சனி மகாதிசை தரும் அவயோக பலன்களும் ! பூர்வபுண்ணியம் கெட்டதால் வரும் பாதிப்புகளும் ( 5ல் கேது ) !

   

  சனி திசை நடைபெறுவதால், கடுமையான இன்னல்களை கடந்த பல வருடங்களாக சந்தித்து வருகின்றேன், சனி திசை ஆரம்பத்தில் புதிதாக வண்டிவாகன தொழிலில் ஈடுபட்டு, பெருத்த நஷ்டமே உண்டானது  5ல் கேது நின்று பூர்வீகம் கெட்டதால் பூர்வீகத்தில் குடியிருக்க வேண்டாம், இதுவே தங்களது தொழில் நஷ்டத்திற்கு காரணம் என்ற ஜோதிடரின் அறிவுரையின் படி,  எனது பெற்றோரின் நிலபுலன்கள் யாவையும் விற்றுவிட்டு தொழில் வழியிலான கடனை நிவர்த்தி செய்துவிட்டு, வெளியூர் சென்று குடியேறினோம்,  பூர்வீக இடமும் இல்லமால், துவங்கிய தொழில் வழியிலும் நஷ்டம் அடைந்து, பெரும் கடனாளியானது மட்டுமே மிச்சம், இவையெல்லாம் பூர்வீகம் கெட்டதால் வந்த இன்னல்களா? அல்லது சனிதிசை தரும் கெடு பலன்களா? பூர்வீகத்தை விட்டு வெளியில் வந்தும் யாதொரு முன்னேற்றமும் இதுவரை இல்லை, எனது ஜாதகத்தில் உள்ள உண்மை நிலை என்ன ? தற்போழுது வயது 43 இதுவரை பொருளாதார வசதிகளை எதுவும் பெற இயலவில்லை, இறுதிவரை இப்படியே இருக்குமா ? புதன் திசையாவது நன்மைகளை தருமா ? 

 ஜோதிட  ஆலோசணை, நமது வாழ்க்கையில் வரும் இன்னல்களை களைந்து, சுபயோக சுக வாழ்க்கையை நல்கும் அட்ஷய பாத்திரமாகும், துல்லியமான ஜாதக கணிதம் நிச்சயம் நம் அனைவருக்கும் சகல சௌபாக்கியங்களையும் வாரி வழங்கும் என்பதில் மாற்று கருத்து இல்லை, நமது அறிவுரையை வேதவாக்காக எடுத்துக்கொண்டு, தமது வாழ்க்கையை சிறப்பாக துவங்க இருக்கும் அன்பர்களுக்கு முரண்பட்ட பலாபலன்களை கூறி அவர்களை இன்னலுற செய்வது என்பது முற்றிலும் தவறான அணுகுமுறையாகும், தங்களது வாழ்க்கையிலும் இதுபோன்ற நிகழ்வே நடைமுறைப்படுத்தப்பட்டு இருக்கின்றது, அடிப்படையில் தங்களது ஜாதக வலிமையை பற்றி ஏதும் அறியாமல் கூறிய ஜாதக ஆலோசணையின் பெயரில் தாங்கள் அனைத்தையும் இழந்து நிற்கும் சூழ்நிலை உருவாகி உள்ளது என்பதை அறிவுறுத்த "ஜோதிடதீபம்" கடமைப்பட்டுள்ளது, மேலும் இதற்க்கு முன் தங்களுக்கு வழங்கிய ஜாதக ஆலோசணை முற்றிலும் தவறானது என்பதை சிறு விளக்கங்களுடன் இன்றைய பதிவில் நாம் சிந்தனைக்கு எடுத்துக்கொள்வோம் அன்பரே !

5ல் கேது  :


தங்களது ஜாதகத்தில் பூர்வ புண்ணியம் எனும் 5ம் வீடு மேஷ ராசியில் 027:58:59 பாகையில் ஆரம்பித்து ரிஷப ராசியில் 054:33:30 பாகைவரை வியாபித்து நிற்கிறது, கேது பகவான் மேஷ ராசியில் உள்ள நான்காம் பாவகத்திற்க்கு உற்ப்பட்ட  020:37:30 பாகையில் 100% விகித வலிமையுடன் அமர்ந்திருக்கிறது, எனவே அடிப்படையில் 5ல் கேது என்பதே தவறான ஜாதக கணிதமாகும், சுக ஸ்தானமான நான்காம் பாவகத்தில் கேது அமர்ந்து இருப்பதே உண்மை நிலை, தங்களது சுய ஜாதகத்தில் 5ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம் பெற்று மிகுந்த வலிமையுடன் இருப்பது வரவேற்கத்தக்கது, குறிப்பாக தங்களின் 5ம் பாவகம் மேஷ ராசியில் 2 பாகைகளும், ரிஷப ராசியில் 24 பாகைகளையும் கொண்டு இருப்பது வரவேற்கத்தக்கது, பெரும்பாலும் 5ம் பாவகம் ரிஷப ராசியிலே வியாபித்து நிற்கிறது, ரிஷபம் கால புருஷ தத்துவ அமைப்பிற்க்கு 2ம் ராசியாகவும், குடும்பம் தனம் என்ற அமைப்பில் இயங்குவதாலும், தங்களின் அறிவும், அறிவார்ந்த செயற்பாடுகளும் தங்களின் பூர்வீகத்தில் ஜீவிக்கும் பொழுதே பரிபூர்ணமாக கிடைக்கும், பூர்வீகத்தை விடுத்து வெளியில் சென்று தொழில் மேன்மை பெறுவதுஎன்பது சிறிதும் இயலாத காரியமாகும்.

  ஏனெனில் தங்களது பூர்வீகத்தை விட்டு வெளியில் செல்வது தங்களின் அறிவு திறன் சமயோசித புத்திசாலித்தனம் இரண்டையும் கடுமையாக பாதிக்கும், ஒருவருக்கு சுய அறிவும், புத்திசாலித்தனமும் மங்கும் பொழுது பெரியளவிலான வெற்றிகளை பெற இயலாது, என்பது கவனிக்க தக்கது, தங்களது சுய ஜாதகத்திலே மிகவும் வலிமை பெற்ற பாவக தொடர்பாக இதை கருதலாம் என்பதால், பூர்வீகத்தில் தங்களது ஜீவன வாழ்க்கையை இனிவரும் காலங்களிலாவது துவங்குவது சிறப்பான வெற்றிகளை தரும், அதற்க்கான வாய்ப்புகளை நடைபெறும் சனி திசையில் ராகு புத்தி 5ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம் பெற்று முழு வீச்சில் சுபயோக பலன்களை தருவது விழிப்புணர்வுடன் தாங்கள் கவனிக்கவேண்டிய சிறப்பு அம்சமாகும் அன்பரே ! தங்களது ஜாதகத்தில் பூர்வபுண்ணியம் 100% விகித வலிமையுடன் இருப்பது பூர்வீக ஜீவனத்தில் சிறப்பான நன்மைகளை தரும் அமைப்பாகும்.

சனி திசையால் பாதிப்பா ?

 தங்களது ஜாதகத்தில் சனி திசை ( 17/05/2003 முதல் 17/05/2022 வரை ) நடைமுறையில் உள்ளது , நடைபெறும் சனி மஹா திசை தங்களுக்கு 2,11ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று முழு வீச்சில் சுபயோக பலன்களை நல்குவது வரவேற்கத்தக்க சிறப்பு அம்சமாகும், மேலும் ஜீவன ஸ்தானம் எனும் 10ம் பாவகம் கன்னி ராசியில் 2 பாகைகளையும், துலாம் ராசியில் 28 பாகைகளையும் கொண்டு இருப்பது வரவேற்கத்தக்க சிறப்பு அம்சமாகும், இது தங்களுக்கு வியாபாரம், ஏற்றுமதி இறக்குமதி தொழில், கமிஷன் தொழில், தானிய வியாபாரம், உலோக வியாபாரம், கனிம பொருட்கள் சார்ந்த வியாபாரம் என வியாபாரம் மற்றும் பொதுமக்கள் சார்ந்த வழியிலான தொழில் விருத்தியை வாரி வழங்கும், எனவே தங்களது பிறப்பின் சாராம்சம் தாங்கள் ஓர் வியாபாரியாக பரிணமிக்க வைக்கும் என்பதால் அது சார்ந்த தொழில்களில் ஈடுபட்டு, மேன்மை அடைய ஜோதிடதீபம் அறிவுரை வழங்குகிறது, சனி திசை சனி புத்தி காலத்தில் தங்களது முன்னேற்றம் என்பது 2,11ம் வீடுகள் வழியில் இருந்து 10ம் பாவக பலனை விருத்தியுடன் வழங்க ஆரம்பித்து இருக்கின்றது, சனி புத்திக்கு அடுத்து வந்த புதன் புத்தி தங்களுக்கு 8ம் வீடு ஆயுள் ஸ்தானமான 8ம் பாவகத்துடன் சம்பந்தம் பெற்று திடீர் இழப்புகளை பெரிய அளவில் வாரி வழங்கியது தங்களது வாழ்க்கையில் மிகப்பெரிய இன்னல்களை தந்து விட்டது என்ற போதிலும், 3,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று கடன் கொடுத்தவருக்கு  பூர்வீக இடத்தை விற்று கடனை அடைத்தது தங்களது பெயருக்கு களங்கத்தை ஏற்படுத்தவில்லை என்பது ஓர் நன்மை தரும் அமைப்பாகும்.

சனி திசை தங்களுக்கு 2,11ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று சுபயோக பலாபலன்களையே வாரி வழங்கி இருப்பது வரவேற்கத்தக்கது, இருப்பினும் தங்களது சுய ஜாதகத்தில் 1,4,6,7,10,12ம் வீடுகள் பாதக ஸ்தானமான 7ம் பாவகத்துடன் சம்பந்தம் பெற்று மேற்கண்ட பாவக வழியில் இருந்து ( 1,4,6,7,10,12 ) 200% விகித இன்னல்களை தந்தது தங்களுக்கு மீள இயலாத துன்பத்தை தந்திருக்கிறது, அதாவது லக்கினம் பாதிப்பது உடல் மனம் சார்ந்த இன்னல்களையும், சரியான திட்டமிடுதல்கள் இல்லாத தன்மையையும், வருமுன் காக்கும் வல்லமை அற்ற தன்மையையும் தருகின்றது, 4ம் பாவக வழியில் இருந்து வண்டி வாகன இழப்பு, சொத்து வீடு  நிலம் போன்றவை திடீர் இழப்பு அல்லது தாமாகவே இழந்து நிற்கும் தன்மை, யாதொரு சுகபோகமும் அனுபவிக்க இயலாத நிலை, குணம் சார்ந்த பாதிப்பு என்ற வகையிலும், 6ம் பாவக வழியில் இருந்து கடன், நோய் பாதிப்பு, தேவையற்ற விஷயங்களை செய்து கடனாளியாக மாறும் தன்மை, மற்றவர் சொல்வதை செய்து கடனாளியாக மாறும் நிலை, சுய அறிவு திறன்  பாதிப்பு, எதிரி தொல்லை, போராட்டமே வாழ்க்கை, மற்றவருக்கு ஜாமீன் கொடுப்பதால் வரும் இன்னல்கள் என்ற வகையிலும்.

 7ம் பாவக வழியில் இருந்து வாழ்க்கை துணை வழியிலான பாதிப்பு, முரண்பட்ட எதிர்பாலின சேர்க்கையின் மூலம் வரும் பொருளாதர இழப்புகள், கூட்டு முயற்சியினால் வரும் பெரும் நஷ்டம், கூட்டாளியால் பாதிப்பு, அவர்கள் வழியிலான தீய பழக்க வழக்கங்களை மேற்கொண்டு இன்னலுறும் தன்மை, போதிய தெளிவில்லாத செயல்பாடுகள் என்ற வகையிலும், 10ம் பாவக வழியில் இருந்து சுய தொழில் செய்வதற்கான அருகதையை இழத்தல், கவுரவம் அந்தஸ்து பாதிப்பு, முன்னேற்ற தடை, செய்யும் தொழில் வழியிலான கடுமையான பாதிப்பு, தொழில் முடக்கம், முதலீடு செய்த அனைத்தையும் இழந்து நிற்கும் சூழ்நிலை, சுய தொழில் வழியிலான முன்னேற்ற தடைகள் என்ற வகையிலும், 12ம் பாவக வழியில் இருந்து பெருத்த நஷ்டம், பேரிழப்பு, சொத்து சுகம் அனைத்தையும் இழந்து தவிக்கும் நிலை, போராட்ட வாழ்க்கை, தீய பழக்க வழக்கங்களுக்கு அடிமையாகுதல், தெளிவில்லாத மனநிலை, மனஉளைச்சல், போராட்டம், எதிர்ப்புகளை சமாளிக்க வலிமை அற்ற தன்மை, தற்கொலை மனநிலை என்றவகையில் இன்னல்களை தரும்.

தங்களது ஜாதகத்தில் கிட்டத்தட்ட 6 பாவகங்கள் பாதக ஸ்தானத்துடனும், 1பாவகம் ஆயுள் ஸ்தானத்துடன் சம்பந்தம் பெறுவது மிகுந்த இன்னல்களை தரும் அமைப்பாகும், சனி திசை தங்களுக்கு வலிமை பெற்ற பாவக பனை வழங்கிய போதிலும், புதன்,கேது,சுக்கிரன்,செவ்வாய் மற்றும் குரு புத்திகள் பாதக ஸ்தான பலனையும் பாதிக்கப்பட்ட 8ம் பாவக பலனையும் ஏற்று நடத்தியது தங்களது வாழ்க்கையில் மிகப்பெரிய இன்னல்களை வாரி வழங்கி விட்டது, எனவே பாதிக்கப்பட்ட பாவக பலன்கள் நடைமுறைக்கு வரும் பொழுது விழிப்புணர்வுடன் செயல்பட்டு இன்னல்களில் இருந்து தப்பிப்பதே தங்களுக்கான சிறந்த வழியாகும், மேலும் எதிர்வரும் புதன் திசை 8ம் பாவக வழியில் இருந்து இன்னல்களை தந்த போதிலும், 3,9ம் பாவக வழியில் இருந்து சிறப்பான நன்மைகளை தருவது வரவேற்கத்தக்கது, எனவே சிறு வியாபாரம் அல்லது வியாபாரம் போன்றவற்றை செய்து வாழ்க்கையில் முன்னேற்றம் பெற " ஜோதிடதீபம் " வாழ்த்துகிறது.

தற்போழுது நடைபெறும் ராகு புத்தி தங்களுக்கு 5ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம் பெற்று நன்மையை தருவது தங்களுக்கு மேன்மையான சிறப்புகளை தரும் என்பதால் தங்களது பூர்வீகத்திற்க்கு அருகில் வந்து சுபயோக சுக வாழ்க்கையை பெறுங்கள், மேலும் தங்களது ராகு புத்தி 5ம் பாவக வழியில் இருந்து ஓர் நிலையான வருமான வாய்ப்பை வாரி வழங்கும் என்பதால் அது சார்ந்த முயற்சிகளை மேற்கொண்டு பொருளாதர முன்னேற்றத்தை பெற " ஜோதிடதீபம் " அறிவுரை வழங்குகிறது, சுய ஜாதகத்தில் பூர்வ புண்ணியம் எனும் 5ம் பாவகம் வலிமை பெற்று இருப்பின் பூர்வீகத்தை விட்டு வெளியில் சென்றால் கடுமையான பாதிப்பை தந்து விடும், அதேபோன்று சுய ஜாதகத்தில் 5ம் பாவகம் பாதிக்கப்பட்டு இருப்பின் சம்பந்தப்பட்ட ஜாதகர் பூர்வீகத்தில் இருந்தால் கடுமையான பாதிப்பை சந்திப்பார், தங்களது ஜாதகத்தில் 5ம் பாவகம் வலிமையுடன் இருப்பதால் பூர்வீகத்தில் குடியேறி நலம் பெறுங்கள்.

குறிப்பு :

 மேற்க்கண்ட ஜாதகருக்கு கேது 5ல் அமர்ந்து இருப்பதால் பூர்வீகம் பாதிக்கப்பட்டு உள்ளது என்பது முற்றிலும் தவறானது, சுக ஸ்தானமான 4ம் பாவகத்தில் வலிமையுடன் அமர்ந்து இருப்பது கவனிக்கத்தக்கது, இருப்பினும் பாவக கணிதம் சார்ந்த அமைப்பில் 4ம் வீடு பாதக ஸ்தானமான 7ம் பாவகத்துடன் சம்பந்தம் பெறுவது ஜாதகருக்கு 200% இன்னல்களை தரும், 4ல் அமர்ந்த கேது ஜாதகருக்கு பரிபூர்ண சொத்து சுக சேர்க்கையை வழங்கிய போதிலும், 4ம் வீடு பாதக ஸ்தானமான 7ம் பாவகத்துடன் சம்பந்தம் பெறுவதால் அதில் ஒரு சிறு துரும்பை கூட ஜாதகரால் அனுபவிக்க இயலாத தன்மையை  தந்திருப்பது கண்கூடான உண்மையாகும், மேலும் ஜாதகருக்கு சுய ஜாதகத்தில் 1,4,7,10ம் வீடுகள் பாதக ஸ்தானமான 7ம் பாவகத்துடன் சம்பந்தம் பெறுவது ஜாதகர் ஸ்திர தன்மை அற்றவர் என்பதை கட்டியம் கூறுகிறது, ஜாதகர் விழிப்புணர்வுடன் செயல்படவில்லை எனில் உடுத்த உடைகூட இல்லமால் போய்விடும், அதற்க்கு ஜாதகரே காரணமாக இருப்பர் என்பது கூர்ந்து கவனிக்கவேண்டிய அம்சமாகும்.

வாழ்க வளமுடன்
ஜோதிடன் வர்ஷன்
9443355696

திருமணம் தாமதமாக காரணம் என்ன ? யோகமான வாழ்க்கை துணை அமையுமா ? அமையாத ?

 " பருவத்தில் பயிர் " செய்யவில்லை எனில், இல்லற வாழ்க்கை கேள்விக்குறியாக மாறிவிடும், பொதுவாக தொழில், பொருளாதரம் , சமூக அந்தஸ்து, சுய முன்னேற்றம், வசதி வாய்ப்புகள் போன்றவற்றை முன்னிறுத்தி பருவ வயதில் இல்லறவாழ்க்கையில் இணையாமல் தாமாதப்படுத்துவதும், தள்ளிபோடுவதும் ஆண் பெண் இருபாலருக்கும் பருவ வயது கடந்த பிறகு கடும் நெருக்கடிகளை வாரி வழங்க ஆரம்பித்து விடும், சரியான வரனோ அல்லது வதுவோ அமைவது என்பது குதிரைக்கொம்பாக மாறிவிடும், காலம் கடந்து செய்யும் திருமண வாழ்க்கையில் கடுமையான இன்னல்களை எதிர்கொண்டு வாழ்ந்துகொண்டு இருக்கும் தம்பதியரே அதிகம் உண்டு, குறிப்பாக ஆணுக்கு 27, பெண்ணுக்கு 24 அகவைக்குள் இல்லற வாழ்க்கையில் இணைந்துவிடுவது நல்லது இதற்க்கு அதிகமாக தாமதம் ஆவது என்பது தவறான ஆலோசனையின் பெயரில் நமது வாழ்க்கைக்கு நாமே இன்னல்களை ஏற்படுத்திக்கொள்வதற்கு இணையானதாக அமைந்துவிடும்.

