்ள வாழ்க்கை துணையையே மணம்முடிப்பது சரியானதாக அமையும் என்று நிர்ணயம் செய்பவர்களும் உண்டு, இதை காரணமாக வைத்து  கொண்டு பல திருமணங்கள் நடைபெறாமல் உள்ளதும்  வருந்தத்தக்க விஷயமே, சுய ஜாதகத்தில் நவ கிரகங்களில் மிகவும் சக்தி வாய்ந்ததும், தான் அமர்ந்த பாவகத்தின் தன்மையையும், தன்னுடன் சேர்ந்த கிரகங்களின் தன்மையையும் தானே பொறுப்பேற்று யோக அவயோக பலன்களை வாரி வழங்கும் தன்மை சாயா கிரகங்கள் என்று அழைக்கப்படும் ராகு கேதுவுக்கு உள்ள  தனித்தன்மை, எனவே சுய ஜாதகத்தில் ராகு கேது தான் அமர்ந்த பாவகத்தின் தன்மையையும், வலிமை நிலையையும் உணர்ந்து சுய ஜாதகத்தில் பலன் காண முற்படுவதே சுய ஜாதகத்தில் துல்லியமான பலன்களை  கூறுவதற்கு வழிவகுக்கும்.

உதாரணமாக தங்களது ஜாதகத்தில் சாயா கிரகங்கள் முறையே ராகு 7ம் பாவகத்திலும், கேது லக்கினத்திலும் அமர்ந்துள்ளனர், ஆனால் ராகு கேதுவுக்கு  இடையிலே எந்த ஒரு கிரகமும் அகப்படவில்லை எனவே இது கால சர்ப்ப தோஷ ஜாதக நிலை அல்ல ( மற்ற ஜோதிடர்களின் கூற்றுப்படி ) மேலும் தங்களது சுய ஜாதக அமைப்பின் படி இலக்கின பாவகத்தை கேது பகவானும், களத்திர பாவகத்தை ராகு பகவானும் முழுமையாக ஆளுமை செய்கின்றனர் என்பது மட்டும் உண்மை நிலை.

தங்களது ஜாதகத்தில் லக்கினத்தில் அமர்ந்த கேது பகவான் தங்களுக்கு சம வீடு என்ற அமைப்பில் 100% விகித நன்மைகளை தங்கு தடையின்றி வாரி வழங்குகிறார், லக்கினத்தில் அமர்ந்துள்ள மற்றொரு கிரகமான சந்திரனின் தன்மையையும் தானே பெற்று, தங்களுக்கு லக்கினத்தை 100% வலிமையையும், இலக்கின வழியில் இருந்து பல நன்மைகளையும் யோகங்களையும் பெறுவதற்கு காரணமாக அமைகிறார், இதனால் தாங்கள் நல்ல உடல் அமைப்பு, சிறந்த மன நலம், சிறந்த ஞானம், ஆரோக்கியம், புகழ் மற்றும் கீர்த்திகளை பெறுவதற்கு உண்டான சந்தர்பங்கள் கூடி வரும் தன்மை என யோக பலன்களை கேது பகவான 100% வழங்குகின்றார்.

தங்களது ஜாதகத்தில் களத்திர பாவகத்தில் அமர்ந்துள்ள ராகு பகவான், கேந்திர பாவகத்திற்க்கு அதிபதியாக கோண அதிபதி வருவதால், 100% சதவிகித அவயோக பலன்களை களத்திர பாவக வழியில் இருந்து வாரி வழங்குகின்றார், எனவே தாங்கள் வாழ்க்கை துணை வழியில் இருந்தும், நண்பர்கள் மற்றும் கூட்டாளிகள் அமைப்பில் இருந்தும் மிகுந்த இன்னல்களுக்கும் துன்பங்களுக்கும் ஆளாகும் சூழ்நிலையை தரும், களத்திர ஸ்தானத்தில் அமர்ந்திருப்பது ராகு பகவான் என்பதாலும், உபய நீர் தத்துவம் கொண்ட பெண் ராசி என்பதாலும், தாங்கள் அதிக அளவில் எதிபால் இன அமைப்பில் இருந்து மன போராட்டங்களையும், மன கவலைகளையும் எதிர்கொள்ளும் தன்மையை தரும், குறிப்பாக வீண் விரையன்களை தவிர்க்க இயலாது என்பது கவனிக்க தக்கது.

தங்களது சுய ஜாதக அமைப்பின் படி லக்கினத்தில் அமர்ந்த கேது 100% சதவிகித நன்மை மற்றும் யோகத்தையும், 7ம் பாவகத்தில் அமர்ந்த ராகு 100% சதவிகித  தீமை மற்றும் அவயோகத்தையும் வாரி வழங்குகின்றனர் என்பது தெள்ள தெளிவாக உறுதியாகிறது, இனி 1ம் பாவக பலனை எந்த எந்த கிரகங்களின் திசை புத்தி ஏற்று நடத்துகிறது, 7ம் பாவக பலனை எந்த எந்த கிரகங்களின் திசை புத்தி ஏற்று நடத்துகிறது, என்ற விஷயம் தெரிந்தால் போதும் தங்களின் வாழ்க்கை மிகவும் சிறப்பாக அமைத்துக்கொண்டு மிகப்பெரிய முன்னேற்றங்களை பெறலாம், மேலும் 1,7ம் பாவக வலிமையை தெரிந்து கொண்டது போலவே, மற்ற பாவகங்களின் நிலையையும் தெரிந்துகொண்டால் வாழ்க்கையில் சிறப்பான எதிர்காலத்தை அமைத்துக்கொள்ள இயலும், மேலும் விபரங்களுக்கு நேரில் அணுகவும் அல்லது மின் அஞ்சல் மூலம் தொடர்பு கொள்ளவும்.

