" தத்து பரிகாரம் " செய்வது எங்களது குழந்தைக்கும், எங்களுக்கும் சுபயோகங்களை வழங்குமா ?

கேள்வி :

 எங்களது குழந்தையின் ஜாதகத்தில் கிரகங்கள் பாதிப்பில் உள்ளதாலும், பெற்றோரை குறிக்கும் 4,9ம் வீடுகள் கடுமையாக பாதிக்கப்பட்டு உள்ளதாலும் எங்களது குழந்தைக்கும், எங்களுக்கும் கடுமையான இன்னல்களை தரும் என்றும், குழந்தைக்கு தற்பொழுது நடைபெறும் சனி திசை பெற்றோரான எங்களிடம் இருந்து பிரிவினையை தரும், எனவே எங்களது பெற்றோரிடம் குழந்தை வளர்வதே தங்களுக்கு நல்லது என்கின்றனர், மேலும் குழந்தையை "தத்து" பரிகாரம் செய்து கொடுப்பதே அனைத்திற்க்கும் தீர்வாக அமையும் என்கின்றனர், இது உண்மையா? எங்களது குழந்தையை தத்து பரிகாரம் செய்து கொடுக்கலாமா ? தத்து பரிகாரம் முறையாக செய்வது எப்படி ? தெளிவான விளக்கம் தர வேண்டுகின்றேன்.

பதில் :

 மேற்கண்ட உதாரண ஜாதகமே "தத்து" பரிகாரம் செய்வதற்க்கான அனைத்து தகுதியும் உள்ள ஜாதகம் அன்பரே.

 தங்களது குழந்தையின் ஜாதகத்தில் தத்து பரிகாரம் செய்வதற்கான சிறு பாதிப்பு கூட இல்லை, அதற்க்கான அவசியமும் இல்லை என்பதே உண்மை நிலை, எனவே  தங்களது குழந்தையை தத்து பரிகாரம் செய்துதரவேண்டிய கட்டாயம் ஏதும் இல்லை என்பதை உணருங்கள், மேலும் தங்களது குழந்தையின் ஜாதகத்தில் 1,4,5,7,9,10 ம் வீடுகள் அனைத்தும் லாப ஸ்தானமான 11ம்  பாவகத்துடன் சம்பந்தம் பெறுவதுடன் 11ம் பாவகம் கால புருஷ தத்துவ அமைப்பிற்கு  சுக ஸ்தானமான கடக ராசியில் வியாபித்து நிற்பது தங்களுக்கும், தங்களது குழந்தைக்கும் சுபயோக பலாபலன்களையே வாரி வழங்கும், மேலும் நடைபெறும் சனி திசை குழந்தைக்கு 3,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று முழு வீச்சில் நன்மைகளை தருவது சிறப்பு மிக்க கல்வி காலத்தையும், கல்வியில் தேர்ச்சியையும், ஒழுக்கம், சுய கட்டுப்பாடு, தெளிவான சிந்தனை, தெளிந்த நல்லறிவு என்றவகையில் நன்மைகளை வாரி வழங்கும் என்பதால் தாங்கள்  யாதொரு மனவேதனையும் கொள்ளாமல், தங்களது குழந்தையை தாங்களே பாசமுடன் வளர்ப்பது நல்லது என்பதை கருத்தில் கொள்ளுங்கள், குழந்தையின் ஜாதகத்தில் பெற்றோரை குறிக்கும்  4,10ம் வீடுகள்  மிகுந்த வலிமையுடன் இருப்பது தங்களுக்கே சிறப்பான அதிர்ஷ்டத்தை தரும் என்பதை நினைவில் கொண்டு நலம் பெறுங்கள்.

மேற்கண்ட உதாரண ஜாதகரை ஏன்? தத்து பரிகாரம் செய்யவேண்டும் என்பதை சற்று விரிவாக இந்த பதிவில் சிந்தனைக்கு எடுத்துக்கொள்வோம் அன்பர்களே ! 

லக்கினம் : துலாம் 

ராசி : மீனம் 

நட்ஷத்திரம் : ரேவதி 3ம் பாதம் 

பொதுவாக சுய ஜாதகத்தில் தாய்,தந்தையை குறிக்கும் பாவகங்களான 4,10ம் வீடுகள் சம்பந்தப்பட்ட ஜாதகருக்கு கடுமையாக பாதிக்கப்பட்டால் மட்டுமே அவரை  தத்து பரிகாரம் செய்து தரவேண்டும், குறிப்பாக 4,10ம் வீடுகள் பாதக ஸ்தான தொடர்பை பெறுவது,  சத்ரு ஸ்தானமான 6ம் பாவக தொடர்பை பெறுவது, திடீர் இழப்பை தரும் ஆயுள் ஸ்தானமான 8ம் பாவக தொடர்பை பெறுவது, விரைய ஸ்தானமான 12ம் பாவக தொடர்பை பெறுவது, போன்றவை மட்டுமே குழந்தை மற்றும் பெற்றோருக்கு இடையிலான உறவில் பிரிவு, மிகுந்த இன்னல்கள், போராட்ட வாழ்க்கை, ஆயுள் பங்கம் என்றவகையில் சிரமங்களை தரக்கூடும், அதுவும் குழந்தைக்கு நடைமுறையில் உள்ள திசாபுத்திகள், மேற்கண்ட பாதிப்பை பெற்ற பாவக பலனை ஏற்று நடத்தினால் மட்டுமே தீய பலாபலன்கள் நடைமுறைக்கு வரும், என்பதை கருத்தில் கொள்க. 

உதாரண ஜாதகத்தில்  4,10ம் வீடுகள்  பாதக ஸ்தானமான 11ம் பாவகத்துடன் சம்பந்தம் பெறுவது அடிப்படையிலேயே பெற்றோருக்கு கடுமையான இன்னல்களை தரும் அமைப்பாகும், இது ஜாதகருக்கும் ஜாதகரின் பெற்றோருக்கும் 200% விகித இன்னல்களை வாரி வழங்கும், பெற்றோருடன் சேர்ந்து ஜீவிக்க இயலாத நிலை, பெற்றோருக்கு வரும் பொருளாதர இன்னல்கள், நிலையற்ற தன்மையிலான வாழ்க்கை,  ஜாதகருக்கு வரும் உடல் மன நலம் சார்ந்த பாதிப்பு, போராட்ட வாழ்க்கை, ஒவ்வொரு விஷயத்தையும் போராடி பெறவேண்டிய நிலை, என்ற வகையில் பாதிப்பை தரும், மேலும் லக்கினம் விரைய ஸ்தான தொடர்பை பெறுவது ஜாதகருக்கு  வளரும் சூழ்நிலையில் எதிர்பாராத பாதிப்புகளை சந்திக்கும் நிலையினை தரும், எடுக்கும் முயற்சிகள் தடைபெறும், அதிர்ஷ்டமின்மை ஜாதகருக்கு கடுமையான நெருக்கடிகளை தரும், மேலும் நடைமுறையில் உள்ள சுக்கிரன் திசை ஜாதகருக்கு 4,10ம் வீடுகள் பாதக ஸ்தானமான 11ம் பாவகத்துடன் சம்பந்தம் பெற்று 200% விகித இன்னல்களை தருவது, ஜாதகரே விருப்பப்பட்டாலும், தனது பெற்றோருடன் ஜீவிக்க இயலாது என்பது கவனிக்கத்தக்கது.

இதுபோன்ற நிலையை கொண்ட ஜாதகரை அவர்களது பெற்றோர், தமது குல தெய்வம் அல்லது இஷ்ட தெய்வத்திற்கு தத்து பரிகாரம் செய்து தருவது, சிறப்பான நன்மைகளை ஜாதகருக்கும், ஜாதகரின் பெற்றோருக்கும் வாரி வழங்கும், ( என்ன செய்வது ஜாதகருக்கு கொஞ்சம் வயது அதிகம் ) எனவே தத்து பரிகாரம் செய்யுமுன் சுய ஜாதகத்தில் பெற்றோரை குறிக்கும் பாவகங்கள், லக்கினம், பூர்வ புண்ணியம், பாக்கிய ஸ்தான வலிமையை கருத்தில் கொண்டு தத்து பரிகாரம் செய்வது சிறப்பை தரும்.

குறிப்பு :

கன்னி லக்கினம், மிதுன ராசி, திருவாதிரை நட்ஷத்திரம் கொண்ட  தங்களது குழந்தையின் ஜாதகத்தில், பெரும்பாலான பாவக தொடர்புகள் மிகவும் வலிமையுடன்  உள்ளது, மேலும் பெற்றோரை குறிக்கும் 4,10ம் வீடுகள் மிக வலிமையுடனும், லக்கினம், பூர்வ புண்ணியம், பாக்கிய ஸ்தானம் போன்றவை மிகுந்த வலிமையுடன் இருப்பது வரவேற்கத்தக்கது, தவறான அறிவுரையின் பேரில் தங்களது குழந்தையை தத்து பரிகாரம் செய்துவிடாதீர்கள், ஏனெனில் குழந்தை வழியிலாக வரும் சுபயோகங்கள் தங்களுக்கு கிடைக்காமல் விரையமாகிவிட அதிக வாய்ப்பு உள்ளது, எனேவ தங்களது குழந்தையுடன் சேர்ந்து வாழ்ந்து சகல சௌபாக்கியங்களையும் பரிபூர்ணமாக பெறுங்கள் என்பதே " ஜோதிடதீபம்" வழங்கும் துல்லியமான ஆலோசனை வாழ்த்துகள்

வாழ்க வளமுடன் 

ஜோதிடன் வர்ஷன் 

9443355696 

இரட்டையர் சுய ஜாதகத்தில் பாவக தொடர்பு வழியிலான வித்தியாசங்கள் ! திசாபுத்திகள் தரும் பலாபலன்கள் !

 

 ஒருவரின் சுய ஜாதகத்தை இயக்குவதில் முக்கிய பங்கு வகிப்பது லக்கினமும் 12 பாவகங்களின் வலிமை நிலையே என்பதற்கு நல்ல உதாரணம் கிழ்கண்ட ஜாதகங்களே, கீழ்கண்ட ஜாதகங்கள் சுய ஜாதக பாவக வலிமையின் அடிப்படையில் நாம் இதை தெளிவாக உணர முடியும், குறிப்பாக சுய ஜாதகம் என்பது பிறந்த தேதி நேரம்  மற்றும் இடம் ஆகியவற்றை அடிப்படையாக கொண்டு நிர்ணயம் செய்யப்படும் விஷயமாகும், கீழ்கண்ட ஜாதகங்கள் 1நிமிட இடைவெளியில் ஜனனம் ஆன ஜாதகங்கள் என்ற போதிலும், இருவருக்கும் பாவக தொடர்பு என்பது நிறைய வித்தியாசங்களை பெற்று இருப்பது கவனிக்கத்தக்க சிறப்பு அம்சமாகும், இதை நமது ஆய்வின் மூலம் இன்றைய சிந்தனைக்கு எடுத்துக்கொள்வோம், இது ஒரு நிமிட இடைவெளியில் பிறந்தாலும், ஒருவரது ஜாதகம் போல் மற்றோருவரின் ஜாதகம் அமையாது என்பதற்கு நல்ல உதாரணமாகவும், சுய ஜாதகம் என்பது ஒவ்வொருவருக்கும் கைரேகை போன்று தனித்துவம் பெற்றதாகவே அமைந்திருக்கும் என்பதற்கும் நல்ல எடுத்துகாட்டகவும் விளங்குகிறது என்பதை பதிவின் இறுதியில் நாம் மிக தெளிவாக புரிந்துகொள்ள இயலும்.

 பெரும்பாலும் சுய ஜாதக பலன் காணும் பொழுது கிழ்கண்ட ஜாதகங்களுக்கு  கிரக நிலைகள் ஒரே மாதிரியான அமைப்பை பெற்று இருக்கும், திசா புத்திகளும் ஏக காலத்தில் இருவருக்கும் ஒரே மாதிரி அமைப்பில் நடைமுறைக்கு வரும், ஆனால் ஜாதகர் இருவரின் குணாதிசியமும், பலாபலன்களும் மிக பெரிய வித்தியாசமான அமைப்பை பெற்று இருப்பது நமக்கு ஆச்சர்யத்தை தரக்கூடும், இதற்க்கு என்ன காரணம் என்பதை கீழ்கண்ட இரட்டையர் ஜாதகத்தில் இருவருக்கும் ஜாதக ரீதியாக பாவக வழியிலான தொடர்புகளின் வலிமை நிலையை பற்றியும், இருவரும் பாவக வழியில் இருந்து பெரும் நன்மை தீமை நிலையை பற்றியும், தெளிவாக நாம் உணர்ந்துகொள்ளும் பொழுது அதற்க்கான பதில் நமக்கு கிடைக்கும்.

லக்கினம் : கடகம் 

ராசி : மிதுனம் 

நட்ஷத்திரம் : மிருகசீரிடம் 3பாதம் 

லக்கினம் : கடகம் 

ராசி : மிதுனம் 

நட்ஷத்திரம் : மிருகசீரிடம் 4பாதம் 

மேற்கண்ட இரண்டு பெண் குழந்தைகள் ஜாதகத்தில் பொதுவாக பார்க்கும் பொழுது இரு ஜாதகமும் ஒன்றை போலவே தெரியும் ஆனால் இருவரது சுய ஜாதகத்தை பாவக வழியிலான தொடர்பை கருத்தில் கொண்டு ஆய்வு செய்யும் பொழுது இருவரது சுய ஜாதகத்திலும் பாவக வழியிலான தொடர்புகளில் உள்ள வேற்றுமை மிக தெளிவாக நமக்கு புரிய வரும்.

ஜாதகி : 1 ( பாவக தொடர்புகள் )

1,3,7,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று மிக வலிமையுடன் உள்ளது.
2,4,6ம் வீடுகள் சத்ரு ஸ்தானமான 6ம் பாவகத்துடன் சம்பந்தம் பெற்று வலிமை அற்று காணப்படுகிறது.
5ம் வீடு  ஜீவன ஸ்தானமான 10ம் பாவகத்துடன் சம்பந்தம் பெற்று மிகவும் வலிமையுடன் காணப்படுகிறது.
8ம் வீடு சுக ஸ்தானமான 4ம் பாவகத்துடன் சம்பந்தம் பெற்று சற்று வலிமை அற்று காணப்படுகிறது.
10ம் வீடு ஆயுள் ஸ்தானமான  8ம் பாவகத்துடன் சம்பந்தம் பெற்று சற்று வலிமை அற்று காணப்படுகிறது.
11ம் வீடு பாதக ஸ்தானமான 11ம் பாவகத்துடன் சம்பந்தம் பெற்று மிகவும் வலிமை அற்று காணப்படுகிறது.
12ம் வீடு விரைய ஸ்தானமான 12ம் பாவகத்துடன் சம்பந்தம் பெற்று வலிமையற்று காணப்படுகிறது.

ஜாதகி : 2 ( பாவக தொடர்புகள் )

1,3,7,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெற்று மிக வலிமையுடன் உள்ளது.
2,4ம் வீடுகள் சுக ஸ்தானமான 4ம் பாவகத்துடன் சம்பந்தம் பெற்று வலிமை பெற்று காணப்படுகிறது.
5ம் வீடு  ஜீவன ஸ்தானமான 10ம் பாவகத்துடன் சம்பந்தம் பெற்று மிகவும் வலிமையுடன் காணப்படுகிறது.
6,10ம் வீடுகள் ஆயுள் ஸ்தானமான  8ம் பாவகத்துடன் சம்பந்தம் பெற்று சற்று வலிமை அற்று காணப்படுகிறது.
8ம் வீடு குடும்ப ஸ்தானமான 2ம் பாவகத்துடன் சம்பந்தம் பெற்று சற்று வலிமை அற்று காணப்படுகிறது.
11ம் வீடு பாதக ஸ்தானமான 11ம் பாவகத்துடன் சம்பந்தம் பெற்று மிகவும் வலிமை அற்று காணப்படுகிறது.
12ம் வீடு விரைய ஸ்தானமான 12ம் பாவகத்துடன் சம்பந்தம் பெற்று வலிமையற்று காணப்படுகிறது.

மேற்கண்ட இரட்டை பிறவி சகோதரிகள் 1 நிமிட இடைவெளியில் பிறந்து இருந்தாலும் இருவரது சுய ஜாதகத்தில் கிட்டத்தட்ட 5 வீடுகள் தாம் தொடர்பு பெரும் பாவக வழியில் இருந்து மிக பெரிய வித்தியாசத்தை நமக்கு எடுத்துரைக்கிறது, முதல் சகோதரி ஜாதகத்தில் வலிமை அற்ற 2,4,6ம் வீடுகள் இரண்டாவது சகோதரி ஜாதகத்தில் 2,4ம் வீடுகள் வலிமை பெற்றும் 6ம் வீடு ஆயுள் பாவகத்துடன் சம்பந்தம் பெற்று வலிமை அற்றும் காணப்படுகிறது, முதல் ஜாதகத்தில் ஜாதகிக்கு குடும்பம், சுக போகம் மற்றும் ஆரோக்கியம் நன்றாக அமையாத பொழுது, இரண்டாம் ஜாதகத்தில் ஜாதகிக்கு நல்ல குடும்பம், சிறந்த பேச்சு திறன், நிறைவான வருமானம் என்றவகையில் குடும்ப ஸ்தான நன்மைகளை சிறப்பாக வாரி வழங்குகிறது, மேலும் சுக ஸ்தான வழியில் இருந்து தனது தந்தைக்கு யோகத்தையும், தனது தந்தை வழியிலான சொத்து சுக சேர்க்கையையும் பெரும் அமைப்பை பெறுகின்றார், மேலும் ஜாதகியின் குணம் மிகவும் நல்ல குணமாகவும், பரோபகார மனநிலையை கொண்டவராகவும் திகழ்வார், முதல் ஜாதகிக்கு 4ம் வீடு சத்ரு ஸ்தானத்துடன் சம்பந்தம் பெறுவது ஜாதகி தனது தகப்பனாருடன் பகைமை பாராட்டும்  தன்மையையும், தனது குணத்தில் சிறப்பற்ற தன்மையையும் பெற்று இருப்பார், மேலும் நல்ல வருமானம் இன்மை, வாக்குவாதம்  செய்யும் குணம், வீடு வண்டி வாகன யோகம் அற்ற தன்மை, சத்ரு வழியிலான இன்னல்கள் உடல் நல பாதிப்புகளை அடிக்கடி சந்திக்கும் தன்மையை பெறுவார், இரண்டாவது சகோதரிக்கு சத்ரு ஸ்தான அமைப்பில் இருந்து கடன் சார்ந்த இழப்புகளை தரும் ஆனால் உடல் நல பாதிப்பு அதிகம் தாராது என்பது கவனிக்கத்தக்க அம்சமாகும்.

முதல் சகோதரி ஜாதகத்தில் 8ம் பாவக வழியில் இருந்து தகப்பனாருக்கு சில பொருளாதார இழப்புகள் ஏற்படும், ஜாதகி தனக்கு வரும் சுக போக  வாழ்க்கையை உதறித்தள்ளுவார், இரண்டாம் சகோதரி 8ம் பாவக வழியில் இருந்து குடும்ப வாழ்க்கையில் சிறு சிறு இன்னல்களை சந்தித்த போதிலும் திடீர் வருமான வாய்ப்புகளை புதையலுக்கு நிகராக பெறுவார், மேலும் இன்சூரன்ஸ், கிராஜுவிட்டி, போனஸ் போன்ற அமைப்புகளில் இருந்து நல்ல வருமானம் உண்டாகும், தனது பேச்சு திறன் மூலம் நல்ல வருமானத்தை இரண்டாம் சகோதரி பரிபூர்ணமாக பெறுவார்.