 பொதுவாக சுய ஜாதகத்தில் 2,5,7,8,12ம் வீடுகள் வலிமை பெற்று இருப்பது ஆண் அல்லது பெண் இருவருக்கும் சரியான பருவ வயதில் இல்லற வாழ்க்கையில் இணையும் வாய்ப்பை நல்கிவிடும், மேற்கண்ட பாவகங்கள் பாதிக்கப்பட்ட ஆண் அல்லது பெண்ணிற்கு மட்டுமே திருமண வாழ்க்கை என்பது வெகு கால தாமதத்தை ஏற்படுத்தும், குறிப்பாக மேற்கண்ட வீடுகள் பாதிக்கப்பட்டு நடைபெறும் திசாபுத்தியும் பாதிக்கப்பட்ட பாவக பலனை ஏற்று நடத்தினால், ஜாதகரோ, ஜாதகியோ இல்லற வாழ்க்கையில் இணைய இயலாமல், பலவித தடைகளையும் தாமதங்களும் சந்தித்து, எவ்வித சுகபோகங்களையும் சுவீகரிக்க வலிமையின்றி தவிக்கும் சூழ்நிலையை தரும், சுய ஜாதகத்தில் மேற்கண்ட 2,5,7,8,12ம் வீடுகள் வலிமை அற்ற ஜாதகரோ, ஜாதகியோ எவ்வித எதிர்பார்ப்பும் இன்றி தனது வாழ்க்கை துணையின் ஜாதகத்தில் 2,5,7,8,12ம் வீடுகள் வலிமை பெற்று இருப்பதை மட்டும் உறுதி செய்துகொண்டு இல்லற வாழ்க்கையில் இணைவது சம்பந்தப்பட்ட அன்பர்களுக்கு சகல  சௌபாக்கியங்களையும் வாரி வழங்கும் என்பதை கவனத்தில் கொள்க, திருமணம் தாமதமாக சுய ஜாதக ரீதியான உண்மையான காரணம் என்ன என்பதனை இன்றை பதிவில் இரு உதாரண ஜாதகம் கொண்டு தெளிவு பெறுவோம் அன்பர்களே !

லக்கினம் : மீனம்
ராசி : மேஷம்
நட்சத்திரம் :  அஸ்வினி 2ம் பாதம்

ஜாதகருக்கு அகவை 43 நடைபெறுகிறது, திருமணத்திற்க்கான முயற்சிகள் யாவும் பெரும் தோல்வியையே சந்தித்தது, ஜாதகருக்கு சுய ஜாதகத்தில் 2,8ம் வீடுகளை தவிர மற்ற அனைத்து பாவகங்களும் மிகவும் வலிமை பெற்று இருப்பின்னும், ஜாதகருக்கு திருமண வாழ்க்கை கைகூடி வரவில்லை என்பது கவனிக்கத்தக்க விஷயமாகும், இதற்கான காரணத்தை ஆய்வுக்கு எடுத்துக்கொள்வோம் அன்பர்களே, ஜாதகருக்கு சுய ஜாதகத்தில் 2,8ம் வீடுகள் ஆயுள் ஸ்தானமான 8ம் பாவகத்துடன் சம்பந்தம் பெற்று மிகவும் வலிமையற்று காணப்படுகிறது, மேலும் ஜாதகரின் ஆயுள் ஸ்தானம் கால புருஷ தத்துவ அமைப்பிற்கு 7ம் வீடாக அமைந்து கடுமையாக பாதிக்கப்பட்டு இருப்பது வருந்தத்தக்கது, எனவே ஜாதகருக்கு சுய ஜாதகத்தில் குடும்பம் மற்றும் ஆயுள் பாவகம் 100% விகிதம் வலிமை அற்றும், காலபுருஷ தத்துவ அமைப்பிற்க்கு களத்திர ஸ்தானமான துலாம் வலிமை அற்றும் இருப்பது ஜாதகரின் திருமண வாழ்க்கை தடைகளுக்கும், தாமதத்திற்க்கும் அடிப்படை காரணமாக விளங்கிறது.

மேலும் ஜாதகருக்கு ( 01/02/2006 முதல் 01/02/2016 வரை ) நடைமுறைக்கு வந்த சந்திரன் திசை 10 வருடமும் 2ம் வீடு ஆயுள் ஸ்தானமான 8ம் பாவகத்துடன் சம்பந்தம் பெற்று முழு வீச்சில் தீமையான பலன்களை 2ம் பாவக வழியில் இருந்து வாரிவழங்கியது ஜாதகரின் இல்லற வாழ்க்கையை கேள்விக்குறியாக மாற்றியதுடன் கடும் நிதி பிரச்சனையை தந்தது, சந்திரன் திசை முழுவதுமான திருமண முயற்சிகள் ஜாதகருக்கு மிகப்பெரிய தோல்விகளை தந்தது என்பதே உண்மை, அதற்க்கு அடுத்து தற்போழுது நடைமுறையில் உள்ள செவ்வாய் திசை ( 01/02/2016 முதல் 01/02/2023 வரை ) ஜாதகருக்கு 3ம் வீடு வீரிய ஸ்தானமான 3ம் பாவகத்துடன் சம்பந்தம் பெற்று யோக பலனை வழங்கிய போதும், 2,8ம் வீடுகள் ஆயுள் ஸ்தானமான 8ம் பாவகத்துடன் சம்பந்தம் பெற்று முழுவீச்சில் 2,8ம் பாவக வழியிலான இன்னல்களை வழங்கி திருமண தடைகளையும், பொருளாதார சீரழிவுகளை வாரி வழங்கிக்கொண்டு இருப்பது ஜாதகரின் திருமண ஆசைகளுக்கு பெரும் தடைக்கற்களாக அமைந்துவிட்டது, எதிர்வரும் புதன் புத்தியில் ஜாதகரின் சீரிய முயற்சி இருப்பின், திருமண வாழ்க்கை கைகூடி வரலாம், இறை அருள் கருணை புரியட்டும்.

மேற்கண்ட ஜாதகருக்கு 2,8ம் வீடுகள் கடுமையாக பாதிக்கப்பட்டும், கால புருஷ தத்துவ அமைப்பிற்கு களத்திர ஸ்தானமான துலாம் ராசியும் கடுமையாக பாதிக்கப்பட்டும், சந்திரன் மற்றும் செவ்வாய் திசை வலிமையற்ற 2,8ம் பாவக பலனை ஏற்று நடத்தியதுமே ஜாதகரின் திருமண தடைகளுக்கு அடிப்படை காரணம் என்பதை தெளிவுற கூற இயலும், ஜாதகர் யாதொரு எதிர்பார்ப்பும் இன்றி, சுய ஜாதகம் வலிமையுள்ள வாழ்க்கை துணையை தேர்வு செய்ய "ஜோதிடதீபம்" பரிந்துரை செய்கிறது. " வாழ்த்துக்கள் "

லக்கினம் : கன்னி
ராசி : துலாம்
நட்ஷத்திரம் : விசாகம் 1ம் பாதம்

ஜாதகிக்கு அகவை 31 நடைபெற்று கொண்டு இருக்கின்றது, திருமணத்திற்க்கான முயற்சிகள் யாவும் படுதோல்வியை சந்தித்துள்ளது, இதற்கான காரணம் ஜாதகிக்கு சுய ஜாதகத்தில் 7ம் வீடு பாதக ஸ்தானத்துடன் சம்பந்தம் பெற்று 200% விகித இன்னல்களையும், 8ம் வீடு ஆயுள் ஸ்தானமான 8ம் பாவகத்துடன் சம்பந்தம் பெற்று 100% விகித இன்னல்களையும், 12ம் வீடு விறைய ஸ்தானமான 12ம் பாவகத்துடன் சம்பந்தம் பெற்று 80% விகித இன்னல்களை தந்துகொண்டு இருப்பது திருமண தடைகளுக்கான அடிப்படை காரணங்கள், மேலும் தற்போழுது நடைபெறும் சனி திசை 6ம் வீடு ஜீவன ஸ்தானமான 10ம் பாவகத்துடன் சம்பந்தம் பெற்று தொழில் வழியிலான நன்மைகளை மட்டுமே வழங்கிக்கொண்டு இருப்பது கவனிக்கத்தக்கது, மேலும் சனி திசையில் சந்திரன்,செவ்வாய்,ராகு புத்திகள் வலிமையற்ற பாவக பலனை ஏற்று நடத்தியதும், தற்போழுது நடைபெறும் குரு புத்தி பாதிக்கப்பட்ட 4,8,12ம் பாவக பலனை ஏற்று நடத்துவதும் ஜாதகிக்கு திருமண வாழ்விற்க்கான யாதொரு அறிகுறியையும் காட்டவில்லை என்பது வருத்தத்திற்கு உரியது.

எதிர் வரும் புதன் திசையும் ஜாதகிக்கு 3,7,11ம் வீடுகள் பாதகஸ்தானமான 7ம் பாவகத்துடன் சம்பந்தம் பெற்று 200% விகித இன்னல்களை வாரி வழங்குவது ஜாதகிக்கு உகந்த நன்மைகளை தர சிறிதும் வாய்ப்பில்லை என்பதனால், சுய ஜாதகம் வலிமை பெற்ற ஓர் வரனின் ஜாதகத்தை தேர்வு செய்து இல்லற வாழ்க்கையில் நலம் பெறுவதே சாலச்சிறந்தது என்பதை கவனத்தில் கொள்க.

குறிப்பு :

சுய ஜாதகம் வலிமை அற்று இருப்பின் தனக்கு வரும் வாழ்க்கை துணையின் ஜாதகம் மிக மிக வலிமையுடன் இருப்பதாக தேர்வு செய்து திருமண வாழ்க்கையை இனிமையாக அமைத்துகொள்வதே புத்திசாலித்தனம் என்பதை அறிவுறுத்த "ஜோதிடதீபம்" கடமைப்பட்டுள்ளது.

வாழ்க வளமுடன்
ஜோதிடன் வர்ஷன்
9443355696

7ல் அமர்ந்த ராகு ஜாதகியை " முதிர்கன்னி " என்ற நிலைக்கு ஆளாக்குமா ?

 களத்திர ஸ்தானத்தில் அமர்ந்த ராகு தான் அமர்ந்த பாவகத்தை கடுமையாக பாதிப்பிற்க்கு ஆளாக்கும் பொழுது, சம்பந்தப்பட்ட ஜாதகரின்  திருமணம் வாழ்க்கை மிகப்பெரிய கேள்விக்குரியாக மாறிவிடும், மேலும் ஜாதகர் திருமணத்திற்க்காக மேற்கொள்ளும் முயற்சிகள் யாவும் முழுமை பெறாமல், மிகப்பெரிய இன்னல்களுக்கும் துன்பத்திற்கும் ஆளாக்கும், காதல் திருமணம் செய்துகொள்வதற்கான வாய்ப்பும் ஜாதகருக்கு கிட்டாது என்பதுடன், இல்லற வாழ்க்கை துணையை தேர்வு செய்வதில் பெரும் தவறு இழைத்து அதன் வழியிலான தொல்லைகளை வாழ்நாள் முழுவதும் எதிர்கொள்ளும் சூழ்நிலையை தரும், பொதுவாக சுய ஜாதகத்தில் களத்திர ஸ்தானம் எனும் 7ம் பாவகத்தில் ராகு அல்லது கேது அமரும் பொழுது சம்பந்தப்பட்ட பாவகத்தை மிகவும் வலிமைப்படுத்தும் அமைப்பில் இருப்பது களத்திர ஸ்தான வழியிலான சுபயோகங்களை வாரி வழங்கும், மாறாக வலிமை அற்ற நிலையை தருமாயின் ஜாதகரின் நிலை களத்திர பாவக வழியில் இருந்து கடுமையான இன்னல்களை எதிகொள்ளும் சூழ்நிலையை தரும் என்பதற்கு கீழ்கண்ட ஜாதகமே நல்ல உதாரணம் என்பதை, இன்றைய பதிவில் சிந்தனைக்கு எடுத்துக்கொள்வோம். 

லக்கினம் : கன்னி
ராசி : சிம்மம்
நட்ஷத்திரம் : மகம் 4ம் பாதம்

ஜாதகிக்கு  ராகு பகவான் களத்திர ஸ்தானம் எனும் 7ம் பாவகத்தில் வலிமையற்று அமர்ந்து இருப்பதும், சுய ஜாதகத்தில் 7ம் வீடு பாதக ஸ்தானமான 7ம் பாவகத்துடன் சம்பந்தம் பெறுவதும் ஜாதகியின் திருமண வாழ்க்கையை கடுமையாக பாதிக்கும் அமைப்பாகும், குறிப்பாக ஜாதகியின் களத்திர ஸ்தானம் கால புருஷ தத்துவ அமைப்பிற்கு விரைய பாவகம் என்று அழைக்கப்படும்  மீன ராசியில் அமைவதும் ஜாதகிக்கு வாழ்க்கை துணை வழியில் இருந்து கடுமையான மன நிம்மதி இழப்பையும், மனப்போராட்டத்தையும் வாரி வழங்கும் என்பதை மறுப்பதற்கு இல்லை, சுய ஜாதகத்தில் இல்லற வாழ்க்கையை குறிக்கும் பெரும்பாலான வீடுகளின் தொடர்பு ஜாதகிக்கு திருமண வாழ்க்கை என்ற ஓர் அமைப்பையே கேள்விக்குறியாக மாற்றும் வல்லமையுடன் காணப்படுவது கவனிக்கத்தக்கது, எந்த ஓர் சூழ்நிலையிலும் ஜாதகி திருமண வாழ்க்கையில் இணைவதற்கான சந்தர்ப்பத்தை தட்டிப்பறித்துக்கொண்டே இருக்கும் என்பது கவனிக்கத்தக்கது .

இல்லற வாழ்க்கையை நிர்ணயம் செய்யும் 2,5,7,8,12ம் வீடுகள் முறையே 2,8,12ம்  வீடுகள் விரைய ஸ்தானமான 12ம் பாவகத்துடனும், 5ம் வீடு மட்டும் லாப ஸ்தானத்துடனும், 7ம் வீடு 200% விகித இன்னல்களை தரும் பாதக ஸ்தானத்துடன்  சம்பந்தம் பெற்று இருப்பது, ஜாதகிக்கு வயது 31 கடந்தும் திருமண வாழ்க்கை எனும் சுப நிகழ்வை நடைமுறைப்படுத்தவில்லை, பெரும்பாலான வீடுகள் மிகவும் கடுமையாக பாதிக்கப்பட்டு இருப்பது, ஜாதகியின் இல்லற வாழ்க்கையை கேள்விக்குறியாக மாற்றி அமைத்திருக்கிறது, மேலும் சுய ஜாதகத்தில் 4ம் வீடு கடுமையாக பாதிக்கப்பட்டு இருப்பது ஜாதகியின் நற்குணங்களை இழந்து, அனைவருடனும் விரோத போக்கை கடைபிடிப்பது, ஜாதகியின் இல்லற வாழ்க்கைக்கு தானே தேடிவைத்துக்கொள்ளும் சூன்யமாகும், குணக்கேடான செயல்பாடுகள் ஜாதகியின் நற்பெயருக்கு பெருத்த களங்கத்தை ஏற்படுத்திக்கொண்டு இருப்பதை அறியாமல் , தனது செயலே சரியானது என்ற மனஇயல்புடன் ஜாதகி செயல்படுவதும் ஓர் வகையில் திருமண வாழ்க்கை அமைவதை வெகுவாக தடுத்துக்கொண்டு இருக்கிறது, ஜாதகியின் நண்பர்கள் கூறும் அறிவுரையும், ஜாதகியின் நடவடிக்கையை சிறிதும் மாற்ற முடியவில்லை என்பது கவலைக்கு உரியது.

 நடைபெறும் சந்திரன் திசை வலிமை பெற்ற லக்கின பாவக பலனை ஏற்று நடத்துவது  நல்ல ஜீவன மேன்மையை தந்து இருப்பது ஜாதகியின் பொருளாதார  தன்னிறைவை சிறப்பாக அமைத்து தந்துகொண்டு இருக்கிறது என்ற போதிலும், இல்லற வாழ்க்கை எனும் விஷயத்தை மிகப்பெரிய கேள்விக்குறியாக மாற்றி வைத்திருப்பது கவனிக்கத்தக்கது, திருமண தாமதம் ஏன் ? என்ற கேள்விக்கு சுய ஜாதகத்திலும், கால புருஷ தத்துவ அமைப்பிற்கும் 2,5,7,8,12ம் வீடுகள் மிக மிக கடுமையாக பாதிக்கப்பட்டு இருப்பதே அடிப்படை காரணம் என்றால் அதை மறுப்பதற்கு இல்லை, நடைபெறும் சந்திரன் திசை வலிமை பெற்ற பாவாக பலனை ஏற்று நடத்திய போதிலும், அது ஜாதகிக்கு திருமணம் சார்ந்த நன்மைகளை வழங்காமல், ஜீவனம் சார்ந்த நன்மைகளை மட்டும் வாரி வழங்கிக்கொண்டு இருப்பது கவனிக்கத்தக்கது.

மேற்கண்ட ஜாதகி தனது சுய ஜாதக வலிமை நிலையை தெளிவாக உணர்ந்து, தனக்கு  வரும் வரனின் ஜாதகத்தில் 2,5,7,8,12ம் வீடுகள் வலிமை உள்ள ஜாதகமாக தேர்வு செய்து இல்லற வாழ்க்கையில் இணைந்து நலம் பெறுவதே சாலச்சிறந்தது, மாறாக தனது எண்ணத்தின் படி வாழ்க்கையை வாழ ஆரம்பித்தாள், இறுதியில் இல்லற வாழ்க்கை சார்ந்த கடுமையான இன்னல்களை எதிர்கொண்டு நிம்மதி இழந்து வாடும் சூழ்நிலையை தந்துவிட வாய்ப்புண்டு, மேலும் தனது ஜாதக வலிமையை பற்றி தெளிவு பெறுவது ஜாதகியின் குடும்ப வாழ்க்கையில் வரும் இன்னல்களை வெகுவாக குறைக்க உதவும் என்பதை உணர்ந்து செயலாற்றுவது சகல நலன்களையும் தரும்.