வாழ்க வளமுடன் 
ஜோதிடன் வர்ஷன் 
9443355696

ராகு கேது சுய ஜாதகத்தில் வலிமை அற்ற நிலையில்( தோஷம் பெற்று ) அமரும் பொழுது ஜாதகர் படும் அவஸ்த்தை !

 சுய ஜாதகத்தில் பொதுவாக ராகு  கேது எனும் சாய கிரகம் இரண்டும் மிக வலிமையுடன் அமர்வது, ஜாதகரின் வாழ்க்கையில் அடிப்படியில் இருந்து மிகப்பெரிய முன்னேற்றத்தை வாரி வழங்கும், அதாவது சிறுவயதில் நல்ல அடிப்படை கல்வி, சரியான வயதில் தடையற்ற உயர்கல்வி, கற்ற  கல்விக்கேற்ற சரியான தொழில் வாய்ப்புகள் அல்லது வேலை வாய்ப்புகள், இளம் வயதில் திருமண வாழ்க்கை சிறப்பாக அமையும் யோகம், சிறப்பான புத்திர சந்தானம், நல்ல வசதி மிக்க வீடு,வண்டி,வாகன யோகம், நல்ல நண்பர்கள் சேர்க்கை, நல்ல கூட்டாளிகள் என ஜாதகருக்கு அடிப்படையில் இருந்து இறுதி வரை நல்ல சுக போகமான வாழ்க்கை அனுபவிக்கும் தன்மையை தரும், ராகு கேது இதற்க்கு மாறாக வலிமை அற்று அமரும் பொழுது ஜாதகர் படும் துன்பத்திற்கு ஒரு அளவில்லாமல் தீய பலன்களை தர ஆரம்பித்து விடும்.

எடுத்துகாட்டாக :

 மேற்க்கண்ட ரிஷப இலக்கின ஜாதகருக்கு மேலோட்டமாக பார்க்கும் பொழுது லக்கினத்தில் இருந்து 5ல் ராகுவும், 11ல் கேதுவும் இருப்பதை போன்ற தோற்றத்தை தந்தாலும், லக்கினம் ஆரம்பிக்கும் பாகையை, அடிப்படையாக கொண்டு காணும்பொழுது ஜாதகருக்கு 4ல் ராகுவும், 10ல் கேதுவும் அமர்ந்திருப்பது தெரியவரும், மேலும் சாயா கிரகமான ராகு கேது மேற்கண்ட பாவகத்தில் அமர்ந்து ஜாதகருக்கு எவ்வித பலாபலன்களை வாரி வழங்குகிறார்கள் என்பதை, இன்றைய ஆய்வுக்கு எடுத்துகொள்வோம் அன்பர்களே!

 ராகு ஜாதகருக்கு உபய மண் தத்துவ ராசியான கன்னியில் 4ம் பாவகத்திர்க்கு உற்பட்ட பாகைக்குள் அமர்ந்து 4ம் பாவகத்தை 100 சதவிகிதம் பதிப்புக்கு உள்ளக்குவதர்க்கு காரண கர்த்தாகவாக விளங்குகிறார், இங்கே ஜாதகருக்கு இலக்கின அமைப்பில் இருந்து காணும் பொழுது நான்காம் பாவகமாகவும், கால புருஷ தத்துவ அமைப்பின் அடிப்படையில் 6ம் பாவகமாக விளங்குவதாலும், ஜாதகர் தனது சுக போக வாழ்க்கையில் தானே துன்பத்தை வரவழைத்து கொள்ளும் தன்மையை தரும், குறிப்பாக ஜாதகரின் நோக்கமும் செயல்களும் ஒரு நேர்கோட்டில் அமைவதற்கு உண்டான வாய்ப்பை வழங்காது, மேலும் ஜாதகர் பண விஷயத்தில் அதிக கவனமின்மையை தரும், ஜாதகர் வாங்கும் கடனும், கொடுக்கும் கடனும் அதிக இன்னல்களை ஏற்ப்படுத்தும்.

 மேலும் உடல் ரீதியான தொந்தரவுகளை ஜாதகரே வலுகட்டாயமாக வரவளைத்துகொள்ளும் தன்மையை தரும், உதாரணமாக லகிரி வஸ்த்துகளை பயன்படுத்துவதால் உடல் நிலையில் அதிக தொந்தரவுகளை பெரும் நிலை தரும், குறிப்பாக வயிறு சம்பந்த பட்ட பிரச்சனைகளையும், இதயம் சம்பந்தபட்ட பிரச்சனைகளையும் அதிகமாக தரக்கூடும், ஜாதகருக்கு லக்கினம் வலிமை பெற்று இருப்பதால் தனக்கு வரும் பாதிப்புகளை எதிர்கொள்ளும் ஆற்றலை தரும், இருப்பினும் ஜாதகர் உடல் தொந்தரவுகளை தவிர்க்க இயலாது, குறிப்பாக சுய ஜாதகத்தில் ராகு வலிமை குறைவாக அமரும்பொழுது ஜாதகர் அதிக கவனமாக தீய பழக்க வழக்கங்களில் ஈடுபடாமல் இருப்பது மிகுந்த நன்மையை தரும், இல்லை எனில் ஜாதகருக்கு வரும் உடல் தொந்தரவுகளின் அளவு மிக கடினமானதாக இருக்கும்.

  ராகுவால் பாதிப்புக்கு உள்ளாகும் , ஜாதகரின் நான்காம் பாவகம் கால புருஷ தத்துவ அமைப்பிற்கு 6ம் பாவகமாக விளங்குவதால் சிறு வயது  முதல் தாயின் அரவணைப்பில் வளரும் சூழ்நிலையை தருவதற்கு வாய்ப்பு இல்லை எனாலாம், மேலும் ராகு பகவானுக்கு நேரெதிராக அமரும் கேது பகவானும் 10ம் பாவகமான ஜீவன ஸ்தானத்தை பாதிப்புக்கு உள்ளாக்குவதால், தகப்பனாரின் அரவணைப்பிலும் வளரும் சூழ்நிலையை தராது, ஆக ராகு கேது  இரண்டும் ஜாதகரை பெற்றோரின் அரவணைப்பில் இருந்து பிரித்தெடுத்து தனிமையில்  வளரும் சூழ்நிலையை தந்துவிடும்.