இரண்டு சகோதரிகளுக்கும் தற்போழுது நடைபெறும் ராகு திசை பாக்கிய ஸ்தான பலனை தந்த போதிலும், ராகு திசை சுக்கிரனை புத்தி முதல் சகோதரிக்கு 10ம் பாவக வழியில் இருந்து தனது அன்னைக்கு கடும் இன்னல்களை தருகின்றார், ஜீவன வழியிலான சிரமங்களை அதிக அளவில் தருகின்றார், இரண்டாம் சகோதரி 6,10ம் பாவக வழியில் இருந்து திடீர் பொருள் இழப்புகளையும், தனது அன்னைக்கு பெரும் சிரமங்களையும் சேர்த்து தருவது கவனிக்கத்தக்க சிறப்பு அம்சமாகும், எதிர்வரும் குரு திசை ஏற்று நடத்தும் பாவக  பலன்களும் இதை போன்றே சில வித்தியாசமான பலாபலன்களை தருவதற்கு ஏதுவாக காணப்படுகிறது என்பது கவலைக்குரிய விஷயமாக காணப்படுகிறது.

வாழ்க வளமுடன்
ஜோதிடன் வர்ஷன்
9443355696

சுக்கிரன் திசை ( குடும்ப ஸ்தானாதிபதி, பாக்கிய ஸ்தானாதிபதி திசை ) நடைபெற்றும் திருமணதடை ஏற்ப்பட காரணம் என்ன ?

கேள்வி :

 கடந்த 13 வருடங்களாக சுக்கிரன் திசை நடைபெற்றுக்கொண்டு இருக்கின்றது, குடும்ப ஸ்தானாதிபதி, பாக்கியஸ்தானாதிபதி திசை என்பதால் நன்மைகளை தருவார் என்றனர், இதுவரை யாதொரு நன்மையையும் இல்லை, கல்வியில் தடை, திருமண முயற்சிகள் யாவும் தடை, பொருளாதார சிக்கல்கள், எதிர்பாரா இழப்புகள் என மிகுந்த இன்னல்களுக்கு மட்டுமே இதுவரை ஆளாகி வந்துள்ளேன், சுக்கிரன் திசை எனக்கு வழங்கும் உண்மையான பலாபலன்கள் என்ன ? எதிர்காலம் எனக்கு எப்படி அமையும் ?

பதில் :

லக்கினம் : கன்னி
ராசி : கடகம்
நட்ஷத்திரம் : ஆயில்யம் 4ம் பாதம்

தங்களின் ஜாதகத்தில் தற்போழுது நடைபெறும் குடும்பம் மற்றும் பாக்கிய ஸ்தான அதிபதியான சுக்கிரன் திசை சுய ஜாதகத்தில் வலிமை பெற்ற பாவக பலனை ஏற்று நடத்தாமல், மிகவும் வலிமை அற்ற கடுமையான பாதிப்புகளை தரும் பாதக ஸ்தான பலனை ஏற்று நடத்துவதே தாங்கள் அனுபவிக்கும் இன்னல்களுக்கு அடிப்படை காரணமாக விளங்குகிறது, பொதுவாக சுய ஜாதக பலாபலன்களை சிந்தனைக்கு எடுத்துக்கொள்ளும் பொழுது சுப ஆதிபத்தியம் பெற்ற கிரகங்கள் அல்லது கால புருஷ தத்துவ அமைப்பிற்கு நவகிரகங்கள் பெரும் ஆட்சி,உச்சம்,நட்பு,சமம் என்ற நிலையை பெற்ற கிரகங்களின் திசா புத்திகள் நன்மையை செய்யும், அசுப ஆதிபத்தியம் பெற்ற கிரகங்கள் அல்லது கால புருஷ தத்துவ அமைப்பிற்கு நவகிரகங்கள் பெரும் பகை,நீசம் என்ற நிலையை பெற்ற கிரகங்களின் திசா புத்திகள் தீமையை செய்யும், என்று கருதுவது சுய ஜாதகத்தில் லக்கினம் முதல் பனிரெண்டு பாவகங்களின் வலிமை நிலையை கருத்தில் கொள்ளாமல் கூறப்பட்டும் பொது பலன்களே, இதை கருத்தில் கொண்டு நமது வாழ்க்கையை நிர்ணயம் செய்வது என்பது மண் குதிரையை நம்பி நடுஆற்றில் இறங்குவதற்கு சமமானது, இதை மேற்கண்ட தங்களின் சுய ஜாதகத்தை உதாரணமான கொண்டு தெளிவு பெறுவோம் அன்பரே !

  தங்களது ஜாதகத்தில் 5,7ம் வீடுகளை தவிர மற்ற அனைத்து வீடுகளும் மிகவும் வலிமையுடன் இருப்பது வரவேற்கத்தக்க சிறப்பு அம்சமாகும், இருப்பினும் தற்போழுது நடைபெறும் சுக்கிரன் தங்களுக்கு சுய ஜாதகத்தில் கடுமையாக  பாதிக்கப்பட்ட 5,7ம் வீடுகளின் பலாபலன்களை ஏற்று நடத்துவது  ( 5,7ம் வீடுகள் பாதக ஸ்தானமான 7ம் பாவகத்துடன் சம்பந்தம் ) தங்களின் வாழ்க்கையில் நினைத்துப்பார்க்க இயலாத துன்பங்களை 5ம் மற்றும் 7ம் பாவக வழியில் இருந்து 200% விகிதம் வாரி வழங்கும், அடிப்படையில் தங்களின் பூர்வீகத்தில் இருந்து ஜீவன செய்ய இயலாத நிலையை தந்து பரதேச ஜீவனம் என்ற நிலைக்கு ஆளாக்கும், சிறிதும் இறை அருளின் கருணை தங்களுக்கு உதவி செய்யாது, தங்களின் அறிவு திறனும் சமயோசித புத்திசாலித்தனமும் சரியான நேரத்தில் பயன்படாது, உதவி செய்ய யாரும் அற்ற நிலையில் தனிமையாக போராட்ட வாழ்க்கையை எதிர்கொள்ளும் சூழ்நிலையை தரும், கற்ற கல்வி பலனளிக்காது, தனக்கு சிறிதும் சம்பந்தம் இல்லாத துறையில் தனது வாழ்க்கை பயணத்தை நடத்தியாகவேண்டிய சிரமமான சூழ்நிலையை உருவாக்கிவிடும், ஜாதகர் மேற்கொள்ளும் சுப நிகழ்வுகள் யாவும் தடைபெற்று பாதியிலே நின்றுவிடும், ஜாதகரின் அனைத்து முயற்சிகளும் மிகப்பெரிய தோல்வியையே தரும் என்பது சுக்கிரன் திசை ஜாதகருக்கு 5ம் பாவாக வழியில் இருந்து தரும் பலன்களாகும்.

 7ம் பாவக வழியில் இருந்து ஜாதகர் நண்பர்கள், கூட்டாளிகள் மற்றும் எதிர்பாலின அமைப்பினர் மூலம் கடும் நெருக்கடிகளை சந்திக்கும் சூழ்நிலையை உருவாக்கும், காதல்வயப்பட்டு அதன் மூலம் மிகப்பெரிய இழப்புகளை ஜாதகர் சந்திக்கும் சூழ்நிலை ஏற்படும், இறுதியில் தேவையற்ற வீண் அவப்பெயர் மற்றும் களங்கம் ஏற்படும், குறிப்பாக ஜாதகர் வெளிவட்டார பழக்க வழக்கங்களில் இருந்து பெரிய அளவிலான துன்பங்களை எதிர்கொள்ளும் சூழ்நிலை உருவாகும், கூட்டு முயற்சி பெரிய பாதிப்புகளை தரும், நண்பர்கள் வழியிலான பொருளாதார சீர்குலைவு தங்களின் முன்னேற்றத்தை வெகுவாக பாதிக்கும், தேவையற்ற சகவாசம் தங்களின் வாழ்க்கையை கடுமையாக பாதிக்கும்.

தங்களின் 5ம் பாவகம் கால புருஷ தத்துவ அமைப்பிற்கு ஜீவன ஸ்தானமான மகர ராசியில் அமைவது தங்களின் தொழில் வழியிலான முன்னேற்றத்தையும், அறிவு சார்ந்த முயற்சிகளையும் கடுமையாக பாதிக்கும், ஓர் நல்ல வேலை வாய்ப்பை பெறுவதே குதிரை கொம்பாக அமையும், மேலும் கவுரவம் சார்ந்த பிரச்சனைகள் தங்களின் எதிர்காலத்தையும், தொழில் வழியிலான முயற்சிகளுக்கும் மிக பெரிய தடைக்கற்களாக அமையும் என்பதை கவனத்தில் கொள்க.

தங்களின் 7ம் பாவகம் கால புருஷ தத்துவ அமைப்பிற்கு விரைய ஸ்தானமான மீன ராசியில் அமைவது எதிர்பாலினம், நண்பர்கள், பொதுமக்கள் மற்றும் கூட்டாளிகள் வழியில் இருந்து கடுமையான மனநிம்மதியிழப்பையும், மனஅழுத்தத்தை வழங்கும் என்பதால் சற்று கவனமுடன் மேற்கண்ட உறவுகளுடன் நட்பு பாராட்டுவது நலம் தரும், குறிப்பாக தவறான எதிர்பாலின சேர்க்கை இருப்பின் அதில் இருந்து வெகு விரைவில் விடுபடுவது தங்களின் எதிர்கால வாழ்க்கைக்கு உகந்த நன்மைகளை தரும்.

அடுத்து வரும் சூரியன் திசை தரும் பலன்கள் திருமண தடை சார்ந்த கேள்விகளுக்கு  அலைபேசியில் தொடர்பு கொண்டு தெரிந்துகொள்ளவும் .

வாழ்க வளமுடன்
ஜோதிடன் வர்ஷன்
9443355696

சுய ஜாதகத்தில் உள்ள யோகங்கள் ஜாதகருக்கு சுபயோக பலன்களை தர மறுப்பதேன் ?

 ஜாதகத்தில் உள்ள சுபயோகங்கள் ஓர் ஜாதகருக்கு யோக பலன்களை நடைமுறையில் எடுத்து நடத்ததிற்கு மூன்று காரணங்கள் உண்டு 1) ஜாதகருக்கு சரியான நேரத்தில் நிகழ்காலத்தில் அல்லது எதிர்காலத்தில் நடைபெறும் திசா புத்திகள் யோக பலன்களை தரும் பாவக பலனை ஏற்று நடத்தாமல் போனால் ஜாதகர் சுய ஜாதகத்தில் யோகங்கள் இருந்து அதனால் ஒரு பயனும் ஏற்படாது, 2) தனது ஜாதகத்திற்கு சற்றும் பொருந்தாத அல்லது நேரெதிரான அவயோகங்களை பெற்றுள்ள எதிர்பாலின அமைப்பினரிடம் சேர்க்கை பெறுவதினால், சுய ஜாதகத்தில் உள்ள யோகங்கள் பங்கம் பெற்று சுபயோக பலாபலன்களை நடைமுறைக்கு வாராது. 3) ஓர் ஜாதகத்தில் சுபயோக பலாபலன்கள் நடைமுறைக்கு வருவது ஜாதகரின் சுய அறிவு நிலை மற்றும் சமயோசித புத்திசாலித்தனத்தை அடிப்படையாக கொண்டே அமையும் என்பதால், ஜாதகர் எந்த ஓர் சூழ்நிலையிலும் தனது சுய அறிவு மற்றும் புத்திசாலித்தனம் மழுங்கும் விஷயங்களில் ஈடுபட கூடாது, குறிப்பாக ஜாதகரின் அறிவை மழுங்கடிக்கும் போதை வஸ்துக்களை பயன்படுத்துபவர் என்றால் சுய ஜாதகத்தில் யோக பலாபலன்கள் நடைமுறைக்கு வாராது என்பதை கருத்தில் கொள்வது அவசியமாகிறது, இதை ஓர் உதாரண ஜாதகம் கொண்டு தெளிவு பெறுவோம்.

லக்கினம் : தனுசு 

ராசி : கன்னி 

நட்ஷத்திரம் : அஸ்தம் 3ம் பாதம் 

மேற்கண்ட ஜாதகருக்கு இறை அருள் கொடுத்துள்ள சுய ஜாதக வலிமை என்பது மிகவும் அரிதானது, அபரிவிதமான செல்வாக்கினை வாரி வழங்கும் தன்மையை பெற்றது, சுய ஜாதகத்தில் 8ம் பாவகம் ஒன்றை தவிர மற்ற பாவகங்கள் அனைத்தும் மிகவும் வலிமையுடன் இருப்பதை வைத்தே இதை உறுதிசெய்யலாம், மேலும் ஜாதகருக்கு நடைபெறும் குரு திசை தரும் பலாபலன்கள் என்பது அதிர்ஷ்டத்தின் தன்மையை பரிபூர்ணமாக உணரவைக்கும் அமைப்பாகும், நடைபெறும் குரு திசையை ஜாதகருக்கு 2,5,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்று முழு வீச்சில் லாப ஸ்தான பலனை வாரி வழங்கிக்கொண்டு இருப்பது ஜாதகருக்கு தற்போழுது நடைபெறும் குரு திசை தரும் சுபயோக பலன்களில் உச்ச நிலையாகும்.

சுய ஜாதகத்தில் 1,4,7,10ம் வீடுகள் வலிமை பெறுவது சம்பந்தப்பட்ட ஜாதகருக்கு மேற்கண்ட பாவக வழியில் இருந்து சிறப்பான நன்மைகளை தரும் அமைப்பாகும், இது ஜாதகரை எந்த சூழிநிலையிலும் சிறப்பான வெற்றிகளை பெறுவதற்கான  நல்ல வாய்ப்புகளை தொடர்ந்து பெற்றுத்தந்துகொண்டே இருக்கும் என்பது கவனிக்கத்தக்க சிறப்பு அம்சமாகும், மேற்கண்ட ஜாதகருக்கு அத்துணை சிறப்புகள் இருந்து யாதொரு நன்மையையும் அனுபவிக்க இயலாமல், இன்னல்களை இந்நாள்வரையிலும் அனுபவித்துக்கொண்டு இருப்பதற்கு அதிமுக்கிய காரணம், ஜாதகரின் சகவாச தோஷம் என்றால் அது மிகையாகாது, ஜாதகருக்கு பணியிடத்தில் ஏற்பட்ட தவறான எதிர்பாலின சேர்க்கை ஜாதகரின் சுய ஜாதகத்தில் உள்ள சுபயோகங்களை கபளீகரம் செய்துகொண்டு இருப்பது, ஜாதகரின் பேச்சின் வழியிலும், அந்த எதிர்பாலின சேர்க்கையாளரின் எதிர்காலம் பற்றி தெரிந்துகொள்வதில் காட்டிய ஆர்வத்தின் வழியிலும் மிக தெளிவாக நாம் உணர முடிந்தது, ஜாதகரின் சுய ஜாதகத்தில் உள்ள சுபயோகங்கள் அனைத்தும் பங்கம் பெற்று நிற்பதற்கு அடிப்படை காரணமே அந்த எதிர்பாலின சேர்க்கைதான் என்பதை ஜாதகர் உணராமல் பிதற்றி கொண்டு இருப்பது, ஜாதகரின் ஆயுள் பாவகம் தரும் பலாபலன்களின் திருவிளையாடல் என்பதை  எப்படி? ஜாதகருக்கு புரியவைப்பது.

சம்பத்தப்பட்ட எதிர்பாலின சேர்க்கையாளரின் சுய ஜாதகத்தில் கிட்டத்தட்ட லக்கினம் முதல் மிக முக்கியமான 8 பாவகங்கள் பாதக ஸ்தான தொடர்பை பெற்றிருப்பதை ஜாதகர் எந்தவிதத்திலும் ஏற்றுக்கொள்ளும் மனநிலையில் இல்லை  என்பதை அவரின் வார்த்தைகளில் இருந்து மிக தெளிவாக நாம் உணர்ந்துகொள்ள முடிந்தது, குறிப்பாக எதிர்பாலின சேர்க்கையாளரின் சுய ஜாதகத்தில் 2,5,7,8,12ம் வீடுகள் பாதக ஸ்தானத்துடன் சம்பந்தம் பெற்று நடைபெறும் திசாபுத்தியும் பாதிக்கப்பட்ட பாதக ஸ்தான பலனை ஏற்று நடத்துவது, ஜாதகரின் வாழ்க்கையை சூன்ய நிலைக்கு ஆற்படுத்திக்கொண்டிருப்பதை, ஜாதகர் புரிந்துகொள்வதற்கான வாய்ப்புகள் சிறிதும் இல்லை என்பதை வெகு நேர ஆலோசணைக்கு பிறகு நாம் தெளிவாக உணர்ந்துகொண்டோம்.

மேலும் இந்த எதிர்பாலின சேர்க்கையாளரின் தொடர்புக்கு பிறகு ஜாதகர் தேவையற்ற தீய பழக்க வழக்கங்களில் சிக்குண்டு சீரழிந்துகொண்டிருப்பது தெளிவாக நமக்கு தெரிந்தும், ஜாதகரின் சுய ஜாதக வலிமையை பற்றி சிறிதும் புரியவைக்க முடியவில்லை, எல்லாம் ஜாதகரின் இறைநம்பிக்கை அற்ற தன்மைக்கு பரிசாக கிடைத்ததாக நமக்கு தோன்றுகிறது, ஜாதகரின் வாழ்க்கையில் சுபயோகங்களை பெறுவதற்கான இறுதி வாய்ப்பையும் ஜாதகர் இழந்ததாகவே " ஜோதிடதீபம் " கருதுகிறது, ஜாதகருக்கு குரு திசையில் எதிர்வரும் சுக்கிரன் புத்தி நல்லதோர் ஆன்மீக குருவின் தொடர்பை பெற்று சுய ஜாதகத்தில் உள்ள யோக பலாபலன்களை முழுவதும் சுவீகரிக்க ஓர் நல்ல வாய்ப்பை இறையருள் வழங்கும் என்ற நம்பிக்கையுடன் இன்றைய பதிவை நிறைவு செய்கிறோம்.

குறிப்பு :

சுய ஜாதகத்தில் உள்ள யோக பலன்கள் பெரும்பாலும் முறையற்ற எதிர்பாலின சேர்க்கை, தீய பழக்க வழக்கங்களுக்கு ஆட்படும் தன்மை, தனது  சுய ஜாதக வலிமை பற்றிய தெளிவின்மை போன்ற காரணங்களாலேயே, யோகபங்க நிலையை பெறுகின்றது என்பதால், சுய ஜாதக வலிமை பற்றிய விழிப்புணர்வு மிக மிக அவசியமாகிறது, என்பதை  " ஜோதிடதீபம் " இந்தநேரத்தில் பதிவு செய்ய கடமைப்பட்டுள்ளது.

வாழ்க வளமுடன் 

ஜோதிடன் வர்ஷன் 

9443355696

ஏழரை சனி என்ன செய்யும் ? ஜென்ம சனியாக ஜென்ம ராசியில் சஞ்சாரம் கடுமையான பாதிப்பை தருமா ?