குறிப்பு :

 மேற்கண்ட ஜாதகத்தில் களத்திர ஸ்தானத்தில் அமர்ந்த ராகு தான் அமர்ந்த பாவகத்தை 100% விகிதம் பாதிப்பிற்கு ஆளாக்குவது, ஜாதகி வாழ்க்கை துணை வழியில் இருந்து கடுமையான இன்னல்களை எதிர்கொள்ளும் சூழ்நிலையை தரும், அதை போன்றே சுய ஜாதகத்திலும் 7ம் வீடு பாதக ஸ்தான தொடர்பை பெறுவது திருமண வாழ்க்கையில் தடை தாமதங்களும், தனக்கு உகந்த வாழ்க்கை துணையை தேர்வு செய்வதில் மிகுந்த குழப்பத்தையும் ஏற்படுத்தும், மேலும் ஜாதகி 2,5,7,8,12 வீடுகள் வலிமை பெற்ற ஓர் ஜாதகரை தனது  வாழ்க்கை துணையாக தேர்வு செய்யவில்லை எனில், வாழ்க்கையே நரகமாகிவிட வாய்ப்பு அதிகம் உள்ளது என்பதை நினைவில் கொள்வது ஜாதகியின் எதிர்கால வாழ்க்கையை சிறப்பாக அமைத்துக்கொடுக்கும் .

வாழ்க வளமுடன்
ஜோதிடன் வர்ஷன்
9443355696

வாழ்க்கை துணையை தேர்வு செய்யுமுன் ஜாதகத்தில் கவனிக்கவேண்டிய முக்கிய அம்சங்கள் !

கேள்வி :

 எனது  விருப்படி வாழ்க்கை துணையாக தேர்வு செய்தது பொருத்தமானதா? எனது தேர்வு சரிதானா ? திருமண வாழ்க்கை, எதிர்காலம் சரியாக அமையுமா?
பிறந்த குறிப்பு - தேதி ( 01/01/1991 ) நேரம் ( 05:55 AM ) இடம் ( அந்தியூர்  )

பதில் :

தங்களின் விருப்ப தேர்வு மிக மிக தவறானதாக " ஜோதிடதீபம் " கருதுகிறது, தங்களுக்கு உகந்த கணவராக இவர் அமைவார் என்று உறுதியாக கூற இயலாது, ஏனெனில் இவரது ஜாதகம் மிகவும் வலிமை அற்றதாக காணப்படுகிறது, குறிப்பாக திருமண வாழ்க்கையை சிறப்பிக்கும் பாவகங்கள் கடுமையாக பாதிக்கப்பட்டு இருக்கின்றது என்பது கவனிக்கத்தக்க விஷயமாக உள்ளது, மேலும் தங்களின் ஜாதகத்திலும் 2,5,7ம் வீடுகள் கடுமையாக பாதிக்கப்பட்டு இருப்பது இல்லற வாழ்க்கையில் கடுமையான பிரிவை தரக்கூடும் என்பதே நிதர்சனமான உண்மை, இவரது ஜாதக வலிமையை கீழ்கண்ட வாறு வகைப்படுத்தலாம் .

ஜாதகத்தில் பாதிக்கப்பட்ட பாவக தொடர்புகள் :

4,7ம் வீடுகள் விரைய ஸ்தானமான 12ம் பாவகத்துடன் சம்பந்தம்.

ஜாதகத்தில் கடுமையாக பாதிக்கப்பட்ட பாவக தொடர்புகள் :

3,6,8,9,11,12ம் வீடுகள் பாதக ஸ்தானமான 7ம் பாவகத்துடன் சம்பந்தம் பெறுவது மேற்கண்ட பாவக வழியில் இருந்து 200% விகித இன்னல்களை வாரி வழங்கும் அமைப்பாகும்.

ஜாதகத்தில் வலிமை பெற்ற பாவக தொடர்பு  :

1ம் வீடு லக்கின பாவகமான 1ம் பாவகத்துடன் சம்பந்தம்.
2,5ம் வீடுகள் பூர்வபுண்ணிய ஸ்தானமான 5ம் பாவகத்துடன் சம்பந்தம்.
10ம் வீடு ஜீவன ஸ்தானமான 10ம் பாவகத்துடன் சம்பந்தம்.

அடிப்படையில் ஜாதகருக்கு களத்திர ஸ்தானம் எனும் 7ம் வீடு விரைய ஸ்தானமான 12ம் பாவகத்துடன் சம்பந்தம் பெறுவதும், 12ம் பாவகம் கால புருஷ தத்துவ  அமைப்பிற்கு ( ஆயுள்  ) 8ம் வீடாக அமைவதும், ஸ்திர நீர் தத்துவ ராசியில் அமைவதும் தாங்கள் இவரை கணவராக ஏற்றுக்கொண்ட பிறகு தாங்கள் மனரீதியாக கடுமையான போராட்டங்களை எதிர்கொள்ளும் சூழ்நிலையை தரும், மேலும் சொல்ல இயலாத மனஅழுத்தத்தை எதிர்கொள்ளும் சூழ்நிலையும், முரண்பட்ட வாழ்க்கையை வாழும் சூழ்நிலையை தந்துவிடும், தாம்பத்திய வாழ்க்கை சிறப்பாக அமைவதற்கான வாய்ப்பு அரிதிலும் அரிது என்பதனை மனதில் கொண்டு விழிப்புணர்வுடன் தாங்கள் செயல்படுவதே தங்களின் எதிர்காலத்தை சிறப்பாக அமைத்து தரும் என்பதனை கருத்தில் கொள்ளுங்கள்.

சுக ஸ்தானமான 4ம் வீடு விரைய ஸ்தானத்துடன் சம்பந்தம் பெறுவது, ஜாதகரின் குணம்  சார்ந்த விஷயங்களில் இன்னல்களை தரும், தெளிவான மன இயல்பை ஜாதகருக்கு தாராது, குறுகிய மனப்பக்குவம் கொண்டவராக இருக்க கூடும், மேலும் வண்டிவாகனம், வீடு போன்றவைகள் சிறப்பாக அமையாததுடன், இழப்புகளையும் தரும், 3ம் வீடு பாதக ஸ்தான தொடர்பை பெறுவது வீரியமிக்க செயல்பாடுகளை தாராது, தன்னம்பிக்கை தைரியம் வெகுவாக குறையும், 6ம் வீடு பாதக ஸ்தான தொடர்பை பெறுவது கடுமையான  உடல் நல பாதிப்பு, எதிரி தொந்தரவு  மற்றும் கடன் தொல்லைகளை தரும், 8ம் வீடு பாதக ஸ்தான தொடர்பை பெறுவது ஜாதகர்  மணந்துகொள்ளும் பெண்ணிற்கு கடுமையான நெருக்கடிகளை தரும், இவர் வழியிலான பொருளாதார சிக்கல்களை கடுமையாக தரும், 9ம் வீடு பாதக ஸ்தான தொடர்பை பெறுவது அறிவு திறன் பாதிப்பு மற்றும் எதையும் பெறுவதற்கு ஜாதகர் கடுமையான போராட்டங்களை  சந்திக்கும் சூழ்நிலையை  தரும், உதவ யாரும் அற்ற தன்மையை தரும், 11ம் வீடு பாதக ஸ்தான தொடர்பை பெறுவது அதிர்ஷ்டமற்றவர் என்பதுடன், பிற்போக்கு தனமான செயல்பாடுகளில் ஆர்வத்தை தரும், தன்னம்பிக்கை என்பது ஜாதகருக்கு  வெகுவாக குறையும், மற்றவரை சார்ந்து வாழும் வாழ்க்கையை  தரும், 12ம் வீடு பாதக ஸ்தான தொடர்பை பெறுவது தாம்பத்திய வாழ்க்கையில் திருப்தியின்மையையும், வீண் கவலை, மனபயம், தெளிவில்லாத சிந்தனை மூலம் வாழ்க்கையை கடுமையான சிக்கல்களுக்கு ஆளாக்கிக்கொள்ளும் சூழ்நிலையை தரும், தாம்பத்திய வாழ்க்கை நீடிக்காத நிலையை தரக்கூடும், கடுமையான கருத்து வேறுபாடு அதிகமாக வரும்.

தற்போழுது நடைபெறும் சனி திசையும், எதிர்வரும் புதன் திசையும் ஜாதகருக்கு 8ம் வீடு பாதக ஸ்தான தொடர்பை பெற்று முழு  வீச்சில் பாதக ஸ்தான பலனை மட்டுமே நடைமுறைக்கு கொண்டு வருவது, ஜாதகரை மணந்துகொள்ளும் வாழ்க்கை துணைக்கு கடுமையான இன்னல்களை பாரபட்சம் இன்றி வாரி வழங்கும் என்பது கவனிக்கத்தக்க விஷயமாகும்.

தங்களின் சுய ஜாதகத்திலும் 2,5,7ம் வீடுகள் கடுமையாக பாதிக்கப்பட்டு இருப்பது திருமண வாழ்க்கையை கடுமையாக பாதிக்கும் என்பதை கருத்தில் கொண்டு தங்களுக்கு பொருத்தமான வாழ்க்கை துணையை தேர்வு செய்வதே சாலச்சிறந்தது, திருமண வாழ்க்கைக்கு சிறிதும் பொருத்தம் அற்ற நபரை தேர்வு செய்து படுகுழியில் வீழ்ந்து கண்ணீர் வடிப்பதை தவிர்க்குமாறு தங்களுக்கு " ஜோதிடதீபம் " அறிவுறுத்துகிறது.

குறிப்பு :

வாழ்க்கை துணியை தாங்கள் விருப்பப்படி தேர்வு செய்தது மிக மிக தவறு, சிறிதும் தங்களுக்கு பொருத்தமில்லாதது, திருமண வாழ்க்கை சிறப்பிக்க வாய்ப்பு இல்லை, எதிர்காலம் சூன்யமாகிவிட அதிக வாய்ப்பு உள்ளது.

வாழ்க வளமுடன்
ஜோதிடன் வர்ஷன்
9443355696

திருமண பொருத்தம் பார்ப்பதில் சுய ஜாதகங்களில் பாவக வலிமைக்கு முக்கியத்துவம் தருவது ஏன் ?

திருமண பொருத்தம் பார்ப்பதில் சுய ஜாதகங்களில் பாவக வலிமைக்கு முக்கியத்துவம் தருவது ஏன் ?

இல்லற வாழ்க்கை சிறப்பாக அமைய வரன் வதுவின் சுய ஜாதகத்தில் பாவகங்களின் வலிமை சிறப்பாக அமைவது அவசியமாகிறது, பொதுவாக திருமண பொருத்தம் காண்பதில் பெரும்பாலும் நட்ஷத்திர பொருத்தத்திற்கு முக்கியத்துவம் தரப்படுகிறது, அடுத்து ராகுகேது தோஷம், செவ்வாய் தோஷம் போன்றவற்றிற்க்கு முக்கியத்துவம் தரப்படுகிறது, அதற்க்கு அடுத்து திசாசந்திப்பு, ஏகதிசை பொருத்தம் போன்றவற்றிற்கு முக்கியத்துவம் தரப்படுகிறது, இவையாவும் தம்பதியரின் இல்லற வாழ்க்கையை சிறப்பாக அமைத்துத்தருமா ? என்றால் வாய்ப்பு குறைவு என்பதே சரியான பதில், மேற்கண்ட விஷயங்களுக்கு முக்கியத்துவம் தாராமல், வரன் வதுவின் ஜாதகங்களில் லக்கினம் முதல் பணிரெண்டு பாவக வலிமையை கருத்தில் கொண்டும், நடைபெறும், எதிர்வரும் திசாபுத்திகள் ஏற்று நடத்தும் பாவகங்களின் வலிமையை கருத்தில் கொண்டும் திருமண வாழ்க்கையை நிர்ணயம் செய்யும் பொழுது தம்பதியரின் வாழ்க்கை மிகவும் சிறப்பாக அமையும் என்பதை மிக உறுதியாக சொல்லலாம், திருமணம் பொருத்தம் சுய ஜாதகத்தில் பாவகங்களின் வலிமையின் அடிப்படையில் அமைப்பது எப்படி ? என்பதை ஓர் உதாரணம் கொண்டு தெளிவு பெறுவோம் அன்பர்களே !

வது ஜாதகம்

லக்கினம் : தனுசு
ராசி : சிம்மம்
நட்ஷத்திரம் : உத்திரம் 1ம் பாதம்

ஜாதகிக்கு சுய ஜாதகத்தில் வலிமை பெற்ற பாவக தொடர்புகள் :

1,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம்.
2,5ம் வீடுகள் பூர்வபுண்ணிய ஸ்தானமான 5ம் பாவகத்துடன் சம்பந்தம்.
4,6,8,10,11,12ம் வீடுகள் லாப ஸ்தானமான 11ம் பாவகத்துடன் சம்பந்தம்.

ஜாதகிக்கு சுய ஜாதகத்தில் வலிமை அற்ற பாவக தொடர்புகள் :

3,7ம் வீடுகள் பாதகஸ்தானமான 7ம் பாவகத்துடன் சம்பந்தம்.

வரன் ஜாதகம்

லக்கினம் : துலாம்
ராசி : கடகம்
நட்ஷத்திரம் : ஆயில்யம்

ஜாதகருக்கு சுய ஜாதகத்தில் வலிமை பெற்ற பாவக தொடர்புகள் :

1,5,7,11ம் வீடுகள் ஜீவனஸ்தானமான 10ம் பாவகத்துடன் சம்பந்தம்.
2,4,6,8,10,12ம் வீடுகள் வாக்கு ஸ்தானமான 2ம் பாவகத்துடன் சம்பந்தம்.
3,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம்.

மேற்கண்ட வது வரன் இரண்டு ஜாதகத்திலும், வரன் ஜாதகம் என்பது மிகவும் வலிமையுடையாதாக காணப்படுகிறது, குறிப்பாக இல்லற வாழ்க்கையை சிறப்பாக அமைத்துத்தரும் வீடுகளான 2,5,7,8,12ம் வீடுகள் வலிமை பெற்ற பாவகத்துடன் தொடர்பு பெறுவதுடன், சுய ஜாதகத்தில் லக்கினம் முதல் பணிரெண்டு பாவகங்களும் மிகவும் வலிமையுடன் காணப்படுகின்றது, வதுவின் ஜாதகத்தில் 10 பாவகங்கள் வலிமை பெற்ற போதிலும், இல்லற வாழ்க்கையை குறிக்கும் 7ம் வீடு பாதக ஸ்தானமான 7ம் பாவகத்துடன் சம்பந்தம் பெறுவது ஜாதகிக்கு களத்திர ஸ்தான வழியில் இருந்து கடுமையான இன்னல்களை தரும் அமைப்பாகும், இருப்பினும் ஜாதகிக்கு தற்போழுது நடைபெறும் ராகு திசை ( 27/02/2013 முதல் 27/02/2031வரை ) 4,6,8,10,11,12ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்று முழு வீச்சில் லாப ஸ்தான பலனை ஏற்று நடத்துவது ஜாதகிக்கு சிறப்பை தரும் என்பதில் மாற்று கருத்து இல்லை, மேலும் ஜாதகியின் லாப ஸ்தானம் கால புருஷ தத்துவ அமைப்பிற்கு 7ம் ராசியாக அமைவது தனது கணவன் வழியில் இருந்து அதிர்ஷ்டங்களை பரிபூர்ணமாக பெறுவது எடுத்து காட்டுகிறது, எனவே ஜாதகி தனக்கு வரும் வாழ்க்கை துணையின் ஜாதகத்தில் 2,5,7,8,12ம் வீடுகள் பாதிப்படையாத ஜாதகமாக தேர்வு செய்வது சகல நலன்களையும் இல்லற வாழ்க்கையில் வாரி வழங்கும், இறையருள் ஜாதகிக்கு அப்படிப்பட்ட வாழ்க்கை துணையையே தேர்வு செய்து தந்திருப்பது சுய ஜாதகத்தில் ஜாதகிக்கு 5,9ம் வீடுகள் வலிமை பெற்றதன் தன்மையே என்றால் அது மிகையில்லை.

 வரனின் ஜாதகத்தில் இயற்கையாவே 2,5,7,8,12ம் வீடுகள் வலிமை பெற்றுஇருப்பது ஜாதகருக்கு இல்லற வாழ்க்கையில் சகல சௌபாக்கியங்களையும் வாரி வழங்கும், மேலும் ஜாதகருக்கு தற்போழுது நடைபெறும் சுக்கிரன் திசை ( 04/02/2010 முதல் 04/02/2030 வரை ) 1,5,7,11ம் வீடுகள் ஜீவனஸ்தானமான 10ம் பாவகத்துடன் சம்பந்தம் பெற்று முழுவீச்சில் ஜீவன ஸ்தான  பலனை வாரி வழங்குவது ஜாதகருக்கு அதீத நன்மைகளையும் யோகங்களையும் வாரி வழங்கும், குறிப்பாக ஜாதகர் லக்கின வழியில் இருந்து மதிப்பு மிக்க செயல்பாடுகள், புகழ்மிக்க பொறுப்புகள், வெகுமதி கவுரவம், அந்தஸ்து , சமூகம் மற்றும் தொழில் துறையில் முன்னேற்றம், அரசியல் வியாபாரத்தில் வெற்றி என்ற வகையிலும், பூர்வ புண்ணிய ஸ்தான வழியில் இருந்து சமயோசித அறிவு திறனால் லாபம், கலைகளில் தேர்ச்சி, குழந்தைகளால் லாபம், வாழ்க்கையில் மேன்மையான நிலை, புத்திசாலித்தனமான வியாபார வல்லமை, யோகம் மிக்க புத்திர பாக்கியம், குல தெய்வ ஆசீர்வாதம் என்ற வகையிலும், களத்திர ஸ்தான வழியில் இருந்து அதிர்ஷ்டமிக்க வாழ்க்கை துணை, நண்பர்கள் மற்றும் கூட்டாளிகள் மூலம் யோக வாழ்க்கை, வெளிநாடுகளில் இருந்து வரும் அதிர்ஷ்ட வாய்ப்பு என்ற வகையில் சிறப்புகளை தரும், லாப ஸ்தான வழியில் இருந்து வலிமை மிக்க பெரிய பதவிகள் ஜாதகரை தேடிவரும் யோகம், அரசு மற்றும் தனியார் துறை வழியிலான அதிர்ஷ்ட வாய்ப்புகள் மூலம் ஜீவன மேன்மை பெறுதல், கவுரவம் குறையாத யோக வாழ்க்கை, பெற்றோர் வழியிலான அதிர்ஷ்டங்களை பரிபூர்ணமாக பெறுதல் என ஜாதகருக்கு தற்போழுது நடைபெறும் சுக்கிரன் திசை அபரிவிதமான நன்மைகளை ஜீவன ஸ்தான வழியில் இருந்து வாரி வழங்குவது ஜாதகருக்கு மிகுந்த சிறப்பை தரும், மேலும் ஜாதகருக்கு கடகம் ஜீவன ஸ்தானமாக அமைந்து மிகவும் வலிமையுடன் இருப்பது கவனிக்கத்தக்க சிறப்பு அம்சமாகும், சகல சுகபோகங்களையும் ஜாதகர் சுவீகரிக்க யோகமுடையவர் என்பதை மேற்கண்ட அமைப்பு நமக்கு தெளிவுபடுத்துகிறது.