 கேது ஜாதகருக்கு உபய நீர் தத்துவ ராசியான மீனத்தில்  10ம் பாவகத்திர்க்கு உற்பட்ட பாகைக்குள் அமர்ந்து 10ம் பாவகத்தை 100 சதவிகிதம் பதிப்புக்கு உள்ளக்குவதர்க்கு காரண கர்த்தாகவாக விளங்குகிறார், இங்கே அமரும் கேது பகவான் ஜாதகருக்கு முதலில் தகப்பனார் வழியில் இருந்து வரும் நன்மைகளை அனைத்தையும் தடை செய்துவிடுவார், குறிப்பாக தகப்பனார் அமைப்பில் இருந்து ஜாதகர் எந்த ஒரு விஷயத்தையும் எதிர்பாராமல் இருப்பது ஏமாற்றத்தை தவிர்க்கும், மேலும் தகப்பனார் வழியில் இருந்து வரும் உதவிகள் ஆதரவு ஜாதகருக்கு நிலையாக நிலைத்திருக்கும் தன்மையை தர சிறிதும் வாய்ப்பில்லை, எனவே ஜாதகர் தனது தகப்பனாருக்கு  தன்னால் இயன்ற நன்மையை செய்யும் பொழுது, சுய கௌரவம் மற்றும் தொழில்  முன்னேற்றம் பெற இயலும் என்பதே உண்மை.

கேது பகவான் லக்கினத்திற்கு ஜீவன ஸ்தானத்தில் அமர்ந்தாலும் இந்த மீன ராசி கால புருஷ தத்துவ அமைப்பிற்கு 12ம் பாவகமாக வருவதால் ஜாதகரின் மன நிம்மதி கடுமையாக பாதிக்க படும் தொழில் அமைப்பில் இருந்து ஜாதகர் அதிக மன உளைச்சலுக்கு ஆளாகும் சூழ்நிலை தரும், உதாரணமாக் நல்ல வேலையாட்கள் ஜாதகருக்கு அமைய வாய்ப்பு குறைவு, ஜாதகரின் தொழில் முன்னேற்றம் என்பது ஆமை வேகத்தில் செல்லும் தன்மையை தரும், ஜாதகரின் களத்திர ஸ்தானம் வலிமையாக இருப்பதால், தனது வாழ்க்கை துணையின் பெயரில் செய்யும் தொழில் யாவும் வெற்றிமேல் வெற்றி தரும் என்பதை நினைத்து ஆறுதல் பெறலாம்.

 ஜீவன ஸ்தானத்தில் அமரும் கேது பகவான் ஜாதகருக்கு தனது சுய கௌரவத்திற்கு பாதிப்பை தரும் என்பதால் ஜாதகர் மற்றவர்கள் விஷயத்தில் தலையிடாமல் இருப்பது, சகல நிலைகளில் இருந்தும் நன்மையை தரும், சுய கௌரவத்திற்கு பாதிப்பை தராமல் ஜாதகருக்கு நர்ப்பெயரும் நன்மையையும் உண்டாகும், இதற்க்கு மாறாக ஜாதகர் மற்றவர் விஷயத்தில் தலையீடு செய்தால் ஜாதகரின் வாழ்க்கை கேள்விக்குரியதாக மாறிவிடும், ஜீவன வாழ்க்கையில் முன்னேற்றம் இன்மை அல்லது எதிர்பாராத இழப்பு என்ற சூழ்நிலையை தரும், ஆக சுய ஜாதகத்தில் ராகு கேது பாதிப்புக்கு உள்ளாவது சம்பந்தபட்ட பாவக வழியில் இருந்து கடுமையான பாதிப்பை தருகிறது, ஒருவேளை நடைமுறையில் இருக்கும் திசை மற்றும் புத்தி சம்பந்தபட்ட பாவக  பலனை ஏற்று நடத்தினால் ஜாதகரின் பாதிப்பின் அளவு மிக அதிகமாக  இருக்கும் ஜாதகரால் இதன் பாதிப்பில் இருந்து வெளிவர இயலாத சூழ்நிலையையே தரும்.

சாயா  கிரகமான ராகு கேது சுய ஜாதகத்தில் வலிமை இழக்கும் பொழுது ஜாதகர் மேற்கண்ட இன்னல்களை அனுபவிக்க வேண்டி வருகிறது, குறிப்பாக ராகு கேது எந்த பாவகத்தை ஆக்கிரமிப்பு செய்கிறார்களோ அதன் வழியில் இருந்து அளவற்ற துன்பங்களை ஜாதகர் எதிர்கொள்ள வேண்டி வருகிறது, குறிப்பாக 4,10 ம் பாவகம் ராகு கேதுவுடன் சம்பந்தம் பெற்று வலிமை இழக்கும்  பொழுது ஜாதகர் தனது பெற்றோரை விட்டு பிரிந்து வாழும் சூழ்நிலையை தருகிறது, மேற்கண்ட ஜாதகத்தில் 4,10ம் பாவகம் உபய ராசியாக இருப்பதால், ஜாதகர் தனது பெற்றோரை பிரிந்து வாழும் சூழ்நிலையை தந்தது , இதுவே சர ராசியாக இருந்தால் ஜாதகர் பெற்றோரை இழந்து வாழும் சூழ்நிலையை தந்துவிடும் என்பதை நினைத்து ஆறுதல் பெறலாம்.

