தொழில் வழியிலான பெரும் நஷ்டங்களும், திடீர் இழப்புகளும் ஏற்பட காரணமாக இருப்பது எது ?

சுய தொழில் அல்லது கூட்டு தொழில் செய்யும் அன்பர்கள் சிலரது வாழ்க்கையில் எதிர்பாராத திடீர் இழப்புகளும், பெருத்த நஷ்டங்களும் நடைமுறைக்கு வருவதற்கு என்ன காரணம், இதை சுய ஜாதக ரீதியாக அறிந்துகொண்டு தவிர்க்க இயலாதா ? இதை போன்ற இழப்புகள் வருவதை நாம் வரும்முன்னரே அறிந்து சுதாரிப்புடன் செயல்பட இயலாதா ? தெளிவான விளக்கம் தர வேண்டுகிறோம்..

லக்கினம் : சிம்மம்
ராசி : கும்பம்
நட்ஷத்திரம் : சதயம் 3ம் பாதம்

மேற்கண்ட கேள்விகளுக்கு உதாரண ஜாதகம் கொண்டு தெளிவு பெறுவோம், ஒருவரது  சுய ஜாதகத்தில் காலபுருஷ தத்துவ அமைப்பிற்கு ஜீவன ஸ்தானமான மகரம் வலிமை அற்று காணப்பட்டாலோ அல்லது லக்கினத்திற்க்கு ஜீவன ஸ்தானமாக அமையும் பாவகம் வலிமை இன்றி காணப்பட்டாலோ ஜாதகர் தாம் செய்யும் தொழில் வழியிலான திடீர் இழப்பு மற்றும் பெருத்த நஷ்டங்களை எதிர்கொள்ளும் சூழ்நிலையை தரும், அல்லது சுய ஜாதகத்தில் 6,8,12ம் வீடுகள் வலிமை அற்று காணப்பட்டால் ஜாதகர் தாம் செய்யும் தொழில் வழியில் இருந்து மீள முடியாத கடன், திடீர் இழப்பு, முதலீடுகளால் ஏற்படும் பெருத்த நஷ்டங்களை அனுபவிக்கும் நிலையை தரும், உதாரணமாக மேற்கண்ட ஜாதகருக்கு சுய ஜாதகத்தில் 6,12ம் வீடுகளை தவிர மற்ற அனைத்து பாவகங்களும் மிகவும் வலிமையுடன் இருப்பது வரவேற்கத்தக்க சிறப்பு அம்சமாகும், இருப்பினும் ஜாதகர் கடந்த சில வருடங்களாக கடுமையான தொழில் வழியிலான பெரும் நஷ்டங்களை சந்தித்து, தொழில் முடக்கம் ஏற்பட்டதற்க்கு காரணம் என்ன ? என்பதனை சிந்தனைக்கு எடுத்துக்கொள்வோம் அன்பர்களே !

  ஜாதகருக்கு லக்கினம் முதல் பெரும்பாலான பாவகங்கள் வலிமையுடன் அமைந்தபோதிலும், கால புருஷ தத்துவ அமைப்பிற்கு 1ம் வீடான மேஷ ராசி பாதக ஸ்தான தொடர்பை பெற்று கடுமையான பாதிப்பையும், 4ம் வீடான கடக ராசி, 10ம் வீடான மகர ராசிகள்,  ஜாதகரின் சிம்ம லக்கினத்திற்க்கு விரையம்  மற்றும் சத்ரு ஸ்தானமாக அமைந்து கடுமையான பாதிப்பை பெற்று இருப்பது ஜாதகரின் வாழ்க்கையில் தாங்க இயலாத தொழில் பின்னடைவை தந்தது, இதன் காரணமாக ஜாதகருக்கு 6ம் பாவக வழியில் இருந்து  கடன் சுமை, தொழில் முடக்கம், எதிரிகள் தொந்தரவு, போட்டியாளர்கள் வழியில் இருந்து வரும் எதிர்ப்புகள் என ஏககாலத்தில் இன்னல்களை தந்து தொழில் முடக்கம் என்ற நிலைக்கு ஜாதகரை அழைத்து சென்றது, மேலும் 12ம் பாவக வழியில் இருந்து ஜாதகர் செய்த அதீத முதலீடுகள் அனைத்தும் கடுமையான நஷ்டத்தை சந்தித்தது, எதிர்பாராத பேரிழப்பை ஜாதகர் அயன சயன ஸ்தான வழியில் இருந்து சந்திக்கும் நிலையை தந்தது, ஜாதகருக்கு சுய ஜாதகத்தில் கடகம் வலிமையாக பாதிக்கப்பட்டு இருக்கும் பொழுது சிறிதும் சிந்திக்காமல் அழிவு நிலையில் உள்ள பொருட்களில் ஜாதகர் முதலீடு செய்தது, ஜாதகரின் தொழில் முடக்கத்திற்கு அடிப்படை காரணமாக அமைந்தது, சுய ஜாதகத்தில் பாதிக்கப்பட்ட பாவகம் சார்ந்த தொழில்களை ஜாதகர் மேற்கொள்வது என்பது " மண் குதிரையை " நம்பி ஆற்றில் இறங்குவதற்கு நிகரான இன்னல்களை வாரி  வழங்கிவிடும், மேலும் மகரமும், கடகமும் சர இயக்கத்தில் நிற்பது  ஜாதகருக்கு ஓர் இரவில் அனைத்தையும் இழந்து தவிக்கும் சூழ்நிலையை தந்து இருக்கின்றது.

மேற்கண்ட ஜாதகத்தில் 6,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று கடுமையாக பாதிக்கப்பட்டாலும், 6,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று விரைய ஸ்தான பலனை  ஏற்று நடத்திய ( சனி திசை ) கேது,சுக்கிரன் மற்றும் சந்திரன் புத்திகள் ( 28/03/2009 முதல் 17/01/2016 ) முழுவீச்சில் அனுபவிக்க வேண்டிய சூழ்நிலையை ஜாதகர் எதிர்கொண்டார் என்பதே இதில் கவனிக்கத்தக்க விஷயமாகும், சுய ஜாதகத்தில் பாவகங்கள் கடுமையாக பாதிக்கப்பட்டு இருந்தாலும் நடைபெறும் திசை அல்லது புத்தி பாதிக்கப்பட்ட பாவக பலனை ஏற்று நடத்தாமல் இருப்பின், பாதிக்கப்பட்ட பாவக வழியில் இருந்து வரும் இன்னல்கள் எதுவும் ஜாதகரை பாதிக்காது, நடைபெறும் திசா புத்திகள் பாதிக்கப்பட்ட பாவக பலனை ஏற்று நடத்தினால் மட்டுமே ஜாதகர் சம்பந்தப்பட்ட பாவக வழியில் இருந்து வரும் இன்னல்களை சந்திக்கவேண்டி வரும் என்பது கவனிக்கத்தக்க மிக முக்கியமான விஷயமாகும்.

ஜாதகருக்கு சனி திசை 3ம் வீடு பூர்வபுண்ணிய ஸ்தானமான 5ம் பாவகத்துடன் சம்பந்தம் பெற்று  சுபயோக பலாபலன்களை வழங்கிக்கொண்டு இருக்கின்ற போதிலும், சனி திசையில்  கேது,சுக்கிரன் மற்றும் சந்திரன் புத்திகள் 6,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று கடுமையான இன்னல்களை தந்தது ஜாதகரின் தொழில் வாழ்க்கைக்கே மூடுவிழா நடத்திவிட்டது, ஜாதகரின் திருப்தியற்ற மன நிலையும், தெளிவற்ற முடிவுகளும் 12ம் பாவாக வழியில் இருந்து நடைமுறைக்கு வந்ததே ஜாதகருக்கு மேற்கண்ட கடுமையான பாதிப்பை வழங்க அடிப்படை காரணமாக அமைந்தது, சனி திசையில் மேற்கண்ட புத்திகள் விரைய ஸ்தான பலனை ஏற்று நடத்திய போதிலும், சனி திசை புதன் புத்தி பாதக ஸ்தான பலனை ஏற்று நடத்தியது ஜாதகரின் வாழ்க்கையில் வரும் இன்னல்களுக்கு புள்ளையார் சுழி போட்டது என்பதை மறுப்பதற்கு வழியில்லை.

சுய ஜாதகம் எவ்வளவு வலிமையுடன் இருப்பினும் நடைபெறும் திசை, புத்தி ( நவகிரகங்களின்  எந்த கிரகத்தின் திசை புத்தி என்றாலும் ) வலிமை பெற்ற பாவக பலனை ஏற்று நடத்தினால் மட்டுமே  ஜாதகர் சம்பந்தப்பட்ட பாவக வழியில் இருந்து சுபயோக பலாபலன்களை அனுபவிக்க இயலும், மேற்கண்ட ஜாதகம் போல் வலிமை அற்ற பாவாக வழியிலான பலாபலன்களை ஏற்று நடத்தினால் ஜாதகரின் கதி அதோகதிதான்  என்பதில் சந்தேகம் இல்லை. எனவே ஓவொருவரின் சுய ஜாதகத்திலும் நடைமுறையில் உள்ள திசா புத்திகள் ஏற்று நடத்தும் பாவாக தொடர்பு நிலையை கருத்தில் கொண்டு வாழ்க்கையை சிறப்பாக அமைத்துக்கொள்வதே சாலச்சிறந்தது.

குறிப்பு :

ஜாதகருக்கு தற்போழுது நடைபெறும் ராகு புத்தி எதிர்வரும் குரு புத்திகள் முறையே  வலிமை பெற்ற 1,3,5ம் பாவக பலனையும், 7,11ம் பாவக பலனையும் ஏற்று நடத்துவது ஜாதகருக்கு பரிபூர்ண அதிர்ஷ்டத்தை தரும் என்பதால் விழிப்புணர்வுடன் செயல்பட்டு சுபயோக வாழ்க்கையை சுவீகரிக்க " ஜோதிடதீபம் " அறிவுறுத்துகிறது.

வாழ்க வளமுடன்
ஜோதிடன் வர்ஷன்
9443355696

சுய ஜாதகத்தில் மறைவு ஸ்தானங்கள் ( 2,6,8,12 ) வலிமை இழந்தால் ஜாதகருக்கு நன்மை நடைபெறுமா ?

 சுய ஜாதகத்தில் மறைவு ஸ்தானங்கள் எனும் 2,6,8,12ம் வீடுகள் வலிமை இழந்து காணப்படுவது சம்பந்தப்பட்ட ஜாதகருக்கு வாழ்க்கையில் நன்மைகளை தரும் என்பது பொதுவான கருத்து, தீய ஸ்தானங்கள் வலிமை இழப்பது ஜாதகருக்கு நன்மைதரும், தீமைகள் வெகுவாக குறையும் என்பது முற்றிலும் ஜாதக கணிதத்திற்கு புறம்பானதாகவே "ஜோதிடதீபம்" கருதுகிறது, சுய ஜாதகத்தில் லக்கினம் முதல் 12 பாவகங்களும் வலிமை பெற்று இருப்பதே சம்பந்த பட்ட ஜாதகருக்கு யோகத்தை நல்கும் அமைப்பாகும், துர் ஸ்தானங்கள் என்று அழைக்கப்படும் 2,6,8,12 ம் வீடுகள் வலிமை இழப்பது சம்பந்தப்பட்ட ஜாதகரை மேற்கண்ட பாவக வழியில் இருந்து தரும் இன்னல்களை அதிகரிக்கும், அடிப்படையில் மறைவு ஸ்தானங்களாக கருதப்படும், 2,6,8,12ம் வீடுகள் ஒரு ஜாதகருக்கு இன்னல்களை மட்டுமே தரும் என்று கருதுவது தவறான அணுகுமுறையே, மேற்கண்ட பாவகங்கள் வலிமை பெறுவது ஜாதகருக்கு தனது பாவக நிலையில் இருந்து நன்மைகளையும் தரும்  என்பதை கருத்தில் கொண்டு சுய ஜாதக பலன் காண முற்படுவதே சால சிறந்தது.

மறைவு ஸ்தானங்கள் என்று அழைக்கப்படும் 2,6,8,12 பாவகங்கள் வழியில் இருந்து ஜாதகர் பெரும் நன்மைகள் :

1) 2ம் பாவக வழியில் இருந்து ஜாதகர் குடும்ப வாழ்க்கையில் பெரும் மகிழ்ச்சி, சந்தோசம், நிம்மதி, நிலையான வருமானம், இனிமையான பேச்சு திறன், வாக்கு பலிதம், வருமானம் மூலம் ஜாதகர் பெரும் பொருளாதார வளர்ச்சி, ஜாதகருக்கு வருமானம் வரும் வாய்ப்புகள், தொடர் வருமானம், ஜாதகரின் பொருளாதார முன்னேற்றம், ஜாதகரின் வாழ்க்கை துணை ஜாதகருக்கு தரும் ஆதரவு, பொருளாதார திட்டமிடுதல்கள், சேமிப்பு, தனசேர்க்கை, கையிருப்பு, தனலாபம், தொழில் லாபம், அளவற்ற செல்வம், வரவு செலவுகள் சிறப்பு, சொத்துக்கள் மூலம் வருமானம் பெறுதல், கல்வியின் வழியில் வருமானம், அறிவு பூர்வமான செயல்களினால் வெற்றி, என ஜாதகரின் வருமான வாய்ப்புகளை சிறப்படைய செய்ய நிச்சயம் சுய ஜாதகத்தில் 2ம் பாவகம் வலிமை பெறுவது அவசியமாகிறது.