வதுவின் ஜாதகத்தில் தற்போழுது நடைபெறும் ராகு திசை ஜாதகிக்கு 4,6,8,10,11,12ம் வீடுகள் வழியில் இருந்து அதிர்ஷ்டத்தை வாரி வழங்குவது கவனிக்கத்தக்க சிறப்பு அம்சமாகும், மேலும் ஜாதகிக்கு அடுத்து வரும் குரு திசை 1,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று யோக பலனையே தருவது வரவேற்கத்தக்க சிறப்பு அம்சமாகும்.

வரனுக்கு அடுத்து வரும் சூரியன் திசை 3,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று யோக பலனை தருவது, அதற்க்கு அடுத்து வரும் சந்திரன் திசை 2,4,6,8,10,12ம் வீடுகள் வாக்கு ஸ்தானமான 2ம் பாவகத்துடன் சம்பந்தம் பெற்று யோக பலனை தருவதும் ஜாதகரின் வாழ்க்கையில் சகல சௌபாக்கியங்களையும் தரும் அமைப்பாகும், எனவே மேற்கண்ட இருவரும் திருமணம் செய்துகொள்வதால் இல்லற வாழ்க்கை 100% விகிதம் சிறப்பாக அமையும் என்பதில் மாற்று கருத்து இல்லை அன்பர்களே !

குறிப்பு :

திருமண பொருத்தம் பார்ப்பதில் சுய ஜாதகங்களில் பாவக வலிமைக்கு முக்கியத்துவம் தருவதால் தம்பதியரின் வாழ்க்கை இணைபிரியாததாகவும், சகல சௌபாக்கியங்களுடன், பதினாறும் பெற்று வாழையடி வாழையாக செழித்தோங்கி வாழ்வார்கள் என்பதே சுய ஜாதகத்தில் பாவக வலிமைக்கு முக்கியத்துவம் தருவதின் சிறப்புஅம்சமாகும், இனிவரும் தலைமுறையினர் சுய ஜாதகத்தில் பாவகங்களின் வலிமை நிலையின் அவசியத்தை புரிந்து இல்லற வாழ்க்கையில் இணைவதே சகல சௌபாக்கியங்களையும் நமக்கு வாரி வழங்கும், வாழ்த்துக்கள்

வாழ்க வளமுடன்
ஜோதிடன் வர்ஷன்
9443355696

தொழில் ஸ்தான வலிமையின் அடிப்படையில் சரியான தொழில் தேர்வை செய்வது எப்படி ? சனி திசை தரும் பலன்கள் என்ன ?

 தொழில் ஒருவருக்கு இயற்கையாக அமைவதென்பது சுய ஜாதகத்தில் ஜீவன பாவக வலிமையின் அடிப்படையில் நிகழும் ஓர் விஷயமாகும், நடைபெறும் திசை ஜாதகருக்கு வலிமை பெற்ற ஜீவன ஸ்தான தொடர்பை பெற்று பலாபலனை ஏற்று நடத்துவது ஜாதகருக்கு தொழில் ரீதியான தன்னிறைவான முன்னேற்றங்களை பரிபூர்ணமாக வாரி வழங்கும், நடைபெறும் திசை வலிமை அற்ற பாவக பலனை ஏற்று நடத்துமாயின், சுய ஜாதகத்தில் வலிமை பெற்ற பாவக வழியிலான நன்மைகள் பெரிய அளவில் நடைமுறைக்கு வாராது, கீழ்கண்ட ஜாதகத்தை இன்றைய சிந்தனைக்கு எடுத்துக்கொள்வோம் அன்பர்களே !

லக்கினம் : ரிஷபம்
ராசி : கும்பம்
நட்ஷத்திரம் : பூரட்டாதி 2ம் பாதம்

ஜாதகருக்கு 2,6,9ம் வீடுகளை தவிர மற்ற பாவகங்கள் அனைத்தும் மிக மிக வலிமையுடன் இருப்பது ஜாதகரின் சுய ஜாதக வலிமையை நமக்கு தெளிவு படுத்தும், குறிப்பாக 4,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெறுவது ஜாதகத்தில் மிகவும் வலிமை பெற்ற அமைப்பாகும், எனவே ஜாதகர் தொழில் வழியில் இருந்து மிக அபரிவிதமான நன்மைகளை பரிபூர்ணமாக பெறுவதை உறுதிப்படுத்துகிறது, ஜாதகரின் சுக ஸ்தானம் பெரும் பகுதி ஸ்திர நெருப்பு ராசியில் அமைவதும், ஜீவன ஸ்தானம் பெரும் பகுதி ஸ்திர காற்று ராசியில் அமைவதும் ஜாதகருக்கு கிடைத்த புதையல் யோகம் என்றால் அது மிகையில்லை, ஜாதகரின் ஜீவனம் மேற்கண்ட இரண்டு தத்துவங்களை சார்ந்து அமையும் பொழுது ஜாதகரின் தொழில் வெற்றி உறுதி செய்யப்பட்ட ஒன்றாக அமைந்துவிடும்.

ஜாதகரின் சுக ஸ்தானம் கால புருஷ தத்துவ அமைப்பிற்கு 5ம் வீடாகவும், ஸ்திர நெருப்பு ராசியான சிம்மராசியில் முழுவதும் வியாபித்து நிற்பது ஜாதகர் தொழில் நுட்பம் சார்ந்த துறைகளில் சிறப்பான வெற்றிகளை பெற உதவிபுரியும் ஜாதகர் கட்டிடக்கலை, வண்டிவாகன தொழில் நுட்பம், மின் சாதனம் தயாரிப்பு அல்லது பராமரிப்பு, நுண் கலை மற்றும் தொழில்நுட்பம் சார்ந்த விஷயங்களில் அபரிவிதமான வெற்றிகளை பெறுவதற்கான வாய்ப்புகளை உருவாக்கி தரும், மேலும் ஜாதகரின் ஜீவன ஸ்தானம் காலபுருஷ தத்துவ அமைப்பைப்பிற்கு 11ம் ராசியான கும்ப ராசியில் முழுவதும் வியாபித்து நிற்பது ஜாதகரின் அதிர்ஷ்டம் ஜாதகர் செய்யும்  தொழில் வழியில் இருந்து அபரிவித நன்மைகளையும் யோகங்களையும் வாரி வழங்கும், தெளிவான சிந்தனை, சிறந்த அறிவு திறன், முற்போக்கு சிந்தனையுடனான யோக வாழ்க்கை, புதிய கண்டுபிடிப்புகள், தொழில் நுட்ப அறிவு திறனை வியாபாரமாக்கும் யுக்தி என்ற வகையில் சிறப்பான நன்மைகளை வாரி வழங்கும்.

 ஜாதகருக்கு  சிம்மமும், கும்பமும் வலிமை பெற்று இருப்பது அறிவார்ந்த செயல்கள் மற்றும் சமயோசித புத்திசாலித்தனம் மூலம் வாழ்க்கையில் சகலவித அதிர்ஷ்டங்களையும் தான் செய்யும் ஜீவன வழியில் இருந்து ஜாதகர் சுவீகரிக்கும் வல்லமை கொண்டவர் என்பதை மிக துல்லியமாக தெளிவுபடுத்துகிறது , நடைபெறும் சனி திசை ஜாதகருக்கு தரும் பலாபலன்களை இனி சிந்தனைக்கு எடுத்துக்கொள்வோம் அன்பர்களே !

சனி திசை தரும் பலன்கள் : ( 14/01/2001 முதல் 15/01/2020 வரை )

ஜாதகருக்கு தற்போழுது  நடைமுறையில் உள்ள சனி திசை 9ம் வீடு சத்ரு ஸ்தானமான 6ம் பாவகத்துடன் சம்பந்தம் பெற்று 9ம் பாவக வழியில் இருந்து இன்னல்களையும், 5ம் வீடு பூர்வபுண்ணிய ஸ்தானமான 5ம் பாவகத்துடன் சம்பந்தம் பெற்று 5ம் பாவக வழியில் இருந்து அபரிவிதமான சுபயோகங்களையும் வழங்கி கொண்டு இருப்பது ஜாதகர் 5ம் பாவக வழியில் இருந்துமட்டும் சிறப்பான நன்மைகளை பெறுவார் என்பதை தெளிவு படுத்துகிறது, எனவே ஜாதகருக்கு சனி திசை நல்ல கல்வி அறிவை சிறப்பாக வாரி  வழங்கி இருக்கும், இதன் அடிப்படியிலான சமயோசித புத்திசாலித்தனம் ஜாதகருக்கு சிறப்பான வெற்றிகளை வழங்கி இருக்கும், ஜாதகர் மற்றவர் விஷயங்களில் தலையீடு செய்து அதன் வழியிலான துன்பங்களை வெகுவாக அனுபவித்திருக்கக்கூடும் என்பது கவனிக்கத்தக்க விஷயமாகும்.

இருப்பினும் தற்போழுது நடைமுறையில் உள்ள சனி திசை குரு புத்தி ( 03/07/2017 முதல் 15/01/2020 வரை ) ஜாதகருக்கு 10ம் வீடு ஜீவன ஸ்தானமான 10ம் பாவகத்துடன் சம்பந்தம் பெற்று முழு அளவிலான சுபயோக பலாபலன்களை வாரி வழங்கிக்கொண்டு இருப்பது, ஜாதகருக்கு ஜீவன ரீதியாக  ஓர் சிறப்பான ஆரம்பத்தை வழங்கும் என்பதில் மாற்று கருத்து இல்லை ஜாதகர் இதை உணர்ந்து செயல்படுவது வாழ்க்கையில் சகல சௌபாக்கியங்களையும் வாரி வழங்கும், தனக்கு வரும் நல்ல தொழில் வாய்ப்புகளை ஏற்று சிறப்பான முன்னேற்றங்களை காண்பது மிக மிக அவசியமாகிறது.

எதிர்வரும் புதன் திசை ஜாதகருக்கு வலிமை பெற்ற களத்திர ஸ்தான பலனை நடைமுறைக்கு கொண்டு வர இருப்பதால், தற்போழுது ஜாதகருக்கு வரும் நல்ல ஜீவன வாய்ப்புகளை ஏற்பதே நன்மையை தரும், குறிப்பாக ஜாதகருக்கு வெளியூர் அல்லது வெளிநாடுகளில் இருந்து வரும் ஜீவன வாய்ப்புகளை தவறாமல் கைப்பற்றி, எதிர்வரும் புதன் திசை தரும் "களத்திர ஸ்தான" பலாபலனை பரிபூர்ணமாக அனுபவிப்பதே புத்திசாலித்தனம், வாழ்த்துக்கள்.

வாழ்க வளமுடன்
ஜோதிடன் வர்ஷன்
9443355696

திசாசந்திப்பும் ( ஏக திசை நடப்பு ) திருமண வாழ்க்கையும் !

 

 திருமண பொருத்தம் காண்பதில் தற்போழுது " திசாசந்திப்பு " எனும் புதுவித பொறுத்த நிர்ணயம் மிக பிரபல்யம் அடைந்து வருகின்றது, திருமண வாழ்க்கை சிறப்பாக அமைய இது அவசியம் என்பதனை வலியுறுத்தி கூறுகின்றனர், பொதுவாக திருமண பொருத்தம் காண்பதில் அடிப்படையாக நட்ச்சத்திர பொருத்தம் எனும் 10 பொருத்தங்கள் கண்டு, ஜாதகத்தில் ராகுகேது தோஷம், செவ்வாய் தோஷம் மற்றும் களத்திர தோஷம் என்ற விஷயங்களை அலசி ஆராய்ந்த பிறகு மணமகனுக்கும், மணமகளுக்கும் ஏக காலத்தில் ஒரே திசை நடைமுறைக்கு வரும்பொழுது திசாசந்திப்பு எனும் விஷயம் ஆய்வுக்கு எடுத்துக்கொள்ளப்படுகிறது, அதாவது இருவருக்கும் ஒரே திசை சில வருடங்கள் முன்பின் நடைபெற்றால் தம்பதியர் வாழ்க்கை இன்னலுறும் என்பதும், இதனால் திருமண பொருத்தம் இல்லை என்ற வாதம் முன்வைக்கப்படுகிறது, ஒருவேளை தம்பதியர் இருவருக்கும் ஒரே திசை நடைபெற்றால் ஏக காலத்தில் இன்னல்களையும், ஏக காலத்தில் நன்மைகளையும் அனுபவிக்க வேண்டி வரும் என்பது, பொருத்தம் காண வரும் அன்பர்களின் கேள்வியாகவும் இருக்கின்றது, உதாரணமாக மணமகனுக்கும் மணமகளுக்கும் முன்பின் குரு திசை நடைபெறும் காலத்தில் தம்பதியர் இருவரும் நன்மைகளையும், சனி திசை நடைபெறும் காலத்தில் துன்பங்களையும் அனுபவிக்க வேண்டி வரும் என்ற கருத்தை வரன் வதுவின் பெற்றோர்கள்  முன் வைக்கின்றனர்.

இது எந்த அளவிற்கு உண்மை என்பதனை இன்றைய பதிவில் உதாரண ஜாதகம் கொண்டு  சிந்தனைக்கு எடுத்துக்கொள்வோம் அன்பர்களே !

வரன் ஜாதகம்

லக்கினம் : கன்னி
ராசி : கன்னி
நட்சத்திரம் : சித்திரை 2ம் பாதம்


வது ஜாதகம்

லக்கினம் : விருச்சிகம்
ராசி : ரிஷபம்
நட்சத்திரம் : ரோஹிணி 4ம் பாதம்

மேற்கண்ட தம்பதியர் இருவருக்கும் தற்பொழுது நடைமுறையில் உள்ள திசை குரு திசை, திருமணம் 2015ம் வருடம் ஜூன் மாதம் நடைபெற்றது, தம்பதியர் இருவரது சுய ஜாதகத்திலும் ஏக காலத்தில் குரு திசை நடைபெறுவதால் திருமணம் செய்ய வேண்டாம் என்ற கருத்தை அதிகம் பேர் பரிந்துரை செய்து இருக்கின்றனர், இருப்பினும் திருமணம் செய்துகொண்ட இந்த தம்பதியரின் வாழ்க்கை எப்படி இருக்கின்றது என்பதை இனி சிந்தனைக்கு எடுத்துகொள்வோம் அன்பர்களே!  தம்பதியரின் இல்லறவாழ்க்கை மிகவும் சிறப்பாக சென்று கொண்டு இருக்கின்றது, மேலும் நல்ல ஆண் வாரிசும் அமைந்து இருக்கின்றது, தம்பதியர் இருவரும் புதிய வீடு ஒன்று விலைக்கு வாங்கி இருக்கின்றனர், எனவே இருவருக்கும் குரு திசை நடைமுறையில் இருப்பதால் சுபயோக பலன்கள் என்று எடுத்துக்கொள்ளலாம? என்றால் அது சரியாக வர வாய்ப்பில்லை காரணம் தம்பதியரில் வதுவுக்கு நடைபெறும் குரு திசை 10,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று அவயோக பலனை தந்து கொண்டு இருக்கின்றது, வரனுக்கோ 1,3,5,7,9,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்று முழு வீச்சில் சுபயோக பலனை லாப ஸ்தான வழியில் இருந்து வாரி வழங்கிக்கொண்டு இருக்கின்றது,  எனவே குரு  திசை இருவருக்கும் நன்மையை செய்யும் என்ற வாதம் முற்றிலும் தவறாக போகிறது, அடுத்து வரும் சனி திசை தம்பதியர் இருவருக்கும் தரும் பலாபலன்களை பற்றி சிந்தனைக்கு எடுத்துக்கொள்வோம்.

ஜாதகிக்கு 26/02/2031 வரை நடைபெறும் குரு திசை தனது திசையில் 10,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று அவயோக பலனை தருகின்றது, ஜாதகருக்கு குரு திசை 09/04/2018 வரை நடைபெற்று 1,3,5,7,9,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்று சுபயோக பலனை தருகின்றது, இருவருக்கும் அடுத்து வரும் சனி திசை ஜாதகிக்கு  5ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம் பெற்று சுபயோக பலனையும், 9ம் வீடு பாதக ஸ்தானமான 9ம் பாவகத்துடன் சம்பந்தம் பெற்று இன்னல்களையும் தருகின்றது, ஜாதகருக்கு 2,6ம் வீடுகள் சத்ரு ஸ்தானமான 6ம் பாவகத்துடன் சம்பந்தம் பெற்று ஒரு வகையில் நன்மைகளையும், 4ம் வீடு சுக ஸ்தானமான 4ம் பாவகத்துடன் சம்பந்தம் பெற்று மிதம்மிஞ்சிய சுக போகங்களையும், 8,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று அவயோக பலன்களையும் தர தயார் நிலையில் உள்ளது, சனி திசை காலத்தில் ஜாதகி பாதக ஸ்தான வழியில் இன்னல்களையும், பூர்வ புண்ணிய ஸ்தான வழியில் இருந்து நன்மைகளையும் அனுபவிப்பார், ஜாதகர் சுக ஸ்தான வழியில் இருந்தும், சத்ரு ஸ்தான வழியில் இருந்து நன்மைகளையும், விரைய ஸ்தான வழியில் இருந்து இன்னல்களையும் அனுபவிப்பார் இதுவே மேற்கண்ட தம்பதியர் ஜாதகத்தில் சனி திசை தரும் பலாபலனாகும்.

மேற்கண்ட  தம்பதியர் இருவரது சுய ஜாதகப்படியும் நடைபெறும் குரு மற்றும் சனி திசை தம்பதியரின் இல்லற வாழ்க்கையை பாதிக்கும் வண்ணம் இல்லை என்பதே உண்மை நிலை, சுய ஜாதகத்தில் குறிப்பாக வதுவின் ஜாதகத்தில் 2,7ம் வீடுகளை கடுமையாக பாதிக்கப்பட்டால் மட்டுமே ( அதாவது பாதக ஸ்தானத்துடன் தொடர்பு ) தாம்பத்திய வாழ்க்கை பாதிக்கும், மேற்கண்ட தம்பதியர் இருவரது சுய  ஜாதகத்திலும் 2,7ம் வீடுகள் மிகவும்  வலிமையுடன் இருப்பதால் இல்லற வாழ்க்கை பாதிக்க சிறிதும் வாய்ப்பு இல்லை, குறிப்பாக தம்பதியர் இருவரது சுய ஜாதகத்திலும் களத்திர ஸ்தானம் வலிமை பெற்று இருப்பது சிறப்பான இல்லற வாழக்கையை  தரும் என்பதில் மாற்று கருத்து இல்லை, இல்லற வாழ்க்கையில் சிறு சிறு இன்னல்கள் வரும் அது எதார்த்தமான விஷயம், ஆனால் பிரிவு என்ற நிலையை தரும் என்பதுதான் கவனிக்கப்பட வேண்டிய விஷயமாகும்.