வாழ்க வளமுடன் 

ஜோதிடன் வர்ஷன் 

9443355696

2ல் மற்றும் 8ல் ராகு கேது அமர்வதால் குடும்பம் மற்றும் திருமண வாழ்க்கை பாதிக்கபடுமா ? இது சர்ப்ப தோஷத்தை தருமா ?

பொதுவாக 

( 1 ) லக்கினம் மற்றும் ஏழாம் பாவகத்தில் ராகு கேது அமர்வது , 
( 2 ) 2ம் மற்றும் 8ம் பாவகத்தில் ராகு கேது அமர்வது,
( 3 ) 5ம் மற்றும் 11ம் பாவகத்தில் ராகு கேது அமர்வது , 
( 4 ) 6ம் மற்றும் 12ம் பாவகத்தில் ராகு கேது அமர்வது, 

சர்ப்ப தோஷம் என்றும் , இந்த நிலையை பெற்றுள்ள ஜாதக அமைப்பை சார்ந்தவர்கள் அனைவரும் திருமண தாமதம் , மற்றும் குடும்ப வாழ்க்கையில் அதிக இன்னல்களையும் அனுபவிக்க வேண்டி வரும்என்றும்.

இதனால்  ஜாதகர் வாழ்க்கையில் அதிக துன்பங்களை ஜீவன வழியிலும் பொருளாதார ரீதியாகவும் அனுபவிக்க வேண்டிவரும் என்றும் பாரம்பரிய ஜோதிட முறையில் பலனாக பல ஜோதிடர்கள் சொல்வது உண்டு , இவை அனைத்தும் பொதுவாக சொல்லப்படும் கருத்தே அன்றி ஜாதகத்தை தெளிவாக ஆராய்ந்து கணிதம் செய்து சொல்லப்படும் பதில்கள் அல்ல என்பதே உண்மை .

 லக்கினம் ஆரம்பிக்கும் பாகையை வைத்து மேற்க்கண்ட பாவகங்களில்தான் ராகு கேது அமர்ந்திருக்கின்றனர என்று நிர்ணயம் செய்வது மிக முக்கியம் , ஏனெனில் சில ஜாதகங்களில் ராகு கேது கட்டங்களில் அமர்ந்திருக்கும் நிலையை வைத்து ராகு கேது கிரகங்களின் நிலையினை நிர்ணயம் செய்வது என்பது தவறான பலனை சொல்வதற்கு வழிகாட்டிவிடும் , ஆக லக்கினம் ஆரம்பிக்கும் பாகையை ஆதாரமாக வைத்து உண்மையில் ராகு கேது எந்த பாவகத்தில் அமர்ந்திருக்கிறார் என்பதை சரியாக நிர்ணயம் செய்வது ஒரு தலை சிறந்த ஜோதிடனின் கடமை.

 எடுத்துகாட்டாக :

கிழ்க்கண்ட சிம்ம இலக்கின ஜாதக அமைப்பில் மேலோட்டமாக பார்க்கும் பொழுது 6 ல் கேதுவும் 12 ல் ராகுவும் அமர்ந்திருப்பதை போன்ற தோற்றத்தை தரும் ஆனால் உண்மையில் பாவக அமைப்பின் படி கணிதம் செய்து பார்க்கும் பொழுது 5ல் கேதுவும் , 11ல் ராகுவும் அமர்ந்திருக்கிறார்கள் என்ற உண்மை புரியும் , பொதுவாக ஜோதிடத்தை பற்றிய அடிப்படை விஷயம் தெரியாதவர்கள் ஜாதக கட்டத்தை பார்த்த உடனே கேது 6லும் ராகு 12லும் அமர்திருப்பதாக கணித்து குத்து மதிப்பாக பலனை சொல்ல ஆரம்பித்து விடுவார்கள் , ஆனால் உண்மையில் ஜோதிட கணிதம் தெரிந்த ஜோதிடர்கள் கிரகங்களின் சரியான அமரும் நிலையை வைத்து பலன் காணுவார்கள் .

குறிப்பு : 

( 1 ) லக்கினம் என்பது சிம்மத்தில் 148.04.24 பாகை முதல் கன்னியில் 178.35.45 பாகை வரை வியாபித்து இருக்கிறது ,

( 2 ) ஜாதகரின் 5ம் பாவகம் தனுசுவில் 267.52.60 பாகை முதல் மகரத்தில் 297.40.34 பாகை வரை வியாபித்து இருக்கிறது , 

( 3 )ஜாதகரின் 11ம் பாவகம் மிதுனத்தில் 87.52.60 பாகை முதல் கடகத்தில் 117.40.34 வரை வியாபித்து இருக்கின்றது எனும் பொழுது,

( 4 ) மகரத்தில் 273.11.52 பாகையில் அமர்ந்திருக்கும் கேதுவும் கடகத்தில் 93.11.52 பாகையில் அமர்ந்திருக்கும் ராகுவும் எப்படி 6 மற்றும் 12 ம் பாவகத்தில் அமர்வதாக எடுத்துகொள்ள இயலும்.

 ( எனவேதான் இங்கு சரியான ஜோதிட கணிதத்தை பயன்படுத்தி பலன் காணவேண்டும் என்ற அவசியம் ஏற்ப்படுகிறது .) 

கணிப்பு என்பது எவரும் எளிதில் செய்துவிட முடியும் , கணிதம் என்பது முறையாக  ஜோதிட கணிதத்தை அறிந்தவர்களால் மட்டுமே செய்யகூடிய ஒரு விஷயம்  , எனவே இங்கே பலகாலமாக ஜாதகத்தில் ராகு கேது 6ல் மற்றும் 12ல் என்று நினைத்து கொண்டு பலன் சொல்லும் பொழுது , ஜாதகனுக்கு அந்த  பலன்கள் எப்படி பொருந்தும் மேலும் அது சரியான கணிதமும்  இல்லை என்பதே அடிப்படை விஷயமாக மாறிவிடுகிறது , இங்கே   ஏமாற்றம் பெறுவது  பலன் சொன்ன ஜோதிடனும் , பலன் காண வந்த ஜாதகனும்  என்பதை ஒரு சரியான கணித ஜோதிடன் மூலமாக மட்டுமே தெரிய  வரும் அதுவும் அந்த ஜாதகனுக்கு பிராப்தம் இருந்தால் .