2) 6ம் பாவக வழியில் இருந்து ஜாதகர் தமக்கு வரும் உடல் தொந்தரவுகளை எதிர்க்கும் வல்லமை, ஜாதகருக்கு வரும் எதிர்ப்பு மற்றும் சவால்களை சரியான விதத்தில் எதிர்கொண்டு வெற்றி பெரும் யோகம், தேர்வு மற்றும் தேர்தல்களில் வெற்றி, வட்டி வரவு செலவு, கடன் மூலம் யோக வாழ்க்கை, பணியாளர்கள் மூலம் நன்மை மாற்றும் ஒத்துழைப்பு, மருந்து மற்றும் மருத்துவ உபகரணம் மூலம் லாபம், வழக்குகளில் வெற்றி மற்றும் லாபம் சூது மற்றும் பங்கு சந்தைகளில் லாபம், அனைத்திலும் வெற்றி, எந்த தடையும் இனி அனைத்திலும் வெற்றி பெரும் யோகம், சமாதான பிரியர், பணியாற்றுவதில் ஆர்வம், தோல்வி மற்றும் ஏமாற்றங்களே ஜாதகருக்கு வெற்றியாக மாறுதல் என்ற வகையில் நன்மைகளை பெற சுய ஜாதகத்தில் சத்ரு ஸ்தானமான 6ம் பாவகம் வலிமை பெறுவது அவசியமாகிறது.

3) 8ம் பாவக வழியில் இருந்து ஜாதகர் பூர்ண ஆயுள் பலம், விபத்துகள் மற்றும் இழப்பு அற்ற வாழ்க்கை, உயில் மூலம் லாபம், திடீர் அதிர்ஷ்டம், புதையல் யோகம், இன்சூரன்ஜ், பங்கு வர்த்தகத்தில் லாபம், லாட்டரி மற்றும் பரம்பரை சொத்துக்கள், பெண்கள் வழியில் லாபம், மற்றவர் பணம் கையிருப்பு, எதிர்பாராத யோக வாழ்க்கை, திடீர் தன சேர்க்கை, வாழ்க்கை துணை வழியில் இருந்து வரும் யோக வாழ்க்கை, அவர்கள் வழியில் கிடைக்கும் சொத்து சுக  சேர்க்கை, வெற்றிகரமான வியாபரம், எதிர்பாராத திடீர் லாபம், மருத்துவ துறையில் செல்வ சேர்க்கை, தந்தை மற்றும் முன்னோர்களின் சொத்துக்களை சுவீகரிக்கும் வல்லமை, அந்நியரின் சொத்துக்களை பராமரிக்கும் மற்றும் அனுபவிக்கும் யோகம், பினாமி வழியிலான சொத்துக்களை நிர்வகிக்கும் யோகம் என்ற வகையில் நன்மைகளை பெற சுய ஜாதகத்தில் ஆயுள் ஸ்தானமான 8ம் பாவகம் வலிமை பெறுவது அவசியமாகிறது.

4) 12ம் பாவக வழியில் இருந்து ஜாதகர் அதிக முதலீடுகள் செய்வதால் பெரும் தன்னிறைவான பொருளாதர முன்னேற்றம், திருப்தியான யோக வாழ்க்கை, வெளிநாடுகள் மற்றும் வெளியூரில் பிரபல்யம் மற்றும் சொத்து சேர்க்கை, மருத்துவம் மற்றும் மருந்துகள் மூலம் மிகுந்த லாபம், பயணம் மூலம் லாபங்கள், அறிய இரத்தின சேர்க்கை, புதையல் மற்றும் மண்ணிற்கு கீழ் கிடைக்கும் உலோக பொருள்கள் மூலம் லாபம், மனோதத்துவத்தில் நிபுணத்துவம், புலனுக்கு அப்பாற்ப்பட்ட சக்திகள் இயங்குவதன் மூலம் ஜாதகர் பெரும் யோக வாழ்க்கை, தாம்பத்திய இன்பம், சுகபோகம், கூட்டு செயல்களில் லாபம், திடீர் லாட்டரி யோகமும் தன சேர்க்கையும் உண்டாகும், திடீர் பொருள் வரவு என்ற வகையில் என்ற வகையில் நன்மைகளை பெற சுய ஜாதகத்தில் விரைய ஸ்தானமான 12ம் பாவகம் வலிமை பெறுவது அவசியமாகிறது.

மேற்கண்ட ஜாதகருக்கு சுய ஜாதகத்தில் 2,6,8,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெறுவதுடன், 5,11ம் வீடுகளும் விரைய ஸ்தானமான 12ம் பாவகத்துடன் சம்பந்தம் பெறுவது ஜாதகரின் பொருளாதாரம், குடும்பம், சுய முன்னேற்றம், அதிர்ஷ்டம், மற்றும் தன லாபம் ஆகியவற்றை பதம் பார்க்கும் அமைப்பாகும், 5ம் வீடு பாதிப்படைவது, ஜாதகருக்கு புத்திர பாக்கியத்திர்க்கு தடையையும், 11ம் வீடு பாதிப்பது ஜாதகரின் தன்னம்பிக்கை, அதிர்ஷ்டம், சுய லாபங்களை கேள்விக்குறியாக்கும், மேலும் ஜாதகரின் விரைய ஸ்தானம் ஸ்திர ராசியில் அமைவது நிலையான சிரமங்களை மேற்கண்ட பாவக வழியில் இருந்து வாரி வழங்கும்.
 
மேலும் தற்போழுது நடைபெறும் சனி திசை ( 31/12/2012 முதல் 01/01/2032 ) 2,6,8,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று முழு வீச்சில் விரைய ஸ்தான பலனை ஏற்று நடத்துவது ஜாதகருக்கு மிகுந்த சிரமத்தை தனது திசையில் தரும் அமைப்பாகும், சுய ஜாதகத்தில் மேற்கண்ட பாவகங்கள் பாதிக்கப்பட்டது இன்னல்களை தரும் அமைப்பு என்ற போதிலும், தற்போழுது நடைபெறும் சனி திசை விரைய ஸ்தான பலனையே ஏற்று நடத்திடுவது ஜாதகருக்கு மிகுந்த இன்னல்களை தரும் அமைப்பாகும், தரப்பொழுது நடைபெறும் சனி திசை காலத்தில் ஜாதகர் பெருவாரியான அமைப்பில் குடும்பம் மற்றும் பொருளாதர சிக்கல்களையும், ஜீவன மேன்மையற்ற தன்மையையும் அனுபவித்துக்கொண்டு இருக்கின்றனர், ஜாதகரின் குடும்ப வாழ்க்கையில் வாழ்க்கை துணையுடனனான இன்னல்களையும், வருமானம் சார்ந்த தொந்தரவுகளும் தற்போழுது அதிக அளவில் இருப்பது கவனிக்க தக்கது, மேலும் சுய தேவைகளை பூர்த்தி செய்துகொள்ளும் வல்லமையை கூட ஜாதகருக்கு தற்போழுது நடைபெறும் சனி திசை தரவில்லை என்பது, சனி திசை 2,6,8,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெற்று ஸ்திரமான விரைய ஸ்தான பலனை தருவதே அன்றி வேறு எதுவும் இல்லை அன்பர்களே!

எனவே சுய ஜாதகத்தில் மறைவு ஸ்தானங்கள் வலிமை இழப்பது ஜாதகரின் வாழ்க்கையில் மிகுந்த கடுமையான பாதிப்புகளை தரும் என்பதே முற்றிலும்  உண்மை, மாறாக சுய ஜாதகத்தில் மறைவு ஸ்தானங்கள் வலிமை இழப்பது நன்மையை தரும் என்று கருதுவது முற்றிலும் ஜாதக கணிதத்திற்கு புறம்பானதாகவே அமையும் என்பதில் மாற்று கருத்து இல்லை.

வாழ்க வளமுடன்
ஜோதிடன் வர்ஷன்
9443355696

ராகு கேது பெயர்ச்சி பலன்கள் - மீன லக்கினம்

சாய கிரகங்கள் என்று போற்றப்படும் " ராகு கேது" பெயர்ச்சி, கால புருஷ தத்துவ அமைப்பிற்கு 12ம் ராசியான மீன  ராசியை, லக்கினமாக கொண்ட அன்பர்களுக்கு, லக்கினத்திற்கு 12ல் ராகு பகவானும், 6ல் கேதுபகவானும் சஞ்சாரம் செய்து, இனி வரும் 18 மாதங்களுக்கு வழங்கும் பலாபலன்களை பற்றி ஆய்வு செய்வோம் அன்பர்களே!

மீன இலக்கின சிறப்பு இயல்புகள் :

மீன ராசியை  ஜென்ம லக்கினமாக பெற்ற அன்பர்களுக்கு, லக்கினம் வலிமை பெறும் பொழுது, ஜாதகரின் பொறுமையும் சுய கட்டுபாடும் அதிகரிக்கும், எண்ணத்தில் தெளிவும், சிறந்த செயல்திறனும் ஜாதகரின் வாழ்க்கையில் நல்ல முன்னேற்றங்களை வழங்கும், தனிப்பட்ட செயல்திறனும், மற்றவர்களை பின்பற்றாமல் சுய முயற்ச்சியின் மூலம் வாழ்க்கையில் முன்னேற்றம் பெரும் யோகம் பெற்றவர்கள், கலைகளில் சிறந்து விளங்கும் யோகமும், சாஸ்திர ஞானமும் இயற்க்கையாவே அமைய பெற்றவர்கள், கல்வி கேள்விகளில் நல்ல அறிவும், மேற்கொள்ளும் லட்சியங்களில் வெற்றியையும் தங்கு தடையின்றி பெறுவார்கள், சுதந்திர மனபாண்மையும், விசாலமான அறிவு திறனும் ஜாதகரின் வாழ்க்கையில் பல வெற்றி வாய்ப்புகளை வாரி வழங்கும், ஆன்மீகத்தில் வெற்றியும் பொது வாழ்க்கையில் தூய்மையையும் கடைபிடிக்கும் நல்லவர்கள், கலை துறையில் குறுகிய காலத்தில் பெயரையும் புகழையும் சம்பாதிக்கும் யோகத்தை  தரும், மீன இலக்கின அன்பர்களுக்கு வாழ்க்கையில் முன்னேற்றம் என்பது ஒரே சீராகவும், சரியான திட்டமிடுதல்களுக்கு ஏற்ப்ப சிறப்பாகவும் அமையும், மனதிற்கு எட்டாத விஷயங்களில் புலமை பெற்றவர்களாக திகழ்வார்கள், நல்ல மனோதத்துவ நிபுணர்களாக செயல்படும் தன்மை பெற்றவர்கள், சூழ்நிலையை சிறப்பாக கையாளும் வல்லமையை இயற்கையாகவே பெற்று இருப்பார்கள்.

கடந்த ராகு கேது பெயர்ச்சி மீன இலக்கின அன்பர்களுக்கு லக்கினத்தில் கேதுவும், 7ல் ராகுவும் சஞ்சாரம் செய்து இலக்கின பாவக வழியில் இருந்து நன்மைகளையும் களத்திர ஸ்தான வழியில் இருந்து அதிக அளவில் இன்னல்களையும் வாரி வழங்கியது, ஆனால் தற்பொழுது 12ல் சஞ்சாரம் செய்யும் கேது பகவானால் தங்களின் வாழ்க்கையில் மன நிம்மதி மற்றும் சந்தோசம் அதிகரிக்கும், புதிய முதலீடுகளில் ஆர்வமும் லாபமும் உண்டாகும், இதுவரை வாழ்க்கையில் போராட்டங்களை சந்தித்து கொண்டு இருந்த அன்பர்களுக்கு நல்ல தீர்வுகளும், சிறப்பான விருத்திகளும் கிட்டும், தேவையற்ற வீண் செலவினங்கள் குறையும் மனதில் தன்னம்பிக்கையும், தைரியமும் அதிகரிக்கும், இதுவரை கனவாக இருந்த லட்சியங்கள் யாவும் பூர்த்தி அடையும்,  நிம்மதியான உறக்கம் தங்களின் மனதில் தெளிவான  சிந்தனையை தரும், குறைகள் அனைத்தும் விலகி வாழ்க்கையில் அனைத்து வசதி வாய்ப்புகளையும் அனுபவிக்கும் யோகம் உண்டாகும், வெகுநாள் மன குறைகள் தீரும், உறவுகள் வழியில் இருந்து நல்ல ஆதரவும் உதவியும்  கிடைக்க பெறுவீர்கள், அதிரடியான தொழில் முன்னேற்றங்கள் தங்களின் வாழ்க்கையில் மிகப்பெரிய மாற்றங்களை வாரி வழங்கும், பல ஆன்மீக திருத்தலங்களுக்கு சென்று வரும் வாய்ப்பும், ஆன்மீக பெரியோர்களின் ஆசியும் தங்களுக்கும் தங்களது குடும்பத்திற்கும் பரிபூரணமாக கிடைக்க பெறுவீர்கள், புதிய சொத்துகள், மற்றும் புதிய வண்டி வாகனம்  வாங்கும் யோகம்  உண்டாகும், வழக்குகளில் வெற்றி கிட்டும், தாம்பத்திய வாழ்க்கையில் சந்தோசம் மிகும், தம்பதியர் ஒற்றுமை மேலோங்கும், எதிர்பார்ப்புகள் அனைத்தும் நிறைவேறும், கேதுபகவானின் சஞ்சாரம் தங்களின் வாழ்க்கையில் பல அதிர்ஷ்டங்களை வாரி வழங்கும்.