உதாரண ஜாதகத்தில் நடைபெறும் ஏக திசை எனும் திசா சந்திப்பு  என்பது தம்பதியரின் இல்லற வாழ்க்கையை எந்த விதத்திலும் பாதிக்காது என்பதனை "  ஜோதிடதீபம் " தெளிவாக பதிவு செய்ய விரும்புகிறது, மேலும் திசாசந்திப்பு, ஏக திசை நடப்பு என்பதெல்லாம் வரன் வதுவுக்கு நடைபெறும் ஒரே கிரகத்தின் திசை எந்த பாவக பலனை ஏற்று நடத்துகின்றது என்ற உண்மை தெரியாத  நிலையிலும், தம்பதியரின் சுய ஜாதகத்தில் 2,7ம் வீடுகளின் வலிமை நிலை அறியாத நிலையிலும் கூறப்படும் கற்பனை கதையே அன்றி உண்மையில்லை என்பதனை அன்பர்கள் அனைவரும் உணர்வது அவசியமாகிறது, திருமண பொருத்தம் காணும்  பொழுது நட்ச்சத்திர பொருத்தம் மற்றும் தோஷங்களுக்கு முன்னுரிமை தாராமல், வரன் வதுவின் சுய ஜாதகத்தில் 1,2,5,7,8,12ம் பாவகங்களின் வலிமை நிலையை கருத்தில் கொண்டு பொருத்தம் காணும் பொழுதும், தம்பதியருக்கு திசாசந்திப்பு எனும் ஏக திசை நடைபெற்ற போதிலும் கிரகங்களின் திசை ஏற்று நடத்தும் பாவகங்களின்  வலிமையை கருத்தில் கொண்டு பொருத்தம் காண்பதே திருமண வாழ்க்கையை  வெற்றிகரகமாக அமைத்து தரும்.

குறிப்பு :

 திசாசந்திப்பு என்பது தம்பதியர் இருவருக்கும் நடைபெறும் திசை ஏற்று நடத்தும் பாவக வலிமையின் தன்மையை பற்றி தெளிவு இல்லாத நிலையில் கூறப்படும் கற்பனையே, இதில் சிறிதும் உண்மையில்லை அன்பர்களே! திருமண பொருத்தம் காணும் பொழுது வரன் வதுவுக்கு ஏக திசை நடைபெற்ற போதிலும் நடைபெறும் ஏக திசை வலிமை பெற்ற பாவக பலனை ஏற்று  நடத்தினால் தம்பதியர் வாழ்க்கையில் சுபயோக பலாபலன்களே நடைமுறைக்கு வரும் என்பதனை நினைவில் கொள்க, திருமண வாழ்க்கை வெற்றி பெற்ற தாம்பத்திய வாழ்க்கையாக மாற வரன் வதுவின் சுய ஜாதகத்தில்  உள்ள 1,2,5,7,8,12ம் பாவகங்களின் வலிமை நிலையே என்பதில் கவனத்தில் கொண்டு திருமண பொருத்தத்தை நிர்ணயம் செய்து சகல சௌபாக்கியங்களையும் பெறுங்கள், " வாழ்த்துக்கள் "

வாழ்க வளமுடன்
ஜோதிடன் வர்ஷன்
9443355696

சுய ஜாதகம் வலிமை அற்ற வாழ்க்கை துணையை தேர்வு செய்வதால் வரும் இன்னல்கள் !

" திருமணம் ஆயிரம்காலத்து  பயிர் " என்பது முதுமொழி, தனது சந்ததிகள் வாழையடி வாழையாக தழைத்து ஓங்கி வாழ சுய ஜாதகம் வலிமை பெற்ற ஓர் ஜாதகத்தை தனது வாழ்க்கை துணையாக தேர்வு செய்வது அவசியமாகிறது, இதை கருத்தில் கொண்டே முன்னோர்களும் பெரியவர்களும் சுய ஜாதக வலிமை அறிந்து திருமணம் செய்வது அவசியம் என்பதனை வலியுறுத்துகின்றனர், இதை ஏற்றுக்கொண்டு தமது இல்லற வாழ்க்கையில் சரியான பொருத்தம் நிறைந்த வலிமை பெற்ற ஜாதகத்தை தேர்வு செய்யும் ஒவ்வொருவரின் வாழ்க்கையும் பல சிறப்புகளை பெறுகின்றது, குறிப்பாக ஜாதகரின் வாரிசுகள் யோகம் நிறைந்ததாகவும், வாழ்க்கையில் குன்றாத வளம் நிறைந்தததாகவும் அமைகிறது, சுய ஜாதக வலிமை மற்றும் பொருத்தம் ஆகியவற்றில் சிறிது தவறு செய்தாலும் தம்பதியரின் வாழ்க்கை முற்றிலும் பெரும் இன்னல்களுக்கு ஆளாகும் சூழ்நிலையை தருகிறது, கருத்துவேறுபாடு ஏற்பட்டு இல்லற வாழ்க்கை பிரிவை நோக்கி செல்கிறது.

இந்த இடர்பாடுகளை தவிர்க்க தம்பதியரின் சுய ஜாதக வலிமையை தெளிவாக உணர்ந்து வலிமை பெற்ற ஜாதகத்தை இல்லற வாழ்க்கையில் சங்கமிக்கும் பொழுது திருமணம் என்னும் உயர்ந்த பந்தம், இல்லற வாழ்க்கையில் சகல சௌபாக்கியங்களையும், சுகபோகங்களையும் தர தவறுவதில்லை, தனது வாழ்க்கை துணையாக கீழ்கண்ட ஜாதகத்தை தேர்வு செய்யலாமா ? என்ற ஓர் அன்பரின் கேள்விக்கு சம்பந்தப்பட்ட ஜாதகத்தை இன்றைய ஆய்வுக்கு எடுத்துக்கொண்டு தெளிவு பெறுவோம் அன்பர்களே !

லக்கினம் : துலாம் 

ராசி : சிம்மம் 

நட்ஷத்திரம் : மகம் 2ம் பாதம் 

மேற்கண்ட ஜாதகியை திருமணம் செய்துகொள்ளலாம ? நட்ச்சத்திர பொருத்தங்கள் 9 உண்டு என்பதால் பொருத்தம் சிறப்பாக இருக்கின்றது  இல்லற  வாழ்க்கை யோகத்தை தரும் என்கின்றனர் தங்களின் ஆலோசனை  என்ன ? என்பது  ஜாதகரின் கேள்வி, பெரும்பாலும் திருமணம் பொருத்தம் காண்பதில் சுய ஜாதக வலிமை கருத்தில் கொள்ளாமல், தசவித பொருத்தம், தோஷ நிர்ணயம், ஏக திசை பொருத்தம், ரஜ்ஜு பொருத்தம் போன்றவற்றிற்கு மட்டும் முக்கியத்துவம் தந்து திருமண வாழ்க்கையை நிர்ணயம் செய்வது  கல்லை கட்டிக்கொண்டு கடலில் இறங்குவதற்கு சமம் என்பதை கருத்தில் கொள்வது நலம், சுய ஜாதகம்  வலிமை பெறாமல் எந்த பொருத்தங்கள் இருந்தாலும் தாம்பத்திய வாழ்க்கை சிறப்பாக அமையாது என்பதே உண்மை, மேற்கண்ட ஜாதகத்திற்கு நட்ச்சத்திர பொருத்தம் ஒன்றை மட்டும் அடிப்படையாக கொண்டு திருமணம் செய்ய பரிந்துரை செய்து இருக்கின்றனர், இது  எவ்வளவு பெரிய இன்னல்களை மணமகனுக்கு தரும் என்ற விஷயம் அறியாமலே, இனி ஜாதகியின் சுய ஜாதக வலிமையை சிந்தனைக்கு எடுத்துக்கொள்வோம் .

திருமண வாழ்க்கையில் பெண்ணின் ஜாதகத்தில் அடிப்படையில் மிகவும் வலிமை பெற்று இருக்க வேண்டிய பாவகம் லக்கினமாக, லக்கினம் வலிமை பெறுவது ஜாதகியின் உயர்ந்த குணத்தையும், வளரும் சூழ்நிலை, மனவலிமை, உடல் ஆரோக்கியம் மற்றும் ஜாதகியின் கீர்த்தி புகழ்  போன்றவற்றை எடுத்துரைக்கும், இந்த ஜாதகிக்கு லக்கினம் எனும் முதல் பாவகம்  பாதக ஸ்தானமான 11ம் பாவகத்துடன் சம்பந்தம் பெறுவது, அடிப்படையில் லக்கினம் எனும் முதல் பாவகமே வலிமை அற்று காணப்படுகிறது என்பதும், ஜாதகி லக்கின பாவக வழியில் இருந்து கடுமையான இன்னல்களை அனுபவிக்க பிறந்தவர் என்பதும் தெளிவாகிறது, குறிப்பாக  ஜாதகி பிற்போக்கு தனமான எண்ணமும், சுய ஆளுமை திறன் அற்றவர் என்பதும் உறுதியாகிறது.

அடுத்து குடும்ப ஸ்தானமான 2ம் பாவகம் வலிமை பெறுவது ஜாதகியின் இல்லற வாழ்க்கை, தனம் சார்ந்த முன்னேற்றம், இனிமையான வாக்கு வன்மை ஆகியவற்றை பறைசாற்றும், ஜாதகியின்  2ம் வீடு பாதக ஸ்தானமான 11ம் பாவகத்துடன் சம்பந்தம் பெறுவது, குடும்ப வாழ்க்கையில் பலவித இன்னல்களை சந்திக்கும் நிலைக்கு ஜாதகி ஆளாகும் சூழ்நிலையை தரும் என்பதும், இனிமையான பேச்சு திறன் அற்றவர் என்பதும், பொருளாதார ரீதியான நெருக்கடி மற்றும் குடும்ப வாழ்க்கையில் மகிழ்ச்சி அற்ற தன்மையை தரும் என்பதும் உறுதியாகிறது, எனவே ஜாதகிக்கு குடும்ப ஸ்தானம் எனும் இரண்டாம் பாவகம் கடுமையாக பாதிக்கப்படுகிறது.

அடுத்து தனது குலம் தழைக்க நல்ல வாரிசை நல்கும் அமைப்பான 5ம் வீடு  ஜாதகிக்கு பாதக ஸ்தானமான 11ம் பாவகத்துடன் சம்பந்தம் பெறுவது அவ்வளவு நல்லதல்ல, மேலும் ஜாதகிக்கு சுய சிந்தனை, சமயோசித புத்திசாலித்தனம், நுண்ணறிவு ஆகியவை திறம்பட செயலாற்ற வாய்ப்பில்லை, மேலும் ஜாதகிக்கு புத்திர பாக்கியம் சார்ந்த இன்னல்களும் ஏற்படும், தெய்வத்தின் அனுக்கிரகமும், இறையருளின் கருணையையும் ஜாதகி பெறுவது என்பது குதிரை கொம்பாகவே இருக்கும், மேலும் புதிய சிந்தனை, அறிவு சார்ந்த முயற்சிகள் என்பது ஜாதகிக்கு சற்று குறைவு என்பது கவலை அளிக்கும் விஷயமாகும், இதனால் ஜாதகியின் வாழ்க்கை துணை பெரும் சிரமத்திற்கு ஆளாகும் சூழ்நிலையை தரும், தன்னம்பிக்கை குறையும், வீண் வாதமும், பிற்போக்குத்தனமான எண்ணங்களால் சூழப்பட்ட மனநிலையை  பெற்றவர் என்பதும் உறுதியாகிறது.

அடுத்து கணவன் எனும் 7ம் வீடு  ஜாதகிக்கு பாதக ஸ்தானமான 11ம் பாவகத்துடன் சம்பந்தம் பெறுவது, ஜாதகியின் கணவர் ஜாதகம் வலிமை பெற்று இருக்கவில்லை எனில் அவரின் கதி அதோகதிதான், அடிப்படையில் கணவன் மனைவி என்ற பிணைப்பே இருக்காது, தனது வாழ்க்கை துணையை ஓர் எதிரியாக பாவிக்கும் மனநிலையை ஜாதகிக்கு தந்துவிடும், திருமணத்திற்கு பிறகு கணவரின் அனைத்து செயல்பாடுகளும் முழுவதுமாக முடங்கும், ஜாதகரின் சுய வலிமை அனைத்தும் செயலற்று சூனியமாக மாறிவிடும், தம்பதியர் இருவருக்கும் மிகுந்த கருத்துவேறுபாடு உருவாகும், தம்பதியர் இருவரும் ஒருவர் வழியில் இருந்து ஒருவர் கடுமையான இன்னல்களை சந்திக்கும் நிலையை தரும், இல்லற வாழ்க்கையில் நிம்மதி என்பதே சிறிதும் இருக்காது, 7ம் வீடு பெண்களின் ஜாதகத்தில் பாதிக்கப்படுவது  கணவருக்கு மிகப்பெரிய நெருக்கடிகளை கொடுக்கும் என்பதும், இல்லற வாழ்க்கையில் பிரிவு ஏற்படும் என்பதும் கவலை தரும் விஷயமாகும்.

அடுத்து ஆயுள் ஸ்தானம் எனும் 8ம் வீடு  ஜாதகிக்கு பாதக ஸ்தானமான 11ம் பாவகத்துடன் சம்பந்தம் பெறுவது, ஜாதகிக்கும் ஜாதகியின் கணவருக்கும் பேரிழப்புகளையும், திடீர் இழப்புகளையும் தரும், விபத்து, உடல்நல குறைபாடு, தனம் சார்ந்த நஷ்டங்கள், என தம்பதியர் இருவரும் மிகுந்த சிரமங்களை எதிர்கொள்ளும் நிலையை தரும், மேலும் ஆயுள் பாவகம் என்பது  ஜாதகி தனது வாழ்க்கை துணை வழியில் இருந்து பெரும் வருமானம் மற்றும்  பொருளாதார வசதி வாய்ப்புகளை  குறிக்கும், இந்த பாவகமும் ஜாதகிக்கு பாதிக்கப்படுவது ஜாதகி தனது வாழ்க்கை துணை வழியில் இருந்து கடுமையான இழப்புகளை சந்திக்கும் நிலைக்கு ஆளாவர் என்பதை உறுதிப்படுத்துகிறது.

அடுத்து அயன சயன ஸ்தானம் எனும் 12ம் வீடு ஜாதகிக்கு ஜீவன ஸ்தானமான 10ம் பாவகத்துடன் சம்பந்தம் பெறுவது, ஜாதகிக்கு சில நன்மைகளை தந்த போதிலும், இல்லற இன்பம் எனும் விஷயங்களில் முரண்பட்ட வாழ்க்கையை தந்துவிடும் என்பதால் இதுவும் உகந்ததல்ல, எனவே  மேற்கண்ட ஜாதகியின் சுய  ஜாதக வலிமை என்பது மிகவும் வலிமை அற்று காணப்படுவது, ஜாதகியை மணந்துகொள்ள நினைக்கும் அன்பருக்கு நல்லதல்ல, ஒருவேளை மணந்துகொள்ள நினைக்கும் அன்பரது சுய ஜாதகம் மிகவும் வலிமை பெற்று இருந்தால் ஓரளவிற்கு ஜாதகர் சமாளிக்க கூடும் என்பது மட்டுமே ஆறுதலான, விஷயம்.

தனது வாழ்க்கை துணையை தேர்வு செய்யும் அன்பர்கள்! அவரது சுய ஜாதக வலிமை நிலையை உணர்ந்து தேர்வு செய்வது நல்லது, இல்லை எனில் தனது  சுய ஜாதகத்தில் உள்ள யோக நிலையும், யோக பங்கமாக மாறிவிட வாய்ப்பு அதிகம் உள்ளது என்பதை கவனத்தில் கொள்க, மேலும் நட்ச்சத்திர பொருத்தம், ரஜ்ஜு பொருத்தம், செவ்வாய் தோஷ பொருத்தம், ராகுகேது தோஷம், ஏக திசை பொருத்தம் போன்றவை எல்லாம் ஓர் ஜாதகத்தை ஆளுமை செய்யாது, அதனால் யாதொரு பாதிப்பும் வாராது, சுய ஜாதகத்தில் லக்கினம் முதல் பனிரெண்டு பாவகங்கள் மட்டும் வலிமை பெற்று இருப்பதை உறுதி செய்து தனது வாழ்க்கை துணையை தேர்வு செய்வதே புத்திசாலித்தனம், சுய ஜாதகம் வலிமை பெற்று இருந்து நடைபெறும் எதிர்வரும் திசா புத்திகள் வலிமை பெற்ற பாவக பலனை ஏற்று நடத்தினால் நட்ச்சத்திர பொருத்தம், ரஜ்ஜு பொருத்தம், செவ்வாய் தோஷ பொருத்தம், ராகுகேது தோஷம், ஏக திசை பொருத்தம் ஆகியவை இல்லை என்றாலும், திருமண வாழ்க்கை சிறப்பாக அமையும், லக்கினம் முதல் பனிரெண்டு பாவகங்கள் பாதிக்கப்பட்டு, நடைபெறும் எதிர்வரும் திசாபுத்திகள், வலிமை அற்ற  பாவக பலனை ஏற்று நடத்தினால், நட்ச்சத்திர பொருத்தம், ரஜ்ஜு பொருத்தம், செவ்வாய் தோஷ பொருத்தம், ராகுகேது தோஷம், ஏக திசை பொருத்தம் ஆகியவை இருந்தாலும் அதனால் யாதொரு பலனும் இருக்காது, இல்லற வாழ்க்கையும் சிறப்பிக்காது, என்பதை உணர்ந்து செயல்படுவதே புத்திசாலித்தனம்.

வாழ்க வளமுடன் 

ஜோதிடன் வர்ஷன் 

9443355696

அதிர்ஷ்டம் நிறைந்த மனைவி அமையும் யோகமும், திருமண பொருத்தமும் !

 திருமண வாழ்க்கையில் யோகத்தையும், தம்பதியா வாழ்க்கையில் மனமகிழ்வையும் வாரி வழங்குவதில் நட்ச்சத்திர பொருத்தத்தை விட சுய ஜாதக பாவக வலிமையே முதன்மை வகிக்கிறது என்றால் அது மிகையில்லை, சுய ஜாதகம் வலிமை உள்ள ஓர் வரனையோ அல்லது வதுவையோ திருமணம் செய்துகொள்ளும் அன்பர்களுக்கு தனது ஜாதகம் பாவக வலிமை குறைவாக இருந்தாலும், இல்லற வாழ்க்கை யோகம் நிறைந்ததாகவும், மகிழ்ச்சிக்கு எப்பொழுதும் குறைவு இல்லாத நிலையையும் தரும், எனவே தனது வாழ்க்கை துணையாக வரும் அன்பரின் சுய ஜாதக வலிமையை கருத்தில் கொள்வது சம்பந்தப்பட்ட வரனுக்கோ வதுவுக்கோ மிகுந்த நன்மைகளையும் யோகங்களையும் தரும் என்றால் அது மிகையில்லை.