எனவே முதலில் ஒரு கிரகம் எந்த பாவகத்தில் அமர்திருக்கிறார் என்ற அடிப்படை  விஷயம் கூட தெரியாத ஜோதிடனிடம் ஆலோசனை பெற்று ஒருஜாதகர்  தனது வாழ்க்கையை சரியான வழியில் நடத்தி செல்வது என்பது எப்படி ? என்ற  கேள்வி இங்கு தோன்றுகிறது .

நிறை ஜாதகங்களில் இதை போன்ற  குழப்பங்களை  காணமுடிகிறது , இதை பயன்படுத்திக்கொண்டு  சில ஜோதிடர்கள் ராகு கேது தோஷம் , சர்ப்ப தோஷம், செவ்வாய் தோஷம் , களத்திர தோஷம் என்று  மற்றவர்கள் வாழ்க்கையில் புகுந்து விளையாடி விடுகின்றனர் , இதை  உணராத  மக்கள் அனைவரும் தனக்கு எதோ பெரிய தோஷம் இருப்பதாக நினைத்துகொண்டு  தனது வாழ்க்கையை சரியாக நிர்ணயம் செய்ய இயலாமல்  தடுமாறுகின்றனர் என்பதே உண்மை .

அடுத்து மேற்கண்ட அமைப்பில் அமர்ந்த ராகு கேது கிரகங்கள் ஜாதகனுக்கு நன்மையை  செய்கிறனவா ? தீமையை செய்கிறனவா ? என்பதை நிரண்யம்  செய்யவேண்டும் . இதற்க்கு முறையான ஜோதிட கணிதம் பயின்றவர்கள் உடனடியாக பதில் சொல்விட முடியும் , ஆனால் ஜோதிடத்தை பற்றிய அடிப்படை விஷயம் அறியாதவர்களால் ஜாதகனை குழப்பம் பெற செய்ய முடியுமே  தவிர சரியான பலனை சொல்ல இயலாது. 

மகரத்தில் 5ல் அமர்ந்த கேது பகவான் 100 சதவிகித தீமையையும் , கடகத்தில் 11ல் அமர்ந்த ராகு பகவான் 100 சதவிகித நன்மையையும் செய்வார் என்பதே உண்மை , இந்த பலன்கள் எப்பொழுது நடை முறைக்கு வரும் என்பது அடுத்த கேள்வி ? 

 5 மற்றும் 11 ம் பாவகத்தின் பலனை ஏற்று நடக்கும் திசை எதுவென்று அறிந்து அதன்  பலனை சொல்ல வேண்டும் . ஒருவேளை ஜாதகத்தில் நடை பெரும் அனைத்து திசைகளும் இந்த பாவகத்தின் பலனை தரவில்லை ஏற்று நடத்தவில்லை எனில் ஜாதகன் மேற்கண்ட பாவகத்தின் நன்மை தீமை பலனை சிறிதும் அனுபவிக்க மாட்டார் என்பது குறிப்பிட தக்கது .

2ல் அல்லது 8ல் நல்ல நிலையில் அமரும் ராகு கேது கிரகத்தால் ஒருவருடைய வாழ்க்கை சிறிதும் பாதிக்க வாய்ப்பில்லை என்ற உண்மையை உணருவது அவசியம் , ஒருவேளை 2ல் அல்லது 8ல் பாதிப்பை தரும் நிலையில் அமரும் ராகு கேது கிரகத்தால் ஜாதகர் கடுமையாக மேற்கண்ட பாவக  வழியில் இருந்து இன்னல்களை அனுபவிக்க வேண்டி வரும் என்பதையும்  மறுப்பதற்கு இல்லை எனவே ஒருவருடைய ஜாதகத்தில் ராகு கேது கிரகங்கள் எங்கு அமர்ந்து இருக்கிறார்கள் , அவர்கள் ஜாதகருக்கு நன்மையை செய்துகொண்டு இருக்கிறார்களா இல்லையா ? என்பதை நிர்ணயம்  செய்து , நடப்பு திசையில் அதன் பலன்கள் நடை பெறுகிறத என்பதை  ஜோதிட கணிதம் செய்து தெளிவாக தெரிந்துகொண்டு பலன் சொல்வதே நம்மை நாடி வரும் அன்பர்களுக்கு நன்மை தரும் .

பொதுவாக 2ல் மற்றும் 8ல் அமரும் ராகு கேது நன்மை செய்யுமா ? தீமை செய்யுமா ? என்பதை பற்றிய ஒரு சிறு விளக்கம் .

ஒருவருடைய சுய ஜாதகத்தில் 2ம் பாவகம் மற்றும் 8ம் பாவகம் ரிஷபம் , மிதுனம், கன்னி  ( சூரியனுடன் 14 பாகைக்குள் சேராத புதன் ), கடகம் ( வளர்பிறை சந்திரன் ) துலாம் , தனுசு , மீனம் ராசிகளாக வந்து இங்கு அமரும் ராகு கேது 100 சதவிகித தீமையை செய்யும் .

