வெளிநாட்டில் தொழில் யோகம் உண்டா ? எதிர்வரும் செவ்வாய் திசை தரும் பலன்கள் என்ன?

வெளிநாடு வெளியூர் சென்று தொழில் மேன்மையும், வேலை வாய்ப்பில் நன்மைகளும் பெறுவதற்கு சுய ஜாதகத்தில் அடிப்படையில் 7ம் வீடான களத்திர ஸ்தானம் மிகவும் வலிமை பெற்று இருப்பதும், கால புருஷ தத்துவ அமைப்பிற்கு 7ம் ராசியான துலாம் வலிமையுடன் இருப்பது அவசியமாகிறது, மேலும் மேற்கண்ட வீடுகளுக்கு 1,4,10ம் வீடுகள் உறுதுணையாக அமைவது ஜாதகரின் வாழ்க்கையில் பரிபூர்ண அயல் தேச ஜீவன மேன்மையை வாரி வழங்கும், தொழில் அல்லது வேலை என்ற அமைப்பில் இது சிறப்பான நன்மைகளை ஜாதகருக்கு வாரி வழங்கும், குறிப்பக தற்போழுது நடைமுறையில் உள்ள திசையும், எதிர்வரும் திசையும் ஜாதகருக்கு மேற்கண்ட வலிமை பெற்ற 7ம் பாவக பலனை ஏற்று நடத்தினால், ஜாதகருக்கான முன்னேற்றம் வெளிநாடுகளில் இருந்து சரளமாக கிடைக்கும் என்பதில் சிறிதும் சந்தேகம் இல்லை, இதை ஓர் உதாரண ஜாதகம் கொண்டு தெளிவு பெறுவோம்.

லக்கினம் : மீனம்
ராசி : சிம்மம்
நட்ஷத்திரம் : மகம் 1ம் பாதம்

ஜாதகத்தில் மிகவம் வலிமை பெற்ற பாவக தொடர்புகள் :

2ம் வீடு குடும்ப ஸ்தானமான 2ம் பாவகத்துடன் சம்பந்தம் பெறுவது ஜாதகருக்கு அளவற்ற செல்வம், குடும்ப ஒற்றுமை, நல்ல உணவு, சிறந்த பேச்சு திறன் என்ற வகையில் சிறப்பை தரும்,
3,4ம் வீடுகள் சுக ஸ்தானமான 4ம் பாவக தொடர்பை பெறுவது மண் மனை வண்டி வாகன யோகம், முதுமையிலும் சுகபோகம், பெண்கள் ஆதரவு, போட்டி பந்தயங்களில் எளிதில் வெற்றி, போக்குவரத்து துறை, வீட்டு மிருகங்கள், விவசாயம் மூலம் லாபம் உண்டு, 4ம் பாவக வழியில் இருந்து, வடக்கு திசை வாயிற்படி வீடுகளில் குடியிருப்பது சகல சௌபாக்கியத்தையும் தரும், சுய முன்னேற்றம் பெறுவதற்கான யோகம் உண்டு, மண் மனை வண்டி வாகன யோகம் உண்டு.

5,8,10,11ம் வீடுகள் லாப ஸ்தானமான 11ம் பாவக தொடர்பை பெறுவது ஜாதகருக்கு மேற்கண்ட பாவக வழியில் இருந்து பரிபூர்ண அதிர்ஷ்டங்களை வாரி வழங்கும், குறிப்பாக லாட்டரி யோகம், புத்திசாலித்தனம் மூலம் லாபம், எப்போதும் மகிழ்ச்சி, குழந்தைகள் வழியில் யோகம், குடும்பம் வாழ்க்கை துணை வழியிலான ஒற்றுமையை வெகுவாக தரும், நீண்ட ஆயுள், திடீர் அதிஷ்டம், எதிர்பாராத பொருளாதார வசதி வாய்ப்புகள் உண்டு, நல்ல அந்தஸ்து, நண்பர் உதவி, மன நிறைவான யோக வாழ்க்கை, சுய தொழில் முன்னேற்றம், நல்ல நிதி மேலாண்மை, அனைவரிடமும் அனுசரித்து செல்லுதல், எல்லாம் வெற்றி மயம், மிகுந்த அதிர்ஷ்டம்,அனைத்திலும் லாபம், நல்ல குணம் என்ற வகையில் சிறப்பை தரும்.

6,9,12ம் வீடுகள் விரைய ஸ்தானமான 12ம் பாவக தொடர்பை பெறுவது ஜாதகருக்கு கடன் தொல்லை, வேலை வாய்ப்பில் இன்னல்கள், தேவையற்ற மருத்துவ செலவுகள், பிறந்த ஊரை விட்டு வெகு தொலைவில் சென்று முன்னேற்றம் பெறுதல், நிறைய செலவினங்கள், பங்கு சந்தையில் திடீர் இழப்புகள், திருப்தி இல்லா வாழ்க்கை, அனைவராலும் இன்னல்கள் என்ற வகையில் இன்னல்களை தரக்கூடும்,

1,7ம் வீடுகள் பாதக ஸ்தானமான 7ம் பாவக தொடர்பை பெறுவது ஜாதகருக்கு லக்கின பாவக வழியில் இருந்து வளரும் சூழ்நிலையில் இன்னல்கள், கல்வியில்  தடை, சுய முன்னேற்றத்தில் பாதிப்பு, தெளிவில்லாத முடிவுகள் மூலம் பாதிப்பை தானே சுவீகரிக்கும் நிலை, எதிர்ப்புகளை அதிக அளவில் சம்பாதிக்கும் நிலை, உடல் மனம் சார்ந்த விஷயங்களில் சிறு சிறு இன்னல்கள் என்ற வகையில் பாதிப்பை தரும், 7ம் பாவக வழியில் இருந்து நண்பர்கள் கூட்டாளிகள் வழியில் இருந்து வரும் இன்னல்கள், கூட்டு முயற்சியால் வரும் பாதிப்புகள், வெளியூர் அல்லது வெளிநாட்டில் முயற்சிக்கும் காரியங்கள் பெரும் பாதிப்பு, வெளிநாட்டில் யோகமின்மை, எதிர்பாலின சேர்க்கை மூலம் வரும் கடுமையான பாதிப்பு என்ற வகையில் இன்னல்களை தரும், பொது வாழ்க்கையில் மிகப்பெரிய இன்னல்களையும் தோல்வியையும் கடுமையாக தரும்.

நடைபெறும் சந்திரன் திசையில் அடுத்தது வரும் சூரியன் புத்தி மட்டும் ஜாதகருக்கு சில இன்னல்களை தரக்கூடும், இருப்பினும் அதற்க்கு அடுத்து வரும் செவ்வாய் திசை ஜாதகருக்கு 2ம் வீடு குடும்ப ஸ்தானமான 2ம் பாவக தொடர்பை பெற்று யோக பலனையும், 3,4ம் வீடுகள் சுக ஸ்தானமான 4ம் பாவக தொடர்பை பெற்று சுபயோக பலாபலன்களை வாரி வழங்குவது ஜாதகருக்கான யோக வாழ்க்கையை சிறப்பாக வாரி வழங்கும், கைநிறைவான வருமானம், பொருளாதார வசதி வாய்ப்புகள், தெய்வீக அனுகிரகம், புதிய சொத்து சுக சேர்க்கை, வண்டி வாகன யோகம், வீடு நிலம் வாங்கும் யோகம் என்ற வகையில் சிறப்புகளை தரும், ஜாதகருக்கான யோக வாழ்க்கை எதிர்வரும் செவ்வாய் திசையில் பரிபூர்ணமாக கிடைக்கும்.

குறிப்பு :

 ஜாதகருக்கு பூர்வீக அமைப்பிலேயே சிறப்பான யோகங்கள் நடைமுறைக்கு வரும் என்பதால், ஜாதகர் வடக்கு திசை சார்ந்த வீட்டில் குடியிருப்பது மட்டுமே ஜாதகத்தில் உள்ள சுபயோகங்களை பரிபூர்ணமாக வாரி வழங்கும், மேலும் எதிர்வரும் செவ்வாய் திசை 2,3,4ம் பாவக வழியில் இருந்து சுபயோகங்களை வாரி வழங்குவது, ஜாதகருக்கு தன்னிறைவான யோக வாழ்க்கையை வாரி வழங்கும், வெளிநாடு யோகம் ஜாதகருக்கு இல்லை என்பதே ஜோதிடதீபத்தின் கருத்து, "வாழ்த்துகள்"


வாழ்க வளமுடன்
ஜோதிடன் வர்ஷன்
9443355696

வெளிநாடு அல்லது வெளியூர் சென்று தொழில் முன்னேற்றம் பெரும் யோகம் உண்டா ?

 சுய ஜாதகத்தில் லக்கினம் முதல் பனிரெண்டு பாவகங்களும் வலிமை பெறுவது என்பது சம்பந்தப்பட்ட ஜாதகரின் வாழ்க்கையில் சுப யோகங்களை வாரி வழங்கும், மாறாக சுய ஜாதகத்தில் பாவகங்கள் வலிமை இழப்பது ஜாதகருக்கு பாதிக்கப்பட்ட பாவக வழியில் இருந்து கடுமையான நெருக்கடிகளை தரும், குறிப்பாக சுய ஜாதகத்தில் லக்கினம் முதல் பனிரெண்டு வீடுகளில் எந்த ஒரு வீடும் பாதக ஸ்தானத்துடன் சம்பந்தம் பெறுவது என்பது சம்பந்தப்பட்ட  ஜாதகருக்கு நன்மையை தரும் அமைப்பு அல்ல என்பதே உண்மை நிலை, சுய ஜாதகத்தில் வெளியூர் அல்லது வெளிநாடு சென்று ஜீவனம் செய்யும் அமைப்பிற்க்கு அந்த காலத்தில் "பரதேஷ ஜீவனம்" என்று அழைத்தனர், இன்று அது மிகவும் பெருமைக்கு உரிய ஒன்றாக கருதப்படுகிறது.

 சுய ஜாதகத்தில் 5ம் வீடு வலிமை இழப்பதும், 7,12ம் வீடுகள் வலிமை பெறுவதும் ஓர் ஜாதகருக்கு வெளியூர் அல்லது வெளிநாடுகளில் ஜீவன வாழ்க்கையை அமைத்து தரும், 8,11ம் வீடுகள் வலிமை பெறுவது ஜாதகருக்கு வெளிநாடுகளில் இருந்து தன்னிறைவான பொருளாதார முன்னேற்றம்  மற்றும் கைநிறைவான தன சேர்க்கையை வாரி வழங்கும், லக்கினம் முதல்  பனிரெண்டு பாவகங்களின் வலிமை நிலை ஜாதகரின் வாழ்க்கையில் எங்கு இருப்பினும் சுபயோகங்களையே நல்கும், கீழ்கண்ட ஜாதகரின் கேள்வியான, வெளிநாடு அல்லது வெளியூர் சென்று தொழில் முன்னேற்றம் பெரும் யோகம் உண்டா ?  தற்ப்பொழுது வெளியூரில் செய்து வரும் தொழில் இன்னல்களையும் கடன் சுமையையும் ஏற்படுத்தியதற்க்கு காரணம் என்ன ? என்பதற்கு உண்டான பதிலை இந்த பதிவில் சிந்தனைக்கு எடுத்துக்கொள்வோம் அன்பர்களே !

லக்கினம் : தனுசு
ராசி : மகரம்
நட்ஷத்திரம் : உத்ராடம்

 வெளிநாடு சென்று வாழ்க்கையில் முன்னேற்றம் பெறுவதற்கு சுய ஜாதகத்தில் அடிப்படையில் களத்திர ஸ்தானம் எனும் 7ம் பாவகம் வலிமை பெற்று இருப்பது அவசியமாகிறது, மேற்கண்ட ஜாதகருக்கு 7ம் வீடு விறைய ஸ்தானமான 12ம் பாவகத்துடன் சம்பந்தம் பெறுவது ஜாதகரின் வெளிநாடு வெளியூர் கனவை நிராசையாக மாற்றுகிறது, வெளிநாடு சென்று ஜீவனம் தேடும் யோகம் அற்றவர் என்பதை தெளிவு படுத்துகிறது, மேலும் சுய ஜாதகத்தில் அயன சயன ஸ்தானம் என்று அழைக்கப்படும் 12ம் பாவகம் வலிமை பெறுவது வெளிநாடுகளில் ஜாதகரின் வாழ்க்கை முறையை தெளிவுபடுத்தும், இந்த ஜாதகத்தி மேற்கண்ட அயன சயன ஸ்தானம் வலிமை குறைந்து காணப்படுவது ஜாதகரின் வெளியூர் வெளிநாடுகளில் வாழும் வாழ்க்கையானது மனநிம்மதி அற்றதாகவும், அதிக போராட்டங்களை எதிர்கொள்ளும் தன்மையை கொண்டதாகவும் இருக்கும் என்பதில் சந்தேகம் இல்லை, மேற்கண்ட விஷயங்களை விட தற்போழுது நடைபெறும் திசை தரும் பலன்கள் என்ன ? என்பதே ஜாதகரின் நிகழ்கால வாழ்க்கையை படம்பிடித்து காட்டும்.

ஜாதகருக்கு தற்போழுது நடைமுறையில் உள்ள திசை ராகு திசை தரும் பலாபலன்கள் : ( 12/04/2006 முதல் 12/04/2024 வரை )

ராகு தனது திசையில் ஜாதகருக்கு சத்ரு ஸ்தானம் என்று அழைக்கப்படும் 6ம் வீடு விரைய ஸ்தானமான 12ம் பாவகத்துடன் சம்பந்தம் பெற்று முழு வீச்சில் சத்ரு ஸ்தான வழியில் விரையங்களை வாரி வழங்கி கொண்டு இருக்கின்றது, இதனால் ஜாதகர் கடன்பட்டு செய்த தொழில்கள் யாவும் கடும் நஷ்டத்தை தந்தது, ஜாதகருக்கு அதிக அளவிலான கடன் சுமை ஜாதகரின் மனநிம்மதியை வெகுவாக பாதித்தது, இதனால் ஜாதகரின் மன நிம்மதி கெட்டு தெளிவற்ற செயல்பாடுகள் மூலம் கடும் நெருக்கடிகளை ஏற்படுத்திக்கொண்டார், பொதுவாக சுய ஜாதகத்தில் பூர்வ புண்ணியம் எனும் 5ம் பாவகம் மற்றும் பாக்கியம் எனும் 9ம் பாவகம் வலிமை பெற்று இருப்பின் ஜாதகர் வெளியூர் அல்லது வெளிநாடு செல்லாமல் தான் அமர்ந்த இடத்தில் ( பூர்வீகம் ) இருந்துகொண்டே சகல சௌபாக்கியங்களையும் தன்னை தேடிவர செய்யலாம், பூர்வீகம் பாதிப்பு அடைந்து இருந்தால் மட்டுமே ஜாதகர் வெளியூர் வெளிநாடு ( பரதேசஜீவனம் ) சென்று ஜீவனம் தேடலாம், அதுவும் சுய ஜாதகத்தில் கட்டுரையின் ஆரம்பத்தில் குறிப்பிடப்பட்டுள்ள பாவகங்கள் வலிமை பெற்று, நடைமுறையில் உள்ள திசை ஜாதகருக்கு வலிமை பெற்ற பாவக பலனை ஏற்று நடத்தினால், மாறாக குறிப்பிடப்பட்டுள்ள பாவகங்கள் வலிமை அற்று இருப்பின் தனது பூர்வீகத்திற்கு அருகிலேயே ஜீவன வாழ்க்கையை அமைத்துக்கொள்வது சாலசிறந்தது.

மேற்கண்ட ஜாதகருக்கு தற்போழுது நடைபெறும் ராகு திசை சத்ரு ஸ்தானமான 6ம் வீட்டு பலனை, விரைய ஸ்தானத்துடன் சம்பந்தம் பெற்று தருவது, ஜாதகரின் வாழ்க்கையில் பொருளாதாரம் சார்ந்த நெருக்கடிகளை தருகின்றது மேலும் ஜாதகரின் 6ம் வீடு கால புருஷ தத்துவ அமைப்பிற்கு 2ம் வீடாக அமைவது ஜாதகரின் வருமானம் சார்ந்த விஷயங்களை கேள்விக்குறியாக மாற்றுகிறது, ஜாதகருக்கு வரும் வருமானம் வீண் விரையம் ஆகிறது, ஜாதகரின் பேச்சு மிகப்பெரிய இன்னல்களுக்கு ஆளாக்குகிறது, 12ம் வீடு கால புருஷ தத்துவ அமைப்பிற்கு 7ம் வீடாக அமைவது வெளிநாடு வெளியூர் சென்று ஜீவிப்பது ஜாதகருக்கு மிக பெரிய இழப்புகளையும், அறிவு சார்ந்த முயற்சிகளில் தோல்வி மற்றும் மனநிம்மதி இழப்பையும் வாரி வழங்கிக்கொண்டு இருக்கின்றது.

சுய ஜாதகத்தில் பாவகங்கள் வலிமை அற்றும், நடைபெறும் ராகு திசை வலிமை  அற்ற பாவக பலனையும் ஏற்று நடத்துவதே ஜாதகரின் வெளியூர் சார்ந்த தொழில் வழியில் இருந்து கடுமையான தோல்வியை தந்து இருக்கின்றது, மேலும் ஜாதகர் வெளியூர் அல்லது வெளிநாடு சென்று ஜீவனம் தேடி நலம் பெறுவதற்க்கு உண்டான வாய்ப்புகள் சிறிதும் இல்லை என்பதே மேற்கண்ட ஜாதகத்தில் உள்ள உண்மை நிலை, அடுத்து வரும் குரு திசையும் ஜாதகருக்க சாதகமின்றி இருப்பது ஜாதகரின் வெளியூர் வெளிநாடு கனவுகளை வெகுவாக சிதைக்கும் என்பதை கருத்தில் கொண்டு நலம் பெறுவதே ஜாதகருக்கு உகந்தது.

வாழ்க வளமுடன்
ஜோதிடன் வர்ஷன்
9443355696

கணவன் மனைவி பிரிவுக்கு காரணமாக அமையும் பாதக ஸ்தானம் !

 

ஒருவரது வாழ்க்கையில் தாங்க இயலாத துன்பங்களை தருவது, பாதக ஸ்தானம் தொடர்பும், பாதக ஸ்தான பலனை ஏற்று நடத்தும் திசா புத்திகளுமே என்றால் அது மிகையில், எந்த ஓர் ஜாதகருக்கும் லக்கினம் முதல் 12 பாவகங்கள் பாதக ஸ்தானத்துடன் தொடர்பு பெறுவது என்பது அவ்வளவு நல்லதல்ல, குறிப்பாக சுய ஜாதகத்தில் 1,5,9ம் வீடுகள் பாதக ஸ்தானத்துடன் சம்பந்தம் பெற்று இருப்பது ஜாதகரின் வாழ்க்கையில் நடைபெறும் சுப நிகழ்வுகள் அனைத்திற்கும் கடுமையான தடைகளையும் தாமதங்களும் வாரி வழங்கிவிடும், ஜாதகருக்கு தாங்க இயலாத துன்பங்களை 200% விகிதம் தந்துவிட வாய்ப்புள்ளது, குறிப்பாக நடைபெறும் அல்லது எதிர்வரும் திசாபுத்திகள் பாதக ஸ்தான தொடர்பை பெற்ற பாவக பலனை ஏற்று நடத்தினால், ஜாதகரின் கதி அதோகதிதான், இதை ஓர் உதாரண ஜாதகம் கொண்டு தெளிவு பெறுவோம் அன்பர்களே !