6ல் சஞ்சாரம் செய்யும் ராகு பகவான்  தங்களின் எதிரிகளுக்கு சிம்ம சொப்பனமாக திகழ செய்வார், எதிரிகளின் செயல்களே தங்களுக்கு மிகப்பெரிய வெற்றி வாய்ப்பை வாரி வழங்கும், தன்னிறைவான தொடர் பொருளாதார வெற்றி, வீரியமிக்க செயல்பாடுகள் மூலம் வாழ்க்கையில் முன்னேற்றம் பெரும்  யோகம் என்ற போதிலும், வயிறு சார்ந்த தொந்தரவுகள் தங்களின் முன்னேற்றத்தை சிறிது பாதிக்க கூடும், பூர்வீகம் சார்ந்த சொத்துகள் கிடைக்க வாய்ப்புண்டு, செய்யும் தொழில் சிறப்பான முன்னேற்றத்தை பெரும் யோக காலமாக இந்த ராகு கேது பெயர்ச்சியை கருதலாம், உயர்கல்வி மற்றும் ஆராய்ச்சி படிப்பு போன்றவற்றில் தேர்ச்சியும், அரசு உத்தியோகமும் கிடைக்க வாய்ப்புண்டு, காவல் துறையில் பணியாற்றும் அன்பர்களுக்கு திடீர் பதவி உயர்வும், திறைமைக்கு   உண்டான பரிசும் கிடைக்க பெறுவார்கள், அரசியலில் உள்ள அன்பர்களுக்கு நல்ல பதவி தேடிவரும், எதிர்பார்ப்புகள் நிறைவேறும், மக்கள் செல்வாக்கு அதிகரிக்கும், வெளியூர் வெளிநாடுகளில் இருந்து நல்ல வருமானமும் தொழில் விருத்தியும் உண்டாகும், எடுக்கும் முயற்ச்சிகள் திடீர் வெற்றியையும் எதிர்பாராத அதிர்ஷ்டத்தையும் வாரி வழங்கும், இதுவரை   பகைமை பாராட்டிய அன்பர்கள் இனிவரும் காலங்களில் நண்பர்களாக மாற வாய்ப்புண்டு, தங்களின் மனதில் எண்ணிய காரியங்கள் யாவும் வெற்றி மேல் வெற்றியை தரும், புதிய வாய்ப்புகளும் சந்தர்ப்பங்களும் தங்களுக்கு சிறந்த எதிர்காலத்தை அமைத்து தரும்.

மொத்தத்தில் எதிர்வரும் ராகுகேது பெயர்ச்சி மீன  இலக்கின அன்பர்களுக்கு 100% விகிதம் மன நிம்மதியையும், எதிர்பாராத தொழில் முன்னேற்றம் மற்றும் பதவி  உயர்வை வாரி  வழங்கும் என்பதில் எவ்வித சந்தேகமும் இல்லை, மீன  இலக்கின அன்பர்கள் அனைவரும் ராகுகேது பெயர்ச்சியால் 12ம் பாவகம் மற்றும்  சத்ரு ஸ்தான வழியில் இருந்து மிகுந்த நன்மைகளை பெறுகின்றனர் என்பது  கவனிக்க தக்க அம்சமாகும்.

குறிப்பு :

மேற்கண்ட பலாபலன்கள் மீன இலக்கின அன்பர்களுக்கு, தற்பொழுது நடைபெறும் திசாபுத்திகள் 12 மற்றும் 06ம் பாவக பலனை ஏற்று நடத்தினால் மட்டுமே 100% சதவிகிதம் நடைபெறும், எனவே மீன இலக்கின அன்பர்கள் சுய ஜாதகத்தில் தற்பொழுது நடைபெறும் திசாபுத்திகள் 12,06ம் பாவக பலனை ஏற்று நடத்துகிறதா? என்பதில் தெளிவு பெறுவது அவசியமானதாக "ஜோதிடதீபம்" கருதுகிறது.

வாழ்க வளமுடன்

ஜோதிடன் வர்ஷன்

9443355696

கால சர்ப்ப தோஷம் முடிவடைந்த பின்பும் துன்பம் ஏன் ?

மதிப்பிற்குரிய  ஐயா ,

பிறந்த திகதி 13/06/1977 , 
பிறந்த இடம் - யாழ்ப்பாணம் , ஸ்ரீலங்கா ,
பிறந்த நேரம் இரவு 8.02 (8.02pm)

எனது ஜாதகத்தை வாக்கிய பஞ்சாங்க முறையில் கணிக்கும் ஜோதிடர்களிடம் காட்டிய போது எனக்கு கால சர்ப்ப தோஷம் இருப்பதாகவும் அது எனது 32 வயது வரை கெடுதலை தரும் என்று கூறினார்கள், அதே போல் திருக்கணித ஜோதிடர்களிடம் காட்டிய போதும் அதே பலனை கூறினார்கள், அவர்கள் கூறியது சரியானதுதான் . 2009 ஆம் ஆண்டு வரை நான் மிக மோசமான காலகட்டத்தில் இருந்தேன் (உயிர் அபாயம் ), எனது 32 வயது முடியும் கால பகுதியில் எனது மிக மோசமான கால கட்டங்கள் ஒரு முடிவுக்கு வந்து விட்டது, எனினும் நான் 2009 ஆம் ஆண்டு ஆகஸ்ட் மாதம் இந்தியா வந்து காளகஸ்தியில் கால சர்ப்ப தோஷ நிவர்த்தி செய்தேன் .
ஆனாலும் உயிருக்கு அச்சுறுத்தலான மோசமான கால கட்டங்கள் ஒரு முடிவுக்கு வந்தாலும் நான் இன்றுவரை நல்ல நிலையில் இல்லை . இன்றுவரை என் எதிர்காலம் குறித்து 0.1% கூட முடிவு செய்து முடியாத மிகவும் மோசமான நிலையில் இருக்கின்றேன்.

கால சர்ப்ப தோஷம் முடிவடைந்த பின்பும் இந்த கேடுகாலம் தொடர காரணம் என்ன ?  இந்த கேடுகால நிலைமைகள் என்று முடிவுக்கு வரும் ?
கால சர்ப்ப தோஷ காலப்பகுதியில் பல தடவை மயிரிழையில் உயிர் தப்பி இருக்கின்றேன், எந்த பலனால் (கிரக ) எனக்கு உயிர் பாதுகாப்பு கிடைத்தது என்று அறிய முடியுமா ? உங்கள் மேலான பதிலை அறிய காத்திருக்கின்றேன் 

தங்கள் உண்மையுள்ள 
-----------------------------------

அன்பு நண்பரே !

தங்களது கேள்விக்கு உண்டான பதில்களை பார்ப்போம்.

கேள்வி 1: 
கால சர்ப்ப தோஷம் முடிவடைந்த பின்பும் இந்த கேடுகாலம் தொடர காரணம் என்ன ?

பதில் 1 : 
தங்களது சுய ஜாதகத்தில் 3ம் பாவகத்தில் அமர்ந்த கேது 3ம் பாவகத்தை வலிமை பெற செய்யவதும், 9ம் பாவகத்தில் அமர்ந்த ராகு பாதிப்புகளை வழங்குவதும் எதார்த்தமான உண்மை நிலை, இதில் சாய கிரகங்களின் பாதிப்பு என்பது தங்களுக்கு பிராண ஆபத்தை தரும் என்பது முற்றிலும் ஜாதக உண்மைக்கு புறம்பானதாகவே "ஜோதிடதீபம்" கருதுகிறது.

 தங்களது பிராண ஆபத்திற்கு காரணாம் தங்களது சுய ஜாதகத்தில் லக்கினம் பாதக ஸ்தானமான 7ம் பாவகத்துடன் சம்பந்தம் பெறுவதும், 8ம் வீடு ஆயுள் ஸ்தானமான 8ம் பாவகத்துடன் சம்பந்தம் பெறுவதும், 6,12ம் வீடுகள் விரைய ஸ்தானமான 12ம் பாவகத்துடன் சம்பந்தம் பெறுவதும், 12ம் பாவகம் கால புருஷ தத்துவ அமைப்பிற்கு, ஆயுள் ஸ்தானமாக அமைவதும் தங்களுக்கு மரணத்திற்கு ஒப்பான கண்டத்தை தந்தது.

 தங்களது சுய ஜாதகத்தில் 1,7ம் வீடுகள் பாதக ஸ்தான வழியில் இருந்து பாதிப்பையும், 6,12ம் வீடுகள் விறைய ஸ்தான வழியில் இருந்தும், 8ம் வீடு ஆயுள் ஸ்தான வழியில் இருந்தும் கடுமையாக பாதிக்கபட்டு இருப்பதாலேயே, தங்களுக்கு மரண ஆபத்தை தந்தது, மேலும் 8ம் வீடு ஆயுள் ஸ்தானமான 8ம் பாவகத்துடன் தொடர்பு பெறுவது, தங்களுக்கு மரண பயத்தை தந்த போதிலும், நீண்ட ஆயுளை வழங்கி இருப்பது கவனிக்க தக்கது, எனவே ஆயுள் பற்றி தாங்கள் கவலைப்பட  தேவையில்லை.

கேள்வி 2:  
இந்த கேடுகால நிலைமைகள் என்று முடிவுக்கு வரும் ?

பதில் 2:
தங்களுக்கு இதற்க்கு முன் நடந்த சந்திரன் திசை பூர்வபுண்ணிய ஸ்தான அமைப்பில் இருந்து 100% விகித நன்மையான பலனையும், பாதக ஸ்தான அமைப்பில் இருந்து 200% விகித அதிதீமையான பலனையும் கலந்து வழங்கி இருக்கிறது.

அதற்க்கு அடுத்து நடந்த, செவ்வாய் திசை ஆயுள்,மற்றும் விரைய ஸ்தான அமைப்பில் இருந்து 100% விகித அதிதீமையான பலனையும் கலந்து வழங்கி இருக்கிறது.

தற்பொழுது நடைபெறும் ராகு திசை ( 03/09/2003 முதல் 02/09/2021 வரை) விரைய ஸ்தான அமைப்பில் இருந்து 100% விகித அதிதீமையான பலனையும் வழங்கி கொண்டு இருக்கிறது, இதில் 12ம் பாவகம் ஸ்திர நீர் ராசி என்பதால் தங்களின் மனநிலை சார்ந்த இன்னல்களே அதிக அளவில் இருக்கும், உடல் மற்றும் ஆயுள் சார்ந்த இன்னல்கள் தங்களுக்கு வர வாய்ப்பில்லை என்பதை கருத்தில் கொண்டு நலம் பெறலாம்.

கேள்வி 3: 
கால சர்ப்ப தோஷ காலப்பகுதியில் பல தடவை மயிரிழையில் உயிர் தப்பி இருக்கின்றேன், எந்த பலனால் (கிரக ) எனக்கு உயிர் பாதுகாப்பு கிடைத்தது என்று அறிய முடியுமா ?

பதில் 3: 
தாங்கள் மயிரிழையில் உயிர் தப்பியதிற்க்கும், கால சர்ப்ப தோஷத்திற்கும் எவ்வித சம்பந்தமும் இல்லை, தங்களுக்கு ஆபத்து வந்ததிற்கு காரணம் பாதக ஸ்தானம், ஆயுள் ஸ்தானம், விரைய ஸ்தானத்தின் கூட்டுகலவையான கெடுபலன்களே.

 தாங்கள் உயிர் தப்பியதிற்க்கு காரணம், பூர்வ புண்ணிய எனும் 5ம் வீடு லாப ஸ்தானத்துடன் தொடர்பு பெற்று வலிமை அடைந்து அதிர்ஷ்டத்தை வழங்கியதும், பாக்கியம் எனும் 9ம் வீடு பூர்வ புண்ணிய ஸ்தானமான 5ம் பாவகத்துடன் சம்பந்தம் பெற்று பித்ருக்கள் ஆசியையும், குல தேவதையின் ஆசியையும் ஒருங்கே இணைந்து "இறைஅருளின்" கருணையை தங்களுக்கு முழு அளவில் வழங்கியதுமே உண்மையான காரணமாக இருக்கின்றது.