  

 

 ஏழரை சனிக்கு பயப்படாதவர்களே இல்லை என்று சொல்லிவிடலாம், குறிப்பாக சந்திரன் நின்ற ராசிக்கு முன்பின் ராசிகளிலும் சந்திரன் நின்ற ராசியிலும் சனிபகவான் சஞ்சரிக்கும் காலங்களை ஏழரை சனி என்று வர்ணிக்கின்றனர், இந்த ஏழரை சனி காலத்தில் சம்பந்தப்பட்ட ஜாதகர் படும் இன்னல்களுக்கு ஓர் அளவு இருக்காது என்றும், துன்பத்தை மட்டுமே சனிபகவான் பலனாக வாரி வழங்குவார் என்றும் கூறுவது உண்டு, குறிப்பாக ஓர் ஜாதகத்தில் ஏழரை சனி நடைபெறும் ( ஏழரை வருட ) காலங்களில் ஏற்படும் இன்னல்கள் அனைத்திற்கும் காரணகர்த்தாவாக சனிபகவானை காணும் அன்பர்கள், அவர் இன்னல்களை மட்டுமே தருவார் என்ற கற்பனை எண்ணத்தை அனைவரிடமும் விதைத்து இருக்கின்றனர் என்பதே உண்மை, அடிப்படையில் நவகிரகங்கள் தனிப்பட்ட ஆளுமையின் கீழ் ஓர் ஜாதகருக்கு நன்மை தீமை பலாபலன்களை வழங்க வல்லமை அற்றவர்கள் என்பதை உணர்ந்தவர்களுக்கு " ஏழரை சனி " என்பதே ஓர் பொய்யான கூற்று என்பதை தெளிவாக விளக்கம் தரமுடியும், ஏனெனில் சுய ஜாதகம் என்பது லக்கினம் முதல் 12பாவகங்களின் வலிமையின் அடிப்படையில் இயங்குவது, அதாவது பிறந்த தேதி, நேரம் மற்றும் இடம் ஆகிய குறிப்புகளை கொண்டு சுய ஜாதகம் நிர்ணயம் செய்யப்படுகிறது , ஓரிரு நிமிடங்களில் சுய ஜாதகம் என்பது பல மாற்றங்களை சந்திக்கும் நிலையில் சந்திரனை அடிப்படையாக கொண்ட ஏழரை சனி தரும் பலன் என்பது கற்பனையானது என்று விளக்கம் தரவேண்டிய அவசியமில்லை என்று " ஜோதிடதீபம் " கருதுகிறது, கீழ்கண்ட ஜாதகத்தை உதாரணமாக கொண்டு கோட்சார சனிபகவான் தரும் பலாபலன்களை இன்றைய சிந்தனைக்கு எடுத்துக்கொள்வோம் அன்பர்களே !

லக்கினம் : மிதுனம் 

ராசி : தனுசு 

நட்ஷத்திரம் : பூராடம் 3ம் பாதம் 

 ஜாதகருக்கு தற்பொழுது நடைபெறும் ராகு திசை ( 05/04/2002 முதல் 05/04/2020 வரை ) 5ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம் பெற்று மிகுந்த வலிமையான யோக பலாபலன்களை பூர்வபுண்ணிய ஸ்தான வழியில் இருந்து வாரி வழங்கிக்கொண்டு இருக்கின்றது என்பது ஜாதகருக்கு சுபயோகங்களை தரும்  அமைப்பாகும், குறிப்பாக ஜாதகர் 5ம் பாவக வழியில் இருந்து கலைத்துறையில் வெற்றி, கற்ற கல்வி வழியிலான யோக பலன்கள், சமயோசித புத்திசாலித்தனம், குலதெய்வ அனுக்கிரகம், தெய்வீக அனுபவம், வாதத்திறன் கொண்டு அனைத்தையும் தனக்கு சாதகமாக மாற்றிக்கொள்ளும் யோகம், நிறைவான செல்வசேர்க்கை, நல்ல யோகம் மிக்க குழந்தைகளை பெரும் யோகம், அவர்கள் வழியிலான சுயோக வாழ்க்கை, குடும்ப வாழ்க்கையில் மகிழ்ச்சி சந்தோசம், காதல் வெற்றி, சாஸ்திர ஞானம், கணித தேர்ச்சி , திட்டமிட்டு செயல்படும் தன்மை, சீரான முன்னேற்றம், தர்மசிந்தனை, அனைவருக்கும் உதவும் குணம் என்ற வகையில் சிறப்புகளை ராகு திசை முழு வீச்சில் சுபயோக பலாபலன்களை பூர்வபுண்ணிய ஸ்தான வழியில் இருந்து வாரி வழங்கிக்கொண்டு இருக்கின்றது.

ராகு திசையில் தற்போழுது நடைமுறையில் உள்ள சந்திரன் புத்தி ஜாதகருக்கு 4ம் வீடு சுக ஸ்தானமான 4ம் பாவகத்துடன் சம்பந்தம் பெற்று யோக பலனை தருவது ஜாதகர் மாத்ரு ஸ்தான வழியில் இருந்து சுபயோகங்களை அனுபவிக்கும் தன்மையை தருகின்றது, புதிய மண் மனை வண்டி வாகன யோகம் உண்டாகும், ஜாதகரின் சுகபோக வாழ்க்கையின் தன்மை அதிகரிக்கும், தெய்வ அனுக்கிரகம் மூலம் சகல சௌபாக்கியங்களும் உண்டாகும், கல்வியில் வெற்றி, உறவுகள் வழியிலான ஒத்துழைப்பு என்றவகையில் சிறப்புக்களை தரும், ஜாதகரின் சுக ஸ்தானம் கால புருஷ தத்துவ அமைப்பிற்கு சிம்மராசியில் 1 பாகையில் ஆரம்பித்தது கன்னி ராசியில்  முழுவதும் வியாபித்து நிற்பது ஜாதகருக்கு தனது அறிவு சார்ந்த விஷயங்களிலும், தனம் சார்ந்த விஷயங்களிலும் சிறப்பான முன்னேற்றங்களை வாரி வழங்கும், மேலும் குறுகிய கால லாபங்களை ஜாதகர் பெறுவதற்கு உண்டான வாய்ப்புக்களை தரும் என்பது கவனிக்கத்தக்கது .

ஆக ஜாதகருக்கு நடைபெறும் ராகு திசை 5ம் பாவக வழியில் இருந்து சுபயோகங்களையும், ராகு திசையில் தற்போழுது நடைமுறையில் உள்ள சந்திரன்  புத்தி 4ம் பாவக வழியில் இருந்து சுபயோகங்களையும் வாரி வழங்குவது சுய ஜாதகத்தில் தற்போழுது நடைபெறும் நன்மையான பலாபலன்கள் ஆகும், இதில் தற்போழுது தனுசு ராசிக்கு ஏழரை சனி என்றும் அதனால் ஜாதகர் இன்னல்களை சந்திப்பார் என்பது முற்றிலும் கற்பனை என்பதை தவிர வேறு ஒன்றும் இல்லை, தனுசு ராசியில் சஞ்சாரம் செய்யும் சனி பகவான் ஜாதகரின் நான்காம் பாவகத்தை தனது 10ம் பார்வையாக வசீகரிப்பதும், 4ம் பாவகம் தனது வர்க்க கிரகமான புதபகவானின் வீடான கன்னியில் அமைவதும் ஜாதகருக்கு சுபயோக பலன்களையே தரும், சனி பகவான் சஞ்சாரம் செய்யும் 7ம் பாவக பலனை ஜாதகருக்கு தற்போழுது நடைபெறும் ராகு திசையும், சந்திரன் புத்தியும் ஏற்று நடத்தவில்லை என்பதால் சந்திரன் நின்ற ராசிக்குள் சஞ்சாரம் செய்யும் ( ஏழரை சனி ) சனி பகவான் யாதொரு நன்மை தீமையை தரவில்லை என்பதே முற்றிலும் உண்மை, கிரகங்களின் சஞ்சாரம் என்பது தற்போழுது நடைமுறையில் உள்ள திசா புத்திகள் ஏற்று நடத்தும் பாவக தொடர்புடன் எந்த விதத்திலாவது சம்பந்தம் பெற்றால் மட்டுமே நன்மை தீமை பலன்களை நடைமுறைப்படுத்திடும், தற்போழுது நடைமுறையில் உள்ள திசா புத்திகள் ஏற்று நடத்தும் பாவக தொடர்புடன் எந்த விதத்திலும் சம்பந்தம் பெறவில்லை எனில் கோட்சர கிரகத்தால் யாதொரு பலாபலனும் நடைமுறைக்கு வாராது, சந்திரன் நின்ற ராசிக்கு கோட்சார பலன் காண்பதெல்லாம் கற்பனை கட்டுக்கதையாகவே அமையும் என்பதை கருத்தில் கொள்வது நலம், அடிப்படையில் சந்திரன் நின்ற ராசிக்கு பலாபலன்கள் காண்பதென்பது சுய ஜாதக  வலிமை மற்றும் அது தரும் பலாபலனுக்கு சற்றும் பொருந்தாதது என்பதை நினைவில் கொள்வது அவசியமாகிறது.

மேற்கண்ட ஜாதகருக்கு ஏழரை சனி என்னும் விஷயமே தவறான பலாபலன்களை கூறுவதற்கு வழிவகுத்துவிடும், ஏனெனில் சுய ஜாதகத்தில் ஜாதகருக்கு லக்கினம் முதல் 12 பாவகங்களும் மிகவும் வலிமையுடன் இருப்பதுடன், நடைபெறும் நவக்கிரத்தின் திசாபுத்திகள் அனைத்தும் வலிமை பெற்ற பாவக பலனையே ஏற்று நடத்துவதால், ஜாதாருக்கு ஏழரை சனி, அஷ்டம சனி, அர்தாஷ்டம சனி என அனைத்து சனிகளும் சகல நிலைகளில் இருந்தும் நன்மையான பலன்களையே தரும் என்பது கவனிக்கத்தக்கது.

எனவே சுய ஜாதக பலாபலன்களை நிர்ணயம் செய்வது சுய ஜாதக வலிமையே அன்றி, சந்திரன் நின்ற ராசிக்கு கோட்சார கிரகங்கள் தரும் ராசி பலன்கள் அல்ல என்பதை கருத்தில் கொள்வது நல்லது, குறிப்பாக ஏழரை சனி, அஷ்டம சனி, அர்த்தாஷ்டம சனி, குரு பலம், ராசிக்கு குரு சஞ்சாரம் செய்யும் நிலை இவையெல்லாம், சுய ஜாதக வலிமை தெரியாமல் அது தரும் பலாபலன் பற்றிய அறியாமல் உளறும் உளறல்களே என்பதை அனைவரும் சிந்தனைக்கு எடுத்துக்கொள்ள வேண்டி " ஜோதிடதீபம் " வைக்கும் வேண்டுகோள் ஆகும்.

குறிப்பு :

சுய ஜாதக வலிமை நிலையை தெளிவாக உணர்ந்து, பாவக வலிமையின் தன்மையை கருத்தில் கொண்டு எதிர்கால வாழ்க்கையை சிறப்பாக திட்டமிட்டு முன்னேற்றம் காண்பதே புத்திசாலித்தனம், ஜோதிடரீதியாக உள்ள மூடநம்பிக்கைகளை பலாபலன்கள் என்று கருதி வாழ்க்கையில் நமக்கு வரும் நல்ல வாய்ப்புகளை உதறித்தள்ளுவது என்பது முற்றிலும் தவறான வழிமுறையாகும், நல்ல ஜோதிடம் தங்களின் வாழ்க்கையில் சிறந்த முன்னேற்றங்களை நிச்சயம் வாரி வழங்கும், இதில் மாற்று கருத்து என்பதே இல்லை "வாழ்த்துக்கள்"

வாழ்க வளமுடன் 

ஜோதிடன் வர்ஷன் 

9443355696

தொழில் ஸ்தான வலிமை தரும் கைநிறைவான வருமான வாய்ப்புகள் !

 

 

சுய ஜாதகத்தில் ஜீவன ஸ்தான வலிமையின் அடிப்படையில் ஒருவர் தனது தொழிலை நிர்ணயம் செய்வது என்பது, ஜாதகர் தனது வாழ்க்கையில் தன்னிறைவான பொருளாதார வளர்ச்சியை பெறுவதற்கான ஸ்திரமான அடித்தளம் என்றால் அது மிகையில், தமக்கு சற்றும் பொருந்தாத தொழிலை தேர்வு செய்வது என்பது ஜாதகர் தமது வாழ்க்கையில் அதிக அளவிலான போராட்டங்களையும் இன்னல்களையும் எதிர்கொள்ளவதற்கான ஆயத்த பணி இதை அனுபவித்தவர்களுக்கு தெளிவாக புரியும், தமது ஜாதக வலிமைக்கு உகந்த தொழிலை ஜாதகர் தேர்வு செய்யும் பொழுது ஜாதகரின் உழைப்பு, அறிவு திறன், முன்னெற்றம் மற்றும் பொருளாதார தன்னிறைவு அனைத்தும் ஒரு நேர்கோட்டில் இயங்கி தொழில் ரீதியான வெற்றி வாய்ப்புகளை பரிபூர்ணமாக பெற வழிவகை செய்யும், மாறாக சுயஜாதக வலிமைக்கு சற்றும் பொருந்தாத தொழிலை ஜாதகர் தேர்வு செய்யும் பொழுது அடிப்படையில் நேர விரையம் என்பது அதிகரிக்கும், ஆர்வம் குறையும், உழைப்பின் தரம் குறையும், நம்பிக்கை அற்ற தன்மை  தொழில் வளர்ச்சியை வெகுவாக பாதிக்கும், குறுகிய காலத்தில் பெறவேண்டிய நன்மைகளை ஜாதகர் நெடுங்காலம் காத்திருந்து சிறிய அளவில் அனுபவிக்கும் தன்மையை தரும், மேலும் ஜாதகரின் தொழில் வல்லமை " குடத்தில் இட்ட விளக்கு போல் பிரகாசம் இன்றி " அவதியுற நேரும், தமக்கு உகந்த தொழிலை தேர்வு செய்வது என்பது சுய ஜாதகத்தின் அடிப்படையில் அமைவதே ஜாதகருக்கு சிறப்பான எதிர்காலத்தை அமைத்துத்தரும்.

சுய ஜாதகத்தில் தொழில் ஸ்தானம் வலிமை அற்ற பாவக தொடர்பை பெறுவது ஜாதகரின் தொழில் வாய்ப்புகளை தடை செய்யும், பாதக ஸ்தான தொடர்பை பெறுவது ஜாதகரின் தொழில் வாய்ப்புகளை கேள்விக்குறியாக மாற்றும் ஜாதகருக்கு ஓர் நல்ல வேலை அல்லது தொழில் அமைவது என்பதே குதிரை கொம்பாக மாறிவிடும், எனவே சுய ஜாதகத்தில் எந்த காரணத்தை கொண்டும் ஜீவன ஸ்தானம் எனும் 10ம் வீடு வலிமை அற்று இருப்பது சம்பந்தப்பட்ட ஜாதகருக்கு உகந்தது அல்ல என்பதை கருத்தில் கொள்வது  நல்லது பெரும்பாலான அன்பர்கள் சுய ஜாதகத்தில் ஜீவன ஸ்தான வலிமை அற்று காணப்படுவதாலேயே சுய தொழில் முயற்சி செய்து பேரிழப்புகளையும், பெரும் நஷ்டங்களையும் சந்திக்கின்றனர்.

ஜீவன ஸ்தானம் வலிமை பெறுவது தொழில் ஸ்தான அமைப்பில் இருந்து  ஜாதகருக்கு தொழில் முன்னேற்றங்களை நல்குகின்றதோ ? அதை போன்றே களத்திர ஸ்தானம் எனும் 7ம் வீடு வலிமை பெறுவது ஜாதகரின் கூட்டு தொழில் அமைப்பை நிர்ணயம் செய்கின்றது, பெரும்பாலும் 7ம் வீடு வலிமை அற்ற தன்மையில் அமைந்து கூட்டு தொழில் செய்து அதனால் ஏற்பட்ட நஷ்டத்தால் நடுத்தெருவில் நின்றவர்கள் ஏராளம் எனலாம், சுய ஜாதகத்தில்  களத்திர ஸ்தானம் வலிமை அற்று இருக்கின்றது என்றால், எக்காரணத்தை கொண்டும் சம்பந்தப்பட்ட ஜாதகர் கூட்டு தொழில் முயற்சியில் இறங்குவது என்பது சரியானது அல்ல இதை உதாசீன படுத்தினால் ஜாதகர் " புலிவாலை பிடித்த கதைதான் " குறிப்பாக 7ம் வீடு பாதக ஸ்தானத்துடன் சம்பந்தம் பெற்று இருக்கும் ஜாதகர் கூட்டு தொழில் செய்வது என்பது மடியில் கல்லைக்கட்டிக்கொண்டு கடலில் குதிப்பதற்கு நிகரான பலாபலன்களை தந்துவிடும், ஜாதகர் இதில் இருந்து மீண்டு வருவது என்பது மிக மிக சிரமமே, எனவே சுய தொழில் கூட்டு தொழில் நிர்ணயம் என்பது சுய ஜாதகத்தில் பாவக வலிமையை கருத்தில் கொண்டு நிர்ணயம் செய்வதே சாலச்சிறந்தது.

 கீழ்கண்ட உதாரண ஜாதகத்தை கொண்டு ஜீவன ஸ்தான வலிமையை பற்றியும் , ஜாதகர் அதன் வழியில் இருந்து பெரும் தன்னிறைவான வருமான வாய்ப்புகளை பற்றியும் தெளிவு பெறுவோம் அன்பர்களே !

லக்கினம் : மீனம் 

ராசி : கன்னி 

நட்ஷத்திரம் : அஸ்தம்2ம் பாதம்

ஜாதகருக்கு சுய ஜாதகத்தில் 4,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று இருப்பது வரவேற்கத்தக்க அம்சமாகும், சுய ஜாதகத்தில்  ஜாதகருக்கு ஜீவன ஸ்தானம் என்பது மிக வலிமையுடன் இருப்பதை இது எடுத்துக்காட்டுகிறது, ஓர் ஜாதகத்தில் தொழில் ஸ்தானம் வலிமை பெறுவது என்பது ஜாதகருக்கு சிறந்த தொழில் வாய்ப்புகளை எவ்வித தடையும் இல்லாமல் வாரி வழங்கும், குறிப்பாக ஜாதகர் ஓர் இடத்தில் பணிபுரியவும், சுய தொழில் செய்யவும் முழு தகுதி உடையவர் என்பதை ஜீவன ஸ்தான வலிமையே உறுதிப்படுத்தும். 

மேற்கண்ட ஜாதகருக்கு சுய ஜாதக அமைப்பின் படி பெரும்பாலான பாவகங்கள் மிகவும் வலிமையுடன் காணப்படுகிறது அதாவது சுய ஜாதகத்தில் வலிமை பெற்ற பாவக தொடர்புகள் கீழ்கண்டவாறு அமைகிறது.

1,3,6,7,9,12ம் வீடுகள் குடும்ப ஸ்தானமான 2ம் பாவகத்துடன் சம்பந்தம் பெறுவது ஜாதகரின் வாழ்க்கையில் லக்கின பாவக வழியில் இருந்து நல்ல ஆரோக்கியம், சிறந்த மனநிலை, வளரும் சூழ்நிலையில் அதிர்ஷ்டம் தெளிந்த நல்லறிவு என்ற வகையிலும், 3ம் பாவக வழியில் இருந்து எடுக்கும் முயற்சிகளில் வெற்றி, தன்னம்பிக்கை மாறாத தன்மை, முழு முயற்சியுடன் செயல்பட்டு நன்மைகளை பெறுதல், சகல சௌபாக்கியம், சிறந்த வியாபார அறிவு, செய்யும் காரியங்களில் நேர்மை, தொழில் வழியில் சத்தியத்தை கடைபிடித்தல், மக்களின் நம்பிககையை பரிபூர்ணமாக பெரும் யோகம் என்றவகையில் சிறப்புகளை தரும், 6ம் பாவக வழியில் இருந்து குறிகிய கால வருமான  வாய்ப்புகளை பெறுதல், எதிரியின் சொத்து ஜாதகருக்கு கிடைத்தால், நல்ல வேலைஆட்கள், வாங்கி உதவி, கேட்கும் இடத்தில் இருந்து கிடைக்கும் பண உதவி என்றவையில் நன்மையை தரும், 7ம் பாவக வழியில் இருந்து நல்ல நண்பர்கள் மற்றும் கூட்டாளிகள் மூலம் பொருளாதர உதவிகளை பெறுதல், கூட்டு தொழில் செய்வதால் ஜாதகருக்கு நல்ல வருமானம் கிடைத்தால், மக்கள் செல்வாக்கு , பிரபல்ய யோகம், வெளிநாடுகளில் இருந்து வரும் தனசேர்க்கை என்ற வகையில் சிறப்புகளை தரும், 9ம் பாவக வழியில் இருந்து பெற்றோர் வழியில் சொத்து மற்றும் முன்னோர்கள் சொத்துக்களை பெறுதல், நற்பெயர், ஸ்திரமான தொழில் முன்னேற்றம் நிறைவான வருமானம் என்ற வகையில் சிறப்பை தரும், 12ம் பாவக வழியில் இருந்து நன்றாக சேமிக்கும் வல்லமை, சிக்கன பேர்வாழி, லட்சியத்தின்  வழியில் பெரும் தனசேர்க்கையை பெரும் யோகம், நல்ல மனநிம்மதி திருப்தியான யோக வாழ்ககையை தரும்.