இல்லற வாழ்க்கையில் சந்தோஷத்தையும், மன மகிழ்வுடன் கூடிய யோக வாழ்க்கையை வாரி வழங்குவது சுய ஜாதகத்தில் உள்ள பாவகங்களின் வலிமையும், நடைபெறும் திசாபுத்திகள் ஏற்று நடத்தும் வலிமை பெற்ற பாவக பலனுமே என்றால் அது மிகையில், கீழ்கண்ட ஜாதகருக்கு தனது சுய ஜாதகத்தில் உள்ள பாவக வலிமை பற்றி புரிதலும், தனக்கு தற்போழுது நடைபெறும் திசா புத்திகள் தரும் பலாபலன்கள் பற்றிய தெளிவு இல்லாமல், தனது வாழ்க்கைக்கு தானே இன்னல்களை ஏற்படுத்திக்கொண்டு இருப்பது கவலைதரும் விஷயமே, அடிப்படையில் தனது ஜாதகம் பாதிப்பை தருகிறதா? அல்லது தனது வாழ்க்கை துணையின் ஜாதகம் பாதிப்பை தருகிறதா? என்பதை உணராமல், தனது வாழ்க்கை துணையே நடைபெறும் அனைத்து இன்னல்களுக்கும் காரணம் என்று குற்றம் சுமத்தும் மனப்பான்மையுடன் தனது இனிமையான இல்லற வாழ்க்கையை தானே பாதிப்பிற்கு ஆளாக்கி கொள்ளும் நிலையை பார்க்கும் பொழுது ஒருவேளை "விதி" வலியதோ என்ற எண்ணமே ஏற்படுகிறது.

சுய புத்தியுடன் ஒருவர் செயல்பட சுய ஜாதகத்தில் 1,5ம் பாவகம் மிக வலிமையுடன் இருப்பது அவசியமாகிறது, அல்லது பெரியவர்கள் சொல் புத்தியுடன் செயல்பட்டு வாழ்க்கையில் நலம் பெறுவதற்கு 1,9ம் பாவகம் மிக வலிமையுடன் இருப்பது அவசியமாகிறது, மேற்கண்ட ஜாதகருக்கு தற்போழுது பெரியவர்கள் சொல்வதை கேட்டு நடந்துகொள்ள வேண்டிய நிலையை தற்போழுது நடைபெறும் சந்திரன் திசை வழங்குவதை ஜாதகர் அவசியம் புரிந்துகொள்ளவேண்டிய கட்டாயத்தில் இருக்கிறார், ஏனெனில் தற்போழுது  நடைபெறும் சந்திரன் திசை ஜாதகருக்கு கடுமையான இன்னல்களை தரும் பாதக ஸ்தான பலனை ஏற்று நடத்துவது ஜாதகருக்கு 200% விகித இன்னல்களை தரும் அமைப்பாகும், ஜாதகரின் வீண் பிடிவாதமும், அனுசரித்து செல்லும் மனப்பக்குவம் இல்லாதது ஜாதகரின் இல்லற வாழ்க்கையை சூன்யம் என்ற நிலைக்கு எடுத்து சென்றுவிட வாய்ப்பு அதிகம் உள்ளது, நடைபெறும் சந்திரன் திசை ஜாதகருக்கு ஜாதகமான பலனை ஏற்று நடத்தவில்லை என்பதே உண்மை நிலை.

லக்கினம் : கும்பம் 

ராசி : விருச்சிகம் 

நட்ஷத்திரம் : கேட்டை 2ம் பாதம் 

ஜாதகருக்கு தற்போழுது சந்திரன் திசை நடைபெறுகிறது ( 17/03/2016 முதல் 17/03/2026 வரை ) நடைபெறும் சந்திரன் திசை ஜாதகருக்கு 6,9ம் வீடுகள் பாதக ஸ்தானமான 9ம் பாவகத்துடன் சம்பந்தம் பெற்று 6,9ம் பாவக வழியில் இருந்து 200% விகித இன்னல்களை ஏற்று நடத்துவது ஜாதகரின் வாழ்க்கையில் 6ம் பாவக  வழியில் இருந்து தனது உடல் நிலையை தானே கெடுத்துக்கொள்ளுதல், தனது உறவினர் அனைவரிடமும் பகைமை பாராட்டுதல் ( தனது வாழ்க்கை துணை மற்றும் தனது வாரிசுடனும் ) கடன் மற்றும் எதிர்ப்புகள் மூலம் தனது எதிர்காலத்தை சிதைத்துக்கொள்ளுதல், வயிறு சார்ந்த இன்னல்களை சந்தித்தால், தேவையற்ற விரைய செலவினங்கள், வீண் வம்பு வழக்கு, குணக்கேடான விஷயங்களில் இறங்கி தனது உடல் மனம் இரண்டையும் கெடுத்துக்கொள்ளுதல், அறிவுரை சொல்பவரையே எதிரியாக பார்க்கும் மனநிலை என்ற வகையில் இன்னல்களை தரும்.

9ம் பாவக வழியில் இருந்து ஜாதகரின் பித்ரு சாபம், ஜாதகரை இயங்கவிடாமல்  செய்யும், இறையருளின் கருணையையும், பெரியோர் சொல்லும் மதிப்பு மிக்க வார்த்தைகளையும் ஏற்றுக்கொள்ளாமல், தனது செயல்பாடுகளே சரியானது என்ற எண்ணத்தில் முரண்பட்ட காரியங்களை செய்து இன்னலுறும் அமைப்பை தரும், பாக்கியத்தின் பலாபலன்களை சிறிதும் அனுபவிக்க இயலாமல், அதன்வழியிலான பாவ செயல்களை அதிகம் செய்து தனது வாழ்க்கையை மிகப்பெரிய பாதிப்புகளுக்கு ஆளாக்கும் தன்மையை ஜாதகர் பெறுவது வேதனைக்குரியது, குறிப்பாக ஜாதகருக்கு 2,5,7,8ம் பாவகங்கள் வலிமையுடன் அமைந்து நல்ல வாழ்க்கை துணை மற்றும் நல்ல வாரிசு அமைந்த போதிலும், ஜாதகர் அவர்கள் அனைவரையும் வெறுப்புடன் கையாண்டு பகைமையை வளர்த்துக்கொள்ளும் நிலைக்கு ஆளாக்குவது 6,9ம் வீடுகள் பாதக ஸ்தான தொடர்பை பெறுவதும், நடைபெறும் திசா புத்திகள் மேற்கண்ட பாதக ஸ்தான பலனை ஏற்று நடத்துவதுமே அடிப்படை காரணமாக அமைகிறது, மேலும் சுய ஜாதகத்தில் வலிமை பெற்ற பாவக வழி மற்றும் உறவுகள் வழியில் இருந்து வரும் யோக பலன்களை ஜாதகர் உதறித்தள்ளும் சூழ்நிலைக்கு ஆளாக்குவதும் பாதக ஸ்தான பலன்கள் நடைமுறையில் உள்ளதே காரணமாக அமைகிறது.

இதில் கவனிக்க வேண்டிய முக்கிய அம்சம் என்னவெனில் ஜாதகரின் வாழ்க்கை துணையின் ஜாதகம் மிகவும் வலிமையுடன் இருப்பதே, தனது வாழ்க்கை துணையின் ஜாதகத்தில் உள்ள யோக பலன்களை ஜாதகர் பயன்படுத்திக்கொண்டு நலம் பெற, அவருடன் சேர்ந்து இல்லற வாழ்க்கையில் ஈடுபடுவதே சாலச்சிறந்தது, ஆனால் அதை ஜாதகர் புரிந்துகொள்ள வாய்ப்பு இருக்கிறதா ? என்றால் சந்தேகம்தான், அடிப்படையில் நமது சுய ஜாதகம் வலிமை அற்று காணப்படும் பொழுதும், வலிமை அற்ற பாவக பலனை ஏற்று நடத்தும் பொழுதும் நாம் நம்மை சார்ந்தவர்களின் வலிமை பெற்ற ஜாதக யோக பலன்களை  சுவீகரித்து நலம் பெறுவதே நல்லது, மாறாக தனது நிலையை உணராமல், தனது செயல்பாடுகளில் அதீத நம்பிக்கை கொண்டு இறங்குவது படுகுழியில் தள்ளிவிடும், பெரும்பாலும் நிறைய அன்பர்கள் இந்த தவறை மிக தெளிவாக செய்கிறார்கள், மேற்கண்ட ஜாதகர் உற்பட, தனது சுய ஜாதக வலிமை நிலையை உணர்ந்து செயல்படுவதே புத்திசாலித்தனம்.

மேற்கண்ட ஜாதகரின் வாழ்க்கை துணையின் ஜாதகத்தில் தற்போழுது நடைபெறும் சனி திசை ( 06/11/2014 முதல் 06/11/2033 வரை ) வலிமை பெற்ற 1,4,7,10ம் பாவக பலனை ஏற்று நடத்துவது, ஜாதகருக்கு கிடைத்த வரப்பிரசாதம் ஆகும், ஜாதகரது சுய ஜாதகத்தில் 2,7ம் பாவக வலிமை பெற்ற தொடர்பு அதற்க்கு காரணமாக அமைகிறது என்ற உண்மையை உணர்ந்து செயல்பட்டால், ஜாதகரின் இல்லற வாழ்க்கை சுபத்துவம் பெரும், மாறாக தனது செயல்பாடுகளுக்கு நியாயம் கற்ப்பித்துக்கொண்டு, பிடிவாதத்துடன் செயல்பட்டால் ஜாதகரின் பாதக ஸ்தான தொடர்பும், பாதக ஸ்தான பலனை ஏற்று நடத்தும் சந்திரன் திசையும், ஜாதகரின் வாழ்க்கையை நிச்சயம் அலங்கோலம் ஆக்கிவிடும் என்பதுமட்டும் உண்மை.

குறிப்பு :

 சுய ஜாதகத்தில் லக்கினம் முதல் பனிரெண்டு வீடுகளில் எந்த ஓர் வீடும், பாதக ஸ்தானத்துடன் சம்பந்தம் பெறுவது நல்லதல்ல, ஒருவேளை பாதக ஸ்தானத்துடன் சம்பந்தம் பெற்றால், சம்பந்தம் பெரும் பாவக வழியில் இருந்து வரும் 200% விகித இன்னல்களை ஜாதகர் அனுபவித்து கழித்துக்கொள்வதும், முறையான பீரிதி பரிகாரங்களை மேற்கொள்வதும் மிக மிக அவசியமாகிறது, உதாரணமாக சுய ஜாதகத்தில் ஒருவருக்கு 7ம் வீடு பாதக ஸ்தானத்துடன் சம்பந்தம் பெற்றால், தனது வாழ்க்கை துணையை வலிமை பெற்ற ஜாதகமாக தேர்வு செய்வது அவசியமாகிறது, மேலும் தன்னுடன் சேர்க்கை பெரும் நண்பர்கள் மற்றும் கூட்டாளிகளின் குணாதிசயம் அறிந்து பழகுவதும், நல்லோருடன் நட்பு வைத்துக்கொள்வது, சகல விதங்களில் இருந்தும் நன்மைகளை தரும், சுய ஜாதகத்தில் பாதக ஸ்தானத்துடன் சம்பந்தம் பெரும் பாவக வழியில் இருந்தே ஒருவர் கடுமையான இன்னல்களை சந்திக்கவேண்டிவரும் என்ற விஷயத்தை உணர்வது அவசியமாகிறது.

வாழ்க வளமுடன்
ஜோதிடன் வர்ஷன்
9443355696

சுக்கிரன் திசை நடைபெற்றும் திருமணம் தாமதம் ஆக காரணம் என்ன ?

கேள்வி : 

சுக்கிரன் திசை சுக்கிரன் புத்தியில் திருமணம் நடைபெறும் என்றனர், அதற்க்கான அறிகுறி சிறிதும் இதுவரை தெரியவில்லை, திருமணம் நடைபெறுமா? ஜாதகத்தில் செவ்வாய் தோஷம் இதனால்தான் திருமணம் சுக்கிரன் திசை சுக்கிரன் புத்தியில் நடைபெறவில்லை, திருமணம் தாமதமாக காரணம் இதுவே என்கின்றனர் ? உண்மையில் என்ன நடக்கிறது ? சரியான தீர்வு என்ன ?

பதில் :

தங்களது சுய ஜாதக வலிமையை கருத்தில் கொள்ளாமல், கூறப்பட்ட பொது கருத்தாகவே தங்களின் கேள்வியில் உணர்கிறது " ஜோதிடதீபம் "  மேலும் திருமண வாழ்க்கைக்கும் நடைபெறும் சுக்கிரன் திசைக்கும் யாதொரு சம்பந்தமும் இல்லை அன்பரே ! பொதுவாக சுய ஜாதகத்தில் திருமண வாழ்க்கையை குறிக்கும்  2,5,7,8,12ம் வீடுகள் வலிமை பெற்று இருப்பதும், சரியான பருவ வயதில் நடைபெறும் திசா புத்திகள் எதுவென்றாலும் வலிமை பெற்ற 2,5,7,8,12ம் பாவக பலனை ஏற்று நடத்துவதும் ஒருவரின் திருமண வாழ்ககையை சிறப்பாக அமைய சுய ஜாதகத்தில் உள்ள வலிமையான நிலையாகும், குறைந்த பட்சம் சுய ஜாதகத்தில் 2,7ம் வீடுகள் மிகவும் வலிமையுடன் இருப்பது அவசியமாகிறது, ஏனெனில் ஒருவரின் இல்லறவாழ்க்கை சிறப்பாக சரியான வயதில் நடைபெற சுய ஜாதகத்தில் அடிப்படையாக அமையும் வலிமை நிலையாகும், மேலும் வரனுக்கோ வதுவுக்கோ பருவ வயதில் திருமணம் நடைபெற மேற்கண்ட பாவகங்கள் வலிமையுடன் இருப்பதுடன், நடைபெறும் திசா புத்தியும் வலிமை பெற்ற பாவக பலனை ஏற்று நடத்துவது, தாமதம் இல்லா திருமண வாழ்க்கையை  மிகவும் சிறப்பாக அமைத்து தரும்.

 தங்களது சுய ஜாதக வலிமை நிலையை பற்றியும், நடைபெறும் சுக்கிரன் திசை தங்களுக்கு வழங்கும் பலாபலன்கள் பற்றியும் சற்று சிந்தனைக்கு எடுத்துக்கொள்வோம் அன்பரே !

லக்கினம் : மகரம் 

ராசி : விருச்சகம்

நட்ஷத்திரம் : அனுஷம் 3ம் பாதம் 

தங்களது ஜாதகத்தில் தற்போழுது சுக்கிரன் திசை நடைபெறுகின்றது, அதில் மாற்றம் இல்லை இருப்பினும் நடைபெறும் சுக்கிரன் திசை தங்களுக்கு 8ம் வீடு ஆயுள் ஸ்தானமான 8ம் பாவகத்துடன் சம்பந்தம் பெற்று முழு வீச்சில் ஆயுள் பாவக பலனை ஏற்று நடத்திக்கொண்டு இருப்பது வரவேற்கத்தக்க விஷயமல்ல, சுக்கிரன் திசை தங்களுக்கு திடீர் இழப்பை, எதிர்ப்பால் அமைப்பினரால் இன்னல்கள், தெய்வீக அனுகூலம் இன்மை, எடுக்கும் காரியங்கள் தடைபடும் தன்மை என்ற வகையில் இன்னல்களை தந்து கொண்டு இருக்கின்றது என்பதனால் சுக்கிரன் திசை தங்களுக்கு யோக பலாபலன்களை தரவில்லை என்பது உறுதியாகிறது, சுக்கிரன் திசை நடைபெற்றால் திருமணம் நடைபெறும் என்பது உண்மை அற்ற கருத்து என்பது, ஒருவேளை நடைபெறும் சுக்கிரன் திசை வலிமை பெற்ற களத்திர  ஸ்தான பலனை ஏற்று நடத்தினால் மட்டுமே ஜாதகருக்கு திருமணம் சிறப்பாக அமையும் என்பதை கருத்தில் கொள்ளுங்கள், தங்களுக்கு நடைபெறும் சுக்கிரன் திசை வலிமை அற்ற ஆயுள் பாவக பலனை தருவது திடீர் இழப்புகளையும், மருத்துவ செலவுகளையும் தரும் என்பது மட்டுமே உண்மை, மேலும் சுக்கிரன் திசையில்  தற்போழுது நடைபெறும் சூரியன் புத்தியும் 8ம் வீடு ஆயுள் ஸ்தானமான 8ம் பாவகத்துடன் சம்பந்தம் பெற்று வலிமை அற்ற ஆயுள் பாவக பலனை தருவது தங்களது திருமண வாழ்க்கையை நிர்ணயம் செய்ய உகந்தது அல்ல.

சுக்கிரன் திசையில் அடுத்து வரும் சந்திரன் புத்தியும் தங்களுக்கு 9ம் வீடு விரைய ஸ்தானமான 12ம் பாவகத்துடன் சம்பந்தம் பெற்று விரைய ஸ்தான பலனை தருவது தங்களுக்கு மன ரீதியான நெருக்கடிகளை கடுமையாக தரும் என்பதனால் சற்று எச்சரிக்கையுடன் இருப்பது நலம் தரும், தங்களுக்கு உள்ள வாய்ப்பு  என்பது ? வரும் வதுவின் ஜாதகம் மிகவும் வலிமையுடன் இருப்பதாக தேர்வு செய்து திருமணம் செய்துகொள்வது மட்டுமே, இதற்க்கு தாங்கள் தங்களது குடும்பத்தில் உள்ள பெரியோரின் ஆதரவை நாடுவது மட்டும் சிறந்த வழிமுறையாக கருதுகிறோம்.

தங்களது சுய ஜாதகத்தில் 1,4,7,10ம் பாவகங்கள் வலிமை பெற்று இருந்தாலும், தற்போழுது  நடைபெறும் சுக்கிரன் திசை தங்களுக்கு சாதகமான பலனை தரவில்லை என்பது வருந்தத்தக்கது என்றால் அது மிகையில்லை, மேலும் 1,4,7,10ம் பாவகங்களை தவிர மற்ற அனைத்து பாவகங்களும் கடுமையாக பாதிக்கப்பட்டு இருப்பது தங்களது வாழ்க்கையில் சிறப்பை தரும் அம்சமல்ல என்பதை கருத்தில் கொள்வது தங்களுக்கு நலம் தரும், வலிமை பெற்ற பெண்ணின் ஜாதகத்தை தாங்கள் தேர்வு செய்யவில்லை எனில் தங்களது இல்லற வாழ்க்கை மிகவும் சிரமத்திற்கு ஆளாகும் என்பதை கவனத்தில் கொள்க .

செவ்வாய் தோஷம் என்பதே முற்றிலும் தவறான கருத்தாக "ஜோதிடதீபம்" கருதுகிறது, மேலும் தங்களுக்கு 8ல் செவ்வாய் தோஷம் என்று குறிப்பிட்டு உள்ளீர்கள், இதுவே தங்களது சுய ஜாதகத்தில் உள்ள உண்மை நிலைக்கு புறம்பானது, ஏனெனில் தங்களது சுய ஜாதகத்தில் செவ்வாய் பகவான் சிம்மத்தில் உள்ள 7ம் பாவகத்தில் உள்ளார் என்பதில் தெளிவு பெறுங்கள், மேலும் தங்களது திருமண வாழ்க்கை தடைபெற உண்மையான காரணம் செவ்வாய் தோஷம் அல்ல, தற்போழுது நடைபெறும் சுக்கிரன் திசை தங்களுக்கு  சாதகமாக இல்லை என்பதும், சுக்கிரன் திசையில் சுக்கிரன்,சூரியன்  மற்றும் சந்திரன் புத்திகளும் வலிமை பெற்ற களத்திர பாவக பலனை ஏற்று நடத்தவில்லை  என்பதே முழு முதற் காரணமா என்பதில் தெளிவு பெறுங்கள்.