ஒருவரின் சுய ஜாதகத்தில் 11ம் பாவக வலிமையை வைத்து இப்பிறவியின் பலாபலன்களை  அறிய இயலும் தங்களது சுய ஜாதகத்தில் 11ம் பாவகம் மிகவும் வலிமை பெற்று இருப்பதால் தங்களுக்கு அதிர்ஷ்ட வாழ்க்கையும், மிகவும் யோகமான காலமும், காத்துகொண்டு இருக்கிறது என்பது மட்டும் உறுதி, அப்படிபட்ட சிறப்பான யோக வாழ்க்கையை தாங்கள் தேடி பெறுவதிலேயே இறை அருளின் சூட்சமம் அடங்கி உள்ளது, சிறப்பான தேடுதல்களும், தன்னம்பிக்கையான மன நிலையும், உறுதியான நல்எண்ணங்களும் தங்களுக்கு மிக உயர்வான யோக வாழ்க்கையை வாரி வழங்கும்.

வாழ்த்துகள் 

வாழ்க வளமுடன் 
ஜோதிடன் வர்ஷன் 
9443355696

ராகு சுய ஜாதகத்தில் அமர்ந்த பாவகத்தின் வலிமையும், தனது திசையில் வழங்கும் பலன்களும் !

  சுய ஜாதகத்தை இயக்குவதில் மிக முக்கிய பங்காற்றுவது லக்கினம் முதல் பனிரெண்டு பாவகங்களின் வலிமையே என்றால் அது மிகையில், இந்த நிலையில் பாவகங்களின் வலிமையை, நவ கிரகங்கள் தான் அமர்ந்த நிலையில் இருந்தும், பார்வை தரும் நிலையில் இருந்தும் நிர்ணயம் செய்கின்றது, நவகிரகங்கள் தனது திசை,புத்தி,அந்தரம் மற்றும் சூட்சம நிலைகளில் சுய ஜாதகத்தில் வலிமை அல்லது வலிமை அற்ற பாவகங்களின் தன்மையை ஏற்று நடத்தும் பொழுது, தான் ஏற்று நடத்தும் பாவகங்களின் வலிமைக்கு ஏற்ப, யோக அவயோக பலன்களை நடைமுறைக்கு கொண்டு வருகிறது.

உதாரணமாக ஒருவரது சுய ஜாதாக்தில் சனி திசை நடைபெறுகிறது என்று வைத்துகொண்டால், அவரது ஜாதகத்தில் சனி எங்கு அமர்ந்து உள்ளார், அந்த வீடுகளை பார்வை செய்கிறார், அமர்ந்த இடத்தில் என்ன பலனை பெறுகிறார் ( ஆட்சி,உச்சம்,நட்பு,சமம்,பகை,நீசம் அல்லது லக்கினத்திற்கு எந்த வீடுகளில் அமர்ந்துள்ளார், எந்த கிரகத்துடன் சேர்ந்துள்ளார் ? ) என்பதை அடிப்படையாக கொண்டு தனது திசையில் பலனை வழங்குவார் என்று கணிதம் செய்வது முற்றிலும் தவறான அணுகுமுறையாகவே "ஜோதிடதீபம்" கருதுகிறது, ஏனெனில் எந்த ஒரு கிரகமும் தான் அமர்ந்த அல்லது பார்த்த பாவகத்தின் பலனையே தனது திசையில் தரும் என்று கணிதம் செய்வது சரியானது அல்ல, சுய ஜாதகத்தில் நவ கிரகங்கள் எந்த பாவகத்தில் அமர்ந்து இருந்தாலும் சரி, தனது திசையில் எந்த பாவகத்தின் பலனை ஏற்று நடத்துகிறது என்ற கணிதம் தெரியாத பொழுது, சுய ஜாதக பலனை நிர்ணயம் செய்வதில் மிக பெரிய பிழை ஏற்ப்பட்டு விடும், ஜோதிடர் தாம் சொல்லும் பலன்களுக்கும், ஜாதகருக்கு நடைமுறையில் நடைபெறும் பலன்களுக்கும் சம்பந்தமே இல்லாமல் போய்விடும் வாய்ப்பு உண்டு இதை ஓர் உதாரண ஜாதகம் கொண்டு விளக்கம் பெறுவோம் அன்பர்களே !

லக்கினம் : சிம்மம் 
ராசி : துலாம் 
நட்சத்திரம் : சித்திரை 4ம் பாதம் 

மேற்கண்ட சிம்ம இலக்கின ஜாதகருக்கு ராகு பகவான் சிம்மராசியில் உள்ள  12ம் பாவகத்தில் அமர்ந்து 100% விகித வலிமையுடன் இருப்பது ஜாதகருக்கு அருங்கலைகளில் ஆர்வமும், யோக,தியானம் மற்றும் தவம் மூலம் ஆன்மீக வெற்றிகளையும், அதிக அளவில் முதலீடு செய்வதால் வரும் பெரிய வருமானங்களும், மருத்துவத்தில் தேர்ச்சியும், மருந்துகள் மூலம் அபரிவிதமான முன்னேற்றமும், ரகசிய செயல்களில் வெற்றியும், மறைமுக விஷயங்களில்  தெளிவும் தேர்ச்சியும், புலன் இன்பங்களில் இருந்து விடுபடும் யோகமும், வெளிநாடுகளில் இருந்து வரும் செல்வாக்குகள், தனிபட்ட முன்னேற்றங்கள், இல்லற வாழ்க்கையில் திருப்தியும், போதும் என்ற மனமும், ஆன்மீகத்தில் புதிய தேடுதல் விளக்கங்களும், ஆன்மீக அன்பர்களின் ஆசியின் மூலம் வாழ்க்கையில் பிறப்பின் பலன்களை முழுமையாக பெரும் யோகமும், மன நிம்மதியான வாழ்க்கை மற்றும் சிறப்பான உறக்கமும், குழப்பம் அற்ற மன நிலையையும், தெளிவான சிந்தனைகள் மூலம் வாழ்க்கையை சிறப்பாக எதிர்கொள்ளும் தன்மையையும் தரும்.

இந்த ஜாதகருக்கு தான் அமர்ந்த பாவக வழியில் மேற்கண்ட நன்மைகளையும், சுய கட்டுபாடு, போதும் என்ற மனம், நிறைவான மன நிலை, உடல் நிலையில் குறைவில்லா ஆரக்கியம், எந்த சூழ்நிலையிலும் மனம் தளராமல் அனைத்தையும் ஏற்றுகொள்ளும் யோகமும், வாழ்க்கை துணை வழியில் இருந்து ஒருமித்த கருத்துகளுடன் இணைபிரியா தாம்பத்திய வாழ்க்கையும், எதிர்கால வாழ்க்கைக்கு தேவையான தேடுதல் மற்றும் தேவைகளை பூர்த்தி செய்யும் திட்டமிடுதல்களும், ஜாதகருக்கு இயற்கையாக அமைந்திருக்கும், குறிப்பாக ஜாதகரின் மன நிலை, மன உறுதி, மன மகிழ்ச்சி எனும் விஷயங்களை எவராலும் உடைக்க இயலாது, ஜாதகரை விழ்த்த நினைக்கும் அன்பர்களுக்கு, மிகப்பெரிய விழ்ச்சியை உருவாக்கும் வல்லமை கொண்டவர், தனது பிறவி பயனை பரிபூர்ணமாக அனுபவித்து முக்தியை பெரும் யோகத்தை ராகு பகவான் ஸ்திரமாக நெருப்பு தத்துவ அமைப்பில் இருந்து தருவார், ஆக ஜாதகருக்கு சுய ஜாதகத்தில் 12ம் பாவகம் மிகவும் வலிமையாக உள்ளது தெளிவாகிறது, சுய ஜாதகத்தில் ராகு 12ம் பாவகத்தில் ( சிம்ம ராசியில் ) அமர்ந்து வலிமை பெற்றது 12ம் பாவக வழியில் மிகுந்த யோக பலனை தரும்.  

ஜாதகருக்கு ராகு திசை பால்ய வயதில் இருந்து பருவ வயது வரை உள்ள காலகட்டங்களில் நடைபெற்றுள்ளது ( 12/12/1980 முதல் 13/12/1998 வரை ) ராகு தனது திசையில் தான் அமர்ந்த பாவக பலனை ஏற்று நடத்தாமல் 1,3,5,9ம் வீடுகள் பாதக ஸ்தானமான 9ம் பாவக பலனை ஏற்று நடத்தியது ஜாதகரின் பருவ வயது வாழ்க்கையை மிகப்பெரிய இன்னல்களுக்கு ஆளாக்கியது, 1ம் பாவக  வழியில் இருந்து ஜாதகரின் அறிவும் உடல் நலமும் வெகுவாக பாதித்தது, பாதிப்பிற்கு ஜாதகரின் நடவடிக்கைகள் காரணமாக அமைந்தது, 3ம் பாவக வழியில் இருந்து சகோதர வழியில் இருந்து இன்னல்களும், முயற்ச்சிகளில் தோல்வியும், கல்விகாலங்களில் பல இடர்பாடுகளையும்  சந்திக்கும் சூழ்நிலையை தந்தது, ஆரம்ப கல்வி பயிலுவதர்க்கே ஜாதகர் கடும் பிரயத்தனம் செய்யவேண்டி வந்தது, 5ம் பாவக வழியில் இருந்து கல்வியிலும் சுய அறிவு திறன் மற்றும் புத்திசாலிதனத்திலும் பெரிய அளவில் சோபிக்க இயலாமல், தனது பூர்வீகத்தை விட்டு பரதேச ஜீவனத்தை மேற்கொள்ள வைத்தது, 9ம் பாவக வழியில் இருந்து தனது பெயருக்கு களங்கம் விளைவிக்கும் செயல்களில் ஈடுபட்டு அனைவரின் ஏச்சுக்கும் பேச்சுக்கும் ஆளாகும் சூழ்நிலையை தந்து, ஜாதகரின் முன்னேற்றத்திற்கு தடையாக நிறைய எதிர்பாளர்கள் அமைந்தார்கள், பொது காரியங்களில் அவமானமும் அவபெயருமே கிடைத்தது, ஜாதகரின் அறிவு திறன் வெகுவாக குறைந்தது, இதனால் ஜாதகர் நடுநிலை கல்வி தோல்வியுடன் முடிவுக்கு வந்தது, வீண் அலைச்சலும், முரண்பட்ட சிந்தனைகளும் ஜாதகரின் எதிர்கால வாழ்க்கையை கேள்விக்குறியாக்கியது.

இந்த ஜாதகத்தில் ராகு பகவான் 12ம் பாவகத்தில் அமர்ந்து 12ம் பாவகத்தை 100% விகித வலிமை பெற செய்த போதிலும், தனது திசையில் பாதக ஸ்தான பலனை ஏற்று நடத்தியதால் ராகு திசை முழுவதும் ஜாதகர் எண்ணிலடங்க துன்பங்களையும்  துயரங்களையும் 1,3,5,9ம் பாவக வழியில் இருந்து அனுபவிக்கும் தன்மையை தந்தது.

பொதுவாக ஒருவரது சுய ஜாதகத்தில் நவகிரகங்கள் தான் அமர்ந்த பாவகத்தின் பலனை ஏற்று நடத்தும் என்று கற்பனை செய்துகொள்வது முற்றிலும் ஜோதிட கணிதத்திற்கு முரண்பட்ட விஷயமாகவே அமையும், எந்த ஒரு கிரகமும் தனது திசையில் எந்த பாவக பலனை ஏற்று நடத்துகிறது  என்ற ரகசியத்தை, உயர்கணித சார ஜோதிட முறைப்படி கண்டுணர்ந்து தெளிவு பெறுவது அவசியமாகிறது, இதன் அடிப்படையில் திசை,புத்தி,அந்தரம் மற்றும் சூட்சமம் தான் ஏற்று நடத்தும் பாவக பலன்களை கருத்தில் கொண்டு, குறிப்பிட்ட ஜாதகருக்கு பலன் காண்பதுவே சம்பந்த பட்ட ஜாதகரின் வாழ்க்கைக்கு சரியான பாதையை வகுத்து தரும், மாறாக நவகிரகம் அமர்ந்த பாவகத்தின் பலனையும், பார்த்த பாவகத்தின் பலனையும் நடத்தும் என்று கணிப்பது முற்றிலும் கற்பனையாகவே அமைந்துவிட வாய்ப்பு உண்டு, சில ஜாதகங்களில் ஆட்சி,உச்சம் பெற்ற கிரகத்தின் திசை எவ்வித யோக பலன்களையும் தராததிற்க்கும், பகை நீச்சம் பெற்ற கிரகத்தின் திசை ராஜ யோக பலன்களை வாரி வழங்குதிற்க்கும், உண்மையான காரணம் மேற்கண்ட உதாரண அமைப்பே, ஆக சுய ஜாதகத்தில் கிரகங்கள் பெற்ற வலிமையை கருத்தில் கொள்ளாமல், பாவகங்களின் வலிமை, நவகிரகங்கள் தனது  திசையில் ஏற்று நடத்தும் பாவகங்களின் தன்மையை  உணர்ந்து, சுய ஜாதக பலன் காணுவதே சிறந்த ஜோதிடரின் அணுகுமுறை, மற்றவை அனைத்து ஜோதிடரின் கற்பனையாகவே அமைந்துவிடக்கூடும், நமது கிராமங்களில் சொல்லும் செலவேந்திரம் ஆனா " குருட்டு பூனை விட்டத்தில் பாய்ந்த கதையாக " மாறிவிடும் என்பதே, முற்றிலும் உண்மை அன்பர்களே !