தனது ஜாதகம் வலிமை அற்று இருந்த போதிலும், தனது வாழ்க்கை துணையின் ஜாதக வலிமையை தனக்கு சாதகமாக அமைத்துக்கொண்டு வாழ்க்கையில் பெற்றி பெரும் யோகம் சிலருக்கே உண்டு, தனது ஜாதக வலிமை தனது வாழ்க்கை துணையின் ஜாதக வலிமை  இரண்டில் சிறப்பானது எது என்பதை தெளிவாக உணர்ந்து அதன் வழியில் வாழ்க்கையை சிறப்பாக அமைத்துக்கொள்வதே புத்திசாலித்தனம் எனலாம், இதை ஓர் உதாரண ஜாதகம்  கொண்டு தெளிவு பெறுவோம்.

லக்கினம் : விருச்சகம்
ராசி : மீனம்
நட்ஷத்திரம் : உத்திரட்டாதி 1ம் பாதம்

ஜாதகருக்கு வலிமை பெற்ற பாவக தொடர்புகள் :

2,5ம் வீடுகள் பூர்வ புண்ணிய ஸ்தானமான 5ம் பாவகத்துடன் சம்பந்தம் பெறுவது ஜாதகருக்கு சிறப்பான குடும்ப வாழ்க்கை, கைநிறைவான வருமான வாய்ப்புகள், இனிமையான பேச்சு திறமை, பொருளாதாரத்தில் தன்னிறைவு என்ற வகையில் யோகத்தையும், சிறந்த அறிவு திறன், அதிபுத்திசாலித்தனம், தெய்வீக அனுக்கிரகம், கற்ற கல்வி  வழியிலான முன்னேற்றம், தனது குழந்தைகள் வழியில் சிறப்பு, சூழ்நிலைகளை சிறப்பாக கையாளும் வல்லமை, எதிர்கால வாழ்க்கைக்கு உண்டான திட்டமிடுதல்கள் என்ற வகையில் நன்மைகளை வாரி வழங்கும்.

8,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெறுவது ஜாதகருக்கு தனது வாழ்க்கை துணை வழியிலான  பொருளாதார உதவி, முழுமையான ஆதரவு, புதையலுக்கு நிகரான சொத்து சுக சேர்க்கை, நீடித்த அதிர்ஷ்டம் நல்ல குணம், வாழ்க்கை துணையின் மூலம் ஜாதகர் பொருளாதார ரீதியாக மிக பெரிய அந்தஸ்த்தை பெரும் யோகம், மிதம்மிஞ்சிய தன்னம்பிக்கை, முற்போக்கு சிந்தனை மூலம் வாழ்க்கையில் சகல நிலைகளில் இருந்தும் யோக வாழ்க்கையை பெரும் தன்மை, எதிர்பாலின அமைப்பினரால் மிகுந்த முன்னேற்றத்தை பெரும் அமைப்பு என்ற வகையில் நன்மைகளை தரும்.

தற்போழுது நடைபெறும் சுக்கிரன் திசை தரும் பலன்கள் : ( 18/09/2016 முதல் 18/09/2036 வரை )

சுக்கிரன் திசை ஜாதகருக்கு 2,5ம் வீடுகள் பூர்வ புண்ணிய ஸ்தானமான 5ம் பாவகத்துடன் சம்பந்தம் பெறுவது சுக்கிரன் திசை 20 வருடமும் 2,5ம் பாவக வழியிலான நன்மைகளையும் யோகங்களையும் தரும், ஜாதகரின் 5ம் பாவகம் மீனத்தில் 7 பாகைகளும் மேஷத்தில் 21 பாகைகளும் வியாபித்து இருப்பது ஜாதகருக்கு வரும் யோகத்தின் தன்மையை மிக பெரிய அளவில் தரும், குறிப்பாக ஜாதகருக்கு நல்ல குடும்ப வாழ்க்கை அமையும், நிறைவான வருமானமும், பொருளாதார முன்னேற்றமும் உண்டாகும், நல்ல புத்திர பாக்கியம் கிட்டும், தனது புத்திசாலித்தனத்தால் தனது வாழ்க்கையை ஜாதகர் மிகுந்த யோகமுள்ளதாக மாற்றிக்கொள்ளும் வல்லமையை சுக்கிரன் வாரி வழங்கும், அதற்க்கு ஜாதகரின் வலிமை பெற்ற 2,5ம் பாவகங்கள் காரணமாக அமையும்.

ஜாதகருக்கு வலிமை அற்ற பாவக தொடர்புகள் :

1,3,7,9ம் வீடுகள் பாதக ஸ்தானமான 9ம் பாவகத்துடன் சம்பந்தம் பெறுவது ஜாதகருக்கு மேற்கண்ட 1,3,7,9ம் பாவக வழியில் இருந்து 200% விகித இன்னல்களை தரும், 4,6,10,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெறுவது ஜாதகருக்கு மேற்கண்ட 4,6,10,12ம் பாவக வழியில் இருந்து 100% விகித இன்னல்களை தரும் என்ற போதிலும், ஜாதகருக்கு தற்போழுது நடைபெறும் சுக்கிரன் திசை வலிமை பெற்ற 5ம் பாவக பலனை ஏற்று நடத்துவது மேற்கண்ட பாதிக்கப்பட்ட பாவக வழியிலான இன்னல்களை தவிர்க்க உதவும், மேலும் ஜாதகர் தேர்வு செய்த வாழ்க்கை துணையின் ஜாதகம் ஜாதகருக்கு தரும் யோக பலன்களை இனி சிந்தனைக்கு எடுத்துக்கொள்வோம் அன்பர்களே !

லக்கினம் : சிம்மம்
ராசி : கன்னி
நட்ஷத்திரம் : சித்திரை 2ம் பாதம்

ஜாதகிக்கு வலிமை பெற்ற பாவக தொடர்புகள் :

1,3,5,9ம் வீடுகள் லாப ஸ்தானமான 11ம் பாவகத்துடன் சம்பந்தம் பெறுவதும், ஜாதகியின் லாப ஸ்தானம் மிதுனத்தில் 1 பாகையும், கடகத்தில் 29 பாகையும் கொண்டு இருப்பது 100% விகித அதிர்ஷ்டங்களை 1,3,5,9ம் பாவக வழியில் இருந்து வாரி வழங்கும், லக்கின வழியில் இருந்து அதிர்ஷ்டம், நீண்ட ஆயுள், நல்ல குணம், குபேர யோகம், நல்ல ஆரோக்கியம், தெளிவான சிந்தனை, சுய கட்டுப்பாடு, எதிர்பாராத நீடித்த அதிர்ஷ்டங்கள் என்ற வகையில் யோகத்தை தரும், 3ம் பாவக வழியில் இருந்து சகல சௌபாக்கியம், வியாபர விருத்தி, துவங்கும் காரியங்களில் வெற்றி வாய்ப்பு, அனைத்திலும் சுபம் என்ற வகையிலும், 5ம் பாவக வழியில் இருந்து நிறைவான புத்திசாலித்தனம், கற்ற கல்வி வழியிலான யோக வாழ்க்கை, மதிப்பு மிக்க செய்லபாடுகள், தன்னம்பிக்கை, சிறப்பான புத்திர பாக்கிய யோகம், குழந்தைகள் வழியிலான யோகம் என்ற வகையிலும், 9ம் பாவக வழியில் இருந்து நல்ல குணம், பொறுப்பு மிக்க வாழ்க்கை, பெரியோர் ஆசிர்வாதம், பெரிய மனிதர்கள் ஆதாரவு, ஆன்மீக ஈடுபாடு, ஆன்மீகத்தில் வெற்றி, தெய்வீக அனுபவம், தன்னை சார்ந்தவர்களின் வாழ்க்கையை மேம்படுத்தும் வல்லமை, நல்ல பெருந்தன்மையான மனம் என்ற வகையில் சிறப்புகளை தரும்.

4,8ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெறுவது, நிறைய சொத்து சுக சேர்க்கை, வாழ்க்கை துணையின் உதவிகளுடன் புதிய சொத்துக்கள் மற்றும் வீடு வண்டி வாகனம் வாங்கும் யோகம், நிலம் வண்டி வாகனம் சார்ந்த தொழில்கள் வழியிலான வருமானம் வாய்ப்பு என்ற வகையிலும், 8ம் பாவக வழியில் இருந்து நீண்ட ஆயுள், வாழ்க்கை துணைக்கு யோகம், திடீர் அதிர்ஷ்டம், புதையலுக்கு நிகரான சொத்து சுக  சேர்க்கையை தனது தொழில் வழியில் இருந்து பெரும் யோகம் என்ற வகையில் நன்மைகளை வாரி வழங்கும்.

7,11ம் வீடுகள் வீர்ய ஸ்தானமான 3ம் பாவகத்துடன் தொடர்பு பெறுவது 7ம் பாவக வழியில் இருந்து ஜாதகி யோகம் மிக்க வாழ்க்கை துணையை பெறுவார், தாம்பத்திய வாழ்க்கையில் திருப்தி, கணவருக்கு யோகம், கணவர் வழியில் இருந்து பரஸ்பர யோக வாழ்க்கை, சமூக அந்தஸ்து, உயர் பதவி, மக்கள் செல்வாக்கு, வெளிநாடு மற்றும் வெளியூர் வழியிலான முன்னேற்றங்கள் என்ற வகையிலும், திடீர் அதிர்ஷ்டம், தெய்வீக அனுகூலம், தன்னம்பிக்கை, வியாபார விருத்தி, செல்வாக்கு, அரசு பதவி மற்றும் ஆதாயம் என்ற வகையில் சுபயோகங்களை வாரி வழங்கும்.

மேலும் தற்போழுது நடைபெறும் குரு திசை தரும் பலன்கள் : ( 10/04/2006 முதல் 10/04/2022 )

ஜாதகிக்கு தற்போழுது நடைமுறையில் உள்ள குரு திசை 4,8ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று 4,8ம் பாவக வழியிலான நன்மைகளையும் யோகங்களையும் தந்து கொண்டு இருப்பது வரவேற்கத்தக்க சிறப்பு அம்சமாகும், குறிப்பாக ஜாதகி 4ம் பாவக வழியில் இருந்து சுகபோக வாழ்க்கையையும், 8ம் பாவக வழியில் இருந்து திடீர் அதிர்ஷ்டம் மற்றும் எதிர்பாராத முன்னேற்றத்தையும் தரும், மேலும் தனது கணவன் வழியிலான  கவுரவ வாழ்க்கையையும் திடீர் அந்தஸ்த்தையும் பெறுவார். எதிர்வரும் சனி திசையும் ஜாதகிக்கு 3ம் வீடு லாப ஸ்தானமான 11ம் பாவகத்துடன் சம்பந்தம் பெற்று யோக வாழ்க்கையை  தருவது சனி திசை முழுவதுமான சிறப்புகளை தரும், எதிர்பாராத நன்மைகளை வாரி வழங்கும்.

ஜாதகருக்கு வலிமை அற்ற பாவக தொடர்புகள் :

2,10ம் வீடுகள் ஆயுள் ஸ்தானமான 8ம் பாவகத்துடன் சம்பந்தம் பெறுவது ஜாதகிக்கு 2,10ம் பாவக வழியில் இருந்து 100% விகித இன்னல்களையும், 6,12ம் வீடுகள் பாதக ஸ்தானமான 9ம் பாவகத்துடன் சம்பந்தம் பெறுவது 6,12ம் பாவக வழியில் இருந்து 200% விகித இன்னல்களையும் தரும் இருப்பினும் தற்போழுது நடைபெறும் குரு திசை, எதிர்வரும் சனி திசை  இரண்டும் வலிமை பெற்ற பாவக பலனையே ஏற்று நடத்துவதால் ஜாதகிக்கு பாதிக்கப்பட்ட பாவக வழியிலான இன்னல்கள் எதுவும் நடைபெறாது என்பது வரவேற்கத்தக்க  அம்சமாகும்.

குறிப்பு :

மேற்கண்ட ஜாதகர்  தனது ஜாதகத்தில் 8பாவகங்கள் வலிமை அற்று இருந்த போதிலும், வாழ்க்கை துணையாக வரும் ஜாதகியின் சுய ஜாதகம் வலிமை  பெற்று இருப்பதாக தேர்வு செய்தது வரவேற்கத்தக்க அம்சம், அதற்க்கு காரணமாக ஜாதகருக்கு தற்போழுது நடைபெறும் தசையும், வலிமை பெற்ற 5ம்  பாவகமுமே காரணமாக அமைந்திருப்பது ஜாதகருக்கு இறை அருள் தந்த  வரம் என்றே சொல்லலாம்.

வாழ்க வளமுடன்
ஜோதிடன் வர்ஷன்
9443355696

திருமணம் தாமதம் ஆக காரணம் என்ன ? இல்லற வாழ்க்கை பாதிக்கப்பட காரணம் என்ன ?

திருமணம் தாமதம் ஆக சுய ஜாதக ரீதியாக ( வரனுக்கோ, வதுவுக்கோ ) பல காரணங்கள் உண்டு, அவற்றிக்கு அடிப்படையாக சுய ஜாதகத்தில் பாவக வலிமை இன்மையே காரணமாக அமையும் என்ற போதிலும், கீழ்கண்ட காரணங்களால் ஒருவருக்கு திருமணம் தாமதம் ஆக வாய்ப்புகள் உண்டு.

1) சுய ஜாதகத்தில் குடும்ப ஸ்தானம் எனும் இரண்டாம் பாவகம் வலிமை இன்றி இருப்பின், திருமணம் தாமதமாகும்.

2) சுய ஜாதகத்தில் களத்திர ஸ்தானம் எனும் ஏழாம் பாவகம் வலிமை இன்றி இருப்பின், திருமணம் தாமதமாகும்.

3) சுய ஜாதகத்தில் குடும்ப ஸ்தானம் எனும் இரண்டாம் பாவகம், களத்திர ஸ்தானம்  எனும் ஏழாம் பாவகம் வலிமை இன்றி இருப்பின், திருமணம் தாமதமாகும்.

4) நடைபெறும் திசைபுத்தி பாதிக்கப்பட்ட குடும்ப ஸ்தானம் எனும் இரண்டாம் பாவகம், களத்திர ஸ்தானம்  எனும் ஏழாம் பாவக பலனை ஏற்று நடத்தினால் திருமணம் தாமதமாகும்.

5) சுய ஜாதகத்தில் குடும்ப ஸ்தானம் எனும் இரண்டாம் பாவகம், களத்திர ஸ்தானம்  எனும் ஏழாம் பாவகம் பாதக ஸ்தானத்துடன் தொடர்பு பெற்றால் திருமணம் தாமதமாகும்.

6) நடைபெறும் திசைபுத்தி பாதக ஸ்தானத்துடன் தொடர்பு பெற்ற குடும்ப ஸ்தானம் அல்லது களத்திர ஸ்தானம் எனும் ஏழாம் பாவக பலனை ஏற்று நடத்தினால் திருமணம் தாமதமாகும்.

7) நடைபெறும் திசைபுத்தி பாதிக்கப்பட்ட மற்ற பாவக பலனை ஏற்று நடத்தினால் திருமணம் தாமதமாகும்.

8) சுய ஜாதகத்தில் கேந்திரம் மற்றும் கோணங்கள் கடுமையாக பாதிக்கப்பட்டாலும் திருமணம் தாமதமாகும்.

9) சுய ஜாதகத்தில் லக்கினம் முதல் 12 பாவகங்களும் பாதிக்கப்பட்டு இருந்தாலும் திருமணம் தாமதமாகும்.

10) சுய ஜாதகத்தில் வலிமை அற்ற பாவக வழியிலான உறவுகள், சம்பந்தப்பட்ட ஜாதகருக்கு வரன் அல்லது வது தேடினாலும் திருமணம் தாமதமாகும்.

11) ஜாதகரின் எதிர்பார்ப்புகள்  என்பது சுய ஜாதக  வலிமைக்கு ஒத்து வாராத அமைப்பில் இருந்தாலும் திருமணம் தாமதமாகும்.

12 ) தனக்கு உகந்த திசை அமைப்பு இல்லாத வீட்டில் குடியிருந்தாலும் திருமணம் தாமதமாகும்.

13) கண் திருஷ்ட்டி, மற்றவர்கள் மூலம் வரும் சூட்சம பாதிப்பின் காரணமாகவும் திருமணம் தாமதமாகும்.

14) சுய ஜாதகத்த்தில் உள்ள களத்திர ஸ்தான தொடர்பு தெரிவிக்கும், திசை சார்ந்து வரன் வது தேடாமல் இருந்தாலும் திருமணம் தாமதமாகும்.

15) சுய ஜாதகத்தை தானே கெடுத்து கொள்வதாலும், அவயோகம் பெற்ற ஜாதகத்துடன் சேர்க்கை பெறுவதினாலும் ( முறையற்ற எதிர்பாலின சேர்க்கை ) திருமணம் தாமதமாகும்.

திருமணம் தாமதம் ஆக இன்னும் பல காரணங்களை அடுக்கிக்கொண்டே செல்லலாம் என்ற போதிலும் சுய ஜாதகத்தில் உள்ள பாவக வலிமையை கருத்தில் கொண்டு திருமண தாமதத்திற்கு காரணம் அறிந்து  சரியான தீர்வுகளை தேடுவதே சாலச்சிறந்தது.

திருமணம் தாமதம் ஆக காரணம் என்ன என்பதை ஓர் உதாரண ஜாதகம் கொண்டு தெளிவு பெறுவோம் அன்பர்களே !

லக்கினம் : சிம்மம்
ராசி : கன்னி
நட்ஷத்திரம் : அஸ்தம் 3ம் பாதம்

 திருமண வாழ்க்கையை நிர்ணயம் செய்யும் 2,5,7,8,12ம் வீடுகளின் தொடர்பு  :

2ம் வீடு ஜீவன ஸ்தானமான 10ம் பாவகத்துடன் சம்பந்தம் பெற்று மிகுந்த வலிமையுடன் உள்ளது.

5ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம் பெற்று மிகுந்த வலிமையுடன் உள்ளது.

7ம் வீடு லாப ஸ்தானமான 11ம் பாவகத்துடன் சம்பந்தம் பெற்று மிகுந்த வலிமையுடன் உள்ளது.