வலிமை பெற்ற வதுவின் ஜாதகத்தை குடும்பத்தில் உள்ள பெரியோர்களின் ஆதரவுடன் தேர்வு செய்து திருமணம் வாழ்க்கையை அமைத்துக்கொண்டு  வாழ்க்கையில் நலம் பெறுங்கள் ( தாங்கள் யாதொரு எதிர்பார்ப்பும் இன்றி நல்ல  வதுவின் ஜாதகம் வேண்டும் என்பதை மட்டும் கருத்தில் கொண்டு செயல்படுவதே தங்களது இல்லற வாழ்க்கையை சிறப்பிக்கும் ) 

வாழ்க வளமுடன் 

ஜோதிடன் வர்ஷன் 

9443355696

செவ்வாய் தோஷம் ( 7ல் ) இருப்பின், செவ்வாய் தோஷம் உள்ள வாழ்க்கை துணையைதான் தேர்வு செய்ய வேண்டுமா ?

 செவ்வாய் தோஷம் ஒருவரது ஜாதகத்தில் இருப்பின், அவர் தேர்வு செய்யும் வாழ்க்கை துணையின் ஜாதகத்திலும் செவ்வாய் தோஷம் இருப்பதே திருமணம் வாழ்க்கைக்கு நல்லது, இல்லை எனில் திருமண வாழ்க்கை கடுமையாக பாதிக்கப்படும், தம்பதியர் ஒற்றுமை குறையும், குறிப்பாக மணமகன் ஜாதகத்தில் இருக்கும் செவ்வாய் தோஷத்தை விட மணமகள் ஜாதகத்தில் உள்ள செவ்வாய் தோஷம் சற்று வலிமை குறைவாக இருப்பது நல்லது, செவ்வாய் தோஷம் என்பது ஜாதகத்தில் 2,4,7,8,12ல் இருப்பின் அந்த ஜாதகரோ ஜாதகியோ செவ்வாய் தோஷத்தால் பாதிக்கப்படுவார்கள், என்ற  விஷயங்கள் யாவும் காலம் காலமாக மக்களிடம் பரவலாக உள்ள மூட நம்பிக்கை என்பதை தவிர வேறு ஒன்றும் இல்லை என்பதே ஜோதிடதீபத்தின் கருத்து, தங்களின் ஜாதகத்தையே இந்த செவ்வாய் தோஷம் சார்ந்த ஆய்வுக்கு எடுத்துக்கொள்வோம் அன்பரே !

தங்களது ஜாதகத்தில் செவ்வாய் 7ல் அமர்ந்து இருப்பதால் கடுமையான செவ்வாய் தோஷம் என்றும், இதனால் தாங்கள் செவ்வாய் தோஷம் உள்ள வாழ்க்கை துணையையே தேர்வு செய்ய வேண்டும் என்பதனை, தங்களின் கேள்வியில் இருந்தே தெளிவாக அறிய முடிகிறது, ஆனால் தங்களின் ஜாதகத்தில் உள்ள உண்மை நிலையை தங்களுக்கு தெளிவு படுத்த "ஜோதிடதீபம்" கடமைப்பட்டுள்ளது.

லக்கினம் : கன்னி 

ராசி : மிதுனம் 

நட்ஷத்திரம் : மிருகசீரிடம் 3ம் பாதம் 

தங்களது ஜாதகத்தில் 7ல் செவ்வாய் அமர்ந்து இருக்கின்றார் என்பது மற்றவர்களின் கூற்று, இதில் உண்மை இல்லை என்பதே ஜோதிடதீபத்தின் கருத்து பொதுவாக ஓர் பாவகம் ஆரம்பிக்கும் பாகை, முடிவுறும் பாகை ஆகிய விஷயங்கள் தெளிவாக தெரிந்த ஜோதிடர்களுக்கு மேற்கண்ட குழப்பம் வர சிறிதும் வாய்ப்பில்லை, தங்களது சுய ஜாதகத்தில் களத்திர பாவகம் எனும் 7ம் வீடு மீன ராசியில் 347:04:48 பாகையில் ஆரம்பித்து மேஷ ராசியில் 017:22:32 பாகையில் முடிவடைகிறது, தங்களது களத்திர பாவகம் மீன ராசியில் 13 பாகையும், மேஷ ராசியில் 17 பாகையும் கலந்து நிற்கின்றது, செவ்வாய் பகவான் தங்களது ஜாதகத்தில் 339:17:46 பாகையில் நிற்கின்றார், எனவே செவ்வாய் மீன ராசியில் உள்ள 6ம் பாவகத்தில் அமர்ந்து இருக்கின்றார் என்பதே உண்மை நிலை.

இதை கருத்தில் கொண்டு பார்க்கும் பொழுது தங்களது ஜாதகத்தில் செவ்வாய் பகவான் சத்ரு ஸ்தானமான 6ம் பாவகத்தில் ( மீன ராசியில் உள்ள 6ம் பாவகத்தில் ) அமர்ந்து இருக்கின்றார் என்பது உறுதியாகிறது, எனவே சுய ஜாதகத்தில் செவ்வாய் களத்திர ஸ்தானத்தில் அமரவில்லை, சத்ரு ஸ்தானத்தில் அமர்ந்து இருக்கின்றார் எனும் பொழுது, இங்கு செவ்வாய் தோஷத்திற்கு கூறும் விதி முறைகள் யாவும் பொய்த்து போகின்றது, 7ல் செவ்வாய் அமர்வதே செவ்வாய் தோஷம் ( உண்மைக்கு புறம்பானது )  என்றால் , தங்களது ஜாதகத்தில் செவ்வாய்  6ல் அமர்ந்து இருப்பதால் செவ்வாய் தோஷம் இல்லை என்பதே சரியானது, ஆகவே செவ்வாய் தோஷம் என்ற விஷயம் தங்களது ஜாதகத்திற்கு  பொருந்தி வாராது.

செவ்வாய் தோஷம் என்ற மாயையை களைந்து சுய ஜாதக வலிமையை கருத்தில் கொண்டு வாழ்க்கை துணையை தாங்கள் தேடுவதே சாலச்சிறந்தது என்று  அறிவுறுத்த ஜோதிட தீபம் விரும்புகிறது, தங்களது திருமணம் தாமதமாக செவ்வாய் தோஷம் காரணம் அல்ல என்பது உறுதி, திருமணம் தாமதம் ஆக உண்மையான காரணம் என்ன ? என்பதை சிந்தனைக்கு எடுத்துக்கொள்வோம்  அன்பரே, 

தங்களது சுய ஜாதகத்தில் களத்திர ஸ்தானமான 7ம் வீடு பாதக ஸ்தானமான 7ம் பாவகத்துடனே சம்பந்தம் பெறுவது, தங்களது திருமண வாழ்க்கை தாமதமாக முழு முதற்காரணமாக அமைகிறது என்பதே உண்மை, எனவே அதற்க்கான பிரீதி பரிகாரங்களை மேற்கொண்டு வாழ்க்கையில் நலம் பெறுங்கள்.

வாழ்க வளமுடன் 

ஜோதிடன் வர்ஷன் 

9443355696

தொழில் வெற்றிகளை வழங்கும் ஜீவன ஸ்தான வலிமை - 1

சுய ஜாதகத்தில் ஜீவன ஸ்தானம் எனும் 10ம் வீடு வலிமை பெறுவது சம்பந்தப்பட்ட ஜாதகரின் வாழ்க்கையில், தொழில் மற்றும் வேலை வாய்ப்பினை சிறப்பாக அமைத்து தரும், சுய ஜாதகத்தில் 10ம் வீடு பாதிப்பது சம்பந்தப்பட்ட ஜாதகரின் வாழ்க்கையில் ஜீவன ரீதியான சிரமங்களை தரக்கூடும், சுய ஜாதகத்தில் ஜீவன ஸ்தானம் வலிமை பெறுவதும் , சரியான இளம் வயதில் நடைபெறும் திசாபுத்திகள் வலிமை பெற்ற ஜீவன ஸ்தான பலனை ஏற்று நடத்துவதும், ஜாதகருக்கு ஜீவன ரீதியாக யாதொரு தடையும் இன்றி, அவருக்கு உகந்த தொழில் வாய்ப்பினை சுயமாகவோ, அடிமை தொழிலாகவோ இயற்கையாக அமைத்து தந்துவிடும், ஜாதகர் ஜீவன ரீதியாக யாதொரு இன்னல்களையும் சந்திக்கமால், தனது வாழ்க்கையில் வெற்றிநடை போட ஆரம்பித்து விடுவார், மேலும் ஜீவன முன்னேற்றம் என்பது ஜாதகருக்கு தன்னிரைவாகவும், பொருளாதார ரீதியான வசதி வாய்ப்புகளையும் வாரி வழங்கி விடும்.

மாறாக சுய ஜாதகத்தில் ஜீவன ஸ்தானம் எனும் 10ம் வீடு வலிமை அற்று காணப்படுவது ( 6,8,12ம் பாவகத்துடன் தொடர்பு பெறுவது அல்லது பாதக ஸ்தானத்துடன் தொடர்பு பெறுவது ) ஜாதகரின் வாழ்க்கையில் ஜீவன ரீதியான கடுமையான போராட்டங்களை தந்து விடும், குறிப்பாக ஜீவன ஸ்தானம் எனும் 10ம் வீடு பாதக ஸ்தானத்துடன் சம்பந்தம் பெறுவது என்பது ஜாதகரின் வாழ்க்கையில் மிகப்பெரிய அளவிலான இன்னல்களை தந்துவிடும், அடிப்படையில் ஜாதகருக்கு சரியான வயதில் ஓர் வேலை அல்லது தொழில் அமைவது குதிரை கொம்பாக மாறிவிடும், தனக்கு ஏற்ற வேலை எது என்று உணர்ந்துகொள்ளவே ஜாதகருக்கு பல வருடங்கள் பிடிக்கும், தனக்கு உகந்த வேலையைதான் செய்து வருகிறோமா ? என்று அறியாமலே சூழ்நிலை கைதி போல் மற்றவருக்காக தனது உழைப்பை சிந்தும் சூழ்நிலைக்கு தள்ளப்படுவர், சுய கவுரவம் வெகுவாக பாதித்த போதிலும், ஜீவனத்தை கருத்தில் கொண்டு, அடிமை சேவகம் செய்யும் சூழ்நிலையை தரும், அடிப்படையிலேயே ஜாதகருக்கு பரதேஷ ஜீவனம் வாய்த்துவிடும், தனது குடும்பம், பெற்றோர், உடன் பிறப்பு, குழந்தைகள் மற்றும் உறவுகளை விட்டு  வேறு இடத்தில் சென்று ஜீவிக்கும் சூழ்நிலையை தரும்.

சுய ஜாதகத்தில் மற்ற பாவகங்கள் வலிமை பெற்று இருந்தாலும், அதன் வழியிலான பலாபலன்களை ஜாதகர் அனுபவிக்க இயலாது சூழ்நிலையை தரும், தனது தகுதிக்கு உகந்த வேலை இல்லை என்று தெரிந்தும் ஜாதகர்  அதில்  இருந்து வெளிவர ஜாதகரின் பொருளாதாரம் இடம் தாராது, ஜாதகர் செய்யும்  சுய முயற்சிகள் யாவும் கடும் தோல்வியை தரும், பொதுவாக ஜீவன ஸ்தான வலிமை பெறுவது என்பது சம்பந்தப்பட்ட ஜாதகருக்கு, சுய தொழில் செய்தாலோ, அல்லது அடிமை தொழில் செய்தாலும் குறுகிய காலத்தில் ( 3 வருடங்களில் இருந்து 5 வருடங்களுக்குள் ) தன்னிறைவான பொருள் வசதியையும், மிகப்பெரிய தொழில் முன்னேற்றங்களையும் வாரி வழங்கி விடும், ஜீவன ஸ்தான பாதிப்பு என்பது கிணற்றில் போட்ட கல் மாதிரி யாதொரு சிறு அசைவும் இன்றி துவங்கிய நிலையில் ஜாதகர் எப்படி இருந்தாரோ அதே நிலையில் வைத்திருக்கும், ஜீவன ரீதியான முன்னேற்றங்கள்  என்பது ஜாதகருக்கு சிறிதும் ஏற்படாது, இந்த சூழ்நிலையில் உள்ள அன்பர்கள் தனது சுய ஜாதக வலிமையை பற்றி தெளிவாக உணர்ந்து கொண்டு மாற்று வழிகளை நடைமுறைக்கு கொண்டுவந்து வாழ்க்கையில் வெற்றி பெறலாம், அதற்க்கு உறுதுணையாக அமைவது அவர்களது சுய ஜாதகத்தில்  உள்ள பாவக வலிமையே என்றால் அது மிகையில்லை.

சுய ஜாதகத்தில் ஜீவன ஸ்தானம் வலிமை குன்றும் பொழுது ஜாதகர் பெரும் இன்னல்களை பற்றி ஓர் உதாரண ஜாதகம் கொண்டு தெளிவு பெறுவோம் அன்பர்களே !

லக்கினம் : தனுசு
ராசி : கடகம்
நட்ஷத்திரம் : புனர்பூசம் 4ம் பாதம்

மேற்கண்ட ஜாதகருக்கு ஜீவன ஸ்தானம் எனும் 10ம் வீடு திடீர் இழப்பை தர கூடிய  ஆயுள் ஸ்தானமான 8ம் பாவகத்துடன் சம்பந்தம் பெற்று இருப்பது ஜாதகரின் ஜீவன ரீதியான இன்னல்களை தரும், குறிப்பாக தொழில் அல்லது வேலை வழியிலான சங்கடங்கள், அதிக வேலை பளு, திருப்தி அற்ற வேலை, வேலை செய்யும் இடத்திலும், பொது வாழ்க்கையிலும் கடுமையான சிக்கல்கள், ஓர் ஸ்திரமான முடிவு எடுக்க இயலாமல் தடுமாறும் சூழ்நிலை, செய்யும் காரியங்கள் யாவிலும் ஏமாற்றம், அடிக்கடி வேலையை ராஜினாமா செய்துவிட்டு வேறு வேலையை தேடிக்கொண்டு இருப்பது, ஜீவன ரீதியான ஸ்திர தன்மை இல்லாமல் வீண் அலைச்சல் அலையும் தன்மை என்ற வகையில் கடுமையான இன்னல்களை தரும்.

மேற்கண்ட ஜாதகருக்கு ஜீவன ஸ்தானம் மட்டும் அல்ல கால புருஷ தத்துவ அமைப்பிற்கு ஜீவன வீடான மகரம் தொடர்பு பெறுவது பாதக ஸ்தானத்துடன் என்பது மிகுந்த இன்னல்களை தொழில் மற்றும் ஜீவன ஸ்தான வழியில் இருந்து தரும், சுய ஜாதகத்திலும் ஜீவன ஸ்தானம் பாதிக்கப்பட்டு, கால புருஷ தத்துவ அமைப்பிற்கு ஜீவன ராசியான மகரமும் பாதிக்கப்படுவது ஜாதகரின் அடிப்படை ஜீவனத்தை கேள்விக்குறியாக மாற்றும், ஜாதகருக்கு கிட்டத்தட்ட 27 வயது நெருங்கிவிட்டது இருப்பினும் நல்லதொரு சிறு வேலையும் இதுவரை  கிடைக்கவில்லை என்பது கவனிக்கத்தக்கது, சுய ஜாதகத்தில் ஜீவன ஸ்தானம் பாதிக்கப்படுவது ஜாதகருக்கு எவ்வித பலன்களை தருகிறது என்பது  மேற்கண்ட ஜாதகமே ஓர் சரியான உதாரணம்.

சரி சுய ஜாதகத்தில் ஜீவன ஸ்தானம் எனும் 10ம் வீடும், கலபுருஷ தத்துவ அமைப்பிற்கு ஜீவன ஸ்தானமான மகரமும் கடுமையாக பாத்திக்கப்பட்டு விட்டது, நடைபெறும் திசா புத்தியாவது ஜாதகருக்கு யோக பலன்களை தருகின்றதா? என்பதை கவனத்தில் கொண்டு ஆய்வு செய்யும் பொழுது, தற்போழுது  நடைபெரும் புதன் திசை ஜாதகருக்கு 4,6,7ம் வீடுகள் பாதக ஸ்தானமான 7ம் பாவகத்துடன் சம்பந்தம் பெற்று 4,6,7ம் பாவக வழியில் இருந்து 200% விகித இன்னல்களை தந்து கொண்டு இருக்கின்றது, புதன் திசையில் தற்போழுது நடைபெறும் சந்திரன் புத்தி ஜாதகருக்கு 12ம் வீடு பூர்வபுண்ணிய ஸ்தானமான 5ம் பாவகத்துடன் சம்பந்தம் பெற்று, அவமானம், உடல் நல பாதிப்பு, அனைத்திலும் நஷ்டம், அமைதி இல்லா மனம், தேவையற்ற சவகாசம் மற்றும் பூர்வீகத்தை விட்டு பரதேச ஜீவனத்தை தந்து கொண்டு இருக்கின்றது .

ஜாதகரின் சுய ஜாதக வலிமையின் அடிப்படையில் மற்றவர்களை நம்பி முதலீடு செய்து தொழில் செய்ய விரும்பினால் திடீர் இழப்பு நிச்சயம் உண்டு, கூட்டு முயற்சி செய்து தொழில் செய்யலாம் என்றால் சுய ஜாதகத்தில் களத்திர ஸ்தானம் பாதக ஸ்தானத்துடன் சம்பந்தம் பெறுவது கூட்டாளிகள் வழியில்  கோவணம் வரை உருவிவிட்டு விடும், பொருட்களை வைத்து ( வீடு நிலம் வண்டி வாகனம், தொழில் உபகரணம் ) தொழில் செய்யலாம் என்றால் அடிப்படையே ஆட்டம் காணும், எனவே ஜாதகருக்கு உள்ள ஜீவன ரீதியான வாய்ப்புகளை ஆய்வு செய்வோம் (3,9) பாக்கிய ஸ்தானம் வலிமை பெறுவது சிறு வியாபாரம் செய்யலாம், அல்லது கல்வி நிறுவனத்தில் வேலை செய்யலாம், (11 கால புருஷ தத்துவ அமைப்பிற்கு களத்திர ஸ்தானம் ) லாப ஸ்தானம் வலிமை பெறுவதால் ஒருவேளை திருமணத்திற்கு பிறகு வாழ்க்கை துணையின் ஜாதக வலிமையை கருத்தில் கொண்டு தொழில் முயற்சிகளில் இறங்கலாம், இருப்பினும் திருமணம் நடைபெறவே மிகுந்த  கால  தாமதம் ஆக கூடும், ஆனால் குருட்டு அதிர்ஷ்டம் ஜாதகருக்கு உண்டு என்பதால் 11ம் பாவக வழியிலான ஜீவனத்தை ஆய்வு செய்து, 11ம் பாவக சம்பந்தம் பெற்ற தொழில்களை செய்து வாழ்க்கையில் வெற்றி பெறலாம்.

ஜாதகருக்கு 3,9,11ம் பாவகங்களை தவிர மற்ற அனைத்து பாவகங்களும் பாதிக்கப்பட்டு உள்ளது, குறிப்பாக 2,4,5,6,7ம் வீடுகள் பாதக ஸ்தானத்துடன் சம்பந்தம் பெறுவது ஜாதகருக்கு மேற்கண்ட பாவக வழியில் இருந்து 200% விகித இன்னல்களை வாரி வழங்கும், ஜாதகர் பாதிக்கப்பட்ட பாவக வழியிலான பிரீதி பரிகாரங்களை மேற்கொண்டு நலம் பெறுவது அவசியமாகிறது.