வாழ்க வளமுடன் 
ஜோதிடன் வர்ஷன் 
9443355696

விரைய ஸ்தானம் எனும் பனிரெண்டாம் பாவகம் வழங்கும் யோக வாழ்க்கை !

விரைய ஸ்தானம் எனும் பனிரெண்டாம் பாவகம் வழங்கும் யோக வாழ்க்கை ! எனும் தலைப்பை காணும் வாசக அன்பர்களுக்கு வியப்பு மேலோங்க வாய்ப்பு உண்டாகலாம், விரைய ஸ்தான அமைப்பில் இருந்து ஒரு ஜாதகர் என்ன யோக பலன்களை அனுபவிக்க இயலும், இந்த பாவக ஜாதகருக்கு அப்படியென்ன யோக வாழ்க்கையை தந்துவிடும் என்ற எண்ணம் வருவது இயற்கையே, பொதுவாக பாரம்பரிய ஜோதிடமுறையில் 6,8,12ம்  வீடுகள் தீய ஸ்தனமாகவே பாவிக்க பட்டு இருக்கிறது, குறிப்பாக 6,8,12ம் பாவக வழியில் இருந்து ஒரு ஜாதகர் நிச்சயம் தீய பலன்களே அனுபவிக்க நேரும் என்பதாகவே இருக்கின்றது, ஜாதகர் மேற்கண்ட 6,8,12ம் பாவக வழியில் இருந்து எவ்வித யோக பலன்களையும் அனுபவிக்க இயலாதா ? என்ற கேள்விக்கு உண்டான சிந்தனையே இந்த பதிவு அன்பர்களே ! இனி 12ம் பாவகத்தை பற்றி சிந்தனைக்கு எடுத்துகொள்வோம்.

வாழ்க்கையில் மனிதனின் செயல்கள் எல்லாம் மனதிருப்தி என்ற இலக்கை நோக்கியே செல்கிறது, இந்த மன திருப்தியை தருவது 12ம் பாவக வலிமையே, மன திருப்திக்காக ஒரு மனிதனை இந்த பனிரெண்டாம் பாவகம் எவ்விதம் ஆட்டி படைக்கிறது என்பதை சற்றே சிந்திப்போம் அன்பர்களே ! பொதுவாக ஒருவரது சுய ஜாதகத்தில் 12ம் பாவகம் வலிமை இழக்கும் பொழுது, ஜாதகர் தனது மனதிற்கு திருப்தியை தருவது எதுவென்று அறியாமல் கடுமையான குழப்பத்திற்கு ஆளாகும் சூழ்நிலையை தருகிறது, உதாரணமாக ஜாதகர் மது பழக்கத்திற்கு அடிமையாகும் முன்பு, தனக்கு மன திருப்தியை தருவதாக மற்றவர்கள் சொல்ல கேட்டு, மது பழக்கத்திற்கு அறிமுகமாகிறார், இறுதியில் ஜாதகரின் மனம் திருப்தியை பெறுகிறதா ? என்றால் நிச்சயம் இல்லை, மது பழக்கத்தால் ஜாதகரின் மனம் திருப்தியை பெற்று இருந்தால் உண்மையில் ஜாதகர் அந்த பழக்கத்தில் இருந்து 100% சதவிகிதம் விடுபட்டு அல்லவா இருக்க வேண்டும், ஆனால் நடப்பது என்ன ? ஜாதகர் மீண்டும் மீண்டும் தொடர்ந்து செய்து மன திருப்தியை தேடுகிறார்.

இதை போன்றே அனைத்து தீய பழக்கத்திற்கும் காரணமாக ஜாதகரின், வலிமை அற்ற 12ம் பாவக நிலை அடிகோலுகிறது, இந்த 12ம் பாவகம் வலிமை அற்று போகும் அன்பர்களின் மனதை, மற்றவர்கள் மிக எளிதில் தங்கள் வசப்படுத்தி கொண்டு தங்களுக்கு சாதகமான விஷயங்களை நிறைவேற்றி கொள்கின்றனர், ஒரு அரசியல்வாதி தனது தொண்டனை அடிமையாக வைத்திருக்கவும், ஒரு திரைப்பட நடிகர் தனது ரசிகர்களை தனது கைக்குள் வைத்திருக்கவும், ஒரு தீவிரவாத தலைவன் தனக்கு கிழ் சிலரை மூளை சலவை செய்து அடிமைகளாக வைத்திருக்கவும், போலி ஆன்மீகவாதி தனது சீடர்களை தனக்கு கிழ்படிந்து நடக்கும் சீடனாக சில நபர்களை பேச்சில் மயக்கி வைத்திருக்கவும், அவர்களின் 12ம் பாவக வலிமையற்ற தன்மையே காரணமாக அமைகிறது, மனிதர்களை மன ரீதியாகவும் உணர்ச்சிகள் ரீதியாகவும் மிக எளிதில் அணுகி அவர்களுக்கு ஒரு மாய தோற்றத்தை ஏற்ப்படுத்தி அவர்களை தன்வசபடுத்த அவர்களின் ஜாதகத்தில் 12ம் பாவக நிலை வலிமை அற்ற தன்மையில் இருப்பதே காரணம் என்றால் அது மிகையில்லை அன்பர்களே !

12ம் பாவகம் வலிமையற்று போகும் பொழுது அந்த ஜாதகர் தனது மனதிற்கு திருப்தி தருவது எதுவென்று அறியாமல் குழப்பத்தின் நடுவிலேயே வாழ்க்கையை நகர்த்தும் சூழ்நிலையை தருகிறது , குழப்பம் என்பது ஒருவருக்கு வந்துவிட்டால் அவர் சரியான முடிவு எடுப்பது என்பது குதிரை  கொம்பாகிவிடும், இவருக்கு சரியான முடிவை தருவது போல் ஒரு மாய தோற்றத்தை ஏற்ப்படுத்தி, அவர்களது தேவைகளை பூர்த்தி சொய்துகொள்ளும் ஆட்களும் உண்டு, ஒருவர் தான் செய்யும் ஒவ்வொரு காரியத்திற்கும் விளைவு அறிந்து செயல்பட அவரது சுய ஜாதகத்தில் 12ம் பாவகம் மிக மிக வலிமையுடன் இருப்பது அவசியம் ஆகிறது, மேலும் தனது மனதில் ஏற்ப்படும் குழப்பங்களுக்கு தானே தீர்வை தேடும் வல்லமை பெற 12ம் பாவக வலிமை 100% விகிதம் உதவி புரியும் என்பதில் மற்று கருத்து இல்லை அன்பர்களே, வாழ்க்கையில் சிலர் திடீர் என முடிவெடுத்து தற்கொலை செய்துகொள்ளும் சூழ்நிலைக்கு ஆளாக்குவது இந்த  12ம்  பாவக வலிமை அற்ற தன்மையே என்றால் அது மிகையில்லை, அற்ப காரணங்களுக்காக வாழ்க்கையை முடித்துகொள்ளும் எண்ணத்தை ஜாதகருக்கு தருவது இந்த 12ம்  பாவகத்தின் வலிமை அற்ற தன்மையே  காரணமாக அமைகிறது அன்பர்களே !

வாழ்க்கையில் ஒரு ஜாதகர் தான் எடுக்கும் முடிவுகள் சரியானதா ? அல்லது தவறானதா என்பதை தனது அறிவுக்கு உற்படுத்தி மன ரீதியான தெளிவை பெற சுய ஜாதகத்தில் 12ம் பாவகம் மிக வலிமையுடன் இருப்பது அவசியமாகிறது, ஒருவரது மனதில் குழப்பம் வரும் பொழுது உயிர் சக்தி விரையபடுத்த  படுகிறது, தேவையற்ற சந்தேகம், பயம் மற்றும் மன தைரியம் யாவும், ஜாதகரை ஒரே இடத்தில் முடக்கி வைக்கிறது, அயன சயன சுகம் எனும் நிம்மதியான தூக்கம் வராமல் ஜாதார் மனோ ரீதியாக கடுமையான பாதிப்பை சந்திக்கும் சூழ்நிலை உருவாகிறது, நல்ல தூக்கமே ஒருவரை மன ரீதியாகவும் , உடல் ரீதியாகவும் எப்பொழுதும் புத்துணர்ச்சியுடன் வைத்திருக்கும், சுய ஜாதகத்தில் 12ம் பாவகம் பாதிக்கப்படும் பொழுது இது கேள்விக்குறியாக மாறிவிடுகிறது.

பொதுவாக சுய ஜாதகத்தில் 12ம் பாவகத்தை தீய ஸ்தானமாகவே பாவித்து பலன் காண்பது 
முற்றிலும் தவறான அணுகுமுறையாகவே ஜோதிடதீபம் கருதுகிறது, ஏனெனில் 12ம் பாவகம் வலிமை பெரும் பொழுது ஜாதகர் தனது இயல்பு மாறாத தன்மையுடன் விளங்க செய்கிறது, எவ்வித சூழ்நிலையையும் தாங்கும் மன வலிமையை தருகிறது, தனது எண்ணங்களின் வலிமையின் மூலம் அனைத்தையும் சாதிக்கும் யோக வாழ்க்கையை ஜாதகர் பெற முடிகிறது, ஆன்மீகத்தில் சிறந்து விளங்க ஒருவரின் ஜாதகத்தில் 12ம் பாவகம் வலிமை பெறுவது அவ்ச்சியமாகிறது மேலும் 12ம் பாவகம் நீர் தத்துவ ராசியில் அமைவது மோட்ச வாழ்க்கையை 100 சதவிகிதம் வழங்கும் என்பதும், சர நீர் தத்துவத்தில் 12ம் பாவகம் அமைவதும் வலிமை பெறுவதும் ஜாதகர் ஆன்மீகத்தின் மூலம்  முக்தி பெரும் யோகத்தை தரும், திருப்தி அடைவது என்பது 12ம் பாவகத்தின் தன்மை எனும் பொழுது, ஆன்மா முக்தி பெற்று திருப்தியான பூர்ணத்துவத்தை பெறுவது மேற்கண்ட பாவகத்திலே என்றால் அது மிகையில்லை அன்பர்களே.

பொதுவாக காதலில் 100% விகிதம் வெற்றி பெற்று காதல் திருமணத்தின் மூலம் பரிபூரணத்தை அடைவதற்கு 12ம் பாவக வலிமை மிக மிக அவசியம் தேவை, காதலில் தோல்வி அடைவதும், காதல் தோல்வியின் மூலம் வாழ்க்கையில் விரக்தியின் உச்சிக்கே கொண்டு செல்வது 12ம் பாவகத்தி தன்மையே, இதன் விளைவுகளாக தற்கொலைக்கு முயற்ச்சி செய்வதும், ஸ்திர தன்மையில்லாத காதல் வாழ்க்கையை மேற்கொள்ள வைப்பதும் 12ம் பாவகமே, போதும் என்ற மன நிலையை தாராமல், தொடர்ந்து அடுத்து அடுத்து என்று அலைபாயும் மன நிலையை தருவதும் 12ம் பாவகமே, எதுவும் இல்லை என்றாலும் இருப்பதை வைத்து சிறப்பாக வாழும் வல்லமையை தருவது 12ம் பாவக வலிமையே, ஒருவரின் தேடுதலுக்கு எல்லாம் ஒரு முற்று புள்ளியை வைப்பது 12ம் பாவக வலிமையே, அது பொருள் சார்ந்தது என்றாலும் சரி அறிவு,மனம் மற்றும் இயக்கம் சார்ந்தது என்றாலும் சரி நிச்சயம் இறுதியில் திருப்தி என்ற மன நிலைக்கு ஜாதகரை அழைத்து செல்லும் வல்லமையை தருவது மேற்கண்ட அயன சயன ஸ்தானமே.