4,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெறுவது ஜாதகரின் வாழ்க்கையில் 4ம் பாவக வழியில் இருந்து வண்டி வாகன யோகம், சொத்து  சுக சேர்க்கை, வீடு மனை யோகம், அது சார்ந்த தொழில் வழியில் லாபம் மற்றும் சுய முயற்சியின் மூலம் பெரிய சொத்துக்களை பெரும் அமைப்பை தரும், குறிப்பாக ஜாதகருக்கு நல்ல பொருளாதார முன்னேற்றத்தை சுக ஸ்தான வழியில் இருந்து தரும், 10ம் பாவக வழியில் இருந்து கவுரவம் குறையாத தொழில் முன்னேற்றம், செய்யும் தொழில் வழியிலான வருமானம் மற்றும் சிறந்த நிர்வாக திறமை, சமூக அந்தஸ்து, பல தொழில் செய்யும் யோகம் என்றவகையில் சிறப்புகளை தரும், ஜாதகரின் ஜீவன ஸ்தானம் கால புருஷ தத்துவ அமைப்பிற்கு 9ம் வீடான தனுசு ராசியில் 8 பாகையும், புருஷ தத்துவ அமைப்பிற்கு 10ம் வீடான மகரத்தில் 22 பாகையும் கொண்டு இருப்பது ஜாதகரின் தொழில் முன்னேற்றத்தை சிறப்பாக அமைத்து தரும், ஜாதகர் உபய நெருப்பு மற்றும் சர மண் தத்துவ அமைப்பில் இருந்து தொழில் விருத்தியை பெறுவதை உறுதி செய்கிறது.

5ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம் பெறுவது ஜாதகருக்கு சமயோசித புத்திசாலித்தனத்தை தரும், இது சுய தொழில் அல்லது கூட்டு தொழில் செய்யும் அன்பர்களுக்கு மிக முக்கியமானது, ஏனெனில் சரியான நேரத்தில் சரியான திட்டமிடுதல்களை மேற்கொள்வதும் தொழில் ரீதியான நன்மைகளை வாரி வழங்கும்.

11ம் வீடு லாப ஸ்தானமான 11ம் பாவகத்துடன் சம்பந்தம் பெறுவது ஜாதகரின் அதிர்ஷ்டத்தை உறுதி செய்கிறது, சுய ஜாதகத்தில் மிகவும் வலிமை பெற்ற அமைப்பாக இதை கருதலாம், ஜாதகர் எது செய்தாலும் அதனால் ஏற்படும் நன்மைகளை ஜாதகரும் ஜாதகரை சார்ந்தவர்களும் அனுபவிக்க சுய ஜாதகத்தில் லாபம் மற்றும் அதிஷ்டம் என்று அலைக்கும் 11ம் பாவகம் வலிமை பெற்று இருப்பது மிக மிக அவசியமாகிறது, சுய ஜாதகத்தில் இது வலிமை பெறவில்லை எனில் ஜாதகர் சுய ஜாதகத்தில் மற்ற பாவக வழியில் இருந்து வரும் சுபயோக பலாபலன்களை சுவீகரிக்க இயலாது, மேற்கண்ட ஜாதகருக்கு 11ம் பாவகம் வலிமை பெற்று இருப்பது ஜாதகரின் ஜீவன ஸ்தான யோக பலன்களை பரிபூர்ணமாக அனுபவிக்கும் தன்மையை தருகின்றது, சுய ஜாதகத்தில் 11ம் பாவகம் வலிமை பெறவில்லை எனில் ஜாதகரின் உழைப்பும் யோகமும் மற்றவர்களால் சுவீகரிக்க படும் என்பது கவனிக்கத்தக்கது.

வலிமை அற்ற பாவக தொடர்புகள் :

8ம் வீடு ஆயுள் ஸ்தானமான 8ம் பாவகத்துடன் சம்பந்தம் பெறுவது ஜாதகருக்கு நீண்ட ஆயுளை தரும் என்ற போதிலும் நம்பிக்கையின் பெயரில் செய்யும் அதிக முதலீடுகள் கடுமையான நஷ்டங்களை ஏற்படுத்தும், தனது மேற்பார்வையின் கீழ் இல்லாத தொழில் வழியில் இருந்து நஷ்டங்களே உண்டாகும், விபத்து, மருத்துவ செலவினங்கள், மற்றவர்கள் வழியிலான நஷ்டங்கள் என சற்று பாதிப்பை தரக்கூடும்.

2ம் வீடு விரைய ஸ்தானமான 12ம் பாவகத்துடன் சம்பந்தம் பெறுவது குடும்ப செலவினங்களை அதிகரிக்கும், தொழில் வழியிலான ஆதரவு ஜாதகருக்கு குடும்பத்தில் இருந்து கிடைக்க வாய்ப்பு இல்லை, சில நேரங்களில் பணத்திற்க்காக பெரிய அளவிலான திண்டாட்டங்களை சந்திக்கும் நிலையை தரும், வாக்கு வன்மை எதிர்பாராத இன்னல்களை உருவாக்கும்.

மேற்கண்டவை சுய ஜாதகத்தில் உள்ள பாவக வலிமையின் அடிப்படையில் ஜாதகர் பெரும் நன்மைகள் தீமைகள், ஜாதகருக்கு மேற்கண்ட பாவக வழியிலான சுப யோக பலன்களை தருவது எப்பொழுது? அவயோக பலன்களை தருவது எப்பொழுது? என்று நிர்ணயம் செய்வது நவகிரகங்களின் திசா புத்திகளே, அதை உணர்ந்து ஜாதகர் செயல்பட்டால் மட்டுமே ஜாதகருக்கு தொழில் ரீதியான வெற்றிகள் கைகூடி வரும், வலிமை பெற்ற பாவகத்தின் பலனை ஏற்றுநடத்தும் திசாபுத்திகளில் ஜாதகரின் தொழில் ரீதியான முயற்சிகள் நல்ல பலன்களையும், வலிமை அற்ற பாவகத்தின் பலனை ஏற்று நடத்தும் திசாபுத்திகளில் ஜாதகரின் தொழில் ரீதியான முயற்சிகள் அவயோக பலன்களையும் தரும், தற்போழுது நடைபெறும் திசை ஜாதகருக்கு தரும் பலாபலன்கள் என்ன? என்பதை பார்ப்போம்.

ஜாதகருக்கு தற்போழுது நடைபெறும் குரு திசை 2ம் வீடு விரைய ஸ்தானமான 12ம் பாவகத்துடன் சம்பந்தம் பெற்று முழு வீச்சில் விரைய ஸ்தான பலனை தருவது, ஜாதகரின் வாழ்க்கையில் குடும்பம், வருமானம் மற்றும் தொழில் சார்ந்த அமைப்பில் இருந்து வீண் விரயங்களை வாரி வழங்கிக்கொண்டு இருக்கின்றது, எனவே சுய ஜாதகம் மிகுந்த வலிமையுடன் காணப்பட்டாலும், நடைபெறும் குரு திசை வலிமை பெற்ற பாவக பலனை ஏற்று நடத்தாதது ஜாதகருக்கு ஜீவன ரீதியான நன்மைகளை பெற இயலாமல் போராடும் சூழ்நிலையே தரும் என்பதில் மாற்று கருத்து இல்லை, ஜாதகர் சுய தொழில் அல்லது கூட்டு தொழில்  செய்ய முழு தகுதியை பெற்ற போதிலும், தற்போழுது நடைமுறையில் உள்ள குரு திசை சாதகம் இன்றி இருப்பது " கையில் வெண்ணெய்யை வைத்துக்கொண்டு நெய்க்கு அலைந்த " கதையாவே உள்ளது, எல்லாம் விதியின் விளையாட்டு என்பதை தவிர வேறு ஒன்றும் சொல்வதற்கு இல்லை.

வாழ்க வளமுடன் 

ஜோதிடன் வர்ஷன் 

9443355696

தொழில் ஸ்தான வலிமையும், ஜாதகர் பெரும் தொழில் ரீதியான முன்னேற்றமும் !

 சுய ஜாதக ரீதியான தொழில் நிர்ணயம் என்பது சம்பந்தப்பட்ட ஜாதகருக்கு மிக அவசியமானது, ஏனெனில் கால விரையம் தவிர்க்கப்படும், ஜாதகருக்கு உகந்த தொழில் வாய்ப்பை தேர்வு செய்ய உதவி புரியும், தனது ஜீவன முன்னேற்றத்திற்கான திட்டமிடுதல்களை மிக துல்லியமாக செயல்படுத்தும் வல்லமையை ஜாதகர் இதன் மூலம் பெற இயலும், பொதுவாக தமக்கு உகந்த தொழில் வாய்ப்பினை தேர்வு செய்வதற்கு சுய ஜாதகத்தில் ஜீவன ஸ்தான வலிமையை கருத்தில் கொள்வதுடன் சதுர் கேந்திரங்களான லக்கினம், சுக ஸ்தானம், களத்திரம் மற்றும் ஜீவனம் எனும் நான்கு பாவகங்களின் வலிமையையும் கருத்தில் கொள்வது அவசியமாகிறது, மேலும் கால புருஷ தத்துவ அமைப்பிற்கு ஜீவன ஸ்தானமான மகரம் ஜாதகருக்கு எந்த பாவகமாக அமைந்தாலும் அது வலிமை பெற்று இருப்பது தன்னிறைவான தொழில் வெற்றிகளை வாரி வழங்கும்.

சுய ஜாதகத்தில் ஒருவருக்கு ஜீவன ஸ்தானம் வலிமை பெறுவது மட்டுமே தொழில் ரீதியான வெற்றிகளை வாரி வழங்கிவிடுவது இல்லை, நடைமுறையிலும், எதிர்காலத்திலும் திசா புத்திகள் வலிமை பெற்ற ஜீவன ஸ்தான பலனையே அல்லது வலிமை பெற்ற மற்ற பாவக பலனையே ஏற்று நடத்தினால் மட்டுமே ஜாதகர் தொழில் ரீதியான யோக பலன்களை அனுபவிக்கும் நிலையை தருகிறது, மேலும் நடைபெறும் திசை வலிமை பெற்ற ஜீவன ஸ்தான பலனை ஏற்று நடத்தினால் சம்பந்தப்பட்ட ஜாதகர் ஜீவன ஸ்தான வழியில் இருந்து பெரும் நன்மைகளுக்கு தடையேதும் இருக்காது, சுய ஜாதகத்தில் ஜீவன ஸ்தானம் வலிமை பெறுவது சம்பந்தப்பட்ட ஜாதகருக்கு ஓர் சிறப்பை தரும், அதாவது ஜாதகர் தனக்கு உகந்த தொழிலை சரியான வயதில், சரியான நேரத்தில் தேர்வு செய்து அதில் தேர்ச்சியை பெற்று திறன்மிக்க நபராக உருவாக்கி விடும்.

சுய ஜாதகத்தில் ஜீவன ஸ்தானம் வலிமை பெற்ற அன்பர்களுக்கு தமக்கு உகந்த தொழில் வாய்ப்புகளை உருவாக்கி கொள்ளவும், அதன் பெயரில் ஈர்ப்பு ஏற்படுவதையும் இயற்கையே நிர்ணயம் செய்துவிடும், உதாரணமாக சுய ஜாதகத்தில் ஜீவன ஸ்தானம் வலிமை பெற்ற அன்பர்களுக்கு தமக்கான தொழில் தொடர்புகளை மிக எளிதில் பெற்றுவிடுவார்கள், தனது நண்பர்கள் வழியிலோ அல்லது தான் கற்ற கல்வி வழியிலோ இது மிக எளிதாக அமைந்துவிடும், சுய ஜாதகத்தில் ஜீவன ஸ்தானம் வலிமை அற்ற நிலையில் உள்ள அன்பர்களுக்கே இது குதிரை கொம்பாக அமைந்துவிடும், தமக்கான சரியான தொழில் அமைப்பினை தேர்வு செய்வதற்க்கே நீண்ட நெடுங்காலம் ஆகிவிடும், மேலும் கால விரையத்தை ஜாதகரால் தவிர்க்க இயலாது, சுய ஜாதகத்தில் ஜீவன ஸ்தானம் வலிமை அற்ற அன்பர்களுக்கு நடைமுறையில் உள்ள திசா புத்திகளும், எதிர்வரும் திசா புத்திகளும் சற்று சாதகம் இன்றி இருப்பின் ஜீவன ரீதியான போராட்டங்களை ஜாதகரால் தவிர்க்க இயலாது.

எனவே சுய ஜாதக ரீதியாக பாவகங்களின் வலிமையின் அடிப்படையில் ஜாதகர் எந்தவிதமான தொழில் வாய்ப்புகளை தேர்வு செய்து முன்னேற்றம் பெற அருகதை பெற்றவர் என்பதில் தெளிவு பெற்ற பிறகு, சம்பந்தப்பட்ட ஜாதகர் அந்த தொழிலை தேர்வு செய்து நடத்தினால் நிச்சயம் அதில் 100% விகிதம் வெற்றி பெறுவார் என்பதில் மாற்று கருத்து இல்லை, சுய ஜாதகத்தில் தமக்கு பொருந்தாத தொழில்களை ஜாதகர் தவிர்த்துவிடுவதே சகல விதங்களிலும் நன்மையை தரும், உதாரணமாக ஒருவரது சுய ஜாதகத்தில் ஜீவன ஸ்தானம் வலிமை அற்ற நீர் தத்துவ ராசிகளுடன் சம்பந்தம் பெற்று இருப்பின், ஜாதகர் நீர் தத்துவம் சார்ந்த தொழில்களை தவிர்த்து விடுவது நல்லது அதாவது விவசாயம், உணவு பொருட்கள், வஸ்த்திர வியாபாரம், அழிவு பொருட்கள் சார்ந்த வியாபரங்கள் மற்றும் தொழில்களை ஜாதகர் தவிர்த்து விடுவதே நல்லது ஏனெனில் மேற்கண்ட தொழில் வழியில் இருந்து ஜாதகர் மிகுந்த நஷ்டங்களையே சந்திக்கும் நிலையை தரும், ஜீவன ஸ்தான வலிமை மற்றும் தொழில் முன்னேற்றம் பற்றி ஓர் உதாரண ஜாதகம் கொண்டு தெளிவு பெறுவோம்.

லக்கினம் : மகரம்
ராசி : தனுசு
நட்ஷத்திரம் : பூராடம் 3ம் பாதம்

ஜாதகத்தில் வலிமை பெற்ற பாவக தொடர்புகள் :

1ம் வீடு உயிர் உடல் ஆகிய லக்கினத்துடனே தொடர்பு பெறுவது ஜாதகரின் வாழ்க்கையில் மிகுந்த சிறப்புகளை தரும் அமைப்பாகும், ஜாதகர் மேற்கொள்ளும் காரியங்களில் வெற்றி, நல்ல உடல் ஆரோக்கியம், சிறந்த மன வலிமை, எதிர்ப்புகளை எதிர்கொண்டு நலம் பெரும் தன்மை, தீர்க்கமான அறிவு மற்றும் சிந்தனை திறன் வருமுன் காக்கும் வல்லமை, நோயில் இருந்து விரைவில் விடுபடும் தன்மை என்ற வகையில் சிறப்புகளை தரும், மேலும்  லக்கினம் கால புருஷ தத்துவ அமைப்பிற்கு முதல் ராசியான மேஷத்தில் 13 பாகையும், இரண்டாம் ராசியான ரிஷபத்தில் 17 பாகையும் பெற்று இருப்பது ஜாதகருக்கு சுய கட்டுப்பாடுடன் கூடிய பொறுமையை தரும், நேர்மை மற்றும் சத்தியத்தை மதித்து நடக்கும் தன்மையை தரும், ஜாதகரின் செயல்பாடுகள் யாவும் நேர்மை மிகுந்ததாக இருக்கும் என்பதில் மாற்று கருத்து இல்லை.

3,8,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெறுவது 3ம் பாவக வழியில் இருந்து ஜாதகரின் ஆராய்ச்சி மனநிலை அதிகரிக்கும், நல்ல ஞானத்தை வாரி வழங்கும், ஜாதகர் செய்யும் முயற்சிகள் நல்ல வெற்றிகளை பெற்று தரும், நல்ல புத்தி கூர்மை உண்டாகும் அனைத்திலும் வெற்றியை பெரும் யோகத்தை தரும், தைரியம் மற்றும் தன்னம்பிக்கை அதிகரிக்கும், வெளிநாடுகளில் இருந்து வரும் வருமானம் ஜாதகருக்கு பொருளாதர  தன்னிறைவை தரும், சாஸ்திர ஞானம் ஜோதிட அறிவு ஜாதகரின் முன்னேற்றத்தை விருத்தி செய்யும், வெளிநாட்டில் குடியேறும் அமைப்பு, போக்குவரத்து ஏஜென்சி மூலம் லாபம், சகல சௌபாக்கியம் என்ற வகையில் நன்மைகளையும், நல்ல சிந்தனை சிறந்த வாத திறமை, யோக பயிற்சி, கனிம பொருட்கள் மற்றும் சுரங்க பொருட்கள் மூலம் அதிக லாபம், ஏற்றுமதி இறக்குமதி தொழில் விருத்தி, நுண்ணறிவு திறன் மூலம் சிறப்பான திட்டமிடுதல்களை நடைமுறைக்கு கொண்டு வரும் வல்லமை என்றவிதத்தில் சுபயோங்களை வாரி வழங்கும்.

8ம் பாவக வழியில் இருந்து சட்ட ரீதியான விஷயங்களில் சாதகமான சூழ்நிலை, வழக்குகளில் வெற்றி மற்றும் சமாதான விரும்பி, அறிவுபூர்வமான செயல்பாடுகள், ரகசிய கலைகளில் ஆர்வம் மற்றும் தேர்ச்சியை தரும், வாழ்க்கை துணை வழியிலான நன்மைகளும் உண்டு, நல்ல நண்பர்கள் வழியில் இருந்து திடீர் செல்வாக்கை பெரும் யோகத்தை தரும், தெய்வீக சிந்தனை மூலம் வாழ்க்கையில் சகல யோகங்களையும் பெரும் வாய்ப்பு உண்டாகும்.

9ம் பாவக வழியில் இருந்து ஜாதகரின் அபரிவிதமான அறிவு திறனும் புத்திசாலித்தனமும் எந்த ஓர் சூழ்நிலையையும் சிறப்பாக எதிர்கொண்டு வெற்றி பெரும் யோகத்தை தரும், பெரியோர் ஆசி மற்றும் பித்ருக்களின் ஆசி ஜாதகருக்கு வரும் இன்னல்களில் இருந்து விடுவித்து சுபயோகங்களை தரும், சிரமமான சூழ்நிலையை மிக எளிதாக வெற்றி பெரும் யோகத்தை தரும், பயணங்கள் மூலம் லாபமும், சூழ்நிலை மாற்றத்தில் விருப்பத்தையும் தரும், நல்ல  ஞானம் உண்டாகும்.

4,10ம் வீடுகள் களத்திர ஸ்தானமான 7ம் பாவகத்துடன் சம்பந்தம் பெறுவது ஜாதகருக்கு 4ம் பாவக வழியில் இருந்து நல்ல தொழில் முன்னேற்றத்தை வாரி வழங்கும்,சமூகத்தில் பெயரும் புகழும் உண்டாகும், மண் மனை வண்டி வாகன யோகம் உண்டாகும், நிறைய ஆள் வசதி, சிறந்த நிர்வாக திறமை, பெரிய சொத்து சுக சேர்க்கை, விளையாட்டில் ஆர்வம், சமூக அந்தஸ்து, அரசியல் வெற்றி என்ற வகையில் சிறப்புகளை வாரி வழங்கும், தனது தாய் வழியில் இருந்து சுப யோகங்களையும் லாபங்களையும் ஜாதகர்  பரிபூர்ணமாக பெறுவார்.