குறிப்பு :

 சுய ஜாதகத்தில் ஜீவன ஸ்தானம் வலிமை அற்ற ஜாதகர்கள் சுய தொழில் செய்ய சிறிதும் யோகம் அற்றவர்கள் என்பதை அவர்களது ஜீவன ஸ்தானம் வலிமையே நன்றாக உணர்த்துகிறது என்பது கவனிக்கத்தக்க அம்சமாகும்.

அடுத்த பதிவில் ஜீவன ஸ்தானம் வலிமை பெற்ற ஓர் ஜாதகத்தை சிந்தனைக்கு எடுத்துக்கொள்வோம் அன்பர்களே !

வாழ்க வளமுடன்
ஜோதிடன் வர்ஷன்
9443355696

1 நிமிடத்தில் திருமணம் பொருத்தம் பார்க்கலாம் !

கேள்வி :

1 நிமிடத்தில் திருமணம் பொருத்தம் பார்க்கலாம், என்ற புத்தகத்தை பார்த்து  பத்துக்கு ஒன்பது  பொருத்தம் உண்டு என்பதை உறுதி செய்தபின் ( பெண் நட்சத்திரம் திருவோணம் 2ம் பாதம், எனது நட்சத்திரம் பூராடம் 4ம் பாதம் ) , கடந்த நான்கு வருடத்திற்கு முன்பு  பெரியோர் முடிவு செய்து திருமணம் செய்துகொண்டோம், கடந்த மாதம் விவாகரத்து நடந்துவிட்டது, திருமண வாழ்க்கை மணமுறிவுக்கு அழைத்து சென்றது ஏன் ? சுய ஜாதக விபரம் அனுப்பி உள்ளேன்... விளக்கம் தர வேண்டுகின்றேன்.

பதில் :

  காக்க பிரியாணி சாப்பிட்டா காக்க குரல் வரமா ?  " உன்னிகிருஷ்ணன் " குரலா வரும்? என்ற திரைப்பட நகைச்சுவைதான் நினைவுக்கு வருகிறது அன்பரே தங்களின் கேள்வியை படிக்கும் பொழுது,  திருமண வாழ்க்கையை தசவித பொருத்தம் எனும் நட்ச்சத்திர பொருத்தம் 10 பொருத்தங்கள் மட்டுமே நிர்ணயம் செய்கிறது என்ற தங்களின் அறியாமையை எண்ணி சற்று வருத்தமாக உள்ளது, தம்பதியரின் திருமண வாழ்க்கையை வெற்றியடைய சுய ஜாதகத்தில் லக்கினம் முதல் பனிரெண்டு பாவகங்களின் வலிமை, நடைபெறும் திசை, எதிர்வரும் திசை ஏற்று நடத்தும் பாவகங்களின் தன்மை, சம்பந்தப்பட்ட பாவகங்களுக்கு கோட்சர கிரகங்கள் தரும் தாக்கம் போன்றவை மிக முக்கியமானதா அமையும் என்பதை கருத்தில் கொள்ளாமல், நட்ச்சத்திர பொருத்தம் மட்டுமே இல்லற வாழ்க்கையை சிறப்பிக்கும் என்று கருதுவது முற்றிலும் ஜோதிட உண்மைக்கு புறம்பானதாகவே கருத வேண்டி உள்ளது, தங்களது இருவரின் சுய ஜாதக வலிமையை பற்றியும், தங்களது  திருமண வாழ்க்கை பிரிவை தந்தது ஏன்?  என்பது பற்றியும் இன்றைய பதிவில் சிந்தனைக்கு எடுத்துக்கொண்டு தெளிவு பெறுவோம் அன்பரே

ஜாதகர்

லக்கினம் : துலாம்
ராசி : தனுசு
நட்ஷத்திரம் : பூராடம் 4ம் பாதம்


ஆண் ஜாதகத்தில், திருமண வாழ்க்கையை நிர்ணயம் செய்யும் பாவகங்கள் ( 2,5,7,8,12 )

தங்களது ஜாதகத்தில் 2.8,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று கடுமையாக பாதிக்கப்பட்டுள்ளது.

5ம் வீடு  சுக ஸ்தானமான 4ம் பாவகத்துடன் சம்பந்தம் பெற்று உடல்  ரீதியான இன்னல்களை தருகின்றது.

7ம் வீடு பாக்கிய ஸ்தானமான 9ம் பாவகத்துடன் சம்பந்தம் பெற்று வலிமை பெறுவது, தங்களுக்கு வரும் வாழ்க்கை துணை மிகவும் உயர்ந்த குணம் உடையவர், தங்களுக்கு நன்மைகளை தருபவர் என்பதை உறுதி செய்கிறது.

தங்களது ஜாதகத்தில் இல்லற வாழ்க்கையை சிறப்பிக்கும் பாவகங்களான ( 2,5,7,8,12 ) வீடுகளில் 7ம் வீடு மட்டும் வலிமை பெற்று இருக்கின்றது, மற்ற பாவகங்கள்  மிக கடுமையாக பாதிக்கப்பட்டுள்ளது.

அடிப்படையிலேயே தங்களது சுய ஜாதகம் பாதிக்கப்பட்டு உள்ளது சற்று கவலை தரும் விஷயமாகும், சுய ஜாதகத்தில் லாப ஸ்தானம் எனும் 11ம் வீடு பாதக ஸ்தானமான 11ம் பாவகத்துடன் சம்பந்தம் பெறுவது மிக மோசமான விளைவுகளை தரும் அமைப்பாகும்.

தங்களுக்கு ஆறுதலான விஷயம் யாதெனில் தற்போழுது நடைபெறும் ராகு திசை வலிமை பெற்ற களத்திரம் மற்றும் ஜீவன ஸ்தான பலனை ஏற்று நடத்துவது மட்டும் மிகுந்த நன்மைகளை தரும் அமைப்பாகும், களத்திர ஸ்தானம் வலிமை பெற்றது தங்களுக்கு நல்ல வாழ்க்கை துணையை அமைத்து  தந்து இருக்கின்றது.

ஜாதகி

லக்கினம் : ரிஷபம்
ராசி : மகரம்
நட்ஷத்திரம் : திருவோணம் 2ம் பாதம்

பெண் ஜாதகத்தில், திருமண வாழ்க்கையை நிர்ணயம் செய்யும் பாவகங்கள் ( 2,5,7,8,12 )

தங்களது வாழ்க்கை துணையின் ஜாதகத்தில் 2,8ம் வீடுகள் ஜீவன ஸ்தானமான 10ம் பாவகத்துடன் சம்பந்தம் பெற்று மிகவும் வலிமையுடன் காணப்படுகிறது, இது தங்களது வாழ்க்கை துணை வழியில் இருந்து இனிமையான பேச்சு, சிறப்பான குடும்ப வாழ்க்கை, நல்ல வருமானத்தை தரும், வாழ்க்கை துணையின் மூலம் நல்ல பொருளாதார உதவி, செல்வ செழிப்பை தரும்.

தங்களது வாழ்க்கை துணையின் ஜாதகத்தில் 5ம் வீடு திடீர் இழப்பை தரும்  ஆயுள் பாவகமான 8ம் பாவகத்துடன்  சம்பந்தம் பெற்று வலிமை அற்று காணப்படுகிறது ( தங்களது ஜாதகத்திலும் புத்திர ஸ்தானம் கடுமையாக பாதிக்கப்பட்டு உள்ளது, தங்களது வாழ்க்கை துணையின் ஜாதகத்திலும் புத்திர ஸ்தானம் கடுமையாக பாதிக்கப்பட்டு உள்ளது, இது தங்களுக்கு குழந்தை பாக்கியத்தில் மிகுந்த தடைகளை தரும். )

தங்களது வாழ்க்கை துணையின் ஜாதகத்தில் 7ம் வீடு களத்திர ஸ்தானமான 7ம் பாவகத்துடனே சம்பந்தம் பெறுவது, தங்களுக்கு வாழ்க்கை துணை வழியில் இருந்து வரும் ஆதரவு, அன்பு மற்றும் அன்னியோனிய இல்லற வாழ்க்கையை வழங்கும்.

தங்களது வாழ்க்கை துணையின் ஜாதகத்தில் 12ம் வீடு  விரைய ஸ்தானமான 12ம் பாவகத்துடன் சம்பந்தம் பெற்று கடுமையாக பாதிக்கப்பட்டு உள்ளது, தங்களது  ஜாதகத்திலும் 12ம் வீடு விரைய ஸ்தானமான 12ம் பாவகத்துடன் சம்பந்தம் பெற்று கடுமையாக பாதிக்கப்பட்டு உள்ளது, இது தங்களது அந்தரங்க வாழ்க்கையில்  மகிழ்ச்சி அற்ற தன்மையையும், திருப்தி இல்லாத இல்லற வாழ்க்கையையும் தரும்.

தங்களது வாழ்க்கை துணையின் ஜாதகத்தில் தற்போழுது நடைபெறும் ராகு திசை 3,6,9ம் வீடுகள் பாதக ஸ்தானமான 9ம் பாவகத்துடன் சம்பந்தம் பெற்று முழு வீச்சில் பாதக ஸ்தான பலனை நடத்திக்கொண்டு இருப்பது தங்களது வாழ்க்கை  துணைக்கு மேற்கண்ட பாவக வழியில் இருந்து 200% விகித இன்னல்களை வாரி  வழங்கும்.

தங்களுக்கு நடைபெறும் ராகு திசை சிறப்பான நன்மைகளையும், தங்களது  வாழ்க்கை துணைக்கு நடைபெறும் ராகு திசை கடுமையான பாதிப்புகளையும் தருகின்றது என்பது கவனிக்கத்தக்க விஷயமாகும், ( இதில் ஏக திசை பொருத்தம் என்பதை கருத்தில் கொள்ள கூடாது ) மேலும் தங்களுக்கு தற்போழுது நடைபெறும் புதன் புத்தி களத்திர ஸ்தான பலனை ஏற்று நடத்தி நன்மையை செய்த போதிலும், தங்களது வாழ்க்கை துணைக்கு நடைபெறும் சந்திரன் புத்தி விரைய ஸ்தான பலனையே ஏற்று நடத்துகிறது.

தங்களது சுய ஜாதகத்தில் 2,5,8,12ம் பாவகங்கள் வலிமை இல்லை, இருப்பினும் நடைபெறும் திசாபுத்தி நன்மையை தருகின்றது.

தங்களது வாழ்க்கை துணையின் ஜாதகத்தில் 2,7,8ம் வீடுகள் வலிமை பெற்று இருக்கின்றது நடைபெறும் திசாபுத்தி கடுமையான இன்னல்களை தருகிறது.

தங்களின் திருமண வாழ்க்கை பிரிவுக்கு காரணமாக தங்களது வாழ்க்கை துணையின் ஜாதகத்தில் நடைபெறும் திசாபுத்தியே காரணமாக அமைந்தாலும், தங்களது நடவடிக்கைகளும், சுய ஜாதக வலிமை இன்மையும் அதற்க்கு  மூல காரணமாக அமைந்து விட்டது, தங்களது வாழ்க்கை துணைக்காக தங்கள் நிறைய விஷயங்களை விட்டுக்கொடுத்து சென்று இருக்க வேண்டும் என்பதே "ஜோதிடதீபத்தின்" கருத்து.

குறிப்பு :

சுய ஜாதகத்தில் ( 2,5,7,8,12 ) பாவகங்கள் வலிமை குன்றி இருப்பின், தனக்கு வரும் வாழ்க்கை துணையின் ஜாதகத்தில் ( 2,5,7,8,12 ) பாவகங்கள் மிகவும் வலிமை பெற்று இருப்பதுடன், இருவருக்கும் நடைபெறும் திசை எதுவென்றாலும், வலிமை பெற்ற பாவக பலனை ஏற்று நடத்தும் அமைப்பில் இருக்குமாறும் தேர்வு செய்வது, திருமண வாழ்க்கை வெற்றிகரமாக நடத்த வழிவகுக்கும், என்பதை கருத்தில் கொள்வது நல்லது, இதற்க்கு முரணாக வாழ்க்கை துணையை தேர்வு செய்தால் இல்லற வாழ்க்கை வெகு விரைவில் கசந்து இன்னல்களை அதிக அளவில் தந்து, திருமண வாழ்க்கையில் பிரிவை தந்துவிடும்.

வாழ்க வளமுடன்
ஜோதிடன் வர்ஷன்
9443355696

இல்லற வாழ்வை நரகம் ஆக்கும் பொருத்தமில்லா வாழ்க்கை துணை !

" நித்தியகண்டம் பூர்ணஆயுசு " என்ற நிலைக்கு ஆளாக்கும் வல்லமை பெற்றது சுய ஜாதக வலிமை அறியாமல் வாழ்க்கை துணையை தேர்வு செய்வது என்பது, பொதுவாக பருவவயதில் வரும் இனக்கவர்ச்சியை மட்டும் அடிப்படையாக கொண்டு இல்லற (காதல் ) வாழ்க்கையில் இணையும் அன்பர்களுக்கு! ஆசை அறுபது நாள், மோகம் முப்பது நாள் ஆக மொத்தம் 90 நாட்களில் இல்லற வாழ்க்கை தனது இறுதி அத்தியாயத்தை எழுத ஆரம்பித்தது விடும், கணவன் செய்வது மனைவிக்கு பிடிக்காது, மனைவி செய்வது கணவனுக்கு முற்றிலும் பிடிக்காமல், வாக்குவாதம் அதிகரிக்கும், சமாதானம் செய்ய முற்படுபவரின் கருத்துக்கள் தம்பதியரின் காதுகளுக்கு சென்று அடைவதற்குள், மணவாழ்க்கையில் பிரிவை நோக்கி இருவரும் சென்றுவிடுவார்கள், நலம்விரும்பிகளின் ஆலோசனைகள் யாவும் வீண் விரையம் ஆகும், பெற்றோரின் ஆதரவு உள்ளவர்கள் அடிப்படை ஜீவனத்திற்கு யாதொரு சிரமமும் இன்றி வாழ்வதற்கு வழி உண்டு, பெற்றோர் ஆதரவை இழந்தவர்களின் அஸ்த்திவாரமே ஆட்டம் காணும், தன்னிடம் பல திறமைகள் இருப்பினும் யாவும் ஜாதகருக்கோ ஜாதகிக்கோ உகந்த நேரத்தில் பலன் தாராது, மேலும் பிரிவினால் வந்த மன அழுத்தம், மனஉளைச்சல் ஜாதகரையும், ஜாதகியையும் வெகுவாக பாதிக்கும், உடல் நலம் கெடும், மனநலம் பாதிக்கும், பொருளாதார சிக்கல்கள் மற்றும் எதிர்காலத்தை பற்றியான கவலைகள் பூதாகரமாக கிளம்பி நிற்பதை, அந்த தருணத்தில் தான் உணரும் வாய்ப்பை பெறுவார்கள், விதியின் வலிமையை உணர்வார்கள், பெற்றோர் பார்த்து வைக்கும் திருமணங்களில் சேர்ந்து வாழும் வாய்ப்பு கொஞ்சம் அதிகம், காதல் திருமணங்களில் அந்த வாய்ப்பு என்பதே இல்லை, திருமண வாழ்க்கையை நடத்தி வைத்த நண்பர்கள் மற்றும் கூட்டாளிகள் வெறும் பார்வையாளராக மட்டுமே இருப்பார்கள் என்பதை உணருவதற்க்கே இவர்களுக்கு வெகு காலம் ஆகும், இதனால் "ஜோதிடதீபம்" காதலுக்கு எதிரி என்ற எண்ணம் வேண்டாம், சுய ஜாதகம் வலிமை பெற்ற காதலர்களின் வாழ்க்கையே மென்மேலும் பன்மடங்கு யோக வாழ்க்கையை பெற்று இருக்கிறது, சுய ஜாதகம் வலிமை அற்று பெற்றோர்களால் நிச்சயிக்கப்பட்ட திருமணங்கள் கூட விவாகரத்துக்கு சென்று இருக்கின்றது, இது அவரவர் ஜாதக வலிமையை அடிப்படையாக கொண்டது.

கீழ்கண்ட தம்பதியரின் வாழ்க்கையும் அப்படிப்பட்டதே, உறவுகளால் இல்லற வாழ்க்கையில் இணைந்தவர்களின் தற்போதைய நிலை பரிதாபத்திற்க்கு உரியது, தசவித பொருத்தம் கண்டும், சுய ஜாதக வலிமை அற்றதால் இல்லற வாழ்க்கையில் குறுகிய காலத்தில் பிரிவை நோக்கி சென்றுகொண்டு இருக்கின்றனர், இந்த தம்பதியர், இவர்களது சுய ஜாதக வலிமையையும், நடைபெறும் திசாபுத்திகள் தரும் பலாபலன்களை பற்றியும், இந்த பதிவில் சிந்தனைக்கு எடுத்துக்கொள்வோம் அன்பர்களே !

இல்லற வாழ்க்கை இனிமையாக அமைய தம்பதியரின் சுய ஜாதகத்தில் வலிமை பெற்று இருக்க வேண்டிய பாவகங்களை கருத்தில் எடுத்துக்கொள்வோம் அன்பர்களே :