8ம் வீடு விரைய ஸ்தானமான 12ம் பாவகத்துடன் சம்பந்தம் பெற்று வலிமை அற்று காணப்படுகிறது.

12ம் வீடு விரைய ஸ்தானமான 12ம் பாவகத்துடன் சம்பந்தம் பெற்று வலிமை அற்று காணப்படுகிறது.

மேற்கண்ட ஜாதகருக்கு சுய ஜாதகத்தில் 2,7 ம் பாவகங்கள் வலிமை பெற்ற போதிலும், கடந்த ராகு திசை ( 09/04/1997 முதல் 10/04/2015 வரை ) 18 வருடமும், 9ம் வீடு பாதக ஸ்தானமான 9ம் பாவகத்துடன் சம்பந்தம் பெற்று 200% விகித இன்னல்களை  பாதக ஸ்தான வழியில் இருந்து அவயோக பலனை ஏற்று நடத்தி திருமண வாழ்க்கை அமைய வாய்ப்பு இல்லாமல் தடைகளை வாரி வழங்கி இருக்கின்றது, ஜாதகர் திருமணத்திற்க்காக எடுத்த முயற்சிகள் யாவும் பெரும் தோல்வியையே தந்து இருக்கின்றது, எனவே சுய ஜாதகத்தில் பாவகங்கள் வலிமையுடன் இருந்தாலும்,  நடைபெரும் திசாபுத்தி வலிமையற்ற பாவக பலனை ஏற்று நடத்தினாலும் திருமண வாழ்க்கை அமையாது, எனவே  திருமண தடைக்கான உண்மை காரணத்தை சுய ஜாதகம் கொண்டு தெளிவாக அறிந்துணர்ந்து, அதற்க்கன முறையான  பிரீதி பரிகாரங்களை மேற்கொண்டு திருமண தடைகளை தகர்த்து எரிந்து, இல்லற வாழ்க்கையில் நலம்  பெறுவது  அவசியமாகிறது .

குறிப்பு :

திருமணத்திற்கு வரன் வது தேடும் பொழுது சுய  ஜாதகத்தில் பாவகங்கள் வலிமையுடனும், நடைபெறும் திசைபுத்தி, எதிர்வரும் திசைபுத்தி வலிமை பெற்ற பாவக பலனை ஏற்று நடத்தும் அமைப்பிலான ஜாதகங்களை தேர்வு செய்து இல்லற வாழ்க்கையை அமைத்துக்கொள்வது, திருமண வாழ்க்கையிலான  சுபயோகங்களை வாரி வழங்கும்.

வாழ்க வளமுடன் 

ஜோதிடன் வர்ஷன் 

9443355696

திருமணம் பொருத்தம் : இல்லற வாழ்க்கையில் சுபயோகங்களை வழங்கும், பாவக வலிமையிலான திருமண பொறுத்த நிர்ணயம் !

திருமண பொருத்தம் காண்பதில், நட்ச்சத்திர பொருத்தம், தோஷபொருத்தம், ராகுகேது தோஷ பொருத்தம், செவ்வாய் தோஷ பொருத்தம், ஏக திசை பொருத்தம், திசாசந்திப்பு பொருத்தம், ராஜ்ஜுபொருத்தம் ஆகிய விஷயங்களுக்கு ( உண்மைக்கு புறம்பான விஷயங்கள் ) முன்னுரிமை தந்து, திருமண பொருத்தம் காண்பதை விடுத்து, சுய ஜாதகத்தில் லக்கினம் முதல் பனிரெண்டு பாவகங்களின் வலிமையை அடிப்படையாக கொண்டு திருமண வாழ்க்கையை நிர்ணயம் செய்வதே சிறந்ததென "ஜோதிடதீபம்" கருதுகிறது, ஏனெனில் சுய ஜாதகத்தை ஆளுமை செய்வதில் லக்கினம் முதல் பனிரெண்டு பாவகங்களின் வலிமையே சுய ஜாதகத்திற்கு ஆதாரமாக விளங்குகிறது, சுய ஜாதகத்தில் லக்கினம் முதல் பனிரெண்டு பாவகங்களின் வலிமை அறியாமல் நிர்ணயம் செய்யப்படும் ( நட்ச்சத்திர பொருத்தம், தோஷபொருத்தம், ராகுகேது தோஷ பொருத்தம், செவ்வாய் தோஷ பொருத்தம், ஏக திசை பொருத்தம், திசாசந்திப்பு பொருத்தம், ராஜ்ஜுபொருத்தம் ஆகியவற்றை கருத்தில் கொண்டு ) திருமணங்கள் தம்பதியருக்கு சுபயோக வாழ்க்கையை வழங்கியதா? என்றால் மிக பெரிய கேள்விக்குறியே நமக்கு முன்பு நிற்கும், மேற்க்கண்ட விஷயங்களுக்கு முன்னுரிமை தந்து செய்த திருமணங்கள், தாம்பத்திய வாழ்க்கையில் பிரிவினையை தரவில்லையா ? என்ற கேள்வியை முன்வைத்தால் அதற்க்கு பதில் " இல்லை " என்பதே, இதை நாம் விவாகரத்து பெற்ற தம்பதியர்கள் ஜாதகம் கொண்டு அறிய இயலும்.

நட்ச்சத்திர பொருத்தம், தோஷபொருத்தம், ராகுகேது தோஷ பொருத்தம், செவ்வாய் தோஷ பொருத்தம், ஏக திசை பொருத்தம், திசாசந்திப்பு பொருத்தம், ராஜ்ஜுபொருத்தம் ஆகியவற்றை கருத்தில் கொண்டு திருமணம் செய்த தம்பதியரும் இல்லற வாழ்க்கையில் விவாகரத்து பெற்றதற்க்கு காரணமாக அவர்களது சுய ஜாதகத்தில் பாவகங்களின் வலிமை இன்மையும், வலிமை அற்ற பாவகத்தின் பலனை திருமணத்திற்க்கு பிறகு நடைபெற்ற திசாபுத்திகள் பாதிக்கப்பட்ட பாவக பலனை தம்பதியருக்கு ஏற்று நடத்தியதே மிக முக்கிய காரணமாக அமைந்திருக்கும், இதை பல உதாரண ஜாதகம் கொண்டு நாம் தெளிவு பெற இயலும், இருப்பினும் இன்றைய சிந்தனைக்கு நாம் திருமண  பொருத்தம் காண்பதில் சுய ஜாதகத்தில் பாவக வலிமையின் அடிப்படையில் நிர்ணயம் செய்வதால் தம்பதியர் பெரும் யோக வாழ்க்கையை பற்றி சிந்தனைக்கு எடுத்து கொள்வோம் அன்பர்களே !

பொதுவாக திருமண வாழ்க்கையில் சுபயோகங்களையும், தாம்பத்திய வாழ்க்கையில்  வெற்றிகளையும் பெறுவதற்கு சுய ஜாதகத்தில் சில பாவகங்களின் வலிமையும், திருமணத்திற்கு பிறகு வலிமை பெற்ற பாவக பலனை  ஏற்று நடத்தும் திசாபுத்திகளும் காரணமாக அமைகிறது, உதாரணமாக கீழ்கண்ட ஜாதகங்களை ஆய்வு எடுத்துக்கொள்வோம்.

ஜாதகர் :

லக்கினம் : ரிஷபம்

ராசி : மீனம் 

நட்ஷத்திரம் : ரேவதி 4ம் பாதம் 

ஜாதகி :

லக்கினம் : கன்னி 

ராசி : கன்னி 

நட்ஷத்திரம் : அஸ்தம் 3ம் பாதம் 

மேற்கண்ட வரன் வது இருவரது ஜாதகத்திலும் சுய ஜாதக பாவக வலிமையின் அடிப்படையில் திருமண பொருத்தத்தை நிர்ணயம் செய்வோம் அன்பர்களே !

திருமண வாழ்க்கையில் சுபயோகங்களையும் இணைபிரியா தாம்பத்திய வாழ்க்கையையும் பெறுவதற்கு, வரன் வது ஜாதகத்தில் 2,5,7,8,12 பாவகங்கள் வலிமை பெற்று இருக்கவேண்டியது அவசியமாகிறது, மேலும் திருமணத்திற்கு  பிறகு வரும் திசாபுத்திகள் வலிமை பெற்ற பாவக பலனை ஏற்று நடத்தும் பொழுது, தம்பதியர் வாழ்க்கையில் சகல சௌபாக்கியங்களும்  தேடி வரும், மேற்கண்ட வரன் ஜாதகத்தில் 2,7ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்று மிகவும் வலிமையுடன் உள்ளது ஜாதகரின் திருமண வாழ்க்கையில் குடும்பம் மற்றும் களத்திர ஸ்தான வழியிலான  சுபயோகங்களை வாரி வழங்கும், 5ம் வீடு பூர்வபுண்ணிய ஸ்தானமான  5ம் பாவகத்துடன் சம்பந்தம் பெற்று வலிமை பெற்று இருப்பது  திருமணத்திற்கு  பிறகு தனக்கான ஓர் நல்ல ஆண் வாரிசை பெரும் யோகம் பெற்றவர் என்பதை உறுதிப்படுத்துகிறது, 8,12ம் வீடுகள் விரைய ஸ்தானமான  12ம் பாவகத்துடன் சம்பந்தம் பெறுவது மட்டும் ஜாதகருக்கு மேற்கண்ட பாவக வழியிலான இன்னல்களை தரும்.

வது ஜாதகத்தில் 5,7ம் வீடுகள் லாப ஸ்தானமான 11ம் பாவகத்துடன் சம்பந்தம் பெறுவது  வரவேற்க தக்க அம்சமாகும், குறிப்பாக 5ம் பாவகம் வலிமை பெறுவது நல்ல புத்திர பாக்கியத்தையும், 7ம் பாவகம் வலிமை பெறுவது ஜாதகி தனது  வாழ்க்கை துணை உடன் இணைபிரியா யோக வாழ்க்கையை பெறுவதை  தெளிவு படுத்துகிறது, 2,8,12ம் வீடுகள் விரைய ஸ்தானமான 12ம் பாவகத்துடன்  சம்பந்தம் பெறுவது, ஜாதகிக்கு மேற்கண்ட பாவக வழியில் இருந்து ஸ்திரமான இன்னல்களை தரும் என்பது தெளிவாகிறது, வரன் வது இருவரது  ஜாதகத்திலும் பரஸ்பரம் சில பாவக பெருத்தங்கள் வலிமை பெற்று இருப்பினும் ஆணுக்கு 8,12ம் பாவகங்கள் பாதிக்கப்படுவதும், பெண்ணுக்கு 2,8,12ம் பாவகங்கள் பாதிக்கப்படுவதும் சற்று சிரமம் தரும் அமைப்பாகும், இருப்பினும்  இருவரது களத்திர ஸ்தானங்களும் வலிமை பெற்ற லாபஸ்தானத்துடன் சம்பந்தம்  பெறுவது, தாம்பத்திய வாழ்க்கையில் யோகத்தையே வாரி வழங்கும், பாதிக்கப்பட்ட பாவக வழியில் இருந்து தம்பதியருக்கு  சில இன்னல்கள் வந்த போதிலும், பிரிவினை  தாராது என்பது  வரவேற்கத்தக்க விஷயம்.

மேலும் தற்போழுது ஜாதகருக்கு நடைபெறும் சூரியன் திசை சனி  புத்தி  4,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று யோக பலனை தருவதும், ஜாதகிக்கு நடைபெறும் ராகு திசை சுக்கிரன் புத்தி 3,9ம் வீடுகள்  பாக்கிய ஸ்தானமான 9ம் பாவகத்துடன் சம்பந்தம் பெற்று யோக பலனை தருவதும்  வரவேற்க தக்க விஷயமாகும், எதிர்வரும் திசை தரும் பலன்கள் பற்றி அடுத்த பதிவில் சிந்திப்போம்.

ஜாதகிக்கு 1,5,7,11ம் வீடுகள் லாப ஸ்தானமான 11ம் பாவகத்துடன் சம்பந்த பெறுவது  லக்கின வழியில் இருந்து சுய முன்னேற்றத்தையும், ஐந்தாம் பாவக  வழியில் இருந்து தனது குழந்தை மற்றும் அறிவுத்திறன் மூலம், களத்திர பாவக  வழியில் இருந்து தனது வாழ்க்கை துணை மற்றும் நண்பர்கள் மூலம், லாப ஸ்தான வழியில் இருந்து தன்னம்பிக்கை மற்றும் அதிர்ஷ்டம் மூலமும் மிதம்மிஞ்சிய யோக வாழ்க்கையை பெறுவார் என்பதால், ஜாதகிக்கு திருமண வாழ்க்கைக்கு பிறகே சுபயோக வாழ்க்கை கிடைக்கும் என்பது கவனிக்கத்தக்க விஷயம், எனவே ஜாதகி திருமணத்திற்கு பிறகே சகல சௌபாக்கியங்களையும் பெறுவார் என்பது உறுதியாகிறது.

குறிப்பு :

சுய ஜாதகத்தில்  2,5,7,8,12ம் பாவகங்கள் பாதிக்கப்பட்டு இருப்பின், சம்பந்தப்பட்ட ஜாதகர் அல்லது ஜாதகி  தேர்வு செய்யும் வாழ்க்கை துணையின் ஜாதகத்தில்  2,5,7,8,12ம் பாவகங்கள் பாதிக்கப்படாமல் இருப்பது, தாம்பத்திய வாழ்க்கையில் சிறப்புகளை தரும்.

வாழ்க வளமுடன்
ஜோதிடன் வர்ஷன்
9443355696

தசா சந்திப்பும் ( ஏக திசை நடப்பு ) திருமண வாழ்க்கையும் !

 

 திருமண பொருத்தம் காணும் பொழுது தற்போழுது திசாசந்திப்பு அல்லது ஏக திசை நடப்பு பார்த்து திருமணம் செய்வது மிக முக்கியம் என்ற கருத்து திருமண பொருத்தம் காண்பதில், தற்போழுது பிரபல்யம் பெற்று இருக்கின்றது, இதன் தாக்கம் என்பது ஜாதக பொருத்தம் காணவரும் வரன்,வதுவின் பெற்றோரின் கேள்விகளில் இருந்தே உணர முடிகிறது, பொதுவாக திசாசந்திப்பு அல்லது ஏக திசை நடப்பு சார்ந்து இவர்கள் முன் வைக்கும் கேள்விகள், வரன், வது இருவருக்கும்  ஒரே நேரத்திலோ, சிலகால இடைவெளியிலோ திசாசந்திப்பு அல்லது ஏகதிசை நடப்பு ஆகிவற்றை சந்தித்தால், தம்பதியரின் வாழ்க்கையில் இன்னல்கள் வரும், இது பொருத்தம் அற்ற நிலை என்பதால் திருமணம் செய்வது உகந்தது அல்ல என்ற கருத்தை முன் வைக்கின்றனர், இதனால் இல்லற வாழ்க்கை பாதிக்கும் என்கின்றனர், இதைப்பற்றி இன்றைய பதிவில் ஓர் உதாரண ஜாதகம் கொண்டு தெளிவு பெறுவோம் அன்பர்களே !

அடிப்படையில் திசாசந்திப்பு அல்லது ஏகதிசை நடப்பு பொருத்தம் என்பது சுய ஜாதகத்தில் வரனுக்கும், வதுவுக்கும் நடைபெறும் ( ஒரே கிரகத்தின் திசை என்ற போதிலும் ) திசை சம்பந்தப்பட்ட இருவருக்கும், எந்த பாவக பலனை ஏற்று நடத்துகிறது என்ற உண்மை நிலை அறியாத போதே மேற்கண்ட திசாசந்திப்பு அல்லது ஏகதிசை நடப்பு பொருத்தம் என்ற குழப்பம் ஏற்படுவதாக "ஜோதிடதீபம்" கருதுகிறது, வரனுக்கும் வதுவுக்கும் தற்போழுதும் , எதிர்காலத்திலும் நடைபெறும் திசாபுத்திகள் ( ஒரே திசையாக இருப்பினும் ) சுய ஜாதகத்தில் உள்ள வலிமை பெற்ற பாவக பலனை ஏற்று நடத்துகிறதா? வலிமை அற்ற பாவக பலனை ஏற்று நடத்துகிறதா? என்ற உண்மை நிலையை அறிந்து பொருத்தம் காண்பதே சரியான அணுகுமுறையாக இருக்கும் என்று கருதுகிறோம், கீழ்கண்ட தம்பதியரின் சுய ஜாதகத்தில் நடைபெறும் திசை,எதிர்வரும் திசைகள் தரும் பலாபலன்களை சிந்தனைக்கு எடுத்துக்கொள்வோம்.

வரன் ஜாதகம் :

லக்கினம் : துலாம் 

ராசி : தனுசு 

நட்ஷத்திரம் : பூராடம்4ம் பாதம் 

வது ஜாதகம் :

லக்கினம் : ரிஷபம் 

ராசி : மிதுனம்

நட்ஷத்திரம் : திருவோணம்2ம் பாதம்.

மேற்கண்ட தம்பதியர் இருவரது ஜாதகத்திலும், தற்போழுது மற்றும் எதிர்வரும் திசை தரும் பலன்கள் :

ஜாதகருக்கு தற்போழுது ராகு திசை ( 09/05/2007 முதல் 08/05/2025 வரை ) நடைமுறையில் உள்ளது,  தற்போழுது நடைபெறும் ராகு திசை ஜாதகருக்கு 7ம் வீடு  பாக்கிய ஸ்தானமான 9ம் பாவகத்துடன் சம்பந்தம் பெற்றும், 10ம் வீடு ஜீவன  ஸ்தானமான 10ம் பாவகத்துடன் சம்பந்தம் பெற்றும் யோக பலனை வழங்கி கொண்டு இருக்கின்றது, எனவே ஜாதகருக்கு நடைபெறும் ராகு திசை களத்திர ஸ்தான வழியில் இருந்தும், ஜீவன ஸ்தான வழியில் இருந்தும் வலிமை  பெற்ற யோக பலன்களை தருவது சிறப்பான விஷயம்.

ஜாதகிக்கு தற்போழுது நடைபெறும் ராகு தசை ( 18/05/2001 முதல் 18/05/2019 வரை ) தனது திசையில் 3,6,9ம் வீடுகள் பாதக ஸ்தானமான 9ம் பாவகத்துடன் சம்பந்தம் பெற்று கடுமையான அவயோக பலனை, பாதக ஸ்தான வழியில் இருந்து வழங்கிக்கொண்டு இருக்கின்றது, எனவே ஜாதகிக்கு தற்போழுது நடைபெறும் ராகு திசை அவயோக பலன்களை தருவது மிகுந்த இன்னல்களை  வீர்யம்,சத்ரு மற்றும் பாக்கிய ஸ்தான வழியில் இருந்து தரும் என்பது கவனிக்கத்தக்க  விஷயம்.