இதை தெளிவாக வேதாத்திரி மகரிஷி அய்யா அவர்கள் " தேடுவதை விட்டுவிட்டால் அனைத்தும் அங்கேயே இருப்பது புலனாகும் " எனும் வேதவாக்கின் மூலம் நமக்கு தெளிவு பட நம் அனைவருக்கு சிந்தனையில் உரைக்கும் வண்ணம் அருளியிருக்கிறார், புலனுக்கு எட்டாத அறிவு ஆற்றலை நமக்கு தருவது 12ம் பாவக வலிமையே என்றால் அது மிகையில்லை, 12ம் பாவகம் வலிமை பெறவில்லை எனில் ஒரு ஜாதகரால் தனது அலைபாயும் மன ஆற்றலை ஒருமுகமாக கட்டுபடுத்த இயலாது, ஒன்று படுத்தபட்ட சக்தியை எவ்விதத்திலும் பிரயோகிக்கவும் இயலாது, அருங்குண நலன்களை சீரமைக்கவும்  இயலாது, ஐம்புலன்களையும் கட்டுக்குள் கொண்டு வரவும் இயலாது, மிக துல்லியமாக சொல்ல வேண்டும் எனில் ஜாதகர் தன்னை சுய கட்டுப்பாட்டின் கிழ் கொண்டு வரவும், ஒரு இலக்கை நோக்கி பயணம் செய்ய வைக்கவும் 12ம் பாவக உதவி நிச்சயம் தேவை அன்பர்களே.

 ஒருவருக்கு லக்கினம் எனும் முதல் பாவகம் சிறப்பாக இயங்க வேண்டும் எனில் லக்கினத்திற்கு மேல் இருக்கும் 12ம் பாவகம் வலிமையுடன் இருப்பது அவசியமாகிறது, ஜாதகரின் இயக்கத்தை ஆளுமை செய்யும் தன்மையும் 12ம் பாவகத்திற்கு 100% சதவிகிதம் உண்டு, லக்கினம் சிறப்பு பெறுவது ஒரு வகையில் நன்மை என்ற போதிலும் 12ம் பாவகம் வலிமை பெறுவது ஜாதகரை 100% விகிதம் சிறப்பாக செயல்பட வைக்கும், ஒருவரின் மன திருப்தியே பூரணத்துவத்தை தருகிறது என்றால், அவரது ஜாதகத்தில் அயன சயன ஸ்தானம் வலிமையுடன் இருப்பது முக்கியம் என்பதை கருத்தில் கொள்வது நலம் அன்பர்களே, அயன சயன ஸ்தானம் வலிமை பெரும் பொழுது ஜாதகர் தன்னிலை உணர்வதும், சுய திருப்தி பெறுவதும் இயற்கையாக நடைபெறும், ஒரு ஆன்மீக வாதியையோ, ஒரு நடிகரையோ, ஒரு அரசியல் தலைவரையோ நாடி செல்லும் சூழ்நிலையை தராது, மேற்க்கண்டவர்கள் உண்மையானவர்களாக இருந்து விடில் ஜாதகருக்கு பிரச்சனை இல்லை, அதற்க்கு நேர் மாறாக இருப்பின் ஜாதகர் நிச்சயம் மூளை சலவை செய்து நம்ப வைக்கபடுவார், இதற்க்கு காரணமாக விரைய ஸ்தானம் வலிமை அற்ற நிலை காரணமாக அமைந்துவிடும்.

வாழ்க வளமுடன் 
ஜோதிடன் வர்ஷன் 
9443355696

திடீர் தன சேர்க்கை மூலம் வாழ்க்கையில் முன்னேற்றம் காணும் யோக ஜாதக நிலை !

பொதுவாக பாரம்பரிய ஜோதிட கணிப்பில் 6,8,12ம் வீடுகளை ( பாவகம் ) துர் ஸ்தானம் என்றும் . தீமை செய்யும் பாவகம் என்றும் சொல்வதுண்டு, குறிப்பாக மேற்க்கண்ட பாவகங்கள் எக்காரணத்தை கொண்டும் வலிமை பெறுவது சம்பந்தபட்ட ஜாதகருக்கு அதிக இன்னல்களை வாரி வழங்கும், ஜாதகர் அதன் பாதிப்பில் இருந்து மீள்வது மிக கடினம் என்று கூட சொல்வதுண்டு.

6ம் வீடு அல்லது 6ம் பாவக அதிபதி வலிமை பெரும் பொழுது உடல் நல குறையும், கடன் தொந்தரவுகளையும் வழங்கும் என்றும் , 8ம் வீடு அல்லது 8ம் பாவக அதிபதி வலிமை பெரும் பொழுது ஜாதகர் திடீர் இழப்பு அல்லது திடீர் விபத்துகளை சந்திக்க வேண்டும் என்றும், 12ம் வீடு அல்லது 12ம் அதிபதி வலிமை பெற்றால் ஜாதகர் மன நிம்மதி இழப்பினையும், வீண் விரையங்களையும் சந்திக்க வேண்டி வரும் என்பது பாரம்பரிய ஜோதிடத்தின் கருத்தாக இருக்கிறது , இது முற்றிலும் உண்மையா ? அல்லது இதற்க்கு மாற்று கருத்து இருக்கின்றதா என்பதை பற்றி இந்த பதிவில் சற்றே சிந்திப்போம் அன்பர்களே !

ஜோதிட தீபத்தில் இதற்க்கு முன் எழுதிய பதிவுகளில்  ஒரு ஜாதகருக்கு நன்மை தீமை பலன்களை வழங்கும் அதிகாரம் 12 பாவகத்திர்க்கும் உண்டு என்ற கருத்தை முன் மொழிந்திருப்போம், ஆக ஒருவருடைய சுய ஜாதக அமைப்பின் படி தீமையான பலன்களை மட்டுமே 6,8,12ம் வீடுகள் (பாவகங்கள்)  வழங்கும் என்பது முற்றிலும் ஜோதிட கணிதத்திற்கு புறம்பானது மேற்கண்ட பாவகங்கள் நல்ல நிலையில் ஒரு ஜாதகருக்கு சுய ஜாதகத்தில் அமரும்பொழுது ஜாதகருக்கு வழங்கும் நன்மையான பலன்களை பற்றிய ஒரு சிறு விளக்கம் கிழ்கண்டவாறு அமையும் .

6ம் வீடு (பாவகம்) வலிமை பெரும் பொழுது ஜாதகர் பெரும் நன்மைகள் :

1) ஜாதகர் எதிரிக்கு சிம்மசொப்பனமாக விளங்குவார், ஜாதகரை எதிர்க்கும் அனைவரும் தோல்வியை தழுவ வேண்டி வரும் மேலும் , எதிரிகள் செய்யும் சூழ்சி ஜாதகருக்கு சாதகமாக அமைந்து ஜாதகரை உலக புகழ் பெற வைக்கும்.

2) அரசியலில் திடீர் என முன்னேற்றம் பெறவும், பொதுமக்களின் நீண்ட ஆதரவினை பெரும் யோகத்தை பெறவும், அதிகார பதவிகளை நீண்ட நெடுங்காலம் அனுபவிக்கும் யோகத்தை தருவதும் இந்த சத்துரு ஸ்தானத்தின்  வலிமையே என்றால் அது மிகையாகாது .

3) ஜாதகருக்கு வரும் உடல் ரீதியான தொந்தரவுகள் விரைவில் குணம் பெற வைப்பதும், தனக்கு வரும் உடல் ரீதியான தொந்தரவுகளை தாங்கும் மன வலிமையை  தருவதும், தனது உடல் நிலையில் அதிக கவனமும், உடல் மன நலம் பேணுவதில் சிறந்து விளங்கும் தன்மையினையும், எதிர்ப்புகளை கண்டு அஞ்சாமல் எதிர்த்து போராடும் குணத்தை தருவதும் இந்த சத்ரு ஸ்தானத்தின் வலிமையே .

4) வட்டிதொழில், நிதி நிறுவனம் நடத்தும் யோகம், தன்னை சார்ந்தவர்களை அரவணைத்து அவர்கள் வாழ்க்கையில் முன்னேற்றத்தை காணச்செய்யும் தன்மையை ஜாதகருக்கு தருவது சத்ரு ஸ்தானமே, 6ம் பாவகம் வலிமை பெரும்  பொழுது ஜாதகர் நிதி சார்ந்த தொழில்களை துணிந்து செய்யலாம், ஜாதகரை குறுகிய காலத்தில் மிக பெரிய செல்வ சேர்க்கையை தந்துவிடும்.

5) புதிய உயிர்காக்கும் மருந்துகளை கண்டறிந்து மக்களின் உயிரை காக்கும் வல்லமையை இந்த பாவகமே வழங்குகிறது, ஜாதகரின் பொருளாதார முன்னேற்றமும் இதன் மூலம்  மிகப்பெரிய அளவில் உயரும் என்பது இங்கே கவனிக்க வேண்டிய விஷயம் . 

6) ஒருவருக்கு சுய ஜாதகத்தில் 6ம் வீடு வலிமை பெற்று, நடக்கும் திசை 6ம் பாவக பலனை தரும் பொழுது ஜாதகருக்கு தொடர்ந்து சிறு சிறு அதிர்ஷ்ட வாய்ப்புகள் வந்துகொண்டே இருக்கும், மேலும் ஜாதகரின் பொருளாதார முன்னேற்றம் படி படியாக உயர்ந்த வண்ணமே இருக்கும் . 

8ம் வீடு (பாவகம்) வலிமை பெரும் பொழுது ஜாதகர் பெரும் நன்மைகள் :  

1) முதலில் ஜாதகருக்கு பூரண நீண்ட ஆயுளை தந்துவிடும் , மேலும் நூலிலையில் உயிர்தப்பிக்கும் புண்ணியவான்கள் அனைவரின் ஜாதகத்திலும் ஆயுள் பாவகம் மிகவும் சிறப்பாக அமைந்திருக்கும்.

2) இன்சுரன்ஸ் துறையில் கொடிகட்டி பறக்கும் அன்பர்கள் ஜாதக அமைப்பில் இந்த 8ம் பாவகம் மிகுந்து வலிமை பெற்றிருக்கும், தனது மூதாதையர்களின் சொத்து சுகங்களை உயில் மூலம் பெரும் அமைப்பை தரும், ஜாதகருக்கு வாழ்க்கை துணை வழியில் இருந்து மிகப்பெரிய சொத்து சேர்க்கை உண்டாகும் .

3) ஜாதகரிடம் மற்றவர்களின் பணமே அதிகம் இருக்கும் , குறிப்பாக பெண்கள் மூலம் அதிக லாபம் உண்டாகும், கட்டுமான துறையில் பயன்படுத்த படும் உபகரணங்களினால் ஜாதகருக்கு தொடர்ந்து வருமானம் வந்துகொண்டே இருக்கும், திருமணத்தால் யோக வாழ்க்கை ஜாதகருக்கு நிச்சயம் அமையும்.

4) ஜாதகருக்கு தனது பூர்விக நிலத்தில் இருந்து புதையல் கிடைப்பதும், அதன் மூலம் ஜாதகர் திடீர் தன பிராப்தி யோகம் உண்டாகுவதும், அல்லது புதையலுக்கு நிகரான செல்வ சேர்க்கையை ஜாதகருக்கு திடீர் என தருவதும்  ஆயுள் பாவகத்தின் வலிமையே.

5) யூக வணிகத்தில் கொடிகட்டி பறக்கும் ஜாம்பவான்களின் ஜாதக அமைப்பில்  ஆயுள் பாவகம் மிகுந்த வலிமையுடன் இருக்கும் , பங்குவர்த்தக தொழில் துறையில்  அபரிவிதமான செல்வ சேர்க்கையை தருவது ஆயுள் பாவகமே, ஜாதகர் செய்யும் கூட்டு தொழில் மிகப்பெரிய வளர்சியை பெரும் மேலும் கூட்டு தொழிலால் அதிக லாபம் பெறுவது ஆயுள் பாவகம் வலிமை பெற்றவருக்கே என்றால் அது மிகையில்லை .

6) தான் செய்யும் தொழில், வியாபாரம், ஏற்றுமதி இறக்குமதி சார்ந்த துறைகளில் இருந்தும் , அரசு மானியம் மற்றும் அரசு சலுகைகள் மிக எளிதில் கிடைக்க வேண்டும் எனில் குறிப்பிட்ட ஜாதகருக்கு ஆயுள் பாவகம் வலிமை பெற்றிருக்க வேண்டும் , மேலும் மருத்துவ துறையில் பயன்படுத்த படும் மருத்துவ உபகரணங்களினால் ஜாதகருக்கு மிகப்பெரிய தன சேர்க்கை உண்டாகும் கருப்பு பணம் வைத்திருப்பவர்களின் ஜாதகத்திலும் பெரிய தனவந்தர்களின் ஜாதகத்திலும் ஆயுள் பாவகம் மிகவும் வலிமையுடன் இருக்கும்.

12ம் வீடு (பாவகம்) வலிமை பெரும் பொழுது ஜாதகர் பெரும் நன்மைகள் :

1) மற்றவர்கள் மனதில், மன நிம்மதி மற்றும் மன மாற்றத்தை தரும் அறிய கலைகளில் ஜாதகருக்கு மிகப்பெரிய ஆற்றல் மற்றும் புலமை இயற்கையாக  அமைந்திருக்கும், இதனால் ஜாதகரை சந்திப்பவர்களின் வாழ்க்கையில் மிகசிறந்த எதிர்காலம்  உருவாகும்.