1) குடும்ப ஸ்தானம் எனும் இரண்டாம் பாவகம் வலிமை பெறுவது வரன் வதுவின் சங்கமத்தில் அவசியமாகிறது, இனிமை நிறைந்த வார்த்தைகளும், சிறப்பான குடும்ப வாழ்க்கையையும் நல்கும் வலிமை பெற்றது என்பதனால் தம்பதியரின் ஜாதகங்களில் குடும்ப ஸ்தானம் எனும் 2ம் பாவகம் வலிமை பெற்று இருப்பது மிக மிக முக்கியமாகிறது. ( பெரும்பாலும் தம்பதியருக்குள் வரும் பிரச்சனைகளுக்கு அடிப்படை காரணமாக இருப்பதே வாய்தானே )
2) பூர்வபுண்ணியம் எனும் ஐந்தாம் பாவகம் வலிமை பெறுவது தம்பதியரின் அறிவு திறனையும், தமக்கு ஏற்படும் இன்னல்களை களைவதற்கு உண்டான சமயோசித புத்திசாலித்தனத்தையும், பொறுமையான குணத்தையும் நல்குவது புத்திர ஸ்தானம் எனும் ஐந்தாம் பாவக வலிமையே, மேலும் தனது குலம் செழிக்க திருமணம் ஆனா சில வருடங்களிலேயே நல்ல வாரிசை வழங்குவதும் பூர்வபுண்ணியம் எனும் ஐந்தாம் பாவகமே, மேலும் தம்பதியரின் ஒருமித்த கருத்து மற்றும் அறிவு திறனை ஒரே நேர்கோட்டில் இணைப்பது மேற்கண்ட 5ம் பாவகமே என்பதனால் பூர்வபுண்ணிய ஸ்தானம் எனும் 5ம் பாவகம் மிக மிக முக்கியமாகிறது.
3) களத்திர ஸ்தானம் எனும் ஏழாம் பாவகம் வலிமை பெறுவது தம்பதியரின் வாழ்க்கையை நகமும் சதையும் போன்ற உணர்வை தருவது, இருவரின் மனமும் உடலும் ஒன்றற ஜீவசக்தி விரையம் இன்றி கலக்க உதவுவது களத்திர ஸ்தானமே என்றால் அது மிகையில்லை, களத்திர ஸ்தானம் வலிமை பெறுவது எந்த ஒரு சூழ்நிலையிலும் தனது இணையை பிரியாமல் சேர்ந்து வாழும் யோகத்தை வழங்குவது ( பெரும்பாலான காதலர்களின் வாழ்க்கையை வெற்றிபெற வைப்பதற்கு களத்திர ஸ்தான வலிமையே அடிப்படையாக அமைகிறது ) மேலும் தம்பதியர் இருவரின் வாழ்க்கையில் கவுரவம் மரியாதை, சமூக மதிப்பை பெரிய அளவில் வாரி வழங்குவது களத்திர ஸ்தானம் எனும் 7ம் பாவக வலிமையே, சுய ஜாதகத்தில் 7ம் பாவகம் வலிமை குன்றி இருப்பின் தனது வாழ்க்கை துணையை தானே தேர்வு செய்வது என்பது கண்ணை கட்டிக்கொண்டு பாலும் கிணற்றில் விழுவதற்கு சமமானது என்பதை அணைத்தது யுவன் மற்றும் யுவதிகளும் கருத்தில் கொள்வது அவசியமாகிறது.
4) ஆயுள் ஸ்தானம் எனும் எட்டாம் பாவகம் வலிமை பெறுவது தம்பதியரின் ஆயுளை விருத்தி செய்யும் என்பதுடன், திருமணத்திற்கு பிறகான திடீர் அதிர்ஷ்டங்களை உறுதி செய்யும், கணவன் மனைவி வழியில் இருந்தும், மனைவி கணவன் வழியில் இருந்தும் பெரும் தனசேர்க்கையை பற்றி தெரிவிக்கும் பாவகம் என்பதால், தம்பதியரின் சுய ஜாதகத்தில் மேற்கண்ட ஆயுள் பாவகம் வலிமை பெறுவது அவசியமாகிறது, மேற்கண்ட பாவகம் வலிமை இழக்கும் பொழுது பரஸ்பரம் கணவன் மனைவிக்கு வரும் திடீர் இழப்புகளையும், விபத்து மற்றும் மருத்துவ செலவுகளையும் தவிர்க்க இயலாது, பெரும்பாலும் ஆயுள் பாவகம் வலிமை இழந்த வாழ்க்கை துணையை பெரும் அன்பர்களின் வாழ்க்கையில் விதி வெகுவாக விளையாடும், ( மனைவியோ கணவனோ ) காலடி எடுத்து வைத்த நேரம் அனைத்தும் இழந்து ஆண்டியாய் போனது அந்த குடும்பம் என்று ஊரார் பரிகாசிக்கும் நிலையை தந்துவிடும்.
5) அதிர்ஷ்டம் மற்றும் லாபம் எனும் பதினொன்றாம் பாவகம் வலிமை பெறுவது பரஸ்பரம் ஒருவருக்கு ஒருவர் கொண்டுள்ள தன்னம்பிக்கை, ஈடுபாடு, முற்போக்கு சிந்தனை, எதையும் நேர்மறை எண்ணங்கள் கொண்டு சிந்திக்கும் வல்லமை, அதிர்ஷ்டம் மற்றும் லாபத்தின் முழு பலனை தம்பதியர் அனுபவிக்கும் யோகம், எதிர்கால வாழ்க்கையை யோகம் நிறைந்ததாக அமைத்துக்கொள்ளும் சரியான திட்டமிடுதல்கள் என தாம்பத்திய வாழ்க்கையின் 100% விகித வெற்றியை நிர்ணயம் செய்வது தம்பதியரின் ஜாதகத்தில் உள்ள லாபஸ்தானம் எனும் 11ம் பாவக வலிமையே, எனவே தம்பதியரின் சுய ஜாதகத்தில் லாப ஸ்தானம் வலிமை பெறுவது மிக மிக அவசியமாகிறது.
6) அயன சயன ஸ்தானம் எனும் பனிரெண்டாம் பாவகம் வலிமை பெறுவது தாம்பத்திய வாழ்க்கையில் உடல் ரீதியாக வழங்கும் சந்தோஷங்களையும், மனநிறைவையும், நிம்மதியான யோக வாழ்க்கையையும் நிர்ணயம் செய்கிறது, தம்பதியரின் சுய ஜாதகத்தில் மேற்கண்ட அயன சயன ஸ்தானம் வலிமை பெற்று இருப்பது, தாம்பத்திய வாழ்க்கையில் அந்நியோன்னிய இல்லற இன்பங்களை வாரி வழங்கும், உடல் மனம் ரீதியான உணர்வுகளை பரஸ்பரம் ஒருவருக்கு ஒருவர் மதித்து நடந்துகொள்ளும் யோகத்தை தரும், தாம்பத்திய வாழ்க்கையை அடுத்த கட்டத்திற்கு அழைத்து செல்லும் வல்லமையை தம்பதியர் இருவருக்கும் தரும், நல்ல ஆன்மீக வெற்றியையும், இறை அருளின் பரிபூர்ண ஆசிகளையும் வழங்கும் வல்லமை கொண்டது, மேற்கண்ட பாவகம் வலிமை இழக்கும் பொழுதே தாம்பத்திய அந்நியோன்னிய வாழ்க்கையில் மனக்கசப்பை தருகிறது, இல்லற வாழ்க்கையில் பேரிழப்புகளையும், தவறான உறவுகள் வழியில் இன்னல்களை தேடிக்கொள்ளும் சூழ்நிலைக்கு ஆர்ப்படுகிறார்கள், இதனால் இல்லற வாழ்க்கை 200% விகித இன்னல்களை சந்திக்கிறது என்பது கவனிக்க தக்க விஷயமாகிறது.


ஜாதகி

லக்கினம் : மீனம்
ராசி : துலாம்
நட்ஷத்திரம் : சுவாதி 3ம் பாதம்

ஜாதகிக்கு அடிப்படையில் லக்கினம் திடீர் இழப்பை தரும் ஆயுள் பாவகத்துடன் சம்பந்தம் பெறுவது மிகுந்த இன்னலுக்கு ஆளாக்கும், லக்கினம் வலிமை இழப்பது ஜாதகிக்கு உகந்தது அல்ல, மேலும் ஜாதகி தனது வாழ்க்கை துணை வழியில் இருந்து இழப்புகளை பெரிய அளவில் சந்திக்கும் சூழ்நிலையை தரும், குடும்ப ஸ்தானமும் ஆயுள் பாவகத்துடன் சம்பந்தம் பெறுவது ஜாதகியின் குடும்ப வாழ்க்கையை வெகுவாக பதம் பார்க்கும், ஜாதகியின் வார்த்தைகள் குடும்ப வாழ்க்கையில் நிம்மதி இன்மையை தரும், பொருளாதார சிக்கல்களை கடுமையாக, ஜாதகிக்கு ஜாதகியின் கணவருக்கும் தரும், 5ம் பாவக வலிமை பெறுவது ஜாதகிக்கு சிறப்பான விஷயம் என்றாலும், இது நடைமுறைக்கு வர ஜாதகிக்கு நல்லதொரு குழந்தை ( ஆண் ) பாக்கியம் அமைவது அவசியமாகிறது, களத்திர ஸ்தானம் பாதக ஸ்தானத்துடன் சம்பந்தம் பெறுவது எண்ணிலடங்கா துன்பங்களை வாழ்க்கை துணை வழியில் இருந்தும், எதிர்ப்பால் இன அமைப்பினரிடமும் ஜாதகி சந்திக்கும் துர்பாக்கிய நிலையை தரும், நண்பர்கள்,உறவுகள் மற்றும் பொதுமக்கள் வழியில் இருந்து கடுமையான இன்னல்களுக்கு ஆளாக்கும், வெளியூர் மற்றும் வெளிநாடுகளில் உயிர் பயத்தை தரும், ஆயுள் பாவகம் வலிமை பெறுவது தன் கணவனுக்கு திடீர் யோகங்களை தரும், ஜாதகிக்கு பூர்ண ஆயுள் அமைப்பை தரும், இருப்பினும் தனது கணவரால் ஜாதகிக்கு யாதொரு நன்மையையும் இல்லை என்பது கவனிக்க தக்கது, லாப ஸ்தானம் வலிமை இழப்பது ஜாதகிக்கு அதிர்ஷ்டம் அற்ற வாழ்க்கையையும், தன்னம்பிக்கை இன்மையையும், பிற்போக்குத்தனமான செய்கையினால் தனது வாழ்க்கையை தானே கெடுத்துக்கொள்ளும் சூழ்நிலையை தரும், அயன சயன ஸ்தானம் வலிமை இழப்பது, தாம்பத்திய வாழ்க்கையில் திருப்தியற்ற நிலையையும், மன கட்டுப்பாடு இன்றி சிந்திக்கும் தன்மையையும், வீண் விரையங்களையும், அனைவராலும் கடுமையான தொல்லைகளை சந்திக்கும் சூழ்நிலையையும் தரும், இல்லற வாழ்க்கையில் தேவையில்லாத சகவாசத்தை தந்து, விரைவாக குடும்ப வாழ்க்கைக்கு மூடு விழா நடத்தும், ஆனால் தற்போழுது நடைபெறும் சனி திசையும், புதன் புத்தியும் ஜாதகிக்கு 5,10ம் பாவக வழியில் இருந்து யோகத்தை தருவது வரவேற்க தக்க அம்சமாகும்.

ஜாதகர்

லக்கினம் : மிதுனம்
ராசி : மேஷம்
நட்ஷத்திரம் : அஷ்வினி 1ம் பாதம்

ஜாதகருக்கு லக்கினம் மற்றும் குடும்ப ஸ்தானம் வலிமை பெற்று இருப்பது வரவேற்கத்தக்க அம்சமாகும், மேலும் 5ம் பாவகம் வலிமை பெறுவது சிறப்பான விஷயம் 100% விகித யோகத்தை பூர்வ புண்ணிய ஸ்தான வழியில் இருந்து தரும், களத்திர ஸ்தானம் வலிமை இழப்பது வாழ்க்கை துணையுடனான நெருக்கத்தை குறைக்கும், வாழ்க்கை துணை வழியில் திடீர் இழப்பை தரும், ஆயுள் பாவகம் வலிமை பெறுவது, ஜாதகருக்கு நீண்ட ஆயுளையும், வாழ்க்கை துணையை நிந்தனை செய்யும் தன்மையை தரும், லாப ஸ்தானம் வலிமை இழப்பது எதிர்பார்த்த வாய்ப்புகள் கைநழுவி செல்லும், தன்னம்பிக்கை குறையும், பிற்போக்கு தனமான வாதம் ஜாதகரின் வாழ்க்கையை கடுமையாக பாதிக்கும், அயன சயன ஸ்தானம் வலிமை இழப்பது தாம்பத்திய வாழ்க்கையில் மனக்கசப்பை ஏற்படுத்தும், மன நிம்மதி குறையும், எதிர்பால் உறவுகள் மூலம் ஜாதகரின் வாழ்க்கை அதிக அளவிலான இன்னல்களையும், சிக்கல்களையும் வழங்கும், தம்பதியருக்குள் மகிழ்ச்சி இன்மையும், கவர்ச்சி இன்மையும் அதிகரித்து பிரிவில் கொண்டுவந்து நிறுத்தும், ஜாதகருக்கு சில பாவகங்கள் வலிமை பெற்ற போதிலும், ஜாதகரின் சகவாச தோஷம் ஜாதகரை படுகுழியில் தள்ளும்.

மேற்கண்ட தம்பதியரின் வாழ்க்கையில் சுய ஜாதக வலிமை இன்மையே பிரிவை நோக்கி அழைத்து சென்றுகொண்டு இருக்கின்றது, இதற்க்கு தம்பதியரின் சுய ஜாதக வலிமை இன்மையே மிக முக்கிய காரணமாக அமைகிறது, தற்போழுது நடைபெறும் சூரியன் திசை சனி புத்தி வலிமை பெற்ற பாவக பலனை ஏற்று நடத்தினாலும், அடுத்து வரும் புதன் புத்தி தம்பதியரின் இல்லற வாழ்க்கைக்கு சிறப்பான நன்மைகளை வழங்க வாய்ப்பு இல்லை என்பதே முற்றிலும் உண்மை.

குறிப்பு :

திருமணத்திற்கு முன்பு சுய ஜாதக பாவக வலிமையை அறிந்து, இல்லற வாழ்க்கையை ஏற்று கொள்வதே புத்திசாலித்தனம், இதில் தவறு இழைத்தால் வாழ்நாள் முழுவதும் மிகப்பெரிய தவறு செய்தத்திற்கு உண்டான இன்னல்களை தம்பதியர் சந்திக்க வேண்டி வரும், தம்பதியரின் ஒருவரது ஜாதகமாவது பாவக ரீதியாக வலிமை பெற்று இருப்பது அவசியமாகிறது.

வாழ்க வளமுடன் 
ஜோதிடன் வர்ஷன் 
9443355696

திருமண பொருத்தம் : வாழ்க்கை துணையை தேர்வு செய்யும் முன் ஜாதக ரீதியாக கவனிக்க வேண்டிய முக்கிய விஷயங்கள் !

" திருமணம் ஆயிரம் காலத்து பயிர் " என்ற முது மொழிக்கு ஏற்ப, தனது இல்லற வாழ்க்கை சிறப்பாக அமையவும், தனது சந்ததிகளின் வாழ்க்கை சிறப்பு மிக்க எதிர்காலத்தை பெறவும், வாழ்க்கை துணையை தேர்வு செய்யும் பொழுது மிகுந்த கவனம் வேண்டும், வாழ்க்கை துணையை தேர்வு செய்வதில் தவறு இழைப்பது, "முதல் கோணல் முற்றிலும் கோணல்" என்ற நிலைக்கு சம்பந்தப்பட்டவரை அழைத்து சென்று விடும், பொதுவாக திருமண பொருத்தம் காண்பதில் தசவித பொருத்தத்திற்கு ( நட்ச்சத்திர பொருத்தம் ) தரும் முக்கியத்துவத்தை சற்று சுய ஜாதக பாவக வலிமைக்கும் தருவது அவசியமாகிறது, ஏனெனில் சுய ஜாதகத்தை ஆளுமை செய்வதில் லக்கினம் முதல் பனிரெண்டு பாவகங்களின் வலிமையே முதன்மை வகிக்கின்றது, நட்ச்சத்திர பொருத்தத்தின் தாக்கம் இல்லற வாழ்க்கையில் மிக குறைந்த அளவிலேயே இருக்கும், ஆனால் சுய ஜாதக பாவக வலிமையே இல்லற வாழ்க்கையில் வரும் நன்மை தீமை, யோக அவயோகங்களுக்கு முழு காரணமாக அமையும் என்பதனால் வரன் வது ஆகியோரின் சுய ஜாதக வலிமையை கருத்தில் கொண்டு இல்லற வாழ்க்கையில் இணைப்பது சாலச்சிறந்தது.

லக்கினம் : மேஷம்
ராசி : விருச்சிகம்
நட்ஷத்திரம் : கேட்டை 4ம் பாதம்

மேற்கண்ட வதுவை தேர்வு செய்த மணமகனின் சுய ஜாதகத்தில் குடும்ப ஸ்தானம், களத்திர ஸ்தானம் மற்றும் புத்திர ஸ்தானம் மிகுந்த வலிமை பெற்று இருப்பது வரவேற்க தக்க அமசமாகும், எனவே ஜாதகர் தேர்வு செய்த வாழ்க்கை துணை ஜாதகருக்கு யோகங்களை தரும் பொருத்தம் உள்ளவரா என்பதை சிந்தனைக்கு எடுத்துக்கொள்வோம்.

ஜாதகிக்கு 1,7ம் வீடுகள் பூர்வபுண்ணிய ஸ்தானமான 5ம் பாவகத்துடன் சம்பந்தம் பெறுவது லக்கின வழியில் இருந்து நிறைவான யோகங்களையும், அதிபுத்திசாலித்தனம் கொண்டவராகவும் இருப்பர், களத்திர ஸ்தான வழியில் இருந்து நல்ல யோகங்களையும், சிறந்த அறிவுக்கூர்மை கொண்ட வாழ்க்கை துணையையும், கடவுள் அனுகிரகம் பரிபூர்ணமாக கொண்ட ஒரு வாழ்க்கை துணையை பெறுபவர் என்பது சிறப்பான விஷயமாகும்.

2,8,9ம் வீடுகள் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெறுவது, குடும்ப ஸ்தான வழியில் இருந்து மிகுந்த யோகங்களை பெரும் ஜாதகி என்பதுடன், தனது குடும்ப வாழ்க்கையில் சகல சம்பத்துக்களையும் நிறைவாக பெறுபவர் என்பது உறுதியாகிறது, ஆயுள் பாவக வழியில் இருந்து பூர்ண ஆயுளை கொண்டவர் என்பதும், தனது கணவன் வழியில் இருந்து நிறைவான நன்மைகளை தங்கு தடையின்றி பெறுபவர் என்பதும் உறுதியாகிறது, பாக்கிய ஸ்தான வழியில் இருந்து நல்ல பெருந்தன்மையான மன நிலை, அனைவரையும் அனுசரித்து செல்லும் யோகம், பெரியோர் ஆசிர்வாதம், கடவுளின் பரிபூர்ண அருளாசியை பெரும் யோகம், சுய கட்டுப்பாடு மற்றும் ஒழுக்கம் நிறைந்த நடவடிக்கை மூலம் அனைவரையும் வசீகரிக்கும் யோகத்தை தரும்.

5ம் வீடு களத்திர ஸ்தானமான 7ம் பாவகத்துடன் சம்பந்தம் பெறுவது, ஜாதகியின் அறிவு திறனும், சமயோசித புத்திசாலித்தனமும், தனது வாழ்க்கை துணைக்கும், தனது குடும்பத்திற்கும், இந்த சமுதாயத்திற்கும் பெரிய அளவில் பயன்தரும், மேலும் தனது குழந்தைகளுக்கு சிறப்பு மிக்க எதிர்காலத்தை அமைத்து தரும் வல்லமையை பெற்றவர் என்பதும் உறுதியாகிறது, ஜாதகியை திருமணம் செய்துகொள்ளும் அன்பருக்கு பரிபூர்ண யோகங்களை வழங்கும் சிறப்புக்களை பெற்ற ஜாதகி  என்பது உறுதியாகிறது, மேலும் ஜாதகியின் அறிவு திறன்,கல்வி மற்றும் அதி புத்திசாலித்தனம் ஆகியவை ஜாதகியின் வாழ்க்கையில் சகல யோகங்களை வாரி வழங்கும், சிறந்த நிர்வாக திறமை கொண்டவர், இல்லற வாழ்க்கை மிக சிறப்பாக எடுத்து செல்லும் யோகம் பெற்றவர்.

சுய ஜாதகத்தில் 12ம் வீடு மட்டும் பாதிக்கப்படுவது, ஜாதகியின் தாம்பத்திய வாழ்க்கையில் நிகழும் சிறுசிறு குறைபாடுகளை தெளிவு படுத்துகிறது, எனவே 12ம் வீடு உபய ராசி என்பதனால் இதனால் யாதொரு பாதிப்பு வாராது என்பதை கருத்தில் கொண்டு திருமண வாழ்க்கையில் இணைக்கலாம், மேலும் வரனின் சுய ஜாதகத்தில் 12ம் வீடு வலிமை பெற்று இருப்பது தாம்பத்திய வாழ்க்கை சார்ந்த இன்னல்களை களைந்து, ஒற்றுமை நிறைந்த தாம்பத்திய வாழ்க்கையும், மகிழ்ச்சி நிறைந்த குடும்ப வாழ்க்கையையும் வழங்கும் என்பதினால், இவர்களை இல்லறவாழ்க்கையில் 100% விகிதம் இணைக்கலாம்.

மேலும் தற்போழுது நடைபெறும் சூரியன் திசை, எதிர்வரும் சந்திரன் திசை மிகவும் வலிமை பெற்ற பாவக பலனையே ஏற்று நடத்துவதால், திருமண வாழ்க்கை  மற்றும் இல்லற வாழ்க்கை மிகவும் சிறப்பாக அமையும் என்பது கவனிக்கத்தக்க  அம்சமாகும்.