ஒருவருடைய சுய ஜாதகத்தில் 2ம் பாவகம் மற்றும் 8ம் பாவகம் மேஷம் , மிதுனம்,கன்னி ( சூரியனுடன் 14 பாகைக்குள் சேர்ந்த புதன் ) , கடகம் ( தேய் பிறை சந்திரன் ), சிம்மம் , விருச்சகம் , மகரம் , கும்பம் ராசிகளாக வந்து இங்கு அமரும் ராகு கேது 100 சதவிகித நன்மையை செய்யும் , என்பதே உண்மை எனவே சுய ஜாதகத்தில் ராகு கேது 2ல் 8ல் அமர்ந்திருக்கும் ஜாதக அமைப்பை பெற்றவர்கள் இதை வைத்து ராகு கேது நன்மை செய்கிறதா ? தீமை செய்கிறதா என்பதை  நிர்ணயம் செய்து கொள்ளலாம் .

வாழ்க வளமுடன் 
ஜோதிடன் வர்ஷன் 
9443306969

குடியிருக்கும் வீடு தரும் யோகம் ?

கேள்வி :

வணக்கம் அய்யா, தங்களின் வலை பூவை சில வாரங்களாக தொடர்ந்து படித்து வருகிறேன், மிகவும் சிறப்பாக இருக்கிறது , தாங்களது இருக்கு இடத்தில் இருந்து கொண்டால் எல்லாம் சௌக்கியமே ! என்ற பாதிவை கண்டேன் எனக்கு மிகவும் வியப்பாக இருந்தது , ஒரு ஜாதகத்தில் ஒருவருக்கு குடியிருக்கும் வீடு தரும் பலன்களை பற்றிய விளக்கம் மிகவும் அருமை , குடியிருக்கும் வீட்டின் திசை அமைப்பு ஜாதகருக்கு நன்மை தீமை பலன்களை தருமா ? அப்படி எனில் சில மாதங்களில் நான் புதிதாக கட்ட இருக்கும் வீட்டின் வாயிர்ப்படி எப்படி அமைந்தால் ? எனது வாழ்க்கை மிகவும் சிறப்பாக இருக்கு என்பதை தயவு செய்து கூறவும் தங்களுக்குண்டான ஆலோசனை கட்டணத்தை தங்களது வங்கி கணக்கிற்கு அனுப்பி வைத்து விட்டேன் , தங்களின் ஆலோசனையை ஆவலுடன் எதிர் நோக்கும் !

 பதில் :

தங்களுடைய வாழ்க்கையில்  நடக்கும் நன்மை, தீமையை  நிர்ணயம் செய்வதில் 80 சதவிகிதம் முக்கிய பங்கு வகிப்பது, தாங்கள் குடியிருக்கும் வீடு மற்றும்  அதன் வாயிர்ப்படி, என்பதில் சிறிதும் சந்தேகம் இல்லை . ஒருவருடைய ஜாதக அமைப்பில் எவ்வளவு நன்மையான பலன்களை திசா அமைப்பு தந்தாலும் , அதன் முழு பலனையும் ஜாதகர்  அனுபவிக்க வேண்டும் எனில் , சுய ஜாதக அமைப்பில் நான்காம் வீடு அமைப்பு குறிப்பிடும் திசையில்  வாயிற்படி கொண்ட வீடுகளில் குடியிருந்தால் மட்டுமே 100 சதவிகிதம் நன்மையான பலன்கள் நடக்கும் .மேலும் ஜாதக அமைப்பில் இந்த நான்காம் வீடு 2 ,6 ,8 ,12 ம் பாவகத்துடன் தொடர்பு பெறாமல் இருந்தால் நிச்சயம் ஜாதகருக்கு நல்ல வசதி மிக்க வீடு, வண்டி ,வாகனம், சுகம் , கல்வி ஆகியன இயற்கையாக அமைந்து விடும் .

தங்களது ஜாதக அமைப்பில் தங்களது நான்காம் வீடு , களத்திர பாவகத்துடன் சம்பந்தம் , மேலும் இந்த அமைப்பு 100 சதவிகித நன்மையை தங்களுக்கு வாரி வழங்குகிறது எனவே , தங்களுக்கு இதுவரை நிறைவான உயர்கல்வி , வசிக்க சிறப்பான வீடு , வசதி மிக்க வண்டி வாகனம் அமைந்திருக்கும் என்பதில் சிறிதும் ஜோதிட தீபத்திற்கு சந்தேகம் இல்லை . தாங்களது சுய முயற்ச்சியால் புதிதாக வீடுகட்டும் யோக அமைப்பு மிகவும் சிறப்பாக காணப்படுகிறது , இந்த பலன் இன்னும் 73 நாட்களுக்கு பிறகு நடக்க வாய்ப்பு அதிகம். இந்த யோக  பலன் தங்களுக்கு தொடர்ந்து மூன்று வருடம் நடை முறையில் இருக்கும் .

எனவே தாங்களது சுய ஜாதக அமைப்பின் படி மேற்கு திசை வாயிர்ப்படி அமைந்த வீடாக அமைந்து கொள்வது , தங்களது ஜாதகத்தில் உள்ள நன்மைகள் அனைத்தையும் தவறாமல் வாரி வழங்கும் , தங்களுக்கு ஏற்ற வாயிர்ப்படி , மேற்கு திசை மட்டுமே . இதனால் தங்களுக்கு  நீடித்த ஜீவன மேன்மை , மக்கள் செல்வாக்கு , கற்ற கல்வியால் ஆதாயம் , நல்ல வண்டி வாகனம், சொத்து சுகம் என சகல நன்மைகளையும் நிச்சயம் தரும் எவ்வித சந்தேகமும் தங்களுக்கு வேண்டாம் , தாங்கள் வீடு கட்டி முடித்த சில மாதங்களிலேயே , நல்ல சிறப்பான இடத்திலிருந்து ஒரு பெண்ணை திருமணம் செய்து கொள்ளும் வாய்ப்பு உண்டு , அதன் மூலம் தங்களுக்கு ஆண் வாரிசு கிடைக்க பெறுவீர்கள் , மேற்கு திசை வாயிற்படி அமைந்த அந்த வீட்டில்  தாங்கள்  குடியிருக்கும் வரை தங்களுக்கு யோகமே .