10ம் பாவக வழியில் இருந்து உத்தியோகம் வியாபாரம் மற்றும் தொழில் வழியில்  இருந்து வெற்றி வாய்ப்புகள், தீர்க்கமான முடிவுகள் மற்றும் வாத திறமை, செய்யும் தொழில் வழியில் நல்ல முன்னேற்றம் மற்றும் திடீர் வளர்ச்சி, சர மண் தத்துவ தொழில், ஸ்திர காற்று தத்துவ தொழில் மூலம் அபரிவிதமான முன்னேற்றம் மற்றும் தன சேர்க்கை உண்டாகும், எதிர்பாராத நபர்கள் மூலம் தொழில் விருத்தி, கவுரவம் குறையாத யோக வாழ்க்கை என்ற வகையில் சிறப்புக்களை தரும், சுய தொழில் செய்வதற்கு உண்டான முழு தகுதியும் கொண்டவராக திகழ செய்யும், ஜாதகரின் லட்ச்சியம் மற்றும் திட்டமிடுதல்கள் யாவும் நடைமுறைக்கு வரும், மண் தத்துவம் சார்ந்த தொழில்களில் தனது அறிவு திறன் கொண்டு வாழ்க்கையில் வெற்றிகளை பெறுவார், தன்னிறைவான பொருளாதார வசதி வாய்ப்புகள் ஜாதகருக்கு பரிபூர்ணமாக அமையும்.

7ம் வீடு குடும்ப ஸ்தானமான 2ம் பாவகத்துடன் சம்பந்தம் பெறுவது வாழ்க்கை துணை வழியில் இருந்து வரும்  பொருளாதார முன்னேற்றம், இல்லற வாழ்க்கையில் சந்தோசம், வாழ்க்கை துணையின் ஆதரவும் அன்பும் பரிபூர்ணமாக கிடைத்தல், வெளிநாடு வெளியூரில் இருந்து வரும் தனவரவு, திடீர் அதிர்ஷ்டம், பொதுமக்கள் ஆதரவு, பொதுமக்கள் வழியிலான ஜீவன மேன்மை, அரசியலில் வெற்றி மற்றும் ஆதாயம் உண்டாகும், வெளிவட்டார பழக்க வழக்கங்கள் மூலம் தன ஆதாயம் என்ற வகையில் சிறப்புகளை தரும், களத்திர ஸ்தானம் கால புருஷ தத்துவ அமைப்பிற்கு காற்று மற்றும் நீர் தத்துவ  ராசியில் வியாபித்து இருப்பது ஜாதகரின் அறிவு சார்ந்த செயல்பாடுகளிலும், மனஉறுதி என்ற அமைப்பிலும் சிறப்பான வெற்றிகளை வாரி  வழங்கும்.

12ம் வீடு ஜீவன ஸ்தானமான 10ம் பாவகத்துடன் சம்பந்தம் பெறுவது ஜாதகருக்கு எதிரிகள் சூழ்ச்சி மற்றும் எதிர்ப்புகளே சாதகமாக மாறும் சூழ்நிலையை உருவாக்கும், பதவி உயர்வு தொழில் துறையில் அபரிவிதமான வளர்ச்சி, அதிர்ஷ்டம் என்ற வகையில் சிறப்புக்களை தரும், ரகசிய தொழில் வழியில் இருந்து வருமானம் உண்டாகும், நிம்மதியான உறக்கம் உண்டு, பெரிய முதலீடுகள் வழியில் எதிர்பாராத சொத்து சுக சேர்க்கை உண்டாகும், வீடு நிலம் போன்றவற்றில் முதலீடு செய்வது சகல நிலைகளில் இருந்தும் முன்னேற்றத்தை தரும்.

ஜாதகத்தில் பாதிக்கப்பட்ட பாவக தொடர்புகள் :

2,6,11ம் வீடுகள் பாதக ஸ்தானமான 11ம் பாவகத்துடன் சம்பந்தம் பெறுவது ஜாதகருக்கு மேற்கண்ட பாவக வழியில் இருந்து 200% விகித இன்னல்களை தங்கு தடையின்றி வாரி வழங்கும், 2ம் பாவக வழியில் இருந்து குடும்பம் மற்றும் வாக்கு வழியில் இருந்து ஜாதகர் அதிக அளவில் இன்னல்களை எதிர்கொள்ளும் சூழ்நிலையை தரும், குடும்பத்தில் சிறு சிறு இன்னல்களை ஜாதகரால் தவிர்க்க இயலாது, குறிப்பாக ஜாதகர் பணம் சார்ந்த விஷயங்களில் மிக கவனமுடன் இருப்பது அவசியமாகிறது ஏனெனில் தனம் சார்ந்த நடவடிக்கைகள் ஜாதகரின் வாழ்க்கையே கடுமையாக பாதித்துவிட வாய்ப்பு அதிகம், சரியான திட்டமிடுதல்களுடன் ஜாதகர் செயல்படவில்லை எனில் தன்னிடம் உள்ள செல்வங்கள் அனைத்தையும் இழக்கும் சூழ்நிலையை உருவாக்கும், குடும்பத்தில் சிரமங்கள் அதிக அளவில் ஏற்பட்ட வாய்ப்பு உண்டு , வீண் வாக்குவாதங்கள் மிகுந்த இன்னல்களுக்கு ஆளாக்கும்.

6ம் பாவக வழியில் இருந்து ஜாதகருக்கு வயிறு சார்ந்த தொந்தரவுகள் அதிக அளவில் இன்னல்களை தரும், எதிரி தொந்தரவு, கடன் பிரச்சனைகள் ஜாதகரின் முன்னேற்றத்தை வெகுவாக பாதிக்கும், வீண் மருத்துவ செலவினங்கள், திடீர் இழப்புகள் தவிர்க்க இயலாது, அதிக அளவிலான முதலீடுகள் சில நேரங்களில் தொழில் முடக்கத்தை தரக்கூடும், தெளிவான சிந்தனையுடன் செயல்படவில்லை எனில் கடுமையான பாதிப்புகளை ஜாதகர் எதிர்கொள்ளும் சூழ்நிலையை தரும்.

11ம் பாவக வழியில் இருந்து அதிர்ஷ்டம் என்பது ஜாதகருக்கு சற்று குறைவென்றே சொல்லலாம், கடின உழைப்பு மட்டும் ஜாதகருக்கு வெற்றிகளை தரும், மேலும் ஜாதகரின் தன்னம்பிக்கை வெகுவாக குறையும் எதிர்ப்புகள் அதிக அளவில் இன்னல்களை தரும், சிந்தனை திறன் வெகுவாக பாதிக்க வாய்ப்பு உண்டு, புதிய முயற்சிகள் சில நேரங்களில் ஜாதகருக்கு பலன்தாராமல் போக வாய்ப்பு உண்டு, சரியான திட்டமிடுதல்களுடன் ஜாதகர் செயல்படுவது அவசியமாகிறது. மேலும் ஜாதகரின் செயல்திறனும் பெரிய அளவில் அதிகரிப்பது சிறப்பான முன்னேற்றங்களை வாரி வழங்கும்.

5ம் வீடு விரைய ஸ்தானமான 12ம் பாவகத்துடன் சம்பந்தம் பெறுவது ஜாதகருக்கு திடீர் நஷ்டம், வீண் விரையம், ஜாமீன் கொடுப்பதால் சிக்கல்கள், குழந்தைகள் வழியில் இருந்து வரும் சிரமங்கள், மன அமைதி இன்மை, தொல்லை தரும் தொடர்புகள், எப்பொழுதும் வீண் மனக்கவலை என்ற வகையில் இன்னல்களை தரும், மேலும் ஜாதகரின் இன்னல்களுக்கு உதவி செய்ய யாரும் அற்ற சூழ்நிலையை தரும், பொது வாழ்க்கையில் சில சிரமங்களை அதிக அளவில் தர கூடும், எதிர்ப்புகள் அற்ற வாழ்க்கையை ஜாதகர் நினைத்து பார்க்க இயலாது, ஜாதகரின் சுய சிந்தனையும் சில நேரங்களில் சரியான தீர்வுகளை தர மறுக்கும், குல தெய்வத்தின் நிந்தனை ஜாதகருக்கு வரும் இன்னல்களுக்கு மிக முக்கிய காரணமாக அமையும், பொது வாழ்க்கையில் சில இன்னல்களை ஜாதகர் அனுபவித்த ஆக வேண்டிய சூழ்நிலையை உருவாக்கும்.

தற்போழுது நடைபெறும் ராகு திசை தரும் பலன்கள் : ( 10/12/2003 முதல் 10/12/2021 வரை )

ராகு திசை ஜாதகருக்கு 2ம் வீடு பாதக ஸ்தானமான 11ம் பாவகத்துடன் சம்பந்தம் பெற்று தனது திசையை நடத்துவது ஜாதகரின் வாழ்க்கையில் குடும்பம், வருமானம் மற்றும் வாக்கு வழியில் இருந்து கடுமையான நெருக்கடிகளை தரும், குறிப்பாக ஜாதகரின் பொருளாதர நிலை மிகவும் கடுமையாக பாதிக்கப்படும், எதிர்ப்புகள் மிக அதிக அளவில் வந்து சேரும், பாதக ஸ்தானம் கால புருஷ தத்துவ அமைப்பிற்கு லாபம் மற்றும் விரைய ஸ்தானத்துடன் சம்பந்தம் பெறுவது ஜாதகரின் மனநிம்மதி மற்றும் அதிர்ஷ்டத்தை கேள்விக்குறியாக மாற்றும், ராகு திசை ஜாதகருக்கு சற்று அதிக அளவிலேயே பாதக ஸ்தான வழியிலான இன்னல்களை தந்து கொண்டு இருப்பது கண்கூடான உண்மை, மேலும் குடும்ப வாழ்க்கையிலும் ஜாதகர் கடுமையான நெருக்கடிகளை சந்தித்துக்கொண்டு இருப்பார், வருமான பற்ற குறை  வீண் வாக்குவாதங்கள், சச்சரவுகள் ஜாதகரின் இன்னல்களை வெகுவாக அதிகரிக்கும், பாதக ஸ்தான பலனை ஏற்று நடத்தும் ராகு திசை ஜாதகரின் வாழ்க்கையில் தவிர்க்க இயலாத இன்னல்களை குடும்ப ஸ்தான வழியில் இருந்து தந்து கொண்டு இருக்கின்றது என்பதை ஜாதகர் கவனத்தில் கொள்வது மிக அவசியமாகிறது.

ராகு திசையில் தற்போழுது நடைபெறும் சுக்கிரன் புத்தி வலிமை பெற்ற விரைய ஸ்தான பலனை ஏற்று நடத்துவது ஜாதகருக்கு சிறப்பான நன்மைகளை தரும், குறிப்பாக முதலீடுகளில் நல்ல வருமான வாய்ப்பை நல்கும், நிம்மதி தரும் நிகழ்வுகள் தொழில் துறையில் இருந்து நடைமுறைக்கு வரும், தெய்வீக சிந்தனை மேலோங்கும்.

ராகு திசையில் எதிர்வரும் சூரியன் புத்தி ஜாதகருக்கு 4,10ம் வீடுகள் களத்திர ஸ்தானமான 7ம் பாவகத்துடன் சம்பந்தம் பெறுவது ஜாதகருக்கு மேற்கண்ட பாவக வழியில் இருந்து சுபயோகங்களை வாரி வழங்கும், புதிய சொத்துக்கள் வண்டி வாகன யோகம், வாகனம் சார்ந்த தொழில் துறையில் முன்னேற்றம், சுக போக யோக வாழ்க்கை என்ற வகையில் நன்மைகளை தரும், ஜீவன ஸ்தான வழியில் இருந்து திடீர் யோகம் ஜாதகருக்கு உண்டு நல்ல  நண்பர்கள் மூலம் தொழில் விருத்தி உண்டாகும், எதிர்பாராத அதிர்ஷ்டம் ஜாதகருக்கு வாழ்க்கை துணை, நண்பர்கள், கூட்டாளிகள் மற்றும் பொதுமக்கள் வழியில் இருந்து பரிபூர்ணமாக கிடைக்கும்.

ராகு திசையில் அடுத்து வரும் சந்திரன் புத்தி விரைய ஸ்தான பலனையும், அதற்க்கு அடுத்து வரும் செவ்வாய் புத்தி பாதக ஸ்தான பலனையும் ஏற்று நடத்துவது ஜாதகரின் வாழ்க்கையை சற்று பாதிக்க கூடும் என்பதால் மிகுந்த கவனமுடன் செயல்படுவது நல்லது.

குறிப்பு :

 மேற்கண்ட ஜாதகத்தில் 1,4,7,10ம் வீடுகள் மிகவும் வலிமை பெற்று இருப்பது சிறப்புக்களை வாரி வழங்கும் அமைப்பாகும், இது தொழில் ரீதியான வெற்றிகளை வாரி வழங்கும் இருப்பினும் தற்போழுது நடைபெறும் ராகு திசை பாதக ஸ்தான பலனை ஏற்று நடத்துவது, ஜாதகருக்கு கடுமையான இன்னல்களை தரும் என்பதால், ராகு திசையில் வலிமை பெற்ற பாவக பலனை ஏற்று நடத்தும் புத்திகளில் மட்டும் ஜாதகர் தொழில் ரீதியான நடவடிக்கையை மேற்கொண்டு நலம் பெறலாம், வலிமை அற்ற பாவக பலனை  ஏற்று நடத்தும் புத்திகளில் புதிய நடவடிக்கைகளை மேற்கொள்ளாமல் செய்துகொண்டு இருக்கும் விஷயங்களை மட்டும் கவனம் செலுத்துவது நல்லது, பாதக ஸ்தான வழியில் இருந்து வரும் இன்னல்களை தவிர்க்க உதவும்.

வாழ்க வளமுடன்
ஜோதிடன் வர்ஷன்
9443355696

ஜாதக ஆலோசணை : அதிர்ஷ்டகரமான சுபயோகங்களை நடைமுறைக்கு கொண்டுவரும் திசா புத்திகள் !

சுய ஜாதகத்தில் சுபயோகங்கள் என்பது பாவக வலிமையின் அடிப்படையில் நிர்ணயம் செய்யப்படுகிறது, வலிமை பெற்ற பாவக வழியில் இருந்து ஓர் ஜாதகர் சுபயோகங்களை அனுபவிப்பதற்க்கு நடைபெறும் எதிர்வரும் திசா புத்திகள் மூல காரணமாக அமைகிறது என்றால் அது மிகையில்லை, சுய ஜாதகத்தில் உள்ள சுபயோகங்கள் அவயோகங்கள் என்ன என்பதனையும், அவை திசா  புத்திகளில் எப்படி நடைமுறைக்கு வருகின்றது என்பதனையும் ஓர் உதாரண ஜாதகம் கொண்டு தெளிவு பெறுவோம் அன்பர்களே !

லக்கினம் : தனுசு 

ராசி : கன்னி 

நட்ஷத்திரம் : அஸ்தம் 3ம் பாதம் 

மேற்கண்ட ஜாதகர் கால புருஷ தத்துவ அமைப்பிற்கு பாக்கிய ஸ்தானம் என்று அழைக்கப்படும் தனுசு ராசியை லக்கினமாக பெற்று இருக்கின்றார், லக்கினம் என்பது ஜாதகருக்கு தனுசு ராசியில் (  254:33:18 ) பாகையில் ஆரம்பித்து மகர ராசியில் ( 284:38:46 ) பாகை வரை வியாபித்து நிற்கிறது, எனவே ஜாதகருக்கு லக்கினம் என்பது தனுசு என்ற போதிலும் மகர ராசியின் தன்மையும் ஜாதகருக்கு கலந்து நிற்கின்றது, ஜாதகர் உபய நெருப்பு தத்துவ அமைப்பிற்க்கான  குணாதிசயமும், சர மண் தத்துவத்திற்க்கு உண்டான குணாதிசயமும் பெற்று இருப்பார், ஜாதகருக்கு சுய ஜாதகத்தில் உள்ள பாவக தொடர்புகள் என்ன ? வலிமை பெற்ற பாவக தொடர்புகள் எவை ? வலிமை அற்ற  பாவக தொடர்புகள் எவை ? என்பதனை இனி காண்போம்.

வலிமை பெற்ற பாவக  தொடர்புகள் :

1,3,4ம் வீடுகள் சுக ஸ்தானமான 4ம் பாவகத்துடன் சம்பந்தம்.

2,5,11ம் வீடுகள்  லாப ஸ்தானமான 11ம் பாவகத்துடன் சம்பந்தம்.

6,9,12ம் வீடுகள் பாக்கிய ஸ்தானமான 9ம் பாவகத்துடன் சம்பந்தம்.

7,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று  இருப்பது சுய ஜாதகத்தில் வலிமை பெற்ற பாவக தொடர்புகளாகும்.

வலிமை அற்ற பாவக தொடர்புகள் :

8ம் வீடு ஆயுள் ஸ்தானமான 8ம் பாவகத்துடன் சம்பந்தம் பெறுவது சுய ஜாதகத்தில் வலிமை அற்ற பாவக தொடர்பு ஆகும்.

1,3,4ம் வீடுகள் சுக ஸ்தானமான 4ம் பாவகத்துடன் சம்பந்தம் பெறுவது ஜாதகருக்கு லக்கின பாவக வழியில் இருந்து கல்வியில் தேர்ச்சி, மண் மணை வண்டி வாகன யோகம் உண்டாகும், தாய் வழி சொத்துக்கள் கிடைத்தல், கலை துறையில் ஆர்வம், நுண்ணறிவுத்திறன், சுக போக வாழ்க்கை, சிறப்பான நல்ல குணம், தனது கற்பனை திறன் மூலம் பல சாதனைகளை செய்யும் வல்லமை, திருப்திகரமான யோக வாழ்க்கை என்ற அமைப்பில் நன்மைகளை தரும், 3ம் பாவக  வழியில் நிறைவான பொருளாதரா சேர்க்கை, சொகுசு வாகன யோகம், பின்யோக  ஜாதகம், சந்தோசம் மற்றும் மனநிறைவு பெண்கள் வழியில் ஆதரவு, போட்டி பந்தங்களில் எளிதில் வெற்றி பெரும் யோகம், போக்குவரத்துக்கு தொழில் செய்யும் யோகம், வீட்டு மிருகங்கள் மூலம் அதித லாபம், விவசாயத்தில் அதிர்ஷ்டம் மற்றும் லாபம், அரசியல் வெற்றி அரசியல்வாதிகள் மூலம் லாபம் என்றவகையில் சிறப்புகளை தரும், 4ம் பாவக வழியில் இருந்து நிறைவான சொத்து சுக சேர்க்கை சொந்த உழைப்பில் புதிய சொத்துகளை பெரும் யோகம், சுக போகங்களுக்கு குறைவில்லா வாழ்க்கை முறை, நல்ல குணாதிசயம், தெய்வீக நம்பிக்கை மூலம் அதிர்ஷ்ட வாழ்க்கையை பெரும் அமைப்பு, தனது தாய் வழியில் இருந்து வரும் சுபயோகங்கள், தீர்கமான முடிவுகள் மூலம் ஆதாயம் என்ற வகையில் நன்மைகளை தரும்.