குறிப்பு :

மன இயல்புகளை மட்டும் வெளிப்படுத்தும் நட்சத்திர பொருத்தம், தாம்பத்திய வாழ்க்கையின் வெற்றியை  நிர்ணயம் செய்யாது. லக்கினம் முதல் பனிரெண்டு பாவகங்களின் வலிமையே, தம்பதியரின் வாழ்க்கையில் சகல யோகங்களையும் நல்கும், எனவே திருமண பொருத்தம் காண்பதில் நட்சத்திர பொருத்தம் எனும் தசவித பொருத்தங்கள் 5 % விகித சம்பந்தத்தையும், சுய ஜாதக பாவக ( வலிமை ) பொருத்தங்கள் 100% விகித சம்பந்தத்தையும் தரும் என்பதால், சுய ஜாதக வலிமை அடிப்படையில் திருமண பொருத்தம் காண்பதே தாம்பத்திய வாழ்க்கையில் சகல சௌபாக்கியங்களையும் வாரி வழங்கும்.
   
வாழ்க வளமுடன் 
ஜோதிடன் வர்ஷன் 
9443355696

வாழ்க்கையின் முன்னேற்றங்களை நிர்ணயம் செய்வதில் சுய ஜாதகத்தின் பங்கு !

"ஞாலம் கருதினும் கைகூடும் காலம்
  கருதி இடத்தான் செயின்"

(செயலை முடிப்பதற்கு ஏற்ற) காலத்தை அறிந்து இடத்தோடு பொருந்துமாறு செய்தால், உலகமே வேண்டும் எனக் கருதினாலும் கைகூடும்.

அந்த கால நேரத்தை துல்லியமாக அறிந்துணர்ந்து செயல்பட உதவுவதே, ஜோதிட சாஸ்த்திரம் என்றால் அது மிகையில், சுய ஜாதகத்தை கொண்டும் 12 பாவகங்களின் வலிமையை கொண்டு ஒருவரின் வாழ்க்கையில் நடைபெற்ற, நடைபெறுகின்ற, நடைபெறக்கூடிய நன்மை தீமை, யோக அவயோகங்களின் தன்மையை பற்றி ஜோதிடகணிதம் கொண்டு தெளிவுற கூற இயலும், குறிப்பாக ஒரு ஜாதகரின், உடல் நலம், மனநலம், கல்வி, தொழில், திருமணம், பொருளாதர முன்னேற்றம், புத்திரபாக்கியம், சொத்துசுகம், வண்டி வாகன  யோகம், புகழ் அந்தஸ்து, மனநிம்மதி மற்றும் ஆன்மீக வெற்றி என ஜாதகர் ஜாதகர் வினவும் ஒவ்வொரு கேள்விக்கும் துல்லியமான பதில்களை நல்குவதே, ஜோதிடசாஸ்த்திரம், சுய ஜாதக ஆலோசனையின் அடிப்படையில் மேற்கொள்ளும் காரியங்கள் நிச்சயம் சம்பந்தப்பட்ட ஜாதகருக்கு தன்னிறைவான யோக வாழ்க்கையை வாரி வழங்கும் என்பதில் சந்தேகம் இல்லை, கீழ்கண்ட ஜாதகருக்கு, சுய ஜாதக வலிமையின் அடிப்படையில், வழங்கும் ஆலோசனை பற்றியும், அவரது கேள்விகளுக்கு உண்டான பதில் பற்றியும் சிந்தனைக்கு எடுத்துக்கொள்வோம் அன்பர்களே !

ஜாதகரின் கேள்வி :

தனது ஜாதகத்தில் உள்ள பாவகங்களின் வலிமை ?

1,9ம் வீடுகள் பாதக ஸ்தானமான 7ம் பாவகத்துடன் சம்பந்தம் பெறுவது லக்கினம் மற்றும் பாக்கிய ஸ்தான வழியில் இருந்து 200% விகித இன்னல்களையும்.

2,4,6,10,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெறுவது, குடும்பம்,சுகம்,சத்ரு,ஜீவனம் மற்றும் விரைய ஸ்தான அமைப்பில் இருந்து ஸ்திரமான இன்னல்களையும்.

3,5,7ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெறுவது, வீரியம், பூர்வபுண்ணியம், களத்திர ஸ்தான வழியில் இருந்து மிகுந்த யோக பலன்களையும்.

8ம் வீடு ஆயுள் ஸ்தானமான 8ம் பாவகத்துடன் சம்பந்தம் பெறுவது ஆயுள் பாவக வழியில் இருந்து கடுமையான இன்னல்களையும் ( ஆயுள் பாவகம் சர நெருப்பு தத்துவ ராசி என்பதால் ஜாதகருக்கு பூர்ண ஆயுள் என்றபோதிலும் பித்தம் சார்ந்த உடல் தொந்தரவுகளை ஜாதகர் வாழ்நாள் முழுவதும் சந்திப்பார் )

11ம் வீடு அதிர்ஷ்டம் மற்றும் லாப ஸ்தானம் எனும் 11ம் பாவகத்துடன் சம்பந்தம் பெறுவது மிதம் மிஞ்சிய யோக பலன்களை அளவில்லாமல் வாரி வழங்கும்.

எனவே ஜாதகர் 3,5,7,11ம் வீடுகள் வழியில் இருந்து பரிபூர்ண நன்மைகளையும்,

2,4,6,8,10,12ம் வீடுகள் வழியில் இருந்து இன்னல்களையும், 1,9ம் பாவக வழியில் இருந்து கடுமையான இன்னல்களையும் அனுபவிக்கும் சூழ்நிலையை தரும்.


தற்பொழுது நடைபெறும் திசா புத்தி வழங்கும் பலன்கள் ?

தற்போழுது நடைபெறும் குரு திசை ( 14/11/2003 முதல் 14/11/2019 வரை ) ஜாதகருக்கு 2,4,6,10,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று விரைய ஸ்தான பலனை ஏற்று நடத்துவது ஜாதகரின் வாழ்க்கையில் குடும்பம்,சுகம்,சத்ரு,ஜீவனம் மற்றும் விரைய ஸ்தான அமைப்பில் இருந்து ஸ்திரமான இன்னல்களை தொடர்ந்து வழங்கி கொண்டு இருக்கின்றது இதனால் ஜாதகரின் கல்வி பாதிக்கப்படும், வண்டி வாகனங்கள் மூலம் விரைய செலவு, உடல் உபாதை, விபத்து, தொழில் வேலை வாய்ப்பு இன்மை, மனஅழுத்தம் மற்றும் அதிக மன போராட்டங்களை வழங்கும்.

தற்போழுது நடைபெறும் செவ்வாய் புத்தி( 14/07/2016 முதல் 20/06/2017 வரை ) 3,5,7ம் வீடுகள் பாக்கிய ஸ்தானமான 9ம் பாவகத்துடன் சம்பந்தம் பெறுவது, வீரியம், பூர்வபுண்ணியம், களத்திர ஸ்தான வழியில் இருந்து எடுக்கும் முயற்ச்சி மற்றும் காரியங்களில் வெற்றி, குல தேவதை மற்றும் புத்திசாலித்தனம் மூலம் யோகம், நண்பர்கள் மற்றும் எதிர்ப்பால் இன அமைப்பினர் மூலம் வாழ்க்கையில் முன்னேற்றம் பெரும் யோகம் உண்டாகும், எதிர் வரும் சனி திசை ஜாதகருக்கு பாதக ஸ்தான பலனை ஏற்று நடத்துவதால் மிகுந்த எச்சரிக்கையுடன் வாழ்க்கையை எதிர்கொள்வது நல்லது.

ஜாதகருக்கு உகந்த  தொழில்  

சுய ஜாதகத்தில் வலிமை பெற்ற பாவகங்களான பாக்கியம் மற்றும் லாப ஸ்தானம் தொடர்பான ஜீவன வாழ்க்கையை ஜாதகர் கூட்டாகவோ, அல்லது அடிமை தொழிலாகவோ ஏற்று ஜீவனம் முன்னேற்றம் பெறுவதே உகந்தது, குறிப்பாக ஜாதகர் ஆசிரிய பணி அல்லது வாக்கு வன்மையை தொழிலாக ஏற்று ஜீவனம் செய்யலாம், உணவு பொருட்கள் சார்ந்த தொழிலை தேர்வு செய்து கூட்டு முயற்சியில் நலம் பெறலாம், நீர் தத்துவம் சார்ந்த தொழில்கள் ஜாதகருக்கு பன்மடங்கு லாபம் தரும் இருப்பினும் தனிப்பட்ட முறையில் தொழில் செய்வது உகந்தது அல்ல கூட்டு முயற்ச்சியே நல்ல பலன் தரும், தானிய வியாபாரம் ஜாதகரின் வாழ்க்கையில் சகல நலன்களையும், மிதமிஞ்சிய முன்னேற்றங்களை வாரி வழங்கும்.

குறிப்பு :

எதிர்வரும் சனி திசை ஜாதகருக்கு பாதக ஸ்தான பலனை ஏற்று நடத்த்துவது உகந்தது அல்ல என்பதை ஜாதகர் உணர்வது அவசியமாகிறது, மேலும் தனது குடும்பத்தில் உள்ள பெரியோர் சொல்லும் வார்த்தைகளை மதித்து நடந்து வாழ்க்கையில் நலம் பெறுவது அவசியமாகிறது.

வாழ்க வளமுடன் 
ஜோதிடன் வர்ஷன் 
9443355696

சுய ஜாதகத்தில் மறைவு ஸ்தானங்கள் ( 2,6,8,12 ) வலிமை இழந்தால் ஜாதகருக்கு நன்மை நடைபெறுமா ?

 சுய ஜாதகத்தில் மறைவு ஸ்தானங்கள் எனும் 2,6,8,12ம் வீடுகள் வலிமை இழந்து காணப்படுவது சம்பந்தப்பட்ட ஜாதகருக்கு வாழ்க்கையில் நன்மைகளை தரும் என்பது பொதுவான கருத்து, தீய ஸ்தானங்கள் வலிமை இழப்பது ஜாதகருக்கு நன்மைதரும், தீமைகள் வெகுவாக குறையும் என்பது முற்றிலும் ஜாதக கணிதத்திற்கு புறம்பானதாகவே "ஜோதிடதீபம்" கருதுகிறது, சுய ஜாதகத்தில் லக்கினம் முதல் 12 பாவகங்களும் வலிமை பெற்று இருப்பதே சம்பந்த பட்ட ஜாதகருக்கு யோகத்தை நல்கும் அமைப்பாகும், துர் ஸ்தானங்கள் என்று அழைக்கப்படும் 2,6,8,12 ம் வீடுகள் வலிமை இழப்பது சம்பந்தப்பட்ட ஜாதகரை மேற்கண்ட பாவக வழியில் இருந்து தரும் இன்னல்களை அதிகரிக்கும், அடிப்படையில் மறைவு ஸ்தானங்களாக கருதப்படும், 2,6,8,12ம் வீடுகள் ஒரு ஜாதகருக்கு இன்னல்களை மட்டுமே தரும் என்று கருதுவது தவறான அணுகுமுறையே, மேற்கண்ட பாவகங்கள் வலிமை பெறுவது ஜாதகருக்கு தனது பாவக நிலையில் இருந்து நன்மைகளையும் தரும்  என்பதை கருத்தில் கொண்டு சுய ஜாதக பலன் காண முற்படுவதே சால சிறந்தது.

மறைவு ஸ்தானங்கள் என்று அழைக்கப்படும் 2,6,8,12 பாவகங்கள் வழியில் இருந்து ஜாதகர் பெரும் நன்மைகள் :

1) 2ம் பாவக வழியில் இருந்து ஜாதகர் குடும்ப வாழ்க்கையில் பெரும் மகிழ்ச்சி, சந்தோசம், நிம்மதி, நிலையான வருமானம், இனிமையான பேச்சு திறன், வாக்கு பலிதம், வருமானம் மூலம் ஜாதகர் பெரும் பொருளாதார வளர்ச்சி, ஜாதகருக்கு வருமானம் வரும் வாய்ப்புகள், தொடர் வருமானம், ஜாதகரின் பொருளாதார முன்னேற்றம், ஜாதகரின் வாழ்க்கை துணை ஜாதகருக்கு தரும் ஆதரவு, பொருளாதார திட்டமிடுதல்கள், சேமிப்பு, தனசேர்க்கை, கையிருப்பு, தனலாபம், தொழில் லாபம், அளவற்ற செல்வம், வரவு செலவுகள் சிறப்பு, சொத்துக்கள் மூலம் வருமானம் பெறுதல், கல்வியின் வழியில் வருமானம், அறிவு பூர்வமான செயல்களினால் வெற்றி, என ஜாதகரின் வருமான வாய்ப்புகளை சிறப்படைய செய்ய நிச்சயம் சுய ஜாதகத்தில் 2ம் பாவகம் வலிமை பெறுவது அவசியமாகிறது.

2) 6ம் பாவக வழியில் இருந்து ஜாதகர் தமக்கு வரும் உடல் தொந்தரவுகளை எதிர்க்கும் வல்லமை, ஜாதகருக்கு வரும் எதிர்ப்பு மற்றும் சவால்களை சரியான விதத்தில் எதிர்கொண்டு வெற்றி பெரும் யோகம், தேர்வு மற்றும் தேர்தல்களில் வெற்றி, வட்டி வரவு செலவு, கடன் மூலம் யோக வாழ்க்கை, பணியாளர்கள் மூலம் நன்மை மாற்றும் ஒத்துழைப்பு, மருந்து மற்றும் மருத்துவ உபகரணம் மூலம் லாபம், வழக்குகளில் வெற்றி மற்றும் லாபம் சூது மற்றும் பங்கு சந்தைகளில் லாபம், அனைத்திலும் வெற்றி, எந்த தடையும் இனி அனைத்திலும் வெற்றி பெரும் யோகம், சமாதான பிரியர், பணியாற்றுவதில் ஆர்வம், தோல்வி மற்றும் ஏமாற்றங்களே ஜாதகருக்கு வெற்றியாக மாறுதல் என்ற வகையில் நன்மைகளை பெற சுய ஜாதகத்தில் சத்ரு ஸ்தானமான 6ம் பாவகம் வலிமை பெறுவது அவசியமாகிறது.

3) 8ம் பாவக வழியில் இருந்து ஜாதகர் பூர்ண ஆயுள் பலம், விபத்துகள் மற்றும் இழப்பு அற்ற வாழ்க்கை, உயில் மூலம் லாபம், திடீர் அதிர்ஷ்டம், புதையல் யோகம், இன்சூரன்ஜ், பங்கு வர்த்தகத்தில் லாபம், லாட்டரி மற்றும் பரம்பரை சொத்துக்கள், பெண்கள் வழியில் லாபம், மற்றவர் பணம் கையிருப்பு, எதிர்பாராத யோக வாழ்க்கை, திடீர் தன சேர்க்கை, வாழ்க்கை துணை வழியில் இருந்து வரும் யோக வாழ்க்கை, அவர்கள் வழியில் கிடைக்கும் சொத்து சுக  சேர்க்கை, வெற்றிகரமான வியாபரம், எதிர்பாராத திடீர் லாபம், மருத்துவ துறையில் செல்வ சேர்க்கை, தந்தை மற்றும் முன்னோர்களின் சொத்துக்களை சுவீகரிக்கும் வல்லமை, அந்நியரின் சொத்துக்களை பராமரிக்கும் மற்றும் அனுபவிக்கும் யோகம், பினாமி வழியிலான சொத்துக்களை நிர்வகிக்கும் யோகம் என்ற வகையில் நன்மைகளை பெற சுய ஜாதகத்தில் ஆயுள் ஸ்தானமான 8ம் பாவகம் வலிமை பெறுவது அவசியமாகிறது.

4) 12ம் பாவக வழியில் இருந்து ஜாதகர் அதிக முதலீடுகள் செய்வதால் பெரும் தன்னிறைவான பொருளாதர முன்னேற்றம், திருப்தியான யோக வாழ்க்கை, வெளிநாடுகள் மற்றும் வெளியூரில் பிரபல்யம் மற்றும் சொத்து சேர்க்கை, மருத்துவம் மற்றும் மருந்துகள் மூலம் மிகுந்த லாபம், பயணம் மூலம் லாபங்கள், அறிய இரத்தின சேர்க்கை, புதையல் மற்றும் மண்ணிற்கு கீழ் கிடைக்கும் உலோக பொருள்கள் மூலம் லாபம், மனோதத்துவத்தில் நிபுணத்துவம், புலனுக்கு அப்பாற்ப்பட்ட சக்திகள் இயங்குவதன் மூலம் ஜாதகர் பெரும் யோக வாழ்க்கை, தாம்பத்திய இன்பம், சுகபோகம், கூட்டு செயல்களில் லாபம், திடீர் லாட்டரி யோகமும் தன சேர்க்கையும் உண்டாகும், திடீர் பொருள் வரவு என்ற வகையில் என்ற வகையில் நன்மைகளை பெற சுய ஜாதகத்தில் விரைய ஸ்தானமான 12ம் பாவகம் வலிமை பெறுவது அவசியமாகிறது.

மேற்கண்ட ஜாதகருக்கு சுய ஜாதகத்தில் 2,6,8,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெறுவதுடன், 5,11ம் வீடுகளும் விரைய ஸ்தானமான 12ம் பாவகத்துடன் சம்பந்தம் பெறுவது ஜாதகரின் பொருளாதாரம், குடும்பம், சுய முன்னேற்றம், அதிர்ஷ்டம், மற்றும் தன லாபம் ஆகியவற்றை பதம் பார்க்கும் அமைப்பாகும், 5ம் வீடு பாதிப்படைவது, ஜாதகருக்கு புத்திர பாக்கியத்திர்க்கு தடையையும், 11ம் வீடு பாதிப்பது ஜாதகரின் தன்னம்பிக்கை, அதிர்ஷ்டம், சுய லாபங்களை கேள்விக்குறியாக்கும், மேலும் ஜாதகரின் விரைய ஸ்தானம் ஸ்திர ராசியில் அமைவது நிலையான சிரமங்களை மேற்கண்ட பாவக வழியில் இருந்து வாரி வழங்கும்.
 
மேலும் தற்போழுது நடைபெறும் சனி திசை ( 31/12/2012 முதல் 01/01/2032 ) 2,6,8,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று முழு வீச்சில் விரைய ஸ்தான பலனை ஏற்று நடத்துவது ஜாதகருக்கு மிகுந்த சிரமத்தை தனது திசையில் தரும் அமைப்பாகும், சுய ஜாதகத்தில் மேற்கண்ட பாவகங்கள் பாதிக்கப்பட்டது இன்னல்களை தரும் அமைப்பு என்ற போதிலும், தற்போழுது நடைபெறும் சனி திசை விரைய ஸ்தான பலனையே ஏற்று நடத்திடுவது ஜாதகருக்கு மிகுந்த இன்னல்களை தரும் அமைப்பாகும், தரப்பொழுது நடைபெறும் சனி திசை காலத்தில் ஜாதகர் பெருவாரியான அமைப்பில் குடும்பம் மற்றும் பொருளாதர சிக்கல்களையும், ஜீவன மேன்மையற்ற தன்மையையும் அனுபவித்துக்கொண்டு இருக்கின்றனர், ஜாதகரின் குடும்ப வாழ்க்கையில் வாழ்க்கை துணையுடனனான இன்னல்களையும், வருமானம் சார்ந்த தொந்தரவுகளும் தற்போழுது அதிக அளவில் இருப்பது கவனிக்க தக்கது, மேலும் சுய தேவைகளை பூர்த்தி செய்துகொள்ளும் வல்லமையை கூட ஜாதகருக்கு தற்போழுது நடைபெறும் சனி திசை தரவில்லை என்பது, சனி திசை 2,6,8,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று ஸ்திரமான விரைய ஸ்தான பலனை தருவதே அன்றி வேறு எதுவும் இல்லை அன்பர்களே!