 அடுத்ததாக வரும் ராகு புத்தி தங்களுக்கு தீமையான பாவக பலனை செய்தாலும் , மேற்கு திசை வாயிற்படி அமைந்த அந்த வீட்டில்  தாங்கள்  குடியிருக்கும் வரை இந்த பாவக வழியில் இருந்து தங்களுக்கு எவ்வித தீமையான பலனும் நடை பெறாது ஆகவே தாங்கள் எதற்கும் கவலை பட தேவையில்லை  வாழ்த்துக்கள்.

குறிப்பு :

ஒருவரது ஜாதக அமைப்பில் நான்காம் பாவகம் பாதக ஸ்தானதுடன் தொடர்பு பெறுமாயின் , அதற்குரிய திசை வாயிர்ப்படி அமைந்த வீட்டில் ஜாதகர் குடியிருந்தால் ஜாதகருக்கு 200 மடங்கு தீமையான பலனை, நடப்பு திசை  கொடுக்க ஆரம்பித்து விடும் , இதன் வழி துன்பங்களை ஜாதகர் நிச்சயம் அனுபவித்தே தீர வேண்டும் , வாழ்க்கையில் எவ்வித முன்னேற்றமும் இல்லாத சூழ்நிலை ஏற்ப்படும் , துவங்கும் அனைத்து காரியங்களும் தோல்வியில் முடிவடையும் , குடும்ப வாழ்க்கை சிறப்பிக்காது , நல்ல தொழில் அமையாது , உறவினர் உதவி கிடைக்காது , மக்கள் செல்வாக்கு இல்லாத நிலை , என ஜாதகரை ஒரு வழி செய்து விடும் , இந்த அமைப்பை பெற்ற ஜாதகர்கள், சுய ஜாதக ரீதியாக  தங்களுக்கு நன்மையை தரக்கூடிய திசையில் வாயிற்படி அமைந்த வீடுகளை ஜாதக ரீதியாக கண்டறிந்து அந்த வீடுகளுக்கு விரைவில் குடி பெயர்வது அதிக நன்மையை தரும். .

வாழ்க வளமுடன்
ஜோதிடன் வர்ஷன்
9443355696

ராகு கேது பாதிப்பிற்கு எளிய நிவர்த்தி வழி முறைகள் !

ஒருவருடைய சுய ஜாதக அமைப்பில் ராகு கேது பிறப்பிலோ அல்லது கோட்சார ரீதியாக பாதிக்கப்பாடுமாயின் அதன் கெடு பலன்களில் இருந்து ஜாதகர் விடுபட சில எளிய வழி
முறைகள் , நவகிரகங்களில் விரைவில் எளிதாக  நமது உடலுடன் உயிர்கலப்பு பெரும் கிரகங்கள் இந்த ராகு கேது என்பதனை மனதில் கொள்க மற்ற கிரகங்களுக்கு இல்லாத தனி தன்மை இந்த சாயா கிரகங்களுக்கு மட்டுமே உண்டு  :

1 ) தனது தாய் வழி அல்லது தகப்பன் வழி தாய் தந்தையருக்கு ( தாத்தா பாட்டி , அம்மாயி ,அப்பிச்சி ) ஒரு பொர்ணமி நாளில் அவர்களுக்கு புத்தாடை கொடுத்து , அவர்கள் கையால் ( அட்சதை தூவி ) ஆசிர்வாதம்பெறுவது ஜாதார் இந்த ராகு கேது கிரகங்களின் பாதிப்பிலிருந்து விடு பட வழி வகுக்கும் , மேலும் திருமண தாமதம் , குழந்தை பாக்கியம் , ஆயுள் விருத்தி , தொழில் முன்னேற்றம் , என ஜாதகருக்கு படிப்படியான முன்னேற்றத்தை நிச்சயம் தரும் என்பதில் சிறிதும் சந்தேகம் இல்லை இந்த கிரகங்களின் பாதிப்பு மிகவும் கடுமையாக உள்ளவர்கள் கூட தொடர்ந்து மூன்று பொர்ணமிக்கு ஆசிர்வாதம் பெறுவார்களே ஆயின் இதன் வழி நிவர்த்தி பெற்று சகல நலன்களும் பெறுவார்கள் , மேலும் விரைவில் ஜாதகருக்கு ராகு கேது கிரகங்கள்  நன்மையான பலனை விருத்தி செய்து கொடுக்க ஆரம்பிக்கும் என்பதில் மாற்று கருத்து இல்லை .

2 ) அல்லது அருகில் உள்ள  அறுபது வயதை கடந்த பெரியவர்கள் , சதாபிஷேகம் கண்ட தம்பதியரிடம் இது போன்று ஆசிர்வாதம் பெறுவதும், ராகு கேது கிரகங்கள் நன்மையான பலனை தருவதற்கு வழி வகுக்கும் , குறிப்பாக அறுபது வயதை கடந்த பெரியோர்கள் அனைவரிடமும் , ராகு கேதுவால் பாதிக்க பட்டவர்கள் ஆசி பெரும் பொழுது சகல நன்மைகளையும் ராகு கேது கிரகம் தர தவறுவதில்லை.திருமண வாழ்க்கை சரியாக அமையாதவர்கள் , திருமண தடையுள்ளவர்கள் ,குழந்தை பாக்கியம் அற்றவர்கள் , ஜாதக ரீதியாக ராகு கேது கிரகங்களால் அதிகம் பாதிக்க படும் நிலையில் உள்ளவர்களுக்கு , இந்த வழிமுறை விரைவில் பலன் தருகிறது என்பது கண்ணெதிரே  கண்ட உண்மை .