 2,5,11ம் வீடுகள்  லாப ஸ்தானமான 11ம் பாவகத்துடன் சம்பந்தம் பெரும் அமைப்பே  ஜாதகத்தில் மிகவும் வலிமை பெற்ற பாவக தொடர்புகளாக கருதலாம், 2ம் பாவக வழியில் இருந்து ஜாதகர் மிகுந்த அதிர்ஷ்டசாலி, தனது பேச்சு திறன் மூலம் அதிர்ஷ்டங்களை தொடர்ந்து பெரும் யோகத்தை தரும், நண்பர்கள் வழியில் இருந்து சிறப்புகளை வாரி வழங்கும், தன ஆதாயம் பரிபூர்ணமாக ஜாதகருக்கு கிடைக்கும், இயக்க நிலையில் உள்ள மண் தத்துவம் சார்ந்த தொழில்கள் வழியில் இருந்து ஜாதகருக்கு அபரிவிதமான வருமான வாய்ப்புகள் உண்டாகும், 5ம் பாவக வழியில் இருந்து ஜாதகர் கற்ற கல்வி வழியில் இருந்து முன்னேற்றங்கள் உண்டாகும், தனது புத்டிசாலிதனத்தல் யோக வாழ்க்கை உண்டாகும், எப்பொழுதும் மகிழ்சிகரமான யோக வாழ்க்கை உண்டு, குழந்தை மற்றும் குடும்பத்தாருடன் சந்தோசம் உண்டாகும், இறை அருளின் கருணை மூலம் ஜாதகரின் வெற்றிகரமான யோக வாழ்க்கை உறுதி செய்யப்படும். 11ம் பாவக வழியில் இருந்து அதிர்ஷ்டத்தின் தாக்கம் ஜாதகருக்கு சற்று அதிகமாகவே அமையும், தன்னம்பிக்கை மற்றும் முற்போக்கு சிந்தனையுடன் அனைத்தையும் அணுகும் வல்லமையை தரும், எதிர்ப்புகள் இருப்பின் அனைத்தும் ஜாதகருக்கு சாதகமான சூழ்நிலையை உருவாக்கும், நம்பிக்கையுடன் ஜாதகர் செய்யும் விஷயங்கள் யாவும் வெற்றி மேல் வெற்றி தரும், ஜாதகரின் எண்ணம் என்னவோ ? அதுவே ஜாதகரின் வாழ்க்கையாக மலரும்.

6,9,12ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெறுவது ஜாதகருக்கு 6ம் பாவக வழியில் இருந்து பயணம் மூலம் அதிர்ஷ்டம் மற்றும் லாபம் உண்டாகும், எதிரிகள் செய்யும் சூழ்சிகள் வழியில் இருந்து ஜாதகருக்கு நன்மை நடைபெறும், உடல் நலம் மற்றும் நோய் எதிர்ப்பு சக்தி அதிகரிக்கும் உயர்கல்வி பட்டய கல்வி அல்லது கௌரவ பட்டம் பெரும் யோகம் உண்டாகும், 9ம் பாவக வழியில் இருந்து அறிவார்ந்த செயல்பாடுகளில் ஆர்வம், பயணங்களில் விருப்பம், ஆராய்ச்சி மனப்பான்மை, தெய்வீக அனுகிரகம், செய்யும் செயல்களில் நல்ல முன்னேற்றம், தெளிவான சிந்தனை மூலம் வாழ்க்கையில் நன்மைகளை பெரும் அமைப்பு, பெரிய மனிதர்கள் ஆதரவு, சமூக அந்தஸ்து, ஆன்மீக வெற்றி என்ற வகையில் சிறப்புகளை தரும், 12ம் பாவக வழியில் இருந்து வெளிநாடுகளில் யோக வாழ்க்கை, வெளிநாடுகளில் இருந்து வரும் செல்வ வளம், பயணம் மூலம் அதிக லாபம், உல்லாச வாழ்க்கை, தொழில் மற்றும் இருப்பிட மாற்றம் மூலம் சகல சௌபாக்கியங்களையும் அனுபவிக்கும் தன்மை, போதும் என்ற மனம், இறைஅருளின் கருணையை பரிபூர்ணமாக பெரும் அமைப்பு, தெய்வீக அனுபவம், நல்ல ஞானம் மற்றும் ஆன்மீக பெரியோரின் கருணையை பெரும் அமைப்பு என்ற வகையில் சிறப்புகளை தரும்.

7,10ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெறுவது ஜாதகருக்கு 7ம் பாவக வழியில் இருந்து தாமத திருமணம் மூலம் யோக வாழ்க்கை, நல்ல அந்தஸ்து மற்றும் வசதி மிக்க வாழ்க்கை துணையை பெறுதல், வாழ்க்கை துணை வழியிலான முன்னேற்றம், திருமணத்திற்கு பிறகான அபரிதவித வளர்ச்சி, அரசியல் செல்வாக்கு, வியாபர விருத்தி, சமூக அந்தஸ்து மூலம் உயர் பதவிகள் என நன்மைகளை தரும், நண்பர்கள் கூட்டாளிகள் மற்றும் வெளிவட்டார பழக்க வழக்கங்கள் என ஜாதகரை அபரிவிதமான வளர்ச்சி பாதையில் அழைத்து செல்லும்.

10ம் பாவக வழியில் இருந்து உத்தியோகம் மற்றும் வியாபாரம் சார்ந்த வெற்றி வாய்ப்புகள் தேடிவரும், கௌரவம் குறையாத யோக வாழ்கையை தரும், செய்யும் தொழில் முழு வெற்றியை தரும், கம்பீர யோக வாழ்க்கை, தீர்க்கமான முடிவுகள் மூலம் அதிர்ஷ்டம் என்ற வகையில் சுபயோகங்களை வாரி வழங்கும், தெய்வீக அனுபவம் மூலம் முன்னேற்றம் உண்டாகும், பல தொழில் செய்யும் யோகம் உண்டு, ஜாதகரின் திட்டமிடுதல்கள் யாவும் தன்னிறைவான பொருளாதார வசதி வாய்ப்புகளை வாரி வழங்கும்.

8ம் வீடு ஆயுள் ஸ்தானமான 8ம் பாவகத்துடன் சம்பந்தம் பெறுவது ஜாதகருக்கு எதிர்பாராத இழப்புகளை தரும், எதிர்பாலின சேர்க்கை மூலமா தொல்லைகள் அதிகரிக்கும், மனம் ஒருநிலை படுவது வெகு சிரமம், வாழ்க்கையில் ஏமாற்றம் மற்றும் மற்றவர்கள் மூலம் அதிக இன்னல்களை சந்திக்கும் சூழ்நிலையை தரும், திருப்தி அற்ற வாழ்க்கையை தரும், இருப்பினும் நீண்ட ஆயுள் உண்டாகும், வாழ்க்கை துணை வழியில் இருந்து சில நேரங்களில் பொருளாதார முடக்கங்கள் ஏற்ப்பட வாய்ப்பு உண்டு, விபத்து, துயரம், வியாதிகள் மூலம் இன்னல்களை தரும்.

மேற்கண்ட வகையில் ஜாதகருக்கு சுய ஜாதக பலாபலன்கள் சிறப்புகளை பொது பலனாக தருகின்ற போதிலும், ஜாதகருக்கு கடந்த ராகு திசை தந்த பலாபலன்கள் என்ன ? தற்பொழுது நடைமுறையில் உள்ள குரு திசை தரும் பலாபலன்கள் என்ன ? எதிர்வரும் சனி திசை தரும் பலாபலன்கள் என்ன ? என்பதனை கண்டுணர்ந்து விழிப்புணர்வுடன் செயல்படுவதே ஜாதகருக்கு சிறப்பான நன்மைகளை தரும், ஓர் ஜாதகத்தில் வலிமை பெற்ற பாவக தொடர்புகள் ( சுபயோகங்கள் ) இருந்தாலும் நடைமுறையில் உள்ள திசா புத்திகள், எதிர்வரும் திசா புத்திகள் வலிமை பெற்ற பாவக பலன்களை ஏற்று நடத்தினால் மட்டுமே சுய ஜாதகத்தில் உள்ள யோகங்கள் ஜாதகருக்கு நன்மைகளையும், யோகங்களையும் தரும் என்பதை கருத்தில் கொள்வது நலம் தரும்.

ஜாதகருக்கு கடந்த ராகு திசை தந்த பலாபலன்கள் ( 12/07/1992 முதல் 12/07/2010 வரை ) 

ராகு திசை ஜாதகருக்கு 18 வருட காலம் தனது திசையில் ஜாதகருக்கு 8ம் வீடு ஆயுள் ஸ்தானமான 8ம் பாவகத்துடன் சம்பந்தம் பெற்று அவயோக பலன்களை ஆயுள் பாவக வழியில் இருந்து வாரி வழங்கி இருக்கிறது, ராகு திசை ஜாதகருக்கு பால்ய பருவம் என்பதனால் ஜாதகரின் கல்வி பாதிப்பு, வளரும் சூழ்நிலை சரியில்லா நிலை, உடல் ஆரோக்கிய பாதிப்புகள், திடீர் மருத்துவ செலவு, விபத்து, பொருளாதார செலவினங்கள் என்ற வகையில் சிரமங்களை தந்து இருக்கின்றது, மேலும் ஜாதகரின் ஆயுள் ஸ்தானம் கால புருஷ தத்துவ அமைப்பிற்கு சுக ஸ்தானமாக ( கடகம் ) அமைவது ஜாதகரின் மன நிலையை கடுமையாக பாதித்து செயல்முடக்கத்தை தந்து இருக்கின்றது, சர தத்துவ அமைப்பில் இருந்து தர வேண்டிய இன்னல்களை 100 % விகிதம் விரைவாக வாரி வழங்கி இருக்கின்றது, ஜாதகரின் மனதின் ஆசைகள் யாவும் நிறைவேறாமல் வீண் மன ஏக்கத்தை மட்டுமே அனுபவிக்கும் நிலைக்கு ஆளாக்கி இருக்கின்றது, ஜாதகருக்கு அடிப்படையில் கிடைக்க வேண்டிய கல்வி,நல்ல தொழில் ,திருமண ஆகியவை கிடைக்கவில்லை, மேலும்  பொருளாதர முன்னேற்றமும் தடை பெற்றது, சுய ஜாதகத்தில் ஆயுள் பாவகத்தை தவிர மற்ற பாவக வழியில் இருந்து ஜாதகருக்கு சுப யோகங்கள் இருப்பினும் அதை ராகு திசையில் ஜாதகர் பெற இயலாத சூழ்நிலையை தந்து இருப்பது கவனிக்கத்தக்க விஷயமாகும்.

ஜாதகருக்கு தற்பொழுது நடைபெறும் குரு திசை தரும் பலாபலன்கள் ( 12/07/2010 முதல் 12/07/2026 வரை ) 

தற்போழுது நடைபெறும் குரு திசை ஜாதகருக்கு 2,5,11ம் வீடுகள்  லாப ஸ்தானமான 11ம் பாவகத்துடன் சம்பந்தம் பெற்று சுபயோக பலாபலன்களை வாரி வழங்கிக்கொண்டு  இருப்பது வரவேற்கத்தக்க சிறப்பு அம்சமாகும், ஏனெனில் சுய ஜாதகத்தில் மிகவும் வலிமை பெற்ற பாவக தொடர்பு இதுவே ஆகும் எனவே ஜாதகர் குரு திசையில் சிறப்பு மிக்க சுபயோகங்களை 2ம் பாவக வழியில் இருந்து வருமானம், பேச்சு திறன், குடும்பத்தில் மகிழ்ச்சி, பொருளாதார தன்னிறைவு, நிறைவான வசதி வாய்ப்புகள் என ஜாதகரின் வாழ்க்கை எதிர்பாராத அதிர்ஷ்டங்களை வாரி வழங்கும், ஜாதகரின் 2ம் வீடு கால புருஷ தத்துவ அமைப்பிற்கு ஜீவன ஸ்தானமாக அமைவது ஜாதகரின் வருமானத்தை ஜீவன வழியில் இருந்து தரும், 5ம் பாவக வழியில் இருந்து ஜாதகரின் குல தெய்வ அனுக்கிரகம் மூலம் சகல சௌபாக்கியத்தையும் தரும், தனது அதிபுத்திசாலித்தனம் மூலம் அதிர்ஷ்டங்களை தங்கு தடையின்றி பெறுவார் நல்ல நண்பர்கள் சேர்க்கை உண்டாகும், கலைத்துறையில் பிரபல்யம் உண்டாகும், கலைகளில் தேர்ச்சியும் முன்னேற்றமும் உண்டு, திருமணம் மூலம் அதிர்ஷ்டம் மற்றும் நல்ல குழந்தை பேரு உண்டாகும். 11ம் பாவக வழியில் இருந்து ஜாதகரின் அதிர்ஷ்டம்  சகல நிலைகளில் இருந்து முன்னேற்றத்தை வாரி வழங்கும், குறிப்பாக  ஜாதகரின் லட்சியங்கள் நடைமுறைக்கு வரும், எதிர்ப்புகளை களைந்து  வெற்றி நடை போடும் யோக காலமாக இதை கருதலாம், அதிர்ஷ்டத்தின் மூலம் ஜாதகரின் பொருளாதார முன்னேற்றம் சிறப்பாக அமையும், உடல் நலம் தேறும், மனதைரியம் அதிகரிக்கும், குரு திசை ஜாதகருக்கு சுய ஜாதகத்திலேயே மிகவும் வலிமை பெற்ற பாவக பலனை ஏற்று நடத்துவது ஜாதகருக்கு கிடைத்திருக்கும் வரப்பிரசாதம் எனலாம், ஜாதகருக்கு இது சுப யோகங்களை 11ம் பாவக வழியில் இருந்து தரும்.

அடுத்துவரும் சனி திசை தரும் பலாபலன்கள் ( 12/07/2026 முதல் 12/07/2045 வரை)

ஜாதகருக்கு எதிர்வரும் சனி திசை 10ம் வீடு ஜீவன ஸ்தானமான 10ம் பாவகத்துடன் சம்பந்தம் பெற்று சுபயோக பலனை தருவது சனி திசை முழுவதுமான ஜீவன முன்னேற்றத்தை தரும் அமைப்பாகும், ஜாதகரின் கவுரவம் அதிகரிக்கும், செய்யும் தொழில் வழியில் இருந்து அபரிவிதமான முன்னேற்றம் உண்டாகும், ஜாதகருக்கு பல தொழில் செய்யும் யோகத்தை இது தருகிறது, கடின உழைப்பின் மூலம் ராஜயோக வாழ்க்கையை ஜாதகருக்கு சனி திசை 10ம் பாவக வழியில் இருந்து வாரி வழங்கும், எனவே எதிர்வரும் சனி திசையும் ஜாதகருக்கு மிகவும் சாதகமான பலாபலன்களையே தருவது வரவேற்கத்தக்க சிறப்பு அம்சமாகும்.

மேற்கண்ட ஜாதகருக்கு பெரும்பாலான ( 11 பாவகங்கள் ) பாவகங்கள் வலிமையுடன் இருந்தாலும் கடந்த ராகு திசை ஆயுள் பாவக பலனை ஏற்று நடத்தியதால் ஜாதகருக்கு கடந்த ராகு திசை இன்னல்களையும் சிரமங்களையும் வாரி வழங்கியது, ஆனால் தற்போழுது நடைபெறும் குரு திசையும் எதிர்வரும் சனி திசையும் வலிமை பெற்ற லாபம் மற்றும் ஜீவன ஸ்தான பலனை  ஏற்று நடத்துவதால் ஜாதகரின் வாழ்க்கை மிகவும் சிறப்பான நன்மைகளை தர ஆரம்பித்து இருப்பது ஜாதகரின் சுபயோகங்கள் நடைமுறைக்கு வர இருப்பதை கட்டியம் கூறுகிறது என்பதை மறுக்க இயலாத உண்மையாகும்.

குறிப்பு :

சுய ஜாதகத்தில் யோகங்கள் இருப்பது  மட்டுமே ஜாதகருக்கு நன்மையை தாராது, சுபயோகங்கள் பெற்ற பாவக பலனை நடைமுறையில் திசா புத்திகள் ஏற்று நடத்தினால் மட்டுமே அதனால் வரும் சுபயோகங்களை ஜாதகர் சுவீகரிக்க இயலும் என்ற விஷயத்தை கருத்தில் கொள்வது நலம் தரும்.

வாழ்க வளமுடன் 

ஜோதிடன் வர்ஷன் 

9443355696

ராகு திசை தரும் பலன்களும், பாதக ஸ்தானத்துடன் தொடர்பு பெரும் லக்கினமும் !

 

 சுய ஜாதகத்தில் லக்கினம் பாதக ஸ்தானத்துடன் சம்பந்தம் பெறுவது என்பது சம்பந்தப்பட்ட ஜாதகருக்கு சிறப்புகளை தரும் விஷயம் அல்ல, உடல் உயிராகிய லக்கினம் பாதக ஸ்தானத்துடன் சம்பந்தம் பெறுவதால் ஜாதகரின் உடல் நலம் மற்றும் மனநலம் இரண்டும் கடுமையாக பாதிக்கப்படும், பாதக ஸ்தானத்துடன் சம்பந்தம் பெற்ற லக்கினத்தின் பலனை நடைபெறும் எதிர்வரும் திசா புத்திகள் ஏற்று நடத்தினால் ஜாதகரின் கதி அதோ கதிதான், கீழ்கண்ட ஜாதகத்தை சிந்தனைக்கு எடுத்துக்கொள்வோம் அன்பர்களே, ஜாதகருக்கு தற்போழுது ராகு திசை நடைமுறையில் உள்ளது, நடைபெறும் ராகு திசை ஜாதகருக்கு தரும் பலாபலன்கள் என்ன ? என்பதனை பற்றியும் தெளிவு பெறுவோம்.

லக்கினம் : விருச்சிகம் 

ராசி : மகரம் 

நட்ஷத்திரம் : திருவோணம் 3ம் பாதம் 

கால புருஷ தத்துவ அமைப்பிற்கு ஆயுள் பாவகமும், ஸ்திர நீர் ராசியான விருச்சிகத்தை லக்கினமாக பெற்ற மேற்கண்ட ஜாதகருக்கு பாதக ஸ்தானம் என்பது 9ம் வீடு ஆகும், 9ம் வீடு கால புருஷ தத்துவ அமைப்பிற்கு சுக ஸ்தானமான கடக ராசியில் அமைவது கவனிக்கத்தக்கது, ஜாதகருக்கு லக்கினம் மற்றும் 9ம் வீடுகள் பாதக ஸ்தானமான 9ம் பாவகத்துடன் சம்பந்தம் பெறுகிறது எனவே ஜாதகருக்கு அடிப்படையே கடுமையான பாதிப்பை பெறுகின்றது, ஜாதகருக்கு வளரும் சூழ்நிலை சிறப்பில்லை , உடல் நலம் மற்றும்  மன நலம் சார்ந்த இன்னல்களை கடுமையாக அனுபவித்துக்கொண்டு இருக்கின்றார், தனது பெற்றோரின் அரவணைப்பில் வளர இயலாமல் தனது தாயின் பெற்றோரின் ஆதரவில் ஜீவிக்கும் தன்மையை சிறு வயதுமுதலே தந்து  இருக்கின்றது, ஜெனன காலம் முதல் நான்கு வயது வரை நடைபெற்ற சந்திரன் திசை ஜாதகருக்கு சுபயோகங்களை வழங்கிய போதிலும், அடுத்து நடைபெற்ற செவ்வாய் திசை விரைய ஸ்தான பலனை ஏற்று நடத்தி ஜாதகருக்கும் ஜாதகரை சார்ந்தவர்களுக்கும் கடுமையான இன்னல்களை தந்து மீள இயலாத சிரமங்களை உருவாக்கியது, ஜாதகரின் விரைய ஸ்தானம் கால புருஷ தத்துவ அமைப்பிற்கு  7ம் வீடாக அமைவது ஜாதகருக்கு மற்றவர்கள் வழியில் இருந்து கடுமையான இன்னல்களையே தொடர்ந்து தந்து கொண்டு இருப்பது விதியின் விளையாட்டு என்பதை தவிர வேறு என்ன சொல்வது.