2) யோகசானம் , தியானம், உடற்பயிற்ச்சி, தற்காப்பு கலைகளில் ஜாதகருக்கு அதிக  ஆர்வமும், தேர்ச்சியும் உண்டாகும், தனிப்பட்ட முறையில் எவருடைய உதவியும் இன்றி வாழ்க்கையில் மிக பெரிய வெற்றி பெரும் யோகம் ஜாதகருக்கு உண்டு, தொலைதூர பயணங்களினால் ஜாதகர் மிகப்பெரிய தன சேர்க்கை பெரும் யோக அமைப்பு ஜாதகருக்கு மத்திம வயதில் உண்டாகும்.

3) பொழுதுபோக்கு மற்றும் வீட்டு உபகரண பொருட்கள் மூலம் ஜாதகருக்கு மிகுந்த லாபம் உண்டாகும், இசை மற்றும் கலை துறை சார்ந்த அமைப்புகளில் அதிக வருமானத்தை பெரும் தன்மையை தரும் , கலை துறையில் குறிப்பாக சிறந்த  திரைப்பட இயக்குனர்களின் சுய ஜாதகத்தில் 12ம் வீடு மிகுந்த வலிமையுடன் இருக்கும் .

4) ஜாதகர் செய்யும் முதலீடுகள் 3மடங்கு லாபத்தை தரும், குறிப்பாக 12ம் வீடு வலிமை பெற்ற ஜாதக அமைப்பை சார்ந்தவர்கள் முதலீடு செய்யும் தொழில்களை  தேர்ந்தெடுத்து செய்யும் பொழுது மிகுந்த லாபமும் குறுகிய காலத்தில்  தான் முதலீடு செய்த தொகையை எவ்வித நஷ்டமும் இன்றி எடுத்து விட முடியும் .

5) 12ம் வீடு வலிமை பெறுவது ஜாதகருக்கு நல்ல மன வலிமையை தரும், எந்த ஒரு சூழ்நிலையையும் சமாளிக்கும் மன ஆற்றலை பெற்றிருப்பார் , எடுத்த காரியத்தில் வெற்றி பெரும் வரை உறக்கம் இல்லாமல் ஓயாமல் உழைத்துக்கொண்டு இருக்கும் மன வலிமையை தரும் , மேலும் ஒரு இரவில் தனவந்தனாகும் யோகம் 12ம் வீடு வலிமை பெரும் பொழுதே நடைமுறைக்கு வருகிறது .

6) இறுதியில் ஆன்மீக வாழ்க்கையில் மிகப்பெரிய முன்னேற்றத்தையும், தனது ஆன்மாவை இறை நிலையுடன் கலந்து மோட்ச வாழ்வினை பெறுவதற்கு 12ம் வீடு மிகுந்த வலிமையுடன் இருப்பது அவசியம், தான் யார் என்ற கேள்விக்கு விடை தேடும் அன்பர்களின் ஜாதக அமைப்பில் 12ம் வீடு வலிமை பெற்றிருப்பதை காண முடிகிறது .

ஒருவருடைய சுய ஜாதகத்தில் மேற்கண்ட 6,8,12ம் விடுகள் வலிமையுடன் இருக்கும்  பொழுது நோயற்ற வாழ்க்கையும் , குறைவற்ற செல்வமும் , மன நிம்மதியான குடும்ப வாழ்க்கையும் நிச்சயம் அமைந்திருக்கும் என்பதில் எவ்வித  சந்தேகமும் இல்லை அன்பர்களே ! துர் ஸ்தானம் என்று சொல்லபடுகிற 6,8,12ம் வீடுகள் வலிமை பெரும் பொழுது மேற்கண்ட யோக பலன்களும் , வலிமை இழக்கும் பொழுது இதற்க்கு நேர்மறையான அவயோக பலன்களையும் தரும் , மேலும் அப்படி வலுவிழந்து தீய பலன்களை தரும் பொழுது அந்த பலன்களை ஜாதகரால் எதிர்கொள்ள முடிவதில்லை எனவே தான் 6,8,12ம் வீடுகள் துர் ஸ்தானம் என்று வர்ணிக்கபட்டு இருக்க கூடும் .


வாழ்க வளமுடன் 
ஜோதிடன் வர்ஷன் 
9443355696
jothidadeepam@gmail.com

மறைவு ஸ்தானம் தரும் யோக பலன்கள் !

அண்ணே,
       

எனது கேள்விக்காகத் தாங்கள் நீண்ட ஒரு விளக்கம் தந்த மேன்மைக்கு நன்றி!. இது போல் ஒரு வலைப்பூவில் பாதகஸ்தானம் பற்றிக் கேள்வியெழுப்பியிருந்தேன். அதற்கு அந்த நண்பர் நீங்கள் சொல்வது போல் பாதகஸ்தானம்,பாதகஸ்தான அதிபதி என்பது பற்றியெல்லாம் புரதான ஜோதிட நூல்களில் கூட விளக்கம் இல்லை. நீங்கள் தேவையில்லாத விஷயத்தைப் பற்றிக் குழப்பிக்கொள்ள வேண்டாம் எனக் கூறியிருந்தார்.அவர் சொன்னது மறைவு ஸ்தானங்களை(6,8,12) மட்டும் பார்த்தால் போதும் இது ஒன்றும் அத்தனை முக்கியத்துவமில்லாதது என்று கூறியிருந்தார்.அதனால் தான் நான் தங்களிடம் என் மனதில் தோன்றிய ஐயத்தைக் குறித்து வினவினேன். நான் என் நண்பன் ஜாதகத்திலும்,என் தாயார் ஜாதகத்திலும் பாதகாதிபதிகளின் திசை நடந்த போது அவர்கள்பட்ட மனவேதனையை கேட்டும்,கண்டும் இருந்ததால் இதன் பாதகம் நடைமுறைப்படுத்தும் விதம் குறித்து அறியலானேன்.தங்களின் விளக்கத்தால் தெளிவும் அடைந்தேன். 
பல இளம் ஜோதிட ஆராதகர்கள் மறைவு ஸ்தானத்தைப் பற்றிக்கொண்டு 
இறங்க மறுக்கின்றனர்.பாதகஸ்தானமா? என்று எதிர்கேள்வி கேட்டு நமது மண்டையைக்காய வைக்கின்றனர்,அவர்களுக்கும் இந்தப் பதிவு பயன்படும்.
நன்றிகள் பல!!!

சந்தோசம் தம்பி இந்த இடத்தில் சிறு விளக்கம் தர கடமைப்பட்டு இருக்கிறேன் பாதக ஸ்தானத்தை பற்றி விளக்கம் சில பழமையான ஜோதிட நூல்களில் இருக்கிறது ஆனால் அதைபற்றி பல ஜோதிடர்களுக்கு நிச்சயம் தெரியாது காரணம் தனக்கு எல்லாமே தெரியும் என்ற எண்ணமும் சரியான புரிதல் இல்லாதது மட்டுமே  மேலும் பொதுவான ஜோதிட பலன்களை படித்து விட்டு ஜோதிடம் சொல்லும் நபர்களுக்கு இதை பற்றிய ஆராய்ச்சியெல்லாம் இருக்க வாய்ப்பில்லை அதை பற்றி நமக்கு என்ன கவலை அவர்கள் அனைவரும் தனக்கு ஒரு வருமானம் தரும் தொழிலாக மட்டுமே ஜோதிடத்தை பார்க்கின்றனர் ஆனால் நாமோ ஜோதிடகலையை இறையருள் நமக்கு தந்த ஒரு பொக்கிஷமாக பார்க்கிறோம் , இந்த பொக்கிஷத்தை சரியாக பயன்படுத்தினால் மனிதகுலம் நிச்சயம் வாழ்க்கையில் பல நன்மைகளை பெரும் என்பதே உண்மை, தம்மை நாடி வரும் அன்பர்களுக்கு சரியான வாழ்க்கை பாதையினை ஜோதிட கணிதம் கொண்டு தெளிவாக தெரிந்து உள்ளது உள்ள படி சொன்னாலே மக்கள் அதன் படி தெளிவாக புரிதலுடன் வாழ்க்கையை சிறப்பாக நடத்துவார்கள் என்பது முற்றியும் சாத்திய படும் ஒரு விஷயமே .

பொதுவாக ஒரு ஜாதக அமைப்பில் மறைவு ஸ்தானம் என குறிப்பிட படும் , ஆறு ,எட்டு மற்றும் பனிரெண்டாம் பாவக வழியில் இருந்து கெடுதல் மட்டுமே நடக்கும் என்பது பாரம்பரிய ஜோதிட முறையில் சொல்லப்படும் ஒரு விஷயமாக இருக்கிறது, மேலும் இந்த பாவகத்திர்க்கு உட்பட்ட அதிபதிகளின் திசை மற்றும் புத்திகள் நடந்தால் தீமையை மட்டுமே செய்யும் என்பது பல ஜோதிடர்களின் கருத்தாக இருக்கிறது , உண்மையில் மறைவு ஸ்தானம் என குறிப்பிட படும் , ஆறு ,எட்டு மற்றும் பனிரெண்டாம் பாவகத்திர்க்கும் , லக்கினம் முதல் 12 பாவகத்திர்க்கும் இரண்டு வித குணம் உண்டு , சுய ஜாதகத்தில் மேற்கண்ட மறைவு ஸ்தானங்கள் மற்றும் மறைவு ஸ்தானங்களுக்கு அதிபதிகளின் திசைகள்  நல்ல பாவகங்களுடன் தொடர்பு பெற்று பலனை நடத்தினால் நன்மையை தரும் என்று எத்தனை ஜோதிடர்களுக்கு தெரியும் , அந்த ஆண்டவனுக்கே வெளிச்சம் மேலும் மறைவு ஸ்தனங்களும் ஒரு ஜாதகனுக்கு நன்மையை தரும் எனும் உண்மை எத்தனை ஜோதிடர்கள் ஜோதிட கணிதம் கொண்டு அறிந்திருக்க கூடும் , மறைவு ஸ்தானங்கள் நல்ல நிலையில் இருந்து இதன் அதிபதிகளின் திசை மற்றும் புத்திகள் தரும் பலன்களை பற்றி இனி பார்ப்போம் .

ஆறாம் வீடு மற்றும் அதிபதி சுய ஜாதகத்தில் நல்ல நிலையில் இருந்து அதன் திசை நடந்தால் ஜாதகர் பெரும் நன்மை :

திசை முழுவது சிறு சிறு அதிர்ஷ்டங்களை ஜாதகர் பெற்று கொண்டே இருப்பார் , உடலில் ஏற்ப்படும் உடல் நல குறைவுகள் , விரைவான குணம் பெரும் தன்மையை தரும் , கடன் பெறுவதாலும் , கொடுப்பதாலும் ஜாதகர் நன்மை பெறுவார் , எதிரிகளின் சொத்து ஜாதகருக்கு கிடைக்கும் , எதிரிகள் கூட நண்பர்கள் ஆகும் சூழ்நிலை உண்டாகும் , எதிரிகளின் செயல் ஜாதகருக்கு சாதகமாக மாறிவிடும் , ஜாதகரை எதிர்ப்பவர்கள் தோல்வியை தழுவ வேண்டி வரும், தொழில் முன்னேற்றம் என்பது மிக விரைவானதாக இருக்கும் , ஜாதகரின் வளர்ச்சி என்பது எவராலும் அறிந்து கொள்ள இயலாத அளவில் இருக்கும், மேலும் ஜாதகர் மேற்கொள்ளும் முயற்சிகள் யாவும் வெற்றி பெரும் , தனது தாய் மாமன் வழியில் இருந்து அதிக நன்மை பெரும் யோகம் உண்டாகும் , கோர்ட் கேசு ஆகியவற்றில் ஜாதகருக்கு சாதகமான தீர்ப்புகள் கிடைக்கும், சுய ஜாதகத்தில் ஆறாம் வீடு வலிமை பெற்றால் மேற்கண்ட நன்மைகள் ஜாதகர் அனுபவிக்கும் யோகம் உண்டாகும் .

எட்டாம் வீடு மற்றும் அதிபதி சுய ஜாதகத்தில் நல்ல நிலையில் இருந்து அதன் திசை நடந்தால் ஜாதகர் பெரும் நன்மை :

திடீர் அதிர்ஷ்டம் மூலம் ஜாதகருக்கு குபேர சம்பத்து உண்டாகும், லாட்டரி , புதையல் போன்ற அதிர்ஷ்டங்கள் கிடைக்க பெறுவார் , குறிப்பாக ஆயுள் காப்பீடு மற்றும் இன்சுரன்ஸ் துறைகளில் ஜாதகர் கொடி கட்டி பறக்கும் அளவிற்கு  வருமான வாய்ப்புகளை பெறுவார் , மேலும் திடீர் பொருள் வரவும் சொத்து சுக சேர்க்கையும் , எதிர்பாராத பண வரவும் , நிலபுலன் சேர்க்கையும் நிச்சயம் ஏற்ப்படும் , சுய ஜாதகத்தில் எட்டம் வீடு நல்ல நிலையில் இருந்து இந்த வீட்டின் பலன் நடந்தால் மேற்கண்ட நன்மையான பலன்கள் எல்லாம் குறுகிய காலத்தில் நிச்சயம் நடைபெறும் .