3 ) ஜாதகர் ஆக்னை தீட்சை  , சரியான குருவின் வழிகாட்டுதலில் பெற்று கொள்வது ராகு கேது கிரகங்களின் கெடுதலான பலன்களில் இருந்து விரைவில் மீட்டு எடுக்கும் இதற்க்கு ஜாதகருக்கு நல்ல தேடுதல் இருப்பது அவசியமாகிறது , சிறந்த ஆன்மீக வாதிகள் , மத குருமார்கள் , ஆன்மீக போதனையாளர்கள் , யோக ஆசிரியர்கள் இவர்களிடம் தீட்சை பெறுவதும், ஜாதகருக்கு ராகு கேது கிரக பாதிப்பிலிருந்து விரைவில் மீட்டெடுக்கும் .

4 ) அதிகாலை பிரம்ம முகூர்த்த வேளையில் எழுந்து குளிர்ந்த நீரில் நீராடி விட்டு , சூரியன் வருவதற்கு முன் சூர்ய நமஸ்காரம் செய்வது , ஜாதகரே சுயமாக ராகு கேது கிரகங்களின் பாதிப்பிலிருந்து சில நாட்களில் விடுபட வழி வகுக்கும் , இந்த முறை மிகவும் எளிதானது ஆனால் தொடர்ந்து செய்யும் பொழுது மட்டுமே ஜாதகர் ராகு கேது கிரகங்களுடன் உயிர்கலப்பு பெறுவது பற்றி உணர முடியும் , இடைவெளி விட்டு விட்டு செய்வது நிச்சயம் பலன் தர வாய்ப்பு இல்லை .

5 ) கலை துறையில் சிறந்து விளங்கும் பெரியவர்களிடம் ஆசிர்வாதம் பெறுவது இதற்க்கு நிகரான பலனை அள்ளி தரும் ஏனெனில் இவர்கள் அனைவரிடமும் ராகு கேது கிரகத்தின் ஜீவ சக்தி மிகுதியாக காணப்படும் , சித்தர்கள் ஜீவ சமாதி பெற்ற இடங்கள் அனைத்திலும் இந்த கிரகசக்திகள் மிகுந்து காணப்படும் அந்த இடங்களில் ஜாதகர் சென்று உயிர்கலப்பு பெறுவது விரைவான நன்மைகளை தரும் . சித்தர்கள் ஜீவ சமாதி பெற்ற இடங்களுக்கு சென்று முடிந்தது 30 நிமிடங்களாவது தியானத்தில் அமர்வது ஜாதகருக்கு நிச்சயம் நன்மையான பலன்களை தரும் என்பதில் சந்தேகம் இல்லை.

6 ) புகழ் பெற்ற சிவா ஸ்தலங்களில் எல்லாம் ராகு கேது கிரகங்களின் ஜீவ சக்தி மிகுதியாக காணப்படும் , அந்த தளங்களுக்கு வருடம் ஒரு முறை அல்லது வாழ்வில் ஒருமுறை சென்றுவருவது ராகு கேது கிரக பாதிப்பிலிருந்து ஜாதகரை நிச்சயம் மீட்டு எடுக்கும் குறிப்பாக , திரு காளகஸ்தி , தங்க மேடு தம்பிக்களை அய்யன் கோவில் , மருத மலை , பழனி , திருப்பதி , திருவெண்காடு , திருவக்கரை, சபரி மலை , கொடுமுடி , திரு நணா எனும் கூடுதுறை , நாமக்கல் ஆஞ்சநேயர் மற்றும் நரசிம்மர் , திருச்செங்கோடு அர்த்தநாரிஸ்வரர் திரு கோவில் , பாண்டமங்கலம் விஸ்வநாதர் கோவில் , கொல்லி மலை அரப்பளிஸ்வரர் கோவில் , அவினாசி லிங்கேஸ்வரர் கோவில் , பாண்டவர்கள் ஐவரும் பூசித்த சிவஸ்தலங்கள் கொங்கு மண்டலத்தில் ஐந்து இடங்கள்  ஆகியன ராகு கேது பாதிப்பிற்கு விரைவான நன்மைகளை தரும் கோவில்கள் .

7 ) ராகு கேது கிரகங்கள் சுய ஜாதக ரீதியாக பாதிக்க பட்டு இருப்பின் மட்டுமே ஜாதகர் இந்த வழி முறைகளை பின்பற்றி நன்மை பெறலாம் , இயற்கையில் ஜாதகருக்கு ராகு கேது கிரகங்கள் நன்றாக அமைந்து இருப்பின் , ஜாதகர் இவ்வித நிவர்த்திகள் எதுவும் தேவையில்லை , மேலும் நல்ல நிலையில் அமர பெற்ற ராகு கேது கிரகங்கள் ஜாதகருக்கு நிச்சயம் எவ்வித தீமையான பலனையும் தருவதில்லை வாழ்க்கையில் மிகசிறந்த முன்னேற்றம் மட்டுமே வாரி வழங்குகிறது . மேலும் தனது ஜாதகத்தில் இந்த சாயா கிரகங்கள் நன்மையை செய்கிறதா தீமையை செய்கிறதா என்று தெரிந்து கொண்டு வாழ்க்கையில் நலம் பெறுங்கள் . பொதுவாக ராகு கேது தீமையை மட்டுமே தரும் என்பதில் சிறிதும் உண்மையில்லை இந்த சாய கிரகங்களுக்கு மட்டும் எந்த இடத்தில் அமருகிறதோ அந்த பாவக பலனை தான் மட்டுமே முழுவதும் ஏற்று கொண்டு செய்யும் , மற்ற கிரகங்களின் பார்வை சேர்க்கை எதுவும் அந்த பாவகத்திர்க்கு சம்பந்தம் பெற முடியாது என்பது ஜாதக ரீதியான உண்மை .

வாழ்க வளமுடன்
ஜோதிடன் வர்ஷன்
9443355696