எனவே சுய ஜாதகத்தில் மறைவு ஸ்தானங்கள் வலிமை இழப்பது ஜாதகரின் வாழ்க்கையில் மிகுந்த கடுமையான பாதிப்புகளை தரும் என்பதே முற்றிலும்  உண்மை, மாறாக சுய ஜாதகத்தில் மறைவு ஸ்தானங்கள் வலிமை இழப்பது நன்மையை தரும் என்று கருதுவது முற்றிலும் ஜாதக கணிதத்திற்கு புறம்பானதாகவே அமையும் என்பதில் மாற்று கருத்து இல்லை.

வாழ்க வளமுடன்
ஜோதிடன் வர்ஷன்
9443355696

ஜாதக ஆலோசனை : வேலை மற்றும் திருமண யோகம் !

கேள்வி பதில் :

1) எதிர்காலம் எப்படி இருக்கும்? நல்ல வேலை நல்ல சம்பளத்துடன் அமையுமா? வெளிநாடு யோகம் உண்டா ?   

அன்பு சகோதரிக்கு " வணக்கம் " 

தங்களின் சுய ஜாதக அமைப்பின் படி எதிர்கால வாழ்க்கை பற்றி தெளிவாக தெரிந்துகொள்ள, தற்போழுது நடைபெறும் திசாபுத்தி, எதிர்வரும் திசாபுத்தி ஏற்று நடத்தும் பாவகங்களின் தன்மையை வைத்து தெளிவாக அறிந்துகொள்ளலாம், தற்போழுது தங்களுக்கு சுக்கிரன் திசை ( 07/05/2012 முதல் 07/05/2032 வரை ) நடைமுறையில் உள்ளது, நடைபெறும் சுக்கிரன் திசை தங்களுக்கு 2,4,8,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று ஸ்திர நெருப்பு ராசியான சிம்ம வீட்டின் பலனை ஏற்று நடத்துகிறது, எனவே சுக்கிரன் திசை தங்களுக்கு 2ம் பாவக வழியில் இருந்து குடும்ப வாழ்க்கையில் நிம்மதி இழப்பு, வருமானம் இன்மை வாக்கினால் துன்பம் மற்றும் இன்னல்களையும், 4ம் பாவக வழியில் இருந்து தகப்பனார் மற்றும் சுக போக வாழ்க்கையில் இன்னல்களையும், 8ம் பாவக வழியில் இருந்து திடீர் இழப்பு,வீண் செலவு,ஏமாற்றம் மற்றும் மருத்துவ செலவு உடல் நல குறைபாட்டினையும் வழங்கும், 12ம் பாவக வழியில் இருந்து அனைவராலும் தொல்லை, மன நிம்மதி இழப்பு, எதிர்பார்ப்புகள் அனைத்தும் ஏமாற்றம் தரும் நிலை, மன அழுத்தம், மன போராட்டம், அனைத்திலும் விரையம் என்ற வகையில் பலன்களை தரும், எனவே தங்களுக்கு தற்போழுது நடைபெறும் சுக்கிரன் திசை அவயோக பலன்களை ஸ்திரமாக வாரி வழங்கிகின்றது என்பது மட்டும் உண்மை, மேலும் தற்போழுது நடைபெறும் சுக்கிரன் திசையில் சந்திரன் புத்தி  ( 06/09/2016 முதல் 07/05/2018 வரை ) 1,9ம் வீடுகள் லாபம் மற்றும் அதிர்ஷ்ட ஸ்தானமான 11ம் பாவக பலனை ஏற்று நடத்துவது சகல நன்மைகளையும் வாரி வழங்கும் லக்கின பாவக வழியில் இருந்து சில அதிர்ஷ்டங்களை முன்னேற்றங்களையும் பெரும் யோகம் உண்டாகும், எடுக்கும் முயற்சிகள் லாபம் தரும் அதிர்ஷ்டகரமான சில நிகழ்வுகள் தங்களுக்கு சிறப்பான நன்மைகளை வாரி வழங்கும்.

அடுத்து வரும் சூரியன் திசை 5,7ம் வீடுகள் பாதக ஸ்தானமான 7ம் பாவகத்துடன் சம்பந்தம் பெற்று பலனை தருவது தங்களுக்கு மேற்கண்ட பாவக வழியில் இருந்து அதாவது குழந்தை பாக்கியம் மற்றும் களத்திர பாவக வழியில் இருந்து அதிக அளவில் ( 200% சதவிகித ) இன்னல்களை வழங்க வாய்ப்பு உண்டு என்பதால், சரியான வாழ்க்கை துணையை தங்கள் தேர்வு செய்வது அவசியமாகிறது.

 2) கல்யாணம் எப்போது நடக்கும்? எப்படி பட்ட துணை அமையும். பரிகாரம் செய்தால் தான் திருமணம் நடைபெறுமா?

தற்போழுது நடைமுறையில் உள்ள சுக்கிரன் திசை சந்திரன் புத்தியில்  ( 06/09/2016 முதல் 07/05/2018 வரை ) திருமணத்திற்கு உண்டான முயற்சி எடுத்தால் தங்களுக்கு திருமணம் சிறப்பாக நடைபெற அதிக வாய்ப்புள்ளது, மேலும் தங்கள் பெரிய அளவில் எதிர்பார்ப்பு இல்லாமல், சுய ஜாதகம் வலிமை உள்ள ஒரு வரனை தேர்வு செய்தால் தங்களின் வாழ்க்கை சிறப்பான நன்மைகளையும் யோகங்களையும் வாரி வழங்கும், தங்கள் வசிக்கும் இடத்திற்கு அருகில் உள்ள ஊரிலேயே இருந்து நல்ல வரன் வர வாய்ப்பு உண்டு, சுய ஜாதகத்தில் 2,7,12ம் வீடுகள் கடுமையாக பாதிக்கப்படுவதால் திருமணம் நடைபெற முறையான பரிகாரங்களை நாடுவதே மிகுந்த நன்மைகளை தங்களுக்கு வாரி வழங்கும், குறிப்பாக களத்திர ஸ்தானம் பாதக ஸ்தானத்துடன் சம்பந்தம் பெறுவது தங்களுக்கு திருமண தடைகளை ஏற்படுத்தும், இதற்கான பரிகாரங்களை முறைப்படி அறிந்து நலம் பெறுவது அவசியமாகிறது.


3) தற்போது உடல்நலம் மற்றும் மனநலம் பாதிக்க பட்டுள்ளது. காரணம் என்ன ?

நடைபெறும் சுக்கிரன் திசை தங்களுக்கு சாதகமாக இன்றி இருப்பதும், சுய ஜாதகத்தில் நெருப்பு மற்றும் மண் தத்துவ ராசிகள் கடுமையாக பாதிக்கப்படுவதும் தங்களுக்கு மிகுந்த இன்னல்களை உடல் மற்றும் மனம் ரீதியாக வாரி வழங்கும், இதற்கான பரிகாரங்களை மேற்கொள்வதும் உடல் மற்றும் மன நலனில் அக்கறை செலுத்துவதும் தங்களுக்கு சிறப்பான நன்மைகளை வாரி வழங்கும்.


4) சில சோதிடர்கள் எனக்கு திருமணம் நான்கு ஆண்டுகளுக்க மேல் ஆகும் என்கிறார்கள்? உண்மையில் திருமணம் நடைபெறுமா?

  இந்த கூற்றில் சிறிதும் உண்மை இல்லை தங்கள், சில விஷயங்களில் விரைவாக முடிவு எடுத்தல் எதிர்வரும் 3 மாதங்களில் தங்களுக்கு சிறப்பாக திருமணம் நடைபெறும், தடைகள் யாவும் தகர்ந்து, இனிமையான இல்லறம் அமைய அதிக வாய்ப்பு உண்டு என்பதால் விரைவாக சில முயற்சிகளை மேற்கொண்டு வாழ்க்கையில் நலம் பெறுவது அவசியமாகிறது.

5) மாப்பிள்ளை திசை வீடு குடும்பம் படிப்பு ஜாதி வேற்று மதம் இனம் அமையுமா. வேற்று இனத்தில் திருமணம் செய்தால் குடும்ப வாழ்வில் பிரச்சனைகள்  ஏற்படுமா?                         

வடகிழக்கு அல்லது வடக்கு சார்ந்த திசைகளில் இருந்து வாழ்க்கை துணை அமையும், மிக அருகாமையில் வாழ்க்கை துணையின் இல்லம் அமைந்து இருக்கும், நல்ல கல்வி மற்றும் சிறப்பான பணியில் இருப்பார், வேற்று ஜாதியில் திருமணம் தங்களுக்கு நன்மைகளை தரும், வேற்று இனத்தில் திருமணம் செய்தால் வாழ்க்கையில் யோகமும் முன்னேற்றமும் உண்டாகும்.

6) குழந்தை பாக்கியம் உண்டா?

நிச்சயம் உண்டு முதலில் பெண் குழந்தை அமைய அதிக வாய்ப்பு உள்ளது, இருப்பினும் தங்களது எதிர்கால வாழ்க்கை துணையின் ஜாதக வலிமையை உணர்ந்து தெளிவாக சொல்ல இயலும்.
                        
7) எனக்கு பெற்றோர் மற்றும் உடன்பிறப்புகளின் ஆதரவு இன்றி உள்ளேன். கல்யாண வரன் பார்ப்பதில் நண்பர்களின் ஆதரவுமில்லை. இப்படிப்பட்ட சூழலில் உண்மையில் திருமணம் நடைபெறுமா? 

நிச்சயம் நடைபெறும், தங்களுக்கு திருமணம் சார்ந்த விஷயங்களில் உதவி வரும், குல தெய்வத்தின் ஆசியுடன் வாழ்க்கையில் திருமணம் சிறப்பாக நடைபெறம், எதிர்காலம் தங்களுக்கு மிகுந்த நன்மைகளை வழங்கும்.

8) ஐயா நான் தற்போது பிறந்த ஊரில் உள்ளேன். குறைந்த வருவாயில் வேலை. நான் வேலை தேடி இடமாற்றம் சென்றால் சிறப்பாக இருக்குமா? 

இது ஒரு "உத்தமமான சிந்தனை" தங்கள் விரைவில் வெளியூர் அல்லது வெளிநாடு சென்று ஜீவனம் செய்வதற்கு உண்டான முயற்சியை மேற்கொள்வது நல்லது, மேலும் தாங்கள் வாழ்க்கை துணையை தேர்வு செய்யும் பொழுது வெளியூர் அல்லது வெளிநாட்டில் ஜீவனம் செய்ப்பவராக தேர்வு செய்வது சகல நலன்களையும் வாரி வழங்கும், இல்லற வாழ்க்கையில் வரும் யோகத்தை உறுதி செய்யும்.

9) வேலை கிடைப்பதில் மற்றும் வரன் சரியாக அமைவதில்லை மற்றும் வருவதுமில்லை. இடமாற்றம் செய்தால் கல்யாணம் மற்றும் வேலைக்கு சரி வருமா?                         

சிறப்பான வெற்றிகளை வாரி வழங்கும், இடமாற்றம் தங்களுக்கு மிகுந்த யோகத்தை வாரி வழங்கும், குறிப்பாக தங்களது பூர்வீகத்தை விட்டு வெளியில் சென்று ஜீவனம் தேடுவதும், வாழ்க்கை துணையை தேடுவதும் தங்களுக்கு எதிர்பாராத அதிர்ஷ்டங்களை நன்மைகளையும் வாரி வழங்கும், சுய ஜாதகத்தில் பூர்வீக ஸ்தானம் எனும் 5ம் வீடு  பாதக ஸ்தானமான 7ம் பாவகத்துடன் சம்பந்தம் பெறுவது தங்களுக்கு அளவில்லா இன்னல்களை வாரி வழங்கும், பூர்வீகத்தில் குடியிருக்கும் வரையிலும், எனவே இதில் இருந்து தப்பிக்க நல்ல உபாயம் தங்களது பூர்வீகத்தில் இருந்து 100 மைல் தொலைவிற்கு அப்பால் சென்று குடியிருப்பது சகல நலன்களையும் வாரி வழங்கும்.
                        
10) என்னுடைய திருமணம் நடைபெறும் பொழுது பெற்றோர் உடன் இருப்பார்களா?                         

நிச்சயம் இருப்பார்கள், இருப்பினும் தங்களது விருப்பப்படி திருமணம் நடைபெறும், இல்லற வாழ்க்கை சிறப்பாக அமையும்.

11) திருமணம் வேலை மற்றும் எந்த வேலையிலும் தடைகள் இருப்பதை களைய பரிகாரம் உள்ளனவா?

தங்களது சுய ஜாதகத்தில் 3,5,7ம் வீடுகள் பாதக ஸ்தானமான 7ம் பாவகத்துடன் சம்பந்தம் பெறுவது, சகோதரம்,பூர்வபுண்ணியம் மற்றும் களத்திர வழியில் இருந்து 200% விகித இன்னல்களை தரும் அமைப்பாகும், மேலும் 2,4,8,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெறுவது, குடும்பம்,சுகம்,ஆயுள் மற்றும் விரைய பாவக வழியில் இருந்து அதிக அளவில் இன்னல்களை தரும் அமைப்பாகும், எனவே மேற்கண்ட பாவக வழியில் இருந்து வரும் இன்னல்களை தவிர்க்கவும், மேற்கண்ட பாவக வழியில் இருந்து நன்மைகளை பெறவும், முறையான பிரீதி பரிகாரங்களை பற்றி நேரில் வந்து தெளிவாக ஆலோசனை பெற்று, தங்களது வாழ்க்கையில் சகல நலன்களையும் பெற "ஜோதிடதீபம்" வாழ்த்தி வரவேற்கிறது.

வாழ்க வளமுடன் 
ஜோதிடன் வர்ஷன் 
9443355696

குரு பெயர்ச்சி வழங்கும் யோக வாழ்க்கை - கன்னி லக்கினம் !

திருக்கணித பஞ்சாங்க முறைபடி வரும் 11.08.2016 வியாழன் அன்று இரவு 9.35 மணிக்கு சிம்ம இராசியில் இருக்கும் குரு பகவான், கன்னி இராசிக்கு செல்கிறார், இனிவரும் ஒரு வருடம் கன்னி ராசியில் சஞ்சாரம் செய்யும் குரு பகவான் மேஷம் முதல் மீனம் வரையிலான 12 லக்கின அன்பர்களுக்கு வழங்கும் பலாபலன்கள் பற்றி இனிவரும் பதிவுகளில் சிந்தனைக்கு எடுத்துக்கொள்வோம் அன்பர்களே! லக்கினம் என்பதே ஒருவரின் ஜாதகத்தை இயக்குவதில் 100% விகித பங்கை வகிக்கிறது என்பதால் ஒருவரின் லக்கினத்தை அடிப்படையாக கொண்டும், தற்போழுது நடைபெறும் திசாபுத்தி ஏற்று நடத்ததும் பாவகங்களுக்கு, குரு பகவான் தரும் கோள் சாரா பலன்களை அடிப்படையாக கொண்டும், ஜாதக பலன்களை நிர்ணயம் செய்யும் பொழுது சம்பந்த பட்ட ஜாதகருக்கு நடைபெறும் யோக அவயோக பலன்களை பற்றி தெளிவாக உணர இயலும், அதன் அடிப்படையில் தற்போழுது பெயர்ச்சி பெற்றுள்ள குரு பகவான் "கன்னி" லக்கின அன்பர்களுக்கு வழங்கும் பலாபலன்கள் பற்றி சிந்தனைக்கு எடுத்துக்கொள்வோம் அன்பர்களே!

கன்னி லக்கினம் 

கன்னி லக்கின அன்பர்களுக்கு லக்கினத்தில் சஞ்சாரம் செய்யும் குரு பகவான், நல்ல தீர்க்கமான அறிவு திறனை வாரி வழங்குவார், உடல் நலம் மற்றும் மன நலம் சிறந்து விளங்கும், ஆரோக்கிய குறைகள் இருப்பின் பூரண குண நலம் பெரும் யோகம் உண்டாகும், நல்ல தன சேர்க்கை உண்டாகும், கடன் பெறுவது கொடுப்பதால் நல்ல லாபம் மற்றும் முன்னேற்றம் உண்டாகும், எதிர்ப்புகள் அகலும், ஜாதகரின் வார்த்தைகளுக்கு நல்ல மதிப்பு மரியாதை உண்டாகும், குறுகிய காலத்தில் பொருளாதார வளர்ச்சி உண்டாகும், வியாபாரம் மற்றும் சிறு தொழில் செய்யும் அன்பர்களுக்கு இனிவரும் 1 வருடம் நல்ல வருமான வாய்ப்பை வாரி வழங்கும், போட்டி பந்தயங்களில் வெற்றி கிட்டும், லாட்டரி யோகம் உண்டாகும், எதிரிகளும் நண்பர்கள் ஆகும் யோகம் உண்டு, இருப்பினும் ஜாதகர் தனது சுய முன்னேற்றத்தில் அதிக அக்கறையுடன் செயல்படுவது நல்லது, ஜாதகருக்கே தெரியாமல், மற்றவர்களால் இன்னல்கள் ஏற்பட்ட அதிக வாய்ப்புண்டு, மருத்துவ சிகிச்சை தேவை எனில் உடனடி கவனம் செலுத்தி, குண நலம் பெறுவது அவசியமாகிறது, லக்கின வழியில் இருந்து ஜாதகர் மிகுந்த நன்மைகள் பெறுவது இந்த குரு பெயர்ச்சி "கன்னி" லக்கின அன்பர்களுக்கு வழங்கும் சிறப்பு அம்சமாகும்.

குரு பகவான் தனது 5ம் பார்வையை பூர்வ புண்ணிய ஸ்தானமான 5ம் பாவகத்தை வசீகரிப்பது, கல்வி கேள்விகளில் சிறந்து விளங்க செய்யும், பூர்வீகத்தில் ஜீவனம் செய்யும் அன்பர்களுக்கு தொழில் முன்னேற்றத்தை வெளியூர் அல்லது வெளிநாடுகளில் வாரி வழங்கும், தனது பூர்வீகத்தை விட்டு வெகு தொலைவு சென்று பெயரும் புகழும் சம்பாதிக்கும் யோகத்தை வாரி வழங்கும், இதுவரை தொழில் அமையாத கன்னி லக்கின அன்பர்களுக்கு திடீரென தொழில் வாய்ப்புகள் அமையும், புதிய தொழில் துவங்கும் யோகம் உண்டாகும், இருப்பினும் ஜாதகரின் அறிவு திறனை முழு வீச்சில் செயல்படுத்த இயலாத சூழ்நிலையை தரும், புத்திர பாக்கியம் மருத்துவ சிகிச்சையின் பெயரில் கிடைக்க பெறுவார்கள், தொழில் ஞானம் ஜாதகருக்கு இருந்த போதிலும் பொறுமையை கடைபிடிக்கும் நேரம் இது என்பதால் மேல் அதிகாரிகளிடம் சுமூகப்போக்கை கடைபிடிப்பது "கன்னி" லக்கின அன்பர்களுக்கு நன்மைகளை தரும், மேலும் தனது குழந்தைகளின் மீது அதிக அக்கறை கொள்வதும், அவர்களின் நடவடிக்கையில் கவனம் செலுத்துவதும் தங்களுக்கும் தங்களது வாரிசுகளுக்கும் நன்மை பயக்கும், குல தேவதை வழிபாடும், புண்ணிய சேத்திர வழிபாடும் தங்களுக்கு சகல வழிகளில் இருந்தும் யோகத்தை வாரி வழங்கும்.