பனிரெண்டாம் வீடு மற்றும் அதிபதி சுய ஜாதகத்தில் நல்ல நிலையில் இருந்து அதன் திசை நடந்தால் ஜாதகர் பெரும் நன்மை :

ஜாதகர் செய்த சிறு முதலீடு மூலம் மிகப்பெரிய வருமானத்தை பெரும் யோகம் உண்டாகும் , தொழில் மற்றும் நிலம் நகை வண்டி வாகனம் போன்ற விஷயங்களில் முதலீடு செய்வதால் கிடைக்கும் அபரிவிதமான செல்வாக்கு மற்றும் பண வரவு , ஆன்மீக வாழ்க்கையில் கிடைக்கும் வெற்றி , இறை நிலை பற்றிய தெளிவு தன்னை பற்றி தெரிந்து கொள்ளும் ஆற்றல் , மற்றவர்களின் மன நிலையை தெளிவாக தெரிந்து கொள்ளும் சிறப்பு தகுதிகள் , மன தத்துவ நிபுணர் ஆகும் யோகம் , ஜாதகர் இருக்கும் இடத்தில் இருந்து கொண்டே மன எண்ண ஆற்றல் மூலம் உலகில் நடப்பவைகளை தெரிந்து கொள்ளும் ஆற்றல் , முன்ஜென்ம நினைவுகள் , கர்ம வினை பதிவின் தன்மைகள் , கருமையத்தின் தன்மை , இறை நிலைக்கும் ஜாதகருக்கும் உள்ள தொடர்பு , போன்ற விஷயங்களும் , இதனால் கிடைக்கும் நன்மைகளையும் ஜாதகர் பெறுவது பனிரெண்டாம் வீடு மற்றும் அதிபதி  நல்ல நிலையில் இருந்து அதன் திசை நடந்தால் ஜாதகர் பெரும் யோகம் உண்டாகும் .

இதுவே ஒருவருடைய ஜாதகத்தில் பூர்வ புண்ணியம் எனும் ஐந்தாம் வீட்டு மற்றும் அதன் அதிபதியின் திசை நடக்கும் பொழுது , பூர்வ புண்ணியம் பாதக ஸ்தானதுடன் சம்பந்த பெற்று இருந்தால் , ஜாதகரை பூர்வீகத்தை விட்டே வெகு தொலைவு சென்று பரதேஷ ஜீவனம் செய்ய வைத்து விடும் எனவே  ஒவ்வொரு பாவகதிர்க்கும் நன்மை தீமை செய்யும் பலம் உண்டு என்பது இதன் மூலம் தெளிவாகிறது .

வாழ்க வளமுடன் 

ஜோதிடன் வர்ஷன் 

9443355696

jothidadeepam@gmail.com

குரு பகவான் வழங்கும் குபேர சம்பத்து ! குரு பார்க்க கோடி நன்மை !

குருபகவன் கால புருஷ தத்துவத்திற்கு பாக்கியம் எனும்  ஒன்பதாம் வீட்டிற்கும் ,  மோட்சம் எனும் பனிரெண்டாம் வீட்டிற்கும் அதிபதியாகிறார் , இதில் கால புருஷ தத்துவத்திற்கு பாக்கியம் எனும் ஒன்பதாம் வீடு உபய நெருப்பு தனுசு ராசியாக வருகிறது , மோட்சம் எனும் பனிரெண்டாம் வீடு உபய நீர் மீன ராசியாக வருகிறது , இது  ஜாதக அமைப்பில் எவ்வாறு செயல் படுகிறது என்பதை பற்றி இந்த பதிவில் நாம் இன்று சிந்தனைக்கு எடுத்து கொள்வோம் .

குரு என்ற சொல்லுக்கு  ஒருவரின் அஞ்ஞானம் எனும்  இருள் விலக, அறிவு எனும் தீபம் ஏற்றுபவர் என்று பொருள் . இந்த தனுசு ராசியை நாம் நன்றாக கவனித்தோம் என்றால் இது தெளிவாக நமக்கு புலப்படும் , ஒருவருக்கு வாழ்க்கையில் நல்ல குரு அமைய வேண்டும் எனில் நிச்சயம் அவர் முற்பிறவிகளில் "பாக்கியம்"  செய்து இருக்க வேண்டும் , அப்படி செய்தவர்களுக்கே இந்த பிறவியில் நல்ல குரு கிடைக்க பெறுவார் , அப்படி அமைய பெற்ற ஒரு குரு சுயநலம் அற்றவராகவும் உபய தத்துவத்திற்கு ஏற்றார் போல் உள்ளவராகவும் இருப்பது, இந்த தனசு ராசிக்கு உள்ள தனி சிறப்பு .

ராசி அமைப்பில் சர நெருப்பு , ஸ்திர நெருப்பு , உபய நெருப்பு என  மூன்று வகையாக இறை நிலை பகிர்ந்து தந்து இருக்கிறது , இதில் சர நெருப்பு ஒரு காட்டு தீ போல் எல்லையில்லாமல் கட்டுப்பாடு இல்லாத தன்மையை குறிக்கும், இங்கே ஒருவரின் செயல் பாடுகளை நிர்ணயம் செய்யும் அமைப்பை மேஷ சர நெருப்பு பெறுகிறது , ஸ்திர நெருப்பு என்பது ஒரே நிலையில் எரிந்து கொண்டு இருக்கும் தன்மையை தரும் இங்கே ஒருவரின் உடலின் வெப்பத்தையும் , பூமியின் சீதோஷ்ண நிலையையும் ஸ்திர சிம்ம நெருப்பு நிர்ணயம் செய்கிறது . மற்றவருக்கு உபயோக படும் விதத்தில் உள்ள உபய நெருப்பு , விளக்கு தீபம் , எரிபொருள் சார்ந்த உபயோகம் என்ற அமைப்பில் என்றாலும் இங்கு ஒருவரின் அஞ்ஞானம்  எனும்  இருள் விலக, அறிவு எனும் தீபம் ஏற்றும் தன்மையையே குறிக்கும் .

தனுசு ராசிக்கு அதிபதியான குருவின் தன்மை மேற்கண்ட அமைப்பிலேயே செயல் படுகிறது அதாவது ஒருவரின் அஞ்ஞானம் எனும்  இருள் விலக, அறிவு எனும் தீபம் ஏற்றும் அதி முக்கியமான பொறுப்பை இந்த குருபகவான் ஆளுமை செய்கிறார் , ஒரு ஜாதகருக்கு லக்கினம் எதுவென்றாலும் இந்த தனுசு ராசி அமைப்பு நன்றாக அமைய பெற்றவர்களுக்கு நிச்சயம் நல்ல குரு அமைவார், அவரின் வழிகாட்டுதலில் ஜாதகர் குருவை மிஞ்சிய சீடனாக சிறந்து விளங்கும் யோகம் பெற்றவர்கள் .

  
அறிவாற்றல் கொண்டு அனைத்தையும் சாதிக்கும் திறன் வாய்ந்தவர்கள் , பேராசிரியர் மற்றும் ஆசிரிய பணியில் சிறப்பாக செயல் படும்  தன்மை பெற்றவர்கள் , பல தலை முறைகளுக்கு பலன் தரும் அறிய படைப்புகளை உலகத்திற்கு எவ்வித பிரதி பலனும் பாராமல் தரும் உன்னதமான குணம் பெற்றவர்கள், உலக மக்களுக்கு ஏற்ப்படும் சந்தேகங்களுக்கு உண்மை விளக்கத்தை தரும் பேரறிவாளர்கள் , பொதுவாக தனுசுவில் அமரும் குருவும் , மேஷம் மற்றும்  சிம்ம ராசியில் அமரும் குரு 100 சதவிகித நன்மையை தனது பார்வையின் மூலம் வாரி வழங்குவார் , ஆனால் மிதுனத்தில் அமரும் குருவின் பார்வை பெரும் தனுசுவிற்கு 100 சதவிகிதம் பாதிப்பான பலனையே தரும் .
   
மீன ராசிக்கு அதிபதியான குருவின் ஆற்றல் ஆச்சரியமான ஒரு விஷயம், காரணம் அயன சயன மோட்ச அமைப்பிற்கு அதிபதியாவதால் , ஒருவரின் முற்பிறவியின் பதிவுகளை மனதில் பசுமை மாறாமல் பாதுகாத்து , " வினை பதிவின் " நிலையை அறிவுக்கு உணர்த்தும் அமைப்பாகும் , உபய நீர், மீன ராசிக்கு அதிபதியாகும்  குருபகவான் தனுசு மட்டும் அல்ல  மீனத்திலும்  மக்களின் வாழ்க்கையில் உபயோகம் பெரும் நிலையையே பெறுகிறார், இறை நிலையின் தன்மையை உணர நமக்கு ஒரு நல்ல குரு தேவை , அந்த தேவையை மீன குரு நமக்கு தகுந்த நேரத்தில் அறிமுகப்படுத்துகிறார் , அந்த குருவின் மூலம் நான் யார் என்ற கேள்விக்கு, தெளிவான பதில் நமக்கு நிச்சயம் கிடைக்கின்றது , இதனால் இறை நிலை உணர்தலும் அதன் விளைவாக "கருமைய  துய்மை" பெரும் யோகம் நமக்கு கிடைக்கின்றது .

நல்ல நிம்மதியான உறக்கம்  ஒருவருக்கு நல்ல ஆரோக்கியமான உடல் நிலையும், சிறப்பான மன நிலையும் தரும் , இந்த அமைப்பை பெற்ற  ஜாதகரின் எண்ணங்கள் யாவும் நிச்சயம் செயல் வடிவம்  பெரும் , அப்படி செயல் வடிவம் பெரும் எண்ணங்கள் அனைத்தும் ஜாதகருக்கும் , ஜாதகரை சார்ந்தவருக்கும் மற்றும் சமுதாயத்திற்கும் மிகப்பெரிய நன்மைகளை வாரி வழங்கும் , ஜாதகரின் மன ஆற்றல் அவரின் தன்னம்பிக்கை , எதிர்பார்ப்பு , லட்சியம்  ஆகியவற்றை நிறைவேற இந்த அமைப்பு நல்ல நிலையில் இருப்பது  அவசியம் , மேலும் திடீர் என நிகழும் யோக நிகழ்வுக்கும் இந்த அமைப்பே காரணம் , கலைகளில் ஜாதகருக்கு அபரிவிதமான அறிவாற்றல் நிச்சயம் உண்டு , ஒருவரின் எதிர்மறை எண்ணங்களையும் மாற்றும் சக்தி படைத்தவர்கள் , ஒருவரின் மனதை முழுவதுமாக ஆளும் தன்மை பெற்ற ராசி இதுவாகும் .

மீன ராசி உபய நீர் தத்துவ அமைப்பிற்கு பொதுமக்கள் பயன்படுத்தும் அனைத்து நல்ல நீர் நிலைகளையும் உதாரணமாக எடுத்துக்கொள்ளலாம், அவரவர் சக்திக்கு ஏற்றார் போல் தமக்கு தேவையான அளவு அவரவரே எடுத்துகொள்ளலாம் , மீன ராசிக்கு கடகத்தில் அமர்ந்த குருவின் பார்வையும், விருச்சகத்தில் அமர்ந்த குருவின் பார்வையும் 100 சதவிகித நன்மைகளை வாரி வழங்கும் . ஆனால் கன்னியில் அமர்ந்த குரு மீனத்தை 100 சதவிகிதம் கெடுத்து விடும். இந்த பாவக வழியில் இருந்து ஜாதகர் எவ்வித நன்மையையும் அனுபவிக்க இயலாது , மக்களுக்காக செய்யும் காரியங்கள் ( பொது சேவை ) அனைத்தும் வெற்றி பெரும்.

 தனக்கென்று வரும் பொழுது ஜாதகர் அதிக தோல்விகளை சந்திக்க வேண்டிவருகிறது .எளிமையாக சொல்ல வேண்டும் எனில் " ஏணி படிகள் " போல் மற்றவரை உயரத்திற்கு ஏற்றிவிட்டு தான் அங்கேயே இருக்கும் சூழ்நிலை வரும் இருப்பினும் மன நிம்மதியுடன் இருப்பார்கள்.

ஒருவருடை சுய ஜாதகத்தில் மீன ராசியும் , சுய லக்கினத்திற்கு 12 ம் பாவகமும் பாதிக்கபட்டால் ஜாதகரின் நிலை மிகவும் பரிதாபத்திற்கு உரியது இவர்களின் வாழ்க்கை ஒரு கேள்வி குறியாக மாறிவிட வாய்ப்பு அதிகம் உண்டு, இவர்கள் சரியான ஜோதிட ஆலோசனை பெற்று வாழ்க்கையில் நலம் பெற இறை நிலை அருள் புரியட்டும் .

வாழ்க வளமுடன்  

ஜோதிடன் வர்ஷன்  

9443355696