தற்போழுது நடைபெறும் ராகு திசை ( 24/10/2010 முதல் 24/10/2028 வரை ) ஜாதகருக்கு 4,6,10,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று முழு வீச்சில் விறைய ஸ்தான பலனை தருவது ஜாதகருக்கு மேற்கண்ட பாவக வழியில் இருந்து கடுமையான நெருக்கடிகளை தந்து கொண்டு இருக்கின்றது, குறிப்பாக 4,10ம் பாவக வழியில் இருந்து பெற்றோர் ஆதரவு இன்மையையும், 6ம் பாவக வழியில் இருந்து உடல் நலம் சார்ந்த தொந்தரவுகளையும், 12ம் பாவக வழியில் இருந்து அனைவராலும் தொல்லை, மற்றும் அதிக மன உளைச்சல், மன போராட்டம், மன நலம் சார்ந்த பாதிப்பு மற்றும்  திடீர் இழப்புகள் என இந்த சிறு வயதிலேயே கடுமையான நெருக்கடிகளை ஜாதகர் சந்தித்துக்கொண்டு இருக்கின்றார், இதனால் வரும் இன்னல்களை  எதிர்கொள்ள ஜாதகருக்கு சுய ஜாதகத்தில் லக்கினமும் வலிமை பெறவில்லை, பாக்கியமும் கைகொடுக்கவில்லை 4,6,10,12ம் வீடுகள் வழியில் விரைய ஸ்தான பலனை ஜாதகர் அனுபவித்தே ஆகவேண்டிய கட்டாயத்தில் இருப்பது சுய ஜாதக வலிமை இன்மையை தெளிவுபடுத்துகிறது .

ஜாதகத்தில் சில பாவகங்கள் வலிமையுடன் இருந்த போதிலும் அதனால் வரும் யோக பலாபலன்களை ஜாதகர் அனுபவிக்க யாதொரு முகாந்திரமும் இருப்பதாக தெரியவில்லை, ஏனெனில் அடுத்து வரும் குரு மகா திசையும் ஜாதகருக்கு 12ம் வீடு விரைய ஸ்தானமான 12ம் பாவகத்துடன் சம்பந்தம் பெற்று விரைய ஸ்தான பலனையே ஏற்று நடத்துவதால், ஜாதகரின் வாழ்க்கை மிக பெரிய சவால்களை எதிர்கொள்ளும் தன்மையில் இருப்பதை கட்டியம் கூறுகிறது, குறிப்பாக சுய ஜாதகத்தில் லக்கினம் பாதிக்கப்படுவது ஜாதகரின் செயல்பாடுகள் மற்றும் செயல்திறனை கடுமையாக பாதிக்கும், தனக்கு வரும் இன்னல்களை எப்படி எதிர்கொள்வது என்ற ஓர் விஷயத்தை அறிந்துகொள்வே ஜாதகர் கடும் பிராயத்தனம் செய்யவேண்டி வரும், அறிவார்ந்த செயல்பாடுகள் முடங்குவதாலும், இறையருளின் கருணை ஜாதகருக்கு தக்க சமயத்தில் பலன்தாராமல் தடைகளை தருவதாலும், ஜாதகரின் முன்னேற்றம் என்பது குதிரை கொம்பாகவே இருக்கின்றது.

மேற்கண்ட ஜாதகருக்கு உள்ள ஒரே வாய்ப்பு ஜாதகருக்கு அமையவிருக்கும் வாழ்க்கை துணை, அதை சரியாக தேர்வு செய்துவிட்டால் ஜாதகரின் இன்னல்களுக்கு நல்லொதொரு தீர்வுகளை தர ஆரம்பித்து விடும், மாறாக தனது விருப்பம் போல் அவயோக ஜாதகத்தை ஜாதகர் தேர்வு செய்வாராயின் வாழ்க்கையில் நிம்மதி என்பதே இல்லை என்ற நிலையை தரும், சுய ஜாதகத்தில் 2,5,8,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெற்றும் 3,7ம் வீடுகள் களத்திர ஸ்தானமான 7ம் பாவகத்துடன் சம்பந்தம் பெற்று சம்பந்தப்பட்ட பாவக வழியில் இருந்து சுபயோகங்களை தந்த போதிலும், தற்போழுது நடைபெறும் திசை வலிமை பெற்ற பாவக பலனை ஏற்று நடத்தாதது, சுய ஜாதகத்தில் யோகம் இருந்தும் பலன் அற்ற நிலையை தரும், ஜாதகருக்கு இறை நிலையும் குல தேவதையின் ஆசியும் நன்மைகளை வாரி  வழங்கட்டும்.

வாழ்க வளமுடன் 

ஜோதிடன் வர்ஷன் 

9443355696

சுய ஜாதக வலிமை நிலையும், ஜாதகரின் மனபயமும் !

 

 

 "ஜோதிடம்" என்பது நமது வாழ்க்கையில் முன்னேற்றங்களையும், விழிப்புணர்வுடன் கூடிய தெளிந்த நல்லறிவையும் தரவேண்டும், மாறாக மூடநம்பிக்கைகளையும், நம்பிக்கையை குலைக்கும் விதமான பயமுறுத்தல்களையும் கொண்டதாக இருக்க கூடாது, பொதுவாக ஓர் ஜாதகர் சமுதாயத்தில் சுய வாழ்க்கையில் தன்னிறைவான முன்னேற்றங்களை பெற்று சுபயோக வாழ்க்கையை பெறுவதற்கு மூன்று அன்பர்களின் வழிகாட்டுதல்கள் மிக முக்கியமாக தேவை, அந்த மூன்று நபர்களின்  சரியான வழிகாட்டுதல்கள் கிடைக்குமாயின் சம்பந்தப்பட்ட ஜாதகர் தனது வாழ்க்கையில் சிறப்பு மிக்க யோக வாழ்க்கையினை பெறுவதற்கு தடையேதும் இருக்காது, முதலில் நல்ல மருத்துவர் ஆலோசனையை பெறுவது ஜாதகரின் உடல் நிலையில் சிறப்பான ஆரோக்கியத்தை தரும், நல்ல வழக்கறிஞர் ஆலோசனையை பெறுவது ஜாதகரின் வாழ்க்கையில் சிறப்பான வாழ்க்கை பாதையினை அமைத்து தரும், நல்ல ஜோதிடரின் ஆலோசனையை பெறுவது ஜாதகரின் வாழ்க்கையில் சகல நிலைகளில் இருந்தும் முன்னேற்றங்களையும், சுபயோகங்களையும் வாரி வழங்கும்.

 ஒரு ஜாதகத்தில் இல்லாத விஷயத்தை நவகிரகங்கள் தருவதாக மிகைபடுத்தி கூறுவது உண்மைக்கு புறம்பானது, பொதுவாக சுய ஜாதகத்தில் லக்கினம் வலிமை பெறுவது சம்பந்தப்பட்ட ஜாதகரை மிக சிறப்பாக செயல்பட வைக்கும், மேலும் பூரண ஆயுளை தரும், தான் தொடர்பு பெரும் பாவக வழியில் இருந்து ஜாதகரை ஏதாவது ஓர் வழியில் ஜீவிக்க வைக்கும், இதை போன்றே லக்கினம் முதல் பனிரெண்டு பாவகங்களும் தான் தொடர்பு பெரும் பாவக வழியில் இருந்து ஜாதகரை தனது வலிமைக்கு ஏற்றார் போல் இயக்கும், கிழ்கண்ட ஜாதகரின் கேள்விக்கு சுய ஜாதகத்தில் உள்ள பாவக வலிமைக்கு உற்பட்ட உண்மையான பலாபலன்களை சிந்தனைக்கு எடுத்துகொள்வோம் அன்பர்களே, ஜாதகர் இதற்க்கு முன் ஜாதக ஆலோசனை பெற்ற இடத்தில் கூறப்பட்ட கருத்துக்களை முதலில் பார்ப்போம்.

( 1. ஜாதகருக்கு . .கேது கொடி பிடிக்க **கால ஸர்ப்ப தோஷம் ** இது கடைசி வரை தொடர்வது .!! ) 

ஜோதிடதீபத்தின் கருத்து :

கால சர்ப்ப தோஷத்திற்கு இலக்கணம் ராகுகேது க்குள் அணைத்தது கிரகங்களும் அடக்கம் பெறுவது, மேற்கண்ட ஜாதகத்தில் ராகு 260:43:58 பாகையில் அமர்ந்திருக்கிறது, அதற்க்கு முன் சந்திரன் 251:56:46 பாக்கையிலும், செவ்வாய் 257:15:38 பாக்கையிலும் அமர்ந்து இருக்கின்றனர் எனவே கால சர்ப்ப தோஷம் என்பது இல்லை என்பதால் ராகு கேது கொடி பிடித்தால் நமக்கு என்ன?  குத்தூசி பிடித்தால் நமக்கு என்ன ? மேலும் இதற்கும் சுய ஜாதக வலிமைக்கும் சம்பந்தம் இல்லை.

( 2.லக்கினாதிபதி புதன் நீசமாகி தன வீட்டை பார்க்கிறான் ..அதனால் ஓரளவு உயிர் வாழ்வு .10% )

ஜோதிடதீபத்தின் கருத்து :

லக்கினாதிபதி நீசம் பெறுவது கால புருஷ தத்துவ அமைப்பிற்க்கான நிலை இதை சுய ஜாதகத்துடன் தொடர்பு படுத்துவது அபத்தமான செயல், மேலும் சுய ஜாதகத்தில் ஜாதகரின் லக்கின அதிபதி குரு பகவான் ஆவர் இதை நன்கு ஜோதிட கணிதம் அறிந்தவர்கள் மிக எளிதாக தெரிந்துகொள்ள இயலும். லக்கினம் எனும் முதல் வீடு ஜாதகருக்கு பூர்வ புண்ணிய ஸ்தானமான 5ம் பாவகத்துடன் சம்பந்தம் பெறுவது ஜாதகரின் லக்கினம் 100% விகிதம் வலிமை பெறுவதை கட்டியம் கூறுகிறது, எனவே ஜாதகர் பூர்ண ஆயுளுடன் ஜீவித்து நிற்பார் என்பதை தெளிவு படுத்துகிறது.

( 3. கல்வி 5ம் வீட்டில் குரு [நீசமானாலும் ஒரு 40 சதவீதம் வேலை செய்வார் குரு மட்டும் ]இருப்பதால் கொஞ்சம் நுண்ணறிவுடன் செயல்பட்டு பூர்வ புண்ணியமும் சேர்ந்து தகவல் தொழில் நுட்பம் பயின்றார் .... வெளி நாட்டில் வேலை .உபய ராசி என்பதால் ...அம்சத்தில் 10 ல் ராஹு வெளி நாடு கடத்தியது ..!! ) 

ஜோதிடதீபத்தின் கருத்து :

ஜாதகரின் லக்கினம் மற்றும் 5ம் வீடு பூர்வ புண்ணிய ஸ்தானம் எனும் 5ம் பாவகத்துடன் சம்பந்தம் பெறுவதாலும் 5ம் பாவகம் கால புருஷ தத்துவ அமைப்பிற்கு ஜீவன ஸ்தானமான மகர ராசியில் வியாபித்து நிற்பது, ஜாதகருக்கு சிறப்பு மிக்க ஜீவன முன்னேற்றத்தை தனது சுய அறிவு மற்றும் புத்திசாலித்தனம் கொண்டு வாழ்க்கையில் பெற வேண்டிய சுபயோகங்களை பரிபூர்ணமாக பெறு வைக்கிறது, என்பதே உண்மை நிலை. 5ம் வீடு சர ராசி என்பதனால் அயல் தேசம் சென்று ஜீவனம் செய்யும் யோகத்தை தருகிறது.

( 4.. கர்மகாரகனான சனி தனது 10 ம் பார்வையாக தன வீடு கும்பத்தை பார்ப்பது .அது லக்கினத்திற்கு 6ம் வீடு ருணம் .???அது ஒரு கஷ்டம் ...)

ஜோதிடதீபத்தின் கருத்து :

சனி பகவான் தனது வர்க்க கிரகமான சுக்கிரனின் வீட்டில் ( ரிஷபத்தில் ) அமர்ந்து தனது வீட்டை தானே பார்ப்பது ( கேந்திர பலம் பெற்று ) மேலும் வலு சேர்க்கும் அமைப்பாகும், மேலும் 6ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம் பெறுவது, ஜாதகருக்கு வரும் உடல் நிலை பாதிப்புகளை ஜாதகரின் குலதெய்வ ஆசியின் மூலம் தனது சமயோசித புத்திசாலித்தனம் கொண்டு வெற்றிகாண்பார், சனி பார்வையினால் யாதொரு கஷ்டமும் ஜாதகருக்கு இல்லை, இதை சொன்னவருக்கு வேண்டுமாயின் ஏதாவது ஓர் கஷ்டம் சனியின் மூலம் வரலாம்.

( 5.. 6ம் வீட்டில் சூரியன் தலை பாகத்திற்கு அதிபதி ஆதாலால் ***மூளையில் கட்டி** ஏற்பட்டு ஜாதகர் **.மூளை புற்று ** நோயால் அவதி படுகிறார்...கீமோ தெரபி தொடர்ர்ந்தால்???? ..மொத்த உடலும் ஊனம் ஏற்பாடும் .மருத்துவ நிபுணர்கள் கருத்து படுத்தய படுக்கை ..)

ஜோதிடதீபத்தின் கருத்து :

சத்ரு ஸ்தானத்தில் நிற்கும் சூரியன் ஜாதகருக்கு ஸ்திர காற்று தத்துவ ராசி மூலம் நிறைவான அறிவு மற்றும் தன்னம்பிக்கையை வழங்கி தனது வாழ்க்கையில் எதிர்த்து போராடி வெற்றி பெரும் தன்மையை தருகின்றார், ஜாதகருக்கு வரும் நோய், எதிர்ப்பு, கடன் போன்ற இன்னல்களில் இருந்து மீட்டு எடுக்கும் வல்லமையை தருகின்றார், எனவே ஜாதகரின் நம்பிக்கை மற்றும் முயற்சி வீண் போக வாய்ப்பில்லை, 6ல் சூரியன் மருத்துவ சிகிச்சையின் மூலம் விரைவாக குணம் பெறுதலை குறிக்கும்.

( 6.,அஷ்ட வர்க்க பரல் ..ஜாதகருக்கு 8 மிடம் 16//28 பரல்களே .இது மிக குறைவானது  ஆயுள் ..???? ) 

ஜோதிடதீபத்தின் கருத்து :

இயற்கை நியதிகளை நிர்ணயம் செய்ய இறை நிலையால் மட்டுமே முடியும் எனும் பொழுது, ஒருவரின் ஆயுளை நிர்ணயம் செய்ய மருத்துவராலும் முடியாது, ஜோதிடராலும் முடியாது, மேலும் பரல்கள் ஒருவரின் ஆயுளை நிர்ணயம் செய்கின்றது என்பது கேலிக்கூத்து.

( 7.,உபய ராசி உபய லக்கினம் ஆதலால் வெளி நாட்டில் வேலை ...)

ஜோதிடதீபத்தின் கருத்து :

உபய ராசி உபய லக்கினத்தில் உள்ளார்கள் அனைவரும் இனி வெளிநாடு ஜீவனத்தை தேடுவதே உகந்தது, உள்நாட்டில் வேலையில்லை, சுய ஜாதகத்தில் ஜாதகருக்கு 1,5ம் வீடுகள் வலிமை பெற்று இருப்பது சிறப்பான தகுதி மற்றும் திறமைகளை வழங்கியிருக்கிறது, ஜாதகரின்  சுய உழைப்பின் மூலம் வெளிநாட்டில் பணியாற்றும் யோகத்தை பெற்று இருக்கின்றார்.

( 8..திருமணம் நடந்தது கொஞ்சம் உறவு பெண் மிக அருமையான பெண்மணி ..1 ஆண் 1 பெண் குழைந்தை ...குழைந்தைகளுக்கு தந்தையின் நிலைமை தெரியும் குறுகிய ஆயுள் என!! )

ஜோதிடதீபத்தின் கருத்து :

சுய ஜாதகத்தில் 5ம் பாவகம் மிகவும் வலிமை பெற்று இருப்பது ஜாதகருக்கு நல்ல புத்திர பாக்கியத்தை தந்து இருக்கின்றது, மேலும் வாழ்க்கையில் அவர்கள் வழியிலான சுபயோகங்களை பெறுவதற்கு வழிகாட்டுதல்களையும் தொடர்ந்து வாங்கிக்கொண்டு இருக்கின்றது.

( 9.,...8 மிடத்திற்கு 12 மிடமான மீனம் .அதிபதி குரு 5ம் வீட்டில் நீசமாகி போனான் உத்தேசமாக அடுத்துவரக்கூடிய ராஹு திசையின் குரு புக்தி இவருக்கு கடுமையான கண்டம் ..!!!!! தனுசு ராசிக்கு 12ல்விருச்சிகத்தில் குரு வரும்நேரம் கண்டம் 2018..ஜூலை .)

ஜோதிடதீபத்தின் கருத்து :

ஜாதகருக்கு ராகு திசை மற்றும் குரு புத்தி ஏற்று நடத்தும் பாவக பலன் பற்றி ஏதும் அறியாத நிலையில் கூறப்படும் கருத்து இது என்றே சொல்ல தோன்றுகிறது, ஜாதகருக்கு கடந்த செவ்வாய் திசை 2,4,8,10,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று கடுமையான மன பயத்தையும் இழப்புகளையும் வாரி வழங்கி இருக்கின்றது, ஆனால் தற்போழுது நடைபெறும் ராகு திசை ஜாதகருக்கு 6ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம் பெற்று சுபயோக பலன்களை தருவது ஜாதகரின் ஆரோக்கியத்தை மேம்படுத்தும், உடல் மனம் சார்ந்த இன்னல்களில் இருந்து விடுபட சரியான மருத்துவரை காணும் யோகத்தை தரும், மன பயம் நீங்கும், ராகு திசையில் எதிர் வரும் குரு புத்தியும் 6ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம் பெற்று சுபயோக பலன்களை தருவது ஜாதகரின் வாழ்க்கையில் ஓர் நம்பிக்கையை பெற்று தரும், வீண் மரண பயத்தை போக்கி தனது உடல் நலத்தை தானே தேற்றும் தன்மையை தரும், ராகு தசை குரு புத்தி ஜாதகருக்கு மரணத்தை தாராது என்பதே உண்மை நிலை.

( .10.,ஏழரை சனி ஜென்ம ராசிக்கு வருவது ஒரு பாதிப்பு ..கர்மகாரகனான இவரின் 3ம் பார்வை 6 மிடத்தை பார்ப்பது கண்டத்தை ஏற்படுத்தும் )

 ஜோதிடதீபத்தின் கருத்து :

இன்னும் எத்தனை நாட்களுக்குத்தான் ஏழரை சனியை வைத்துக்கொண்டு ஜோதிடர்கள் காலத்தை ஓட்டுவார்கள் என்று தெரியவில்லை, சுய ஜாதகத்தில் பாவகங்களின் வலிமை நிலை, தற்போழுது நடைபெறும் திசாபுத்தி ஏற்று நடத்தும் பாவக தொடர்பு, அந்த பாவகங்களுக்கு கோட்சார கிரகங்கள் தரும் வலிமை வலிமை இன்மை ஆகிவை கொண்டு சுய ஜாதக பலாபலன்கள் காண இயலாத பொழுது, ஏழரை சனி, அஷ்டம சனி, கால சர்ப்ப தோஷம் என பல காரணங்களை சொல்லி தானும் குழம்பி ஜோதிடம் பார்க்க வந்தவரையும் குழப்பி வினைப்பதிவின் தாக்கத்தை அதிகரித்துக்கொண்டே செல்வது ஜோதிடர்களின் விதியை வெகுவாக பாதிக்கும் என்பது மட்டும் சத்தியம்.

( 11.,அம்சத்தை கவனிக்கும் போது சற்று பரவாயில்லை என தோன்றும் லக்கினாதிபதி சனி தன வீட்டை பார்ப்பது .. . .)

ஜோதிடதீபத்தின் கருத்து :

பாவக தொடர்புகளிலேயே அனைத்தையும் அறிந்துகொள்ளும் பொழுது,  அம்ச நிலையை பற்றி சிந்திப்பது வீண் வேலை.