ராகு திசைக்கு அடுத்து வரும் குரு திசை தரும் பலன்கள் :

ஜாதகருக்கு ராகு திசைக்கு அடுத்து குரு தசை ( 08/05/2025 முதல் 08/05/2041 வரை ) நடைபெற இருக்கின்றது, நடைபெற இருக்கின்ற குரு திசை ஜாதகருக்கு 1,3,5,9ம் வீடுகள் சுக ஸ்தானமான 4ம் பாவகத்துடன் சம்பந்தம் பெற்று யோக பலனை தர இருக்கின்றது, மேலும் ஜாதகர் குரு திசை காலத்தில் 1,3,5,9ம் பாவக வழியில் இருந்து யோக பலன்களை அனுபவிக்கும் தன்மையை பெறுவது வரவேற்க தக்க அம்சமாகும்.

ஜாதகிக்கு ராகு திசைக்கு அடுத்து குரு தசை ( 18/05/2019 முதல் 18/05/2035 வரை ) நடைபெற இருக்கின்றது, நடைபெற இருக்கின்ற குரு திசை ஜாதகிக்கு 2,4,8,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று யோக பலனை தர இருக்கின்றது, மேலும் ஜாதகி 2,4,8,10ம் பாவக வழியில் இருந்து ஸ்திரமான யோக பலன்களை அனுபவிக்கும் தன்மையை பெறுவது வரவேற்க தக்க அம்சமாகும்.

குரு திசைக்கு அடுத்து சனி தசை ( 08/05/2041 முதல் 08/05/2060 வரை ) நடைபெற இருக்கின்றது, நடைபெற இருக்கின்ற சனி திசை ஜாதகருக்கு 4ம் வீடு விரைய  ஸ்தானமான 12ம் பாவகத்துடன் சம்பந்தம் பெற்று, ஜாதகருக்கு அவயோக பலன்களை தர இருக்கின்றது, மேலும் ஜாதகர் சனி திசையில் சுக ஸ்தான வழியில் இருந்து கடுமையான நெருக்கடிகளை சந்திக்கும் சூழ்நிலையை தரும், சுகபோக வாழ்க்கையில் இன்னல்களை அதிக அளவில் எதிர்கொள்வர் என்பது சனி திசையில் ஜாதகருக்கு இருக்கும் நெருக்கடி ஆகும்,

குரு திசைக்கு அடுத்து சனி தசை ( 18/05/2035 முதல் 18/05/2054 வரை ) நடைபெற இருக்கின்றது, நடைபெற இருக்கின்ற சனி திசை ஜாதகிக்கு 5,11ம் வீடுகள் ஆயுள் ஸ்தானமான 8ம் பாவகத்துடன் சம்பந்தம் பெற்றும், 12ம் வீடு விரைய ஸ்தானமான 12ம் பாவகத்துடன் சம்பந்தம் பெற்றும் ஜாதகிக்கு மிகுந்த அவயோக பலன்களை தர இருக்கின்றது, மேலும் ஜாதகி சனி திசையில் பூர்வபுண்ணியம், லாபஸ்தானம் மற்றும் அயனசயன ஸ்தான வழியில் இருந்து கடுமையான இன்னல்களை சந்திக்கும் சூழ்நிலையை தரும்.

மேற்கண்ட தம்பதியர் இருவருக்கும் முறையே தொடர்ந்து நடைபெறும் ராகு,குரு,சனி திசை தரும் பலன்கள் என்ன என்பது தெளிவாக தெரிந்து விட்டது, இனி திசாசந்திப்பு மற்றும் ஏகதிசைநடப்பு சார்ந்த குழப்பம் தீர்ந்து  ஓர் தெளிவு கிடைக்கும் என்று நம்புகிறோம்.

தம்பதியர் இருவருக்கும் நடைபெறும் திசை எதுவென்றாலும் சரி இருவருக்கும் வலிமை பெற்ற பாவக பலனை ஏற்று நடத்துவது வாழ்க்கையில் முன்னேற்றத்தை தரும், அல்லது ஒருவருக்காவது வலிமை பெற்ற  பாவக பலனை ஏற்று நடத்த வேண்டும், சில விட்டுக்கொடுத்து செல்லும் மனபக்குவத்தால் மணவாழ்க்கை சிறப்பிக்கும், இருவருக்கும் வலிமை அற்ற பாவக பலனையே, பாதக ஸ்தான பலனையே ஏற்று நடத்தினால், திசாசந்திப்பு ஏகதிசை நடப்பு இல்லாத சூழ்நிலையிலும், திருமண  வாழ்க்கை நீடிக்காது மணமுறிவுக்கு அழைத்து செல்லும் என்ற உண்மையை அனைவரும் உணர்வது அவசியமாகிறது.

திசை தரும் பலாபலன்கள் பற்றி ஓர் தெளிவு ஏற்பட்டு இருக்கும் என்று நம்புகிறோம், இனி மேற்கண்ட தம்பதியரின் ஜாதகத்தில் திருமண வாழ்க்கைக்கு உகந்த பாவக பொருத்தங்கள் உண்டா ? என்பதை சற்று சிந்தனைக்கு எடுத்துக்கொள்வோம் 

திருமண வாழ்க்கை சிறப்பாக அமைய தம்பதியரின் சுய ஜாதகத்தில் வலிமை பெற்று இருக்க வேண்டிய பாவகங்கள் ( 2,5,7,8,12 )

ஆணின் ஜாதகத்தில் களத்திர ஸ்தானத்தை ( 7ம் வீடு ) தவிர மற்ற பாவகங்கள்  (2,5,8,12 ம் வீடுகள் ) கடுமையாக பாதிக்கப்பட்டு இருக்கின்றது.

பெண்ணின் ஜாதகத்தில் குடும்பம்,களத்திரம் மற்றும் ஆயுள் பாவகத்தை ( 2,7,8 ம் வீடுகள் )  தவிர மற்ற பாவகங்கள் ( 5,12ம் வீடுகள் ) கடுமையாக பாதிக்கப்பட்டு இருக்கின்றது.

எனவே அடிப்படையிலேயே பாவக பொருத்தம் இல்லை என்பதுடன், ஜாதகிக்கு தற்போழுது நடைபெறும் ராகு திசை பாதக ஸ்தான பலனை ஏற்று நடத்துவது இல்லற வாழ்க்கையில் பிரிவை நோக்கி அழைத்து சென்றுள்ளது, இதற்க்கு துல்லியமற்ற ஜாதக ஆலோசனை காரணமாக அமைந்துவிட்டது ( நட்ச்சத்திர பொருத்தம் 10க்கு ஒன்பது உண்டு என்று நிர்ணயம் செய்ததே தம்பதியரின் திருமணம் வாழ்க்கை தடுமாற காரணமாக அமைந்துவிட்டது.

குறிப்பு : 

சுய ஜாதகத்தில் உள்ள பாவக வலிமையையும், நடைபெறும் எதிர்வரும் திசைபுத்தி தரும் பலாபலன்களை கருத்தில் கொள்ளமல் திருமண பொருத்தம் நிர்ணயம் செய்வது தம்பதியரின் இல்லற வாழ்க்கையை கடுமையாக பாதிக்கும் என்பதால், சுய ஜாதக வலிமையை கருத்தில் கொண்டு திருமண பொருத்தம் காண்பது இனிமையான இல்லற வாழ்க்கையை வழிவகுக்கும், தாம்பத்திய  வாழ்க்கையும் பரிபூர்ண நிலைய அடையும்.

வாழ்த்துக்கள் 

வாழ்க வளமுடன் 

ஜோதிடன் வர்ஷன் 

9443355696

1 நிமிடத்தில் திருமணம் பொருத்தம் பார்க்கலாம் !

கேள்வி :

1 நிமிடத்தில் திருமணம் பொருத்தம் பார்க்கலாம், என்ற புத்தகத்தை பார்த்து  பத்துக்கு ஒன்பது  பொருத்தம் உண்டு என்பதை உறுதி செய்தபின் ( பெண் நட்சத்திரம் திருவோணம் 2ம் பாதம், எனது நட்சத்திரம் பூராடம் 4ம் பாதம் ) , கடந்த நான்கு வருடத்திற்கு முன்பு  பெரியோர் முடிவு செய்து திருமணம் செய்துகொண்டோம், கடந்த மாதம் விவாகரத்து நடந்துவிட்டது, திருமண வாழ்க்கை மணமுறிவுக்கு அழைத்து சென்றது ஏன் ? சுய ஜாதக விபரம் அனுப்பி உள்ளேன்... விளக்கம் தர வேண்டுகின்றேன்.

பதில் :

  காக்க பிரியாணி சாப்பிட்டா காக்க குரல் வரமா ?  " உன்னிகிருஷ்ணன் " குரலா வரும்? என்ற திரைப்பட நகைச்சுவைதான் நினைவுக்கு வருகிறது அன்பரே தங்களின் கேள்வியை படிக்கும் பொழுது,  திருமண வாழ்க்கையை தசவித பொருத்தம் எனும் நட்ச்சத்திர பொருத்தம் 10 பொருத்தங்கள் மட்டுமே நிர்ணயம் செய்கிறது என்ற தங்களின் அறியாமையை எண்ணி சற்று வருத்தமாக உள்ளது, தம்பதியரின் திருமண வாழ்க்கையை வெற்றியடைய சுய ஜாதகத்தில் லக்கினம் முதல் பனிரெண்டு பாவகங்களின் வலிமை, நடைபெறும் திசை, எதிர்வரும் திசை ஏற்று நடத்தும் பாவகங்களின் தன்மை, சம்பந்தப்பட்ட பாவகங்களுக்கு கோட்சர கிரகங்கள் தரும் தாக்கம் போன்றவை மிக முக்கியமானதா அமையும் என்பதை கருத்தில் கொள்ளாமல், நட்ச்சத்திர பொருத்தம் மட்டுமே இல்லற வாழ்க்கையை சிறப்பிக்கும் என்று கருதுவது முற்றிலும் ஜோதிட உண்மைக்கு புறம்பானதாகவே கருத வேண்டி உள்ளது, தங்களது இருவரின் சுய ஜாதக வலிமையை பற்றியும், தங்களது  திருமண வாழ்க்கை பிரிவை தந்தது ஏன்?  என்பது பற்றியும் இன்றைய பதிவில் சிந்தனைக்கு எடுத்துக்கொண்டு தெளிவு பெறுவோம் அன்பரே

ஜாதகர்

லக்கினம் : துலாம்
ராசி : தனுசு
நட்ஷத்திரம் : பூராடம் 4ம் பாதம்


ஆண் ஜாதகத்தில், திருமண வாழ்க்கையை நிர்ணயம் செய்யும் பாவகங்கள் ( 2,5,7,8,12 )

தங்களது ஜாதகத்தில் 2.8,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று கடுமையாக பாதிக்கப்பட்டுள்ளது.

5ம் வீடு  சுக ஸ்தானமான 4ம் பாவகத்துடன் சம்பந்தம் பெற்று உடல்  ரீதியான இன்னல்களை தருகின்றது.

7ம் வீடு பாக்கிய ஸ்தானமான 9ம் பாவகத்துடன் சம்பந்தம் பெற்று வலிமை பெறுவது, தங்களுக்கு வரும் வாழ்க்கை துணை மிகவும் உயர்ந்த குணம் உடையவர், தங்களுக்கு நன்மைகளை தருபவர் என்பதை உறுதி செய்கிறது.

தங்களது ஜாதகத்தில் இல்லற வாழ்க்கையை சிறப்பிக்கும் பாவகங்களான ( 2,5,7,8,12 ) வீடுகளில் 7ம் வீடு மட்டும் வலிமை பெற்று இருக்கின்றது, மற்ற பாவகங்கள்  மிக கடுமையாக பாதிக்கப்பட்டுள்ளது.

அடிப்படையிலேயே தங்களது சுய ஜாதகம் பாதிக்கப்பட்டு உள்ளது சற்று கவலை தரும் விஷயமாகும், சுய ஜாதகத்தில் லாப ஸ்தானம் எனும் 11ம் வீடு பாதக ஸ்தானமான 11ம் பாவகத்துடன் சம்பந்தம் பெறுவது மிக மோசமான விளைவுகளை தரும் அமைப்பாகும்.

தங்களுக்கு ஆறுதலான விஷயம் யாதெனில் தற்போழுது நடைபெறும் ராகு திசை வலிமை பெற்ற களத்திரம் மற்றும் ஜீவன ஸ்தான பலனை ஏற்று நடத்துவது மட்டும் மிகுந்த நன்மைகளை தரும் அமைப்பாகும், களத்திர ஸ்தானம் வலிமை பெற்றது தங்களுக்கு நல்ல வாழ்க்கை துணையை அமைத்து  தந்து இருக்கின்றது.

ஜாதகி

லக்கினம் : ரிஷபம்
ராசி : மகரம்
நட்ஷத்திரம் : திருவோணம் 2ம் பாதம்

பெண் ஜாதகத்தில், திருமண வாழ்க்கையை நிர்ணயம் செய்யும் பாவகங்கள் ( 2,5,7,8,12 )

தங்களது வாழ்க்கை துணையின் ஜாதகத்தில் 2,8ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று மிகவும் வலிமையுடன் காணப்படுகிறது, இது தங்களது வாழ்க்கை துணை வழியில் இருந்து இனிமையான பேச்சு, சிறப்பான குடும்ப வாழ்க்கை, நல்ல வருமானத்தை தரும், வாழ்க்கை துணையின் மூலம் நல்ல பொருளாதார உதவி, செல்வ செழிப்பை தரும்.

தங்களது வாழ்க்கை துணையின் ஜாதகத்தில் 5ம் வீடு திடீர் இழப்பை தரும்  ஆயுள் பாவகமான 8ம் பாவகத்துடன்  சம்பந்தம் பெற்று வலிமை அற்று காணப்படுகிறது ( தங்களது ஜாதகத்திலும் புத்திர ஸ்தானம் கடுமையாக பாதிக்கப்பட்டு உள்ளது, தங்களது வாழ்க்கை துணையின் ஜாதகத்திலும் புத்திர ஸ்தானம் கடுமையாக பாதிக்கப்பட்டு உள்ளது, இது தங்களுக்கு குழந்தை பாக்கியத்தில் மிகுந்த தடைகளை தரும். )

தங்களது வாழ்க்கை துணையின் ஜாதகத்தில் 7ம் வீடு களத்திர ஸ்தானமான 7ம் பாவகத்துடனே சம்பந்தம் பெறுவது, தங்களுக்கு வாழ்க்கை துணை வழியில் இருந்து வரும் ஆதரவு, அன்பு மற்றும் அன்னியோனிய இல்லற வாழ்க்கையை வழங்கும்.

தங்களது வாழ்க்கை துணையின் ஜாதகத்தில் 12ம் வீடு  விரைய ஸ்தானமான 12ம் பாவகத்துடன் சம்பந்தம் பெற்று கடுமையாக பாதிக்கப்பட்டு உள்ளது, தங்களது  ஜாதகத்திலும் 12ம் வீடு விரைய ஸ்தானமான 12ம் பாவகத்துடன் சம்பந்தம் பெற்று கடுமையாக பாதிக்கப்பட்டு உள்ளது, இது தங்களது அந்தரங்க வாழ்க்கையில்  மகிழ்ச்சி அற்ற தன்மையையும், திருப்தி இல்லாத இல்லற வாழ்க்கையையும் தரும்.

தங்களது வாழ்க்கை துணையின் ஜாதகத்தில் தற்போழுது நடைபெறும் ராகு திசை 3,6,9ம் வீடுகள் பாதக ஸ்தானமான 9ம் பாவகத்துடன் சம்பந்தம் பெற்று முழு வீச்சில் பாதக ஸ்தான பலனை நடத்திக்கொண்டு இருப்பது தங்களது வாழ்க்கை  துணைக்கு மேற்கண்ட பாவக வழியில் இருந்து 200% விகித இன்னல்களை வாரி  வழங்கும்.

தங்களுக்கு நடைபெறும் ராகு திசை சிறப்பான நன்மைகளையும், தங்களது  வாழ்க்கை துணைக்கு நடைபெறும் ராகு திசை கடுமையான பாதிப்புகளையும் தருகின்றது என்பது கவனிக்கத்தக்க விஷயமாகும், ( இதில் ஏக திசை பொருத்தம் என்பதை கருத்தில் கொள்ள கூடாது ) மேலும் தங்களுக்கு தற்போழுது நடைபெறும் புதன் புத்தி களத்திர ஸ்தான பலனை ஏற்று நடத்தி நன்மையை செய்த போதிலும், தங்களது வாழ்க்கை துணைக்கு நடைபெறும் சந்திரன் புத்தி விரைய ஸ்தான பலனையே ஏற்று நடத்துகிறது.

தங்களது சுய ஜாதகத்தில் 2,5,8,12ம் பாவகங்கள் வலிமை இல்லை, இருப்பினும் நடைபெறும் திசாபுத்தி நன்மையை தருகின்றது.

தங்களது வாழ்க்கை துணையின் ஜாதகத்தில் 2,7,8ம் வீடுகள் வலிமை பெற்று இருக்கின்றது நடைபெறும் திசாபுத்தி கடுமையான இன்னல்களை தருகிறது.

தங்களின் திருமண வாழ்க்கை பிரிவுக்கு காரணமாக தங்களது வாழ்க்கை துணையின் ஜாதகத்தில் நடைபெறும் திசாபுத்தியே காரணமாக அமைந்தாலும், தங்களது நடவடிக்கைகளும், சுய ஜாதக வலிமை இன்மையும் அதற்க்கு  மூல காரணமாக அமைந்து விட்டது, தங்களது வாழ்க்கை துணைக்காக தங்கள் நிறைய விஷயங்களை விட்டுக்கொடுத்து சென்று இருக்க வேண்டும் என்பதே "ஜோதிடதீபத்தின்" கருத்து.

குறிப்பு :

சுய ஜாதகத்தில் ( 2,5,7,8,12 ) பாவகங்கள் வலிமை குன்றி இருப்பின், தனக்கு வரும் வாழ்க்கை துணையின் ஜாதகத்தில் ( 2,5,7,8,12 ) பாவகங்கள் மிகவும் வலிமை பெற்று இருப்பதுடன், இருவருக்கும் நடைபெறும் திசை எதுவென்றாலும், வலிமை பெற்ற பாவக பலனை ஏற்று நடத்தும் அமைப்பில் இருக்குமாறும் தேர்வு செய்வது, திருமண வாழ்க்கை வெற்றிகரமாக நடத்த வழிவகுக்கும், என்பதை கருத்தில் கொள்வது நல்லது, இதற்க்கு முரணாக வாழ்க்கை துணையை தேர்வு செய்தால் இல்லற வாழ்க்கை வெகு விரைவில் கசந்து இன்னல்களை அதிக அளவில் தந்து, திருமண வாழ்க்கையில் பிரிவை தந்துவிடும்.

வாழ்க வளமுடன்
ஜோதிடன் வர்ஷன்
9443355696