குரு பகவான் தனது 7ம் பார்வையை களத்திர ஸ்தானமான 7ம் பாவகத்தை வசீகரிப்பது, கன்னி லக்கின அன்பர்களுக்கு வாழ்க்கை துணை, நண்பர்கள் மற்றும் கூட்டாளிகள் வழியில் இருந்து அதிக அளவில் மன உளைச்சலை வாரி வழங்கும், பொது காரியங்களில் ஈடுபடுவது தங்களுக்கு கவுரவ குறைகளை தரக்கூடும், தேவையில்லாமல் மற்றவர்கள் விஷயங்களில் ஈடுபடுவது தங்களின் வாழ்க்கையில் மிகப்பெரிய இடர்பாடுகளை வாரி வழங்க வாய்ப்புண்டு, மன நிம்மதி வெகுவாக குறையும், புதிய கூட்டு முயற்ச்சி தங்களுக்கு நன்மைகளை வழங்க வாய்ப்பில்லை என்பதால், அவற்றை தவிர்ப்பது நலம் தரும், வெளியூர் வெளிநாடுகள் செல்லும் பொழுது அனைத்து ஆவணங்களையும் சரிபார்த்த பிறகு பயணம் மேற்கொள்வது தங்களுக்கும் தங்களை சார்ந்தவர்களுக்கும் நன்மை பயக்கும், மற்றவர்கள் பிரச்சனைகளில் தலையிடாமல் ஒதுங்கி நிற்பதே தங்களுக்கு சகல நன்மையையும் தரும், குறிப்பாக எதிர்பால் அமைப்பினரிடம் அதிக எச்சரிக்கையாக பழகுவது நலம் தரும், இல்லையெனில் அவர்களால் அதிக துன்பத்திற்கும், மன உளைச்சல்களுக்கும் ஆளாகும் சூழ்நிலையை தரும், கன்னி லக்கின அன்பர்களுக்கு குரு பகவானின் 7ம் பார்வை களத்திர பாவகத்திற்கு அதிக நெருக்கடிகளை தருகிறது என்பதால், வாழ்க்கை துணை, நண்பர்கள் மற்றும் கூட்டாளிகள் வழியில் அதிக கவனமுடன் நடந்துகொள்வது சகல நன்மைகளையும் வாரி வழங்கும்.

குரு பகவான் தனது 9ம் பார்வையை பாக்கிய ஸ்தானமான 9ம் பாவகத்தை வசீகரிப்பது, கன்னி லக்கின அன்பர்களுக்கு பெரிய மனிதர்கள் ஆதரவும், சமூகத்தில் அந்தஸ்தும் உண்டாகும், பல திருத்தலங்களுக்கு புண்ணிய யாத்திரை சென்றுவரும் யோகம் உண்டாகும், நல்ல குரு அமைவார், அதன் வழியில் இருந்து ஜாதகர் சகல நன்மைகளையும் பெரும் யோகம் உண்டாகும், ஆராய்ச்சி மற்றும் பட்டய கல்வியில் தேர்ச்சி உண்டாகும், குடும்ப வாழ்க்கையிலும், வருமான ரீதியாகவும் தங்களுக்கு மிகுந்த முன்னேற்றம் உண்டாகும், இதுவரை பிரிந்து இருந்த தம்பதியர்கள் பெரிய மனிதர்களின் உதவி மூலம் இல்லற வாழ்க்கையில் ஒன்று இணையும் யோகம் உண்டாகும், ஜாதகரின் வார்த்தைகளுக்கு நல்ல மதிப்பும் மரியாதையும் உண்டாகும், குடும்ப வாழ்க்கையில் மகிழ்ச்சி பொங்கும், செல்லும் இடங்களில் எல்லாம் நல்ல  வரவேற்பும் ராஜ மரியாதையும் கிடைக்கப்பெறுவீர்கள், மனதில் உள்ள பயம் அகலும், கலையை தொழிலாக செய்யும் அன்பர்களுக்கு யோகங்கள் வந்து சேரும், அரசு மரியாதை மற்றும் கவுரவம் கிடைக்க பெறுவீர்கள், கன்னி இலக்கின அன்பர்களுக்கு இனிவரும் ஒரு வருட காலம் பாக்கிய ஸ்தான வழியில் இருந்து ஸ்திரமான நன்மைகளும் யோகங்களும் உண்டாகும், மேலும் புதிய கண்டு பிடிப்புகள், புதிய சிந்தனைகள் ஜாதகரின் வாழ்க்கையில் மிகப்பெரிய நீண்ட கால யோகங்களை வாரி வழங்கும்.

குறிப்பு :

கன்னி லக்கின அன்பர்களுக்கு  தற்போழுது நடைபெறும் திசாபுத்திகள் 1,5,7,9ம்  பாவக பலனை ஏற்று நடத்தினால் மட்டுமே மேற்கண்ட பலாபலன்கள் நடைமுறைக்கு வரும், தற்போழுது நடைபெறும் திசா புத்திகள் மேற்கண்ட பாவக பலனை ஏற்று நடத்தவில்லை எனில், குரு பெயர்ச்சியினால் யாதொரு நன்மையையும் தீமையும் நடைமுறைக்கு வாராது என்பதை கருத்தில் கொள்க, மேலும் குரு பெயர்ச்சி பலனை பற்றி தெளிவாக தெரிந்துகொள்ள, சுய ஜாதகத்துடன் நேரில் ஆலோசனை பெற்று கொள்வதே சாலச்சிறந்தது.

வாழ்க வளமுடன் 

ஜோதிடன் வர்ஷன் 

9443355696

ஜாதக ஆலோசனை, திருமணம் எப்பொழுது? வாழ்க்கை துணை எப்படி அமையும்?

ஜாதக ஆலோசனை : 

சந்தேகங்களும் அதற்க்கு உண்டான உண்மை விளக்கங்களும்.

Opinions from other Astrologers about my horoscope:

1. Marriage will happen before Aug 2016.
2. No possibilities of marriage in kethu thissai.I should do marriage before kethu thisai starts.
3. Marriage possibilities would be less in my horoscope.
4. Suriyan in 7th house in my horoscope, so i will have problems in my marriage, marriage life. I have kalathira dosham and sarpa dosam. Sun is placed badly in 7th house, so problem will be more in my life.
5. Last minute marriage will cancel.If i marry also,I will stay alone for long time without wife.
6. I have pen(women) sabam in my horoscope. So, i could choose the girl who is a widower or divorcee or short time separated girl from husband or inter caste girl or engagement cancelled girl.
7. I should do only job. I should not invest money in business, if i do business, there will be a huge loss.
8. I will have extra affair or may be possibility of second marriage.
9. I have less luck in my horoscope.
10.I will loose my properties and wealth.
11.Future wife will be short tempered nature. Marriage life will not be happy.
12.Some problems will come in before marriage.
13.Rahu in 2nd place and kethu in 8th place, so i have sarpa dosam. Because of this, marriage is getting delayed.
14.I will loose many big opportunities in my life.

15.I will get a very old age wife.

1) நிச்சயமாக நடக்க வாய்ப்பில்லை, ஏனெனில் தற்போழுது நடைபெறும் புதன் திசையும் தங்களுக்கு விரைய ஸ்தான பலனை ஏற்று நடத்துகிறது, புதன் திசையில் நடைபெறும் சனி புத்தியும் தங்களுக்கு விரைய ஸ்தான பலனையே ஏற்று நடத்துகிறது, எனவே தங்கள் எடுக்கும் திருமண முயற்ச்சிகள் யாவும் தோல்வியையே தழுவும்.

2) கேது திசையில் திருமணம் செய்ய வாய்ப்பில்லை என்பது, முற்றிலும் தவறான கருத்து, ஏனெனில் கேது திசை தரும் பலாபலன்கள் பற்றியும், கேது திசை ஏற்று நடத்தும் பாவகங்களின் வலிமை பற்றியும் அறியாமல் சொல்லும் பொது பலனாகவே இது உள்ளது, தங்களது ஜாதகத்தில் அடுத்து வரும் கேது திசை தங்களுக்கு லாப ஸ்தானமான 11ம் பாவக பலனை ஏற்று நடத்துவது தங்களுக்கு அதிர்ஷ்டமிக்க யோகவாழ்க்கையை வாரி வழங்கும், மேற்கண்ட கூற்று முற்றிலும் தவறானது, கேது திசை தங்களுக்கு முழு அளவில் யோகத்தையே தருகிறது, ( கேது திசை வழங்கும் பலாபலன்கள் பற்றி தனி பதிவு இடப்படும் ) மேலும் கேது திசைக்கு முன்னாள் தற்போழுது நடைபெறும் புதன் திசையும் சரி, புதன் திசை சனி புத்தியும் சரி தங்களுக்கு விரைய ஸ்தான  பலனையே நடத்துவதால் நிச்சயம் திருமணம் நடைபெற வாய்ப்பில்லை என்பதை உணருங்கள், தங்களுக்கு எதிர்வரும் கேது திசையே  யோகம் மிகுந்த திருமண வாழ்க்கையை அமைத்து தரும்.

3) இது தங்களது ஜாதக வலிமைக்கு புறம்பான உண்மையற்ற கருத்து, சுய ஜாதகத்தில் ஒருவருக்கு குடும்பம் எனும் 2ம் பாவகமும், களத்திரம் எனும் 7ம் பாவகமும் கடுமையாக பாதிக்கப்பட்டால் மட்டுமே ( பாதக ஸ்தான தொடர்பை பெற்று, நடைபெறும் திசா புத்திகளும் ஜாதகருக்கு பாதிக்கப்பட்ட 2,7ம் பாவக பலனை ஏற்று நடத்தினால் மட்டுமே) ஜாதகருக்கு திருமண வாழ்க்கை இல்லை என முடிவு செய்யலாம், தங்களது சுய ஜாதகத்தில் குடும்ப ஸ்தானம் எனும் 2ம் பாவகம் வலிமை உடனும், களத்திர ஸ்தானம் எனும் 7ம் பாவகம் மிக மிக வலிமையுடன் இருப்பது, மனதிற்கு உகந்த இல்லற வாழ்க்கையை வாரி வழங்கும், இது கேது திசையில் கேது புத்தியிலேயே நடைமுறைக்கு வரும்.

4) சூரியன் 7ம் பாவகத்தில் அமர்ந்தாலே தீமையை மட்டுமே செய்யும் என்ற கூற்று முற்றிலும் உண்மைக்கு புறம்பானது, தங்களது சுய ஜாதகத்தில் களத்திர ஸ்தானம் எனும் 7ம் பாவகம் மிகவும் வலிமை பெற்று உள்ளது எனவே, இங்கு அமர்ந்த சூரியபகவான் தங்களுக்கு நன்மைகளையும் யோகத்தியுமே நல்குவார், குறிப்பாக வெளிநாடு, வெளியூர் வழியில் இருந்து யோகம் உண்டாகும், களத்திர ஸ்தானம் தங்களுக்கு உபய மண் தத்துவத்தில் அமைவது, தங்களது வாழ்க்கை துணை வழியில் இருந்து பரிபூரண யோகங்களை அனுபவிக்க வல்லவர் என்பதை தெளிவுபடுத்துகிறது, மேலும் இங்கு அமர்ந்த சூரிய பகவானால் தங்களுக்கு எவ்வித இன்னல்களும் இல்லை, இல்லற வாழ்க்கையிலும் யாதொரு துன்பமும் நிகழாது என்பதை கருத்தில் கொள்வது தங்களுக்கு  நன்மையை தரும், மேலும் களத்திர ஸ்தானம் வலிமை பெற்றுள்ளது யோகமே, இதில் யாதொரு களத்திர தோஷமும் இல்லை, சர்ப்ப தோஷமும் இல்லை என்பதே உண்மை.

5) திருமண முயற்ச்சிகள் கடைசி நேரத்தில் தோல்வியை தந்தத்திற்கு தற்போழுது தங்களுக்கு நடைபெறும் திசை மற்றும் புத்தி (புதன்,சனி  ) வலிமை அற்ற விரைய ஸ்தான பலனை ஏற்று நடத்திடுவது, மட்டுமே காரணமாக சொல்ல இயலும், ஆகவே தற்போழுது  நடைபெறும் திசை மற்றும் புத்தி சாதகமாக தங்களுக்கு இல்லாமல் இருப்பதே இதற்க்கு முழு முதற் காரணமாக அமைந்து விடுகிறது, மேலும் வாழ்க்கை துணை இல்லாமல் வெகு காலம் எல்லாம் தாங்கள் அவதிப்படும் நிலையை தாராது, நடைபெறும் புதன் திசை சனி புத்தி  நிறைவுக்கு பிறகு வரும் கேது திசை, கேது புத்தியில் நல்ல வாழ்க்கை துணை அமையும் .

6) தங்களுக்கு எந்த ஒரு பெண்ணின் சாபமும் இல்லை ( அப்படி இருப்பின் சுய ஜாதகத்தில் 2,7,8ம் பாவகங்கள் காட்டி கொடுத்துவிடும் ) மேலும் விதவை பெண்ணை திருமணம் செய்யும் அளவிற்கு தங்களுக்கு எந்த ஒரு குறையும் ஜாதக ரீதியாக இல்லை, வேற்று ஜாதியில் திருமணம் செய்யும் நிலையும் தங்களுக்கு வாராது, கணவனை குறுகிய காலத்தில் பிரிந்த பெண்ணையும் திருமணம் செய்யும் நிலையும் வாராது, ஒருவேளை இதை சொன்னவர்களுக்கு வேண்டுமானால் பெண் சாபம் இருக்க கூடும், அதனால் தான் மேற்கண்ட பலனை தங்களுக்கு வழங்கி உள்ளனர்.

7) சுய ஜாதகத்தில் ஜீவன ஸ்தானம் வலிமை பெறுவதும், லாப ஸ்தானம் மிகவும் வலிமை பெறுவதும் தங்களுக்கு நல்ல தொழில் வெற்றிகளை வாரி வழங்கும், இது திருமணத்திற்கு பிறகும், கேது மற்றும் சுக்கிரன் திசையில் நடைமுறைக்கு வரும், ஜீவன ஸ்தானம் வலிமை பெற்று இருக்கும் ஜாதகர்கள் சுய தொழில் செய்ய அருகதை உடையவர்கள், லாப ஸ்தானம் வலிமை பெறுவது செய்யும் தொழில் வழியில் இருந்து நல்ல லாபங்களை முன்னேற்றத்தையும் வாரி வழங்கும், தாங்கள் ஓர் இடத்தில் பணிபுரிவதை விட சுய தொழில் செய்வது சகல நிலைகளில் இருந்து லாபத்தை வாரி வழங்கும், அதற்க்கு உண்டான வாய்ப்புகள் தங்களுக்கு வந்துகொண்டு இருக்கின்றது வாழ்த்துக்கள்.

8) இரண்டாவது திருமணத்துக்கு தங்களுக்கு வாய்ப்பில்லை, உங்களுக்கு விருப்பம் இருந்தால் முயற்ச்சி செய்யலாம், அதற்க்கு " ஜோதிடதீபம் " பொறுப்பு ஏற்காது.

9) ஒருவரது ஜாதகத்தில் லக்கினம் எனும் முதல் பாவகம் லாப ஸ்தானமான 11ம் பாவகத்துடன் சம்பந்தம் பெறுவதை விட  வேறு அதிர்ஷ்டம் உலகில் இல்லை எனலாம், தங்களுக்கு 1,5,7,8,11ம் வீடுகள் அனைத்தும் லாப ஸ்தானமான 11ம் பாவகத்துடன் சம்பந்தம் பெறுவது, அதிர்ஷ்டத்தின் தன்மையை தங்களது ஜாதகத்திற்கு இறைஅருள் பரிபூரணமாக வாரி வழங்கி உள்ளது, ஆனால் என்ன தற்போழுது நடைபெறும் புதன் திசை தங்களுக்கு லாப ஸ்தான பலனை ஏற்று நடத்தவில்லை, அடுத்து வரும் கேது மற்றும் சுக்கிரன் திசைகளில் அதிர்ஷ்டத்தின் முழு பலாபலன்களை தாங்கள்  பரிபூர்ணமாக அனுபவிக்கலாம் என்பது வரவேற்க தக்க அம்சமாகும், (அவயோகம் பெற்றவர்களிடம் தாங்கள் ஆலோசனை பெற்றால் மேற்கண்ட கருத்தைத்தான் தங்களுக்கு வழங்குவார்கள்.)

10) தங்களின் அறிவு சார்ந்த முடிவுகள் மட்டுமே தங்களுக்கு சுக குறைவை தரும், எந்த விதத்திலும் தங்களுக்கு பொருள் இழப்பு, சொத்து இழப்பு, மற்றும் பொருளாதார இழப்பு வர வாய்ப்பில்லை.

11) தங்களது களத்திர ஸ்தானம் வலிமை பெற்று இருப்பது, தங்களுக்கு வரும் வாழ்க்கை துணையின் விசாலமான மனப்பக்குவம் கொண்டவர் என்பதை உறுதி செய்கிறது, மேலும் அழகும் அறிவும் ஒருங்கே அமையப்பெற்ற பொறுமைசாலியாக இருப்பர் என்பதும் தெளிவாகிறது. தங்களது இல்லற வாழ்க்கை 100% விகித மகிழ்சசியுடன் சிறப்பாக இருக்கும் என்பதே உண்மை.

12) ஒன்றும் வராது, ஏனெனில் சுய ஜாதகம் மிகவும் வலிமையுடன் உள்ளது, இதை சொன்னவர்களுக்கு வேண்டுமானால் ஏதாவது வராதது வரக்கூடும்.

13) 2ல் ராகு,8ல் கேது இருப்பது தங்களது ஜாதகத்தில் வலிமையாக உள்ளதா? வலிமை அற்று உள்ளதா? என்பதில் தெளிவு தேவை, தங்களது ஜாதகத்தில் 2ல் உள்ள ராகு தங்களுக்கு சிறப்பான நன்மைகளை வழங்குகிறார், 8ல் உள்ள கேது சற்று இன்னல்களை தருகிறார் அவ்வளவே, இதில் சர்ப்ப தோஷத்திற்கு எவ்வித வாய்ப்பும் இல்லை, சாயா கிரகங்கள் வழங்கு பலாபலன்கள் பற்றிய தெளிவு இல்லாத பொழுது, சர்ப்ப தோஷம் என்று கூறிவிடுவது சிலரது இயல்பாக உள்ளது என்பதே முற்றிலும் உண்மை, இதற்கும் தங்களது திருமண தாமதத்திற்கு யாதொரு காரணமும் இல்லை, ராகு வின் வலிமையை தங்களுக்கு வரும் வருமானத்தை கொண்டு தாங்களே சுய மதிப்பீடு செய்யலாம், ராகு கேது பற்றி விரிவாக பதிவு செய்யப்படும்.

14) அப்படி ஒரு நிகழ்வு தங்களின் வாழ்க்கையில் நடைபெறாது, ஏனெனில் லாப ஸ்தானம் வலிமை பெற்று இருப்பது தங்களின் வாழ்க்கையில் அனைத்து வாய்ப்புகளையும் பரிபூரணமாக அனுபவிக்க வைக்கும், குறிப்பாக அடுத்து வரும் கேது திசை மற்றும் சுக்கிரன் திசை தங்களின் வாழ்க்கையில் யோகங்களை வாரி வழங்கும்.

15) களத்திர ஸ்தான வலிமை மற்றும் களத்திர ஸ்தான அதிபதி ஆகியவை தங்களுக்கு மிகவும் சிறப்பாக இருப்பது நிச்சயம் இளம் வயது வாழ்க்கை துணையை பெற்று தரும், மேற்கண்ட கூற்றில் சிறிதும் உண்மை இல்லை அன்பரே, கேது திசை சுக்கிரன் திசை இரண்டு திசைகளும் தங்களுக்கு லாப ஸ்தான பலனை வாரி வழங்குவது அதிர்ஷ்டகரமான எதிர்காலத்தை வாரி வழங்கும் என்பதில் எந்த ஒரு சந்தேகமும் இல்லை அன்பரே!

வாழ்க வளமுடன் 
ஜோதிடன் வர்ஷன் 
9443355696