( 12., அஷ்ட வர்க பரல் லக்கினம் [1] 27.,33.,33.,36.,28.,28.,24.,**16.**27.,26.,32.,27..!!!!!...8மிடத்தில் பரல் 16 ஆயுள் குறைவு .25 வரை பரல்கள் சரி பரவாயில்லை என கொள்ளலாம் ..அதற்கும் கீழ் என் வரும்போது அந்த வீடு பாதிப்பு ..!!!.)

ஜோதிடதீபத்தின் கருத்து :

அஷ்டவர்க்க பரல்கள் கொண்டு எந்தவித பலாபலன்களை ஜோதிடரால் நிர்ணயம் செய்ய இயலாது என்பதே உண்மை.

( 13.,சுய வர்க்கபரலும் லக்கினம் .4.,5.,4.,5.,5.,5.,4.,4.,..ஆக இதில் சராசரியா 4 பரல்கள் சுயவர்கத்தில்4 பரல் இருந்தாலே போதும் என கொள்ளலாம் . )

ஜோதிடதீபத்தின் கருத்து :

அஷ்டவர்க்க பரல்கள் கொண்டு எந்தவித பலாபலன்களை ஜோதிடரால் நிர்ணயம் செய்ய இயலாது என்பதே உண்மை.

( 14..,ஜாதகர் வெளி நாட்டில் இருப்பதா..???உள்நாட்டில் வந்துஉறவுகளுடன் இருப்பதா ???.மில்லியன் டாலர் கேள்வி.???? )

ஜோதிடதீபத்தின் கருத்து :

சுய ஜாதகத்தில் பாவக வலிமை நிலை தெரியவில்லை எனில் உடனே மில்லியன் டாலர் கேள்வி என்பதா ? என்ன கொடுமை இது ? ஜாதகருக்கு சுய ஜாதகத்தில் பூர்வ புண்ணிய ஸ்தானம் எனும் 5ம் வீடு மிகவும் வலிமை பெற்று இருக்கின்றது, எனவே சந்தேகம் இன்றி தெளிவாக சொல்லலாம் ஜாதகர் தனது பூர்வீகத்தில் ஜீவித்து இருப்பதே சகல நலன்களையும் வாரி வழங்கும், குலதெய்வ ஆசியுடன் குழந்தைகளின் பாசத்துடன் பூர்வீக ஜீவனமே ஜாதகருக்கு உகந்தது.

( 15..,எனது யோசனை இந்திய வந்து உறவுகளுடன் இருப்பது ..!!!)

ஜோதிடதீபத்தின் கருத்து :

யோசனை தேவையில்லை சுய ஜாதகம் சொல்வது என்ன என்பதே முக்கியம்.

( 16.,ஜோதிட ஜாம்பவான்கள் என்ன சொல்கிறீர்கள் .

எதிர்கால பலன் என்றில்லை ..???இது வித்தியாசமான ஜாதகம் என்பதால் பதிந்துள்ளேன். 

இதே போல் ஒரு எனக்கு நெருங்கிய உறவினர். மூளை டூமர் ஆபரேஷன் செய்தார். ஆனால் 6 மாதம் டூமர் மீண்டும் வளர்ச்சி ..தற்போது ஜாதகர் இல்லை ..!!!.. ) 

ஜோதிடதீபத்தின் கருத்து :

ஒரு ஜாதகத்தை போல் மற்றோரு ஜாதகம் இருக்காது என்ற அடிப்படை விஷயம் எப்பொழுது புரிய வருகிறதோ அப்பொழுதுதான் சுய ஜாதக பலாபலன்கள் பற்றிய தெளிவு கிடைக்கும். மேலும் எந்த ஒரு ஜோதிட ஜாம்பவான்களாலும் ஒருவரின் ஆயுளை நிர்ணயம் செய்ய இயலாது, ஜாதகருக்கு தற்போழுது நடைபெறும் ராகு திசை வலிமை பெற்ற பலாபலன்களை ஏற்று நடத்துவது ஜாதகரின் வாழ்க்கையில் சுபயோகங்களை தரும் என்பதால் வீண் பயமின்றி எதிர்காலத்தை ஜாதகர் எதிர்கொள்வதே சால சிறந்தது.

குறிப்பு :

 கிராமங்களில் ஓர் செலவேந்திரம் ஒன்று உண்டு அதாவது " அரண்டவன் கண்ணுக்கு இருண்டதெல்லாம் பேய் " என்று அதை போன்று உள்ளது மேற்கண்ட ஜாதகரின் நிலை, ஜாதகர் எம்மிடம் ஆலோசனை பெற வந்தது கடந்த இரண்டு வருடங்களுக்கு முன் அப்பொழுதே ஜாதகர் தனக்கு மருத்துவர்கள் 6 மாதம் தான் கெடு வைத்திருக்கின்றனர் என்றார், இப்பொழுது இரண்டு வருடங்களுக்கு மேல் ஆகியும், ஜாதகர் மின் அஞ்சல் மூலம் ஆலோசனை பெறுகிறார் எனும் பொழுது, ஜாதகரின் உயிருக்கும் உடலுக்கும் பாதிப்பு இல்லை, ஜாதகரின் மனம் மட்டுமே கடுமையாக பாதிக்கப்பட்டு இருக்கின்றது இதற்க்கு அவரது சுய ஜாதகத்தில் 2,3,4,7,8,10,11,12ம் வீடுகள் அனைத்தும் விரைய ஸ்தானமான 12ம் பாவகத்த்துடன் சம்பந்தம் பெற்று இருப்பதே காரணமாக அமைகிறது, சுய ஜாதகத்தில் 12ம் வீடு மனம் சார்ந்த கற்பனைகளை அதிகரிக்கும், மேற்கண்ட ஜாதகருக்கு 2,3,4,7,8,10,11,12ம் பாவக வழியில் இருந்து வரும் மிதம் மிஞ்சிய கற்பனைகள் ஜாதகரின் வாழ்க்கையை வெகுவாக பாதித்து கொண்டு இருக்கின்றது, கடந்த செவ்வாய் திசையில் ஜாதகர் 2,4,8,10,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று விரைய ஸ்தான பலனை முழு வீச்சில் நடத்தியது பெரிய அளவிலான மன பயத்தை ஏற்படுத்தி தனக்கு வந்த உடல் தொந்தரவு தீர்க்க இயலாத பிரச்சனை என்று ஜாதகரையே மிக ஆழமாக ஆள் மனதில் நம்ப வைத்தது, இதன் தாக்கத்தையே ஜாதகர் தற்போழுது ராகு திசையிலும் அனுபவித்து கொண்டு இருக்கின்றார், ராகு திசை வலிமை பெற்ற பாவக பலனை தருவதால், ஜாதகர் இந்த வீண் மனபயத்தில் இருந்து விரைந்து மீட்டு எடுக்கும், தனது பூர்வீகத்தில் ஜீவிக்கும் பொழுது வாழ்க்கையில் சிறப்பு மிக்க யோகங்கள் நடைமுறைக்கு வரும்.

வாழ்க வளமுடன் 

ஜோதிடன் வர்ஷன் 

9443355696

தொழில் முன்னேற்றமும் சுய ஜாதகத்தில் பாவகங்களின் வலிமையும் !

 

ஒருவரின் வாழ்க்கை கௌரவ குறைவின்றி, சிறப்பாக இயங்க  அடிப்படையாக காரணமாக அமைவது அவரது சுய ஜாதகத்தில் உள்ள பாவகங்களின் வலிமை என்றால் அது மிகையில்லை, குறிப்பாக ஜாதகருக்கு நல்ல ஜீவனத்தை வழங்குவதில் தொழில் ஸ்தானம் எனும் 10ம் பாவக வலிமை முதன்மை வகிக்கிறது, மேலும் கேந்திர ஸ்தானம் எனும் 1,4,7,10ம் பாவகங்களும், கோண ஸ்தானம் எனும் 1,5,9ம் பாவகங்களும் சுய ஜாதகத்தில் வலிமை பெறுவது ஜாதகரின் வாழ்க்கையில் துன்பம் இல்லா சுபயோக வாழ்க்கையினை பெறுவதற்கு தடை ஏதும்  இருக்காது, மேலும் நடைபெறும் திசா புத்திகள் ஜாதகருக்கு வலிமை பெற்ற பாவக பலனை மட்டும் ஏற்று நடத்தும் பொழுது ஜாதகரின் வாழ்க்கையில் மகிழ்ச்சிக்கு குறை இல்லை என்றே சொல்லலாம், கீழ்க்கண்ட உதாரண ஜாதகருக்கு சுய ஜாதகத்தில் உள்ள பாவக வலிமை மற்றும் அதன் அடிப்படையில் ஜாதகர் பெரும் நன்மைகளை இன்றைய பதிவில் சிந்தனைக்கு எடுத்துக்கொள்வோம் அன்பர்களே !

லக்கினம் : தனுசு
ராசி : துலாம்
நட்ஷத்திரம் : ஸ்வாதி 4ம் பாதம்

 ஜாதகர் தனுசு லக்கினம், கால புருஷ தத்துவ அமைப்பிற்கு பாக்கிய ஸ்தானமான தனுசு ராசியை ஜாதகர் லக்கினமாக பெற்று இருப்பது கவனிக்க தக்க விஷயமாகும், மேலும் லக்கினம் எனும் முதல் வீடு தொடர்பு பெறுவது தனது  லக்கினத்திற்கு பாக்கிய ஸ்தானமான 9ம் பாவகத்துடன் ( 9ம் பாவகம் ஜாதகருக்கு  கால புருஷ தத்துவ அமைப்பிற்கு பூர்வ புண்ணியம் என்று அழைக்கப்படும் சிம்ம ராசியில் அமைவது கூர்ந்து கவனிக்க வேண்டிய அம்சமாகும்  ) ஜாதகரின் லக்கினம் கால புருஷ தத்துவ அமைப்பிற்கு பாக்கியமாகவும், லக்கினம் தொடர்பு பெறுவது கால புருஷ தத்துவ அமைப்பிற்கு பூர்வ  புண்ணியமாகவும் அமைவது ஜாதகரின் லக்கினம் பெரும் வலிமையை நமக்கு தெளிவு படுத்துகிறது, ஜாதகர் மிதம் மிஞ்சிய அறிவு திறனும், சமயோசித புத்திசாலித்தனமும் நிரம்ப பெற்றவர் என்பதை தெளிவு படுத்துகிறது, அடிப்படையில் ஓர் ஜாதகத்தில் லக்கினம் வலிமை பெறுவது என்பது ஜாதகரின் உயிர், உடல் மற்றும் மனம் சார்ந்த வலிமையை உறுதிபடுத்தும், ஜாதகருக்கு லக்கினம் பாக்கிய ஸ்தானத்துடன் சம்பந்தம் பெறுவது ஜாதகர் பாக்கிய ஸ்தான வழியில் இருந்து ஸ்திரமான நன்மைகளை தொடர்ந்து பெறுவார் என்பது வரவேற்க்கதக்க சிறப்பு அம்சமாகும், தொழில் துறையில் சிறந்து விளங்க முதலில் லக்கினம் வலிமை பெற்று இருப்பது அவசியமாகிறது, லக்கினம் வலிமை பெற்றால் மட்டுமே ஜாதகர் தன்னிச்சையாக முடிவெடுக்கும் வல்லமை பெற்றவர் என்பதும் சுய ஆளுமை மற்றும் நிர்வாக திறன் கொண்டவர் என்பதும் உறுதியாகும், தான் செய்யும் தொழில் வழியிலான நன்மைகளை ஜாதகரே பெரும் யோகம் பெற்றவர் என்பதனையும் உறுதி படுத்தும், லக்கினம் வலிமை பெற வில்லை எனில் ஜாதகரின் உழைப்பு தொழில் வல்லமை அனைத்தும் மற்றவர்களுக்கு பயன்படும் நிலையை தரும்,மேலும் தொழில் ரீதியான பிரச்சனைகளை சமாளிக்கும் வலிமை இன்றி சுய ஆளுமை திறன் இன்றி செய்தொழிலில் பெருத்த நஷ்டங்களை எதிர்கொள்ளும் நிலையை தரும், எனவே சுய ஜாதகத்தில் லக்கினம் வலிமை பெறுவது என்பது தொழில் மட்டுமல்ல அனைத்திற்கும் நல்லது, மேற்கண்ட ஜாதகருக்கு லக்கினம் பாக்கிய ஸ்தானத்துடன் சம்பந்தம் பெறுவது இறைஅருளின் பரிபூர்ண கருணையையும், வருமுன் உணரும் வல்லமையையும் பெற்றவர் என்பதனையும் தெளிவு படுத்துகிறது, இதனால் ஜாதகர் திட்டமிட்டு செயல்பட்டு வெற்றி காண்பவர் என்பது உறுதியாகிறது.

சுய ஜாதகத்தில் 4ம் பாவகம் வலிமை பெறுவது ஜாதகர் தான்  தொழில் ரீதியாகவும், வியாபார நோக்கத்திலும் சொத்து, பொருட்கள் மற்றும் வண்டி வாகனங்களை முதலீடு செய்யும் யோகம் பெற்றவர் என்பதுடன், தொழில் ரீதியான நடவடிக்கை மற்றும் திட்டமிடுதல்களை மிக சிறப்பாக செய்யும் செயல்படுத்தும் யோகம் பெற்றவர் என்பதனை உறுதிப்படுத்துகிறது, நல்ல குணமும் அனுசரித்தது செல்லும் மனமும் ஜாதகரை தொழில் ரீதியான வெற்றி வாய்ப்புகளை அதிகரிக்கும், மேலும் ஜாதகர் தமது சுய உழைப்பின் மூலம் சொத்து வண்டி வாகனம் மற்றும் பொருள் வரவை தங்கு தடையின்றி பெரு[பெறுபவர் என்பதனை உறுதிப்படுத்துகிறது.

சுய ஜாதகத்தில் 7ம் பாவகம் வலிமை பெறுவது மக்கள் தொடர்பு மற்றும் வியாபர நுணுக்கம், வியாபாரத்தில் வெற்றி என்ற வகையில் சுபயோகங்களை  வாரி வழங்கும், பல வெளிநாடுகள் அல்லது வெளியூர் வழியிலான வியாபர விருத்தியை தரும், அந்நிய நபர்கள் அறிமுகம் ஏற்றுமதி இறக்குமதி தொழில் வழியிலான லாபங்கள் அதிகரிக்கும், கூட்டு தொழில் அல்லது கூட்டாளிகள் மூலம் ஜாதகர் வாழ்க்கையில் நிகரில்லா வளர்ச்சியை பெறுபவர் என்பதனை மிக தெளிவாக உறுதிபடுத்துகிறது, மேலும் ஜாதகர் செய்யும் தொழில் குறுகிய காலத்தில் பெரும் வெற்றிகளை தரும் என்பதுடன், தனிப்பட்ட வளர்ச்சி மற்றும் பொருளாதர தன்னிறைவை எதிர்பாரா வண்ணம் வாரி வழங்கும் என்பது கவனிக்கத்தக்க சிறப்பு அம்சமாகும்.

சுய ஜாதகத்தில் 10ம் பாவகம் வலிமை பெறுவது ஜாதகர் சுய தொழில் செய்வதன் மூலம் அபரிவிதமான வெற்றிகளை தொடர்ந்து பெறுபவர் என்பதுடன் ஸ்திரமான தொழில் முன்னேற்றங்களை பெறுபவர் என்பதும் தெளிவாகிறது, ஜாதகரின் ஜீவன ஸ்தானம் கால புருஷ தத்துவ அமைப்பிற்கு சத்ரு ஸ்தானமாக அமைவது ஜாதகர் குறைந்த முதலீட்டில் அதிக லாபம் தரும் தொழிலை தேர்வு செய்து வெற்றி காண்பார் என்பதுடன், ஜாதகரின் தொழில் எதிரிகள் மூலமே ஜாதகருக்கு தொழில் வெற்றிகள் தேடிவரும் என்பது கவனிக்க தக்க சிறப்பு அம்சமாகும்.

2,5,11ம் வீடுகள் லாப ஸ்தானமான 11ம் பாவகத்துடன் சம்பந்தம் பெறுவது ஜாதகருக்கு 2ம் பாவக வழியில் இருந்து கை நிறைவான வருமான வாய்ப்பை பெறுபவர் என்பதுடன் பொருளாதார முன்னேற்றத்தை தொடர்ந்து பெரும் அமைப்பை தரும், 5ம் பாவக வழியில் இருந்து ஜாதகரின் அறிவு திறன் சமயோசித புத்திசாலித்தனம் தொடர்ந்து அதிர்ஷ்டம் மற்றும் தன வரவை தொடர்ந்து தரும், ஜாதகரின் புத்திசாலித்தனமான நடவடிக்கைகள் மிகப்பெரிய லாபங்களை வாரி வழங்கும், 11ம் பாவக வழியில் இருந்து ஜாதகர் தொடர் அதிர்ஷ்டத்துடன் கூடிய மிகுந்த தன லாபத்தை பெரும் யோகத்தை தரும், தன்னம்பிக்கையும், முற்போக்கு சிந்தனையுடன் கூடிய திட்டமிடுதல்கள் ஜாதகரின் வாழ்க்கையை மிகவும் யோகம் மிக்கதாக மாற்றும்.

1,3,9ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெறுவது ஜாதகருக்கு இலக்கின வழியிலான சுபயோக பலன்களையும், 3ம் பாவக வழியிலனா சகல சௌபாக்கியம் எடுக்கும் முயற்சிகளில் வெற்றி மேல் வெற்றி என்ற நிலையை தரும், வியாபர விருத்தி என்பது ஜாதகருக்கு மிக அபரிவிதமாக அமையும், தோல்வி அற்ற நிலை என்பதுடன் மிகுந்த மன வலிமையை ஜாதகருக்கு வாரி வழங்கும், வீரியமிக்க செயல்திறன் மூலம் ஜாதகர் சகல நன்மைகளையும் பெறுவார், 9ம் பாவக வழியில் இருந்து ஜாதகருக்கு அனுபவ அறிவு அதிக அளவில் அதிகரிக்கும், தெளிவான சிந்தனை மற்றும் முடிவெடுக்கும் திறன் இயற்கையாக அமைந்து இருக்கும், தனது வாழ்க்கையை மிகவும் பயனுள்ளதாக மாற்றத்தக்க வல்லமை பெற்றவர் என்பது சிறப்பு தகுதியாகும்.

சுய ஜாதகத்தில் ஜாதகருக்கு 8,12 ம் பாவகத்தை தவிர மற்ற பாவகங்கள் அனைத்தும் வலிமை பெற்று இருப்பது ஜாதகர் தொழில் அதிபர் என்ற நிலைக்கு உயர்த்தும் வல்லமை பெற்றது என்பது கவனிக்க தக்க சிறப்பு அம்சமாகும்.

சுய ஜாதகத்தில் 10பாவகங்கள் வலிமை பெற்றதுடன் தற்போழுது  நடைபெறும்  சனி திசை வலிமை பெற்ற லாப ஸ்தான பலனை ஏற்று நடத்துவதுடன், எதிர்வரும் புதன் திசை வலிமை பெற்ற ஜீவன ஸ்தான பலனை ஏற்று நடத்துவது வரவேற்க தக்க சிறப்பு அம்சமாகும், சுய ஜாதகத்தில் பாவகம் வலிமை பெறுவதுடன் நடைபெறும், எதிர்வரும் திசாபுத்திகள் வலிமை பெற்ற லாபம் மற்றும் ஜீவன ஸ்தான பலனை ஏற்று நடத்துவது ஜாதகரின் தொழில் வெற்றிகளை வாரி வழங்கும் என்பதே மேற்கண்ட ஜாதகத்தில் உள்ள தொழில் சார்ந்த பாவக வலிமை நிலை, மேலும் ஜாதகர் தொழில் ரீதியாக மிக பெரிய வெற்றிகளை  பெறுவார் என்பது கவனிக்கத்தக்க சிறப்பு அம்சமாகும்.

வாழ்க வளமுடன்
ஜோதிடன் வர்ஷன்
9443355696